Mes kodrave të gjelbëruara të Mulletit, rreth 13 kilometra larg qendrës së Tiranës, “Equos Resort” reklamon shërbime luksi, mes të cilave një klub hipizmi, xhiro me kuaj apo sporte ujore për stinët e nxehta të vitit. Por koleksioni më i vlefshëm fshihej në një qilar brenda resortit. Pas shpalljes në kërkim të Ergys Agasit për […]

The post Si u zhduk koleksioni i shtrenjtë i verërave të Ergys Agasit appeared first on Reporter.al.

Në orët e pasditës të së martës, Policia e Kosovës ka regjistruar dy raste të kontrabandës në komunën e Leposaviqit, konkretisht në fshatrat Zernovshek dhe Gnjezhdane.

Lajmin e konfirmoi Veton Elshani, zëvëndësdrejtor i Drejtorisë Rajonale Mitrovicë-Veri të Policisë së Kosovës.

Ai bëri të ditur se gjatë aksioneve janë identifikuar pije alkoolike dhe joalkoolike, si dhe mbi 20 mijë euro ‘cash’.

Sipas Elshanit, rasti i parë është trajtuar nga Policia Kufitare, ndërsa i dyti nga Policia e Rendit.

“Pijet alkoolike dhe tri automjete janë konfiskuar, ndërsa tek rasti i Policisë së Rendit Publik një person pas intervistimit është liruar në procedurë të rregullt,” tha ai.

Policia vazhdon hetimet për zbardhjen e plotë të të dy rasteve dhe theksuan rëndësinë e bashkëpunimit të qytetarëve për parandalimin e kontrabandës në zonat e veriut./Telegrafi.

Prokuroria Speciale e Republikës së Kosovës ka ngritur aktakuzë kundër katër personave për veprat penale “Pjesëmarrja ose organizimi i grupit kriminal të organizuar” dhe “Kontrabandimi me migrantë”.

Të pandehurit A.K., F.L., V.P., B.C, në bashkëkryerje me persona të paidentifikuar, akuzohen se nga muaji janar i vitit 2023 deri në shtator të po atij viti kanë vepruar si grup i organizuar kriminal, me qëllim përfitimi të kundërligjshëm, duke kontrabanduar shtetas të huaj në territorin e Republikën së Kosovës.

“Sipas aktakuzës, të pandehurit kanë marrë pjesë aktive në veprimtarit të kundërligjshme të kontrabandimit të migrantëve, të cilët vinin përmes Shqipërisë nga shtetet të ndryshme si Bangladeshi, Pakistani, Siria dhe vende të tjera, me destinacion shtetet e tjera të Evropës”, thuhet në njoftim.

Këto veprime, katër të pandehurit i kanë kryer në këmbim të shumave monetare prej 100 deri në 300 euro për person.

Rasti i kaluar për trajtim Departamentit Special në Gjykatën Themelore në Prishtinë. /Telegrafi/

Dogana e Kosovës ka bërë të ditur se gjatë kontrolleve të rregullta në Zyrën e Brendshme Doganore Dheu i Bardhë, është paraqitur një ngarkesë mallrash, ku gjatë ekzaminimit zyrtarët doganorë kanë hasur në mallra të padeklaruara.

Më njoftim bëhet e ditur se malli i konstatuar përfshin pjesë të përdorura për automjete, të futura pa u deklaruar sipas procedurave ligjore doganore.

“Pas verifikimit të mallit, vlera e tij arrin shumën rreth 4,000 euro. Mallrat janë ndaluar, ndërsa ndaj palës përgjegjëse është iniciuar procedurë për kundërvajtje doganore, në bazë të nenit 244 të Kodit Doganor dhe të Akcizës së Kosovës”, thuhet në njoftim. /Telegrafi/

Një shtetas shqiptar, i identifikuar si Ibrahim Sollaku, 33 vjeç, ka pranuar se është përpjekur të ndihmojë në kontrabandimin e pesë shqiptarëve në Mbretërinë e Bashkuar me një kamion, raporton BBC. Sipas raportimeve, Sollaku nga Wilton Avenue, Southampton, u arrestua në Bournemouth, Belgjikë më 5 nëntor, ku oficerët e kishin pikasur bashkë me një të […]

The post Kalonte njerëz ilegalisht me kamion drejt Anglisë/ Trafikanti shqiptar pranon fajësinë (EMRI) appeared first on BoldNews.al.

