Guvernatori i Bankës së Shqipërisë, Gent Sejko ka një mesazh për bankat, duke thënë se në dy vitet e ardhshme kuadri ligjor dhe rregullator i sektorit bankar do të përafrohet plotësisht me atë të Bashkimit Europian. Në takimin e fundvitit me Shoqatën Shqiptare të Bankave, Guvernatori tha se në këtë proces është i domosdoshëm mirëkuptimi dhe bashkëpunimi i industrisë bankare…
TIRANË, 17 dhjetor/ATSH/ Guvernatori i Bankës së Shqipërisë, Gent Sejko tha sot se “pas rritjes me 3.6% në gjashtëmujorin e parë, ekonomia shqiptare ka vijuar të rritet me ritme të ngjashme edhe në gjysmën e dytë të vitit”.
Në konferencën për mediet, ku prezantoi politikën monetare, Sejko theksoi se se “të dhënat nga sektori real, monetar e fiskal, sinjalizojnë rritjen e mëtejshme të konsumit, investimeve dhe eksporteve të shërbimeve, duke reflektuar vijimin e trendit pozitiv gjatë muajve të fundit. Në veçanti, rritja me rreth 22% e shërbimeve të turizmit në tremujorin e tretë, tregon vijimin e kontributit pozitiv të këtij sektori. Kjo dinamikë ka ndikuar në përmirësimin e pozicionit të jashtëm, duke e çuar ekonominë shqiptare – për herë të parë në periudhën post-tranzicion – drejt suficitit të llogarisë korrente për tre tremujorët e parë të vitit”.
“Rritja ekonomike është pasqyruar edhe në ecurinë e tregut të punës. Shkalla e papunësisë zbriti në 8.1% në tremujorin e tretë, ndërsa pagat në sektorin privat u rritën me 9.8%, duke treguar një rritje dinamike dhe me bazë të gjerë. Deri tani, rritja e pagave ka mbështetur rritjen e fuqisë blerëse të familjeve, pagjeneruar presione shtesë mbi inflacionin. Megjithatë, kërkesa e lartë për punë nga bizneset dhe kufizimet në fuqinë punëtore vazhdojnë të mbajnë nën presion tregun e punës, duke përbërë një rrezik të kahut të sipërm mbi ecurinë e inflacionit”, tha Sejko.
Në tërësi, vijoi Sejko, faktorët mbështetës të rritjes ekonomike në afatin e mesëm paraqiten solidë.
“Gjendja e qëndrueshme financiare e sektorit privat, së bashku me klimën pozitive të besimit dhe kushtet e favorshme të financimit, kanë nxitur rritjen e konsumit dhe investimeve private. Paralelisht me to, rritja e të ardhurave nga turizmi ka vijuar të japë një kontribut pozitiv në ekonomi. Njëkohësisht, politikat e kujdesshme dhe të koordinuara makroekonomike kanë bërë të mundur ruajtjen e stabilitetit të çmimeve dhe kanë forcuar qëndrueshmërinë makroekonomike”, tha Sejko.
Në veçanti, shtoi Sejko, politika monetare ka lëvizur në kahun akomodues gjatë vitit 2025, duke ulur normën bazë të interesit në muajin korrik dhe duke vijuar të ruajë një prezencë të lartë në tregun valutor, me qëllim zbutjen e presioneve forcuese ndaj kursit të këmbimit. Këto ndërhyrje kanë kontribuuar në një stabilitet më të lartë të kursit të këmbimit dhe të mjedisit financiar.
“Për rrjedhojë, tregu financiar është shfaqur i qëndrueshëm, me prime të ulëta rreziku dhe norma të ulëta interesi. Kredia për sektorin privat ka vijuar të zgjerohet me ritme të larta, e nxitur nga kërkesa e qëndrueshme dhe e mbështetur nga kushtet e favorshme të financimit. Portofoli i kredisë shënoi një rritje vjetore prej 14.2% në muajin tetor, duke qëndruar pranë ritmeve të vitit të kaluar, por dukshëm mbi mesataren e viteve të fundit. Në veçanti, vihen re tre zhvillime pozitive: së pari, rritja e qëndrueshme e kredisë për investime, e cila sinjalizon zgjerimin e kapaciteteve prodhuese të vendit; së dyti, rritja e shpejtë e kredisë në Lek dhe rritja e peshës së saj ndaj totalit, çka përmirëson si hapësirën e veprimit të politikës monetare ashtu edhe stabilitetin financiar të vendit; dhe, së treti, cilësia e qëndrueshme e portofolit, e ilustruar nga niveli i ulët i raportit të kredive me probleme, prej 4.3%”, nënvizoi Sejko.
Sipas tij, parashikimet për të ardhmen mbeten pozitive.
/k.s/a.f/
The post Sejko: Vijon rritja ekonomike, turizmi dhe investimet me kontributin më të madh appeared first on Agjencia Telegrafike Shqiptare.
TIRANË, 17 dhjetor/ATSH/ Guvernatori i Bankës së Shqipërisë, Gent Sejko, deklaroi sot në një konferencë për shtyp se “inflacioni i çmimeve të konsumit shënoi një vlerë mesatare prej 2.2% gjatë muajve tetor e nëntor, duke shënuar një rënie të lehtë nga tremujori i tretë.
Sejko theksoi se “Kjo ecuri u diktua më së shumti nga ulja e inflacionit të artikujve ushqimorë. Paralelisht me to, rritja e shpejtë e çmimit të qirasë u frenua në muajin nëntor, kontributi negativ i inflacionit të naftës u zbeh plotësisht, ndërsa inflacioni i artikujve të tjerë rezultoi përgjithësisht i qëndrueshëm.
“Në terma makroekonomikë, presionet e brendshme inflacioniste vijojnë të jenë në linjë me objektivin e stabilitetit të çmimeve, duke pasqyruar një ekuilibër më të mirë të kërkesës dhe ofertës në tregun e produkteve. Nga ana tjetër, presionet e huaja janë dobësuar më tej, në pasqyrim të rënies së çmimeve të lëndëve të para në tregjet ndërkombëtare dhe mbiçmimit – ndonëse më të ngadaltë – të Lekut”, nënvizoi Sejko.
