TIRANË, 14 janar/ATSh/ Shkollat 9-vjeçare në Berat pas procesit mësimor ofrojnë për nxënësit e fillores programin e kryerjes së detyrave të shtëpisë.

Kryeministri Edi Rama në një postim në rrjetet sociale theksoi se ky model po jep rezultate konkrete në përvetësimin më të mirë të dijeve nga ana e nxënësve.

“Në shkollat e Beratit, programi i bërjes së detyrave që në klasë nën vëmendjen e drejtpërdrejtë të mësuesve me qëllimin për të përvetësuar më mirë dijet, për të lehtësuar ngarkesën e prindërve, si edhe për të ndërtuar marrëdhënie më të mira shkollë-prindër-komunitet nën frymën e një bashkëpunimi të frytshëm dhe arsimi gjithëpërfshirës, po vazhdon me sukses duke ndërtuar një shembull pozitiv të kësaj nisme”, tha Rama.

Ky program i ndihmon nxënësit jo vetëm që të bëjnë detyrat e shtëpisë nën kujdesin dhe mbështetjen e mësuesve, por sjell më shumë përparim në dije dhe mbështet aftësitë e tyre shoqërore, fizike dhe intelektuale përmes pjesëmarrjes në aktivitete të ndryshme pas procesit mësimor.

1 nga 5

/k.s/r.e/a.f/

The post Rama: Programi i detyrave në shkolla po sjell rezultate konkrete tek nxënësit appeared first on Agjencia Telegrafike Shqiptare.

Një auditim i fundit i Kontrolli i Lartë i Shtetit hedh dritë mbi gjendjen reale të shërbimit psiko-social në arsimin parauniversitar, duke evidentuar një kontrast të fortë mes rritjes së stafit dhe pabarazive të thella territoriale e strukturore në aksesin e nxënësve ndaj këtij shërbimi thelbësor. Sipas gjetjeve të auditimit, në vitin shkollor 2023–2024 numri […]

The post Raporti i KLSH: Një në katër shkolla pa shërbim psiko-social, mijëra nxënës jashtë mbështetjes appeared first on BoldNews.al.

TIRANË, 23 dhjetor/ATSH/ Në Tiranë u zhvillua sot ceremonia e nderimit me Medalje Ari të 190 nxënësve të shkollave të të gjithë vendit, që kanë përfunduar me rezultate të shkëlqyera ciklin e arsimit të mesëm të lartë.

Në ceremoninë e organizuar në Kryeministri, gjatë së cilës u dhanë medaljet nga Kryeministri Edi Rama dhe ministrja e Arsimit, Mirela Kumbaro.

Në fjalën e saj ministrja Kumbaro tha se “jeni 190 nxënës ekselentë nga i gjithë vendi, që keni shkëlqyer me rezultatet tuaja të gjimnazit e të Maturës Shtetërore. Jeni këtu sepse nuk jeni dorëzuar! Dhe për këtë arsye, sot nuk kam ndërmend t’ju mësoj asgjë. As nuk do të guxoja, sepse më të mirëve nuk mund t’u japim leksione, por vetëm besim”.

“Medalja e Artë që merrni sot është një simbol i karakterit, sepse është dëshmia më e mirë dhe prova e qartë se suksesi nuk të vjen nga rastësia, por nga zgjedhjet e përditshme dhe ju më mirë se kushdo e dini, por nëse ma lejoni, unë do t’ju kërkoja që këtë t’ua tregonit sa më shumë prej bashkëmoshatarëve tuaj apo vëllezërve e motrave më të vegjël”, tha Kumbaro.

Ministrja Kumbaro tha se “suksesi juaj i vërtetë do të matet me ndikimin që do të keni tek të tjerët, se si do ta përdorni gjeniun brenda jush për të ndërtuar, për të përmirësuar jetën e të tjerëve, për t’i bërë gjërat edhe më mirë. Kjo medalje që ju do të merrni sot është një kujtesë e fortë se sukseset nuk kanë ardhur tek ju, por keni shkuar ju pas çdo suksesi të arritur deri më sot”.

Kumbaro ndau gjithashtu me nxënësit një lexim nga autorja Maya Angelou.

“Je shumatorja e gjithçkaje që ke parë, dëgjuar, ngrënë, nuhatur, të është thënë apo ke harruar – të gjitha janë aty. Çdo gjë ndikon te secili prej nesh, dhe për këtë arsye përpiqem të sigurohem që përvojat e mia të jenë sa më të mira”, citoi Kumbaro autoren Maya Angelou.