Për tri javë radhazi, vetura të tipeve të ndryshme, kamionë e automjete të vogla janë xhiruar deri sa kalojnë përgjatë një rruge e cila është skaj Banjskës.

Në Zubin Potok, ekipi arriti që të identifikojë disa prej veturave të cilat përdornin rrugë ilegale për të transportuar mallra të ndryshme nga Serbia për në Kosovë.

Rruga që shihet edhe në pamjet e transmetuara në emisionin e Kallxo Pernime më 14.12.2025, është vështirë e kalueshme, sidomos në periudhat kur ka të reshura bore e shiu.

Grupe të cilat konsiderohen të rrezikshme janë duke vazhduar sërish të mbajnë primatin e kontrabandimit në pjesën e veriut të vendit.

Pjesëtarë të grupeve janë kapur herë pas here nga Policia e Kosovës duke kryer veprimtari ilegale.

Pamjet të cilat i kemi transmetuar sonte, tregojnë edhe kohën, veturat, rrugën të cilën përshkojnë veturat të ndryshme skaj Banjskës, mes Leposaviqit e Zubin Potokut.

Në zonën të cilën ekipi i Kallxo Pernime ka hulumtuar për disa javë, i cili njihet si “Junak” një zonë malore po përdorej për të kontrabanduar mallra nga Serbia në Kosovë. Kontrabanda kryesisht bëhej me gjëra ushqimore e tekstil.

Kamerat e ekipit të vendosura për të mbikëqyrur rrugën që do të përdorej, filmoi edhe automjete të ndryshme të cilat kalonin përgjatë rrugës drejtë Serbisë dhe më pas të njëjtat shiheshin duke u kthyer në Kosovë.

Madje në disa raste, kamerat kanë filmuar edhe kolona të makinave të ndryshme jo vetëm një apo dy të tilla. Madje në gjithë xhirimet që ka ekipi i Kallxo Pernime, nata e cila pati më së shumti qarkullim të kontrabandës ishte ajo e një nate para se të betoheshin kryetarët e komunave në veri të vendit.

Kontrabanduesit e dyshuar përdornin natën si kohë e cila u mundësonte atyre të dalin më lehtë dhe pa u identifikuar në Serbi dhe të ktheheshin të mbushur me mallra ilegale pa dokumentacion në Kosovë.

Koha në të cilën kishte më së shumti qarkullim ishte 20:00 – 22:00.

Më 27 nëntor 2025, kamerat e ekipit kapen pamjet e para të veturave që shfrytëzonin rrugën e vështirë për të kaluar ilegalisht në Serbi për kontrabandë.

Rruga në të cilën po kalonin kontrabandistët ishte duke u punuar nga kompani të kontraktuara nga institucionet në Kosovë.

Por, ndonëse ishte duke u punuar, rruga kohë pas kohe bëhej vështirë e kalueshme për makina të cilat nuk kanë fuqi të ngjiten deri në majën e saj, aty ku edhe ekipi kishte vendosur kamerat.

Pamjet që ka siguruar KALLXO të javëve të kaluara, i ka dërguar edhe në Policinë e Kosovës. Hulumtimi të cilin realizoi ekipi rezultoi me arrestime mbrëmjen e 11 dhjetorit 2025. Gjashtë persona u arrestuan nën dyshimin për kontrabandë me mallra në zonën ku ekipi i kishte vendosur kamerat.

