Njësiti policor gjatë kontrollimit të një veturë ka gjetur dhe sekuestruar një shumë prej 138,850 euro.

Sipas raportit 24 orësh të Policisë së Kosovës bëhet e ditur se rasti ka ndodhur të mërkurën rreth orës 20:23, në Çagllavicë.

Tutje thuhet se lidhur me rastin në stacion policor janë sjellë dy të dyshuarit, njëri shtetas gjerman dhe tjetri kosovar.

“Njësiti policor gjatë kontrollimit të automjetit me targa vendore ka gjetur dhe sekuestruar një shumë parashë prej 138,850 € (njëqind e tridhjetë e tetë mijë e tetëqind e pesëdhjetë euro). Lidhur me rasti në stacion policor janë sjell dy të dyshuarit meshkuj njëri shtetas gjerman dhe tjetri kosovar”, thuhet në raport.

Ndërkaq, pas intervistimit me urdhër të prokurorit të dyshuarit janë liruar në procedurë të rregullt. /Telegrafi/

TIRANË, 4 dhjetor /ATSH/ Prokuroria e Vlorës sekuestroi 4 milionë euro pasuri të shtetasit P.C dhe të familjarëve të tij, i cili është nën hetim për dy vepra penale “Falsifikimi i dokumenteve” dhe “Pastrimit të produkteve të veprës penale ose veprimtarisë kriminale”.

Sipas prokurorisë, hetimet e zhvilluara të vitit 2023, çuan në sekuestrimin e pasurive të luajtshme dhe të paluajtshme të këtij shtetasi prona, ndërtesa, biznese dhe truall, të cilat shkojnë në vlerën rreth 4 milionë euro.

Më konkretisht, me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Vlorë u sekuestruan 7 pasuri të llojit “Njësi”, 1 truall, 1 bodrum, 2 apartamente dhe 1 ndërtesë.

/m.q/j.p/

The post Vlorë, sekuestrohen 4 milionë euro pasuri të një personi nën hetim appeared first on Agjencia Telegrafike Shqiptare.

Njësitë Antikontrabandë të Doganës së Kosovës, në orët e hershme të mëngjesit, kanë ndalur një autobus në Autostradën “Ibrahim Rugova”, i cili udhëtonte nga Shqipëria drejt Kosovës pa pasagjerë. Mjeti është shoqëruar për kontroll të detajuar në objektet e Doganës në Prishtinë.

Sipas një postimi në rrjetin social në Facebook bëhet e ditur se gjatë kontrollit, ku janë përdorur pajisjet profesionale të ofruara nga programet e Qeverisë së SHBA-së, përfshirë skanerin e dhuruar së fundmi, si dhe qentë nuhatës të dhuruar nga organizata gjermane GIZ - është zbuluar një sasi prej rreth 120 kilogramësh narkotikë të llojit kanabis.

"Ky zbulim përfaqëson një arritje të jashtëzakonshme në përpjekjet e Doganës së Kosovës për të mbrojtur shoqërinë dhe për të parandaluar trafikun e substancave të ndaluara. Ai vjen vetëm pak javë pas një rasti tjetër të përmasave të ngjashme, i realizuar në bashkëpunim me Policinë e Kosovës dhe Agjencinë e Kosovës për Inteligjencë", thuhet në njoftim.

Tutje bëhet e ditur se rasti i sotëm i është dorëzuar njësive Antidrogë të Policisë së Kosovës për procedura dhe veprime të mëtejshme penale.

"Dogana e Kosovës mbetet e përkushtuar në luftën kundër kontrabandës dhe krimit të organizuar, duke rritur bashkëpunimin me partnerët vendorë dhe ndërkombëtarë për të garantuar sigurinë dhe sundimin e ligjit. Po ashtu, shpreh mirënjohjen e saj të thellë për Qeverinë e Shteteve të Bashkuara të Amerikës për përkrahjen e vazhdueshme ndër vite, përmes donacioneve, trajnimeve dhe asistencës teknike". /Telegrafi/

Sasi e madhe e lëndëve narkotike është kapur e sekuestruar sot në një autobus nga Policia e Kosovës në rajonin e Prishtinës.

Sipas pamjeve të publikuar nga Sistemi Prokurorial kjo sasi e madhe e pakove të mbushura me drogë ishte fshehur në disa qoshe sekrete të autobusit.

Për më shumë shikoni pamjet:

Një histori absurde ka dalë në dritë nga qyteti i Kukësit, ku një qytetar pretendon se prokuroria i ka humbur paratë e sekuestruara gjatë një hetimi penal. Bëhet fjalë për Hysni Hanin, i cili u arrestua në flagrancë në Fushë-Krujë, pasi akuzohej se do të blinte një armë për ta shitur më pas. Pas përfundimit […]

The post Paratë e sekuestruara zhduken brenda prokurorisë, qytetari nga Kukësi: Shteti më vodhi appeared first on BoldNews.al.

TIRANË, 5 nëntor /ATSH/ Prokuroria e Fierit sekuestroi pasuritë e tre personave si dhe kompanive të tyre në Fier, pasi dyshohet se krijuan shoqëri udhëtimi për transport të parave të fituara nga aktiviteti kriminal në Itali.

Prokuroria e Fierit njoftoi sot se sekuestroi pasuritë e shtetasve A.H. K.H., dhe M.H., si dhe shoqëritë në posedim të tyre të cilat dyshohet se përdoreshin si mjet për pastrimin e produkteve të veprimtarisë kriminale.

