Policia e Elbasanit ka dalë me njoftim zyrtar lidhur me aksionin anti-drogë të zhvilluar ditën e djeshme. Në kuadër të operacionit të koduar “Jug & Veri” u arrestuan shtetasit Arben Guçe,  Elion Qeva , Fran Pjetra dhe Mark Muraca. Policia thotë se njëri prej të arrestuarve, konkretisht Mark Muraca dyshohet se ka vënë në dispozicion […]

The post Aksioni antidrogë në Elbasan/ Policia: Katër të arrestuar, sekuestrohen kanabis dhe armë zjarri appeared first on BoldNews.al.

TIRANË, 8 shkurt/ATSH/ Drejtori i përgjithshëm i Policisë së Shtetit, Drejtues Madhor Ilir Proda, shprehu sot vlerësimin për Drejtorinë Vendore të Policisë Tiranë, për operacionet e  suksesshme që po zhvillon në goditjen e trafikimit të armëve të zjarrit nga Kosova drejt Shqipërisë, si dhe të veprimtarisë kriminale të shitjes dhe mbajtjes së tyre pa leje në territorin e Tiranës.

Në një reagim në kuadër të operacionit “Barriera” ku u sekuestruan 12 pistoleta “Glock” me municion luftarak dhe u arrestua në flagrancë një 27‑vjeçar nga Kosova, Proda tha se “ky operacion si dhe operacionet dhe goditjet e realizuara përgjatë vitit 2025 dhe në fillim të këtij viti, janë dëshmi e një pune të mirorganizuar, profesionale, hetimore dhe operacionale, e strukturave të DVP Tiranë”.

Gjithashtu, vijoi Proda, konfirmojnë marrëdhënie shumë të mira bashkëpunimi ndërinstitucional, veçanërisht me Prokurorinë e Tiranës dhe partnerët ligjzbatues, si dhe bashkëpunimin shumë të mirë mes Policisë së Shtetit dhe Policisë së Kosovës, në funksion të parandalimit dhe goditjes së armëmbajtjes pa leje, trafikimit të lëndëve narkotike dhe çdo paligjshmërie tjetër.

Proda tha se armët e zjarrit janë mjeti kryesor për kryerjen e veprave penale dhe përbëjnë një rrezik të drejtpërdrejtë për jetën e qytetarëve dhe sigurinë publike.

“Parandalimi dhe goditja e tyre mbetet një prioritet absolut i Policisë së Shtetit, në shërbim të rendit, ligjit dhe qytetarëve. Sjell në vëmendjen tuaj se gjatë vitit 2026, goditja pa kompromis e armëmbajtjes pa leje, trafikimit të armëve dhe çdo forme tjetër të veprimtarisë kriminale të lidhur me to, do të jetë një nga fokuset kryesore të punës së Policisë së Shtetit në të gjitha qarqet e vendit”, nënvizoi Proda.

Proda inkurajoi forcat e policisë që të vazhdojnë punën me vendosmëri, profesionalizëm dhe përkushtim maksimal, në shërbim të ligjit dhe sigurisë së qytetarëve.

/k.s/r.e/

The post Proda: Goditja pa kompromis e armëmbajtjes pa leje, në fokus të Policisë së Shtetit appeared first on Agjencia Telegrafike Shqiptare.

Realizohet për herë të parë me sukses ndërhyrje kirurgjikale për Sindromën Eagle (një patologji e rrallë dhe komplekse), në Klinikën e Kirurgjisë Vaskulare në Qendrën Klinike Universitare të Kosovës.

Sipas një njoftimi për media bëhet e ditur se sindroma Eagle shkaktohet nga zgjatja jonormale e procesit stiloid në bazën e kafkës dhe manifestohet me dhimbje të forta në qafë dhe fyt, vështirësi në gëlltitje, si dhe, në raste të caktuara, me çrregullime të qarkullimit të gjakut për shkak të afërsisë me arteriet karotide.

“Pacienti M. D., mashkull, i lindur më 1964, paraqiste simptoma klinike të vazhdueshme. Pas ekzaminimeve të nevojshme biokimike, radiologjike dhe të tjera, u konstatua një zgjatje e procesit stiloid me gjatësi rreth 5.5 cm, gjë që e bënte të domosdoshëm trajtimin kirurgjikal”, thuhet në njoftim.

Tutje bëhet e ditur se duke marrë parasysh përfshirjen e strukturave vaskulare të qafës, u vendos që ndërhyrja të realizohej në Klinikën e Kirurgjisë Vaskulare, përmes qasjes ekstraorale, e cila mundëson ekspozim optimal anatomik dhe kontroll të plotë të strukturave vitale vaskulare dhe nervore.

“Ndërhyrja kirurgjikale është realizuar me sukses, ndërsa pacienti ka shfaqur përmirësim të menjëhershëm të simptomave. Aktualisht, ai është në gjendje të mirë shëndetësore dhe pritet të lirohet për trajtim shtëpiak. Ky intervenim përfaqëson një arritje të rëndësishme profesionale për Klinikën e Kirurgjisë Vaskulare dhe një dëshmi të rritjes së kapaciteteve institucionale të QKUK-së për trajtimin e patologjive të rralla dhe komplekse, në përputhje me standardet bashkëkohore mjekësore”, thuhet në njoftim. /Telegrafi/

Nën masa të rrepta sigurie, pasditen e kësaj fundjave do të nisë operacioni për transferimin e 90 të dënuarve me rrezikshmëri të lartë nga Institucioni i Ekzekutimit të Vendimeve Penale në Fushë-Krujë drejt IEVP Peqin.