Kreu i BSH-së tha se “në reflektim të këtyre zhvillimeve, inflacioni i brendshëm dhe ai bazë janë rritur gjatë vitit, duke qëndruar rreth niveleve mesatare 3.1-3.5% në muajt tetor-nëntor, ndërkohë që inflacioni i importuar është në territor negativ dhe ai afatshkurtër ka zbritur në minimumet e tij historike”.
/k.s/a.f/
The post Sejko: Ushqimet dhe qiratë ndikuan në rënien e inflacionit appeared first on Agjencia Telegrafike Shqiptare.
TIRANË, 17 dhjetor/ATSH/ Këshilli Mbikëqyrës i Bankës së Shqipërisë vendosi sot që norma bazë e interesit të mbetet e pandryshuar në nivelin 2.5%.
Guvernatori i Bankës së Shqipërisë, Gent Sejko në konferencën për shtyp tha se Këshilli Mbikëqyrës vendosi që normat e interesit të depozitës njëditore dhe të kredisë njëditore në Bankën e Shqipërisë, të mbeten përkatësisht në nivelet 1.5% dhe 3.5%.
Sejko theksoi se “ekonomia shqiptare ka vijuar të rritet, ndërsa parametrat kryesorë të stabilitetit ekonomik, monetar dhe financiar të vendit, mbeten të konsoliduar. Në veçanti, inflacioni ka shënuar një rritje të lehtë gjatë tremujorit të tretë, por ai vijon të qëndrojë në nivele të ulëta dhe poshtë objektivit tonë. Po ashtu, tregjet financiare kanë qenë përgjithësisht të qeta dhe kreditimi ka ardhur në rritje”.
Sipas Sejkos, “politika monetare e Bankës së Shqipërisë ka pasur një kontribut pozitiv në këtë ecuri. Reagimi në kohë i saj ka mundësuar kontrollin e presioneve dhe të pritjeve inflacioniste. Po ashtu, fleksibiliteti që kemi shfaqur nëpërmjet koordinimit të vazhdueshëm me politikën fiskale dhe ecurinë e kursit të këmbimit, ka mundësuar një ambient monetar akomodues për rritjen e kreditimit, të konsumit dhe të investimeve”, theksoi Sejko.
Kreu i BSH-së u shpreh se rritja ekonomike pritet të luhatet pranë niveleve aktuale gjatë periudhës afatmesme, ndërkohë që inflacioni parashikohet të kthehet në objektiv në gjysmën e parë të vitit të ardhshëm.
“Në këto rrethana, Këshilli Mbikëqyrës i Bankës së Shqipërisë gjykoi se qëndrimi aktual i politikës monetare mbetet i përshtatshëm”, tha Sejko
Këshilli Mbikëqyrës i Bankës së Shqipërisë vendosi:
/k.s/a.f/
The post Sejko: Norma bazë e interesit për lekun mbetet 2.5% appeared first on Agjencia Telegrafike Shqiptare.
Në Shqipëri po rritet volumi i parasë që qarkullon jashtë bankave.
Raportet tregojnë se gjatë këtij viti biznesi dhe qytetarët qarkulluan jashtë sistemit bankar afro 4.6 miliardë euro.
Por Banka e Shqipërisë, në bashkëpunim me institucionet financiare, po punon për marrjen e masave për minimizimin e këtij fenomeni. Guvernatori Gent Sejko thotë se një nga prioritetet është digjitalizimi i pagesave.
“Në Bankën e Shqipërisë, transferimi digjital është kthyer në një objektiv strategjik. Për qytetarët dhe bizneset, integrimi në SEPA përkthehet në pagesa më të shpejta drejtë Europës, kosto më të ulëta, standarde të larta sigurie dhe më shumë mundësi për tregti, investime dhe shërbime digjitale. Po punojmë me partnerët ndërkombëtar për modernizimi e sistemeve të pagesave brenda vendit”, tha Sejko.
Nëse në qershor të vitit 2024 qarkulluan 3.953 milionë euro, në të njëjtën periudhë të këtij viti kjo lëvizje e parasë në dorë ka ardhur në rritje, duke e çuar këtë shumë në 4.6 miliardë euro. Kjo lëvizje e lartë e parasë në dorë sjell kosto të mëdha për ekonominë, pasi rrit hapësirat për informalitet, duke e bërë thuajse të pamundur verifikimin se nga cilat rrugë vijnë këto para. Sipas Guvernatorit, përmes inovacionit dhe investimit në dije mund të ndërtojmë një ekonomi më konkurruese dhe më elastike.
“Përgatitja e brezave të rinj që kuptojnë ekonominë digjitale, financat moderne, rolin e të dhënave dhe sfidat e tranzicionit të gjelbër, është një investim me efekt shumëpalësh për ekonominë dhe shoqërinë”, u shpreh Guvernatori.
Guvernatori Sejko tha se, kur transformimi teknologjik zhvillohet me ritme të jashtëzakonshme, vendet kanë nevojë për strategji të reja zhvillimi, që ndërthurin dijen, inovacionin dhe teknologjinë me politikat publike dhe zhvillimin të kapitalit njerëzor./RTSH
- YouTube youtu.be
Inteligjenca artificiale është vlerësuar një mundësi më shumë për zhvillimin ekonomik por një kohësisht edhe një risk.
Në një kohë që zhvillimit teknologjike kkanë marë hov guvernatori Gent Sejko theskon se ëshët shumë e rëndësishme të realizohen investime sidomos në infrastrukturën financiare por edhe për krijimin personave të kualifikuar.
Shqipëria aktualisht ka ndërmarë një nismë të rëndësihme për të rritur pagesat elektorinke dhe për të ulur përdorimin e parasë fizike në ekonomi.
Për të reduktuar përdorimin e parave Cash në ekonomi qeveria në bashkëpunim me Bankën e Shqipërisë kanë ndërmarë një nismë kombëtare e cila pritet të nisë zbatimin që nga janri I vitit të ardhshëm dhe synon që deri në 2030 60% e trasaksioneve të realizohen nëpërmjet pagesave elektronike./abcnews.al
TIRANË, 4 dhjetor /ATSH/ Qeveria ka ndërmarrë nismën kombëtare për reduktimin e parasë fizike (cash) dhe rritjen e pagesave digjitale.
