Ministria për Evropën dhe Punët e Jashtme informoi sot se shtetasi shqiptar Jozef Ndoci, i cili mbahej i burgosur në Venezuelë për më shumë se një vit (tetor 2024 – janar 2026), është liruar dhe ndodhet aktualisht në gjendje të sigurt.
Ndoci mbahej në burgun e sigurisë së lartë El Rodeo, në shtetin Miranda dhe lirimi i tij u realizua pas një procesi të zhvilluar gjatë ditëve të fundit, në kuadër të lirimit të një numri të të burgosurve të huaj në Venezuelë.
Pas transferimit të përkohshëm në ambientet e DGCIM, ai u lirua dhe aktualisht ndodhet nën kujdesin e Komitetit Ndërkombëtar të Kryqit të Kuq (ICRC) në Karakas.
Ministria për Evropën dhe Punët e Jashtme, përmes Ambasadës së Republikës së Shqipërisë në Brazil, ka ndjekur çështjen në mënyrë të vazhdueshme dhe në disa rrafshe, në bashkëpunim me partnerë ndërkombëtarë dhe përfaqësi diplomatike mike, duke patur në fokus mbrojtjen e të drejtave dhe interesave të shtetasit shqiptar.
Autoritetet shqiptare kanë qenë në kontakt të vazhdueshëm me familjarët e Ndoci dhe do të vijojnë të ofrojnë mbështetjen e nevojshme deri në kthimin e tij të sigurt në Shqipëri.
Ministria për Evropën dhe Punët e Jashtme shpreh mirënjohjen për kontributin e Komitetit Ndërkombëtar të Kryqit të Kuq dhe për bashkëpunimin e përfaqësive diplomatike partnere në Karakas.
MEPJ gjithashtu rikonfirmon angazhimin e saj për mbrojtjen e shtetasve shqiptarë kudo që ata ndodhen.
Venezuela ka liruar nga burgu shtetas të Shqipërisë, Çekisë, Hungarisë, Holandës dhe Gjermanisë dhe shteteve të tjera, njoftuan disa nga këto vende.
Lirimi i tyre është pjesë e një vale të lirimeve nga burgu pasi Shtetet e Bashkuara arrestuan presidentin e rrëzuar, Nicolas Maduro.
Një burrë nga Çekia që u lirua ishte në burgjet venezuelase që nga viti 2024, kur autoritetet në Venezuelë e akuzuan atë se planifikonte të merrte pjesë në një komplot për të vrarë Maduron dhe për të rrëzuar Qeverinë, raportuan mediat në Republikën Çeke.
Ministria e Jashtme e Çekisë kishte deklaruar vitin e kaluar se një shtetas çek ishte arrestuar pa “ndonjë aktakuzë dhe pa një gjykim të drejtë”. Grupi venezuelas për të drejtat e njeriut, Foro Penal, tha se ai u arrestua për arsye pilitike.
Ministri i Jashtëm i Çekisë, Petr Macinka, tha se ai u lirua së bashku me të burgosur të tjerë nga Shqipëria, Irlanda, Rumania, Gjermania, Ukraina dhe Holanda.
Ende nuk dihet se sa është numri i shqiptarëve të liruar nga burgjet në Venezuelë dhe ende nuk ka ndonjë reagim zyrtar për këtë çështje.
“Pas negociatash prej disa javësh, kemi arritur lirimin e tij”, tha Macinka gjatë një konference për media, duke shtuar se Republika Çeke është e gatshme që të përmirësojë raportet diplomatike me Venezuelën.
Ministri i Jashtëm gjerman, Johann Wadephul, shkroi në X se janë liruar tre shtetas gjermanë, duke e cilësuar si “gjest drejt raporteve më konstruktive”.
Holanda tha se tre shtetas të saj janë liruar, ndërkaq Hungaria njoftoi për lirimin e një shtetasi të saj që kishte qenë në një anije kërkimore.
Jorge Rodriguez, president i Asamblesë Kombëtare të Venezuelës, dhe presidenti amerikan, Donald Trump, kanë deklaruar se një numër i madh i të burgosurve do të lirohen pasi SHBA-ja kapi Maduron në fillim të janarit.
Venezuela tha gjatë kësaj jave se më shumë se 400 persona janë liruar, por grupet për të drejtat e njeriut kanë deklaruar se numri i të liruarve është më i vogël./Radio Evropa e Lirë/
Lajmi se fituesja e Çmimit Nobel për Paqen, Maria Corina Machado, ia ka dorëzuar medaljen e saj presidentit amerikan Donald Trump ka shkaktuar mosbesim dhe reagime të forta në mediat norvegjeze, si dhe në qarqet profesionale.
Trump, i cili prej kohësh ka shprehur dëshirën për ta marrë këtë vlerësim, e pranoi medaljen nga udhëheqësja e opozitës venezuelase gjatë një takimi në Shtëpinë e Bardhë.
Machado ia dorëzoi medaljen Trumpit duke e cilësuar atë si “një vlerësim për përkushtimin e tij unik ndaj lirisë sonë”. Ajo është përjashtuar nga procesi i tranzicionit të pushtetit në Venezuelë që prej 3 janarit, kur forcat amerikane rrëzuan Nicolas Maduron, megjithëse regjimi i tij mbeti në pushtet.
