Trepça ka vazhduar me rezultate pozitive në Superligën e Kosovës në basketboll, për ta mposhtur Boran.
Skuadra mitrovicase fitoi me rezultat 84-76 (22:20, 25:15, 21:21, 16:20).
Ndeshja ishte mjaft e baraspeshuar, ku dallimi pas çerekut të parë ishte vetëm dy pikë (22-20). Pas kësaj, mitrovicasit në “Minatori” e rritën distancën në 10 pikë për ta mbyllur çerekun e dytë me rezultat 25:15.
Çereku i tretë ishte prapë i barabartë, për të përfunduar me rezultat 21:21. Kurse, në çerekun vendimtar Bora arriti ta fitojë me katër pikë dallim por që e pamjaftueshme për ta fituar ndeshjen (16:20).
Drilon Hajrizi ishte ylli i Trepçës me 20 pikë, ndihmuar nga Payne me 12 sosh. Ndërkohë, te Bora nuk mjaftoi paraqitja e shkëlqyer e Tyler Cheese me 24 pikë.
Trepça kësisoj regjistron fitoren e nëntë ndërsa ka edhe tre humbe derisa Bora ka pesë fitore dhe shtatë humbje./Telegrafi/
Trepça ka fituar sfidën e mbetur të javës së pestë të ProCredit Superligës ndaj Borës, me rezultat 72:90), që u zhvillua në Mitrovicë.
Me këtë fitore, kampionët dalin në vendin e parë me tetë fitore e tri humbje, derisa kjo ishte humbja e parë për prishtinasit pas katër fitoreve radhazi, kurse në përgjithësi kanë pesë fitore e gjashtë humbje.
Përballja në “Minatori” ka qenë mjaft interesant, ku fituesi u vendos në periudhën e tretë, që i takoi ‘Xehetarëve’ 11:38, duke vendosur fituesin.
Shaquan Jues kishte 25 pikë e 11 pikë te Bora, derisa te mitrovicasit, Drilon Hajrizi kishte 20 pikë, ndërsa Mikaile Tmusiq 14 pikë, pesë kërcime, pesë asistime dhe gjashtë topa të vjedhur./Telegrafi/
Menaxheri i Departamentit meteorologjik në Ofruesi e Shërbimeve të Navigacionit Ajror (KANS), Sherif Gosalci ka thënë se moti në fundvit do të jetë me borë e acar.
Gosalci përmes një postimi në rrjetin social në Facebook ka shkruar mjegulla do të vazhdoj të mbizotëroj edhe në ditët në vijim.
Siç tha ai temperaturat do të arrijnë deri në -20 gradë Celsius.
“Nën ndikimin e presionit të lartë atmosferik, mjegulla do të vazhdojë edhe ditëve në vijim të jetë persistente në vendin tonë dhe më gjerë. Mot i ndryshueshëm dhe me reshje bore pritet në pjesën e dytë të javës që vjen. Zhvillimet aktuale preliminare, na paralajmërojnë për një ndërrim të mot-moteve me reshje bore dhe acar që mund të përshkohet me temperatura polare edhe deri - 20°C”, ka shkruar Gosalci. /Telegrafi/
Basketbollisti kroat Henrik Sirko ka folur hapur për përvojën e tij disa vjeçare në basketbollin e Kosovës, duke e krahasuar atë drejtpërdrejt me kampionatin kroat.
Sirko u rikthye këtë sezon në Kroaci pas pesë sezoneve të kaluara në Kosovë, por thekson se atje ka gjetur një ambient dhe një pasion që mungon në ligën vendase. Ai luajti për klube si Peja, Prishtina, Ylli dhe Bora.
Sipas tij, investimi në basketboll dhe interesimi i tifozëve në Kosovë janë në nivel dukshëm më të lartë. Ai të gjitha këto i foli në Sportcast që prodhohet nga mediumi Sportske Novosti.
“Jam i lumtur që Cibona luajti kundër Bashkimit këtë sezon, i cili nuk është një ekip i fortë në Kosovë, kështu që pamë se si u paraqit Cibona në transfertë, para një salle plot. Në Kosovë, sallat janë plot, ka tension të madh, investohet shumë në basketboll, pritet një rezultat, dhe kjo është ajo që më tërhoqi”, deklaroi Sirko.
Kroati thekson se edhe cilësia e huajve dhe trajnerëve është më e lartë në Kosovë se sa në Kroaci, duke e bërë ligën më konkurruese.
