TIRANË, 12 shkurt /ATSH/ Gjatë interpelancës së sotme në Kuvend mbi dhunën në shkolla, ministrja e Arsimit, Mirela Kumbaro prezantoi Planin Kombëtar të Veprimit për Fuqizimin e Mekanizmave të Parandalimit të çdo forme dhune dhe bullizmi për sigurinë në institucionet arsimore parauniversitare, i cili është miratuar dhe prezanton një kornizë veprimi që përfshin një bashkëveprim të gjerë mes institucioneve, punonjësve të arsimit dhe komunitetit.

“Ministria e Arsimit ka zgjedhur të mos reagojë në mënyrë fragmentare apo vetëm pas rasteve të veçanta, por të ndërtojë një qasje të qëndrueshme, të koordinuar dhe afatgjatë. Është miratuar tashmë Plani Kombëtar i Veprimit për Fuqizimin e Mekanizmave të Parandalimit të çdo forme dhune dhe bullizmi për sigurinë në institucionet arsimore parauniversitare. Ky plan nuk është thjesht një dokument politikash, por një kornizë veprimi e përditshme që e sheh sigurinë në shkollë si një proces të përditshëm, ku bashkëpunojnë institucione shtetërore, mësues, prindër, nxënës dhe komuniteti”, tha Kumbaro.

“Po ndërtojmë një bashkëpunim shumë solid me një prej institucioneve më të mira që ka vendi në këtë fushë, siç është Autoriteti Kombëtar për Sigurinë Kibernetike, qoftë për të krijuar mjedise më të sigurta digjitale, ashtu edhe për të krijuar linja të dedikuara komunikimi për të rinjtë që kanë nevojë të denoncojnë apo të tregojnë problemet që hasin. AKSK ka një linjë direkte komunikimi, 24 orë në 7 ditë të javës, për problemet e sigurisë kibernetike apo të bullizmit online”, vijoi ajo.

Ministrja Kumbaro nënvizoi se institucioni që ajo drejton ka hyrë në një fazë të re bashkëpunimi edhe me Autoritetin e Mediave Audiovizive, për të monitoruar jo vetëm hapësirën tradicionale mediatike, por edhe atë digjitale me fokus sigurinë e fëmijëve.

“Prania e oficerëve të sigurisë është forcuar ndjeshëm dhe po shoqërohet me standarde të reja pune dhe etike profesionale. Këta oficerë nuk janë më thjesht figura kontrolli, por pjesë e mekanizmit të parandalimit dhe ndërhyrjes së hershme ne bashkëpunim te ngushte me mësues, psikologe e punonjës sociale. Megjithëse shkolla shqipe ka një traditë të gjatë, Oficeri i Sigurisë është figurë e re, nuk ka qenë tradicionalisht një figurë e shkollave tona”, tha Kumbaro.

“Ashtu sikundër edhe punonjësit psiko-socialë. Dhe pikërisht tre javë më parë, shpallëm 62 vende të lira pune për oficerë sigurie pranë shkollave tona. Paralelisht, është ndërtuar një strukturë e qartë koordinimi mes drejtorive arsimore dhe Policisë së Shtetit, për të garantuar reagim në kohë reale dhe shkëmbim të vazhdueshëm informacioni”, pohoi Kumbaro.

Sipas Kumbaros, “Paketa e Sigurisë” si një marrëveshje ndërmjet Ministrisë së Punëve të Brendshme dhe Ministrisë së Arsimit ka institucionalizuar bashkëpunimin me Policinë e Shtetit, falë të cilit është shtuar prezenca e punonjësve të policisë gjatë orarit të fillimit të mësimit, gjatë pushimit të gjatë dhe pas mbarimit të mësimit në perimetrin e shkollës.

Kumbaro tha se brenda këtij viti fillon projekti i Ministrisë së Punëve të Brendshme “Qyteti inteligjent” pjesë e të cilit është edhe pajisja e shkollave, fillimisht atyre me te mëdha në numër nxënësish me kamera të posaçme për të parandaluar në kohë dhe në bashkëpunim me Policinë e Shtetit çdo incident apo konflikt.

Kumbaro nënvizoi se në fillim të këtij viti shkollor, me një urdhër të posaçëm është ndaluar celulari në ambientet mësimore, një masë që rezulton e zbatuar plotësisht sipas ministres së Arsimit.

“Vendimi për ndalimin e përdorimit të telefonave celularë në ambientet shkollore nuk duhet parë si masë ndëshkuese, por si një ndërhyrje edukative dhe mbrojtëse. Një tjetër shtyllë themelore e planit ka qenë fuqizimi i shërbimit psiko-social në shkolla. Po ashtu është investuar në ndërtimin e rrjeteve të mbështetjes digjitale dhe mekanizmave të komunikimit të shpejtë”, tha Kumbaro, ndërsa shtoi se platforma SMIP, ku prindërit hyjnë në çdo kohë dhe kontrollojnë në kohë reale ecurinë e fëmijëve të tyre në shkollë, si edhe Fletorja e Komunikimit Online kanë krijuar një urë të drejtpërdrejtë mes shkollës dhe familjes, duke e bërë më të lehtë identifikimin e problematikave dhe adresimin e tyre në kohë.