Presidenti amerikan, i cili pretendon se e meriton Çmimin Nobel për Paqen pasi, sipas tij, gjatë mandatit të dytë ka kontribuar në zgjidhjen e disa konflikteve, më herët kishte shprehur pakënaqësi ndaj vendimeve të Komitetit Norvegjez të Nobelit, raportojnë mediat.
Trump with the Nobel Peace Prize medal presented to him by María Corina Machado.
The Nobel Committee issued a statement clarifying that “Once a Nobel Prize is announced, it cannot be revoked, shared, or transferred to others.” pic.twitter.com/qtqmwZ8Mt2 — Republicans against Trump (@RpsAgainstTrump) January 16, 2026
“Kjo është krejtësisht e papranueshme”, deklaroi për televizionin publik NRK Janne Haaland Matlary, profesoreshë në Universitetin e Oslos dhe ish-politikane. “Ky veprim përbën mungesë të plotë respekti ndaj çmimit”, tha ajo, duke e cilësuar atë si “të pakuptimtë” dhe “patetik”.
Ndërkohë, Komiteti Norvegjez i Nobelit theksoi javën e kaluar, përmes një deklarate zyrtare, se Çmimi Nobel nuk mund të ndahet dhe as të transferohet.
Çmimi Nobel për Paqen konsiderohet një nga vlerësimet më prestigjioze në botë për përpjekjet në fushën e diplomacisë dhe paqes.
“Kjo është jashtëzakonisht e turpshme dhe e dëmshme për një nga çmimet më të njohura dhe më të rëndësishme në botë”, shkroi në një postim në Facebook, Raymond Johansen, ish-kryetar i bashkisë së Oslos nga Partia Laburiste në pushtet.
“Dhënia e çmimit është tani aq e politizuar dhe potencialisht e rrezikshme, saqë mund të legjitimojë lehtësisht zhvillime që bien ndesh me vetë idenë e paqes”, shkroi ai.
Ai është një nga pesë Çmimet Nobel të themeluara me testamentin e Alfred Nobelit, shpikësit suedez të dinamitit, i cili vdiq në vitin 1896. /Telegrafi/
Përvetësimi i inteligjencës artificiale ka qenë në rritje në nivel global, por të dhënat e reja tregojnë se disa vende e tejkalojnë ndjeshëm të tjerat, ndërsa hendeku midis vendeve të përparuara dhe atyre në zhvillim po zgjerohet.
Emiratet e Bashkuara Arabe dhe Singapori dallohen dukshëm, me mbi 60 për qind të popullsisë që përdor ndonjë mjet të inteligjencës artificiale gjeneruese gjatë vitit të kaluar, sipas një raporti të kohëve të fundit nga Microsoft, i cili vlerëson përhapjen e inteligjencës artificiale në të gjithë botën.
Të dy vendet po ashtu po rrisin numrin e qendrave të të dhënave, pavarësisht temperaturave të larta që e bëjnë funksionimin e tyre më sfidues, raporton theeconomist.
Në kontrast, në Amerikën Jugore dhe Qendrore, 14 nga 24 vendet kanë norma adoptimi nën 20 për qind, përfshirë Meksikën, Venezuelën dhe Brazilin.
Sipas raportit, pjesa më e madhe e përdorimit të inteligjencës artificiale në rajon vjen nga agjencitë qeveritare, ndërsa kompanitë private mbeten pas për shkak të kostove të larta dhe mungesës së aftësive teknike.
Ndërsa Koreja e Jugut renditet e 18-ta për përdorimin e inteligjencës artificiale, ajo regjistroi rritjen më të madhe vitin e kaluar, kryesisht falë përdorimit në rritje në vendin e punës.
Shkalla e përhapjes në vend u rrit nga gati 26 për qind në gjysmën e parë të vitit 2025 në 30 për qind deri në fund të vitit. I inkurajuar nga ky ritëm i shpejtë, OpenAI hapi një zyrë në Seul në shtator.
Deri në fund të vitit 2025, ChatGPT u bë aplikacioni më i popullarizuar për telefonat inteligjentë në vend.
Vende të tjera në rajon, si India, Filipinet dhe Malajzia, panë rritje të lehta në përdorimin e inteligjencës artificiale, me mjete si ChatGPT dhe Gemini ndër më të përdorurat.
Megjithatë, përvetësimi i përgjithshëm i inteligjencës artificiale në vendet aziatike dhe afrikane mbetet ende pas homologëve të tyre në Perëndim.
Pavarësisht dominimit të ChatGPT, DeepSeek ka arritur të përfitojë nga tregjet ku mjetet e bazuara në SHBA mund të jenë të kufizuara.
Ai ka siguruar një pjesë të konsiderueshme të tregut në vende të ndryshme, përfshirë tregun e saj vendas në Kinë (89 për qind), si dhe Bjellorusinë (56 për qind), Rusinë (43 për qind), Kubën (49 për qind) dhe disa vende afrikane, ku përvetësimi i përgjithshëm i inteligjencës artificiale mbetet ende i ulët. /Telegrafi/
Drejtori i agjencisë izraelite të inteligjencës Mossad, David Barnea, ka arritur në Shtetet e Bashkuara të Amerikës për bisedime rreth krizës në Iran, ndërsa homologu i tij amerikan, John Ratcliffe, aktualisht është në Venezuelë.
Barnea mbërriti sot në SHBA për të diskutuar situatën në Iran, raporton Axios duke cituar një zyrtar izraelit dhe një burim tjetër të informuar.
