UASHINGTON, 9 janar /ATSH-DPA/ – Forcat amerikane kanë sekuestruar përsëri një anije në Karaibe, me marinsat dhe marinarët që morën kontrollin e cisternës së naftës Olina, theksoi Komanda Jugore e ushtrisë amerikane.

Komanda tha se personeli nga Taskforca e Përbashkët Southern Spear, në bashkëpunim me Departamentin e Sigurisë Kombëtare, u nis nga transportuesi i avionëve USS Gerald R Ford dhe sekuestroi anijen në Detin e Karaibeve pa incidente.

Ashtu si me dy sekuestrime të tjera anijesh më parë këtë javë, ushtria tha se operacioni u krye për të mbrojtur sigurinë në Hemisferën Perëndimore.

Wall Street Journal raportoi se Olina më parë ishte njohur me një emër tjetër dhe ishte sanksionuar nga SHBA-të për transportimin e naftës ruse.

Uashingtoni akuzon anijet se veprojnë si pjesë e një flote të ashtuquajtur “fantazmë” ose “hije” që përdoret për të lëvizur naftë të paligjshme dhe për të shmangur sanksionet.

Të mërkurën, forcat amerikane sekuestruan një anije mallrash me flamur rus në Veri. /os/

The post SHBA – Forcat amerikane kapin një tjetër anije cisternë nafte në Karaibe appeared first on Agjencia Telegrafike Shqiptare.

SHBA-të thuhet se po zgjerojnë pozicionin e tyre ushtarak pranë Venezuelës duke vendosur forca shtesë në Karaibe mes tensioneve në rritje midis Uashingtonit dhe Karakasit, raportoi Wall Street Journal. Lëvizjet përfshijnë avionë të operacioneve speciale dhe aeroplanë transporti ushtarak, raportoi gazeta të martën, duke cituar zyrtarë amerikanë dhe të dhëna të gjurmimit të fluturimeve nga […]

The post Tensionet me Venezuelën, Wall Street Journal: Uashingtoni shton trupat ushtarake në Karaibe appeared first on BoldNews.al.

Presidentja e Kosovës, Vjosa Osmani, pas takimit me zëvendëssekretarin amerikan të Shtetit, Christopher Landau, bëri të ditur se shumë shpejt në Washington do ta nënshkruajnë edhe heqjen reciproke të vizave me Bahamas, shtetin që së fundmi e njohu shtetësinë e Kosovës.

“Vazhduam në Bahamas ku morëm njohjen nga ky shtet. Lidhjen e marrëdhënieve diplomatike dhe po ashtu kemi arritur dakordim me kryeministrin e Bahamas për heqjen reciproke të vizave që është një lajm shumë i mirë dhe kjo marrëveshje do të nënshkruhet së shpejti këtu në Washington D.C”, deklaroi Osmani pas takimit me zëvendëssekretarin amerikan të Shtetit.

Bahamas është bërë shteti i 121-të që e njeh Kosovën si shtet të pavarur dhe sovran, ka njoftuar presidentja Vjosa Osmani të premten e 19 dhjetorit.

Ajo ka bërë të ditur se në kryeqytetin e Bahamas ka nënshkruar marrëveshjen dypalëshe për njohje dhe vendosje të marrëdhënieve diplomatike me ishullin që gjendet në Karaibe.

Ushtria amerikane kreu sulme kundër tre anijeve të dyshuara për trafik droge në Oqeanin Paqësor lindor të hënën, duke vrarë 8 persona, sipas Komandës Jugore të SHBA-së.

"Më 15 dhjetor, nën drejtimin e Sekretari të Mbrojtjes, Pete Hegseth, Task Forca e Përbashkët Southern Spear kreu sulme kinetike vdekjeprurëse në tre anije të operuara nga organizata të caktuara terroriste në ujërat ndërkombëtare", shkroi SOUTHCOM në X.

"Inteligjenca konfirmoi se anijet po kalonin përgjatë rrugëve të njohura të trafikimit të drogës në Paqësorin Lindor dhe ishin të angazhuara në trafikimin e drogës", u tha ndër tjera, transmeton Telegrafi.

