TEL AVIV, 23 dhjetor /ATSH-ANSA/ – Parlamenti izraelit njoftoi sot se ka miratuar një amendament që u lejon autoriteteve të zgjasin deri në fund të vitit 2027 ndalimin e transmetimit të mediave të huaja të akuzuara për cenimin e sigurisë shtetërore.

I miratuar në prill 2024 gjatë luftës në Gaza midis Izraelit dhe Hamasit, ligji synonte kryesisht kanalin katarian al Jazeera, të cilin autoritetet e akuzuan se shërbente si një mjet propagande për terroristët palestinezë, raporton The Times of Israel.

Fillimisht, ligji ishte i kufizuar në gjendjen e jashtëzakonshme të shpallur në fillim të luftës, e shkaktuar nga sulmi i Hamasit në Izraelin jugor më 7 tetor 2023.

Sipas ligjit, i cili lejon masa të tilla edhe në mungesë të një gjendjeje të jashtëzakonshme, nëse kryeministri përcakton se një media e huaj përbën një kërcënim për sigurinë shtetërore, ministri i komunikimit mund të urdhërojë ndërprerjen e transmetimeve të saj, me kusht miratimin e kabinetit ose një komiteti ministror.

Sipas tekstit të projektligjit, ministri është gjithashtu i autorizuar të mbyllë zyrat e transmetuesit, të sekuestrojë pajisjet e tij të transmetimit dhe të bllokojë faqen e tij të internetit.   /os/

The post FOKUS – Izraeli zgjat ndalimin e Al Jazeera: minon sigurinë shtetërore appeared first on Agjencia Telegrafike Shqiptare.

TEL AVIV, 23 dhjetor /ATSH/ – Ndërsa kryeministri izraelit, Benjamin Netanyahu, po përgatitet të takohet me presidentin amerikan, Donald Trump, në Florida më 29 dhjetor, fokusi është vënë te Irani, por me një ndryshim.

Izraeli është i fokusuar në mënyrë intensive te programi i raketave balistike të Iranit, të cilin e sheh si kërcënimin ekzistencial më urgjent pasi sulmet ajrore amerikano-izraelite dëmtuan rëndë infrastrukturën bërthamore të Iranit gjatë një fushate ajrore 12-ditore në qershor.

Ky ndryshim thekson një divergjencë në rritje mes SHBA-së dhe Izraelit. Trump e ka përshkruar vazhdimisht kërcënimin bërthamor të Iranit si “të shkatërruar”, duke ia atribuar këtë bombardimeve të objekteve në Isfahan, Fordo dhe Natanz. Izraeli pajtohet se programi është kthyer mbrapa për një ose dy vjet.

Megjithatë, ai paralajmëron se raketat, në të cilat Irani po punon, së shpejti mund të mbingarkojnë sistemet mbrojtëse, siç u demonstrua kur 36 nga 550 raketa goditën territorin izraelit në qershor, duke shkaktuar dëme të gjera.

Raketat si prioritet “i menjëhershëm”

Zyrtarë izraelitë, duke folur për NBC News dhe Axios, e përshkruajnë përshpejtimin e programit raketor të Iranit si “më urgjent” sesa programin e tij bërthamor.

Izraeli thotë se Trupat e Gardës Revolucionare Islamike (IRGC) kanë kryer stërvitje dhe e kanë paralajmëruar Uashingtonin se Teherani mund t’i përdorë këto ushtrime si mbulesë për sulme të befasishme.

Kjo vjen mes raportimeve kontradiktore në Iran lidhur me faktin nëse testet e raketave po zhvillohen vërtet.

Mediat iraniane, përfshirë agjencinë e lajmeve Fars të lidhur me IRGC-në, raportuan më 22 dhjetor se forcat e armatosura po kryenin stërvitje, ndërsa përdoruesit në rrjete sociale shpërndanë video dhe pamje të gjurmëve të avujve në qiell mbi Iranin qendror dhe perëndimor.

Megjithatë, transmetuesi shtetëror i mohoi shpejt raportimet, duke cituar një “burim të informuar” të paemëruar, i cili këmbënguli se gjurmët vinin nga “avionë në lartësi të mëdha” dhe pretendoi se asnjë stërvitje nuk po zhvillohej.

Shefi i Shtabit të Forcave të Mbrojtjes së Izraelit (IDF), Eyal Zamir, la të kuptohej për gatishmëri për goditje të reja kundër Iranit “kudo që të kërkohet”, duke i dhënë përparësi linjave të prodhimit që Izraeli druhet se mund të nxjerrin 3.000 raketa në vit.

Netanyahu planifikon t’i paraqesë Trumpit opsione për sulme — të udhëhequra nga Izraeli, të përbashkëta ose të mbështetura nga SHBA-ja — duke argumentuar se raketat mundësojnë luftëra përmes forcave si Hezbollahu dhe Huthit, ndërsa mbrojnë ringjalljen bërthamore të Iranit.

Farzin Nadimi, studiues i lartë në Institutin e Uashingtonit, i tha Shërbimit Iranian të Radios Evropa e Lirë se Izraeli po u bën presion Shteteve të Bashkuara që t’i riklasifikojnë raketat si armë të shkatërrimit në masë.

“Izraeli po përpiqet ta ndryshojë këtë këndvështrim, duke përdorur përvojën e luftës së fundit për të bindur Shtetet e Bashkuara se aftësitë raketore të Iranit janë po aq kërcënuese në mënyrë ekzistenciale sa edhe ato bërthamore”, tha Nadimi.

Ai vuri në dukje hezitimin amerikan, që i sheh armët bërthamore si rrezikun kryesor, tashmë të dobësuar, por shtoi: “Nga këndvështrimi i Izraelit, këto duhet të konsiderohen armë të shkatërrimit në masë për popullin e tij”.

Nadimi paralajmëroi se shkatërrimi total i raketave mund të detyrojë një ndryshim doktrinar në Teheran.

