KANBERRA, 3 dhjetor /ATSH/ – Australia ka njoftuar një paketë të re ndihme ushtarake me vlerë 95 milionë dollarë për Ukrainën, duke shënuar rritjen e parë të financimit pas më shumë se një viti pauzë, sipas Reuters.

Vendimi vjen në një moment kritik të konfliktit, ku Kievi vazhdon të kërkojë mbështetje nga aleatët për të përballuar agresionin rus.

Me këtë angazhim të ri, kontributi total i Australisë për Ukrainën që nga fillimi i luftës ngjitet në 1,7 miliardë dollarë, një shifër që e vendos Kanberrën mes mbështetësve më të mëdhenj jo-NATO të Kievit.

Qeveria australiane theksoi se ndihma është pjesë e përgjegjësisë së vendit për të mbrojtur rendin ndërkombëtar dhe parimet e sovranitetit.

Sipas paketës së shpallur, 50 milionë dollarë do t’i kalojnë programeve të NATO-s për furnizime të konsideruara prioritare për frontin ukrainas.

Këtu përfshihen pajisje mbrojtëse, mbështetje logjistike dhe materiale që forcojnë kapacitetet e mbrojtjes ajrore.

Ndërkohë, 45 milionë dollarë të tjerë do të përdoren për të blerë pajisje ushtarake drejtpërdrejt për forcat ukrainase.

Megjithëse detajet e pajisjeve nuk janë bërë të ditura plotësisht, autoritetet australiane kanë deklaruar se ndihma do të fokusohet te mjetet që Ukraina i ka kërkuar urgjentisht./ /Ad.Ab./

The post KANBERRA – Australia rrit ndihmën ushtarake për Ukrainën me 95 milionë dollarë appeared first on Agjencia Telegrafike Shqiptare.

BRUKSEL, 20 nëntor /ATSH-DPA/ –  Vendet e Bashkimit Europian do të japin rreth 88 milionë euro për të mbështetur Autoritetin Palestinez, i cili po nxitet nga evropianët të ndërmarrë reforma, në një kohë kur roli i tij shihet si kyç në kuadrin e planit Trump për rajonin.

“Ne kemi nënshkruar mbi 82 milionë euro, të cilat u shtohen 6,0 milionë eurove tashmë të njoftuara”, deklaroi për mediet komisionerja evropiane për Mesdheun, Dubravka Suica, pas konferencës së donatorëve në Bruksel.

Rreth 60 delegacione, mes tyre 27 vendet e BE-së, shtete arabe dhe disa organizata ndërkombëtare, u mblodhën sot në Bruksel, në një takim ku Izraeli nuk ishte i pranishëm.

“Kemi paraqitur sot progresin e bërë në kuadër të programit tonë kombëtar të reformave, i cili jo vetëm është premtuar, por po zbatohet dhe madje para afatit, gjë që u njoh edhe nga partnerët tanë”, tha kryeministri palestinez Mohammed Mustafa.

Ai shtoi se kjo arrihet “pavarësisht një mjedisi të pafavorshëm”, duke akuzuar Izraelin se po përpiqet “të dobësojë Autoritetin Palestinez dhe aftësinë e tij për të funksionuar”.

Suica përsëriti thirrjet e BE-së drejtuar Izraelit për të liruar të ardhurat fiskale që i takojnë Autoritetit Palestinez, të cilat janë thelbësore për funksionimin e tij.

“Ky apel u bë nga të gjithë pjesëmarrësit”, theksoi ajo.

Sa i përket Gazës, Mustafa deklaroi se Autoriteti Palestinez ka një plan,i mbështetur nga vendet arabe, për rindërtimin e saj.

“Ne do të qeverisim, do të zbatojmë reformat dhe do të drejtojmë procesin e rindërtimit të Gazës”, u shpreh ai.

BE-ja është mbështetësja kryesore financiare e Autoritetit Palestinez.