Lëvizja e tyre do të realizohet me përfshirjen e strukturave të specializuara të rendit dhe shërbimeve penitenciare, me qëllim garantimin e rendit, sigurisë dhe mbarëvajtjes së procesit.

Burime jozyrtare bëjnë me dije se ky transferim do të kryhet në kuadër të rishpërndarjes së të dënuarve dhe forcimit të masave të sigurisë në institucionet penitenciare.

Megjithatë, transferimi i menjëhershëm pritet të sjellë sfida në drejtim të akomodimit dhe procesit të përshtatjes së të dënuarve në institucionin pritës, duke krijuar një ngarkesë të shtuar për strukturat e IEVP Peqin.

Operacioni është planifikuar në çdo detaj, me eskortë të posaçme dhe zbatim të protokolleve të përforcuara të sigurisë.

Autoritetet përgjegjëse po marrin masa për menaxhimin e situatës dhe garantimin e standardeve ligjore të trajtimit të të dënuarve, me qëllim që të mos cenohet rendi dhe siguria në institucion.

Mësohet se transferimi ishte planifikuar të kryhej gjatë orëve të natës që lamë pas, por për arsye organizative është shtyrë për pasditen e sotme.

The post Operacion nën masa të rrepta sigurie/ 90 të dënuar me rrezikshmëri të lartë transferohen sot pasdite drejt burgut të Peqinit appeared first on Albeu.com.

Detaje të reja kanë dalë në dritë nga operacioni i përbashkët i SPAK, autoriteteteve italiane, dhe Byroja Kombëtare e Hetimit, në disa ambiente të marra me qira në Tiranë, lidhur me mashtrimet përmes call center-ave. Mësohet se deri tani janë arrestuar 10 persona, mes të cilëve një shtetas italian, ndërsa dy të tjerë, pronarët, janë […]

The post “Do fitosh 50 mijë €!”/ Detaje nga goditja e “Call Centera-ve” në Tiranë, si funksiononte rrjeti appeared first on BoldNews.al.

Detaje të reja kanë dalë në dritë nga operacioni i SPAK në Tiranë, për goditjen e Call Centera-ve. Burime për mediat bëjnë me dije se në kuadër të këtij operacioni jane arrestuar 10 persona dhe janë shpallur në kërkim dy të tjerë. Sipas raportimeve, hetimi është kryer në bashkëpunim me autoritetet italiane dhe ka përfshirë […]

The post Operacioni i SPAK për Call Center-at/ Arrestohen 10 persona, shpallen në kërkim dy të tjerë appeared first on BoldNews.al.

TIRANË, 10 janar /ATSH/ Policia e Shtetit ka finalizuar operacionin policor të koduar “Brands 2”, duke zbuluar në Kamëz një magazinë ku stampoheshin veshje dhe këpucë të kontrabanduara me logo false të markave të njohura ndërkombëtare.

Operacioni u zhvillua nga Sektori për Hetimin e Krimit Ekonomik dhe Financiar në Drejtorinë për Hetimin e Krimit Ekonomik dhe Financiar në DPPSh, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, me mbështetjen e Komisariatit të Policisë Nr. 5 dhe Forcës së Posaçme “Shqiponja”.

Si rezultat i ndërhyrjes, u arrestua shtetasi turk Ozgan Sulun, 46 vjeç, u shpall në kërkim shtetasi turk Mehmet Karçiga, 50 vjeç, ndërsa nisi procedimi penal në gjendje të lirë për 3 punonjëse të magazinës, shtetaset L. M., Sh. M. dhe Sh. B.

Gjatë kontrollit, shërbimet e Policisë konstatuan sasi të mëdha veshjesh dhe këpucësh që dyshohet se kishin shmangur detyrimet doganore, si dhe makineri lazeri, printimi dhe stampimi, stampa dhe logo të markave të njohura ndërkombëtare. Po ashtu, u sekuestruan 1 celular dhe dokumente të tjera që do t’i shërbejnë hetimit.

Policia bën me dije se vijon puna për lokalizimin dhe kapjen e 50-vjeçarit të shpallur në kërkim, ndërsa materialet procedurale i janë referuar Prokurorisë së Tiranës për veprime të mëtejshme.

Hetimi po zhvillohet për veprat penale: “Shkelja e të drejtave të pronësisë industriale”, “Punësimi i paligjshëm”, “Kontrabanda me mallra të tjera”, “Tregtimi dhe transportimi i mallrave që janë kontrabandë”, “Ruajtja ose depozitimi i mallrave kontrabandë”, “Fshehja e të ardhurave” dhe “Falsifikimi i vulave, i stampave ose i formularëve”.

/gj.m/a.f/

The post “Brands 2”, Policia zbulon magazinën me veshje kontrabandë në Kamëz appeared first on Agjencia Telegrafike Shqiptare.

UASHINGTON, 4 janar /ATSH/ – Për muaj të tërë, spiunët amerikanë kishin monitoruar çdo lëvizje të presidentit të Venezuelës, Nicolas Maduro, sipas BBC.

Një ekip i vogël, që përfshinte edhe një burim brenda qeverisë venezuelase, kishte vëzhguar se ku flinte 63-vjeçari, çfarë hante, çfarë vishte dhe madje, sipas zyrtarëve të lartë ushtarakë, edhe “kafshët e tij shtëpiake”.