“Nëse Izraeli shkatërron plotësisht aftësitë ofensive raketore të Iranit… ai ose do të duhej të dorëzohej ose të bënte një ndryshim themelor doktrinar”, tha ai, duke shtuar se rruga teknike e Iranit drejt mbushjeve bërthamore mbetet e realizueshme në një laborator të sigurt duke përdorur rezerva uraniumi të pasuruar në 90 për qind.

Vija e kuqe raketore e Iranit

Irani ka pohuar prej kohësh se programi i tij raketor është i panegociueshëm, duke këmbëngulur se është thjesht për mbrojtje. Zëdhënësi i Ministrisë së Jashtme, Esmail Baqaei, e ritheksoi këtë më 22 dhjetor.

“Aftësitë mbrojtëse të Republikës Islamike të Iranit janë projektuar me qëllimin e frenimit të agresorëve nga çdo mendim për të sulmuar Iranin. Në asnjë rrethanë ato nuk janë çështje që mund të diskutohen apo negociohen”, tha ai.

Hamidreza Azizi, studiues në Institutin Gjerman për Çështje Ndërkombëtare dhe të Sigurisë, vuri në dukje se, ndonëse Shtetet e Bashkuara dhe Izraeli mund të duan gjëra të ndryshme nga Irani, ata përputhen në një pikë: “Irani është i dobësuar tani, kështu që është koha për të nxjerrë më shumë lëshime”.

Irani e ka kufizuar rrezen e raketave të tij në 2.000 kilometra, megjithëse muajt e fundit ka lënë të kuptohet se mund ta rrisë këtë kufi nëse e sheh të nevojshme. Azizi tha se Shtetet e Bashkuara dhe Izraeli duan që Irani ta reduktojë rrezen e raketave — një gjë e papranueshme për Teheranin.

Edhe në skenarin e pamundur të një marrëveshjeje për programin raketor të Iranit, ai vuri në dukje se Uashingtoni është i vetëdijshëm se zbatimi do të ishte i vështirë, duke pasur parasysh mungesën e një organi ndërkombëtar monitorues apo të një regjimi garancish për programet raketore.

Në këtë kontekst, Azizi argumentoi se raketat shërbejnë si mjet presioni:

“Së pari, për ta bërë Iranin të heqë dorë plotësisht nga pasurimi [i uraniumit] në territorin e tij; së dyti, për të siguruar lëshime mbi transferimet e armëve te grupe si Hezbollahu ose Houthit”, shtoi ai.

Mediat iraniane, të gëzuara por të shqetësuara

Retorika izraelite rreth programit raketor të Iranit është pritur me një përzierje kënaqësie dhe alarmi në mediat iraniane.

Duke theksuar ritmin e Iranit në rindërtimin e arsenalit të tij raketor pas qershorit, gazeta Javan e lidhur me IRGC-në tha se Izraeli ishte “i tmerruar” nga aftësia e Iranit për të lëshuar qindra raketa në një konflikt të mundshëm. I njëjti qëndrim u pasqyrua edhe nga media të tjera të linjës së ashpër, si agjencia e lajmeve Mehr, shkruan REL.   /os/

The post FOKUS – Raketat e Iranit, prioritet i Izraelit përpara takimit Trump–Netanyahu appeared first on Agjencia Telegrafike Shqiptare.

TEL AVIV, 21 dhjetor /ATSH-DPA/- Izraeli ka miratuar ndërtimin e 19 vendbanimeve të reja hebraike në Bregun Perëndimor të pushtuar, tha sot ministri i Financave, Bezalel Smotrich në X.

Smotrich, një ministër i krahut të djathtë, tha në X se Kabineti Izraelit kishte miratuar propozimin për të shpallur dhe organizuar 19 vendbanimet e reja.

Këtë javë, media izraelite raportoi se Kabineti Izraelit i Sigurisë kishte vendosur të ngrinte 19 vendbanime të reja, por nuk kishte pasur konfirmim zyrtar nga qeveria.

Më shumë se 700 000 kolonë hebrenj vlerësohet se jetojnë midis rreth 3 milionë palestinezëve në Bregun Perëndimor, i cili u pushtua nga forcat izraelite në Luftën Gjashtëditore të vitit 1967.

Kombet e Bashkuara i shohin vendbanimet si një pengesë të madhe për një marrëveshje paqeje, pasi njohja e tyre do të pengonte në mënyrë efektive territorin e vazhdueshëm palestinez në Bregun Perëndimor – në rast se arrihet një zgjidhje me dy shtete.

“Organizata Paqe Tani” e Izraelit, e cila mbështet një zgjidhje me dy shtete, tha se Kabineti i Sigurisë e kishte marrë vendimin më 11 dhjetor.

“Disa nga vendbanimet janë planifikuar në zona ku Izraeli nuk ka pasur më parë prani, ndërsa të tjerat do të ndërtohen në zona palestineze me popullsi të dendur”, tha arganizata në një njoftim.

Ajo shtoi se disa nga vendbanimet do të ndërtoheshin në Bregun Perëndimor verior, në vendet e vendbanimeve që u evakuuan sipas planit të shkëputjes së vitit 2005 dhe se disa nga vendbanimet e reja do të ngriheshin në vendet nga të cilat ishin dëbuar komunitetet palestineze. //a.i/

The post IZRAEL – Miratohen 19 vendbanime të reja në Bregun Perëndimor appeared first on Agjencia Telegrafike Shqiptare.

FLORIDA, 21 dhjetor /ATSH/- Përfaqësues nga Shtetet e Bashkuara të Amerikës, Egjipti, Katari dhe Turqia u takuan në Miami të Floridës për të diskutuar hapat e ardhshëm në planin e paqes për Rripin e Gazës, sipas një deklarate të përbashkët të lëshuar nga i dërguari i SHBA-së, Steve Witkoff, sipas “TRT World”.

