Socialistët zbatuan qëndrimin publik të kryeministrit Edi Rama që njoftoi të dielën se shumica e tij parlamentare nuk ka ndërmend të vijojë procedurën e heqjes së imunitetit të deputetes Balluku, së paku deri më 22 janar, kur pritet vendimi Gjykatës Kushtetuese për çështjen tjetër, atë të masës së sigurisë së pezullimit nga detyra. Anëtarët e […]

The post Imuniteti i Ballukut, PS nuk merr pjesë në mbledhjen e thirrur nga opozita appeared first on Reporter.al.

Pas 5 orësh mbledhje, ku mbizotëroi një debat procedural mes opozitës dhe mazhorancës për lejimin apo jo të mediave në sallën e mbledhjes, kryetari i Kuvendit Niko Peleshi njoftoi ndërprerjen e mbledhjes pa caktuar asnjë datë për vijimin e saj. Për të mbrojtur kërkesën e SPAK para Kuvendit, në mbledhje morën pjesë kryetari Klodian Braho, […]

The post PS zvarrit pa afat vendimmarrjen për imunitetin e Ballukut appeared first on Reporter.al.

Kreu i Kuvendit, Niko Peleshi, ka reaguar në lidhje me kaosin e krijuar sot në seancë plenare, ku opozita bllokoi punimet. Në një postim në rrjetet sociale, Peleshi shkruan: Kuvendi i Shqipërisë nuk është thjesht një vend debatesh, por institucioni ku fjala dhe sjelljet e deputetëve duhet të mbajnë e dëshmojnë peshën e përgjegjësisë dhe t’u shërbejnë mirëkuptimit, jo përçarjes.

Source

TIRANË, 18 dhjetor /ATSH/ Kryetari i Kuvendit, Niko Peleshi, reagoi pas kaosit të shkaktuar sot në Kuvend nga deputetët e opozitës, të cilët penguan zhvillimin e seancës plenare.

Peleshi nënvizoi se “Kuvendi i Shqipërisë nuk është thjesht një vend debatesh, por institucioni ku fjala dhe sjelljet e deputetëve duhet të mbajnë e dëshmojnë peshën e përgjegjësisë dhe t’u shërbejnë mirëkuptimit, jo përçarjes”.

Sipas tij çdo sjellje që shkel etikën, respektin dhe rregullat e funksionimit të Kuvendit dëmton rëndë dinjitetin, cenon përfaqësimin dhe besimin e qytetarëve.

Peleshi nënvizoi se “detyrimi ynë është të bashkëpunojmë për zgjidhje në të mirë të vendit, të zhvillojmë dialog serioz, jo të krijojmë kaos”.

“Mbi interesin politik qëndron interesi i shtetit. Asnjë forcë politike nuk mund të pretendojë se përfaqëson e vetme të vërtetën dhe asnjë ndarje partiake nuk duhet të na bëjë të harrojmë se të gjithë shërbejmë për të njëjtin vend dhe për të njëjtët qytetarë”, shkruan Peleshi.

Kreu i Kuvendit shtoi më tej se “institucionet e Republikës janë vlerë e përbashkët, jo arena për beteja personale apo partiake. Ruajtja, forcimi dhe respektimi i tyre është përgjegjësi që na bashkon përtej ndarjeve tona politike. Vetëm kur e vëmë shtetin mbi partinë, mund të ndërtojmë një Shqipëri më të fortë për brezat që vijnë. Respekti për Kuvendin është respekt për Republikën, respekt për qytetarët”.

Gjithashtu Peleshi shprehur mirënjohjen për punonjësit e Gardës së Republikës dhe të shërbimeve të Kuvendit, për korrektesën dhe përgjegjësinë në kryerjen e detyrës.

1 nga 12

/m.q/j.p/

The post Peleshi: Kuvendi, jo arenë për beteja personale apo partiake appeared first on Agjencia Telegrafike Shqiptare.

Seanca e sotme parlamentare, e fundit e këtij viti, ishte e mbushur me tensione e kaos për shkak të hetimeve të fundit të SPAK ndaj Belinda Ballukut për të cilën kërkohet heqja e imunitetit që i hap rrugën arrestimit të saj. Në një moment, deputetët e PD-së dogjën foton e Ballukut me Ramën. Përplasje, flakadanë […]

The post Përplasje dhe përjashtime/ Shabani betohet mes flakadanëve në Kuvend, Peleshi dhe PS miratojnë ligjet appeared first on BoldNews.al.