Ai pritet të takohet me të dërguarin special të SHBA‑s, Steve Witkoff, në Miami, ndërsa nuk dihet ende nëse presidenti amerikan, Donald Trump, do t’i bashkohet bisedimeve.
Ky udhëtim vjen pas një telefonate mes Trumpit dhe kryeministrit izraelit Benjamin Netanyahu, në të cilën thuhet se Netanyahu i kërkoi Trumpit të shtyjë çdo veprim kundër Iranit për të shmangur përshkallëzime më të gjera në rajon.
Ndërkohë, drejtori i CIA-s, John Ratcliffe, u takua të enjten në Karakas me presidenten në detyrë të Venezuelës, Delcy Rodríguez, bëri të ditur një zyrtar amerikan.
“Së bashku, ata diskutuan mundësi të mundshme për bashkëpunim ekonomik dhe nënvizuan se Venezuela nuk mund të shërbejë më si një strehë e sigurt për armiqtë e Shteteve të Bashkuara, veçanërisht për trafikantët e drogës”, tha zyrtari.
Sipas tij, takimi synonte ndërtimin e besimit dhe pasqyron qasjen e Ratcliffe për ta bërë CIA-n më pak të rezervuar ndaj rrezikut, shkruan cnn.
Ky zhvillim vjen në një moment kur Trump ka deklaruar se ka vendosur kontroll mbi Venezuelën, sidomos mbi prodhimin e saj të naftës, duke pretenduar se SHBA do ta “administrojë” praktikisht vendin pas rrëzimit të Nicolás Maduro-s më herët këtë muaj.
Trump ka shprehur mbështetje për Rodríguezin, një figurë kyçe e regjimit prej vitesh, në kurriz të lideres së opozitës, María Corina Machado, e cila gjithashtu u takua me presidentin të enjten.
Si Rodríguez ashtu edhe Machado po përpiqen të fitojnë mbështetjen e Trumpit; Machado madje i dhuroi atij medaljen e Çmimit Nobel për Paqen gjatë takimit të tyre. /Telegrafi/
Presidenti amerikan, Donald Trump ka deklaruar se është takuar me lideren opozitare venezueliane María Corina Machado, duke e cilësuar takimin si një “nder të madh”.
Në një deklaratë publike, Trump tha se Machado i kishte dhuruar atij Çmimin e saj Nobel për Paqen, si shenjë vlerësimi për punën që ai ka bërë.
“Ishte një nder i madh për mua të takoja sot María Corina Machado-n nga Venezuela. Ajo është një grua e jashtëzakonshme që ka kaluar shumë sfida. María më dhuroi Çmimin e saj Nobel për Paqen si vlerësim për punën që kam bërë. Një gjest i bukur dhe domethënës respekti të ndërsjellë”, u shpreh Trump, duke e falënderuar publikisht Machadon.
Në një reagim të shkurtër, e pyetur pse ia kishte dhënë Çmimin Nobel Trumpit, Machado u përgjigj “sepse e meriton”.
Deklarata ka ngjallur reagime dhe debat në opinionin publik, ndërsa nuk ka pasur ende sqarime zyrtare lidhur me natyrën simbolike apo reale të këtij gjesti.
Ngjarja vjen në një kohë tensionesh të vazhdueshme politike në Venezuelë, ku SHBA-ja ka kapur presidentin Nicolas Maduro. /Telegrafi/
Ndërsa miliona venezuelianë presin të shohin se çfarë do të ndodhë me vendin e tyre të shkatërruar ekonomikisht dhe politikisht, ka lindur një betejë midis dy udhëheqëseve femra për kontroll mbi të ardhmen e kombit dhe për favorizimin e presidentit amerikan.
Në njërën anë është udhëheqësja e opozitës dhe laureatja e Çmimit Nobel, Maria Corina Machado, e cila u bë e njohur vitet e fundit për luftën e saj të paepur për demokraci në Venezuelë, duke u përballur me ish-diktatorin tashmë të rrëzuar, Nicolas Maduro.
Ajo ka qëndruar kryesisht e fshehur pas zgjedhjeve të kontestuara presidenciale të Venezuelës në vitin 2024, pas të cilave autoritetet zgjedhore të kontrolluara nga qeveria shpallën Maduron fitues - duke i lejuar atij të qëndronte në pushtet deri në kapjen e tij nga forcat speciale amerikane në një bastisje të jashtëzakonshme dy javë më parë.
Rivalja e saj është Delcy Rodriguez – zëvendëspresidentja e Maduros, e cila tani po merr rolin e saj të ri si presidente e përkohshme.
Rodriguez shihet si një anëtare e vendosur e gardës së vjetër dhe një mbrojtëse e fortë e Maduros; por ajo po ecën në një litar të tendosur të pasigurt në përpjekje për të qetësuar si Uashingtonin ashtu edhe besnikët e regjimit të Maduros në vend.
Në qendër të luftës së tyre është një figurë që ndodhet më shumë se 3,200 kilometra larg: presidenti Donald Trump, i cili urdhëroi bastisjen në Karakas dhe deklaroi se Shtetet e Bashkuara do ta “drejtonin” Venezuelën ndërkohë.
Edhe pse Trump deri më tani është përmbajtur nga një sulm i dytë ndaj Venezuelës, kërcënimi i ndërhyrjes ushtarake mbetet.