Sipas prokurorisë hetimet mbi procedimin të vitit 2025, regjistruar për veprën penale “Pastrimi i produkteve të veprës penale ose veprimtarisë kriminale”, nisën pas dyshimeve se shtetasit, A. H, A. H, nëpërmjet familjarëve dhe shoqërive tregtare në posedim të tyre, ishin përfshirë në veprimtarinë e pastrimit të produkteve të veprës penale apo veprimtarisë kriminale.

“Nga hetimet u dokumentua fakti se shtetasi A. H, në datë 24.05.2016, është arrestuar, pasi gjykata e apelit Milano/Itali, ka lëshuar urdhrin e arrestit për kryerjen e veprave penale “Trafikim i lëndëve narkotike” e kryer në bashkëpunim. “Mbajtja e paligjshme e drogës” në bashkëpunim parashikuar nga legjislacioni Italian. Gjykata e Rrethit Gjyqësor Fier, në vendimin e datës 26.05.2016, caktoi masën e sigurisë “arrest në burg”, në funksion të ekstradimit të këtij shtetasi të proceduar në Itali, në kuadër të një grupi krimal i cili, paratë e fituara nga aktiviteti kriminal në fushën e narkotikëve i dërgonin në Shqipëri nëpërmjet linjave të autobuzëve për udhëtarë. Nga shqyrtimi i Vendimit të Gjykatës së Rrethit Gjyqësor Fier, rezulton se, shtetasi A.H, ishte shpallur në kërkim nga autoritetet Italiane, për veprën penale “Përfitimi i të ardhurave që burojnë nga aktivitetet kriminale drogë””, njoftoi prokuroria.

Prokuroria nënvizoi më tej se “sipas të dhënave paraprake ende në verifikim hetimet e autoriteteve italiane tregojnë se, grupi kriminal i drejtuar nga shtetas shqiptarë, pjesë e së cilës ishte dhe A. H, ka dërguar në Shqipëri miliona euro të fituara në trafik droge, në periudha të ndryshme kohore. Këto para, dyshohet transportohen përmes linjave të autobusit Itali-Shqipëri apo nëpërmjet shoferëve të kamionëve të transportit ndërkombëtar.

“Në datë 13.06.2024, është kapur në flagrancë shtetasi J. Xh, i punësuar si shofer në subjektin “A. Travel”, i cili bënte linjën Fier – Siçili, që posedonte vlera monetare të cilat dyshohet se i ka sjellë nga Italia. Po kështu, në të njëjtën datë është kapur shtetasi A. L, i punësuar si shofer në shoqërinë A. Travel”, teksa sillte nga Italia vlerën 89.390 Euro. Shtetasi A. L, ka deklaruar se punon si shofer autobuzi në kompaninë “A. Travel” që prej 5 vitesh dhe bën linjën Shqipëri-Itali. Vlerën monetare të gjetur deklaron se ia ka dhënë një shtetas Italian në stacionin e Katanias për ta transportuar në Shqipëri kundrejt një pagese të caktuar që është një përqind e shumës”, njoftoi prokuroria.

Nga verifikimet e deritanishme, sipas prokurorisë “rezulton se në pronësi të shtetasëve A.H, A.H, A.H, M.H dhe K.H, rezultojnë në pronësi krahas pasurive të paluajtshme dhe shoqëri tregëtare të organizuar në formën e shoqërive me përgjegjësi të kufizuar. Nga administrimi i kësaj prove, rezuloi se shtetasi A.H, ka dhënë në formë huaje tek shoqëria “A” sh.p.k vlera të konsiderueshme që nuk dokumentojnë origjinën e kësaj shumë”.

Prokuroria kërkoi vendosjen e sekuestros mbi pasuritë e paluajtshme dhe e shoqëritë tregtare në zotërim të subjekteve si më poshtë:

Sekuestrimin e pasurive të paluajtshme në emër të H, M. H;

• Pasuria e llojit apartament me sipërfaqe 135.60 m2, me vendodhje Bashkia-Fier;
• Pasuria pasuri e llojit apartament me sipërfaqe 127 m2, me vendodhje Bashkia-Fier;
• Pasuria e llojit apartament me sipërfaqe 59 m2, me vendodhje Bashkia-Fier;
• Pasuria e llojit njësi me sipërfaqe 17.10 m2, me vendodhje Rr “Dritan Hoxha”, Tiranë;
• Pasuria pasuri e llojit njësi me sipërfaqe 31 m2, me vendodhje Rr “Gjergj Arianiti”, Vlorë;

Sekuestrimin e pasurive të paluajtshme në emër të shoqërisë “A.” Shpk.,

1)Pasuria e llojit tokë arë me sipërfaqe 3949 m2, në lagjen Sheq i Madh-Fier;

 Sekuestrimin e pasurive të paluajtshme në emër të shoqërisë “A I” shpk.,

• Pasuria llojit tokë arë me sipërfaqe 1971 m 2, në lagjen Sheq i Madh-Fier;
• Pasuria e llojit tokë arë me sipërfaqe 3926 m2, në lagjen Sheq i Madh-Fier
• Pasuria tokë arë me sipërfaqe 2942 m2, në lagjen Sheq i Madh-Fier;
• Pasuria e llojit tokë arë, me sipërfaqe 3931 m2, në Sheq i Madh-Fier;

Sekuestrimin e pasurive të paluajtshme në emër të K. H, si më poshtë:

• Pasuri e llojit apartament me sipërfaqe 55 m2, Bashkia Fier;
• Pasuri me sipërfaqe 137 m2, e llojit apartament Bashkia Fier;

Sekuestrimin e kuotave të shoqërive tregëtare në zotërim të individëve objekt verifikimi:

• Sekuestrimin e kuatoave të shoqërisë “A” sh.p.k;
• Sekuestrimin e kuotave të shoqërisë “A Travel” sh.p.k;
• Sekuestrimin e kuotave të shoqërisë “A Bus” sh.p.k;
• Sekuestrimin e kuotave të shoqërisë “A I”, sh.p.k;
• Sekuestrimin e kuotave të shoqërisë “M Trans” sh.p.k.,

Prokuroria njoftoi se është duke verifikuar mbi pasuri të tjera të subjekteve të dyshuara dhe lidhjet e tyre me persona të tretë, të cilat po nënshtrohen verifikimeve.

