Një person i kërkuar me urdhërarrest aktiv ka rënë në prangat e Policisë së Kosovës në orët e hershme të mëngjesit në Prishtinë, mëson ekskluzivisht Gazeta Sinjali.
Burime bëjnë me dije se më 25 dhjetor 2025, rreth orës 04:00, njësitë e Stacionit Policor Jugu kanë ndaluar Ridon Llapashticën, i cili pas verifikimit ka rezultuar me urdhërarrest aktiv të lëshuar nga autoritetet kompetente. I njëjti është shoqëruar fillimisht në Stacionin Policor.
Pas njoftimit të Prokurores kujdestare, është nxjerrë aktvendim për ndalimin e të dyshuarit në afat prej 48 orësh. Ai është dërguar në Qendrën e Ndalimit.
Rasti do të trajtohet në procedurë të mëtejme nga organet e drejtësisë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një rast i rëndë dhunimi ndaj një të miture është zbardhur nga Policia në Podujevë, ku si i dyshuar është arrestuar Mërgim Havolli, rreth 37-vjeçar nga fshati Llapashticë e Epërme.
Sipas të dhënave, viktima A.H., rreth 16-vjeçare është intervistuar më 24 dhjetor 2025 në prani të Njësisë për Hetimin e Krimeve, NJHP-së dhe zyrtares së QPS-së, ku ka deklaruar se është dhunuar seksualisht nga i dyshuari në disa periudha kohore ndër vite.
Rasti i fundit, sipas deklarimit të viktimës, ka ndodhur më 19 dhjetor 2025 rreth orës 18:00.
Pas veprimeve hetimore, Policia ka arrestuar të dyshuarin, i cili është intervistuar në prani të avokatit mbrojtës. Me urdhër të Prokurorit për të Mitur, ndaj tij është caktuar masa e ndalimit për 48 orë, nën dyshimin për kryerjen e veprës penale “Dhunim”.
Rasti pritet të trajtohet më tej nga Njësia për Hetimin e Krimeve ndaj të Miturve, ndërsa hetimet janë në vazhdim.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një aksion policor është zhvilluar më 24 dhjetor 2025 në fshatin Koliq të Prishtinës, ku njësitet policore kanë zbuluar dhe sekuestruar armë zjarri dhe municion të konsiderueshëm, mëson Sinjali nga burime të sigurta.
Sipas informacioneve, rreth orës 09:00 njësitet e inteligjencës së Stacionit Policor Veriu kanë identifikuar një veturë të tipit Chevrolet, me targa suedeze, e cila pas verifikimeve ka rezultuar si veturë në kërkim nga autoritetet e Suedisë.
Lidhur me këtë rast është angazhuar njësia për auto-krime, e cila ka proceduar personin e dyshuar Fatlum Bajrami.
Gjatë veprimeve operative, policia ka pranuar edhe informata se në lokacion mund të ketë armë zjarri. Me pëlqimin e të dyshuarit dhe në konsultim me Prokurorin kujdestar, është kontrolluar shtëpia e tij, ku janë gjetur dhe sekuestruar: një armë automatike AK-47, një armë shotgun, dy karikatorë për AK-47, 33 fishekë të kalibrit 7.62 mm, 32 fishekë të kalibrit 9.19 (gaz), 26 fishekë gjuetie.
I dyshuari është intervistuar në prani të avokatit mbrojtës, ndërsa me vendim të Prokurorit kujdestar është liruar në procedurë të rregullt.
Rasti është iniciuar për veprën penale “Mbajtje në pronësi, kontroll ose posedim të paautorizuar të armëve”, ndërsa hetimet janë në vazhdim.
Sinjali do t’ju mbajë të informuar për çdo zhvillim të ri lidhur me këtë rast.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Siguria publike në Kosovë po cenohet nga krime të natyrave të ndryshme, e sidomos nga vjedhjet. Ky fenomen mjaft shqetësues, po shkakton pasiguri e humbje të mëdha. Hajnat, herë të vetëm e herë në grup arrijnë të bëjnë kërdi në biznese, shtëpi, objekte fetare e në lokale të ndryshme, raporton Gazeta Sinjali.
