TIRANË, 24 dhjetor /ATSH/ Programi humanitar “Toys for Tots”, i realizuar nga Korpusi i Marinsave të Shteteve të Bashkuara, vijon të sjellë magjinë e festave për fëmijët në nevojë edhe në Shqipëri.

Këtë vit, përfaqësues të Marinsave amerikanë, në bashkëpunim me Ambasadën e SHBA-së në Tiranë, shpërndanë lodra për fëmijët e shtruar në Departamentin e Pediatrisë në Spitalin Universitar “Nënë Tereza”.

Rreshteri i lartë në Trupën e Marinsave, Manuel Coronado, pjesë e Programit të Sigurisë në Ambasadë, shpjegoi se “Toys for Tots” është një nismë me histori të gjatë, e cila ka nisur në vitin 1947 nga një marins amerikan, me synimin për të bashkuar komunitetet dhe për t’u ofruar fëmijëve më pak fatlumë dhurata dhe shpresë në periudha të vështira ekonomike.

“Ne përfaqësojmë Korpusin e Marinsave dhe jemi krenarë që përmes këtij programi mund të sjellim buzëqeshje dhe gëzim për fëmijët”, u shpreh Coronado.

Ai theksoi se Marinsat amerikanë kanë shpërndarë lodra për fëmijët në Shqipëri që nga vitet 2000 dhe se kjo traditë do të vijojë edhe në të ardhmen, si pjesë e përkushtimit për të ndërtuar dhe forcuar marrëdhëniet me komunitetin vendas.

Nisma “Toys for Tots” mbetet një simbol i solidaritetit, bashkëpunimit dhe humanizmit, duke përcjellë mesazhin se edhe një lodër e vogël mund të sjellë shpresë dhe gëzim të madh.

1 nga 12

/gj.m//a.f/

The post Marinsat e SHBA dhurojnë lodra për fëmijët e shtruar në QSUNT appeared first on Agjencia Telegrafike Shqiptare.

Pretendimi: Kjo video tregon një mace duke pritur një fëmijë që bie nga ballkoni

Verdikti: E pavërtetë, Gjeneruar me AI

—————————————————————————

Një video që ka marrë mbi 7 mijë pëlqime në Facebook pretendohet se tregon aktin heroik të një maceje të zezë, e cila shpëton një foshnje që po bie nga lartësia.

Megjithatë, video prekëse me gjasa është gjeneruar nga programe kompjuterike të inteligjencës artificiale (AI), specifikisht modele që gjenerojnë videoklipe të shkurtra bazuar në udhëzimet me tekst të përdoruesit.

Origjina e gjeneruar e videos është e dukshme në detajet jorealiste. 

Në një moment të videos duket sikur krahu i një gruaje kalon tejpërtej trupit të maces për të kapur fëmijën. Më tej, një burrë ngre fëmijën në mënyrë të panatyrshme me dorën e djathtë, duke e ngritur pa e mbajtur. Në një çast, një pllakë e trotuarit ndryshon ngjyrë pa arsye.

http://faktoje.al/wp-content/uploads/2025/12/Untitled-design.mp4

Facebook i detyron përdoruesit të etiketojnë imazhet dhe videot e gjeneruara me AI si të tilla.

Megjithëse kjo video është e rreme, ka patur raste të vërteta kur një mace ka shpëtuar fëmijë nga rreziku. Në 2014, një mace në Kaliforni shpëtoi fëmijën e familjes nga sulmi i një qeni. Një video e botuar 10 vite më parë tregon një mace duke ndaluar një fëmijë të prekë sobën e nxehtë. Në një tjetër video autentike, një mace duket se ndalon një fëmijë të vogël që të kacavirret nga ballkoni.

Faktoje ka përgënjeshtruar dhe më parë video të maceve që shpëtojnë fëmijë të gjeneruara me AI.

The post E gjeneruar video e maces heroinë që shpëton foshnjën appeared first on Faktoje.al.

