Radhë kilometrike automjetesh është krijuar këtë të shtunë në pikën kufitare të Kakavijës. Dhjetëra emigrantë që kthehen nga Greqia në vendin e tyre, kanë mbetur të bllokuar në kufi, pasi pala greke punon vetëm me dy sportele. Sipas raportimeve, situata paraqitet e rënduar, me kolona të gjata automjetesh dhe autobusësh që shtrihen për kilometra të […]

The post Kaos në Kakavijë/ Radhë kilometrike automjetesh, pala greke vetëm me 2 sportele appeared first on BoldNews.al.

Drejtoria Rajonale e Policisë në Gjilan, përmes Njësisë Rajonale të Trafikut Rrugor dhe stacioneve policore, ka intensifikuar aktivitetet për rritjen e sigurisë në trafik gjatë periudhës 12–18 dhjetor 2025.

Sipas njoftimit zyrtar, gjatë kësaj jave janë shqiptuar gjithsej 1,440 gjoba ndaj pjesëmarrësve në trafik, në kuadër të zbatimit të planeve operative për siguri rrugore.

Gjatë kësaj periudhe janë hetuar 13 aksidente trafiku me dëme materiale, si dhe 16 aksidente me persona të lënduar.

Po ashtu, policia ka shqiptuar 75 gjoba ndaj mjeteve të rënda, për shkelje që përfshijnë mosrespektim të rregullave për tahografët, ngarkesë të tepërt ose pa mbulesë, si dhe mangësi në kontrollet teknike.

Në kuadër të masave ndëshkuese, 40 ngasësve u është ndaluar drejtimi i mjeteve motorike.

Përveç aktiviteteve kontrolluese, njësitet policore kanë zhvilluar edhe ligjërata vetëdijësuese me nxënës, me qëllim rritjen e ndërgjegjësimit për sigurinë në rrugë.

Policia e Gjilanit apelon tek të gjithë pjesëmarrësit në trafik që të respektojnë rregullat dhe dispozitat ligjore, duke theksuar se siguria në rrugë është përgjegjësi e përbashkët dhe kontribuon drejtpërdrejt në uljen e aksidenteve dhe ruajtjen e jetës. /Telegrafi/

ATHINË, 17 dhjetor /ATSH-AFP/ – Policia greke njoftoi sot se ka asgjësuar një rrjet të rëndësishëm të trafikut të kokainës drejt Evropës duke arrestuar 10 persona, pas ndalimit të një anijeje fundjavën e kaluar në brigjet franceze.

Ministri i Mbrojtjes së Qytetarëve, Michalis Chrisochoidis u tha gazetarëve se operacioni u zhvillua në bashkëpunim me Agjencinë Amerikane për Luftën Kundër Drogës (DEA) dhe marinën franceze.

”Sasia e kokainës së sekuestruar të dielën në një anije peshkimi greke vlerësohet nga 3,4 deri në 4,7 tonë”, bëri të ditur policia greke.

”Droga ishte ngarkuar në anije në fillim të dhjetorit, në ujërat pranë ishullit Martinikë, në Antilet franceze”, shtoi policia.

Autoritetet po e ndiqnin këtë çështje që nga tetori i vitit 2024.

Rrjeti, i përbërë kryesisht nga shtetas grekë, përdorte anije peshkimi që dukeshin se ushtronin aktivitet tregtar të ligjshëm në ujërat ndërkombëtare.

Një anije “mëmë” transportonte drogën, e cila fillimisht ngarkohej në anijet e peshkimit dhe më pas transferohej në jahte.

Në disa raste, ngarkesa hidhej në det pranë brigjeve evropiane dhe më pas merrej nga zhytës.

Policia greke shtoi se po kërkohen edhe të dyshuar të tjerë në Amerikën Latine, Afrikë dhe në Bashkimin Evropian.

Fitimet e këtij rrjeti kriminal vlerësohen në mbi 100 milionë euro./  /Ad.Ab./ a.jor.

The post ATHINË – Greqia godet një rrjet ndërkombëtar të trafikut të kokainës appeared first on Agjencia Telegrafike Shqiptare.

