BOGOTA, 22 dhjetor /ATSH-DPA/ – Forcat detare kolumbiane kanë sekuestruar 27 tonë kokainë nga një numër anijesh në oqeanet Paqësor dhe Atlantik, tha presidenti kolumbian, Gustavo Petro.

”Nëntë tonë u konfiskuan në disa anije në Paqësor, me forca nga Australia, Panamaja, Kosta Rika dhe Salvadori gjithashtu të përfshira në operacion”, tha ai në X.

Një operacion i dytë i mbështetur nga forcat policore evropiane kapi 18 tonë kokainë pranë Ishujve Kanarie të Spanjës, të cilat ndodhen në Atlantik pranë Afrikës perëndimore.

”Rreth 20 të dyshuar u arrestuan në të dy operacionet”, sipas presidentit, i cili e përshkroi veprimin e kryer gjatë dy ditëve si ndoshta një nga sekuestrimet më të mëdha në histori pa asnjë vdekje të vetme.

Kjo vjen ndërsa ushtria amerikane filloi të shënjestrojë anijet e dyshuara të drogës në Karaibe dhe Paqësor gjatë muajve të fundit.

Më shumë se 80 persona janë vrarë nga sulmet deri më tani.

Ekspertët e të drejtave të njeriut të OKB-së kanë thënë se operacionet mund të shkelin ligjin ndërkombëtar, duke i përshkruar vrasjet si vrasje të paligjshme jashtëgjyqësore.

Kolumbia, prodhuesi më i madh i kokainës në botë, është shtëpia e më shumë se 250 000 hektarëve të dedikuar për kultivimin e bimës së kokës, sipas Kombeve të Bashkuara.

Nga Kolumbia, droga kontrabandohet me anije për në SHBA dhe Evropë.

Uashingtoni ka sanksionuar presidentin kolumbian Petro me akuzë se nuk i është përmbajtur detyrimeve ndërkombëtare për të luftuar drogën./ a.jor.

The post KOLUMBI – Marina sekuestron 27 tonë kokainë appeared first on Agjencia Telegrafike Shqiptare.

Shtetet e Bashkuara e kanë shpallur kartelin më të madh të drogës në Kolumbi, “Clan del Golfo”, si Organizatë Terroriste të Huaj dhe Terrorist Global të Përcaktuar në Mënyrë Specifike, njoftoi sot Sekretari amerikan i Shtetit, Marco Rubio.

Rubio e akuzoi grupin se është një organizatë kriminale e dhunshme me mijëra anëtarë me bazë në Kolumbi, ku trafikimi i kokainës përbën burimin kryesor të të ardhurave, të cilat përdoren për të financuar aktivitete të dhunshme.

“Clan del Golfo është përgjegjës për sulme terroriste kundër zyrtarëve publikë, forcave të rendit dhe personelit ushtarak, si dhe kundër civilëve në Kolumbi”, tha Rubio.

Ai theksoi se SHBA-ja do të vazhdojë të përdorë “të gjitha mjetet e disponueshme” për të mbrojtur vendin dhe për të ndaluar fushatat e dhunës dhe terrorit të kryera nga kartelët ndërkombëtarë dhe organizatat kriminale transnacionale. “Ne jemi të përkushtuar t’ua mohojmë këtyre terroristëve financimin dhe burimet”, shtoi ai.

Clan del Golfo, i njohur gjithashtu si Forcat Vetëmbrojtëse Gaitaniste të Kolumbisë, është një grup neoparamilitar dhe karteli më i madh i drogës në Kolumbi, me rreth 9.000 anëtarë.

Më herët gjatë muajit dhjetor, qeveria e Kolumbisë dhe “Clan del Golfo” nënshkruan një deklaratë në Katar për çarmatimin e grupit dhe mbështetjen e procesit të ndërtimit të paqes në rajonet ku ai ushtron ndikim.

Ish-udhëheqësi i grupit, Dairo Antonio Usuga David, i njohur si “Otoniel”, u kap në tetor 2021 në rajonin Uraba të Kolumbisë.

