Java e 14-t e ProCredit Superligës, që shënon edhe fundin e gjysmës së garave solli shumë përballje interesante.

Sfidë emocionuese u zhvillua në Therandë, ku Golden Eagle Ylli fitoi ndaj Rahoveci 029, me vendasit që kishin deri në 24 pikë epërsi, kurse mysafirët ngushtuan shifrat në një pikë, por në momentet vendimtare, therandasit ishin më të mirë për të shënuar fitore shumë të rëndësishme.

Basketbollisti i ndeshjes ishte Brandon Huffman. Qendra e Yllit u dallua me dyshifror të dyfishtë me 25 pikë e dhjetë kërcime. Huffman ishte i pandalshëm, duke u shpallur MVP i ndeshjes dhe javës.

Trepça fitoi derbin ndaj Sigal Prishtinës bindshëm, ku te mitrovicasit më të mirët ishin Mustapha Amzil me 23 pikë, shtatë kërcime dhe tri asistime dhe Dardan Kapiti me 20 pikë, pesë kërcime dhe dy asistime.

Bora fitoi dramën në Prizren ndaj Bashkimit, ku Alex Hunter shënoi trepikëshin vendimtar, në sekondat e fundit. Hunter e mbylli ndeshjen me 19 pikë, pesë kërcime dhe tri asistime.

Fitore shumë të rëndësishme shënoi Vëllaznimi ndaj GO+ Pejës, ku te kuqezinjtë u dallua i zakonshmi Jericole Hellems me 21 pikë, një kërcim dhe katër asistime.

MVP

Brandon Huffman (Golden Eagle Ylli) 25 pikë, 10 kërcime, / asistime, 31 indeksi

Top 5

Brandon Huffman (Golden Eagle Ylli) 25 pikë, 10 kërcime, / asistime, 31 indeksi

Mustapha Amzil (Trepça) 23 pikë, 7 kërcime, 3 asistime, 25 indeksi

Dardan Kapiti (Trepça) 20 pikë, 5 kërcime, 2 asistime, 22 indeksi

Alex Hunter (Bora) 19 pikë, 5 kërcime, 3 asistime, 21 indeksi

Jericole Hellems (Vëllaznimi) 21 pikë, 1 kërcim, 4 asistime, 19 indeksi

Superliga e Kosovës në basketboll vazhdon sot me dy ndeshjet e para të javës së 14-të.

Ndeshje interesant pritet ndërmjet Golden Eagle Yllit dhe Rahoveci 029, ku fitorja është shumë e rëndësishme për të dy skuadrat.

Therandasit kanë katër fitore e nëntë humbje, kurse ‘Vreshtarët’ pesë fitore e tetë humbje.

Bashkimi-Bora është një tjetër sfidë interesante e kësaj që shënon edhe mbylljen e stinorit vjeshtor apo pjesës së parë të kampionatit.

Prizrenasit kanë nëntë fitore e katër humbje, kurse prishtinasit pesë fitore e tetë humbje.

Sinjali – aty ku e vërteta flet para lajmit!

/GazetaSinjali/

The post Dy ndeshje sot në basketboll, vëmendja në Suharekë appeared first on Sinjali.

Klubi i Basketbollistik Bashkimi është dënuar nga Federata e Basketbollit të Kosovës pas incidentit të ndodhur gjatë ndeshjes çerekfinale të Kupës së Kosovës ndaj KB Go+ Peja, mbrëmë në Prizren.

Gjatë minutës së tretë të çerekut të dytë, disa tifozë të Bashkimit sulmuan basketbollistin e Pejës, Dardan Berisha, duke e goditur me një shkrepëse.

FBK e ka cilësuar këtë akt si rrezikshmë, të turpshëm dhe të papranueshëm.

