Një aksident i rëndë hekurudhor ka ndodhur në Spanjë, në linjën e trenave të shpejtësisë së lartë që përshkon rajonin e Andaluzisë.

Disa vagonë të një treni kanë dalë nga shinat dhe kanë goditur ballë për ballë një tren që po vinte nga drejtimi kundërt, duke shkaktuar një tragjedi me pasoja të rënda njerëzore.

Sipas bilancit të parë zyrtar të autoriteteve, të paktën 39 persona kanë humbur jetën. Megjithatë, Ministria e Shëndetësisë e Qeverisë së Andaluzisë ka bërë me dije se numri i viktimave mbetet “i papërcaktueshëm”, për shkak të vështirësive në ndërhyrje në tre vagonë që kanë përfunduar në një argjinaturë. Shërbimet e emergjencës dhe dëshmitë e pasagjerëve, të cituara nga mediat, flasin për rreth 100 të plagosur, disa prej tyre në gjendje shumë të rëndë, si dhe për persona që ende rezultojnë të bllokuar mes rrënojave metalike.

Në aksident janë përfshirë një tren i kompanisë Iryo, i nisur nga Malaga dhe me destinacion Madrid Puerta de Atocha, si dhe një tren i kompanisë Alvia, i drejtuar për në Huelva, në Andaluzia.

Ministri spanjoll i Transportit, Oscar Puente, ka deklaruar në rrjetin social X se vagonët e fundit të trenit Iryo kanë dalë nga shinat duke pushtuar binarin e kundërt, ku në atë moment po qarkullonte treni i Renfe-s për në Huelva. “Përplasja ka qenë e tmerrshme dhe ka shkaktuar përmbysjen e dy vagonëve të parë të trenit të Renfe-s. Prioriteti kryesor tani është shpëtimi i viktimave”, ka shkruar ai. Aksidenti ka ndodhur mbrëmjen e sotme pranë lokalitetit Adamuz, në provincën e Kordobës.

Si pasojë e tragjedisë, shërbimi i trenave të shpejtësisë së lartë mes Andaluzisë jugore dhe Madridit do të mbetet i pezulluar të paktën gjatë gjithë ditës së hënë. Lajmin e ka konfirmuar operatori i infrastrukturës hekurudhore Adif, i cili njofton se linjat Madrid–Kordobë, Sevilje, Malaga dhe Huelva do të jenë jashtë funksionit. Sipas burimeve të Adif, rikthimi i plotë i infrastrukturës mund të zgjasë 48 deri në 72 orë.

Kompania Iryo ka bërë të ditur se ka aktivizuar të gjitha protokollet e emergjencës, ndërsa pasagjerët e dy trenave të përfshirë janë evakuuar. Ndërkohë, ekipet e shpëtimit vijojnë kërkimet për viktima apo të mbijetuar të mundshëm mes vagonëve të shkatërruar.

The post Tragjedi hekurudhore në Spanjë, 39 numri i viktimave pas përplasjes së dy trenave appeared first on Albeu.com.

Një aksident i rëndë ka ndodhur pak çaste më parë te Ura e Dajlanit, ku një automjet tip BMW X5 ka dalë nga rruga dhe ka rëne nga ura në një lartësi rreth 30 metra, duke perfunduar poshtë saj.

Sipas informacioneve paraprake, nje vajze ka humbur jetén ne vend, ndersa shoferi, një i ri, ndodhet në giendje kritike dhe është transportuar me ambulancë drejt spitalit, duke qenë ende me shenja jete.

Në vendngjarje kanë mbërritur forcat zjarrfikëse, të cilat kanë ndërhyrë për të nxjerrë të aksidentuarin nga mjeti i shkatërruar plotësisht. Poshtë urës ndodhet një dyqan lulesh, por fatmirësisht nuk raportohet per persona te tjerë të lënduar.

Policia ndodhet ne vendngjarje dhe ka nisur hetimet për të zbardhur rrethanat e aksidentit. Identiteti i viktimes dhe i të plagosurit ende nuk dihet.

Paraprakisht dyshohet se aksidenti mund te ketë lidhje me punimet e fundit në Urën e Dajlanit, ku nje korsi ka qenë e bllokuar, duke shkaktuar trafik te renduar ne zone, deri ne hyrje te Portit te Durresit.

Durrës / Informacion paraprak

Rreth orës 22:15, të datës 15.01.2026, te ura e Dajlanit, ne lagjen nr. 4, automjeti me drejtues shtetasin A. Xh., 26 vjeç, banues ne Fier, ka rënë nga mbikalimi.

