TIRANË, 5 janar /ATSH/ Agjencia për Zhvillim Bujqësor dhe Rural (AZHBR) informon fermerët se kësti i dytë i pagesave në kuadër të Skemave Kombëtare të Mbështetjes për vitin 2025, është kryer brenda datës 31 dhjetor 2025, në përputhje me procedurat financiare në fuqi.

Fondet përkatëse tashmë janë transferuar në bankat e nivelit të dytë dhe po kalohen gradualisht në llogaritë bankare të fermerëve përfitues.

Me miratimin e Aktit Normativ, “Për disa ndryshime dhe shtesa në ligjin Për buxhetin e vitit 2025, të ndryshuar”, botuar në Fletoren Zyrtare, buxhetit të Agjencisë për Zhvillim Bujqësor dhe Rural i është shtuar fondi prej 1,960,406,000 lekësh.

Ky fond i shtuar është i destinuar për kryerjen e pagesave në kuadër të Skemave Kombëtare të Mbështetjes, masat 1–8, për vitin 2025.

AZHBR bën të ditur se, ka punuar pa ndërprerje në ditët e fundit të vitit për të mundësuar kalimin e 50% të mbetur të pagesave, të cilat po shpërndahen aktualisht në llogaritë bankare të rreth 65,000 fermerëve përfitues, përmes bankave të nivelit të dytë.

AZHBR falënderon fermerët për bashkëpunimin dhe durimin e treguar dhe mbetet e angazhuar që edhe në vijim të garantojë mbështetje për sektorin bujqësor dhe zhvillimin rural. e.xh/j.p/

The post AZHBR: Kësti i dytë për 65 mijë fermerë përfitues të skemës kombëtare kaloi më 31 dhjetor appeared first on Agjencia Telegrafike Shqiptare.

Në paketën fiskale që shoqëron buxhetin e vitit 2026, qeveria shqiptare ka propozuar disa masa të reja që synojnë reduktimin e përdorimit të parasë fizike në ekonomi. Në ndryshimet e propozuara të ligjit “Për procedurat tatimore”, përcaktohet një kufi prej 500 mijë lekësh për pagesat që individët, tregtarët e vegjël dhe të vetëpunësuarit kryejnë me […]

The post Qeveria shtrëngon përdorimin e cash-it, kufij të rinj për pagesat në dorë. Sektori financiar kërkon rishikim appeared first on BoldNews.al.

Partia Demokratike ka publikuar një rast, ku një qytetar denoncon se prej vitesh po përballet me një padrejtësi flagrante nga institucionet shtetërore. Qytetari Arben Kalemaj është diagnostikuar me Stemi lateral dhe sëmundje të tjera shoqëruese. Më 9 maj 2022, shërbimi i kardiologjisë pranë QSUNT e ka referuar rastin e tij në Komisionin Mjekësor të Caktimit […]

The post Skandal/ Qytetari endet i sëmurë nëpër institucione, shteti nuk i jep pagesën e invaliditetit që i takon appeared first on BoldNews.al.

Qeveria shqiptare do të financojë kontratën koncensionare me Partneritet Publik-Privat (PPP) për ndërtimin e inceneratorit fantazmë të Tiranës edhe 30 milionë euro për periudhën 2026-2028, sipas të dhënave zyrtare në projektbuxhetin e vitit 2026. Edhe pse impianti nuk po ndërtohet, qeveria vijon të kryejë pagesat me një korrektësi të lartë, nga të gjitha kontratat e […]

The post Impianti nuk punon, por pagesat do bëhen! Inceneratori i Tiranës do “djegë” edhe 30 mln € deri më 2028 appeared first on BoldNews.al.

Tregu muzikor ka qenë shpesh në qendër të vëmendjes, pikërisht për shkak të tarifave të larta që artistët kanë në netët e tyre live. Herë pas here kemi shkruar për çmimet që emrat më në zë marrin, por edhe për ulje-ngritjet që pësojnë në karrierën e tyre, çfarë edhe përkthehet në tarifa që shpeshherë edhe […]

The post Pagesa deri në 60 mijë euro nata, kush janë këngëtaret më të paguara appeared first on BoldNews.al.

Qeveria shqiptare ka nxjerrë për konsultim publik një projektligj përmes së cilit synon që të legalizojë lobimin në Shqipëri si dhe të krijojë një regjistër të lobuesve. Projektligji është produkt i një grupi pune të ngritur me urdhër të kryeministrit Edi Rama në korrik të këtij viti dhe drafti është propozuar nga ministrja e Shtetit […]

The post Qeveria drejt legalizimit të lobimit, por kontratat e pagesave i mban sekret appeared first on BoldNews.al.

Shqipëria po përgatitet për duelin e 11 tetorit ndaj Serbisë në Leskovac, një ndeshje që pritet të ketë emocione të forta jo vetëm në fushën e lojës, por edhe jashtë saj.

Para këtij takimi, portali i njohur i futbollit “Transfermarkt” ka bërë publike vlerësimin financiar të të dyja kombëtareve, duke dhënë një panoramë të qartë mbi potencialin e lojtarëve që do të zbresin në fushë.

Në listën e grumbulluar nga trajneri Silvinjo, Kristjan Asllani rezulton lojtari më i vlefshëm i kuqezinjve, 13 milionë euro, duke u konsideruar si lider i brezit të ri të talentuar.

Vlera totale e 22 lojtarëve të Shqipërisë arrin në 77.55 milionë euro, një shifër që dëshmon për rritjen e imazhit të futbollistëve shqiptarë në arenën ndërkombëtare, por që gjithsesi mbetet ndjeshëm më e ulët krahasuar me kundërshtarin e radhës.

Në krahun tjetër, dy lojtarët me vlerën më të ulët janë Mario Dajsinani dhe Naser Aliji, të cilët luajnë në elitën e futbollit shqiptar dhe vlerësohen respektivisht me 400 mijë dhe 300 mijë euro.

