Nuk ka kompensim 480 apo 1000 euro! Do ketë rillogaritje tatimi. Kush del me tepricë kreditore (tatim të mbipaguar) do t’i kthehet diferenca e lekëve të paguar për tatim, por nëse bën kërkesë në tatimet rajonale.

Sipas sistemit e-Tax, pas datës 22 janar 2026 nis gjenerimi për plotësimin e Deklaratës Individuale të të Ardhurave (DIVA) për vitin 2025, ku për herë të parë do të aplikohet zbritje tatimore për tatimpaguesit me fëmijë në ngarkim nën 18 vjeç. Afati për plotësimin e deklaratës është deri më 31 Mars 2026.

Zbritja prej 48,000 lekësh apo 100,000 lekësh për prindërit e fëmijëve dhe për shpenzimet e arsimimit nuk është kompensim direkt. Kompensimi do të llogaritet si diferencë mes tatimit të ri (pas aplikimit të zbritjeve) dhe tatimit të paguar gjatë vitit 2025.

Ligji “Për tatimin mbi të ardhurat” përcakton që vlerat 48 mijë lekë apo 100 mijë lekë (sipas rasteve) do të ulen nga baza e tatueshme, dhe kompensimi do të llogaritet si rezultat i diferencës së tatimit të ri (pasi janë bërë zbritjet e shpenzimeve sipas shkallës të të ardhurave të individëve) dhe tatimit që është paguar në 2025.

Pra nëse individi do të rezultojë me tatim të mbipaguar, pasi t’i zbriten shpenzimet, shumën e tepricës do ta kërkojë për rimbursim nëpërmjet një kërkesë që do t’i bëjë drejtorive rajonale të tatimeve.

Administrata Tatimore sqaroi për Monitor se është duke u hartuar udhëzimi përkatës me procedurat e për plotësimin e deklaratës, dokumentacioni që nevojitet dhe si do të bëhen kërkesat pranë drejtorive rajonale të tatimeve.

Shembull

Zbritjen e shpenzimesh në vlerën e 48 mijë lekëve apo rreth 480 euro nga totali vjetor i të ardhurave bruto, do ta përfitojnë të gjithë individët pavarësisht nivelit të të ardhurave, nëse kanë fëmijë në ngarkim të moshës deri 18 vjeç. Ndërsa zbritjen e shpenzimeve me vlerë maksimale deri 100 mijë lekë apo rreth 1,000 euro për arsimin e fëmijëve do të përfitohet nëse të ardhurat vjetore bruto të deklaruara janë deri në 1.2 mln lekë.

Njëri nga çifti i prindërve që kanë fëmijë nën 18-vjeç, pra ai që ka të ardhurat më të larta, do t’i zbriten 48 mijë lekë, nga tatimi e paguara mbi pagën gjatë këtij viti në momentin kur do të plotësojnë Deklaratën Individuale të të Ardhurave Personale.

Nëse të ardhurat bruto vjetore të një individi A janë 150 mijë lekë apo 1,8 mln lekë në vit.

Tatimi i paguar çdo muaj është:

Deri në 30,000 lekë- tatim 0

Pjesa 30,001–130,000 (130,000 − 30,000) × 13% = 100,000 × 13% = 13,000 lekë

Pjesa mbi 130,000 → (150,000 − 130,000) × 23% = 20,000 × 23% = 4,600 lekë

Tatimi mujor i paguar është 17,600 lekë. Tatimi vjetor është 211,200 lekë.

Individi ka një fëmijë të moshës 7 vjeç. Pra numri i personave nën 18 vjeç në kujdestarinë e deklaruesit është 1.

Si fillim të ardhurat vjetore të këtij individi janë mbi 1,2 mln lekë. Automatikisht i lind detyrimi për plotësimin e Deklaratës Individuale të të Ardhurave. Me hyrjen në fuqi të zbritjes së shpenzimeve për fëmijët, nga totali i të ardhurave bruto të këtij individi do të zbriten shpenzimet prej 48 mijë lekë.

Duke qenë se të ardhurat e deklaruara janë mbi 1.2 mln lekë nuk do të përfitojë zbritjen e shpenzimeve prej 100 mijë lekë për arsimimin.

Tatimi i rillogaritur pas zbritjes së shpenzimeve:

Të ardhurat mujore pas zbritjes së shpenzimeve prej 48 mijë lekë do të jenë 146 mijë lekë apo rreth 1,7 mln lekë në vit.

Deri në 30 mijë lekë tatimi është zero

Pjesa 30,001 – 130,000 (130,000 − 30,000) × 13% = 100,000 × 13% = 13,000

Pjesa Mbi 130,000 (146,000 − 130,000) × 23% = 16,000 × 23% = 3,680

Tatimi mujor i rillogaritur = 13,000 + 3,680 = 16,680 lekë apo 200,160 lekw nw vit.

Tatimi i paguar gjatë vitit (pa zbritje) = 211,200 lekë

Gjendja kreditore –  211,200 lekw tatimi i paguar gjatw vitit 2025 -200,160 lekw tatimi i rillogaritur = 11,040 lekë

Kjo është shuma që individi mund ta kërkojë për rimbursim pas plotësimit të DIVA-s.

Kërkesë do të dorëzohet brenda 3 muajve nga plotësimi i DIVA, në drejtoritë rajonale tatimore.

Llogaritja e tatimit pas zbritjes së shpenzimeve rreth 1000 euro për arsimin

Po ashtu nga viti 2026 prindërit me të ardhura vjetore jo më shumë se 1,2 mln lekë në vit, do të përfitojnë edhe zbritje për shpenzimet për arsimimin e fëmijëve deri në vlerën 100 mijë lekë.

Pra nëse merr më pak se 100 mijë lekë (apo rreth 1000 euro) në muaj pagë, përmes faturave të ruajtura për shpenzimet e bëra për arsimimin e fëmijës mund të përfitosh deri në 100 mijë lekë zbritje nga tatimet. Edhe këtë zbritje e merr pasi të plotësosh DIVA-n.

Shembull: Individi X ka të ardhura nga punësimi 70,000 lekë në muaj apo 840,000 lekë në vit.

Tatimi i paguar në çdo muaj është (70,000 – 30,000)*13% = 5,200 lekë dhe në vit 62,400 lekë. Individi për të përfituar zbritjet për arsimin e fëmijëve duhet të plotësojë dhe dorëzojë deklaratën e të arshurave personale deri në 31 mars 2026.

