U premtua gaz natyror, por Korça vazhdon të ngrohet me dru. Dy vite pas fushatës elektorale dhe “lajmit fantastik” për gazifikimin, Faktoje.al gjeti në terren tym, soba druri dhe qytetarë që nuk dinë asgjë për ecurinë e projektit. Dokumentet tregojnë vonesa, kosto të larta për banorët dhe afate të shtyra deri në 2027.

Esmeralda Topi

Pak ditë para se korçarët t’i drejtoheshin kutive të votimit, kryebashkiaku socialist Sotiraq Filo, në kërkim të mandatit të tretë, premtoi zgjidhjen përfundimtare të problemit të ngrohjes përmes gazifikimit të qytetit. Një “lajm fantastik”, siç e quajti ai vetë, i shoqëruar me garancinë politike të kryeministrit Edi Rama.

“Lajmi fantastik i zgjidhjes përfundimtare të problemit të ngrohjes për Korçën përmes projektit të madh të GAZIFIKIMIT jo rastësisht ishte sot në fjalën e kryeministrit Rama në takimin e tij në Korçë me mijëra vajza e gra!”, premtoi Filo. 

Në fushatë, korçarëve ju premtua gaz natyror në çdo shtëpi, fund i druve të zjarrit, ajër më i pastër dhe kosto më të ulëta. Kryeministri Edi Rama dhe ministrja Belinda Balluku prezantuan publikisht projektin, ndërsa Rama shkoi edhe më tej, duke folur për “hapjen e çelësit të gazit” dhe duke hedhur si afat fundin e vitit 2026. 

Por dy vite më vonë premtimet janë larg realitetit. Faktoje udhëtoi drejt juglindjes në muajin tetor.  

Edhe këtë vit, ngrohja në qytet vazhdonte me dru. Banorët e qendrës dhe të lagjeve përreth nuk kishin asnjë dijeni për ecurinë e projektit të gazifikimit, as për afate dhe as për hapa konkretë. Ajo që dinin me siguri ishte i ftohti i mbrëmjeve të tetorit dhe sobat që duhej të ndizeshin herët. 

“Kemi nisur t’i ndezim stofat që para një muaji, se bën ftohtë në darkë”, na tregoi një banor.  

Tymi ndihej kudo. Oxhaqet lëshonin shtellunga të dendura që mbulonin rrugët dhe oborret, duke e kthyer ajrin e Korçës në një përzierje të rëndë druri të djegur, si dëshmi se premtimi i ngrohjes moderne mbetej ende larg realitetit.

Një metër kub dru këtë vit shkonte në 55 mijë lekë të vjetra. 

“Mua më duhen deri në 15 metër”, pohoi një pensioniste, duke bërë llogaritë e dimrit që ende s’kishte hyrë mirë. 

Shkelje afatesh

Në nëntor 2024, qeveria njoftoi nga Azerbajxhani nënshkrimin e një Memorandumi Mirëkuptimi me kompaninë shtetërore SOCAR dhe Albgaz-in, duke e paraqitur gazifikimin e Korçës si gur themeli të zhvillimit të sektorit të gazit në Shqipëri. 

Edhe Filo, në intervista publike, fliste për zbatim të shpejtë dhe për rezultate të dukshme “brenda dy viteve”.

Një vit më vonë, një përgjigje zyrtare nga Bashkia Korçë tregon se projekti ndodhet ende në fazën e parafizibilitetit. 

“Studimi nga SOCAR ka përfunduar, por pritet ende marrëveshja mes qeverisë shqiptare dhe asaj azerbajxhanase”, tha për Faktoje.al Bashkia e Korçës.

Pa këtë hap, nuk ka afate konkrete dhe as punime në terren.

Kosto e gazifikimit

Ndërkohë, plani 10-vjeçar i investimeve të Albgaz-it parashikon nisjen e projektit në vitin 2025 dhe dorëzimin në 2027. Pra, më vonë se afatet optimiste të përmendura në fushatë dhe, si zakonisht, me rrezikun e shtyrjeve të mëtejshme.

Sipas skenarit bazë, kostoja totale e gazifikimit të Korçës është rreth 20.8 milionë euro. Prej tyre, 13.3 milionë euro pritet të investohen nga vetë rezidentët, ndërsa bashkia parashikon rreth 7 milionë euro për zëvendësimin e burimeve aktuale të ngrohjes dhe instalacionet përkatëse. Me fjalë të tjera, barra kryesore financiare bie mbi qytetarët që sot mezi përballojnë drutë e dimrit.

Projekti parashikon një rrjet të gjerë tubacionesh dhe stacionesh, si dhe furnizimin me gaz të rreth 6 mijë banesave dhe 30 institucioneve. Por edhe këtu ka një kusht kritik, bashkia duhet të sigurojë buxhet për instalimet e brendshme të gazit në shkolla, kopshte, muze dhe zyra publike. 

“Është kritike për suksesin e projektit që Bashkia të sigurojë buxhet për ndërtimin e instalimeve të brendshme të gazit për institucionet nën drejtimin e tij (shkolla, kopshte, muze, zyra publike), si këto, së bashku me industriale kompanitë, do të përbëjnë konsumatorët ankorues rreth të cilëve do të ndërtohen tubacionet kryesore”, thekson plani. 

Përfundim

Gazifikimi i Korçës është listuar si projekt prioritar në zonën e juglindjes. Në letër, gjithçka duket premtuese. Në terren, oxhaqet vazhdojnë të nxjerrin tym, pensionistët numërojnë metrat e druve dhe dimri vjen çdo vit, pa pritur memorandume.

Deri sa gazi të mbërrijë realisht në shtëpitë e korçarëve, “lajmi fantastik” mbetet një premtim elektoral, ndërsa ngrohja vazhdon të matet me dru, tym dhe fatura që rriten.

Nisur nga informacionet e mbledhura dhe verifikimi në terren, premtimin e kryebashkiakut Sotiraq Filo për zgjidhjen përfundimtare të problemit të ngrohjes përmes gazifikimit të qytetit, e kategorizojmë të pambajtur. 

*Faktoje, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.

The post Ngrohja që u premtua me gazifikimin e Korçës appeared first on Faktoje.al.

Kryebashkiaku i Korçës, Sotiraq Filo, gjatë fushatës për mandatin e tretë premtoi investime në fshatin Melçan, për të përmirësuar lëvizjen e banorëve dhe aksesin në zonë. Rruga që lidh fshatin me Teqenë “Baba Abdulla” ishte një prej tyre. Verifikimet tregojnë se segmenti me gjatësi 1.2 km, ka përfunduar.

