Kastriot Çako, ish-oficer i lartë i Policisë së Shtetit, ka dalë me zë dhe fizgurë për të bërë një denoncim të fortë për një ngjarje që i ka ndodhur rreth 10 ditë më parë, në ambientet e Komisariatit Nr.2 në Tiranë. Sipas rrëfimit të tij përballë gazetarit Igli Çelmeta, më datë 10 Dhjetor, rreth orës […]

The post “Më futën në birucë”/ Trondit ish-oficeri i Policisë: Si u mora peng brenda Komisariatit Nr.2 appeared first on BoldNews.al.

Në dhjetor të vitit 2004, policia italiane arrestoi tre persona me 3.5 kilogramë kokainë të importuar nga Holanda në qytezën Melegnano, rreth 16 kilometra në juglindje të Milanos. Sipas drejtësisë italiane, grupi kishte një bashkëpunëtor të katërt të quajtur Arben Isufaj, por ai i shpëtoi arrestimit. Thuajse në të njëjtën periudhë në Shqipëri, një kompani […]

The post Saga e hetimit pasuror: Si i shpëtoi konfiskimit biznesi i ndërtimit i Ben Qimes appeared first on Reporter.al.

I ftuar në emisionin “Podkastro” me Kastro Zizon në Vizion Plus, Pirro Çako ka ndarë një nga rrëfimet më të ndjera për jetën e tij personale, duke folur hapur për humbjen e së ëmës, Luiza Çako, e cila u nda nga jeta në shtator të këtij viti.

Gjatë bisedës, artisti u ndal te kënga që i ka dedikuar asaj, “Nënë, më mungon”, duke zbërthyer kuptimin e disa vargjeve që mbajnë një ngarkesë të fortë emocionale. Një prej tyre, “dritat e pemës s’ka kush mi ndriçon”, lidhet drejtpërdrejt me një kujtim shumë personal mes tij dhe së ëmës.

Pirro tregoi se vite më parë i kishte blerë nënës një “pemë jete”, të cilën ajo e mbante gjithmonë pranë, sidomos gjatë periudhave të vështira shëndetësore. Sipas tij, pema ishte kthyer në një simbol shprese, si një shenjë force dhe mbrojtjeje. “Ishte sikur ajo pemë e ruante, sikur Zoti e mbante”, rrëfeu ai.

Momenti më tronditës erdhi kur e ëma, pas pesë vitesh, i foli për herë të parë për dritat e pemës. Ajo i tha se po i dukej sikur dritat po fikeshin dhe se kishin mbetur shumë pak ndezur. Pirro tregoi se në atë çast e kuptoi mesazhin e heshtur që ajo po përpiqej t’i përcillte. Kur u afrua për ta parë nga afër, pa se vërtet vetëm një pjesë e vogël e dritave funksiononte ende.

Vetëm një javë më pas, Luiza Çako u nda nga jeta. Pirro tha se ky kujtim i është rikthyer natyrshëm ndërsa ishte pranë pianos, duke u shndërruar në frymëzim për vargjet e këngës.

“Tani që ajo s’është më, s’ka kush të m’i ndezë dritat e bredhit”, u shpreh ai, duke shtuar se ata ia mbanin njëri-tjetrit dritat ndezur derisa u fikën përgjithmonë.

The post E ëma i tregoi se po ndahej nga jeta, Pirro Çako: Më tha pemës po i fiken dritat appeared first on iconstyle.al.

TIRANË, 25 nëntor /ATSH/ Drejtori i Përgjithshëm i Agjencisë Kombëtare të Mbrojtjes Civile, Haki Çako, paraqiti sot në Komisionin për Çështjet e Brendshme dhe të Mbrojtjes, projektbuxhetin e vitit 2026.

Çako theksoi buxheti për vitin 2026 përfaqëson instrumentin kryesor financiar për garantimin e sigurisë së qytetarëve dhe rritjen e mbrojtjes ndaj fatkeqësive natyrore.

Kreu i AKMC-së bëri të ditur se “me një vlerë totale 5.1 miliardë lekë ky buxhet reflekton rritjen në fondet e pagave dhe sigurimeve dhe zgjeron mbështetjen për bashkitë të cilat do t’i atribuojnë kërkesave të tyre për investime infrastrukturore, blerjen e makinerive në funksion të reagimit emergjent, rehabilitimin e digave si dhe fondet e kompensimit të qytetarëve të prekur nga fatkeqësitë natyrore”.

Konkretisht sipas Çakos “buxheti prej 5.1 miliardë lekë reflekton një shtesë prej 66 milionë lekë për rritjen e fondit të pagave, ndërsa buxheti i dedikuar vetëm për funksionin e Agjencisë është 795.8 milionë lekë në të cilat 611.8 milionë lekë janë shpenzime koherente dhe 184 milionë të tjera investime”.

Çako tha se “fondet e tjera në masën 2.3 miliardë u transferohen njësive të vetëqeverisjeve vendore, ndërsa 2 miliardë lekë përbëjnë financimet e huaja. Pjesa e mbetur është buxheti i rezervave materiale prej 183.3 milionë lekë në drejtorinë e përgjithshme të rezervave të shtetit”.

Kreu i AKMC-së sqaroi se “nëse në krahasim me 2025 fondet e njësive të vetëqeverisjeve vendore 2.1 miliardë lekë ka shkuar në 2.3 miliardë lekë rritje kjo jo vetëm nga shtesa buxhetore, por nga përdorimi i fondit rezervë prej 200 milionë lekësh në zbatim të vendimit të Këshillit të Ministrave”.

Për rrjedhojë, sipas tij, fondet rezerve për marrjen e masave parandaluese ndaj fatkeqësive në infrastrukturat e dëmtuara dhe në veprimtari të tjera në fushën e mbrojtjes civile për vitin 2026, shtohen edhe 500 milionë lekë të cilat janë në kërkesën mbi tavanet e paraqitura nga AMC në buxhetin e Ministrisë së Mbrojtjes nisur dhe në vlerësim të situatave të kaluar qoftë edhe ditët e fundit gjatë përmbytjeve.