“Federata e Basketbollit të Kosovës (FBK) dënon në mënyrën më të ashpër të mundshme incidentin e rëndë të ndodhur gjatë ndeshjes ndërmjet KB Bashkimi dhe KB Go+ Peja, e zhvilluar mbrëmë në Prizren në kuadër të çerekfinales së Kupës së Kosovës. Gjatë minutës së tretë të çerekut të dytë, lojtari i KB Go+ Peja, Dardan Berisha, është goditur nga tribuna me një shkrepëse, një akt i rrezikshëm, i turpshëm dhe absolutisht i papranueshëm në një ngjarje sportive. Po ashtu, gjatë ndeshjes janë dëgjuar fyerje dhe sharje ndaj ekipit mysafir, të cilat cenojnë rëndë imazhin e basketbollit dhe çdo normë të sportivitetit. FBK njofton publikun dhe opinionin sportiv se ka hapur menjëherë procedurë disiplinore dhe se organizatori do të përballet me masa të rënda ndëshkuese, sipas akteve normative në fuqi. Toleranca për dhunë, sulme fizike apo sjellje fyese në palestrat tona është ZERO. Federata kërkon nga klubet që të marrin përgjegjësinë e plotë për sigurinë në tribunat e tyre dhe paralajmëron se çdo përsëritje e incidenteve të kësaj natyre në të ardhmen do të sjellë masa drastike, përfshirë gjoba të larta, mbyllje palestrash dhe/ose humbje të ndeshjeve me rezultat zyrtar”, ka theksuar FBK. “FBK u bën thirrje të gjithë tifozëve të vërtetë të basketbollit që të mos tolerojnë individë apo grupe që e njollosin sportin tonë. Ata nuk e përfaqësojnë basketbollin kosovar dhe nuk do të lejohen ta shkatërrojnë atmosferën sportive”.

Sinjali – aty ku e vërteta flet para lajmit

/GazetaSinjali/

The post KB Bashkimi dënohet pas incidentit në ndeshjen ndaj Pejës: Akt si rrezikshëm appeared first on Sinjali.

Federata e Basketbollit të Kosovës (FBK) dënon me ashpërsi incidentin gjatë ndeshjes KB Bashkimi – KB Go+ Peja, ku lojtari i ekipit mysafir, Dardan Berisha u godit me një shkrepëse dhe pati fyerje të tifozëve, duke cenuar rëndë sportivitetin dhe imazhin e basketbollit kosovar. FBK paralajmëron masa drastike ndaj çdo përsëritjeje të këtij lloji sjelljeje në palestrat e vendit.

Gjatë çerekfinales së Kupës së Kosovës në Prizren, lojtari i KB Go+ Peja, Dardan Berisha, u godit nga tribuna me një shkrepëse, një akt që Federata e Basketbollit e konsideron të papranueshëm dhe rrezik për sigurinë e sportistëve.

Përveç kësaj, gjatë ndeshjes janë dëgjuar fyerje dhe sharje ndaj ekipit mysafir, duke cenuar rëndë atmosferën sportive dhe reputacionin e basketbollit.

Ndërpritet ndeshja në Prizren, Dardan Berisha goditet në kokë nga gjësendet e hedhura nga tifozët

FBK ka hapur menjëherë procedura disiplinore dhe paralajmëron se organizatori dhe klubet përgjegjëse do të përballen me masa të rënda ndëshkuese, që mund të përfshijnë gjoba, mbyllje palestrash apo humbje të ndeshjeve me rezultat zyrtar.

Federata thekson se toleranca për dhunë dhe sjellje fyese është ZERO dhe bën thirrje për respekt dhe sportivitet të pakompromis.

Komunikata e FBK-së

Komunikatë për Media

Federata e Basketbollit të Kosovës (FBK) dënon në mënyrën më të ashpër të mundshme incidentin e rëndë të ndodhur gjatë ndeshjes ndërmjet KB Bashkimi dhe KB Go+ Peja, e zhvilluar mbrëmë në Prizren në kuadër të çerekfinales së Kupës së Kosovës.