Kohët e fundit ai tha se administrata e tij do të fillojë të shënjestrojë kartelet e drogës në tokë, pas muajsh sulmesh ndaj anijeve të dyshuara të drogës në det.
Dhe ai ka mbajtur një armatë të madhe ushtarake amerikane në Karaibe për të vazhduar sulmet e forta në Karakas.
Ndoshta më e rëndësishmja, zgjedhjet e Trumpit mund të ndikojnë në të ardhmen e udhëheqjes së Venezuelës dhe në atë se kush do të marrë drejtimin.
Në sipërfaqe, duket e thjeshtë - Trump e ka lavdëruar Rodriguezin, por nuk ka pranuar ta mbështesë Machadon, pavarësisht se ajo ka mbështetës të fuqishëm brenda administratës së tij.
Por diskutimet e Trumpit me udhëheqës të tjerë botërorë kanë treguar se mendimet e tij mund të ndryshojnë shpejt.
Si Machado ashtu edhe Rodriguez kanë komunikuar drejtpërdrejt me presidentin e SHBA-së.
Të mërkurën, Trump tha se kishte folur me Rodriguez në telefon, duke e quajtur atë një "person të mrekullueshëm" dhe duke thënë se ata "po shkonin shumë mirë me njëri-tjetrin".
Machado po shkon një hap më tej me takimin me Trumpin ballë për ballë në Uashington, shkruan CNN.
Por udhëheqësja e opozitës mund të përballet me një betejë më të vështirë falë një çmimi për paqen.
Ajo ka disa aleatë të fuqishëm brenda Shtëpisë së Bardhë - Sekretari i Shtetit Marco Rubio ishte ndër ata që vlerësuan punën e saj dhe e nominuan për Çmimin Nobel për Paqen 2025.
Edhe vetë Trump, para inaugurimit të tij vitin e kaluar, e quajti Machadon një luftëtare të lirisë.
Por kjo mbështetje duket se u zbeh kur Machado fitoi Çmimin Nobel - të cilin Trump nuk e ka fshehur se e dëshiron për vete.
"Nuk mund të mendoj për askënd në histori që duhet ta marrë Çmimin Nobel më shumë se unë. Dhe nuk dua të mburrem, por askush tjetër nuk zgjidhi luftëra", tha Trump.
Pasi rrëzoi Maduron, Trump pretendoi se Machado "nuk ka mbështetjen ose respektin brenda vendit" për të qenë udhëheqës.
Machado është përpjekur “ta qetësojë” presidentin, duke ia dedikuar pjesërisht çmimin atij kur e fitoi tetorin e kaluar.
Në javët e fundit, ajo sugjeroi se do t'ia ofronte çmimin e saj Trumpit edhe pse Instituti Norvegjez i Nobelit ka thënë se nuk mund të transferohet.
Trump tha se do të ishte një nder të merrte çmimin e saj, por nuk u përgjigj drejtpërdrejt nëse kjo mund ta bënte të rishqyrtonte rolin e saj në Venezuelë.
Ndërkohë, Trump ka shprehur gjithashtu gatishmërinë e tij për t'u takuar "në një moment" me Rodriguez, e cila tani përballet me një akt të vështirë balancimi.
Nga njëra anë, Rodriguez e ka denoncuar hapur operacionin amerikan, duke e dënuar kapjen e Maduros si një “shkelje të hapur të sovranitetit të Venezuelës”.
Por tani ajo po përdor një ton më pajtues, duke ofruar një "agjendë bashkëpunimi" me SHBA-në.
Qeveria e saj ka filluar lirimin e të burgosurve të profilit të lartë si një gjest paqeje, përfshirë disa amerikanë.
Rodriguez ka pasur prej kohësh një marrëdhënie të ndërlikuar me SHBA-në.
Siç e ka theksuar rivalja e saj Machado, presidentja në detyrë është nën sanksione të SHBA-së për shkelje të të drejtave të njeriut - të cilat ajo i ka mohuar vazhdimisht.
Në të njëjtën kohë, ajo ka punuar për vite me radhë për të forcuar marrëdhëniet dypalëshe - veçanërisht përmes naftës, me Venezuelën që ka rezervat më të mëdha të raportuara të naftës në botë. /Telegrafi/
Kuba ka nderuar 32 ushtarët e saj që u vranë në një sulm të Shteteve të Bashkuara ndaj Venezuelës në fillim të këtij muaji, që çoi në arrestimin e presidentit Nicolas Maduro.
Mbetjet mortore të ushtarëve, të cilët ishin anëtarë të forcave të armatosura dhe agjencive të inteligjencës së Kubës, mbërritën në aeroportin ndërkombëtar të Havanës, në arkivole të mbështjella me flamurin kubanez.
Presidenti Miguel Diaz-Canel dhe Raul Castro, ish-udhëheqësi kubanez 94-vjeçar në pension, ishin të pranishëm me uniforma të plota ushtarake për të marrë eshtrat, shkruan Al Jazeera.
Diaz-Canel i përshëndeti ushtarët më herët këtë javë, duke thënë se ata “ranë heroikisht në mbrojtje të sovranitetit të një kombi motër”.
Ministri i Brendshëm Gjenerali Lazaro Alberto Alvarez shprehu gjithashtu mirënjohjen e vendit për ushtarët që ai tha se kishin “luftuar deri në plumbin e fundit”.
