TIRANË, 5 shkurt /ATSh/ Gjykata e Posaçme e Apelit për Korrupsionin dhe Krimin e Organizuar ka lënë sot në fuqi masën “arrest shtëpie” për drejtoreshën e Agjencisë Kombëtare të Shoqërisë së Informacionit, Mirlinda Karçanaj.

Gjyqtari i Apelit të GjKKO, Florjan Kalaja ka lënë në fuqi të njëjtën masë të “arrestit në shtëpi” edhe për zv.drejtoreshën e AKShI-t, Hava Delibashi.

Në vendimin e Apelit të GjKKO-së, thuhet se lihet në fuqi edhe masa e pezullimit nga detyra për zyrtarin e policisë Erion Ismaili, njëkohësisht i revokoi masën e ndalimit të daljes jashtë shtetit.

Gjithashtu, për tre zyrtarët e tjerë të AKShI‑t, Andis Papa, Gëzim Hoxha dhe Rogers Rryta u la në fuqi masa shtrënguese “ndalim i daljes jashtë shtetit”.

SPAK ka kërkuar tetë masa sigurie në lidhje me dyshimet për abuzime me tenderët e AKShI-t. Sipas SPAK, këta persona dyshohet se kanë favorizuar disa kompani kundrejt disa të tjerave për përfitimin e tenderave.

/gj.m/r.e/

The post Apeli i GJKKO lë në fuqi masat për zyrtarët e AKSHI-t appeared first on Agjencia Telegrafike Shqiptare.

Shtyhet vendimi për të pandehurit e AKSH-it, në Apelin e GJKKO për masën e sigurisë. Vendimi do të shpallet më datë 5 shkurt.

Ish-drejtoresha Mirlinda Karçanaj përfaqësohej në seancë nga avokati i saj.

Prokuroret Bledar Maksuti dhe Altin Dumani kanë qënë të pranishëm dhe kërkuan të mbetet në fuqi masa e mëparshme.

Provat kishin të benin me disa dëshmi që kanë marrë gjatë kësaj periudhe prokurorët e SPAK./abcnews.al

Ilir Meta ka bërë një tjetër lëvizje për t’u liruar nga qelia.

Ish Presidenti i arrestuar prej mbi një vit i është drejtuar Gjykatës së Posaçme të Apelit duke ankimuar vendimin e GJKKO të datës 5 janar që e la sërish në burg.

Meta kërkon që kjo masë të zbutet në arrest shtëpie ose detyrim paraqitje. Apeli i Posaçëm do të vendosë më 30 janar për këtë kërkesë të Metës, i cili mbahet në paraburgim që nga tetori i vitit 2024.

SPAK mbylli hetimet më 28 korrik 2025 ndërsa dosjen e kaloi për gjykim në fund të gushtit. Meta thotë se pas mbylljes së hetimeve dhe nisjes se gjykimit, ai nuk ka mëasnjë mundësi për të prishur provat, sic pretendon SPAK.

Hetimi përfshin tre çështje të bashkuara në një dosje: aferën CEZ-DIA, lobimin e LSI-së në SHBA dhe hetimin pasuror./abcnews.al

Këtë të martë në Paris ka nisur gjyqi i apelit ndaj Marine Le Pen, e partisë së ekstremit të djathtë Bashkimi Kombëtar.

Çështja në Gjykatën e Apelit të Parisit do të zgjasë deri më 12 shkurt, por një vendim nuk pritet para verës, shumë përpara zgjedhjeve presidenciale të vitit të ardhshëm.

Le Pen, 57 vjeç, u shpall fajtore vitin e kaluar për përvetësim të fondeve të Bashkimit Europian dhe nëse apeli lë në fuqi vendimin, ajo nuk do të jetë në gjendje të kandidojë në zgjedhjet presidenciale të vitit 2027.

Le pen ka mohuar çdo akuzë, ndërsa para se gjyqi të fillonte u shpreh shpresëplotë për rezultatin.

Presidenti i partisë së saj, Jordan Bardella, tha se ndalimi i saj nga kandidimi do të ishte thellësisht shqetësues për demokracinë.

