Një aksident i rende ka ndodhur para pak min me pare ne aksin Lezhe- Shkodër.

Nga përplasja e forte e dy automjeteve ne afërsi të fshatit Gocaj, dyshohet se dy persona kane ndërruar jete.

Për nxjerrjen e trupave kane ndërhyre forcat zjarrfikëse të cilët me pas u morën me ato ambulance.

Policia dhe grupi hetimor ndodhen ne vendgjarje për zbardhjen e shkaqeve te ketij aksidenti. /tch/

Një aksident me fatalitet ka ndodhur mëngjesin e së martës në Bresje të Fushë Kosovës, ku një këmbësor është goditur për vdekje.

Lajmin e konfirmoi për Telegrafin, zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 05:00, kemi pranuar informatën se në Bresje të Fushë Kosovës, ka ndodhur një aksident trafiku me pasoja fatale. Në këtë aksident ka qenë i përfshirë një automjet dhe një këmbësor. Si pasojë e aksidentit këmbësori ka mbetur i vdekur”, tha ajo.

Vdekja e viktimës (mashkull) është konstatuar nga ekipi mjekësor në vendin e ngjarjes.

Me rastin po merret Njësiti i trafikut rajonal. /Telegrafi/

Një aksident trafiku me fatalitet ka ndodhur sot rreth orës 17:20 në fshatin Greme të Ferizajt.

Sipas zëdhënësit të Policisë për Rajonin e Ferizajt, Kanun Veseli, pasagjerja e veturës një femër rreth 19 vjeçe, ka humbur jetën dhe vdekja e saj është konfirmuar nga ekipi mjekësor në vendin e ngjarjes.

"Si pasojë e aksidentit, një person ka humbur jetën (një femër rreth 19 vjeçe, pasagjere në veturë). Vdekja e saj është konstatuar nga ekipi mjekësor në vendin e ngjarjes", ka thënë Veseli.

Shoferi i automjetit, një mashkull 20-vjeç, ka pësuar lëndime trupore dhe po trajtohet aktualisht në Qendrën Emergjente në Ferizaj.

Në vendin e ngjarjes kanë dalë hetuesit e Njësisë së Komunikacionit Rrugor të Ferizajt, si dhe një ekip zjarrfikësish, për të ekzaminuar rrethanat e aksidentit.

"Për të gjitha veprimet policore është njoftuar edhe prokurori i shtetit, i cili ka dalë në vendin e ngjarjes", tha ai. /Telegrafi/

Një aksident me fatalitet ka ndodhur rreth orës 00:50 në rrugën “Shefki Kuleta” në Fushë Kosovë.

85-vjeçari Isuf Obrazhda, u godit nga një veturë.

Si pasojë e lëndimeve të rënda, viktima u dërgua për trajtim mjekësor në Qendrën Klinike Universitare të Kosovës, por megjithë përpjekjet e stafit mjekësor, rreth orës 06:00 të mëngjesit të sotëm, është konfirmuar vdekja e tij.

Me urdhër të Prokurorit kujdestar, trupi i pajetë i viktimës i është dorëzuar familjarëve.

Rasti po hetohet nga organet kompetente si aksident komunikacioni me fatalitet, për të zbardhur të gjitha rrethanat e ngjarjes.

Një këmbësor është goditur për vdekje të martën në orët e vona në Graçanicë.

Në raportin policor bëhet e ditur se vozitësi është arrestuar pasi dyshohet se me veturë nga pakujdesia ka goditur këmbësorin.

“Graçanicë / 23.12.2025 – 23:30. Është arrestuar vozitësi mashkull kosovar, pasi që dyshohet se me veturë nga pakujdesia ka goditur këmbësorin mashkull kosovar”, thuhet në raport.

Me vendim të prokurorit trupi i pa jetë i viktimës është dërguar në IML për obduksion, ndërsa i dyshuari është dërguar në mbajtje. /Telegrafi/

Një vetaksident trafiku me pasoja fatale ka ndodhur sot rreth orës 13:00 në segmentin e autostradës Mazgit–Prishtinë.

Lajmin e ka konfirmuar për Telegrafin zëdhënësi i Policisë së Kosovës, Baki Kelani.

“Sot, rreth orës 13:00, në segmentin e autostradës Mazgit–Prishtinë, ka ndodhur një vetaksident trafiku me pasoja fatale. Në këtë aksident është përfshirë një mjet i rëndë – kamion, i cili është rrokullisur”, ka deklaruar Kelani.