Një autokolonë i transferoi më vonë eshtrat në ministrinë e forcave të armatosura përgjatë njërit prej bulevardeve kryesore të Havanës, të rrethuar nga mijëra njerëz që bënin homazhe, duke valëvitur flamuj dhe duke përshëndetur.
Banorët e kryeqytetit gjithashtu u rreshtuan për të shprehur respektin e tyre gjatë gjithë ditës.
Ndryshe, tensionet midis SHBA-së dhe Kubës u përshkallëzuan këtë javë pasi Trump i tha vendit se do të ndërpresë vajin dhe paratë venezueliane që të arrinin në ishull, duke e paralajmëruar Havanën të bënte një marrëveshje para se të ishte “tepër vonë”.
Komentet e Trumpit shkaktuan një përgjigje sfiduese nga Diaz-Canel, i cili tha se Kuba do ta mbronte atdheun e saj "deri në pikën e fundit të gjakut". /Telegrafi/
Shtetet e Bashkuara kanë sekuestruar një tjetër tanker të lidhur me Venezuelën, konfirmuan zyrtarët amerikanë.
Është anija e gjashtë e sekuestruar nga forcat amerikane që nga mesi i dhjetorit dhe sekuestrimi ndodhi përpara një takimi midis presidentit të SHBA-së Donald Trump dhe udhëheqëses së opozitës venezueliane Maria Corina Machado, raporton Reuters .
Zyrtarët, të cilët folën në kushte anonimiteti, thanë se sekuestrimi ndodhi në Karaibe.
Operacioni u konfirmua nga Komanda Jugore e ushtrisë amerikane, e cila tha se forcat amerikane e sekuestruan cisternën Veronica "pa incidente".
The U.S. has seized a sixth Russian “shadow fleet” oil tanker.
This time, the vessel tried to dodge U.S. authorities by changing its name and flag. It didn’t work, writes Reuters.
Tankeri Aframax Veronica me flamur të Guajanës lundroi bosh nga ujërat e Venezuelës në fillim të janarit, sipas dokumenteve të transportit nga kompania shtetërore e naftës PDVSA dhe të dhënave nga shërbimi i gjurmimit TankerTrackers.com.
Anija nuk është kthyer në Venezuelë, ndryshe nga anijet e tjera ditët e fundit.
Sekuestrimi është pjesë e fushatës së presidentit Trump për të detyruar presidentin e Venezuelës, Nicolas Maduro, të japë dorëheqjen, që kulmoi me një bastisje amerikane më 3 janar që arrestoi Maduron dhe gruan e tij.
Trump ka thënë që atëherë se SHBA-të planifikojnë të marrin kontroll të pacaktuar mbi burimet e naftës së Venezuelës, si pjesë e një plani prej 100 miliardë dollarësh për të rindërtuar industrinë e naftës së vendit.
Anijet e kapura deri më tani ishin nën sanksionet e SHBA-së ose pjesë e të ashtuquajturës "flotë në hije", e cila fsheh origjinën e saj për të transportuar naftë nga prodhues të sanksionuar si Irani, Rusia ose Venezuela. /Telegrafi/
Presidenti amerikan Donald Trump po mban sot një takim në Shtëpinë e Bardhë me udhëheqësen e opozitës venezueliane, María Corina Machado, për të diskutuar mbi të ardhmen politike të Venezuelës pas operacionit amerikan që çoi në kapjen e Nicolás Maduro-s më 3 janar 2026. Machado, e njohur ndërkombëtarisht si fituese e Çmimit Nobel për Paqen […]
Shtetet e Bashkuara kanë përfunduar shitjet e para të naftës venezueliane me vlerë rreth 500 milionë dollarë, si pjesë e një marrëveshjeje prej 2 miliardë dollarësh të arritur më herët këtë muaj mes Karakasit dhe Uashingtonit.
Sipas një zyrtari të administratës amerikane, të ardhurat nga këto shitje fillestare po mbahen në llogari bankare të kontrolluara nga qeveria e SHBA-së, në përputhje me një urdhër të lëshuar të premten.
Një burim i njohur me planin bëri të ditur se llogaria kryesore është hapur në Katar, i cili është zgjedhur si një vendndodhje neutrale. Kjo lejon që fondet të zhvendosen me miratimin e SHBA-së, pa rrezikun e sekuestrimit apo arrestimit.
Shtetet e Bashkuara kanë përfunduar shitjen e parë të naftës venezuelase, me vlerë 500 milionë dollarë, sipas një zyrtari të administratës.
Shitje të tjera të naftës priten në ditët dhe javët në vijim, shtoi zyrtari.
Në ditët që kur Shtetet e Bashkuara sulmuan Venezuelën dhe kapën presidentin e saj, Nicolás Maduro, në fillim të këtij muaji, presidenti amerikan Donald Trump e ka bërë të qartë se planifikon të shfrytëzojë rezervat e mëdha të naftës së vendit.
Trump tha të premten se industria e naftës do të investojë të paktën 100 miliardë dollarë për të rindërtuar sektorin e energjisë të dëmtuar të Venezuelës – megjithëse nuk është e qartë se nga erdhi ky numër.
Planet e administratës për të përfituar nga nafta e Venezuelës, u pritën me skepticizëm nga drejtuesit e energjisë amerikane në Shtëpinë e Bardhë të premten.