Të paktën 95 persona janë vrarë deri tani në sulmet ndaj anijeve të dyshuara për drogë si pjesë e një fushate, të quajtur Operacioni Southern Spear, që administrata Trump ka thënë se synon të kufizojë trafikimin e narkotikëve.

Ushtria amerikane së fundmi goditi një anije të dyshuar për drogë më 4 dhjetor në Paqësorin Lindor, duke vrarë katër persona në bord, sipas një postimi tjetër në mediat sociale nga Komanda Jugore e SHBA-së.

Sulmet e fundit vijnë ndërsa pyetjet në lidhje me ofensivën e administratës Trump ndaj anijeve të dyshuara për drogë vazhdojnë të shtohen.

Administrata Trump i ka thënë Kongresit se SHBA-të janë në një "konflikt të armatosur" kundër karteleve të drogës që filloi me sulmin e saj të parë më 2 shtator.

Ushtria amerikane kreu një sulm pasues ndaj anijes së dyshuar për drogë që vepronte në Karaibe atë ditë, pasi një sulm fillestar nuk vrau të gjithë në bord, raportoi më parë CNN, të cilin disa ligjvënës demokratë dhe ekspertë ligjorë thanë se mund të përbënte një krim lufte.

Udhëheqësi i pakicës në Senat, Chuck Schumer, një demokrat, tha të hënën se do të ketë një takim informues për të gjithë senatorët të martën mbi sulmet, ku do të marrin pjesë Sekretari i Shtetit, Marco Rubio dhe Sekretari i Mbrojtjes, Pete Hegseth.

"Populli amerikan meriton mbikëqyrje. Ne synojmë ta zbatojmë atë", tha ai në një postim në X.

Rubio dhe Hegseth pritet gjithashtu të japin një takim informues të klasifikuar për ligjvënësit e Dhomës së Përfaqësuesve të martën, sipas dy burimeve të njohura me planet. /Telegrafi/

Sekretari amerikan i Mbrojtjes, Pete Hegseth mbrojti të shtunën sulmet ndaj anijeve të dyshuara për kontrabandë droge në Karaibe dhe theksoi se presidenti i SHBA-së, Donald Trump mund të ndërmarrë veprime ushtarake "siç e sheh të arsyeshme" për të mbrojtur kombin.

"Nëse punoni për një organizatë të caktuar terroriste dhe sillni drogë në këtë vend me një anije, ne do t'ju gjejmë dhe do t'ju fundosim. Le të mos ketë dyshim për këtë", tha Hegseth gjatë fjalimit të tij në Forumin Kombëtar të Mbrojtjes Reagan.

Deklarata vjen ndërsa Hegseth përballet me shqyrtim në rritje për një sulm të 2 shtatorit, në të cilin forcat amerikane nisën një sulm pasues që vrau të mbijetuar, për të cilin Pentagoni ishte në dijeni, të një goditjeje fillestare në një anije të dyshuar për drogë.

Sulmi u krye nga Komanda Jugore me seli në Florida, nën direktivën e Hegseth. Ligjvënësit nga të dyja partitë kanë vënë në pikëpyetje ligjshmërinë dhe mbikëqyrjen e fushatës, dhe disa demokratë kërkuan dorëheqjen e Hegseth, transmeton Telegrafi.

Zyrtarët e administratës së presidentit të SHBA-së, Donald Trump, thanë se Hegseth nuk urdhëroi sulmin shtesë, dhe një admiral që mbikëqyr elementët e operacionit gjithashtu mohoi të ketë dhënë, marrë ose përcjellë udhëzime për të vrarë të gjithë personat në bord, gjë që i ishte atribuar sekretarit të mbrojtjes në raportet e medias.

Sipas Hegseth, ai e kishte parë sulmin e parë, por ishte larguar për në një takim tjetër dhe nuk ishte dëshmitar i të dytit. Kjo nuk e pengoi Hegseth të mbështeste vendimin, pasi të shtunën, sekretari i mbrojtjes tha se "do të kishte bërë të njëjtën vendim" vetë.

Që nga fillimi i operacionit, 23 anije u vunë në shënjestër dhe dhjetëra të tjera u vranë. Sulmi i fundit ndaj një narko-varke të dyshuar vetëm disa ditë më parë vrau katër persona, duke e çuar numrin e të vdekurve në të paktën 87 persona. /Telegrafi/

Një komandant i lartë i Marinës amerikane urdhëroi një raund të dytë sulmesh ushtarake mbi një anije të dyshuar për trafikun e drogës nga Venezuela.