Sipas tij, si pasojë e këtij vetaksidenti, drejtuesi i kamionit ka humbur jetën. “Vdekjen e drejtuesit të kamionit e ka konstatuar ekipi mjekësor në vendin e ngjarjes”, ka shtuar zëdhënësi i Policisë së Kosovës.

Kelani bëri të ditur se në vendin e ngjarjes kanë dalë njësitë policore, ekipi mjekësor si dhe njësia e zjarrfikësve, të cilët janë marrë me trajtimin e rastit.

Në fund, Policia e Kosovës ka apeluar për respektimin e rregullave të trafikut dhe për kujdes të shtuar gjatë pjesëmarrjes në komunikacion.

“Policia e Kosovës vazhdon të apelojë për respektim të rregullave të trafikut dhe për kujdes të shtuar gjatë pjesëmarrjes në trafik”, ka përfunduar Kelani. /Telegrafi/

Një aksident trafiku me pasojë vdekjen ka ndodhur sot në lagjen Lakuriq të Prizrenit.

Sipas të dhënave fillestare, drejtuesi i një kamioni, duke lëvizur në afërsi të një punishte, nga pakujdesia ka goditur viktimën.

Shërbimet e urgjencës u njoftuan menjëherë dhe mjekët në vendngjarje konstatuan vdekjen e personit të aksidentuar.

Drejtuesi i kamionit është ndaluar nga policia dhe po qëndron në stacionin policor.

Policia e Kosovës, në bashkëpunim me prokurorinë, po ndërmerr të gjitha veprimet e nevojshme ligjore për sqarimin e plotë të rrethanave të ngjarjes.

Hetimet po zhvillohen nga Njësia Rajonale e Komunikacionit Rrugor në Prizren. /Telegrafi/

Një aksident i rëndë trafiku ka ndodhur të martën pasdite në rrugën nacionale N223 në Leposaviq, ku janë përfshirë dy automjete me ngasës meshkuj kosovarë.

Policia njofton se ngjarja ka ndodhur rreth orës 16:20.

Si pasojë e përplasjes, lëndime trupore kanë pësuar dy ngasësit dhe tre pasagjerë, derisa një nga pasagjerët e lënduar ka ndërruar jetë në spital.

"Ka ndodhë një aksident trafiku në mes të dy automjeteve me ngasës meshkuj kosovarë, si pasojë e aksidentit lëndime trupore kanë pësuar dy ngasësit dhe tre pasagjer. Si pasojë e lëndimeve të marra në aksident njëri nga pasagjerët e lënduar ka ndërruar jetë", thuhet në njoftimin e policisë, përcjell Telegrafi

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion, ndërsa hetimet rreth shkaqeve të aksidentit janë duke vazhduar. /Telegrafi/

Ka vdekur 26-vjeçari i cili ishte në gjendje kritike pas aksidentit të ndodhur në Leposaviq.

Lajmin e ka konfirmuar Erduan Baliqi, shef i planifikimit në Operativën Rajonale Mitrovicë–Veri të Policisë së Kosovës, duke bërë të ditur se ka vdekur i lënduari i cili ishte në gjendje kritike.

Ndryshe, në këtë aksident të lënduar mbetën edhe katër persona të tjerë.

Aksidenti kishte ndodhur në mes dy veturave në hyrje të Leposaviqit.

Një vetëaksident trafiku ka ndodhur sot në autostradën “Ibrahim Rugova”, në kilometrin e 32-të, ndërsa dyshohet se një person ka vdekur dhe një tjetër është lënduar.

Bajram Krasniqi, zëdhënës i Policisë së Kosovës konfirmoi për Telegrafin se aksidenti ka ndodhur rreth orës 11:40.

“Rreth orës 11:40, policia është njoftuar për një aksident trafiku të ndodhur në autostradë drejtimi Prizren-Suharekë kilometri i 32-të. Në aksident është përfshirë një veturë dhe dyshohet se një person është pa shenja jete dhe një tjetër ka pësuar lëndime”, bëri të ditur Krasniqi.

Një ngjarje e rëndë ka ndodhur rreth orës 13:55 në lagjen nr. 2 të Rrogozhinës, ku një vajzë 2-vjeçare ka humbur jetën pasi është goditur nga një automjet gjatë manovrës së kthimit në rrugicën e lagjes.

Sipas Policisë, mjeti drejtohej nga F. Xh., 24 vjeç, banues në Rrogozhinë, i cili është shoqëruar menjëherë për veprime të mëtejshme procedurale.

Grupi hetimor ndodhet në vendngjarje dhe po punon për sqarimin e plotë të rrethanave dhe përcaktimin e përgjegjësisë ligjore në këtë aksident tragjik, raporton tch.