Rexhep Rraja djali i ish-deputetit, Rrahman Rraja, sipas hetimeve të Prokurorisë së Posacme SPAK, rezulton se është përfshirë drejtpërdrejt në trafikimin e lëndëve narkotike, madje drejtone një grup nëpërmjet bisedave në Sky Ecc, për të trafikuar rmbi 2 ton Kanabis dhe kokainë.

Në dosjen hetimore, që disponon ABC News, Rexhep Rraja, i cili u arrestua më 10 dhjetor bashkë me dy kushërinjtë, Përparim dhe Gazmir Rraja dhe 4 anëtarë të tjerë të grupit kriminal, rezulton se kishte dy pseudonime në aplikacioni SKY Ecc, “XR 1” dhe “New Sky”. Ndërkohë kushëriri i tij, Përparim Rraja njihe si “Caca”, Gazmir Rraja- “Miri” apo “ÇOKU,  Sokol Qaja si “Hermano”, ndërsa Bujar Sefaj njihej me nofktën “Venecia”.Në një episod sipas SPAK, në Turqi është arritur të kapet më 26 janar të vitit 2021, një sasi 236 kg bimë narkotike e llojit marijuanë, e dërguar nga Shqipëria.

Pasi droga u kap në shtetin turk, Rexhep Rraja është i shqetësuar pasi dyshojnë se mund të ketë pasur tradhëti brenda grupit kriminal. Dyshimet bien edhe mbi shoferin e arrestuar Elton Bogdani, por Agim Nina, personi i cili ka mbajtur kontaktet e drejtpërdrejta me shoferin, thotë se është e pamundur . Në këtë bisedë Rexhep Rraja,komunikon me Aldo Gjinit  I njohur me nofktën “bjondi”.

Rexhep Rraja: He vlla, ça thotë?

Aldo Gjini: Lekët e rrugës, thuj, apo të dëmet që do paguajë, se po s’erdhën letrat, ka me pagu me 5 vlla. S’ka llafe dhe s’e pres hiç. Sikur nuk priti ai për lekët e rrugës. I lash kohë deri nesër, o të na japë gjërat e sakta, o të paguajë mallin me çmim atje. Edhe ky vetë tha që deri nesër i duhet kohë.

Rexhep Rraja: Ok vlla. Po he mor vlla, se aty e ke atë. Nuk ikën ai. Po të flasim tamam me të. O shok. Të kujtohet fotoja që të çova, që të thashë ka fut dikush tjetër mall. Janë më shumë se 2 persona. Thuaj atij plakut: lëre atë mhb. E ke fut mallin, ke bo gabim. Mos u shkruaj robve pse ke shpërnda foton. Mos e bëj baltë më shumë mhb. Kamioni akoma s’është hap. Kamioni po mbahet se ka info.

Agim Nina: Po shoferi?

Rexhep Rraja: S’e di për shoferin. Kamioni është ndalu se ka informacion. Ndaj të thashë, shiko mos e ngatërroni punën me fut lloj-lloj njerëzish.

Agim Nina: Ore, ku e pa ai që s’është hap kamioni?

Rexhep Rraja: Kamioni, o vlla, është raportuar kështu. I tha tani, e kanë marrë në telefon, i kanë thënë: “Ai kamion me këto targa ka mrena mall. Merreni bjondin, hajdeni Fushë-Krujë.”

Në një tjetër bisedë Rexhep Rraja, bisedon me Jani Çavon, ku pas kapjes së lëndës narktoike në Turqi, shqëtësohet për disa thasë alumini, pasi anëtarët e gurpit mund të kenë lënë gjurmë.

Rexhep Rraja: O vlla na fikët mor burr…Ca janë kto muhabete. O vlla, po pastroji  thasët e aluminit se i ka prek xhaxhi me dorë..

Rexhep Rraja: Ok tha i pastroj unë …

Jani Çavo: Rri pa merak per pastrimin…

Policia Rajonale e Ferizajt ka bërë të ditur se gjatë javës së kaluar ka intensifikuar aktivitetet për parandalimin e aksidenteve në komunikacionin rrugor, duke shqiptuar një numër të konsiderueshëm gjobash dhe masash ndëshkuese ndaj shkelësve të rregullave të trafikut.