“Është e painvesueshme,” u tha zyrtarëve CEO i ExxonMobil, Darren Woods, kur diskutuan pengesat për të bërë biznes në Venezuelë.
“Ekzistojnë një numër kornizash ligjore dhe tregtare që do të duhej të krijoheshin për të kuptuar edhe se çfarë lloj kthimesh do të merrnim nga investimi”, shtoi ai.
Disa drejtues të tjerë shprehën gjithashtu ngurrim për të bërë biznes në vendin e Amerikës Latine të sforcuar. Pas një takimi të gjatë në Shtëpinë e Bardhë të premten, Trump dhe ndihmësit e tij kryesorë kishin dalë pa ndonjë angazhim të madh nga kompanitë për të investuar miliarda dollarë në vend.
Detajet rreth shitjes së parë të naftës ishin të paqarta të mërkurën, por në një deklaratë, zëdhënësi i Shtëpisë së Bardhë, Taylor Rogers, tha se “ekipi i presidentit Trump po lehtëson diskutime pozitive dhe të vazhdueshme me kompanitë e naftës që janë të gatshme dhe të vullnetshme të bëjnë investime të papara për të rivendosur infrastrukturën e naftës së Venezuelës”. Të mërkurën, Reuters raportoi se nafta bruto e Venezuelës po ofrohej me një zbritje për tregtarët krahasuar me naftën konkurruese nga vende të tjera, të tilla si Kanadaja.
Shtetet e Bashkuara kanë përfunduar shitjen e parë të naftës venezuelase, me vlerë 500 milionë dollarë, sipas një zyrtari të administratës.
Shitje të tjera të naftës priten në ditët dhe javët në vijim, shtoi zyrtari, transmeton Telegrafi.
Në ditët që kur Shtetet e Bashkuara sulmuan Venezuelën dhe kapën presidentin e saj, Nicolás Maduro, në fillim të këtij muaji, presidenti amerikan Donald Trump e ka bërë të qartë se planifikon të shfrytëzojë rezervat e mëdha të naftës së vendit.
Trump tha të premten se industria e naftës do të investojë të paktën 100 miliardë dollarë për të rindërtuar sektorin e energjisë të dëmtuar të Venezuelës - megjithëse nuk është e qartë se nga erdhi ky numër.
Planet e administratës për të përfituar nga nafta e Venezuelës, u pritën me skepticizëm nga drejtuesit e energjisë amerikane në Shtëpinë e Bardhë të premten.
"Është e painvesueshme," u tha zyrtarëve CEO i ExxonMobil, Darren Woods, kur diskutuan pengesat për të bërë biznes në Venezuelë.
"Ekzistojnë një numër kornizash ligjore dhe tregtare që do të duhej të krijoheshin për të kuptuar edhe se çfarë lloj kthimesh do të merrnim nga investimi", shtoi ai.
Disa drejtues të tjerë shprehën gjithashtu ngurrim për të bërë biznes në vendin e Amerikës Latine të sforcuar. Pas një takimi të gjatë në Shtëpinë e Bardhë të premten, Trump dhe ndihmësit e tij kryesorë kishin dalë pa ndonjë angazhim të madh nga kompanitë për të investuar miliarda dollarë në vend.
Detajet rreth shitjes së parë të naftës ishin të paqarta të mërkurën, por në një deklaratë, zëdhënësi i Shtëpisë së Bardhë, Taylor Rogers, tha se "ekipi i presidentit Trump po lehtëson diskutime pozitive dhe të vazhdueshme me kompanitë e naftës që janë të gatshme dhe të vullnetshme të bëjnë investime të papara për të rivendosur infrastrukturën e naftës së Venezuelës".
Të mërkurën, Reuters raportoi se nafta bruto e Venezuelës po ofrohej me një zbritje për tregtarët krahasuar me naftën konkurruese nga vende të tjera, të tilla si Kanadaja. /Telegrafi/
Zyrtarët venezuelas besojnë se aleanca e sigurisë me Rusinë doli të ishte një trillim, raporton Bloomberg. Karakasi priste që Moska të ndihmonte në mbrojtjen e Nicolás Maduro, por nuk mori mbështetje gjatë operacionit amerikan. Sipas agjencisë, inteligjenca ruse dhe kubane nuk arritën të paralajmëronin për kërcënimin. Sistemet e mbrojtjes ajrore S-300 dhe Buk rezultuan të […]
Venezuela ka filluar lirimin e shumë të burgosurve amerikane të ndaluar në të gjithë vendin. Një zyrtar i departamentit të shtetit e cilësoi këtë veprim një hap të rëndësishëm në drejtimin e duhur nga autoritetet e përkohshme të vendit.
Ky është rasti i parë që nga arrestimi i Nicolas Maduro, që Karaksi zyrtar liron të burgosur nga Shtetet e Bashkuara.
Megjithatë Kombet e Bashkuara kanë thënë se se Venezuela deri më tani ka liruar vetëm rreth 50 persona nga më shumë se 800 të burgosurish politikë që besohet se mbahen në vend.
Lëvizja e fundit e presidentes së përkohshme Delcy Rodriguez sinjalizon një përpjekje për të fituar mbështetjen e bashkësisë ndërkombëtare, pavarësisht se strukturat që mbështesnin regjimin e Maduro, mbeten në vend edhe pas arrestimit të tij.