“Admirali (Frank) Bradley veproi plotësisht brenda autoritetit të tij dhe ligjit”, tha Sekretarja e Shtëpisë së Bardhë Karoline Leavit.

Leavitt konfirmoi se Sekretari i Mbrojtjes, Pete Hegseth, autorizoi sulmet, por nuk dha urdhër “për t’i vrarë të gjithë”, siç raportoi Washington Post. Mësohet se sulmi i dytë u krye pasi dy persona i mbijetuan shpërthimit fillestar në anije.

Ligjvënës nga të dyja partitë, republikanët dhe demokratët, shprehën shqetësim mbi raportin dhe premtuan rishikime të rasteve në Kongres.

Pentagoni kreu sulmin e 20-të ndaj një anijeje të dyshuar për trafik droge në fillim të kësaj jave, tha të enjten një zyrtar i Departamentit të Mbrojtjes.

"Sulmi ndodhi në Karaibe dhe katër narko-terroristë u vranë, asnjë i mbijetuar", konfirmoi zyrtari në një deklaratë për CNN, përcjell Telegrafi.

Sipas zyrtarit, sulmi ndodhi të hënën.

Sekretari i Mbrojtjes Pete Hegseth njoftoi më parë dy sulme të dielën, të 18-tin dhe të 19-tin të kryera nga ushtria amerikane, në dy anije secila me nga tre persona në bord.

Hegseth theksoi në një postim në X të nesërmen se këto sulme vranë të gjashtë njerëzit.

Sulmi i 20-të u raportua për herë të parë nga CBS News.

Sulmi e çon numrin total të njerëzve të vrarë nga sulmet e ushtrisë amerikane ndaj anijeve të dyshuara të drogës në 80.

CNN ka raportuar se ushtria po përdor një sërë aeroplanësh luftarakë, dronësh dhe anijesh luftarake për të kryer sulmet gjatë fushatës, të cilat zyrtarët thonë se kanë për qëllim të ndërpresin rrjedhën e drogës në SHBA.

Departamenti i Drejtësisë i ka thënë Kongresit se administrata nuk ka nevojë për miratimin e saj për të kryer sulmet, të cilat disa ekspertë kanë thënë se mund të shkelin ligjin amerikan dhe atë ndërkombëtar. /Telegrafi/

Një forcë sulmuese detare amerikane e përqendruar rreth anijes luftarake më të madhe në botë, USS Gerald R Ford, ka mbërritur në Karaibe, ka konfirmuar Marina Amerikane.

Mbërritja e grupit sulmues, i cili u urdhërua në rajon nga Presidenti Donald Trump muajin e kaluar, vjen mes sulmeve të vazhdueshme kundër anijeve të dyshuara për drogë dhe tensioneve me Venezuelën.

SHBA-të deri më tani kanë kryer të paktën 19 sulme kundër anijeve në Karaibe dhe në Paqësorin lindor, duke vrarë të paktën 76 persona.

Presidenti i Venezuelës, Nicolas Maduro dhe zyrtarë të tjerë venezuelianë kanë akuzuar SHBA-në për “fabrikim” të një krize dhe për përpjekje për të rrëzuar qeverinë.

Ushtria amerikane ka shkatërruar një anije në ujërat ndërkombëtare të Detit të Karaibeve, duke vrarë tre persona që ndodheshin në bord. Lajmin e konfirmoi Sekretari i Luftës, Pete Hegseth, i cili tha se anija dyshohej se po transportonte drogë. Në një postim në rrjetin social X, Hegseth deklaroi se mjeti lundrues drejtohej nga një “organizatë […]

The post Ushtria amerikane godet një anije në Karaibe, 3 të vrarë, dyshohej për trafik droge appeared first on BoldNews.al.

UASHINGTON, 7 nëntor /ATSH-DPA/- Ushtria amerikane ka kryer një tjetër sulm vdekjeprurës ndaj një anijeje që dyshohet se transportonte lëndë narkotike në Karaibe, duke shkaktuar vdekjen e tre personave, tha dje në mbrëmje sekretari amerikan i Mbrojtjes, Pete Hegseth.