Sipas komunikatës për media, në periudhën nga 8 deri më 14 dhjetor 2025, janë shqiptuar gjithsej 1,447 gjoba kundërvajtëse, ndërsa 27 patentë shoferë janë pezulluar për shkak të shkeljeve të rënda në trafik.

Gjatë së njëjtës periudhë kohore, në rajonin e Ferizajt janë regjistruar gjithsej 20 aksidente trafiku. Prej tyre, pesë aksidente kanë rezultuar me lëndime, ku janë lënduar shtatë persona, ndërsa 15 aksidente të tjera kanë shkaktuar vetëm dëme materiale.

Policia Rajonale e Ferizajt ka bërë të ditur se do të vazhdojë me aktivitete të shtuara në terren me qëllim të rritjes së sigurisë rrugore, duke apeluar njëkohësisht tek të gjithë shoferët që të jenë të kujdesshëm dhe të respektojnë rregullat e komunikacionit.

Po ashtu, policia fton qytetarët që të bashkëpunojnë duke raportuar çdo kundërvajtje në trafik përmes stacionit më të afërt policor, aplikacionit digjital “Lajmëro policinë”, apo numrit kujdestar 192. /Telegrafi/

Policia ka apeluar tek të gjithë pjesëmarrësit në trafik që të tregojnë kujdes të shtuar gjatë qarkullimit, si pasojë e mjegullës së dendur që është shfaqur në rajon.

Sipas njoftimit të Drejtorisë Rajonale të Policisë në Ferizaj, mjegulla është vërejtur në territorin e komunave Ferizaj, Kaçanik, Shtime, Shtërpcë dhe Hani i Elezit, veçanërisht në zonat me pozitë më të ulët gjeografike dhe në afërsi të lumenjve, duke ulur ndjeshëm dukshmërinë në rrugë.

Policia u bën thirrje shoferëve që gjatë vozitjes të ndezin dritat e shkurtra dhe dritat e mjegullës, të shmangin përdorimin e dritave me rreze të gjata, të ngadalësojnë shpejtësinë dhe ta mbajnë atë nën kontroll, si dhe të qëndrojnë në krahun e djathtë të rrugës.

Po ashtu, kërkohet rritje e vëmendjes ndaj ndryshimeve të papritura të dukshmërisë, pasi mjegulla mund të krijojë iluzione optike dhe t’i bëjë drejtuesit e mjeteve të mendojnë se po lëvizin më ngadalë sesa në të vërtetë.

Drejtoria Rajonale e Policisë në Ferizaj thekson se siguria në trafik është përgjegjësi e përbashkët dhe fton të gjithë shoferët të respektojnë rregullat e komunikacionit për të shmangur aksidentet.

Mesditën e kësaj të shtune, qarkullimi rrugor paraqitet i rënduar në aksin nga Tuneli i Krrabës në drejtim të Elbasanit. Konkretisht, në zonën e njohur si “Hinka e Shijonit”, pranë rrethrrotullimit të Bradasheshit, rreth 4 kilometra nga hyrja e qytetit të Elbasanit, është krijuar trafik i dendur. Shkak për këtë situatë është fluksi jashtëzakonisht i […]

The post Trafik i rënduar në hyrje të Elbasanit, fluks automjetesh nga Tirana drejt Juglindjes appeared first on BoldNews.al.

Mjegulla që ka përfshirë kryeqytetin në ditët e fundit, jo vetëm që ka ulur dukshmërinë, por ka shtuar edhe rrezikun në komunikacion. Prandaj Policia e Kosovës apelon për kujdes të shtuar, pasi ngasja në mjegull mund të jetë e rrezikshme.

Ekspertët e komunikacionit këshillojnë që në mjegull të kemi më shumë kujdes, t`i ndjekim rregullat dhe t`i shmangim daljet e panevojshme.