Ky kontrast tregon edhe realitetin e ndryshëm të tregut mes futbollistëve që aktivizohen në kampionate të mëdha evropiane dhe atyre që luajnë në Shqipëri.

Në anën serbe, tabloja është krejt tjetër. Kombëtarja e Serbisë arrin një vlerë totale prej 228.90 milionë euro, duke krijuar një diferencë të madhe prej 151.35 milionë euro krahasuar me kuqezinjtë.

Yjet kryesorë të skuadrës së drejtuar nga Dragan Stojkoviç janë Dusan Vlahoviç dhe Nikola Milenkoviç, të vlerësuar me nga 35 milionë euro secili, që përfaqësojnë jo vetëm forcën sportive, por edhe peshën financiare të Serbisë në këtë përballje.

Këto shifra tregojnë qartë se Shqipëria do të përballet me një kundërshtar më të pasur në aspektin ekonomik e të tregut të lojtarëve.

Megjithatë, në fushë, vlera nuk është gjithmonë përcaktuese.

Sfidat e mëdha shpesh kanë treguar se shpirtin garues, unitetin dhe dëshirën për të fituar nuk mund t’i masësh me para.

The post Sa vlejnë kuqezinjtë që do të përballen me serbët, Kristjan Asllani është më i shtrenjti appeared first on Albeu.com.

Banka e Shqipërisë po përgatit ndërhyrjen e radhës në komisionet e pagesave, që pritet të nxisë më shumë pagesat me kartë në ekonominë shqiptare.

Një nga arsyet që frenon bizneset, sidomos ato më të vogla, për të pranuar pagesa me kartë është edhe kosto e transaksionit. Kjo kosto është e ndryshueshme, por mund të arrijë deri në intervalin 2.5%-3%.

Edhe për këtë arsye, shumë biznese të vogla nuk kanë shumë dëshirë të pranojnë pagesa me kartë, megjithëse mund të disponojnë terminale POS për këtë qëllim. Në rastet kur klienti këmbëngul për këtë alternativë, shpesh bizneset ia ngarkojnë atij komisionin e pagesës, duke ia shtuar çmimit të produktit ose shërbimit.

Në një masë të madhe, vlera totale e komisionit përcaktohet nga tarifat e skemave të pagesave me kartë, kryesisht Visa dhe Mastercard.

Në vitin 2015, Komisioni Europian vendosi nën rregullim këto tarifa (interchange fees), duke përcaktuar një nivel maksimal prej 0.2% për pagesat me kartë debiti dhe 0.3% për pagesat me kartë krediti.

Banka e Shqipërisë ka vendosur të adoptojë këtë rregullore, si pjesë e procesit të përafrimit të legjislacionit me Bashkimin Europian.

Vendosja e limiteve mbi këtë element të kostos pritet të sjellë një ulje të ndjeshme të komisionit total që paguajnë tregtarët për shitjet me kartë. Banka e Shqipërisë vlerëson se komisionet do të ulen në nivelin e 1% të transaksionit.

Gjithashtu, Banka e Shqipërisë do të ndalojë praktikën e përcjelljes së komisioneve nga tregtarët te klientët që kryejnë blerje me kartë.

Ulja e komisioneve për pranimin e pagesave me kartë pritet të ketë një ndikim të rëndësishëm në përdorimin e cash për transaksionet ekonomike.

Një akses më i gjerë në pagesat me kartë gjithashtu do të lehtësonte pagesat sidomos nga turistët e huaj, që shpesh detyrohen të përdorin tërheqjet cash në ATM-të e zonave turistike, shërbim ky që për nga natyra e vet është i kushtueshëm.

BSH do të ulët tarifat që aplikojnë Visa dhe Mastercard

Valentina Semi, zëvendësdrejtore e Departamentit të Pagesave në Bankën e Shqipërisë, shpjegon se Banka Qendrore po ndërhyn për nxitjen e pagesave elektronike në dy dimensione.

“Në radhë të parë, ne kemi krijuar një alternativë, që është përdorimi i transfertave për qëllime të ngjashme si kartat. Ne kemi krijuar open banking, që gjithmonë e më shumë po gjen vende për t’u operacionalizuar.

Me përfshirjen në open banking edhe të bizneseve, do të jetë shumë më e lehtë, qoftë edhe për të kryer blerje direkte të mallrave dhe shërbimeve. Kjo patjetër që përbën konkurrencë për instrumentin e kartave dhe konkurrenca gjithmonë sjell zhvillim.

Nga ana tjetër, ardhja e instant payment do të jetë një revolucion në këtë drejtim. Ne do ta kemi shumë më të lehtë që të përdorim QR Code për pagesa”, shprehet ajo.

Ndërkohë, Banka e Shqipërisë ka planifikuar edhe një ndërhyrje direkte në komisionet e skemave të pagesës për kartë. Ulja e këtyre komisioneve do të bëjë që në total, komisionet që paguajnë tregtarët të jenë më të ulëta, me qëllim nxitjen e rritjes së mëtejshme të pagesave me kartë.

“Për më shumë, ne do të ndërhyjmë edhe te komisionet që bankat aplikojnë te tregtarët, për atë pjesë të komisionit që ato ndajnë nëpërmjet njëra-tjetrës, pra, atyre që emetojnë kartën dhe atyre që ofrojnë shërbimin e pagesës me POS.

Një pjesë e komisionit që paguan tregtari lidhet me këto komisione. Ne do të vendosim tavane të njëjta me Bashkimin Europian, në nivelin 0.2% për kartat e debitit dhe 0.3% për kartat e kreditit.

Kjo sigurisht që do të reduktojë komisionin final që paguan tregtari. Mendojmë që afërsisht komisioni mund të shkojë në nivelin e 1%, nga rreth 2% që është aktualisht, në rastin më të mirë”, thotë ajo.

