Gjatë deklaratave për media të krerëve të shtetit, të mbajtura sot në Kompleksin Memorial në Reçak me rastin e shënimit të 27-vjetorit të masakrës, një qytetar i moshuar ka shprehur pakënaqësinë e tij.
I moshuari iu drejtua kryetarit të Kuvendit, Dimal Basha, dhe kryeministrit në detyrë, Albin Kurti, duke iu thënë se Reçaku përmendet vetëm gjatë përvjetorëve, ndërsa sipas tij, gjatë viteve nuk është bërë asgjë konkrete për zhvillimin dhe trajtimin e këtij fshati.
“...Ku është Reçaku sot? S’është hiç kërkund Reçaku. As n’komunë s’është hi Reçaku, asnjë s’është n’komunë...”, u shpreh i moshuar. /Telegrafi/
TIRANË- Sali Berisha nuk u shfaq i shqetësuar për hetimet lidhur me fondet që u përdorën për lëvizjen që e riktheu në krye të Partisë Demokratike.
Ish-kryeministri akuzoi Shtetet e Bashkuara të Amerikës se kanë furnizuar SPAK-un dhe kreun e tij, Altin Dumani, me listën e bizneseve që e kanë mbështetur financiarisht.
Megjithatë, Berisha vendosi një “vijë të kuqe”, duke deklaruar se SPAK nuk duhet të guxojë të shkojë më tej tek hetimet e pasurive të fëmijëve të tij.
E ftuar në emisionin “Ora e Fundit”, juristja Brizida Gjikondi u shpreh se hetimi i pasurisë është pjesë e dosjes “Partizani” dhe se organet e drejtësisë kanë marrë indicie konkrete. Sipas saj, pasuritë e Berishës, të vajzës dhe të djalit të tij po kalohen në “sitë” nga prokuroria.
Gjikondi komentoi gjithashtu situatën brenda Partisë Demokratike, duke deklaruar se Gazment Bardhi nuk aspiron të marrë drejtimin e saj. Sipas juristes, PD është një “tokë e djegur”, ku nuk ka asgjë për t’u trashëguar politikisht, ndërsa Berisha sipas saj ka “shumë skelete në sirtar”.
Më tej, Gjikondi u shprehu se Lulzim Basha ka dijeni të plotë mbi atë çfarë ka ndodhur me rrethanat e krimit shtetëror të 21 janarit dhe se ai ka orientuar prokurorët drejt Sali Berishës, ish-kryeministrit të kohës.
“Patjetër që po. Ai nuk tha se hetimi i pasurisë është në kuadër të dosjes Partizani. U mor indicia dhe po e fusin në sitë të gjithën pasurinë e Berishës, të vajzës dhe të djalit të tij. Bardhi nuk aspiron të zërë vendin e Berishës, sepse e di që aty ka ujqër të vjetër. Aty është tokë e djegur.
Tek ajo parti s’ke asgjë çfarë të trashëgosh. Berisha ka shumë skelete në sirtar, patjetër si 21 janari, Gërdeci dhe Partizani. Lulzim Basha e di se çfarë ka ndodhur, çfarë është bërë me provat për 21 janarin dhe çfarë ka ndodhur. Jam i bindur se ka dhënë informacion të duhur duke orientuar prokurorët drejt Berishës për atë krim që ka ndodhur atë ditë në bulevard.”, tha ajo/abcnews.al
TIRANË- Hetimi nga SPAK për fondet e Kuvendit të Rithemelimit, që parapriu kthimin e Sali Berishës në Partinë Demokratike, ka nisur pas një kallëzimi të bërë nga Gazmend Bardhi në fund të vitit 2021 në Prokurorinë e Posaçme.
Në këtë kallëzim, ish-sekretari i përgjithshëm i PD paditi Belind Këlliçin, Albana Vokshin dhe Enno Bozdo Spahon si organizatorë të Kuvendit. Një ditë më parë, Belind Këlliçi u pyet në SPAK për origjinën e parave dhe faturat, ndërsa sot u thirr anëtari i kryesisë, Indrit Hoxha.
Gazetari Fatos Mahmutaj, i ftuar në “Ora e Fundit”, u shpreh se këtë përplasje e shikon si një “karma” brenda kupolës së Partisë Demokratike.
“Këtë e shikoj si një ‘karma’ brenda PD apo brenda kupolës së PD. Ishin këta njerëz që përpara katër vitesh u rrahën me hunj, detyruan palën tjetër të blindonin dyert. Gaz Bardhi shikonte rrugën e padisë në SPAK, duke menduar për karrierën. Unë jam i mendimit se ai është bërë pishman për kallëzimet e tij”, tha ai.
Ai komentoi edhe takimin e Berishës në Lezhë, për të cilin tha se pasuesi i tij në krye të PD do të jetë një figurë tjetër, që do të zgjidhet nga demokratët dhe ky emër do të jetë jashtë familjes së tij.