Rezulton se vlerat monetare të cilat ka dyshime se janë injektuar në shoqëritë tregtare dhe pasuritë në zotërim të personave objekt verifikimi është disa milionë euro.

Ndërkohë që sipas raportit të ekspertit kontabël kanë rezultuar në një bilanc negativ për individët dhe shoqëritë tregtare.

/m.q/a.f/

The post Sekuestrohen pasuritë e tre personave dhe kompanive të tyre në Fier appeared first on Agjencia Telegrafike Shqiptare.

Policia e Kosovës, nën autorizimin e Prokurorisë Themelore në Prishtinë, ka zbuluar dhe dokumentuar një rrjet të dyshuar kriminal që merrej me falsifikimin e dokumenteve të pronave shtetërore, të cilat më pas shiteshin për përfitime financiare milionëshe.

Sipas Policisë, veprimtaria kriminale lidhej me falsifikimin e dokumenteve të përdorura në procedura për bartje dhe legalizim të pronave nën menaxhimin e Agjencisë Kosovare të Privatizimit (AKP), duke ndryshuar pronësinë dhe tjetërsuar pronat shtetërore në pronësi private.

“Në zbatim të Urdhëresës së Gjykatës Themelore në Prishtinë, më datë 1 nëntor 2025, në dy rajone të vendit, policia ka realizuar kontrolle në një shtëpi, tri banesa dhe dy garazhe që dyshohej se ishin nën mbikëqyrje të të dyshuarit,” thuhet në njoftimin e Policisë.

Gjatë operacionit janë sekuestruar dokumente që lidhen me rastin, pajisje për falsifikim, si pesë makina shkrimi të vjetra dhe një pajisje “Paper Trimmer”, si dhe një revole e tipit Zaragio me 103 fishekë, një iPhone 17 Pro, një orë dore Rolex dhe një zinxhir dore Rolex.

Bazuar në provat e siguruara, ndaj të dyshuarit ekziston dyshimi i arsyeshëm për kryerjen e veprave penale: falsifikim i dokumenteve, legalizim i përmbajtjes së rreme, mashtrim dhe mbajtje pa autorizim e armëve.

I dyshuari është intervistuar në prani të avokatit dhe, me aktvendim të Prokurorit të Shtetit, është dërguar në ndalim policor për 48 orë, ndërsa hetimet vazhdojnë për identifikimin e bashkëpunëtorëve të tjerë të mundshëm.

“Policia e Kosovës, në bashkëpunim me organet e drejtësisë, mbetet e përkushtuar në luftimin e krimeve ekonomike, korrupsionit dhe çdo forme të keqpërdorimit të pronës publike, duke garantuar ligjshmëri, transparencë dhe llogaridhënie ndaj qytetarëve dhe institucioneve të Republikës së Kosovës,” thuhet në njoftimin zyrtar. /Telegrafi/

Në pikat kufitare Bllacë, Tabanoc, Bogorodicë dhe Novosellë, punonjësit doganorë dhe ekipet mobile sekuestruan pothuajse tre mijë copa mallra, përfshirë pije alkoolike, cigare elektronike, rroba me markat e mbrojtura tregtare dhe autopjesë të gjetura në automjete, autobusë dhe kamionë. Kundër autorëve po ndiqen procedura të veçanta.

Në pikën kufitare Bllacë, u sekuestruan më shumë se 700 copë mallra të ndryshme, duke përfshirë lodra, parfume, kozmetikë dhe mobilje.

“Gjithsej 600 copë mallra të ndryshme, kryesisht lodra, u gjetën në hapësirat e fabrikuara të një furgoni të drejtuar nga një shtetas i Maqedonisë. Në një rast tjetër, gjithsej 143 copë parfume dhe kozmetikë u gjetën nën dyshemetë e sediljeve të pasme, si dhe në bagazhin e një makine të drejtuar nga një shtetas i Maqedonisë. “Në një automjet mallrash, i cili ishte deklaruar i zbrazët për hyrje në vend, oficerët doganorë zbuluan tre pjesë të mobiljeve”, thuhet në kumtesë.

Oficerët doganorë në pikën kufitare Tabanovc gjatë ditëve të fundit, në tre raste të veçanta, sekuestruan 26 shishe pije alkoolike, mbi 200 copë cigare elektronike dhe një pajisje për vetë-diagnostifikim.

Përveç kësaj, një ekip mobil i Drejtorisë zbuloi një përpjekje për të kontrabanduar tetë komplete pompa ajri dhe uji me panele diellore, të destinuara për shatërvanë dhe akuariume. Në rastin e parë, në një makinë me targa gjermane, të drejtuar nga një shtetas maqedonas, u gjetën 26 shishe pije alkoolike me një vlerë të parashikuar prej afërsisht 30 mijë denarësh. Personi nuk e deklaroi mallin me qëllim që të shmangte pagesën e detyrimeve doganore në vlerë prej afërsisht shtatë mijë denarësh.

