Prokuroria e Posaçme ka dalë me reagim zyrtar, lidhur me masat e sigurisë të lëshuara ndaj 8 personave.

Këta shtetas janë nën hetim për vepra penale: “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tenderë apo ankande publike”, “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale”.

SPAK-u njofton se masë sigurimi është kërkuar edhe për administratorë të disa kompanive, të cilët me veprime të kundërligjshme, në kuadër të grupit të strukturuar kriminal, kanë marrë pjesë formalisht në procedura tenderimi, kanë lëshuar fatura tatimore fiktive, si dhe kanë realizuar transaksione kundrejt kompanive, të cilat nuk ishin pjesë e procesit të tenderimit.

Në njoftim thuhet se ditën e sotme, hetuesit e Byrosë Kombëtare të Hetimit (BKH), kanë ekzekutuar vendimin e gjykatës për disa nga personat e mëposhtëm:

-“Arrest në burg”, ndaj shtetasit Ergys Agasi (i paekzekutuar)

-“Arrest në burg”, ndaj shtetasit, Ermal Beqiri (i paekzekutuar)

– “Arrest në shtëpi”, ndaj drejtueses së AKSHI-t, Mirlinda Karçanaj

– “Arrest në shtëpi”, ndaj zëvendësdrejtoreshës së AKSHI-t, Hava Delibashi

– “Pezullim i ushtrimit të një detyre a shërbimi publik” dhe “Ndalim i daljes jashtë shtetit”, ndaj zëvendësdrejtorit të Policisë së Tiranës, Erion Ismaili,

– “Ndalim i daljes jashtë shtetit”, ndaj shtetasit Andis Papa

– “Ndalim i daljes jashtë shtetit”, ndaj shtetasit Gëzim Hoxha

– “Ndalim i daljes jashtë shtetit”, ndaj shtetasit Rogers Rryta

NJOFTIMI I PLOTË:

Prokuroria Posaçme Kundër Korrupsionit dhe Krimit të Organizuar ka regjistruar procedimin penal nr. 20/1 të vitit 2025, ndaj tetë shtetasve nën hetim për vepra penale:“Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike”, e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale”, parashikuara nga nenet 110, 170/b, 28/4, 333/a dhe 334 të Kodit Penal.

Shtetasit e dyshuar, në kuadër të grupit të strukturuar kriminal, kanë kryer veprime të kundërligjshme, duke konsumuar elemente të veprës penale; “Shkelje e barazisë së pjesëmarrësve në tendera apo ankande publike” dhe konkretisht në përcaktimin e kritereve specifike jo të përcaktuara në ligj, për favorizimin e disa kompanive kundrejt të tjerave.

Në kuadër të veprimtarisë së “Grupit të strukturuar kriminal”, shtetasit e dyshuar kanë konsumuar veprën penale, “Konkurrencë e paligjshme përmes dhunës” dhe kanë detyruar përfaqësues të kompanive pjesëmarrëse në tendera të heqin dorë nga ankimet për procedurat e caktuara të tenderimit, kësisoj, duke i hapur rrugën kompanive të paracaktuara, për të cilat shqyrtimi i ankimimit mund të sillte edhe ndryshimin e renditjes së listës së fituesve.

Gjithashtu masë sigurimi është kërkuar edhe për administratorë të disa kompanive të cilët me veprime të kundërligjshme, në kuadër të grupit të strukturuar kriminal, kanë marrë pjesë formalisht në procedura tenderimi, kanë lëshuar fatura tatimore fiktive si dhe kanë realizuar transaksione kundrejt kompanive të cilat nuk ishin pjesë e procesit të tenderimit.

Në këtë kuadër, Prokuroria Posaçme Kundër Korrupsionit dhe Krimit të Organizuar, më 15.12.2025, paraqiti kërkesën në Gjykatën e Posaçme të Shkallës së Parë për caktimin e masës së sigurimit ndaj tetë (8) shtetasve nën hetim. Sot, më 16.12.2025, hetuesit e Byrosë Kombëtare të Hetimit (BKH) kanë ekzekutuar vendimin e gjykatës për disa nga shtetasit e mëposhtëm:

Caktimin e masës së sigurimit, “Arrest në burg”, ndaj shtetasit në hetim E.A., e parashikuar nga neni 238 i Kodit të Procedurës Penale.

Ai dyshohet për kryerjen e veprave penale: “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale ose veprimtarisë kriminale”, të parashikuara nga nenet 110, 170/b e 28/4, 258, 287 dhe 333/a dhe 334 të Kodit Penal. (pa ekzekutuar)

Caktimin e masës së sigurimit, “Arrest në burg”, ndaj shtetasit nën hetim, E.B., e parashikuar nga neni 238 i Kodit të Procedurës Penale, për kryerjen e veprave penale; “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale ose veprimtarisë kriminale”, të parashikuara nga nenet 110, 170/b e 28/4, 258, 287 dhe 333/a dhe 334 të Kodit Penal. (pa ekzekutuar)

Caktimin e masës së sigurimit, “Arrest në shtëpi”, ndaj shtetases nën hetim, M.K., e parashikuar nga neni 237 i Kodit të Procedurës Penale, për kryerjen e veprave penale; “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, të parashikuara nga nenet 258 dhe 333/a dhe 334 të Kodit Penal.

Caktimin e masës së sigurimit, “Arrest në shtëpi”, ndaj shtetases nën hetim, H.D., e parashikuar nga neni 237 i Kodit të Procedurës Penale, e dyshuar për kryerjen e veprave penale; “Shkelje e barazisë së pjesëmarrësve në tendera apo ankande publike”, e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grupi i strukturuar kriminal”, të parashikuara nga nenet 258 dhe 333/a dhe 334 të Kodit Penal.

Caktimin e masës së sigurimit,“Pezullim i ushtrimit të një detyre a shërbimi publik” dhe “Ndalim i daljes jashtë shtetit”, ndaj shtetasit nën hetim E.I., të parashikuara nga nenet 242 dhe 233 të Kodit të Procedurës Penale. Ai dyshohet për kryerjen e veprave penale; “Konkurrencë e paligjshme nëpërmjet dhunës”, e kryer në formën e veçantë të bashkëpunimit atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, të parashikuara nga nenet 170/b, 28/4 dhe 333/a, 334 të Kodit Penal.