Gazetari Mahmutaj pohoi se PD, nën drejtimin e Sali Berishës, ka pësuar një tkurrje të madhe, duke përfunduar si parti e dorës së tretë.
“Berisha e ka kuptuar edhe vetë se familja e tij janë super të konsumuar për drejtimin e PD. I ka ardhur momenti që të zgjidhet lideri vetë, jo trashëgimi e familjes së Berishës. Deri tani, Berisha ia kishte bërë hyzmetin e duhur që në krye të PD të linte vajzën ose djalin e tij. Nga mbajtja peng e PD nga Berisha, kjo parti vetëm është rrudhur. Ka humbur dhe ka shkuar në çdo palë zgjedhje poshtë e më poshtë dhe është katandisur si parti e dorës së dytë apo të tretë, nga parti e dorës së parë që ishte në të kaluarën. Kësaj partie i duhet me patjetër që të zgjedhë një personazh të hajrit, të jetë i ri dhe i pakonsumuar”, tha ai.
Më tej, gazetari u shpreh se Sali Berisha është i zhytur kokë e këmbë në krim. Ai përmendi disa prej ngjarjeve për të cilat, sipas tij, ka gisht vetë ish-kryeministri i vendit.
“Berisha është kokë e këmbë i zhytur në krim. Berisha ka urdhëruar vrasje dhe dekrete vetë. Kemi rastin e Haklajve. Ai bënte thirrje që ‘gjallë a vdekur, të ma sillni Fatmir Haklajn në Tiranë’. Ka urdhëruar vrasjen dhe zhdukjen e Remzi Hoxhës. Futi në kurth Azem Hajdarin. Krimet e tij i projekton tek të tjerët”, theksoi Mahmutaj.
Ai theksoi se Lulzim Basha e ka “shitur” Sali Berishën për vrasjen shtetërore të 21 janarit, ku katër protestues të pafajshëm u ekzekutuan poshtë zyrave të Kryeministrisë.
“Basha ka përcjellë urdhrat e Sali Berishës. Lulzim Basha e ka shitur Sali Berishën për 21 janarin”, tha ai./abcnews.al
Kreu i Partisë Demokratike, Sali Berisha, nga Lezha, ku mbajti takimin e radhës në kuadër të turit të “Foltores”, ka lëshuar sërish akuza në drejtim të Lulzim Bashës. Në fjalën e tij, Berisha e cilësoi Bashën si një “kalbësirë të brendshme” që, sipas tij, u përpoq të kapte partinë dhe të shkatërronte opozitën nga brenda. […]
Këtë të hënë, ish-nuse dhe ish-vjehrrë janë përplasur ‘live’, lidhur me akuzat se Blerina Basha ka braktisur tre fëmijët e saj të mitur, duke i lënë vetëm në një banesë me kushte të rënda hidro-sanitare.
Në emisionin “Me zemër të hapur” në News24, ish-vjehrra e Blerina Bashës, është shprehur kritike ndaj ish-nuses, duke thënë se, “ajo nuk mund të thotë se nuk ka mundësi ekonomike, kur ajo ka para për të bredhur”.
“Kam folur me mamin tënd live dhe kam thënë që nuk mund t’i lëmë fëmijët në atë gjendje. Ka thënë që burri nuk më sjell lekë. Kërkoje ndihmë sociale. Po për të bredhur për të bërë qerpikët, për të bërë vetullat, për të bërë thonjtë, flokët a kishe lekë ti. More në qafë tri fëmijë, po më plas shpirti”, ka thënë ish-vjehrra.
Këto deklarata nëna e 3 fëmijëve i ka hedhur poshtë dhe se është kujdesur për fëmijët dhe se nuk i ka braktisur kurrë.
Sa i përket disa fotove që kanë qarkulluar në media pas bërjes publike të rastit, e reja Blerina Basha i ka mohuar se janë bërë në Dubai, por sipas saj, janë montuar. Ajo tha se të gjithë po lëshojnë lumë urrejtjesh ndaj saj.
“Janë foto të montuara. Janë të bëra nga aplikacionet, mund të montohen. Ka pasur mosmarrëveshjet, debatet. Fëmijët e mi nuk janë ushqyer kurrë me urrejtje ndaj babait dhe gjyshes së tyre. Këta persona po japin kaq urrejtje ndaj meje. Fëmijët e mi kanë ndenjur 2-3 muaj në Itali, pasi unë nuk mund të shkoja për shkak të dokumenteve, dhe dëgjoja, se e kam me video, ku fëmijët më shanin dhe flisnin me fjalë të ndyra. Të ndikuar nga ish-burri im”, tha Blerina Basha.
Ndërkohë, ish-vjehrra tha se nusja e saj shpërdoronte paratë, duke e akuzuar sërish që ka lënë fëmijë në gjendje të rëndë dhe është kujdesur për veten e saj.