Instant payment pritet të sjellë konkurrencë për kartat

Projekti tjetër madhor i Bankës së Shqipërisë në fushën e pagesave është edhe ai instant payments ose i pagesave të shpejta. Ky projekt parashikon klonimin e sistemit të përdorur nga Banka e Italisë, sipas një marrëveshjeje të arritur mes palëve.

“Ne jemi aktualisht në fazën e zhvillimit të sistemit. Zhvillimi i sistemit bëhet nga Banka e Italisë, ndërkohë që ne komunikojmë në vazhdimësi me ta për ato opsione që na lejohen t’i kemi të përzgjedhura.

Ne po marrim një sistem që do të jetë klon i sistemit TIPS, me qëllimin që ne të jemi sa më të integruar në të ardhmen. Po punohet shumë për ta bërë këtë sistem të përdorshëm nga publiku i gjerë dhe në blerje dhe shitje.

Nëse implementojmë vetëm TIPS, ai do të funksionojë si sistemet aktuale, vetëm për transfertat. Ndërkohë, ne po krijojmë disa shërbime shtesë mbi këtë sistem, për ta bërë atë sa më të përdorshëm.

Për shembull, Brazili ka sot një instant payment që përdoret gjerësisht nga publiku i gjerë”, thotë znj. Semi.

Ky sistem jo vetëm do të mundësojë kryerjen e transfertave pothuajse në kohë reale, por do t’u hapë rrugën edhe produkteve të reja, që do të konkurrojnë pagesat me kartë. Ngritja e këtij sistemi do të krijojë hapësira për një përdorim të gjerë të pagesave me QR Code.

“Ideja është të krijojmë një sistem të centralizuar, me një ndërveprim shumë të lehtë. Gjenerimi i QR Code do të jetë i unifikuar, do të jetë një sistem i centralizuar që e gjeneron këtë QR Code dhe mundëson shfaqjen e tij në çdo aplikacion, pavarësisht se cili institucion e përdor.

Me një skanim të thjeshtë, mundësohet kryerja e pagesës për disa sekonda. Gjithashtu, do të mundësojmë verifikimin e pagesës, për të shmangur kryerjen e pagesave të gabuara, sepse në instant payment është pothuajse e pamundur që pagesa të kthehet mbrapsht.

Janë këta komponentë që po krijojmë mbi TIPS, që ky lloj sistemi të përdoret sa më shumë, në formë të ngjashme me kartat”, – shprehet znj. Semi.

Ngritja e sistemit TIPS ka si afat paraprak qershorin e vitit 2026, megjithatë nga puna e deritanishme në Bankën e Shqipërisë mendohet se ky afat mund të jetë pak ambicioz.

Fakti që rishtazi në projekt është futur edhe një vend tjetër i Ballkanit Perëndimor, Maqedonia e Veriut, mund të bëjë që këto afate të rishikohen. Procesi është kompleks sepse nuk përfshin vetëm Bankën e Shqipërisë, por kërkon investime dhe zhvillim kapacitetesh edhe për bankat tregtare.

“Jemi duke punuar paralelisht edhe me bankat, sepse kjo do të kërkojë punë edhe nga ana e tyre, për të qenë të gatshme të forcojnë të gjitha facilitetet e nevojshme për të ofruar shërbim 24/7, nga ana teknike dhe operacionale, duke përfshirë edhe elementet e tjera, si AML, antifraud, etj.

Këto do të kërkojnë investime të jashtëzakonshme. Shpresojmë që afërsisht brenda një viti të mund të dalim live. Nuk përjashtojmë që të dalim fillimisht live me bankat që do të jenë të gatshme dhe më të avancuara në proces.

Madje, disa nga bankat më me eksperiencë, po synojnë të aplikojnë edhe për skemën e SEPA instant payment, që do të sjellë revolucion për pagesat nga turistët e huaj, sepse nuk do të jetë më i domosdoshëm përdorimi i kartës, por mund të bëhet një pagesë në kohë reale direkt nga llogaria”, thotë znj. Semi.

Pagesat me kartë “përmbysin” tërheqjet e parasë në ATM

Pagesat me kartë po shënojnë një rritje të shpejtë këtë vit, madje për herë të parë ato kanë kaluar në numër tërheqjet e parasë cash në ATM.

Sipas të dhënave nga Banka e Shqipërisë, në gjashtë muajt e parë të vitit u regjistruan gjithsej rreth 12.57 milionë pagesa me kartë në terminalet elektronike të shitjes (POS). Numri i pagesave me kartë është rritur me 42% krahasuar me gjashtëmujorin e parë të vitit të kaluar.

Për çdo 100 veprime të kryera me karta pagesash (pa përfshirë veprimet me para elektronike), afërsisht 52 prej tyre ishin pagesa në terminale POS, ndërsa diferenca ishin tërheqje apo depozitime paraje cash.

Vlera totale e pagesave me kartë për gjashtë muaj ka arritur në 48.3 miliardë lekë, me një rritje prej 11% krahasuar me të njëjtën periudhë të vitit të kaluar.

Të matura në vlerë monetare, pagesat me kartë përbënin 17.4% të totalit të veprimeve me karta, në rritje nga niveli prej 16.3% i vitit të kaluar.

Duke pasur parasysh se periudhat e pikut turistik korrik-gusht shoqërohen me rritje të pagesave me kartë, është e pritshme që vlera e pagesave për gjysmën e dytë të vitit të jetë më e lartë.

Rritja e numrit të turistëve të huaj në vitet e fundit është ndër faktorët kryesorë që po ndikon në rritjen e shpejtë të pagesave me kartë bankare në Shqipëri.

Përveç ndikimit të ndjeshëm të turizmit, vlerësohet se edhe përdorimi i pagesave me kartë nga rezidentët është në rritje në vitet e fundit, sidomos pas periudhës së pandemisë.