/e.i/j.p/

The post Kumbaro: Plan kombëtar veprimi për parandalimin e dhunës dhe bullizimit në shkolla appeared first on Agjencia Telegrafike Shqiptare.

Siguria në shkolla ishte interpelanca që dy deputetët e opozitës Erisa Xhixho nga Partia e Lirisë dhe Erald Kapri nga Partia Mundësia kërkuan me ministren e Arsimit Mirela Kumbaro. Opozita e akuzoi qeverinë se ka dështuar të mbrojë nxënësit, duke sjellë në vëmendje rastet e dhunës dhe tragjeditë e fundit. Deputetët Erisa Xhixho dhe Erald […]

The post Dështimi i sigurisë në shkolla, Kumbaro shmang përgjegjësitë: Dhuna është fenomen global appeared first on BoldNews.al.

TIRANË, 12 shkurt /ATSH/ Ministrja e Arsimit Mirela Kumbaro gjatë interpelancës së sotme në Kuvend të kërkuar mbi dhunën në shkolla, prezantoi planin e masave institucionale për të garantuar sigurinë në shkolla, mbështetjen psikologjike dhe këshillimin e karrierës për mbi 355 mijë nxënësit e sistemit parauniversitar duke theksuar rëndësinë e të trajtuarit të sfidave duke marrë pjesë të gjithë aktorët e shoqërisë, nga familja tek institucionet.

“Po flasim për një sfidë globale që, në forma të ndryshme, po përjetohet nga të gjitha shoqëritë, dhe që lidhet drejtpërdrejt me dinamikat që shoqërojnë ndryshimin e botës ku rriten fëmijët tanë: E kam fjalën për hapjen pa limit të botës virtuale që thyen gjithë kodet e komunikimit dhe zhbën konvencionet etike të shoqërive mbi të cilat ngrihen dhe rregullat e sjelljes në shoqëri. Dhe patjetër është një sfidë globale. Por është një sfide që, në Republikën e Shqipërisë, do të duhet ta trajtojmë të gjithë ne bashkë aktorët socialë, politike, ekonomike, mediatike, nga familja e deri te shteti- si një kauze për bashkim forcash, dhe jo si sebepin e radhës për politiken e çastit”, tha Kumbaro.

Ministrja e Arsimit, u shpreh se sot janë 355 mijë e 510 fëmijë në sistemin parauniversitar nga klasa e parë deri në të dymbëdhjetën dhe mbi 30 mijë mësues që punojnë në të 1498 shkollat e sistemit parauniversitar.

“Janë po ashtu 2670 mësues ndihmës që japin sot kontributin e tyre ne te gjithë këtë rrjet për të siguruar gjithëpërfshirjen e fëmijëve me aftësi te veçanta brenda të njëjtit sistem, ku numri i fëmijëve me aftësi ndryshe për vitin 2025-2026 është rritur me 6,8% për një total prej 6073 fëmijë, përkundër rritjes së numrit të mësuesve ndihmës me 8%”, vijoi ajo.

“Mbi 686 koordinatorë cilësie dhe koordinatore te karrierës te trajnuar profesionalisht si te tille, punojnë ne shkollat tona për të rritur cilësinë e mësimdhënies dhe për të shoqëruar nxënësit ne Arsimin baze dhe në atë të mesëm ne zgjedhjet dhe vendimmarrjet e tyre për jetën. 329 oficerë sigurie janë të pranishëm çdo ditë në shkollat me numër të madh nxënësish, dhe vijon procesi i trajnimit te kandidateve të tjerë pranë Akademisë së Sigurisë, ndërkohë qe është 392 numri i miratuar për oficerë sigurie dhe i garantuar me fond page, për çka vijojnë thirrjet periodike në mënyrë të rregullt. 1183 psikologë dhe punonjës socialë janë aktivë në shkollat publike dhe jo publike te Republikës së Shqipërisë”, tha Kumbaro.

Ministrja Kumbaro tha se këto të dhëna nuk duhet të mohohen me lehtësinë e padurueshme të kohës së papërfillshme televizive që zë kjo lloj politike.

“Punën që bëhet çdo ditë nga mijëra e mijëra punonjës të arsimit, për të çuar përpara dhe për të përmirësuar po ashtu ditë pas ditë cilësinë e arsimit kombëtar, rolin e shkollës, dhe krijimin e modeleve te mira, përkundër fenomeneve negative bashkëshoqëruese qe janë po aq te lashta sa njerëzimi dhe po aq moderne e te komplikuara sa koha qe po jetojmë. Dhe është gjithaq e shëmtuar të stigmatizosh një kategori të tërë punonjësish të përkushtuar mësuesit, dinjitetin e të cilëve duhet ta mbrojmë të gjithë si pasuri kombëtare”, tha Kumbaro.

/e.i/j.p/

The post Kumbaro: 329 oficerë sigurie çdo ditë në shkolla, 1183 psikologë dhe punonjës socialë appeared first on Agjencia Telegrafike Shqiptare.