“Fondi prej 2.3 miliardë lekësh në njësitë e qeverisjes vendore detajohet në 1 miliard lekë në formën e transfertës së kushtëzuar. Masat e konsiderueshme e këtyre transfertave është e pakonsumuar. Kemi propozuar që ndërmjet Ministrisë së Mbrojtjes dhe pas marrjes së dakordësisë së njësive të vetëqeverisjve vendore, Ministria e Financave të bëjë një rishpërndarjes së fondeve nga një njësi në tjetër në varësi të nevojave të njësive të vetëqeverisjeve vendore, të përdoret mbi bazën e vlerësimit të riskut”, tha Çako.

Çako shtoi se po kështu “1 miliardë lekë me objekt financimin e projekteve që lidhen me parandalimin e fatkeqësive, ku 344 milionë lekë janë financuar nga buxheti i shtetit të vitit 2025 dhe vlera tjetër 625 milionë lekë do të financohet nga fondet e 2026”.

Kreu i AKMC-së u shpreh se “duke marrë shkas edhe nga situata emergjente që përjetuam gjatë verës besoj se efektet dhe pasoja do të orientojnë një sërë prioritetesh të reja nga strukturat vendore të cilat përkthehen në lehtësimin rehabilitim dhe dëmshpërblimin e zonave të prekur nga fatkeqësitë”.

Çështje e rëndësishëm, theksoi Çako, “është mungesa e fondeve në dispozicion të Agjencisë, për likuidimin e detyrimeve të prapambetura të krijuara ndër vite ndaj qytetarëve të prekur nga fatkeqësitë natyrore, një detyrim i mbartur për AKMC me një vlerë 195 milionë lekë si dhe në bazë të parashikimit ligjore deri në dhjetor të vitit 2019 i është akumuluar AKMC-së, por që është një kërkesë e shtuar në projektbuxhetin afatmesëm, buxhetin 2026-2028 për parashikim për likuidim”.

“Në kuadër të rritjes së kapaciteteve të përmbushjes së detyrimeve funksionale të emergjencave civile janë parashikuar kërkesa shtesë në investime në një total prej 5.1 miliardë lekë, ku fokus mbetet rritja e kapaciteteve të forcave dhe strukturave operacionale si dhe ndërtimi dhe funksionalizmi i 4 qendrave rajonale të emergjencave civile”, tha Çako.

Komisioni për Çështjet e Brendshme dhe të Mbrojtjes, foto: Andrin Hoxha

1 nga 9

/m.q/j.p/

The post Çako: 500 milionë lekë shtesë Emergjencave Civile për masa parandaluese ndaj fatkeqësive natyrore appeared first on Agjencia Telegrafike Shqiptare.

TIRANË, 25 nëntor /ATSH/ Në Komisionin për Çështjet e Brendshme dhe të Mbrojtjes, drejtori i Agjencisë Kombëtare të Mbrojtjes Civile, Haki Çako, paraqiti sot projektbuxhetin e vitit 2026.

Gjatë paraqitjes së projektbuxhetit, deputetët e opozitës ngritën shqetësimin në lidhje me përmbytjet e shkaktuara ditët e fundit si dhe menaxhimin e situatës nga Emergjencat Civile.

“Në të gjitha këto situata kritike shteti ka dështuar. Nuk e di sa duhet të jetë temperatura që qeveria të mirëqeverisë. Ne kemi pajisjet 40 deri në 50 vjet më të vjetra së Kosova dhe Maqedonia, arsyeja pse ndodhin këto është korrupsioni. Përgjegjësia kryesore e kësaj situate është e qeverisë”, u shpreh deputeti i Partisë Demokratike Klevis Balliu.

Deputeti Flamur Naka bëri përgjegjës qeverinë për situatën e zjarreve dhe përmbytjeve.

“Në këto vitet e fundit në Shqipëri është bërë e udhës që kur ndodhin zjarret qeveria nuk ka faj, edhe kur ndodhin përmbytjet qeveria nuk ka faj. Për të gjitha qeveritë e botës kur ndodhin situata të tilla përgjegjësia merret nga qeveria. Ju kanë lënë ju që për faqe të zezë si askund tjetër, sheh zjarrfikës që të dhimbsen duke fikur zjarre me thupra. Me thupra do të fiken zjarret?! Nuk ka asnjë vëmendje shtetërore. Është dramatike, kjo situatë. Cinizmi që ka ndaj fatkeqësisë njerëzore. U premtuan avionë, nuk kemi avionë. Si shpjegohet se këto ura pa mbaruar dy vite duhen ribërë se i merr lumi?!”, tha Noka.

Në përgjigje të tyre, Çako tha se “flota e zjarrfikësve është përtërirë dhe vazhdon përtërihet. Ka dhe mjete të vjetra, nuk është bërë e mundur riaftësimi i të gjitha mjeteve në një kohë reale. Tirana ka mjetet më bashkëkohorë të mundshme”.

Deputeti Isuf Çelaj ngriti shqetësimin për dëmet nga fatkeqësitë natyrore në bashkitë e qarkut të Kukësit, ku sipas tij në këto bashki fondet janë minimale.

“Bashkitë Tropojë, Has dhe Kukës, që janë të ekspozuara ndaj përmbytjeve, rrëshqitjeve të dherave, nga dëbora apo edhe nga zjarre, vijojnë të financohen me logjikën e 10 viteve më parë. Fondet për përcaktuar janë minimale. Bashkitë e vogla nuk kanë mundësi dhe kapacitete njerëzore për t’i përballuar”, tha Çelaj.

Çako sqaroi se bashkitë “kanë qenë përfituese të projekteve për parandalimin e fatkeqësive natyrore”.

Gjithashtu Çako shtoi se ka një plan për ngritjen e qendrave rajonale në veri.

Në përgjigje të shqetësimit të ngritur nga deputeti i Partisë Socialiste Ardit Bido, i cili kërkoi që të alokohet një fond emergjence për bashkitë Sarandë, Delvinë, Finqi, për dëmet nga përmbytje, Çako tha se “duhet të konstatohen fillimisht dëmet pastaj të bëhen dëmshpërblimet”.

“Jemi pothuajse në situatë emergjence pasi sot nesër dhe pasnesër janë tre ditë që parashikojnë të kenë reshje të konsiderueshme, jo në të njëjtat nivele që kanë qenë nga data 17 deri në 23. Tre bashkitë më të ekspozuara janë Saranda, Delvina dhe Finiqi, ku është përqendruar dhe gjitha kapaciteti i forcave operacionale për t’u ardhur në ndihëm banorëve”, tha Çako.