Megjithatë, BE-ja e kushtëzon mbështetjen e ardhshme me vazhdimin e reformave, të cilat i cilëson të domosdoshme, që Autoriteti Palestinez të luajë plotësisht rolin e vet në kuadrin e zgjidhjes me dy shtete izraelit dhe palestinez, që Evropa e ka mbrojtur prej vitesh./ /Ad.Ab./

The post BRUKSEL – BE-ja premton 88 milionë euro për Autoritetin Palestinez appeared first on Agjencia Telegrafike Shqiptare.

Geraldo dhe Rozefa, janë bekuar me katërnjakë, një vajzë dhe tre djem, të cilët që në ditët e para të jetës, po përballen me një sfidë të madhe.

Katër foshnjet kanë nevojë urgjente për t`u dërguar për operacion jashtë vendit, pasi rrezikojnë të humbasin shikimin përgjithmonë.

Dy prej tyre kanë hemorragji në sy për shkak të çarjes së arterieve, ndërsa dy bebet e tjera rrezikojnë po të njëjtat pasoja nëse nuk ndërhyhet në kohë.

Për shkak të shpenzimeve të mëdha dhe pamundësisë për t’i mbuluar të gjitha vetë, familjarët kërkojnë ndihmën e shqiptarëve.

Nëpërmjet hapjes së një GoFundMe, Geraldo dhe Rozefa, kërkojnë të plotësojnë shumën e 100 mijë eurove dhe t’i sigurojnë katërnjakëve trajtimin e duhur përpara se të jetë shumë vonë për ta.

The post Katërnjakët me hemorragji në sy, familjarët kërkojnë ndihmë: Kanë nevojë të operohen urgjent appeared first on Albeu.com.

Familja Shala ka kërkuar ndihmë financiare për shërimin e djalit të tyre, Muhamedit, i cili ka lindur më 1 nëntor të këtij viti.

Sipas njoftimit të familjes, Muhamedi vuan nga probleme serioze në zemër, prandaj i nevojitet trajtim urgjent në Ankara, Turqi, transmeton Telegrafi.

"Të nderuar, Foshnja jonë e sapolindur Muhamed,i lindur më 01.11.2025, po përballet me probleme serioze të zemrës (BAV, CoA, PFO – restrictive) dhe mjekët kanë rekomanduar trajtim urgjent në Ankara – Turqi, me transport mjekësor (avion privat), për shkak të rrezikut të lartë gjatë udhëtimit. Kostoja e trajtimit është shumë e lartë dhe tejkalon mundësitë tona financiare. Prandaj, kërkojmë me përulësi çdo ndihmë për të shpëtuar jetën e foshnjës sonë", thuhet në njoftimin e familjes.

Të dhënat për donacione:

Emri: Filloreta Haziri (Nëna)Raiffeisen Bank IBAN: XK05 1507001006439913SWIFT code: RBKOXKPR

Kontakt:+383 44 248 376 Prishtinë

Tafil Shala (Baba)Raiffeisen Bank XK05 1501001026768697Kontakt:+383 44 490 714 Prishtinë /Telegrafi/

Fermerët ende nuk kanë marrë mbështetjen financiare që Ministria e Bujqësisë shpërndan nëpërmjet Skemës Kombëtare, edhe pse kanë kaluar 5 muaj njerëzit e tokës janë ende në pritje. Ylli Jangozi, nga fshati Gramëz i Fushë Krujës thotë se AZHBR duhet të nxitojë të likuidojë si fillim fermerët e tokës, pasi për ta fushata e mbjelljes […]

The post Ende pa marrë mbështetjen financiare, fermerët: Kaluan 5 muaj, nisim mbjelljen e grurit appeared first on BoldNews.al.

GJERMANI- Kancelari gjerman Friedrich Merz njoftoi se Gjermania do të ofrojë  29 milionë euro ndihmë të menjëhershme humanitare për Gazën, pas ratifikimit të armëpushimit midis Izraelit dhe grupit palestinez Hamas.