Shuma maksimale që zbritet për arsim është 100,000 lekë pavarësisht nga numri i fëmijëve në moshë nën 18 vjecc. (840,000 – 100,000)/12 = 61,667 lekë/muaj. Tatimi 4,117 lekë (vjetor 49,400 lekë).

Individi do të rezultojë në Deklaratën Individuale të të Ardhurave me gjendje kreditore 13,000 lekë (e rrumbullakosur ).

Këtë gjendje kreditore do ta kërkojë brenda një afati 3 muaj nëpërmjet një kërkesë pranë Drejtorive Rajonale të Tatimeve.

The post Arsimi, nuk ka kompensim direkt 480 ose 1000 euro! Do ketë rillogaritje tatimi pas plotësimit DIVA appeared first on Revista Monitor.

Norma maksimale e interesit (NEI maksimal) për kreditë konsumatore është ulur sërish për gjysmën e parë të vitit 2026.

Sipas normave të reja të miratuara nga Banka e Shqipërisë, për kreditë konsumatore me vlerë deri në 200 mijë lekë, institucionet financiare nuk mund të aplikojnë normë efektive interesi më të lartë se 54.8%, nga 62.2% që kishte qenë në gjysmën e dytë të vitit 2025 dhe nga 70.9% që kishte qenë një vit më parë.

Norma efektive maksimale e interesit përfshin normën nominale të interesit, komisionet e aplikuara nga huadhënësi dhe të gjitha kostot e kredisë që i transferohen klientit.

Sipas ndryshimeve të miratuara në fillim të vitit 2025 nga Banka e Shqipërisë në rregulloren “Për kredinë konsumatore dhe kredinë hipotekare”, norma maksimale e interesit për kreditë konsumatore me këste deri në vlerën e 200 mijë lekëve do të jetë sa mesatarja e thjeshtë e normës efektive të interesit për kredinë e dhënë në 6-mujorin paraardhës, pa u shtuar me një të tretën, siç parashikohej më parë.

Ndërkohë, për kreditë në vlerë më të lartë se 200 mijë lekë mënyra e llogaritjes do të vazhdojë të jetë e njëjtë, duke i shtuar mesatares së 6-mujorit të kaluar një të tretën, për të përcaktuar vlerën e NEI-t maksimal.

Pjesë e ndryshimeve në rregullore ishte edhe shtimi i detyrimit për kryerjen e pagesës nga ana e konsumatorit të komisioneve të aplikuara nga subjektet në momentin e dhënies së kredisë konsumatore, duke mos lejuar shpërndarjen e këtyre kostove përgjatë jetëgjatësisë së kredisë.

Gjithmonë për shumat deri në 200 mijë lekë, NEI maksimal për overdraftet (paradhëniet) është ulur lehtë në 18.27%, nga 18.3% që kishte qenë në gjashtëmujorin e dytë 2025 dhe nga 18.54% që kishte qenë në gjashtëmujorin e parë 2025.

NEI maksimal për kreditë nga 200 mijë lekë deri në 600 mijë lekë ka shënuar një rritje të lehtë në 35.43%, nga 35.21% që kishte qenë në gjashtëmujorin e kaluar, por ngelet në nivel më të ulët nga norma prej 36.55% e gjashtëmujorit të parë 2025.

Për overdraftet në intervalin 200-600 mijë lekë, NEI maksimal është rritur në 18.5%, nga 18.41% që ishte në gjashtëmujorin e dytë 2025 dhe në të njëjtin nivel me gjashtëmujorin e parë 2025.

Ndërkohë, për kreditë me vlerë nga 600 001 deri në 2 000 000 lekë NEI maksimal është ulur në 14.71%, nga 14.93% që kishte qenë në gjashtëmujorin e kaluar, por ngelet në nivel lehtësisht më të lartë nga norma 14.67% e gjashtëmujorit të parë të vitit 2025.

Aplikimi i një norme tavan interesi për kreditë konsumatore në Shqipëri nisi në fillim të vitit të vitit 2022. Sipas Bankës së Shqipërisë, arsyeja kryesore ishte mbrojtja e konsumatorit nga normat potencialisht abuzive të interesit, të aplikuara kryesisht nga disa institucione financiare jobanka.

Që prej aplikimit për herë të parë, NEI maksimal ka pësuar një rënie të ndjeshme. NEI i parë maksimal për kreditë e vogla deri në 200 mijë lekë, që u vendos në fillim të vitit 2022, ishte në nivelin 171.41%, ndërsa sipas publikimit më të fundit të Bankës së Shqipërisë ky tregues ka zbritur tashmë në 54.8%./ E.Shehu

Burimi: Banka e Shqipërisë

The post Interesi maksimal i lejuar për kreditë e vogla konsumatorë ulet më tej në 54.8% appeared first on Revista Monitor.

Korporata Shqiptare e Investimeve shtyu afatin për aplikimet për projektin e Pallatit të Kongreseve nga data 26 janar në 16 shkurt.

Projekti që bën pjesë në nismën e qeverisë për të zhvilluar me privatin disa prona shtetërore kërkon të tërheqë pranë vetes investitorë që pas paraqitjes së projektit dhe shpalljes fitues të garantojnë edhe financiarisht zhvillimin e tij ndërkohë që shteti të marrë pas pjesën takuese.

Lidhur me pallatin e Kongreseve gara parashikohet të ketë dy faza ndërkohë që kushti i bazë për ofertat është që të ofrojnë jo më pak se 45 për qind të sipërfaqes totale të zhvillimit të objektit multifunksional në pronën e Korporatës pranë Pallatit të Kongreseve, Tiranë. Sipas Korporatës për objektin multifunksional në pronën e saj pranë Pallatit të Kongreseve, sipërfaqja maksimale për t’u projektuar dhe zhvilluar është 50,000 metra katrorë.

“Ky konkurrim përfshin konkursin e projektimit për dy objekte të ndryshme: Rivitalizimi i Pallatit të Kongreseve dhe objektin multifunksional (pranë Pallatit të Kongreseve). Së bashku, këto dy objekte përfaqësojnë një mundësi unike për të krijuar vepra arkitekturore me vlerë të lartë shoqërore dhe rëndësi urbane, duke përforcuar rolin e Tiranës si një qytet i kujdesit, inovacionit dhe rritjes” thuhet në dokumentet e procedurës.