“Liga atje ka tetë klube, dhe vit pas viti liga është e barabartë, kushdo mund të mposhtë këdo. Ata kanë një rregull prej pesë të huajsh, tre prej të cilëve mund të jenë në fushë. Ata sjellin trajnerë nga liga turke, ish-trajneri i kombëtares së BiH-së Adis Beciragic ka qenë atje për gjashtë sezone, shumë nga trajnerët tanë kanë qenë në Kosovë ose kanë qenë atje”, tregon ai.
Ai shton se dallimi kryesor mes dy ligave është atmosfera dhe kultura sportive.
“Dallimi më i madh midis ligës së Kosovës dhe ligës sonë është se klubet atje kanë shumë spektatorë, ka një dëshirë të tillë për të blerë një biletë. Ne nuk e kemi atë pritshmëri për ndeshjet, ndërsa ata e kanë.”
“Për shembull, fiton një trofe dhe pastaj 1,500 njerëz të ndjekin në një palestër mysafire me një kapacitet prej 3,000 personash, dhe pastaj ka 8,000 njerëz përreth teje në festë. Kjo është ajo që më tërhoqi, nuk ishte as kontrata”, shtoi ai.
Në fund, ai jep një konstatim të drejtpërdrejtë dhe kritik për realitetin e basketbollit kroat.
“Është e trishtueshme që është më mirë të shkosh të luash në Kosovë ose Rumani sesa të qëndrosh në Kroaci, por lojtarët duhet të gjejnë rrugën e tyre”, përfundoi Sirko. /Telegrafi/
Në një sfidë shumë interesante, Bora shënoi fitore ndaj GO+ Pejës me rezultat 81:82 (15:30, 26:13, 14:24, 26:15), në javën e dhjetë të ProCredit Superligës.
Prishtinasit e nisën ndeshjen shumë më mirë, duke dominuar në çerekun e parë, 15:30, derisa vendasit u kundërpërgjigjën në periudhën e dytë, 26:13, ndërsa skuadrat shkuan në pushim me rezultat 41:43.
Kryeqytetasit sërish ishin më të mirë në periodën e tretë, 14:24, kurse pejanët tentuan deri në fund përmbysjen, por vetëm duke afruar rezultatin në 81:82, sa përfundoi ndeshja.
Musab Mala kishte 17 pikë e pesë asistime, kurse Jordan Johnson 20 pikë për vendasit, kurse te mysafirët, Alex Hunter kishte 21 pikë, tetë kërcime e tetë asistime, ndërsa Amin Hot 23 pikë e shtatë kërcime.
GO+ Peja ka shtatë fitore e tri humbje, ndërsa Bora katër fitore e gjashtë humbje. /Telegrafi/
Në Ohio, drejtuesit e makinave duhet të jenë të kujdesshëm me borën dhe akullin mbi automjetet e tyre gjatë dimrit.
Ndërsa nuk është e paligjshme të vozitësh me borë mbi makinë, nëse ajo bie dhe dëmton një automjet tjetër, mund të gjobitesh për shkelje të ligjit për sigurinë e automjeteve.
Dëmtimi mund të ndodhë nga bora mbi kapotë që bllokon pamjen e drejtuesit ose nga bora mbi tavan që rrëshqet mbi makinat pas.
Andaj, Ligji i Ohio-s kërkon që dritaret, dritat e pasme, dritat e përparme dhe drita e targës të jenë të pastra, me gjoba deri në 170 euro.
Ekspertët rekomandojnë të zgjasim rutinën e mëngjesit për pastrimin e borës nga të gjitha pjesët e makinës.
Veprime të thjeshta, si ngritja e fshirësve të xhamit, mund të shpëtojnë kohë dhe para. /Telegrafi/
Bora ka fituar derbin prishtinas ndaj Sigal Prishtinës me rezultat 88:78 në javën e nëntë të ProCredit Superligës.
Në një sfidë me shumë emocione në Mitrovicë, Bora arriti të shënojë fitore shumë të vlefshme, duke vazhduar me rezultate pozitive, derisa e kundërta për bardhekaltrit që nuk po kalojnë në formë shumë të mirë.
Në pjesë e parë, Bora ishte më e mirë, duke shkuar në pushim me rezultat 43:30.
Basketbollistët e Borës ruajtën epërsinë edhe në pjesën e dytë, ku shifrat pas 30 minutash ishin 60:50, derisa në fund fituan 88:78.
Bora ka tri fitore e pesë humbje, ndërsa Sigal Prishtina katër fitore e pesë humbje./Telegrafi/
Alpet shqiptare me bukuritë e tyre natyrore, mbeten ndër atraksionet e preferuara në çdo periudhë të vitit, sidomos në stinën e dimrit ku të mbuluara nga dëbora ofrojnë një pamje të mrekullueshme.