Caktimin e masës së sigurimit, “Ndalim i daljes jashtë shtetit”, ndaj shtetasit nën hetim A.P., e parashikuar nga neni 233 i Kodit të Procedurës Penale. Ai dyshohet për kryerjen e veprës penale; “Pastrim i produkteve të veprës penale ose veprimtarisë kriminale”, e kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grup i strukturuar kriminal”, të parashikuara nga nenet 287 dhe 333/a dhe 334 të Kodit Penal.

Caktimin e masës së sigurimit, “Ndalim i daljes jashtë shtetit”, ndaj shtetasit nën hetim, G.H., e parashikuar nga neni 233 i Kodit të Procedurës Penale. Ai dyshohet për kryerjen e veprës penale, “Pastrim i produkteve të veprës penale ose veprimtarisë kriminale” e kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”, të parashikuara nga nenet 287 dhe 333/a dhe 334 të Kodit Penal.

Caktimin e masës së sigurimit personal, “Ndalim i daljes jashtë shtetit”, ndaj shtetasit nën hetim R.Rr., e parashikuar nga neni 233 i Kodit të Procedurës Penale. Ai dyshohet për kryerjen e veprave penale; “Pastrim i produkteve të veprës penale ose veprimtarisë kriminale” e kryer në formën e veçantë të bashkëpunimit, atë të grupit të strukturuar kriminal “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”, të parashikuara nga nenet 287 dhe 333/a dhe 334 të Kodit Penal.

Hetimet vijojnë për zbulimin e fakteve të tjera penale dhe identifikimin e subjekteve të tjerë të përfshirë në këtë veprimtari të jashtëligjshme.

The post Aksioni te AKSH-i/ SPAK del me reagim zyrtar: Vepra të kryera në kuadër të grupit kriminal appeared first on Albeu.com.

Gazeta Panorama.al, ka siguruar përgjimet e reja mes ish-kreut të ARRSH-së, Ervis Berberi dhe ortakut të tij, Valter Begaj lidhur me abuzimet me tenderin për ndertimin e lotit të 4-të, të Unazës së Madhe.

Për këtë dosje, është marrë nën hetim edhe Belinda Balluku, zv.kryeministrja dhe ministrja e Infrastrukturës, e cila u pezullua nga detyra me vendim të GJKKO-së.

Gjatë bisedave, pjesë e dosjes së Belinda Ballukut, Valter Begaj zhvillon biseda me ish-kreu i ARRSH-së, Ervis Berberi, që shoqëria e tij “Net Group” sh.p.k, të kualifikohej në procedurën e prokurimit të zhvilluar nga Autoriteti Rrugor Shqiptar, me objekt “Studim Projektim Rikualifkim i Unazës Lindore, për lotet 4,5,6”.

Ndërkohë në mes hyn në lojë edhe një person me emrin Skerdi, për të cilin Ervis Berberi i dërgon sms ortakut të tij, Valter Begaj.

“Fol me Skerdin se i kam cuar shkrese per auditim”, shkruhet në mesazh, por biznesmeni i shprehet se “O trap po e ke ti shok me tepër se unë. Se kam unë. Mua do ma varte për të voglat, ma vari për të mëdhat prej teje. Kështu që fol vetë.”

Më datën 22 shtator të vitin 2020, pasi “Net Group” sh.p.k, së bashku me disa shoqëri të tjera, u kualifikua në fazën e parë të procedurës së prokurimit të zhvilluar nga Autoriteti Rrugor Shqiptar, me objekt “Studim Projektim Rikualifkim i Unazës Lindore, për lotet 4,5,6”, Valter Begaj ia dërgoi njoftimin ish-kreut të ARRSH-së.

“Ketu na kualifikuan. E hengrem kot atje. Te shohim tani”, i shkruan Valter Begaj.

Ndërsa Evis Berberi i kthen përgjigje: “Po ishalla. Nuk qahet mbi qumesht e derdhur”.

Përgjimet:

Evis Berberi: “Ja ta mendojme”.

Në orën 12:07, Valter Begaj: “Pa shaka Mendoje”.

Në orën 12:09, Evis Berberi: “Popo”.

Në orën 19:24, shtetasi Valter Begaj i dërgon shtetasit Evis Berberi, mesazhin zanor të regjistruar me emërtimin “PTT-20200713-EA0010.opus”, me përmbajtje: “Shoku përshendetje! Harrove me Altinin?! E bëri DST-në apo po flen gjumë?”.

Në orën 19:25, Evis Berberi: “Po neser mbaron”.

Në datën 14.07.2020, në orën 12:14, shtetasi Evis Berberi i dërgon sms shtetasit Valter Begaj, “Fol me Skerdin se I kam cuar shkrese per auditim”.

Në orën 12:14, shtetasi Valter Begaj i dërgon shtetasit Evis Berberi mesazhet zanor, me përmbajtje: “O trap po e ke ti shok me tepër se unë. Se kam unë. Mua do ma varte për të voglat, ma vari për të mëdhat prej teje. Kështu që fol vetë.”.

Në orën 12:21, Evis Berberi: “Eshte the Tla airoporti, si dhe dërgon një listë me subjekte të ndryshme ekonomike (shoqëri tregtare dhe institucione).

Në orën 12:56, shtetasi Valter Begaj i dërgon shtetasit Evis Berberi, mesazhin zanor me përmbajtje: “Nuk shkoj me TIA-në unë. Flloin e ke shok vetë. Unë me Flloin as nuk flas.”.

Në datën 15.07.2020, në orën 20:34, shtetasi Valter Begaj i dërgon shtetasit Evis Berberi mesazhet “Shif nesèr garat e ukt Nese te pelqen ndonjera e marrim Per zbatim”.

Në orën 20:34, shtetasi Evis Berberi telefonon shtetasin Valter Begaj dhe së bashku zhvillojnë një bisedë telefonike.