Sipas Korporatës përveç ndërhyrjes tek Pallati i Kongreseve objektivi i dytë i projektimit është ndërtimi i një godine të re me përdorim të përzier, në pronën për sipërmarrje, në kufi me Pallatin e Kongreseve.

“Dy strukturat duhet të funksionojnë në mënyrë të pavarur, secila me identitetin dhe qëllimin e vet të veçantë, por duke ruajtur harmoni si në aspektin arkitektonik ashtu edhe në atë funksional. Ky zhvillim i ri duhet të pasurojë zonën përreth dhe të shërbejë si një qendër e re, e gjallë, e shumëllojshme dhe dinamike brenda kryeqytetit të Tiranës” thuhet në dokument.

Pse zhvillimi me privatin nuk ka pasur sukses

Deri më tani qeveria ka tentuar disa herë të hyjë në partneritete me privatin për të zhvilluar pronën shtetërore por finalizimi i kontratave ka qenë modës në raport me numrin e procedurave të çelura.

Void Tower që parashikonte ndërtimin e një objekti shumëkatësh në Bulevardin “Zhan d‘Ark në këmbim të ndërtimit të kompleksit Governativ dështoi gjatë negociatave me fituesin e parë dhe kaloi tek kompania e dytë.

Lift Tower një projekt që përfshin një shumëkatësh tek Inxhinieria e Ndërtimit nuk u finalizua asnjëherë me sukses pavarësisht shpalljes disa herë.

Po kështu janë një seri procedurash të tjera që mbeten pezull si stadiumet ne disa qytete apo projekte te veçantë te lidhura me institucione si Biblioteka e re. Nën zë kompanitë që kanë shfaqur interes dhe janë tërhequr në disa prej garave duket se shohin si problem qasjen për sipërfaqen minimale që kërkon Korporata që është mbi 45 për qind ndërkohë që risku i financimit dhe gjithë elementët e tjerë i lihen zhvilluesit. / N.Maho

The post Privati nuk i “do” pronat e shtetit, shtyhet afati për Pallatin e Kongreseve appeared first on Revista Monitor.

Një rast i grabitjes është raportuar pasditen e së hënës në Prishtinë, ku sipas informatave, një person dyshohet se ia ka marrë telefonin një vajze në restorantin “Mozzart” në lagjen Ulpiane.

Siç merr vesh Gazeta Sinjali, ngjarja ka ndodhur më 19.01.2026 rreth orës 16:00, në rrugën “Motrat Qiriazi”, ku viktima D. J. ka deklaruar se është sulmuar fizikisht nga i dyshuari Leart Sejdiu, i cili më pas ia ka marrë telefonin.

Sipas deklarimit të viktimës, i dyshuari, pasi është larguar disa metra, e ka hedhur telefonin në tokë, në momentin kur ka vërejtur se disa dëshmitarë po vraponin në drejtim të tij.

Në vendngjarje kanë dalë njësitë policore, të cilat e kanë shoqëruar të dyshuarin në Stacionin Policor Jug, ndërsa janë identifikuar edhe dy dëshmitarë që kanë qenë prezent në momentin e incidentit dhe të njëjtit janë intervistuar.

Me urdhër të Prokurorit për Krime të Rënda, rasti është iniciuar si “Grabitje”, ndërsa i dyshuari është dërguar në mbajtje për 48 orë.

Rasti po trajtohet nga organet kompetente dhe mbetet nën hetime.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive: Ky është i dyshuari që sulmoi një vajzë në Prishtinë dhe ia mori telefonin, ndalohet në vendin e ngjarjes appeared first on Sinjali.

Një rast i grabitjes është raportuar pasditen e së hënës në Prishtinë, ku sipas informatave, një person dyshohet se ia ka marrë telefonin një vajze në restorantin “Mozzart” në lagjen Ulpiane.

Ngjarja ka ndodhur më 19.01.2026 rreth orës 16:00, në rrugën “Motrat Qiriazi”, ku viktima D. J. ka deklaruar se është sulmuar fizikisht nga një i dyshuar, i cili më pas ia ka marrë telefonin.

Sipas deklarimit të viktimës, i dyshuari, pasi është larguar disa metra, e ka hedhur telefonin në tokë, në momentin kur ka vërejtur se disa dëshmitarë po vraponin në drejtim të tij.

Në vendngjarje kanë dalë njësitë policore, të cilat e kanë shoqëruar të dyshuarin në Stacionin Policor Jug, ndërsa janë identifikuar edhe dy dëshmitarë që kanë qenë prezent në momentin e incidentit dhe të njëjtit janë intervistuar.

Me urdhër të Prokurorit për Krime të Rënda, rasti është iniciuar si “Grabitje”, ndërsa i dyshuari është dërguar në mbajtje për 48 orë.

Rasti po trajtohet nga organet kompetente dhe mbetet nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive | Grabitje te “Mozzart” në Ulpianë, qytetarët e ndalin të dyshuarin në vendngjarje appeared first on Sinjali.

TIRANË, 19 janar /ATSH/ Vllaznia ka marrë një fitore të rëndësishme në supersfidën e javës së 20-të të Kategorisë Superiore, duke mundur Dinamon me rezultatin 2-0 në stadiumin “Air Albania”.

Shkodranët kaluan në avantazh në minutën e 33-të, kur Bekim Balaj u tregua i saktë nga pika e bardhë e penalltisë, duke mposhtur portierin Aldo Teqja.

Pjesa e parë u mbyll me këtë rezultat, ndërsa nisja e fraksionit të dytë u vonua për shkak të problemeve me energjinë elektrike në stadium.

Në pjesën e dytë, Dinamo tentoi të reagojë, por pa sukses, pasi mbrojtja e Vllaznisë u tregua solide. Golin e sigurisë për shkodranët e shënoi Kallaku në minutën e 84-t, pas një kundërsulmi të shpejtë të iniciuar nga Kastrati.

Me këtë triumf, Vllaznia ngjitet në vendin e dytë të renditjes me 36 pikë, vetëm dy pikë larg Egnatias kryesuese. Ndërkohë, Dinamo zbret në vendin e katërt me 33 pikë.

/gj.m/j.p/

The post Vllaznia mposht Dinamon 0-2 dhe feston në “Air Albania” appeared first on Agjencia Telegrafike Shqiptare.

TIRANË, 19 janar /ATSH/ Operatorit i Sistemit të Transmetimit (OST) bëri të ditur se mbrëmjen e sotme, rreth orës 20:30, është stakuar linja 110 kV “Tirana 1 – Uzina Traktori” në Tiranë si pasojë e një defekti të identifikuar në shtyllën 48/4, i shkaktuar nga një hark i hapur.