Si pasoje e aksidentit, ka nderruar jeté pasagjerja, shtetasja V.

G., 18 vjeçe, ndersa janë demtuar drejtuesi i automjetit, shtetasi A. Xh., si dhe dy kembësorë, shtetasit T. T., 33 vjeg, dhe A. M., 35 vjes, të cilët ndodhen në spital nën kujdesin e mjekëve. Grupi hetimor ndodhet në vendngjarje dhe po punon për sqarimin e plotë te rrethanave dhe shkaqeve të aksidentit.

Një grua rreth 44 vjeçe ka humbur jetën këtë të shtunë, më 3 janar, në fshatin Selitë-Mal, në zonën e Zall Bastarit, në Tiranë. Sipas informacioneve paraprake, dyshohet se ajo është marrë nga rrjedha e lumit gjatë një tentative për ta kaluar atë.

“Në fshatin Selitë-Mal, Zall Bastar, dyshohet se gjatë tentativës për të kaluar lumin, shtetasja B. P., rreth 44 vjeçe, është marrë nga rrjedha e tij dhe për pasojë ka humbur jetën.”, bën me dije policia.

Trupi i pajetë i 44-vjeçares është gjetur dhe është nxjerrë nga lumi, ndërsa në vendngjarje kanë mbërritur shërbimet e Policisë dhe grupi hetimor.

Autoritetet po kryejnë veprimet e nevojshme hetimore për të sqaruar plotësisht rrethanat e ngjarjes./tv klan

Ambasada zvicerane në Tiranë ka reaguar për ngjarjen e rëndë të ndodhur në Crans Montana në Zvicër, ku si pasojë e zjarrit në një bar humbën jetën 40 të rinj, dhe u plagosën rreth 115 të tjerë.

Duke e cilësuar një nga tragjeditë më të këqija që ka përjetuar vendi, gjithashtu ambasada zvicerane në Shqipëri shpreh ngushëllime për familjet dhe uron shërim të shpejtë për të plagosurit.

Reagimi

Në këtë fillim të Vitit të Ri, ndalemi për të kujtuar 40 të rinjtë që humbën jetën në një zjarr shkatërrues gjatë festimeve në Crans Montana, Zvicër.

Falënderime të sinqerta të gjithë atyre që kanë shprehur ngushëllimet dhe solidaritetin e tyre.

Një ngjarje tragjike është regjistruar natën e ndërrimit të viteve në një prej lokaleve të një resorti luksoz skijimi në Crans-Montana, Zvicër, ku të paktën 47 persona kanë humbur jetën dhe rreth 100 të tjerë kanë mbetur të plagosur.

Flakët përfshinë diskotekën “Le Costellation”, ku qindra të rinj po festonin ardhjen e Vitit të Ri. Mediat ndërkombëtare raportojnë se zjarri dyshohet të jetë shkaktuar nga fishekzjarrë të vendosur në shishe shampanje, të cilët u ndezën shumë pranë tavanit të ulët prej druri.

Ende nuk janë zbuluar identitetet e të gjitha viktimave dhe nuk dihet numri i saktë i personave që ndodheshin në lokal në momentin e tragjedisë.

Sipas një dëshmie okulare të raportuar nga Daily Mail, zjarri duket se ka nisur kur një kamerier, i cili po kërcente mbi supet e një kolegu, mbante një fishekzjarr të ndezur, si ata që përdoren në tortat e ditëlindjes, shumë pranë tavanit.

“U afrua shumë pranë tavanit dhe brenda pak minutash gjithçka u përfshi nga flakët”, tha gruaja që ndodhej në vendngjarje, duke përshkruar momentet para shpërthimit.

Një tjetër grua që arriti të shpëtonte tregoi panikun që pasoi:

“Shkallët e daljes nga klubi i natës ishin jashtëzakonisht të ngushta. Njerëzit shtyheshin në turma. Ne arritëm të dilnim në minutën e fundit.”

Fakti që zjarri nisi në bodrumin e barit u konfirmua nga kreu i policisë lokale, Frederick Giesler, i cili theksoi se më pas u krijua një kaos i madh, ndërsa klientët përpiqeshin me dëshpërim të shpëtonin përmes shkallëve të vetme që çonin në katin përdhes dhe jashtë objektit.

Një tjetër dëshmitare okulare, Emma, tha se zjarri shpërtheu pasi njerëzit filluan të festonin duke mbajtur shishe shampanje me fishekzjarrë të ngulur brenda.