Në lidhje me këtë situatë, zëvendësdejtori rajonal në veri, Veton Elshani tha se kryesisht kontrabandistët përdornin mjete të ndryshme të vogla e të mëdha për të bartur mallra kryesisht ushqim e tekstil.

“Bartet sa nxë ai mjet transportues. Nëse është kamionetë bart gjëra ushqimor. Nëse haset ndonjë xhip i madh me një kepet të madh, bagazh atëherë është kryesisht me barna dhe ushqim. Por nëse krahasojmë vitin 2022 qarkullimi është më i vogël”- tha Elshani.

Ai shtoi se kontrabandistët shikojnë cilat rrugë janë më të lehta dhe të qarkullueshme, bëjnë vëzhgimin pastaj zhvillojnë kontrabandën.

“Kemi pasur mjaft raste kur ne i kemi ndaluar këta persona, por nuk do të thot që është ndaluar përgjithmonë. Ka ende gjëra ushqimore, barna, mish, gjëra të shtrenjta”- shton tutje Elshani.

Sipas tij, përveç dy pikave zyrtare kufitare ajo në Bërnjak e Jarinje, në pjesën e veriut të vendit janë identifikuar 64 rrugë ilegale në të kaluarën, shtatë prej tyre të cilat janë të asfaltuara e të tjerat të qarkullueshme.

Në anën tjetër personat të cilët janë arrestuar nga policia për kontrabandë janë kryesisht me të kaluar kriminale.

“Kemi njerëz që i njohim si pjesë të grupit. Ka pasur persona që kanë qenë në burg, në paraburgim, kanë dalë i kemi nxënë prapë të njëjtit. Mbrëmë i kemi ndalu disa persona, dy prej tyre janë largu. Kemi sekuestruar edhe mallra e tekstil. Automjetet janë sekuestruar”- shton tutje Elshani.

“Shumica janë me të kaluar … sepse janë përsëritës të veprimtarisë penale”- thotë Elshani.

Elshani përfundon duke thënë se policia po vazhdon mbikëqyrjen e sigurisë por nuk mohon se mund të ketë edhe kryerje të veprimtarisë penale prej personave të ndryshëm.

“Forma ka ndryshuar e kontrabandës. Rrugët ekzistojnë dhe për këtë arsye duhet me qenë në mbikëqyrje vazhdimisht. Rrugët ende përdoren, por ne jemi në kontroll të kufirit jo 100 %. Kurrë nuk është 100 %, mirëpo mundohemi të jemi çdo kund. Deri më tani kemi qenë mjaftë të suksesshëm, por nuk do të thot që ne do të ndalemi në punën tonë- e as kriminelët në rrugën e tyre”- shtoi ai.

Nëse disponon para të padeklaruara pranë autoriteteve, qofshin këto të fituara përmes evazionit fiskal, qoftë përmes kontrabandës apo aktiviteteve të tjera kriminale, do të kesh mundësi t’i deklarosh pranë tatimeve përkundrejt një tatimi minimal prej 5%, dhe askush nuk do t’ju inspektojë për të vërejtur se nga kanë ardhur paratë dhe as nuk do t’ju […]

The post Me parullën e “paqes”, Rama ringjall projektin e debatueshëm të amnistisë fiskale appeared first on Reporter.al.

Një shtëpi me pamje normale fshihte një “perandori multi-milionëshe” të kontrabandës së emigrantëve, e drejtuar nga një TikToker që kërkonte 8 mijë funte për kalim të rrezikshëm.

Sipas mediave të huaja, përcjell Telegrafi, Amanj Hasan Zada përdori taktika për të drejtuar një biznes "të sofistikuar" që organizonte kalimet përmes Kanalit për emigrantët që të vinin në Britani.

Ai më pas u mburr se kishte mbledhur para, duke postuar video ku i hidhte ato në ajër dhe duke festuar se ishte "kontrabandisti më i mirë i njerëzve".

I quajtur "Mbreti i Detit", ai drejtonte ndërmarrjen e tij nga një shtëpi me tarracë me pamje normale në Preston, Lancashire.