Sipas njoftimit zyrtar, brigadat e OST-së, të vendosura në gatishmëri të plotë, kanë identifikuar menjëherë shkakun e defektit dhe kanë ndërhyrë për riparimin e tij.

Ndërkohë, në bashkëpunim me Operatorin e Sistemit të Shpërndarjes së Energjisë Elektrike (OSHEE), nënstacioni Traktora dhe konsumatorët e rëndësishëm janë furnizuar me energji elektrike me ngarkesë të kufizuar përmes linjës 110 kV “Elbasan – Ibë – Farkë”.

Paralelisht me punimet në terren, grupet e OSHEE-së kanë kryer manovrime në linjat rezervë, duke shfrytëzuar skemat unazë, me qëllim minimizimin e ndërprerjeve për konsumatorët.

Institucionet me rëndësi të veçantë janë furnizuar me energji elektrike brenda pak minutash, ndërsa në disa zona të tjera furnizimi është rikthyer gradualisht brenda rreth 30 minutash.

OST bën me dije se në orën 22:09 riparimi i defektit është përfunduar dhe linja është rikthyer në punë, duke garantuar furnizimin e plotë dhe të qëndrueshëm me energji elektrike për të gjithë konsumatorët e prekur në kryeqytet.

/gj.m/j.p/

The post Rikthehet furnizimi me energji elektrike për të gjithë konsumatorët e prekur nga defekti appeared first on Agjencia Telegrafike Shqiptare.

Një nyje hekurudhore me defekt mund të jetë çelësi për të kuptuar shkakun e një prej katastrofave më vdekjeprurëse hekurudhore të Spanjës në vite, kanë thënë ekspertët.

Të paktën 40 persona humbën jetën dhe 159 u lënduan, në një përplasje me shpejtësi të lartë midis dy trenave të dielën, transmeton Telegrafi.

Ekipi i të dhënave dhe forenzikës i Sky News shqyrton se si ndodhi aksidenti.

Një kronologji e aksidentit

Para aksidentit, një tren i drejtuar nga kompania private Iryo dhe që mbante rreth 300 pasagjerë u nis nga Malaga për në kryeqytetin Madrid në orën 6:40 pasdite.

Treni tjetër, i cili mbante gati 200 persona dhe i menaxhuar nga kompania publike e trenave të Spanjës Renfe, u nis nga Madridi për në Huelva në jug në orën 6.05 pasdite sipas kohës lokale.

Rreth orës 19:45 sipas orës lokale, fundi i trenit të parë që udhëtonte nga Malaga për në Madrid doli nga shinat dhe u hodh në anën e kundërt të shinave.

Më pas u përplas me trenin tjetër pranë qytetit Adamuz në provincën e Kordobës, rreth 230 milje në jug të Madridit.

Në kohën e përplasjes, të dy trenat po udhëtonin me një shpejtësi prej më shumë se 120 milje në orë.

Pamjet filmike treguan pasagjerë që dilnin nga dritaret e thyera pas përplasjes, ndërsa shërbimet e emergjencës mbërritën në vendngjarje. Të lënduarit u dërguan në një spital aty pranë.

Një incident 'vërtet i çuditshëm'

Ministri i Transportit i Spanjës, Oscar Puente, tha se shkaku i përplasjes ishte i panjohur, por e quajti atë një incident "vërtet të çuditshëm" sepse ndodhi në një pjesë të sheshtë të binarëve që ishte rinovuar në maj.

Ai tha se pjesa e pasme e trenit Iryo kishte dalë nga shinat dhe më pas kishte kaluar shinat e tjera, duke u përplasur në pjesën e përparme të trenit Renfe dhe duke i rrëzuar dy vagonët e tij të parë nga shinat dhe duke i rënë poshtë një pjerrësi prej 4 metrash.

Dëmi më i keq ishte në pjesën e përparme të trenit Renfe, shtoi ai.

Puente ndau një fotografi që tregonte sistemin e përdorur, për të monitoruar infrastrukturën dhe lëvizjen e të gjithë trenave përgjatë rrjetit.

Harta tregonte pozicionet aktuale të dy trenave pak më pak se dy orë pasi ndodhi përplasja, me vija të kuqe që tregonin se shina ishte bllokuar.

Hetuesit thonë se një nyje e dëmtuar mund të jetë çelësi i përplasjes

Një hetim fillestar ka identifikuar një nyje të dëmtuar si çelësin e përplasjes së trenit, raportoi Reuters, duke cituar një burim.

Agjencia e lajmeve tha se teknikët identifikuan disa konsumime në nyjen midis seksioneve të shinave, të njohura si një pllakë peshku, të cilat ata thanë se tregonin se defekti kishte qenë aty për ca kohë.

Gabimi njerëzor 'përjashtohet'

Më parë, presidenti i kompanisë kombëtare hekurudhore të Spanjës, Renfe, Alvaro Fernandez Heredia, kishte thënë se "gabimi njerëzor mund të përjashtohet".

Treni Iryo ishte ndërtuar në vitin 2022, me inspektimin e tij të fundit të kryer më 15 janar të këtij viti.

Bina ku ndodhi aksidenti ishte gjithashtu e re, pasi ishte rinovuar plotësisht majin e kaluar, me një investim prej 700 milionë eurosh.

Megjithatë, ajo ende kishte probleme, me një sindikatë spanjolle të makinistëve të trenave që paralajmëroi operatorin hekurudhor Adif për konsumimin e madh të shinave, përfshirë atë ku u përplasën dy trenat, në një letër gushtin e kaluar.

Në tetor të vitit të kaluar, sindikatat hekurudhore iu drejtuan qeverisë për të kërkuar një ulje të shpejtësisë për të shmangur aksidentet në linjë.

Rekordi i sigurisë hekurudhore të Spanjës

Agjencia spanjolle e sigurisë hekurudhore (AESF) ka regjistruar midis 42 dhe 98 aksidente të rëndësishme hekurudhore në vit që nga viti 2006, me më shumë aksidente në vitet 2007 dhe 2023, përkatësisht 98 dhe 77.

Ato vite panë një numër veçanërisht të lartë të aksidenteve me kalime hekurudhore dhe lëndime personale, me agjencinë që thekson se shifra dukshëm më e ulët për vitin 2024, në 57 krahasuar me 77, ishte kryesisht për shkak të një reduktimi në këto lloje incidentesh sesa në përplasje dhe dalje nga shinat.