Më pas, në fillim të dhjetorit, u finalizua një mision i planifikuar me emrin “Absolute Resolve Operation”. Ai ishte rezultat i muajve të tërë planifikimi dhe provash të imtësishme, që përfshinin edhe ndërtimin nga trupat elitare amerikane të një kopjeje të saktë, në madhësi reale, të shtëpisë së sigurt të Maduros në Karakas, për të praktikuar rrugët e hyrjes.

Plani, që përbënte një ndërhyrje të jashtëzakonshme ushtarake amerikane në Amerikën Latine, të paprecedent që nga Lufta e Ftohtë, u mbajt rreptësisht sekret.

Kongresi nuk u informua dhe nuk u konsultua paraprakisht. Me detajet e sakta të përcaktuara, zyrtarëve të lartë ushtarakë u mbeti vetëm të prisnin kushtet optimale për nisjen e operacionit.

Ata donin të maksimizonin elementin e befasisë, thanë zyrtarët.

Kishte pasur një nisje të rreme katër ditë më parë, kur presidenti Trump kishte dhënë miratimin, por u vendos të pritej për mot më të mirë dhe më pak mbulim me re.
“Gjatë javëve të Krishtlindjeve dhe Vitit të Ri, burrat dhe gratë e ushtrisë së Shteteve të Bashkuara qëndruan gati, duke pritur me durim që të plotësoheshin kushtet e duhura dhe presidenti të na urdhëronte të vepronim”, tha shefi më i lartë ushtarak i vendit, gjenerali Dan Caine, në një konferencë shtypi.

“Fat të mbarë dhe Zoti ju ndihmoftë”

Urdhri nga presidenti për të nisur misionin erdhi më në fund në orën 22:46 EDT të së premtes.
“Do ta bënim këtë katër ditë më parë, tre ditë më parë, dy ditë më parë, dhe pastaj papritur u hap mundësia. Dhe thamë: Shkoni”, tha vetë Trump për Fox & Friends dje pak orë pas operacionit të natës.

“Ai na tha, dhe ne e vlerësojmë këtë… fat të mbarë dhe Zoti ju ndihmoftë”, tha gjenerali Caine.

Urdhri i Trump erdhi pak para mesnatës në Karakas, duke i dhënë ushtrisë pjesën më të madhe të natës për të operuar në errësirë.

Ajo që pasoi ishte një mision dy orë e njëzet minuta nga ajri, toka dhe deti, që befasoi shumëkënd në Uashington dhe në mbarë botën.

Për nga shkalla dhe saktësia, ai ishte praktikisht i paprecedentë. Dhe shkaktoi menjëherë dënime nga disa fuqi rajonale, me presidentin e Brazilit, Luiz Inacio Lula da Silva, që tha se kapja e dhunshme e udhëheqësit të Venezuelës vendoste “edhe një precedent jashtëzakonisht të rrezikshëm për të gjithë komunitetin ndërkombëtar”.

Trump nuk e ndoqi misionin nga salla e situatave në Shtëpinë e Bardhë. Në vend të kësaj, ai ishte i rrethuar nga këshilltarët e tij në klubin Mar-a-Lago në Palm Beach, Florida, ku ndoqi një transmetim të drejtpërdrejtë të operacionit, i shoqëruar nga drejtori i CIA-s, John Ratcliffe dhe sekretari i Shtetit, Marco Rubio.

“Ishte diçka e pabesueshme për t’u parë”, tha dje Trump. “Nëse do ta kishit parë çfarë ndodhi… e pashë fjalë për fjalë sikur po shikoja një shfaqje televizive. Dhe nëse do të kishit parë shpejtësinë, dhunën… ishte thjesht diçka e jashtëzakonshme, një punë e mrekullueshme që bënë këta njerëz”.

Në muajt e fundit, mijëra trupa amerikane janë dislokuar në rajon, duke iu bashkuar një aeroplanmbajtëseje dhe dhjetëra anijeve luftarake në grumbullimin më të madh ushtarak në dekada, ndërsa presidenti Trump ka akuzuar Maduron për trafik droge dhe narko-terrorizëm, si dhe ka shkatërruar dhjetëra varka të vogla të akuzuara për transport droge në rajon.

Por shenjat e para të operacionit  u shfaqën në qiell. Sipas zyrtarëve amerikanë, më shumë se 150 avionë përfshirë bombardues, avionë luftarakë dhe mjete zbulimi  u angazhuan gjatë natës.

“Ishte shumë komplekse, jashtëzakonisht komplekse, e gjithë manovra, uljet, numri i avionëve”, tha Trump për Fox News. “Kishim një avion luftarak për çdo situatë të mundshme”.

Shpërthime të forta u dëgjuan në Karakas rreth orës 02:00 me orën lokale, dhe re tymi u panë duke u ngritur mbi qytet.

“Dëgjova një zhurmë të madhe, një shpërthim të fortë”, tha një gazetare, Ana Vanessa Herrero. “I lëvizi të gjitha dritaret. Menjëherë pas kësaj pashë një re të madhe tymi që pothuajse bllokoi të gjithë pamjen”.

“Avionë dhe helikopterë po fluturonin kudo mbi qytet”, tha ajo.

Së shpejti, në rrjetet sociale nisën të qarkullonin gjerësisht video që tregonin avionë të shumtë në qiell dhe të tjera që tregonin pasojat e dukshme të shpërthimeve.

Njëra tregonte një kolonë helikopterësh që fluturonin në lartësi të ulët mbi Karakas, ndërsa tymi ngrihej nga shpërthime të dukshme.

