TIRANË, 24 dhjetor /ATSH/ Federata Shqiptare e Basketbollit zhvilloi mbrëmjen e djeshme eventin përmbyllës të vitit 2025, një aktivitet i rëndësishëm ku u pasqyruan të gjitha nismat, projektet dhe aktivitetet e realizuara gjatë këtij viti në shërbim të zhvillimit të basketbollit në vend.

Eventi shërbeu si një moment reflektimi dhe bilanci mbi punën e bërë, arritjet sportive dhe organizative, si dhe ndikimin pozitiv që kanë pasur programet e zbatuara nga federata, veçanërisht në rritjen e cilësisë së garave dhe përfshirjen e të rinjve në basketboll.

Gjatë aktivitetit u prezantuan programet kryesore zhvillimore, kampionatet kombëtare, pjesëmarrjet në gara ndërkombëtare, projektet për të rinjtë dhe iniciativat me fokus social, duke vënë në pah kontributin e sportistëve, trajnerëve, arbitrave dhe të gjithë aktorëve të përfshirë në ekosistemin e basketbollit shqiptar.

Në shenjë vlerësimi dhe mirënjohjeje, Federata Shqiptare e Basketbollit ndau çmime për individë që janë dalluar për përkushtimin, profesionalizmin dhe kontributin e tyre të veçantë gjatë vitit 2025.

Një vëmendje e veçantë iu kushtua çmimeve individuale MVP, ku u vlerësuan sportistët më të spikatur të sezonit në të gjitha kategoritë.

Fituesit e titujve MVP për sezonin 2025 janë:
Antea Filopati – MVP U14 Vajza
Aurora Dhedhes – MVP U16 Vajza
Izabel Kaçorri – MVP U18 Vajza
Etien Xhixho – MVP U14 Djem
Gleid Mema – MVP U16 Djem
Noel Heba – MVP U18 Djem
Brikena Muçenji – MVP Femra
Vinsent Grazhdani – MVP Meshkuj

Me këtë event përmbyllës, Federata Shqiptare e Basketbollit konfirmoi angazhimin për të vijuar investimet dhe projektet zhvillimore edhe në vitin 2026, me synimin për të rritur nivelin konkurrues dhe për të zgjeruar më tej bazën e basketbollit shqiptar.

/gj.m/a.f/

The post Federata e Basketbollit vlerëson më të mirët e vitit 2025 appeared first on Agjencia Telegrafike Shqiptare.

Rrjeti i marketeve Big Market është denoncuar sërish nga qytetarët për mospërputhje të çmimeve, ku shumat e afishuara në rafte nuk përkojnë me ato që rezultojnë në faturë në momentin e pagesës. Së fundmi, një qytetar ka denoncuar një rast të ndodhur në Big Prime në Kamëz, duke ngritur shqetësime për mënyrën se si trajtohen […]

The post “Big Market” vijon të mashtrojë qytetarët, denoncimi: Çmimi në faturë ndryshon nga ai në raft appeared first on BoldNews.al.

BERLIN, 16 dhjetor /ATSH-DPA/ – Sulmuesi i Paris Saint-Germain, Ousmane Dembele dhe ylli i Spanjës, Aitana Bonmati, fituan çmimet e lojtarit më të mirë të FIFA-s për vitin 2025.

Dembele, i cili ndihmoi PSG-në të triumfonte, përfshirë titullin e tyre të parë të Ligës së Kampionëve në maj, fitoi gjithashtu çmimin rival ”Topi i Artë” në shtator.

“Ka qenë një vit fantastik individualisht dhe kolektivisht”, tha ai në Doha.

Bonmati mori çmimin e femrave për të tretin vit radhazi, pasi shkëlqeu në Euro 2025, ku skuadra e saj humbi ndaj Anglisë në finale.

“Do ta shijoj”, tha sulmuesja e Barcelona-s.

Trajnerët e vitit ishin Luis Enrique i PSG-së dhe trajnerja e Anglisë, Sarina Wiegman, e cila mori çmimin për herë të pestë.

Ceremonia, në të cilën morën pjesë rreth 800 të ftuar, përfshirë presidentin e FIFA-s, Gianni Infantino, u mbajt në Doha përpara finales së Kupës Ndërkontinentale midis PSG-së dhe Flamengos në Katar të mërkurën.

Portieri i Italisë, Gianluigi Donnarumma, mori çmimin e portierit më të mirë mashkull të FIFA-s, pasi shkëlqeu për klubin e mëparshëm PSG.

“Është një nder i vërtetë të marr këtë çmim. Jam shumë, shumë i lumtur”, tha ai në një mesazh video.

Portierja e Anglisë, Hannah Hampton, mori çmimin si portierja më e mirë femër.

“Faleminderit shumë të gjithëve që votuan”, tha Hampton, 25 vjeçe./ a.jor.

The post FUTBOLL – Dembele dhe Bonmati fitojnë çmimin e lojtarit dhe lojtares më të mirë të FIFA-s appeared first on Agjencia Telegrafike Shqiptare.