Shtetet e Bashkuara kanë kryer të paktën 22 sulme në rajon ndaj anijeve që dyshohet se transportonin narkotikë që nga muaji shtator, duke shkaktuar vdekjen e të paktën 87 personave, dhe kanë zgjeruar operacionet ushtarake në gjithë Amerikën Latine. Washingtoni nuk ka paraqitur prova për pretendimet lidhur me trafikimin e drogës nga këto anije.

Të paktën 17 persona humbën jetën dhe 20 lënduan, pasi një autobus shkolle që mbante fëmijë dhe të rritur u rrëzua nga një shkëmb në Kolumbinë veriore.

Në një postim në X, guvernatori i Antioquia-s, Andres Julian, tha se autobusi po udhëtonte nga qyteti i Karaibeve, Tolu për në Medellin pas një ekskursioni shkollor dhe po mbante nxënës nga shkolla e mesme Liceo Antioqueño.

“Deri më tani, më shumë se një dhjetëra personash raportohen të vdekur dhe 20 të lënduar. I gjithë rrjeti spitalor është aktivizuar për të marrë pjesë dhe për të mbështetur këtë emergjencë”, tha Julian.

Aksidenti ndodhi rreth orës 5:40 të mëngjesit në një rrugë që lidh Remedios dhe Zaragoza, në zonën El Chispero, sipas El Colombiano.

Raportet fillestare tregojnë se automjeti, i cili kishte mbajtur 45 pasagjerë, u rrokullis afërsisht 80 metra poshtë një përroi, për arsye që janë ende nën hetim.

Shkolla ka sqaruar se shëtitja nuk ishte një aktivitet zyrtar shkollor dhe u organizua direkt nga nxënësit.

Të paktën 10 persona humbën jetën dhe 20 të tjerë mbetën të plagosur pasi një autobus që transportonte nxënës të shkollës së mesme ra nga një shkëmb në një zonë rurale të Kolumbisë veriore. Sipas mediave të huaja autobusi po udhëtonte nga qyteti i Tolu-s drejt Medellínit, pas një ekskursioni shkollor, dhe transportonte nxënës të Shkollës së […]

The post Tragjedi në Kolumbi/ Autobusi me nxënës bie në humnerë, humbin jetën 10 persona appeared first on BoldNews.al.

Policia kolumbiane sekuestroi 14 ton kokainë të fshehur në një ngarkesë gipsi në portin e Buenaventurës në Paqësor. Qeveria e vendit e konsideroi këtë si një nga sasitë më të mëdha të drogës të sekuestruara në vend në më shumë se një dekadë.

Policia nuk specifikoi se cili grup ishte përgjegjës për ngarkesën dhe as rrugën që mund të ndiqte, por siguroi se ishte e destinuar për në Holandë.

“Ne parandaluam miliona doza të arrinin në tregjet ndërkombëtare”, tha Drejtori i Policisë Kombëtare Kolumbiane.

Një deklaratë e policisë vuri në dukje se ata gjithashtu kanë sekuestruar gati 700 ton kokainë midis janarit dhe shtatorit, duke e konsideruar një rekord. Zhvillimi vjen teksa tensionet janë rritur ndjeshëm Uashingtonit dhe Bogotës në javët e fundit për shkak së sulmeve ushtarake amerikane kundër anijeve që dyshohet se transportonin narkotikë të paligjshëm në Karaibe dhe Paqësorin lindor, të cilat kanë vrarë dhjetëra persona.

Donald Trump i ka justifikuar sulmet duke thënë se Shtetet e Bashkuara janë në konflikt të armatosur me kartelet e drogës dhe duke pretenduar se anijet drejtohen nga organizata terroriste të huaja që po mbushin qytetet e Amerikës me drogë.

Kreu i Shtëpisë së Bardhë e ka quajtur presidentin kolumbian Gustavo Petro një udhëheqës të paligjshëm të drogës, duke e akuzuar atë se është i përfshirë drejtpërdrejt në tregtinë e drogës dhe bashkëpunon me trafikantët.