“Sulmi ndodhi në ujërat ndërkombëtare”, tha Hegseth në platformën X.

“Për të gjithë narkoterroristët që kërcënojnë atdheun tonë, nëse doni të qëndroni gjallë, ndaloni trafikimin e drogës”, shkroi ai.

“Nëse vazhdoni të trafikoni drogë vdekjeprurëse – ne do t’ju vrasim”, tha Hegseth.

Administrata e presidentit të SHBA-së, Donald Trump tani i referohet Hegseth si sekretar lufte, në vend të sekretarit të Mbrojtjes.

Që nga shtatori, administrata e Trump ka autorizuar sulme në Karaibe dhe Paqësor ndaj anijeve që dyshohet se transportojnë lëndë narkotike në SHBA. Sulmet thuhet se kanë vrarë dhjetëra njerëz deri më tani.

Veprimet janë kritikuar gjerësisht, pjesërisht pasi administrata Trump fillimisht nuk citoi ndonjë bazë ligjore për veprimet e saj.

Ekspertët e të drejtave të njeriut të OKB-së i konsiderojnë sulmet një shkelje të ligjit ndërkombëtar. //a.i/

The post SHBA – Hegseth: Tre të vdekur në sulmin e fundit të forcave amerikane në Karaibe appeared first on Agjencia Telegrafike Shqiptare.

Ushtria amerikane realizuan një sulm të ri ndaj një anijeje në Karaibe, ku tre persona u vranë, konfirmoi ministri i Luftës, Pete Hegseth.

Ky është sulmi i fundit në një seri goditjesh vdekjeprurëse në kuadër të fushatës të administratës së presidentit Donald Trump kundër trafikimit të drogës.

"Sot, me urdhër të presidentit Trump, Ministria e Mbrojtjes realizoi një goditje fatale ndaj një anijeje që drejtohej nga një organizatë që autoritetet amerikane e konsiderojnë si terroriste", shkroi Hegseth në një postim në rrjetin social X dhe shtoi se "anija po trafikonte narkotikë në Karaibe dhe u godit në ujërat ndërkombëtare".

Hegseth shtoi se forcat amerikane nuk pësuan humbje në sulm. Ky incident është pjesë e një fushate më të gjerë për të cilën Uashingtoni thotë se ka për qëllim ndalimin e fluksit të drogës në Shtetet e Bashkuara.

Gjatë 17 sulmeve të deritanishme, ushtria amerikane ka vrarë gjithsej 70 persona dhe ka shkatërruar 18 anije. Janë regjistruar vetëm tre të mbijetuar – dy prej tyre u mbajtën përkohësisht nga marina amerikane para se të ktheheshin në vendet e tyre të origjinës, ndërsa i treti konsiderohet i vdekur pas një kërkimi të realizuar nga marina e Meksikës.

Administrata Donald Trump e ka njoftuar Kongresin amerikan se janë në "konflikt të armatosur" me kartelat e drogës që nga data 2 shtator dhe ata që janë vrarë janë cilësuar si "luftëtarë armiqësorë".

Me këtë, administrata pretendon se ka autoritet për të realizuar sulme fatale pa mbikëqyrje gjyqësore, duke u mbështetur në një urdhër sekret të Ministrisë së Drejtësisë.

Megjithatë, disa anëtarë të Kongresit dhe organizata për të drejtat e njeriut kundërshtojnë këtë bazë ligjore.

Ata thonë se trafikanët e dyshuar të drogës duhet të ndiqen penalisht, siç ka qenë praktika para se Donald Trump të merrte detyrën e presidentit. Një kontroversë shtesë krijon edhe fakti që administrata deri tani nuk ka bërë publike. /Telegrafi/

Shtetet e Bashkuara kanë kryer një tjetër goditje ajrore ndaj një anijeje të dyshuar për trafik droge në Detin e Karaibeve. Lajmi u konfirmua nga sekretari amerikan i Luftës, Pete Hegseth, përmes një postimi në platformën X.

