Ditën e sotme rreth orës 14:05, një aksident rrugor është regjistruar në aksin rrugor Cërrik–Belsh, ku një automjet i drejtuar nga një grua ka përplasur një të moshuar, e cila po kalonte rrugën në vijat e bardha.

Sipas të dhënave paraprake, drejtuesja e mjetit dyshohet se nuk ka qenë e vëmendshme në momentin e ngjarjes, duke përplasur këmbësoren dhe duke i shkaktuar plagë të rënda.

Si pasojë e goditjes, e dëmtuara ka humbur edhe ndjenjat.

Menjëherë pas aksidentit, në vendngjarje kanë mbërritur autoambulanca dhe shërbimet e policisë, të njoftuara nga dëshmitarë okularë.

E moshuara është transportuar drejt spitalit për ndihmë mjekësore, ndërsa policia ka nisur hetimet për zbardhjen e plotë të rrethanave të aksidentit.

The post Aksident në aksin Cërrik–Belsh, shoferja përplas të këmbësoren në vijat e bardha appeared first on Albeu.com.

Mesditën e kësaj të marte, një aksident rrugor me përplasjen e tre automjeteve është regjistruar në aksin nacional Lushnjë–Berat.

Ngjarja ka ndodhur në kryqëzimin e fshatit Kashtbardhë, ku janë përfshirë një automjet tip “Volkswagen”, një “Benz” dhe një “Ford”.

Fatmirësisht, nga përplasja nuk raportohet për persona të lënduar, por vetëm dëme materiale në mjetet e përfshira.

Sipas të dhënave paraprake të Policisë Rrugore, automjeti tip “VW”, i cili vinte nga Kashtbardha, ka prerë rrugën e “Benz”-it. Si pasojë e përplasjes, “Benz”-i ka kaluar në korsinë e kundërt, ku është përplasur me automjetin tip “Ford”.

Shërbimet e Policisë së Qarkullimit Rrugor kanë mbërritur menjëherë në vendngjarje, duke kryer procedurat e nevojshme dhe duke disiplinuar trafikun, i cili për pak minuta u rëndua në këtë segment rrugor.

Ky aks rrugor vjen vetëm dy ditë pas një tjetër përplasjeje në të njëjtin aks, e cila përfundoi me dy persona të lënduar rëndë, duke rikthyer vëmendjen te problematika e sigurisë rrugore në këtë zonë.

The post Aksident në në aksin Lushnje-Berat, tre makina përplasen me njëra-tjetrën appeared first on Albeu.com.

Aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për disa orë për shkak të protestës që do të zhvillojnë fermerët.

Lajmi është njoftuar nga Policia Kufitare e Kakavijës. Fermerët në Greqi vazhdojnë protestat dhe kanë theksuar se nuk do të heqin dorë deri në plotësimin e kërkesave

Në njoftim zyrtar të kësaj të diele theksohet se do të lejohen të qarkullojnë vetëm automjetet që do të kenë emergjenca shëndetësore.

The post Aksi rrugor Kakavijë–Janinë bllokohet sërish për disa orë, fermerët në Greqi nuk heqin dorë nga protesta appeared first on Albeu.com.

Taksitë Waymo me vetëdrejtim janë bërë virale për arsye negative që përfshijnë vdekjen e një maceje nga San Francisko dhe bërjen e një kthese të paligjshme para policisë, e cila nuk ishte në gjendje t'i lëshonte një gjobë një shoferi joekzistent.

Por këtë javë, taksitë me vetëdrejtim janë bartëse lajmesh më të lumtura pasi një grua nga San Francisko lindi në një Waymo, transmeton Telegrafi.

Nëna ishte duke shkuar për në qendrën mjekësore të Universitetit të Kalifornisë, San Francisko të hënën kur lindi brenda robotaksi-t, tha një zëdhënës i Waymo në një deklaratë të mërkurën.

Kompania tha se ekipi i saj i mbështetjes së shoferëve zbuloi "aktivitet të pazakontë" brenda automjetit dhe telefonoi për të kontrolluar si dhe për të njoftuar 911.

Waymo, e cila është në pronësi të kompanisë mëmë të Google, Alphabet, nuk pranoi të jepte hollësi se si automjeti e dinte se diçka nuk shkonte.

Kompania ka thënë se ka kamera dhe mikrofonë brenda, si dhe jashtë makinave.