ROMË, 22 dhjetor /ATSH-ANSA/ – Në vitin 2024, vetëm 21.2% e personave të moshës 18 deri në 49 vjeç kanë ndërmend të kenë një fëmijë brenda tre viteve të ardhshme (krahasuar me 25% në vitin 2003), sipas raportit të Istat mbi qëllimet e fertilitetit.

Mbi 10.5 milionë njerëz nuk duan të kenë fëmijë ose fëmijë të tjerë në tre vitet pas anketës ose në të ardhmen.

Një e treta përmendin arsyet ekonomike për këtë vendim, 9.4% përmendin kushtet e papërshtatshme të punës dhe 8.6% përmendin mungesën e një partneri.

Midis grave, gjysma besojnë se të paturit e një fëmije do të përkeqësojë mundësitë e tyre të punësimit.    /os/

The post ITALI – Istat: Gjithnjë e më pak njerëz duan të kenë fëmijë appeared first on Agjencia Telegrafike Shqiptare.

LONDËR, 19 dhjetor /ATSH/ – Dukesha e Sussex ka ndarë një foto familjare, të bërë me dukën e Sussex dhe dy fëmijët e tyre, së bashku me një mesazh Krishtlindjesh, sipas BBC.

Në foton e ndarë në Instagram, princi Archie shihet duke përqafuar të atin, ndërsa Meghan është e përkulur dhe duke mbajtur duart me princeshën Lilibet. Ata qëndrojnë në një urë të vogël prej druri në një pyll.

“Gëzuar festat! Nga familja jonë për tuajën”, thuhet në mesazhin e saj.

Veçmas, duka dhe dukesha kanë publikuar gjithashtu një kartolinë Krishtlindjesh dhe një video të fundvitit që nxjerr në pah përpjekjet e tyre bamirëse.

Princi gjashtëvjeçar Archie dhe princesha Lilibet, katër vjeçe, shfaqen gjithashtu në videon gati dyminutëshe, duke ndihmuar prindërit e tyre të pjekin biskota përpara Ditës së Falënderimeve me një organizatë bamirëse lokale.

Videoja përshkruan punën që duka dhe dukesha kanë bërë nën fondacionin e tyre ”Archewell”, i cili tani ka ndryshuar emrin në ”Archewell Philanthropies”.

Fondacioni u krijua në vitin 2020 pasi çifti hoqi dorë nga detyrat mbretërore dhe u zhvendos në SHBA.

Ndërkohë, mesazhi i kartolinës së Krishtlindjeve të çiftit thotë “Në emër të Zyrës së Princit Harry dhe Meghan, Dukës dhe Dukeshës së Sussex, dhe Archewell, ju urojmë një sezon festash shumë të lumtur dhe një vit të ri të gëzuar”./ a.jor.

The post SOFT NEWS – Harry dhe Meghan përqafojnë fëmijët e tyre në mesazhin e Krishtlindjeve appeared first on Agjencia Telegrafike Shqiptare.

TIRANË, 19 dhjetor/ATSH-Maela Marini/ Ministri i Shtetit për Marrëdhëniet me Parlamentin, Toni Gogu bëri të ditur sot se ligji “Për Kujdesin Alternativ në Familje” vendos në qendër interesin e fëmijës, duke garantuar standardet më të larta europiane në këtë drejtim.

Përmes një videomesazhi, Gogu solli në vëmendje disa nga risitë e këtij ligji, i cili u miratua në seancën e djeshme plenare.

Kujdesi alternativ, sipas ministrit, do të thotë se kur një fëmijë mbetet pa kujdes prindëror, ose rrezikon ta humbasë atë, ai duhet të rritet në një familje të sigurt, me kujdes alternativ profesional ose vullnetar.

Në këtë drejtim, Gogu u shpreh se ligji garanton që fëmija të ketë arsim, shëndet, privatësi, e pjesëmarrje.

“Në bazë të tij, krijohet një regjistër elektronik i kujdesit, transparencë institucionale dhe gjurmueshmëri, por edhe monitorim i rregullt”, u shpreh ai.