Këtë të enjte, kryeministri i vendit Edi Rama, ndau sot në rrjetet sociale pamje nga Alpet e Shqipërisë, të cilat këto ditë të para dhjetori janë zbardhur nga dëbora dhe ftojnë të pasionuarit pas alpinizmit t’i vizitojnë ato.
Parku Kombëtar nga Alpet e Shqipërisë, është një nga territoret më atraktive dhe më magjepsëse të trevave shqiptare me bukuri të shumta natyrore dhe pasuri të mëdha turistike.
Të përfaqësuara nga një reliev malor me kontraste të shumta, të përshkuara nga lugina lumenjsh me ujëra të kristalta, gryka dhe qafa malesh që të intrigojnë të vazhdosh më tej për të eksploruara natyrën, me një bimësi të pasur, Alpet shqiptare përfaqësojnë një perlë me vlera unikale për Shqipërinë.
Majat e maleve në këtë territor duket sikur arrijnë qiellin. Bukuria mahnitëse e tyre pasqyrohet në ujërat kthjellta të lumenjve si Shala, Valbona, Curraj, Cemi, Moraça, etj., si dhe në liqenet akullnajore të tilla si ato të Pejës, Jezercës, Dobërdolit, Sylbicës etj., ofrojnë një qetësi përrallore dhe një nivel adrenaline, e cila ndryshon në çdo moment që shijon bukuritë e shumta të kësaj hapësire.
Kryeministri i Shqipërisë, Edi Rama, ka ndarë sot me ndjekësit e tij një pamje të mrekullueshme dimërore nga Lura, e cila është veshur me një shtresë të bardhë bore.
Përmes një postimi në rrjetin social Facebook, ai ka uruar qytetarët.
“Mirëmëngjes dhe me këtë pamje përrallore nga Lura, ju uroj një ditë të mbarë”, ka shkruar Rama. /Telegrafi/
Fituesja aktuale e Kupës së Kosovës, Trepça, do të ketë një sfidë të fortë në çerekfinale, ku do të përballet me Golden Eagle Yllin.
Shorti për këtë fazë u tërhoq të martën në ambientet e Federatës së Basketbollit të Kosovës.
Një duel mjaft interesant pritet edhe ndërmjet Bashkimit dhe Pejës, ndërsa ndeshje e balancuar shihet ajo mes Rahovecit 029 dhe Borës.
Po ashtu, shumë vëmendje pritet të marrë edhe përballja Vëllaznimi – Sigal Prishtina, që konsiderohet një nga sfidat më të forta të raundit.
Sipas njoftimit të FBK-së: Fituesi i çiftit Bashkimi – GO+ Peja do të përballet në gjysmëfinale me fituesin e duelimit Vëllaznimi – Sigal Prishtina.
Ndërsa fituesi i sfidës Trepça – Golden Eagle Ylli do të ndeshet me fituesin e takimit Rahoveci 029 – Bora.
Në këtë fazë, skuadrat do të luajnë nga dy ndeshje, dhe ekipi me rezultat më të mirë total do të avanconi në gjysmëfinale. Edhe gjysmëfinalet zhvillohen me sistem vajtje-ardhje. /Telegrafi/
ProCredit Superliga rikthehet në aksion pas ndeshjes së Kosovës me shumë ndeshje interesante.
Derbi i xhiros së tetë do të zhvillohet të enjten mbrëma mes GO+ Peja dhe Trepçës, që është përballja e fundit e kësaj xhiro. Sfidat ndërmjet këtyre dy skuadrave kanë dhuruar gjithmonë emocione dhe kështu pritet të enjten, me të dy skuadrat që kanë dhuruar shumë spektakël në këtë edicion dhe kanë ambicie të mëdha. Pejanët kanë gjashtë fitore e një humbje, derisa mitrovicasit katër fitore e dy humbje. Në takimin e parë në Mitrovicë fituan verdhezinjtë 80:86.
Sigal Prishtina-Golden Eagle Ylli është një përballje ku dy skuadrat synojnë fitoren, pasi që kohët e fundit nuk kanë pasur shumë rezultate pozitive. Bardhekaltrit kanë katër fitore e tri humbje, ndërsa therandasit një fitore e gjashtë humbje. Takimin e parë në Therandë e fituan kryeqytetasit 76:78, ndërsa edhe takimi i së mërkurës do të zhvillohet në Therandë.
Rahoveci 029-Bora po ashtu është një përballje shumë interesante dhe shumë e rëndësishme. ‘Vreshtarët’ kanë tri fitore e katër humbje, kurse prishtinasit një fitore e pesë humbje. Duelin e parë në kryeqytet e fitoi skuadra nga Rahoveci me rezultat 84:95.