TIRANË, 10 shkurt /ATSH/ Për mësuesit e arsimit parauniversitar në vend që synojnë përfitimin e titujve “Mësues i Kualifikuar”, “Mësues Specialist” dhe “Mësues Mjeshtër” do të nisë një proces kualifikimi për vitin 2026.

Ministrja e Arsimit, Mirela Kumbaro informoi sot se ky proces nis prej muajit shkurt dhe zgjat deri në maj. Kumbaro tha se kjo qasje përbën një hap të rëndësishëm në forcimin e cilësisë së mësimdhënies dhe në mbështetjen e avancimit në karrierën profesionale të mësuesve, duke synuar rritjen e standardeve në arsimin parauniversitar.

Në mbështetje të këtij cikli, Agjencia e Sigurimit të Cilësisë së Arsimit Parauniversitar ka publikuar programet orientuese për marrjen e shkallëve të kualifikimit, të cilat janë të aksesueshme për të gjithë mësuesit në faqen zyrtare të institucionit.

Sipas Kumbaros, programet synojnë të orientojnë kandidatët mbi përmbajtjen, kompetencat dhe kërkesat që duhet të përmbushen gjatë procesit të kualifikimit.

“Të dashur mësues, ky cikël nuk është me rëndësi vetëm për avancimin në karrierën profesionale, por një investim i drejtpërdrejtë në cilësinë e mësimdhënies dhe të ardhmes së arsimit parauniversitar, sepse dijet tuaja formësojnë brezat, andaj përgjegjësia është shumëfish më e madhe”, tha Kumbaro.

Mësuesit inkurajohen të përfshihen në këtë proces, duke e konsideruar atë si një mundësi për përmirësim të vazhdueshëm dhe për rritjen e cilësisë së mësimdhënies në sistemin arsimor parauniversitar në vend.

/e.i/r.e/a.f/

The post Publikohen programet orientuese për kualifikimin e mësuesve të sistemit parauniversitar appeared first on Agjencia Telegrafike Shqiptare.

SEBI ALLA

Në një deklaratë të përbashkët në gusht të vitit 2024, Mirela Kumbaro e Mjedisit dhe Belinda Balluku e Infrastrukturës dhe Energjitikës, “siguruan” qytetarët se institucionet shtetërore kishin ndjekur në mënyrë rigoroze protokollet dhe ligjin dhe se nuk kishte vend për panik mbi lajmet e publikuara për anijen me 2800 ton mbetje të dyshuara toksike, të nisur nga Porti i Durrësit. Një vit e gjysmë më pas, situata është më shumë se alarmante. Pas kryerjes së analizave në një laborator të specializuar në Itali, u arrit në përfundimin se mbetjet janë të rrezikshme dhe të dëmshme për njerëzit dhe mjedisin. Gjithashtu Prokuroria e Durrësit përveç kompanisë “Kurum” prodhuese e këtyre mbetjeve dhe kompanisë “Sokolaj sh.p.k” transportuese e tyre, ka bërë përgjegjëse për shkelje ligjore dhe të protokolleve mjedisore edhe tre institucione shtetërore.

Deklaratat

Sinjalin e parë se në anijen “Molivia” të nisur nga Shqipëria më 4 korrik 2024 nëpërmjet Portit të Durrësit fshiheshin tonelata me mbetje të rrezikshme e ngriti organizata ndërkombëtare mjedisore BAN. Në qëndrimin e dy ministrive, më 24 gusht 2024 çështja u relativiziu dhe publikut iu dha “siguria” se institucionet ishin në nivelin e kërkuar. “Autoritetet mjedisore, portuale dhe doganore shqiptare operojnë prej vitesh me protokolle të rrepta përsa i përket autorizimeve të përpunimit dhe transportit të mallrave të rrezikshme, në përputhje me konventat ndërkombëtare përkatëse”, thuhej në njoftinm, ndërsa vijonte qëndrimi me “vlerësime” për institucionet shqiptare. “… Për më tepër kjo gatishmëri e infrastrukturave tona kritike është verifikuar dhe certifikuar në disa inspektime ndërkombëtare përgjatë viteve të fundit, duke e klasifikuar Shqipërinë si një vend të sigurt”, thuhej në deklaratën e përbashkët.

Eksperti

Eksperti i çështjeve mjedisore, inxhnieri kimist, Ahmet Ahmeti, në një qëndrim për Faktoje.al pohon rrezikshmërinë e mbetjeve dhe sugjeron si zgjidhje të menjëhershme largimin e tyre nga Porto Romano. “Materiali në ambalazhet e grumbulluara në ruajtje në Porto Romano në afërsi rreth 200 m pranë banesave të qytetarëve, për arsye se klasifikohet si shumë helmues (toksik), duhet të largohet sa më parë në vende të sigurta”-thotë Ahmeti. Ai sugjeron se nevojiten rregulla strikte procesit të largimit të mbetjeve për të shmangur katastrofa të mundshme që rrezikojnë mjedisin, ujrat nëntokësore, tokën, ajrin, shëndetin e njerëzve dhe kafshëve. “Në përbërje të tyre ka zink, kadmium, plumb, bakër, krom, nikel etj, metale të rënda me pasoja të rrezikshëme që shkaktojnë sëmundje në të gjitha indet e organizmit, deri në ato kanceroze dhe gjenetike”, thotë Ahmeti.