Kështu, një rast i rëndë vjedhjeje që kishte tronditur opinionin publik në Ferizaj është zbardhur pas dy javësh hetime intensive nga Policia e Kosovës.
Ngjarja kishte ndodhur më 9 dhjetor 2025, rreth orës 18:30, në rrugën “Hamzë Jashari”, konkretisht në objektin fetar të njohur si “Xhamia e Vogël”, ku një person i panjohur kishte hyrë me forcë, duke thyer derën e zyrës dhe më pas kishte vjedhur Arkën e Bamirësisë, në të cilën ndodheshin rreth 100 euro.
Rasti ishte raportuar më 10 dhjetor 2025, ndërsa e gjithë ngjarja ishte regjistruar nga kamerat e sigurisë së objektit fetar.
Pas hetimeve të zhvilluara nga Njësia e Hetimeve të Stacionit Policor në Ferizaj, më 24 dhjetor 2025, policia ka arritur të identifikojë dhe arrestojë të dyshuarin kryesor, Fatlum Geri-Ahmeti, rreth 29-vjeçar.
Burime të besueshme nga strukturat e afërta me hetimin bëjnë me dije se gjatë kontrollit, nga i dyshuari janë sekuestruar disa palë këpucë, të cilat dyshohet se janë përdorur gjatë kryerjes së vjedhjes dhe do të shërbejnë si prova materiale në procedurën penale.
I dyshuari është shoqëruar në Stacionin Policor në Ferizaj, ku është intervistuar në prani të avokatit mbrojtës. Me autorizim të Prokurorit kujdestar, ndaj tij është caktuar masa e ndalimit për 48 orë.
Hetimet për këtë rast po vazhdojnë, ndërsa pritet që i dyshuari të përballet me procedura të mëtejme penale për veprën “Vjedhje e rëndë”.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një seri vjedhjesh nga veturat e parkuara në Fushë Kosovë ka çuar në identifikimin dhe arrestimin e një personi të dyshuar, i cili fillimisht ishte shpallur në kërkim policor.
Ngjarja ka ndodhur më 24 dhjetor 2025, rreth orës 02:45, në rrugën “Vëllezërit Majaci” në Fushë Kosovë, konkretisht në parkingun e objektit “Kosova Home”, ku janë thyer shtatë (7) vetura, si dhe një veturë tjetër në rrugën “Nënë Tereza”.
Nga veturat ishin vjedhur një sasi e konsiderueshme e veglave të punës, në pronësi të disa qytetarëve.
Burime të sigurta të Sinjalit bëjnë me dije se pas veprimeve intensive hetimore, Sektori i Hetimeve në Fushë Kosovë ka arritur të arrestojnë të dyshuarin Ersan Haliti, rreth 21-vjeçar.
Me aprovim verbal të Prokurorit Kujdestar dhe me pëlqimin e pronarit të shtëpisë, policia ka kryer kontroll në adresën e banimit të të dyshuarit, ku janë gjetur shumica e mjeteve të vjedhura, si dhe rrobat që dyshohet se janë përdorur gjatë kryerjes së veprës penale.
Sipas udhëzimit të Prokurorit Kujdestar, gjësendet e konfiskuara u janë kthyer pronarëve legjitimë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një zyrtar policor i Policisë së Kosovës është dërguar në paraburgim prej 30 ditësh, nën dyshimin për marrje ryshfeti, keqpërdorim të detyrës zyrtare dhe ndihmë në kalim të paautorizuar të kufirit, në një rast që ka tronditur integritetin e kontrollit kufitar në PKK Vërmicë.
Burime të sigurta bëjnë të ditur se seanca për caktimin e paraburgimit është mbajtur në ambientet spitalore, për shkak se i dyshuari ka pasur probleme shëndetësore të natyrës kardiake.
Pavarësisht gjendjes shëndetësore, gjykata ka vlerësuar se ekzistojnë dyshime të bazuara, rrezik i ndikimit në dëshmitarë dhe rrezik i përsëritjes së veprës penale, duke aprovuar masën më të rëndë të sigurisë.