Një aksident i rëndë trafiku ka ndodhur sot në rrugën Rahovec-Suharekë, ku si pasojë një person ka humbur jetën.

Lajmin për Telegrafin e ka konfirmuar zëdhënësi i policisë për rajonin e Prizrenit, Shaqir Bytyqi.

“Sot, më datë 12 nëntor 2025, rreth orës 11:25, në fshatin Dobërdelan, në magjistralen që lidh Suharekën me Rahovecin, është raportuar për një aksident trafiku ku kanë qenë të përfshirë një automjet dhe një kamion.

Si pasojë e këtij aksidenti, drejtuesi i automjetit, mashkull 58-vjeçar, fatkeqësisht ka humbur jetën në vendngjarje, ndërsa bashkëshortja e tij, e cila ishte pasagjere në automjet, ka pësuar lëndime të rënda trupore dhe është dërguar për trajtim mjekësor në Spitalin Rajonal të Prizrenit”, ka thënë Bytyqi.

Ai ka shtuar se menjëherë pas raportimit të rastit, në vendngjarje kanë dalë njësitet policore përkatëse, të cilat kanë siguruar perimetrin, kanë ndërmarrë veprimet e nevojshme hetimore dhe janë duke punuar për të sqaruar të gjitha rrethanat që kanë çuar deri te ndodhja e aksidentit.

“Policia e Kosovës apelon te të gjithë pjesëmarrësit në trafik që të respektojnë rregullat e komunikacionit, me qëllim të parandalimit të aksidenteve dhe ruajtjes së jetës së qytetarëve”, ka shtuar Bytyqi. /Telegrafi/

Një milioner rus i kriptovalutave ka vdekur pasi Lamborghini i tij shpërtheu në flakë pasi u rrokullis.

Alexei Dolgikh, 36 vjeç, po drejtonte tre miq në Lamborghini Urus-in e tij prej gati 330,000 funtesh me shpejtësi 150 kmh, kur u përplas në një autostradë në Moskë, transmeton Telegrafi.

Pamjet e kamerave të kontrollit treguan biznesmenin duke humbur kontrollin, duke mos arritur të bënte një kthesë dhe duke u përplasur me muret mbrojtëse në orën 1:30 të mëngjesit.

Dolgikh dhe pasagjeri Ivan Solovyov vdiqën në përplasjen përgjatë autostradës ndërkombëtare, tha policia për agjencinë ruse të lajmeve TASS.

Një burim policor shtoi: "Ekspertët po punojnë aktualisht për këtë dhe shkaku i saktë do të përcaktohet gjatë hetimit".

Prokurorët kanë marrë përsipër hetimin që atëherë.

Dolgikh ishte futur në listën e zezë nga bankat ruse në muajt e fundit mes akuzave për pastrim parash, sipas mediave të shumta ruse.

Ai është gjobitur 586 herë, kryesisht për gjoba për shpejtësi, në 15 muajt e fundit që nga blerja e Lamborghinit, raportoi media ruse 24CMN.

Makina e Dolgikh u përfshi në një të shtënë të profilit të lartë në shtator të vitit të kaluar në Patriarch’s Ponds, një lagje e pasur në Moskë.

Një grindje jashtë restorantit Aist përfundoi kur një burrë, Dmitry Kh, nxori një pistoletë dhe qëlloi në ajër.

Kur u largua nga vendi i ngjarjes me një Lamborghini që më vonë u zbulua se ishte në pronësi të milionerit të kriptovalutave. Kh u arrestua pak më vonë.

Dolgikh u paraqit vullnetarisht në stacionin e policisë për të mohuar çdo shkelje. Nuk u ngritën akuza kundër tij.

Ai është tregtari i dytë rus i kriptovalutave i profilit të lartë që ka vdekur në javët e fundit.

Roman dhe Anna Novak, të cilët u zhdukën në Emiratet e Bashkuara Arabe muajin e kaluar, u gjetën të copëtuar në një shkretëtirë.

Ata u panë për herë të fundit para se të udhëtonin për të takuar 'investitorë të paidentifikuar' pranë një liqeni në vendpushimin malor Hatta të Dubait.

Tre persona janë arrestuar dhe do të mbeten në paraburgim deri më 28 dhjetor. /Telegrafi/

Një aksident i rëndë trafiku ka ndodhur rreth orës 17:35 në rrugën nacionale Pejë-Prishtinë, në fshatin Vragoli, ku një person ka humbur jetën.