Hetimet dhe masat

Prokuroria e Durrësit pas hetimeve të gjata, sekustrimit të dokumentacioneve dhe dëshmive, arriti në përfundimin se 33 persona ishin përgjegjës për eksportin e mbetjeve të rrezikshme, të cilat u nisën nga Durrësi me destinacion Tailandën, por u kthyen pas sërish në Durrës pasi asnjë vend nuk pranoi ngarkesën. Nga 33 urdhër-arreste të lëshuara nga Prokuroria e Durrësit vetëm 20 prej tyre u ekzekutuan, ndërsa Gjykata vendosi të zbusë masën e sigurisë për nëpunësit shtetërorë. Për tetë të dyshuar, kryesisht përfaqësues të kompanisë “Kurum” dhe “Sokolaj sh.p.k” u la në fuqi masa “arrest me burg”, për pesë të tjerë “arrest shtëpie”, ndërsa për shtatë zyrtarë shtetërorë tw akuzuar për “shpërdorimi të detyrës” zbuti masën në “detyrim paraqitje” dhe ndalim për daljen jashtë vendit”, nga masa “arrest shtëpie” që ishte vendosur më parë.

Përfundimi

Hetimet e prokurorisë dhe përgjigjia e analizave vërtetuan se 2800 ton mbetje të vendosura në 102 kontejnerë janë të rrezikshme dhe se institucionet shtetërore për analizimin, monitorimin dhe verifikimin e dokumentacioneve, kanë shkelur ligjin dhe protokollet mjedisore. Deklaratat e dy ministreve të kohës Mirela Kumbaro dhe Belinda Balluku se institucionet shterore kishin zbatuar me përpikmëri ligjin, do i konsiderojmë të pavërteta.

The post Bie “siguria” e dy ministrive, eksperti: Mbetjet janë me rrezik të lartë appeared first on Faktoje.al.

TIRANË, 7 shkurt /ATSh/ Neevis Hasani, nxënës i shkollës “4 Dëshmorët”, ka fituar medaljen e bronztë në Kampionatin Europian të Karatesë të zhvilluar në Qipro.

Ministrja e Arsimit, Mirela Kumbaro informoi se nxënësi Hasani fitoi medaljen e bronztë në kategorinë Cadet 52 kg, duke sjellë një tjetër sukses për sportin shqiptar.

Kumbaro e cilësoi përpjekjen e nxënësit si një rrugëtim të vështirë, përmes fitoreve së njëpasnjëshme me disa shtete, por që e ktheu Neevisin me fitore për Shqipërinë duke shpërblyer mundin, vullnetin dhe përkushtimin e tij e familjes.

Ky rezultat vjen si një tjetër arritje e rëndësishme jo vetëm për sportistin e ri, por edhe për shkollën dhe komunitetin që e mbështet, duke dëshmuar potencialin e talenteve që rriten në shkollat shqiptare.

/e.i/j.p/

The post Nxënësi Neevis Hasani fiton medaljen e bronztë në Kampionatin Europian të Karatesë appeared first on Agjencia Telegrafike Shqiptare.

Deputetja demokrate Ina Zhupa, ka reaguar në lidhje me krimin mjedisor që doli zbuluar një vit më parë me 2800 tonë mbetjet toksike në kontejnerë që dërgoheshin drejt vendeve aziatike, për të cilin janë arrestuar rreth 33 zyrtarë. Në një reagim në rrjete sociale, Zhupa thotë se kjo çështje përbën sipas saj një krim të […]

The post Kontejnerët me mbetje të rrezikshme/ Zhupa: SPAK të hetojë Mirela Kumbaron! appeared first on BoldNews.al.

TIRANË, 7 shkurt /ATSH/ Faza e dytë e Konkursit Kombëtar të Gjuhës Shqipe po shkon drejt përmbylljes, duke përfshirë nxënësit e klasave të IX-ta në një garë që vë në qendër njohjen, përdorimin e saktë dhe dashurinë për gjuhën shqipe.

Ministrja e Arsimit, Mirela Kumbaro vlerësoi rëndësinë e këtij konkursi, duke theksuar se gjuha shqipe po shndërrohet në një garë pasioni dhe dijeje për brezin e ri.

Sipas saj, sfida mes nxënësve nxiti mendimin kritik, saktësinë gjuhësore dhe vlerësimin e fjalës së bukur, si elementë thelbësorë të identitetit kombëtar.

Në këtë edicion të konkursit morën pjesë 1 022 ekipe nga shkolla të ndryshme të gjithë vendit, një tregues i interesit të lartë dhe angazhimit të nxënësve dhe mësuesve për ruajtjen dhe pasurimin e gjuhës amtare.

Konkursi Kombëtar i Gjuhës Shqipe synon të forcojë aftësitë gjuhësore të nxënësve dhe të kultivojë krenarinë për gjuhën shqipe, duke e kthyer atë në një urë lidhëse mes dijes, kulturës dhe identitetit kombëtar.