Gogu theksoi se ky ligj, integrimin europian e bën shumë konkret jo më përmes kapitujve e standardeve në letër, por si një realitet që i mbron fëmijët në jetën e vërtetë.

Sipas ministrit, ligji siguron një plan monitorimi dhe mbështetje. “Pra fëmija nuk duhet të jetë i izoluar në institucione. Ky ligj e vendos interesin më të lartë të fëmijës në qendër dhe krijon dy rrugë kujdesi: kujdesin alternativ profesional dhe kujdesin alternativ vullnetar, qoftë me rregulla të qarta për përzgjedhjen e familjeve, por edhe për trajnimin e familjeve dhe për certifikimin e tyre”, shtoi ai.

Thelbësore, sipas Gogut është që fëmija dëgjohet, mendimi i tij merret dhe kjo bëhet në një mënyrë të përshtatshme për moshën.

“Nëse nevojitet një psikolog duhet të sigurohet prania e tij dhe të dokumentohet ajo bisedë. Me pak fjalë ky ligj garanton që fëmija të ketë një kujdes alternative si në arsim, shëndet, privatësi e pjesëmarrje. Madje edhe ruajtjen e ligjeve familjare të gjakut, kur kjo është në interesin e tij”, shtoi Gogu.

Por sipas tij, ligji nuk do të mjaftonte nëse kujdesi sigurohet vetëm me fjalë ndaj ndaj edhe parashikohet mbështetje financiare, madje për ato profesionale, edhe pagë mujore.

“Ne votojmë për një Shqipëri më europiane te fëmijët sepse një vend matet na mënyra se si trajton fëmijët dhe jo thjesht duke iu dhënë atyre një strehë, por një shtëpi që i bën ata më të mirë”, shtoi Gogu. /j.p/

The post Gogu: Mbrojtje reale ligjore për fëmijët pa kujdes prindëror appeared first on Agjencia Telegrafike Shqiptare.

Një debat i tensionuar ka ndodhur sot mes banorit të ri, Labinot Haxhiut, dhe Labinot Rexhës. Gjatë një diskutimi lidhur me informacionet që vijnë nga jashtë, banori i ri deklaroi në prani të të gjithëve se Labi ka një fëmijë me një serbe.

“Përderisa vjen ti dhe i thua Sasës ‘a ndihesh shqiptare’, kur vetë ke bërë fëmijë me një serbe. Të njëjtat informacione që i ke marrë ti për të tjerët, kanë dalë edhe për ty jashtë. Janë publikuar në media. Edhe fotografitë janë me ty dhe me të”, i tha ai Labinot Rexhës.

Në atë moment reagoi Benita, e cila u shpreh se nuk duhet të bëhen akuza të tilla.
“Nuk janë akuza, por janë fakte”, shtoi Labinot Haxhiu.

Aludimet për një lidhje të Labinot Rexhës me një serbe, si dhe për faktin se ai ka një fëmijë me të, u intensifikuan disa javë më parë, por këto janë hedhur poshtë nga bashkëshortja e këngëtarit.

The post “Ti ke fëmijë me serbe”, shpërthen debati mes Labinot Haxhiut dhe Labinot Rexhës appeared first on Albeu.com.

TIRANË, 18 dhjetor/ATSH/ “Një dëshirë, një arsye për të buzëqeshur” është nisma e Ministrisë së Shëndetësisë dhe Mbrojtjes Sociale për festat e fundvitit për fëmijët pa kujdes prindëror.

Ministria e Shëndetësisë dhe Mbrojtjes Sociale bëri të ditur se nisma përfshin 138 fëmijë pa kujdes prindëror, që janë të akomoduar në 6 shtëpitë e foshnjës dhe fëmijës në të gjithë Shqipërinë.

Fëmijët kanë shprehur dëshirat e tyre në letra drejtuar Babagjyshit, dhe dhuratat për ta nuk kanë munguar. Çdo kuti me emrin e një prej fëmijëve mban brenda një dëshirë, një përqafim simbolik dhe një arsye më shumë për të buzëqeshur.