Në datën 22.09.2020, në orën 16:54, shtetasi Valter Begaj i dërgon shtetasit Evis Berberi njoftimin në sistemin e Agjencisë së Prokurimit Publik, ku vërhet se shoqëria “Net Group” sh.p.k, së bashku me disa shoqëri të tjera, është kualifikuar në fazën e parë të procedurës së prokurimit të zhvilluar nga Autoriteti Rrugor Shqiptar, me objekt “Studim Projektim Rikualifkim i Unazës Lindore, për lotet 4,5,6”. Si dhe shtetasi Valter Begaj i shkruan: “Ketu na kualifikuan. E hengrem kot atje Te shohim tani”.

Në orën 16:56, Evis Berberi: “Po ishalla. Nuk qahet mbi qumesht e derdhur”.

Në datën 02.11.2020, në orën 19:57, shtetasi Evis Berberi i dërgon shtetasit Valter Begaj, linkun

“https://www.facebook.com/100044306385573/posts/3505146769508430/”.

Në orën 20:53, Valter Begaj: “E oa shperndare gjithe PD Aaaa se di

20:54, Evis Berberi: “E kemi ne baldushkun si supervizion?

Në orën 20:54, Valter Begaj: “Yes dhe nje tjetër Ka”.

Në orën 20:53- 20:54, Evis Berberi: “E kemi ne baldushkun si supervizion? Qendren e fshatiť”.

Në orën 20:54, Valter Begaj: “Yes dhe nje tjetër Aaaa se di Ke sakte”.

Në orën 20:54, Evis Berberi: “Kete pra”.

Në orën 20:54, Valter Begaj: “Por kemi”.

Në lidhje me bisedat e mësipërme, nga këqyrja e linkut të mësipërm, vërhet se hapet një status i publikuar në rrjetin social “Facebook”, nga profili i shtetasit B.K., në të cilin gjendet një video prej 32 sekondash, si dhe shkrimi: “Pinoku i Bashkisë vazhdon me prezantimin e fasadave, projekteve në 3D dhe propagandën e shfrenuar, si të vetmet shërbime që ka për t’u ofruar qytetarëve. E vërteta që shohin njerëzit në lagjet dhe fshatrat e tyre, është ajo që sado të përpiqet mashtruesi, nuk mund fshihet. Faktet janë kokëforta dhe s’ka formë propagande që i fshin dot. Ky është vetëm një shembull, se si pinoku i Bashkisë gënjen sy më sy dhe çeta e tij e aktorëve të propagandës, i mban ison në mënyrë të shëmtuar.”.

Nga këqyrja e videos që gjendet në këtë status vërhet se shfaqen pamjet e kryetarit të Bashkisë Tiranë.

ORTAKËRIA

Ortakëria që u ushqye në vazhdim edhe gjatë kohës që Evis Berberi u emërua në krye të Autoritetit Rrugor Shqiptar, një prej institucioneve më të rëndësishme në vend, edhe për shkak të portofolit që menaxhon. Detyrë në të cilën ai firmosi po ashtu 3 tendera, ku pjesë e bashkimit të operatorëve ekonomikë që rezultuan fitues, ishte dhe kompania ‘Net Group’ e mikut të tij, Valter Begaj.

Por si u lidh Evis Berberi me Valter Begajn dhe cila është kompania që shërbeu më tej për të kryer korrupsion dhe për të pastruar paratë?

Një kompani prestigjatore në duart e të dyve, të cilët e kishin shitur dhe rishitur disa herë, për të fshehur gjurmët e parave.

“Nga periudha shtator 2018-janar 2019, Evis Berberi ka qenë zotërues i shoqërisë ‘DAAM’, ku ishte aksioner i vetëm me 100% të kapitalit. Fillimisht kjo shoqëri është regjistruar me emrin ‘B-VAAL ENGI-10’ dhe më pas i është ndryshuar emri në ‘DAAM’ shpk. Evis Berberi e bleu këtë shoqëri me emërtimin fillestar për vlerën 100 mijë lekë nga themeluesi i saj Valter Begaj, në shtator të vitit 2018. Para se kjo shoqëri të ndërronte emërtimin në ‘DAAM’ shpk”, – thuhet në dosjen hetimore.

“LOJA” ME SHITJEN E KOMPANISË

Por ky nuk ishte marifeti i parë dhe i vetëm që zyrtari i lartë shtetëror Evis Berberi dhe biznesmeni Valter Begaj kryen me kompaninë e lartpërmendur. Kompani e cila brenda një kohe të shkurtër nga një shitje me vlera qesharake, u rishit në një shumë rekord. Por jo vetëm kaq, por në mënyrë absurde, pasi këtë kompani e bleu shtetasja Brunilda Buli, kjo e fundit ia shiti sërish aksionet biznesmenit Valter Begaj. Por këtë herë, me gjysmën e çmimit që e kishte blerë nga Evis Berberi.

“Më 31 janar 2019 Evis Berberi ia shiti kompaninë Brunilda Bulit në shumën e 500 mijë eurove. Ndërkohë që më datë 23 dhjetor 2021, Brunilda Buli ia shiti po këtë kompani biznesmenit Valter Begaj, në shumën e 200 milionë lekëve të rinj”, – thuhet në dosje. Por, këto nuk do të ishin xhonglimet e vetme me këtë kompani nga Evis Berberi dhe mikut i tij i vjetër, biznesmeni Valter Begaj. Pasi këtë herë në lojë, futet edhe një tjetër shtetas, administratori i ‘DAAM’ shpk, Ervis Lami, edhe ky i ndaluar nga SPAK, në akuzën ‘Korrupsion’ dhe ‘Pastrim parash’, por që tashmë ndodhet në ‘arrest shtëpie’.

“Më datë 21 shkurt 2022, Valter Begaj e shiti kompaninë në favor të Ervis Lamit në shumën e 200 milionë lekëve të rinj. Por më datë 29 mars 2022, Ervis Lami ia shiti kompaninë Valter Begajt kundrejt shumës prej zero lekë”, – thuhet në dosje.