/k.s/a.f/

The post Medalje Ari për 190 nxënës ekselentë appeared first on Agjencia Telegrafike Shqiptare.

U nderuan me medalje ari 190 nxënës të shkollave të të gjithë vendit që kanë përfunduar me rezultate të shkëlqyera ciklin e arsimit të mesëm të lartë. Në ceremoninë e organizuar në Kryeministri, gjatë së cilës u dhanë medaljet nga Kryeministri Edi Rama dhe Ministrja e Arsimit Mirela Kumbaro.

“Sot kemi numrin më të madh të medaljeve të arta, që kur se kemi krijuar këtë event. Ajo që na kënaq më shumë është që ky numër medaljesh përkon edhe me numrin e rritur të studentëve shqiptarë që arrijnë të hyjnë në universitetet më prestigjoze të botës.

Në fund të ditës asgjë nuk është e vështirë nëse ëndrra që ti sheh me sy hapur e ka forcën që të të tërheqë pas saj. Dhe në majë nuk arrijnë të gjithë arrijë ata arrijnë ata që nuk dorëzohen gjatë gjithë vështirësive.

Dhe nuk dorëzohet kush është gati të paguajë cmim për ëndrrën që ka dhe ëndra sa më e madhe aq më të lartë e ka cmimin.

Cmimin e sakrificës, të shpenzimit të energjisë dhe cmimin e luftës me veten dhe me të tjerët, kur të tjerët bëhen pengesë.

Uroj të arrini gjithcka që doni kudo të jeni dhe shpresoj që disa prej jush të dëshirojnë që cfarë do të mësojnë më tej t’ia vënë në dispozicion vendit ka dolën.” tha Rama./abcnews.al

Dy të rinj janë arrestuar nga policia lidhur me sherrin e dhunshëm mesditën e djeshme në afërsi të Gjimnazit “Shejnaze Juka” në Shkodër.

Në pranga kanë rënë të rinjtë me iniciale K. Th., 24 vjeç, dhe D. K., 19 vjeç, ndërsa filloi procedimi penal për pesë shtetas të mitur (4 prej tyre 17-vjeçarë dhe një 16-vjeçar).

“Këta shtetas, në rrugë, në lagjen “Kongresi i Përmetit”, për motive të dobëta, janë konfliktuar fizikisht me njëri-tjetrin dhe si pasojë, kanë pësuar dëmtime të lehta dy shtetas të mitur 17-vjeçarë”, informuan blutë.

TIRANË, 29 nëntor /ATSH/ Nxënësit e Dibrës sollën një performancë të mrekullueshme me rastin e festave kombëtare, duke krijuar një kolazh emocionesh, traditash dhe arti që ngrohu publikun.

Ministrja e Arsimit, Mirela Kumbaro vlerësoi talentin dhe përkushtimin e tyre, duke e cilësuar aktivitetin si një dëshmi të gjallë të trashëgimisë kulturore shqiptare.

Përmes programit “Art dhe Zeje”, fëmijët rikrijuan motive tradicionale, veshje popullore dhe simbole kombëtare, duke i dhënë jetë ritmeve dhe ngjyrave që na identifikojnë si popull.

Performanca u shoqërua me emocion dhe kreativitet, duke treguar se kultura dhe tradita shqiptare vazhdojnë të rriten çdo ditë në duart e brezit të ri.

Vlora i bashkohet festimeve të Nëntorit me performancat e nxënësve, Kumbaro: Art që bashkon komunitetin

Edhe Vlora iu bashkua festimeve të Nëntorit me një atmosferë të gjallë e plot emocione, falë performancave të nxënësve të shkollave të qytetit.

Ministrja e Arsimit, Mirela Kumbaro, ndau pamje nga aktiviteti, duke theksuar se fëmijët sollën një tjetër shembull të bukur të programit “Art dhe Zeje”, i cili bashkon komunitetin dhe mbush zemrat me krenari.

“Nuk kishte si t’i mungonte Vlora festimeve të Nëntorit”, shkroi Kumbaro, duke vlerësuar kreativitetin dhe energjinë e nxënësve që interpretuan motive tradicionale, këngë dhe elemente të kulturës shqiptare.