Kjo nismë e Ministrisë së Shëndetësisë dhe Mirëqenies Sociale u mbështet nga deputetët e Partisë Socialiste në Kuvend për përmbushjen e dëshirës së çdo fëmije.

“Sepse kur bashkohemi, mund të bëjmë ndryshimin – një fëmijë, një dëshirë, një buzëqeshje në një kohë”, vuri në dukje MSHMS.

/k.s/j.p/

The post Festat e fundvitit, dhurata për 138 fëmijë pa kujdes prindëror appeared first on Agjencia Telegrafike Shqiptare.

Një aksident ajror me pasoja tragjike është regjistruar pranë aeroportit të Tolucës në Meksikë, ku një avion privat u rrëzua në një zonë industriale, duke shkaktuar vdekjen e dhjetë personave që ndodheshin në bord. Sipas autoriteteve lokale, mes viktimave janë edhe tre fëmijë të mitur, të cilët dyshohet se i përkisnin së njëjtës familje: një […]

The post Rrëzohet avioni në Meksikë, humbin jetën 10 persona , mes tyre tre fëmijë appeared first on BoldNews.al.

Vitet e fundit, Shqipëria është tronditur nga disa ngjarje ku të mitur janë vrarë nga bashkëmoshatarët e tyre, pas konflikteve që shpesh nisnin si debate të vogla dhe përfundojnë në akte ekstreme. Fenomeni është shndërruar në një alarm kombëtar, ndërsa thika është bërë arma më e përhapur në duart e adoleshentëve. Më 12 dhjetor 2025, pranë shkollës […]

The post Krimet në shkolla/ Dështimi i sistemit arsimor dhe drejtësisë rrit numrin e vrasjeve te fëmijët appeared first on BoldNews.al.

KOPENHAGË, 11 dhjetor /ATSH/- Pas Australisë, e cila nisi këtë javë zbatimin e një ndalimi të rrjeteve sociale për fëmijët nën 16 vjeç, Danimarka po planifikon të ndjekë shembullin duke kufizuar ndjeshëm aksesin e të rinjve në rrjetet sociale, sipas AP.

Qeveria daneze njoftoi muajin e kaluar se kishte arritur një marrëveshje me tre parti të koalicionit qeverisës dhe dy parti opozitare për të ndaluar aksesin në rrjetet sociale për këdo nën moshën 15 vjeç.

Një masë e tillë do të ishte hap i paprecedent në Bashkimin Evropian për të kufizuar përdorimin e rrjetave sociale nga adoleshentët dhe fëmijët.

Plani danez mund të bëhet ligj që në mes të vitit 2026.

Shumë platforma sociale tashmë ndalojnë fëmijët nën 13 vjeç të regjistrohen dhe një ligj i BE-së kërkon nga BigTech të vendosë masa për të mbrojtur të rinjtë nga rreziqet online dhe përmbajtjet e papërshtatshme.

Por, zyrtarët dhe ekspertët thonë se këto kufizime nuk funksionojnë gjithmonë.

Autoritetet daneze kanë theksuar se, pavarësisht kufizimeve, rreth 98% e fëmijëve danezë nën 13 vjeç kanë një profil në të paktën një platformë sociale, dhe pothuajse gjysma e fëmijëve nën 10 vjeç gjithashtu.

Ministrja për Çështjet Digjitale, Caroline Stage, që njoftoi ndalimin e propozuar muajin e kaluar, tha se masës i duhet ende një proces konsultimi dhe disa leximet në parlament përpara se të bëhet ligj, ndoshta deri në mesin ose fundin e vitit të ardhshëm.

Disa ekspertë paralajmërojnë se kufizimet, si ai i propozuar nga Danimarka, nuk funksionojnë gjithmonë dhe mund të ndikojnë edhe në të drejtat e fëmijëve dhe adoleshentëve.