Por, për të kuptuar se si kjo skemë funksionoi, SPAK-ut iu desh të sekuestronte celularët e drejtorit tashmë të arrestuar të ARRSH, Evis Berberi, hetime të cilat nisën në shtator të vitit 2023, pas të dhënave që u publikuan në media. Një oficer i Byrosë Kombëtare të Hetimit vuri më pas në lëvizje Prokurorinë. Por ajo çka e fundosi drejtorin e ARRSH ishte zbërthimi i celularit “Samsung, S 23 Ultra”, në posedim të Ervis Lamit. Aty nga ku u zbuluan edhe komunikimet midis tij, Evis Berberit, Valter Begajt dhe Brunilda Bulit. Biseda të cilat nuk linin asnjë hamendësim sipas SPAK, se Evis Berberi ishte pronari de fakto i kompanisë ‘DAAM’ dhe e kontrollonte atë në mënyrë të tërthortë, teksa si zyrtar i lartë në administratë çonte para në llogaritë e tij nga taksat e qytetarëve shqiptarë.

The post Abuzimi me tenderin e Unazës së Madhe, zbardhen përgjimet mes Evis Berberit dhe ortakut Valter Begajt: E hëngrëm kot atje, s’qahet mbi qumështin e derdhur appeared first on Albeu.com.

13 shoferë të autoambulancave në Spitalin e Lushnjes janë kapur me shkelje nga auditi i Ministrisë së Shëndetësisë dhe duhet të kthejnë para, ndërkohë që ata punojnë dyfishin e orëve që parashikon Kodi i Punës, por administrata nuk ua njeh. Mbrëmjen e sotme, emisioni Fiks Fare ka transmetuar rastin e 13 shoferëve të autoambulancave në […]

The post U kapën me shkelje/ Shoferët e ambulancave në Lushnje detyrohen të kthejnë miliona lekë pas auditit appeared first on BoldNews.al.

Flet Salla Saastamoinen, drejtoreshë në detyrë e OLAF (Zyra Evropiane kundër Mashtrimit): OLAF gjeti shkelje në përdorimin e fondeve IPARD, Komisioni kërkon masa konkrete nga Shqipëria. Gati dy vjet pas publikimit të raportit hetimor mbi keqpërdorimin e mundshëm të fondeve IPARD të Bashkimit Evropian në Shqipëri, Zyra Evropiane Kundër Mashtrimit (OLAF) ka konfirmuar se hetimet […]

The post OLAF: Fondet e IPARD mbeten të ngrira, qeveria të marrë masa konkrete appeared first on BoldNews.al.

Ngjarja në Përmet me të miturën shoqërohet me pezullime në radhët e Policisë së Qarkut Gjirokastër.

Shefi i Krimeve në Komisariatin e Përmetit, Dhurim Çenko është pezulluar nga detyra pas skandalit seksual, që u regjistrua me protagonist policin Pajtim Baka, koleg i Dhurim Çenkos dhe policin tjetër, Artur Ago, i cili kryente veprime të turpshme në video me 16-vjeçaren minorene.

Mësohet se në lidhje me skandalin seksual që plasi në Përmet, Drejtoria Vendore e Policisë së Gjirokastrës, ka pezulluar shefin e Krimeve të Përmetit Dhurim Çenkon dhe ka nisur hetim disiplinor për shkelje të rëndë disiplinore.

Për të gjithë punonjësit e policisë përfshirë dhe Dhurim Çenkon, ku policia ka patur të dhëna se kanë qenë të implikuar në skandalin seksual, janë vënë në dijeni strukturat e Drejtorisë Rajonale të AMP Vlorë-Gjirokastër.

Për rastin në fjalë Gjykata e Shkallës së Parë në Gjirokastër ka caktuar masën e arrestit Burg pa afat për Pajtim Baken, kolegun e Dhurim Çenkos dhe shpallur në kërkim policin tjetër të Komisariatit të Tepelenës Artur Ago.

Janë zbardhur detaje të reja nga ngjarja e rëndë e regjistruar në Këlcyrë, ku një vajzë 16-vjeçare dyshohet se është abuzuar seksualisht nga njerku i saj, shtetasi  P. B., 55 vjeç, banues në Këlcyrë, efektiv i komisariatit të policisë Përmet, si dhe kolegu i tij, shtetasi shtetasi A. A., 53 vjeç, banues në Këlcyrë, punonjës […]

The post Abuzimi me 16-vjeçaren/ E mori në pyetje dhe e liroi, si Policia e la efektivin që të arratisej appeared first on BoldNews.al.

Prokuroria e Gjirokastrës, Policia dhe AMP kanë zbardhur rastin e rëndë të abuzimit të një 16-vjeçareje në Këlcyrë të Përmetit, ku rezultojnë të jenë të përfshirë edhe dy policë. Kështu, Prokuroria ka lëshuar 4 urdhra-arresti në total, prej të cilëve janë arrestuar 3 persona, ndërsa një i katërt në kërkim. Njoftimi i Prokurorisë Gjirokastër: Katër urdhra ndalimi, lidhur me ngjarjen e datës 17.

Source

TIRANË, 7 korrik/ATSH/ Kryetari i bashkisë Lezhë, Pjerin Ndreu reagoi në një postim në rrjetet sociale, lidhur me një situatë abuzimi që po ndodh në plazhin e Shëngjinit.

Sipas Ndreut, persona të papërgjegjshëm, të cilëve u është dhënë mundësia të vendosin çadra me pagesë të ulët te Rana e Hedhun u kanë marrë klientëve dy herë lekë.

“500 lekë për parking, pa faturë, pa NIPT dhe pa asnjë të drejtë dhe 500 lekë për çadrat sa janë çmimi i bashkisë”, shkruan Ndreu.

Kryebashkiaku i Lezhës u bëri thirrje qytetarëve dhe pushuesve që të denoncojnë çdo rast të tillë, pasi bashkia nuk mund të jetë në kontratë me subjekte të tilla që abuzojnë.

Ndreu tha se do merren masa të menjëhershme për ndërprerjen e kontratës për këto subjekte.

“Ju kërkoj subjekteve të ndalojnë këtë maskaradë të turpshme”, pohoi Ndreu.

Kryetari i bashkisë Lezhë ka ndarë edhe numrat e kontakteve të institucioneve zyrtare për të gjithë qytetarët dhe pushuesit, ku ata mund të denoncojnë çdo rast abuzimi apo shkeljeje.