Rritja e kërkesës së tregut për pagesa me kartë po shoqërohet edhe me zgjerimin e bazës së bizneseve që pranojnë pagesa të tilla dhe besohet se sektori i turizmit u ka dhënë një shtysë të konsiderueshme këtyre pagesave.

Sipas të dhënave nga Banka e Shqipërisë, numri i terminaleve POS për pranimin e pagesave me kartë në mesin e këtij viti arriti në 27 969, në rritje të mëtejshme me 28.4% krahasuar me mesin e vitit të kaluar.

Një nga operatorët e mëdhenj globalë të pagesave me kartë, Mastercard, këtë vit po e mbështet zgjerimin e pagesave me kartë me një program të shtimit të pajisjeve POS me kushte lehtësuese për bizneset.

Rritja e pagesave me kartë është një sinjal pozitiv në drejtim të uljes së përdorimit të parasë fizike në ekonomi.

Shqipëria është një vend me shkallë të përdorimit të lartë të parasë cash, fenomen i lidhur me një përfshirje ende të pamjaftueshme financiare, por edhe me nivelin e konsiderueshëm të informalitetit dhe evazionit fiskal.

Transfertat me e-banking, falas deri në 40 mijë lekë

Në mesin e muajit shtator, hyri në fuqi një paketë ndryshimesh në rregulloret e sistemeve të pagesave, që ka sjellë ulje të ndjeshme të komisioneve për transfertat kombëtare në Lek dhe në Euro.

Fryma e rregulloreve të reja, përveç uljes së komisioneve për transfertat deri në 10 milionë lekë, forcon më shumë incentivat për kryerjen e pagesave në rrugë elektronike.

Në rregulloren e re “Për funksionimin e sistemit të klerimit të pagesave me vlerë të vogël – AECH”, Banka e Shqipërisë ka miratuar ndryshime që parashikojnë që për pagesat në nisje të urdhëruara nga klientë të pjesëmarrësve dhe që transferohen nëpërmjet sistemit AECH, por që janë të iniciuara në formë elektronike, me vlerë më të vogël ose të barabartë me 40 mijë lekë, nuk duhet të aplikohen komisione.

Më parë, vlera maksimale e përjashtuar nga komisionet për transfertat e kryera në formë elektronike (nëpërmjet shërbimeve të internet banking ose mobile banking) ishte 20 mijë lekë.

Dyfishimi i vlerës së transfertave që përjashtohen nga komisionet bankare e lehtëson më tej kryerjen e pagesave dhe transfertave në vlerë të vogël në ekonominë shqiptare.

Për transfertat mbi 40 mijë lekë, deri në vlerën e 10 milionë lekëve, që kryhen në rrugë elektronike, komisioni maksimal i lejuar parashikohet në nivelin 0.005% të vlerës së transferuar. Për shembull, një transfertë e kryer me e-banking me vlerë 1 milion lekë nuk mund të ngarkohet nga bankat dhe institucionet financiare me një komision më të lartë se 50 lekë.
Ndërsa, për transfertat në formë letër (që kryhen në degë) me vlerë deri në 10 milionë lekë, komisioni maksimal i lejuar do të jetë 0.01%.

Institucioneve të pagesave u lejohet vendosja e një komisioni minimal të shprehur në vlerë absolute, me qëllim mbulimin e kostove për ofrimin e shërbimit.

Kjo vlerë mund të jetë deri në 500 lekë për transfertat në degë dhe 50 lekë për transfertat elektronike (vetëm për ato transferta elektronike që kalojnë vlerën e 40 mijë lekëve).

Në total, komisionet për transfertat kombëtare deri në 10 milionë lekë nuk mund të kalojnë në asnjë rast vlerën e 1 mijë lekëve.

Me rregulloren e mëparshme, transfertat deri në vlerën e 1.5 milionë lekëve kishin një komision tavan deri në 500 lekë për transfertat e kryera në degë dhe 250 lekë për transfertat e kryera me internet banking.

Ndërsa transfertat me vlerë më të lartë se 1.5 milionë lekë kishin një komision tavan deri në 1500 lekë (750 lekë nëpërmjet e-banking).

Përveç uljes së komisioneve, kuadri i ri rregullator u vendos bankave edhe detyrimin që transfertat kombëtare të finalizohen brenda ditës së punës. Me rregulloren e mëparshme, kryerja e transfertave kombëtare mes bankave të ndryshme kishte afat një ditë pune.
Ulen komisionet edhe për transfertat kombëtare në Euro

Ndryshimet në rregulloren “Për funksionimin e sistemit AIPS EURO për shlyerjen e transfertave vendase për klientë në Euro”, parashikojnë ulje të nivelit të komisioneve që klientët e sektorit financiar do të paguajnë për kryerjen e transfertave në Euro.

Nivelet maksimale të parashikuara për komisionet e transfertave të brendshme do të jenë të vlefshme edhe për transfertat ndërkombëtare nëpërmjet SEPA.

Rregullorja “Mbi tarifat e pagesave ndërkufitare në zonën SEPA dhe kushtet e transparencës” parashikon që tarifat e aplikuara nga Operatorët e Shërbimeve të Pagesave (banka ose institucione financiare jobanka të pagesave dhe parasë elektronike) për pagesat SEPA dalëse nuk mund të tejkalojnë kufijtë e përcaktuar nga Banka e Shqipërisë për vlerat korresponduese të pagesave vendase në Euro që procesohen përmes sistemeve të saj dhe përcaktohen në kuadrin rregullator të këtyre sistemeve.

Ashtu siç ndodh me transfertat në Lek, edhe rregullorja për transfertat në Euro do të stimulojë përdorimin e kanaleve elektronike për kryerjen e transfertave, duke parashikuar komisione të përgjysmuara për veprimet që kryhen nëpërmjet këtyre kanaleve.

Komisioni minimal që bankat mund të aplikojnë për transfertat kombëtare në monedhën europiane, të kryera nëpërmjet e-banking, nuk mund të jetë më i lartë se 2 euro.