Çështja e vitit të kaluar u përqendrua në akuzat se Le Pen, së bashku me më shumë se 20 figura të tjera të larta të partisë, punësuan asistentë që punonin për punët e partisë së saj në vend që të punonin për Parlamentin Europian, i cili i paguante ata.

Le Pen u dënua me katër vjet burg, me dy vjet të pezulluara dhe dy të tjera gjatë të cilave do të mbajë një byzylyk elektronik në vend që të mbahen në paraburgim. Asaj iu dha një gjobë prej 100,000 eurosh dhe iu ndalua të kërkonte poste publike me efekt të menjëhershëm.

Nëse humbet apelin, Le Pen mund të përballet me një dënim edhe më të gjatë me burg.

Më shumë se 20 figura të Bashkimit Kombëtar u shpallën gjithashtu fajtorë në gjyqin e vitit të kaluar dhe partia u urdhërua të paguante një gjobë prej 2 milionë eurosh./abcnews.al

TIRANË, 10 janar /ATSH/ Policia e Shtetit u bën apel drejtuesve të automjeteve dhe motomjeteve që të tregojnë kujdes maksimal gjatë qarkullimit për shkak të motit të keq, me reshje shiu, breshëri dhe dëbore, me qëllim parandalimin e aksidenteve rrugore.

Sipas njoftimit të policisë, në zonat malore, drejtuesit e automjeteve këshillohen të përdorin goma dimërore dhe të kenë me vete mjetet antirrëshqitëse.

Shërbimet e Policisë po koordinojnë veprimet me firmat kontraktore të mirëmbajtjes së rrugëve në të gjitha zonat e prekura, për të siguruar pastrimin dhe lëvizshmërinë e rrugëve në kohë.

Policia apelon për respektimin e rregullave bazë të qarkullimit: Moderim të shpejtësisë; Mos kryeni parakalime të gabuara; Mos përdorni celularin gjatë drejtimit të mjetit; Mos drejtoni automjetin nën efektin e alkoolit.

Për çdo emergjencë, qytetarët mund të kontaktojnë në numrin 112, thuhet në njoftimin e policisë.

/e.xh/r.e/

The post Policia e Shtetit apelon për kujdes në qarkullim appeared first on Agjencia Telegrafike Shqiptare.

TIRANË, 8 janar /ATSH/ Policia Rrugore apeloi sot të gjithë drejtuesit e automjeteve që të përdorin goma dimërore dhe pajisje antirrëshqitëse ndërsa në mjaft zona temperaturat kanë rënë nën zero dhe ka reshje dëbore.

Drejtori i Policisë Rrugore, Perlat Vatoci, gjatë pasdites së sotme inspektoi shërbimet e Policisë Rrugore në Rrugën e Arbrit, për të parë nga afër situatën dhe për të komunikuar me punonjësit e Policisë që janë të angazhuar në këtë aks rrugor dhe, nëpërmjet tyre, për t’iu përcjellë një mesazh të gjithë drejtuesve të automjeteve që qarkullojnë në zona malore ku ka prezencë të reshjeve të dëborës.

“Të gjithë drejtuesit e automjeteve të përdorin mjetet antirrëshqitëse (zinxhirë) dhe goma dimërore, pasi Policia Rrugore ka marrë detyrë dhe urdhër të prerë që të ndëshkojë çdo drejtues automjeti që nuk zbaton me rigorozitet rregullat e qarkullimit në raste të tilla”, tha Vatoci.

Vatoci apeloi për zbatimin me rigorozitet të rregullave të qarkullimit dhe që, për çdo rast nevoje, të telefonojnë në 112 dhe të kontaktojnë me shërbimet e Policisë në terren.

Ndërkohë, ai nënvizoi po bashkëpunohet me firmat kontraktore për mirëmbajtjen e akseve rrugore, me qëllim pastrimin në kohë dhe hedhjen e kripës.

Si pasojë e motit të keq, shërbimet e Policisë Rrugore janë 100% në detyrë, krahas shërbimeve të tjera të Patrullave të Përgjithshme, Forcës së Posaçme “Shqiponja” dhe Forcës Kombëtare të Sigurisë, të cilat vijojnë punën për t’iu shkuar në ndihmë qytetarëve në zona që kanë problematika për shkak të motit të keq me reshje shiu dhe dëbore, si dhe për të menaxhuar trafikun rrugor, me qëllim parandalimin e aksidenteve rrugore.