Këtë të enjte, seanca plenare ka nisur dhe është mbyllur me debate dhe përplasje të forta, pasi deputetët e Partisë Demokratike, nuk kanë lejuar zhvillimin normal të punimeve.

Kryetari i Kuvendit, Niko Peleshi, ka përjashtuar nga seanca e sotme plenare deputetin e Partisë Demokratike, Klevis Balliu për kaosin e krijuar në Kuvend.

Ai zuri një nga karriget e ministrave, si edhe hodhi dhe kartona drejt tyre.

Pas masës ndëshkimore të marrë ndaj deputetit të PD Klevis Balliu, kreu i Kuvendit Niko Peleshi, ka përjashtuar nga seanca edhe Sekretarin e Përgjithshëm të Partisë Demokratike, Flamur Noka.

Peleshi ndërkohë, ka hedhur në votim propozimin e Taulant Ballës që të kalohet direkt në votim për projektligjin, për sa kohë që seanca nuk është normale.

The post Tensionet në Kuvend/ Peleshi përjashton Klevis Balliun dhe Flamur Nokën appeared first on Albeu.com.

Kryetari i Kuvendit, Niko Peleshi zhvilloi një takim me ambasadorin e Bullgarisë në Shqipëri, Ivaylo Kirov. Peleshi vlerësoi Bullgarinë si një vend mik dhe partner të besueshëm të Shqipërisë, si dhe një mbështetëse të palëkundur të rrugëtimit europian të vendit. Në fokus të takimit ishte angazhimi i përbashkët për forcimin e bashkëpunimit parlamentar dhe dypalësh, si dhe thellimin e…

Source

TIRANË, 17 dhjetor /ATSH/ Kryetari i Kuvendit, Niko Peleshi, zhvilloi sot një takim me ambasadorin e Bullgarisë në Shqipëri, Ivaylo Kirov.

Gjatë takimit, Peleshi vlerësoi Bullgarinë si një vend mik dhe partner të besueshëm të Shqipërisë, si dhe një mbështetëse të palëkundur të rrugëtimit europian të vendit.

Në fokus të takimit ishte angazhimi i përbashkët për forcimin e bashkëpunimit parlamentar dhe dypalësh, si dhe thellimin e bashkëpunimit në fushat e zhvillimit rajonal dhe sigurisë.

“Bullgaria mbetet një mik dhe partner i besueshëm, mbështetëse e palëkundur e rrugëtimit europian të Shqipërisë. Angazhim i përbashkët për forcimin e bashkëpunimit parlamentar e dypalësh, zhvillimin rajonal dhe sigurinë”, shkruan Peleshi.

/gj.m/a.f/

The post Peleshi: Bullgaria, mbështetëse e rrugëtimit europian të Shqipërisë appeared first on Agjencia Telegrafike Shqiptare.

Kreu i Grupit Parlamentar të PD, Gazment Bardhi ka reaguar, lidhur me bllokimin që Kuvendi i ka bërë dosjes Balluku, në mënyrë që deputetët të njihen me provat e SPAK deri në mblidhjen e Këshillit të Mandateve të premten e 19 dhjetorit. Përmes një statusi në rrjetet sociale, Bardhi shkruar se kryetari i Kuvendit, Niko […]

The post Kuvendi nuk i dha provat për Ballukun deputetëve, Bardhi: Niko, Korrupsioni nuk mbyllet dot në kasafortë appeared first on BoldNews.al.

Nga selia blu, në një deklaratë për mediat, kreu i PD Sali Berisha denoncoi skandalin në të cilin sipas tij është përfshirë kreu i Kuvendit, Niko Peleshi. Berisha tha se Peleshi mban në sirtar prova të dokmentuara lidhur me çështjen e Belinda Balluku dhe nuk lejon që anëtarët e Këshillit të Mandateve të kenë akses […]

The post Berisha: Peleshi i ka mbyllur provat e SPAK për Ballukun në kasafortë, nuk ia jep Këshillit të Mandateve appeared first on BoldNews.al.

TIRANË, 16 dhjetor /ATSH/ Në kuadër të aktivitetit të zhvilluar për nder të Shën Terezës, ambientet solemne të Vatikanit u mbushën me jehonën e veçantë të Lahutës shqiptare, instrumenti i të cilit konsiderohet si ndër më të vjetrit në Evropë.