“U zgjuam rreth orës 01:55 nga gjëmimi i shpërthimeve dhe zhurma e avionëve që fluturonin mbi Karakas”, tha një dëshmitare, Daniela. “Gjithçka u zhyt në errësirë të plotë, e ndriçuar vetëm nga shkëndijat e shpërthimeve aty pranë”.

“Fqinjët po shkruanin në grupin e bisedave të pallatit, të gjithë të hutuar dhe të pavetëdijshëm se çfarë po ndodhte, [dhe] të frikësuar nga shpërthimet”, shtoi ajo.

Një numër videosh tregojnë shpërthime, zjarr dhe tym në zona të ndryshme të Karakasit.

Deri tani janē konfirmuar pesë lokacione, të goditura gjatë sulmeve, përfshirë Bazën Ajrore “Generalissimo Francisco de Miranda”, një fushë ajrore të njohur si “La Carlota:, dhe portin La Guaira, korridori kryesor i Karakasit drejt Detit Karaibe.

Disa nga goditjet amerikane kishin në shënjestër sisteme të mbrojtjes ajrore dhe objektiva të tjera ushtarake, thanë zyrtarët.

Presidenti Trump sugjeroi gjithashtu se SHBA-ja i ndërpreu energjinë elektrike Karakasit përpara nisjes së misionit, megjithëse nuk specifikoi se si.

“Dritat e Karakasit u fikën kryesisht falë një ekspertize të caktuar që ne kemi”, tha ai. “Ishte errësirë dhe ishte vdekjeprurëse.”

“Ata e dinin se po vinim”

Ndërsa goditjet tronditnin Karakasin, forcat amerikane u futën në qytet. Ato përfshinin anëtarë të njësisë elitare “Delta Force,” njësia më e lartë e misioneve speciale të ushtrisë amerikane. Ata ishin të armatosur rëndë dhe mbanin edhe një pishtar prerës, në rast se do t’u duhej të prisnin dyert metalike të shtëpisë së sigurt të Maduros.

Sipas gjeneralit Caine, trupat mbërritën në vendndodhjen e Maduros pak pasi nisën goditjet, në orën 02:01 me orën lokale.

Trump e përshkroi shtëpinë e sigurt si një “fortesë” ushtarake në zemër të Karakasit.
“Ata ishin në pozicion gati duke na pritur. E dinin që po vinim”, tha ai.

Trupat u qëlluan sapo mbërritën, dhe një nga helikopterët amerikanë u godit, por arriti të vazhdonte fluturimin.
“Forcat amerikane zbritë në kompleksin e Maduros dhe vepruan me shpejtësi, saktësi dhe disiplinë”, tha gjenerali Caine.

“Ata thjesht hynë me forcë, dhe hynë në vende që realisht nuk ishin menduar të hapeshin, dyer çeliku të vendosura pikërisht për këtë arsye”, tha Trump.

Vetëm ndërsa operacioni po zhvillohej dhe që përfshiu edhe kapjen e bashkëshortes së Maduros, Cilia Flores sekretari i Shtetit Rubio filloi të njoftonte ligjvënësit për veprimin, një vendim që ka shkaktuar zemërim te disa anëtarë të Kongresit.

“Le të jem i qartë; Nicolas Maduro është një diktator i paligjshëm. Por nisja e një veprimi ushtarak pa autorizimin e Kongresit dhe pa një plan të besueshëm për atë që vjen më pas është e pamatur”, tha demokrati kryesor Chuck Schumer, udhëheqësi i partisë në Senat.

Njoftimi paraprak i Kongresit do ta kishte rrezikuar misionin, u tha gazetarëve Rubio gjatë konferencës për shtyp të së shtunës.
“Kongresi ka një prirje për të rrjedhur informacione”, shtoi Trump. “Kjo nuk do të ishte gjë e mirë”.

Në kompleksin e Maduros, ndërsa trupat elitare amerikane po hynin me shpejtësi, Trump tha se presidenti venezuelia, i cili thuhet se në muajt e fundit ka rritur mbështetjen te truprojat kubane, u përpoq të arratisej drejt një dhome të sigurt.
“Ai po përpiqej të shkonte në një vend të sigurt, i cili nuk ishte i sigurt, sepse do ta kishim hedhur në erë derën për rreth 47 sekonda”, tha ai.

“Ai arriti te dera. Nuk arriti ta mbyllte”, tha Trump. “U sulmua aq shpejt sa nuk arriti të futej në atë dhomë”.

Kur u pyet nëse SHBA-ja mund ta kishte vrarë Maduron, një udhëheqës autoritar që mori presidencën në vitin 2013, nëse ai do t’i kishte rezistuar arrestimit, Trump tha se kjo “mund të kishte ndodhur”.

Nga pala amerikane, “disa djem u plagosën”, tha ai, por asnjë ushtar amerikan nuk u vra.

Autoritetet venezueliane nuk kanë konfirmuar viktima.

SHBA-ja kishte ofruar më parë një shpërblim prej 50 milionë dollarësh për informacion që do të çonte në arrestimin e Maduros. Por deri në orën 04:20 me orën  lokale të së shtunës, helikopterët po largoheshin nga territori venezuelian me Maduron dhe bashkëshorten e tij në bord, nën kujdesin e Departamentit të Drejtësisë dhe në rrugë drejt Nju Jorkut, ku pritet të përballen me akuza penale.

Pothuajse saktësisht një orë më vonë, Trump njoftoi botën për kapjen e tij.