/m.q/j.p/

The post Noka: Asnjë vëmendje shtetërore ndaj pasojave të fatkeqësive natyrore appeared first on Agjencia Telegrafike Shqiptare.

Pas disa ditëve me reshje intensive që shkaktuan përmbytje në shumë zona të vendit, duke nisur nga e diela parashikohet përmirësim i kushteve atmosferike.

Kreu i emergjencave civile Haki Çako gjatë inspektimeve përgjatë lumit Vjosë tha se në vend pritet ulje e intensitetit të reshjeve.

Pas kalimit të kësaj faze ndërhyrjet e emergjencave do të përqëndrohen kryesisht në riparimin e argjinaturave dhe vlerësimin e dëmeve.

Çako deklaroi se strukturat e emergjencave vijojnë të jenë në gatishmëri të plotë, pasi situata ende mbetet e paqëndrueshme në disa zona ku reshjet vijojnë./abcnews.al

TIRANË, 22 nëntor /ATSH/ Kreu i Emergjencave Civile, Haki Çako, nga Ura e Mifolit në Novoselë të Vlorës, tha se situata është nën kontroll dhe të gjitha institucionet dhe strukturat janë të angazhuara, sipas prefekturave dhe bashkive, për përballimin e vështirësive të shkaktuara nga reshjet intensive që kanë përfshirë vendin ditët e fundit.

Sipas Çakos, në lumin Vjosë niveli i ujit ka nisur të bjerë prej disa orësh, ndërsa prurjet mbeten të menaxhueshme.

“Momentalisht jemi në Urën e Mifolit, ku theksojmë se gati 12 orësh ka filluar rënia e nivelit të Vjosës. Është larguar risku i shtuar, dhe presim që të hyjë totalisht në shtratin e vet”, tha ai.

Çako bëri të ditur se, se situata ka përmirësime edhe në zonat e Përmetit dhe Memaliajt, ndërsa në Lezhë argjinatura e lagunës është rehabilituar plotësisht. Në Sarandë, në zonën e Çukës, është ndërhyrë paraprakisht, ndërsa pritet largimi i ujit për ndërhyrje të mëtejshme.

“Është larguar risku i shtuar, dhe presim që të hyjë totalisht në shtratin e vet pasi edhe nivelet në Përmet dhe Memaliaj kanë rënë ndjeshëm nga dje, ku intensiteti i prurjeve ishte deri në maksimale. Nuk kemi aktualisht probleme me banorët, por prezencë uji. Pas fazës menaxheriale të emergjencës, fillojmë me rehabilitimin. E kemi filluar në Sarandë, Lezhë dhe vende të tjera ku ka pasur nevojë”, deklaroi ai.

Ai njoftoi gjithashtu se në vijim priten reshje më pak intensive për shkak të uljes së temperaturave, gjë që do të lehtësojë verifikimin e situatës dhe vlerësimin e dëmeve të shkaktuara.

/e.xh/a.f//

The post Çako: Situata nga reshjet nën kontroll, niveli i Vjosës në rënie appeared first on Agjencia Telegrafike Shqiptare.

Ashtu siç u parashikua, prurjet në Vjosë nga reshjet intensive u shtuan duke përmbytur toka bujqësore.

Qindra hektarë tokë bujqësore në Çerven dhe Kashisht janë nën ujë teksa Vjosa arriti pikun këtë të enjte, në 7.1 metra mbi nivelin e detit. 30 efektivë  të Forcave të Armatosura me pompa thithëse dhe varka u pozicionuan në afërsi të Çervenit për të ndërhyrë në rast përkeqësimi të situatës..

Kreu i emergjencave civile Haki Cako teksa monitoroi urën e Mifolit tha se janë evakuuar disa familje pranë shtratit të lumit. Ndërkohë vërshimi i ujit në kanalin kryesor kullues çau argjinaturën në Tale duke rrezikuar banorët e shtatë fshatrave.

Për shkak të reshjeve me intensitet të lartë është dëmtuar dhe segmenti rrugor Rrëshen–Bukmirë në  Bashkinë e Mirditës. Shembjet në disa pjesë të rrugës rrezikojnë  bllokimin e qarkullimit për banorët e zonës. Ekipet e emergjencës po punojnë për  të evituar izolimin e fshatrave.

TIRANË, 20 nëntor /ATSH/ Drejtori i Përgjithshëm i Agjencisë Kombëtare të Mbrojtjes Civile, Haki Çako, monitoroi sot nga afër situatën e krijuar nga moti i keq, në zonën e urës së Mifolit.

Në një prononcim për mediet, Çako tha se prej 24 orësh po monitorohet situata. Sipas tij, niveli i ujit në lumin Vjosa është në “pikë alerti, 7.1 në matjen meteorologjike, e cila krijon risk të shtuar”.

Çako theksoi se “jemi në varësi të prurjeve që vijnë nga Vjosa nga Tepelena dhe Përmeti. Është monitoruar gjatë gjithë natës”.

“Ka pasur një intensitet të shtuar dhe të lartë Vjosa në kufij me Greqinë, pasi ka pasur reshje shumë intensive dhe në zonën tonë dhe në atë të vendit fqinj. Ka një rënie për momentin në matjet në Përmet dhe Tepelenë. Gjithashtu baseni është i tejmbushur dhe presim të ketë një stabilitet për të mos kaluar jashtë parametrave”, tha ai.

Çako tha se në këto rrethana të gjithë banorët që ekspozohen apo kanë rriskun e shtuar janë njoftuar nga njësitë e pushtetit vendor.

“Janë marrë masat edhe për t’ju ardhur në ndihmë në rast se do të dalë e domosdoshme për t’u evakuuar. Prioritet është jeta e qytetarëve dhe më pas, pasuria, blegtoria apo edhe gjithçka tjetër që lidhet me jetën normale të tyre”, tha Çako.

Çako u shpreh se deri tani nuk ka banesa atë prekura pasi Lumi Vjosa është nën kontroll në zonën e vet.

Kreu AKMC-së shtoi se janë tre banesa që janë të vendosura nën këmbët e Urës së Mifolit, banorët e cë cilës janë larguar.

“Janë marrë masa, parashikimi është se do të ketë reshje në shkallë vendi. Dita e katërt që ne vazhdojmë të monitorojmë reshjet intensive që kanë prekur zonat nga veriu në jug. Ka pasur problematika në Lezhë, në Berat, në Delvinë në zonën e Sarandës e në pjesë të tjera”, tha Çako.