”Sfidë më e madhe për mua janë të drejtat demokratike të këtyre fëmijëve. Më duket e trishtë që kjo nuk është marrë më shumë në konsideratë”, tha Anne Mette Thorhauge, profesoreshë në Universitetin e Kopenhagës./   /Ad.Ab./

The post FOKUS – Edhe Danimarka kërkon ndalimin e rrjeteve sociale për nën 15-vjeçarët appeared first on Agjencia Telegrafike Shqiptare.

Eshtrat e një foshnje që u pa i gjallë për herë të fundit më shumë se një dekadë më parë duket se janë gjetur në një varr të cekët në një pronë në perëndim të Melburnit në Australi. Fëmija 18-muajsh u zhduk në vitin 2014, por nuk u raportua kurrë i zhdukur. Policia e Viktorias […]

The post Gjenden eshtrat e një foshnje shqiptare në oborrin e një shtëpie në Australi appeared first on BoldNews.al.

Një grup fëmijësh të moshës 12–14 vjeç kanë kthyer një lagje të Shkodrës në zonë të frikës, duke goditur, kërcënuar dhe grabitur banorët. Ndërkohë, policia thotë se “janë minorenë dhe nuk mund të mbahen”, shkolla deklaron se “nuk ka probleme në ambientet e saj”, ndërsa nëna e njërit prej djemve shpërthen: “Jam dorëzuar, çfarë të […]

The post Fëmijët që terrorizojnë Shkodrën, godasin dhe vjedhin banorët. Institucionet në kolaps: Nuk kemi çfarë t’u bëjmë appeared first on BoldNews.al.

Një operacion i gjerë ndërkombëtar i koduar “Grimm” ka çmontuar një rrjet të sofistikuar kriminal që rekrutonte të mitur nga platformat online për t’i përdorur si vrasës me pagesë. Sipas Europol, janë arrestuar rreth 200 persona në nëntë vende të Europës, ndërsa dhjetëra vrasje janë parandaluar në kohë. Hetimet zbuluan se fëmijët rekrutoheshin përmes rrjeteve […]

The post 11-vjeçarët rekrutoheshin si vrasës në internet, Europol arreston 200 persona në gjithë Europën appeared first on BoldNews.al.

LONDËR, 10 dhjetor /ATSH/ – Një dhurues sperme, i cili pa vetëdije mbante një mutacion gjenetik që rrit ndjeshëm rrezikun e kancerit, ka lindur të paktën 197 fëmijë në të gjithë Evropën, duke provokuar një hetim të madh, sipas BBC.

Disa fëmijë kanë vdekur tashmë dhe vetëm një pakicë që trashëgon mutacionin do t’i shpëtojë kancerit gjatë jetës së tyre.

Sperma nuk u shit në klinikat e Mbretërisë së Bashkuar, por BBC mund të konfirmojë se një numër “shumë të vogël” familjesh britanike, të cilat janë informuar, përdorën spermën e donatorit ndërsa kishin trajtim për fertilitet në Danimarkë.

Banka Evropiane e Spermës në Danimarkë, e cila shiti spermën, tha se familjet e prekura shprehin “ngushëllimet e tyre më të thella” dhe pranuan se ”sperma është përdorur për të bërë shumë foshnje në disa vende”.

Hetimi është kryer nga 14 transmetues publikë, përfshirë BBC-në, si pjesë e Rrjetit të Gazetarisë Investigative të Unionit Evropian të Transmetimeve.

Sperma erdhi nga një burrë anonim, i cili u pagua për të dhuruar si student, duke filluar nga viti 2005. Sperma e tij u përdor më pas nga gratë për rreth 17 vjet.

Ai është i shëndetshëm dhe kaloi kontrollet e kontrollit të donatorëve. Megjithatë, ADN-ja në disa nga qelizat e tij pësoi mutacion para se të lindte.

Ajo dëmtoi gjenin TP53 – i cili ka rolin vendimtar në parandalimin e shndërrimit të qelizave të trupit në kancerogjene.

Pjesa më e madhe e trupit të donatorit nuk përmban formën e rrezikshme të TP53, por deri në 20% e spermës së tij e përmban.

