Një aksident rrugor është regjistruar mbrëmjen e sotme në aksin “Tri Ura” në Lushnje. Sipas informacioneve paraprake, një automjet tip “BMW” është përplasur me një kalë që ka dalë në rrugë. Përplasja ka ndodhur në kushte errësire, ndërsa drejtuesi i mjetit dyshohet se nuk ka arritur të shmangë kafshën, pasi ajo i ka dalë papritur […]
Një aksident ka ndodhur mbrëmjen e sotme në aksin rrugor Tri Urat në Lushnje, ku një mjet tip BMW është përplasur me një kalë.
Mësohet se, për pasojë kafsha ka ngordhur në vend, ndërsa bashkëshortja e drejtuesit të mjetit është dërguar me urgjencë në Spitalin e Lushnjes për ndihmë mjekësore. Sipas Policisë Rrugore të Lushnjes, drejtuesi i mjetit është shprehur se nuk ka pasur mundësi të manovronte për të shmangur aksidentin.
Një 34-vjeçar nga fshati Garunjas, Lushnjë, është dënuar me 25 vite burg pas akuzave se kishte porositur një vrasje të mbetur në tentativë.
Laert Hasalla ndodhej nën masën e sigurisë “arrest shtëpie” dhe tani do të vuajë dënimin e dhënë nga Gjykata e Fierit.
Sipas policisë, Hasalla kishte paguar një 31-vjeçar për të qëlluar me armë zjarri ndaj një automjeti, me qëllim vrasjen e shtetasit Marius Hasalla, raporton euronews.al.
Nga të shtënat mbeti e plagosur shtetasja B. S, halla e Mariusit, e cila ndodhej në të njëjtin automjet me Mariusin.
“Policia arriti të zbardhë tentativën e vrasjes që ndodhi më 30 mars 2023 në Lushnjë. Për shkak të një konflikti të hershëm gjakmarrjeje, 22-vjeçarit Marius Hasalla iu organizua atentati, por e plagosur mbeti halla e tij, Bajame Sejena”.
Në pranga ranë Mariglen Matjani, 28 vjeç, dhe Laert Hasalla, 30 vjeç.
Ky i fundit ishte porositësi i atentatit dhe kishte paguar Mariglen Matjanin për të vrarë Marius Hasallën, megjithatë plani nuk shkoi sipas parashikimeve. Motivi i atentatit lidhej me një ngjarje të mëparshme: dy vite më parë, i ati i Marius Hasallës kishte vrarë Romeo Hasallën, vëllain e Laert Hasallës.
Konflikti ka nisur për një tokë prej 2 hektarësh dhe ka eskaluar në një mosmarrëveshje të gjatë mes dy familjeve. Përplasjet kulmuan në vitin 2021, kur Kastriot Hasalla qëlloi me armë zjarri ndaj kushërinjve të tij, duke lënë të vdekur 30-vjeçarin Romeo Hasallën dhe të plagosur Shaip Hasallën së bashku me dy djemtë e tij, Emiljano dhe Laert Hasallën. Për këtë ngjarje, Kastriot Hasalla u dënua me 35 vite burg.
Deputeti i PD-së, Saimir Korreshi reagon me ironi për gjendjen e Pediatrisë në spitalin e Lushnjës, duke postuar pamje ku dallohet lagështirë dhe rrjedhje uji në ambientet e pavionit. Për të qytetarët duhet të tregojnë kujdes kur vizitojnë Pediatrinë dhe të marrin edhe çadër me vete. ”Kujdes kur të shkoni në Pediatrinë e Spitalit në Lushnjë. Ju lutem merrni dhe ombrellë me vete”, shkruan deputeti…
Deputeti i Partisë Demokratike, Saimir Korreshi, ka reaguar me ironi për gjendjen e Pediatrisë në Spitalin e Lushnjes, duke publikuar në rrjetet sociale pamje ku dallohet lagështirë dhe rrjedhje uji në ambientet e pavionit.
Në postimin e tij, Korreshi ironizon situatën duke u bërë thirrje qytetarëve që, sipas tij, të tregojnë kujdes kur vizitojnë Pediatrinë dhe të marrin edhe çadër me vete.
“Kujdes kur të shkoni në Pediatrinë e Spitalit në Lushnje. Ju lutem merrni dhe ombrellë me vete”, shkruan deputeti, duke e shoqëruar reagimin me pamje nga ambientet e brendshme të spitalit.
Më tej, ai vijon ironinë duke iu referuar asaj që e quan “reformë të thellë në shëndetësi”, duke paralajmëruar për rrezikun e rrëshqitjes në shkallë, pasi pavioni i Pediatrisë ndodhet në katin e katërt.
Sipas Korreshit, lagështira dhe kushtet e krijuara përbëjnë rrezik për pacientët, prindërit dhe stafin mjekësor.