/gj.m/a.f/

The post Konkursi Kombëtar i Gjuhës Shqipe drejt përmbylljes, mbi 1 mijë ekipe shkollash pjesëmarrëse appeared first on Agjencia Telegrafike Shqiptare.

Partia Demokratike ka reaguar në lidhje me krimin mjedisor që doli zbuluar një vit më parë me 2800 tonë mbetjet toksike në kontejnerët që dërgoheshin drejt vendeve aziatike, për të cilin Prokuroria një ditë më parë lëshoi edhe disa urdhër arrestime. Në një konferencë për mediat, anëtari i Kryesisë së PD-së, Grigels Muçollari, ka deklaruar […]

The post Kontejnerët me mbetje të rrezikshme/ PD: Nuk u prekën njerëzit e Ramës! Vengu dhe Kumbaro përgjegjës appeared first on BoldNews.al.

Nga Boldnews.al Kudo që vendosin këmbën mbetet gjurmë aferash, ndërsa mbyllin sytë dhe hapin xhepat në çmenduri që shkojnë tej çdo imagjinate, edhe kur bëhet fjalë për mbetje helmuese. Plot 102 kontejnerë gjenden në zonën e Porto Romanos prej shtatorit të vitit 2024 dhe së fundmi u vërtetua se ishin me mbetje toksike të rrezikshme. […]

The post Gratë toksike të Rilindjes dhe “pikat e voçkla” të Kumbaros appeared first on BoldNews.al.

Arta Dollani, e besuara e Mirela Kumbaros i është caktuar masa arrest shtëpie, pas aksionit të Prokurorisë së Durrësit për mbetjet e rrezikshme të konfiskuara një vit më parë. Arta Dollani është një zyrtare e lartë e administratës publike, e njohur si person i afërt dhe e besuar e ministres Mirela Kumbaro, pasi ka mbajtur […]

The post Arrestohet Arta Dollani, drejtoresha e Agjencisë së Arsimit Parauniversitar appeared first on BoldNews.al.

TIRANË, 2 shkurt/ATSH/ Përmes Agjencisë Kombëtare të Financimit të Arsimit të Lartë ka nisur procesi i nënshkrimit të marrëveshjeve trepalëshe me studentët përfitues të mbështetjes financiare për vitin akademik 2025–2026 duke formalizuar përfitimin e bursës dhe përjashtimin nga tarifa vjetore e shkollimit.

Ministrja e Arsimit, Mirela Kumbaro informoi sot se 131 studentë të shkëlqyer dhe 53 studentë të programeve prioritare përfitues të kësaj marrëveshjeje, do të kontaktohen nga AKFAL për vijimin e procedurave dhe nënshkrimin e marrëveshjes.

“Ministria e Arsimit mbështet studentët dhe programet prioritare të studimit investuar në ekselencën akademike, mundësitë e barabarta dhe cilësinë e arsimit të lartë në Shqipëri”, u shpreh Kumbaro.

Procesi i aplikimit nga studentët u realizua përmes portalit unik qeveritar e-Albania, në shërbimin elektronik “Aplikim për Mbështetje Financiare”, si dhe nëpërmjet dorëzimit fizik të dokumentacionit nga studentët, për periudhën 22 tetor-20 dhjetor 2025.

Pas përfundimit të verifikimeve përkatëse, studentët përfitues janë miratuar në përputhje me kriteret ligjore.

Kategoritë e studentëve përfitues janë studentë të shkëlqyer, të cilët kanë përfunduar arsimin e mesëm të lartë me notë mesatare 10.00; janë vlerësuar në secilin prej provimeve kombëtare të detyruara të maturës shtetërore me notë të shkallëzuar jo më pak se 9.5 deri në 10.00.

Gjithashtu janë përfitues studentë fitues të olimpiadave ndërkombëtare, të renditur në një nga tri çmimet e para në olimpiada me më shumë se 15 vende pjesëmarrëse, të pranuar në programe studimi të lidhura me fushën/disiplinën përkatëse si dhe studentë që ndjekin programe studimi prioritare, të përcaktuara si prioritete kombëtare sipas VKM-së nr. 386/2022, të ndryshuar.

Mbështetja Financiare për studentët përfitues përfshin: bursën në masën e një page minimale mujore; përjashtimin nga pagesa e tarifës vjetore të shkollimit, sipas përcaktimeve të VKM-së në fuqi.

Studentët përfitues do të njoftohen nga Drejtoria e Granteve e AKFAL për vijimin e procedurave dhe nënshkrimin e marrëveshjes trepalëshe.

Institucionet publike të arsimit të lartë do të vijojnë bashkëpunimin për realizimin e hapave përkatës.

1 nga 4

/k.s/j.p/

The post Nis nënshkrimi i marrëveshjeve trepalëshe me studentët përfitues të mbështetjes financiare appeared first on Agjencia Telegrafike Shqiptare.

TIRANË, 2 shkurt/ATSH/- Ministrja e Arsimit Mirela Kumbaro u është drejtuar sot maturantëve me një mesazh informues dhe motivues, duke bërë me dije se nga kjo e hënë ka nisur procesi i plotësimit të formularit A1, përmes të cilit nxënësit përcaktojnë lëndët me zgjedhje për provimet e Maturës Shtetërore 2026.