Takimi u fokusua në vlerësimin e zbatimit të fazës së parë të marrëveshjes, e cila parashikonte kthimin e pengjeve të gjalla dhe dorëzimin e trupave, në këmbim të lirimit të të burgosurve palestinezë nga Izraeli, si dhe në përgatitjet për nisjen e fazës së dytë të planit

Në një postim në X, Witkoff tha se të gjitha palët kishin rikonfirmuar angazhimin e tyre për të zbatuar planin e paqes prej 20-pikash të presidentit të SHBA-së, Donald Trump.

“Ne vazhduam diskutimet mbi hapat e ardhshëm për zbatimin gradual të Planit Gjithëpërfshirës të Paqes për Gazën. Konsultimet e mëtejshme do të vazhdojnë në javët e ardhshme për të avancuar në fazën e dytë”, thuhet në deklaratë.

Katër ndërmjetësuesit dhe garantuesit i bënë thirrje Izraelit dhe Hamasit të respektonin angazhimet e tyre dhe të tregonin vetëpërmbajtje.

Faza e dytë e planit kërkon çarmatimin e Hamasit, tërheqjen graduale të ushtrisë izraelite nga territori, krijimin e një autoriteti qeverisës të përkohshëm dhe dislokimin e një force ndërkombëtare.

Ndërkohë, armëpushimi në Gaza mbetet i brishtë, pasi Izraeli dhe Hamasi akuzojnë njëri-tjetrin për shkelje.

“Gjashtë persona u vranë të premten në një sulm izraelit ndaj një shkolle të shndërruar në një strehë për personat e zhvendosur”, sipas Mbrojtjes Civile të Gazës.

Ministria e Shëndetësisë e kontrolluar nga Hamasi raportoi se të paktën 401 palestinezë ishin vrarë nga sumet izraelite – që kur armëpushimi kishte hyrë në fuqi.

Tre ushtarë izraelitë janë vrarë gjithashtu gjatë së njëjtës periudhë. //a.i/

The post SHBA – Witkoff takon ndërmjetësuesit për fazën e dytë të planit paqes në Gaza appeared first on Agjencia Telegrafike Shqiptare.

Pretendimi: Izraeli i ka të ndaluara testet e ADN

Verdikti: E pavërtetë

————————————————–

Në rrjete sociale, përfshi ato shqipfolëse, po qarkullon pretendimi se në Izrael ndalohen testet e ADN.

Pretendohet se kjo ndodh sepse testet do të zbulonin se shumë izraelitë nuk ishin etnikisht hebrenj ose nuk kishin paraardhës nga Lindja e Mesme.

Megjithëse Izraeli vendos kufizime domethënëse rregullatore mbi testet e ADN, veçanërisht ato që lidhen me lidhjet familjare, pretendimi se testet e ADN janë tërësisht të paligjshme në Izrael është i rremë.

Ligji i Informacionit Gjenetik i Izraelit (2000) rregullon testimin gjenetik për të mbrojtur privatësinë dhe për të parandaluar keqpërdorimin e të dhënave gjenetike. Ligji nuk i ndalon drejtpërdrejt testet e ADN, por vendos rregulla të rrepta, veçanërisht për testet që përcaktojnë marrëdhëniet familjare. Për shembull, testet e atësisë në Izrael mund të kryhen vetëm me urdhër gjykate. “Një test gjenetik për lidhjet familjare […] nuk do të kryhet përveçse me urdhër të një gjykate familjare”, thotë ligji. Kjo është pjesë e një kuadri më të gjerë të hartuar për të mbrojtur individët nga përdorimi i informacionit të tyre gjenetik pa mbikëqyrje të duhur.

Konfirmim i mëtejshëm se testimi gjenetik nuk është plotësisht i paligjshëm në Izrael, por i rregulluar për qëllime specifike mjekësore dhe parandaluese, mund të gjendet në faqen e internetit të Ministrisë së Shëndetësisë të Izraelit. Një seksion i titulluar “Rekomandime për Testimin Gjenetik” përshkruan udhëzimet për testet që synojnë identifikimin e çifteve në rrezik për t’u kaluar fëmijëve të tyre gjendje të rënda gjenetike.

Ministria e Shëndetësisë e Izraelit tha për Snopes se “sipas dispozitave të Ligjit për Informacionin Gjenetik, testet gjenetike mund të kryhen në Izrael vetëm në laboratorët mjekësorë-gjenetikë të miratuar nga Ministria e Shëndetësisë sipas kushteve të specifikuara në ligj. Qëllimi i ligjit është të ruajë cilësinë e testeve, privatësinë dhe konfidencialitetin mjekësor të subjekteve, si dhe mbrojtjen e të drejtave të të miturve dhe popullatave të tjera të veçanta në kontekstin e gjenetikës.”

The post Izraeli rregullon, por nuk ndalon testet e ADN appeared first on Faktoje.al.

Kryeministri izraelit Benjamin Netanyahu ka njoftuar të mërkurën, 17 dhjetor, se Izraeli ka miratuar marrëveshjen më të madhe të gazit në historinë e vendit, me vlerë rreth 35 miliardë dollarë.

Marrëveshja, e nënshkruar fillimisht në gusht me kompaninë amerikane Chevron dhe partnerët e saj izraelitë NewMed dhe Ratio, parashikon furnizimin e Egjiptit me gaz natyror nga fusha Leviathan.

Izraeli do të eksportojë rreth 130 miliardë metra kub gaz deri në vitin 2040.

Netanyahu tha se marrëveshja do të ndihmojë stabilitetin rajonal dhe do të lehtësojë krizën energjetike në Egjipt, i cili është detyruar të importojë gaz të lëngshëm për shkak të rënies së prodhimit vendas që nga viti 2022.