“Nxënësit e shkollave të Vlorës sollën atmosferën e bukur të festave kombëtare, një tjetër shembull i bukur i ‘Art dhe Zeje’ që bashkon komunitetin dhe mbush zemrat me krenari”, shtoi Kumbaro.

/gj.m/r.e/

The post Nxënësit e shkollave shkëlqejnë me performancë festive për festat kombëtare appeared first on Agjencia Telegrafike Shqiptare.

TIRANË, 27 nëntor/ATSH/ Teatri “Skampa” në Elbasan u mbush me muzikë dhe emocione në mbrëmjen artistike “E jona Shqipëria”, organizuar nga nxënësit e shkollës artistike “Onufri”.

Të rinjtë sollën për publikun një koncert vokalo–instrumental dhe një ekspozitë pikture, të përgatitura me pasion dhe përkushtim, duke vënë në qendër talentin dhe krijimtarinë e tyre.

Në aktivitet morën pjesë nënkryetarja e bashkisë Elbasan, Klaudja Krasnika, kryetarja e Këshillit të Qarkut, Ermira Urupi, drejtoresha e ZVA Elbasan, Vesa Liço, si dhe deputetja Aulona Bylykbashi, të cilat vlerësuan punën e nxënësve dhe stafit pedagogjik të shkollës “Onufri”, si një shembull të mirë të edukimit përmes artit dhe promovimit të vlerave kombëtare.

Nën ngjyrat kuqezi, atmosfera në sallë u shndërrua në një festë të vërtetë arti dhe krenarie kombëtare.

Interpretimet muzikore dhe veprat e artit pamor sollën për publikun mesazhe atdhedashurie, duke reflektuar energjinë, ndjeshmërinë dhe vizionin e brezit të ri për Shqipërinë.

Aktiviteti ishte pjesë e kalendarit të ngjarjeve që po organizohen në të gjitha shkollat e qytetit në kuadër të festave të Nëntorit, duke e kthyer këtë periudhë në një moment të rëndësishëm reflektimi, uniteti dhe frymëzimi.

Mbrëmja “E jona Shqipëria” rikujtoi se sa e bukur dhe e gjallë është Shqipëria kur shihet përmes syve dhe talenteve të të rinjve, të cilët me krijimtarinë e tyre i japin jetë simboleve dhe vlerave kombëtare.

1 nga 6

/k.s/j.p/

The post “E jona Shqipëria”, nxënësit e shkollës “Onufri” performancë emocionuese në teatrin “Skampa” appeared first on Agjencia Telegrafike Shqiptare.

TIRANË, 26 nëntor /ATSH/ Nxënësit e shkollës “Ndre Mjeda” në Shkodër në prag të festave të 28-29 Nëntorit kanë realizuar një video të veçantë.

Urimi emocionues nga nxënësit e shkollës “Ndre Mjeda” për Shkodrën dhe gjithë Shqipërinë është përgatitur përmes programit “Art dhe Zeje”.

Kënga “Shqipëri o vendi im”, me muzikë të Avni Mulës dhe tekst të Hysni Milloshit interpretohet nga një nxënëse e kësaj shkolle duke përcjellë emocione në këtë prag festash nëntori.

Krahas simboleve kombëtare, si flamujt dhe veshjet kuqezi të nxënësve, programet si “Art dhe Zeje”, përmes vizatimeve e pikturave, po nxisin edhe më shumë kreativitetin e fëmijëve me rastin e 113-vjetorit të Pavarësisë dhe 81-vjetorit të Çlirimit.

/k.s/r.e/

The post Nxënësit e “Ndre Mjedës” videokartolinë të veçantë për Festat e Nëntorit appeared first on Agjencia Telegrafike Shqiptare.

TIRANË, 25 nëntor/ATSH/ Në prag të festave të 28-29 Nëntorit, nxënësit e shkollës “Servete Maçi” në kryeqytet, kanë realizuar një video të veçantë.

Kryeministri Edi Rama, ndau sot në rrjetet sociale, këtë videokartolinë nga nxënësit e shkollës “Servete Maçi” në Tiranë.

Me tingujt e këngës së artistes Vaçe Zela, “O moj e bukur Arbëri”, nxënësit e kësaj shkolle të veshur kuqezi, me flamuj në duar dhe instrumente muzikore, e kanë interpretuar sipas mënyrës së tyre.