Esmeralda Topi 

Fushatën për mandatin e tretë në krye të bashkisë Korçë kandiati i socialistëve Sotiraq Filo e përqëndroi tek fshati dhe problematikat e zonave rurale të juglindjes. Nga takimet me banorët e Melçanit, Filo premtoi investime edhe për rrugën, që bashkon fshatin me Teqenë “Baba Abdulla”. 

Më pas, angazhimi u reflektua me ndërhyrje konkrete në terren. Në qershor të këtij viti, kryebashkiaku i Korçës premtoi rikonstruksion të plotë të shtresave asfaltike të kësaj rruge.

“Ky investim lidh me rrugë të re gjithë unazën Lumalas–Melçan–Porodinë, duke përmirësuar lëvizjen e banorëve dhe aksesin drejt zonave përreth,” premtonte Filo gjatë një inspektimi në terren.

Rruga me gjatësi 1.2 kilometra dhe gjerësi 4.5 metra, sipas tij, po realizohej në bashkëpunim me Fondin Shqiptar të Zhvillimit. 

Verifikim

Faktoje iu drejtua Bashkisë së Korçës dhe Fondit Shqiptar të Zhvillimit për të kuptuar nëse rruga e Melçanit ishte një tjetër premtim në proces apo një investim i përfunduar. Përgjigjet zyrtare konfirmuan se punimet në këtë segment kishin përfunduar në muajin qershor. 

Investimi me vlerë 12,8 milionë lekë (pa TVSH), është zbatuar nga kompania “Shkëlqimi 07”, si financim i Fondit Shqiptar të Zhvillimit. 

Në tetor, Faktoje verifikoi në terren investimin në këtë segment. Rruga ishte e përfunduar, e shtruar dhe funksionale duke lidhur fshatin Melçan me Teqenë “Baba Abdulla”.

Përfundim 

Nisur nga informacioni i mbledhur dhe verifikimi i kryer në terren, premtimin e kryebashkiakut Sotiraq Filo për rrugën që lidh fshatin Melçan me Teqenë “Baba Abdull”, e kategorizojmë të mbajtur. 

*Faktoje, e mbështetur nga National Endowement for Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.

The post Rruga drejt Teqesë së Melçanit, premtim i mbajtur appeared first on Faktoje.al.

Nga premtimet e përsëritura tek vizualizimet 3D, Bashkia e Korçës ka dhjetë vite që nuk ka bërë asnjë hap konkret për t’i dhënë jetë ndërtimit të pistës së skive dhe resortit dimëror. Faktoje rikthen në vëmendje premtimin e pambajtur të kryebashkiakut Sotiraq Filo. 

Esmeralda Topi 

Prej një dekade, pista e skive bashkë me një resort dimëror në Korçë mbetet një nga premtimet më të ricikluara të kryebashkiakut Sotiraq Filo. 

Që prej vitit 2015, Faktoje e ka ndjekur nga afër këtë angazhim publik, i cili është shfaqur në fushata të njëpasnjëshme, herë me skica projektesh, herë me prezantime 3D, por asnjëherë me punime konkrete në terren.

Ndërsa vitet kanë kaluar, dhe Korça është kthyer një nga destinacionet më të rëndësishme turistike të vendit, premtimi për zhvillimin e turizmit dimëror përmes një piste skish ka mbetur në vendnumëro. 

Në zgjedhjet vendore të vitit 2023, Filo e riktheu projektin, duke publikuar një vizualizim virtual të një resorti modern në zonat malore të Korçës. Ai e prezantoi atë si një investim që do të gjallëronte ekonominë, do të zgjaste sezonin turistik gjatë gjithë vitit dhe do të sillte të ardhura të reja për zonën.

Mirëpo pas premtimeve, realiteti ka qenë krejt tjetër.

Bashkia ‘dorëzohet’: S’kemi informacion

Dy vite më parë, Bashkia e Korçës i konfirmoi Faktoje-s se nuk kishte arritur të gjente mënyrën e financimit për projektin e pistës së skive dhe resortit dimëror. I njëjti problem vijoi edhe gjatë vitit të kaluar. Bashkia argumentonte se përmasat e mëdha të investimit kërkonin bashkëpunim shumëpalësh mes qeverisë, bashkive të tjera të rajonit, Federatës Shqiptare të Skive dhe investitorëve privatë.

Në komunikimin zyrtar të një viti më parë, institucioni pohonte se kishte piketuar malin e Gramozit si një nga zonat më të mundshme ku mund të ndërtohet resorti bashkë me pistën e skive. 

Për këtë arsye, në malin e Gramozit po monitoroheshin kushtet klimatike përmes një stacioni meteorologjik, si një hap i domosdoshëm për të identifikuar zonën e përshtatshme për ndërtimin e pistës së skive.

Ky informacion krijoi përshtypjen se projekti mund të ishte në një fazë studimore, megjithëse pa një plan të qartë financimi.

Për të kuptuar nëse projekti kishte pësuar ndonjë zhvillim këtë vit, Faktoje i drejtoi Bashkisë Korçë një kërkesë të re për informacion. Mirëpo, përgjigjja e këtij viti ishte e shkurtër dhe shterpë.

“Në lidhje me pistën e skive nuk kemi informacion”, pohon Bashkia e Korçës për Faktoje.al

Asnjë shpjegim për fazën në të cilën ndodhet projekti, asnjë referencë për monitorimin e kushteve klimatike, asgjë për financimin ose për hapat e ndërmarrë. 

Projekt me potencial, por pa drejtim

Ekspertët e turizmit e konsiderojnë prej vitesh këtë projekt si shumë të rëndësishëm për diversifikimin e ofertës turistike të Korçës, sidomos në sezonin dimëror. 

Zak Topuzi nga Shoqata e Hoteleri-Turizmit ka theksuar se mungesa e pistave të skive është një nga boshllëqet më të mëdha që ka Shqipëria për sa i përket sporteve dimërore. 

Sipas tij, investimi në infrastrukturën e pistave është kusht i domosdoshëm për ndërtimin e resorteve dhe zhvillimin e turizmit të qëndrueshëm për 365 ditë.

Por edhe pse potenciali ekziston, mungesa e një strategjie të qartë, e financimit dhe e prioritetit institucional ka bërë që projekti të mbetet në letër. Edhe më problematike është fakti që këtë vit, Bashkia nuk ka më as informacion bazë për nismën.

Përfundim

Duke nisur nga viti 2015, kur Filo premtoi për herë të parë ndërtimin e një kompleksi turistik dhe një piste skish, e deri te vitet e fundit kur projekti u paketua me imazhe 3D, premtimi ka kaluar nga një fazë në tjetrën pa asnjë hap konkret.