/gj.m/j.p/

The post Policia Rrugore: Gomat dimërore dhe zinxhirët të detyrueshme në zonat malore appeared first on Agjencia Telegrafike Shqiptare.

Drejtori i Policisë Rrugore, Perlat Vatoci ka inspektuar shërbimet e planizuara në Rrugën e Arbërit, për të parë nga afër situatën me qarkullimin e mjeteve dhe për të komunikuar me punonjësit që janë të angazhuar në këtë aks rrugor.

Nëpërmjet tyre, gjatë pasdites së sotme ai u ka përcjellë një mesazh të gjithë drejtuesve të automjeteve që qarkullojnë në zona malore ku ka prezencë të reshjeve të dëborës:

“Të gjithë drejtuesit e automjeteve të përdorin mjetet antirrëshqitëse (zinxhirë) dhe goma dimërore, pasi Policia Rrugore ka marrë detyrë dhe urdhër të prerë që të ndëshkojë çdo drejtues automjeti që nuk zbaton me rigorozitet rregullat e qarkullimit në raste të tilla.

Drejtori i Policisë Rrugore, Perlat Vatoci ka apeluar për zbatimin me rigorozitet të rregullave të qarkullimit dhe që, për çdo rast nevoje, të telefonojnë në 112 dhe të kontaktojnë me shërbimet e Policisë në terren.

Ndërkohë, po bashkëpunohet me firmat kontraktore për mirëmbajtjen e akseve rrugore, me qëllim pastrimin në kohë dhe hedhjen e kripës.

Si pasojë e motit të keq, shërbimet e Policisë Rrugore janë 100% në detyrë, krahas shërbimeve të tjera të Patrullave të Përgjithshme, Forcës së Posaçme “Shqiponja” dhe Forcës Kombëtare të Sigurisë.

Ato vijojnë punën për t’iu shkuar në ndihmë qytetarëve në zona që kanë problematika për shkak të motit të keq me reshje shiu dhe dëbore, si dhe për të menaxhuar trafikun rrugor, me qëllim parandalimin e aksidenteve rrugore.

The post Policia Rrugore apel për drejtuesit e automjeteve: Përdorni goma dimërore dhe pajisje antirrëshqitëse appeared first on Albeu.com.

PRISHTINE, 7 janar/ATSH/ Kryeministri në detyrë i Kosovës, Albin Kurti, ka bërë thirrje që qytetarët të shmangin lëvizjet e panevojshme gjatë natës, pasi pritet rënie e temperaturave deri në -9°C dhe ngrirje e rrugëve të lagura nga shiu.

Ai theksoi se kompanitë e mirëmbajtjes janë në terren dhe kërkoi pajisjen e automjeteve me goma dimërore dhe zinxhirë, si dhe vozitje të kujdesshme në rast nevoje për qarkullim.

“Sonte është natë kritike sa i përket qarkullimit në rrugët e Kosovës. Kontrasti i madh i temperaturave, me parashikime që ato të zbresin deri në –9°C, paraqet rrezik të shtuar, pasi rrugët e lagura nga shiu pritet të ngrijnë. Të gjitha kompanitë e mirëmbajtjes së rrugëve janë vazhdimisht në terren për të lehtësuar qarkullimin. Është i domosdoshëm zbatimi i ligjit për sezonin dimëror, përkatësisht pajisja e automjeteve me goma dimërore dhe zinxhirë. U bëjmë thirrje të gjithëve që sonte të mos lëvizin nëse nuk e kanë të domosdoshme. E nëse megjithatë duhet të qarkullojnë gjatë natës së sontme, atëherë patjetër të bëjnë vozitje të kujdesshme duke ju përshtatur kushteve atmosferike”, shkruan Kurti në Facebook.

Instituti Hidrometeorologjik i Kosovës bën të ditur se nga dita e enjte do të ketë ndryshim të theksuar të kushteve meteroligjike, ulje të temperaturave, reshje bore dhe rrezik nga ngricat.