Gjatë minutës së tretë të çerekut të dytë, lojtari i KB Go+ Peja, Dardan Berisha, është goditur nga tribuna me një shkrepëse, një akt i rrezikshëm, i turpshëm dhe absolutisht i papranueshëm në një ngjarje sportive. Po ashtu, gjatë ndeshjes janë dëgjuar fyerje dhe sharje ndaj ekipit mysafir, të cilat cenojnë rëndë imazhin e basketbollit dhe çdo normë të sportivitetit.

FBK njofton publikun dhe opinionin sportiv se ka hapur menjëherë procedurë disiplinore dhe se organizatori do të përballet me masa të rënda ndëshkuese, sipas akteve normative në fuqi. Toleranca për dhunë, sulme fizike apo sjellje fyese në palestrat tona është ZERO.

Federata kërkon nga klubet që të marrin përgjegjësinë e plotë për sigurinë në tribunat e tyre dhe paralajmëron se çdo përsëritje e incidenteve të kësaj natyre në të ardhmen do të sjellë masa drastike, përfshirë gjoba të larta, mbyllje palestrash dhe/ose humbje të ndeshjeve me rezultat zyrtar.

FBK u bën thirrje të gjithë tifozëve të vërtetë të basketbollit që të mos tolerojnë individë apo grupe që e njollosin sportin tonë. Ata nuk e përfaqësojnë basketbollin kosovar dhe nuk do të lejohen ta shkatërrojnë atmosferën sportive.

Me respekt

Federata e Basketbollit të Kosovës

/Telegrafi/

Sigal Prishtina ka hedhur një hap të madh drejt gjysmëfinales së Kupës së Kosovës në basketboll, duke regjistruar një fitore të bindshme ndaj Vëllaznimit në Gjakovë.

Në ndeshjen e parë çerekfinale, të zhvilluar në palestrën “Shani Nushi”, kryeqytetasit triumfuan me rezultatin 82:68.

Skuadra mysafire e nisi takimin më mirë, duke fituar çerekun e parë 17:14. Vëllaznimi reagoi në periodën e dytë dhe arriti ta fitojë atë ngushtë me rezultat 20:19, por kjo nuk mjaftoi për të përmbysur rrjedhën e lojës.

Në pjesën e dytë të ndeshjes, Sigal Prishtina tregoi superioritet të plotë, duke kontrolluar ritmin dhe lojën në të dyja anët e fushës. Çereku i tretë u fitua 25:15, ndërsa edhe periudha e fundit përfundoi në favor të prishtinasve 21:19, duke vulosur fitoren me 14 pikë diferencë.

Deondre Burns ishte një nga lojtarët më të dalluar te “bardhekaltërit”, duke regjistruar 16 pikë, shtatë asistime dhe dy kërcime. Kontribut të rëndësishëm dhanë edhe Kahlil Dukes me 17 pikë dhe Adrio Bailey me 16 pikë të tjera.

Te Vëllaznimi, paraqitjen më të mirë e pati Jericole Hellems, i cili realizoi 25 pikë, siguroi 12 kërcime dhe shpërndau tri asistime, por performanca e tij nuk mjaftoi për të shmangur humbjen.

Ndeshja e kthimit do të vendosë përfundimisht ekipin që do të sigurojë dy fitore dhe do të avancojë në gjysmëfinale, ku përballë do të ketë fituesin e çiftit Bashkimi – GO+ Peja./Telegrafi/

Ndeshja çerekfinale e Kupës së Kosovës në basketboll ndërmjet Bashkimit dhe Pejës u ndërpre pas incidenteve të papranueshme nga tifozët në palestrën “Sezai Surroi” në Prizren.

Shikuesit hodhën gjësende drejt parketit, duke shkaktuar ndërprerjen e takimit dhe alarmuar lojtarët dhe stafin teknik. Rezultati në ato momente ishte 32-21 në të mirë të Bashkimit.

Si pasojë e këtyre veprimeve, basketbollisti i Pejës, Dardan Berisha, pësuar lëndime në kokë nga goditjet dhe objekte të hedhura nga publiku, duke e detyruar skuadrën pejane të largohej nga parketi drejt dhomës së zhveshtjes.