Ndërsa totali i komisioneve për çdo transfertë me vlerë deri në 150 mijë euro, të kryer me e-banking, nuk mund të jetë më i lartë se 0.01% e vlerës së transferuar.

Totali i komisioneve për çdo transfertë me vlerë deri në 150 mijë euro, e kryer në degë (në formë letër) nuk mund të jetë më i lartë se 0.02% e vlerës së transferuar.

Me rregulloren e mëparshme, komisioni maksimal ishte 10 herë më i lartë, në masën 0.2%.

Gjithashtu, ky komision maksimal ishte i detyrueshëm vetëm për transfertat me vlerë më të ulët, deri në 10 mijë euro; për pagesat më të mëdha se 10 mijë euro, nuk parashikohej një tavan për komisionin në përqindje, por vetëm një komision maksimal në vlerë, pavarësisht shumës së transferuar.

Komisionet maksimale që bankat mund të aplikojnë, pavarësisht shumës së transfertës, propozohen të jenë të njëjta si në rregulloren aktuale, përkatësisht 50 euro për transfertat e kryera në degë dhe 25 euro për ato të nisura nëpërmjet kanaleve elektronike.

Sistemi i pagesave kombëtare AIPS Euro nisi funksionimin në fillim të vitit 2022, me qëllim lehtësimin e kryerjes së transfertave në Euro brenda vendit dhe uljen e kostos të tyre.

Më parë, këto transferta kryheshin nëpërmjet bankave të huaja korrespendente, rrugë që sillte komisione shumë më të larta dhe kohë më të gjatë për finalizimin e transaksionit.

Nga 7 tetori, tarifa të njëjta edhe për transfertat ndërkombëtare

Në 7 tetor, bankat shqiptare do të fillojnë ofrimin e transfertave në sistemet e SEPA, duke bërë më në fund efektive anëtarësimin e vendit tonë në këtë zonë, afërsisht një vit më parë.

Kjo do të sjellë ulje drastike të komisioneve dhe shkurtim të kohës për të kryer transfertat në Euro jashtë vendit.

Si pjesë e paketës rregullatore të pagesave, Banka e Shqipërisë ka reflektuar parimin e SEPA që kostot e transfertave në SEPA nuk mund të jenë më të larta se ato të transfertave kombëtare.

I vetmi ndryshim do të jetë që bankave do t’u lejohet të aplikojnë një komision maksimal për transfertat hyrëse, në vlerën 3 euro për transaksion.

Komisionet e përcaktuara nga Banka e Shqipërisë do të sjellin një ulje të ndjeshme të komisioneve të transfertave ndërkombëtare, por megjithatë pa arritur plotësisht në nivelet minimale që aplikohen në Bashkimin Europian.

Zëvendësdrejtorja e departamentit të sistemeve të pagesave, Valentina Semi, shpjegon arsyet pse komisionet maksimale të lejuara për Shqipërinë lidhen me disa faktorë specifikë.

“Ne jemi përpjekur të ndjekim modelet europiane, por duke u mbështetur edhe në nevojat dhe specifikat e tregut tonë. Së pari, ne kemi edhe një politikë deeuroizimi, që duhet të vazhdojmë ta ndjekim. Edhe për këtë arsye, duhet të ketë një diferencim ndërmjet Lekut dhe Euros, që të mos stimulojmë euroizimin.

Nga ana tjetër, për këtë shërbim bankat kanë kosto, sepse nga pikëpamja teknike, nuk është e njëjta mënyrë se si funksionon në BE. Bankat e BE-së kanë akses direkt në sistemet e pagesave europiane.

Për vendet jo anëtare të BE-së, si Shqipëria, ka një hallkë ndërmjetëse, që po u aplikon bankave komisione shumë të larta. Ne shohim që e njëjta bankë e BE-së, për një bankë të madhe shqiptare ofron komisione shumë të ulëta, ndërsa për një bankë të vogël aplikon komisione shumë të shtrenjta.

Kjo e bën të papërballueshme për bankën e vogël ofrimin e një shërbimi sa më konkurrues. Ne jemi duke punuar edhe me ECB-në për të pasur edhe ndihmën e tyre në këtë drejtim”, thotë znj. Semi.

Vitin e kaluar u kryen gati 11 milionë transferta bankare ndërkombëtare

Të dhënat e Bankës së Shqipërisë tregojnë se vitin e kaluar, numri i transfertave ndërkombëtare hyrëse dhe dalëse të kryera nëpërmjet sektorit bankar shqiptar arriti në pothuajse 11 milionë.

Numri i transfertave ndërkombëtare u rrit me 40% krahasuar me një vit më parë, ndërsa në harkun e një dekade, numri i këtyre transfertave është rritur më shumë se shtatë herë. Në vlerë, ato arritën në afërsisht 1.71 trilionë lekë, me një rritje prej 28% krahasuar me vitin 2023.

Struktura e transfertave ndërkombëtare të kryera në sektorin bankar shqiptar dominohet nga transfertat hyrëse, që në 2024 arritën në pothuajse 8.1 milionë, në rritje me 39.5% krahasuar me vitin 2023. Ato përbënin rreth 74% të totalit të transfertave ndërkombëtare.

Numri i transfertave ndërkombëtare hyrëse ka shënuar nivelin më të lartë historik, ndërkohë që është rritur me pesë herë krahasuar me vitin 2019, përpara pandemisë. Edhe për vitin 2024, rritja ishte mjaft e lartë si në segmentin e bizneseve, ashtu edhe në atë të individëve.

Në total, sipas Bankës së Shqipërisë, transfertat hyrëse nga jashtë në llogaritë bankare të bizneseve dhe individëve arritën vlerën e 782.9 miliardë lekëve, në rritje me 42.7% krahasuar me një vit më parë. Ndryshe nga sa ndodh me transfertat kombëtare, ato ndërkombëtare ngarkohen me komisione edhe në mbërritje.