Lirimi i qytetarëve amerikanë vjen përpara një vizite në Shtëpinë e Bardhë të enjten nga María Corina Machado, udhëheqësja e opozitës dhe fituesja e Çmimit Nobel për Paqen, e cila ka bërë përpjekjet e saj për të fituar mbështetjen e Trump.
Machado ka deklaruar se dëshiron t’ia transferojë Nobelin presidentit amerikan, si shenjë mirënjohjeje e popullit Venezuelian edhe pse komiteti norvegjez që ndan çmimin ka thënë se diçka e tillë është e pamundur.
Vetë Donald Trump ka thënë se do e pranonte me kënaqësi çmimin, pasi sipas tij e meriton për konfliktet që ka përfunduar.
Megjithatë pas rrëzimit të Maduro ai theksoi se Machado nuk mund të marrë pushtetin në Venezuelë, pasi nuk ka mbështetje nga qytetarët e vendit./abcnews.al
KARAKAS, 14 janar /ATSH-ANSA/ – Të ardhurat nga shitjet e naftës do të përdoren për të rimëkëmbur dhe ristrukturuar sistemin e kujdesit shëndetësor të vendit, deklaroi presidentja e përkohshme e Venezuelës, Delcy Rodríguez.
Pamvarësisht kësaj deklarate Shtetet e Bashkuara kanë deklaruar se do të kontrollojnë shitjet e naftës bruto për një periudhë “të pacaktuar” dhe ato do të administrohen nga Uashingtoni.
Në një fjalim të shkurtër të transmetuar në kanalin shtetëror VTV, Rodríguez tha se po punon për një plan të veçantë për sektorin e kujdesit shëndetësor, i cili është goditur nga vite krize, dhe se angazhimi i parë është që çdo dollar që hyn në Venezuelë nga industria e naftës dhe gazit do të përdoret për të përmbushur nevojat e sistemit të kujdesit shëndetësor. /os/
Presidenti amerikan, Donald Trump deklaroi së fundmi se Shtetet e Bashkuara po marrin “miliona e miliona fuçi nafte”, duke vënë në dukje se importet e naftës kanë arritur nivelin e 50 milionë fuçive në ditë, me një vlerë tregu që kap mbi 5 miliardë dollarë vetëm për një ditë të vetme.
“Anijet më të mëdha në botë mund të transportojnë rreth një milion fuçi”, tha lideri amerikan.
“Por ne kemi 50 milionë fuçi. Mendoni vetëm për këtë sasi”, shtoi ai.
Trump:
We’re taking in, as I said, millions and millions of barrels of oil.
And now they’re coming in — initially — on a daily basis: 50 million. Values of over $5 billion — that’s in one day.
Sipas ekspertëve, kjo tregon shkallën e jashtëzakonshme të operacioneve tregtare të SHBA-së dhe ndikimin e tyre në furnizimin global me naftë.
Lëvizja vjen në një kohë kur çmimet e energjisë dhe stabiliteti i tregjeve janë nën vëzhgim të vazhdueshëm nga investitorët dhe qeveritë e ndryshme.
Ndryshe, Trump ka paralajmëruar se do të ketë investime 100 miliardë dollarëshe në industrinë e Venezuelës pas kapjes së presidentit të vendit, Nicolas Maduros. /Telegrafi/
Udhëheqësja e opozitës venezuelase dhe fituesja e Çmimit Nobel për Paqen, María Corina Machado, do të takohet me presidentin amerikan Donald Trump të enjten, ka konfirmuar Shtëpia e Bardhë.
Vizita vjen vetëm disa javë pasi presidenti venezuelas Nicolás Maduro u kap në Karakas nga forcat amerikane.
Por Trump refuzoi të mbështeste Machadon, lëvizja e të cilës pretendoi fitoren në zgjedhjet e kontestuara gjerësisht të vitit 2024, si udhëheqësen e saj të re.
Në vend të kësaj, SHBA-të mbështetën Delcy Rodríguez, ish-nënkryetaren e Maduros, transmeton Telegrafi.
Machado tha javën e kaluar se shpresonte ta falënderonte personalisht Trumpin për veprimin kundër Maduros, dhe do të donte t'ia jepte Çmimin Nobel atij.
Trump e quajti atë "një nder të madh", por Komiteti i Nobelit më vonë sqaroi se nuk ishte i transferueshëm.
Më parë, Trump kishte shprehur pakënaqësi për vendimin e Machados për të pranuar Çmimin Nobel për Paqen, një nder që presidenti e ka lakmuar prej kohësh.
I pyetur të premten nëse marrja e çmimit të Machados mund të ndryshojë pikëpamjen e tij për rolin e saj në Venezuelë, presidenti tha: "Ajo mund të jetë e përfshirë në ndonjë aspekt të saj".
"Do të duhet të flas me të. Mendoj se është shumë mirë që ajo dëshiron të vijë. Dhe kjo është arsyeja që unë e kuptoj", tha ai.
Më parë këtë muaj, pas rrëzimit të Maduros, Trump kishte thënë se Machado "nuk ka mbështetjen brenda, ose respektin brenda, vendit".
"Ajo është një grua shumë e mirë, por nuk ka respekt," tha ai.
SHBA-të deri më tani e kanë mbështetur Delcy Rodríguez si presidente të përkohshme të Venezuelës.