“10 muaj jetonin fëmijët me mua në Itali. Në muajin e 5 ajo ka ikur dhe është larguar 5 muaj dhe s’ka ardhur. Ndoshta në Dubai nuk ka qenë, por në Kosovë ka qenë. Nëse fëmijët janë në atë gjendje, që bën thonjtë, e flokët, dhe qerpikët, e për të ngritur vetullat, mos kërko ndihmë nga shteti. E di kur kërkoj unë ndihmë, kur jam sëmurë. Ndihmë i kanë dhënë të gjithë. Por siç është në pamjet e jashtme, ashtu duhet të jetë dhe në shtëpi. Zgjeben s’ia solla unë nga Italia me valixhe asaj”, tha ajo.
Blerina Basha, bashkë me tre fëmijët e mitur vijon të qëndrojë në pediatrinë e spitalit të Durrësit. 33-vjeçarja, e cila shprehet se ka punuar me dy turne për të mbajtur fëmijët, pasi nuk kishte asnjë mbështetje familjare.
Ajo thotë se dje u ka blerë fëmijëve rroba, komplet pizhamash të ngrohta, dhe batanije për të kaluar natën në spital dhe askush nuk u ka dhënë veshmbathje, ndryshe nga sa ka deklaruar mbrëmjen e kaluar Ministria.
Kam punuar me dy turne për të mbajtur fëmijët, sepse nuk kam pasur asnjë mbështetje familjare. Prindërit e mi jetojnë në Francë dhe nuk kam asnjë të afërm këtu që të më ndihmojë për kujdesin ndaj tyre.
Në vitin 2025, ish-bashkëshorti më propozoi të bashkoheshim për të ikur në Itali. U bashkuam dhe ai u përgatiti dokumentet fëmijëve.
Në shtator më tha se nuk do të qëndronte më në Itali dhe m’i la fëmijët mua. Më kërkoi të rrija me të, duke thënë se nuk i mbante dot vetëm.
Unë qëndrova rreth tre muaj në Shqipëri për procedurat e dokumenteve dhe, sepse nuk mund të rrija pa fëmijët, i mora me vete për t’u kthyer.
Diskutuam që fëmijët të qëndronin me të atin në Itali, por unë nuk mund t’i lija larg, ndaj i mora dhe i regjistrova në shkollë këtu.
Në nëntor vjet, shkolla më njoftoi se dy djemtë nuk po shkonin në shkollë, pasi nuk kisha mundësi t’i çoja çdo ditë. Në atë periudhë, fëmijët rezultuan edhe me zgjebe. U komunikova situatën dhe kërkova ndihmë nga bashkia, duke kërkuar ndërhyrjen e shërbimeve sociale që të merrnin masa për rastin tim.
Bashkia nuk ka vepruar. Më thirrën në shkollë për mungesat e fëmijëve dhe u shpjegova se nuk kam mundësi të qëndroj e mbyllur në shtëpi me ta, pa punuar. U thashë se, nëse do të më ndihmonin konkretisht me shërbime sociale, do të qëndroja me fëmijët, por në kushtet kur nuk kishte ndihmë reale, isha e detyruar të punoja.
Nuk qëndrova tek ish-bashkëshorti, sepse nuk mund të jetoj me një person nga i cili jam e ndarë. Ai më ka dhënë vetëm 180 mijë lekë të vjetra si ndihmë për tre fëmijët, një shumë që nuk më mjaftonte, ndaj nuk kisha zgjidhje tjetër veçse të shkoja në punë”, ka deklaruar ajo.
Një postim që ka marrë mbi 400 pëlqime në Facebook njofton vdekjen e papritur të ish-kryetarit të Partisë Demokratike, Lulzim Basha, ndërsa lexuesit ftohen të klikojnë një lidhje në komente për të mësuar më shumë mbi shkakun e vdekjes.
Megjithatë, lexuesit nuk duhet të alarmohen. Ky lajm është i rremë. Nuk ka ndonjë njoftim zyrtar nga familja e Bashës për humbje jete.
Duke përdorur foton e Lulzim Bashës, titulli dhe brendia e artikullit përdorin një dredhi duke iu referuar atij si “Luizin,” “Luiz,” dhe “Luzi.”
Më tej, ai përshkruhet si “një emër i njohur dhe i dashur në botën e muzikës” dhe një “artist” me “zë unik.” Ky përshkrim nuk ka lidhje me Lulzim Bashën, i cili njihet si politikan, jo si muzikant apo këngëtar.
Ka gjasa që ky artikull, dhe artikuj te ngjashëm të postuar nga e njejta faqe dhe përgënjeshtruar dhe më parë nga Faktoje, janë gjeneruar me anë të programeve kompjuterike të inteligjencës artificiale (AI). Ngatërrimi qesharak i Lulzim Bashës me ndonjë këngëtar duket si një ‘delirim’ karakteristik i këtyre programeve gjenerative.