/abcnews.al/

Shtetet e Bashkuara kanë vendosur sanksione ndaj presidentit të Kolumbisë, Gustavo Petro, të cilin Uashingtoni e akuzon se ka dështuar të frenojë trafikimin e paligjshëm të drogave. Edhe gruaja dhe djali i tij janë sanksionuar. “Presidenti Petro ka lejuar kartelet e drogës që të lulëzojnë dhe ka refuzuar që të ndalë këtë aktivitet”, tha sekretari […]

The post SHBA-ja sanksionon presidentin e Kolumbisë Gustavo Petro appeared first on BoldNews.al.

Gazeta spanjolle EL TIEMPO ka zbuluar detaje nga një prej operacioneve më të mëdha ndërkombëtare kundër trafikimit të qenieve njerëzore, ku dhjetëra gra kolumbiane u shfrytëzuan seksualisht në disa vende të Evropës, përfshirë Shqipërinë, Kroacinë, Kosovën dhe Malin e Zi. Sipas raportimit, rrjeti kriminal drejtohej nga një shtetas kolumbian me nënshtetësi malteze, i njohur me […]

The post Zbulohet rrjeti i trafikut të grave, 44 viktima kolumbiane përfunduan në Shqipëri appeared first on BoldNews.al.

Presidenti i Kolumbisë, Gustavo Petro, ka akuzuar Shtetet e Bashkuara se kanë bombarduar një barkë me flamur kolumbian dhe me shtetas kolumbianë në bord, gjatë një operacioni të fundit ushtarak në Karaibe. Ai paralajmëroi për një “skenar të ri lufte” në rajon dhe kërkoi që vendet e Karaibeve të mblidhen urgjentisht për të diskutuar situatën. […]

The post Presidenti i Kolumbisë akuzon SHBA-në për bombardim të një barke me shtetas kolumbianë në Karaibe appeared first on BoldNews.al.

Detaje të reja janë zbuluar për Artur Tushin, shqiptarin që u ekzekutua nga një vrasës me pagesë në afërsi të banesës së tij në Medelin të Kolumbisë.

Ndaj 44-vjeçarit shqiptar, u derdhën plotë 11 plumba të cilat i morën jetën në vend, ndërsa autori i vrasjes, një 35-vjeçar venezuelian u arrestua 19 kilometra larg vendit të krimit.

Policia kolumbiane bëri me dije se; killeri i shqiptarit ishte paguar në dollar gjë e cila ngre dyshime se krimi lidhet me përplasje kriminale ndërkombëtare në qytet.

Artur Tushi, i njohur në Shqipëri me nofkën “Qoti”, është me origjinë nga fshati Raboshtë në Lezhë. 44- vjeçari shqiptar, rezulton se në vitin 2017 gjatë kohës që jetonte dhe punonte në Itali është rrëmbyer.

Ai u rrëmbye në zonën mes Fushë-Milotit dhe fshatrave pranë rrugës kombëtare Milot–Burrel, ndërsa po udhëtonte me makinën e tij, e cila më pas u braktis në vendin e ngjarjes.

Sipas Policisë Shqiptare, disa persona ndaluan automjetin e Tushit, i vendosën një qese në kokë dhe e çuan në një banesë, ku e mbajtën peng.

Gjatë rrëmbimit, shqiptarit iu vodhën 200.000 lekë. Gjatë hetimeve për rrëmbimin, policia zbuloi se Tushi nuk kishte asnjë precedent penal as në Shqipëri dhe as në Itali.

Megjithatë, incidenti mendohet të ketë qenë i lidhur me aktivitete të paligjshme në të cilat ai ishte përfshirë jashtë vendit.

Pas hetimeve të para të kryera nga autoritetet kolumbiane përmes Interpol-it, u zbuluan disa precedentë penalë në emrin e Tushit në vende të ndryshme.

Ekuadori dhe Spanja po e hetonin. Ndër precedentët penalë të Tushit veçohen vepra të tilla si dhunë fizike dhe posedim droge.

Vrasja e Tushit ka tronditur opinionin publik dhe ka rikthyer vëmendjen te rrjetet e trafikut ndërkombëtar të drogës në Amerikën Latine.