Pas verifikimeve të vazhdueshme, dhe sidomos pas deklaratës së këtij viti ku Bashkia thotë se “nuk ka informacion”, Faktoje e kategorizon sërish këtë premtim si të pambajtur.

*Faktoje, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.

The post Një dekadë pritje për pistën e skive në Korçë, premtimi mbeti 3D appeared first on Faktoje.al.

Në fushatën elektorale të vitit 2023, kryetari i Bashkisë së Korçës, Sotiraq Filo, prezantoi për qytetarët projektin e aeroportit Turistik dhe Sportiv në Lumalas, përmes një videoje 3D që tregonte pistën, terminalin, godinën e administratës dhe hapësirat për aktivitete ajrore. Premtimi ishte se aeroporti do të bëhej “realitet i prekshëm” dhe do të nxisë turizmin rajonal dhe sportet e […]

The post Aeroporti 1,1 milionë € në Korçë shumë larg vizionit 3D të fushatës appeared first on BoldNews.al.

Esmeralda Topi 

Në fushatën elektorale të vitit 2023, kryetari i Bashkisë së Korçës, Sotiraq Filo, prezantoi për qytetarët projektin e aeroportit Turistik dhe Sportiv në Lumalas, përmes një videoje 3D që tregonte pistën, terminalin, godinën e administratës dhe hapësirat për aktivitete ajrore. Premtimi ishte se aeroporti do të bëhej “realitet i prekshëm” dhe do të nxisë turizmin rajonal dhe sportet e aventurës. 

Pas një viti e gjysmë, Bashkia e Korçës e cilëson projektin 1.1 milionë euro të përfunduar fizikisht. Sipas institucionit, aeroporti ndodhet në fazën e çertifikimit, një proces i domosdoshëm për të mundësuar operimin e fluturimeve. 

“Përgjegjës për mirëmbajtjen dhe operimin e tij do të jetë Bashkia Korçë me mbështetjen e Autoritetit të Aviacionit Civil, të cilët bëjnë dhe çertifikimin e fushës”, pohon Bashkia e Korçës për Faktoje.al.

Aeroporti ndodhet në fshatin Lumalas, rreth 7.5 kilometra larg Korçës dhe ndërhyrja u bë në pistën historike ekzistuese të aviacionit të këtij qyteti. Investimi do të shërbejë për sporte ajrore, aktivitete turistike dhe raste emergjencash. Megjithatë, bashkia pranon se ende nuk ka marrëveshje me Shoqatën Shqiptare të Aeronautikës apo operatorë të tjerë. 

Sipas bashkisë, plani për funksionimin e aeroportit dhe për aktivitetet sportive do të bëhet i ditur pasi të përfundojë çertifikimi. 

Verifikim në terren 

Verifikimi i Faktoje këtë vjeshtë tregoi se pamja reale e aeroportit është shumë larg asaj që u prezantua në video 3D të kryebashkiakut Sotiraq Filo.

I vetmi element që përputhet me projektin 3D është godina e administratës dhe kontrollit, e cila është përfunduar fizikisht. Megjithatë, edhe asaj i mungojnë shumë detaje që shfaqen në vizualizimin e fushatës, veçanërisht në ambjentin e jashtëm.

Kur krahasojmë pamjen reale të terrenit me projektin 3D të prezantuar nga Filo në fushatë, bien në sy ndryshimet e mëdha.

Pista, e cila në 3D duket e pasur me çdo element, në terren ka vetëm një gardh rrethues rrjete metalike që mund të ngatërrohet me rrethimet e zakonshme që bëjnë fermerët për të ndarë tokat nga njëri tjetri.

Pista nuk është aspak e dallueshme si në videon 3D, ndërkohë që bie në sy veçanërisht mungesa e vijëzimeve. 

Për më tepër, gjatë shirave të rrembyeshëm të nëntorit, pjesa e pistës u përmbyt nga uji, duke e shndërruar hapësirën e aeroportit pothuajse në një port të vogël. Situatë kjo që nxori në pah mungesën e përgatitjes për kushte të tilla atmosferike. 

Përfundim

Edhe pse Bashkia e Korçës e konsideron projektin fizikisht të përfunduar, krahasimi me video 3D tregon qartë se realiteti është shumë larg vizionit të fushatës. Premtimi i kryebashkiakut për një aeroport “të prekshëm” mbetet pjesërisht i mbajtur, pasi infrastruktura ka progres fizik, por funksionimi praktik dhe aktivitetet ajrore nuk kanë filluar ende.

*Faktoje, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.

The post Aeroporti 1,1 milionë € në Korçë shumë larg vizionit 3D të fushatës appeared first on Faktoje.al.

TIRANË, 23 nëntor /ATSH/ Kryetari i bashkisë së Korçës, Sotiraq Filo, bëri të ditur se punonjësit dhe mjetet e bashkisë, janë në terren, për të mbikëqyrur nga afër situatën e krijuar si pasojë e motit të keq.

Filo, bëri të ditur se të gjitha ekipet e shërbimeve dhe eskavatorët po punojnë në çdo njësi administrative për menaxhimin e situatës deri në vënien nën kontroll të plotë të gjithë problematikave.

Konkretisht Filo theksoi se në Njësinë Voskopojë po vijon puna për sistemimin dhe pastrimin e rrugës që të çon drejt varrezave.

Në njësinë Bulgarec, sipas Filos në fshatin Çiflig, po kryhen pastrimet e tombinove me eskavator përgjatë unazës.

Në njësinë Mollaj, po bëhet kontrolli i prurjeve në lumin e Kamenicës dhe në degëzimet mbi Dvoran si dhe kryhet verifikimi i rezervuarit dhe gjendjes së urave në territor.

Në njësinë Vithkuq, Filo bëri të ditur se ura që lidh Lubonjën me Rehovën është bërë e kalueshme dhe se ekipet vijojnë punimet në rrugën e Rehovës për garantimin e qarkullimit normal.

Në njësinë Voskop, ekskavatorët po punojnë në riparimin e argjinaturave të dëmtuara dhe fadroma po pastron dhe sistemon rrugën e varrezave në Voskop.

Në njësinë Drenovë sipas Filos është monitoruar situata e borës në Dardhë dhe niveli i lumenjve në zone, ndërsa në Qatrom është vënë në funksion një çezmë e re për furnizimin me ujë të banorëve.

Në njësinë Lekas, vazhdojnë punimet për hapjen dhe funksionalizimin e rrugës Tudas–Lavdar–Bozdovec–Mazrekë.