Gjatë ditë të fundit ka pasur reshje të mëdha të shiut të cilat shkaktuan vërshime në shumë zona të vendit, duke shkaktuar dëmë të mëdha materiale dhe infstrukturore në rrugë.

/Kosovapress/

The post Kurti: Sonte rrezik i shtuar në rrugë, temperaturat zbresin deri në -9°C appeared first on Agjencia Telegrafike Shqiptare.

TIRANË, 7 janar /ATSH/ Shërbimet e Policisë Rrugore dhe ato të Rendit në Policinë e Shtetit janë në gatishmëri të përforcuar që prej ditës së djeshme për shkak të situatës së vështirë të krijuar nga reshjet e dendura.

Në mesditën e sotme, situata në akset rrugore nacionale ka shënuar një përmirësim të ndjeshëm.

Megjithatë, zonat e prekura nga rrëshqitjet e dheut, ose ku ka prani uji, monitorohen vazhdimisht nga shërbimet policore.

Policia e Shtetit apelon për drejtuesit e mjeteve që të tregojnë kujdes të shtuar, të reduktojnë shpejtësinë për shkak të lagështisë në rrugë dhe të pajisen me goma dimërore dhe zinxhirë kur udhëtojnë drejt zonave malore ku ka prezencë dëbore.

Drejtuesit e mjeteve duhet të respektojnë sinjalistikën dhe udhëzimet e policisë për të garantuar sigurinë e tyre dhe të qytetarëve të tjerë.

1 nga 2

/gj.m/r.e/a.f/

The post Policia e Shtetit apel për kujdes të shtuar nga drejtuesit e automjeteve appeared first on Agjencia Telegrafike Shqiptare.

Policia e Shtetit, i ka bërë thirrje qytetarëve që të tregohen të kujdesshëm në rastet kur në aplikacionin e tyre “WhatsApp” vijnë linqe të çuditshme.

Sipas policisë, këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

NJOFTIMI:

Policia e Shtetit/ Paralajmërim për fushatë phishing në platformën “WhatsApp”. Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese (phishing) në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

Të mos klikojnë në lidhje të dyshimta, edhe kur mesazhi iu shkon nga kontakte të njohura;

Të mos japin kode verifikimi, fjalëkalime apo të dhëna personale;

Të aktivizojnë verifikimin me dy hapa (Two step verification) në aplikacionin “WhatsApp”;

Të raportojnë çdo rast të dyshimtë pranë strukturave të Policisë së Shtetit.

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme.

The post Policia apel qytetarëve: Mos bini pre e mashtrimeve, kujdes linqet në “WhatsApp” appeared first on Albeu.com.

TIRANË, 28 dhjetor/ATSH/ Mjekët e Spitalit Universitar të Traumës gjatë këtyre ditëve festive apelojnë për kujdes të shtuar.

Në një video të publikuar nga Ministria e Shëndetësisë dhe Mirëqenies Sociale mjekët e këtij spitali u bëjnë apel qytetarëve të respektojnë rregullat e qarkullimit, të bëjnë kujdes në konsumimin e pijeve alkoolike dhe të tregojnë kujdes në përdorimin e mjeteve piroteknike.

Dr. Ervin Sulaj, shef i shërbimit të Anestezi-Reanimacionit pranë këtij spitali, tha se “është rritur cilësia e shërbimit në Spitalin Universitar të Traumës me investimet që janë bërë së fundmi qoftë në reanimacion, qoftë në ambientet e sallave, aparaturat e reja që kanë ardhur. Jemi në gatishmëri, të përballojmë në mënyrë cilësore të gjitha urgjencat që paraqiten këtu”.

Sulaj u bën apel qytetarëve që në këtë periudhë festash të jenë më të kujdesshëm gjatë lëvizjes me automjete.

Dr. Agustin Suma, shef shërbimi i Urgjencës, u shpreh se “ne trajtojmë çdo ditë trauma, politrauma dhe dëmtime nga më të ndryshmet, kjo nuk na dekurajon por na motivon që 24 orë të jemi në shërbim të të gjithë qytetarëve që paraqiten pranë nesh”.

Ndërsa mjekja okuliste Leodita Gjana theksoi se “në kuadrin e festave të fundvitit meqenëse me përdorimin e shtuar të alkoolit, të fishekzjarreve, të kapsollave rastet me trauma perforative okulare shtohen, doja të tërhiqja vëmendjen për një kufizim dhe përkujdesje ndaj këtyre efekteve”.