Kryetari i Kuvendit, Niko Peleshi e cilëson momentin si historik, duke theksuar se tingulli epik i lahutës, një nga instrumentet më të lashta të traditës shqiptare, u përcoll përpara publikut europian në zemrën shpirtërore të botës.

“Nga malësitë e Shqipërisë, në zemrën shpirtërore të botës, lahuta dëshmoi se trashëgimia jonë jeton, flet dhe bashkon”, shkruan Peleshi.

Lahuta është shpallur zyrtarisht pasuri e trashëgimisë kulturore jomateriale në listën e UNESCO-s, për mbrojtje urgjente.

Një nga thesaret më të çmuara të identitetit tonë kulturor, arti i të luajturit, të kënduarit dhe bërjes së lahutës, është tashmë pasuri botërore.

Arti i të kënduarit, të luajturit dhe bërja e lahutës përfaqësojnë një element thelbësore të identitetit në hapësirën shqiptare rurale të kultivuar ndër shekuj në krahinat veriore dhe përtej që nga Malësia e Madhe, Dukagjini, Malësia e Gjakovës, Rugova, Drenica, Plava dhe Gucia. Eposi i Kreshnikëve dhe balada të traditës shqiptare veriore, në duart e lahutarit kanë shprehur në shekuj virtytet e trimërisë, qëndresës, nderit, besës dhe mikpritjes.

/gj.m/j.p/

The post Lahuta shqiptare jehon në Vatikan në aktivitetin për nder të Shën Terezës appeared first on Agjencia Telegrafike Shqiptare.

TIRANË, 15 dhjetor/ATSH/ Kryetari i Kuvendit, Niko Peleshi priti sot në takime të veçanta  ambasadorin e Vendeve të Ulëta, Reinout Vos, dhe ambasadorin e Suedisë, Niklas Strom.

Mbështetja e palëkundur e anëtarësimit të Shqipërisë në Bashkimin Europian, si një vlerë e shtuar për familjen europiane, ishte në fokus të këtyre takimeve.

Peleshi nënvizoi se me dy ambasadorët diskutuan mbi vijimin e ndërveprimit parlamentar si dhe forcimin e partneritetit dypalësh.

Po ashtu, temë e diskutimeve ishin edhe kontributet e përbashkëta për stabilitetin, sigurinë dhe paqen në rajon e më gjerë.

1 nga 2

/m.m/a.f/r.e/

The post Peleshi pret ambasadorët e Vendeve të Ulëta dhe Suedisë appeared first on Agjencia Telegrafike Shqiptare.

TIRANË, 14 dhjetor/ATSH/ Në vijim të traditës 100-vjeçare të krijuar nga Liceu Francez, në Korçë po hap dyert dyert për një epokë të re, Liceu franko-shqiptar i Shkencave dhe Inovacionit, një shkollë publike ekselence, me diplomë franceze dhe maturë shtetërore shqiptare.

Kryetari i Kuvendit, Niko Peleshi ndau sot pamje nga projekti i kësaj godine, ku do të japin mësim pedagogë shqiptarë e francezë.

Liceu franko-shqiptar i Shkencave dhe Inovacionit do të jetë i pajisur me laboratorë modernë, biblioteka, platforma digjitale, konvikt dhe mensë.

Peleshi e cilësoi këtë një investim strategjik për të rinjtë dhe për afrimin e Shqipërisë me hapësirën frankofone dhe europiane.

“Në zemër të Korçës, 108 vite më parë lindi Liceu Francez, një shkollë ku nuk mësoheshin vetëm lëndë, por edukoheshin mendje të lira, karaktere dhe vizion europian. Për dekada, brenda mureve të tij u fol frëngjisht u mësua shqip dhe u ëndërrua një Shqipëri më e emancipuar, më e hapur dhe më qytetare. Prej këtij liceu dolën emra që lanë gjurmë në jetën akademike, kulturore dhe shoqërore të vendit. Sot, kjo trashëgimi e Korçës nuk mbetet një kujtim, por rilind”, tha Peleshi.

Peleshi theksoi se ka nisur përgatitja e brezit të parë të nxënësve, sepse rruga e Korçës me dijen dhe gjuhën frënge vazhdon, tashmë si një urë e re për fëmijët tanë drejt Europës dhe së ardhmes.

“Korça ka qenë gjithmonë një hap përpara. Liceu i saj po e dëshmon sërish”, theksoi ai.