Faktoje ka përgënjeshtruar dhe lajme të mëparshme nga i njejti portal, i cili ka botuar artikuj të trilluar mbi gjetjen e Bleona Matës së zhdukur në 2010, vdekjen e këngëtarit Shpat Kasapi dhe të politikanit shqiptar Azem Hajdari.
Faktoje ka përgënjeshtruar edhe lajme të mëparshme mbi vdekjen e Bashës.
Titulli i artikullit keqinformon me qëllim mbledhjen e sa më shumë klikimeve në mënyrë jo etike.
Agim Bahtiri, kandidati i cili kishte përmendur “Mos lësho pe!” gjatë një fjalimi, e që Lëvizja Vetëvendosje, më pas e kishte vendosur si slogan, ka shënuar një rezultat të lartë zgjedhor, duke lënë prapa me vota disa nga figurat më emblematike të këtij subjekti politik.
Sipas rezultateve preliminare të publikuara nga Komisioni Qendror i Zgjedhjeve, pas numërimit të rreth 98 për qind të votave, ish-kryetari i Mitrovicës ka siguruar 26.153 vota.
Me këtë rezultat, Bahtiri ka dalë para Dimal Bashës, i cili udhëhoqi Legjislaturën e nëntë të Kuvendit të Kosovës dhe që ka marrë 25.440 vota.
Nën Bahtirin për nga numri i votave janë radhitur edhe katër ministra të qeverisë “Kurti 2”.
Artane Rizvanolli ka marrë 26.072 vota, vetëm 81 më pak se Bahtiri, ndërsa Hysen Durmishi ka siguruar 24.590 vota.
Pas tyre vijnë Arbërie Nagavci me 23.777 vota dhe Rozeta Hajdari me 19.701 vota.
Rezultatet përfundimtare pritet të konfirmohen nga KQZ-ja pas përmbylljes së procesit të numërimit të votave dhe ankesave eventuale.
Në akademinë përkujtimore për ish-kryetrarin e Kuvendit të Kosovës, Nexhat Daci u nderua jeta, vepra dhe kontributi i tij që kishte dhënë për ndërtimin e shtetit të Kosovës.
Nga krerët e shtetit kontributi i tij në formimin e institucioneve të Kosovës u vlerësua lart, me ç’rast u tha se gjurmë të pashlyeshme, me maturinë dhe qetësinë e tij karakteristike.
Gjatë fjalimit të saj, presidentja Vjosa Osmani tha se duke qenë qenë në shërbim të kauzës për liri dhe pavarësi, për akademik Nexhat Dacin, historia flet me një respekt të jashtëzakonshëm.
Kontributin e tij në formimin e institucioneve të Kosovës, Osmani e vlerësoi si të qetë por të thellë.
“I përket kategorisë së njerëzve për të cilët historia flet me respekt të jashtëzakonshëm. Jemi mbledhur për t’ia thënë lamtumirën akademikut, Nexhat Dacit, burrë shtetas, dijetar dhe intelektual i përkushtuar me dije të thellë, integritet personal dhe përkushtim të palëkundur, ai i shërbeu Kosovës si kryetar kuvendi, UD i presidentit, deputet akademik dhe drejtues i institucioneve shkencore duke lënë gjurmë të pashlyeshme në ndërtimin e institucioneve demokratike dhe zhvillimin e mendimit shkencor në vendin tonë... Në periudhat më të rënda për popullin tonë, ai u rreshtua me vendosmëri në shërbim të kauzës për liri dhe pavarësi duke qenë bashkëpunëtor i afërt i presidentit historik Ibrahim Rugova në këtë kauzë. Kontributi i tij në formimin e institucioneve të Kosovës ishte i qetë por i thellë, si kryetar Kuvendi, ai e kuptonte se demokracia nuk ishte vetëm procedurë por edhe kulturë, jo vetëm rregull por edhe respekt. Ai besonte në dialog, ligj, argument dhe në forcën e institucioneve që e mbijetojnë secilin individ”, tha Osmani.
Ndërkohë, kryeministri në detyrë, Albin Kurti tha se me maturinë e qetësinë e tij karakteristike, Daci dha shembull se si duhet kuvenduar dhe si duhej zhvilluar beteja politike nga foltorja dhe ulëset e Kuvendit.
“Në ditën e dytë të këtij Viti të Ri, sot me dy janar një rast morti na ka bërë bashkë këtu në sallën e seancave plenare të Kuvendit. Në një periudhë të ndërmjetme për institucionin legjislativ të Republikës sonë, teksa legjislatura e kaluar është shpërndarë, ndërkaq e reja ende nuk është zgjedhur dhe konsoliduar, ky mort na bëri të bashkohemi këtu në kuvendin e Republikës... Vdekja e Dacit na ka mbledhur sepse karriera e tij politike është lidhur ngushtë me këtë vend dhe këtë institucion. Në Kosovën që sapo ishte çliruar 1999, kur po viheshin themelet e një rendi të ri politik e vleror drejt demokracisë, e ku më së pari po ndryshonin rregullat e të folurit në publik, Nexhat Daci e pati për detyrë ta drejtonte diskutimin në kuvendin e Kosovës nga pozita e kryetarit. Me maturinë dhe qetësinë e tij karakteristike, ai dha shembull se si duhej kuvenduar në këtë kuvend dhe si duhej zhvilluar betejat politike nga foltorja dhe ulëset e këtij kuvendi”, tha Kurti.