Çmimet e qirave dhe ushqimeve në rritje ishin përbërësit kryesor të inflacionit në muajin nëntor, i cili ishte 2.1% sipas të dhënave zyrtare te INSTAT. Rritja vjetore e çmimeve në muajin nëntor është ndikuar kryesisht nga grupi “Qira, ujë, lëndë djegëse dhe energji” me +0,81 pikë përqindje, pasuar nga grupi “Ushqime dhe pije joalkoolike” me […]

The post Inflacioni i nëntorit/ Qiratë dhe ushqimet bëhen më të shtrenjta appeared first on BoldNews.al.

UASHINGTON, 15 nëntor /ATSH/- Presidenti i SHBA-së, Donald Trump, ka nënshkruar një urdhër ekzekutiv që lejon një gamë produktesh ushqimore, duke përfshirë kafenë, bananet dhe mishin e viçit, t’i shpëtojnë tarifave të tij gjithëpërfshirëse, sipas BBC.

Ky vendim vjen ndërsa administrata e tij përballet me një presion në rritje për shkak të rritjes së çmimeve.

Ndërsa Trump më herët minimizoi shqetësimet në lidhje me koston e jetesës, ai është përqendruar në këtë çështje që nga performanca e dobët e Partisë së tij Republikane në zgjedhjet e javës së kaluar.

Dhjetëra produkte të përfshira në listën e përjashtimeve të Shtëpisë së Bardhë variojnë nga avokadot dhe domatet deri te arrat e kokosit dhe mangot.

Këto mallra, nuk mund të prodhohen në sasi të mjaftueshme brenda vendit.

Trump ka thënë prej kohësh se tarifat e tij – aktualisht një bazë prej 10% ndaj importeve nga të gjitha vendet, me taksa shtesë për shumë partnerë tregtarë – nuk do të çonin në rritje të çmimeve për konsumatorët amerikanë.

Presidenti amerikan argumentoi se taksat ishin të nevojshme për të ulur deficitin tregtar të SHBA-së – hendekun midis vlerës së mallrave që blihen nga vendet e tjera dhe atyre që iu shiten atyre.

Trump tha se SHBA-ja është shfrytëzuar nga “mashtruesit” dhe “plaçkitur” nga të huajt, duke shtuar se taksat më të larta do t’i nxisnin partnerët në SHBA të blinin mallra amerikane në vend të tyre.

Por, kostot e ushqimeve dhe çmimi në rritje i mishit të viçit janë bërë një çështje politike për Trump.

Përjashtimet e fundit sinjalizojnë një përmbysje në vendimet e administratës Trump, pasi Shtëpia e Bardhë kërkon të ulë çmimet duke hequr taksat për disa artikuj ushqimorë bazë.

Duke folur me gazetarët dje, Trump tha se vendimi do të ndikonte në produktet që nuk prodhoheshin në SHBA, kështu që nuk kishte mbrojtje të industrive vendase ose produkteve vendase ushqimore.

Ai shtoi se nuk mendonte se do të kërkoheshin më shumë lehtësime të politikave në të ardhmen.

“Ne thjesht bëmë një lehtësim të vogël për disa ushqime, si kafeja, ku çmimet ishin pak të larta”,tha Trump.

Ekonomistët kanë paralajmëruar se kompanitë do ta kalojnë koston e tarifave te klientët e tyre në formën e çmimeve më të larta.

Ndërsa inflacioni mbeti më i butë nga sa kishin pritur shumë analistë në shtator, shumica e artikujve në raportin e inflacionit të Departamentit Amerikan të Punës treguan rritje çmimesh, me ushqimet që u rritën me 2,7% nga viti i kaluar.

“Përjashtimet e reja të administratës Trump nga tarifat për produktet ushqimore hyjnë në fuqi në mënyrë retroaktive më 13 nëntor”, tha Shtëpia e Bardhë.

Në një tjetër veprim për të adresuar shqetësimet midis konsumatorëve në lidhje me çmimet e ushqimeve, administrata Trump tha se taksat e importit për kafenë dhe bananet do të uleshin si pjesë e marrëveshjeve tregtare me katër vendet e Amerikës Latine.

Këtë javë, Trump dhe sekretari amerikan i Thesarit, Scott Bessent, u zotuan se do të ulnin çmimet e kafesë me 20% në SHBA, këtë vit. //a.i/

The post SHBA – Nga mishi te kafeja, Trump ul tarifat për mbi 100 produkte ushqimore appeared first on Agjencia Telegrafike Shqiptare.

Në Pallatin e Kongreseve ditën e sotme u mbajt ceremonia e ndarjes së çmimeve të Panairit të 28-të të Librit. Tema e përzgjedhur për edicionin e këtij viti është një shprehje e shkrimtarit Ismail Kadare: “Ndërgjegjia jonë ka nevojë për librat”. Gjashtë kanë qënë çmimet e dhënë ditën e sotme të cilat renditen si më […]

The post Panairi i 28-të i Librit, ja ndarja e çmimeve për këtë vit appeared first on BoldNews.al.

The post MUZIKË – Nominimet për çmimet Grammy 2026 appeared first on Agjencia Telegrafike Shqiptare.

UASHINGTON, 7 nëntor /ATSH-DPA/- Presidenti Donald Trump deklaroi mbrëmë se administrata e tij ka arritur një marrëveshje për të ulur çmimet e barnave për humbje peshe në Shtetet e Bashkuara, përkatësisht për medikamentet “Wegovy” dhe” Zepbound”.