Chevron e përshëndeti miratimin, i cili hap rrugën për zgjerimin e fushës së gazit

The post Izraeli do të furnizojë Egjiptin me 35 miliardë dollarë gaz appeared first on Albeu.com.

Pretendimi: Një nga autorët e sulmit terrorist të 14 dhjetorit 2025 në Australi, ishte një hebre i quajtur David Cohen

Verdikti: E pavërtetë

——————————————————————-

Më 14 dhjetor 2025, të paktën 16 persona humbën jetën dhe 38 të tjerë u plagosën pasi dy persona të armatosur qëlluan me armë në një aktivitet që shënonte ditën e parë të festës hebraike Hanukkah në Bondi Beach, Australi.

Megjithëse kanë kaluar fare pak ditë nga sulmi terrorist, në rrjete sociale tragjedia ka nisur të frymëzojë keqinformim të shumëllojshëm.

Ndër të tjera, në rrjetet sociale, përfshi ato shqipfolëse, po qarkullon pretendimi se njëri nga autorët është një hebre i quajtur David Cohen. Si provë për këtë sillet pamja e një profili në Facebook me emrin David Cohen. 

Ky pretendim përdoret për të insinuuar se pas sulmit terrorist qëndron Izraeli apo hebrenjtë. 

Megjithatë, pamja e profilit të David Cohen qartazi është gjeneruar me anë të programeve kompjuterike të inteligjencës artificiale (AI). Kjo vërrehet në defektet logjike karakteristike të përmbajtjeve të prodhuara nga AI. 

Ikona e mesazhit shkruan “Emsage” në vend të “Message.” Shkrimi hebraik në pjesën e sipërme djathtas nuk ka asnjë kuptim dhe nuk përkthehet në asgjë. Një nga seksionet e profilit shkruan “Eeopis” (ndoshta në vend të “Friends”), një fjalë pa kuptim që nuk përkthehet. Programet AI shpesh hasin vështirësi në gjenerimin e tekstit brenda imazheve.

Profili “David Cohen” nuk përputhet me paraqitjen ose formatimin e llogarive të vërteta në Facebook. Nën seksionin “About”, shkruan “Shto një mik të ri”, një opsion që nuk gjendet në llogaritë e vërteta të Facebook.

Më tej, disa nga miqtë e supozuar të listuar në profil kanë emra absurdë, të tillë si “Jewish (Hebre) Bronnen” dhe “Jewish (Hebre) Maridlend”.

Policia ka deklaruar se një nga sulmuesit ishte 50-vjeçari Sajid Akram, shtetas indian, që kishte jetuar në Australi për dekada. Ai u vra në një shkëmbim zjarri me oficerët. Personi tjetër ishte djali i tij 24-vjeçar, Naveed Akram, i cili ka pasaportë australiane. Ai u qëllua gjithashtu dhe mbahet në spital nën mbikëqyrjen e policisë.

Naveed u akuzua për 15 vrasje pasi u zgjua nga koma më 17 dhjetor, si dhe për kryerjen e një “akti terrorist” dhe vendosjen e një bombe me qëllim dëmtimin.

Autoritetet australiane kanë thënë se Naveed Akram është një shtetas i lindur në Australi. Nuk ka asnjë provë se ai është izraelit apo hebre.

The post I rremë profili hebre i atentatorit të plazhit Bondi në Australi appeared first on Faktoje.al.

TEL AVIV, 17 dhjetor /ATSH-AFP/- Kryeministri izraelit, Benjamin Netanyahu, njoftoi sonte se ka hapur dritën jeshile për një megamarrëveshje shitjeje gazi me Egjiptin, me vlerë 30 miliardë euro.

“Sot kam miratuar marrëveshjen më të madhe të gazit në historinë e Izraelit. Vlera totale e marrëveshjes arrin 112 miliardë shekel, rreth 30 miliardë euro. Nga kjo shumë, 58 miliardë shekel (rreth 15,3 miliardë euro) do të hyjnë në arkën e shtetit”, tha  Netanyahu në një deklaratë në television.

“Marrëveshja është nënshkruar me kompaninë amerikane ‘Chevron’ dhe partnerët izraelitë që do të furnizojnë gazin për Egjiptin”, shtoi kryeministri.

“Kjo është marrëveshja më e madhe e eksporteve në historinë e shtetit”, vuri në dukje ministri i Energjisë, Eli Cohen, i cili ishte pranë tij.

Kompania izraelite e gazit ”NewMed Energy” njoftoi sot në mbrëmje në një deklaratë se kishte “marrë autorizimin për të eksportuar gaz në Egjipt duke e bërë të mundur marrëveshjen prej 35 miliardë dollarësh”.

“Kjo është një ditë historike për tregun e gazit natyror duke garantuar investime të vazhdueshme në Izrael dhe duke krijuar stabilitet për vitet që vijnë”, tha drejtori ekzekutiv i ”NewMed Energy”, Yossi Abou.

Një projekt tubacioni gazi tokësor prej 65 kilometrash (20 milje) që lidh Izraelin dhe Egjiptin u miratua nga qeveria izraelite në maj 2023, por është vonuar ndjeshëm.

Ndërtimi i tij, që synon të rrisë furnizimet me gaz në Egjipt, pritet të përfundojë në vitin 2029./ /Ad.Ab./ a.jor.

The post TEL AVIV – Izraeli nënshkruan marrëveshjen më të madhe të gazit me Egjiptin appeared first on Agjencia Telegrafike Shqiptare.

Një predhë mortaje e ushtrisë izraelite ka goditur një zonë banimi palestineze në qytetin e Gazës, këtë të mërkurë, duke plagosur të paktën 10 persona, sipas autoriteteve shëndetësore lokale. Incidenti ka ndodhur mbi vijën e armëpushimit të njohur si “Vija e Verdhë”, e cila ndan zonat e kontrolluara nga Izraeli nga pjesa tjetër e territorit.