Në takimin që u zhvillua sot në Tranë, Guvernatori i Bankës së Shqipërisë, Gent Sejko, deklaroi se në kuadër të modernizimit të sistemit të pagesave digjitale, Banka Qendrore ka ndërmarrë një sërë hapash dhe iniciativash konkrete për reduktimin e parasë cash dhe rritjen e përdorimit të pagesave elektronike në vend.
“BSH synon modernizimin e thellë të infrastrukturës së pagesave”, u shpreh Sejko.
Sipas tij, Banka e Shqipërisë ka realizuar disa reforma të rëndësishme ndër të cilat: miratimin e ligjit të ri për pagesat, licencimin e institucioneve të pagesave elektronike, zhvillimin e infrastrukturës për banking-un e hapur, anëtarësimin e Shqipërisë në SEPA dhe vënien në funksion të plotë të sistemit SEPA për transfertat ndërkombëtare.
Ai bëri të ditur se aktualisht janë në proces edhe projekte të tjera madhore, përfshirë sistemin e pagesave të shpejta në bashkëpunim me Bankën e Italisë, i cili pritet të jetë gati deri në fund të vitit 2026.
Sejko u shpreh optimist se këto masa do të çojnë në reduktimin e ndjeshëm të parasë fizike në ekonomi dhe në rritjen e sigurisë, efikasitetit dhe transparencës së transaksioneve financiare.
I pranishëm në këtë takim, ministri i Financave, Petrit Malaj tha se nismat e Ministrisë janë plotësisht të harmonizuara me prioritetet e qeverisë për zgjerimin e përdorimit të pagesave digjitale.
Ai theksoi se në paketën fiskale 2026 janë parashikuar masat e para konkrete për reduktimin e transaksioneve me para fizike mes bizneseve dhe kufizimin e pagesave cash në marrëdhëniet mes bizneseve dhe individëve.
Malaj nënvizoi se objektivi i qeverisë është që deri në vitin 2030 të minimizohet përdorimi i cash-it në ekonomi dhe të thellohet formalizimi i aktiviteteve ekonomike në të gjithë sektorët.
Nisma e re, e cila shoqërohet me reforma ligjore, teknologjike dhe administrative, pritet të transformojë ndjeshëm mënyrën e kryerjes së pagesave në Shqipëri, duke e çuar vendin drejt standardeve moderne europiane të pagesave digjitale.
/e.xh/a.f/r.e/
The post Sejko: Pagesat elektronike reduktojnë përdorimin e parasë fizike dhe formalizojnë ekonominë appeared first on Agjencia Telegrafike Shqiptare.
TIRANË, 14 nëntor /ATSH/ Guvernatori i Bankës së Shqipërisë, Gent Sejko, në konferencën e përbashkët për shtyp me Shefen e Misionit të FMN-së, Anke Weber, dhe Ministrin e Financave, Petrit Malaj, i vlerësoi pozitive zhvillimet e ekonomisë shqiptare gjatë vitit 2025.
Sejko theksoi se ekonomia shqiptare ka vijuar të shënojë rritje të qëndrueshme, me tregues të fortë në aktivitetin ekonomik, punësim dhe pagat në sektorin privat jobujqësor. Inflacioni ka mbetur i ulët, pranë objektivit të Bankës së Shqipërisë, ndërsa presionet nga rritja e pagave dhe kostove të prodhimit janë neutralizuar nga forcat e tregut dhe kursi i këmbimit.
Guvernatori nënvizoi gjithashtu rolin e politikës monetare në kontrollin e inflacionit dhe mbështetjen e zgjerimit të konsumit dhe investimeve, si dhe rëndësinë e procesit të konsolidimit fiskal në uljen e deficitit dhe borxhit publik.
Sejko theksoi avancimin e tregjeve financiare dhe anëtarësimin e Shqipërisë në SEPA, duke ulur kostot e transaksioneve me partnerët ndërkombëtarë dhe duke favorizuar integrimin në Bashkimin Evropian.
Parashikimet e Bankës së Shqipërisë për vitet e ardhshme mbeten pozitive, me rritje ekonomike të qëndrueshme dhe inflacion të stabilizuar rreth nivelit 3%, duke krijuar hapësira për politika makroekonomike të balancuara dhe për zhvillimin e mëtejshëm të tregjeve financiare dhe sistemit bankar.
Sejko siguroi se Banka e Shqipërisë do të vazhdojë të mbetet e përkushtuar ndaj stabilitetit të çmimeve, rregullimit dhe mbikëqyrjes së tregut financiar, si dhe mbështetjes së reformave strukturore për një rritje më të shpejtë dhe gjithëpërfshirëse ekonomike.
/e.xh/a.f/
The post Sejko: Ekonomia rritje të qëndrueshme në vijimësi, inflacion stabël appeared first on Agjencia Telegrafike Shqiptare.
TIRANË, 11 nëntor/ATSH/ Guvernatori i Bankës së Shqipërisë, Gent Sejko deklaroi sot se prioriteti në vitet e ardhshme do të jetë forcimi i stabilitetit financiar dhe përafrimi i plotë me kuadrin rregullator të Bashkimit Europian.
Në fjalën e tij në konferencën e zhvilluar për 100-vjetorin e Bankës së Shqipërisë, ku i pranishëm ishte edhe kryeministri Edi Rama, Sejko theksoi se politika monetare do të mbështetet në regjimin e inflacionit të shënjestruar dhe kursin e lirë të këmbimit, të cilat kanë garantuar stabilitetin e çmimeve dhe qëndrueshmërinë e ekonomisë edhe në periudha goditjesh të jashtme.
Ai paralajmëroi se digjitalizimi dhe zhvillimet e reja teknologjike në financë, si asetet digjitale dhe përdorimi i teknologjisë blockchain, do të kërkojnë kujdes të shtuar nga autoritetet rregullatore për të balancuar përfitimet me rreziqet e reja për stabilitetin financiar.
Guvernatori theksoi se Banka e Shqipërisë po punon për adoptimin e instrumenteve makroprudenciale dhe forcimin e rrjeteve të sigurisë, duke e konsideruar sektorin bankar si shtyllën kryesore të sistemit financiar dhe burimin kryesor të financimit të ekonomisë.