“Basketbollistit tonë Dardan Berisha i është dëmtuar koka nga goditjet dhe hedhjet e publikut në Prizren. Për sigurinë e lojtarëve tanë, skuadra largohet në drejtim të zhveshtoreve”, thuhet në njoftimin e klubit të Pejës.

Autoritetet e klubit dhe organizatorët e ndeshjes po bëjnë vlerësimin e situatës për të vendosur masat e mëtejshme dhe sigurinë e lojtarëve dhe publikut.

Ndeshja e kthimit do të zhvillohet në palestrën “Karagaçi”, ku pritet të garantohet një ambient i sigurt për të dy skuadrat. /Telegrafi/

Golden Eagle Ylli ka fituar në Mitrovicë ndaj Trepcës me shifrat 99:102 (26:24, 25:23, 26:32, 22:23) në çerekfinalen e parë të Kupës së Kosovës.

Pas një fillimi të barabartë, mitrovicasit kishin deri në tetë pikë epërsi 24:16, por therandasit u rikthyen për të ngushtuar shifrat në 26:24, sa përfundoi çereku i parë.

Lojë e ngjashme ishte edhe në periudhën e dytë me vendasit që sërish u shkëputën, 46:36, por sërish mysafirët u afruan në 48:45, kurse skuadrat shkuan në pushim me rezultat 51:47.

Therandasit vazhduan me lojë të mirë edhe në pjesën e dytë, përkatësisht periodën e tretë, që e fituan 26:32, derisa në dhjetë minutat e fundit përkundër tentimeve nga vendasit ruajtën epërsinë dhe fituan 99:102.

Më i miri te vendasit ishte Shaën Jones me 24 pikë e dhjetë kërcime, ndërsa te mysafirët më të dalluarit ishte Antëan Scot me 28 pikë e katër asistime dhe debutuesi Scott Bamforth me 29 pikë.

Më 21/22 janar zhvillohet ndeshja e kthimit dhe skuadra që është më e mirë nga dy ndeshjet kualifikohet në gjysmëfinale./Telegrafi/

TIRANË, 24 dhjetor /ATSH/ Federata Shqiptare e Basketbollit zhvilloi mbrëmjen e djeshme eventin përmbyllës të vitit 2025, një aktivitet i rëndësishëm ku u pasqyruan të gjitha nismat, projektet dhe aktivitetet e realizuara gjatë këtij viti në shërbim të zhvillimit të basketbollit në vend.

Eventi shërbeu si një moment reflektimi dhe bilanci mbi punën e bërë, arritjet sportive dhe organizative, si dhe ndikimin pozitiv që kanë pasur programet e zbatuara nga federata, veçanërisht në rritjen e cilësisë së garave dhe përfshirjen e të rinjve në basketboll.

Gjatë aktivitetit u prezantuan programet kryesore zhvillimore, kampionatet kombëtare, pjesëmarrjet në gara ndërkombëtare, projektet për të rinjtë dhe iniciativat me fokus social, duke vënë në pah kontributin e sportistëve, trajnerëve, arbitrave dhe të gjithë aktorëve të përfshirë në ekosistemin e basketbollit shqiptar.

Në shenjë vlerësimi dhe mirënjohjeje, Federata Shqiptare e Basketbollit ndau çmime për individë që janë dalluar për përkushtimin, profesionalizmin dhe kontributin e tyre të veçantë gjatë vitit 2025.

Një vëmendje e veçantë iu kushtua çmimeve individuale MVP, ku u vlerësuan sportistët më të spikatur të sezonit në të gjitha kategoritë.