Dr. Admir Mustafa, mjek imazherist, tha se “patologjia e Urgjencës në spitalin e Traumës është një nga sektorët kryesorë që kërkon një shpejtësi diagnostikuese me përdorimin e grafive, ekove dhe skanerit. Ne kemi aparatura të një gjenerate të re që na mundëson kryerjen e këtyre ekzaminimeve duke respektuar mbi të gjitha protokollet dhe standardet bashkëkohore”.

Spitalet dhe Urgjenca Mjekësore do të jenë në gatishmëri 24 orë në ditët festive. Urdhri, i firmosur nga ministrja e Shëndetësisë dhe Mirëqenies Sociale, Evis Sala përcakton sigurimin e gatishmërisë të shërbimeve shëndetësore gjatë sezonit të festave, me qëllim garantimin e kujdesit shëndetësor dhe sigurisë për qytetarët, pa asnjë ndërprerje, veçanërisht në datat 31 dhjetor 2025 dhe 1-2 janar 2026.

/k.s/r.e/

The post Mjekët e Spitalit të Traumës apel qytetarëve për kujdes të shtuar gjatë festave appeared first on Agjencia Telegrafike Shqiptare.

Përmes një video të publikuar në rrjetin social “Facebook”, deputeti socialist, Erion Braçe, ka bërë një apel për prindërit që shprehen skeptikë për vaksinimin e fëmijëve, duke iu referuar teorive që qarkullojnë se mund të shkaktojnë probleme.

Ai ka ndarë rastet e dy fëmijëve në pedriatrinë e QSUT, prej ditësh në gjendje të vështirë, njëri prej të cilëve ka rezultuar me fruth.

Ajo që është shqetësuese, thotë deputeti, fëmijës që ka rezultuar me fruth, edhe pse është 3-vjeç, i është ndërprerë vaksinimi. që në muajin e gjashtë.

Sipas tij, ky nuk është një rast i izoluar por më i gjerë dhe vjen nga hipotezat që shpesh artikulohen nëpër ekrane nga personazhe të caktuar që nuk janë të fushës.

Deputeti argumenton se prindërit duhet të dëgjojnë mjekët dhe të vaksinojnë fëmijët, sepse duke mos e bërë këtë gjë, në fakt po dëmtojnë fëmijët e tyre.

“Po ndodh diçka me fëmijët që më duket shumë e rëndë. Po ndjek dy raste në pediatri. Të vështira prej 10 ditësh temperaturë e lartë dhe shqetësime shëndetësore të tjera. E dini çfarë mësova që njëri prej fëmijve ishte me fruth. Për këtë ka vaksinë. Ashtu edhe tjetri. Ndërkohë që mjeket që po i ndjekin thonë se edhe se janë vetëm 3 vjeç, një prej fëmijëve e ka mbyllur kalendarin e vaksinimit në 6 muajt e parë të jetës. Prindërit s’i kanë çuar më të ndjekur kalendarin e vaksinimit që 6 muajsh, fruthi luftohet përmes vaksinës.

Mungesa e saj ka shkaktua këtë gjendje dhe pasoja. Kafshët që dalin nëpër media online e TV dhe flasin pa pikën e përgjegjësisë dhe dijes e njohurisë për vaksinat e vaksinimin po ju vrasin fëmijët, po ju dëmtojnë fëmijët. Po ua lënë me pasoja të rënda. Kalendari i vaksinimit ka shpëtuar jetë pafund e ka mbrojtur fëmijë e breza të tërë. Mos dëgjoni idiotët, por mjekët. Idiotët po iu bëjnë dëm fëmijët tuaj. Zbatoni kalendarin e vaksinimit. Në fund fare a e kuptoni sesa po shpenzoni tani. Një vaksinë falas për fëmijët tuaj”, tha deputeti.

The post Apeli i Erion Braçes për prindërit: Mos e ndërprisni kalendarin e vaksinimit, mos dëgjoni idiotët që dalin nëpër ekrane, por mjekët… (VIDEO) appeared first on Albeu.com.