Trump tha se ka përfunduar një marrëveshje me kompaninë farmaceutike daneze “Novo Nordisk”, prodhuese e “Wegovy”, dhe me konkurrentin amerikan “Eli Lilly”, që prodhon “Zepbound”, në këtë drejtim. Nuk është ende e qartë nëse kjo marrëveshje do të ketë ndikim në çmimet e barnave për humbje peshe në Evropë.

Sipas Trump, marrëveshja synon t’i japë fund çmimeve të tepruara të barnave në SHBA. Kompanitë farmaceutike zakonisht vendosin çmime shumë më të larta në tregun amerikan sesa në Evropë apo Azi.

Shtetet e Bashkuara konsiderohen një nga tregjet më të shtrenjta në botë për shumë barna. Në vendet evropiane dhe aziatike, çmimet zakonisht negociohen në mënyrë qendrore dhe industria farmaceutike rregullohet më rreptësisht.

Barnat në fjalë, të cilat veprojnë duke rregulluar oreksin dhe kanë treguar në studime se çojnë në humbje të ndjeshme peshe, kanë qenë kohët e fundit shumë të kërkuara. Megjithatë, ato mbeten të shtrenjta dhe kostot rrallëherë rimbursohen nga kompanitë e sigurimeve shëndetësore.

“Eli Lilly” dhe “Novo Nordisk” kanë rënë dakord që të zbatojnë çmime të krahasueshme me ato ndërkombëtare në SHBA, në mënyrë që të fitojnë qasje tek miliona pacientë të rinj përmes programeve qeveritare si “Medicare”,  skema federale e sigurimit shëndetësor që përdoret kryesisht nga qytetarët e moshuar dhe të sigurojnë shitje më të qëndrueshme. /Ad.Ab./

The post Trump: Marrëveshje për uljen e çmimeve të barnave për humbje peshe në SHBA appeared first on Agjencia Telegrafike Shqiptare.

Pretendimi: Banka e Shqipërisë ka thënë se çmimet e shtëpive do bien frikshëm në Tiranë në muajt në vijim

Verdikti: Mungon konteksti

—————————————————————————-

Një artikull i botuar më 4 nëntor 2025 në portalin Noxblog jep lajmin e mirë se Banka e Shqipërisë ka njoftuar se çmimet e shtëpive në Tiranë “do bien frikshëm” në muajt në vijim.

Megjithatë, lexuesi nuk duhet të lumturohet para kohe. Titulli i mësipërm është një keqintepretim.

Në brendinë e artikullit sqarohet se titulli i referohet botimit të vrojtimit mujor të besimit të bizneseve dhe konsumatorëve nga Banka e Shqipërisë.

Artikulli deklaron se “sipas raportit, Treguesi i Besimit në Ndërtim është rritur me 2.4 pikë përqindje në tetor, duke qëndruar rreth 15 píkë mbi mesataren afatgjatë. […] Megjithatë, Banka thekson se pritjet për çmimet në të ardhmen janë ulur, çka tregon një tendencë drejt stabilizimit ose rënies së çmímeve në tregun e ndërtimit.”

Vrojtimi në fjalë, botuar më 3 nëntor 2025, vërtet raporton se treguesi i besimit në ndërtim u rrit dhe “pritjet për çmimet në të ardhmen janë vlerësuar me rënie.”

Megjithatë, ky ‘parashikim’ nuk vjen nga Banka e Shqipërisë, por nga bizneset e anketuar për përpilimin e këtij vrojtimi të besimit, të cilët i janë përgjigjur pyetjes së mëposhtme.

Për krahasim, në muajt e mëparshëm pritja e ndryshimit të çmimeve në këtë sektor ka parë si ulje dhe rritje. 

Ulja më domethënëse ka qenë nga maji në qershor, ndërsa rritja më domethënëse nga korriku në gusht. Krahasimisht, ulja e pritur e çmimeve këtë muaj vështirë se mund të quhet e frikshme. 

Për më tepër, çfarë përgjigjen bizneset e anketuara nga Banka e Shqipërisë dhe çfarë është realiteti i tregut të pronave të patundshme në Tiranë, jo domosdoshmërisht mund të përkojnë.

Titujt e mësipërm dukshëm synojnë të përfitojnë klikime duke tërhequr interesin dhe vëmendjen e publikut.

The post Ulja e pritshme e shtëpive në Tiranë jo një analizë e Bankës së Shqipërisë appeared first on Faktoje.al.

PARIS, 27 tetor /ATSH-DPA/ – Dhjetë persona u përballën sot në gjyq në Paris për ngacmim online ndaj zonjës së parë franceze, Brigitte Macron, njoftuan prokurorët.

Tetë burra dhe dy gra akuzohen për komentet keqdashëse mbi gjininë e zonjës së parë dhe diferencën e moshës mes saj dhe presidentit Emmanuel Macron, me disa postime që përmbanin akuza të pabaza për pedofili.

Rasti i ngacmimit online lidhet me një teori konspirative që qarkullon në rrjetet sociale që nga zgjedhja e Macron në vitin 2017, e cila gjoja pretendon se Brigitte Macron është një grua transgjinore që ka lindur mashkull.