Por ai postonte pa pushim në internet për suksesin e tij, madje duke qëlluar me një pistoletë në ajër ndërsa qeshte nga gëzimi në një video.

Zada arrogant, dikur kërcënoi se do t'i priste këmbët një burri pasi zbuloi se familja e tij kishte paguar gjysmën e çmimit për një kalim.

Në një rast tjetër, 35-vjeçari ofroi zbritje për emigrantët që pranuan të filmonin veten duke kaluar Kanalin dhe t'i linin vlerësime të mira në Facebook dhe TikTok.

Ai i përdori këto "vlerësime" për të fituar më shumë biznes.

Por ai u kap nga Agjencia Kombëtare e Krimit pasi kontrabandoi qindra emigrantë nga Iraku, Turqia dhe Lindja e Mesme e gjerë.

Zada, vetë një migrant i paligjshëm, u monitorua nga policia në Preston, ku ai menaxhonte biznesin e tij dhe i detyroi bashkëpunëtorët e tij të vinin tek ai.

Zada u shpall fajtor për tre akuza për “lehtësimin e imigracionit të paligjshëm” në lidhje me shtatë persona dhe u dënua me 17 vjet burg në nëntor 2024.

Besohet se ai investoi pasurinë e tij në prona dhe tokë në Irak pasi emigrantët e paguanin përmes sistemit “hawala”, i cili vepron jashtë rregullave normale bankare. /Telegrafi/

Një rast i transportimit të mallrave kontrabandë është goditur këtë të diel në Shkodër. Sipas policisë, në aksin rrugor “Shkodër–Muriqan” është ndaluar automjeti me drejtues shtetasin F. L., i cili po transportonte 352 kuti ( 8448 kanace) pije freskuese. Nga hetimet ka rezultuar se këto pije po transportoheshin kontrabandë dhe si rezultat është arrestuar 46 […]

The post Pije freskuese kontrabandë në Shkodër, arrestohet shoferi, procedohen dy doganierë appeared first on BoldNews.al.

Pavarësisht të gjitha dallimeve të tyre politike dhe ekonomike, Bosnja dhe Hercegovina, Shqipëria, Kosova, Mali i Zi, Maqedonia e Veriut dhe Serbia ndajnë një sërë dobësish që i bëjnë ato një mjedis të favorshëm për krimin e organizuar, sipas Indeksit të Krimit të Organizuar 2025 të publikuar të hënën. Raporti, i prodhuar nga OJQ-ja Iniciativa Globale Kundër Krimit […]

The post Raporti/ Shqipëria, një nga korridoret kryesore të kontrabandës në Evropë appeared first on BoldNews.al.

Një rast i kontrabandimit me mallra është zbuluar mbrëmjen e së dielës në fshatin Hajkobillë të Prishtinës, ku policia ka hasur tre persona duke ngarkuar gjedhe në një kamion me targa vendore.

Sipas njoftimit të Policisë së Kosovës, rasti ka ndodhur rreth orës 18:00, kur njësiti policor gjatë patrullimit ka vërejtur tre të dyshuar meshkuj kosovarë duke ngarkuar në kamion tre krerë gjedhe - dy lopë dhe një viç.

Gjatë verifikimit, është konstatuar se njëra nga lopët kishte numër matrikulimi të Serbisë, ndërsa dy të tjerat nuk posedonin asnjë shenjë identifikuese, çka ka ngritur dyshime për kontrabandim të kafshëve nga territori i Serbisë.

Lidhur me rastin janë njoftuar Dogana e Kosovës dhe Agjencia e Ushqimit dhe Veterinarisë (AUV).

Me urdhër të prokurorit, kamioni dhe gjedhët janë konfiskuar dhe dërguar në terminalin doganor, ndërsa të dyshuarit janë liruar në procedurë të rregullt.

Hetimet rreth rastit po vazhdojnë nga njësitet kompetente të Policisë së Kosovës. /Telegrafi.