Sipas rregullave të reja të miratuara nga Banka e Shqipërisë, pas tetorit, nëse banka aplikon komisione për tarifat e pagesave hyrëse SEPA hyrëse, ato duhet të reflektojnë kostot përkatëse të ofruesit të shërbimeve të pagesave dhe në asnjë rast nuk mund të kalojnë vlerën 3 euro për transaksion. Transfertat ndërkombëtare dalëse, sipas Bankës së Shqipërisë, vitin e kaluar arritën në 2.91 milionë, në rritje me 43% krahasuar me vitin 2023.

Në vlerë, ato arritën shifrën e 924 miliardë lekëve, 17% më shumë krahasuar me një vit më parë. Aktualisht, transfertat ndërkombëtare kryhen nëpërmjet rrjetit të bankave korrespondente të bankave shqiptare. Kjo zgjidhje rezulton me komisione të larta dhe afate disaditore për kryerjen e transfertave.

Pas muajit tetor, edhe komisionet ndërkombëtare që do të kryhen nëpërmjet sistemeve të SEPA do të jenë subjekt i niveleve maksimale të komisioneve, të vendosura nga Banka e Shqipërisë për transfertat kombëtare në Euro./MONITOR

The post Banka e Shqipërisë përgatit ndërhyrjen e radhës në komisionet e pagesave/ Pritet të nxisë më shumë pagesat me kartë në ekonominë shqiptare appeared first on Albeu.com.

Kryeministri Edi Rama bën me dije se nga sot, qytetarët shqiptarë mund t’i paguajnë taksat e mjeteve të tyre përmes platformës e-Albania, pa pasur nevojë të paraqiten fizikisht në sportele. Në një postim në Facebook, Rama ka ndarë një video udhëzuese se si mund të kryehet pagesa e taksave online dhe thotë se ky është një tjetër hap përpara në procesin e digjitalizimit të shërbimeve publike.

Source

TIRANË, 25 shtator /ATSH/ Duke nisur nga data 7 tetor, 11 bankat tregtare në Shqipëri do të nisin zbatimin e pagesave ndërkufitare në euro sipas standardeve të SEPA-s (Zona e Pagesave të Vetme në Euro), një hap i rëndësishëm drejt integrimit të sistemit financiar shqiptar në infrastrukturën moderne evropiane të pagesave.

The post Nga 7 tetori 11 banka aplikojnë pagesat në SEPA, Sejko: Dërgesa më të lira në euro kudo në Evropë appeared first on Agjencia Telegrafike Shqiptare.

Radiotelevizioni Shqiptar vijon të përballet me një stuhi akuzash dhe kritika të shumta publike. Pas denoncimit publik të gazetares Kozeta Kurti për projekte të papaguara prej muajsh dhe konfirmimit nga moderatori Florian Agalliu se edhe ekipi i tij është në pritje të shpërblimeve, në dritë kanë dalë edhe dokumente që tregojnë se si është abuzuar me fondet e RTSH-s edhe me kostumet e kërkuara për drejtuesit e emisioneve.

Sipas Albanian Post, fondet e RTSH-së janë përdorur për kostume që arrijnë deri në 1 mijë euro, këmisha prej 250 eurosh dhe shami xhaketash deri në 50 euro copa. Porositë, të kryera pranë stilistit Altin Mici, shfaqen në tabela të brendshme, por pa një kontratë të mirëfilltë që të justifikojë faturimet.

Ky kontrast mes luksit dhe vonesave të pagave ka shkaktuar indinjatë të gjerë, duke rritur presionin mbi drejtuesit aktualë të RTSH-së. Në mes të kësaj situate, drejtoresha Eni Vasili ka reaguar duke falënderuar gazetarët dhe moderatorët për mirëkuptimin, por edhe duke theksuar se menaxhmenti i ri është përballur me “një situatë katastrofike borxhesh dhe detyrimesh” të trashëguara nga e kaluara.

“Sigurisht, nuk është përgjegjësia e tyre që iu premtuan projekte që nuk mund të paguheshin, por kjo nuk e bën menaxhmentin e ri fajtor”, tha Vasili pak ditë më parë.

Ky është një tjetër shembull i abuzimeve që kanë ndodhur në RTSH, të cilat e kanë çuar institucionin kryesor mediatik në një situatë kritike, për shkak të pakujdesisë në menaxhimin e fondeve, deri edhe për garderoba me çmime jashtë normales.

The post Kostume deri në 1000 euro te Altin Mici: RTSH mes akuzave për abuzime luksi dhe krizës financiare, moderatorët pa paga appeared first on iconstyle.al.

Vijon përplasja mes Komisionerit Qëndror të Zgjedhjeve, Ilirjan Celibashi dhe kompanisë postare “DHL”, e cila fitoi tenderin për shpërndarjen dhe marrjen zarfave për votën e diasporën, në zgjedhjet e 11 Majit. Më 1 shtator, “DHL”, iu drejtua me një shkresë Celibashit, ku i kërkoi që ta kryejë pagesën prej 8.6 milionë eurosh brenda muajit shtator, […]

The post Perplasja/ Celibashi vë në dyshim shërbimin e DHL-së për votat e diasporës appeared first on BoldNews.al.

Kompania postare “DHL”, e cila fitoi tenderin për shpërndarjen dhe marrjen zarfave për votën e diasporën, nuk e ka marrë ende pagesën prej 8.6 milionë eurosh, edhe pse kanë kaluar rreth 4 muaj nga zgjedhjet e 11 Majit. “DHL”, i është drejtuar me një shkresë që mban datën 1 Shtator, Komisionerit Shtetëror të Zgjedhjeve Ilirjan […]

The post DHL i kërkon Celibashit pagesën 8.6 mln euro: Paguaje brenda shtatorit, ose 260 mijë € kamatëvonesë appeared first on BoldNews.al.