Ministrja theksoi rëndësinë e këtij vendimi, duke nënvizuar se zgjedhja e lëndëve ndikon drejtpërdrejt në orientimin akademik dhe studimet e mëtejshme.

Ajo u bëri thirrje maturantëve të mos e marrin këtë vendim në mënyrë të nxituar.

“Mendojeni mirë këtë vendim të rëndësishëm, këshillohuni me mësuesit tuaj dhe me prindërit, sepse zgjedhja që bëni sot do t’ju orientojë drejt fazës tjetër të studimeve tuaja”, u shpreh ministrja.

Ministrja informoi gjithashtu se për maturantët e viteve të mëparshme, aplikimi me formularin A1Z do të zhvillohet në datat 10-11 shkurt, ndërsa Drejtoritë Rajonale Arsimore, zyrat arsimore dhe shkollat janë në dispozicion për të ofruar asistencë gjatë gjithë procesit të aplikimit.

“Për ata që nuk janë maturantë të këtij viti, por të viteve të mëparshme, është formulari A1Z, i njohur edhe ky për të gjithë ata që ndjekin procesin. Por mirë është ta kujtojmë që për këtë të dytin, ka vetëm dy data në dispozicion. Kemi postuar dhe kemi bërë të njohur për të gjithë aplikuesit sipas drejtorive rajonale arsimore: Në datat 2, 3 dhe 4 në Tiranë, Durrës dhe Fier. Në datat 5, 6 dhe 9 në Korçë dhe në Lezhë do të jenë të gjithë në dispozicion për t’ju asistuar, për t’ju ndihmuar, që nga mësuesit, drejtuesit e shkollave, drejtuesit e zyrave arsimore dhe të drejtorive rajonale”, tha Kumbaro. /a.g/

The post Kumbaro: Nis plotësimi i formularit A1 për maturantët appeared first on Agjencia Telegrafike Shqiptare.

TIRANË, 30 janar/ATSH/ Ministrja e Arsimit, Mirela Kumbaro zhvilloi një takim me stafin drejtues dhe gjithë ekipin e ekspertëve dhe specialistëve të Agjencisë së Sigurimit të Cilësisë të Arsimit Parauniversitar me fokus tekstet mësimore, përditësimin e tyre dhe kurrikulat e reja, si dhe trajnimet për formimin profesional të mësuesve.

Në fjalën e saj Kumbaro tha se “stafi i Agjencisë së Sigurimit të Cilësisë së Arsimit Parauniversitar po punon për përgatitjen e të gjithë kurrikulave, e të gjitha lëndëve, formimin e fëmijëve tanë, por edhe formimin e mësuesve të fëmijëve tanë”.

“Ne jemi në një vit shumë të rëndësishëm, ku pas një periudhe dhjetëvjeçare ka ardhur koha për të përditësuar kurrikulat në arsimin parauniversitar. Janë 140 tekste që do të përditësohen, është një punë që nuk ka orar, që bëhet nga ekspertët më të mirë të lëndëve dhe të kurrikulave, që qëndrojnë para cilësisë së arsimit. Në këto 140 tekste që do të përditësohen, 44 janë në gjuhë të huaj. Gjithashtu do të kemi tekste të reja për klasën e parë, të gjashtë e të dhjetë të lëndës së qytetarisë e gjuhës shqipe dhe do të vazhdojmë edhe me lëndën e teknologjisë së informacionit dhe komunikimit, që nga klasa e parë deri në maturë. Do të vazhdojmë më pas në vitet e tjera me klasën e dytë e të shtatë, për të ndjekur gjithë rinovimin e këtyre lëndëve”, nënvizoi Kumbaro.

Ministrja Kumbaro bëri të ditur se janë rreth 120 kolegë, specialistë nga ministria, nga agjencia, nga universitetet që janë partnerët më të rëndësishëm.

“Është gjithashtu kjo agjenci që është përgjegjëse edhe për kualifikimin e mësuesve. Programi i zhvillimit profesional është një program i jashtëzakonshëm që ne e bëjmë në bashkëpunim me universitetet publike për të formuar, trajnuar, përditësuar dijet e mësuesve”, nënvizoi ajo.

Agjencia e Sigurimit të Cilësisë së Arsimit Parauniversitar lidhur me përditësimin e teksteve dhe kurrikulave të reja, ka si objektiv të jenë të përafruara me standardet e Bashkimit Europian, të zgjerojnë kompetencat e nxënësve, t’i aftësojnë në përdorimin e teknologjisë në shërbim të dijeve si dhe të reflektojnë elemente të identitetit kulturor kombëtar.

Ministrja Mirela Kumbaro po zhvillon një cikël takimesh pune me të gjitha agjencitë e Ministrisë së Arsimit, me fokus prioritetet për vitin 2026 si në arsimin e lartë, ashtu edhe në atë parauniversitar.

/k.s/

The post Kumbaro: 140 tekste shkollore do të përditësohen appeared first on Agjencia Telegrafike Shqiptare.