Në rastin e dytë, inspektorët doganorë gjetën 209 copë cigare elektronike në dy çanta të një pasagjeri që udhëtonte me autobus në linjën Bruksel – Shkup. Rasti i tretë ka të bëjë me një pajisje për vetë-diagnostifikim, të zbuluar në një makinë me targa të përkohshme gjermane, të drejtuar nga një shtetas maqedonas. Në një rast të veçantë, Shërbimi i Skanerëve Mobilë, gjatë kontrollit të një automjeti transportues, zbuloi tetë komplete pompa uji dhe ajri me panele diellore.

The post Doganat e Maqedonisë: Sekuestrohen rreth tre mijë mallra të kontrabanduara në kufi appeared first on Albeu.com.

Qeveria amerikane ka sekuestruar më shumë se 14 miliardë dollarë në bitcoin, dhe ka akuzuar themeluesin e një perandorie biznesi kamboxhiane, Prince Group, për organizimin e dyshuar të një mashtrimi masiv me kriptomonedha, i cili përfshinte kampe pune të detyruar.

Shtetasi britanik dhe kamboxhian Chen Zhi u akuzua të martën në Nju Jork për përfshirje të dyshuar në një skemë komploti mashtrimi me telegrame dhe pastrimi parash, transmeton Telegrafi.

Bizneset e Chen u sanksionuan gjithashtu nga SHBA-ja dhe Mbretëria e Bashkuar si pjesë e një operacioni të përbashkët. Qeveria e Mbretërisë së Bashkuar thotë se ka ngrirë asetet në pronësi të rrjetit të tij, duke përfshirë 19 prona në Londër - njëra prej të cilave vlen gati 113 milionë dollarë.

Prokurorët amerikanë thanë se ishte një nga sulmet më të mëdha financiare në histori dhe sekuestrimi më i madh ndonjëherë i bitcoin, me afërsisht 127,271 bitcoin që mbahen nga qeveria amerikane.

Chen, i cili mbetet i lirë, akuzohet se është truri pas një "perandorie të përhapur të mashtrimit kibernetik" që vepron nën kompaninë e tij shumëkombëshe, Prince Group, tha Departamenti i Drejtësisë i SHBA-së (DOJ).

Ueb-faqja e grupit me seli në Kamboxhia thotë se bizneset e tij përfshijnë zhvillimin e pronave, si dhe shërbimet financiare dhe të konsumatorit. Por Departamenti i Drejtësisë pretendon se ai drejton një nga organizatat më të mëdha kriminale transnacionale në Azi.

Viktimat e pavetëdijshme u kontaktuan në internet dhe u bindën të transferonin kriptomonedha, bazuar në premtime të rreme se fondet do të investoheshin dhe do të gjeneronin fitime, tha Departamenti i Drejtësisë.

Prokurorët pretenduan se kompania, nën drejtimin e Chen, ndërtoi dhe operoi të paktën dhjetë komplekse mashtruese në të gjithë Kamboxhian, sipas dokumenteve të gjykatës të para nga BBC.

Chen u akuzua për menaxhimin e komplekseve që ishin projektuar posaçërisht për të arritur sa më shumë viktima të ishte e mundur, thanë prokurorët.

Bashkëpunëtorët e tij dyshohet se kanë siguruar miliona numra telefoni celularë dhe kanë ngritur "ferma telefonike" për të kryer mashtrime në qendrat e thirrjeve, sipas dokumenteve të gjykatës, të datës 8 tetor.

Dy nga këto objekte kishin 1,250 telefona celularë që kontrollonin rreth 76,000 llogari në mediat sociale për mashtrime, thanë dokumentet. /Telegrafi/

Policia e Dibrës ka goditur një rast të kontrabandës me mallra të ardhura nga Maqedonia e Veriut. Gjatë aksionit u arrestua në flagrancë një 42-vjeçar nga Maqellarë, i cili transportonte mallra të ndryshme të kontrabanduara, ndërsa në pranga përfundoi edhe një doganier i Degës Doganore Bllatë, i dyshuar për korrupsion dhe shpërdorim detyre. Një tjetër […]

The post Kontrabandë në kufi, arrestohet 42-vjeçari dhe një doganier i Bllatës appeared first on Reporter.al.

ROMË, 1 tetor /ATSH-DPA/ – Policia italiane ka sekuestruar 21 vepra arti të dyshuara si falsifikime, që i atribuoheshin artistit surrealist Salvador Dalí, nga një ekspozitë, njoftuan sot forcat e karabinierisë.

Veprat ishin ekspozuar vetëm prej disa ditësh në ekspozitën “Dalí – Between Art and Myth” në qytetin verior italian të Parmës, sipas autoriteteve.

Në deklaratën zyrtare thuhet se objektet e sekuestruara përfshijnë tapiceri, vizatime, grafika dhe vepra të tjera arti.

Të njëjtat punime ishin ekspozuar më parë në një muze në Romë me të njëjtin titull. ”Fondacioni Gala-Salvador Dalí”, i cili menaxhon dhe mbron të drejtat e autorit të artistit në mbarë botën, kishte shprehur dyshime për autenticitetin e tyre.

Prokuroria e Romës urdhëroi sekuestrimin e veprave pas një hetimi.

Dalí, i lindur në vitin 1904 në Figueres të Spanjës, vdiq në vitin 1989 në moshën 84-vjeç.

Ai ishte i njohur botërisht për pikturat e tij surrealiste, por edhe për skulpturat, filmat dhe format e tjera të artit. /Ad.Ab./

The post ROMË – Sekuestrohen në Itali 21 vepra të rreme të Salvador Dalí appeared first on Agjencia Telegrafike Shqiptare.