TIRANË, 20 dhjetor/ATSH/ Policia e Shtetit u bëri apel sot drejtuesve të mjeteve që të tregojnë kujdes të shtuar, për shkak të prezencës së mjegullës në Rrugën e Kombit.

Policia njoftoi se segmenti Tuneli i Kalimashit–Morinë është me shikueshmëri të reduktuar për shkak të mjegullës, ndaj apelon për të gjithë drejtuesit e automjeteve që të tregojnë kujdes të shtuar, të ulin shpejtësinë dhe të zbatojnë udhëzimet e punonjësve të Policisë.

Shërbimet e Policisë së Njësisë për Sigurisë Rrugore në bashkëpunim me Policinë Rrugore të DVP Kukës, ndodhen në terren për monitorimin e qarkullimit dhe për t’ju ardhur në ndihmë drejtuesve të automjeteve.

Policia cilëson se në rast nevoje për ndihmë, telefononi në numrin 129.

/e.i/a.f/r.e/

The post Mjegull në Kukës, Policia apel për kujdes në Rrugën e Kombit appeared first on Agjencia Telegrafike Shqiptare.

Si pasojë e kushteve atmosferike të parashikuara për ditët në vijim, të karakterizuara me mot të vranët, intervale me diell dhe mjegull në orët e mëngjesit, në rajonin e Ferizajt është vërejtur prezencë e shtuar e mjegullës, e cila po vështirëson dukshmërinë në komunikacion.

Mjegulla është më e theksuar në zonat me pozitë më të ulët gjeografike dhe në afërsi të lumenjve, duke përfshirë komunat Ferizaj, Kaçanik, Shtime, Shtërpcë dhe Hani i Elezit.

Policia këshillon shoferët që: të ndezin dritat e shkurtra dhe dritat e mjegullës; të mos përdorin dritat me rreze të gjata; të ngadalësojnë dhe ta mbajnë shpejtësinë nën kontroll; të qëndrojnë në krahun e djathtë të rrugës; të rrisin vëmendjen ndaj ndryshimeve të papritura të dukshmërisë.

Policia paralajmëron se mjegulla mund të krijojë iluzione optike, duke rritur rrezikun e aksidenteve, sidomos në orët e hershme të mëngjesit. Për këtë arsye, kërkohet respektim maksimal i rregullave të trafikut.

Autoritetet theksojnë se siguria në trafik është përgjegjësi e përbashkët dhe apelojnë tek të gjithë pjesëmarrësit në komunikacion që të kontribuojnë në parandalimin e aksidenteve duke vozitur me kujdes.

Ndryshe meteorologët kanë njoftuar se mëngjeset do të shoqërohen me dukshmëri të reduktuar, ndërsa gjatë ditës priten përmirësime graduale të motit.

“Në orët e mëngjesit parashihen mjegulla, të cilat do të zvogëlojnë dukshmërinë horizontale, veçanërisht në zonat e ulëta dhe pranë sipërfaqeve ujore”, ka njoftuar IHMK. /Telegrafi/

TIRANË, 11 dhjetor /ATSH/ Gjyqtarja e Posaçme e Gjykatës së Apelit, Miliana Muça, do të shqyrtojë ankimin e bërë nga zëvendëskryeministrja dhe njëherazi ministre e Infrastrukturës dhe Energjisë, Belinda Balluku për pezullimin nga detyra dhe ndalimin e daljes jashtë vendit.

Gjithashtu Muça do të shqyrtojë edhe ankimin e Erald Elezit dhe Gentian Gjylit, të cilët kundërshtojnë vendimin e Shkallës së Parë që caktoi për ta masën “arrest shtëpie”.

“Gjykata e Posaçme e Apelit për Korrupsionin dhe Krimin e Organizuar, regjistroi çështjen penale nr. 86 akti, datë 11.12.2025 regjistrimi mbi ankimet e ankuesve B.B., G.Gj. dhe E.E., me objekt “Ankim ndaj vendimit nr. 118, datë 19.11.2025 dhe vendimit nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar” në lëndë të masave të sigurimit personal”, njoftoi Gjykata.

/m.q/a.f/r.e/

The post Apeli i GJKKO cakton gjyqtaren që do të shqyrtojë ankimimin e Ballukut appeared first on Agjencia Telegrafike Shqiptare.