/m.q/a.f/

The post Filo: Reshjet, po punojmë në çdo njësi për vënien e situatës nën kontroll appeared first on Agjencia Telegrafike Shqiptare.

TIRANË, 22 nëntor /ATSH/ Kryetari i Bashkisë Korçë, Sotiraq Filo, bëri të ditur se gjatë javës së fundit qyteti u përball me një situatë të jashtëzakonshme atmosferike, ku në vetëm katër ditë ranë rreth 370 mm shi.

Sipas të dhënave të Shërbimit Meteorologjik Ushtarak, reshjet ishin: e martë 38 mm, e mërkurë 159 mm, e enjte 85.6 mm dhe e premte 85.8 mm, që përbën rreth 50% të reshjeve vjetore mesatare në rajonin e Korçës.

Megjithë këtë sasi ekstreme, kryetari Filo theksoi se dëmet në territor kanë qenë minimale, një arritje e mundur falë punës periodike për pastrimin dhe mirëmbajtjen e rrjetit të kanaleve kulluese, si dhe reagimit të shpejtë në ditët kritike.

“Kjo situatë do të kishte shkaktuar dëme të jashtëzakonshme pa përgatitjen dhe punën e bërë paraprakisht. Falënderoj të gjitha ekipet e bashkisë dhe qytetarët për bashkëpunimin, përgjegjshmërinë dhe angazhimin e treguar gjatë këtyre ditëve”, u shpreh Filo.

Ky menaxhim i mirë i situatës tregon rëndësinë e parapërgatitjes dhe koordinimit ndërinstitucional në përballimin e situatave emergjente natyrore.

/e.xh/a.f/

The post Filo: Situatë e jashtëzakonshme atmosferike, dëme minimale falë menaxhimit të mirë appeared first on Agjencia Telegrafike Shqiptare.

TIRANË, 10 nëntor /ATSH/ Agjencia Shqiptare e Zhvillimit të Investimeve (AIDA) dhe Organizata Ndërkombëtare e Punës (ILO) kanë nënshkruar sot një marrëveshje bashkëpunimi për institucionalizimin e programit SCORE, një nismë që synon rritjen e produktivitetit, konkurrueshmërisë dhe zbatimin e praktikave të përgjegjshme të biznesit në ndërmarrjet shqiptare, veçanërisht në sektorët e tekstilit dhe këpucëve.

Që prej fillimit të zbatimit në vitin 2023, programi SCORE ka mbështetur rreth 30 ndërmarrje, duke përmirësuar kushtet e punës për më shumë se 3,700 punonjës. Rezultatet e deritanishme përfshijnë: rritje të bashkëpunimit mes drejtuesve dhe punonjësve, standarde më të larta sigurie dhe higjiene në vendin e punës, si dhe rritje të produktivitetit përmes praktikave të punës së denjë (DecentWork).

Në bazë të marrëveshjes së re, AIDA do të udhëheqë zbatimin e programit SCORE në nivel kombëtar, ndërsa ILO do të vijojë ta mbështesë teknikisht dhe institucionalisht deri në vitin 2027.

Programi pritet të kontribuojë në përmirësimin e kushteve të punës dhe sigurisë, rritjen e bashkëpunimit mes punëdhënësve dhe punonjësve,  promovimin e konceptit të punës së denjë (Decent Work), dhe forcimin e pozicionit të ndërmarrjeve shqiptare në tregjet ndërkombëtare.

Bashkëpunimi realizohet në kuadër të projektit të përbashkët të OKB-së “Business Partnerships and Solutions for SDGs”, financuar nga Ambasada e Suedisë në Shqipëri dhe zbatuar nga UNDP, ILO, FAO dhe UNIDO.

Programi vjen në një moment kur ekonomia shqiptare po synon të përmirësojë pozicionin e saj në zinxhirët ndërkombëtarë të furnizimit, veçanërisht në sektorin tekstil‐këpucë. Përmirësimi i praktikave të punës nuk është vetëm domosdoshmëri sociale, por edhe element konkurrues në tregjet globale. Kur një ndërmarrje eksportuese është në gjendje të ofrojë produkte me cilësi të lartë, në kushte pune të sigurta, ajo fiton akses më të mirë në klientë ndërkombëtarë dhe partnerë biznesi.

Në këtë kuadër, institucionalizimi i programit SCORE nën drejtimin e AIDA‐s për të gjithë vendin do të mundësojë realizimin e efektit shkallë: më shumë kompan­i të përfshira, më shumë punonjës të përfituar dhe më shumë përfitime për ekonominë kombëtare – përmes rritjes së produktivitetit, rritjes së pagave, dhe përmirësimit të integrimit në tregjet ndërkombëtare.

Ndërmarrjet që operojnë në sektorin tekstil dhe këpucë janë të ftuara të aplikojnë për t’u përfshirë në programin SCORE, duke përfituar: trajnim dhe konsulencë të specializuar,
• certifikime ndërkombëtare, dhe asistencë për përmirësimin e praktikave të menaxhimit.

Me këtë marrëveshje, AIDA dhe ILO riafirmojnë angazhimin për ndërtimin e ndërmarrjeve konkurruese, gjithëpërfshirëse dhe të qëndrueshme, në dobi të punonjësve dhe të ekonomisë shqiptare.e.xh/j.p/

1 nga 6

The post AIDA-ILO, marrëveshje për zhvillimin e qëndrueshëm të ndërmarrjeve appeared first on Agjencia Telegrafike Shqiptare.

Këngëtarja e njohur shqiptare, Rovena Dilo, ka shkaktuar debat pas një deklarate të fortë lidhur me reperët dhe ndikimin e muzikës rap në shoqëri.

E ftuar në emisionin “Ftesë në 5”, Dilo shprehu shqetësimin e saj për atë që e përshkroi si një “zhanër provokativ”, i cili sipas saj mund të nxisë sjellje të rrezikshme dhe të polarizojë të rinjtë.

“Po të dëgjosh rap shqiptar, 50 për qind bëhen kriminelë,” tha Dilo, duke theksuar më tej se muzika duhet të shërbejë si “një mjet ushqyes, frymëzues, zbukurues”, dhe jo si një impuls drejt dhunës apo ekstremizmit.

Foto: YouTube

Ajo ngriti edhe një pyetje retorike për efektin që ka muzika: “Çfarë të frymëzon një reper: të marrësh një kallashnikov e të vrasësh, apo të hedhësh shampanjë në kokë?”.

Deklarata e artistes ka nxitur reagime të ndryshme në publik: disa e mbështesin shqetësimin e saj për mesazhet që mund të normalizojnë dhunën, ndërsa të tjerë e konsiderojnë të diskutueshme përgjegjësinë që ngarkon një zhanër të tërë për veprimet e individëve.