Drejtori i Spitalit Al-Ahli, Fadel Naeem, konfirmoi se mes të plagosurve ka edhe raste kritike. Ushtria izraelite deklaroi se predha kishte devijuar nga objektivi i synuar, pa dhënë detaje mbi operacionin apo vendndodhjen e trupave.

Ky nuk është rasti i parë që nga hyrja në fuqi e armëpushimit më 10 tetor, ku zjarri izraelit ka shkaktuar viktima palestineze jashtë “Vijës së Verdhë”. Autoritetet palestineze raportojnë mbi 370 të vdekur nga sulmet izraelite që prej fillimit të armëpushimit, ndërsa Izraeli thotë se shumica kanë qenë militantë të Hamasit. Megjithatë, burime ushtarake izraelite pranojnë se ka pasur raste ku janë vrarë civilë, përfshirë fëmijë dhe familje të tëra.

Armëpushimi në krizë

Armëpushimi mes Izraelit dhe Hamasit po përballet me vështirësi për të kaluar në fazën e dytë, e cila parashikon vendosjen e një force ndërkombëtare stabilizuese, një qeverisje teknokratike për Gazën, çarmatosjen e Hamasit dhe tërheqjen e mëtejshme të trupave izraelite.

Izraeli kërkon kthimin e mbetjeve të pengut Ran Gvili përpara se të ecë më tej me marrëveshjen, ndërsa Hamasi kërkon presion ndërkombëtar për hapjen e pikave kufitare dhe lejimin e më shumë ndihmave humanitare. Organizatat ndërkombëtare paralajmërojnë se mungesa e ndihmës ka përkeqësuar kushtet e jetesës për shumicën e 2 milionë banorëve të Gazës, të zhvendosur kryesisht në kampe me çadra.

Bilanci i luftës

Sulmi fillestar i Hamasit më 7 tetor 2023 në jug të Izraelit vrau rreth 1 mijë e 200 persona dhe mori 251 pengje. Që prej atëherë, fushata ushtarake izraelite ka shkaktuar mbi 70 mijë e 660 viktima palestineze, gjysma e tyre gra dhe fëmijë, sipas Ministrisë së Shëndetësisë në Gaza.

The post Armëpushimi nuk po funksionon, Izraeli sulmon zonën e banuar në Gaza, 10 persona të plagosur appeared first on Albeu.com.

Kryeministri izraelit Benjamin Netanyahu njoftoi sonte se i kishte dhënë dritën jeshile një marrëveshjeje të madhe gazi me Egjiptin, një kontratë me vlerë 30 miliardë euro.

“Sot, miratova marrëveshjen më të madhe të gazit në historinë e Izraelit , me vlerë 112 miliardë shekel”, tha kryeministri izraelit në një fjalim televiziv.

|Marrëveshja u arrit në bashkëpunim me kompaninë amerikane Chevron dhe nga shuma totale, 58 miliardë shekel (rreth 15.3 miliardë euro) do të përfundojnë në arkën e shtetit”, shtoi ai.

“Është marrëveshja më e madhe e eksportit (të gazit natyror) në historinë e Izraelit”, tha Ministri i Energjisë Eli Cohen.

Sipas Netanyahut, marrëveshja do të ndihmojë në sigurimin e stabilitetit në rajon dhe do të ndihmojë në kapërcimin e një krize energjitike në Egjipt, i cili ka shpenzuar miliarda dollarë për importe të gazit natyror të lëngshëm pasi prodhimi i tij nuk arriti të përmbushë kërkesën.

Prodhimi i Egjiptit filloi të bjerë në vitin 2022, duke e detyruar vendin të braktisë planin e tij për t’u bërë një qendër rajonale furnizimi. Që atëherë, ai i është drejtuar Izraelit për të përmbushur nevojat e tij.

The post Netanyahu njofton marrëveshje prej 30 miliardë eurosh për shitjen e gazit natyror në Egjipt: Më e madhja në historinë e Izraelit appeared first on Albeu.com.

TIRANË, 14 dhjetor/ATSH/ Ministrja e Ekonomisë dhe Inovacionit, Delina Ibrahimaj drejtoi punimet e Sesionit të Parë të Komisionit të Përbashkët Ekonomik, Shkencor dhe Teknik Shqipëri–Egjipt, i cili u mbajt në Tiranë, në kuadër të Forumit të Biznesit, me qëllim rritjen e bashkëpunimit dypalësh dhe konsolidimin e dialogut institucional mes dy vendeve.

Delegacioni egjiptian u kryesua nga Rania A. Al-Mashat, Ministre e Planifikimit, Zhvillimit Ekonomik dhe Bashkëpunimit Ndërkombëtar të Republikës Arabe të Egjiptit.

Gjatë fjalës së saj, ministrja Ibrahimaj vuri në dukje se Shqipëria dhe Egjipti ndajnë një histori të gjatë miqësie. Ibrahimaj nënvizoi se ky forum përfaqëson një hap të rëndësishëm drejt shndërrimit të kësaj miqësie në bashkëpunim konkret, me përfitime të prekshme për ekonomitë dhe qytetarët e të dy vendeve.

Ibrahimaj deklaroi se prioritet kryesor mbetet nxitja e investimeve të huaja direkte dhe rritja e shkëmbimeve tregtare, si dhe zgjerimi i bashkëpunimit në një gamë të gjerë sektorësh, përfshirë tregtinë dhe investimet, turizmin dhe trashëgiminë kulturore, energjinë dhe ujin, bujqësinë, arsimin e lartë dhe kërkimin shkencor, shëndetësinë dhe industrinë farmaceutike, trajnimin profesional, prokurimin publik, industrinë, strehimin dhe zhvillimin urban, punësimin, kulturën, rininë dhe sportin, teknologjinë e informacionit, aviacionin civil dhe transportin detar.