Trump e përshkruan Rodríguez si një "aleate" dhe ajo nuk është akuzuar nga zyrtarët amerikanë për ndonjë krim.
"Delcy Rodríguez dhe ekipi i saj kanë qenë shumë bashkëpunues me Shtetet e Bashkuara," tha të hënën Sekretarja e Shtypit e Shtëpisë së Bardhë, Karoline Leavitt.
Por Machado ka pohuar se koalicioni i saj duhet "absolutisht" të jetë në krye të vendit.
Machado ka thënë se askush nuk i besonte Rodríguez, duke i thënë CBS se udhëheqësja e përkohshme ishte "një nga arkitektët kryesorë të represionit për njerëzit e pafajshëm" në vendin e Amerikës së Jugut.
"Të gjithë në Venezuelë dhe jashtë saj e dinë në mënyrë të përsosur se kush është ajo dhe çfarë roli ka luajtur", tha Machado. /Telegrafi/
Pretendimi: Kjo video tregon sekuestrimin e një anijeje me flamur rus nga ShBA në janar 2026
Verdikti: Mungon konteksti
————————————————————
Një video e marinsave amerikanë që zbresin nga një helikopter në një aeroplanmbajtëse po ndahet në mediat shqipfolëse si momenti kur ShBA sekuestroi një cisternë nafte me flamur rus, të lidhur me Venezuelën, në janar 2026.
Megjithatë, me anë të motorrit të kërkimit pamor Google Lens Faktoje gjeti se video e mësipërme është postuar në X/Twitter më 5 tetor 2025 nga Margo Martin, një asistente speciale e presidentit amerikan, Donald Trump.
Video tregon një demonstrim të kryer në aeroplanmbajtësen USS George H. W. Bush për të shënuar 250-vjetorin e Marinës Amerikane, sipas Shërbimit të Shpërndarjes së Informacionit Vizual të Mbrojtjes, i cili tha se Trump dhe gruaja e tij Melania ishin gjithashtu të pranishëm për ta dëshmuar këtë ngjarje. Një foto e Reuters tregon çiftin Trump duke parë të njëjtën skenë në brigjet e Norfolk, Virginia, si në video.
Ndërkaq, është e vërtetë se Roja Bregdetare dhe forcat ushtarake amerikane bllokuan cisternën Bella 1 më 7 janar pas një ndjekjeje dyjavore në Atlantik, duke rrezikuar më shumë përballje me Rusinë, pasi një nëndetëse ruse dhe anije të tjera ndodheshin afër.
Video që po qarkullon në media si pamje nga kjo kapje, në fakt janë xhiruar 3 muaj më parë dhe tregojnë një shfaqje, jo një operacion real ushtarak.
Vatikani bëri të ditur se të hënën 12 janar 2026, Papa Leoni XIV ka zhvilluar një takim me lideren e opozitës venezuelane dhe fituesen e Çmimit Nobel për Paqen, Maria Corina Machado, pa dhënë detaje të mëtejshme mbi përmbajtjen e bisedës. Takimi u përfshi në axhendën zyrtare të Papës për ditën e hënë, të publikuar në buletinin e përditshëm të Selisë së Shenjtë, por nuk ishte përmendur në një njoftim të mëparshëm për shtyp lidhur me programin e tij ditor.
Ditët e fundit, pas operacionit që çoi në kapjen e presidentit venezuelan Nicolás Maduro, Papa Leoni XIV ka bërë thirrje që Venezuela të mbetet një vend i pavarur. Në një fjalim të rëndësishëm mbi politikën e jashtme, të mbajtur të premten, Ati i Shenjtë dënoi përdorimin e forcës ushtarake si mjet për arritjen e qëllimeve diplomatike dhe kërkoi respektimin dhe mbrojtjen e të drejtave të njeriut në Venezuelë.
Maria Corina Machado, ish-anëtare e Asamblesë Kombëtare të Venezuelës, ishte përjashtuar nga kandidimi në zgjedhjet e përgjithshme të vitit 2024 nga autoritetet e regjimin e Maduros. Pas këtij vendimi, ajo mbështeti një kandidat alternativ, i cili nga shumë vëzhgues u konsiderua fitues i zgjedhjeve, pavarësisht pretendimit për fitore nga ana e Maduros.
Vizita e Machado-s në Vatikan përkoi me ditën e lirimit të Alberto Trentinit dhe Mario Burlòs, përkatësisht punonjës humanitar nga Veneto dhe sipërmarrës nga Piemonte, të cilët kishin qenë të ndaluar në Venezuelë për 423 ditë. Lajmi për lirimin e tyre u konfirmua në orët e paradites nga zëvendëskryeministri dhe ministri i Jashtëm italian, Antonio Tajani.
Ndërkohë, liderja e opozitës venezuelane pritet të zhvillojë një takim «të martën ose të mërkurën» me presidentin e Shteteve të Bashkuara, Donald Trump. Lajmi u bë i ditur nga vetë presidenti amerikan, i cili megjithatë ka deklaruar se “përjashton mundësinë që Machado të ketë një rol udhëheqës në Venezuelë”.
Takimi i Machado-s me Papën dhe kontaktet e saj në Shtetet e Bashkuara vijnë në një moment delikat për Venezuelën, e cila po përballet me tensione të thella politike, ndërkombëtare dhe institucionale, ndërsa komuniteti ndërkombëtar po ndjek me vëmendje zhvillimet në vend.
Login