Dyshohet se Artur Tushi, mund të kishte qenë një narkotrafikant evropian.

The post Zbardhen detaje nga vrasja e shqiptarit Artur Tushi në Kolumbi appeared first on Albeu.com.

Nga Nicolas Tamayo Escalante, EL TIEMPO Qendra tregtare Santa Fe, e vendosur në El Poblado, komuna 14 e Medelinit, është një nga zonat më të frekuentuara të qytetit, veçanërisht gjatë fundjavave. Mijëra njerëz shkojnë aty për të kaluar kohë me familjen dhe për të shijuar ditët e pushimit. Megjithatë, qetësia që e karakterizon këtë vend u […]

The post Investigimi i gazetës kolumbiane: Artur Tushi po hetohej nga Italia deri në Ekuador, vrasësi u pagua me dollarë appeared first on BoldNews.al.

Ky është Artur Tushi (alias Kristjan Tushi), i cili u ekzekutua sot me armë zjarri nga një shtetas venezuelian, në Medelin të Kolumbisë. 44-vjeçari, i dyshuar si trafikant droge u vra në një rrugë pranë qendrës tregtare Santa Fe, në lagjen El Poblado dhe autorët e dyshuar janë arrestuar nga policia. Mësohet se Tushi ka […]

The post Ky është 44-vjeçari shqiptar i vrarë në Kolumbi appeared first on BoldNews.al.

Një shqiptar 44-vjeçar u ekzekutua sot në qytetin e Medelinit në Kolumbi. Mediat e këtij vendi raportojnë se bëhet fjalë për shqiptarin Artur Tushi, i cili kishte edhe nënshtetësi ekuadoriane. Krimi ndodhi në mes të ditës, në një zonë ekskluzive të qytetit, shumë pranë një qendre tregtare. Sipas medieve, Artur Tushi po shkonte tek apartamenti i […]

The post Ekzekutimi i shqiptarit në Kolumbi, mediat e huaja: Vrasësi me pagesë është nga Venezuela appeared first on BoldNews.al.

Personi që shihni në foto, është Artur Tushi, shqiptarit i cili u ekzekutuan në një atentat mafioz në Kolumbi.

Viktima me origjinë nga fshati Raboshtë i Lezhës, njihej ndryshe edhe me pseudonimin ‘Qoti’.

44-vjeçari, i dyshuar si trafikant droge, u vra në një rrugë pranë qendrës tregtare Santa Fe, në lagjen El Poblado dhe autorët e dyshuar janë arrestuar nga policia.

Mësohet se Tushi ka precedentë penal në Spanjë, ku ka qenë i skeduar nga policia.

Sekretari i Sigurisë së qytetit, Manuel Villa Mejía, informoi se viktima ishte një burrë që kishte dokumente ekuadoriane, por është me kombësi shqiptare.

Gjatë atentatit, një grua që shoqëronte 44-vjeçarin shqiptar mbeti e plagosur.

Ai gjithashtu bëri të ditur se autori i dyshuar i vrasjes, i cili lëvizte me motor, u arrestua në komunën Bello, në veri të luginës Aburrá. Motori dhe arma e zjarrit me të cilën dyshohet se u krye vrasja u sekuestruan.

“Motivet dhe detajet e rastit janë duke u hetuar në këtë moment nga autoritetet”, deklaroi Villa Mejía.

The post Ky është shqiptari që u ekzekutua në Kolumbi, njihej me pseudonimin “Qoti” appeared first on Albeu.com.

Shqiptari Artur Tushi, me dokumente ekuadoriane, është qëlluar për vdekje me armë zjarri në El Poblado, Kolumbi.

Nga të shtënat me armë u plagos një grua e moshuar, ndërsa vrasësi i dyshuar u arrestua.

Raportohet se autori i është afruar 44-vjeçarit Artur Tushi me motoçikletë dhe pasi kanë shkëmbyer fjalë e ka qëlluar për vdekje.

“Dyshohet se kërkuan vetëm emrin e personit dhe, kur e konfirmuan, kryen aktin”, tha një dëshmitar.