Sejko vlerësoi se, pavarësisht pasigurive që sjellin tensionet gjeopolitike dhe fragmentimi i tregtisë ndërkombëtare, Shqipëria ka përpara një mundësi të madhe zhvillimi përmes procesit të integrimit europian. Ai nënvizoi se Banka e Shqipërisë luan një rol aktiv në këtë proces, duke drejtuar punën për disa kapituj të acquis të BE-së dhe duke kontribuar në përafrimin e plotë të sistemit financiar me atë europian.
Një nga arritjet më të rëndësishme të fundit, sipas Sejkos, është anëtarësimi i Shqipërisë në zonën unike të pagesave në euro (SEPA), që lehtëson ndjeshëm pagesat ndërkufitare dhe forcon lidhjet ekonomike me Bashkimin Europian. Ai theksoi se përpjekjet e bankës do të përqendrohen në ruajtjen e stabilitetit makroekonomik, forcimin e institucioneve financiare dhe përgatitjen e vendit për fazat e reja të integrimit.
“Pavarësia, profesionalizmi dhe transparenca do të mbeten themelet e politikave tona, ndërsa integrimi europian është drejtimi që do të udhëheqë zhvillimin financiar të Shqipërisë”, deklaroi Sejko.
/r.e/a.f/
The post Sejko: Stabiliteti financiar dhe integrimi në BE, prioritetet kryesore të Bankës së Shqipërisë appeared first on Agjencia Telegrafike Shqiptare.
TIRANË, 11 nëntor /ATSH/ Drejtoresha e Fondit Monetar Ndërkombëtar, Kristalina Georgieva u shpreh se Shqipëria renditet mes vendeve me rritjen ekonomike më të shpejtë në Evropë.
Deklarata e drejtueses së FMN-së, erdhi gjatë aktivitetit të organizuar sot me rastin e 100-vjetorit të Bankës së Shqipërisë. Në këtë aktivitet, të pranishëm ishin edhe Kryeministri Edi Rama, ministri i Financave Petrit Malaj, ministrja e Ekonomisë dhe Inovacionit, Delina Ibrahimaj, si edhe akademikë, ekonomistë dhe ekspertë nga Shqipëria e shtete të huaja.
Georgieva theksoi se ky përvjetor i Bankës së Shqipërisë nuk përbën vetëm një rast për të festuar jetëgjatësinë e institucionit, por edhe një testament të reformimit të qëndrueshëm të institucionit dhe vizionit të tij.
“Nga themelimi në vitin 1925, duke kaluar nëpër dekada nga transformimi, standardi i arit, planifikimi i centralizuar dhe objektivi bashkëkohor i shënjestrimit të inflacionit, Banka e Shqipërisë ka pasqyruar evoluimin e shtetit shqiptar. Vendi është përballur me ndryshime politike, goditje ekonomike dhe ndikime të zhvillime globale”, tha ajo.
“Duke pasur në krahë Bankën e Shqipërisë, gjithmonë të përkushtuar për të ruajtur stabilitetin dhe besueshmërinë e publikut. Sot, Shqipëria renditet mes vendeve me rritjen ekonomike më të shpejtë në Evropë, testamenti i progresit të palëkundur dhe qëndrueshmërisë gjithnjë në rritje. Në këtë arritje, Banka e Shqipërisë ka luajtur një rol kyç, falë angazhimit ndaj politikave monetare të qëndrueshme, kuadrit rregullativ dhe transparencës institucionale”, vijoi drejtoresha e FMN-së.
Georgieva theksoi në videomesazhin e saj, se ky përkushtim ka shërbyer për mirë në kohë të trazuara, duke forcuar stabilitetin financiar dhe besimin e publikut.
“Reagimi ndaj krizës botërore financiare të rritjes së kredive me probleme apo ndërmarrja e operacioneve të shpejta dhe të shënjestruara gjatë pandemisë. Banka ka hedhur një themel të fortë për rritjen ekonomike dhe qëndrueshmërinë e vendit. Rrugëtimi i Shqipërisë na ofron një mësim kyç se pavarësia ekonomike e bankave qendrore është shumë më tepër se një teknikalitet, ajo është gur themeli i qëndrueshmërisë kombëtare. Bankat qendrore të pavarura janë të përqendruara më mirë për të ruajtur stabilitetin financiar, për të mbrojtur integritetin financiar dhe për t’iu përgjigjur krizave”, tha Georgieva.
“Përvoja e Shqipërisë e ilustron qartë këtë realitet. Pavarësia nuk mund të merret si e mirëqenë. Ajo duhet mbrojtur dhe kultivuar. Kjo kërkon mandat të qartë dhe kuadër ligjor të qartë, transparencë, llogaridhënie dhe komunikim me publikun”, pohoi ajo.
Në fund të videomesazhit, shefja e FMN-së u shpreh se me vështrimin nga e ardhmja, Shqipëria përballet me sfida si fragmentimi gjeopolitik në rritje, transformimi digjital, roli i Inteligjencës Artificiale dhe zhvendosja demografike.
“Shqipëria është e vendosur që t’i bashkohet BE-së dhe vendi ka bërë përparime të qëndrueshme drejt këtij objektivi. Banka e Shqipërisë ka një rol thelbësor të përkushtuar dhe me vizion të qartë në këtë rrugë sfiduese, për të mbështetur vendin në shfrytëzimin e mundësive që ofron anëtarësimi në BE. FMN do të vijojë të jetë partnere e palëkundur në këtë udhëtim duke mbështetur Shqipërinë lidhur me politikat, kërkimin dhe zhvillimin e kapaciteteve”, tha Georgieva.
/e.i/a.f/r.e/
The post Georgieva: Shqipëria mes vendeve me rritjen ekonomike më të shpejtë në Evropë appeared first on Agjencia Telegrafike Shqiptare.