Gjyqi në Paris do të zgjasë dy ditë, me prezantimin e provave që pritet të përfundojë nesër. Gjykata nuk ka bërë të ditur ende se kur do të jepet vendimi.

Brigitte Macron depozitoi ankesë për ngacmim online në gusht 2024, duke çuar në arrestimin e përkohshëm të të dyshuarve, të cilët janë midis moshës 41 dhe 60 vjeç.

Të akuzuarit rrezikojnë deri në dy vite burg.

Në korrik, Macronët patën depozituar edhe një padi për shpifje me 22 pika në Shtetet e Bashkuara ndaj podkasteres së djathtë Candace Owens për pretendimin se Brigitte Macron mund të ishte mashkull. /Ad.Ab./

 

The post PARIS – Ngacmim online ndaj Brigitte Macron, dhjetë të akuzuar appeared first on Agjencia Telegrafike Shqiptare.

Policia e Dibrës ka goditur një rast të kontrabandës me mallra të ardhura nga Maqedonia e Veriut. Gjatë aksionit u arrestua në flagrancë një 42-vjeçar nga Maqellarë, i cili transportonte mallra të ndryshme të kontrabanduara, ndërsa në pranga përfundoi edhe një doganier i Degës Doganore Bllatë, i dyshuar për korrupsion dhe shpërdorim detyre. Një tjetër […]

The post Kontrabandë në kufi, arrestohet 42-vjeçari dhe një doganier i Bllatës appeared first on Reporter.al.

Zyra Federale e Kartelit në Gjermani ka nisur një hetim ndaj gjigantit kinez të tregtisë elektronike “Temu”. Institucioni kërkon të shqyrtojë kushtet që platforma vendos për tregtarët dhe mënyrën si trajton furnizuesit nga të cilët varet për shitjet e produkteve. “Çdo muaj, mbi 100 milionë përdorues nga tregjet evropiane vizitojnë temu.com,” tha kreu i autoritetit […]

The post Gjermania nis hetim ndaj “Temu”, dyshohet për manipulim çmimesh appeared first on BoldNews.al.

Çmimi i arit po shënon nivele rekord historike, duke kaluar edhe vlerën e kriptomonedhës Bitcoin. Për herë të parë, bursa ndërkombëtare ka regjistruar një çmim prej 4,000 dollarësh për ons, që korrespondon me mbi 125 dollarë për gram. Sipas raportimeve të Bloomberg, kjo rritje e fortë vjen si pasojë e pasigurisë gjeopolitike dhe luhatjeve në […]

The post Ari në kulmin historik, tejkalon Bitcoin-in dhe kap 4 mijë dollarë për ons appeared first on BoldNews.al.

Deputetja e Partisë Demokratike, Jorida Tabaku, ka ngritur alarmin për krizën e përballueshmërisë së jetesës dhe veçanërisht të strehimit në kryeqytet. Në një deklaratë publike, Tabaku theksoi se çmimet e apartamenteve në Tiranë kanë kaluar çdo kufi logjik ekonomik, duke u rritur nga 820 euro për metër katror në 2100 euro/m². “Një familje shqiptare sot […]

The post Tabaku: Shqiptarët po ikin, kostot e jetesës dhe strehimit kanë kapërcyer çdo kufi! appeared first on BoldNews.al.

Ceremonia madhështore e 77-të e Çmimeve Emmy ka shpallur fituesit më të mëdhenj të televizionit, ku serialet më të suksesshëm dhe aktorët më të talentuar janë nderuar për punën e tyre të jashtëzakonshme gjatë vitit.

Seriali “The Pitt” ka triumfuar në kategorinë e “Dramës më të mirë” pas një konkurrencë të ashpër, ndërsa “The Studio” është shpallur “Komedia më e mirë”, duke barazuar rekordin e 23 nominimeve të vendosur nga “The Bear” në vitin 2024. Në kategorinë e serive të limituara ose antologjike, çmimi kryesor shkoi për serialin “Adolescence”.

Disa nga fituesit më të shquar të natës:

• Britt Lower shpallet Aktorja më e mirë në një dramë për rolin e saj në Severance.
• Noah Wyle fitoi çmimin për Aktorin më të mirë në një dramë me performancën në The Pitt.
• Në komedi, Seth Rogen mori çmimin për Aktorin më të mirë për rolin në The Studio, ndërsa Jean Smart e fitoi çmimin e saj të shtatë Emmy për rolin në Hacks.
• Stephen Graham u shpall Aktori më i mirë në një seri të limituar për Adolescence, dhe Cristin Milioti fitoi çmimin për Aktoren më të mirë në një seri të limituar për The Penguin.

Ceremonia, e udhëhequr nga humoristi Nate Bargatze, u transmetua drejtpërdrejt në CBS dhe në platformën Paramount+, duke ofruar një natë të paharrueshme për dashamirësit e televizionit.