Një grua 77-vjeçare gjithashtu u plagos nga të shtënat dhe u dërgua në spital.

Pamjet e kamerave të sigurisë çuan policinë drejt autorit të dyshuar, një shtetas venezuelian, i cili u kap në lagjen Mirador të komunës së Bellos.

The post Ekzekutohet me armë zjarri shqiptari në Kolumbi (EMRI) appeared first on Albeu.com.

Prokuroria e Tiranës njoftoi të premten më 3 tetor rezultatet e hetimit ndaj një grupi kriminal të përfshirë në trafikimin e dhjetëra vajzave nga vendet e Amerikës Latine dhe të Azisë Qendrore me qëllim shfrytëzimin për prostitucion në Shqipëri. Në njoftim sqarohet se rolin kryesor në rekrutimin e vajzave nga vendet e Amerikës Latine e […]

The post Goditet në Tiranë një grup ndërkombëtar i shfrytëzimit të prostitucionit appeared first on Reporter.al.

Një bos shqiptar i drogës, Genti Krasniqi, 62 vjeç, është kapur nga autoritetet kolumbiane pas 9 vitesh në arrati. El Tiempo shkruan se kapja e tij konfirmon se 250 mijë hektarët me kokainë e kanë kthyer Kolumbinë në epiqendrën e trafikut ndërkombëtar të drogës. Artikulli i El Tiempo: Prokuroria e Milanos (Itali) zbuloi në vitin 2016 […]

The post Në arrati prej 9 vitesh, arrestohet bosi shqiptar i drogës në Kolumbi/ EMRI appeared first on BoldNews.al.

BOGOTA, 21 gusht /ATSH- DPA/ – Të paktën 19 persona humbën jetën dhe dhjetëra të tjerë u plagosën në dy sulme në Kolumbi, ndërsa autoritetet i cilësuan ato si “narko-terrorizëm”.

Të paktën 12 policë u vranë dhe tre të tjerë u plagosën pasi një helikopter policie u qëllua pranë qytetit Amalfi në departamentin verior të Antioquia, tha guvernatori Andrés Julián.

Pak më vonë, dy pajisje shpërthyese shpërthyen pranë një baze ajrore në qytetin Cali, në jugperëndim të vendit. Shërbimi ajror tha se u vranë gjashtë persona, ndërsa administrata e qytetit raportoi mbi 50 të plagosur.

Kryetari i qytetit të Cali, Alejandro Eder, e quajti këtë një “sulm narko-terrorist” dhe njoftoi se ushtria do të merrte kontrollin e qytetit.

Presidenti i Kolumbisë, Gustavo Petro, gjithashtu e përshkroi situatën si akte terrorizmi dhe krime kundër njerëzimit nga grupe të armatosura, duke njoftuar se qeveria do të ndërmarrë veprime ligjore për të ndjekur këto grupe si terroristë. /Ad.Ab./

The post KOLUMBI – Të paktën 19 të vdekur gjatë dy sulmeve appeared first on Agjencia Telegrafike Shqiptare.

Të paktën 18 persona kanë humbur jetën dhe mbi 60 të tjerë janë plagosur në dy sulme të ndara në Kolumbi, në mes të një vale të re dhune që ka përfshirë vendin.

Një makinë bombë shpërtheu pranë një shkolle ushtarake në qytetin perëndimor të Calit, duke shkaktuar vdekjen e 6 personave dhe plagosjen e dhjetëra të tjerëve. Shpërthimi shkaktoi dëme të mëdha në zonë, ndërsa autoritetet dyshojnë se objektiv ishte Shkolla Ushtarake e Aviacionit “Marco Fidel Suarez”.

Më herët gjatë ditës, një sulm me dron goditi një helikopter policie pranë qytetit Medellín, duke shkaktuar vdekjen e 12 zyrtarëve. Helikopteri ishte në një operacion për shkatërrimin e plantacioneve të fletës së kokainës.