Ministrja vlerësoi gjithashtu bisedimet teknike të zhvilluara më 12–13 dhjetor, të koordinuara nga zëvendësministri i Ekonomisë dhe Inovacionit, Enkelejd Musabelliu, të cilat krijuan bazën për harmonizimin e pozicioneve dhe përcaktimin e fushave prioritare të bashkëpunimit.

Një pikë e rëndësishme ishte nënshkrimi i Memorandumit të Mirëkuptimit për Forcimin e Bashkëpunimit dhe Shkëmbimin e Ekspertizës në Politikëbërjen Ekonomike Ndërkombëtare, si dhe Memorandumit të Mirëkuptimit mes AIDA dhe GAFI.

Ky memorandum synon të nxisë shkëmbimin e ekspertizës, programet e trajnimit, zhvillimin e kapitalit njerëzor dhe nismat e përbashkëta në mbështetje të inovacionit, digjitalizimit dhe rritjes së qëndrueshme ekonomike.

Duke u ndalur në shifra, Ibrahimaj bëri të ditur se stoku i investimeve egjiptiane në Shqipëri ka arritur në rreth 7 milionë euro, ndërsa rreth 370 ndërmarrje me partnerë egjiptianë operojnë aktualisht në disa rajone të vendit, përfshirë Tiranën, Durrësin, Fierin, Korçën, Shkodrën, Kukësin dhe Vlorën.

Sipas saj, rritja e eksporteve dhe potenciali për diversifikimin e tregtisë dëshmojnë mundësi reale për zgjerimin e mëtejshëm të bashkëpunimit ekonomik.

Ministrja riafirmoi angazhimin e Shqipërisë për forcimin e marrëdhënieve dypalëshe me Egjiptin, vijimin e dialogut institucional dhe ndërmarrjen e hapave konkretë për zbatimin e marrëveshjeve dhe nisjen e projekteve të përbashkëta gjatë vitit 2026, duke shprehur gjithashtu gatishmërinë për zhvillimin e Sesionit të Dytë të Komisionit të Përbashkët në Kajro.

Forumi i biznesit Shqipëri-Egjipt, Foto; Florian Abazaj

1 nga 11

/m.m/a.f/

The post Ibrahimaj: Shqipëria dhe Egjipti forcojnë bashkëpunimin ekonomik appeared first on Agjencia Telegrafike Shqiptare.

TEL AVIV, 14 dhjetor /ATSH-DPA/ – Ministri i Jashtëm izraelit, Gideon Saar kritikoi ashpër qeverinë australiane pas të shtënave në një aktivitet të festës së Hanukkah, në Sidnej.

“Jam i tmerruar nga sulmi me armë zjarri në një aktivitet të Hanukkah në Sidnej, Australi”, shkroi Saar në një postim në platformën e mediave sociale X.

Ai tha se komuniteti hebre ishte shënjestruar dhe se të shtënat e së dielës ishin rezultat i “tërbimit antisemitik në rrugët e Australisë gjatë dy viteve të fundit”.

“Qeveria australiane, e cila mori paralajmërime të panumërta, duhet të vijë në vete!”, shkroi ai.

Autoritetet australiane ende nuk kanë komentuar mbi motivet e mundshme, duke thënë vetëm se dy persona ishin në paraburgim, pas të shtënave në plazhin Bondi.

Media australiane raportoi se u qëlluan dhjetëra të shtëna dhe se pati viktima të shumta.

Shoqata Hebraike Australiane tha se të shtënat ndodhën në një aktivitet publik të Hanukkah./  a.jor.

The post FOKUS – Izraeli kritikon ashpër Australinë pas sulmit vdekjeprurës në Sidnej appeared first on Agjencia Telegrafike Shqiptare.

BERLIN, 13 dhjetor /ATSH-DPA/- Qeveria gjermane ka kritikuar Izraelin për autorizimin e më shumë se 750 njësive të reja banimi në Bregun Perëndimor.

“Qeveria gjermane e kundërshton me forcë këtë veprim”, tha një zëdhënës i Ministrisë së Jashtme dje në mbrëmje.

“Ndërtimi i vendbanimeve jo vetëm që shkel ligjin ndërkombëtar, por edhe pengon zgjidhjen me dy shtete”, shtoi ai.

Zgjidhja me dy shtete i referohet një shteti të pavarur palestinez që ekziston në mënyrë paqësore krah për krah me Izraelin.

Kryeministri izraelit, Benjamin Netanyahu e kundërshton zgjidhjen me dy shtete, ashtu si edhe Hamasi islamist në Rripin e Gazës.

Izraeli autorizoi të mërkurën ndërtimin e 764 njësive banimi, në tre vendbanime në Bregun Perëndimor.

Autoriteti Palestinez u përgjigj duke thënë se kjo politikë kishte për qëllim “ndezjen e rajonit”.

Kabineti izraelit vendosi dje gjithashtu të vazhdojë me legalizimin e 19 posteve ushtarake në Bregun Perëndimor.

Kolonët i ndërtuan këto vendbanime më të vogla me kontejnerë dhe shtëpi pa autorizimin e qeverisë izraelite.

Sipas qeverisë gjermane, pothuajse 30,000 njësi të reja vendbanimi u autorizuan në vitin 2025 – duke përfaqësuar një rekord të ri. //a.i/

The post BERLIN – Qeveria gjermane kritikon Izraelin për vendbanimet e reja në Bregun Perëndimor appeared first on Agjencia Telegrafike Shqiptare.

Araujo ende po përpiqet të rikuperohet nga koha e vështirë që ka kaluar që nga përjashtimi i tij në ndeshjen e fundit të Ligës së Kampionëve kundër Çelsit, gjë e cila e ka mbajtur jashtë fushave që atëherë.

Uruguaiani po kërkon mënyra për t’u shëruar pasi vuan psikologjikisht dhe ka vendosur të udhëtojë për në Izrael. Është një udhëtim shpirtëror që synon ta ndihmojë të relaksohet dhe të kapërcejë problemet psikologjike me të cilat përballet.