“Ne po ofrojmë 29 milionë euro për ndihmë humanitare. Së bashku me Egjiptin do të ftojmë në një konferencë për rindërtimin e Gazës”, shkroi Merz në platformën X.

Ai shtoi se Gjermania do të marrë përgjegjësi në procesin e paqes të propozuar nga presidenti amerikan Donald Trump, duke theksuar mbështetjen e Berlinit për përpjekjet ndërkombëtare për stabilizimin e rajonit./abcnews.al

Një dosje prej 800 faqesh me kontrata dhe korrespondencë tregon se Rusia po e ndihmon Kinën që ta përgatisë ushtrinë e saj për një pushtim të mundshëm të Tajvanit. Kështu tha një institut i pavarur që i ka zbuluar dokumentet dhe i ka verifikuar në mënyrë të pavarur. Oleksandr Danylyuk, hulumtues i lartë në Institutin për Shërbime […]

The post Rusia ndihmë Kinës në përgatitjet për pushtimin e Tajvanit appeared first on BoldNews.al.

Ndihma e re prej 250 euro në Greqi do t’u jepet çdo nëntor pensionistëve dhe grupeve të tjera sociale në nevojë. Pagesa do të bëhet pa kërkuar aplikim nga përfituesi dhe ka të bëjë me tre kategori kryesore. Kategoria e parë përfshin pensionistët me të ardhura të ulëta për shkak të pleqërisë, të cilët duhet […]

The post Greqia, ndihmë 250 euro çdo nëntor për pensionistët/ Do të jepet dhe për grupet e tjera në nevojë appeared first on BoldNews.al.

UASHINGTON, 21 shtator /ATSH-ANSA/ – Pentagoni ka paralajmëruar diplomatët evropianë se Shtetet e Bashkuara kanë ndërmend të shkurtojnë një pjesë të ndihmës së tyre për sigurinë në Letoni, Lituani dhe Estoni, shtetet baltike që kufizohen me Rusinë.

Reuters raporton se Pentagoni i ka thënë Evropës se duhet të bëhet më pak e varur nga Shtetet e Bashkuara dhe se nën presidentin Trump, Shtetet e Bashkuara do ta zhvendosin vëmendjen e tyre në përparësi të tjera.

Shtetet e Bashkuara së shpejti do të ndalojnë së lejuari evropianët edhe që të blejnë naftë ruse.

Donald Trump e bëri deklaratën në një aktivitet ku mori pjesë edhe ambasadori i SHBA-së në NATO, Matthew Whitaker.

“Matt, ata duhet të ndalojnë së bleri naftë nga Rusia. A mund ta thuash këtë?”, tha presidenti.

“Evropianët po blejnë naftë nga Rusia dhe kjo nuk duhet të ndodhë. Matt nuk do ta lejojë këtë për shumë kohë tani”, shtoi Trump.

Trump përsëriti se “jam shumë i zhgënjyer nga Putini. Deri në 7 000 njerëz po vdesin çdo javë pa asnjë arsye”.

Ai theksoi se rënia e mëtejshme e çmimit të naftës do t’i jepte fund luftës në Ukrainë./  a.jor.

The post FOKUS – SHBA shkurtojnë një pjesë të ndihmës për sigurinë në vendet baltike appeared first on Agjencia Telegrafike Shqiptare.

BRUKSEL, 11 shtator /ATSH-ANSA/- Komisioni Evropian ka shpërndarë këstin e tetë të kredisë makrofinanciare (MFA) për Ukrainën, me vlerë 1 miliard euro, duke forcuar më tej rolin e BE-së si donatorja më e madhe e Ukrainës – që nga fillimi i luftës së agresionit të Rusisë, me një mbështetje totale që arrin mbi 170 miliardë euro.