Ndërkohë, disa dëshmitarë pretendojnë se fillimisht u dëgjuan shpërthime të fuqishme dhe më pas flakët u përhapën me shpejtësi të pazakontë. Autoritetet po vijojnë hetimet për të zbardhur shkaqet reale të kësaj tragjedie të rëndë, që ka lënë dhjetëra viktima me kombësi të ndryshme.

The post Tragjedia në Zvicër, rreth 47 të rinj humbën jetën nga flakët në një klub luksoz skijimi, mbi 100 të plagosur rëndë! Flasin dëshmitarët që panë ‘ferrin’ me sy appeared first on Albeu.com.

Një ngjarje tragjike është shënuar sot në Greqi, ku vëlla dhe motër janë gjetur të pajetë në shtëpinë e tyre. Sipas raporteve të bëra të mediave lokale, viktimat janë një burrë rreth 73 vjeç dhe një grua 65 vjeç, të cilët u gjetën pa shenja jete në banesën e tyre. Hetimet e para po përqendrohen në mundësinë që vdekjet të jenë shkaktuar nga tymi i një sobe, e cila përdorej për ngrohje.

Forcat e policisë mbërritën shpejt në vendngjarje, duke rrethuar zonën për të nisur veprimet hetimore dhe për të siguruar prova. Po ashtu, ekspertët mjeko-ligjorë janë angazhuar për të kryer një autopsi dhe për të përcaktuar shkakun e saktë të vdekjes së dy viktimave. Sipas informacionit të para, nuk ka shenja të dhunës apo të ndonjë krimi të mundshëm.

Në këtë fazë, hetuesit po shqyrtojnë mundësinë e një aksidenti nga mbingarkesa e sobës ose një problem tjetër me sistemin e ngrohjes, që mund të ketë shkaktuar helmim nga tymi i padukshëm. Familjarët dhe të afërmit e viktimave janë në gjendje të rënduar pas këtij ngjarjeje të papritur dhe të trishtë.

Autoritetet greke kanë bërë thirrje për durim derisa të mbarojnë hetimet dhe të përcaktohen shkaqet e vërteta të vdekjes.

The post Tragjedi në familje/ Vëlla e motër gjenden të pajetë në shtëpinë e tyre appeared first on Albeu.com.

Tre anëtarë të një familjeje mes tyre edhe një foshnjë njëvjeçare, humbi jetën si pasojë e shembjes së një ndërtese në Soweto, në perëndim të Johanesburgut, në orët e para të mëngjesit të së dielës (28 dhjetor). Sipas autoriteteve lokale dhe shërbimeve të emergjencës, tre persona të tjerë mbetën të plagosur, ndërsa gjashtë persona ndodheshin […]

The post Tragjedi në Afrikën e Jugut, shembja e një ndërtese i merr jetën 3 personave të një familjeje appeared first on BoldNews.al.

Një tragjedi e madhe ka ndodhur në Pietracatella, një qytet në provincën e Campobasso në Itali, ku një vajzë 15-vjeçare dhe nëna e saj humbën jetën brenda pak orësh nga njëra-tjetra. Dyshimet e para lidhen me një helmim të mundshëm nga ushqimi, pasi familja kishte konsumuar peshk dhe ushqime deti gjatë festave të Krishtlindjeve. Vajza, Sara Di Vita, ndërroi jetë të shtunën në mbrëmje, ndërsa nëna, Antonella Di Ielsi, vdiq disa orë më vonë, në mëngjesin e së dielës.

Po ashtu, edhe babai i vajzës, 55 vjeç, ndodhet ende i shtruar në spital me simptoma të ngjashme, ndërsa motra 20-vjeçare e familjes mbeti e shëndoshë. Pas konsumimit të ushqimeve, të gjithë anëtarët e familjes filluan të ndiheshin keq dhe u drejtuan në urgjencë. Megjithatë, ata u kthyen në shtëpi pasi situata nuk dukej e rëndë. Më pas, gjendja shëndetësore e vajzës dhe nënës u përkeqësua ndjeshëm, dhe pas disa orësh ata humbën jetën.

Prokuroria ka urdhëruar kryerjen e autopsisë për të zbardhur shkakun e vdekjes. Deri tani, dyshohet se helmimi nga ushqimi mund të ketë shkaktuar këtë tragjedi, megjithatë, autopsia do të sqarojë nëse ka pasur ndonjë intolerancë të rëndë ndaj ushqimit. Kryetari i bashkisë së Pietracatella-s, Antonio Tommasone, ka shprehur ngushëllimet e tij dhe të qytetit për këtë humbje të madhe.