Taksi dhe pasagjerët e saj mbërritën të sigurt në spital përpara shërbimeve të urgjencës.

Jess Berthold, një zëdhënëse e UCSF, konfirmoi se nëna dhe fëmija u sollën në spital. Ajo tha se nëna nuk ishte e disponueshme për intervista.

Waymo tha se automjeti u nxor jashtë përdorimit për pastrim pas udhëtimit. Ndonëse ende i rrallë, ky nuk ishte foshnja e parë e lindur në një nga taksitë e saj, tha kompania.

"Jemi krenarë që jemi një mjet i besueshëm për momente të mëdha dhe të vogla, duke u shërbyer udhëtarëve nga vetëm disa sekonda deri në shumë vite të rinj", tha kompania.

Taksitë pa shofer janë rritur në popullaritet edhe pse kërkojnë shqyrtim më të lartë. Udhëtarët mund t'i marrin ato në autostrada dhe ndërshtetërore rreth San Franciskos, Silicon Valley, Los Angeles dhe Phoenix. /Telegrafi/

Mëngjesin e sotëm, në aksident ka ndodhur në aksin Fier- Levan, në vendin e quajtur “Kthesa e Azotikut”.

Paraprakisht, mësohet se një autobus që udhëtonte në drejtim të Vlorës, është përplasur me një automjet tip “ Audi” i cili ka përfunduar në kanalin anësor të rrugës, por fatmirësisht pa të lënduar.

Në vendngjarje kanë shkuar menjëherë shërbimet e policisë dhe grupi hetimor të cilët po punojnë për përcaktimin e shkaqeve të këtij aksidenti dhe disiplinimin e trafikut.

The post Aksident në aksin Fier- Levan, “Audi” përplaset me autobusin dhe përfundon në kanal appeared first on Albeu.com.

Këtë të martë, një aksident i rëndë ka ndodhur në aksin Korçë-Bilisht, në afërsi të fshatit Cangonj.

Sipas të dhënave paraprake, mësohet se një mjet ka përplasur një këmbësor i cili ka qenë duke kaluar nga një anë e rrugës në tjetrën.

Fatkeqësisht, për shkak të plagëve të marra, këmbësori nuk ka mundur të mbijetojë dhe ka ndërruar jetë.

Policia ka mbërritur në vendngjarje dhe po nis hetimet për zbardhjen e rrethanave të aksidentit.

The post Aksident i rëndë në Korçë, makina përplas për vdekje këmbësorin appeared first on Albeu.com.

Një pjesë e trotuarit në aksin Pogradec–Qafë Plloçë, në segmentin që kalon pranë fshatit Gështenjas, është shembur plotësisht.

Shembja është konstatuar ditët e fundit, ndërsa bashkë me rrëshqitjen e trotuarit raportohet se janë dëmtuar edhe rrjetet nëntokësore. Rrëshqitja është e konsiderueshme dhe për momentin nuk dihet nëse ajo rrezikon edhe karrexhatën e rrugës.

Përveç dëmtimit të trotuarit, ky aks prej muajsh është pa ndriçim, ndonëse kalon mes zonave të banuara, duke rrezikuar seriozisht jetën e këmbësorëve.

Sipas të dhënave, rikonstruksioni i rrugës, zgjerimi i korsive, vendosja e trafikndarësve, trotuareve dhe sistemi i ndriçimit, përfunduan si investim në shtator të vitit 2018.

Aksi Pogradec–Qafë Plloçë njihet prej vitesh si një nga “njollat e zeza” të juglindjes, sa i përket aksidenteve rrugore.

The post Tjetër skandal/ Shembet bankina në rrugën Pogradec-Qafë Plloçë appeared first on Albeu.com.

Policia Kufitare Kakavijë, ka njoftuar se autoritetet greke kanë informuar, përmes qendrës së përbashkët të shkëmbimit të informacionit, se sot nga ora 16:00 deri në 21:00 (me orën greke) aksi rrugor Kakavijë–Janinë, në zonën e fshatit Kallpaq, do të jetë i bllokuar.

Shkak për mbylljen e qarkullimit është protesta që fermerët grekë do të zhvillojnë në këtë segment rrugor.

Gjatë orëve të bllokimit do të lejohen të kalojnë vetëm automjetet që paraqesin emergjenca shëndetësore, ndërsa për të gjitha mjetet e tjera trafiku do të jetë i ndaluar.

