Të shtëna me armë zjarri janë raportuar në fshatin Mazrek të Prizrenit, ku Policia ka ndërhyrë pas informatave se një person mashkull po shkrepte me armë, raporton Gazeta Sinjali.
Burime të besueshme të Sinjalit bëjnë të ditur se në vendin e ngjarjes patrullat policore kanë hasur në gëzhoja të armës së gjuetisë, ndërsa i dyshuari e ka pranuar se kishte shtënë me armë më datë 31 dhjetor 2025.
Si i dyshuar në këtë rast është identifikuar Shyqyri Duraj, i cili është shoqëruar në Stacionin Policor në Prizren për intervistim.
Në vendin e ngjarjes kanë dalë edhe hetuesi kujdestar dhe ekipi i krim-teknikës, të cilët kanë kryer ekzaminimet dhe kanë siguruar provat materiale.
Me urdhër të Prokurorit të Shtetit, rasti është iniciuar për veprën penale “Përdorimi i armës”, ndërsa i dyshuari është ndaluar për 48 orë.
Hetimet për zbardhjen e plotë të rrethanave të rastit janë në vazhdim.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një incident i rëndë mes të miturve është regjistruar sot rreth orës 12:00 në fshatin Lupq të Prishtinës, ku përplasja ka eskaluar në përdorim të thikës dhe shufrës metalike, duke lënë të lënduar të paktën një nga të përfshirët.
Burime të besueshme të Sinjalit bëjnë të ditur se në rast janë përfshirë tre të mitur, A.N, A.B dhe L.K.
Sipas informatave fillestare, A.N dhe A.B kishin qenë duke pritur autobusin, ndërsa në momentin që nga autobusi ka zbritur i mituri L.K, situata ka degjeneruar menjëherë në konflikt fizik.
Dyshohet se L.K e ka sulmuar fillimisht A.N me mjet të mprehtë (thikë), duke i shkaktuar lëndime në këmbë, në zonën e kukës.
Në vazhdim të incidentit, A.N dyshohet se e ka goditur L.K në kokë me shufër metalike, ndërsa A.B dyshohet se e ka goditur me grushte në këmbë të njëjtin.
Të miturit janë intervistuar në prani të Qendrës për Punë Sociale dhe avokatëve mbrojtës, ndërsa të përfshirët kanë pranuar trajtim mjekësor.
Në konsultim me Prokurorin kujdestar për të mitur, rasti është iniciuar si: ndaj A.B: “Lëndim i rëndë trupor”, ndaj A.N: “Lëndim i rëndë trupor” dhe “Armëmbajtje pa leje”, ndaj L.K: “Lëndim i lehtë trupor” dhe “Armëmbajtje pa leje”.
Me urdhër të prokurorit, i mituri A.N është ndaluar për 24 orë, ndërsa dy të miturit e tjerë janë liruar në procedurë të rregullt.
Hetimet për zbardhjen e plotë të rrethanave dhe përgjegjësive po vazhdojnë.
Një incident i rëndë me armë zjarri ka ndodhur pas mesnatës në Deçan, ku tre persona kanë mbetur të plagosur, ndërsa i dyshuari është arrestuar në vendin e ngjarjes.
Sipas informatave, rreth orës 00:15 të datës 13.01.2026, është raportuar për të shtëna me armë zjarri në një lokal.
Menjëherë pas pranimit të informacionit, njësitet policore kanë dalë në vendin e ngjarjes, ku kanë hasur një zyrtar policor jashtë detyre, i cili kishte arritur ta arrestojë të dyshuarin.
Në brendi të kafiterisë, policia ka gjetur të shtrirë tre viktimat, të cilat dyshohet se ishin plagosur nga arma e zjarrit. Të plagosurit janë identifikuar si Daut Cacaj, Dejan Simiq dhe Radovan Millosheviq.
Në vendngjarje kanë dalë edhe ekipet e emergjencës nga QKMF-Deçan, të cilët u kanë dhënë ndihmën e parë viktimave, të cilat më pas janë dërguar për trajtim mjekësor në Spitalin e Pejës.