The post Tragjedia në Itali: Vajza 15-vjeçare dhe nëna e saj humbin jetën pas helmimit nga ushqimi appeared first on iconstyle.al.

Një aksident trafiku ka ndodhur në Meksikë, ku kanë mbetur të paktën 8 persona të vdekur dhe 19 të plagosur, pjesa më e madhe e tyre pasagjerë. Një autobus ra nga një lartësi prej 180 metrash në një argjinaturë në shtetin e Veracruz. Më konkretisht, autobusi ishte plot me njerëz në kohën e aksidentit dhe […]

The post Tragjedi në Meksikë, autobusi bie 180 metra në humnerë, 8 të vdekur dhe 19 të plagosur! appeared first on BoldNews.al.

Një tjetër tragjedi e rëndë është regjistruar në Mesdheun Qendror. Sipas organizatës joqeveritare Sea-Watch, plot 116 persona kanë humbur jetën në një anije e mbytur që ka ndodhur së fundmi. Sipas të dhënave të bëra publike, vetëm një person ka mbijetuar, i cili u shpëtua nga një peshkatar tunizian. Viktimat ishin nisur me anije të […]

The post Tragjedi në Mesdhe, 116 emigrantë humbin jetën nga mbytja e anijes appeared first on BoldNews.al.

Mbrëmjen e djeshme, një tragjedi në familje ka ndodhur në Lezhë, ku një 42-vjeçar u gjet i pajetë në dyqanin e tij me vegla pune.

Policia njofton se shtetasi A. M., 42-vjeç, banues në fshatin Lalm, Lezhë, ka vdekur dhe dyshohet se vdekja ka qenë natyrale.

Por, nëna e tij, kur ka mësuar lajmin e rëndë,në gjendje të rënduar psikologjike dyshohet se ka varur veten. Ajo u gjet e pajetë nga familjarët në ambientet e banesës në fshatin Lalm i Ri, Lezhë.

Lezhë/Informacion paraprak:

Rreth orës 19:30 të mbrëmjes së djeshme, në lagjen Gurra, Lezhë, në dyqanin e tij me vegla pune, është gjetur pa shenja jete shtetasi A. M., 42-vjeç, banues në fshatin Lalm, Lezhë. Nga veprimet e para hetimore nuk janë konstatuar shenja dhune dhe paraprakisht dyshohet se vdekja ka ardhur për shkaqe natyrale.

Ndërkohë, dyshohet se nëna e tij, shtetasja P. M., 72-vjeçe, pas marrjes së lajmit për humbjen e jetës së djalit të saj, në gjendje të rënduar psikologjike, dyshohet se ka varur veten e cila u gjet e pajetë nga familjarët në ambientet e banesës në fshatin Lalm i Ri, Lezhë.

Trupat e pajetë janë dërguar në Institutin e Mjekësisë Ligjore në Tiranë, për kryerjen e ekspertizës mjekoligjore dhe përcaktimin e saktë të shkakut të humbjes së jetës.

The post Tragjedi në Lezhë/ I biri u gjet pa shenja jete brenda biznesit, nëna nuk duron dot dhimbjen dhe vret veten appeared first on Albeu.com.

Të paktën 10 persona humbën jetën dhe 20 të tjerë mbetën të plagosur pasi një autobus që transportonte nxënës të shkollës së mesme ra nga një shkëmb në një zonë rurale të Kolumbisë veriore. Sipas mediave të huaja autobusi po udhëtonte nga qyteti i Tolu-s drejt Medellínit, pas një ekskursioni shkollor, dhe transportonte nxënës të Shkollës së […]

The post Tragjedi në Kolumbi/ Autobusi me nxënës bie në humnerë, humbin jetën 10 persona appeared first on BoldNews.al.

Hong Kongu po voton sot për të zgjedhur ligjvënësit e rinj vendorë sipas rregullave të vendosura nga Pekini në vitin 2021, me përpjekjet e autoriteteve vendore për të inkurajuar pjesëmarrjen që shihen si të zhdukura nga zjarri më vdekjeprurës që ka pësuar metropoli në dekada.

Qytetarët e ish-kolonisë britanike, e cila iu rikthye Kinës në vitin 1997 dhe tani është një rajon i veçantë administrativ dhe metropol financiar, po thirren në votime nga ora 07:30 (ora 01:30 sipas kohës greke) për të zgjedhur 90 anëtarët e këshillit legjislativ të Hong Kongut vetëm 20 nga vendet vendosen me votim të drejtpërdrejtë.