Policia Kufitare Kakavijë, kërkon mirëkuptimin e qytetarëve dhe u rekomandon të planifikojnë udhëtimet drejt ose nga Greqia në orare të tjera të ditës, për të shmangur vonesat dhe situatat problematike.

The post Protesta e fermerëve grekë, bllokohet për 5 orë aksi Kakavijë–Janinë appeared first on Albeu.com.

Këtë të hënë, një aksident ka ndodhur në aksin Roskovec-Berat, pranë fshatit Strum.

Mësohet se një automjet ka përplasur një shtetas që po udhëtonte me biçikletë. Si pasojë e përplasjes, ka humbur jetë.

Në vendin e ngjarjes, ndodhet policia dhe po punon për zbardhjen e plotë të shkaqeve të aksidentit.

The post Aksident aksin Roskovec-Berat, raportohet për një viktimë appeared first on Albeu.com.

Ditën e sotme, një aksident ka ndodhur në aksin Lushnje-Rrogozhinë. Sipas informacioneve,  mësohet se një makinë tip ‘’Toyota’’ ka goditur nga pas një furgon të OSHEE.

Shkak i aksidentit mosmbajtja e distancës nga shoferja, e cila i ra nga pas furgonit.

Pas përplasjes makina tip ‘’Toyota’’, ka shpërthyer në flakë.

Në makinën tip ‘’Toyota’’ ka qenë një grua me dy fëmijët e saj. Sipas rapotimeve nuk ka të lënduar, ndërsa trafiku ka arritur 3 km.

The post Aksident në aksin Lushnje-Rrogozhinë, makina shpërthen në flakë pas përplasjes (VIDEO) appeared first on Albeu.com.

Rrëshqitje dherash janë regjistruar pasditen e sotme edhe pranë tunelit të Skërficës, në aksin rrugor Delvinë – Kardhiq.

Sipas informacioneve zyrtare, shërbimet policore të Sarandës kanë mbërritur menjëherë në vendngjarje për të monitoruar situatën dhe për të garantuar sigurinë në rrugë.

Në momentin e shkarjes nuk kishte qarkullim mjetesh, çka ka shmangur çdo rrezik të mundshëm për aksidente.

Menjëherë pas vlerësimit të situatës, në vend ngjarje ka mbërritur edhe firma përgjegjëse për pastrimin e rrugës, e cila ka kryer heqjen e dherave dhe pastrimin e plotë të segmentit të prekur.

Kujtojmë se gjatë ditës së sotme një shembje masive dherash dhe shkëmbinjsh bllokuan totalisht aksin rrugor Qukës-Qafë Plloçë, dy muaj pas inaugurimit.

Shembja ka ndodhur në afërsi të tuneleve duke e bërë këtë aks rrugor të pakalueshëm për automjetet.

The post Rrëshqitje dherash edhe në hyrje të tunelit të Skërficës, ndërhyn policia dhe firma e pastrimit appeared first on Albeu.com.

Paraditen e sotme, një aksident rrugor është regjistruar në afërsi të fshatit Mashkullorë, përgjatë rrugës nacionale Gjirokastër–Tepelenë.

Dy automjete, një Audi dhe një Volkswagen, janë përplasur me njëri-tjetrin, duke përfunduar më pas jashtë trase së rrugës.

Sipas informacioneve paraprake, shpejtësia dhe lagështira në asfalt dyshohen të jenë shkaqet kryesore të aksidentit.

Ende nuk raportohet për gjendjen shëndetësore të drejtuesve apo pasagjerëve.

Në vendngjarje ndodhen efektivët e policisë, të cilët po punojnë për dokumentimin e plotë të rrethanave dhe sqarimin e shkaqeve të ngjarjes. Hetimet vijojnë.

The post Aksident në aksin Gjirokastër–Tepelenë, përplasen dy automjete, përfundojnë jashtë rrugës appeared first on Albeu.com.

Një grua në Rusi kërcënon shoferin e taksisë me hanxhar sepse nuk i pëlqente muzika që ai po luante

Ky është momenti i tmerrshëm kur një grua ruse kërcënon shoferin e taksisë së saj me një hanxhar të madh sepse nuk e duron dot muzikën që e kishte lëshuar në taksinë e tij.

Pamjet tregojnë personin që mban thikën duke kërkuar me zemërim këngë "chanson" në vend të saj - muzikë pa mungesë tekstesh.