Pjerin Ndreu +355 69 404 5011 – Kryetari i bashkisë
Fatjon Zefi +355 69 559 1150 – Zv.kryetari i bashkisë
Brahim Demi +355 69 333 4446 – Administratori Shëngjin
Leonard Palaj +355 68 313 1061 – Kryeinspektori i Policisë Bashkiake
Besmir Frroku +355 69 393 0434 – Administratori “Lezha Invest”
Renaldo Xhanej +355 69 626 7623 – Drejtori i Turizmit

/e.i//r.e//a.f/

The post Ndreu apel pushuesve në Shëngjin: Denonconi çdo rast abuzimi appeared first on Agjencia Telegrafike Shqiptare.

Autoritetet greke kundër Pastrimit të Parave kanë njoftuar nisjen e një hetimi të gjerë për keqpërdorimin e fondeve të Bashkimit Europian për bujqësinë, që u shpërndanë për vite të tëra përmes agjencisë greke, OPEKEPE.  Sipas raportimeve në mediat e vendit fqinj, hetimi nuk do të përqendrohet vetëm te fermerët përftues, por edhe të kushdo që […]

The post Greqi/ Abuzimi me fondet e BE për bujqësinë, dy ish-ministra rrezikojnë të merren të pandehur appeared first on BoldNews.al.

Psikiatri Neli Demi tha në emisionin Now në Euronews Albania se rasti i abuzimit të 12-vjeçares në Fier është një nga të shumtat raste që ndodhin në vendin tonë dhe nuk raportohen ku abuzuesi është një njëri shumë i afërt.

Demi u shpreh se vendimi i marrë nga e mitura për të treguar abuzimin e përsëritur disavjeçar kërkon guxim dhe tregon se drama që po përjetonte ka arritur kulmin.

“Largimi i vajzës nga shtëpia tregon se vendi që duhet të jetë më i sigurti në botë nuk është i tillë, edhe nëna është bërë pjesë e perceptimit të pasigurisë. Nëse vërtetohet abuzimi i gjatë seksual, nëna ka qenë aty, e pranishme, ka qenë pjesë e normalitetit. Kërkon guxim ose pika e fundit që derdhet që një fëmijë 12-vjeçar të marrë guximin të ekspozojë gjithë atë dramë që është zhvilluar kaq vite në jetën e saj. Informacionet janë kontradiktore, secili prej të përfshirëve në menaxhimin e këtyre rasteve duhet të bëjë punën e vet pa komentuar. Vënia e pikëpyetje mbi vërtetësinë e pengon zbardhje e ngjarjes, kur bëhen në media bëhen helmuese. Rastet e abuzimit janë më të shumta se ato që raportohen dhe abuzuesi mund të fshihet edhe pas një fytyre të butë, të dashur”, tha psikiatri.

The post “Duhet shumë guxim që një fëmijë 12-vjeçar të ekspozojë dramën”, flet psikiatri appeared first on Euronews Albania.

Gjykata e Shkallës së Parë të Rrethit Gjyqësor Fier ka caktuar masën e sigurisë “arrest me burg” për 36-vjeçarin Zamir Meta, i cili dyshohet se ka abuzuar seksualisht me vajzën e tij të mitur të moshës 12-vjeçare.

I dyshuari mbërriti në ambientet e gjykatës rreth orës 10:00, me kokën ulur, ndërsa seanca u zhvillua me pjesëmarrjen e prokurorit Genci Mane, gjyqtarit Nertil Dushku dhe një avokati të caktuar kryesisht. Gjatë dëshmisë së tij para trupit gjykues, Meta ka qëndruar i përulur dhe ka pranuar aktin e rëndë.

Në deklarimet e dhëna më parë në polici, ai ka pohuar se abuzimi ka ndodhur “vetëm një herë”, por ekspertiza mjeko-ligjore ka konfirmuar marrëdhënie të përsëritura me vajzën, duke përforcuar dyshimet për një abuzim sistematik.

Në një prononcim për mediat, nëna e vajzës ka deklaruar se nuk ka qenë në dijeni të ngjarjes dhe e ka mësuar gjithçka vetëm pas denoncimit të së bijës në polici. Ajo kërkoi dënim maksimal për bashkëshortin, duke theksuar se vajza kishte shfaqur sjellje të pazakonta, por nuk kishte rrëfyer më herët për përjetimet e saj.

Hetimet vijojnë për zbardhjen e plotë të kësaj ngjarjeje tronditëse që ka shkaktuar reagim të fortë në opinionin publik.

LEXONI GJITHASHTU:

• Dyshohet se abuzoi seksualisht me vajzën 12-vjeçe, kush është 36-vjeçari i arrestuar
• “Ndodhi vetëm një herë”- Akuzohet se abuzoi me të bijën, del në gjykatë 36-vjeçari

The post Abuzoi me vajzën e mitur, lihet në burg babai në Fier. Çfarë zbuloi ekspertiza appeared first on Euronews Albania.

Këtë të mërkurë, Gjykata e Shkallës së Parë të Rrethit Gjyqësor Fier, ka vendosur “ Arrest me burg”, për 36-vjeçarin e dyshuar si abuzues i vajzës së tij të mitur 12- vjeçare.

Ai mbërriti në ambientet e gjykatës rreth orës 10:00, me kokën ulur, ndërsa ka dhënë dëshminë e tij para trupit gjykues të përbërë nga Prokuror Genci Mane, gjyqtar Nertil Dushku dhe avokat kryesisht .

Në dëshminë e tij në polici, 36-vjeçari pohoi se e ka bërë vetëm një herë një akt të tillë të turpshëm, ndërsa ka pranuar se ka abuzuar me vajzën e mitur.

Para trupit gjykues, 36-vjeçari ka qëndruar gjithë kohën me kokën ulur dhe ka pohuar abuzimin.

Ekspertiza mjeko- ligjore, ka vërtetuar se ai ka kryer disa herë marrëdhënie me vajzën. Ndërkohë në prononcimin e saj për mediat, nëna e të miturës ka pohuar se abuzimi ka qenë sistematik, ndërsa ka kërkuar dënim maksimal për bashkëshortin e saj.