/m.m/

The post Liceu franko-shqiptar i Shkencave në Korçë afron Shqipërinë me botën frankofone dhe Europën appeared first on Agjencia Telegrafike Shqiptare.

Kreu i grupit parlamentar të PD-së, Gazemend Bardhi ka deklaruar ditën e sotme se Niko Peleshi i paraqiti dje Kuvendit të Shqipërisë për votim si kandidat për Avokat të Popullit, një njeri që nuk kishte mbështetjen me firmë të vlefshme të asnjë deputeti të vetëm. Përmes një deklarate zyrtare, Bardhi u shpreh se duke shpërdoruar detyrën, Kryetari i Kuvendit përmbushi ambicien e sëmurë të Edi Ramës për të kapur çdo pushtet, përfshirë institucionin e fundit kushtetues që nuk ishte nën kontrollin e qeverisë.

Bardhi tha se PD po përgadit një kallëzim penal për “shpërdorim detyre” dhe “falsifikim të dokumenteve” parlamentare në bashkëpunim, për Kryetarin e Kuvendit Niko Peleshi. Deputeti i opozitës deklaroi se do t’i kërkoj grupit parlamentar autorizimin përkatës, për t’iu drejtuar Gjykatës Kushtetuese për të verifikuar zgjedhjen e Avokatit të Popullit përmes një procedure parlamentare tërësisht të paligjshme.

Në fund, ai tha se grupi parlamentar i PD ka qenë dhe mbetet i vendosur, që zgjedhja e organeve kushtetuese duhet të bëhet sipas një procedure transparente, gjithëpërfshirëse dhe që garanton pavarësinë e këtyre institucioneve. Kjo, pasi sipas tij vetëm kështu Shqipëria është në rrugën e duhur drejt Bashkimit Europian.

Reagimi i Gazmend Bardhi

Nëpërmjet falsifikimit të akteve parlamentare, Niko Peleshi i paraqiti dje Kuvendit të Shqipërisë për votim si kandidat të rrejshëm për Avokat të Popullit një njeri që nuk kishte mbështetjen me firmë të vlefshme të asnjë deputeti të vetëm, jo më të 28 deputetëve siç ligji kërkon për hedhjen në votim. Pikërisht duke shpërdoruar detyrën, Kryetari i Kuvendit përmbushi ambicien e sëmurë të Edi Ramës për të kapur çdo pushtet, përfshirë institucionin e fundit kushtetues që nuk ishte nën kontrollin e qeverisë.

Mirëpo këtë herë Kryetari i Kuvendit ka tejkaluat çdo limit, duke keqpërdorur firmat e deputetëve të Kuvendit të Shqipërisë që ishin tërhequr nga propozimi i projektvendimit përkatës. Askush nuk mund të përdor jashtë vullnetit të tyre nënshkrimet/propozimet e deputetëve të Kuvendit të Shqipërisë.

Prandaj sot, kam autorizuar menjëherë ekipin ligjor të Grupit Parlamentar të Partisë Demokratike që të përgatisë kallëzim penal për “shpërdorim detyre” dhe “falsifikim të dokumenteve” parlamentare në bashkëpunim për Kryetarin e Kuvendit Niko Peleshin, dhe çdokënd tjetër që ka rol në këtë akt të paprecedent të Kuvendit. Ndërkohë që do të kërkoj nga grupi parlamentar autorizimin përkatës për t’iu drejtuar Gjykatës Kushtetuese për të verifikuar zgjedhjen e Avokatit të Popullit përmes një procedure parlamentare tërësisht të paligjshme.

Grupi Parlamentar i PD ka qenë dhe mbetet i vendosur që zgjedhja e organeve kushtetuese duhet të bëhet sipas një procedure transparente, gjithëpërfshirëse dhe që garanton pavarësinë e këtyre institucioneve, sikurse Raport Progresi i Komisionit Europian nënvizon. Vetëm kështu Shqipëria është në rrugën e duhur drejt Bashkimit Europian. Përndryshe provohet se kemi kaluar edhe zyrtarisht në një parti-shtet!

The post Endri Shabani u zgjodh Avokat i Popullit/ Bardhi: Peleshi keqpërdori firmat e deputetëve, PD po përgadit ndaj tij një kallëzim penal appeared first on Albeu.com.