Nga Shtatori kalimi në tunelin e Llogarasë do të jetë me pagesë.

Më herët ministrja e Infrastrukurës, njoftoi se qarkullimi në këtë vepër infrastrukturore do të ishte pa tarifë, deri në fund të sezonit turistik.

Parashikimet janë deri në datën 15 shtator, më pas do të nisë aplikimin tarifa 10 euro vajtje-ardhje për makinë.

Tuneli i Llogarasë, ka një gjatësi prej 5.9 kilometra dhe rruga nga Dukati drejt Palasës përshkrohet për 7 minuta, nga 45 që nevojitej nga Qafa e Llogarasë.

Projekti ka dy tunele, ku njëri prej tyre është i emergjencës. Parashikimet janë që në rast të rritjes së fluksit të turistëve, të dy tunelet do të vihen në funksion të qarkullimit.

Menaxhimi i vetëpagesave për këtë vepër publike, do të bëhet nga shoqëria aksionere e krijuar për këtë qëllim që njihet me emrin Enti Kombëtar i Operimit Rrugorë.

Kompania është me kapital shtetëror dhe përfaqësohet nga ministria Infrastrukturës dhe Energjisë.

Sipas të dhënave, kjo shoqëri do të ofrojë shërbimin e operimit, mirëmbajtjes së portave automatike, sistemin e tarifimit, shpërndarjen e biletave si dhe aboneve mujore për përdoruesit.

Aktualisht, tre janë segmentet rrugore që aplikojnë pagesë, rruga Milot-Morinë, Thumanë-Kashar, si dhe Dukat-Palasë.

The post Nga Shtatori kalimi në tunelin e Llogarasë do të jetë me pagesë, ja sa do të kushtojë appeared first on Albeu.com.

Qytetarët dhe bizneset shqiptare po  përdorin gjithmonë e më shumë  pagesat elektronike. Të dhënat e fundit të Bankës së Shqipërisë tregojnë se kartat rezultojnë se janë  instrumenti më i përdorur për të bërë pagesa si në dyqane, pagesa  për faturat e ujit e energjisë si dhe për shërbime të ndryshme.

Por ndikim në këtë tendencë kanë dhënë edhe turistët të cilët  i realizojnë pagesat kryesisht nëpërmjet bankës dhe jo me para në dorë. Në pjesën e  parë të këtij viti rezulton se pagesat me kartë u rritën me 30% dhe përbëjnë 67% të totalit të pagesave.

Kjo konfirmohet e dhe nga fakti se numri i kartave që zotërojnë shqiptarët rezulton se është mbi  1milione 572 mijë duke pësuar një rritje me 28 mijë karta  nëse e krahasojmë tremujorin e parë të këtij viti. Kartat e debitit ose ato që përdoren me funksion kryesor marrjen e pagës  vijojnë të jenë më të preferuarat, ndërsa ato të kreditit zënë një peshë më të vogël. Numri total i pagesave nëpërmjet sistemit bankar arriti në 27.9 milionë, duke shënuar një rritje vjetore prej 24%.

Po ashtu edhe vlera totale e këtyre pagesave u rrit me 13%, duke arritur në 3.475 miliardë lekë. Kjo e dhënë është e rëndësishme pasi konfirmon uljen e përdorimit të parasë cash në ekonomi.

Këto të dhëna konfirmojnë se Shqipëria po afrohet gjithnjë e më shumë me objektivat e vendosura për të reduktuar përdorimin e parasë në dorë.

Sipas Bankës së Shqipërisë, në katër vite është rritur 7 herë numri i transaksioneve me karta duke e krahasuar me vitin 2020.

NUMRI I KARTAVE NË PËRDORIM

Prill – qershor 2025    1 milion e 572 mijë

Janar – mars 2025        1 milion e 543 mije

28 mije më tepër

TIRANË, 8 gusht /ATSH/ 73 mjekë të rinj u janë bashkuar ekipeve shëndetësore në 25 spitalet publike në vend gjatë muajit korrik, duke plotësuar nevojat dhe forcuar më tej shërbimet shëndetësore për qytetarët.

Lajmin e bëri me dije, ministrja e Shëndetësisë dhe Mbrojtjes Sociale, Albana Koçiu, ndërsa tha se do të ketë më shumë mjekë specialistë atje ku ka më shumë nevojë.

Koçiu u shpreh se “aktualisht, 850 mjekë janë në specializim afatgjatë, prej tyre 394 me kontratë pune me MSHMS menjëherë pas përfundimit të studimeve”.

Sipas ministres Koçiu, që prej rihapjes në vitin 2015 të programit të specializimeve afatgjata në mjekësi, po zbatohet një model i qëndrueshëm për shpërndarjen e mjekëve në të gjithë vendin, duke forcuar shërbimet shëndetësore edhe në spitalet rajonale e bashkiake.

Mjekët specializantë me kontratë me Ministrinë e Shëndetësisë dhe Mbrojtjes Sociale për katër vite gjatë formimit të tyre do të marrin 80% të pagës së mjekut specialist, dhe 100% ata të cilët kryejnë specializimin në degët prioritare “mjekësi familje” dhe “mjekësi urgjence”.

“Dhe për ata të rinj dhe të reja që zgjedhin specialitetin mjekësi urgjence apo mjekësi familjare, të cilat për ne janë degë prioritare, kemi dhënë mundësinë që të hyhet pa testimin e formalizuar dhe gjatë kohës që kryejnë specializimin, të paguhen me 100% të pagës së mjekut të përgjithshëm”, u shpreh Koçiu.

/e.i/r.e/

The post Koçiu: 73 mjekë të rinj iu shtuan spitaleve publike në korrik appeared first on Agjencia Telegrafike Shqiptare.