Fituesit e titujve MVP për sezonin 2025 janë:
Antea Filopati – MVP U14 Vajza
Aurora Dhedhes – MVP U16 Vajza
Izabel Kaçorri – MVP U18 Vajza
Etien Xhixho – MVP U14 Djem
Gleid Mema – MVP U16 Djem
Noel Heba – MVP U18 Djem
Brikena Muçenji – MVP Femra
Vinsent Grazhdani – MVP Meshkuj

Me këtë event përmbyllës, Federata Shqiptare e Basketbollit konfirmoi angazhimin për të vijuar investimet dhe projektet zhvillimore edhe në vitin 2026, me synimin për të rritur nivelin konkurrues dhe për të zgjeruar më tej bazën e basketbollit shqiptar.

1 nga 4

/gj.m/a.f/

The post Federata e Basketbollit vlerëson më të mirët e vitit 2025 appeared first on Agjencia Telegrafike Shqiptare.

Sigal Prishtina fitoi duelin ndaj Vëllaznimit me rezultat 74:68, përballje që u zhvillua në Prizren.

Bardhekaltrit e nisën ndeshjen shumë mirë, duke fituar bindshëm çerekun e parë, e më pas, përkundër tentimeve nga mysafirët, arritën të ruajnë epërsinë për të fituar në fund 74:68.

Adrio Bailey u dallua te kryeqytetasit me 21 pikë e 12 kërcime, derisa Jericole Hellems e mbylli ndeshjen me 29 pikë e gjashtë kërcime.

Sigal Prishtina numëron shtatë fitore e gjashtë humbje pas 13 javësh në ProCredit Superligës, kurse Vëllaznimi katër fitore e tetë humbje./Telegrafi/

Kampionia e Kosovës, Trepça shënoi fitore në udhëtim ndaj Rahoveci 029 me rezultat 57:110 në javën e 13-të të ProCredit Superligës.

Nga fillimi deri në fund kampionët ishin në epërsi në këtë ndeshje, duke shënuar fitore të merituar dhe duke ngritur epërsinë minutë pas minute, derisa shifrat në fund ishin 57:110.

Te vendasit Julian Roche e mbylli ndeshjen me 12 pikë e tetë kërcime, derisa te mysafirët pesë basketbollistë e mbyllën ndeshjen me pikë dyshifrore, kurse Ja'cori Payne kishte 20 pikë e katër kërcime.

Rahoveci 02 pas 13 ndeshjeve ka pesë fitore e tetë humbje, derisa mitrovicasit janë në vendin e parë me dhjetë fitore e tri humbje./Telegrafi/

Federata e Basketbollit të Kosovës (FBK) ka vazhduar traditën e saj duke ndarë çmimet për më të mirët e vitit në basketboll.

Në ceremoninë tradicionale u shpërndanë çmime në disa kategori, ndërsa vëmendja kryesore ishte te çmimet për basketbollisten dhe basketbollistin më të mirë të vitit.

Në konkurrencën e femrave, çmimi për basketbollisten më të mirë të vitit iu nda Malvina Hazirit, e cila u vlerësua për paraqitjet e saj të shkëlqyera gjatë vitit.

Ndërkohë, në konkurrencën e meshkujve, titulli i basketbollistit më të mirë të vitit i takoi Dardan Berishës. Ai u veçua për paraqitjet e tij të mira me skuadrën e Pejës, si dhe për kontributin e dhënë në përfaqësuesen e Kosovës.

Sinjali – aty ku e vërteta flet para lajmit!

/GazetaSinjali/

The post Shpallet basketbollistja dhe basketbollisti më i mirë i vitit nga FBK-ja appeared first on Sinjali.

Federata e Basketbollit të Kosovës (FBK) ka ndarë çmimet për më të mirët e vitit 2025.

Përpos çmimeve, si zakonisht FBK-ja ka krijuar edhe “Top 5” më të mirët e vitit, në kategorinë e meshkujve dhe femrave.

Të meshkujt, vend në formacion kanë zënë basketbollisti i vitit Dardan Berisha, pranë Dardan Kapitit, Don Polloshkas, Mikaile Tmusic dhe Valon Bunjakut.

Ndërsa, të femrat – formacioni u krijua nga Malvina Haziri, Agnesa Rrahmani, Aulona Muhadri, Enisa Kamerolli dhe Merisa Bilalli.