Rastit i janë përgjigjur gjithashtu hetuesit e Stacionit Policor në Deçan, njësia e hetimeve rajonale të Pejës, si dhe Prokurori kujdestar nga Prokuroria Themelore në Pejë.
Gjatë ekzaminimit të vendit të ngjarjes, policia ka sekuestruar armën e dyshuar si mjet i përdorur në rast, si dhe tri gëzhoja të së njëjtës armë.
I dyshuari, Ismet Zukaj, është ndaluar për 48 orë me urdhër të Prokurorit kujdestar, ndërsa rasti është iniciuar si “Vrasje e mbetur në tentativë” dhe hetimet po vazhdojnë.
Gazeta Sinjali do t’ju mbajë të informuar me detaje të reja rreth këtij rasti.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Deçani është tronditur mbrëmë pas mesnate nga të shtëna me armë zjarri, ku si pasojë kanë mbetur të plagosur tre persona.
Siç merr vesh ekskluzivisht Gazeta Sinjali të plagosur kanë mbetur dy pjesëtarë të nacionalitetit serb dhe një shqiptar.
Sipas informacioneve, incidenti ka ndodhur në një lokal, ndërsa në vendin e ngjarjes kanë intervenuar njësitet policore dhe ekipet mjekësore, të cilat u kanë ofruar ndihmën e parë të plagosurve dhe i kanë dërguar për trajtim mjekësor.
Policia e Kosovës ka konfirmuar se lidhur me rastin është arrestuar një person i dyshuar, i nacionaliteti shqiptar, i cili dyshohet se ka shtënë me armë zjarri. Gjatë intervenimit policor është sekuestruar edhe arma e dyshuar e përdorur në incident.
Me vendim të prokurorit kompetent, i dyshuari është ndaluar dhe ndaj tij pritet të ndërmerren veprime të mëtejme hetimore, ndërsa rasti është iniciuar si “shkaktim i rrezikut të përgjithshëm” dhe “lëndim i rëndë trupor”.
Hetimet janë duke vazhduar për të sqaruar rrethanat e plota të këtij rasti.
Një ngjarje tejet e rëndë kriminale ka ndodhur mëngjesin e së dielës në Pejë, ku një person ka mbetur i plagosur si pasojë e një vrasjeje në tentativë, mëson Sinjali.
Rasti ka ndodhur më 11.01.2026, rreth orës 09:15, në rrugën Adem Jashari, konkretisht në hyrje të Qebaptores “Buquku”, ku viktimë ka mbetur Jeton Buquku.
Sipas informacioneve të siguruara dhe ekskluzivisht te publikuara nga Sinjali, tre persona të dyshuar – Arian Qelaj, Yll Qelaj dhe Altin Qelaj – e kanë përcjellë viktimën deri në hyrje të lokalit. Aty, njëri nga të dyshuarit ka shtënë disa herë me armë zjarri në drejtim të tij.
Viktima ka arritur të futet me vrap brenda lokalit, por të dyshuarit e kanë ndjekur edhe aty. Në momentin kur Buquku ishte rrëzuar në tokë, njëri prej tyre e ka goditur disa herë në kokë me shufër metalike.
Si pasojë, viktima ka pësuar plagë nga arma e zjarrit në këmbën e djathtë, ndërsa gjendja e tij ka kërkuar trajtim të menjëhershëm mjekësor. Fillimisht është dërguar në Spitalin Rajonal të Pejës, e më pas, për shkak të natyrës së lëndimeve, është transferuar në QKUK në Prishtinë.
Burimet bëjnë të ditur se të dyshuarit janë larguar nga vendi i ngjarjes në këmbë, pasi nuk kanë arritur të largohen me veturën e tyre Golf 6, e cila është sekuestruar nga policia për nevoja hetimore.
Në vendin e ngjarjes kanë dalë njësitë patrulluese, hetuesit e Stacionit Policor, Hetimet Rajonale dhe Krim-Teknika, të cilët kanë sekuestruar gëzhojat dhe predhat e gjetura në vendngjarje.