Lajmin e ka konfirmuar zëdhënësi i Policisë, Daut Hoxha, i cili tha se në vendin e ngjarjes mjeku ka konstatuar vdekjen e viktimës.

“Rreth orës 17:35 në rrugën nacionale Pejë-Prishtinë, në Vragoli është shkaktuar një aksident trafiku me fatalitet. Në vendin e ngjarjes mjeku ka konstatuar vdekjen e një personi. Është njoftuar prokurori dhe mjekësia ligjore, përderisa hetimet janë duke u kryer nga Policia për të sqaruar të gjitha rrethanat që kanë çuar deri te ky aksident tragjik”, tha Hoxha.

Policia ka apeluar për kujdes maksimal gjatë drejtimit të automjeteve, respektim të rregullave të trafikut dhe përshtatje të shpejtësisë, veçanërisht në kushte të vështira atmosferike, kur reshjet dhe dukshmëria e kufizuar rrisin rrezikun e aksidenteve.

Një aksident i rëndë trafiku me fatalitet ka ndodhur mbrëmjen e së dielës në rrugën “UÇK” në Rahovec, ku janë përfshirë një veturë me targa vendore dhe një motoçikletë që drejtohej nga një mashkull kosovar.

Sipas Policisë së Kosovës, aksidenti ka ndodhur rreth orës 20:25, ku si pasojë e përplasjes drejtuesi i motoçikletës ka pësuar lëndime të rënda trupore.

Fillimisht ai ka marrë ndihmën e parë në QKMF-në e Rahovecit, por më pas është dërguar në spitalin rajonal të Gjakovës, ku ka ndërruar jetë për shkak të plagëve të marra.

Vdekjen e viktimës e ka konstatuar mjeku kujdestar. Edhe drejtuesi i veturës ka pësuar gjithashtu lëndime dhe është dërguar për tretman mjekësor.

Me urdhër të prokurorit, i njëjti është ndaluar për 48 orë, ndërsa trupi i pajetë i viktimës është dërguar në Institutin e Mjekësisë Ligjore (IML) në Prishtinë për obduksion.

Policia e Kosovës ka nisur hetimet për zbardhjen e shkaqeve të aksidentit. /Telegrafi/

Një aksident i rëndë ka ndodhur rreth orës 01:30 në Vlorë, ku një 17-vjeçar ka humbur jetën në mënyrë tragjike.

Viktima është identifikuar si L. Sh, 17 vjeç.

Sipas dëshmitarëve në vendngjarje, përplasja ka qenë fatale dhe e mituri ka ndërruar jetë menjëherë, raporton euronews.al.

Të njëjtat burime tregojnë se për shkak të goditjes së fortë, trupi i viktimës është dëmtuar rëndë.

Familjarët e të riut ndodhen në spital, ku po përpiqen të tërheqin trupin e pajetë të djalit.

Ata shprehen të revoltuar pasi, sipas tyre, nuk po marrin asnjë përgjigje nga autoritetet, ndërsa trupi i të ndjerit po mbahet për autopsi.

Pas një aksidenti të rëndë trafiku që la tre persona të vdekur pranë Braunschweig në Gjermani, është identifikuar një viktimë e tretë.

Policia beson se shoferi i një makine që ra nga një urë në kanalin Mittelland ndërsa ikte nga policia të shtunën është identifikuar, raporton RTL.de.

Gjithçka filloi të shtunën në mesditë kur shoferi i një BMW me targa të Mynihut në autostradën A2, injoroi një shenjë ndalimi të policisë dhe u largua me shpejtësi të lartë.

Patrullat e policisë shpejt humbën nga sytë automjetin, por rreth dhjetë minuta më vonë morën disa thirrje emergjente në lidhje me një aksident të rëndë, transmeton Telegrafi.

Hetuesit besojnë se i arratisuri po ngiste shumë shpejt në autostradën e ngushtë federale B4, duke tejkaluar disa makina në të djathtë dhe duke i goditur ato.

Automjeti më pas goditi një mur mbrojtës, u kthye në drejtim të kundërt dhe u përplas ballë për ballë me një makinë që po vinte përballë.

Forca e goditjes bëri që BMW-ja në ikje të përplasej përmes mureve mbrojtëse të urës dhe të futej në kanalin Mittelland.

"Është një shtetas serb 34-vjeçar", tha një zëdhënës i policisë.

Besohet se ai e ka drejtuar automjetin. Pasagjerët e tij, të cilët më parë u identifikuan si një 25-vjeçar dhe një 31-vjeçar nga Kroacia, ishin në automjetin tjetër, një grua 47-vjeçare dhe një burrë 53-vjeçar nga Hamburgu.