Ndërsa, kryetari në detyrë i Kuvendit të Kosovës, Dimal Basha tha se falë angazhimit të tij, rezistenca paqësore në vend mori kuptim të thellë dhe u shndërrua në një projekt të qëndrueshëm politik dhe moral për Kosovën.
“Sot jemi mbledhur për të nderuar jetën, veprën e akademikut dhe ish kryetarit Nexhat Daci, një personalitet i rrallë që bashkoi dijen me shtetin, mendimin akademik me përgjegjësinë publike, urtësinë personale me interesin e përgjithshëm të Republikës sonë.. Daci e ndërtoi jetën e tij mbi themelet e palëkundura, me dije të thellë dhe përkushtim të jashtëzakonshëm për interesat e popullit që ai i takonte.. Për akademikun Daci, dija ishte akademi e shenjtë publike dhe shtylla e vetme që duhej të planifikohej zhvillimi i shtetit dhe shoqërisë sonë. Si kuadër dhe intelektual i hershëm, gjatë periudhës së represionit ai kontribuoi në ndërtimin dhe zhvillimin e strukturave paralele veçanërisht në fushën e arsimit, falë angazhimit të tij rezistenca paqësore mori kuptim të thellë dhe u shndërrua në një projekt të qëndrueshëm politik dhe moral për Kosovën”, tha Basha.
Në emër të familjes para atyre që kishin ardhur për ta nderuar jetën dhe veprën e tij, foli e bija e akademikut të njdere, Majlinda Daci. Ajo shprehu mirënjohje për respektin dhe fjalët e mira që iu kushtuan sot ish-kryetarit të Kuvendit, Nexhat Daci.
Ajo tha se prania e të gjithëve është një dëshmi e dashurisë dhe vlerësimit që ai ka gëzuar gjatë gjithë jetës së tij.
“Në emër të familjes shprehim falënderimin dhe mirënjohjen më të thellë, për respektin, nderimin dhe fjalët e mira që sot iu janë kushtuar babit tonë. Prania juaj këtu është dëshmi e dashurisë dhe vlerësimit që ai ka gëzuar gjatë gjithë jetës së tij. Sot nuk jemi mbledhur vetëm për të kujtuar një akademik, profesor apo udhëheqës institucional, sot e kujtojmë një njeri që jetën e tij e jetoi me dinjitet, sakrificë dhe shërbim të pandërprerë ndaj dijës, vendit dhe njerëzve. Babi qysh herët që nga mosha 4 vjeçare jeta ia vuri mbi supe barrën e rëndë të rritjes pa prindër, ishte një fillim i vështirë, por për babin kjo mungesë u shndërrua forcë, dhimbja në karakter, e vështirësia në vullnet të palëkundur për të ecur përpara. Nga ajo fëmijëri e vështirë ai ndërtoi themelet e një jete të jashtëzakonshme. Qysh herët ai ishte i përcaktuar të jetoj dhe punoj për Kosovën”, u shpreh Daci.
Përveç akademisë përkujtimore, sot janë mbajtur edhe homazhe në hollin e Kuvendit të Kosovës. Në ora 13:40 në nderime shtetërore do të varroset Nexhat Daci në varrezat e Dragodanit në Prishtinë. Ish-kryetari i Kuvendit të Kosovës iku nga kjo jetë në moshën 81-vjeçare. /KP/
Në prag të ndërrimit të motmoteve, kryetari në detyrë i Kuvendit të Kosovës, Dimal Basha, ka vizituar disa prej institucioneve jetike që kujdesen për sigurinë dhe rendin në vend.
Sipas njoftimit, vizita e tij ka nisur në Kazermën e FSK-së “Skënderbeu”, ku është pritur nga Nënkoloneli Basri Topalli. Më pas, Basha ka vazhduar në Stacionin e Policisë në Ferizaj, ku është mirëpritur nga Kapiteni Ismet Dervishi.
Kreu i Kuvendit ka qëndruar edhe në Njësitin për Zjarrfikje dhe Shpëtim në Ferizaj, ku ka takuar Drejtorin e Agjencisë së Menaxhimit të Emergjencave, Genc Metaj. Vizitat janë përmbyllur në Pikën Kufitare në Han të Elezit, ku Basha është takuar me Drejtorin e Policisë Kufitare në Jug, Rexhep Sijarina, Shefin e Ndërrimit Afrim Halili, si dhe me oficerët doganorë, në krye me Udhëheqësin e Ndërrimit, Faton Piraj.