“Çfarëdo situate që është si mjegull, si shi, si borë, nëse kemi kujdes, normal që mund t’ia dalim më lehtë dhe më mirë. Në ditët me mjegull duhet të ulet shpejtësia, nëse na zë gjatë rrugës mjegulla, por nëse kemi mundësi t’i shmangemi trafikut është më mirë t’i shmangemi sidomos në orët e hershme e në orët e vona sepse është më e vështirë vozitja”, tha Lavdim Hamiti, ekspert i komunikacionit.

Por, në trafikun ajror, zyrtarë nga Aeroporti Ndërkombëtar i Prishtinës deklaruan se nuk janë shkaktuar vështirësi apo anulime të fluturimeve si shkak i mjegullës.

Sidoqoftë, mjegulla u tha se ka ndikim negativ edhe në shëndetin e njeriut.

“Mjegulla në përgjithësi ndikon si e vetme, në mënyrë direkte tek njerëzit që kanë probleme resipiratore që kanë astmë apo bronkit. Efekti i dëmshëm i mjegullës rritet me ndotje, pra efekti i dëmshëm i mjegullës është sepse në momentin kur kemi mjegull, ndotja e ajrit bëhet shumë më e efektshme, në atë aspektin e keq”, tha Besim Morina, pulmolog.

Ndërkohë, Instituti Hidrometeorologjik ka njoftuar se pritet stabilizim i kushteve meteorologjike./RTK

Me nisjen e fundjavës, shumë qytetarë po drejtohen drejt juglindjes së vendit për të shijuar pushimet, duke shkaktuar rritje të trafikut. Autoritetet rrugore raportojnë se segmenti rrugor Tiranë–Elbasan është prekur nga trafiku i rënduar në disa kilometra, veçanërisht pranë unazës së Elbasanit, ku qarkullimi është ngadalësuar ndjeshëm. Shoferët këshillohen të tregojnë kujdes dhe të planifikojnë […]

The post Trafik i rënduar në aksin Tiranë-Elbasan appeared first on BoldNews.al.

Dy shoferë janë sanksionuar nga Policia e Ferizajt pasi janë kapur duke drejtuar automjete në kundërshtim me masën mbrojtëse të heqjes së patentë-shoferit. Të dy rastet janë trajtuar nga Policia e Stacionit Ferizaj dhe Njësia e Komunikacionit Rrugor.

Rasti i parë është regjistruar rreth orës 02:22 në rrugën “Ahmet Kaçiku” në Ferizaj, ku policia ndaloi shoferin E.H. (23 vjeç). Ai u kap duke qarkulluar me veturën Volkswagen Golf, megjithëse kishte të shqiptuar masën mbrojtëse të heqjes së patentë-shoferit nga data 14 tetor 2025 deri më 13 janar 2026.

Për këtë shkelje, ndaj tij u shqiptua gjobë prej 500 eurosh, 5 pikë negative, si dhe masa e ndalimit të drejtimit të automjetit për 6 muaj në tërë territorin e Republikës së Kosovës. Automjeti u konfiskua.

Gjatë verifikimit u konstatua se shoferi kishte grumbulluar 13 pikë negative nga kundërvajtjet e mëhershme, çka solli edhe një masë shtesë: heqjen e patentë-shoferit për 12 muaj të tjerë, përcjell Telegrafi.

Në rastin e dytë, Njësia e Komunikacionit Rrugor kishte ndalur ditë më parë në fshatin Gjyrkovc të Shtimes shoferin Xh.H. (42 vjeç), i cili po ngiste veturën Audi Q5 me targa vendore, edhe pse ndaj tij ishte në fuqi masa mbrojtëse e heqjes së patentë-shoferit nga data 15 tetor 2025 deri më 14 janar 2026. Edhe ky shofer u gjobit me 500 euro dhe u privua nga drejtimi i automjetit për 6 muaj, ndërsa automjeti iu konfiskua. Ai posedonte patentë-shofer të huaj.

Policia Rajonale e Ferizajt u ka bërë thirrje të gjithë shoferëve që të respektojnë rregullat e komunikacionit dhe të mos drejtojnë automjete gjatë periudhave të ndalesës ligjore.