Çako u shpreh se është “investuar në të dyja krahët e Vjosës, ky është edhe faktori që ne jemi në një mundësi monitorimi të shkarkimit të Vjosës dhe nuk kemi akoma probleme”.

Ministria e Mbrojtjes njoftoi sot se në urën e Mifolit jane angazhuar të gjitha strukturat në nivel vendor dhe qendor, në gatishmeri deri në uljen e alertit.

/m.q/

The post Çako nga ura e Mifolit: Niveli i lumit Vjosa në pikën e alertit, janë marrë masat e nevojshme appeared first on Agjencia Telegrafike Shqiptare.

TIRANË, 19 nëntor /ATSH/ Kreu i Emergjencave Civile, Haki Çako, ka inspektuar sot situatën në urën e Mifolit, një nga pikat më të rrezikuara nga prurjet e larta të lumit Vjosë, ndërsa reshjet intensive të ditëve të fundit kanë shtuar shqetësimin për daljen e tij nga shtrati.

Gjatë inspektimit në zonën e Novoselës, Çako tha se kjo mbetet një pikë nevralgjike për shkak të shkarkimeve të larta të Vjosës, por theksoi se situata është aktualisht nën kontroll, duke u vlerësuar vazhdimisht në bazë të matjeve të prurjeve.

“Sistemi i mbrojtjes civile është në gatishmëri të plotë. Jemi në një situatë të monitoruar, dhe në Përmet kemi shënuar ulje të prurjeve” deklaroi ai.

Çako njoftoi se situata po ndiqet me intensitet të shtuar në qarqet Gjirokastër, Memaliaj dhe Vlorë, ku prurjet e lumit dhe reshjet e dendura mund të krijojnë problematika të reja.

Në qarkun e Vlorës, sidomos në Delvinë dhe Finiq, disa banorë janë evakuuar si masë paraprake sigurie.

“Ekipet kanë zhvendosur disa banorë për shkak të reshjeve me intensitet të lartë. Forcat e emergjencave dhe ato të armatosura janë në terren,” u shpreh Çako, duke garantuar se strukturat janë të përgatitura për çdo skenar.

Shefi i emergjencave theksoi se, nëse situata e Vjosës do të përkeqësohet, ekipet janë gati të ndërhyjnë edhe në fshatrat e Novoselës për evakuime të mundshme.

“Shpresojmë që prurjet të mbeten të kontrollueshme”, tha ai.

Aktualisht, niveli i lumit Vjosë në zonën e Mifolit ka arritur rreth 5 metra, çka kërkon monitorim të pandërprerë për të shmangur rrezikun e përmbytjeve.

/gj.m/a.f/

The post Çako: Nën monitorim niveli i lumit Vjosa, jemi në gatishmëri appeared first on Agjencia Telegrafike Shqiptare.

Drejtori i Emergjencave Civile, Haki Çako thotë se kapacitetet në nivel kombëtar janë në gatishmëri të plotë, teksa pritet përkeqësimi i motit në vend.

Çako u shpreh se pritet që ditët e ardhshme të ketë reshje incensive, teksa shtoi se do të ketë komunikim të vazhdueshëm me bashkitë dhe prefekturat.

“Në bazë të vlerësimit ka marrë masat e nvojshme për të përballuar dhe menaxhuar situatën që do prevalojë nga reshjet e parashikuara deri në 22 nëntor. Pjesa veriore kryesisht, ose më saktë pjesa e baseneve të Komanit dhe Vaut të Dejës, do kenë reshje me intesitet mesatar dhe të larta. Natyrisht që në zbatimit të planit kombëtar, agjencia e mbrojtjes civile ka marrë masat oër rifreskimin e planeve. Për mbajtjen në gatishmëri. Sot, thuajse të gjitha bashkitë dhe prefekturat janë të mobilizuara totalisht. Në datën 18, pritet që reshjet të jenë intensive në të gjithë territorin e Shqipërisë. Kapacitetet në nivel kombëtar janë në gatishmëri të plotë. Në varësi edhe të situatës, jemi në komunikim të drejtpërdrejtë, do bëjmë njoftimet për situatën që do prevalojë”, theksoi ai./abcnews.al

Pas vdekjes së ish-kryeministrit Fatos Nano, ka patur shumë reagime nga figura publike të cilat i shprehnin ngushëllimet familjes, dhe kujtonin punën e ish-kryeministrit socialist. Por, konspiracionisti, Alfred Cako është kundër rrymës.

Ai ka postuar një status në “Facebook”, ku “vjell vrer” ndaj të ndjerit Fatos Nano. Cako “i ka numëruar” gjithë “të këqijat” Nanos, ku i vendos epitete si me origjinë komuniste, apo burrë adoleshent.

Ai shkon më tej se politika e tij, dhe merret me jetën personale dhe pamjen e Nanos, të cilin e cilëson si: “i shëmtuar si askush i rangut të vet nga pamja, i përkëdhelur nga biografia, pragmatist, i çregullt, hedonist e pijanec ekstrem, duhanxhi i neveritshëm”

Konspiracionisti e akuzon për “nxitës korrupsioni”, dhe e quan madje edhe “hajdut”, më tej e akuzon se “tentoi të fuste luftën civile në Kosovë nëpërmjet ish-sigurimsave, oficerëve të ushtrisë së kuqe, shiksave të Fatos Klosit, vrasës i A.Hajdarit dhe drejtueve të FARK në Tiranë”

Në fund, shprehet se nuk ka vdekur rastësisht në ditën e Halloweenit, dhe hipokritisht ngushëllon familjen e tij, duke “uruar” që ta ketë karmën sa më të butë.

Postimi i Plotë i Alfred Cakos

Konservator dhe me origjinë komuniste, i shëmtuar si askush i rangut të vet nga pamja, i egër në vazhdimin e luftës së klasave, pseudoliberal, llafegjatë e mendjeshkurtër, burrë adoleshent, sqimatar pa traditë, i rritur në shtëpinë e grabitur nga komunistët, i përkëdhelur nga biografia, pragmatist, i çregullt, hedonist e pijanec ekstrem, duhanxhi i neveritshëm.