Në total, MFA arrin në 18,1 miliardë euro dhe përfaqëson kontributin e BE-së në iniciativën e jashtëzakonshme të huadhënies për Përshpejtim të të Ardhurave (ERA) të udhëhequr nga G7 – e cila synon të ofrojë afërsisht 45 miliardë euro në mbështetje financiare për Ukrainën.

Me këtë shpërndarje të fundit, mbështetja totale e Komisionit për Ukrainën në kuadër të MFA-së arrin në 10 miliardë euro që nga fillimi i vitit 2025.

Siç u njoftua dje nga presidentja e Komisionit Evropian, Ursula von der Leyen në fjalimin e saj për Gjendjen e Unionit, Komisioni do të japë paraprakisht 6 miliardë euro nga kontributi i BE-së në iniciativën e huadhënies ERA.

Kjo do t’i lejojë BE-së të mbështesë rritje thelbësore të shpenzimeve ushtarake këtë vjeshtë, duke ndihmuar Ukrainën të përmbushë nevojat e saj urgjente ushtarake.

Kreditë ERA nga partnerët e G7 dhe kredia AMF e BE-së po shlyhen duke përdorur të ardhurat nga asetet shtetërore ruse të imobilizuara në BE.

Më 25 gusht, Mekanizmi i Koordinimit të Kredive për Ukrainën disbursoi fillimisht 1,5 miliardë euro në të ardhura të papritura, duke mbështetur Ukrainën në shlyerjen e kredive ERA. //a.i./

The post BRUKSEL – BE i ofron Ukrainës një tjetër ndihmë me vlerë 1 miliard euro appeared first on Agjencia Telegrafike Shqiptare.

25-vjeçarja Meri Kacerri, ishte një prej qytetarëve të pafajshme, e cila u kap nga plumbat e krimit në masakrën e regjistruar mëngjesin e të hënës në Shkodër, me dy viktima dhe dy të plagosur. Ajo punonte si kamariere në lokalin ku ndodhi ngjarja në momentin kur u kap nga breshëria e plumbave. Fatmirësisht, ajo u […]

The post U plagos në masakrën e Shkodrës, familjarët e kamerieres kërkojnë ndihmë për kurimin e 25-vjeçares appeared first on BoldNews.al.

Politikëbërësit francezë kanë diskutuar nëse vendi do të detyrohet të kalojë kufirin e borxhit që ka ndaj Fondit Monetar Ndërkombëtar, nëse parlamenti vazhdon të rezistojë ndaj reformave buxhetore dhe të zvogëlojë totalin e borxhit. Aktualisht, financat publike të Francës janë lëmsh. Parisi nuk ka qenë në gjendje të ulë huamarrjen që nga fundi i pandemisë, […]

The post A do të kërkojë Franca ndihmë nga FMN? Financat po dobësohen dhe popullsia po plaket appeared first on BoldNews.al.

TIRANË, 26 gusht/ATSH/ Kapiteneria e Portit Sarandë iu përgjigj pasditen e sotme një kërkese për ndihmë nga një grup turistësh shqiptarë dhe të huaj, pasi mjeti i tyre lundrues pësoi defekt në motor, në Gjirin e Kakomesë.

Menjëherë u nis mjeti lundrues i Kapitenerisë, i cili bëri rimorkimin e mjetit drejt Gjirit të Limionit, duke siguruar mbërritjen e tyre të sigurt.

Kapiteneria e Portit Sarandë u bën thirrje të gjithë drejtuesve të mjeteve lundruese që të kryejnë kontrollet e nevojshme përpara nisjes, për të siguruar lundrime të qeta e të sigurta.

“Kapiteneria mbetet në dispozicion për çdo kërkesë apo nevojë të qytetarëve dhe turistëve”, thuhet në njoftimin për shtyp.

1 nga 2

/m.m/r.e/

The post Mjeti lundrues pësoi defekt në Gjirin e Kakomesë, Kapiteneria e Portit Sarandë në ndihmë të turistëve appeared first on Agjencia Telegrafike Shqiptare.