Deri në mesditë, pjesëmarrja ishte 10.33%, nga 9.35% në zgjedhjet e mëparshme katër vjet më parë.

“Vota juaj është një votë që do të çojë përpara reformat dhe do të mbrojë ata që preken nga fatkeqësitë”, u tha gazetarëve kreu ekzekutiv vendor, John Lee, pasi hodhi votën e tij, duke u bërë thirrje bashkëqytetarëve të bënin të njëjtën gjë.

Fushata zgjedhore u ndërpre papritur kur shkalla e shkatërrimit në kompleksin 30-katësh të apartamenteve Wang Ful Court në pjesën veriore të qytetit u bë e qartë më 26 nëntor. Fatkeqësia mori 159 jetë. Disa banorë thanë se do të donin që “politikanët” të mbaheshin përgjegjës. Një banore tha se shpresonte për një “hetim të plotë” dhe që këshilli i ardhshëm legjislativ të “mbikëqyrte” ekzekutivin. Një tjetër banore e Tai Po , një mësuese 56-vjeçare, tha se përparësia kryesore e qeverisë duhet të jetë sigurimi i strehimit të përballueshëm dhe se ligjvënësit “duhet të takohen shpesh me qytetarët për të marrë mendimet e tyre”.

Të mërkurën në mbrëmje, policia arrestoi 15 persona, punëtorë dhe drejtues të kompanive të ndërtimit, të cilët përballen me akuza për vrasje serike. Policia arrestoi gjithashtu, sipas raportimeve të medias, të paktën tre persona të akuzuar për “kryengritje”, përfshirë Miles Kwan, një student 24-vjeçar i cili po shpërndante fletëpalosje duke kërkuar që qeveria të mbante përgjegjësi. I riu u lirua më vonë nga një stacion policie.

Shërbimi Shtetëror i Sigurisë së Hong Kongut (OSNS) i Kinës thirri përfaqësuesit e mediave ndërkombëtare, përfshirë AFP-në, për t’i informuar të mërkurën, duke kritikuar mediat e huaja për përhapjen e lajmeve të rreme në mbulimin e tyre.

Agjencia “nuk do të tolerojë asnjë veprim nga elementët anti-Kinë dhe shkaktarët e problemeve në Hong Kong”, tha ajo në një deklaratë.

The post Tension dhe dhimbje/ Hong Kongu shkon në zgjedhje pas tragjedisë së fundit appeared first on iconstyle.al.

Një ngjarje e rëndë ka tronditur një komunitet në Tenesi të SHBA-së, ku një gjysh 50-vjeçar dhe mbesa e tij vetëm 3 muajsh u gjetën të vdekur brenda shtëpisë, pasi u sulmuan nga tufa e qenve të familjes. Autoritetet thanë se qentë, të racës pit bull, kishin krijuar më herët shqetësime në zonë për shkak të sjelljeve agresive.

Policia u thirr në vendngjarje të mërkurën pasdite, ku hasi në një situatë tepër të rrezikshme: të shtatë qentë iu vërsulën oficerëve, duke i detyruar ata t’i neutralizonin për të arritur te viktimat. Fatkeqësisht, kur policia hyri në shtëpi, 50-vjeçari James Alexander Smith dhe mbesa e tij 3-muajshe ishin tashmë pa shenja jete.

Lagjja ka mbetur në tronditje të thellë. Fqinjët pohojnë se qentë kishin shfaqur agresivitet edhe më parë. Brian Kirby, banor i afërt, rrëfeu se vetëm një javë më parë të njëjtët qen kishin vrarë macen e tij. Ai tregon se e gjeti nënën e foshnjës duke vrapuar e plagosur në rrugë dhe duke kërkuar ndihmë. “Nuk besoja kurrë se do të arrinin të sulmonin njerëz. Kjo është tragjedi që mund të ishte shmangur”, tha Kirby.

Edhe banorja Rebecca Adams konfirmon se qentë shpesh thyenin gardhin dhe sulmonin kafshë në lagje. Sipas saj, të nesërmen e ngjarjes, lagjja ishte e mbushur me dhimbje e pasiguri.

Autoritetet po vazhdojnë hetimet, ndërsa komuniteti kërkon masa më të forta për menaxhimin e qenve të rrezikshëm dhe përgjegjësinë e pronarëve ndaj tyre.