Në vitin 2024, një në pesë incidente në Spanjë u shkaktuan nga dalja nga shinat - pesë herë më shumë se mesatarja e BE-së prej 4%, me vendin që regjistroi një përqindje më të vogël të kalimeve në nivel dhe incidenteve të tjera të lëndimeve personale sesa mesatarja e BE-së.

Rreth 18 persona humën jetën në aksidente hekurudhore në Spanjë në vitin 2024, ekuivalenti i rreth një personi për 1,000 km shina hekurudhore, duke e lënë Spanjën ndër vendet me nivelin më të ulët të vdekjeve hekurudhore në BE, sipas Komisionit Evropian.

Aksidenti më i keq hekurudhor spanjoll këtë shekull ishte një dalje nga shinat e trenit në Santiago de Compostela në korrik 2013, i cili ia mor jetën 79 personave.

Prokurorët janë gati të hapin hetim penal sa më shpejt të jetë e mundur

Burime nga ministria e Brendshme e Spanjës i thanë Sky News, se prokurorët vendas po presin raportin nga policia dhe më pas janë gati të hapin një hetim penal sa më shpejt të jetë e mundur.

I pyetur nga gazetarët se sa kohë mund të zgjasë një hetim për shkakun e aksidentit, ministri i transportit, Puente, tha se mund të jetë një muaj.

Kryeministri i Spanjës, Pedro Sanchez, shprehu ngushëllimet e tij për familjet e viktimave në një postim në X, duke shkruar: "Sonte është një natë dhimbjeje e thellë për vendin tonë."

Të hënën në mbrëmje, ndërsa shumë nga të plagosurit dolën nga spitali, disa anëtarë të familjes ende po kërkonin në mediat sociale dhe spitalet për më shumë informacion në lidhje me të dashurit e tyre të zhdukur. /Telegrafi/

Ky është momenti dramatik kur një shkëmb u shemb në Bregun Jurasik, ndërsa dy pushues u ‘zhdukën’ nën një re të madhe pluhuri.

Rreth 500 ton shkëmb ranor ranë në plazhin në West Bay, Dorset të Britanisë së Madhe, kur një pjesë e shkëmbit 150 metra të lartë, i bërë i famshëm nga drama kriminale e ITV Broadchurch, papritmas u shemb.

Pamjet nga vendi i ngjarjes treguan momentin dramatik kur një pjesë e shkëmbit u shemb vetëm pak metra larg plazhistëve, transmeton Telegrafi.

Mbetjet që binin shkaktuan një re të trashë pluhuri të artë ndërsa goditën rërën - por kalimtarët dukeshin të pashqetësuar nga shembja.

Roja bregdetare u thirr në vendngjarje për të kontrolluar nëse dikush ishte bllokuar nën shkëmbinj, por për fat të mirë nuk u raportuan viktima. /Telegrafi/

Dolce ka folur sërish për raportin me Lim Hotin pasi u publikua një klip ku banorët flisnin rreth tyre.

Pas fjalëve të konkurrentëve, Dolce ka reaguar duke thënë se nuk është futur në mes tyre.

Ajo thekson se Limi dhe Alba janë ndarë kohë më parë dhe se nuk është kjo që u fut në mes të një çifti.

Foto: YouTube

“Dolce nuk është futur në mes të askujt. Limi më ka dhënë hapësirën, unë e di shumë mirë që këta nuk janë të lidhur, nuk kanë asgjë bashkë”, u shpreh ajo.

Tutje theksoi: “Më dha hapësirën t’i afrohem iu afrova kaq. Do të ndodhte edhe jashtë”.

Foto: YouTube

Mes tjerash banorja shtoi se nëse nuk do të ndodhte këtu, takimi i tyre do të bëhej jashtë.

Dolce duket se nuk i ka problem mendimet e të tjerëve dhe se nuk i interesojnë. /Telegrafi/

- YouTube www.youtube.com

Ipswich Town është i interesuar të nënshkruajë me sulmuesin shqiptar të Bristol City, Anis Mehmeti, para mbylljes së afatit kalimtar.

Kontrata e mesfushorit ofensiv 25-vjeçar skadon në verë dhe Ipswich synon të përfitojë nga kjo situatë për të siguruar shërbimet e reprezentuesit shqiptar, me qëllim forcimin e skuadrës në garën për rikthim në Ligën Premier.

Një transferim i tillë do të dobësonte njëkohësisht edhe një rival direkt në luftën për ngjitje, siç është Bristol, aty ku po shkëlqen Mehmeti.

Nga ana tjetër, Bristol City dëshiron ta mbajë Mehmetin, duke e konsideruar pjesë kyçe të objektivave për “play-off”, dhe tashmë ka nisur bisedimet për rinovimin e kontratës së tij.

Megjithatë, Ipswich është i gatshëm të sfidojë këtë qëndrim dhe të ushtrojë presion për realizimin e transferimit.

Mehmeti iu bashkua Bristol Cityt në janar të vitit 2023 dhe po kalon një sezon mjaft të mirë në Championship. Ai ka shënuar 8 gola dhe ka dhënë 6 asistime në 27 paraqitje këtë edicion, ndërsa numëron edhe 3 paraqitje me Kombëtaren e Shqipërisë.

Sipas “Transfermarkt”, vlera aktuale e tij në treg vlerësohet në rreth 10 milionë euro. /Telegrafi/

DASHI Një periudhë rikuperimi gradual. Pas javësh të tëra që ndiheshe nën presion, qielli po të kërkon të rifitosh besimin në vendimet e tua. Puna: Konfirmimi po vjen, por jo menjëherë. Është e rëndësishme të mos nxitohesh ose të reagosh impulsivisht ndaj atyre që të provokojnë. DEMI Sipas horoskopit të Paolo Fox (e martë, 20 […]

The post Horoskopi ditor për nesër, e Martë 20 Janar 2026 appeared first on BoldNews.al.

Lidhja Demokratike e Kosovës (LDK) do ta mbajë Kuvendin e partisë më 31 janar, ku kryetari i partisë, Lumir Abdixhiku, do ta kërkojë votëbesimin e delegatëve, njoftoi të hënën zyrtari i parisë, Besian Mustafa. Mustafa tha për gazetarë se vendimi për mbajtjen e Kuvendit u mor gjatë një mbledhjeje të Kryesisë së partisë në Prishtinë. […]

The post Kosovë/ LDK thërret Kuvendin e partisë, kryetari Abdixhiku pritet të kërkojë votëbesim appeared first on BoldNews.al.