PRISHTINË, 22 gusht/ATSH/ Gjermania pret që Kosova shumë shpejt do të konstituoj Kuvendin e Kosovës dhe do të formoj qeverinë e saj të re.  Kështu tha sekretari Parlamentar i Shtetit Gjerman pranë Ministrit Federal për Bashkëpunim Ekonomik dhe Zhvillim, Johann Saathoff i cili po qëndron për vizitë në Kosovë.

Ai gjatë vizitës në Parkun e Inovacionit dhe Trajnimit në Prizren (ITP) tha se për shtetin gjerman është e rëndësishme që të kenë partner të besueshëm për bashkëpunim.

“Për ne është me rëndësi që të kemi partner të besueshëm me të cilin mund të bashkëpunojmë dhe të cilin ne mund ta shoqërojmë në rrugën e tij drejt anëtarësimit në BE. Prandaj, ne shpresojmë shumë që së shpejti do të ketë edhe një parlament dhe një qeveri dhe e dimë po ashtu që edhe mund të ketë sfida por të cilat do t’i tejkalojmë së bashku”, tha ai.

Sekretari Parlamentar i Shtetit Gjerman pranë Ministrit Federal për Bashkëpunim Ekonomik dhe Zhvillim, Johann Saathoff tha se Parku i Inovacionit dhe Trajnimit në Prizren është shembull i bashkëpunimit të suksesshëm në mes të të dyja vendeve.

Sekretari parlamentar gjerman tutje theksoi se shteti i tij planifikon të jap kontribut në përpjekjet e Kosovës në rrugëtimin e saj drejt Bashkimit Evropian.

Sipas tij, që nga viti 1999 Gjermania e ka mbështetur Kosovën me një shumë prej 900 milionë eurosh në programe të ndryshe.

“Arsimi profesional dual të cilin e kemi themeluar dhe këtu e kemi nisur në Kosovë, pra në kuadër të këtij programi ka nxënës që në vitin e kaluar kanë diplomuar në 12 drejtime të ndryshme të arsimit profesional dhe janë kualifikuar për një profesion të caktuar….Bashkëpunimi të cilin e përmenda nënkupton edhe diçka tjetër, nënkupton një fokus më të shtuar në bashkëpunim tonë për të zhvilluar në mënyrë të qëndrueshme edhe fusha të tjera sikurse janë energjia e ripërtritshme. Klima apo jo zhvillim i qëndrueshëm urban dhe sistemi administrativ modern. Nga viti 1999 Gjermania ka kontribuar në përgjithësi me një shumë prej 900 milionë eurosh për program të ndryshme të përbashkëta të cilat kanë kontribuar në zhvillimin e përgjithshëm të këtij vendi. Qeveria gjermane planifikon edhe në të ardhmen të jap kontributin e saj duke ndihmuar Kosovën në përpjekjet e saj për tu përafruar me BE dhe për të forcuar këtë rrugë drejt anëtarësimit të plotë“, theksoi sekretari parlamentar i shtetit gjerman.

Ndërsa, ministrja në detyrë e Industrisë, Ndërmarrësisë dhe Tregtisë, Rozeta Hajdari tha se Qendra për Inovacion dhe Trajnim është hap i rëndësishëm për zhvillim rajonal në Ballkanin Perëndimor.

Sekretari Parlamentar i Shtetit Gjerman pranë Ministrit Federal për Bashkëpunim Ekonomik dhe Zhvillim, Johann Saathoff ka paraparë takime me krerë shtetëror e shoqërinë civile si dhe vizita në projekte të mbështetura nga qeveria gjermane. /KosovaPress/

The post Saathoff: Gjermania planifikon të ndihmojë Kosovën në rrugën drejt BE-së appeared first on Agjencia Telegrafike Shqiptare.

TIRANË, 17 gusht /ATSH/ Komisariati i Policisë Himarë, në bashkëpunim me Policinë Kufitare Himarë, i kanë ardhur në ndihmë një turisteje çeke, e cila kishte mbetur e bllokuar në një zonë të thepisur, në vendin e quajtur “Filikurë”.