Gruaja u lëndua rëndë, por është jashtë rrezikut, ndërsa burri u transportua me helikopter në spital dhe mbetet në gjendje kritike.

Makina që shkaktoi aksidentin u nxor nga kanali gjatë fundjavës dhe u sekuestrua për analizë mjeko-ligjore.

Ecuria e mëtejshme e hetimit do të varet nga gjetjet e ekspertëve mjeko-ligjorë, dhe çështja ka të ngjarë t'i dorëzohet zyrës së prokurorit të shtetit, e cila do të vendosë për një autopsi për të ndjerin.

Ecuria e saktë e aksidentit, si dhe arsyeja pse shoferi iku nga policia, mbeten të panjohura. /Telegrafi/

Gjashtëdhjetë e tre persona kanë vdekur pasi disa automjete u përplasën në një autostradë në Ugandë, tha policia të mërkurën.

Dy autobusë që udhëtonin në drejtime të kundërta u "përplasën ballë për ballë" ndërsa përpiqeshin të parakalonin dy automjete të tjera - një kamion dhe një makinë - në autostradën Kampala-Gulu në orën 00:15, sipas policisë së Ugandës.

Një nga autobusët devijoi në një përpjekje për të shmangur një përplasje, por gjatë këtij procesi shkaktoi një "përplasje ballë për ballë" që çoi në një "reaksion zinxhir" në të cilin automjetet e tjera humbën kontrollin dhe u rrokullisën, transmeton Telegrafi.

Përveç viktimave, pasagjerët e automjeteve të përfshira dhe disa të tjerë u lënduan, tha policia. Një hetim është nisur. Të lënduarit janë dërguar në spital në qytetin perëndimor të Kiryandongo.

Pas përplasjes në rrugën - e cila lidh kryeqytetin Kampala në jug me qytetin verior të Gulu - policia u bëri thirrje shoferëve të shmangin "parakalimet e rrezikshme dhe të pakujdesshme".

Ajo tha se kjo "mbetet një nga shkaqet kryesore të aksidenteve në vend". /Telegrafi/

Një aksident me pasoja fatale është raportuar pasditen e së martës në fshatin Tupec të Prizrenit.

Sipas njoftimit të Policisë, viktima – një mashkull kosovar që ishte raportuar më herët si i zhdukur – është gjetur pa shenja jete në vendin e ngjarjes, ku dyshohet se kishte pësuar aksident me motoçikletë, përcjell Telegrafi.

"Është raportuar se viktima mashkull kosovar i cili ishte i raportuar i zhdukur, është gjetur në fshatin Tupec ku sipas vendit të ngjarjes dyshohet se ai ishte aksidentuar me motoçikletë dhe si pasojë ka mbetur i vdekur", thuhet në raport.

Në vendngjarje kanë dalë njësitë përkatëse policore dhe ekipi mjekësor, i cili ka konstatuar vdekjen e tij.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa hetimet për zbardhjen e plotë të rastit janë në vazhdim. /Telegrafi/

Tre zyrtarë të Katarit kanë humbur jetën në një aksident me makinë pranë vendpushimit egjiptian Sharm el-Sheikh në Detin e Kuq, sipas ambasadës së Katarit në Kajro.

Në një deklaratë të dielën, misioni diplomatik tha se të tre burrat punonin për Amiri Diwan, zyrën administrative të Emirit të Katarit, Sheikh Tamim bin Hamad Al Thani.

Ambasada e përshkroi incidentin si një "aksident tragjik trafiku" dhe tha se të tre burrat humbën jetën gjatë kryerjes së detyrave të tyre.

Aksidenti gjithashtu rezultoi në lëndime të dy të tjerëve, shtoi ajo, transmeton Telegrafi.

Të dy zyrtarët e lënduar po marrin kujdes mjekësor në një spital në Sharm el-Sheikh.

"Ambasada e shtetit të Katarit në Kajro shpreh ngushëllimet e saj të përzemërta dhe keqardhje të sinqerta familjeve të të ndjerëve, duke u lutur që Zoti t'i mbështjellë ata në mëshirën e tij të gjerë, t'i pranojë ata në parajsë dhe t'u dhurojë të plagosurve një shërim të shpejtë", shtoi ajo.

Sharm el-Sheikh i Egjiptit ishte vendi i negociatave për një marrëveshje armëpushimi midis Izraelit dhe Hamasit për t'i dhënë fund luftës në Gaza në fillim të kësaj jave.

Është planifikuar gjithashtu të presë një samit global të hënën që synon finalizimin e marrëveshjes. /Telegrafi/