Për shkak të karrierës së gjatë dhe përvojës së madhe në skenë, fjala e Rovenës mbart peshë të veçantë dhe nxit diskutime të rëndësishme mbi ndikimin e artit dhe muzikës tek shoqëria.

- YouTube www.youtube.com

Ajo numëron këngë tejet të suksesshme dhe ka marrë pjesë në shumë kompeticione muzikore. /Telegrafi/

Këngëtarja e njohur Rovena Dilo ka ndezur diskutime pas një deklarate të fortë për reperët dhe ndikimin e muzikës rap në shoqëri. Teksa ishte e ftuar ne ‘Ftese ne 5’, Dilo shprehu shqetësimin e saj rreth asaj që e përshkroi si një “zhanër provokativ” që mund të nxisë sjellje të rrezikshme dhe të polarizojë të rinjtë.

“Po të dëgosh rep shqiptar, 50% bëhen kriminelë,” tha Dilo, duke shtuar se muzika duhet të jetë “një mjet ushqyes, frymëzues, zbukurues” dhe jo një impuls drejt dhunës apo ekstremizmit. Ajo ngriti pyetjen retorike se çfarë e frymëzon një reper të marrë një kallashnikov dhe të vrasë, apo të hedhi shampanjë në koke, si metaforë për dy reale të ndryshme që muzika mund të nxisë.

“Po të dëgjosh repin shqiptar, 50% bëhen kriminelë. Ky është frymëzimi që u jep. Muzika duhet të jetë një mjet ushqyes, frymëzues dhe zbukurues, ku të çon kjo? Ky zhanër është tepër provokativ. Çfarë të frymëzon një reper: të marrësh një kallashnikov e të vrasësh, apo të hedhësh shampanjë në kokë?”

Deklarata e artistes pritet të ndajë opinionin: disa mbështesin shqetësimin e saj për mesazhet që normalizojnë dhunën, të tjerë e konsiderojnë përgjegjësi të diskutueshme që penalizon të gjithë një zhanër për veprime të individëve. Në rrjete sociale, komente kanë shfaqur qasje të ndryshme nga mbrojtja e lirive artistike dhe nevoja për pasqyrimin e realitetit në art, deri tek thirrjet për më shumë përgjegjësi sociale nga artistët.

Muzika, përfshirë repin, mund të jetë reflektim i problemeve sociale (paboritet, varfëri, dhunë), por nuk është domosdoshmërisht shkaktar i sjelljeve kriminale.

The post Deklarata e Rovena Dilos: Po të dëgosh rep shqiptar, 50% bëhen kriminelë appeared first on iconstyle.al.

Në emisionin “Real Story” në ABC News, paneli i të ftuarve diskutuan mbi ndikimin në rënie të Albin Kurtit në skenën politike, si në Kosovë ashtu edhe në rajon. Analisti Skënder Minxhozi, ish-ministri i Jashtëm Paskal Milo dhe analisti Baton Haxhiu ndanë mendimet e tyre mbi gabimet strategjike të Kurtit, përplasjet me liderë të tjerë politikë si dhe ndikimin e tij në zhvillimet e fundit në Kosovë, Shqipëri dhe Maqedoninë e Veriut.

Sipas tyre, forca politike e Vetëvendosjes dhe vetë lideri i saj po përballen me një krizë serioze, ndërsa në horizont shihen zgjedhje të reja dhe një rikonfigurim i mundshëm politik në rajon.

Skënder Minxhozi: Kurti futi Vetëvendosjen në zgjedhjet shqiptare dhe e mori përgjigjen. Mori të mirëqene sikur faktin që kishte në Kosovë do e kishte edhe në Shqipëri. Kjo krijoi edhe përçarjen me Ramën. Impakti i Kurtit ka rënë dukshëm, me gjithë ndërhyrjen që ai tentoi të bënte në Maqedoni. Gjithë kjo forcë politike, pse nuk mundi që të bëjë një qeveri?! Nuk e do.

Paskal Milo: Unë besoj se muajt që kemi në vijim do të shënojnë një rënie të fuqisë së Kurtit si parti. Do të vijnë pas zgjedhjeve vendore, po shkohet pas zgjedhjeve parlamentare. Nuk besoj se do të ketë një zgjidhje tjetër. Nesër përfundon afati i Gjykatës Kushtetuese. Mendoj se do të shkohet tek zgjedhjet e presidentit dhe zgjedhjet parlamentare.

Baton Haxhiu: Kemi një njeri që është i sanksionuar individualisht. Nuk është problemi i institucioneve, por i vetë Kurtit. Është çështje e votuesve ata që vendosin. Duhet të pranojmë që në Kosovë kemi një prezencë serioze të islamizmit dhe është e frikshme dhe serioze. Albin Kurti është momentalisht jo përfaqësues i islamizmit, por mendon se është koka kundër të majtës së Shteteve të Bashkuara./abcnews.al

TIRANË, 13 shtator/ATSH/ Prej vitesh turizmi në Korçë ka njohur vetëm rritje. Edhe sezoni veror që lamë pas nuk bëri dallim nga ky trend, madje kryetari i bashkisë, Sotiraq Filo, pohoi për ATSH-në se pati një rritje të lartë krahasuar me vitin 2024.

Kryebashkiaku Filo tha se prej më shumë se një dekade, bashkia e Korçës e ka vendosur turizmin në prioritetet e saj, si një nga shtyllat e zhvillimit ekonomik dhe aktualisht nuk kemi të bëjmë më me një turizëm sezonal.

“Kjo është veçantia e Korçës. Ndryshe nga shumë destinacione të tjera shqiptare, Korça nuk ka vetëm sezon veror, ajo ka turizëm gjatë gjithë vitit”, u shpreh Filo.

Kryebashkiaku tha se ka programe dhe projekte të posaçme për promovimin, infrastrukturën, eventet dhe bashkëpunimet kulturore, të cilat e bëjnë Korçën një destinacion të qëndrueshëm e të dëshiruar për vizitorët vendas dhe të huaj.

Korça mbetet destinacioni i preferuar për vizitorët vendas, veçanërisht gjatë fundjavave. Por prej disa vitesh po vërehet një rritje të ndjeshme e vizitorëve nga vendet fqinje, si Maqedonia e Veriut dhe Greqia. Ndërkohë sipas të dhënave të bashkisë Korçë, çdo vit shtohet ndjeshëm numri i turistëve nga vende të tjera evropiane si Italia, Spanja, Franca, Suedia, Polonia dhe Gjermania.