Sot, pas marrjes së njoftimit se një turiste çeke, gjatë zbritjes me litar në terren shkëmbor, ishte rrëzuar dhe kërkonte ndihmë, shërbimet e patrullës së Rendit dhe ato të Policisë Kufitare organizuan punën dhe kaluan menjëherë në vendin e raportuar, njoftoi Policia.

Pas lokalizimit të turistes, u bë e mundur zbritja e saj në mënyrë të sigurt nga shkëmbinjtë dhe transportimi me mjetin lundrues të Policisë Kufitare drejt portit të Himarës, e më pas drejt qendrës shëndetësore, për kontroll mjekësor ku ndodhet jashtë rrezikut për jetën.

Policia apelon që vizitorët dhe pushuesit, gjatë eksplorimeve në terrene të vështira, të tregojnë kujdes maksimal dhe të marrin masat e nevojshme për sigurinë e tyre.

Shërbimet e Drejtorisë Vendore të Policisë Vlorë dhe të Policisë Kufitare janë të angazhuara maksimalisht për të garantuar rendin, sigurinë dhe për t’u ardhur në ndihmë qytetarëve dhe pushuesve, në çdo rast nevoje.

/gj.m//a.f/

The post Mbeti e bllokuar në Gjirin e Filikurit, policia ndihmon turisten çeke appeared first on Agjencia Telegrafike Shqiptare.

TIRANË, 16 gusht /ATSH/ Strukturat e policisë në mbarë vendin janë angazhuar për mbarëvajtjen e sigurisë dhe rendit gjatë sezonit veror, por nuk kanë munguar rastet kur u kanë ardhur në ndihmë pushuesve të ndryshëm të cilëve iu është rrezikuar jeta.

Policia Kufitare Vlorë u shkoi sot në ndihmë tre pushuesve që rrezikoheshin në det, në afërsi të plazhit të Ujit të Ftohtë.

Salla e DRKM Vlorë mori njoftim se një shtetase po lundronte me kanoe, por kërkonte ndihmë pasi ndodhej rreth 1 milje larg bregut dhe kishte të pamundur kthimin.

Dy pushues të tjerë kishin hyrë në det me not për t’i ardhur në ndihmë shtetases, por për shkak të distancës së largët nga bregu u rrezikuan edhe ata.

Menjëherë, mjeti lundrues i Policisë Kufitare u nis drejt vendit të raportuar dhe bëri të mundur marrjen në bord të tre pushuesve. Falë reagimit në kohë të Policisë Kufitare, tre shtetasit u nxorën në breg të sigurt dhe në gjendje të mirë shëndetësore.

Policia Kufitare Vlorë mbetet e angazhuar 24/7 për garantimin e sigurisë së pushuesve dhe fton qytetarët që në çdo rast emergjence të kontaktojnë menjëherë në numrin 112.

The post Rrezikonin mbytjen tek Uji i Ftohtë, Policia u shkon në ndihmë tre pushuesve appeared first on Agjencia Telegrafike Shqiptare.

TIRANË, 15 gusht /ATSH/ Shërbimet e Komisariatit të Policisë Kamzë i kanë shkuar në ndihmë një çifti turistësh nga Australia, që humbi orientimin në malin e Gomenit.

Pasditen e djeshme, menjëherë pas njoftimit se bashkëshortët kishin mbetur të bllokuar në një terren të thepisur, me bimësi të dendur, në këtë mal, shërbimet e Komisariatit të Policisë Kamzë organizuan punën për t’i lokalizuar dhe shkuar në ndihmë.

Pas disa orësh kërkimesh intensive, u bë e mundur gjetja e çiftit nga Australia, i cili u asistua për zbritjen nga zona malore.

Turistët janë në gjendje të mirë shëndetësore dhe falënderuan shërbimet e Policisë, për ndërhyrjen e shpejtë, si dhe për humanizmin dhe profesionalizmin e treguar.