Megalloman e pa kulturë të përgjithshme, me formim profesional të padobishëm për funksionet që mbajti në interes publik, i shkujdesur kur s’hidhte firma dhe ironik me nevojtarët, pseudo-tolerant kur skishte këllqe, tipik përfaqësues i një takëmi moskovitësh vllaho-ortodoks-labo- komunist-ë në Shqipëri, kumarxhi, pseudopatriot që tentoi të fuste luftën civile në Kosovë nëpërmjet ish-sigurimsave, oficerëve të ushtrisë së kuqe, shiksave të Fatos Klosit.

Vrasës i A.Hajdarit dhe drejtueve të FARK në Tiranë, zbatues i Katovicës ramiziste (së bashku me Berishën), iniciues i korrupsionit të lartë shtetëror, hajdut i fondeve të agjencive shtetërore (Postë Telekomunikacion, Dogana, Tatime, KESH), anti-evropian dhe moskovit (prandaj amerikanët dhe CIA e futën në burg), urrente gegninë dhe muslimanët, shfrytëzoi politikën ndërkombëtare pas 11 shtatorit 2001 për të trysnuar muslimanët shqiptarë – ashtu si komunistët pas vitit ’43 me serbët e internacionalen komuniste në Shqipëri që shtypën e vranë gegët e muslimanët, moskokëçarës për fatin e Shqipërisë.

Egoist, iniciuesi i lartë i së majtës për prishjen e familjes dhe martesat me dashnoret, frikacak dhe harpagon që ja shiti PS të huajve (asetin e së majtës në Shqipëri) për pleqërinë mondane të bythës së vet, pazarxhi e koniuktural, i paprinciptë dhe me hënë, koniuktural dhe pa dije historike përballë armiqve tinzarë kundër interesave të shqiptarëve. Jo rastësisht vdiq në ditën e Halloween-it kur Demoni kërkon flijime.

Edhe kur ka bërë diçka të mirë për shqiptarët e ka bërë nën tutelimin e USA.

Që të mos zgjatem, kaq për të si politikan.

Për ikjen e qytetarit Fatos Nano nga kjo botë, ngushëllime familjes!

Zoti e mëshiroftë Fatos Nanon!

E pastë karmën sa më të butë!

The post Alfred Cako zbraz fjalorin ndaj Fatos Nanos: I neveritshmi vdiq në Halloween! Vrasës i Azem Hajdarit, komunist dhe i shëmtuar appeared first on Albeu.com.

Në emisionin “Aldo Morning Show” teologu Miron Çako ndezi diskutimin rreth një prej festave më të përfolura të vjeshtës, Halloween-it. A është thjesht argëtim me kostume dhe karamele, apo një rit me rrënjë të thella fetare? Sipas Çakos, pas fytyrave të lyer dhe maskave shumëngjyrëshe fshihet një histori e lashtë keltësh, e lidhur me besëtytnitë […]

The post Nga maskat te besëtytnitë, teologu zbulon rrënjët fetare të Halloween-it appeared first on BoldNews.al.

TIRANË, 25 tetor /ATSH-Gjergji Mima/ Situata e verës së këtij viti, me zjarret masive që përfshinë disa zona, ka rritur gatishmërinë e Agjencisë së Mbrojtjes Civile që tashmë ka nisur përgatitjet për përballimin e situatave të ngjashme në të ardhmen, nisur dhe nga fakti se ndikimi i ngrohjes globale ka sjellë temperatura ekstreme edhe në vendin tonë, duke favorizuar zjarre masive sikundër edhe përmbytjet gjatë dimrit.

I gjithë mekanizmi kombëtar i parandalimit dhe reagimit ndaj emergjencave ndodhet në përgatitje për të pasur përgjigje sa më efikase ndaj situatave të mundshme.

Në një intervistë për Agjencinë Telegrafike Shqiptare, drejtori i përgjithshëm i AKMC-së, Haki Çako, shpjegon masat konkrete që po ndërmerren që tani, nga përditësimi i planeve të emergjencës dhe pastrimi i brezave mbrojtës, deri tek trajnimi i strukturave zjarrfikëse dhe përdorimi i teknologjisë moderne, përfshirë dronët me kamera termike.

Çako tregon edhe për mënyrën se si dronët po revolucionarizojnë monitorimin e territorit, duke mundësuar zbulimin e hershëm të vatrave të zjarrit, orientimin e forcave në terren dhe reagimin e shpejtë në situata emergjente.

Përdorimi i dronëve me kamera termike dhe sensorë të tjerë, është kthyer në një nga mjetet më efektive që gjen përdorim në të gjitha fazat e ciklit të menaxhimit të emergjencës, zvogëlim/parandalim rreziku, përgatitje, reagim dhe rimëkëmbje. Gjatë muajve korrik dhe gusht të këtij viti, Agjencia Kombëtare e Mbrojtjes Civile ka përdorur intensivisht këto pajisje për të kryer rikonjicion të zonave me rrezik të lartë.

Çako ndalet edhe te roli i komunitetit dhe institucioneve arsimore në këtë proces, duke theksuar rëndësinë e edukimit të brezit të ri për mbrojtjen e mjedisit dhe përfshirjen e shkollave në programe ndërgjegjësimi dhe simulime praktike.

Një pjesë e rëndësishme e planit është edhe angazhimi i qytetarëve përmes fushatave vullnetare, aktiviteteve në terren dhe bashkëpunimit me shërbimin pyjor.

Në intervistë, ai ndan gjithashtu detaje mbi projektet e reja të bashkëpunimit me partnerët ndërkombëtarë, nga Bashkimi Evropian, NATO, UNDP dhe GIZ, deri te Shërbimi Pyjor i SHBA-së, për forcimin e kapaciteteve të trajnimit, pajisjeve dhe koordinimit ndërinstitucional.

Përmes një qasjeje gjithëpërfshirëse, që përfshin parandalim, edukim, trajnime, logjistikë dhe teknologji, Agjencia synon të garantojë një reagim më të koordinuar, më efikas dhe më të qëndrueshëm në përballjen me çdo rrezik natyror.

Intervistë për ATSH e drejtorit të përgjithshëm të AKMC, Haki Çako

ATSH: Cilat janë masat konkrete që po ndërmerren që tani për përgatitjen ndaj zjarreve gjatë verës së ardhshme?