Kontrollet në rrugë, sipas policisë, do të intensifikohen në të gjithë rajonin me qëllim rritjen e sigurisë rrugore. Qytetarët inkurajohen të raportojnë çdo shkelje në numrat 192, 0290/326-250, 0290/322-406 ose përmes aplikacionit “Lajmëro Policinë”. /Telegrafi/

BRUKSEL, 4 dhjetor /ATSH-DPA/ – Komisioni Evropian propozoi sot përditësimin e legjislacionit ekzistues për të monitoruar më mirë rrugët e kontrabandës dhe për të parandaluar krimet e lidhura me keqpërdorimin e substancave mjekësore dhe atyre të reja për prodhimin e drogave.

“Trafikimi i drogave përbën një biznes kriminal global dhe një kërcënim të madh për mirëqenien e evropianëve, si dhe për sigurinë e Evropës në tërësi”, tha komisioni në një deklaratë.

Komisioni prezantoi një dokument strategjik dhe një plan veprimi me 19 pika, i cili parashikon një rol më të madh për agjencinë kufitare të BE-së, “Frontex”, në zbulimin e kontrabandës së drogave.

“Frontex” do të përdorë dronë për të identifikuar rrugë të mundshme kontrabande përmes fotografive ajrore.

Agjencia e zbatimit të ligjit të BE-së, Europol, do të forcojë fokusin mbi trafikun e drogave në internet dhe do të mbështesë vendet anëtare në hetimet e tyre.

Sipas planit, Agjencia e BE-së për Drogën (EUDA) do të ketë mundësi të reagojë më shpejt ndaj drogave të reja që shfaqen dhe tëBRUKSEL – BE godet kontrabandën dhe drogat sintetike paralajmërojë vendet anëtare.

Për këtë qëllim, EUDA do të krijojë një bazë të dhënash për të identifikuar më herët prirjet në tregun e drogave.

Agjencia do të mbështesë gjithashtu masat parandaluese në vendet e BE-së, duke përfshirë trajtimin dhe riintegrimin e të varurve.

Fëmijët dhe të rinjtë do të mbrohen më mirë nga rekrutimi nga bandat kriminale, përfshirë identifikimin e ekspertëve evropianë dhe përfshirjen e gjetjeve të tyre në punën parandaluese.

Substancat e përdorura në mjekësi shpesh keqpërdoren për prodhimin e drogave sintetike, ndaj tregtia e tyre do të kufizohet.

Sipas planit, disa substanca që nuk kanë asnjë përdorim tjetër përveç prodhimit të drogave do të ndalohen, me përjashtime vetëm për kërkime shkencore./   /Ad.Ab./

The post BRUKSEL – KE rrit goditjet kundër kontrabandës dhe drogave sintetike appeared first on Agjencia Telegrafike Shqiptare.

Policia Rajonale e Ferizajt ka raportuar se gjatë javës së kaluar, nga data 24 deri më 30 nëntor 2025, janë shqiptuar gjithsej 1,476 gjoba kundërvajtëse, ndërsa 20 shoferë janë përjashtuar përkohësisht nga qarkullimi për shkelje të rënda në trafik.

Gjatë kësaj periudhe, janë regjistruar 39 aksidente, prej të cilave 21 aksidente kanë lënë të lënduar 24 persona, ndërsa 18 aksidente kanë shkaktuar vetëm dëme materiale.

Policia Rajonale e Ferizajt ka theksuar se do të vazhdojë me aktivitete të shtuara për parandalimin e aksidenteve dhe apelon tek të gjithë drejtuesit e automjeteve që të respektojnë rregullat e trafikut dhe të udhëtojnë me kujdes.

Qytetarët mund të bashkëpunojnë me policinë duke raportuar çdo kundërvajtje përmes stacionit më të afërt policor, aplikacionit digjital "Lajmëro Policinë" apo në numrin kujdestar 192. /Telegrafi/

Aksi Elbasan – Librazhd u shndërrua pasditen e sotme në një makth të vërtetë për qindra drejtues mjetesh, të cilët mbetën të bllokuar për orë të tëra në trafik, si pasojë e punimeve që po bëhen në këtë zonë. Sipas raportimeve, 16 km rrugë ishte thuajse totalisht e paralizuar, por pavarësisht kaosit të krijuar asnjë […]

The post Aksi Elbasan-Librazhd i paralizuar nga trafiku/ Policia mendjen te gjobat appeared first on BoldNews.al.