Megjithatë, çdo fëmijë i lindur nga spermatozoidet e prekura do të ketë mutacionin në çdo qelizë të trupit të tyre.

“Është një diagnozë e tmerrshme”, tha për BBC-në Clare Turnbull, një gjenetiste e kancerit në Institutin e Kërkimeve të Kancerit në Londër.

“Është një diagnozë shumë sfiduese për t’u vendosur në një familje, ekziston një barrë e përjetshme e të jetuarit me atë rrezik, është qartësisht shkatërruese”, theksoi ajo.

Skanimet MRI të trupit dhe të trurit janë të nevojshme çdo vit, si dhe ultratingujt e barkut, për të provuar të dallojnë tumoret.

Gratë shpesh zgjedhin të heqin gjinjtë e tyre për të ulur rrezikun e kancerit.

Banka Evropiane e Spermës tha se “vetë donatori dhe anëtarët e familjes së tij nuk janë të sëmurë” dhe një mutacion i tillë “nuk zbulohet në mënyrë parandaluese nga shqyrtimi gjenetik”.

Ata thanë se “e bllokuan menjëherë” donatorin sapo u zbulua problemi me spermën e tij./ a.jor.

The post FOKUS – Rreth 200 fëmijë dyshohet se janë ngjizur me spermë kanceroze appeared first on Agjencia Telegrafike Shqiptare.

Europa është tronditur nga një rast i pazakontë që ka të bëjë me një dhurues sperme nga I cili kanë lindur të paktën 197 fëmijë. Ky person pa vetëdije, mbante një mutacion gjenetik që rrit ndjeshëm rrezikun e kancerit.

Nga investigimi I disa mediave europiane është zbuluar që sperma është shpërndarë në disa vende të kontinentit dhe sipas një harte të publikuar nga BBC, duket se ajo ka mbërritur edhe në Shqipëri.

Disa fëmijë kanë vdekur tashmë dhe vetëm një pakicë që trashëgon mutacionin do t’i shpëtojë kancerit gjatë jetës së tyre.

Donacioni u bë në Bankën Europiane të Spermës në Danimarkë dhe u krye nga një burrë anonim I cili u pagua për të dhuruar kur ishte student dhe më pas u përdor nga gratë për rreth 17 vjet.

Ai është i shëndetshëm dhe i kaloi kontrollet si donatorë. Megjithatë, ADN-ja në disa nga qelizat e tij pësoi mutacion para se të lindte.

Ajo dëmtoi gjenin TP53 – i cili ka rolin vendimtar në parandalimin e qelizave të trupit që të shndërrohen në kancerogjene. Pjesa më e madhe e trupit të donatorit nuk përmban formën e rrezikshme të TP53, por deri në 20% e spermës së tij e përmban.

Megjithatë, çdo fëmijë i lindur nga spermatozoidet e prekura do të ketë mutacionin në çdo qelizë të trupit të tyre.

Kjo njihet si sindroma Li Fraumeni dhe vjen me një shans deri në 90% për të zhvilluar kancer, veçanërisht gjatë fëmijërisë, si dhe kancer të gjirit më vonë në jetë.

Mjekët që po shihnin fëmijë me kancer të lidhur me dhurimin e spermës ngritën shqetësime në Shoqatën Evropiane të Gjenetikës Njerëzore këtë vit. Ata raportuan se kishin gjetur 23 fëmijë me mutacioni gjenetik dhe dhjetë prej tyre ishin diagnostikuar tashmë me kancer.

Shifra është të paktën 197 fëmijë, por ky mund të mos jetë numri përfundimtar pasi të dhënat nuk janë marrë nga të gjitha vendet. Gjithashtu nuk dihet se sa prej këtyre fëmijëve e kanë trashëguar variantin e rrezikshëm.

Ky rast, së bashku me atë të një burri të cilit iu urdhërua të ndalonte pasi kishte lindur 550 fëmijë përmes dhurimit të spermës, ka ngritur përsëri pyetje nëse duhet të ketë kufizime më të ashpra.