Çfarë dyshohet se ka ndodhur?
Sipas materialeve hetimore, rasti lidhet me një ngjarje të ndodhur më 22 dhjetor 2025, rreth orës 08:10, në Pikën Kufitare Vërmicë. Dyshohet se zyrtari policor, duke shfrytëzuar pozitën dhe uniformën zyrtare, ka kërkuar dhe pranuar ryshfet për të lejuar kalimin e një shtetasi të huaj, të cilit më herët i ishte refuzuar hyrja në Kosovë për mungesë dokumentacioni.
Hetimet tregojnë se i dyshuari ka vepruar në mënyrë të drejtpërdrejtë, duke e shoqëruar këmbë personin përtej vijës kufitare, për ta futur në territorin e Kosovës, ndërsa më pas dyshohet se ka pranuar shumën prej 50 eurosh si kundërshpërblim. Personi i futur ilegalisht është dërguar më pas drejt Prizrenit.
Çfarë u gjet dhe u sekuestrua?
Gjatë kontrollit në banesën e zyrtarit policor, hetuesit kanë sekuestruar materiale të shumta, të cilat po trajtohen si prova potenciale në zgjerimin e hetimeve, përfshirë: 27 fletëparaqitje për kundërvajtje, raport aksidenti, dokumente personale të qytetarëve të ndryshëm (përfshirë kopje letërnjoftimesh), telefon celular, i cili do t’i nënshtrohet ekspertizës digjitale.
Burimet theksojnë se këto prova ngrejnë dyshime serioze se rasti mund të mos jetë i izoluar, dhe se hetimet mund të zgjerojnë fokusin edhe në raste të tjera të përfitimit të paligjshëm.
Pse u caktua paraburgimi?
Prokuroria ka argumentuar se: ekziston rrezik real i arratisjes, rrezik i ndikimit në dëshmitarë dhe zyrtarë të tjerë, mundësi e fshehjes ose manipulimit të provave, si dhe rrezik i përsëritjes së veprës penale, duke marrë parasysh pozitën zyrtare dhe natyrën e dyshimeve.
Gjykata ka vlerësuar se masat më të buta (si arrest shtëpiak apo paraqitje në polici) janë të pamjaftueshme për këtë fazë të procedurës.
Hetimet në vazhdim
Rasti po trajtohet nga Departamenti për Krime të Rënda, ndërsa burime nga organet e hetimit bëjnë të ditur se po analizohen edhe lidhje të mundshme me persona të tjerë, përfshirë mënyrën e funksionimit në PKK Vërmicë dhe raste të ngjashme të dyshuara.
Sinjali do të vijojë të raportojë ekskluzivisht për çdo zhvillim të ri, përfshirë rezultatet e ekspertizave, zgjerimin e hetimeve dhe vendimet e radhës të gjykatës.
Një zyrtar policor i Policisë së Kosovës ka përfunduar në paraburgim për 30 ditë, nën dyshimet serioze për përfshirje në veprimtari korruptive gjatë ushtrimit të detyrës zyrtare.
Burime të sigurta bëjnë me dije se zyrtari policor Arton Krasniqi, me detyrë në Pikën Kufitare të Vermicës, dyshohet se ka kërkuar dhe pranuar ryshfet për të lejuar kalimin e paligjshëm të një shtetasi të huaj në territorin e Republikës së Kosovës, pavarësisht se i njëjti ishte i refuzuar më herët për hyrje në vend.
Sipas burimeve, ngjarja ka ndodhur më 22 dhjetor 2025, rreth orës 08:00, në Pikën Kufitare të Vermicës, ku polici, duke shfrytëzuar uniformën dhe pozitën e tij zyrtare, ka kërkuar shumë parash për të mundësuar kalimin e kufirit. Ryshfeti dyshohet të jetë pranuar në vlerë prej 50 eurosh.
Në këtë rast, i përfshirë dyshohet të jetë edhe Bosko Cerimovic, shtetas i Serbisë, i cili dyshohet se ka ofruar ryshfet dhe ka hyrë në mënyrë të paligjshme në Kosovë.