Atmosfera e festave të Nëntorit, po ndihet në çdo shkollë në kryeqytet.

Krahas simboleve kombëtare, si flamujt dhe veshjet kuqezi të nxënësve, programet si “Art dhe Zeje”, përmes vizatimeve e pikturave, po nxisin edhe më shumë kreativitetin e fëmijëve me rastin e 113-vjetorit të Pavarësisë dhe 81-vjetorit të Çlirimit.

/e.i/j.p/

The post Festat e Nëntorit, videokartolinë nga nxënësit e shkollës “Servete Maçi” appeared first on Agjencia Telegrafike Shqiptare.

TIRANË, 24 nëntor/ATSH/ Në të gjitha shkollat e vendit prej disa ditësh po ndihet atmosfera e përgatitjeve në prag të festave të 28 dhe 29 nëntorit, ditës së Pavarësisë dhe asaj të Çlirimit.

Kryeministri Edi Rama ndau sot në rrjetet sociale disa punime që nxënësit kanë krijuar përmes programit “Art dhe Zeje” me motivet e festave.

“Pak çaste nga atmosfera e bukur e festave të Nëntorit në shkollat tona, ku gjithçka merr jetë falë duarve të fëmijëve, përkushtimit të mësuesve dhe mbështetjes së prindërve përmes programit Art dhe Zeje”, shkruan Rama.

Në programin “Art dhe Zeje” nxënësit shprehin talentin e tyre përmes vizatimit, pikturës dhe punimeve me dorë. Ky program është shtrirë edhe këtë vit të ri shkollor në 100 shkolla të tjera për të nxitur kreativitetin tek fëmijët e të rinjtë dhe për të promovuar të mësuarin përmes artit.

Këtë javë në Shqipëri më 28 nëntor festohet 113- vjetori i shpalljes së Pavarësisë dhe më 29 nëntor 81-vjetori i Çlirimit të vendit nga pushtuesit nazifashistë në Luftën e Dytë Botërore.

/k.s/j.p/

The post Rama: Atmosferë e bukur e festave të Nëntorit në shkolla appeared first on Agjencia Telegrafike Shqiptare.

Policia e Durrësit ka shkatërruar një grup që shpërndanin lëndë narkotike pranë shkollave në këtë qytet.

Në kuadër të operacionit të koduar “CLEANING 3”, u vunë në pranga 12 shtetas, ndërmjet tyre edhe organizatori i grupit, dhe vijon puna për kapjen edhe të një shtetasi tjetër, pjesëtar i këtij grupi.

“Gjatë operacionit, shërbimet policore të Durrësit kanë ekzekutuar urdhër-arrestet e lëshuara nga Gjykata e Shkallës së Parë e Juridiksionit të Përgjithshëm Durrës, me masë sigurie ”Arrest në burg”, për 12 shtetas të dyshuar për kryerjen e veprës penale “Prodhim dhe shitje e lëndëve narkotike”, konkretisht: F. A., 30 vjeç (i dyshuar si organizator). Në ngarkim të tij janë vendosur gjithashtu veprat penale: “Mbajtja pa leje dhe prodhimi i armëve shpërthyese dhe municioneve”, “Ruajtja ose depozitimi i mallrave kontrabandë”, “Kontrabanda me mallra të ndaluara ose të kufizuara”, “Kontrabanda me mallra për të cilat paguhet akcizë”, “Kontrabanda me mallra me regjim të ndërmjetëm”, “Tregtimi dhe transportimi i mallrave që janë kontrabandë”, “Fshehja e të ardhurave”, “Moslëshimi i kuponit tatimor”, “Mospagimi i taksave dhe tatimeve” dhe “Punësimi i paligjshëm”.

B. O., 32 vjeç; A. P., 24 vjeç; E. Sh., 19 vjeç; T. D., 36 vjeç; F. C., 31 vjeç; G. K., 27 vjeç; I. H., 35 vjeç; S. Sh., 58 vjeç; I. D., 38 vjeç; dhe shtetasit M. K., 29 vjeç, dhe V. Sh., 20 vjeç, në ngarkim të të dyve është vendosur edhe vepra penale “Prodhimi, mbajtja, blerja apo shitja pa leje e armëve të ftohta”.

Si dhe është shpallur në kërkim shtetasi B. M., me masë sigurie “Arrest në burg”, dhe vijon puna për kapjen e tij.