Një mjet luksoz, ‘Lamborghini Urus’, është sekuestruar nga Policia e Tiranës. Automjeti, me ngjyrë portokalli dhe vlerë rreth 160 mijë euro, dyshohet se ka ardhur nga të ardhura të përfituara nga veprimtaria kriminale.

Pronari i mjetit, Sahit Shpataj, 34-vjeç, i cili jeton kryesisht në Amerikën Latine, ishte duke qarkulluar në aksin rrugor “Sauk-TEG” kur policia e ndaloi për t’i komunikuar vendimin e sekuestros.

Sipas policisë, mjeti ishte regjistruar në emër të një kompanie private ndërtimi, në pronësi të Ervin Dullës, për të justifikuar origjinën dhe vlerën e tij.

34-vjeçari nuk është një emër i panjohur për autoritetet. Në vitin 2014, Shpataj u arrestua pasi prezantohej si punonjës policie dhe ndalonte automjetet në rrugë, kryesisht në Kthesën e Kamzës, Tiranë.

Ai i kërkonte drejtuesve dokumentet dhe më pas, nën kërcënimin e armës, merrte para dhe sende të tjera personale. Në atë kohë, 23-vjeçari mbante uniformë policie gjatë veprimeve.

 

The post Ky është pronari i “Lamborghini Urus” me të shkuar kriminale (FOTO+EMRI) appeared first on Albeu.com.

Një mjet luksoz, ‘Lamborghini Urus’, është sekuestruar nga Policia e Tiranës.  Automjeti, me ngjyrë portokalli dhe vlerë rreth 160 mijë euro, dyshohet se ka ardhur nga të ardhura të përfituara nga veprimtaria kriminale. Pronari i mjetit, Sahit Shpataj, 34 vjeç, i cili jeton kryesisht në Amerikën Latine, ishte duke qarkulluar në aksin rrugor “Sauk-TEG” kur […]

The post FOTO/ Ky është pronari i ‘Lamborghini Urus’ me të shkuar kriminale appeared first on BoldNews.al.

Prokuroria e Tiranës, ka sekuestruar pasuri me vlerë maramendëse të një noterje në Tiranë. Bëhet fjalë për 35-vjeçaren Sanja Telhallari.

Telhallarit i është bllokuar vilë, apartamente, dyqane dhe poste parkimi dhe makina.

Ndërkohë, që dyshohet se të ardhurat janë vënë nga aktivitete të krimit.

Ka qenë prokurori i çështjes Ndini Tavani, ai që ka bërë sekuestron e pasurive që kapin shifrën e 3 milionë eurove.

Ndërkohë, në rrjetet sociale, noterja ka ekspozuar jetën e saj luksoze.

NJOFTIMI I PROKURORISË:

Prokuroria Tiranë sekuestron pasuritë e noteres S.T. Prona, dyqane, poste parkimi, vilë e makina të cilat nuk justifikohen nga të ardhurat e aktivitetit të saj

Prokuroria pranë Gjykatës së Shkallës së Parë të Juridiksionit të Përgjithshëm, Tiranë sekuestron pasuritë e paluajtshme në pronësi të shtetases S.T. me profesion notere si dhe të familjarëve të saj.

Nga hetimet e deritanishme ka rezultuar se gjatë periudhës 2013–2024, shtetasja S.T. ka kryer një numër të konsiderueshëm transaksionesh për blerjen e pasurive të paluajtshme, përfshirë apartamente, dyqane, poste parkimi dhe një vilë në kompleksin “Rolling Hills”. Në total janë evidentuar 13 pasuri të paluajtshme, me vlera të larta monetare si dhe llogari të shumta bankare.

Kjo shtetase ka investuar në pasuri të luajtshme dhe të paluajtshme, kryesisht në makina luksoze dhe sende me vlerë të cilat nuk justifikohen nga pikëpamja ekonomike me të ardhurat nga aktiviteti i saj si notere.

Nga verifikimet, u konstatua një mospërputhje e dukshme midis të ardhurave të ligjshme të deklaruara dhe shpenzimeve të kryera për këto investime. Dyshohet se një pjesë e fondeve të përdorura për blerjen e pasurive kanë ardhur nga ish-bashkëshorti i saj, shtetasi K.P., i cili është shpallur në kërkim ndërkombëtar nga autoritetet italiane dhe është dënuar për vepra të rënda penale, përfshirë veprën penale të “Shfrytëzimit të prostitucionit”, me një dënim maksimal deri në 21 vjet burgim.

Vendosja e masës së sekuestros preventive synon të garantojë ruajtjen e pasurive gjatë hetimit penal dhe të parandalojë transferimin apo përdorimin e tyre për fshehjen e origjinës së paligjshme.

Prokuroria vijon hetimet për dokumentimin e plotë të burimeve financiare dhe të pasurive të dyshuara.

The post Prokuroria i sekuestroi vilë luksoze, dyqane, parkime dhe makina/ Zbulohet pasuria marramendëse e noteres 35-vjeçare në Tiranë appeared first on Albeu.com.

TIRANË, 15 shtator /ATSH/ Prokuroria e Durrësit njoftoi sot se ka sekuestruar 33 apartamente, 9 njësi dhe 15 automjete në pronësi të shtetasit A.L., të dyshuara se janë përfituar në mënyrë të paligjshme nëpërmjet veprimtarisë kriminale të këtij shtetasi në fushën e narkotikëve.

Sipas Prokurorisë së Durrësit, në kuadër të hetimeve rezultoi se ky shtetas ka qenë i përfshirë në veprimtari kriminale në fushën e narkotikëve dhe ka krijuar pasuri të paluajtshme dhe automjete të cilat nuk justifikohen me ardhura të ligjshme.