Gazeta Sinjali mëson ekskluzivisht se seanca për caktimin e masës së paraburgimit është mbajtur në ambientet e spitalit, pasi zyrtari policor ndodhet nën trajtim mjekësor për probleme shëndetësore të natyrës kardiake. Burimet bëjnë me dije se gjendja shëndetësore e tij është marrë parasysh vetëm për vendin e mbajtjes së seancës, por jo për lehtësim të masës së sigurisë.
Hetimet kanë nxjerrë në pah edhe prova të tjera materiale, përfshirë komunikime telefonike, lëvizje të dyshimta dhe dokumente që dyshohet se janë përdorur për kalime të paligjshme kufitare.
Për shkak të rrezikut të ndikimit në dëshmitarë, fshehjes së provave dhe përsëritjes së veprës penale, gjykata ka vlerësuar se masa e paraburgimit është e domosdoshme në këtë fazë të procedurës.
Rasti po trajtohet nga Departamenti për Krime të Rënda, ndërsa hetimet janë në zhvillim dhe nuk përjashtohet mundësia që të ketë të dyshuar të tjerë të përfshirë në këtë skemë.
Gazeta Sinjali do të vazhdojë të raportojë për çdo zhvillim të ri lidhur me këtë rast që trondit besimin në institucionet e rendit dhe ligjit.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një aksion i njësive antidrogë në Istog ka rezultuar me arrestimin e Fatmir Dacit, rreth 30-vjeçar, i cili dyshohet për posedim të paautorizuar të narkotikëve dhe mbajtje të paautorizuar të armëve.
Ngjarja ka ndodhur më 23 dhjetor 2025, rreth orës 22:00, kur njësitet e DHTN-së nga Peja, në kuadër të një plani operativ, kanë ndaluar për kontroll një veturë BMW X6, ngjyrë vishnje, e cila drejtohej nga i dyshuari.
Gjatë kontrollit të automjetit, zyrtarët policorë kanë gjetur një qese plasmasi me substancë të dyshuar narkotike të llojit kokainë, me peshë totale 25.5 gramë, si dhe një brisk me gjatësi rreth 8 centimetra, i cili dyshohet se ishte në posedim të të dyshuarit.
Gazeta Sinjali mëson ekskluzivisht se në veturë ndodhej edhe një pasagjer, Arlind Tahiri, rreth 21-vjeçar, i cili është intervistuar në cilësinë e dëshmitarit dhe më pas është liruar me urdhër të Prokurorit të Shtetit.
Ndërkohë, Fatmir Daci është dërguar në mbajtje për 48 orë, ndërsa ndaj tij është iniciuar procedurë penale për veprat: “Posedim i paautorizuar i narkotikëve, substancave psikotrope ose analoge” , “Mbajtje në pronësi, kontroll ose posedim i paautorizuar të armëve”
Hetimet për rastin po vazhdojnë nga DHTN – Pejë, në koordinim me Prokurorinë kompetente, ndërsa nuk përjashtohet mundësia e zgjerimit të hetimeve edhe në pista të tjera.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një aksion policor i zhvilluar mbrëmjen e 23 dhjetorit 2025, rreth orës 22:00, në qytetin e Istogut, ka përfunduar me arrestimin e një personi të dyshuar për posedim të paautorizuar të narkotikëve dhe armëve.
Gazeta Sinjali mëson ekskluzivisht se njësitë e DHTN-së në Pejë, në kuadër të një plani operativ, kanë ndaluar për kontroll një veturë të tipit BMW X6, me ngjyrë vishnje, të cilën e drejtonte F. D., rreth 30-vjeçar, ndërsa si pasagjer ndodhej A. T., rreth 21-vjeçar.
Gjatë kontrollit të automjetit, zyrtarët policorë kanë gjetur dhe sekuestruar: 25.5 gram kokainë (peshë bruto), të paketuar në një qese plastike, një brisk me gjatësi tehu 8 cm, i konsideruar armë e ftohtë
Burimet bëjnë me dije se për rastin është njoftuar Prokurori i Shtetit, i cili ka udhëzuar që dëshmitari të intervistohet dhe më pas të lirohet, ndërsa ndaj F. D është caktuar masa e ndalimit prej 48 orësh.