Kryebashkiaku Filo tha se qyteti po tërheq vizitorë edhe nga tregje më të largëta, përfshirë Shtetet e Bashkuara dhe disa vende të Azisë, diversifikim i cili, sipas tij, e forcon imazhin e Korçës si një destinacion ndërkombëtar.

Vizitorët që mbërrijnë në qytet, kryesisht ndalen tek Pazari i Vjetër, Katedralja e Ringjalljes së Krishtit, Xhamia e Iljaz Bej Mirahorit dhe bulevardi “Republika”. Ata shfaqin kureshtje për arkitekturën karakteristike të ndërtesave historike.

“Rrethinat ofrojnë përvoja të pasura e të larmishme: Voskopoja, Boboshtica dhe Vithkuqi me kishat e vjetra, natyrën dhe traditat kulinare; Dardha me turizmin malor gjatë gjithë vitit; Pogradeci, Prespa, Maliqi e Kolonja, që kompletojnë mozaikun turistik të rajonit”, thotë për ATSH, kryebashkiaku Filo.

Më tej ai përmend një numër të madh institucionesh kulturore, pjesë e një trashëgimie të pasur që ky qytet ofron për vizitorët e tij si, Muzeu Kombëtar i Artit Mesjetar, një nga më të rëndësishmit në Ballkan; Muzeu i Arsimit dhe Muzeu i fotografisë “Gjon Mili”, që tërheqin veçanërisht të rinjtë dhe turistët e huaj; Muzeu Oriental “Bratko” dhe Galeria e Artit Digjital, unikale në Shqipëri. Gjithashtu, Qendra e Artit dhe Kulturës me aktivitetet dhe festivalet e saj është kthyer në një magnet për turistët, duke forcuar identitetin kulturor të qytetit.

I pyetur për aktivitetin më të afërt që pritet të sjellë një fluks të shtuar vizitorësh në Korçë, Sotiraq Filo u shpreh se qyteti po përgatitet të mirëpresë edicionin e radhës të “Korça Serenights”, me tri net të mbushura me muzikë, art dhe atmosferë magjike.

Pas suksesit që pati “Festa e birrës” dhe “Lumina Electronic Festival”, edhe aktiviteti i radhës pritet të tërheqë një numër të madh vizitorësh, duke i shtuar edhe më shumë gjallëri jetës kulturore e turistike të qytetit. /j.p/r.e/

The post Filo për ATSH-në: Turizëm gjatë gjithë vitit në Korçë, po shtohen vizitorët nga vendet fqinje appeared first on Agjencia Telegrafike Shqiptare.

Legjenda dhe ish-presidenti i Juventusit, Giampiero Boniperti, dikur tha: “Fitorja nuk është gjëja më e rëndësishme, është e vetmja gjë që ka rëndësi".

Kjo shprehje është bërë pjesë e ADN-së së klubit torinez. Dhe “Zonja e Vjetër” gjithmonë ka bërë gjithçka të mundshme – madje edhe të pamundurën – për të qëndruar në krye.

Megjithatë, vitet e fundit këto fjalë duken sikur janë marrë shumë fjalë për fjalë në zyrat e Continassas. Juventusi ka humbur sensin e vlerësimit për lojtarët që vërtet kanë dhënë kontributin e tyre, ndërsa numri i fitoreve ka rënë.

Ky material nuk synon të analizojë arsyet apo pasojat. Është thjesht një listë me lojtarë që janë larguar – me fakte dhe me fjalët e tyre.

Paulo Dybala (2015–2022)

Erdhi nga Palermo për 41 milionë euro, fitoi 12 trofe në 7 sezone dhe u largua si lojtar i lirë te Roma. Dybala deklaronte se ishte klubi që e largoi edhe pse ai kishte ëndërruar të qëndronte gjatë te Zonja e Vjetër.

“Në mars më njoftuan se nuk kishte më vend për mua në projekt. Nuk ishte çështje financiare, thjesht drejtim tjetër. Nuk ishte zgjedhja ime”, deklaroi argjentinasi.

Paulo Dybala telegrafi.com

Adrien Rabiot (2019–2024)

U transferua falas nga PSG, me një pagë të lartë. Pas pesë vitesh, Juventusi vendosi të mos e rinovonte.
“Thiago Motta më telefonoi, por Giuntoli nuk bëri asgjë për të më bindur. Nuk ndjeva se donin të ndërtonin diçka serioze”, deklaronte francezi.

Adrien Rabiot

Federico Chiesa (2020–2024)

Me kontratë aktive, por i përjashtuar nga planet e Thiago Mottas. Italiani te Liverpooli tregon se klubi nuk i ofroi rinovim.
“Nuk mora asnjë ofertë rinovimi. Më thanë para se të niste sezoni se nuk isha pjesë e projektit”, deklaroi Chiesa.

Federico Chiesa

Wojciech Szczesny (2017–2024)

Pas Buffonit u bë një nga portierët më të mirë të Serie A. Megjithatë, kontrata iu ndërpre. “Nuk e prisja të mos isha pjesë e projektit. E pranova vendimin, edhe pse nuk isha dakord”, deklaroi polaku.

Wojciech Szczesny

Danilo (2019–2025)

Kapiten dhe figurë kyçe. Edhe pse donte të qëndronte, klubi vendosi ndryshe. Danilo nuk ishte në planet e Thiago Mottas.
“Nuk ishte vendimi im. Gjithmonë kam qenë i gatshëm për Juventusin. Më vjen keq që nuk iu thashë lamtumirë tifozëve në stadium”, ka thënë braziliani.

Danilo

Dean Huijsen (2021–2024)

Produkt i Next Gen, i detyruar të largohej pas një huazimi te Roma. Ai tani është pjesë e Real Madridit, ndërsa Juventusi e shiti te Bournemouth. “Më bënë të stërvitesha veçmas. Doja një shans në ekipin e parë, por më thanë se duhej të largohesha”, deklaroi spanjolli.

Dean Huijsen

Samuel Mbangula (2020–2025)

I promovuar nga Motta, belgu u shit te Werder Bremen për 10 milionë euro. “Juventusi më tha se duhej të më shiste për fonde. Nuk ishte zgjedhja ime”, deklaronte pas largimit.

Samuel Mbangula

Matias Soule (2020–2024)

Pas një sezoni të madh te Frosinone, Roma pagoi 25 milionë euro për të. “Motta donte të më mbante, por klubi vendosi ndryshe. Nuk e prisja të largohesha nga Juventusi”, ka thënë argjentinasi.