Qarkullimi në aksin Librazhd-Elbasan po përballet me vështirësi të mëdha këtë të diel për shkak të punimeve të zvarritura dhe fluksit të lartë të automjeteve që udhëtojnë drejt Tiranës. Ky segment rrugor, i njohur për densitetin e trafikut, është tërësisht i bllokuar për një gjatësi prej të paktën 16 kilometrash. Qindra qytetarë dhe drejtues mjetesh […]

The post Bllokohet qarkullimi në aksin Librazhd-Elbasan, qytetarët në pritje prej orësh appeared first on BoldNews.al.

Drejtoria e Policisë së Kryeqytetit ka filluar shqiptimin e gjobave ndaj kundërvajtësve në trafik, përmes monitorimit të kamerave të sigurisë që janë vendosur në rrugët e Prishtinës.

Në njoftim thuhet se ky sistem i avancuar është funksionalizuar me qëllim të rritjes së sigurisë publike në rrugët e kryeqytetit, po ashtu edhe me qëllim të zbulimit të rasteve të ndryshme.

“Me anë të këtyre kamerave do të mundësohet identifikimi në kohë reale i kundërvajtjeve, siç janë tejkalimi i shpejtësisë, mosrespektimi i semaforëve, ndalimi në vende të palejuara dhe shkelje të tjera sipas Ligjit për Rregullat e Trafikut Rrugor.

Pas identifikimit gjobat do të dërgohen në adresat postare të kundërvajtësve”, thuhet në njoftim.

Policia e Kosovës thekson se përdorimi i kamerave është një hap i rëndësishëm drejt modernizimit të menaxhimit të trafikut, duke synuar rritjen e sigurisë së qytetarëve në komunikacion dhe apelon tek të gjithë pjesëmarrësit në komunikacion, që të respektojnë rregullat e trafikut, ngase qëllimi kryesor i këtij sistemi është parandalimi, siguria publike dhe ruajtja e jetës së qytetarëve. /Telegrafi/

Policia Rajonale e Ferizajt ka bërë të ditur se gjatë javës së kaluar, nga data 17 deri më 23 nëntor 2025, janë ndërmarrë një sërë aktivitetesh për parandalimin e aksidenteve në komunikacion.

Gjatë kësaj periudhe, autoritetet kanë shqiptuar gjithsej 1,270 gjoba kundërvajtëse dhe kanë pezulluar 26 patenta shoferësh për shkelje të rënda në trafik.

Po ashtu, janë regjistruar 37 aksidente, prej të cilave 17 kanë rezultuar me lëndime, duke lënë 21 persona të lënduar, ndërsa 20 aksidente kanë shkaktuar vetëm dëme materiale.

Policia Rajonale e Ferizajt ka bërë thirrje që shoferët të respektojnë rregullat e trafikut dhe të tregojnë kujdes të shtuar në rrugë.

Autoritetet paralajmërojnë se aktivitetet për parandalimin e aksidenteve do të vazhdojnë me intensitet të shtuar. /Telegrafi/

Policia e Ferizajt ka ndëshkuar dy shoferë në dy raste të ndara për shkelje të rënda të rregullave të qarkullimit rrugor, gjatë 15 dhe 16 nëntorit 2025.

Sipas Njësisë së Komunikacionit Rrugor, rasti i parë u regjistrua më 15 nëntor, rreth orës 16:25, në fshatin Sazli. Shoferi Z.N., 31 vjeç, i cili po drejtonte veturën Peugeot 308 me targa vendore, u kap duke lëvizur me 119 km/h në zonë ku kufizimi i shpejtësisë është 50 km/h.
Për këtë kundërvajtje të rëndë, ndaj tij u shqiptua gjobë prej 300 euro, 3 pikë negative dhe ndalim i drejtimit të automjetit për 3 muaj.

Rasti i dytë ndodhi më 16 nëntor, rreth orës 16:05, në rrugën “Driton Islami” në Ferizaj. Shoferi V.J., 40 vjeç, u kap në flagrancë duke përdorur telefonin gjatë ngasjes.