“Maduro dhe gruaja e tij së shpejti do të përballen me gjithë fuqinë e drejtësisë amerikane”, përfundoi ai. /Ad.Ab./

The post ANALIZË – Spiunë, dronë dhe pishtarë prerës; si e kapi SHBA presidentin Maduro appeared first on Agjencia Telegrafike Shqiptare.

BRAZILIA, 26 dhjetor /ATSH-DPA/ – Ish-presidenti i burgosur i Brazilit, Jair Bolsonaro, i është nënshtruar një ndërhyrjeje kirurgjikale për hernie bilaterale, bëri të ditur djali i tij, Flavio Bolsonaro.

“Operacioni, i kryer në një spital në kryeqytetin Brazilia, doli me sukses”, shkroi Flavio Bolsonaro në rrjetin social X.

Sipas portalit informativ “G1”,  Bolsonaro, 70-vjeç, pritet të qëndrojë në spital për rreth një javë.

Bolsonaro ka kaluar disa operacione vitet e fundit, pas një sulmi me thikë gjatë fushatës presidenciale të vitit 2018, ku u plagos rëndë.

Një gjykatës federal autorizoi procedurën e fundit mjekësore.

Ish-presidenti, i cili ishte në detyrë nga viti 2019 deri në 2022, po vuan një dënim me mbi 27 vjet burg që nga fundi i nëntorit, për tentativë për përmbysjen e qeverisë.

Prokurorët e akuzojnë atë se ka planifikuar një grusht shteti kundër qeverisë së pasardhësit të tij, Luiz Inácio Lula da Silva, pasi humbi zgjedhjet.

Megjithatë, gjykatësi hodhi poshtë kërkesën e avokatëve të Bolsonaros që ai ta vuante dënimin në arrest shtëpie për arsye shëndetësore.

Vendimi u justifikua me shkeljet e përsëritura të kushteve dhe përpjekjet për arratisje.

Ndër të tjera, Bolsonaro kishte dëmtuar byzylykun elektronik me një hekur saldimi natën para arrestimit të tij./  /Ad.Ab./ a.jor.

The post BRAZIL – Bolsonaro i nënshtrohet me sukses një operacioni në hernie appeared first on Agjencia Telegrafike Shqiptare.

Forcat speciale RENEA kanë zhvilluar dy operacione të ndara në zonën e Dobraçit në Shkodër dhe në Fushë-Kuqe në Kurbin. Burime për mediat bëjnë me dije se gjatë aksionit në Fushë Kuqe, policia ka arrestuar dy persona, identitetet e të cilëve nuk janë bërë ende publike. Po ashtu, gjatë kontrolleve janë sekuestruar armë zjarri, ndërsa […]

The post RENEA operacion në Dobraç dhe Fushë-Kuqe, dy të arrestuar appeared first on BoldNews.al.

Të tjera detaje kanë dalë në dritë nga operacioni i SPAK, në kuadër të së cilit u godit një grup i strukturuar kriminal që merrej me trafikun e drogës. Nga operacioni janë arrestuar 6 persona dhe janë shpallur në kërkim 4 tjerë, ndërsa burime për mediat bëjnë me dije se akuzat ndaj tyre janë provuar […]

The post Kokainë nga Amerika Latine drejt BE-së/ DETAJE nga operacioni i SPAK, si u zbulua grupi i “Rrajave” appeared first on BoldNews.al.

Janë zbardhur emrat e 3 të arrestuarve në Shqipëri, në kuadër të operacionit antidrogë të zhvilluar nga SPAK dhe Prokuroria e Brescias. Bëhet fjalë për shtetasit, Asti Llupi, Erald Salla dhe Altin Shehaj të cilët akuzohen si pjesë e grupit kriminal që merrej me shitjen dhe transportin e lëndëve narkotike nga Amerika e Jugut, Shqipëria […]

The post Operacioni antidrogë/ Dalin EMRAT e tre të arrestuarve në Shqipëri appeared first on BoldNews.al.

TIRANË, 27 nëntor/ATSH/ Prokuroria e Posaçme Kundër Korrupsionit dhe Krimit të Organizuar ka përfunduar fazën kryesore të hetimeve për procedimet penale që lidhen me veprimtari të trafikut ndërkombëtar të narkotikëve, pastrimit të parave, korrupsionit dhe disa veprave penale të parashikuara nga Kodi Penal.

Me kërkesë të Prokurorisë së Posaçme, Gjykata e Posaçme për Korrupsionin dhe Krimin e Organizuar vendosi lejimin e kontrolleve dhe të vendeve për 21 persona nën hetim, kontrolle të cilat janë kryer sot më datë 27 nëntor nga shërbimet e policisë gjyqësore të Drejtorisë së Policisë së Shtetit.

Procedimet penale të mësipërme janë hetuar në kuadër të Skuadrës së Përbashkët Hetimore me Prokurorinë Distrektuale Antimafia në Breshia, Itali, dhe Prokurorinë Publike të Konfederatës së Zvicrës.

Hetimet e përbashkëta me autoritetet italiane zbuluan veprimtarinë e një grupi kriminal, të përbërë kryesisht nga shtetas shqiptarë, i cili ka pasur qëllim trafikimin ndërkombëtar të lëndëve narkotike.

Ky grup i strukturuar kriminal, i nisur nga territori shqiptar me degëzime organike në territorin italian, dyshohet se ka importuar lëndë narkotike nga Amerika e Jugut në veriun e Europës, përmes rrugëve detare, duke e eksportuar, përmes rrugëve tokësore në automjete të tonazhit të rëndë, drejt Italisë.