Ajo ka pohuar gjithashtu se, nuk ka qenë në dijeni më herët dhe gjithçka e ka mësuar pas denoncimit të vajzës në polici.

The post Abuzoi me vajzën e tij të mitur/ Gjykata lë në burg 36-vjeçarin nga Fieri, ja çfarë zbuloi ekspertiza appeared first on Albeu.com.

Është paraqitur këtë të mërkurë në Gjykatën e Shkallës së Parë të Fierit 36-vjeçari, Zamir Meta, i cili akuzohet për abuzim seksual ndaj vajzës së tij të mitur 12-vjeçare.

Meta, baba i shtatë fëmijëve, ka pranuar para policisë gjyqësore se ka kryer aktin, por ka pretenduar se ka ndodhur “vetëm një herë”. Procesi gjyqësor është në fazën paraprake dhe pritet të vijojë me administrimin e provave dhe dëshmive.

Sipas nënës së vajzës, adoleshentja ishte larguar nga banesa në orët e para të mëngjesit dhe kishte kërkuar ndihmë te fqinjët, duke shfaqur shenja të traumës së rëndë psikologjike. Ajo dyshon se abuzimi ka ndodhur në mënyrë të përsëritur që prej moshës 5-vjeçare, por është mbajtur e fshehtë nga vajza.

Hetimet vijojnë për të zbardhur të plotë ngjarjen.

LEXONI GJITHASHTU:

• Dyshohet se abuzoi seksualisht me vajzën 12-vjeçe, kush është 36-vjeçari i arrestuar
• Abuzimi me 13-vjeçaren/ Gazetari: 38-vjeçari e ka prezantuar me meshkuj të tjerë

The post “Ndodhi vetëm një herë”- Akuzohet se abuzoi me të bijën, del në gjykatë 36-vjeçari appeared first on Euronews Albania.

Ditën e sotme, një ngjarje tronditëse ka ndodhur në fshatin Sheqishtë në Patos të Fierit. Specialistët për Hetimin e Krimeve në Komisariatin e Policisë Fier, arrestuan në flagrancë shtetasin Zamir Meta, 36-vjeç, i cili dyshohet se ka kryer marrëdhënie s*k*uale me vajzën e tij 12-vjeçare.

Detaje tronditëse janë bërë publike nga ngjarja e rëndë, ku babai 36-vjeçar ka abuzuar me vajzën e tij të mitur vetëm 12-vjeçe.

Sipas burimeve policore, bëjnë me dije se denoncimi në polici është bëre nga vetë e mitura, pasi është shoqëruar në komisariat pas njoftimit të fqinjëve.

12-vjeçarja në prani të psikologes ka pohuar se është p*rdhunuar nga babai i saj.

Ndërkohë, ajo ka thënë gjithashtu se ka ndodhur edhe një vit më parë kur familja ndodhej në Gjermani, por ka pranuar gjithashtu se ka qenë abuzim sistematik që në moshën 5- vjeçare.

Ndërkohë, babai i saj, 36-vjeçari Zamir Meta, ka pranuar se ka abuzuar s*k*ualisht me vajzën e tij, por ka ndodhur vetëm një herë.

Aktualisht, e mitura ndodhet në Tiranë, në Qëndrën Rehabilituese” Lilium”.

Sakaq, nëna e vajzës, duke folur për mediat është shprehur se vajza ishte larguar nga banesa në orën 4 të mëngjesit dhe ka shkuar te fqinjët pasi dyshohet se ishte përdhunuar nga i ati.

Gruaja 30-vjeçare ka treguar se vajza është abuzuar sistematikisht që në moshën 5-vjeçare dhe kishte sjellje agresive, por nuk i kishte treguar askujt për këtë ngjarje të rëndë.

Jam nënë e 7 fëmijëve. Mbrëmë ka ndodhur një ngjarje shumë e rëndë. Në orën 04:00 më njofton vajza e dytë që ka ikur vajza e madhe nga shtëpia. U ngrita dhe nuk e gjeta vajzën, njoftova policinë.

Policia e gjeti vajzën, ajo kishte treguar që babai e kishte përdhunuar. Kur shkova në polici mora vesh çfarë i kishte bërë babai.

Goca nuk më fliste fare, ishte e acaruar, zihej me vëllezërit dhe motrën. Vajza kaloi në depresion sa u detyrua u largua nga banesa.

Vajza kishte deklaruar që e kishte p*rdhunuar edhe më parë, që 5-vjeç. Unë nuk dija gjë, kur e mora vesh më ra si bombë.

The post Ngjarja tronditëse në Fier/ Babai pranon se ka abuzuar me vajzën e tij: Ndodhi vetëm një herë… appeared first on Albeu.com.

Ngjarja e bërë publike vetëm pak më parë në Fier, tronditi opinionin publik, pasi një 36-vjeçar është arrestuar nga policia, pasi dyshohet se ka abuzuar s*k*ualisht me vajzën e tij vetëm 12-vjeçe.

Në dëshminë e dhënë për mediat, mamaja e vajzës ka rrëfyer se nuk kishte asnjë dijeni mbi ngjarjen, ndërsa bën me dije se ka mësuar në polici se e bija është abuzuar që kur ishte vetëm një vogëlushe vetëm 5-vjeçare.

Ndërkohë 30-vjeçarja në këtë situatë të rëndë, ka mbetur edhe mes 4 rrugëve. Nënë e 7 fëmijëve, në një banesë në ruajtje, ajo nuk ka asnjë të ardhur financiare.

Mes lotësh ajo apelon për dënim të ashpër për bashkëshortin dhe për ndihmë nga institucionet.

“Dua një komunikim me vajzën, ma kanë çuar në Tiranë për një muaj, dua ta shoh ta takoj. Më ka rënë dhe një hall i madh sepse burri mbante familjen. Shtëpia ku banojmë nuk është e jona. Kërkoj ndihmë nga shteti për strehim, sepse unë nuk punoj dot sepse kam fëmijët, nuk kam asnjë të ardhur, jam të mbytem në lumë, jam mes katër rrugëve. Do bëhem e fortë për fëmijët e mij, por kërkoj ndihmën e shtetit dhe çdo shqiptari që ka dëshirë të ushqej fëmijët”, tha ajo.