KB Trepça përndryshe u shpall klubi më i mirë te meshkujt, kurse KB Bashkimi tek femrat./Telegrafi/

Superliga e Kosovës në basketboll po bëhet gjithnjë e më interesante. Elita e basketbollit vazhdon të ofrojë përballje spektakolare, ku çdo ndeshje ka rëndësinë e vet.

Një sfidë e veçantë do të zhvillohet në Prizren, ku Sigal Prishtina do të përballet me Vëllaznimin. Bardhekaltrit kanë gjashtë fitore dhe gjashtë humbje, ndërsa kuqezinjtë katër fitore e tetë humbje.

Rahoveci 029 dhe Trepça do të përballen të shtunën mbrëma. ‘Vreshtarët’ kanë pesë fitore dhe shtatë humbje, kurse ‘Xehetarët’ qëndrojnë në vendin e parë me nëntë fitore dhe tri humbje.

Derbi i kësaj jave do të zhvillohet ndërmjet GO+Pejës dhe Bashkimit. Të dy skuadrat kanë nga tetë fitore dhe katër humbje, duke e bërë këtë përballje edhe më interesante dhe me rivalitet të madh.

Java e 13-të do të mbyllet me sfidën në Palestrën ‘1 Tetori’ ndërmjet Borës dhe Golden Eagle Yllit. Prishtinasit kanë pesë fitore dhe shtatë humbje, ndërsa therandasit tri fitore dhe nëntë humbje.

Superliga/Java 13

E shtunë

19:30 Sigal Prishtina – Vëllaznimi

19:30 Rahoveci 029 – Trepça

E diel

17:00 GO+Peja – Bashkimi

19:30 Bora – Golden Eagle Ylli

Sinjali – aty ku e vërteta flet para lajmit!

/GazetaSinjali/

The post Basketbolli kosovar rikthehet me përballje të zjarrta appeared first on Sinjali.

Pas katër humbjeve, Bashkimi u rikthye te fitorja, duke mundur Golden Eagle Yllin në Therandë me rezultat 78:77 në javën e 12-të në ProCredit Superligës.

Në një sfidë interesante dhe të luftuar deri në momentet e fundit, ishin prizrenasit më të vëmendshëm në fund, që u ndihmoi të shënojnë fitore, derisa therandasit tentuan deri në fund, por pa sukses.

Kyan Anderson kishte 22 pikë e tetë asistime te prizrenasit, ndërsa Lejson Zeqiri shtoi 15 pikë e shtatë kërcime, ndërsa te therandasit Antëan Scott shënoi 23 pikë.

Bashkimi pas 12 javësh ka tetë fitore e katër humbje, kurse Golden Ealge Ylli tri fitore e nëntë humbje./Telegrafi/

Superliga e Basketbollit e Kosovës rikthehet sonte me dy superduele interesante, të cilat zhvillohen në kuadër të xhiros së 12-të.

Vëmendja kryesore do të jetë në Therandë, ku Bashkimi përballet me Golden Eagle Yllin në një derbi rajonal me rëndësi të madhe. prizrenasit vijnë pas një serie negative, pasi pas shtatë fitoreve radhazi kanë pësuar katër humbje, ndërsa therandasit kanë tri fitore dhe tetë humbje.

Ndërkohë, në duelin tjetër përballen Bora dhe Trepça, skuadra që do të maten sërish mes vete pas vetëm 48 orësh. të martën, në ndeshjen e mbetur të javës së pestë, ‘xehetarët’ triumfuan në Mitrovicë me rezultat 72:90, fitore që i ngjiti në vendin e parë të tabelës me tetë fitore dhe tri humbje. nga ana tjetër, prishtinasit kanë pesë fitore dhe gjashtë humbje.

Superliga – Java 12

Sonte, me fillim nga ora 18:45, zhvillohen këto ndeshje: Bashkimi – Golden Eagle Ylli, Trepça – Bora.