Autoritetet italiane kanë sekuestruar një sasi të konsiderueshme të lëndëve narkotike, të llojit kokainë, në një vlerë mbi 1300 kg. Kjo sasi pasi ka hyrë në territorin italian, dyshohet se është ruajtur dhe magazinuar, për t’u shpërndarë në 6 baza logjistike operative, të krijuara nga grupi kriminal, në të gjithë territorin italian.

Në brendësi të këtyre bazave që përdoreshin për ruajtjen dhe magazinimin e lëndëve narkotike, personat përgjegjës, dyshohet se kanë vijuar me shpërndarjen e sasive të lëndëve narkotike dhe me mbledhjen e parave cash, të përfituar nga shitja.

Shuma e konsiderueshme e parave të ardhura nga trafikimi i lëndëve narkotike dyshohet se është transferuar tek drejtuesit e grupit kriminal përmes të ashtuquajturve “money mules” (korrierë /transportues financiarë), të cilët bëjnë pjesë në grupin kriminal, ku bënin pjesë edhe disa shoferëve të autobusëve, që vepronin në linjën Itali-Shqipëri.

Përveç masave të sigurisë, të caktuara sot, gjatë veprimtarisë hetimore të kryer nga autoritetet italiane janë arrestuar në flagrancë 10 subjekte, pjesë e grupit kriminal dhe janë sekuestruar mbi 550 mijë euro ‘cash’, 10 autovetura, 1 pistoletë gjysmautomatike dhe 130 kg lëndë narkotike (kokainë dhe heroinë) e cila, në rast se do të hidhej në treg mund të arrinte vlerën e rreth 12 milionë eurove.

Nga 24 persona, për të cilët është vendosur caktimi i masave të sigurimit, “arrest në burg” dhe “arrest në shtëpi” nga autoritetet italiane, është verifikuar se 6 prej tyre ndodhen në Shqipëri, 3 prej të cilëve janë arrestuar.

Gjithashtu, gjatë hetimeve paraprake për këtë procedim penal janë mbledhur provat e nevojshme, të cilat provojnë se shtetasi I.H, në cilësinë e Oficerit të Policisë Gjyqësore në Drejtorinë e Forcës së Posaçme Operacionale, në Drejtorinë e Përgjithshme të Policisë së Shtetit, i ngarkuar për kryerjen e veprimeve hetimore dhe procedurale për procedimin penal në fjalë u ka zbuluar personave të dyshuar, të dhëna të akteve procedurale që përbënin “sekret hetimor”.

Shtetasi I.H ka kërkuar përfitime të parregullta monetare në këmbim të zbulimit të të dhënave sekrete, si dhe ka kryer veprime dhe mosveprime të mëtejshme në kundërshtim me ligjin, që përbëjnë mospërmbushje të rregullt të detyrës.

Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar Tiranë ka vendosur caktimin ndaj personit nën hetim I.H të masës së sigurimit “arrest në burg”, i dyshuar për veprat penale “Shpërdorimi i detyrës”, “Zbulimi i akteve ose të dhënave sekrete” dhe “Korrupsioni pasiv i gjyqtarëve prokurorëve dhe funksionarëve të tjerë të organeve të drejtësisë”, të parashikuar nga Kodi Penal.

Shërbimet e policisë gjyqësore të Agjencisë së Mbikëqyrjes Policore në datën 27 nëntor  kanë ekzekutuar masën e sigurimit “arrest në burg” për personin nën hetim I.H.

/m.m/r.e/

The post SPAK njoftim për operacionin e përbashkët antidrogë në Itali: Sekuestrohen 1,3 tonë kokainë appeared first on Agjencia Telegrafike Shqiptare.

Gjatë javëve të fundit të muajit tetor, EUROPOL, ka zhvilluar një superoperacion kundër vjedhjes së mjeteve motorike, trafikimit të tyre dhe qenieve njerëzore në të gjithë Evropën, përfshi edhe Shqipërinë.

Aksioni është përqendruar kryesisht në Greqi, ku kanë pasur bazat kryesore celulat kriminale dhe nga drejtonin si trafikun e mjeteve, ashtu dhe të klandestinëve.

Mbi 200 mjete të vjedhura u zbuluan dhe bllokuan, si dhe u bënë mbi 100 arrestime.

Operacioni u kodua “JAD Mobile 8” (Dita e veprimit të përbashkët) dhe u koordinua nga EUROPOL dhe FRONTEX.

Në Greqi u përfshinë 6 zona nën kontrolle të rrepta, ku u zbuluan në total 231 makina të vjedhura gjatë 11 ditëve aksion.

Aksioni i përbashkët operativ është kryer nga 20 tetori, deri më 31 tetor 2025.

“Ky veprim specifik është pjesë e një veprimi më të gjerë evropian të koordinuar nga Frontex në bashkëpunim me Autoritetet Greke, Gjermane, Spanjolle dhe Polake, ndërsa vendet e Bashkimit Evropian si Austria, Bullgaria, Kroacia, Republika Çeke, Franca, Gjermania, Holanda, Italia, Letonia, Lituania, Holanda, Polonia, Portugalia, Rumania, Spanja dhe Suedia morën pjesë në veprim. Vende të treta, si Shqipëria, Kosova, Moldavia, Mali i Zi, Maqedonia e Veriut, Serbia dhe Zvicra, si dhe Europoli dhe Interpoli, morën pjesë gjithashtu”, njofton EUROPOL.