Dëshmia e nënës së vajzës së përdhunuar:

“13 vite jam e martuar. Vajza nuk më tregonte por ishte agravuar sa iku nga shtëpia. Shkova në polici, atje i mora vesh të gjitha, më ra si bombë. Vajza ka kaluar ne depresion, ka thënë që 5-vjeçe në Gjermani. Burri mbante ekonominë e shtëpisë. Të kalbet në burg dhe të marri dënimin e duhur. Ngjarjen e mora vesh në polici.

Vajza ishte hedhur nga dritarja kishte shkuar te komshia, ishte lajmëruar policia. Nuk e dija arsyen pse kishte ikur. Vajza i kishte treguar të gjitha çfarë i kishte bërë babai. Ai mund të më vriste dhe në gjumë, ku dija gjë unë. Me mua vajza nuk fliste, vetëm ishte e agravuar me vëllezërit dhe motrën. E merrja me të mira por nuk tregonte. Kam 7 fëmijë, më ka ikur mendja për vajzën mezi i kam rritur.

Burri herë blinte herë jo, por shtyheshim. Më ra halli madh me vajzën, por edhe nuk kam strehë as të ardhura. Bukë nuk kam për fëmijët, ju lutem ju përgjërohem më ndihmoni të kem një strehë afër. Ai që më p*rdhunoi vajzën të marri dënimin e merituar, unë i dhurova 7 engjëj. Ishim në Gjermani dhe na kanë kthyer”, tregon bashkëshortja e 36-vjeçarit.

The post U abuzua nga babai/ Nëna e vajzës së mitur flet mes lotësh: Do bëhem e fortë për 7 fëmijët e mi, jemi pa strehë dhe bukë, jam bërë të mbytem në lumë… appeared first on Albeu.com.

Një ngjarje e rëndë është raportuar në fshatin Sheqishtë të Patosit, ku Policia ka arrestuar në flagrancë një 36-vjeçar, i cili dyshohet se ka kryer marrëdhënie seksuale me vajzën e tij të mitur të moshës 12-vjeçare.

Shtetasi i arrestuar është, Zamir Meta, personi që shihni në foton e mësipërme.

Nëna e vajzës, 30 vjeç, ka deklaruar për mediat se vajza ishte larguar nga banesa në orën 4 të mëngjesit dhe kishte shkuar te fqinjët, pasi dyshohet se ishte përdhunuar nga babai. Ajo shtoi se vajza kishte qenë e abuzuar sistematikisht që nga mosha 5-vjeçare dhe kishte shfaqur sjellje agresive, por nuk kishte treguar më parë për ngjarjen.

Policia po vijon hetimet për zbardhjen e plotë të rastit.

“Specialistët për Hetimin e Krimeve të Komisariatit të Policisë Fier arrestuan në flagrancë shtetasin Z. M., 36 vjeç, banues në fshatin Sheqishtë, Patos, pasi dyshohet se ka kryer marrëdhënie seksuale me vajzën e tij 12 vjeçe. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.”, njofton policia.

LEXONI GJITHASHTU:

• Abuzimi me 13-vjeçaren/ Gazetari: 38-vjeçari e ka prezantuar me meshkuj të tjerë
• U akuzua nga e bija e mitur për abuzim seksual, lirohet 48-vjeçari nga Kavaja

The post Dyshohet se abuzoi seksualisht me vajzën 12-vjeçe, kush është 36-vjeçari i arrestuar appeared first on Euronews Albania.

Prokuroria e Posaçme (SPAK) ka përfunduar hetimet paraprake dhe ka marrë të pandehur 28 persona, përfshirë pedagogë, staf akademik dhe biznesmenë, të cilët dyshohen për përfshirje në abuzime me tenderat në Universitetin Bujqësor të Tiranës. Ata akuzohen për kryerjen e veprës penale “Shkelja e barazisë së pjesëmarrësve në tendera apo ankande publike”, kryer në bashkëpunim, […]

The post EMRAT/ Abuzimi 900 mln lekë me 9 tendera të UBT, SPAK merr të pandehur 28 pedagogë e biznesmenë appeared first on BoldNews.al.

LIMA, 22 qershor, 22 qershor /ATSH/- Papa Leone XIV tha se nuk duhet të ketë tolerancë në Kishën Katolike për asnjë lloj abuzimi – seksual, shpirtëror apo abuzim me autoritetin – ndërsa bëri thirrje për procese transparente për të krijuar një kulturë parandalimi në të gjithë kishën, sipas AP.

Deklarata e Papa Leone ishte një reagim ndaj skandalit të abuzimit seksual të klerit në një mesazh me shkrim drejtuar një gazetareje peruane – e cila dokumentoi një rast veçanërisht të shëmtuar abuzimi dhe korrupsioni financiar në “Sodalitium Christianae Vitae” – Shoqëria e Jetës Apostolike të së Drejtës Papnore brenda Kishës Katolike, e themeluar në Lima, Peru, nga Luis Fernando Figari më 8 dhjetor 1971.

Mesazhi u lexua me zë të lartë të premten në mbrëmje në Lima – të bazuar në skandalin e “Sodalitium Christianae Vitae” dhe punën e gazetares, Paola Ugaz.

“Është urgjente të rrënjoset në të gjithë kishën një kulturë parandalimi që nuk duhet të tolerohet asnjë formë abuzimi – as të pushtetit apo autoritetit, as abuzimit të ndërgjegjes, abuzimit shpirtëror apo seksual”, tha Papa Leone.

“Kjo kulturë do të jetë autentike vetëm nëse lind nga vigjilenca aktive, nga proceset transparente dhe dëgjimi i sinqertë i atyre që janë lënduar. Për këtë, ne kemi nevojë për gazetarë”, shtoi ai.

Papa Leone është shumë i vetëdijshëm për skandalin e “Sodalitium Christianae Vitae”, pasi ai kaloi dy dekada si prift misionar dhe peshkop në Peru – ku grupi u themelua në vitin 1971.

Ipeshkvi i atëhershëm, Robert Prevost ishte përgjegjës për dëgjimin e viktimave të “Sodalitium Christianae Vitae”- si personi i kontaktit të peshkopëve peruanë për viktimat e abuzimit dhe ndihmoi disa prej tyre të arrinin marrëveshje financiare me organizatën.