Pas zgjedhjes së Endri Shabanit në postin e Avokatit të Popullit, kryetari i Grupit Parlamentar të Partisë Demokratike, Gazment Bardhi, akuzoi kryetarin e Kuvendit, Niko Peleshi, për “shpërdorim detyre” dhe “falsifikim dokumentesh”. Sipas Bardhit, Peleshi ka keqpërdorur firmat e deputetëve të opozitës që ishin tërhequr nga procesi i votimit, duke i përdorur ato për të […]

The post Endri Shabani Avokat i Popullit, Bardhi: Peleshi keqpërdori firmat tona, votimin do ta çojmë në Kushtetuese appeared first on BoldNews.al.

TIRANË, 12 dhjetor /ATSH/ – Kryetari i Kuvendit, Niko Peleshi, priti sot në një takim delegacionin e Grupit të Miqësisë së Parlamentit të Polonisë, duke e cilësuar Varshavën një partner të qëndrueshëm dhe të rëndësishëm në procesin e integrimit europian të Shqipërisë.

“Polonia ka qenë dhe mbetet një mbështetëse e palëkundur e Shqipërisë në rrugëtimin drejt Bashkimit Europian”, u shpreh Peleshi, duke theksuar vlerën e përvojës polake në procesin e negociatave dhe gatishmërinë për të thelluar bashkëpunimin parlamentar dhe dypalësh.

Kreu i Kuvendit nënvizoi se rajoni i Ballkanit Perëndimor “ka nevojë për më shumë zhvillim, siguri dhe paqe, si dhe për integrim të plotë europian”, objektiva që, sipas tij, ndahen plotësisht edhe me Poloninë.

Në qendër të bisedës ishte edhe kontributi i përbashkët i Shqipërisë dhe Polonisë për mbrojtjen e lirisë dhe përpjekjet ndërkombëtare për vendosjen e paqes në Ukrainë.

/gj.m/a.f/r.e/

The post Peleshi: Polonia, partner i rëndësishëm në rrugën europiane të Shqipërisë appeared first on Agjencia Telegrafike Shqiptare.

TIRANË, 10 dhjetor /ATSH/ Nën drejtimin e kryetarit të Kuvendit, Niko Peleshi, u zhvillua sot mbledhja për konstituimin e Grupit Parlamentar Vullnetar “Miqtë e Fëmijëve”, një nga mekanizmat më aktivë të angazhuar në mbrojtjen e të drejtave të fëmijëve dhe forcimin e rolit mbikëqyrës të parlamentit në këtë fushë.

Në takim morën pjesë deputetë nga të gjitha grupet parlamentare, përfaqësues të UNICEF-it, të kryesuar nga Murat Sahin, si dhe të rinj nga Bordi Këshillimor i Adoleshentëve të UNICEF Albania.

Kryetari i Kuvendit, në cilësinë e drejtuesit të këtij grupi, theksoi se konstituimi i Grupit “Miqtë e Fëmijëve” nuk është thjesht një procedurë formale, por një angazhim institucional i fortë për ta vendosur mirëqenien e fëmijëve në qendër të ligjbërjes dhe politikëbërjes.
Ai nënvizoi se, çdo vendim që merret në Kuvend ka ndikim të drejtpërdrejtë mbi fëmijët dhe se Kuvendi ka përgjegjësinë të miratojë ligje, të ushtrojë kontroll parlamentar efektiv dhe të sigurojë prioritete buxhetore që mbështesin realisht të drejtat e tyre.

Peleshi u ndal edhe te sfidat e reja me të cilat përballen fëmijët sot, duke përmendur teknologjinë, kanalet e reja të komunikimit dhe rreziqet prej zhvillimeve të shpejta digjitale. Ai theksoi se përballimi i këtyre sfidave kërkon dialog, konsensus dhe standarde të matshme, veçanërisht në fusha si parandalimi i dhunës, aksesi i barabartë në arsim e shërbime si dhe mbrojtje në mjedisin digjital.

Në mbledhje u prezantuan edhe tre nënkryetaret e reja të grupit, Bora Muzhaqi, Ina Zhupa dhe Erisa Xhixho, të cilat do të bashkëdrejtojnë veprimtarinë dhe nismat e grupit.

Pjesëmarrësit vlerësuan bashkëpunimin e ngushtë me UNICEF-in dhe rolin e tij, si partner kyç në mbështetjen e nismave parlamentare për fëmijët.

Kuvendi riafirmoi angazhimin për ta bërë Grupin “Miqtë e Fëmijëve” një instrument të qëndrueshëm, aktiv dhe funksional në mbrojtjen e të drejtave të fëmijëve në Shqipëri, duke u bërë një “sy i kujdesshëm” dhe një zë i vazhdueshëm për brezin e ardhshëm.