Çako: Agjencia Kombëtare e Mbrojtjes Civile, në bashkëpunim me strukturat vendore dhe institucionet përgjegjëse, ka filluar ndërmarrjen e një sërë masash konkrete për përgatitjen ndaj rrezikut të zjarreve në sezonin e ardhshëm veror. Masat parashikuese dhe parandaluese janë pjesë e një plani të strukturuar të menaxhimit të rreziqeve nga fatkeqësitë natyrore, dhe konkretisht për zjarret në pyje dhe në sipërfaqe të hapura, përfshijnë hartimin dhe përditësimin e planeve të emergjencës në nivel kombëtar dhe vendor, të cilat përfshijnë skenarë të mundshëm të zjarreve dhe mënyrat e reagimit ndaj tyre.

Rritjen e bashkëpunimit me pushtetin vendor, përmes orientimeve teknike dhe monitorimit të zbatimit të detyrave që lidhen me pastrimin e brezave mbrojtës, rrugëve pyjore dhe menaxhimin e mbetjeve vegjetative.

Fushata ndërgjegjësuese dhe edukimi publik, për informimin dhe sensibilizimin e komuniteteve lokale mbi masat parandaluese dhe detyrimet ligjore për mbrojtjen nga zjarret. Aktualisht përmes Qendrës Kombëtare të Trajnimit për Mbrojtjen Civile po zhvillohet fushata kombëtare e informimit dhe ndërgjegjësimit publik “Mbrojtja Civile në turne” me qëllim informimin e qytetarëve mbi rreziqet që cenojnë Shqipërinë dhe komunitetin e tyre, si dhe dhënia e udhëzimeve për parandalim apo zvogëlim të riskut nga fatkeqësitë. Fushata po shtrihet në të gjitha qarqet e vendit. Fushata është zhvilluar tashmë në katër qytete: Përmet, Fier, Elbasan dhe Durrës dhe do të vazhdojmë me të gjitha qarqet e vendit.

Forcimi i kapaciteteve operacionale përmes trajnimeve të specializuara të strukturave zjarrfikëse dhe forcave të tjera reaguese, si dhe organizimit të stërvitjeve të përbashkëta ndërinstitucionale.

Pajisja dhe mirëmbajtja e mjeteve dhe logjistikës të nevojshme për ndërhyrje efikase në raste emergjente, përfshirë këtu automjetet zjarrfikëse, mjete të transportit, radiondërlidhëse dhe pajisje mbrojtëse për personelin operativ.

ATSH: Në ç’mënyrë do të përfshihen shkollat dhe komuniteti lokal në mbështetjen e shërbimit pyjor?

Çako: Zhvillimi i programeve edukative në shkolla, në bashkëpunim me Ministrinë e Arsimit dhe strukturat e tjera përkatëse, për të rritur ndërgjegjësimin e nxënësve mbi rëndësinë e mbrojtjes së pyjeve, parandalimin e zjarreve dhe përgjegjësinë qytetare ndaj mjedisit është një nga qëllimet e agjencisë sonë, dhe po punojmë për nënshkrimin e një marrëveshjeje në këtë drejtim me Ministrinë e Arsimit për përfshirjen e njohurive të mbrojtjes civile dhe simulimet në programin mësimor të sistemit parauniversitar.

Gjithashtu organizimi i aktiviteteve informuese dhe praktike, siç janë ditët ndërgjegjësuese, pastrimi i zonave pyjore, vizitat në stacionet e shërbimit pyjor apo të zjarrfikësve, si dhe simulime për reagimin në rast zjarri, që ne tashmë i kemi kthyer në praktikë në shumë shkolla në të gjithë vendin, por që gjithsesi kërkon punë të vazhdueshme për t’u bërë sa më masive, duke përfshirë gjithmonë e më shumë një numër më të madh shkollash.

Një tjetër element është edhe angazhimi i organizatave komunitare, grupeve rinore dhe vullnetarëve, në mbështetje të fushatave ndërgjegjësuese dhe monitorimit vullnetar të zonave me rrezik të lartë për zjarre.

Trajnimi bazë i anëtarëve të komunitetit lokal, në veçanti në zonat rurale dhe pyjore, si dhe sensibilizimi i tyre me mjete të ndryshme ndërgjegjësuese, fletëpalosje, broshura, video të shkurtra informuese se si veprohet në rast zjarrit, mbi mënyrat e raportimit të hershëm të zjarreve dhe masat paraprake që mund të ndërmerren pa rrezikuar jetën.

Krijimi i partneriteteve ndërinstitucionale në nivel vendor, për të siguruar përfshirjen aktive të shkollave, komuniteteve dhe strukturave lokale në zbatimin e detyrave të Planit Vendor të Mbrojtjes Civile dhe mbështetjen e shërbimit pyjor në monitorim, edukim dhe raportim.

Përmes këtyre masave, synohet krijimi i një kulture të qëndrueshme ndërgjegjësimi dhe bashkëpunimi për mbrojtjen e pyjeve, si dhe fuqizimi i rolit të qytetarit në parandalimin dhe minimizimin e rreziqeve nga zjarret.

ATSH: A po parashikohet ndonjë bashkëpunim i ri me partnerë ndërkombëtarë për trajnimin dhe pajisjen e forcave zjarrfikëse?

Çako: Agjencia Kombëtare të Mbrojtjes Civile vijon bashkëpunimin me partnerët ndërkombëtarë si Mekanizmi Evropian i Mbrojtjes Civile, NATO, UNDP, GIZ dhe Shërbimi Pyjor i SHBA, për rritjen e kapaciteteve të strukturave të mbrojtjes civile. Nëpërmjet këtij rrjeti ndërkombëtar bashkëpunimi, AKMC koordinon procesin e trajnimit dhe përgatitjes së forcave operacionale reaguese dhe përmirësimin e logjistikës së tyre. Përtej bashkëpunimit ndërkombëtar, secila nga forcat operacionale ka planin e vet të zhvillimit profesional dhe infrastrukturor në fushën e tyre të përgjegjësisë.

Forcat zjarrfikëse, ashtu si edhe strukturat e tjera operacionale si policia, urgjenca shëndetësore, Kryqi i Kuq apo vullnetarët, nuk janë në varësi të Agjencisë Kombëtare të Mbrojtjes Civile, por janë pjesë e sistemit të reagimit ndaj emergjencave, puna e të cilëve koordinohet nga Agjencia në përputhje me Ligjin nr. 45/2019 “Për mbrojtjen civile”.