Viti i ardhshëm shkollor do të sjellë ndryshime thelbësore në çantat e nxënësve të arsimit parauniversitar. Ministrja e Arsimit, Mirela Kumbaro, njoftoi sot nisjen e një procesi masiv për përditësimin e 140 teksteve shkollore, një lëvizje që, sipas saj, vjen si domosdoshmëri pas një dekade nga reforma e fundit kurrikulare.

Gjatë një takimi pune me stafin e Agjencisë së Sigurimit të Cilësisë në Arsimin Parauniversitar (ASCAP), Kumbaro bëri të ditur se ekspertët po punojnë me ritme të larta për të garantuar që materialet e reja të jenë gati në shtator.

Ndryshimet kryesore

Nga 140 tekstet që po i nënshtrohen rishikimit, një peshë të konsiderueshme zënë gjuhët e huaja, me 44 tituj. Megjithatë, risia më e madhe qëndron te lëndët formuese të identitetit dhe qytetarisë.

Sipas Ministres, do të ketë tekste krejtësisht të reja për lëndët “Gjuha Shqipe” dhe “Qytetaria”. Këto ndryshime do të prekin fillimisht klasat që shënojnë fillimin e cikleve shkollore: klasën e parë (fillore), të gjashtë (e mesme e ulët) dhe të dhjetë (gjimnaz).

“Sivjet, për herë të parë ne do të bëjmë lëndë të reja, siç është Edukimi Qytetar për klasën e parë, të gjashtë dhe të dhjetë,” theksoi Kumbaro, duke shtuar se puna për këto tekste po bëhet nga ekspertët më të mirë të kurrikulave në vend.

Fokus te Teknologjia dhe 10-vjeçari

Përveç lëndëve sociale, Ministria e Arsimit ka vendosur theksin te digjitalizimi. Kumbaro konfirmoi se do të ketë përditësim rrënjësor në lëndët e Teknologjisë së Informacionit (TIK), duke filluar që nga klasa e parë e fillores e deri në maturë, për t’iu përgjigjur zhvillimeve teknologjike të kohës.

Ministrja argumentoi se ky proces ishte i pashmangshëm.

“Pas një periudhe 10-vjeçare, ka ardhur koha për të përditësuar kurrikulat e reja në arsimin parauniversitar,” tha ajo.

Duke vlerësuar punën e ASCAP, Kumbaro u shpreh se ky institucion ka “në dorë dhe në zemër cilësinë e shkollës”, pasi puna e tyre ndikon drejtpërdrejt te formimi jo vetëm i fëmijëve, por edhe i mësuesve.

Procesi i rishikimit pritet të përmbyllet para fillimit të vitit të ri shkollor, ndërsa ekspertët po punojnë për të siguruar që përmbajtja e re të jetë në përputhje me standardet bashkëkohore të mësimdhënies./RTSH

TIRANË, 29 janar /ATSh/ Ministrja e Arsimit, Mirela Kumbaro njoftoi sot, se 140 tekste të arsimit parauniversitar janë në proces përditësimi, mes tyre 44 janë në gjuhë të huaj.

Në një takim me stafin e Agjencisë së Sigurimit të Cilësisë në Arsimin Parauniversitar (ASCAP), Kumbaro tha se po bëhet një punë voluminoze, me ekspertët më të mirë, për 140 tekste që po përditësohen për vitin e ardhshëm shkollor, duke përfshirë 44 tekste në gjuhë të huaj, por edhe për tekste krejtësisht të reja si Qytetaria dhe Gjuha Shqipe në klasat I, VI dhe X.

“Kjo agjenci ka në dorë dhe në zemër cilësinë e shkollës, përgatitjen e të gjithë kurrikulave, lëndëve, formimin e fëmijëve tanë, por dhe formimin e mësuesve të fëmijëve tanë”, tha Kumbaro.

Ministrja e Arsimit, pohoi se pas një periudhe 10-vjeçare ka ardhur koha për të përditësuar kurrikulat e reja në arsimin parauniversitar.

“Janë 140 tekste që do të përditësohen, është një punë që nuk ka orar. Është një punë që bëhet nga ekspertë më të mirë lëndëve dhe kurrikulave në Shqipëri. Sivjet, për herë të parë ne do të bëjmë lëndë të reja, siç është Edukimi Qytetar për klasën e parë, të gjashtë dhe të dhjetë”, vijoi ajo.

Sipas Kumbaros, do të ketë përditësim edhe në lëndën e gjuhës shqipe dhe lëndët e teknologjisë së informacionit që nga klasa e parë fillore, deri në maturë.

/e.i/a.f/r.e/

The post Kumbaro: 140 tekste të arsimit parauniversitar në proces përditësimi, 44 në gjuhë të huaj appeared first on Agjencia Telegrafike Shqiptare.

TIRANË, 28 janar /ATSh/ Ministrja e Arsimit Mirela Kumbaro zhvilloi sot një takim me ekipin e Qendrës së Shërbimeve Arsimore.

Sipas ministres, takimi u zhvillua “për të bashkërenduar punën, komunikimin dhe informimin mbi organizimin e provimeve kombëtare, atyre të Maturës Shtetërore, regjistrimin e nxënësve, administrimin e provimeve të shtetit, të cilat janë vetëm disa prej shërbimeve që ky institucion mbulon”.