Sinjali – aty ku e vërteta flet para lajmit!

/GazetaSinjali/

The post Superliga e Basketbollit rikthehet sonte me dy përballje të forta appeared first on Sinjali.

GO+ Peja shënoi fitore bindëse ndaj Sigal Prishtinës me shifrat 98:67 (29:20, 15:12, 32:14, 22:21), në javën e 12-të të ProCredit Superligës.

Verdhezinjtë ishin më të mirë nga fillimi deri në fund, duke shënuar fitore të merituar. Vendasit ishin shumë më të mirë sidomos në periodën e tretë, ku u bë shkëputja e madhe, derisa triumfuan në fund 98:67.

GO+ Peja në pushim shkoi me 11 pikë epërsi, 44:32, ndërsa dallimi shumë i madh në rezultat u bë në çerekun e tretë që u mbyll 32:14.

Te vendasit më i miri ishte Skyler Flatten me 21 pikë, shtatë kërcime e shtatë asistime, derisa te mysafirët u dalluan Kelby Kramer me 16 pikë e tetë kërcime dhe Arian Azemi me 19 pikë.

GO+ Peja ka tetë fitore e katër humbje, ndërsa Sigal Prishtina gjashtë fitore e gjashtë humbje. /Telegrafi/

Trepça ka fituar sfidën e mbetur të javës së pestë të ProCredit Superligës ndaj Borës, me rezultat 72:90), që u zhvillua në Mitrovicë.

Me këtë fitore, kampionët dalin në vendin e parë me tetë fitore e tri humbje, derisa kjo ishte humbja e parë për prishtinasit pas katër fitoreve radhazi, kurse në përgjithësi kanë pesë fitore e gjashtë humbje.

Përballja në “Minatori” ka qenë mjaft interesant, ku fituesi u vendos në periudhën e tretë, që i takoi ‘Xehetarëve’ 11:38, duke vendosur fituesin.

Shaquan Jues kishte 25 pikë e 11 pikë te Bora, derisa te mitrovicasit, Drilon Hajrizi kishte 20 pikë, ndërsa Mikaile Tmusiq 14 pikë, pesë kërcime, pesë asistime dhe gjashtë topa të vjedhur./Telegrafi/

Kampionia në fuqi, Trepça, është liderja e re në Superligën e Kosovës në basketboll.

Të martën mbrëma, në palestrën “Minatori” në Mitrovicë, dhe në praninë e pak shikuesve, Trepça e mposhti Borën e Prishtinës me rezultat bindës 90:72.

Kjo ndeshje ishte e mbetur nga xhiroja e pestë e Superligës. Bora ishte skuadra vendase, por përballja u zhvillua në Mitrovicë.

“Xehetarët” e vendosën ndeshjen në çerekun e tretë, ku bënë shkëputjen e madhe. Çereku i parë përfundoi 21:16 për Borën, ndërsa pas pjesës së parë rezultati ishte 39:36 për Trepçën. Çereku i tretë u mbyll 38:11 në të mirë të mitrovicasve, duke e vulosur fitoren, ndërsa çereku i katërt ishte më shumë formalitet.

Ja’cori Payne udhëhoqi Trepçën me 17 pikë, nëntë asistime dhe katër kërcime. Mikaile Tmushiq po ashtu pati paraqitje të mirë me 14 pikë, pesë kërcime, pesë asistime dhe gjashtë topa të rrëmbyer, ndërsa Drilon Hajrizi shënoi 20 pikë.

Te Bora u dallua Shaquan Jules me 25 pikë dhe 11 kërcime, ndërsa Amin Hot kontribuoi me 17 pikë, gjashtë kërcime dhe tri asistime.

Bora ishte në seri prej katër fitoreve radhazi, por kësaj radhe nuk pati gjasa përballë Trepçës.