Pasagjerja kërkon nëpër çantën e saj disa momente para se ta tundë hanxharën pranë fytyrës së shoferit.

Në një moment paniku, burri lëkundet anash, duke u përpjekur të qëndrojë larg tehut, transmeton Telegrafi.

Pasi i mbajti duart lart nga tmerri, shoferi kaloi në stacionin e preferuar radiofonik të gruas dhe vetëm atëherë ajo e uli tehun vdekjeprurës që mbante.

Udhëtimi nga ferri ishte një udhëtim në qytetin Samarë, Rusi, dhe përfundoi me shoferin e taksisë që e la gruan misterioze në një varrezë lokale.

Skena tronditëse u kap nga një kamera brenda taksisë me gruan që rrinte shtrirë në ulësen e pasme. /Telegrafi/

Ditën e sotme, një aksident ka ndodhur në aksin Fier-Cakran, në vendin e quajtur “ Kthesa e Varibopit”.

Tre automjete janë përplasur me njëra-tjetrën dhe për pasojë ka mbetur e lënduar një pasagjere.

Policia ndodhet në vendngjarje, ndërkohë që dëmet materiale mbeten të konsiderueshme.

The post Aksident i trefishtë në aksin Fier-Cakran, plagoset një person appeared first on Albeu.com.

Një aksident ka ndodhur sot në mëngjes në aksin rrugor Lushnje–Berat, në afërsi të fshatit Barbullinjë, ku një mjet i tonazhit të rëndë ka dalë nga rruga dhe ka përfunduar në një kanal kullues.

Sipas të dhënave paraprake, kamioni i ngarkuar me çakull, ka humbur kontrollin në dalje të një kthese dhe është përmbysur në anën tjetër të rrugës.

Menjëherë pas ngjarjes, në vendngjarje kanë mbërritur forcat zjarrfikëse të Lushnjes, të cilat kanë bërë të mundur nxjerrjen e drejtuesit të mjetit, i cili kishte mbetur i bllokuar në kabinë.

Ai është transportuar me urgjencë në spitalin e Lushnjes, ku po merr trajtimin e nevojshëm mjekësor.

Burime spitalore bëjnë me dije se shoferi ka marrë plagë të rënda, por në momentin e nxjerrjes ishte i vetëdijshëm (koshient).

Nga të dhënat paraprake të efektivëve të qarkullimit rrugor, dyshohet se shkak i aksidentit është bërë shpërthimi i gomës së përparme të mjetit gjatë lëvizjes, ç`ka ka bërë që drejtuesi të humbasë kontrollin dhe kamioni të përmbyset.

Policia rrugore ndodhet në vendngjarje, ku po dokumenton rrethanat e aksidentit dhe po menaxhon qarkullimin e automjeteve në segmentin Lushnjë–Berat.

The post Aksident në aksin Lushnje-Berat, kamioni del nga rruga dhe përmbyset në kanal, plagoset rëndë drejtuesi (VIDEO) appeared first on Albeu.com.

Mashtrim me “kursin e anglishtes”, qytetari humbet 2 mijë euro për një dokument që nuk ekzistonte Një 45-vjeçar, i kthyer nga Anglia në vitin 2023, ka rënë pre e një mashtrimi, pasi pagoi 2,000 euro për një dokument gjoja zyrtar që do t’i duhej për punësim jashtë vendit. Sipas dëshmisë së tij për “Piranjat”, mashtruesja, […]

The post “Diplomë brenda javës”/ 45-vjeçari paguan 2 mijë euro për një dokument fals appeared first on BoldNews.al.

Gjatë mesnatës në aksin rrugor Pukë-Fushë Arrëz, një shembje masive gurësh ka ndodhur pranë kroit të Zojës. Si pasojë e rrëshqitjes së dheut, segmenti rrugor është plotësisht i bllokuar për qarkullimin e automjeteve.

Në vendngjarje ndodhen ekipet, të cilat po punojnë për pastrimin e rrugës dhe rikthimin e qarkullimit sa më shpejt të jetë e mundur.

Deri në hapjen e plotë të segmentit, drejtuesit e mjeteve këshillohen të përdorin rrugë alternative dhe të tregojnë kujdes gjatë lëvizjes në zonë.

The post Shembje masive gurësh në aksin Pukë-Fushë Arrëz, bllokohet plotësisht qarkullimi i mjeteve appeared first on Albeu.com.