Pasi Papa Françesku e solli atë në Vatikan në vitin 2023, Prevost ndihmoi në shpërbërjen e plotë të grupit duke mbikëqyrur dorëheqjen e një peshkopi të fuqishëm të “Sodalitium Christianae Vitae”.

Kjo lëvizje u shtyp zyrtarisht në fillim të këtij viti, pak kohë para se të vdiste Papa Françesku.

Tani si papë, Leone duhet të mbikëqyrë shpërbërjen e “Sodalitium Christianae Vitae” dhe aseteve të tij të konsiderueshme.

I dërguari i Vatikanit në terren që merret me punën, Monsinjor Jordi Bertomeu, lexoi mesazhin e Papa Leone të premten në mbrëmje.

Në mesazh, Papa Leone gjithashtu vlerësoi gazetarët për guximin e tyre dhe kërkoi që autoritetet publike t’i mbronin ata.

“Një shtyp i lirë është një e mirë e përbashkët nga e cila nuk mund të hiqet dorë”, tha Papa Leone.

Skandali i abuzimit është një nga dosjet më të vështira me të cilat përballet Papa Leone -veçanërisht duke pasur parasysh kërkesat e të mbijetuarve – për të vazhduar më tej me zbatimin e një tolerance zero për abuzimin në të gjithë kishën, përfshirë abuzuesit. //a.i/

The post ROMË – Papa Leone XIV: Nuk duhet të ketë tolerancë për asnjë lloj abuzimi në Kishën Katolike appeared first on Agjencia Telegrafike Shqiptare.

Parlamenti Evropian ka miratuar një propozim për të përditësuar dhe rritur dënimet për krimet që lidhen me abuzimin dhe shfrytëzimin seksual të fëmijëve. Rregullorja e re përcakton dënime maksimale më të larta për forma të ndryshme abuzimi, një fund të parashkrimit për veprat penale, në mënyrë që viktimat të kenë më shumë kohë për të paraqitur ankesa dhe një përkufizim të ri të pëlqimit për të miturit që kanë arritur moshën e pëlqimit seksual.

Qëllimi i propozimit është të ndryshojë legjislacionin aktual në lidhje me teknologjitë e reja që prodhojnë video realiste të abuzimit seksual të fëmijëve përmes inteligjencës artificiale dhe që mund të ndiqen penalisht, pavarësisht nëse këto vepra penale janë kryer në internet apo në botën reale.

Qëndrimi i Parlamentit Evropian u miratua sot me 599 vota pro, 2 kundër dhe 62 abstenime. Negociatat midis Parlamentit dhe Këshillit mbi tekstin përfundimtar të direktivës së re do të fillojnë më 23 qershor.

The post PE miraton një propozim për të rritur dënimet për abuzimin e të miturve appeared first on Lapsi.al.

Një rast tronditës ka dalë në dritë në Milano, ku gastroenterologu dhe njëherësh kryebashkiaku i Rivolta d’Adda (Kremona), Giovanni Sgroi, 70 vjeç, është vendosur në arrest shtëpiak me akuzën e dhunës seksuale të rënduar ndaj katër pacienteve.

Hetimet janë zhvilluar nga karabinierët dhe janë koordinuar nga Prokuroria e Milanos, pas një denoncimi të bërë në maj 2024 nga një paciente 24-vjeçare. Gjatë hetimeve, përmes përgjimeve telefonike, analizave mjeko-ligjore dhe kërkimeve të tjera, janë identifikuar edhe tre viktima të tjera, të moshave 34, 36 dhe 43 vjeç.

Sipas rindërtimit të bërë nga prokurorja Letizia Mannella dhe kolegia e saj Alessia Menegazzo, abuzimet dyshohet se kanë ndodhur gjatë ekzaminimeve me ultratinguj të barkut në Qendrën Mjekësore Specialiste Pozzuolo Martesana, një strukturë private ku Sgroi ushtronte aktivitetin dhe mbante postin e drejtorit mjekësor. Sipas dosjes hetimore, mjeku dyshohet se shfrytëzonte pozitën e tij për të kryer veprime me natyrë seksuale, duke e kthyer aktin mjekësor në një mjet për të cënuar integritetin fizik dhe psikologjik të pacienteve. Ai përdorte një modus operandi të përsëritur, ku përziente pyetje profesionale me pyetje personale pa asnjë bazë mjekësore, dhe në mënyrë të papritur kryente akte të papranueshme ndaj pacienteve.

Në një prej rasteve, sipas dëshmive të përfshira në urdhrin e arrestit, pas një abuzimi të dyshuar ndaj një pacienteje të re, Sgroi i është drejtuar sekretares së qendrës me fjalët: “Jepi të voglës një zbritje”, duke shtuar edhe më shumë në peshen e dyshimeve për qëndrimin e tij ndaj viktimave.

Gjykatësja hetuese Sara Cipolla, e cila ka firmosur masën e arrestit shtëpiak, vlerëson se ekziston rrezik real për manipulim të provave dhe mundësi që mjeku të kryejë vepra të tjera të ngjashme nëse lihet i lirë. Kujtojmë se Sgroi ka qenë subjekt hetimesh edhe më parë, në vitin 2010, nga Prokuroria e Bergamos, por çështja u mbyll atëherë pa pasoja penale.

Duke marrë parasysh numrin e lartë të pacientëve që kanë kaluar nëpër duart e mjekut gjatë viteve të punës së tij, hetuesit nuk përjashtojnë mundësinë e viktimave të tjera. Autoritetet kanë bërë thirrje publike për denoncim, nëse ka persona të tjerë që mund të kenë qenë viktimë e sjelljeve të ngjashme nga Giovanni Sgroi.

LEXONI GJITHASHTU:

• Drogoi 3 të mitura dhe kreu marrëdhënie seksuale me njërën, arrestohet 40-vjeçari
• U njohën në rrjete sociale, si 40-vjeçari drogoi dhe kreu marrëdhënie me 15-vjeçaren

The post Abuzonte seksualisht me pacientet, vihet në pranga mjeku në Itali appeared first on Euronews Albania.