TIRANË, 9 dhjetor/ATSH/ Deputetja e Partisë Demokratike, Jorida Tabaku, ka dorëzuar në Kuvend një nismë ligjore, e cila synon të njohë zyrtarisht si punë të papaguar angazhimin e nënave që kujdesen me kohë të plotë për fëmijët me çrregullime të spektrit të autizmit, sindromën Down apo aftësi të tjera të kufizuara që u pamundësojnë pavarësinë.

Në një deklaratë publike, Tabaku u shpreh se gjatë vitit të fundit ka takuar dhjetëra familje “të jashtëzakonshme”, të cilat luftojnë çdo ditë për të ofruar siguri, edukim dhe stabilitet për fëmijët e tyre. Shumë nëna, tha ajo, kanë lënë punën dhe karrierën për t’iu përkushtuar 24 orë në ditë fëmijëve që kanë nevojë të veçantë.

“Kjo është punë e papaguar. Është sakrificë, është përgjegjësi, është dashuri. Por është edhe një standard europian dhe njerëzor që shteti duhet ta njohë”, theksoi Tabaku.

Sipas saj, nisma ligjore synon që ky angazhim i nënave të njihet si kontribut real, duke u mundësuar mbështetje të drejtpërdrejtë nga buxheti i shtetit. Tabaku argumentoi se kostoja për buxhetin është minimale dhe krejtësisht e përballueshme, sidomos në krahasim me shpenzimet e projekteve të tjera publike që nuk kanë impakt të qartë social.

“Nuk është koncesion, nuk është partneritet publik-privat, nuk është kosto e jashtëzakonshme. Është një mbështetje modeste, por thelbësore për mijëra familje që jetojnë në kushte të vështira ekonomike”, nënvizoi deputetja.

Tabaku i bëri thirrje organizatave të shoqërisë civile, profesionistëve dhe familjeve të përfshihen në këtë proces duke dhënë sugjerime për ta pasuruar nismën dhe për t’i dhënë zë atyre që kanë më shumë nevojë.

“Është momenti të vendosim një standard njerëzor për këto familje dhe për këto nëna të jashtëzakonshme, të cilat i japin shoqërisë shumë më tepër sesa marrin”, përfundoi Tabaku, duke shprehur besimin se Kuvendi do ta trajtojë me seriozitet dhe përgjegjësi këtë çështje.

/a.f/r.e/

The post Tabaku: Të njihen sigurimet për nënat që kujdesen për fëmijë me autizëm e sindromën Down appeared first on Agjencia Telegrafike Shqiptare.

Fëmijët shqiptarë e kanë bërë zakon të konsumojnë mëngjes përpara se të shkojnë në shkollë, por 25% e tyre, shpesh e anashkalon vaktin më të rëndësishëm të ditës. Studimi i bërë nga ISHP, tregon se fëmijët që  nuk hanë mëngjes rrezikohen nga mbipesha dhe obeziteti. Raporti që mat sjelljet e shëndetshme të fëmijëve në moshë […]

The post 1 në 4 fëmijë shkon në shkollë pa mëngjes, ISHP: Rrezik për t’u bërë obez appeared first on BoldNews.al.

Ngjarja e rëndë në Zakynthos, ku një fëmijë vetëm 2 vjeç humbi jetën pasi u sulmua për vdekje nga një qen pitbull, vijon të tronditë opinionin publik në Greqi dhe në Shqipëri.

Gazetarja e A2 CNN, Adelina Onuzi, solli sot në “Dita jonë” detaje të reja rreth tragjedisë që ka tronditur komunitetin lokal.

Nga kontakti me dy banore të zonës ku ndodhi ngjarja, u hodh më shumë dritë mbi mënyrën e jetesës së familjes dhe marrëdhënien e tyre me kafshët. Ato treguan se familja shqiptaro-britanike ishte e njohur për kujdesin ndaj qenve endacakë. Madje, sipas tyre, gjyshja e fëmijës kishte strehuar ndër vite rreth 80 deri në 84 qen të rrugës, duke i mbajtur përkohësisht dhe duke u ofruar ndihmë.