Verifikimet e policisë treguan se kjo ishte hera e tretë që ai kryente të njëjtën shkelje.
Ndaj tij u shqiptua gjobë prej 500 euro, 3 pikë negative dhe masë ndalimi të drejtimit të automjetit për 6 muaj.

Policia Rajonale në Ferizaj u bëri thirrje të gjithë ngasësve që të respektojnë kufizimet e shpejtësisë dhe të mos përdorin telefonin gjatë vozitjes, duke theksuar se këto veprime paraqesin rrezik serioz për jetën e tyre dhe të pjesëmarrësve të tjerë në komunikacion.

Po ashtu, policia njoftoi se do të intensifikojë kontrollet me radar dhe ato ndaj shoferëve që përdorin telefonin gjatë ngasjes në të gjitha rrugët e rajonit, me synim rritjen e sigurisë rrugore.

Qytetarët ftohen të raportojnë çdo shkelje në numrat 192, 0290/326-250, 0290/322-406, ose përmes aplikacionit “Lajmëro Policinë”. Të gjitha raportimet trajtohen në mënyrë konfidenciale.

Një gjykatë dhe një bibliotekë në një qytet të Oklahomës po u lejojnë njerëzve me shkelje të rregullave të trafikut, disa kundërvajtje bashkiake dhe libra të vonuar të bibliotekës, të dhurojnë ushqim në këmbim të uljes ose eliminimit të shkeljeve të tyre.

Gjatë pjesës tjetër të nëntorit dhe gjithë dhjetorit, njerëzit me shkelje dhe gjoba me njërën nga institucionet bashkiake të Chickasha, mund të dhurojnë ushqim për të ulur gjobat e tyre të trafikut ose bashkiake, ose për të eliminuar gjobat e tyre të bibliotekës, transmeton Telegrafi.

"Qytetarët me shkelje të trafikut bashkiak dhe gjoba të vonuara të bibliotekës, së shpejti do të jenë në gjendje të përfitojnë nga dy programe ushqim për gjoba," thanë zyrtarët e qytetit në një alarm qytetar të publikuar në faqen e internetit të Chickasha.

Gjykata bashkiake e qytetit do të mbajë programin e saj ushqim për gjoba deri më 26 nëntor, i cili i lejon një individi me një gjobë të dorëzojë artikuj ushqimorë që nuk prishen dhe të marrë një ulje prej 10 dollarësh në gjobën e tyre për artikull, deri në 100 dollarë.

Zyrtarët e qytetit vunë re se njerëzit me urdhër-arreste të pazgjidhura inkurajohen të marrin pjesë "pa frikën e arrestimit", dhe njerëzit me gjoba mbi 100 dollarë mund të lejohen të organizojnë një plan pagese për balancat shtesë të mbetura.

Vitin e kaluar, 30 persona kontribuan me ushqime që arrinin një shumë prej 2,826.50 dollarësh në kredite gjoba, një numër që përfshin njerëz që dhuruan më shumë ushqim sesa kërkohej dhe të tjerë që dhuruan pa gjoba.

Biblioteka publike e Chickashës do të zbatojë programin e saj "ushqim për gjoba" gjatë gjithë muajit dhjetor.

Edhe pse donacionet nuk do të zgjidhin borxhet për tarifat e librave të humbur ose të dëmtuar, librat që janë kthyer ose janë kthyer janë të pranueshëm - dhe "çdo sasi ushqimi e dhuruar mund të përdoret për të shlyer çdo shumë të gjobave të prapambetura të bibliotekës".

Biblioteka bllokon llogaritë kur ato kalojnë 6 dollarë, me zyrtarët që vënë në dukje se çdo sasi ushqimi do të lirojë llogarinë dhe do t'u lejojë njerëzve të marrin përsëri libra dhe materiale të tjera.

Të gjitha donacionet ushqimore të bëra si pjesë e përpjekjes "Ushqim për Gjoba" do të dhurohen për Qendrën e Ushqimit të Emergjencës së Chickashës, thanë zyrtarët e qytetit. /Telegrafi/

TIRANË, 15 nëntorATSH-Maela Marini/ Kryeministri Edi Rama e konsideroi sot çështjen e trafikut në Tiranë një sfidë, ndërsa u shpreh se po punohet për adresimin e saj me rritjen e  transportit publik dhe ndjekjen e politikave që u japin prioritet këmbësorëve.