Eksperti i kriminalistikës Ervin Karamuço komentoi për “Ora e Fundit” vrasjen e shqiptarit Jani Aliaj në burgun e Korydallos në Greqi.

Karamuço theksoi se eliminimi i tij është bërë nga vrasës me pagesë, të cilët janë dënuar me burgim të përjetshëm, si dhe se ka pasur disa tentativa më parë.

Më tej, eksperti tha se burgu i Korydallos ka sjellë shqetësim për banorët dhe se, nëse Jani Aliaj do të ishte në Shqipëri, do të eliminohej.

“Ka pasur tentativë tjetër për vrasje nga grupe të tjera arabe. Vrasësi i Jani Aliajt është me pagesë dhe ai ka burgim të përjetshëm; ai ndodhet në burg, por i marrin familjarët e tyre. Mendoj dhe dyshoj që, pas një viti, viktima, nëse do kishte shpëtuar, mund të kishte pësuar një atentat tjetër brenda sistemit shqiptar, për shkak të shumave të mëdha të parave që mendohet se janë përdorur në burgun e sigurisë së lartë.

Në Korydallos ka sende të paligjshme, mjete të mprehta posedohen lehtësisht; është vetëm statusi nëse mund t’i sigurosh, ndaj nuk është fare e vështirë.

Ka pasur kërkesa nga banorët që ai burg duhej të mbyllej, sepse ka pasur tentativa edhe me dronë për të kryer krime. “, tha Karamuço.

Dashi
Të lindur më: 21 Mars – 19 Prill
Në dashuri, sot mund të ndiheni të pasigurt për ndjenjat e partnerit, por një bisedë e hapur do të sjellë qetësi në marrëdhënie. Beqarët do të kenë mundësi të reja për njohje, por duhet të tregojnë kujdes që të mos idealizojnë askënd. Në punë, një projekt i rëndësishëm kërkon përqendrim të madh, por energjia juaj është e lartë dhe do të mund ta çoni përpara me sukses. Kujdesuni për shëndetin, sidomos ndaj lodhjes mendore, pasi stresi mund të ndikojë në mirëqenien tuaj. Financat janë të qëndrueshme, por shmangni shpenzimet impulsive. Sot është një ditë e mirë për të bërë plane të reja dhe për të rishikuar qëllimet tuaja. Mbani një qëndrim pozitiv dhe mos lejoni që të tjerët t’ju dekurajojnë.

Demi
Të lindur më: 20 Prill – 20 Maj
Sot do të ndiheni të lidhur më shumë me partnerin tuaj dhe do të ndani momente të bukura së bashku. Për beqarët, një takim i papritur mund të sjellë emocione të forta, por mos nxitoni në vendime. Në aspektin profesional, sfida të reja do të kërkojnë kreativitet dhe aftësi për të bashkëpunuar me të tjerët. Mos neglizhoni shëndetin tuaj, sidomos nëse keni pasur shqetësime të vogla kohët e fundit. Financat kërkojnë kujdes pasi mund të shfaqen shpenzime të papritura. Mundohuni të mbani nën kontroll buxhetin dhe të mos bëni investime të rrezikshme. Dita është e përshtatshme për të reflektuar mbi prioritetet tuaja dhe për të bërë ndryshime të nevojshme.

Binjakët
Të lindur më: 21 Maj – 20 Qershor
Në marrëdhënie sentimentale, sot mund të ndjeni një dëshirë për më shumë afërsi dhe sinqeritet me partnerin. Mos kini frikë të shprehni ndjenjat tuaja, pasi do të vlerësoheni për hapjen tuaj. Beqarët do të tërheqin vëmendje, por do të duhet të bëjnë një zgjedhje të rëndësishme. Në punë, mund të përballeni me një situatë të papritur që kërkon fleksibilitet dhe zgjidhje të shpejta. Shëndeti është i mirë, por aktiviteti fizik do t’ju ndihmojë të ndiheni më energjikë. Financat janë nën kontroll, por është koha për të kursyer më shumë. Sot është e rëndësishme të besoni në instinktet tuaja dhe të merrni vendime të menduara mirë.

Gaforrja
Të lindur më: 21 Qershor – 22 Korrik
Në dashuri, dita sjell qetësi dhe mirëkuptim në raportet ekzistuese, ndërsa për beqarët mund të lindë një miqësi që kthehet në diçka më shumë. Mos u tërhiqni nga ndjenjat, pasi ato mund t’ju çojnë drejt një lidhjeje të qëndrueshme. Në punë, përpjekjet tuaja të vazhdueshme do të shpërblehen me vlerësime nga kolegët ose eprorët. Kujdesuni për shëndetin, veçanërisht nëse keni pasur lodhje të tepërt kohët e fundit. Financat janë në përmirësim, por është mirë të shmangni borxhet ose huatë sot. Një lajm i mirë mund të vijë në lidhje me një projekt të rëndësishëm. Mos humbni besimin në vetvete dhe vazhdoni të ndiqni qëllimet tuaja.

Luani
Të lindur më: 23 Korrik – 22 Gusht
Në marrëdhënie, sot mund të ndjeni nevojën për të ndryshuar rutinën dhe për të sjellë më shumë pasion në lidhjen tuaj. Beqarët do të kenë mundësi për aventura të reja, por duhet të jenë të qartë me ndjenjat e tyre. Në punë, dita sjell mundësi për bashkëpunim dhe ide të reja që do t’ju ndihmojnë të avanconi. Shëndeti kërkon kujdes, sidomos nëse keni lënë pas dore ushqimin ose aktivitetin fizik. Financat janë stabile, por është mirë të bëni një plan afatgjatë për të ardhmen. Sot është dita për të ndërmarrë hapa të guximshëm dhe për të ndjekur dëshirat tuaja. Mos u frikësoni nga ndryshimet, ato do t’ju sjellin përfitime.

Virgjëresha
Të lindur më: 23 Gusht – 22 Shtator
Në dashuri, mund të hasni keqkuptime të vogla me partnerin, por me pak durim gjithçka do të zgjidhet. Beqarët do të jenë tërheqës dhe do të kenë mundësi për njohje të reja interesante. Në punë, do të dalloheni për këmbënguljen dhe përkushtimin tuaj, gjë që mund të sjellë një shpërblim të vogël financiar. Kujdesuni për shëndetin, sidomos për sistemin nervor, pasi tensioni mund të ndikojë në energjinë tuaj. Financat janë të qëndrueshme, por është mirë të shmangni shpenzimet për gjëra të panevojshme. Dita është e përshtatshme për të bërë plane të reja dhe për të rishikuar marrëveshje të rëndësishme. Mos lejoni që pasiguritë t’ju ndalojnë të ecni përpara.