Qeni kafshoi për vdekje 2-vjeçarin shqiptar në Greqi, flet babai

Kjo lidhje e ngushtë e familjes me kafshët shpjegon edhe afërsinë e fëmijëve me to. Banoret thanë se edhe në rrjetet sociale shpesh qarkullonin foto të familjes ku shfaqeshin qentë që kujdeseshin përkohësisht.

Ndërkohë, policia greke ka shoqëruar prindërit e fëmijës për deklarime, por më pas i ka lënë të lirë. Sipas autoriteteve, hetimet do të fokusohen tek rrethanat e mbajtjes së qenit dhe sjellja e tij, për të përcaktuar përgjegjësitë finale mbi tragjedinë. Deri tani nuk ka një deklaratë zyrtare nga familjarët, ndërsa informacionet publike janë komunikuar kryesisht nga kryetari i bashkisë së zonës.

Komuniteti është ende i tronditur, ndërsa banorët që njihnin familjen e përshkruajnë atë si njerëz të përkushtuar ndaj kafshëve dhe shumë të kujdesshëm ndaj tyre. Ngjarja mbetet në hetim, ndërsa pritet që ekspertët veterinarë dhe policia të përcaktojnë në vijim edhe verdiktin përfundimtar mbi përgjegjësitë ligjore. (A2 Televizion)

- YouTube www.youtube.com

Një fëmijë me baba shqiptar dhe nënë britanike, u sulmua për vdekje nga një qen në oborrin e shtëpisë teksa po luante. Ngjarja tragjike ka ndodhur në Agios Leontas, në ishullin Zakynthos të Greqisë. “Protothema” informon se një fëmijë 18-muajsh u sulmua për vdekje nga një pit bull. Sipas informacioneve, fëmija dyvjeçar ishte në oborrin […]

The post E rëndë në Greqi! Pit bulli sulmon për vdekje fëmijën 18 muajsh të shqiptarit appeared first on BoldNews.al.

TIRANË, 5 dhjetor /ATSH/ Qendra Aleanca Gjinore për Zhvillim organizoi sot me mbështetjen e Dukatit të Madh të Luksemburgut një konferencë ku u theksua rëndësia e garantimit të sigurisë, dinjitetit dhe mbështetjes afatgjatë për çdo grua dhe fëmijë në Shqipëri.

Duke bërë bashkë institucione, bashki, shoqëri civile dhe partnerë ndërkombëtarë, në kuadër të 16 Ditëve të Aktivizmit kundër Dhunës me Bazë Gjinore, u ritheksua angazhimi i përbashkët për t’i dhënë fund dhunës ndaj grave dhe vajzave.

Ambasadori i Bashkimit Evropian, Silvio Gonzato në fjalën e tij në këtë konferencë u shpreh se, “strehëzat janë shumë më tepër sesa hapësira emergjente; ato janë shërbime thelbësore publike që mbrojnë jetët dhe mbështesin rimëkëmbjen”.

“Financimi i qëndrueshëm dhe i parashikueshëm për to duhet të kuptohet si një përgjegjësi thelbësore e shtetit, e jo si diçka që varet nga projekte të përkohshme apo të drejtuara nga donatorët”, tha Gonzato.

“Këto strehëza dhe shërbimet e tyre duhet t’u përgjigjen realisht nevojave të viktimave të dhunës dhe fëmijëve të tyre”, shtoi ai.

“Bashkimi Evropian  dhe shtetet anëtare duan ta ndihmojnë Shqipërinë të ndërtojë një shoqëri ku çdo grua dhe çdo fëmijë mund të jetojnë në siguri dhe të gëzojnë plotësisht të drejtat e tyre”, u shpreh ambasadori Gonzato.

/gj.m/a.f/r.e/

The post Angazhim i përbashkët për t’i dhënë fund dhunës ndaj grave dhe vajzave appeared first on Agjencia Telegrafike Shqiptare.