Nga pala greke, informon “Protothema”, u kryen kontrolle intensive të automjeteve dhe individëve si në kufijtë e jashtëm të vendit ashtu edhe brenda tij, konkretisht në Atikë, Selanik, Kilkis, Ftiotidë, Traki, Seres, si dhe në pikat e kalimit kufitar (Mertzani, Kristallopigi, Kakavia) me qëllim identifikimin e automjeteve të vjedhura – të falsifikuara.

Gjatë aksionit operativ në Evropë, u identifikuan 462 automjete të vjedhura dhe të falsifikuara (232 më shumë krahasuar me aksionin përkatës të vitit të kaluar), ndërsa në Greqi u kontrolluan gjithsej 6,548 automjete (1,263 më shumë krahasuar me vitin e kaluar), u identifikuan 231 automjete të vjedhura dhe të falsifikuara (57 më shumë krahasuar me vitin e kaluar), u arrestuan 84 emigrantë të paligjshëm të kombësive të ndryshme dhe 21 trafikantë, si dhe u sekuestruan lëndë narkotike, me një peshë totale prej 199.56 gramë.

The post EUROPOL superoperacion në Shqipëri dhe në të gjithë Evropën/ Sekuestrohen 462 makina të vjedhura, mbi 100 arrestime dhe… (VIDEO+FOTO) appeared first on Albeu.com.

7 shtetas shqiptarë, shtatë të tjerë ekuadorianë, sikurse edhe shtetas spanjollë, kolumbianë dhe dominikanë të lidhur me një rrjet transnacional të trafikut të drogës që transportonte kokainë në Holandë, Belgjikë, Spanjë dhe Libi u arrestuan të mërkurën gjatë operacionit “Sentinel 92-Hercules”, i kryer pas dy vitesh hetimi. Isaac Mauricio Chica Mora llogaritet të ketë qenë […]

The post Goditet rrjeti i trafikut të kokainës në Ekuador, 7 shqiptarë vihen në pranga (Emrat) appeared first on BoldNews.al.

Geraldo dhe Rozefa, janë bekuar me katërnjakë, një vajzë dhe tre djem, të cilët që në ditët e para të jetës, po përballen me një sfidë të madhe.

Katër foshnjet kanë nevojë urgjente për t`u dërguar për operacion jashtë vendit, pasi rrezikojnë të humbasin shikimin përgjithmonë.

Dy prej tyre kanë hemorragji në sy për shkak të çarjes së arterieve, ndërsa dy bebet e tjera rrezikojnë po të njëjtat pasoja nëse nuk ndërhyhet në kohë.

Për shkak të shpenzimeve të mëdha dhe pamundësisë për t’i mbuluar të gjitha vetë, familjarët kërkojnë ndihmën e shqiptarëve.

Nëpërmjet hapjes së një GoFundMe, Geraldo dhe Rozefa, kërkojnë të plotësojnë shumën e 100 mijë eurove dhe t’i sigurojnë katërnjakëve trajtimin e duhur përpara se të jetë shumë vonë për ta.

The post Katërnjakët me hemorragji në sy, familjarët kërkojnë ndihmë: Kanë nevojë të operohen urgjent appeared first on Albeu.com.

TIRANË, 1 nëntor/ATSH/- Anija Lissus, pjesë e flotës së Rojës Bregdetare shqiptare në bashkëpunim me Rojen Bregdetare turke mori pjesë në një operacion kërkim-shpëtimi në ujërat territoriale të Turqisë.

Forca Detare bën të ditur se gjatë operacionit, ekuipazhi i anijes Lissus i ka ardhur në ndihmë një mjeti të vogël lundrues në rrezik, në të cilin ndodheshin emigrantë.

Ndërhyrja u zhvillua në koordinim të plotë me autoritetet turke, duke respektuar procedurat ndërkombëtare të sigurisë dhe bashkëpunimit detar.

Ky operacion tregon angazhimin e vazhdueshëm të Forcës Detare për të kontribuar në misionet humanitare dhe për të forcuar bashkëpunimin rajonal në fushën e sigurisë detare.

The post Anija shqiptare Lissus së bashku me autoritetet turke, i vijnë në ndihmë një mjeti lundrues me emigrantë appeared first on Agjencia Telegrafike Shqiptare.

RIO DE ZHANEIRO, 31 tetor /ATSH-DPA/- Pas operacionit më të përgjakshëm policor në historinë e shtetit brazilian, policia ka identifikuar nëntë nga 117 të vdekur si të dyshuar si drejtues të bandave të drogës, në Rio de Zhaneiro.

Sipas policisë, Edgar Alves de Andrade, një nga udhëheqësit kryesorë të sindikatës kriminale “Comando Vermelho” (Komanda e Kuqe), arriti të arratisej. Ai ishte objektivi kryesor i operacionit.

Gjatë operacionit të së martës, katër oficerë policie humbën jetën – duke e çuar numrin e përgjithshëm të viktimave në 121.

Sipas policisë, 78 nga të vdekurit kishin një histori krimesh të rënda. Urdhërarreste ishin lëshuar për 42 prej tyre.

Policia kreu sulmin kundër “Comando Vermelho” në lagjet e varfra, të Penha dhe Alemao.

Të paktën 2 500 oficerë policie u përfshinë në operacion, dhe u përdorën dy helikopterëve dhe dhjetëra automjeteve të blinduara.

Kriminelët i vunë flakën barrikadave dhe automjeteve, hodhën eksplozivë nga dronë dhe hapën zjarr ndaj oficerëve.

Deri më tani, 99 nga të vdekurit janë identifikuar, përfshirë një djalë 14-vjeçar.