Peshorja
Të lindur më: 23 Shtator – 22 Tetor
Në lidhje, sot do të keni mundësi të forconi marrëdhënien tuaj përmes komunikimit të sinqertë dhe të hapur. Beqarët do të ndihen tërheqës dhe mund të fillojnë një flirt që do të ketë potencial të madh për të ardhmen. Në punë, do të përballeni me sfida që do të testojnë aftësitë tuaja drejtuese, por do t’ia dilni mbanë. Shëndeti është i mirë, por mos neglizhoni pushimin e mjaftueshëm për të ruajtur ekuilibrin tuaj. Financat janë të mira, por mund të merrni një ofertë të papritur që kërkon vëmendje. Sot është një ditë e mirë për të marrë përgjegjësi të reja dhe për të treguar veten. Kini besim në talentet tuaja dhe mos hezitoni të kërkoni ndihmë kur është e nevojshme.

Akrepi
Të lindur më: 23 Tetor – 21 Nëntor
Në dashuri, dita sjell emocione të forta dhe mundësi për të thelluar lidhjen me partnerin tuaj. Beqarët mund të marrin një mesazh nga dikush që e kanë njohur prej kohësh, duke krijuar emocione të reja. Në punë, do të keni mundësi të merrni pjesë në një projekt të rëndësishëm që do të rrisë reputacionin tuaj. Kujdesuni për shëndetin, sidomos për sistemin tretës dhe konsumoni ushqime të lehta. Financat janë në përmirësim, por është mirë të mos bëni shpenzime të mëdha pa menduar mirë. Sot është momenti të merrni iniciativën dhe të mos prisni që të tjerët t’ju udhëheqin. Vlerësoni arritjet tuaja dhe jini mirënjohës për çdo përparim.

Shigjetari
Të lindur më: 22 Nëntor – 21 Dhjetor
Në marrëdhënie, mund të përballeni me ndonjë debat të vogël, por dialogu do të ndihmojë për të gjetur zgjidhje. Beqarët do të jenë të hapur ndaj njohjeve të reja, por duhet të kenë kujdes nga iluzionet e kota. Në punë, një koleg mund të vijë me një propozim interesant që vlen të merret në konsideratë. Shëndeti është i mirë, por është koha të nisni një regjim të ri ushqimor ose aktivitet fizik. Financat kërkojnë kujdes, pasi mund të lindë një shpenzim i papritur. Sot është e rëndësishme të jeni të durueshëm dhe të mos merrni vendime të nxituara. Besoni në potencialin tuaj dhe mos lejoni që të tjerët t’ju ndikojnë negativisht.

Bricjapi
Të lindur më: 22 Dhjetor – 19 Janar
Në dashuri, sot do të keni dëshirë të ndani më shumë kohë me partnerin dhe të forconi lidhjen përmes aktiviteteve të përbashkëta. Beqarët do të ndihen tërheqës dhe mund të kenë një takim të rëndësishëm që do të ndryshojë pikëpamjet e tyre. Në punë, mund të merrni përgjegjësi të reja që do të vlerësohen nga eprorët. Kujdesuni për shëndetin, sidomos për pjesën e shpinës dhe muskujve. Financat janë të qëndrueshme, por është mirë të analizoni shpenzimet dhe të bëni rregullime të nevojshme. Sot është dita për të menduar për të ardhmen dhe për të bërë plane ambicioze. Mos lejoni që vështirësitë t’ju dekurajojnë, pasi gjithçka është e arritshme me përkushtim.

Ujori
Të lindur më: 20 Janar – 18 Shkurt
Në marrëdhënie, sot mund të ndjeni një ndryshim në energjinë e partnerit, por është e rëndësishme të mos bëni përfundime të nxituara. Beqarët do të kenë mundësi të reja për të njohur dikë me interesa të përbashkëta. Në punë, do të përballeni me detyra të vështira, por këmbëngulja juaj do të shpërblehet. Kujdesuni për shëndetin, sidomos për sistemin imunitar, duke marrë masa parandaluese. Financat janë në një fazë të qëndrueshme, por është këshillueshme të mos bëni investime të mëdha për momentin. Sot është një ditë e mirë për të reflektuar mbi qëllimet tuaja dhe për të bërë ndryshime pozitive. Mos ngurroni të kërkoni ndihmë nga miqtë ose familja nëse keni nevojë.

Peshqit
Të lindur më: 19 Shkurt – 20 Mars
Në dashuri, dita sjell qetësi dhe harmoni, por është e rëndësishme të mos lini pas dore nevojat e partnerit tuaj. Beqarët mund të ndihen të pavendosur, por një takim i rastësishëm mund të sjellë surpriza të këndshme. Në punë, do të keni mundësi të shfaqni aftësitë tuaja organizative dhe të merrni vlerësim nga kolegët. Shëndeti është i mirë, por mos e teproni me ushqimin apo pijet. Financat janë të mira, por është koha të filloni të kurseni për projekte të ardhshme. Sot është momenti të vendosni prioritete dhe të mos shpërqendroheni nga detajet e vogla. Jini të kujdesshëm me fjalët dhe veprimet tuaja, pasi gjithçka ka ndikim në të ardhmen.

The post Horoskopi 20 Janar 2026, zbuloni parashikimin e yjeve për shenjën tuaj appeared first on Albeu.com.

Londrim Mekaj ka hedhur dyshime për Klodian Mihajn nëse është biseksual.

Në klipin përmbledhës që u publikua në Prime shihet një bisedë mes tyre.

Ka qenë Londrimi që e ka pyetur Klodin nëse është biseksual pasi ka pasur dyshime për këtë.

Teksa pyetet për këtë, Klodi ka qenë i habitur dhe ka reaguar menjëherë.

I njëjti thekson se nuk është biseksual dhe se e pyet më tej për arsyet se pse mendon një gjë të tillë.

“Më beso, kjo për mua është e çuditshme”, i tha në fund Klodi.

The post Londrimi hedh dyshime tek Klodi/ Bis*ksual apo jo? appeared first on Albeu.com.