Me urdhër të Prokurores kujdestare janë iniciuar veprimet intensive hetimore, ndërsa të dyshuarit janë ende në kërkim.
Rasti po hetohet nga Sektori Rajonal i Hetimeve në Pejë, ndërsa Sinjali do t’ju mbajë të informuar për çdo zhvillim të ri.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Nje rast vjedhjeje e rëndë është regjistruar në Mitrovicë të Veriut, ku cak ka qenë Kisha Ortodokse në rrugën Qeta e Minatorëve, ndërsa pas një punë intensive hetimore, policia ka arritur t’i arrestoje të dyshuarit.
Sipas informatave që ka siguruar Gazeta Sinjali, me datë 10.01.2026, rreth orës 15:30, është raportuar se persona të dyshimtë kanë hyrë brenda objektit fetar, duke shfrytëzuar faktin se dera e kishës nuk ishte e mbyllur me qelës.
Të dyshuarit kanë arritur të marrin 15.000 dinarë serbe dhe 10 euro, shumë e cila kap vleren rreth 127 euro dhe më pas janë larguar në drejtim të panjohur.
Njësitet policore kanë dalë menjëherë në vendin e ngjarjes dhe kanë nisur kërkimet në terren, ndërsa në konsultim me Prokurorin kujdestar të Shtetit, rasti është iniciuar si “Vjedhje e rëndë”.
Me datë 11.01.2026, pas një punë operative-hetimore, rreth orës 18:30, policia ka arritur të lokalizojë dhe arrestojë dy persona të dyshuar në rrugën Zoran Dindic.
Burimet e Sinjalit bëjnë të ditur se të arrestuarit janë Milan Stolic rreth 19 vjeç dhe D.R. rreth 18 vjeç, të cilët dyshohen se janë përfshirë direkt në vjedhjen e kryer në objektin fetar.
Pas intervistimit në prezencën e avokatëve mbrojtës, me vendim të prokurorit, të dyshuarit janë dërguar në mbajtje, ndërsa hetimet po vazhdojnë për zbardhjen e plotë të rastit.
Gazeta Sinjali do të vazhdojë t’ju informojë me detaje të reja lidhur me këtë ngjarje.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Nje rast i lëndimit të lehtë trupor është regjistruar pas mesnate në kryeqytet, ku fillimisht të dyshuarit u liruan, por më pas përfunduan në mbajtje pasi u siguruan prova video.
Sipas informatave që ka siguruar Gazeta Sinjali, me datë 11.01.2026, rreth orës 00:30, policia ka pranuar raportim për një rrahje në progres në rrugën “Shaban Shala” në Prishtinë.
Në vendin e ngjarjes kanë dalë njësite relevante policore, ku kanë takuar ankuesin L. B rreth 26 vjeç, si dhe dy persona të dyshuar Kadri Goxhufi rreth 31 vjeç dhe Sokol Neziri rreth 28 vjeç. Të gjithë janë shoqëruar në Stacionin Policor Veriu për intervistim.
Fillimisht, të dyshuarit kanë mohuar se kanë sulmuar viktimën dhe, pas konsultimit me Prokurorin e Shtetit, janë liruar në procedurë të rregullt.
Megjithatë, situata ka marrë tjeter rrjedhe pas sigurimit të video-incizimeve, ku sipas burimeve të Sinjalit, shihet qartë se të dyshuarit kanë përdorur mjete të forta dhe sprej për sy kundër viktimës.
Pas këtyre provave, Kadri Goxhufi dhe Sokol Neziri janë intervistuar sërish, këtë herë në cilësinë e të dyshuarve dhe në prezencën e avokatit mbrojtës. Me vendim të Prokurorit të Shtetit, ndaj tyre është caktuar masa e mbajtjes për 48 orë.
Rasti po trajtohet si “Lëndim i lehtë trupor”, ndërsa hetimet po vazhdojnë për sqarimin e plotë të rrethanave të incidentit.