Me urdhër të Prokurorit, ndaj të dyshuarit është iniciuar rasti penal për: “Posedim të paautorizuar të narkotikëve, substancave psikotrope ose analoge”, “Mbajtje në pronësi, kontroll ose posedim të paautorizuar të armëve”
Hetimet lidhur me këtë rast po vazhdojnë nga DHTN – Pejë, ndërsa priten edhe veprime të tjera procedurale nga organet e drejtësisë.
Një i mitur është arrestuar pasditen e së martës në Klinë, pasi u kap në posedim të substancave narkotike.
Ngjarja ka ndodhur më 23 dhjetor 2025, rreth orës 15:30, në rrugën “Ilir Merturi”, ku patrulla policore gjatë patrullimit ka ndaluar të dyshuarin F.G., rreth 17-vjeçar. Gjatë kontrollit, policia ka gjetur një qese me substancë të dyshuar narkotike të llojit marihuanë, e cila pas matjes nga njësia antidrogë ka rezultuar me peshë 8.4 gramë, si dhe një pako rizlla dhe një grinder.
I dyshuari është shoqëruar në Stacionin Policor në Klinë dhe është intervistuar në prani të prindit dhe avokatit mbrojtës. Pas konsultimit me Prokurorin Kujdestar të Shtetit, rasti është iniciuar si “Posedim i paautorizuar i narkotikëve, substancave psikotrope ose analoge”, ndërsa i mituri është liruar në procedurë të rregullt.
Rasti mbetet në trajtim të mëtejmë nga organet kompetente.
Një operacion i zhvilluar dje në qytetin e Pejës për “krim të organizuar, rrëmbim, armëmbajtje pa leje” ka rezultuar edhe me arrestimin e personit të dytë.
Gazeta Sinjali merr vesh ekskluzivisht se i arrestuar ka mbetur edhe Ymer Loci.
Operacion është realizuar në bazë të një urdhri për kontroll, dhe ishte i fokusuar në dyshimet për kryerjen e veprave penale, si: krim i organizuar, rrëmbim dhe armëmbajtje pa leje
I arrestuar për të njëjtin rast ka mbetur edhe Rifa Halitaj.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një incident i rëndë ka ndodhur mbrëmjen e 22 dhjetorit 2025 në Stacionin Policor në Rahovec, ku një person i ndaluar për veprën penale “Zjarrvënie” ka tentuar të arratiset nga dhomat e ndalimit.
Burimet bëjnë me dije se i dyshuari Halil Hoti i cili ndodhej nën masën e ndalimit policor, rreth orës 21:00 ka arritur që me forcë të hapë derën e dhomës së ndalimit nr. 4 dhe të dalë nga ambientet e stacionit policor me qëllim arratisjeje.
Megjithatë, reagimi i shpejtë i patrullave policore ka bërë që i njëjti të kapet brenda një distance të shkurtër dhe të rikthehet sërish në Stacionin Policor Rahovec.
Pas arrestimit të dytë, i dyshuari është dërguar për tretman mjekësor, ndërsa më pas është kthyer dhe vendosur në dhomën e ndalimit në të njëjtin stacion policor.
Lidhur me rastin janë njoftuar të gjitha njësitë relevante policore, si dhe Prokurorja kujdestare, e cila ka urdhëruar inicimin e rastit penal “Arratisja e personit të privuar nga liria”.
Hetimet lidhur me këtë incident janë në vazhdim.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një incident serioz është shënuar mëngjesin e 22 dhjetorit 2025 në fshatin Dumnicë e Poshtme të Podujevës, ku pas një mosmarrëveshjeje mes disa personave, situata ka eskaluar në sulm fizik dhe tentim për përdorim të mjetit të fortë.
Burime të Gazetës Sinjali bëjnë të ditur se në këtë rast janë përfshirë dy vëllezër, Yzdri Kosumi dhe Jetullah Kosumi, të cilët dyshohen se kanë sulmuar ankuesin A. O.