Kumbaro gjithashtu bëri të ditur gjithashtu se “përmes bashkëpunimit të Ministrisë së Arsimit me Fondacionin Shqiptaro-Amerikan për Zhvillim, është në fazën përfundimtare dokumenti ligjor që reformon Qendrën e Shërbimeve Arsimore në Agjenci të Shërbimeve Arsimore”.

“Një entitet autonom që do të vijë me standarde të përmirësuara në zgjerimin e kapaciteteve dhe ofertës së shërbimeve, por edhe me metodologji të unifikuara ndërkombëtarisht si një tregues i qëndrueshëm dhe i suksesshëm drejt digjitalizimit të proceseve arsimore dhe përafrimit me kornizat evropiane të cilësisë”, shkruan Kumbaro.

1 nga 11

/r.e/a.f/

The post Drejt fundit reformimi i Qendrës së Shërbimeve Arsimore, kthehet në entitet autonom appeared first on Agjencia Telegrafike Shqiptare.

TIRANË, 23 janar/ATSH/ Për vitin 2026, Ministria e Arsimit do të mbështesë universitetet publike me 11,2 miliardë lekë grant për mësimdhënien dhe për bursat e studentëve.

Mirela Kumbaro, ministrja e Arsimit, informoi sot se përmes marrëveshjes së nënshkruar me Agjencisë Kombëtare të Financimit të Arsimit të Lartë (AKFL) dhe Institucionet e Arsimit të Lartë (IAL) publike në vend, ka nisur një fazë e re mbështetje për këto institucione.

Gjatë takimit të zhvilluar me stafin e AKFAL, agjencia e cila ekzekuton politikat e financimit dhe mbështetjes së Ministrisë së Arsimit për institucionet publike të arsimit të lartë, Kumbaro tha se ky institucion kryen një punë teknike dhe voluminoze në bashkëpunim të ngushtë me universitetet.

“Për vitin 2026, Ministria e Arsimit mbështet universitetet publike me 11,2 miliardë lekë grant për mësimdhënien dhe për mbështetjen me bursa të studentëve”, tha Kumbaro.

Sipas Kumbaros, përmes marrëveshjeve të nënshkruara nga AKFAL me IAL-të publike, duhet të nisë një fazë e re e shkëmbimit të informacionit dhe transparencës mes Ministrisë së Arsimit dhe çdo universiteti, për të optimizuar mbështetjen financiare dhe për t’i bërë financimet më efikase dhe më të matshme.

Mbështetja financiare prej rreth 11,2 miliardë lekë, ose 115 milionë euro, si grant për mësimdhënien, ndahet në Fond Institucional dhe Fond për Mbështetjen Studentore duke mbështetur me paga rreth 5,800 personel akademik dhe administrative në 14 universitetet publike dhe mbi 12,000 studentë ekselentë apo me nevoja sociale, përmes skemës së bursave.

/e.i/j.p/

The post Kumbaro: Fazë e re e shkëmbimit të informacionit mes Ministrisë së Arsimit dhe çdo universiteti appeared first on Agjencia Telegrafike Shqiptare.

TIRANW, 19 janar /ATSh/ Agjencia Kombëtare e Kërkimit Shkencor dhe Inovacionit ka hapur zyrtarisht thirrjen për projektet e infrastrukturës së kërkimit shkencor për vitin 2026, e cila u drejtohet institucioneve publike të arsimit të lartë në vend.

Lajmi u bë i ditur nga ministrja e Arsimit, Mirela Kumbaro, e cila theksoi se kjo thirrje synon të mbështesë investime konkrete që forcojnë kapacitetet kërkimore të universiteteve.

“Kjo thirrje synon të mbështesë investime konkrete në laboratorë, pajisje kërkimore, sisteme teknologjike dhe çdo infrastrukturë inovative që i shërben procesit akademik dhe kërkimit shkencor në universitetet tona”, theksoi ministrja.

Sipas saj, institucionet publike të arsimit të lartë ftohen të paraqesin projekte.

“Institucionet publike të Arsimit të Lartë ftohen të dorëzojnë projektet e tyre që lidhen ngushtësisht me nevojat e programeve të studimit, kurikulave dhe prioriteteve kërkimore të tyre, me fokus të veçantë në shkencën e hapur, ku infrastruktura e re duhet të jetë e aksesueshme edhe për përdorues të jashtëm, në përputhje me standardet europiane”, njoftoi Kumbaro.

/m.q/j.p/

The post Hapet thirrja për projektet e infrastrukturës së kërkimit shkencor appeared first on Agjencia Telegrafike Shqiptare.

Pas publikimit në Saranda Web, dy fëmijët rikthehen pas 6 muajsh në bankat e shkollës    Një ankesë e mbërritur në redaksinë e Saranda Web bëri publike historinë e dy fëmijëve që prej rreth gjashtë muajsh nuk ndiqnin shkollën, duke mbetur jashtë procesit mësimor për shkak të mosregjistrimit në shkollën “Adem Sheme”.     Bëhet […]

The post Pas publikimit në Saranda Web, dy fëmijët rikthehen pas 6 muajsh në bankat e shkollës appeared first on Saranda Web.