Guvernatori i Bankës së Shqipërisë, Gent Sejko, ka vlerësuar se ekonomia shqiptare përballet sot me tre sfida kryesore, të cilat kërkojnë politika të kujdesshme dhe përshtatje me realitetet e reja globale. Në konferencën shkencore me rastin e 100-vjetorit të Bankës së Shqipërisë, Sejko tha se sfida e parë lidhet me rritjen e tensioneve gjeopolitike në […]
The post Sejko: Ekonomia shqiptare po përballet me tre sfida kryesore appeared first on BoldNews.al.
Në konferencën shkencore me rastin e 100-vjetorit të Bankës së Shqipërisë, Guvernatori i Bankës së Shqipërisë, Gent Sejko, ka vlerësuar se ekonomia shqiptare përballet sot me tre sfida kryesore, të cilat kërkojnë politika të kujdesshme dhe përshtatje me realitetet e reja globale.
Sejko tha se sfida e parë lidhet me rritjen e tensioneve gjeopolitike në arenën ndërkombëtare, të cilat kanë sjellë një “realitet të ri ekonomik” me barriera më të larta tregtare dhe lëvizje më të kufizuara të kapitalit.
Ai deklaroi se; “rreziqet që vijnë nga këto sfida tejkalohen si në cilësi dhe sasi nga oportunitetet që ofron procesi i anëtarësimit në BE”.
Gent Sejko: Sfida e parë është rritja e tensioneve gjeopolitike në ambientin e huaj. Rritja e barrierave tregtare janë një realitet i ri ekonomik.
Sfida e dytë është inovacioni i shpejtë financiar. Gjatë dekadës së fundit ne jemi bërë dëshmitarë të një revolucioni të shpejtë financiar i cili ka potencialin të tranformojë këtë industri. Dixhitalizimi i sistemit të pagesave dhe përdorimi i teknologjisë ka përfitimet dhe rreziqet e veta.
Sfida e tretë ka të bëjë me vetë stadin e zhvillimit të Shqipërisë. Si një vend me të ardhura të mesme Shqipëria është e ekspozuar ndaj një konkurrence më të fortë për kapital e fuqi punëtore në tregun evropian. Shqipërisë i duhet të bazojë më shumë modelin e zhvillimit te rritja e produktivitetit dhe avantazheve të saj krahasuese. Kjo sfide e fundit bëhet edhe me komplekse në prani të trendëve të pafavorshme demokratike që vendosin një premiom të lartë për fuqi punëtore të kualifikuar.
Rreziqet që vijnë nga këto sfida tejkalohen si në cilësi dhe sasi nga oportunitetet që ofron procesi i anëtarësimit në BE.
The post 100-vjetori i Bankës së Shqipërisë/ Guvernatori Gent Sejko: Anëtarësimi në BE, oportunitet për tejkalimin e sfidave appeared first on Albeu.com.
Është zhvilluar ditën e sotme konferenca shkencore me rastin e 100-vjetorit të Bankës së Shqipërisë.
Akademikë, ekonomistë dhe ekspertë nga Shqipëria e të huaj ndajnë analiza, studime e vizione për sfidat e ekonomisë moderne dhe të ardhmen e sistemit bankar shqiptar. Në konferencën shkencore me rastin e 100-vjetorit të Bankës së Shqipërisë, i pranishëm është edhe kryeministri Edi Rama.
Guvernatori i Bankës së Shqipërisë Gent Sejko, gjatë fjalës së tij tha se Shqipërisë i duhet të bazojë më shumë modelin e zhvillimit te rritja e produktivitetit dhe avantazheve të saj krahasuese.
Gjithashtu ai renditi edhe disa nga sfidat, që sipas tij kanë të bëjnë me rritjen e tensioneve gjeopolitike, inovacioni i shpejtë financiar, si edhe sfida tjetër që ka të bëjë me vetë stadin e zhvillimit të Shqipërisë
“Sfida e parë është rritja e tensioneve gjeopolitike në ambientin e huaj. Rritja e barrierave tregtare janë një realitet i ri ekonomik. Sfida e dytë është inovacioni i shpejtë financiar. Gjatë dekadës së fundit ne jemi bërë dëshmitarë të një revolucioni të shpejtë financiar i cili ka potencialin të transformojë këtë industri. Dixhitalizimi i sistemit të pagesave dhe përdorimi i teknologjisë ka përfitimet dhe rreziqet e veta. Sfida e tretë ka të bëjë me vetë stadin e zhvillimit të Shqipërisë. Si një vend me të ardhura të mesme Shqipëria është e ekspozuar ndaj një konkurrence më të fortë për kapital e fuqi punëtore në tregun evropian. Shqipërisë i duhet të bazojë më shumë modelin e zhvillimit te rritja e produktivitetit dhe avantazheve të saj krahasuese. Kjo sfide e fundit bëhet edhe me komplekse në prani të trendëve të pafavorshme demokratike që vendosin një premtim të lartë për fuqi punëtore të kualifikuar”, tha Sejko.
Guvernatori i Bankës së Shqipërisë, Gent Sejko zhvilloi sot një takim me misionin e Fondit Monetar Ndërkombëtar (FMN), të kryesuar nga Anke Weber, shefe e Misionit për Shqipërinë. Qëllimi i vizitës së Misionit në Shqipëri ishte zhvillimi i dialogut periodik me autoritetet shqiptare mbi zhvillimet ekonomike, monetare e financiare, si dhe politikat e duhura për nxitjen e zhvillimit të qëndrueshëm…
TIRANË, 30 tetor/ATSH-Maela Marini/ Guvernatori i Bankës së Shqipërisë, Gent Sejko deklaroi sot në Kuvend se ecuria pozitive e ekonomisë dhe e tregjeve financiare shqiptare gjatë vitit 2024 dhe gjysmës së parë të vitit 2025 u pasqyrua edhe në sektorin bankar.
Gjatë raportimit vjetor në Kuvend, Sejko u shpreh se sektori bankar njohu rritje, nxitur nga rritja e shpejtë e kreditimit dhe zgjerimi i bazës së depozitave, si dhe përmirësim të treguesve të shëndetit financiar.
Sejko theksoi se cilësia e kredisë vijoi të përmirësohet dhe treguesi i kredive me probleme zbriti në 4.0%, duke shënuar nivelet më të ulëta që prej vitit 2008. “Analizat tona periodike sugjerojnë nivele të kontrolluara të rreziqeve sistemike dhe testet e rezistencës së sistemit bankar tregojnë një aftësi të mirë përballimi të goditjeve të mundshme makrofinanciare”, shtoi Sejko.