Sipas deklarimit të ankuesit në Stacionin Policor të Podujevës, pas ndalimit të dy automjeteve në rrugë, Yzdri Kosumi e ka goditur me shuplakë, ndërsa vëllai i tij, Jetullah Kosumi, ka tentuar të nxjerrë një mjet të fortë – pajser – nga bagazhi i veturës. Situata është neutralizuar falë ndërhyrjes së kalimtarëve të rastit, duke parandaluar përshkallëzimin e mëtejmë të konfliktit.
Në lidhje me rastin është intervistuar edhe një dëshmitar okular, A. O., i cili ka konfirmuar versionin e ankuesit, duke deklaruar se ka parë goditjen me shuplakë dhe tentimin për marrjen e mjetit të fortë.
Njëri nga të dyshuarit është intervistuar në prani të avokatit mbrojtës, ku ka pranuar goditjen me shuplakë, por ka mohuar tentimin për përdorimin e pajserit. Ndërkohë, i dyshuari tjetër nuk është hasur në shtëpinë e tij dhe vijon kërkimi.
Me urdhër të Prokurorit kujdestar, rasti është iniciuar si “Sulm”, ndërsa është caktuar masa e ndalimit prej 48 orësh për të dyshuarin dhe është urdhëruar inicimi i kallëzimit penal. Hetimet për këtë rast janë duke vazhduar nga njësia përkatëse hetimore.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një arsenal armësh është zbuluar nga Policia e Kosovës në një shtëpi të pabanuar në fshatin Rvatska të Leposaviqit, gjatë një patrullimi rutinë të njësive policore.
Ngjarja ka ndodhur më 19 dhjetor 2025, rreth orës 22:07, kur njësitë e NJNSH-së kanë vërejtur se dera e një shtëpie të pabanuar ishte e hapur. Gjatë kontrollit fillestar në objekt, policia ka hasur në tri armë zjarri të kalibrave të ndryshëm, çka ka nxitur reagimin e menjëhershëm të njësive hetimore.
Në vendin e ngjarjes kanë dalë njësia e hetimeve dhe krimteknika, ndërsa me urdhër të Prokurorit është realizuar kontrolli i plotë i shtëpisë dhe objekteve përcjellëse. Gjatë këtij kontrolli janë gjetur dhe konfiskuar: 1 armë gjuetie (nr. serik A49808), 1 karabinë, 1 pushkë automatike AK-47, 5 karikatorë, 150 fishekë kalibri 7.62×39 mm, 85 fishekë kalibri 7.9 mm, 1 palë dylbi.
Me urdhër të Prokurorit të Shtetit, rasti është iniciuar për veprën penale “Mbajtje në pronësi, kontroll ose posedim të paautorizuar të armëve”, ndërsa për momentin nuk ka persona të dyshuar, pasi objekti rezulton të jetë i pabanuar.
Ndërsa, më 22 dhjetor 2025, gjatë vazhdimit të veprimeve hetimore dhe kërkimit për identifikimin e pronarit, policia ka hyrë sërish në objektin përcjellës të shtëpisë, ku janë gjetur edhe: 1 pushkë ajrore Crvena Zastava, Mekanizëm për barut, 1 thikë ushtarake, 1 futroll për revole.
Edhe këto mjete janë sekuestruar nga njësia e krimteknikës, ndërsa Prokurori ka urdhëruar që rasti të trajtohet si vazhdimësi hetimore.
Hetimet për zbardhjen e plotë të këtij rasti dhe identifikimin e personave përgjegjës janë në vazhdim.
Gazeta Sinjali mëson ekskluzivisht se qytetari i arrestuar për veprën penale “Dhënia e ryshfetit” në pikën kufitare të Vërmicës është Bosko Çerimoviq, shtetas i Republikës së Serbisë.
Sipas informacioneve zyrtare, Çerimoviq dyshohet se i ka ofruar ryshfet një zyrtari policor të Policisë Kufitare të Kosovës, me qëllim që t’i mundësohej hyrja në territorin e Republikës së Kosovës, ndonëse ndaj tij kishte qenë në fuqi ndalimi i hyrjes.