Araujo është një besimtar i devotshëm dhe po eksploron të gjitha rrugët e mundshme për t’u ribashkuar me ekipin sa më shpejt të jetë e mundur, që është qëllimi i tij përfundimtar. Për këtë arsye, ai ka zgjedhur të bëjë këtë udhëtim drejt vendit më të shenjtë të Krishterimit për të kërkuar gjithë ndihmën që mund të marrë për të luajtur për Barcelonën sa më shpejt të jetë e mundur.

The post Koha e vështirë, kapiteni i Barcelonës përfundon në Izrael appeared first on Albeu.com.

Izraeli i ka dhënë miratimin përfundimtar për të ndërtuar 764 njësi banimi në tre vendbanime në Bregun Perëndimor të pushtuar, tha të hënën Ministri i Financave Bezalel Smotrich.

Nacionalisti Smotrich, i cili kundërshton krijimin e një shteti palestinez, tha se që kur mori detyrën në fund të vitit 2022, rreth 51,370 njësi banimi janë miratuar nga Këshilli Suprem i Planifikimit i qeverisë në Bregun Perëndimor, territor i kërkuar nga palestinezët për një shtet të ardhshëm.

“Ne vazhdojmë revolucionin”, tha Smotrich në një deklaratë, duke shtuar se miratimet e reja të banesave “janë pjesë e një procesi të qartë strategjik për të forcuar vendbanimet dhe për të siguruar vazhdimësinë e jetës, sigurisë, zhvillimit dhe shqetësimit të vërtetë për të ardhmen e shtetit të Izraelit”.

Njësitë do të ndahen midis vendbanimeve Hasmonaim, pranë Vijës së Gjelbër në Izraelin qendror, dhe Givat Zeev dhe Beitar Illit pranë Jerusalemit.

Shumica e fuqive botërore i konsiderojnë vendbanimet e Izraelit – në tokën që ai pushtoi në luftën e vitit 1967 – të paligjshme, dhe rezoluta të shumta të Këshillit të Sigurimit të OKB-së i kanë bërë thirrje Izraelit të ndalojë të gjitha aktivitetet e vendbanimeve.

“Për ne, të gjitha vendbanimet janë të paligjshme… dhe ato shkojnë kundër të gjitha rezolutave të legjitimitetit ndërkombëtar”, tha për ‘Reuters’, Wasel Abu Yousef, një anëtar i komitetit ekzekutiv të Organizatës për Çlirimin e Palestinës.

Izraeli thotë se vendbanimet janë thelbësore për sigurinë e tij, duke përmendur lidhjet biblike, historike dhe politike me territorin. Sulmet e kolonëve izraelitë ndaj palestinezëve janë intensifikuar.

Të paktën 264 sulme ndaj palestinezëve u raportuan në Bregun Perëndimor në tetor , numri më i lartë mujor që kur zyrtarët e Kombeve të Bashkuara filluan të regjistronin incidente të tilla në vitin 2006, sipas një raporti të Kombeve të Bashkuara.

The post Izraeli jep dritën jeshile për ndërtimin e qindra shtëpive në tre vendbanime në Bregun Perëndimor appeared first on Albeu.com.

TEL AVIV, 9 dhjetor /ATSH-DPA/ – Gazetarët ndërkombëtarë ende nuk lejohen të udhëtojnë në mënyrë të pavarur drejt Rripit të Gazës për të vlerësuar situatën atje, pavarësisht armëpushimit.

Gjykata e Lartë në Jerusalem zhvilloi sot një tjetër seancë lidhur me peticionin e Shoqatës së Shtypit të Huaj (FPA), e cila kërkon akses për gazetarët në zonën e mbyllur bregdetare.

Gjykata i dha sërish qeverisë izraelite një shtyrje tjetër për paraqitjen e qëndrimit të saj.

Sipas FPA-së, kjo është hera e nëntë që shtyhet afati që prej dorëzimit të peticionit në shtator të vitit të kaluar.

Qeveria ka afat deri më 21 dhjetor për të dorëzuar me shkrim pozicionin e saj.

Në një deklaratë, Shoqata e Shtypit të Huaj e quajti situatën “përtej absurdit”.

“Jemi të zhgënjyer që qeveria vazhdon të tërheqë procesin dhe thellësisht të dëshpëruar që gjykata e lejon këtë,” thuhet në deklaratë.

FPA-ja shton se këto vonesa të përsëritura “i kanë privuar njerëzit në mbarë botën nga një pasqyrë më e plotë e kushteve në Gaza dhe kanë tallur procesin ligjor”.

Aksesi në Rripin e Gazës kontrollohet plotësisht nga Izraeli.

Që nga fillimi i luftës në Gaza mbi dy vjet më parë, gazetarët e huaj kanë mundur të vizitojnë territorin vetëm në raste të rralla dhe gjithmonë të shoqëruar nga ushtria izraelite, duke parë vetëm zona të caktuara.

Një armëpushim i brishtë është në fuqi që nga 10 tetori.

Në gusht, presidenti amerikan Donald Trump u bëri thirrje autoriteteve izraelite të lejojnë gazetarët të hyjnë në Rripin e Gazës./   /Ad.Ab./

The post TEL AVIV – Izraeli vazhdon të ndalojë hyrjen e gazetarëve të huaj në Gaza appeared first on Agjencia Telegrafike Shqiptare.

Festivali i Këngës në Eurovision, ngjarja më e madhe muzikore evropiane që synon të bashkojë kontinentin përmes artit, po përballet me një krizë të pashembullt politike dhe institucionale. Edicioni i 70-të, i planifikuar të mbahet në maj në Vjenë, është tronditur nga vendimi i Spanjës dhe Holandës për t’u tërhequr nga pjesëmarrja në vitin 2026, vendim që në orët në vijim u ndoq edhe nga Irlanda dhe Sllovenia.