Hegseth bëri të ditur se operacioni u zhvillua me urdhër të presidentit Donald Trump dhe u drejtua kundër një mjeti lundrues që, sipas inteligjencës amerikane, ishte pjesë e një organizate të shpallur terroriste dhe po transportonte lëndë narkotike përgjatë një rruge të njohur trafiku.

“Tre persona të përfshirë në trafikun e drogës u vranë gjatë goditjes, ndërsa asnjë forcë amerikane nuk është lënduar”, bëri me dije Hegseth, ndërsa shtoi se sulme të tilla do të vijojnë.

Operacioni, i cili nisi në fillim të shtatorit, ka vrarë më shumë se 62 persona, përfshirë shtetas nga Venezuela dhe Kolumbia, dhe ka shkatërruar 14 anije dhe një gjysmë-nëndetëse.

Administrata Trump ka deklaruar se sulmet kanë në shënjestër trafikantët e drogës, por ende nuk kanë paraqitur publikisht ndonjë provë për të mbështetur pretendimet, gjë e cila është kritikuar gjerësisht si shkelje e ligjit ndërkombëtar.

Tensionet SHBA–Venezuelë janë rritur ndjeshëm gjatë muajve të fundit, pasi administrata Trump akuzon disa nga zyrtarët më të lartë venezuelianë për përfshirje në trafikun ndërkombëtar të kokainës. Këto akuza janë mohuar nga presidenti venezuelian, Nicolás Maduro.

Kjo është goditja më e fundit në kuadër të strategjisë së re të administratës Trump, e cila synon të trajtojë kartelat e drogës si organizata terroriste ndërkombëtare.

UASHINGTON, 2 nëntor /ATSH-DPA/ – Ushtria amerikane ka kryer një tjetër sulm vdekjeprurës ndaj një anijeje, që dyshohej se ishte e ngarkuar me drogë në Detin e Karaibeve, deklaroi shefi i Pentagonit, Pete Hegseth.

”Tre burra u vranë në sulm”, shkroi Hegseth në një postim në X, duke shtuar se sulmi ndodhi në ujëra ndërkombëtare dhe se asnjë personel ushtarak amerikan nuk ishte  lënduar.

Hegseth përmendi gjetje të paspecifikuara të inteligjencës për të justifikuar sulmin, duke shtuar se anija “po kalonte përgjatë një rruge të njohur të trafikut të drogës dhe mbante narkotikë”.

Ai nuk specifikoi se ku ndodhej anija në Karaibe kur u shënjestrua.

“Këta narko-terroristë po sjellin drogë në brigjet tona për të helmuar amerikanët në vend – dhe ata nuk do të kenë sukses”, vazhdoi Hegseth.

“Departamenti do t’i trajtojë ata ashtu siç e trajtuam Al-Kaedën. Ne do të vazhdojmë t’i gjurmojmë, t’i pikasim, t’i gjurmojmë dhe t’i vrasim”, shtoi ai./  /os/

The post SHBA – Hegseth: Tre të vdekur pas sulmit të ri amerikan në Karaibe appeared first on Agjencia Telegrafike Shqiptare.

Një grup i madh luftarak amerikan po lëviz drejt Karaibeve, dhe pranë Venezuelës po përqendrohen forca që sipas vlerësimeve janë më të mëdha që nga kriza e Kubës. Aeroplanmbajtësja USS Ford udhëheq një skuadër detare që po kalon Atlantikun me shpejtësi. Shtatë anije e shoqërues, e nisur nga Spalato në Adriatik, pritet të arrijë në […]

The post Formacioni ushtarak më i madh që nga kriza e Kubës, çfarë po përgatit SHBA në Karaibe appeared first on BoldNews.al.

Në Shtëpinë e Bardhë, presidenti Donald Trump dhe Sekretari i Mbrojtjes Pete Hegseth njoftuan se do të intensifikojnë veprimet ushtarake kundër karteleve të drogës në Amerikën Latine, duke premtuar goditje të ashpra kundër anijeve dhe rrjeteve të trafikut të narkotikëve. Trump u shpreh në mënyrë të drejtpërdrejtë: “Ne do t’i vrasim ata që sjellin drogë […]

The post Sulmet ndaj karteleve në Karaibe, paralajmëron Trump: Do t’i vrasim ata që sjellin drogë appeared first on BoldNews.al.