Pas veprimeve hetimore të ndërmarra nga Inspektorati Policor i Kosovës, në koordinim me Prokurorinë Themelore në Prizren, qytetari në fjalë është arrestuar dhe me vendim të prokurorit kompetent ndaj tij është caktuar masa e ndalimit prej 48 orësh.
Rasti është iniciuar për veprën penale “Dhënia e ryshfetit”, ndërsa hetimet po vazhdojnë për të sqaruar plotësisht rrethanat dhe përgjegjësinë penale të të gjithë të përfshirëve.
Inspektorati Policor i Kosovës ka arrestuar sot zyrtarin policor Artan Krasniqi, nën dyshimin se ka kryer veprën penale “Marrje ryshfeti”, gjatë ushtrimit të detyrës zyrtare në Stacionin e Policisë Kufitare në Vërmicë, mëson ekskluzivisht Gazeta Sinjali.
Sipas informacioneve zyrtare, rasti ka ndodhur më 22 dhjetor 2025, kur dyshohet se Krasniqi, për përfitim financiar, i ka mundësuar një qytetari të Republikës së Serbisë hyrjen në territorin e Republikës së Kosovës, ndonëse këtij shtetasi paraprakisht i ishte ndaluar hyrja në vend.
Burimet bëjnë me dije se pas pranimit të informatave të para, hetuesit e IPK-së, me autorizim dhe në koordinim të plotë me Prokurorinë Themelore në Prizren, kanë zhvilluar veprime të shpejta hetimore dhe operative në terren, të cilat kanë rezultuar me arrestimin e zyrtarit policor.
Me vendim të prokurorit kompetent, ndaj Artan Krasniqit është caktuar masa e ndalimit prej 48 orësh.
Në kuadër të të njëjtit rast, është arrestuar edhe qytetari i përfshirë, shtetas i Republikës së Serbisë, ndaj të cilit është iniciuar procedurë penale për veprën “Dhënia e ryshfetit”, ndërsa edhe atij i është caktuar masa e ndalimit prej 48 orësh.
Hetimet lidhur me këtë rast po vazhdojnë, ndërsa priten veprime të tjera procedurale nga organet e drejtësisë.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një vjedhje e rëndë është regjistruar në orët e hershme të mëngjesit të së hënës në Hajvali, ku persona ende të paidentifikuar kanë grabitur një shumë të konsiderueshme parash nga depoja e kompanisë Posta Cheetah.
Siç mëson ekskluzivisht Sinjali, ngjarja ka ndodhur më 22 dhjetor 2025, rreth orës 04:00, në rrugën “Rifat Gashi”, ndërsa rasti është raportuar në polici sapo është vërejtur nga pronari.
Sipas informatave fillestare, persona të panjohur, me maskë në fytyrë, kanë hyrë me forcë në objekt pasi kanë thyer derën hyrëse me mjet të fortë. Më pas, ata janë ngjitur në katin e dytë, ku ndodhej sefi me para, nga i cili kanë kryer vjedhjen.
Ankuesi në këtë rast, R. Sahiti, ka deklaruar se nga objekti janë marrë para në vlerë që kalon shumën prej 20 mijë euro.
Në vendin e ngjarjes kanë dalë njësitë policore, hetuesi kujdestar, forenzika, si dhe hetimet rajonale, të cilët kanë kryer ekzaminimin e plotë të vendit të ngjarjes dhe kanë mbledhur prova materiale.
Me urdhër të Prokurorit kujdestar, rasti është iniciuar si “Vjedhje e rëndë”, ndërsa hetimet për identifikimin dhe kapjen e të dyshuarve janë në vazhdim.
Një rast i pazakontë ka përfunduar me arrestim në Prishtinë, ku një qytetar që fillimisht kishte raportuar ryshfet, ka dalë të ketë dhënë deklarim të rremë nën betim.
Burimet e Sinjalit bëjnë me dije se më 22 dhjetor 2025, rreth orës 12:30, Drejtoria për Hetimin e Krimeve Ekonomike dhe Korrupsionit ka intervistuar Besnik Islamin në cilësi të të dyshuarit për veprën penale “Deklarim i rremë nën betim”.