Gjatë operacionit u sekuestruan në cilësinë e provës materiale: 180 doza kokainë me peshë totale 100 gramë; 620 doza lëndë narkotike marijuanë me peshë totale 1.25 kilogramë; 2 peshore elektronike; 16 telefona celularë; 3 armë të ftohta (thika); 1 përforcues grushti dhe fishekë luftarakë”, bëri me dije policia.

Nga hetimet dhe provat e siguruara rezulton se këta shtetas, në bashkëpunim me njëri-tjetrin, ushtronin aktivitetin e paligjshëm të shpërndarjes dhe shitjes së lëndëve narkotike në afërsi apo pranë shkollave (gjimnazeve) të qytetit të Durrësit. /Telegrafi/

TIRANË, 6 nëntor/ATSH/ Në gjimnazin “Sami Frashëri” u organizua trajnimi mbi “Higjienën Kibernetike dhe Praktikat më të Mira të Sigurisë Online”.

Në këtë trajnim morën pjesë 41 senatorë nga gjimnazet e Tiranës, të cilët më pas do të bëhen trajnerë të shkollave të tyre, duke promovuar te bashkëmoshatarët përdorimin e sigurt të teknologjisë digjitale.

Gjatë këtij programi, të organizuar nga Autoriteti Kombëtar për Sigurinë Kibernetike (AKSK) në bashkëpunim me Prezencën e OSBE-së në Shqipëri nëpërmjet ushtrimeve praktike dhe simulimeve reale, ata mësuan si të mbrojnë të dhënat personale, si të parandalojnë bullizmin online, si të ndërtojnë fjalëkalime të forta dhe rëndësinë e gjurmës digjital.

Ministrja e Arsimit dhe Sportit, Mirela Kumbaro në një postim në rrjetet sociale tha se “edukimi për sigurinë dhe përdorimin e përgjegjshëm të teknologjisë, është pjesë e projekteve në shkolla me qëllim formimin e brezave të ndërgjegjshëm, të aftë dhe të sigurt në botën online”.

Me anë të këtij trajnimi synohet rritja e ndërgjegjësimit për përdorimin e sigurt të internetit dhe teknologjisë nga të rinjtë, në mënyrë që të lundrojnë me kujdes në hapësirën digjitale, duke përfituar nga teknologjia, por njëkohësisht duke shmangur rreziqet potenciale online.

1 nga 9

/k.s/j.p/

The post Senatorë nga gjimnazet e Tiranës, trajnim mbi përdorimin e sigurt të teknologjisë digjitale appeared first on Agjencia Telegrafike Shqiptare.

Nëse cilësia e arsimit matet edhe nga mjediset ku fëmijët kalojnë pjesën më të madhe të ditës, atëherë të dhënat e fundit të Inspektoratit Shtetëror Shëndetësor tregojnë se shumë institucione arsimore në Shqipëri vijojnë të përballen me probleme elementare higjieno-sanitare. Gjatë vitit 2024, trupat inspektuese të ISHSH kanë zhvilluar 12,365 inspektime dhe 765 riinspektime në […]

The post Lagështi dhe tualete të amortizuara! Rama ëndërron BE, kushtet sanitare në shkolla lënë për të dëshiruar appeared first on BoldNews.al.

Çdo mëngjes, Rustem Bela zgjohet ende pa gdhirë në shtëpinë e tij në fshatin Myç- Has dhe ndërron dy makina për të mbërritur në shkollën profesionale “11 Marsi” të Prizrenit, rreth 55 kilometra në verilindje. Katërmbëdhjetëvjeçari nga Hasi është nxënës i vitit të parë dhe studion në degën e Mekanikës. Në mungesë të shkollës profesionale […]

The post Premtimet e Ramës ‘avulluan’! Nxënësit e Kukësit udhëtojnë drejt Prizrenit për arsim cilësor profesional appeared first on BoldNews.al.

Drejtoria Vendore e Policisë Tiranë ka reaguar pas publikimit të një videoje në rrjetet sociale, ku një i mitur shfaqej brenda territorit të një shkolle duke mbajtur në dorë një send që ngjante me armë zjarri. Sipas njoftimit zyrtar, pas publikimit të videos, shërbimet e Komisariatit të Policisë Krujë vepruan menjëherë, duke bërë të mundur […]

The post U shfaq në shkollë me armë, policia identifikon 15-vjeçarin: E kishte lodër appeared first on BoldNews.al.