Mesditën e sotme, një aksident ka ndodhur në autostradën Fier-Lushnje, në afërsi të rrethrrotullimit të Kolonjës.
Një mjet tip fuoristradë, ka përplasur nga pas një mjet tip “Audi” dhe për pasojë një prej udhëtarëve në fuoristradë është dërguar me ambulancë, për të marrë ndihmën e parë në spitalin e Lushnjes.
Policia e qarkullimit rrugor ka shkuar në vendngjarje dhe po kryen procedurat e nevojshme dhe njëkohësisht po disiplinon trafikun.
Raportohen dëme materiale dhe personi i lënduar ka marrë ndihmën e parë dhe po mbahet nën kontroll nga mjekët.
Sipas të dhënave paraprake, dyshohet se shkak i aksidentit të ketë qenë mosrespektimi i rregullave të qarkullimit dhe një manovër e gabuar e drejtuesit të fuoristradës.
Tri banesa janë përfshinë nga flakët rreth orës 21:00 të kësaj të hëne në lagjen “Loni Dhamo” në qytetin e Lushnjës. Zjarri nisi në një nga banesat dhe më pas u përhap në dy shtëpitë ngjitur.
Si pasojë e flakëve dhe tymit, një vajzë 12-vjeçare u asfiksua dhe u dërgua në spital për ndihmën e parë, por ndodhet jashtë rrezikut për jetën, raporton euronews.al.
Në vendngjarje erdhën menjëherë dy mjete zjarrfikëse të qytetit, të cilat lokalizuan flakët dhe parandaluan përhapjen e zjarrit në banesat e tjera.
Paraprakisht, dyshohet se shkëndija elektrike në një nga banesat ka qenë shkaku i zjarrit, ndërsa po punohet për zbardhjen e plotë të rrethanave.
Një zjarr ka përfshirë disa banesa ngjitur njëra me tjetrën në lagjen “Loni Dhamo” në qytetin e Lushnjës.
Në vendngjarje kanë mbërritur menjëherë shërbimet zjarrfikëse, si edhe forca të shumta policie, të cilat po punojnë për vënien e situatës nën kontroll.
Si pasojë e tymit, një vajzë në moshë të re është transportuar drejt spitalit, pasi ka shfaqur shenja asfiksie.
Fatmirësisht, të gjithë banorët e banesave të prekura nga zjarri kanë arritur të dalin në kohë dhe nuk raportohet për persona të tjerë të lënduar.
Shkaqet e zjarrit mbeten ende të paqarta, ndërsa priten detaje nga autoritetet për zbardhjen e plotë të ngjarjes.
Një 19 vjeçar është arrestuar nga Policia në Lushnje, pasi akuzohet si i implikuar në veprimtari prostitucioni. Sipas Policisë, bëhet fjalë për shtetasin, Santiago Manko, i cili për rreth 2 muaj kishte shfrytëzuar për prostitucion një shtetase nga Brazili. “U arrestua në flagrancë shtetasi Santjago Manko, 19 vjeç, banues në fshatin Karbunarë e Madhe, Lushnjë, […]
106- vjetori i Kongresit Kombëtar të Lushnjes është përkujtuar këtë të mërkurë me një ceremoni të organizuar nga bashkia e Lushnjes dhe që do të pasohet me aktivitete të tjera deri në datën 31. Në ceremoninë morën pjesë qytetarë, përfaqësues të pushtetit vendor, përfaqësues të besimeve fetare, deputetët e Lushnjes. Të pranishmit me këtë rast i përshëndeti kryetarja e Bashkisë…
Një aksident është regjistruar sot në fshatin Kolonjë të Lushnjës, ku një mjet bujqësor tip Zetor është përmbysur në një tatëpjetë. Drejtuesi i mjetit, Egzon Begaj, 64 vjeç, ka mbetur i plagosur dhe është transportuar me urgjencë në spitalin e Lushnjës për të marrë ndihmën mjekësore të nevojshme. Sipas të dhënave paraprake, shkak për humbjen […]
Një aksident me pasojë vdekjen është regjistruar këtë të mërkurë në Lushnje. Një 70-vjeçar i identifikuar si Bujar Dingozi, ishte duke udhëtuar me motor kur ka humbur kontrollin e më pas është përplasur në tokë. Si pasojë i moshuari ka ndërruar jetë. Sipas të afërmeve të viktimës 70 vjeçari vuante nga zemra, çka dyshohet për […]
Këtë të mërkurë, një aksident me pasojë vdekjen e një 70-vjeçari është regjistruar në Lushnje.
I moshuari është identifikuar si Bujar Dingozi. Sipas informacionet paraprake, ai ishte duke udhëtuar me motor kur ka humbur kontrollin, e më pas është përplasur në tokë.
Si pasojë i moshuari ka ndërruar jetë.