Sipas hetimeve, i dyshuari në qershor të vitit 2025, në cilësi të ankuesit, kishte raportuar se zyrtarë të Agjencisë për Regjistrimin e Bizneseve të Kosovës (ARBK) i kishin kërkuar ryshfet për bartjen e aksioneve që ai pretendonte se i kishte blerë nga bashkëaksionarët e tij.
Në koordinim dhe me autorizim të Prokurorisë Themelore në Prishtinë, ishin zhvilluar hetime të detajuara lidhur me këto pretendime. Megjithatë, gjatë procesit hetimor dhe pas sigurimit të dëshmive relevante, autoritetet kanë konstatuar se pretendimet e ankuesit nuk qëndronin, duke rezultuar se deklarimet e tij ishin të pavërteta.
Burimet bëjnë të ditur se gjatë intervistimit, në prani të avokatit mbrojtës, i dyshuari e ka pranuar veprën penale, duke konfirmuar se ka dhënë deklarim të rremë nën betim.
Pas përfundimit të intervistimit, me vendim të Prokurorit të Shtetit, ndaj Besnik Islamit është caktuar masa e ndalimit për 48 orë.
Hetimet lidhur me rastin janë duke vazhduar.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një ngjarje e rëndë është shënuar pasditen e sotme në Prishtinë, ku është gjetur pa shenja jete artisti Shemsi Krasniqi, i lindur më 1955.
Siç mëson ekskluzivisht Sinjali, një femër, F.B., ka njoftuar autoritetet pasi kishte shkuar në banesën e viktimës për pastrim dhe kishte vërejtur përkeqësim të papritur të gjendjes së tij shëndetësore.
Sipas deklarimit, ajo kishte tentuar t’i ofrojë ndihmën e parë, mirëpo pasi kishte dalë nga banesa për të marrë ujë, dera ishte mbyllur dhe hyrja ishte bërë e pamundur.
Në vendngjarje ka intervenuar njësia policore, e cila ka hapur derën me forcë.
Pak minuta më vonë, në lokacion ka arritur edhe Njësia e Emergjencës, e cila ka konstatuar vdekjen e viktimës.
Në vendin e ngjarjes kanë dalë edhe hetuesit e stacionit policor, forenzika dhe më pas Mjekësia Ligjore (IML).
Gjatë ekzaminimit të trupit, sipas burimeve të Sinjalit në IML, nuk janë vërejtur shenja dhune, ndërsa në xhepin e xhaketës së viktimës është gjetur një paketim i zbrazët i një pilule për stimulim seksual, çka ka ngritur dyshime fillestare për një infarkt të mundshëm si pasojë e këtij bari.
Në vendngjarje ka dalë edhe prokurorja kujdestare, e cila ka urdhëruar që rasti të iniciohet si “Hetim mbi vdekjen”, ndërsa trupi i pajetë i viktimës është dërguar për autopsi në Institutin e Mjekësisë Ligjore.
Hetimet për sqarimin e plotë të rrethanave të vdekjes janë në vazhdim.
Ajazaj është emër i njohur për autoritetet, pasi edhe më 1 nëntor të këtij viti ishte kapur me armë me armë në Prishtinë dhe ishte dërguar në mbajtje për 48 orë.
Lajmin për gjuajtjen me armë sot në Pejë për Gazetën Sinjalin e ka konfirmuar zëdhënësi i Prokurorisë Themelore në Pejë, Shkodran Nikçi, i cili ka bërë të ditur se personi i dyshuar është larguar nga vendi i ngjarjes.
“Një person është plagosur nga arma e zjarrit, ndërsa personi i dyshuar është larguar nga vendi i ngjarjes”, ka deklaruar Nikçi për Gazetën Sinjali.
Sipas tij, njësitet e Policisë së Kosovës kanë dalë menjëherë në vendin e ngjarjes dhe kanë nisur hetimet për zbardhjen e plotë të rastit dhe kapjen e të dyshuarit.
Gazeta Sinjali do t’ju mbajë të informuar me detaje të reja sapo ato të konfirmohen nga autoritetet.
Login