Pasuritë e sekuestruara janë:

– Apartamente, gjithsej 33, ndodhur në objektin e ndërtuar me Vendimin nr. 1, datë 12.03.2008, lagjja Nr. 13, Plazh, Durrës, në zonën kadastrale 8518 me sipërfaqe 800 m2.

– Pasuritë e llojit “Njësi”, gjithsej 9 (nëntë), ndodhur në objektin e ndërtuar sipas Lejes së Ndërtimit me Vendimin nr. 1, datë 12.03.2008, lagjja Nr. 13, Plazh, Durrës, ndërtuar në zonën kadastrale 8518 me sipërfaqe 800 m2, me vendodhje në shkallën Nr. 1 dhe shkallën Nr. 3 me përshkrimin si më poshtë:

1. Tarracë në katin e sipërm të pallatit me sipërfaqe 400 m2;
2. Katër (4) dyqane me sipërfaqe 70 m2 secila në total 280 m2, Kati i parë;
3. Katër (4) garazhde me sipërfaqe 70 m2 secili në total 280 m2, Kati i parë.

Gjithashtu u sekuestruan 15 automjete.

/m.q//r.e//a.f/

The post Durrës – Sekuestrohen 57 pasuri të përfituara nga aktiviteti kriminal appeared first on Agjencia Telegrafike Shqiptare.

TIRANË, 28 gusht /ATSH/ Sekuestrohet pasuria me vlerë 26 milionë e 500 mijë euro, në pronësi të një 45-vjeçari, i dënuar nga autoritetet italiane për vrasje dhe për pjesëmarrje në grup kriminal për trafikim të lëndëve narkotike.

Specialistët e Seksionit për Hetimin e Pastrimit të Parave, në bashkëpunim me specialistët e Agjencisë së Administrimit të Pasurive të Sekuestruara dhe të Konfiskuara, në kuadër të një procedimi penal të drejtuar nga Prokuroria e Tiranës, ekzekutuan vendimin e Gjykatës së Tiranës, për sekuestrimin e pasurive në pronësi të shtetasit K. K., alias O. M., 45 vjeç, i dënuar më parë për veprat penale “Vrasja me paramendim” dhe “Trafikimi i lëndëve narkotike”, kryer në kuadër të grupit të strukturuar kriminal.

Pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi.

Materialet procedurale iu referuan Prokurorisë së Tiranës, për veprime të mëtejshme.

/gj.m//a.f//r.e/

The post Sekuestrohet pasuria me vlerë 26,5 milionë euro e një 45-vjeçari të dënuar për vrasje në Itali appeared first on Agjencia Telegrafike Shqiptare.

Dy ditë pas fikjes së sinjalit të News 24, ndërhyrja ndaj “Fokus Media Group” ka përshkallëzuar. Forca ushtarake, me mbështetjen e “Policisë së Shtetit” ndërhynë në godinën e sekuestruar të televizionit (nr. kadastral 10/300), duke marrë materialet dhe sendet personale nga redaksitë e gazetarëve.

“Grabitje e redaksisë”

Të paprecedentë, e kanë cilësuar vetë gazetarët e News 24, mësymjen e forcave policore dhe ushtarake në boshatisjen e ambienteve të një prej godinave të “Fokus Media Group”.

Gazetari Osman Stafa ka raportuar ditën e djeshme, pasditen e 11 gushtit, sesi kamionë të mbuluar kanë sekuestruar materiale private, kompjuterë dhe sende personale në redaksitë e gazetareve.

“Rrezikohet të dekonspirohen burimet, duke i vënë këta të fundit në rrezik, së bashku me familjet e tyre”, u shpreh Stafa.

Forcat policore në nisje të operacionit janë konfliktuar me gazetarët, teksa këta të fundit kërkonin bazën ligjore me të cilën po veprohej.

“Ilir Proda duhet të mbajë përgjegjësi që punonjësit e tij nuk tregojnë bazën ligjore mbi të cilën po veprojnë”- u shpreh gazetari dhe kreu i Asosacionit të Gazetarëve të Shqipërisë (AGSH) Isa Myzyraj.

Redaksia e televizionit News 24 i është drejtuar gjithashtu ambasadave të huaja, institucioneve ligjzbatuese, deputeteve të Parlamentit dhe kryetareve të partive politike, që të ndërhyhet menjëherë për të ndaluar konfiskimin e materialeve nga redaksitë.

Në reagimin zyrtar redaksia theksoi se në pajisjet kompjuterike ndodhen informacione të rëndësishme nga investigime mbi korrupsionin, të cilat jo vetëm që përbëjnë prova të mundshme kundër abuzimeve, por edhe rrezikojnë drejtpërdrejt jetën e gazetarëve.

“Te godina e parë janë materialet e emisioneve investigative, si përshembull emisioni “Veting”, apo “Në Shënjestër” nga Klodiana Lala”- tregon gazetari Klevin Muka për Citizens.al.

Ai thotë se zyrtarisht nuk i është komunikuar asnjë njoftim për ndonjë orar apo hapësirë, ku gazetarët mund të merrnin sendet personale.

“Nuk e dimë as çfarë po ndodh te godina e dytë, sepse është fushëpamja e zënë dhe ambienti është i rrethuar. Nuk kemi akses as atje!”- përmbyll ai.

Osman Stafa tregon për Citizens se sipas njoftimit të marrë nga kompania shtetërore e prodhimit të armëve KAYO, materialet e sekuestruara janë zhvendosur në Rrashbull, në afërsi të një strukture që përmban rezerva shtetërore.