Sejko theksoi se “pozicioni i jashtëm i ekonomisë është konsoliduar, falë rritjes së mëtejshme të eksporteve, remitancave dhe investimeve të huaja direkte”.
“Gjatë vitit 2024, eksportet totale shënuan vlerën e 9.1 miliardë eurove, duke u rritur me 11% krahasuar me vitin paraardhës, të nxitura nga të ardhurat nga turizmi në vlerën e 5 miliardë eurove. Po ashtu, remitancat arritën 1 miliardë euro, ndërsa flukset hyrëse nga investimet e huaja direkte në 1.6 miliardë euro”, tha Sejko.
Edhe gjatë gjysmës së parë të vitit 2025, sipas tij të tre këta tregues vijuan të rriten. “Eksportet totale u rritën me 6.1%, remitancat me 4.3%, ndërsa investimet e huaja direkte me 1.1%”, shtoi ai.
Sejko nënvizoi se në tërësi, bilanci i shkëmbimeve tregtare e financiare me jashtë ka shënuar vlera të larta pozitive gjatë tre viteve të fundit.
“Në pasqyrim të këtyre dinamikave, borxhi i jashtëm ra në 40.5% të PBB-së në tremujorin e dytë të vitit 2025, nga 46.2% në fund të vitit 2023. Po ashtu, rezervat valutore të Bankës së Shqipërisë, një tregues kyç i qëndrueshmërisë financiare të vendit, i janë afruar nivelit 7 miliardë euro, duke ofruar një garanci të rritur për investitorët e huaj”, u shpreh Sejko.
Sejko nënvizoi se pozicioni fiskal është përmirësuar më tej, sikurse tregohet nga reduktimi i deficitit buxhetor dhe i borxhit publik, respektivisht në nivelet 0.7% dhe 53.8% të PBB-së për fundin e vitit 2024.
Po ashtu, Sejko theksoi se sistemi bankar ka përmirësuar treguesit e qëndrueshmërisë dhe ka konsoliduar rolin e tij ndërmjetësues.
“Këto zhvillime kanë rritur aftësinë e sistemit bankar për të furnizuar ekonominë me fonde të qëndrueshme dhe me kosto të ulëta, si dhe kanë ndihmuar në zgjerimin e përdorimit të instrumenteve moderne të pagesave”, shtoi ai.
Ndërkohë Sejko theksoi se rritja e kërkesës për punë nga bizneset dhe mungesa e fuqisë punëtore, kanë sjellë rritjen e pagave në sektorin privat, me një mesatare vjetore prej 8.6% për vitin 2024 dhe 9.5% për gjashtëmujorin e parë 2025.
“Paralelisht me këto zhvillime, inflacioni ka ardhur në rënie, duke zbritur nga niveli mesatar prej 4.8% në vitin 2023, në 2.2% për vitin 2024 dhe tre tremujorët e parë të vitit 2025. Reduktimi i inflacionit është nxitur nga rënia e çmimeve në tregjet ndërkombëtare, forcimi i kursit të këmbimit dhe zbatimi i një politike monetare proaktive e të balancuar. Për rrjedhojë, inflacioni i importuar ka shënuar një rënie të shpejtë, ndërsa presionet nga ekonomia vendase janë në linjë me objektivin tonë të stabilitetit të çmimeve”, shtoi ai. /j.p/
The post Sejko: Rritje e eksporteve dhe investimeve të huaja direkte, rezerva valutore 7 miliardë euro appeared first on Agjencia Telegrafike Shqiptare.
TIRANË, 19 tetor /ATSH/ Guvernatori i Bankës së Shqipërisë, Gent Sejko dhe ministri i Financave, Petrit Malaj morën pjesë në Mbledhjet Vjetore të Fondit Monetar Ndërkombëtar (FMN) dhe të Grupit të Bankës Botërore (BB), të zhvilluara në Uashington DC, SHBA.
Këto mbledhje përfaqësojnë një forum të nivelit të lartë, ku vendimmarrësit e FMN-së dhe BB-së, guvernatorët dhe ministrat e financave të vendeve anëtare në këto institucione financiare ndërkombëtare, mblidhen së bashku për të diskutuar rreth zhvillimeve më të fundit të ekonomisë botërore.
Në kuadër të këtyre aktiviteteve, Guvernatori Sejko zhvilloi një sërë takimesh të rëndësishme me personalitete të njohura të fushës financiare ndërkombëtare, ndër të cilët veçojmë: Drejtorin Ekzekutiv për Shqipërinë në FMN, Riccardo Ercoli; Drejtorin e Departamentit Evropian në FMN, Alfred Kammer; Këshilltaren Rajonale pranë Departamentit Monetar dhe Tregjeve Kapitale, Mary Goodman; Shefen e Misionit të FMN-së, Anke Weber, zëvendëspresidenten për Rajonin e Evropës dhe Azisë Qendrore në BB, Antonella Bassani; Drejtorin Ekzekutiv për Shqipërinë në BB, Matteo Bugamelli; Drejtoren Rajonale për Ballkanin Perëndimor në BB, Xiaoqing Yu; Drejtuesin e Ekipit të Këshillimit dhe Partneriteteve pranë Departamentit të Menaxhimit të Aseteve dhe Shërbimeve Këshilluese në BB, Marco Ruiz.
Gjatë këtyre takimeve, Guvernatori Sejko i njohu përfaqësuesit e FMN-së dhe BB-së me zhvillimet më të fundit ekonomike dhe financiare në vend, si dhe perspektivën e tyre për të ardhmen; politikën monetare të ndjekur nga Banka e Shqipërisë dhe masat e marra për ruajtjen dhe forcimin e shëndetit të sektorit bankar dhe stabilitetit financiar të vendit.
Pavarësisht sfidave, ekonomia shqiptare ka treguar qëndrueshmëri dhe rritje në dy vitet e fundit, me një normë mesatare rritjeje të PBB-së prej rreth 3,5% në vit. Inflacioni ka qëndruar i ulët dhe i qëndrueshëm pranë objektivit prej 3%, ndërsa tregu i punës ka shënuar një papunësi në nivele historikisht të ulëta dhe rritje të pagave.