Dy turistët francezë që u përfshinë në një aksident automobilistik mëngjesin e sotëm në aksin rrugor Pogradec-Korçë, pranë fshatit Çerravë, janë dërguar drejt spitalit të Traumës në Tiranë.

Burime pranë spitalit të Pogradecit bëjnë me dije se të dy të lënduarit pasi kanë marrë ndihmën e parë mjekësore pranë këtij spitali e kishin urgjente transferimin në kryeqytet, pasi kishin “Politraumë” e cila trajtohet vetëm në kryeqytet. Mësohet se me më shumë plagë paraqitet gruaja, por të dy ndodhen jashtë rrezikut për jetën.

Turistët francezë po udhëtonin me motor nga Korça në drejtim të Pogradecit në momentin kur një automjet tip “BMW” u preu rrugën pranë kryqëzimit të fshatit Çerravës duke shkaktuar përplasjen.

“Rreth orës 09:55, në aksin rrugor “Korçë–Pogradec”, motomjeti me drejtues shtetasin F. D., rreth 41 vjeç, është përplasur me automjetin me drejtues shtetasin E. C.

Si pasojë e përplasjes janë dëmtuar drejtuesi i motomjetit dhe shtetasja që udhëtonte me të, të dy shtetas francezë, të cilët po marrin ndihmë mjekësore në spital dhe janë jashtë rrezikut për jetën.

Grupi hetimor po punon për sqarimin e rrethanave të aksidentit”, – njoftoi Policia.

The post U aksidentuan në aksin Korçë-Pogradec, turistët francezë dërgohen drejt Traumës appeared first on Albeu.com.

Paraditen e sotme, një aksident rrugor është regjistruar në aksin Sarandë–Skërficë, në afërsi të fshatit Senicë, Njësia Administrative Vergo, bashkia Delvinë.

Ngjarja ndodhi kur një automjet tip Toyota, i drejtuar nga shtetasi Alton Zhuli, 50-vjeç, u përmbys në mes të aksit rrugor, pasi drejtuesi humbi kontrollin mbi drejtimin.

Fatmirësisht, nga aksidenti nuk ka pasur të lënduar, ndërsa janë regjistruar vetëm dëme materiale.

Menjëherë pas sinjalizimit, në vendngjarje mbërritën shërbimet e Qarkullimit Rrugor të Sarandës, të cilat kryen veprimet procedurale dhe verifikimet përkatëse.

Testi i alkoolit rezultoi negativ, duke përjashtuar konsumimin e alkoolit si shkak të mundshëm të aksidentit.

Autoritetet janë duke hetuar për të përcaktuar shkakun e saktë të humbjes së kontrollit, ndërsa paraprakisht dyshohet se ngjarja mund të ketë ndodhur për shkak të lagështirës në rrugë apo ndonjë defekti teknik të mjetit.

The post Aksident në aksin Sarandë-Skërficë/ Shoferi humb kontrollin mbi drejtimin, makina përmbyset në rrugë appeared first on Albeu.com.

Mesditën e sotme, dy automjete janë përplasur në rrugën nacionale Kukës-Krume, duke shkaktuar plagosjen e tre personave.

Të plagosurit u dërguan me ambulancë në spitalin rajonal të Kukësit për trajtim mjekësor.

Në vendngjarje mbërritën grupi hetimor i Policisë Rrugore. Paraprakisht mendohet se shkak i aksidentit është humbja e kontrollit të njërit prej automjeteve si pasoje e lagështisë në rrugë.

Gjithsesi po punohet për zbardhjen e plotë të rrethanave të ngjarjes.

Krumë/Informacion paraprak

Në aksin rrugor “Kukës-Krumë”, në vendin e quajtur “Qafa e Toblit”, automjeti me drejtuese shtetasen V. Q. është përplasur me automjetin kamion me drejtues shtetasin R. Q.

Nga aksidenti janë dëmtuar shtetasja V. Q., tre pasagjerët e mitur në automjetin e saj dhe pasagjeri në kamion, të cilët po marrin ndihmë mjekësore në spital dhe janë jashtë rrezikut për jetën. Grupi hetimor po punon për zbardhjen e plotë të rrethanave të aksidentit.

The post Aksident në aksin Kukës-Krumë/ Përplasen dy makina, të lënduarit dërgohen me urgjencë në spital appeared first on Albeu.com.