Emisioni “Fiks Fare” zbuloi një tjetër skandal, që cënon rëndë sigurinë ushqimore në Shqipëri. Kafshë të pa kontrolluara dhe pa asnjë certifikatë shëndetësore vijnë kontrabandë nga Maqedonia e Veriut. Pas këtyre informacioneve, grupi i emisionit investigativ udhëtoi në Dibër të Madhe. Kontrabanda bëhet në afërsi të Doganës së Bllatës dhe deri më sot, asnjë institucion […]

The post Skandal në kufi/ Zbulohet rrjeti i kontrabandës së viçave nga Maqedonia, cënohet siguria ushqimore appeared first on BoldNews.al.

Policia ka proceduar penalisht një tregtar 43-vjeçar në Kukës pasi po kontrabandonte veshje nga Shqipëria drejt Kosovës. Policia Kufitare e Morinës ka zbuluar rastin teksa intensifikoi kontrollin në brezin e gjelbërt pas informacioneve operative për aktivitete të paligjshme. Dhe bazuar pikërisht në këto informacionet në rrugë operative, ndaluan në aksin rrugor që lidh fshatrat Pogaj […]

The post Kontrabandë mallrash nga Shqipëria drejt Kosovës, e pëson tregtari 43-vjeçar appeared first on BoldNews.al.

Shoferi i një autobusi në Kapshticë është arrestuar nga policia pasi akuzohet se kontrabandonte veshje nga Greqia. Gjatë kontrollit, në mjetin që ai drejtonte janë gjetur një sasi e konsiderueshme veshjesh të dyshuara si të kontrabanduara nga Greqia, pasi nuk ishin të pajisura me dokumentacion tatimor apo fatura blerjeje. Sipas Policisë Kufitare, mallrat e sekuestruara […]

The post Kontrabandoi nga Greqia veshje me vlerë 100 mijë euro, arrestohet shoferi i autobusit në Kapshticë appeared first on BoldNews.al.

Policia Kufitare intensifikon kontrollet për parandalimin dhe goditjen e paligjshmërive në kufi.

Goditet një tjetër rast i kontrabandës.
Kontrabandoi veshje nga Greqia, arrestohet në flagrancë, gjatë transportimit të tyre, 54-vjeçari, shofer autobusi.
Sekuestrohen veshjet e kontrabanduara, që kapin vlerën rreth 100 mijë euro.

Në vijim të kontrolleve sistematike dhe atyre të bazuara në informacionet policore të marra në rrugë operative, shërbimet e DVKM Korçë, në hyrje të RSh-së, në PKK Kapshticë, kaluan për kontroll në vijën e dytë autobusin me drejtues shtetasin N. Z., 54 vjeç, banues në fshatin Neviçisht, Korçë.

Nga kontrolli, në autobusin që ky shtetas drejtonte, janë gjetur veshje të dyshuara të kontrabanduara nga Greqia, pasi nuk ishin të pajisura me fatura blerjeje.

Në vijim të veprimeve procedurale, u arrestua në flagrancë shtetasi N. Z., 54 vjeç, për veprën penale “Kontrabanda me mallra të tjera”.

Materialet procedurale iu referuan Prokurorisë së Korçës, për veprime të mëtejshme.

The post Kontrabandoi veshje nga Greqia me vlerë 100 mijë euro, arrestohet shoferi i autobusit appeared first on Albeu.com.

Polica në Korçë ka arrestuar një 53-vjeçar, pasi u kap në flagrancë në aksin rrugor “Kapshticë-Bilisht”, duke transportuar mallra të dyshuara të kontrabanduara nga Greqia. Në aksin rrugor “Kapshticë-Bilisht”, shërbimet e Policisë kanë ndaluar automjetin me drejtues personin me inicilaet N. J, ku gjatë kontrollit në automjet, ata kanë gjetur pajisje të ndryshme hidrosanitare dhe […]

The post Korçë/ U kap duke transportuar mallra të kontrabanduara nga Greqia, arrestohet 53-vjeçari! appeared first on BoldNews.al.