Guvernatori vuri në dukje se politikat makroekonomike kanë qenë të kujdesshme dhe të koordinuara: politika fiskale ka vijuar të jetë e konsoliduar, duke zvogëluar borxhin publik; ajo monetare ka qenë lehtësuese, me qëllim mbajtjen e pritshmërive të inflacionit të ankoruara; si dhe politika makroprudenciale ka synuar parandalimin e rreziqeve në sektorin bankar dhe tregun e pasurive të patundshme.
Ai shtoi se investimet dhe konsumi privat mbetën motorët kryesorë të rritjes, në veçanti sektori i shërbimeve dhe turizmi kontribuuan pozitivisht.
Në lidhje me perspektivën afatmesme, Guvernatori Sejko theksoi se rritja ekonomike pritet të ruajë një ritëm të qëndrueshëm, ndërsa inflacioni të arrijë nivelin objektiv në vitin 2026. Ai shtoi se rreziqet kryesore vijnë nga faktorët e jashtëm, përfshirë ngadalësimin ekonomik në partnerët tregtarë dhe tensionet gjeopolitike, ndërsa anët pozitive janë perspektiva e integrimit në BE dhe plani i ri i rritjes për Ballkanin Perëndimor. Politika monetare do të mbetet e fokusuar në stabilitetin e çmimeve, ndërsa politika fiskale do të vazhdojë konsolidimin. Në fokus kryesor mbetet stabiliteti monetar dhe financiar, të cilët janë baza për rritje të qëndrueshme ekonomike.
Një tjetër çështje e diskutuar ishte inovacioni në sektorin financiar, për të cilën Guvernatori u shpreh se Banka e Shqipërisë ka qenë e angazhuar intensivisht në përmirësimin e sistemeve të pagesave, ku fryti kryesor ishte integrimi i Shqipërisë në sistemin e pagesave të BE-së. Nën drejtimin e Bankës së Shqipërisë, Shqipëria u anëtarësua në SEPA në vitin 2024 përmes harmonizimit rregullator dhe përditësimit të infrastrukturës, si dhe nga 7 tetori 2025 nisën pagesat e para në tregun unik të pagesave me 40+ vende.
Së fundmi, Guvernatori theksoi se bashkëpunimi me institucionet evropiane dhe ndërkombëtare ka qenë thelbësor për menaxhimin e rreziqeve dhe mbështetjen e stabilitetit financiar të vendit. Në këtë kontekst, roli i FMN-së dhe BB-së ka qenë i rëndësishëm për të forcuar kapacitetet dhe për të ndihmuar në zbatimin e politikave të duhura.
Përfaqësuesit e FMN-së dhe BB-së përgëzuan BSH-në për anëtarësimin në SEPA, një arritje e rëndësishme e Bankës së Shqipërisë për modernizimin e sistemit financiar të vendit dhe një hap konkret drejt integrimit në Bashkimin Evropian.
Gjithashtu ata u shprehën pozitivisht lidhur me progresin e bërë nga Shqipëria në drejtim të zhvillimit ekonomik, si dhe kontributin e Bankës së Shqipërisë në këtë zhvillim. Sipas tyre, bankat qendrore janë shtylla stabiliteti në kohë pasigurie, duke mbrojtur ekonominë dhe duke ndihmuar në ndërtimin e rezistencës për të ardhmen.
Një vlerësim i veçantë u shpreh edhe për procesin e integrimit evropian të Shqipërisë, i cili ofron mundësi të shumta për nxitjen e investimeve të huaja direkte në vend, si dhe u theksua nevoja për përparimin e reformave strukturore në këtë drejtim.
Përfaqësuesit e FMN-së dhe BB-së theksuan rëndësinë e bashkëpunimit të deritanishëm me Bankën e Shqipërisë dhe vazhdimin e tij nëpërmjet asistencës teknike. Në fokus ishin edhe përpjekjet e Bankës së Shqipërisë për përmirësimet dhe risitë e vazhdueshme në sistemet e pagesave, dhe implementimin e projektit për pagesat e menjëhershme nëpërmjet TIPS clone.
Përfaqësuesit e FMN-së vlerësuan pozitivisht regjimin e lirë të kursit të këmbimit në Shqipëri, duke e cilësuar atë si një mekanizëm që ka ndihmuar në ruajtjen e stabilitetit makroekonomik dhe në përthithjen e goditjeve të jashtme, me një rol të rëndësishëm në përballimin e presioneve inflacioniste dhe në ruajtjen e stabilitetit të çmimeve. Kursi i këmbimit duhet të lejohet të përshtatet më fleksibël ndaj zhvillimeve të tregut, ndërsa ndërhyrjet e bankës qendrore duhet të mbeten një mjet në funksion të përmbushjes së mandatit primar, atij të stabilitetit të çmimeve, dhe për të zbutur luhatjet që burojnë nga faktorë spekulativë.
Guvernatori Sejko dhe përfaqësuesit e FMN-së dhe BB-së dakortësuan lidhur me vazhdimin e bashkëpunimit midis institucioneve dhe vijimit të ofrimit të asistencës teknike në të ardhmen në fusha si mbikëqyrja bankare, sistemet e pagesave, aspektet ligjore etj.
Gjatë qëndrimit në Uashington, delegacioni pati rastin të zhvillojë dhe takime me homologë nga vende të ndryshme, ku u diskutua mbi zhvillimin e mëtejshëm të marrëdhënieve dypalëshe, me qëllim thithjen e asistencës teknike për çështje specifike.
Në kuadër të këtyre mbledhjeve, Guvernatori Sejko dhe përfaqësuesit e BSH-së morën pjesë në seancën plenare të Komitetit Ndërkombëtar Monetar e Financiar të FMN-së, si dhe në seancën plenare të Mbledhjeve Vjetore të FMN-BB.