Lajmi për vendosjen e aeroplanmbajtëses USS Gerald R. Ford në Karaibe, si dhe anijeve të tjera luftarake amerikane, ka shkaktuar reagime të forta nga qeveria venezueliane.

Presidenti  Nicolas Maduro e cilësoi këtë kërcënimin më të madh ushtarak për vendin në 100 vitet e fundit dhe akuzoi qeverinë amerikane për “komplot lufte” me vendin e tij.

Gjithashtu ai denoncoi vendosjen e vazhdueshme të aseteve ushtarake amerikane, duke përfshirë tani edhe një aeroplanmbajtëse – në Karaibe.

“Ata po komplotojnë një luftë të re të përjetshme, ata premtuan se nuk do të fillonin kurrë një luftë tjetër dhe po fabrikojnë një luftë që ne do ta parandalojmë”, tha udhëheqësi i Amerikës Latine, duke shtuar: “Ne i pyesim njerëzit e Shteteve të Bashkuara, a duan ata një luftë tjetër si Vietnami, tani në Amerikën e Jugut?”

/abcnews.al/

KARAIBE, 24 tetor /ATSH-DPA/ – Ushtria amerikane ka sulmuar përsëri një anije që dyshohet se mbante drogë në Karaibe, duke vrarë gjashtë persona.

Me urdhër të presidentit Donald Trump, një anije në ujëra ndërkombëtare u sulmua gjatë natës që i përkiste bandës venezueliane të drogës Tren de Aragua, shkroi Sekretari i Mbrojtjes i SHBA-së Pete Hegseth në X.

“Anija njihej nga inteligjenca jonë si e përfshirë në kontrabandën e paligjshme të narkotikëve, po kalonte tranzit përgjatë një rruge të njohur të trafikut të drogës dhe mbante narkotikë”, shkroi ai.

“Nëse jeni një narko-terrorist që kontrabandon drogë në hemisferën tonë, ne do t’ju trajtojmë siç trajtojmë Al-Kaedën”, theksoi Hegseth.

Qeveria amerikane u ka shpallur luftë karteleve të drogës nga Amerika Latine, duke i kategorizuar ata si terroristë.

Në javët e fundit, ushtria amerikane ka sulmuar vazhdimisht anije që dyshohet se transportonin drogë në Karaibe.  /os/

The post SHBA – Pentagoni: Gjashtë të vdekur në sulmin ndaj një anijeje me drogë appeared first on Agjencia Telegrafike Shqiptare.

Presidenti amerikan Donald Trump po shqyrton mundësinë e një ndërhyrjeje ushtarake në Venezuelë, duke përforcuar praninë e forcave amerikane në Karaibe dhe duke fluturuar bombardues B-52 pranë bregdetit të vendit këtë javë. Ndërkohë, presidenti venezuelian Nicolás Maduro po përgjigjet duke ripozicionuar trupat, duke mobilizuar miliona ushtarë dhe duke kritikuar aktivitetet amerikane, një tension që sa […]

The post Luftë e heshtur në Karaibe/ Trump çon CIA-n, Maduro moblizion ushtrinë appeared first on BoldNews.al.

Presidenti i Kolumbisë, Gustavo Petro, ka akuzuar Shtetet e Bashkuara se kanë bombarduar një barkë me flamur kolumbian dhe me shtetas kolumbianë në bord, gjatë një operacioni të fundit ushtarak në Karaibe. Ai paralajmëroi për një “skenar të ri lufte” në rajon dhe kërkoi që vendet e Karaibeve të mblidhen urgjentisht për të diskutuar situatën. […]

The post Presidenti i Kolumbisë akuzon SHBA-në për bombardim të një barke me shtetas kolumbianë në Karaibe appeared first on BoldNews.al.

Nga Ilir Kalemaj Ka kohë që në këtë vend asgjë nuk habit më. As dalja në dritë nga gazetari investigativ italian Nello Trocchi e një sindikate të fuqishme krimi ndërkombëtar shqiptar që së fundmi u takuan në Aruban karaibeane me zyrtarë shqiptarë dhe me lidhje të forta me elitën sunduese në Shqipëri e cila është […]

The post Ekonomia reale, ajo kriminale dhe rruga përpara appeared first on BoldNews.al.