Në këtë kuadër, Agjencia po punon për të thelluar bashkëpunimin me partnerët ndërkombëtarë, me qëllim forcimin e kapaciteteve të përgjithshme të reagimit ndaj zjarreve dhe emergjencave, përmes projekteve që përfshijnë trajnim, asistencë teknike dhe mbështetje logjistike, ku përfitojnë edhe strukturat zjarrfikëse në nivel vendor. Si në rastin e projekteve IPA për ngritjen e Modulit të Zjarreve në Pyje për MZSH Tiranë, aktualisht po punohet për ngritjen e një moduli për tërmetet dhe spitalet fushore.

Roli i Agjencisë në këtë proces është koordinues, në funksion të garantimit të një përgjigjeje sa më të unifikuar dhe efektive në të gjithë territorin.

ATSH: A mund të na jepni më shumë detaje mbi përdorimin e dronëve me kamera termike, sa do të jenë në dispozicion dhe si do të përdoren në terren?

Çako: Po, përdorimi i dronëve me kamera termike dhe sensorë të tjerë, është kthyer në një nga mjetet më efektive që gjen përdorim në të gjitha fazat e ciklit të menaxhimit të emergjencës, zvogëlim/parandalim rreziku, përgatitje, reagim dhe rimëkëmbje. Gjatë muajve korrik dhe gusht të këtij viti, Agjencia Kombëtare e Mbrojtjes Civile ka përdorur intensivisht këto pajisje për të kryer rikonjicion të zonave me rrezik të lartë, vlerësimin e tyre si dhe zbulimin e zjarreve në kohë të hershme. Vetëm më 26 korrik, dronët “Bayraktar TB2” kanë fluturuar mbi 18 vatra aktive, me qëllim monitorimin e përhapjes dhe vlerësimin e rrezikut. Dronët janë vendosur në disa zona strategjike dhe do të jenë të disponueshëm edhe në sezonin e ardhshëm veror, me qëllim rritjen e mbulimit dhe uljen e kohës së reagimit. Përdorimi i tyre në terren ka treguar rezultate shumë të mira, sidomos në identifikimin e hershëm të vatrave dhe në ndihmën që japin për orientimin e forcave zjarrfikëse në vendndodhjet më të rrezikuara.

Ato përdoren gjatë patrullimeve ajrore për të monitoruar terrenin nga lart, për të ndjekur përhapjen e flakëve dhe për të vëzhguar zona të paarritshme për ekipet në tokë, veçanërisht gjatë natës apo në kushte të vështira pamjeje, ku kamerat termike janë shumë të vlefshme. Pamjet dhe të dhënat që marrim nga dronët transmetohen në kohë reale në qendrat e koordinimit, duke lejuar një reagim më të shpejtë dhe më të saktë.

Agjencia do të vijojë të investojë në këtë teknologji edhe në vijim, duke forcuar më tej kapacitetet e monitorimit dhe reagimit në të gjithë territorin.

1 nga 7

/j.p/r.e/

The post Çako për ATSH: Dronë me kamera termike për parandalimin dhe reagimin e shpejtë ndaj zjarreve appeared first on Agjencia Telegrafike Shqiptare.

Në një rrëfim plot emocione në emisionin “Pas Mesnate” në ABC News, sopranoja e njohur Tatjana Kora ndau për herë të parë detaje të panjohura nga rrugëtimi i saj artistik. Një histori që nis mes tingujve të një autoparlanti në një kodër të Gjirokastrës dhe kulmoi në skenat më të mëdha të muzikës shqiptare.

“Muzika është jetë për mua”, rrëfen ajo, duke na çuar pas në kohë, kur si një vajzë e vogël me shallin e pionierit këndonte përpara mijëra njerëzve.

Një talent i lindur që u dallua në një konkurs modest në Pallatin e Kulturës, për të përfunduar në Konservatorin e Tiranës si nxënësja e parë e mjeshtrit Gaqo Çako.

“Muzika është jetë për mua. Që e vogël kam qenë e lidhur me muzikën, kam kënduar me shallin e pionerit përpara një publiku mund të them me mijëra. Do të vinte Hrushovi në Gjirokastër. E kam pasur pasion të kënduarin. Profesori i muzikës nuk më linte më merrte gjithandej që të këndoja dhe më në fund u bë një konkurs në Pallatin e Kulturës në Gjirokastër. Kërkonin talente të rinj për në Konservatorin e Tiranës, kur më dëgjuan zërin ishin të kënaqur që gjetën një talent.

Më propozuan për të hyrë në Konservator dhe atje pata fati që më caktuan me profesor Gaqo Çakos, kam qenë nxënësja e parë e tij. I jam dedikuar muzikës me një pasion të jashtëzakonshëm sepse për mua është jeta. Ka qenë një gjë shumë e rëndësishme dhe është akoma. Deri në moshën 5 vjeçare isha në Tiranë, pastaj u transferuam në Gjirokastër dhe pastaj erdha prap në Tiranë në Konservator.

Do thuash si u lidha me muzikën?! Në Gjirokastër shtëpinë e kisha në një kodër dhe mbrapa kisha Pallatin e Kulturës. Në këtë pallat ishte një autorporlant i hapur që jepte muzikë nga mëngjesi deri në darkë. Në shtëpinë time doje apo nuk doje do e dëgjoje këtë lloj muzike dhe fillova të bëjë koncerte në shtëpi. Këndoja këngët e kohës”, rrëfeu Tatjana Kora./abcnews.al

Ministri i Turizmit, Kulturës dhe Sportit Blendi Gonxhe, ka reaguar për ndarjen nga jeta të sopranos së njohur shqiptare Luiza Papa (Çako). Ai shkruan se Luiza Papa mbetet një nga figurat më të rëndësishme të skenës lirike shqiptare. Ministri thekson se zëri dhe interpretimi i Papës i dhanë madhështi artit tonë operistik, duke lënë gjurmë të pashlyeshme në historinë e muzikës shqiptare.

Source

Është shuar sot në moshën 88-vjeçare sopranoja e njohur, Luiza Papa Çako, duke lënë një boshllëk të madh në skenën operistike dhe në artin muzikor shqiptar.

Luiza Çako ka lënë pas një karrierë të gjatë dhe të pasur artistike, me interpretime dhe role që do të mbeten gjithmonë të paharrueshme për publikun shqiptar.