Guvernatori Sejko ishte gjithashtu i ftuar në një mëngjes pune me ministrat e financave dhe guvernatorët e bankave qendrore, të organizuar nga Drejtori i Departamentit Evropian pranë FMN-së, Alfred Kammer, gjatë të cilit ai prezantoi zhvillimet makroekonomike në Shqipëri, sektorët kryesorë të zhvillimit, si dhe potencialin që vendi paraqet për investitorët e huaj.
/e.i/r.e/
The post Sejko: Rritja ekonomike 3,5%, investimet dhe konsumi privat motorët kryesorë appeared first on Agjencia Telegrafike Shqiptare.
TIRANË, 18 tetor /ATSH/ Guvernatori i Bankës së Shqipërisë, Gent Sejko, së bashku me ministrin e Financave, Petrit Malaj, morën pjesë në një takim me dyer të mbyllura me ministrat e financave dhe guvernatorët e bankave qendrore të vendeve të Evropës Qendrore, Lindore dhe Juglindore, të organizuar nga Departamenti Evropian i Fondit Monetar Ndërkombëtar (FMN).
Takimi kishte në fokus sfidat ekonomike dhe perspektivat e politikave për Evropën, në një kontekst të pasigurt global, me qëllim ndarjen e përvojave dhe forcimin e bashkëpunimit ndërinstitucional në rajon.
Ky takim u zhvillua në kuadër të Mbledhjeve Vjetore 2025 të FMN-së dhe Bankës Botërore, që po mbahen në Uashington, DC, ku Shqipëria përfaqësohet nga një delegacion i kryesuar nga Guvernatori Sejko.
Pjesëmarrja e përfaqësuesve të lartë të Shqipërisë në këto forume thekson angazhimin e vendit për të ndjekur politika të qëndrueshme ekonomike dhe për të forcuar bashkëpunimin financiar ndërkombëtar. /e.xh/a.f/
The post Sejko dhe Malaj, diskutim me liderët financiarë të rajonit për sfidat ekonomike appeared first on Agjencia Telegrafike Shqiptare.
TIRANË, 17 tetor/ATSH/ Guvernatori i Bankës së Shqipërisë, Gent Sejko zhvilloi sot një takim me Mary Goodman, këshilltare rajonale pranë Departamentit Monetar dhe Tregjeve Kapitale.
Sipas njoftimit të BSH-së, në këtë takim u diskutuan nevojat për asistencë teknike në kuadër të reformave të rëndësishme institucionale dhe harmonizimit me kërkesat e Bashkimit Evropian.
Në njoftim thuhet se në fokus ishin edhe përpjekjet e Bankës së Shqipërisë për hartimin e ligjit të ri për Bankën e Shqipërisë në përputhje me acquis-në e BE-së në fushën e bankës qendrore.
“Procesi i integrimit evropian ofron një udhërrëfyes të pazëvendësueshëm për agjendën e reformave strukturore, ndërsa perspektiva e integrimit në Bashkimin Evropian ofron një mundësi historike për nxitjen e investimeve të huaja direkte”, cilësohet në njoftim.
Takimi u zhvillua në kuadër të Mbledhjeve Vjetore 2025 të FMN-së dhe BB-së në Uashington, DC, ku Banka e Shqipërisë përfaqësohet nga delegacioni i kryesuar nga guvernatori Gent Sejko.
/e.i/j.p/
The post Banka e Shqipërisë, ligj të ri në përputhje me acquis-në e BE-së appeared first on Agjencia Telegrafike Shqiptare.
Ministri i financave Petrit Malaj dhe guvernatori Gent Sejko kanë nisur takimet në ëashington në kuadër të takimeve të Vjeshtës të Fondit Monetar Ndërkombëtar dhe të Grupit të Bankës Botërore. Gjatë takimeve u ndanë me përfaqësues të disa institucioneve bankare ndërkombëtare dhe agjencive vlerësuese, si JP Morgan, Moody’s dhe Standard & Poors, progresi ekonomik të Shqipërisë.
“Reformat që po ndërmarrim, veçanërisht sa i takon mirëmenaxhimit të borxhit publik, janë tregues të besimit gjithnjë në rritje të investitorëve të huaj.”
Ministri i financave dhe Guvernatori i Bankës së Shqipërisë Gent Sejko zhvilluan një takim edhe me Drejtorin Ekzekutiv për Shqipërinë në FMN, Riccardo Ercoli. Ndërsa u diskutua mbi prioritetet e mandatit të ri qeverisës, progresin drejt integrimit në BE, ecurinë e ekonomisë shqiptare, si dhe parametrat e qëndrueshëm makroekonomikë.
Ekonomia shqiptare po shihet gjithnjë e më shumë si një destinacion për investime të sigurta dhe të qëndrueshme nga partnerët tanë ndërkombëtarë./abcnews.al
TIRANË, 17 tetor /ATSH/ Në kuadër të Mbledhjeve Vjetore 2025 të Fondit Monetar Ndërkombëtar (FMN) dhe Bankës Botërore, që po mbahen në Uashington, DC, Guvernatori i Bankës së Shqipërisë, Gent Sejko, zhvilloi një takim me Alfred Kammer, drejtor i Departamentit Evropian në FMN.
Gjatë takimit, u diskutua mbi zhvillimet e fundit ekonomike në Shqipëri, pritshmëritë për rritjen ekonomike dhe inflacionin, si dhe rëndësia e vazhdimit të politikave monetare dhe fiskale të kujdesshme për të garantuar stabilitetin makroekonomik në vend.
BSH-ja njofton se, në qendër të diskutimeve ishte gjithashtu nevoja për përparimin e reformave strukturore që mbështesin rritjen afatgjatë, si dhe rëndësia e përshpejtimit të procesit të integrimit të Shqipërisë në Bashkimin Evropian.
Sejko dhe Kammer, nënvizuan bashkëpunimin e ngushtë mes Bankës së Shqipërisë dhe FMN-së, si dhe angazhimin e përbashkët për mbështetjen e zhvillimit të qëndrueshëm ekonomik në vend.
Delegacioni i Bankës së Shqipërisë në këto mbledhje kryesohet nga Guvernatori Sejko.
/e.xh//r.e/
The post Sejko takon drejtorin e Departamentit Evropian të FMN: Perspektiva pozitive për ekonominë shqiptare appeared first on Agjencia Telegrafike Shqiptare.
Login