Me këtë fitore, Trepça tani ka tetë fitore dhe tri humbje, duke udhëhequr tabelën me 19 pikë. Bashkimi dhe Peja kanë nga 18 pikë, ndërsa Bora me pesë fitore dhe gjashtë humbje ka 16 pikë dhe renditet në mesin e tabelës.

Superliga vazhdon menjëherë të mërkurën me dy ndeshjet e para të xhiros së 12-të. Nga ora 18:45 zhvillohen takimet GO+ Peja – Sigal Prishtina dhe Vëllaznimi – Rahoveci. Të enjten, po nga ora 18:45, luhen ndeshjet Bashkimi – Golden Eagle Ylli dhe Trepça – Bora.

Kështu, dy skuadrat që u përballën të martën do të takohen sërish të enjten, në të njëjtën arenë.

Sinjali – aty ku e vërteta flet para lajmit!

/GazetaSinjali/

The post Fitorja ndaj Borës e çon Trepçën në krye të Superligës appeared first on Sinjali.

Klubi basketbollistik Vëllaznimi ka arritur marrëveshje me qendrën Andrew Gordon.

Gordon dikur pjesë e Trepçës, tani do ta tregojë sërish kualitetin në elitën e basketbollit në Kosovë, ndërsa siç dihet ka një karrierë të bujshme sepse ka përfaqësuar edhe West Virginia Mountaineers.

Postimi i plotë i KB Vëllaznimit pa ndërhyrje:

“Andrew Gordon qendra e re e skuadrës! Qendra e fuqishme amerikane - Andrew Gordon rikthehet në basketbollin kosovar, kësaj radhe si pjesë e Vëllaznimit tonë”.

“Lojtari i gjatë 207 centimetra është i njohur për basketbollin tonë dhe për paraqitjet fantastike me Trepçën, ku u paraqit dy edicione dhe fitoi trofe në basketbollin kosovar. Përveç Trepçës, Gordon ka luajtur edhe në Bullgari, Uruguai dhe së fundmi në Britani të madhe me Caledonia Gladiators!”.

“Lojtari në karrierën kolegjiale ka luajtur me West Virginia Mountaineers dhe Louisiana Tech Bulldogs! Mirësevjen Andrew, të fitojmë së bashku!”, njofton klubi kosovar.

Vëllaznimi këtë edicion nuk po kalon një formë të mirë në elitë, ku në 11 paraqitje ka regjistruar tre fitore dhe plot tetë humbje./Telegrafi/

Në një sfidë dramatike, Sigal Prishtina shënoi fitore ndaj Bashkimit me rezultat 72:70 (17:24, 25:15, 16:18, 14:13), në javën e 11-të të ProCredit Superligës.

Ndeshja ishte ndërprerë në çerekun e parë për shkak të incidenteve të tifozëve. Dhjetëra tifozë të Prishtinës, të njohur si “Plisat”, hynë në palestër dhe hodhën mjete tymosëse, duke krijuar një situatë kaotike. Protesta e tyre është për kryesinë e klubit, pas vitesh pa titull kampioni. Ndeshja vazhdoi pas më shumë se një ore.

Në çerekun e parë mysafirët kishin epërsi konstante, duke fituar këtë pjesë 17:24, por kundërpërgjigja e prishtinasve erdhi menjëherë në periudhën e dytë, për të shkuar në pushim me rezultat 42:39.

Perioda e tretë ishte e barabartë dhe e luftuar nga të dy skuadrat, duke e bërë sfidën në kryeqytet edhe më interesante, derisa fituesi u vendos në dhjetëminutëshin e fundit.

Dramë u zhvillua deri në fund, me bardhekaltrit që ishin më të vëmendshëm në momentet vendimtare, derisa në aksionin e fundit për prizrenasit Anderson nuk ishte i saktë për tri pikë.

Kelby Kramer kishte dhjetë pikë e 15 kërcime te vendasit, kurse Kyan Anderson 20 pikë te mysafirët.

Sigal Prishtina ka gjashtë fitore e pesë humbje, ndërsa Bashkimi shtatë fitore e katër humbje. /Telegrafi/