Të enjten do të sfidohen Bashkimi me Vëllaznimin, ndeshje që do të zhvillohet në Gjakovë, pasi takimi i parë ishte zhvilluar në Prizren. Portokallezinjtë janë skuadra e vetme pa asnjë humbje me shtatë fitore në shtatë ndeshje, kurse Kuqezinjtë një fitore e gjashtë humbje. Përballjen e parë e fituan prizrenasit 69:106.
Bora e parë ka zbardhur majën e Bukanikut në Gjinar, duke sjellë një pamje magjike dimri mbi kurorat e pishave dhe peizazhin malor që rrethon këtë zonë të dashur turistike të Bashkisë Elbasan. Pas ditëve me ulje temperaturash, reshjet e para të dëborës kanë mbuluar Bukanikun me një shtresë të bardhë, duke e kthyer Ginarin në një destinacion edhe më tërheqës për vizitorët që duan natyrë…
Shërbimi Meteorologjik Ushtarak njofton se vendi ynë ditën e hënë do të ndikohet nga kushte atmosferike relativisht të qëndrueshme, megjithëse parashikohen zhvillime lokale të motit në disa zona. Paraditja pritet të karakterizohet nga alternime vranësirash dhe kthjellimesh të herëpashershme në shumicën e territorit. Në orët e pasdites pritet riaktivizim i reshjeve të shiut…
Situata në rrethin e Bulqizës gjatë mëngjesit të sotëm ka vijuar me mot të kthjellët por të shoqëruar me temperatura të ulëta dhe dëborë në lartësinë 500 metra mbi nivelin e detit, gjë që i ka dhënë edhe një bukuri maleve.
Aktualisht sa i përket rrugëve nacionale dhe ato rurale nuk ka pasur probleme, pasi gjatë këtyre ditëve ka vijuar puna për mbajtjen nën kontroll.
Vështirësi të vogla ka në rrugët që lëvizin për tek mininierat e Zonës D, Martanesh dhe Tërnovë ku lëvizin mjetet që transportojnë minatorët pasi ka prezencë të vogël dëbore, ndaj policia u bën thirrje drejtuesve të mjeteve të lëvizin me kujdes.
Ndërkohë situata është normalizuar edhe në Mat dhe Dibër. /Tch/
Rugova e Pejës është zbardhur sot nga bora, duke krijuar pamje të bukura dimërore.
Qytetarët dhe banorët e asaj pjese kanë publikuar pamjet që ka marrë ku vend nga reshjet e para.
Rugova, e cila njihet për bukuritë e saj natyrore dhe për kanionin e thellë, ofron gjithmonë një pamje të bukur gjatë stinës së dimrit, duke u bërë kështu si vend i preferuar për shumë vizitorë qoftë vendor por edhe të huaj, për të kaluar pushimet dimërore por edhe për të shijuar skijimin.
Kujtojmë se meteorologët për sot kanë paralajmëruar reshje bore në viset malore për shkak të rënies së temperaturave. /Telegrafi/
Gjatë orëve të fundit, në lartësitë mbi 1200 metra në juglindje të vendit janë shënuar reshje bore, të cilat kanë prekur kryesisht zonat malore.
Më të evidentuara janë Maja e Biglës në Dardhë dhe zona e Shtyllës deri në majën e Mashkullores, ku trashësia e borës varion nga 5 deri në 10 centimetra.
Firmat kontraktore të mirëmbajtjes së rrugëve ndodhen në terren dhe po punojnë për pastrimin dhe qarkullueshmërinë e akseve, përfshirë edhe rrugën e Dardhës.
Borë është raportuar në pothuajse të gjitha zonat e thella malore të qarkut, por deri tani nuk evidentohen probleme me qarkullimin rrugor apo situata emergjente. Strukturat përgjegjëse po vijojnë monitorimin e situatës./euronews/
Vëllaznimi e ka shënuar fitoren e parë në kuadër të Superligës së Kosovës në basketboll për sezonin 2025/26, duke mposhtur Boran.
Skuadra gjakovare fitoi me rezultat 91:79 (18:17, 19:27, 25:20, 29:15).
Bora e nisi më mirë për ta fituar çerekun e parë me një pikë dallim (17:18), ndërsa e ngriti këtë diferencë me shtatë pikë tjera në çerekun e dytë 19:27.
Megjithatë, pas pushimit të pjesës së parë, Vëllaznimi arriti ta përmbysë ndeshjen. Fillimisht e dominuan çerekun e tretë me pesë pikë epërsi 25:20. Kurse e vulosën fitoren në çerekun e fundit me plot 14 pikë dallim 29:15.