The post Tragjedi në Tenesi: Gjyshi dhe foshnja 3-muajshe humbin jetën pas sulmit nga qentë e familjes appeared first on iconstyle.al.

Një ngjarje e rëndë ka ndodhur gjatë pasdites së sotme në një banesë sociale të Bashkisë Librazhd, ku një grua endacake e strehuar nga bashkia aty ka vënë pa vetëdije zjarrin në ambientet e shtëpisë.

Personi, i cili vuante nga probleme të shëndetit mendor, dyshohet se ka shkaktuar zjarrin në mënyrë të pavetëdijshme.

Në momentet kur flakët nisën të përhapen me shpejtësi, Shërbimi i Mbrojtjes nga Zjarri dhe Shpëtimit ndërhyri menjëherë.

Dy mjete zjarrfikëse dhe nëntë efektivë u angazhuan në operacion, duke mbërritur në kohë rekord në vendngjarje. Reagimi profesional i tyre bëri të mundur neutralizimin e flakëve dhe parandalimin e përshkallëzimit të situatës.

Fatmirësisht, nuk ka të lënduar, ndërsa dëmet materiale raportohen të jenë të konsiderueshme.

Në vendngjarje ishin gjithashtu të pranishme forca të shumta policore, të cilat garantuan perimetrin e sigurisë dhe po vijojnë hetimet për dokumentimin e plotë të ngjarjes.

Autoritetet theksojnë se rasti lidhet me zjarrvënie të pavetëdijshme, për shkak të gjendjes shëndetësore të personit të strehuar në banesë.

The post Prag tragjedie në Librazhd/ Bie zjarr në një banesë sociale appeared first on Albeu.com.

Një tragjedi e rëndë ka tronditur komunitetin në Itali, ku një nënë ka vrarë djalin e saj nëntëvjeçar në qytetin Muggia, në provincën e Triestes. Gruaja, e identifikuar nga mediat lokale si 55-vjeçarja ukrainase Stasiuk Olena, dyshohet se ka kryer aktin e tmerrshëm duke i prerë fytin djalit me një thikë të madhe kuzhine, përpara se të përpiqej të dëmtonte vetveten.

Policia u thirr në vendngjarje nga babai i të miturit, i cili ishte i ndarë nga gruaja dhe kishte shprehur shqetësim për sigurinë e djalit pasi nuk mundi ta kontaktonte. Oficerët gjetën trupin e fëmijës në dyshemenë e banjës dhe e morën gruan në paraburgim. Thuhet se djali kishte ndërruar jetë disa orë para se të mbërrinte policia.

Mediat raportojnë se Olena kishte qenë nën vëzhgim të gjykatave dhe shërbimeve të shëndetit mendor, dhe se kjo mund të ketë qenë një nga herët e para që ajo dhe djali mbetën vetëm së bashku. Hetimet janë duke vazhduar për të sqaruar rrethanat e sakta të ngjarjes dhe motivet pas këtij akti.

Ngjarja ka lënë komunitetin në tmerr dhe shqetësim, ndërsa autoritetet lokale theksojnë rëndësinë e mbështetjes për familjet në krizë dhe monitorimin e rasteve të shëndetit mendor për të parandaluar tragjedi të ngjashme.

The post HORROR! Nëna vret djalin e saj 9-vjeçar me thikën e kuzhinës appeared first on iconstyle.al.

Një ngjitje malore në Alpet italiane ka përfunduar në tragjedi, pasi pesë alpinistë gjermanë humbën jetën nga një ortek në rajonin e Tirolit Jugor, pranë kufirit me Zvicrën. Ngjarja ndodhi të shtunën pasdite, në majën Cima Vertana, në masivin Ortler, në një lartësi mbi 3,500 metra.

Pasi orteku goditi grupin e alpinistëve, tre persona, dy burra dhe një grua, u gjetën të vdekur fillimisht. Pas kërkimeve të intensifikuara, të dielën në mëngjes u lokalizuan trupat e dy viktimave të tjera, një baba dhe vajza e tij 17-vjeçare, të cilët kishin rënë rreth 200 metra poshtë shtresave të akullit dhe dëborës.

Dy alpinistë të tjerë që ndodheshin më përpara, mundën të mbijetonin dhe dhanë alarmin. Ata u transportuan në spital në Bolzano në gjendje shoku, por pa dëmtime të rënda. Shërbimet alpine italiane, duke përdorur helikopterë, dronë dhe pajisje termike, vazhduan kërkimet deri kur u gjetën edhe dy trupat e fundit.