Qendra Spitalore Universitare “Nënë Tereza” ka reaguar pas ikjes së dritave ndë disa zona të Tiranës. Në reagim thuhet se falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Spitali thekson gjithashtu se menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

Reagimi:

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.
QSUT ka ngritur menjehere grupin e punës për verifikimin e situatës.

The post “Nuk u cënua jeta e pacientëve”/ Ndërprerja e energjisë elektrike, reagon spitali: Aktivizuam pajisjet jetësore appeared first on Albeu.com.

Duket sikur të gjithë flasin për “targetin” e proteinës. Dhe ka arsye: proteina është thelbësore sepse ndihmon në ndërtimin dhe riparimin e muskujve, lëkurës, flokëve dhe thonjve, si edhe në funksione jetike të metabolizmit, si prodhimi i hormoneve dhe mbështetja e sistemit imunitar.

“Proteina duhet të jetë protagonistja e çdo diete,” thotë mjekja María José Crispín. “Por nuk duhet të mbështetesh te një burim i vetëm, si p.sh. pulë ose vezë çdo ditë. Synimi është shumëllojshmëria.” Ajo përmend si opsione peshkun nga burime të qëndrueshme, vezët dhe produktet organike të qumështit, si edhe burime bimore si arrat, quinoa dhe thjerrëzat.

Dhe ka edhe një paralajmërim: po, mund të hash edhe më shumë proteina seç të duhen. Sidomos tani që “proteina” po i shtohet edhe karameleve, kafesë, kokoshkave e të tjera, bëhet edhe më e rëndësishme të dish çfarë sasie të shkon.

Sa proteina të duhen?
Nuk ka një përgjigje fikse për të gjithë. Si rregull i përgjithshëm për një person aktiv, shpesh përmendet rreth 2 gramë për kilogram peshë trupore, por kjo ndryshon nëse je shtatzënë, nëse synon të shtosh masë muskulore, ose nëse je shumë aktive. Nëse s’të pëlqejnë llogaritjet, një kalkulator mund të të japë një vlerësim më të saktë.

Dietologia e regjistruar Lisa McDowell jep një rregull praktik: “Proteina në pjatë të jetë të paktën sa madhësia e pëllëmbës tënde.” Rreth 30 gramë, afërsisht.

Si ta kuptosh që të duhet më shumë proteinë
Katër shenja tipike kur proteina mungon janë: lodhje, humbje e masës muskulore, rënie e fortë e flokëve dhe ndjesia që je gjithmonë e uritur edhe pasi ke ngrënë. Vaktet e balancuara, përfshirë proteinën, janë të rëndësishme për imunitetin dhe rregullimin e hormoneve.

Si ta kuptosh që po e tepron me proteinën
Çfarë ndodh kur e shton pa kriter? Sipas Brittany Towers Lewis, e njohur si “The Black Food Scientist”, Shoqata Ndërkombëtare e Ushqyerjes Sportive ka studiuar se, mesatarisht, trupi përdor rreth 20–30 gramë proteina pas një vakti. Kjo shifër mund të rritet nëse ushtron shpesh dhe ke nevojë për më shumë riparim muskulor. Por nëse rri ulur gjithë ditën, trupi nuk ka të njëjtën kërkesë, dhe një pjesë e proteinës nuk përdoret “me vlerë”.

Përveç faktit që mund të “shpërdorosh” lëndë ushqyese, ka edhe shqetësime të tjera fizike: teprica mund të rrisë rrezikun për gurë në veshka. Dietat shumë të larta në proteina shtazore dhe të ulëta në karbohidrate mund të rrisin aciditetin në veshka. Nëse ke probleme ekzistuese me veshkat, situata mund të përkeqësohet.

Lewis shton se produktet “me proteina të shtuara” si karamele, kokoshka apo kafe, për shumicën e njerëzve nuk janë të nevojshme dhe shpesh hyjnë te kategoria e teprimit. “Mesatarisht, njeriu nuk ka pse t’i konsumojë çdo ditë. Më e rëndësishme është cilësia e proteinës.”

Në fund, ideja s’është “sa më shumë, aq më mirë”, por “sa duhet dhe nga burime të mira”./mxh

Policia e Kosovës ka njoftuar se ka ekstraduar në Maqedoninë e Veriut një person që ishte i kërkuar me urdhër arrest ndërkombëtar. Bëhet fjalë për një shtetas të Maqedonisë.

Personi i ekstraduar ishte arrestuar më herët nga njësitet e Policisë së Kosovës, pasi që i njëjti kërkohej me urdhër arresti ndërkombëtar të lëshuar nga institucionet e drejtësisë së Maqedonisë së Veriut. I dyshuari ishte i arratisur nga burgu, ku ishte duke vuajtur dënimin për veprën penale “Grabitje”.

“Procesi i ekstradimit është realizuar në përputhje me procedurat ligjore në fuqi dhe falë bashkëpunimit të ngushtë ndërinstitucional ndërmjet autoriteteve të Republikës së Kosovës dhe atyre të Maqedonisë së Veriut”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Ekstradohet nga Kosova për në Maqedoninë e Veriut personi i kërkuar me urdhër-arrest ndërkombëtar appeared first on Sinjali.

Ministria e Shëndetësisë (MSH) ka reaguar lidhur me raportimet në media dhe në rrjete sociale, ku pretendohet se një individ dyshohet se ka ofruar ilaçe duke i paraqitur ato si trajtim për autizëm.

Në reagimin e saj, Ministria ka shprehur shqetësim për këto raportime dhe u ka bërë thirrje qytetarëve që t’u besojnë vetëm metodave të verifikuara shkencërisht, të cilat ofrohen nga institucione dhe profesionistë shëndetësorë të licencuar.

MSH ka bërë të ditur se për këtë rast ka njoftuar institucionet kompetente dhe se është në koordinim të vazhdueshëm me Policinë e Kosovës për trajtimin e mëtejmë të çështjes, në përputhje me kompetencat ligjore.

“Shëndeti i fëmijëve mbetet prioritet absolut dhe çdo keqpërdorim që e rrezikon atë do të trajtohet me seriozitet të lartë institucional”, thuhet në reagimin e Ministrisë së Shëndetësisë

Sinjali – aty ku e vërteta flet para lajmit!

/GazetaSinjali/

The post Pretendime për ofrim ilaçesh si trajtim për autizëm, reagon Ministria e Shëndetësisë appeared first on Sinjali.