Gjatë këtyre takimeve, kryetari Basha në emër të Kuvendit të Republikës së Kosovës shprehu respektin, vlerësimin dhe mirënjohjen për të gjithë shërbyesit publikë që edhe në orët festive mbeten në krye të detyrës, duke garantuar sigurinë, rendin dhe qetësinë në vendin tonë.
Po ashtu, ai i ka uruar për profesionalizmin dhe kontributin e tyre, duke theksuar se bëhet fjalë për një “kontribut të pazëvendësueshëm për Republikën e Kosovës”, ndërsa u ka uruar Vitin e Ri, “punë të mbarë dhe suksese të shumta”. /Telegrafi/
Një pikë e “voçkël” në Gjirin e Llamanit, me sipërfaqe 101.200 metra katrorë, do të betonohet. Projektit, i cili po zhvillohet nga dy biznesmenët Arben Muçobega dhe Redjan Basha. Me veprime dhe dokumente tepër të dyshimta, duke qenë se zona është tërësisht shkëmbore, ata kanë arritur që të bindin qeverinë dhe veçanërisht ish-ministren e Mjedisit […]
Kryetari i Kuvendit të Republikës së Kosovës, Dimal Basha, ka shfrytëzuar sot të drejtën e votës në kuadër të Zgjedhjeve Parlamentare, duke votuar në shkollën fillore “Tefik Çanga” në Ferizaj.
Pas votimit, kryeparlamentari Basha e cilësoi ditën e zgjedhjeve si festë të demokracisë, duke theksuar rëndësinë e pjesëmarrjes qytetare në procesin zgjedhor.
Ai falënderoi të gjithë akterët institucionalë për organizimin dhe mbarëvajtjen e procesit.
“Zgjedhjet janë ditë feste për demokracinë, ku qytetarët e shprehin vullnetin e tyre përmes votës. Falënderoj të gjithë akterët për organizimin e procesit zgjedhor dhe bëj thirrje për një pjesëmarrje sa më të lartë, që së bashku të vendosim për të ardhmen tonë”, ka deklaruar Basha. /Telegrafi/
TIRANË, 18 dhjetor /ATSH/ Kryeministri Edi Rama ka zbuluar për herë të parë se çfarë ka ndodhur mes tij dhe Lulzim Bashës, ish-kreut të Partisë Demokratike në atë që njihet si Marrëveshja e 17 Majit.
Në një intervistë televizive për emisionin “Opinion”, Rama tha se kishte biseduar me Bashën vetëm për vetëm në një prej sallave të Kuvendit.
Sipas tij, Basha mori çdo gjë që kërkoi dhe pati bekimin e Berishës.
Rama rrëfeu se takimi u nxit pas kontakteve me përfaqësues të SHBA-së për situatën politike në vend dhe rajon.
“Vjen Hoyt [Brian Yee] tek unë dhe thotë: s’kemi çfarë themi, ti i bëre të gjitha, fatkeqësi e madhe për PD-në, por zgjedhja e tyre. Tani, thotë, ne po ikim, se do shkoj të takoj Lulzim Bashën. Për çfarë do e takosh? – i them unë. Do e takoj, më tha, t’i japim një mundësi të fundit. Ok. Shkon dhe pastaj doli ajo që i dhamë një plan me pesë pika”, tha Rama.
Sipas Ramës, vendimi për të shkuar në Kuvend dhe për ta takuar Bashën u mor pas konsultimeve brenda mazhorancës.
“Ne kishim një takim në Elbasan me gratë. Ndërkohë që Luli mblodhi gjithë partitë në sallën e Kuvendit. Nisem për Elbasan dhe rrugës marr Gramoz Ruçin. Gramoz, i thashë, unë do t’i shkoj atje atij. Do t’i shkoj atje në takim. Më thotë Gramozi: Ke ndonjë merak ti? I thashë unë: Çfarë mendon në rast se unë arrij ta ul atë? Tha, dy gjëra kam merak unë: data lëviz, kryeministri s’lëviz. Çdo gjë tjetër lëviz. Ok, them unë, jemi në një mendje. Kthehem dhe shkoj atje”.
Rama tha se negociatat u zhvilluan në një takim kokë më kokë në ambientet e Kuvendit dhe se marrëveshja u arrit pasi Basha pranoi kushtet e vendosura, me bekimin e Sali Berishës.
“Në një moment të caktuar i them: Hajde, se po të pres te salla tjetër… U futëm, është një sallë e madhe, aty ku bëhen mbledhje. U ulëm edhe folëm gjerë e gjatë. Në fund u morëm vesh. Patëm një diskutim në fund kush do flasë i pari. Fol ti, i thashë, s’dua të flas fare. Kishte merak: mos qesh ti kur të flas unë. Jo mo, unë nuk qesh fare. Mos qesh ti kur flas unë, tha, se ti e ke këtë zakonin që kur flas unë do të tallesh me çdo gjë, kjo është gjë serioze”.