Matias Soule

Juan Cuadrado (2015–2023)

U largua pa ceremoni pas 8 vitesh. Luajti te Interi dhe Fiorentina pastaj. Ishte nga të dashurit e tifozëve bardhezi.
“Doja të qëndroja. Klubi thjesht njoftoi në rrjete sociale se nuk do të rinovohej kontrata ime. Ishte e pakëndshme”, ishin fjalët e kolumbianit.

Juan Cuadrado

Sami Khedira (2015–2021)

Konflikt me klubin për prishjen e kontratës. U largua si lojtar i lirë te Hertha Berlin. Gjermani për gjashtë vite ishte prej më të mirëve.

Sami Khedira

Emre Can (2018–2020)

U la jashtë listës së Championsit dhe u ndje i tradhtuar. Ishte Maurizio Sarri që nuk e pëlqente lojën e tij dhe vendosi ta linte jashtë.
“PSG më donte, por vendosa të qëndroja. Juventusi më premtoi se do të isha në Champions, pastaj më përjashtuan”, deklaronte gjermani me prejardhje turke.

Emre Can

Gonzalo Higuain (2016–2020)

Pasi klubi mori Cristiano Ronaldon, argjentinasi u detyrua të largohej, fillimisht si huazim te Milani, pastaj te Chelsea. U ble për rekord nga Napoli. “Në thelb, thjesht u përjashtova. Nuk ishte zgjedhja ime”.

Gonzalo Higuain

Paul Pogba (2012–2016; 2022–2024)

Periudha e dytë u shënua nga lëndimet dhe çështja e dopingut. Juventusi e mori me bujë nga Man Utd, por Pogba nuk ishte më i vjetri. “Kërkova ndihmë nga klubi, por nuk ma dhanë. Ishte e dhimbshme të kuptoja se nuk ishin në anën time”, deklaronte francezi.

Paul Pogba

Përfundimi

Në Torino, historia tregon se askush nuk është i paprekshëm. Nga legjendat tek të rinjtë premtues, klubi ka treguar se është i gatshëm të ndajë rrugët në çdo moment, shpesh pa shumë ceremoni.

Vendimet kanë ardhur nën drejtimin e trajnerëve të ndryshëm – Andrea Pirlo, Maurizoi Sarri, Max Allegri, Thiago Motta – dhe drejtuesve si Andre Paratici apo Cristiano Giuntoli. /Telegrafi/

Në vitin 2022, Edi Rama ndërmori një aksion ku IKMT ushtroi kontrolle në kullat e Tiranës dhe kapi me shtesa pa leje ndërtuesit Pëllumb Salillari, Armand Lilo apo Julian Morina i njohur ndryshe si “Lul Morina”. Pavarësisht se e propagandoi me të madhe aksionin e atëhershëm, shtesat pa leje këta ndërtues abuziv i “ligjëruan” dhe […]

The post Rama harron Lilon, Salillarin e Morinën, paralajmëron listë të zezë për ndërtuesit që shkelin lejet appeared first on BoldNews.al.

TIRANË, 7 shtator /ATSH/ Festivali Mbarëkombëtar i Komedisë “KoKo Fest” përmbylli mbrëmë në Korçë në një atmosferë të jashtëzakonshme arti dhe emocionesh, edicionin e tij të 12-të.

Festivali ngjiti në skenë një program të larmishëm me shtatë shfaqje, ku morën pjesë trupa teatrore nga Shqipëria, Kosova dhe Italia.

Kryetari i Bashkisë së Korçës, Sotiraq Filo tha se “nata përmbyllëse u pasurua nga një ekspozitë karikaturash të artistit Ardi Karanxha, ndërsa mbrëmja artistike u mbyll në skenë me shfaqjen “Komedia e Zezë” nga Teatri “Bekim Fehmiu” i Prizrenit, duke vulosur fundin e këtij edicioni të paharrueshëm”.

Shfaqja “Vendi më i humbur në Shqipëri” nga Teatri “Aleksandër Moisiu” i Durrësit u shpall fituese e këtij edicioni, duke rrëmbyer plot pesë çmime: shfaqja më e mirë, regjia më e mirë për Andia Xhungën, aktori protagonist më i mirë për Gentian Zenelajn, aktori i ri më i mirë për Aleks Seitaj, si dhe çmimin e publikut.

Fitues të këtij edicioni të “KoKo Fest” janë:

Shfaqja më e mirë – “Vendi më i humbur në Shqipëri”

Regjia më e mirë – Andia Xhunga

Çmimi i karrierës – Gëzim Kame

Aktori protagonist më i mirë – Gentian Zenelaj

Aktorja më e mirë protagoniste – Zamira Kita, Olta Daku, Egla Ceno

Aktori më i mirë joprotagonist – Ylber Bardhi

Aktorja më e mirë joprotagoniste – Liridona Bytyqi

Artisti i ri më i mirë – Aleks Seitaj

Artisti i ri më i mirë – Endri Çela

Çmimi i publikut – “Vendi më i humbur në Shqipëri”

Kostumografia më e mirë – Sofia Kara

Skenografia më e mirë – Beqo Nanaj

Çmimi FresKOKO – Shfaqja Zullulandia

Kryebashkiaku i Korçës, shprehu edhe një falëndërim për trupën pjesëmarrëse të teatrove dhe publikut, që sipas tij edhe këtë vit e shndërruan Korçën në kryeqytetin e humorit dhe të komedisë.

Momente nga mbrëmja përmbyllëse e edicionit të 12-të të Festivalit Mbarëkombëtar të Komedisë “...

1 nga 15

/e.i//a.f/

The post “Vendi më i humbur në Shqipëri”, fitues i edicionit të 12-të të “KoKo Fest” appeared first on Agjencia Telegrafike Shqiptare.

TIRANË, 18 gusht/ATSH/ Korça mirëpriti nga 13-17 gusht “Festën e Birrës”, një event i përvitshëm që nxit turizmin në qytetin juglindor.

Kryetari i bashkisë së Korçës, Sotiraq Filo ndau në rrjetet sociale momentet më të bukura të natës së fundit të Festës së Birrës.

Në këtë mbrëmje performuan këngëtarët e njohur si Anxhela Peristeri, Fifi, Aurel Thëllimi, etj, të cilët elektrizuan atmosferën me këngët e tyre.

Në këtë festë gjatë 5 netëve morën pjesë mbi 10 mijë pjesëmarrës, ku festuan, kënduan dhe shijuan atmosferën e mrekullueshme të krijuar me këtë rast.

“Korça tregoi edhe një herë se di të presë, të argëtojë dhe të dhurojë emocione të paharrueshme”, tha Filo.