Ziggy Reid ishte më i dalluari me plot 28 pikë, katër topa të kthyer e dy asistime, ndihmuar nga Marques Warrick me 20 pikë. Te Bora përndryshe u dallua Tyson Jackson me 17 pikë e 10 topa të kthyer.
Kësisoj, Vëllaznimi ia bën sefte me fitore në elitë ndërsa Bora mbetet në kërkim të fitores së parë./Telegrafi/
Pesë alpinistë gjermanë kanë vdekur në një ortek në rajonin malor Ortler të Tirolit Jugor të Italisë.
Sot ekipet italiane të shpëtimit gjetën trupat e dy gjermanëve të fundit të zhdukur - një baba dhe vajza e tij 17-vjeçare.
Trupat e tre anëtarëve të tjerë të grupit ishin gjetur të shtunën.
Sipas shërbimit të shpëtimit malor, shpresa për të gjetur dy alpinistët e mbetur gjallë u shua të shtunën në mbrëmje.
Operacioni u desh të ndërpritej pas perëndimit të diellit të shtunën, me ekipet e shpëtimit që planifikonin kërkimin e tyre të radhës me diell të dielën.
“Babai dhe vajza e tij ishin me siguri të vdekur pas një rënieje prej rreth 200 metrash”, tha Olaf Reinstadler, zëdhënës i shërbimit të shpëtimit malor.
Ky vlerësim u konfirmua të dielën.
Fillimisht nuk kishte informacion zyrtar mbi moshën dhe origjinën e viktimave të tjera.
Ndërkohë, hetimet për shkakun e aksidentit janë duke vazhduar.
Sipas shërbimit italian të shpëtimit malor, aksidenti ndodhi të shtunën pasdite në një lartësi prej rreth 3,200 metrash.
Pesë alpinistët po ngjiteshin në malin Vertainspitze, i cili është 3,545 metra i lartë, në rajonin Ortler, kur bora shkaktoi një ortek. /Telegrafi/
Një ortek masiv është shkëputur nga mali Annapurna I në rajonin Myagdi të Nepalit, duke krijuar një skenë dramatike që ka tmerruar alpinistët dhe guidat në kampin bazë verior.
Pamjet tregojnë momentin kur një “re gjigante bore dhe akulli” zbret me shpejtësi, duke përfshirë plotësisht kampin e ngritur në rreth 4100 metra lartësi.
Forca e erës dhe borës ka qenë aq e madhe sa ka zhdukur gjithçka nga pamja për disa minuta.
Pavarësisht pamjeve tronditëse, autoritetet lokale raportuan se nuk pati asnjë të lënduar.
Zyrtarët e shpëtimit malor kanë nisur verifikimet për të siguruar që të gjithë alpinistët të jenë në gjendje të mirë.
Annapurna mbetet një nga malet më të rrezikshme në botë për ngjitje, për shkak të kushteve të paparashikueshme dhe terrenit të ashpër. /Telegrafi/
Peja ka shënuar fitoren e tretë radhazi në ProCredit Superligë. Vendimtar ishte Dardan Berisha me pikët e tij në çastet e fundit.
Verdhezinjtë fituan ndaj Borës 94:96 në sfidën shumë interesante e me kthesa që u zhvillua në Mitrovicë.
Fillimi i ndeshjes ishte kryesisht i baraspeshuar, me epërsi të lehtë të vendasve 11:7, e më pas rikthehen fuqishëm pejanët për të fituar bindshëm çerekun e parë 17:30.
Prishtinasit nuk u dorëzuan dhe u rikthyen në periudhën e dytë, ku ishin më të mirë 32:24, për të shkuar në pushim me rezultat 49:54.
Me seri prej 0:8, verdhezinjtë u shkëputën në 49:62, megjithatë skuadra prishtinase u kundërpërgjigj shpejt ku arrin të barazojë rezultatin në 67:67, e kaloi në epërsi 69:67, derisa shifrat pas 30 minutash ishin 73:76.
Dhjetë minutat e fundit ishin shumë interesante e me kthesa, ku vendimtar ishte Dardan Berisha me tetë pikë në tre minutat e fundit.
Adem Mekiq ishte më i miri te Bora me 23 pikë, dhjetë kërcime e tetë asistime, ndërsa te GO+ Peja, Dardan Berisha dhe Tajh Green shënuan nga 22 pikë.
Bora ka tri humbje, kurse GO+ Peja tri fitore në tri xhirot e para të elitës së basketbollit./Telegrafi/
Login