“I thashë: do marrësh të pyesësh? Merr pyet, i thashë, se unë e mora Gramozin para. Pyet edhe ti, se mos ke ndonjë njeri me pyet. Kë të pyes? – tha. Unë i thashë: një të urtë, ti e ke të urtin tënd. Më zhgënjen, tha, ku e pyes atë unë. Ai më tha: do japë bekimin. Edhe e dha bekimin”, rrëfeu Rama.
Edi Rama ka zbuluar këtë të enjte, çfarë ka ndodhur mes tij dhe Lulzim Bashës, ish-kreut të Partisë Demokratike në atë që njihet si marrëveshja e 17 majit. Gjatë një interviste në emisionin “Opinion”, Rama tha se ka biseduar me Bashën vetëm për vetëm, në një prej sallave të Kuvendit. Sipas tij, Basha mori çdo […]
Kryetari i partisë Demokratike mbajti takimin e radhës për Foltoren në qytetin e Elbasanit, i shoqëruar nga qindra qytetarë dhe deputetët e qarkut. Në fjalën e tij ai theksoi se qeveria “Rama” përdori gjithçka për të vjedhur zgjedhjet e 11 majit, por opozita nuk u dorëzua dhe mbajti zotimin për të mbrojtur votën e lirë, […]
Partia Demokratike festoi të enjten 35-vjetorin e themelimit të saj. Për këtë rast ishte organizuar një aktivitet ku ndër të tjera u shfaq një video për historikun e partisë. Kryetari i Partisë Demokratike, Sali Berisha, u pyet se pse në atë regjistrim ishte retushuar figura e Lulzim Bashës, i cili ka mbajtur drejtimin e partisë […]
Kameramani i Telegrafit, Korab Basha, është vlerësuar me çmimin prestigjioz “Kameramani i Vitit”, në ceremoninë vjetore të ndarjes së çmimeve të organizuar nga Asociacioni i Gazetarëve të Kosovës (AGK).
Pamjet dinamike, të sakta dhe të përfshira nga terreni, u vlerësuan si ndër më të mirat e vitit, duke reflektuar profesionalizmin dhe qasjen autentike të Bashës në dokumentimin e ngjarjeve me rëndësi.
Korab Basha pranon çmimin 'Kameramani i Vitit" në ceremoninë e çmimeve vjetore nga AGK
Pas pranimit të çmimit, Basha u shpreh mirënjohës dhe theksoi rëndësinë e punës ekipore në suksesin e tij: “Nuk fitohet një çmim pa bashkëpunim me gazetarët. Ne i kemi gazetarët më të mirë në rajon. Për mua është shumë i rëndësishëm bashkëpunimi me secilin gazetar dhe këtë çmim ia dedikoj dy gazetarëve të Telegrafit, Lavdim Pireva dhe Driton Gajraku, të cilët kanë pasur një bashkëpunim të jashtëzakonshëm me mua”.
Ky është çmimi i dytë brenda një periudhe të shkurtër që Korab Basha ia sjell Telegrafit. Vetëm pak ditë më parë, ai u nderua edhe me çmimin “Faji i Korrupsionit” në konkursin fotografik të organizuar nga Instituti Demokratik i Kosovës (KDI), për fotografinë e tij të fuqishme që adresonte temën e korrupsionit në vend.
Puna e Bashës po konsiderohet si një shembull i përkushtimit profesional dhe i standardeve në rritje të gazetarisë vizuale në Kosovë, duke e pozicionuar Telegrafin edhe më fuqishëm në skenën mediale të vendit. /Telegrafi/
Zyrtarët e Agjencisë për Parandalimin e Korrupsionit theksuan se Kosova ka hyrë në një fazë të re të zhvillimit institucional me ligjin e ri, rregulloren e re të dhënave dhe mekanizmat e avancuara të raportimit, duke u afruar më shumë se kurrë standardeve evropiane,ndërsa paralajmëruan se dhuratat në kontekst zyrtar mbeten sfidë madhore për integritetin, transparencën dhe besimin publik, ndaj kërkohet rregullim i qartë, raportim i saktë dhe ndërgjegjësim i vazhdueshëm në të gjitha institucionet publike.
Zëvendësdrejtori i Agjencisë për Parandalimin e Korrupsionit, Liridon Nikaj tha se Kosova ka hyrë në një fazë të re të zhvillimit institucional me ligjin e ri, dhe me rregulloren e re duke shtuar se me mekanizmat e rinj të raportimit ne vendi është më afër standardeve evropiane.
“Sapo hyn në hapësirat publike dhurata nuk është më gjest, është test, test i integritetit tonë, institucioneve tona, i drejtësisë tonë, por mbi të gjitha i besimit të qytetarëve me ne. Ky test, siç na mësojnë përvojat e vendeve të BE-së dhe të partnerëve tanë ndërkombëtarë, është një test që shumë shtete nuk e kanë kaluar lehtë, disa kanë dështuar për vite të tëra deri sa kanë krijuar sisteme të reja, disa kanë bërë reforma shumë të thella, por asnjë prej tyre nuk ka pasur sukses pa pranuar një të vërtetë themelore: dhuratat nuk janë kurrë neutrale ose e ndërtojnë integritetin ose e shkatërrojnë atë. Kosova ka hyrë në një fazë të re të zhvillimit institucional me ligjin e ri, dhe me rregulloren e re të dhënave, me mekanizmat e rinj të raportimit ne jemi më afër se kurrë standardeve evropiane”, tha Nikaj.