Një sërë bisedash të përgjuara mes zyrtarëve të larta të Bankers Petroleum, hedhin dritë mbi mënyrën se si janë menaxhuar fondet dhe si vendoseshin përparësitë në pagesat mujore të kompanisë para se të ndërhynte prokuroria, duke vënë përballë akuzës personat përgjegjës. Në qendër të diskutimeve janë shuma të konsiderueshme që lëvizin përmes një llogarie bankare […]

The post Përgjimet, Eltar Deda toleroi “Bankers”: Mbarojmë punë me të tjerat, Albpetroli do paguhet më vonë appeared first on BoldNews.al.

Përvec korrupsionit dhe fshehjes së pasurise ndaj Ilir Metës është ngritur akuza e pastrimit të parave.Kjo veper penale sipas Spak lidhet me episodin ku Ilir Meta ishte në krye të partisë LSI.

Sipas dosjes hetimore rezulton se është vërtetuar se egziston një lidhje interesash ekonomike dhe transaksione bankare midis kompanisë B.SK. shpk, kompanisë Unifi Communications Inc me president Adrian Shatkun, Partisë Lëvizja Socialiste për Integrim dhe Ilir Metaj e Monika Kryemadhi. Bazuar në faktin se:

1. Partia LSI për vitin 2016-2017 ka kryer pagesa të padeklaruara në shumën 369.785 USD për të kryer pagesat për shërbimet e ofruara nga kompania lobuese GSIS LLC.

2. Burimi i fondeve që kanë financuar kontratat e lobimit dhe konsulencës të partisë LSI, nuk është deklaruar sipas ligjit

3. Adrian Shatku dhe kompania Unifi Communication Inc kanë kryer pagesa në shumën 253.285 lekë për logari të partisë LSI me qëlim mbulimin e shpenzimeve që lidhen me ekzekutimin e kontratës së këshilimit që Lëvizja Socialiste për Integrim ka lidhur me kompaninë Global Security& Innovative Strategies LLC.

4. Ema Çoku i ka transferuar Adrian Shatkut dhe Unifi Communication Inc shumën 220,000 dolarë nga të cilat 100,000 USD janë derdhje cash të copëzuara brenda një dite në të njëjtën llogari nga persona pa të ardhura (punonjëse të B.S.K shpk).

5. Kompania B.S.K dhe vetë Ema Çoku, kanë paguar shuma nga 3,000 Euro; 4,465 Euro; 10,000 Euro; 867,000 lekë; 1,142,000 lekë deri në 4,100,000 lekë, për aktivitete të LSI-së dhe të përfaqësuesve të kompanisë JPM Strategic Solutions LLC që kanë kryer aktivitet në Shqipëri për llogari të LSI-së.

Me këtë cilësi, i pandehuri Ilir Metaj, ka ndërmarrë veprime aktive kriminale, me qëllim fshehjen e natyrës së vërtetë, origjinës dhe burimit të fondeve të cilat janë përdorur për të financuar kontratat e

lobimit, duke ditur që këto para janë produkt i veprës penale ose veprimtarisë kriminale.

Sipas Spak është vërtetuar që në marrëdhënien që Lëvizja Socialite për Integrim ka me Global Security& Inovative Strateges janë deklaruar shpenzime 93.761 USD, ndërkohë që është vërtetuar se Global Security& Inovative Strateges ka përfituar nga kjo marrëdhenie 463.546,26 USD apo 369.785 USD më shumë, se shuma e deklaruar në Shqipëri.

The post Dosja Meta, zbulohen lëvizjet e pagesave për kontratën lobuese, Ilir Meta pastroi para kur ishte kreu i LSI appeared first on Albeu.com.

TIRANË, 25 korrik /ATSH/ Guvernatori i Bankës së Shqipërisë, Gent Sejko tha se tashmë vendi ka shënuar një hap të rëndësishëm në modernizimin e sistemit të pagesave duke e bërë atë të njëvlershëm me vendet e Bashkimit Evropian.

Në një intervistë për mediet, Sejko ndau detaje lidhur me zhvillimet më të fundit në sistemet e pagesave në vend, të cilat janë një hap i rëndësishëm drejt modernizimit të sistemit të pagesave dhe njëkohësisht formalizimit të ekonomisë shqiptare.

“Projekti “Open Banking”, i cili tashmë ka përfunduar teknikisht, SEPA që pritet të bëhet operacional më 7 tetor 2025, së bashku me pagesat e menjëhershme “Instant Payment”, do të sjellin reduktimin e përdorimit të parasë fizike dhe rritjen e digjitalizimit në ekonominë shqiptare”, tha Guvernatori.

Sejko u shpreh se, këto zhvillime të rëndësishme përfaqësojnë një kriter garancie pasi në aspektin e integrimit financiar dhe shkëmbimit të pagesave vendi ynë do të konsiderohet i njëvlershëm me vendet e Bashkimit Evropian.

“Banka e Shqipërisë po punon intensivisht që më 7 tetor bankat të jenë gati për funksionimin e plotë në skemën SEPA. Vetëm në vitin e parë pas implementimit, ekonomia shqiptare pritet të përfitojë rreth 20 milionë euro në kursime, shifër që do të vijojë të rritet me kalimin e kohës. Vlen për tu theksuar se përtej kursimeve, do të rritet edhe siguria e transaksioneve”, deklaroi ai. /j.p/

The post Guvernatori Sejko: Shkëmbimi pagesave i njëvlershëm me vendet e BE-së appeared first on Agjencia Telegrafike Shqiptare.

Një ish-punonjës i burgut të Reçit ka denoncuar vonesat e vazhdueshme në pagesën kalimtare, të cilat janë një të drejtë e garantuar për ata që janë larguar nga shërbimi. Ai tregon se pas largimit për arsye familjare, ka kërkuar dhe është shpërblyer me “Pagesë Kalimtare”, e cila duhet të paguhet çdo muaj, duke qenë 50% […]

The post Denoncimi/ Ish-policët e burgut të Reçit prej muajsh pa “pagesë kalimtare” appeared first on BoldNews.al.