/gj.m/j.p/

The post Humbën orientimin në malin e Gomenit, policia ndihmon çiftin e turistëve nga Australia appeared first on Agjencia Telegrafike Shqiptare.

TIRANË, 10 gusht/ATSH/ Shërbimet e Policisë Himarë u kanë ardhur në ndihmë 3 turistëve të huaj, të bllokuar në zonën e plazhit të Akuariumit.

Patrulla e rendit me shërbim në zonën e Jalës, pas një njoftimi se tre turistë të huaj kishin mbetur të bllokuar në një zonë të thepisur shkëmbore, në plazhin e Akuariumit, ndërhyri mbrëmë, duke shkuar menjëherë në vendin ku kërkohej ndihmë.

Pas kërkimeve në terren, u bë i mundur lokalizimi i tre turistëve të huaj, të cilët u nxorën nga zona shkëmbore ku kishin mbetur të bllokuar. Aktualisht, të tre ndodhen në gjendje të mirë shëndetësore.

Turistët falënderuan shërbimet e Policisë për ndihmën e menjëhershme dhe profesionalizmin e treguar.

Të gjitha strukturat e Drejtorisë Vendore të Policisë Vlorë vijojnë të jenë të pranishme 24/7, për garantimin e sigurisë së pushuesve dhe për ndërhyrjen në çdo situatë emergjente.

Krahas detyrës për garantimin e rendit dhe sigurisë publike, shërbimet e Policisë mbeten të angazhuara edhe për të ndërhyrë dhe për t’i ardhur në ndihmë çdo qytetari apo turisti në raste emergjente.

/m.m/r.e/

The post U bllokuan në plazhin e Akuariumit, Policia e Himarës ndihmon tre turistë të huaj appeared first on Agjencia Telegrafike Shqiptare.

The post Policia Kufitare i vjen në ndihmë 12-vjeçarit të huaj, të dëmtuar në Gjirin e Gramës appeared first on Agjencia Telegrafike Shqiptare.

TIRANË, 1 gusht/ATSH/ Për përballimin e situatës së zjarreve gjatë periudhës 21 dhe 31 korrik 2025, Bashkimi Evropian mobilizoi edhe në Shqipëri avionë zjarrfikës, helikopterë, si dhe mbështetje satelitore përmes sistemit “Copernicus”.

Delegacioni i Bashkimit Euopian në Tiranë bëri sot të ditur se në total gjashtë vende, përfshirë Shqipërinë, u përballën me zjarre të rënda dhe aktivizuan Mekanizmin e Mbrojtjes Civile të BE-së.

“Si reagim, Bashkimi Evropian mobilizoi avionë zjarrfikës, 2 helikopterë, ekipe nga terreni dhe mbështetje satelitore nga e gjithë Evropa, për të ndihmuar në përballimin e situatës dhe mbrojtjen e komuniteteve të prekura”, thuhet në njoftimin për shtyp të BE-së.

Konkretisht në Shqipëri u angazhuan pesë avionë zjarrfikës nga Greqia, Italia dhe Kroacia, helikopterë nga Hungaria, si dhe mbështetje me imazhe satelitore përmes sistemit “Copernicus”.

“Ky reagim i shpejtë dhe i koordinuar dëshmon përkushtimin e palëkundur të Bashkimit Evropian për të qëndruar pranë vendeve partnere në momente sfiduese, duke ofruar jo vetëm mjete dhe kapacitete, por edhe solidaritet, bashkëpunim dhe mbështetje afatgjatë”, thuhet në njoftimin për shtyp të Delegacionit të BE-së në Tiranë.

1 nga 9

/m.m//r.e//a.f/

The post Situata nga zjarret – BE aktivizoi pesë avionë, dy helikopterë dhe mbështetje satelitore për Shqipërinë appeared first on Agjencia Telegrafike Shqiptare.