Pas lajmit të trishtueshëm, djali i saj, kantautori i njohur Pirro Çako, ka reaguar në rrjetet sociale duke publikuar një fotografi të vjetër nga fëmijëria, ku shihet duke qëndruar në krahët e nënës së tij.

“Lamtumirë, nëna ime”, ka shkruar ai krahas fotografisë së veçantë, duke treguar dashurinë dhe respektin e thellë për të.

Foto: Pirro Çako/Instagram

Luiza Çako shquhej për talentin e saj të rrallë, për përkushtimin në skenë dhe për kontributin e vyer që i ka dhënë artit në vend.

Me një repertor të gjerë dhe të larmishëm, nga muzika popullore deri te veprat më të mëdha operistike, ajo ka sjellë në jetë dhjetëra role, duke lënë gjurmë të thella në historinë e Teatrit të Operës dhe Baletit.

Trashëgimia e saj artistike do të mbetet një burim frymëzimi për gjeneratat e ardhshme, ndërsa kujtimi i saj do të qëndrojë i gjallë në zemrat e publikut dhe kolegëve të saj. /Telegrafi/

Sopranoja e shquar, Luiza Çako, ka ndërruar jetë në moshën 88-vjeçare, duke lënë pas një trashëgimi të pasur artistike që do të mbetet përjetësisht një shenjë e vyer në artin shqiptar.

Ajo ishte bashkëshortja e legjendës së muzikës operistike, Gaqo Çako, dhe nëna e kantautorit të njohur Pirro Çako.

Luiza Çako u shqua për talentin e saj të rrallë, përkushtimin e palodhur në skenë dhe kontributin e jashtëzakonshëm që i dha artit shqiptar, duke lënë një boshllëk të madh në skenën operistike dhe më gjerë. Trashëgimia e saj do të mbetet frymëzim për gjeneratat e ardhshme të artistëve.

Foto: Luiza Çako (Screenshot)

Teatri Kombëtar i Operës dhe Baletit dhe Ansambli Popullor reaguan menjëherë për ndarjen e saj nga jeta, duke e përshkruar Luiza Çakon si një nga personalitetet më të vyera të muzikës shqiptare.

Në reagimin e tyre u theksuan rolet e shumta që ajo interpretoi gjatë karrierës së saj të gjatë dhe të spikatur.

Foto: Luiza Çako (Screenshot)

Të prekur nga lajmi i ndarjes nga jeta të artistes së madhe, Luiza Papa Çako, një prej zërave më të bukur dhe personaliteteve më të vyera të muzikës shqiptare.

E lindur në Tiranë më 14 qershor 1937, ajo u formua në Liceun Artistik “Jordan Misja” dhe më pas në Konservatorin “P. I. Çajkovski” në Moskë, duke u kthyer në një prej solisteve më të spikatura të Teatrit të Operës dhe Baletit, ku shërbeu nga viti 1956 deri në vitin 1983.

Me një repertor të gjerë e të larmishëm, që nga muzika popullore deri te veprat operistike më të mëdha, Luiza Papa i dha jetë dhjetëra roleve, duke mbetur e paharruar në kujtesën e publikut shqiptar.

Ndër rolet e saj spikasin Flora e Anina në La Traviata, Lola në Cavalleria Rusticana, Norina në Don Pasquale, Musetta në La Bohème, Susanna në Dasma e Figaros, Mamica në Skënderbeu, Dava në Mrika dhe shumë të tjera që kanë lënë gjurmë në historinë e repertorit operistik shqiptar dhe ndërkombëtar.

Përveç skenës së TKOBAP-së, ajo mori pjesë në festivale, koncerte e turne brenda dhe jashtë vendit, duke lënë gjurmë në jetën muzikore shqiptare për dekada me radhë.

Në këtë moment të dhimbshëm, shprehim ngushëllimet më të sinqerta për familjen, të afërmit dhe kolegët të cilët kanë pasur mundësinë të punojnë me të.

Qoftë i paharruar kujtimi i saj! – shkruhet në reagimin e Teatrit Kombëtar të Operës dhe Baletit. /Telegrafi/

Sopranoja e njohur shqiptare, Luiza Papa Çako, është ndarë nga jeta në moshën 88-vjeçare. Djali i saj, kantautori Pirro Çako, ka reaguar në rrjetet sociale duke publikuar një fotografi të vjetër nga fëmijëria, ku shihet në krahët e nënës së tij, dhe ka shkruar: “Lamtumirë, nëna ime”. Luiza Çako ka pasur një karrierë të gjatë […]

The post “Lamtumirë nëna ime”/ Pirro Çako reagon për humbjen e sopranos Luiza Çako appeared first on BoldNews.al.

Bota e artit shqiptar është në zi pas ndarjes nga jeta të sopranos së njohur Luiza Papa Çako, në moshën 88-vjeçare. E njohur për zërin e saj të veçantë, interpretimet me ndjeshmëri të lartë dhe prezencën skenike elegante, Çako ka qenë një figurë që ka lënë gjurmë të pashlyeshme në muzikën klasike shqiptare.

Luiza Çako ishte bashkëshortja e tenorist legjendar Gaqo Çako dhe nëna e kantautorit të njohur Pirro Çako. Familja Çako ka qenë prej dekadash një simbol i artit të kultivuar shqiptar, dhe kontributi i saj në këtë trashëgimi është i paçmueshëm.

Me një karrierë që shtrihet për më shumë se gjysmë shekulli, Luiza Çako interpretoi role të rëndësishme në operat shqiptare dhe ndërkombëtare, duke sjellë në skenë emocione të fuqishme dhe një teknikë të rrallë vokale. Ajo mbeti e përkushtuar ndaj artit të saj deri në fund, duke qenë edhe mentore për breza të rinj artistësh.

Figura e saj u veçua për talentin, profesionalizmin dhe modestinë, ndërsa kontributi i saj në kulturën shqiptare do të kujtohet me respekt e mirënjohje.

Ndarja e saj nga jeta lë një boshllëk të madh në skenën operistike dhe artistike shqiptare, por emri i Luiza Papa Çakos do të mbetet përjetësisht i skalitur në historinë e artit tonë.

Ngushëllimet më të sinqerta familjes dhe të afërmve.

The post Ndahet nga jeta sopranoja e njohur Luiza Çako, nëna e kantautorit Pirro Çako! appeared first on iconstyle.al.