Ndërkohë, autoritetet italiane ende nuk kanë mundur të sqarojnë shkakun e shkëputjes së ortekut, ndërsa mbetet e paqartë pse alpinistët qëndruan në zonë në një orar të vonë, kur kushtet atmosferike ishin të pafavorshme.

Ky incident ka ngritur shqetësime të reja për sigurinë e ngjitjeve malore, duke theksuar rëndësinë e vlerësimit të kushteve atmosferike dhe të qëndrimit në zona të rrezikshme.

The post Pesë alpinistë gjermanë vdesin nga orteku në Alpet italiane appeared first on iconstyle.al.

BEOGRAD, 1 nëntor/ATSH/- Mijëra njerëz u mblodhën të shtunën në qytetin e dytë më të madh të Serbisë, Novi Sad, për t’i përkujtuar viktimat e shembjes fatale të çatisë së stacionit hekurudhor, duke shënuar një vit nga tragjedia që ndezi protestat më të mëdha në dekada.

Njerëzit vendosën lule dhe qirinj përgjatë gardhit të përkohshëm pranë hyrjes së dëmtuar të stacionit, ku 16 njerëz humbën jetën kur çatia u shemb më 1 nëntor 2024.

Dhjetëra mijëra njerëz morën pjesë në përkujtimet që filluan në stacion në orën 11:52 paradite – në të njëjtën orë kur ndodhi tragjedia.

Ata gjithashtu mbajtën 16 minuta heshtje në nderim të 16 viktimave.

Që nga ajo ditë, Serbia është përballur me protesta të rregullta të udhëhequra nga studentët.

Fillimisht, protestuesit kërkuan hetim transparent, por më pas thirrjet e tyre u zgjeruan në kërkesa për zgjedhje të parakohshme.

Studentë dhe qytetarë të tjerë kanë mbërritur në Novi Sad që nga e premtja, me makina, biçikleta apo në këmbë.

Mijëra njerëz të tjerë marshuan drejt Novi Sadit nga Beogradi – rreth 100 kilometra – dhe nga Novi Pazari, rreth 340 kilometra në jug të kryeqytetit. U deshën simbolikisht 16 ditë – në nderim të 16 viktimave – që ta përfundonin marshimin.

Të premten mbrëma, banorët e Novi Sad dolën në rrugë për t’i pritur marshuesit, duke fishkëllyer dhe valëvitur flamuj, shumë prej tyre të prekur emocionalisht.

“Erdha të përulem para forcës më të madhe në botë sot: studentëve tanë, rinisë sonë”, tha Ratko Popoviç nga rajoni i Novi Sadit.

Protestat e vazhdueshëm bënë që kryeministri të jepte dorëheqje, rrëzimin e qeverisë dhe formimin e një të reje. Por, presidenti Aleksandar Vuçiç ka qëndruar në detyrë.

Delegacioni i BE-së në Serbi lëshoi ​​një deklaratë duke shprehur ngushëllimet më të thella dhe solidaritetin e sinqertë me familjet dhe të dashurit e 16 personave që vdiqën si pasojë e shembjes së tendës në stacionin hekurudhor të Novi Sadit një vit më parë, gjë e cila çoi në protesta gjithë popullore kundër regjimit të Aleksandar Vuçiç.

Bashkimi Evropian vazhdon të monitorojë nga afër situatën aktuale politike në Serbi, sipas një deklarate të publikuar në faqen e internetit të delegacionit të BE-së në Serbi.

“Si një vend që së shpejti do të shënojë përvjetorin e parë të shembjes tragjike të tendës në stacionin hekurudhor të Novi Sadit më 1 nëntor të vitit të kaluar, dëshirojmë të shprehim edhe një herë ngushëllimet tona më të thella dhe solidaritetin e sinqertë me familjet dhe të dashurit e 16 personave që humbën jetën. Kjo tragjedi na ka tronditur të gjithëve dhe ka lënë një plagë të thellë në zemrat e shumë njerëzve në Serbi dhe më gjerë. Në këtë përvjetor të trishtueshëm, u bëjmë thirrje të gjithëve të vajtojnë viktimat me dinjitet dhe paqe”, thuhet në deklaratë.

BE tha gjithashtu se respekti për të drejtat dhe vlerat themelore, duke përfshirë lirinë e tubimit paqësor dhe lirinë e medias, janë vlera thelbësore të BE-së që të gjithë duhet t’i mbrojnë dhe mbështesin. Në deklaratë u bëhet thirrje të gjithëve të ulin tensionet dhe të shmangin dhunën.