TIRANË, 3 dhjetor/ATSH/ Policia apeloi sot për më shumë kujdes nga përdoruesit e rrugës, kryesisht në zonat malore, për shkak të reshjeve të dëborës.

Kështu, Policia Rrugore ka rritur prezencën e saj në të gjitha akset rrugore, me qëllim parandalimin e aksidenteve rrugore, lehtësimin e lëvizjes së automjeteve në akset ku ka ngarkesë dhe për të ndihmuar përdoruesit të rrugës, në raste nevoje.

Policia Rrugore apeloi për kujdes gjatë lëvizjes, pasi ka prezencë të lagështirës dhe në disa akse rrugore malore, prezencë të dëborës.

Drejtuesit e automjeteve dhe motomjeteve apelohen të respektojnë sinjalistikën rrugore, të përdorin zinxhirë dhe goma dimërore në akset ku është e nevojshme dhe të ndjekin udhëzimet e punonjësve të Policisë Rrugore në shërbim.

Po ashtu, apelohen të moderojnë shpejtësinë, të mbajnë distancën e duhur me mjetet e tjera, të mos kryejnë parakalime të gabuara, të vendosin rripin e sigurimit dhe kaskën mbrojtëse, dhe të mos përdorin celularin gjatë drejtimit të automjeteve dhe motomjeteve.

The post Lagështi në rrugë dhe prani dëbore, policia apel shoferëve për kujdes në lëvizje appeared first on Agjencia Telegrafike Shqiptare.

Ish-zëvendëskryeministrja Belinda Balluku, ka ankimuar në Apelin e Posaçëm vendimin e GJKKO, duke kërkuar shfuqizimin e masave të gjykatës.

Me vendim të GJKKO, Belinda Balluku, është pezulluar nga ushtrimi i detyrës si zv/kryeministre dhe ministre për Infrastrukturën dhe Energjinë.

Ajo akuzohet për aferën 210 mln euro të tenderit të tunelit të Llogarasë dhe atij të Unazës së Madhe të Tiranës.

Në bisedat telefonike me vartësin e saj Evis Berberi, ish-zv/kryeministrja dilte zbuluar teksa ndiqte procedurat e tenderave dhe paracaktonte fituesit.

The post Belinda Balluku ankimon në Apel vendimin e Gjykatës së Posaçme, kërkon shfuqizimin e masave të GJKKO appeared first on Albeu.com.

Gjykata e Lartë, ka prishur vendimin e Apelit për pushimin e hetimeve ndaj tre gjyqtarëve Aleks Nikolli, Petrit Aliaj dhe Skënder Damini, të cilët lehtësuan dënimin për Dritan Dajtin.

Trupi gjykues i përbërë nga Ilir Panda, Albana Boksi dhe Medi Bici, prishën vendimin e Apelit të GJKKO të datës 27 nëntor 2020 dhe vendosën rikthimin e çështjes në të njëjtën gjykatë por me tjetër trupë gjykuese, duke kërkuar hetimin e tre gjyqtarëve.

Dritan Dajti, u dënua me burgim të përjetshëm nga Gjykata e Krimeve të Rënda për vrasjen e 4 punonjësve të policisë dhe ndodhet në qeli prej vitit 2008.

Por, në shkurt te vitit 2019 një trupë gjykuese pranë Apelit vendosi të shuante burgimin e përjetshëm për Dajtin duke e dënuar atë me 25 vite burg.

Tre gjyqtarët Skënder Damini, Aleks Nikolli dhe Petrit Aliaj në shumicë, vendosën të pranojnë kërkesën e Dajtit për gjykim të shkurtuar, ç`ka uli dënimin e tij me 1/3.

Ndërsa dy gjyqtarët e tjerë në pakicë ishin Fuat Vjerdha dhe Lindita Hoxha. Vendimi ishte i debatueshëm dhe madje në atë kohë shtyu prokurorin Klodian Braho të urdhëronte kontrolle në banesat e gjyqtarëve, nën dyshimin se ata mund të ishin përfshirë në korrupsion lidhur me vendimin lehtësues në favor të Dajtit.