Në një bashkëbisedim me banorët e njësisë nr.3 në Tiranë, Rama u shpreh se trafiku është një sfidë e madhe por duhet të kujtojmë se kemi qenë një kryeqytet me rreth 5 mijë makina.

“Sot jemi një vend që po shkon në 1 milion automjete. Kryeqyteti po rritet. Kur ne shkojmë në Stamboll ose Ankara për vizitë megjithë ato eskorta dhe sirena është një gjë e jashtëzakonshme të kalosh në atë trafik”, tha Rama.

Për Tiranën, Rama tha se kjo është një sfidë shumë e madhe që do shumë më tepër transport publik dhe një politikë komplet tjetër që e kemi nisur me bashkinë.

“Kemi angazhuar një nga ekspertët më të mirë të botë të trafikut që është nga Barcelona. Do të fillojmë të aplikojmë atë model të uljes së shpejtësisë brenda blloqeve të banimit dhe dhënies prioritet fëmijëve dhe të moshuarve. Por nuk janë gjëra që bëhen me humor, me aktorë, me të shara dhe shamatara. Sepse pastaj kur të bie në dorë që t’i bësh e shikon mirë se si është puna. Nuk bëhen dot nga klubet e natës që mblidhen ‘derrat e kënaqur’ të Migjenit dhe diskutojnë mbi të gjitha të zezat e Shqipërisë së sotme”, tha Rama.

Kryeministri u shpreh se në kohën kur bashkinë e Tiranës e mori e djathta u kthyen të gjitha gjërat mbrapsht. /j.p/

The post Rama: Trafiku në Tiranë sfidë, projekt me ekspertin nga Barcelona appeared first on Agjencia Telegrafike Shqiptare.

Nga Ministria e Punëve të Brendshme njoftuan që gjatë katër ditëve të fundit, sipas nenit 297 të Kodit Penal, 11 persona janë arrestuar për drejtim mjeti të pakujdesshëm. Gjatë së njëjtës periudhë, u lëshuan 1,518 kundërvajtje rrugore për vepra të ndryshme penale.

Në periudhën nga 10 deri më 13.11.2025, si rezultat i kontrolleve të rregullta të trafikut të kryera nga oficerët e policisë nga të gjitha departamentet e punëve të brendshme në rrugët në të gjithë vendin, nga një total prej 1,518 urdhërpagesash të lëshuara, 498 shkelje lidhen me drejtuesit e automjeteve që nuk kanë respektuar kufizimin e shpejtësisë së përcaktuar.

“Njëmbëdhjetë persona u privuan nga liria për drejtim mjeti të pakujdesshëm në përputhje me nenin 297-a të Kodit Penal, tetë prej të cilëve për drejtim mjeti nën ndikimin e alkoolit, tre për drejtim mjeti me shpejtësi që tejkalon shpejtësinë e lejuar në një zonë të populluar”, thanë nga MPB.

Ata shtojnë më tej se gjatë fundjavës së kaluar janë regjistruar 942 shkelje për parkim të papërshtatshëm, janë shqiptuar 290 masa ndaj shoferëve që drejtonin automjet pa leje drejtimi, si dhe 48 sanksione për drejtim mjeti nën ndikimin e alkoolit.

“Në përputhje me dispozitat e Ligjit për Sigurinë në Trafikun Rrugor, 161 përdorues të rrugës u sanksionuan për mosvendosje të rripit të sigurimit. Në përputhje me Ligjin për Automjetet, 64 automjete u hoqën nga trafiku për shkak të paregjistrimit, dhe pesë për defekte teknike.Kontrollet e trafikut do të vazhdojnë edhe në periudhën në vijim. U bëjmë thirrje të gjithë pjesëmarrësve në trafik që të respektojnë rregullat dhe rregulloret e trafikut dhe të kontribuojnë së bashku për rrugë më të sigurta”, thekson MPB.