1 nga 16

/m.q/j.p/

The post Konstituohet grupi vullnetar parlamentar “Miqtë e Fëmijëve” appeared first on Agjencia Telegrafike Shqiptare.

TIRANË, 10 dhjetor /ATSH/ Kryetari i Kuvendit, Niko Peleshi ka përkujtuar sot 109-vjetorin e shpalljes së Republikës Autonome të Korçës, një nga ngjarjet më domethënëse të historisë shqiptare gjatë viteve të trazuara të Luftës së Parë Botërore.

Në një postim në rrjetet sociale, Peleshi theksoi se më 10 dhjetor 1916, patriotët korçarë morën një vendim që ndryshoi rrjedhën e historisë së vendit, duke udhëhequr me guxim dhe mençuri përpjekjet për të ndalur pushtuesit dhe për të mbrojtur integritetin territorial të Shqipërisë në një kohë kur vendi rrezikohej nga synimet aneksuese të fqinjëve.

“Sot nderojmë atë brez që dha një shembull heroizmi dhe mësimin e madh se besnikëria ndaj atdheut nuk ka çmim”, u shpreh Peleshi.

Ai shtoi se sa më shumë vite kalojnë, aq më qartë kuptohet rëndësia e kësaj ngjarjeje, e cila kontribuoi për unitetin, tokën dhe dinjitetin kombëtar.

Sipas tij, Korça dhe bijtë e saj të atyre ditëve “shkruan një faqe të artë të Shqipërisë”, duke lënë një trashëgimi që vijon të frymëzojë brezat e sotëm.

/gj.m/a.f/r.e/

The post Peleshi: 109-vjetori i Republikës Autonome të Korçës, një faqe e artë e historisë sonë appeared first on Agjencia Telegrafike Shqiptare.

Deputeti demokrat Bledion Nallbani nuk ka kursyer kryeparlamentarin Niko Peleshi, njëkohësisht deputet i qarkut të Korçës ku shërbejnë të dy, duke e etiketuar atë si “batakçi dhe hajdut”. Peleshi nuk ishte prezent në sallë, teksa nënkryetarja Klodiana Spahiu i tërhoqi vëmendjen për fjalorin fyes ndaj kreut të Kuvendit. Duke iu referuar fjalës së kolegëve të […]

The post Nallbati – Peleshit: Dola para pasqyrës siç më the, por s’pashë ndonjë batakçi, hajdut dhe mashtrues si ty… appeared first on BoldNews.al.

Deputeti demokrat Bledion Nallbani nuk ka kursyer kryeparlamentarin Niko Peleshi, njëkohësisht deputet i qarkut të Korçës ku shërbejnë të dy, duke e etiketuar atë si “batakçi dhe hajdut”.

Peleshi nuk ishte prezent në sallë, teksa nënkryetarja Klodiana Spahiu i tërhoqi vëmendjen për fjalorin fyes ndaj kreut të Kuvendit.

Duke iu referuar fjalës së kolegëve të mazhorancës dhe vetë Peleshit më herët, Nallbati tha: “Nuk shkon kjo punë jemi në parlament jo në parashkollor. Një koleg i mazhorancës mori fjalën dhe na tha është turp që deputetë të flasin për çështje të rendit të ditës. Unë ju them që nuk është turp të flasë për hallet e qytetarëve, por është turp të ngresh kartonin për të vjedhur paratë e qytetarëve. Jemi votuar që të ngremë shqetësime e qytetarëve”.

Ai akuzoi Peleshin si mashtrues dhe hajdut.

“Turp është të mbrosh hajdutët dhe ata që vjedhin paratë e qytetarëve dhe jo të ngresh shqetësimet e qytetarëve. Kjo nuk është turp të flasësh për qytetarët, turp është të ngresh kartonin për vjedhjen. Dhe një gjë të fundit meqenëse kryetari i Kuvendit më dha një Këshillë që të dal para pasqyrës, dola Niko, nuk pashë ndonjë djalë të bukur. Por po i them se pashë një hajdut, një batakçi e mashtrues si ti nuk e pashë”, tha ai.

The post Nallbati i drejtohet Peleshit: Dola para pasqyrës siç më the, por s’pashë ndonjë batakçi, hajdut dhe mashtrues si ty… appeared first on Albeu.com.