Në pikën kufitare në Vërmicë zyrtarët doganorë kanë gjetur 110 litra vaj ulliri të padeklaruara nga personi i cili po i transportonte, ndërsa kishte mohuar se kishte ndonjë gjë për të deklaruar.

Në njoftimin për media bëhet e ditur se rasti ka ndodhur sot rreth orës 07:00.

“Në orët e hershme të mëngjesit, rreth orës 07:00, zyrtarët doganorë në Pikën Kufitare Vërmicë kanë ndaluar një automjet për kontroll të dytë. Pasi personi përgjegjës kishte mohuar se kishte ndonjë gjë për të deklaruar, ndërsa gjatë kontrollit të detajuar në automjet janë gjetur 110 litra vaj ulliri të padeklaruar, të vendosura në 22 bidona prej nga 5 litra secili”, thuhet në njoftim.

Personi përgjegjës për mallrat e padeklaruara nuk posedonte faturë përkatëse, duke kryer kështu kundërvajtje doganore sipas nenit 244 të Kodit Doganor dhe të Akcizës së Kosovës (KDAK-së).

Dogana e Kosovës rikujton qytetarët dhe udhëtarët se janë të obliguar të deklarojnë saktësisht çdo mall gjatë hyrjes në territorin e vendit dhe se mosdeklarimi përbën shkelje ligjore dhe sjell masa ndëshkuese. /Telegrafi/

Policia e Dibrës ka goditur një rast të kontrabandës me mallra të ardhura nga Maqedonia e Veriut. Gjatë aksionit u arrestua në flagrancë një 42-vjeçar nga Maqellarë, i cili transportonte mallra të ndryshme të kontrabanduara, ndërsa në pranga përfundoi edhe një doganier i Degës Doganore Bllatë, i dyshuar për korrupsion dhe shpërdorim detyre. Një tjetër […]

The post Kontrabandë në kufi, arrestohet 42-vjeçari dhe një doganier i Bllatës appeared first on Reporter.al.

Një rast i mallrave kontrabandë është goditur këtë të mërkurë. Gjatë finalizimit të operacionit të koduar “Skaneri” është arrestuar një 42-vjeçar. Sipas policia, ky shtetas është kapur në flagrancë gjatë transportimit të mallrave që kishte kontrabanduar nga Maqedonia e Veriut.

Ndërsa është arrestuar edhe një doganier i Pikës Kufitare Bllatë, pasi dyshohet se nëpërmjet korrupsionit ka lejuar këtë veprimtari kriminale. Gjithashtu edhe një tjetër doganier është vënë në hetim për shpërdorim detyre.

Mallrat dhe automjeti me të cilin transportoheshin si edhe disa shuma parash janë sekuestruar nga autoritetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

/abcnews.al/

TIRANË, 13 tetor /ATSH/ Prokuroria e Posaçme kundër Korrupsionit dhe Krimit të Organizuar ka përfunduar hetimet dhe ka dërguar për gjykim  11 pandehur për kontrabandë nafte në Durrës.

SPAK dërgoi për gjykim:

Armand Marvataj, me detyrë punonjës policie i Komisariatit të Policisë Durrës, i akuzuar për kryerjen e veprës penale “Korrupsioni pasiv i personave që ushtrojnë funksione publike”,

Juxhin Koka, i akuzuar për kryerjen e veprave penale, “Kondrabandë për mallrat për të cilat paguhet akcizë, ose me pezullim të plotë apo të pjeshëm, nga detyrimet doganore, ose të akcizës”, e kryer në bashkëpunim, “Korrupsioni aktiv i personave që ushtrojnë funksion publike” e kryer në bashkëpunim, “Vjedhja”, e kryer në bashkëpunim.

Drilon Malluta, i akuzuar për kryerjen e veprave penale, “Korrupsioni aktiv i personave që ushtrojnë funksion publike”, kryer në bashkëpunim, dhe “Vjedhja” kryer në bashkëpunim.