Gazeta Sinjali do t’ju mbajë të informuar për çdo zhvillim të ri lidhur me këtë rast.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një rast vjedhjeje është raportuar në orët e para të mëngjesit në Ferizaj, ku viktimë ka mbetur një shtetase amerikane, e cila po qëndronte në Kosovë.
Sipas informatave që ka siguruar Gazeta Sinjali, më datë 12.01.2026, rreth orës 00:00, në stacionin policor është paraqitur ankuesja Sh.S, e lindur në Gjeorgji të SHBA-së, me shtetësi amerikane. Ajo ka deklaruar se më 10.01.2026, rreth orës 02:00, kishte parkuar veturën e saj të tipit BMW, ngjyrë e kaltër, në parkingun e lokalit “EuroLand”, në rrugën “Brigada 161” në Ferizaj.
Sipas deklarimit të saj, pas rreth dy orësh, kur ishte kthyer te vetura, kishte vërejtur se persona të panjohur i kishin vjedhur çantën që e kishte lënë brenda automjetit.
Në çantë, sipas ankueses, ndodheshin:
• mbi 1 mijë euro para të gatshme,
• letërnjoftimi dhe pasaporta amerikane e saj,
• pasaporta amerikane e vajzës së saj,
• leja e qëndrimit në Kosovë,
• patentë shoferi amerikan,
• disa dokumente tjera amerikane,
• si dhe dy kartela bankare.
Ankuesja ka deklaruar se nuk është plotësisht e sigurt nëse vetura ishte e mbyllur në momentin e parkimit, ndërsa ka theksuar se në afërsi të vendit të ngjarjes ka kamera sigurie, të cilat pritet të ndihmojnë në zbardhjen e rastit.
Lidhur me rastin është njoftuar Prokurori kujdestar, i cili ka urdhëruar që rasti të iniciohet si “Vjedhje”, ndërsa hetimet janë marrë në trajtim nga njësitë përkatëse të stacionit policor në Ferizaj.
Gazeta Sinjali do të raportojë për çdo zhvillim të ri lidhur me këtë rast.
Gazeta Sinjali mëson ekskluzivisht identitetin e personave të dyshuar që po hetohen për rrahjen dhe plagosjen e Jeton Buçukut, ngjarje e rëndë që tronditi Pejën dhe po trajtohet si vrasje në tentativë.
Sipas burimeve të besueshme, nga strukturat e afërta me hetimin, në këtë rast janë identifikuar tre persona, të gjithë nga fshati Maznik i Komunës së Deçanit:
• Arjan Misin Qelaj, rreth 45 vjeç nga fshatin Maznik, Komuna e Deçanit.
• Yll Arjan Qelaj, rreth 23 vjeç nga fshati Maznik, Komuna e Deçanit
• Altin Rifat Qelaj, rreth 21 vjeç nga fshatin Maznik, Komuna e Deçanit.
Burimet bëjnë të ditur se të dyshuarit lidhen drejtpërdrejt me incidentin e armatosur dhe rrahjen brutale ndaj Jeton Buçukut, i cili pas plagosjes fillimisht ka kërkuar ndihmë në Spitalin Rajonal të Pejës dhe më pas është transferuar në QKUK në Prishtinë. Gjendja e tij shëndetësore, sipas informatave të fundit, është jashtë rrezikut për jetën.
Hetimet janë në fazë intensive, ndërsa policia është në kërkim të të dyshuarve, të cilët ndodhen në arrati. Nuk përjashtohet mundësia e arrestimeve të shpejta dhe zgjerimit të hetimeve edhe për persona të tjerë të përfshirë.
Gazeta Sinjali do t’ju mbajë të informuar me detaje të reja sapo ato të konfirmohen nga burime zyrtare.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Detaje shqetësuese janë zbardhur lidhur me tentim-vrasjen e Jeton Buqukut, i cili u plagos me armë zjarri paraditen e sotme në Pejë, në një ngjarje që ka tronditur qytetin.
Sipas informatave ekskluzive të Sinjalit, incidenti ka ndodhur më 11 janar 2026, rreth orës 09:15, në rrugën “Adem Jashari” në Pejë.