Disa nga fituesit e kategorive kryesore:

• “Andor”
• “The Diplomat”
• “The Last of Us”
• “Paradise”
• “The Pitt” — FITUES
• “Severance”
• “Slow Horses”
• “The White Lotus”

Aktor kryesor në dramë

• Sterling K. Brown, “Paradise”
• Gary Oldman, “Slow Horses”
• Pedro Pascal, “The Last of Us”
• Adam Scott, “Severance”
• Noah Wyle, “The Pitt” — FITUES

Komedia më e mirë

• “Abbott Elementary”
• “The Bear”
• “Hacks”
• “Nobody Wants This”
• “Only Murders in the Building”
• “Shrinking”
• “The Studio” — FITUES
• “What We Do in the Shadows”

Seria e limituar ose antologjike më e mirë

• “Adolescence” — FITUES
• “Black Mirror”
• “Dying for Sex”
• “The Penguin”
• “Monsters: The Lyle and Erik Menendez Story”

The post Lista e fituesve në edicionin e 77-të të “Emmy Awards” appeared first on iconstyle.al.

LOS ANXHELES, 15 shtator /ATSH-DPA-AFP/ – Ylli i “Adolescence”, Owen Cooper u bë aktori më i ri mashkull që fiton një Emmy, duke e fituar çmimin për rolin e tij në dramën britanike të Netflix.

Cooper, i cili kishte bërë histori si personi më i ri i nominuar ndonjëherë për aktor mbështetës në një serial të kufizuar, i tha audiencës në Çmimet e 77-ta Emmy se ”tri vite më parë isha askushi”.

“Sinqerisht, kur fillova këto kurse drame disa vjet më parë, nuk prisja të isha as në Shtetet e Bashkuara e lëre më këtu”, tha aktori anglez në fjalimin e tij pas pranimit të çmimit.

“Por, mendoj se sonte vërteton se nëse dëgjon dhe përqendrohesh dhe del nga zona jote e rehatisë, mund të arrish çdo gjë në jetë”, theksoi ai.

Yjet e Hollivudit mbërritën në teatrin ”Peacock” në Los Anxheles të dielën në mbrëmje për ceremoninë, të drejtuar nga komediani amerikan Nate Bargatze.

“Shkruhet emri im në këtë statujë, por në të vërtetë u përket të gjithë njerëzve që punuam bashkë”, tha Cooper.

Ylli tjetër i filmit, Erin Doherty fitoi çmimin për aktoren më të mirë mbështetëse në një serial të kufizuar.

“Severance” u nominua 27 herë, ndërsa miniseriali dramatik kriminal ”The Penguin” pati 24 nominime dhe “Adolescence” mori 13.

Drama britanike, e cila dominoi listën më të shikuar të Netflix në fillim të këtij viti, përqendrohet në historinë e një djali 13-vjeçar të arrestuar për vrasjen e një shoku klase.

Regjisori i “Adolescence”, Philip Barantini, mori çmimin Emmy për regji të shkëlqyer për një serial ose film të kufizuar ose antologjik, ndërsa shkrimtarët Jack Thorne dhe Stephen Graham fituan për skenar të shkëlqyer në të njëjtën kategori.

Më poshtë vijon lista e fituesve në kategoritë kryesore për çmimet e 77-ta Emmy, ekuivalenti televiziv amerikan i Oscar-ëve, të prezantuara dje në mbrëmje vonë në Los Anxheles.

Satira hollivudiane e prapaskenave “The Studio” fitoi 13 çmime, përfshirë Komedinë më të Mirë.

– Seriali më i mirë dramatik –

“The Pitt”

– Komedia më e mirë –

“The Studio”

– Seriali më i mirë antologjik –

“Adolescence”

– Aktori më i mirë në një serial dramatik –

Noah Wyle, “The Pitt”

– Aktorja më e mirë në një serial dramatik –

Britt Lower, “Severance”

– Aktori më i mirë në një serial komedi –

Seth Rogen, “The Studio”

– Aktorja më e mirë në një serial komedi –

Jean Smart, “Hacks”

– Aktori më i mirë në një serial të limituar –

Stephen Graham, “Adolescence”

– Aktorja më e mirë në një serial të limituar –

Cristin Milioti, “The Penguin”./ a.jor.

The post KINEMA – ”Adolescence” dhe Owen Cooper triumfojnë në Emmy Awards appeared first on Agjencia Telegrafike Shqiptare.

TIRANË, 4 shtator/ATSH/ Në tremujorin e dytë të vitit 2025, çmimet e importit kanë shënuar një ulje prej 0,7%, krahasuar me të njëjtën periudhë të vitit të kaluar.

Referuar raportit të publikuar nga Instituti i Statistikave, në krahasim me tremujorin e parë të 2025, çmimet e importit janë ulur me 0,1%.

Raporti tregon se çmimet e importit të energjisë elektrike, gazit, avullit dhe ajrit të kondicionuar janë ulur me 5,3%, duke ndikuar në mënyrë të dukshme në çmimet e përgjithshme të importeve.

Ndërsa çmimet në import të seksionit të furnizimit me ujë dhe menaxhimit të mbeturinave ka shënuar ulje prej 2,2%.

Industria përpunuese ka pësuar një ulje të vogël prej 0,4%. Brenda industrisë përpunuese, çmimet më të ulëta janë regjistruar në “prodhimin e drurit dhe produkteve prej druri” me 1,2%, dhe në prodhimin e produkteve ushqimore dhe letre, secili me 0,9%.

Ndërkohë, sektori i industrisë nxjerrëse ka shënuar një rritje të lehtë prej 0,1% krahasuar me vitin e kaluar.