Një 17-vjeçar në Vlorë është vënë nën hetim penal, pasi gjatë një kontrolli të ushtruar në ambientet e shkollës ku studion, iu gjet një mjet prerës (thikë). Kontrolli u krye në praninë e oficeres së sigurisë së institucionit arsimor, ndërsa specialistët për Hetimin e Krimeve në Komisariatin e Policisë Vlorë kanë referuar materialet në Prokurori, […]

The post Vlorë/ 17-vjeçari kapet me thikë në shkollë, procedohet penalisht appeared first on BoldNews.al.

TIRANË, 8 tetor/ATSH/ Katër nxënës të gjimnazit “Sami Frashëri” në Tiranë  fituan vendin e parë “Best use of Science” në “NASA Space Apps Challenge 2025 “, maratonën 3-ditore më të madhe ndërkombëtare dhe sfiduese të teknologjisë që u zhvillua këtë vit në Tiranë nga 3-5 tetor.

Ministrja e Arsimit, Mirela Kumbaro në një postim në rrjetet sociale tha se pas fitores së vendit të parë nxënësit Itien Duraj, Xhorxh Loli, Erti Katroshi dhe Skerdilaid Bilibashi nominohen në konkursin global, Challenge – SpaceTrash Hack.

““NASA Space Apps Challenge 2025″ u zhvillua këtë vit edhe në Shqipëri, ku 50 të rinj shqiptarë shkëlqyen me idetë dhe kreativitetin e tyre në mesin e më shumë se 370,000 pjesëmarrësve nga e gjithë bota”, tha Kumbaro.

Kjo maratonë u organizua nga Albanian ICT Academy dhe NASA Space Apps Tirana. Konkurrentët nga Shqipëria ishin gjimnazistë, studentë dhe profesionistë. Dy grupet e para fituese vendi i parë “Best use of Science” dhe vendi i dytë “Best use of Tehcnology” do të nominohen në konkursin global për t’u gjykuar nga juria e NASA Space Apps Challenge.

Vendi i parë “Best use of Science” grupi: RecycleMars (Itien Duraj, Xhorxh Loli, Erti Katroshi dhe Skerdilaid Bilibashi) nominohet në konkursin global; Challenge – SpaceTrash Hack.

Vendi II “Best use of Technology” grupi: Cosmic Carrots, nominohet në konkursin global; Challenge-Farm Navigators.

Vendi III “Best use of Data” grupi: Astrocoders; Build a Space Biology Knowledge Engine Challenge-Build.

Çmimi Inspirues, grupi: QS Dev’s Team. Challenge: Meteor Madnes.

1 nga 3

/k.s/j.p/

The post NASA Space Apps Challenge 2025, Kumbaro: Katër nxënës të gjimnazit “Sami Frashëri” fitues të vendit të parë appeared first on Agjencia Telegrafike Shqiptare.

Nxënës që përfshihen në sherre edhe me thika, po bëhen të zakonshme në ambientet pranë shkollave. Prag tragjedia pranë gjimnazit ”Ibrahim Rugova” në Kamzës, ku një nxënës 16-vjeçar është në gjendje kritike për jetën pas sulmit me thikë nga bashkëmoshatarët e tij, dëshmon për mungesën e sigurisë në institucionet arsimore. Sociologët theksojnë rëndësinë e ndërveprimi mes familjes…

Source

Pushimi i gjatë në gjimnazin “Ibrahim Rugova” në Kamëz duhej të ishte një moment shkëputje nga orët e para mësimore për nxënësit të cilët teksa qëndrojnë brenda oborrit, por në shkelje të rregullave, porta e shkollës që duhet të qëndrojë e mbyllur deri në përfundim të gjithë procesit mësimor, është hapur dhe 5 gjimnazistë të mitur 16-vjeçarë dolën jashtë oborrit. Pasi janë përleshur me grushte…

Source

Një ngjarje e rëndë ka ndodhur në ambientet jashtë gjimnazit “Ibrahim Rugova” në Kamëz.

Disa nxënës janë përfshirë në një konflikt që ka degraduar në përdorimin e dhunës.

Raportohet se për pasojë, ka mbetur i plagosur një prej nxënësve.

The post Sherr masiv pranë gjimnazit “Ibrahim Rugova” në Kamëz, plagoset një nxënës appeared first on Albeu.com.