Kryebashkiaku i Calit shpalli gjendjen e jashtëzakonshme dhe ofroi shpërblim për informacion mbi autorët. Ndërkohë, Presidenti Gustavo Petro dhe drejtuesit e ushtrisë zhvilluan një mbledhje emergjente sigurie.

Ministria e Mbrojtjes e cilësoi shpërthimin si një akt terrorist të organizuar nga grupi i armatosur i udhëhequr nga Ivan Mordisco, pjesë e disidencës së FARC-ut.

Kolumbia po përjeton një përkeqësim serioz të situatës së sigurisë, me sulmet me dronë që janë rritur ndjeshëm – vetëm gjatë këtij viti janë regjistruar mbi 100 të tilla, shumica të kryera nga grupe të armatosura ilegale.

The post Kolumbi tronditet nga dy sulme të përgjakshme, 18 të vdekur dhe dhjetëra të plagosur appeared first on iconstyle.al.

Senatori dhe kandidati presidencial kolumbian, Miguel Uribe, ka ndërruar jetë dy muaj pas sulmit me armë zjarri gjatë një tubimi zgjedhor në Bogota. Gruaja e tij, Maria Claudia Tarathona, konfirmoi lajmin për vdekjen në rrjetet sociale. Një 15-vjeçar është arrestuar si i dyshuari kryesor për sulmin, ndërsa policia vijon hetimet për të zbuluar nëse kishte […]

The post U qëllua me armë gjatë një tubimi, senatori kolumbian Miguel Uribe vdes pas 2 muajsh në spital appeared first on BoldNews.al.

RIO DE ZHANEIRO, 29 korrik /ATSH-DPA/ – Ish-presidenti i Kolumbisë, Álvaro Uribe, u shpall fajtor për manipulim dëshmitarësh dhe mashtrim procedural në një gjyq historik, hera e parë që një ish-kreu i shtetit në vend dënohet për një vepër penale.

Gjatë shpalljes së vendimit që zgjati më shumë se 10 orë, gjyqtarja Sandra Heredia deklaroi se prokuroria kishte provuar përfshirjen e Uribes në këto krime.

Vendimi nuk është ende përfundimtar, dhe ekipi ligjor i Uribes pritet të apelojë. Një gjykatë apelimi duhet të japë vendim deri në mes të tetorit, përndryshe rrezikon që çështja të parashkruhet dhe të mbyllet.

Uribe, 73 vjeç, e ndoqi seancën online. Dënimi do të shpallet në një seancë të veçantë. Ai përballet me deri në tetë vjet burg, mundësisht në arrest shtëpie.

Ai u shpall fajtor për dy nga tre akuzat, ndërsa akuza për ryshfet u hodh poshtë.

Çështja buron nga procedurat që vetë Uribe i nisi më shumë se një dekadë më parë kundër senatorit të krahut të majtë Iván Cepeda, i cili kishte hetuar lidhjet e dyshuara të Uribes me grupet paraushtarake.

Situata u përmbys në vitin 2018 kur vetë Uribe u akuzua se kishte ushtruar presion ndaj ish-të burgosurve paraushtarakë për të dhënë dëshmi shfajësuese për të. Procedurat u vonuan vazhdimisht dhe vetëm në vitin 2024 u ngritën akuza kundër tij.

Uribe, një konservator që shërbeu si president nga viti 2002 deri në vitin 2010, mbetet një figurë përçarëse në Kolumbi. Mbështetësit e shohin atë si një mbrojtës të vendosur të sigurisë kombëtare gjatë një periudhe konflikti të fortë me grupet guerile të krahut të majtë.

Kritikët, megjithatë, e akuzojnë atë për shkelje të të drejtave të njeriut dhe mbajtjen e lidhjeve të ngushta me forcat paraushtarake.

Konflikti i brendshëm dekadash i Kolumbisë midis forcave qeveritare, guerilëve dhe paraushtarakëve të krahut të djathtë ka lënë rreth 220 000 njerëz të vdekur dhe miliona të zhvendosur./  /Ad.Ab./

The post KOLUMBI – Ish-presidenti Uribe shpallet fajtor për manipulim dëshmitarësh appeared first on Agjencia Telegrafike Shqiptare.