Krahasuar me tremujorin e parë, çmimet e importit të energjisë elektrike dhe gazit kanë pësuar ulje të vogël prej 0,5%, ndërsa sektori i furnizimit me ujë dhe menaxhimit të mbeturinave ka rënë me 0,6%.

Po ashtu, brenda industrisë përpunuese, çmimet e produkteve të letrës dhe produkteve prej letre janë ulur me 0,5%. Megjithatë, sektori i industrisë nxjerrëse ka shënuar një rritje të lehtë prej 0,1%. /j.p/

The post INSTAT: Çmimet e importeve, rënie vjetore prej 0,7% appeared first on Agjencia Telegrafike Shqiptare.

Një udhëtim mes natyrës së bekuar dhe sfidave të turizmit shqiptar.

Nga Esmeralda Topi dhe Atdhe Mulla 

Mëngjesi i 25 gushtit na gjeti në rrugë. Nga Tirana morëm drejtimin për në jug, me synimin për të parë nga afër ecurinë e një sezoni turistik që nisi me pritshmëri të mëdha, por që nuk arriti të kthehej në “bumin” e shumëpërfolur.

Rruga drejt Himarës zgjati rreth tre orë e gjysmë. Për fatin tonë të mirë, zgjimi i hershëm na kurseu trafikun, madje edhe në autostradën Tiranë–Durrës, e cila prej muajsh është kthyer në një makth udhëtimi për shkak të punimeve.

Në hyrje të Vlorës, tek rrethrrotullimi i njohur si “Kulaçi”, disa pika shiu na e prishën humorin për pak çaste. Por ndërsa iu afruam ujit të ftohtë, dielli doli sërish. Plazhet përbri shëtitores së Vlorës ishin thuajse bosh, me ndonjë pushues të rrallë.

Në Radhimë, dielli përvëlonte si në mes të korrikut, por as aty nuk kishte shumë njerëz. Pamja e rrugës na përforconte mendimin se këtë vit, Shqipëria nuk po përjetonte asnjë bum. Këtë përshtypje e konfirmonin edhe të dhënat zyrtare. Sipas INSTAT, në korrik, kulmin e sezonit veror, numri i turistëve të huaj ishte rritur me vetëm 0.4 për qind, ndërsa vizitorët gjithsej me 1.5 për qind krahasuar me një vit më parë. Një rritje e papërfillshme.

Nga Llogaraja në Himarë

Rrugës për në tunelin e Llogarasë, një tabelë blu shkaktoi të qeshura në makinën tone: Green Coast 13 km, Mykonos 598 km, Bodrum 773 km, Ibiza 1,531 km.
I them grupit me shaka:

“Të gjitha këto kanë të përbashkët çmimet e kripura”

Pak minuta më vonë, pasi kaluam tunelin ende pa pagesë, u gjendëm mbi Palasë. Pamja e Jonit ishte mbresëlënëse dhe na shoqëroi deri në Himarë, destinacionin final. Ndryshe nga Vlora, Himara gumëzhinte. Plazhi ishin mbushur me njerëz, vendas e të huaj, duke i dhënë një frymëmarrje ndryshe qytetit.

U ulëm në një lokal modest, buzë plazhit publik. Porosia ishte e thjeshtë: një birrë dhe një kafe e ftohtë. Çmimi? 650 lekë. Deri këtu asgjë e çuditshme, por kur kërkova faturën, kamarieri, një djalë i sjellshëm, u zu ngushtë. “Nuk e kemi ndezur ende…”, tha gjithë siklet.

Këmbëngula dhe pas pak solli një fletë të shkruar me dorë. M’u kujtua menjëherë skena e famshme e faturës së rigonit që Muçi ia kërkonte Bardhës. 

Himara nuk është Dhërmiu

Në Himarë çmimet varionin. Një natë në hotele kushtonte nga 5,000 mijë deri në 50,000 mijë lekë, ndërsa çadrat me dy shezlongë nga 1,000 deri në 2,000 mijë lekë. Restorantet buzë shëtitores kishin çmime të ngjashme me Tiranën, larg “faturave fantazmë” që qarkullojnë në rrjete sociale. Dhe himariotët këmbëngulnin se

“Himara nuk është Dhërmiu!”

Megjithatë, edhe ata pranonin se ky vit kisht një rënie të dukshme. 

Në një market të vogël, bleva një shishe ujë për 50 lekë. Me kupon. Se fsheha habinë ndaj pronarja m’u përgjigj me humor: Shikoji të gjitha çmimet… i kam si në Tiranë. Nuk je në Dhërmi këtu!

“Hoteli është plot, por restoranti nuk ka konsum si vitin e kaluar. Ka rënie me të paktën 20 për qind”,  pohoi menaxherja e një hoteli në Potam. 

Shqiptarët e varur nga “sponsorët”

Pushuesit vendas ankoheshin për çmime të papërballueshme. Një pensionist nga Elbasani, që pushonte me familjen në Potam, tha me humor:

“Për shqiptarët është shumë e shtrenjtë. Kam ardhur me sponsor, se vetë s’doja ta përballoja dot. Kush është sponsori? Baxhanaku!”, dhe qeshi me të madhe.

Edhe turistët e huaj ndanin të njëjtin këndvështrim. Një spanjolle që po qëndronte dy javë nga veriu në jug e përshkruante Shqipërinë për nga çmimet si vend “pak a shumë sa Spanja”. 