Të papaguar, por me shpresë për rikthim

Edhe pse gazetarët e News 24, dhe mediave të grupit “Focus”, kanë disa muaj pa paga dhe sigurime, ata nuk e kanë ndalur misionin e tyre të informimit qytetar.

Momentalisht News24 po vijon operimin në qiell të hapur, duke transmetuar në kushtet më minimale materiale bruto nga një kamera.

“Teknikët kanë gjetur një format që të jemi në kanalin e News 24, por duke mos pasur asnjë lloj aksesi për editim, por vetëm transmetojmë live” – shpjegon gazetari Osman Stafa.

Dhoma Civile e Gjykatës së Tiranës e cilësoi sot si të paligjshëm ndërprerjen e punës dhe vendosi shoqëria KAYO duhet t’i garantojë punonjësve aksesin në godinën e gazetës Panorama, e cila ka një kontratë të vlefshme deri në vitin 2033, si edhe t’i kthejë me inventar të gjitha materialet e marra nga godina e sekuestruar, përfshirë sendet personale të gazetarëve dhe kompjuterët e punës brenda 48 orëve.

Përshkallëzimi i ngjarjes ka sjellë reagimin edhe të Irfan Hysenbelliu, pronari i “Focus Group” i News24 dhe Panorama TV, Gazeta Panorama dhe Panorama Sport, Panorama Online, Gazeta Shqiptare Online. Ai e ka cilësuar jo një “incident të zakonshëm”, por një akt brutal dhe që përbën një shkelje flagrante të lirisë së shtypit dhe të drejtës themelore të qytetarëve për t’u informuar.

“News24 nuk mbyllet. E vërteta nuk zhduket”- u shpreh Hysenbelliu.

Ndërsa Hysenbelliu nuk ka komentuar në lidhje me pagat e prapambetura të stafit të tij, gazetarët e News 24 e kanë artikuluar këtë problematikë edhe në protestën e mbajtur dje, 11 gusht, protestë e thirrur nga Asociacioni i Gazetarëve të Shqipërisë (AGSH).

“Një media e lirë nuk mund të ekzistojë pa gazetarë të mbrojtur në ambientin e tyre të punës, me sigurime dhe paga korrekte për punën e tyre”- tha gazetari Endri Xhafo gjatë fjalës së tij.

Ai përmbylli se protesta, nuk është vetëm për të kundërshtuar një veprim policor, por dhe për të thënë se të drejtat bazike të punonjësve të medias duhet të mbrohen çdo ditë, nga vetë gazetarët në radhe të parë, përpara se të arrihet në momente si ky.

Ekspertët: “Situata më shqetësuese që kemi parë ndonjëherë”

Kryetari  i “Këshillit Shqiptar te Medias” Koloreto Cukali e cilëson konfiskimin e materialeve të gazetarëve të News 24 të papranueshëm, por dhe si situatën më shqetësuese prej shumë kohësh.

“ Unë di që kur dikush nxirret nga përmbarimi jashtë ndërtesës, të gjitha objektet nxirren në oborr. Nuk merren dhe cohen nëpër vende që s’dihet se ku, aq më tepër kur janë materiale sensitive” – shprehet Cukali.

Cukali thekson se ende nuk dihet nëse ka pasur ndonjë procesverbal të mbajtur për materialet e marra.

“Nuk është problemi te një media, apo një kompjuterë, apo 40 dosje, por te çfarë vjen më mbrapa. Kjo është një demonstrim i hapur force, që ja ç’të gjen kur i kundërvihesh kryeministrit” – shton ai.

Sipas tij problematike është dhe mos mbulimi i kësaj çështje nga mediat e tjera dhe kjo tregon kryekëput një media tradicionale të kapur.

“Kur mediat injorojnë këtë lajm, kjo është një shenjë e keqe jo për median, kjo është një shenjë e keqe për publikun shqiptarë dhe kjo na lë të kuptojmë shumë qartë dinamikat pas kësaj” – përmbyll Cukali.

Ngjarja është denoncuar edhe nga 27 organizata ndërkombëtare dhe kombëtare të lirisë së medias, të cilat me anë të një deklarate të përbashkët kanë adresuar problematikat dhe kërkesat jo vetëm ndaj grupit “Focus Media Group”, por edhe ndaj institucioneve shqiptare.

Ndërhyrjen e 11 gushtit, organizatat e kanë cilësuar  “mbi baza ligjore të paqarta”, ku ligjshmëria dhe proporcionaliteti i këtij veprimi policor vendosen seriozisht në pikëpyetje.

Lexoni gjithashtu:

• Policia ndalon punën e News 24: Godina e saj do të jepet për fabrikë armësh
• Gazetarët solidarizohen kundër bllokimit të “News24”

The post Bastisja e News 24: Gazetarët përballë sekuestrimit të materialeve appeared first on Citizens.al.

Prokuroria e Posaçme kundër Korrupsionit dhe Krimit të Organizuar ka goditur orgamizatën kriminale të trafikut të drogës nga vendet e Amerikës Latine, drejt vendeve të Bashkimit Europian. SPAK.

Bëhet fjalë për klanin “Çopja” të cilët operaonin në shitjen dhe blerjen e kokainës nga Amerika Latine në Europë. Përmes një njoftimi zyrtar, SPAK bën me dije se janë lëshuar 10 urdhërarreste si dhe është sekuestruar 17 tonë kokainë.

Gjithashtu është vendosur sekuestrimi i 14 pasurive me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim.

Pronat e sekuestruara

Me vendimin nr. 543 date 07.08.2025, Gjykata e Posaçme ka vendosur sekuestrimin preventiv për gjithsej 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim si më poshtë:

Resorte turistike:

“A….. PARK” Resort ku përfshihen hotele, godina shërbimi, restorant dhe ambiente tregtare, Xhafzotaj, Durrës.