Deklarata u lëshua nga delegacioni i Bashkimit Evropian së bashku me ambasadat e vendeve anëtare të  BE-së: Austria, Belgjika, Bullgaria, Danimarka, Estonia, Franca, Finlanda, Gjermania, Greqia, Holanda, Irlanda, Italia, Kroacia, Letonia, Lituania, Luksemburgu, Malta, Polonia, Portugalia, Qiproja, Republika Çeke, Rumania, Sllovenia, Sllovakia, Spanja dhe Suedia. /REL/ /KosovaPress/

The post Qytetarët serbë përkujtojnë njëvjetorin e tragjedisë në stacionin e trenit appeared first on Agjencia Telegrafike Shqiptare.

Një ngjarje e rëndë ka tronditur qytetin e Beratit pasditen e kësaj të marte, ku një turist nga Tirana u vra pranë Kalasë së qytetit. Viktima, Keli Hoxha, ndodhej aty me nënën, bashkëshorten dhe dy fëmijët e tij. Ai kishte bërë foto fëmijëve pranë një kali, por sipas raportimeve nuk ka paguar për shërbimin.

Debati mes tij dhe pronarit të kalit, Kristo Mema, alias Kastriot Hoxha, 63 vjeç, u agravua shpejt. Burime nga vendi i ngjarjes bëjnë me dije se pas përplasjes verbale, autori ka nxjerrë thikën dhe e ka goditur viktimën, ndërkohë që familjarët ishin dëshmitarë të momentit dramatik.

Policia e Beratit ka ndërhyrë menjëherë dhe ka arrestuar autorin e ngjarjes. Sipas informacioneve zyrtare, Kristo Mema rezulton të ketë precedent penal në Greqi, gjë që tregon se kishte histori të dhunshme më parë.

Autoritetet po vijojnë hetimet për zbardhjen e plotë të rrethanave dhe për dokumentimin e çdo prove lidhur me incidentin.

Fatkeqësisht, viktima nuk ka mundur t’i mbijetojë plagëve, duke lënë pas familjen e tij në gjendje të rëndë emocionale. Policia apelon për bashkëpunim dhe siguri gjatë vizitave në zona historike, ndërsa rasti ka ngritur debate mbi kontrollin e shërbimeve të turizmit dhe përgjegjësinë e ofruesve të tyre.

Ngjarja është një kujtesë e trishtë se mosmarrëveshjet, edhe për gjëra të vogla, mund të përshkallëzohen tragjikisht.

The post Detaje të reja! Fëmijët bënë foto me kalin, por i ati nuk pagoi para/ 62-vjeçari vrau turistin në sy të familjarëve në Berat appeared first on iconstyle.al.

Pas disa ditësh në luftë me jetën, ka ndërruar jetë edhe Nefeli, vajza 6-vjeçare e familjes Hazisllari, e cila mbeti e plagosur rëndë në zjarrin tragjik që përfshiu banesën e tyre më 19 tetor. Ngjarja e rëndë kishte marrë jetën e menjëhershme të nënës, Rrahime Hazisllari, dhe të djalit 13-vjeçar, Luka, ndërsa e vogla ishte dërguar me urgjencë në spital në gjendje kritike.

Pavarësisht përpjekjeve të mjekëve, djegiet e shumta në trup dhe dëmtimet e rënda bënë që Nefeli të mos mund të mbijetojë. Vajza u nda nga jeta pas disa ditësh në trajtim intensiv, duke e kthyer në tragjedi të plotë historinë e familjes nga fshati që prej vitesh përballej me kushte të rënda ekonomike.

Zjarri kishte shpërthyer në banesën e tyre për shkak të sobës me dru dhe disa shkrepëseve të hedhura në tokë. Rrahimja kishte arritur të nxirrte jashtë vetëm Nefelin, por ishte asfiksuar në derën e kuzhinës, ndërsa 13-vjeçari Luka u gjet i pajetë në korridorin e shtëpisë.

Babai i familjes, Valentino Hazisllari, i cili punonte në ndërtim, nuk ndodhej në shtëpi në momentin e ngjarjes. Tashmë, ai përballet me humbjen e tre anëtarëve të familjes, në një histori që ka prekur zemrat e gjithë komunitetit.

The post Thellohet tragjedia e Maliqit, 6-vjeçarja Nefeli s’i mbijeton djegieve! Humb jetën pas nënës dhe vëllait appeared first on iconstyle.al.