Festa e Birrës në Korçë është një nga ngjarjet më të mëdha festive në Shqipëri, që prej 19 vitesh mbledh mijëra vizitorë çdo gusht. E njohur për atmosferën unike, organizimin gjithnjë në rritje dhe ndikimin në turizëm, kjo festë është kthyer në një simbol të verës shqiptare. Edicioni i vitit 2025 shënon 19 vjet traditë e suksese.

1 nga 10

/k.s//a.f/

The post “Festa e birrës”, Filo: Korça mirëpriti mbi 10 mijë pjesëmarrës appeared first on Agjencia Telegrafike Shqiptare.

TIRANË, 13 gusht/ATSH/ Në prag nisjes së Festës së Birrës, në Korçë, kryetari i bashkisë, Sotiraq Filo tha se qyteti mirëpret mijëra vizitorë nga e gjithë Shqipëria dhe më gjerë.

“Të gjitha hotelet dhe bujtinat janë të rezervuara, ndërsa qyteti po përgatitet për Festën e Birrës që nis sonte”, shkroi kryebashkiaku Filo, në rrjetet sociale.

Në pamjet e publikuara online, shfaqen turistë të shumtë që po vizitojnë Korçën gjatë këtyre ditëve si dhe punonjës të disa prej hoteleve të qytetit të cilët rrëfejnë se dhomat janë të rezervuara në masën 80-90% dhe se fluksi pritet të shtohet.

Festa e Birrës, tashmë një aktivitet i përvitshëm, do t’i sjellë Korçës pesë netë festë, duke e kthyer qytetin në kryeqendrën e turizmit dhe argëtimit në Shqipëri.

Edhe ky edicion do të ketë një numër të madh artistësh të ftuar nga të gjitha trevat shqipfolëse. Sonte, Festa e Birrës do të nisë me këngëtarët Nora Istrefi, Giorgos Tsalikis dhe Juliana Pasha. Të tjerë emra të njohur që do të performojnë në netët në vazhdim do të jenë Anxhela Peristeri, Fifi, Aurel Thellimi, NRG Band, Triantafillos, Alban Skënderaj, Vesa Luma, Vedat Ademi etj. /j.p/

1 nga 5

The post Filo: Të gjitha hotelet e bujtinat të rezervuara, Korça gati për Festën e Birrës appeared first on Agjencia Telegrafike Shqiptare.

TIRANË, 5 gusht /ATSH/ Festivali i muzikës elektronike “Lumina Electronic” solli ritëm dhe atmosferë për të gjithë adhuruesit e muzikës elektronike.

Aktiviteti dëshmoi edhe një herë se Korça është jo vetëm një qytet i kulturës dhe historisë, por edhe i rinisë dhe energjisë së jashtëzakonshme.

Kryebashkiaku i Korçës, Sotiraq Filo e konsideroi këtë edicion të dytë të festivalit “Lumina”, si të jashtëzakonshëm.

Filo u shpreh se për dy net me radhë, parku “Rinia” u mbush me ritme elektrizuese, energji pafund dhe qindra të rinj që festuan muzikën moderne në një atmosferë që vetëm “Lumina” di ta krijojë.

“Ky edicion e forcoi më tej identitetin e festivalit si një nga eventet më të rëndësishme verore në Korçë, duke tërhequr vizitorë dhe adhurues të muzikës elektronike nga e gjithë Shqipëria dhe rajoni”, tha Filo, në një postim në rrjetet sociale.

Të rinj vendas dhe turistë të huaj u entuziazmuan, në një atmosferë që vështirë të përshkruhet me fjalë.

Lumina Electronic Festival është tashmë një traditë që do të vazhdojë çdo vit, me synimin për të rritur edhe më shumë ndikimin kulturor dhe turistik të Korçës, si një destinacion festash bashkëkohore dhe përjetimesh unike.

/e.i//r.e/

The post Festivali “Lumina”, atmosferë elektrizuese për adhuruesit e muzikës elektronike appeared first on Agjencia Telegrafike Shqiptare.

 

View this post on Instagram

 

A post shared by Sotiraq Filo (@sotiraqfilo)

TIRANË, 25 korrik/ATSH/ Korça në verë është një ndjesi e freskët, e qetë, mbushur me aromë lulesh dhe kujtimesh.

Shtëpitë karakteristike, rrugicat me kalldrëm dhe historia që ndihet në çdo hap e bëjnë këtë qytet gjithmonë të veçantë.

Kryebashkiaku i Korçës, Sotiraq Filo, publikoi në rrjetet sociale pamje nga rrugicat karakteristike të “qytetit të serenatave”, me kalldrëmet e pastra, portat e vjetra që ia shtojnë hijeshinë dhe oborret plot lule që rrëfejnë për vëmendjen e korçarëve ndaj së bukurës. Ai e cilësoi Korçën, një qytet i cili përmirësohet çdo ditë, por pa humbur kurrë shpirtin që e bën kaq të dashur.

Pikërisht sot, në Korçë, nis aktiviteti i shumëpritur sidomos prej të rinjve, festivali i muzikës elektronike Lumina.

“Qyteti ynë bëhet skenë e ritmit dhe dritës, aty ku muzika elektronike takohet me natyrën, nën qiellin e hapur të Parkut Rinia”, shkroi Filo duke i rikujtuar korçarëve por edhe vizitorëve të shumtë, këtë ngjarje që do të zhvillohet për dy net rresht 25 dhe 26 korrik dhe ku hyrja do të jetë pa pagesë.

Me festivalin Lumina, Korça bëhet zemra e ritmit, dritës dhe magjisë, duke ftuar të rinj e të reja nga e gjithë Shqipëria dhe më gjerë, për të përjetuar një atmosferë unike dhe për të zbuluar një tjetër dimension të Korçës. /j.p/

1 nga 5

The post Festivali i muzikës elektronike Lumina, Filo: Korça, skenë e ritmit dhe dritës appeared first on Agjencia Telegrafike Shqiptare.

Në vitin 2022, Edi Rama ndërmori një aksion ku IKMT ushtroi kontrolle në kullat e Tiranës dhe kapi me shtesa pa leje ndërtuesit Pëllumb Salillari, Armand Lilo apo Julian Morina i njohur ndryshe si “Lul Morina”. Pavarësisht se e propagandoi me të madhe aksionin e atëhershëm, shtesat pa leje këta ndërtues abuziv i “ligjëruan” dhe […]

The post Pasi “fali” Salillarin, Lul Morinën e Lilon, Rama paralajmëron “listë të zezë” me ndërtuesit abuzivë appeared first on BoldNews.al.