Në operacionin e gushtit të 2009 për arrestimin e Dritan Dajtit, mbetën të vrarë efektivët Fatos Xhani, Altin Dizdari, Kastriot Feskaj, dhe Sajmir Duçkollari.

Në atë kohë, Dajti kërkohej për vrasjen e biznesmenit Agim Beqo, ngjarje e ndodhur në vitin 1999 në Tiranë.

The post Lehtësuan dënimin e Dritan Dajtit, Gjykata e Lartë kthen në Apel për rigjykim 3 gjyqtarët (EMRAT) appeared first on Albeu.com.

Disa familje krutane protestuan përpara Gjykatës së Apelit, ku kërkuan përshpejtim të seancave gjyqësore lidhur me një ankim që është depozituar ndaj tyre në këtë gjykatë nga Nikolin Lleshi, i cili ka humbur betejën ligjore për një çeshtje pronësie ndaj këtyre familjeve në Gjykatën e Shkallës së Parë Tiranë.

Prej korrikut 2023, këta banorë janë në pritje të nisjes së procesit gjyqsor në Apelin e Tiranës. Vendimi i gjyqtarëve që i dha të drejtë 30 familjeve, duke kaluar në favor të tyre 3 godina pallatesh, u ankimua në Apel nga pala tjetër.

Prej më shumë se dy vitesh, në Apelin e Tiranës nuk është zhvilluar asnjë seancë gjyqsore, pavarësisht insistimit të vazhdueshëm.

Banorët paralajmëruan se në rast se nuk do të ketë asnjë reagim nga gjykata, ata do protestojnë sërish, deri ne momentin qe do të fitojnë drejtësi madje disa prej tyre shprehen se janë në moshë të thyer dhe ende nuk po gëzojnë banesat e tyre.

TIRANË, 31 tetor/ATSH-Maela Marini/ Raportuesi i Përhershëm i Parlamentit Europian për Shqipërinë, Andreas Schieder u bëri thirrje sot palëve politike në Shqipëri që pavarësisht diferencave politike të punojnë bashkë për integrimin e vendit në Bashkimin Europian.

Gjatë një konference për shtyp në Shtëpinë e Europës, Schieder ndau mesazhin e tij për politikanët shqiptarë.

“Kam një mesazh për miqtë e mi politikanë. Jam politikan vetë dhe e kuptoj shumë mirë se çfarë do të thotë që secili të përpiqet që ta bëjë të qartë pozicionin e vet, të bëjë diferencën me kundërshtarët politikë. Por është e rëndësishme që çdo palë që është pro zgjerimit të punojë për këtë qëllim”, shtoi Schieder.

Schieder theksoi se duhet të punojnë bashkë, të zbatojnë ligjet europiane sa më shumë të jetë e mundur, pavarësisht diferencave mes partive të ndryshme.

“Dihet që secila parti ka ideologjinë e sajë, përfaqëson grupe të caktuara, por është e rëndësishme që nëse duan integrimin në BE të punojmë për të njëjtin qëllim”, shtoi ai.

Duke iu referuar takimit të fundit të Komitetit të Stabilizim-Asociimit BE-Shqipëri, Schieder theksoi se në atë takim kishte shumë diferenca mes palëve.

“U morën për një kohë kaq të gjatë për të shpjeguar se çfarë nuk shkon mirë, se pse partia X bën këtë apo atë gabim. Kjo është e rëndësishme për politikën, por jo për këto takime mes Parlamentit Europian dhe parlamentit shqiptar, sepse ne duam të diskutojmë zgjerimin”, tha ai.

Ndaj apeli i Schieder për politikanët shqiptarë është që të punojnë së bashku.

“Mazhoranca duhet të ftojë opozitën, të dëgjojë se çfarë ata duan dhe të jetë e hapur, ashtu siç duhet, që edhe opozita të jetë e gatshme të marrë pjesë. Ka ligje të rëndësishme si Reforma Zgjedhore për të cilat e mira do të ishte që të gjendej një konsensus i gjerë”, shtoi ai.

/a.f/r.e/

The post Schieder: Partitë të punojnë bashkë për integrimin, pavarësisht diferencave politike appeared first on Agjencia Telegrafike Shqiptare.