Yllka Basha, moderatore, zyrtare e lartë për inspektimin dhe auditimin e dhuratave në APK, prezantoi panelistët dhe tregoi arsyen pse po mbahet paneli.
“Ky aktivitet zhvillohet në kuadër të javës së integritetit nën udhëheqjen dhe koordinimin e Agjencisë për Parandalimin e Korrupsionit me qëllim ngritjen e ndërgjegjësimit dhe promovimin e praktikave të mira që kontribuojnë në transparencë dhe në llogaridhënie në sektorin publik”, shtoi Basha.
Drejtori i Departamentit për Kontrollin e Pasurisë dhe Dhuratave në APK, Afrim Atashi, theksoi që çështja e dhuratave ka qenë gjithmonë problem i agjencisë, por edhe i institucioneve të obliguesve të tjerë që kanë pasur për t’i deklaruar dhuratat.
“Çështja e dhuratave ka qenë gjithmonë problem i agjencisë, por edhe i institucioneve të obliguesve të tjerë që kanë pasur për t’i deklaruar dhuratat, dhe agjencia me kapacitetet e saj nuk ka pasur mundësi dhe kohë të merret me çështjen e dhuratave, edhe pse kjo është një arsye e madhe. Ligji ka ndryshuar katër herë deri më tani. Dhuratat janë çështje e lirshme që lidhet ngushtë me integritetin, transparencën dhe besimin publik. Një dhuratë mund të përfaqësojë një akt të zakonshëm, mirësjellje, por në kontekstin zyrtar mund të krijojë konflikt dhe ndikim të paligjshëm. Për këtë arsye, organizatat e vendeve moderne të Bashkimit Evropian, por edhe ne si Kosovë, kanë parapare rregulla të qarta se si të pranohen dhe regjistrohen këto dhurata”, tha ai.
Gzim Shala menaxheri i programeve dhe hulumtues i lartë ligjor theksoi se edhe pse dhurata mund të duket si gjest kulturor dhe jo ryshfet, ajo krijon gjithsesi një varësi morale tek zyrtari dhe mund të ndikojë në vendimmarrje qoftë duke e shtrembëruar atë, qoftë duke e dëmtuar besimin e publikut në drejtësi
“Në kuptimin kulturor ndoshta tek ne edhe në vendet e tjera dhurata ka një emër të mirë, është dhuratë, dhe nuk mund të ketë njëfarë perceptimi të përgjithshëm sepse nuk lidhet diçka me çështjen e ushtrimit të detyrave, nuk është ryshfet, mirëpo secila dhuratë e krijon një lloj varësie të minimumit moral në raport me një palë të caktuar, me një procedurë të caktuar e cila krijon edhe një vendim të padrejtë, e nëse vendimi është i drejtë atëherë të paktën mungesë të besimit të publikut mbi drejtësinë e atij vendimi. Në sektorin e drejtësisë dhurata shkon edhe në një nivel më të lartë, në mënyrë që të ruhet e drejta për gjykim të drejtë në kuadër të një rastit të caktuar”, tha Shala. /Kp/Telegrafi/
Nga Boldnews.al Nëse do rreshtoheshin humbjet ndaj kundërshtarit politik, në zgjedhje qëndrore dhe lokale, por edhe në marrëveshje të nisura bukur dhe bitusura dhunshëm e përbuzshëm edhe me nënqeshje ndërkombëtare, do duheshin disa netë të gjata dimri për të kuptuar minimalisht përsëritjen e së njëjtës histori; që vetë PD-ja është e abonuar me dështimin e […]
Fotografi i Telegrafit, Korab Basha, është shpallur fitues i konkursit fotografik “Faji i Korrupsionit”, organizuar nga Instituti Demokratik i Kosovës (IKD).
Ky konkurs synon të sjellë në pah fuqinë e fotografisë si mjet për të adresuar dhe denoncuar dukuritë negative në shoqëri, veçanërisht korrupsionin dhe ndikimin e tij në jetën e qytetarëve.
Fotografia e Bashës ka tërhequr vëmendjen e jurisë falë qasjes kreative, profesionalizmit dhe aftësisë për të transmetuar mesazhin e fortë shoqëror përmes objektivit të kamerës.
Basha ka dhënë një kontribut të çmuar në përmirësimin e përgjithshëm të mirëqenies së qytetarëve, duke shfrytëzuar teknologjinë bashkëkohore dhe inovacionin në mënyrë të efektshme. /Telegrafi/
Login