Vila dhe apartamente:

Vilë dy katëshe tip “ELYSIAN”, në bregdetin e Dhërmiut, bashkia Himarë (sipërfaqe totale rreth 378.2 m²), me vlerë tregu prej afërsisht 1.000.000 Euro.

Vilë e porositur datë 06.11.2024, në Tiranë.

Truall, toka dhe ndërtesa:

Pasuri truall dhe ndërtesa në Tiranë, Sharrë.

Pasuri (me status regjistrim të përkohshëm).

Pasuri nr. 349/45 në bashkëpronësi.

Tokë arë me sipërfaqe 5900 m², Sharrë, Tiranë.

Kuota dhe aksione në shoqëri tregtare:

Kuotat/aksionet në shoqëri tregtare, Kavajë.

Shoqëri tregtare, Durrës.

Shoqëri tregtare, Rrogozhinë.

Shoqëri tregtare, Durrës.

Automjete:

Tre automjete.

Sekuestrime gjatë ekzekutimit të vendimeve të kontrollit:

Mbi 111 800 Euro Cash;

4000 USD

880.000 Lekë

The post Miliarda lekë pasuri të sekuestruara, SPAK “ia merr” nga duart resortin luksoz “ushtarëve” të Çopjas në Shijak/ Bllokohen dy vila në Dhërmi dhe biznese në Durrës appeared first on Albeu.com.

TIRANË, 1 gusht /ATSH/ Prokuroria e Posaçme kundër Korrupsionit dhe Krimit të Organizuar njoftoi sot sekuestrimin e 25 pasurive të një grupi kriminal të dënuar në Belgjikë, përfshirë para cash, objekte me vlerë dhe sende luksi.

Pasuritë u sekuestruar u kryen në kuadër të procedimit pasuror ndaj D.D dhe familjarët e tij, D.S., B. A., A. H, L.V., dhe D. H.

Sipas SPAK “këta shtetas janë subjekte të hetimit pasuror pasi rezultojnë të dënuar në Mbretërinë e Belgjikës  për veprat penale të “Vjedhjes”, në bashkëpunim në formën “Grupit të strukturuar kriminal”, “Grupit të strukturuar kriminal””.

“Bazuar në dispozitat e ligjit nr. 10192, datë 03.12.2009 janë identifikuar pasuri të luajtshme dhe të paluajtshme në pronësi të personave nën hetim pasuror dhe të personave të lidhur me ta, të cilat sipas hetimeve të deritanishme rezultojnë të pajustifikuara nga burime të ligjshme dhe prezumohen se janë rezultat i veprimtarisë kriminale së tyre”, njoftoi SPAK.

Pasuri të sekuestruara:

Pasuri të paluajtshme: 9; Subjekte tregtare: 1 (“GUARD SECURITY”); Automjete dhe mjete motorike: 6 (3 automjete + 3 motorë).

Shuma monetare: Euro: 77,360 €; Lekë: 2,055,000 lekë; Paund britanik: 1,150 £

Orë dore të markave të ndryshme: 52; Bizhuteri: mbi 35 copë; Monedha ari: 32; Pajisje elektronike: 15; Laptopë: 2; iPad: 5; Kamera/aparate fotografike: 8.

SPAK thekson se sendet me vlerë, si ora, bizhuteri, monedha ari, automjete dhe mjete motorike janë sekuestruar me parë në kuadër te ekzekutimit te kontrolleve të banesave të këtyre shtetasve për llogari të kërkesave për ndihme juridike të autoriteteve belge.

Për ekzekutimin e sekuestros u kryen veprimet nga ana e policisë gjyqësore në Drejtorinë për Hetimin e Krimit të Organizuar, Sektori për Hetimin e Grupeve Kriminale, së bashku me Administratorin e Agjencisë për Administrimin e Pasurive të Sekuestruara dhe Konfiskuara Tiranë.

/m.q//a.f/

The post SPAK sekuestron 25 pasuri të një grupi kriminal të dënuar në Belgjikë appeared first on Agjencia Telegrafike Shqiptare.

Dy persona janë arrestuar të martën rreth orës 15:00 pasi ishin përleshur në mes vete në fshatin Carrabreg të Deçanit.

Sipas njoftimit të Policisë bëhet e ditur se zyrtarët policorë gjatë trajtimit të rastit dhe marrjes së informatave te njëri nga të dyshuarit kanë gjetur dhe sekuestruar nëntë armë në formë stilolapsi dhe katër fishekë.

“Drejtoria Rajonale e Policisë nё Pejё, Stacioni Policor nё Deçan, me datën 29.07.2025, rreth orёs 15:00, ёshtё njoftuar se nё fashtin Carrabreg-Deçan, ёshtё njё përleshje mes dy personave. Njësitet Policore tё Stacionit Policor nё Deçan, menjëherë kanё dalё ne vendin e ngjarjes, gjatё trajtimit tё rastit dhe marrjes sё informatave, tek i dyshuari janё  gjetur dhe sekuestruar: nёntё armё nё formё stilolapsi dhe katёr fishekë”, thuhet në njoftim.

Tutje në njoftim bëhet e ditur se nё koordinim me prokurorin e Shtetit, ёshtё kryer kontroll/bastisje në shtёpinё e personit tё dyshuar, mirёpo nuk ёshtё gjetur diçka e kundёrligjshme.

“I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё”, thuhet në njoftim. /Telegrafi/

 

The post Përleshje në Carrabreg, arrestohen dy persona – sekuestrohen nëntë armë stilolapsi dhe fishekë appeared first on Telegrafi.