Mohammad Sallit, shtetas sirian, me detyrë kapiten i anijes, Nedio Mejdani, me detyrë oficer i parë i anijes, të akuzuar për kryerjen e veprës penale, “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në bashkëpunim.

Hasan Broud, Sami Shanata, Faez Ismaeil, Wissam Rostom, shtetas sirianë, marinarë të anijes, të akuzuar për kryerjen e veprave penale, “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, e kryer në bashkëpunim, dhe “Vjedhja”, e kryer në bashkëpunim.

Samir Bayoumy, shtetas egjiptian, me detyrë inxhinier i tretë dhe përgjegjës mekanik i anijes, dhe Abdoulmohaimen Shanata, shtetas sirian, marinar i anijes, të akuzuar për kryerjen e veprës penale, “Vjedhja”, e kryer në bashkëpunim.

Ky procedim penal është regjistruar në bazë të materialit referues të Agjencisë së Mbikëqyrjes Policore –  Drejtoria Rajonale Durrës-Kavajë, në ngarkim të punonjësit të policisë Armand Marvataj, pranë Komisariatit të Policisë Durrës, dhe ndaj shtetasve Juxhin Koka dhe Drilon Malluta, për veprat penale, “Korrupsioni pasiv i personave që ushtrojnë funksione publike” dhe “Korrupsioni aktiv i personave që ushtrojnë funksione publike”, të kryera në bashkëpunim si dhe lidhet me veprat penale, “Kondrabandë për mallrat për të cilat paguhet akcizë, ose me pezullim të plotë apo të pjesshëm, nga detyrimet doganore, ose të akcizës”, e kryer në bashkëpunim, dhe “Vjedhja”, e kryer në bashkëpunim, të dërguar për kompetencë në Prokurorinë e Posaçme.

Nga tërësia e veprimeve hetimore ka rezultuar e provuar se shtetasi, Juxhin Koka, në bashkëpunim me shtetasit Mohammad Sallit, me detyrë kapiten i anijes, Nedio Mejdani, me detyrë oficer i parë i anijes, dhe Hasan Broud, Sami Shanata, Faez Ismaeil, Ëissam Rostom, marinarë të anijes me flamur tunizian, “AYA ZANOYBYA”, e ankoruar në Porto Romano, Durrës, më 07.1.2025, kanë planifikuar, organizuar dhe realizuar kontrabandimin e 200 tonëve naftë.

Anija “AYA ZANOYBYA” dhe nafta e kontrabanduar janë sekuestruar në cilësinë e provës materiale më 12.1.2025, në kuadër të operacionit policor “Ari i zi”, i zhvilluar nga Drejtoria Vendore e Policisë Durrës.

Hetimet kanë treguar se më 27.1.2025, shtetasit Juxhin Koka dhe Drilon Malluta, i kanë ofruar shumën 10.000 euro, punonjësit të policisë Armand Marvataj, të planizuar me shërbim për ruajtjen e anijes së sekuestruar në Porto Romano, Durrës, me qëllim që të lejonte nxjerrjen e sasisë së naftës së sekuestruar nga anija, gjë e cila është realizuar mbrëmjen e datës 27.1.2025, në bashkëpunim me ekuipazhin e anijes; Samir Bayoumy me detyrë inxhinier i tretë dhe përgjegjës teknik i anijës, marinarët, Hasan Broud, Sami Shanata, Faez Ismaeil, Ëissam Rostom dhe Abdoulmohaimen Shanata.

Shuma monetare prej 10.000 eurosh është gjetur dhe sekuestruar në cilësinë e provës materiale gjatë kontrollit të banesës së punonjësit të policisë Armand Marvataj.

/gj.m/j.p/

The post SPAK dërgon për gjykim 11 të pandehur për naftën e kontrabanduar në Durrës appeared first on Agjencia Telegrafike Shqiptare.