“Jo shumë e lirë për ne, është një vend për t’u zbuluar. Çmimet janë të ngjashme me Spanjën”, pohoi ajo, teksa shtoi se Shqipëria mbetet gjithsesi një vend për tu rekomanduar.  

Dy vajza amerikane, në ditën e parë të pushimeve të tyre, mendonin ndryshe.
“Jemi për herë të parë në Shqipëri. E kemi parë në TikTok e Instagram. Ne po bëjmë një udhëtim nëpër botë në kërkim të një përvoje të lirë. Dhe Shqipëria ishte në listën e Ballkanit. Pastaj bëmë kërkimet tona dhe Shqipëria dukej shumë e lirë dhe e bukur”

Vajzat kishin ardhur në Shqipëri pas një jave pushim në vendet baltike dhe skandinave.

“Krahasuar me ato vende që ishin goxha të shtrenjta, këtu është më lirë. Edhe krahasuar me SHBA-të”, thanë njëzëri. 

Turizmi është si ullinjtë

Në oborrin e një hoteli familjar në Himarë, nën hijen e ullinjve, takova vëllezërit Neranxi bashkë me nënën e tyre. Prej 20 vitesh ata e kishin ngritur me mund hotelin “George”. Arturi, vëllai më i madh i familjes e sheh turizmin si punë afatgjatë.

“Unë personalisht jam në të njëjtat nivele, por mundohem me mish e shpirt. Unë nuk shoh të marr lekun e të ikësh, unë investoj tek klienti që ti lë shije të mirë në mënyrë që nëse do rikthehet në Himarë të vijë patjetër këtu” . Vëllai i tij shtoi një krahasim të goditur.

“Turizmi është si ullinjtë, një vit jep prodhim, një vit jo. Kështu është dhe turizmi sepse njerëzit qarkullojnë”

Rënia e turizmit këtë vit, sipas tyre, nuk e ka zanafillën tek çmimet e larta të jugut. Ata besojnë se Shqipëria është bërë më e shtrenjtë në tërësi.

“Jetesa në Shqipëri është shtrenjtuar”, argumenton Turi. 

Dhe kjo është e vërtetë, mendoja teksa bisedoja me ta, familjarë të përkushtuar pas një industrie që siç edhe vetë e pranonin është ende në fillesa. 

“Problemet që kemi ne si industri turistike ishin dhe vjet dhe do të jenë edhe vitin tjetër. Ne jemi në fillim të turizmit masiv, nuk kemi përvojë, as traditë në turizëm siç mund të kenë komshinjtë tanë”, vijon me tej Arturi, duke pranuar edhe abuzimet që ndodhin në jug. 

“Nëse një dhomë ofron kushte për 70 euro, nuk ke pse e shet 90 sepse të gjithë e shesin 90. Kjo është pjesa e abuzimit”, shton ai. 

Në fund, Arturi thotë se industria turistike në Shqipëri duhet të përqendrohet tek pushuesi vendas. 

“Këshilla ime është që të investojmë tek shqiptarët. Këtu e kam fjalën edhe për ata të Kosovës, për emigrantët. Turistët shqiptarë kanë një karakteristikë që shumë pak e kanë kuptuar: Janë të vetmit që mund të të vijnë dhe dy herë brenda një sezoni. Edhe tre herë”

Kosova nuk është më “garanci”

Zak Topuzi që drejton “Shoqatën Shqiptare të Turizmit” kujton se Kosova ka qenë për vite burimi kryesor i turistëve. Por tashmë, sipas tij, “Kosova nuk është më treg i garantuar. Liria e lëvizjes ka sjellë liri zgjedhjeje, dhe kosovarët po zgjedhin përvojën më të mirë, shpesh Greqinë”.

“Një faktor kyç që po ndikon në këtë zhvendosje është fuqia konkurruese e ofertave turistike rajonale në euro. Zhvlerësimi i euros me 27% (krahasuar me lekun) ka rritur ndjeshëm koston e paketave shqiptare. Në Greqi, për të njëjtin çmim, një familje kosovare mund të marrë shërbime të standardizuara, resort të mirë organizuar, vila me kapacitete të kufizuara dhe privatësi të garantuar”, argumenton Topuzi. 

Ndërsa, ekonomisti Artan Gjergji shton se filozofia ‘kap çfarë të kapësh’ nuk është e qëndrueshme. 

“Mekanizmi i tregut është i pamëshirshëm. Nuk ka dënim më të madh për një biznes se sa ndryshimi i sjelljes dhe preferencës së klientëve si pasojë e abuzimit. Duhet reflektim në mendësi para se të jetë shumë vonë”

Sipas tij, çmimet shpesh nuk rriten drejtpërdrejt në vlerë nominale, por në mënyrë të tërthortë, duke abuzuar me sasinë e produktit. 

“Një pica e mesme shitet me çmimin e një pice familjare, ndërsa pica më e vogël ofrohet si standarde. Po kështu, sasia e një sufllaqeje 270 lekëshe në Tiranë është e barabartë me dy sufllaqe 350 lekëshe në Shëngjin, Durrës, apo edhe më keq në Vlorë e Sarandë”

Edhe Irena Beqiraj, eksperte për ekonominë dhe financat e sheh çështjen përmes logjikës ekonomike. 