Në kuadër të viktimave të shumta, organizatat e të drejtave të njeriut po bëjnë thirrje për një hetim ndaj operacionit.

Sipas shefit të policisë Felipe Kuri, të dy lagjet shërbyen si seli kombëtare për “Comando Vermelho”. Ai tha se kjo ishte zbuluar gjatë hetimeve.  //a.i/

The post RIO DE ZHANEIRO – Nëntë drejtues të bandave të drogës midis 117 të vdekurve në operacion policor appeared first on Agjencia Telegrafike Shqiptare.

Në Klinikën e Kirurgjisë Vaskulare, të Qendrës Klinike dhe Universitare të Kosovës, është kryer një intervenim kirurgjik i rrallë, i cili ka zgjatur 5 orë, te një pacient i moshës 58 vjeç, ndihmuar edhe nga ekipi i Klinikës së Anesteziologjisë dhe specializantë të Klinikës së Kardiokirurgjisë.

Në njoftim thuhet se në arteriet kryesore të barkut, pacienti kishte 5 sëmundje të këtyre arterieve, Aorta e barkut 1,5 cm, nën arteriet renale ishte aneurizmatike (e zgjeruar) dhe e tipit inflamator, Aorta abdominale, 3.5 cm nën arteriet renale, kishte një ulçerë penetruese të aortës (Penetrating Aortic Ulcer), e lokalizuar në murin e pasëm, në drejtim të boshtit kurrizor, që është e rrallë në këtë nivel. Ulçerat aortike depërtuese përbëjnë 7.5% (diapazoni 2.3-11%) të të gjitha rasteve të sindromës akute të aortës. Arteria iliaca komune e majtë ishte po ashtu e aneurizmatike.

Në vazhdimësi të boshtit iliak, arteria iliaca externa e majtë kishte stenozë (ngushtim) dhe përkundër kësaj, që po ashtu haset shumë rrallë.

"Boshti i arterieve iliake në anën e djathtë ishte me arteriomegali (artrerie të zgjeruara që përfshijnë tërë gjatësinë e arteries).Nga e kaluara e tij mjekësore pacientit në fjalë, para tre vjetësh i ishte bërë zëvendësimi i arteries femorale komune dhe arteries femorale profunda të djathtë, me graft vaskular (PTFE 8 mm), pikërisht për shkak të sëmundjes aneurizmatike të këtyre arterieve", vijon njoftimi.

Tutje, theksohet se për të arritur deri te aorta abdominale dhe vena cava inferior preparimi ishte shumë i vështirë, për shkak të ngjitjeve të shumta që ishin prezente dhe numrit të patogjive në segemntin aorto-iliak.

"Pas aneurizmektomisë (largimit të pjesëve të zgjeruara të aortës dhe arteries Ilica komune të majtë), bëhet interponimin e graftit vaskular Dacron në formë “ Y ” me dimensione 16/8mm, në pozicionin aorto - arteria iliaca komune djathtas dhe arteria ilica externa majtas.Pas operacionit janë kryer ekzaminimet kontrolluese, ku është konstatuar se intervenimi kirurgjik ishte kryer me sukses të plotë dhe pacienti në ditën e 8-të postoperative lëshohet në shtëpi në gjendje shumë të mirë shëndetësore", njofton ShSKUK./Telegrafi/

RIO DE ZHANEJRO, 28 tetor  /ATSH/ – Të paktën 20 persona, përfshirë dy oficerë policie, humbën jetën sot gjatë një operacioni masiv kundër krimit të organizuar në Rio de Zhaneiro,  njoftoi qeveria shtetërore, disa ditë para se qyteti brazilian të mirëpresë samitin global të klimës “COP30”, sipas “Reuters”.

“Qëndrojmë të vendosur duke u përballur me narkoterrorizmin”, shkroi guvernatori Claudio Castro në rrjetet sociale, teksa njoftoi operacionin, i cili sipas tij përfshiu 2 500 pjesëtarë të sigurisë në komplekset e favelave Alemao dhe Penha.

Këto komplekse janë lagje të varfra dhe të dendura në periferi të Rio de Zhanejros.

Autoritetet thanë se 18 viktimat e tjera dyshohet të kenë lidhje me trafikun e drogës.

Javën e ardhshme , Rio do të presë Samitin “C40 “të kryebashkiakëve globalë dhe do të shpërndajë “Çmimin Earthshot” të Princit William, në  të cilin do të marrin pjesë  këngëtarja e famshme Kylie Minogue dhe katër herë kampioni i “Formula 1”, Sebastian Vettel.

Të dyja këto ngjarje bëjnë pjesë në përgatitjet për Samitin e Kombeve të Bashkuara për Klimën “COP30” që mbahet në Belem, në veriun e Brazilit.

Operacionet policore masive nuk janë të rralla para ngjarjeve ndërkombëtare të rëndësishme në Rio, e cila ka pritur ndeshje të Kupës së Botës 2014, Lojërat Olimpike 2016, samitin G20 2024 dhe samitin e “BRICS” këtë vit.

Operacioni i sot[m u cilësua  u përshkrua nga qeveria si më i madhi I kryer ndonjëherë kundër bandës së drogës  “Comando Vermelho”.

Të paktën 56 persona janë arrestuar, ndërsa autoritetet kërkonin të ekzekutonin  250 urdhra arresti dhe kontrolli, shtoi qeveria./Ad.Ab./

The post BRAZIL – Të paktën 20 të vdekur gjatë një operacioni policor në Rio de Zhaneiro appeared first on Agjencia Telegrafike Shqiptare.