Sipas të afërmeve të viktimës, 70-vjeçari vuante nga zemra, ç`ka dyshohet për një atak të mundshëm
Një aksident rrugor me pasojë plagosjen e dy personave është regjistruar në hyrjen jugore të qytetit të Lushnjes. Në ngjarje janë përfshirë një mjet tip “Benz” dhe një mjet bujqësor. Aksidenti ka ndodhur si pasojë e mosrespektimit të rregullave të qarkullimit rrugor. Menjëherë pas njoftimit, shërbimet e Policisë kanë mbërritur në vendngjarje, ndërsa ambulancat kanë transportuar në spital dy…
Ditën e sotme, një aksident rrugor me pasojë plagosjen e dy personave, është regjistruar në hyrjen jugore të qytetit të Lushnjes.
Në ngjarje janë përfshirë një automjet tip “Benz” dhe një mjet bujqësor.
Sipas të dhënave paraprake, aksidenti ka ndodhur si pasojë e mosrespektimit të rregullave të qarkullimit rrugor.
Menjëherë pas njoftimit, shërbimet e Policisë kanë mbërritur në vendngjarje, ndërsa ambulancat kanë transportuar në spital dy drejtuesit e mjeteve të përfshira në përplasje.
Burime nga spitali bëjnë me dije se të plagosurit ndodhen jashtë rrezikut për jetën dhe po marrin ndihmën e nevojshme mjekësore.
Ndërkohë, policia po punon për dokumentimin e plotë të ngjarjes, sqarimin e rrethanave të aksidentit, si dhe për disiplinimin e trafikut në zonë, i cili u rëndua për disa minuta pas përplasjes.
Specialistët për Hetimin e Narkotikëve të DVP Fier arrestuan shtetasin D. A., 21 vjeç, banues në Lushnjë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kokainë.
Specialistët për Hetimin e Krimeve Ekonomiko-Financiare të DVP Fier arrestuan shtetasin C. A., 19 vjeç, banues në Greqi, pasi drejtonte automjetin, me leje drejtimi të falsifikuar.
Specialistët për Hetimin e Krimeve të Komisariatit të Policisë Fier arrestuan shtetasit:
-Gj. D., 49 vjeç, banues në fshatin Zhupan, pasi ka ushtruar dhunë ndaj kushëririt të tij dhe i ka dëmtuar automjetin;
-I. M., 52 vjeç, banues në fshatin Vreshtas, pasi ka ushtruar dhunë ndaj motrës së tij, e cila u pajis me urdhër mbrojtjeje.
Gjithashtu referuan materialet në Prokurori ku nisi procedimi penal për shtetasin J. M., 23 vjeç, banues në fshatin Kreshpan, pasi i ka dëmtuar automjetin një shtetasi 21 vjeç.
Specialistët e Qarkullimit Rrugor të DVP Fier referuan materialet në Prokurori ku nisi procedimi penal për shtetasin A. C., 34 vjeç, banues në fshatin Strumë, pasi duke drejtuar motomjetin, pa leje drejtimi, ka humbur kontrollin dhe si pasojë motomjeti ka dalë nga rruga. Nga aksidenti është dëmtuar lehtë shtetasi A. C..
Specialistët për Hetimin e Krimeve Kibernetike të DVP Fier shpallën në kërkim shtetasin P. T., 29 vjeç, banues në Fier, pasi dyshohet se ka kanosur dhe përndjekur një 55-vjeçare, nëpërmjet rrjeteve sociale. Po punohet për kapjen e tij.
Materialet procedurale iu referuan Prokurorisë së Fierit, për veprime të mëtejshme.
Aksident i rëndë është regjistruar në unazën e qytetit të Lushnjës. Një motoçikletë është përplasur me një automjet që po dilte nga ambientet e një biznesi.
Si pasojë e përplasjes së fortë, drejtuesi i motoçikletës, Marjus Doksani, rreth 30 vjeç, është transportuar me urgjencë drejt spitalit në gjendje kritike për jetën.
Në vendngjarje ndodhen shërbimet e qarkullimit rrugor dhe patrullat e policisë, të cilat po punojnë për sqarimin e rrethanave të aksidentit. Unaza e qytetit të Lushnjës vijon të mbetet një zonë problematike për aksidente rrugore, për shkak të numrit të madh të bizneseve të ndërtuara përgjatë saj.
Një aksident është shënuar mbrëmjen e së dielës në autostradën Lushnje-Fier. Dy automjete janë “fërkuar” në tentativë parakalimi në afërsi të vendit të quajtur Pushimi i Shoferit. Për këtë shkak, një fuoristradë Volvo ka përfunduar në mes të barrierave ndarëse të kaheve të lëvizjes. Të dy mjetet kanë qenë duke lëvizur në drejtim të Fierit […]
Login