“Turizmi kërkon infrastrukturë që përdoret vetëm në verë. Investimet që shfrytëzohen tre muaj në vit kanë presion të madh tek çmimet. Për më tepër, Shqipëria importon shumicën e produkteve, dhe ky model nuk mund të mos shoqërohet me inflacion”

***

Rruga e kthimit nga Himara na la me një mendim të vetëm: Shqipëria është e bekuar me natyrë, por turizmi nuk bëhet vetëm me det e me diell përvëlues. Turizmi kërkon respekt për pushuesin, mendje të kthjellët për të ardhmen dhe vizion përtej verës.

Nuk mjafton të hapësh dyert, nëse nuk di të mbash miqtë brenda.

The post Shqipëria turistike këtë verë, mes ëndrrave për “bum” dhe realitetit të shtrenjtë appeared first on Faktoje.al.

Çmimet e reja referencë të banesave do të hyjnë në fuqi nga 1 janari i vitit të ardhshëm, por apartamentet në rrethe po shiten e blihen tashmë më shtrenjtë. Nga Durrësi në Vlorë, bashkë Lezhën, Shkodrën e Shëngjinin… një metër katror po kushton më shumë për blerësit. “Çmimet e referencës shërbejnë si bazë për tatime […]

The post Ëndrra për një banesë po bëhet më e vështirë, çmimet e apartamenteve po rriten ndjeshëm edhe në rrethe appeared first on BoldNews.al.

ROMË, 12 gusht /ATSH/ – Unioni Italian i Resorteve (SIB) ka raportuar një rënie të frekuentimit të plazheve nga turistët prej rreth 15%, shkruan Serena Palumbo për gayetën më të madhe italiane ”Corriere della sera”.

Arsyet? Nga më të shumtat.

Pushimet janë bërë për italianët më të shtrenjta, po ashtu edhe resortet me ofertat e tyre.

”Duhet të dini të drejtat tuaja. Mund të sillni ushqimin tuaj nga shtëpia për të amortizuar sadopak shpenzimet”, deklaron deklaron kreu i Unionit, Massimiliano Dona, avokat dhe president i Unionit Kombëtar të Konsumatorëve (UNC).

”Kostot mbeten përgjegjësi e menaxherëve dhe pronarëve të tyre. Por, unë u them konsumatorëve: ka diçka për çdo buxhet, bëni zgjedhjen tuaj”, shton Massimiliano, i ndjekur gjerësisht në mediat sociale ku ai tregon çmimet e larta dhe problemin e plazheve bosh në shumë resorte italiane.

Të dhënat janë ende të përkohshme.

Sezoni – veçanërisht me gushtin – është në kulmin e tij, por Unioni Italian i Resorteve ka treguar tashmë një rënie mesatare të frekuentimit të resorteve në plazh prej rreth 15%.

Por, kulmi arrin në 25% në Kalabri dhe Emilia-Romagna.

”Arsyeja, ndër shumë të tjera, është edhe inflacioni që konsumatorët janë detyruar të durojnë që nga pandemia”, shpjegon avokati.

”Njerëzit janë të lodhur duke shpenzuar dyfishin e çmimit të viteve të kaluara për të marrë të njëjtat shërbime si gjithmonë. Kjo situatë ka tradhtuar marrëdhënien e besimit që dikur ishte krijuar me pronarët e resorteve në plazh, gjë që i ndihmoi ata të ktheheshin në të njëjtin vend vit pas viti. Sot, pronarët na duken si të paepur: ata kujdesen më shumë për fitimin sesa për shërbimin ndaj klientit. Por, edhe faktorë të tjerë sigurisht që kontribuojnë janë edhe zakonet e pushuesve që kanë ndryshuar”, thekson Dona.

“Edhe në atë rastin e ushqimeve dhe pijeve, ka pak që mund të bësh nëse një shishe ujë në barin e resortit në plazh kushton më shumë. Por, ka një gjë që mund të bësh për këtë: mundësinë e sjelljes së ushqimit nga jashtë … një mundësi që, në realitet, shumë e ndalojnë. Pikërisht. Le të sqarojmë dhe, mbi të gjitha, të informojmë konsumatorët për të drejtat e tyre: çdo ndalim që pengon sjelljen e ushqimit ose pijeve në plazh është i paligjshëm. Dhe, nëse vendosen tabela, ato nuk kanë fuqi ligjore”, thekson ai.

“Lajmet e fundit në Kampania kanë përfshirë edhe kontrollin e çantave, hedhjen e pjatave me makarona të ftohta në koshin e plehrave dhe madje edhe vjedhjen e shisheve të foshnjave nga nënat. Nuk e di nëse këto janë histori të ekzagjeruara apo jo, por është e rëndësishme të sqarohet se vetëm forcat e rendit mund të na kontrollojnë, të kontrollojnë çantat tona të shpinës dhe të konfiskojnë sende, pa lejen tonë”, thekson ai.

”Të jemi të qartë: lokalet nuk mund të vendosin se ku hamë dhe çfarë”, shton ai./  /os/

The post ”Corriere della sera”: Çmimet e kripura po largojnë turistët nga plazhet italiane appeared first on Agjencia Telegrafike Shqiptare.