Tërheqjet erdhën pasi Unioni Evropian i Transmetimeve (EBU) votoi që Izraeli të marrë pjesë në konkurs, pavarësisht kundërshtimeve të forta lidhur me rolin e tij në luftën në Gaza dhe akuzave për manipulim të votave në edicionin e kaluar. EBU u mblodh për të diskutuar pikërisht këto shqetësime, por pas vendimit final për pjesëmarrjen e Izraelit, dy transmetues publikë RTVE i Spanjës dhe AVROTROS i Holandës njoftuan largimin e menjëhershëm.

Drejtori i AVROTROS, Taco Zimmerman, reagoi ashpër duke deklaruar se ky konkurs “nuk është më në përputhje me përgjegjësinë morale të një transmetuesi publik”. Ai shtoi se vlerat universale si humanizmi dhe liria e shtypit janë shkelur në mënyrë të papranueshme.

Nga ana tjetër, Sekretari i Përgjithshëm i RTVE-së, Alfonso Morales, tha se vendimi i EBU për të mbështetur pjesëmarrjen izraelite ka ngritur “dyshime serioze” që e bëjnë të pamundur vazhdimin e Spanjës në festival.

Akuzat për manipulim votash dhe tensionet politike

Konflikti i armatosur në Gaza ka përshkallëzuar tensionet në Eurovision për dy vite rresht. Kritikët argumentojnë se Izraeli nuk duhet të marrë pjesë në një format që promovon paqen dhe bashkimin, ndërsa akuzat për manipulim të votimit të vitit 2025  të cilat EBU i pranoi duke miratuar rregulla më të forta transparence — e përkeqësojnë edhe më shumë situatën.

Ndërkohë, pjesëmarrja e vendit hebre mbështetet nga Austria, organizatorja e edicionit 2026, dhe thuhet se edhe nga Gjermania, duke nxjerrë në pah një përçarje të thellë brenda botës së transmetimit publik evropian.

The post Izraeli mund të marrë pjesë! Katër vende bojkotojnë Eurovision 2026 appeared first on iconstyle.al.

Irlanda, Spanja dhe Holanda do të bojkotojnë Festivalin e ardhshëm Evropian të Këngës, pasi organizatorët vendosën t’i lejojnë Izraelit pjesëmarrjen. Këto shtete ishin në mesin e vendeve që kërkuan përjashtimin e Izraelit, për shkak të kostos humanitare të luftës në Gaza dhe akuzave për parregullsi në procesin e votimit. Pavarësisht thirrjeve për të mbajtur votim mbi pjesëmarrjen e Izraelit…

Source

LONDËR, 4 dhjetor /ATSH/- Organizatorët dhe vendet pjesëmarrëse në konkursin e këngës në Eurovision do të mblidhen sot në një takim – për të diskutuar nëse Izraelit duhet t’i lejohet të vazhdojë garën, mes protestave për mënyrën se si qeveria e tij po zhvillon luftën në Gaza dhe akuzave për praktika të padrejta të votimit, sipas BBC.

Vende duke përfshirë Irlandën, Spanjën, Holandën dhe Slloveninë kanë thënë se do ta bojkotojnë Eurovision-in nëse Izraeli merr pjesë. Gjermania ka lënë të kuptohet se do të tërhiqet nëse Izraeli përjashtohet.

Takimi vjen pasi protestuesit anti-Izrael u përpoqën të prishnin të dy konkurset e vitit 2024 dhe 2025, duke përmendur kundërshtimin e tyre ndaj numrit të të vdekurve palestinezë në Gaza.

Gjatë finales së madhe të këtij viti në Bazel të Zvicrës, dy persona u përpoqën të hynin në skenë dhe të hidhnin bojë mbi konkurrentin e Izraelit, Yuval Raphael. Ata u ndaluan nga anëtarët e ekipit dhe më vonë u arrestuan.

Raphael, zuri vendin e dytë në konkurs, pas një fitoreje bindëse në votimin publik.

Megjithatë, rezultati shkaktoi reagime të ashpra nga vendet e tjera, të cilat thanë se qeveria e Izraelit kishte rritur artificialisht pozicionin e tyre përmes një fushate të gjerë reklamuese të paguar, duke i nxitur njerëzit në të gjithë Evropën të votonin për këngën e tyre.

Izraeli nuk u është përgjigjur këtyre akuzave, por shpesh ka argumentuar se është përballur me një fushatë globale shpifjeje.

Muajin e kaluar, organizatorët e Eurovision-it njoftuan se po shtrëngonin rregullat e votimit të konkursit për të kufizuar ndikimin e qeverive në rezultate.

Pa e përmendur Izraelin, Unioni Evropian i Transmetimeve (EBU) tha se do të ndalonte fushatat promovuese joproporcionale, veçanërisht nëse ato ndërmerreshin ose mbështeteshin nga palë të treta, duke përfshirë qeveritë ose agjencitë qeveritare.

Ai njoftoi gjithashtu se fansat do të mund të hidhnin vetëm 10 vota secili, nga 20 dhe se do të ndërmerreshin hapa për të përmirësuar zbulimin e aktivitetit mashtrues ose të koordinuar të votimit. //a.i/

The post “Eurovision” përballet me vendim të rëndësishëm mbi pjesëmarrjen e Izraelit appeared first on Agjencia Telegrafike Shqiptare.

Ekipi i ABC News ka udhëtuar në kufirin me Gazën, dy vite pas sulmeve terroriste të 7 tetorit. Reportazhi sjell pamje ekskluzive të situatës në terren, fortifikimet e sigurisë së Izraelit dhe dokumenton nga afër masakrën në Kibbutz Nir-Oz, ku militantët e Hamasit vranë 43 civilë, mes tyre edhe fëmijë.

Ndjekim Sali Doçin./abcnews.al