Policia është njoftuar se një person ishte plagosur me armë zjarri, ndërsa patrullat kanë reaguar menjëherë duke siguruar vendin e ngjarjes dhe duke organizuar përcjelljen e viktimës drejt Emergjencës së Spitalit Rajonal të Pejës, fillimisht me automjet privat.
Burimet bëjnë të ditur se, sipas deklaratave të dëshmitarëve okularë, viktima ishte futur i plagosur brenda lokalit “Buquku”, menjëherë pasi ishin dëgjuar të shtëna me armë zjarri. Pas tij, në lokal kanë hyrë tre persona: njëri prej tyre me revole në dorë, i dyti me një mjet të fortë, me të cilin e ka goditur viktimën, ndërsa i treti, sipas dëshmitarëve, ka qëndruar pranë dhe ka vëzhguar ngjarjen.
Pas sulmit, të tre personat janë larguar në këmbë nga vendi i ngjarjes dhe aktualisht ndodhen në arrati.
Në vendngjarje kanë dalë menjëherë hetuesit dhe krim-teknika e Stacionit Policor të Pejës, udhëheqësi i ndërrimit, komandanti i stacionit, udhëheqësi i hetimeve, si dhe njësitet rajonale të Hetimeve dhe Krim-teknikës. Zona është siguruar dhe janë ndërmarrë të gjitha veprimet hetimore përfshirë grumbullimin e provave dhe deklaratave.
Pas trajtimit fillestar në Spitalin Rajonal të Pejës, Jeton Buçuku është transferuar në QKUK në Prishtinë për trajtim të mëtutjeshëm mjekësor. Sipas mjekëve, gjendja e tij është stabile dhe jashtë rrezikut për jetë.
Hetimet janë në zhvillim intensiv për identifikimin dhe arrestimin e të dyshuarve.
Gazeta Sinjali do të vazhdojë të raportojë ekskluzivisht për këtë rast, sapo të ketë zhvillime të reja nga hetimi.
Biznesmeni nga Peja, Jeton Buquku, pronar i fabrikës për përpunimin e mishit “Buquku”, ka qenë edhe më herët i përfshirë në një skandal.
Në lokalin e vet ‘Buquku Grill House’, Jeton Buquku, dyshohet se ka ushtruar presion dhe dhunë ndaj një personi për të dëshmuar për disa incidente te bizneset e tij, para më shumë se një viti. Sinjali ka siguruar video ekskluzive të rrahjes dhe gjithë rastit që ndodhi më 21 shkurt të vitit 2023.
Por, a lidhet rasti i sotëm me ngjarjen që ka ndodh më herët mbetet për t’u parë, pasi organet e drejtësisë të merren me hetimin dhe zbardhjen e rastit.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Një rast i posedimit të paautorizuar të narkotikëve është zbuluar në orët e para të mëngjesit në Mitrovicë të Veriut.
Sipas informatave që ka mësuar Sinjali, më 11.01.2026, rreth orës 01:30, njësitë e Stacionit Policor Veri kanë ndaluar një veturë Golf Plus, ngjyrë e bardhë, në rrugën “Kral Petri”, ku brenda ndodheshin katër persona.
Gjatë kontrollit të detajuar të automjetit, policia ka gjetur një sasi të substancës së dyshuar narkotike – marihuanë. Në lidhje me rastin është njoftuar njësiti i hetimeve, i cili ka kontaktuar Prokurorin kujdestar të Shtetit.
Me vendim të Prokurorit, rasti është iniciuar si “Posedim i paautorizuar i narkotikëve, substancave psikotrope ose analoge”, ndërsa i dyshuari Arianit Pllana është proceduar në procedurë të rregullt.
Hetimet për këtë rast janë në vazhdim.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një aksion policor është zhvilluar pas mesnate në Skenderaj, ku është zbuluar një aktivitet i dyshuar i organizimit të lojërave të fatit dhe bixhozit të paligjshëm, në kundërshtim me ligjin.
Burime të sigurta bëjnë të ditur se rreth orës 00:45, Policia është njoftuar se në një lokal në rrugën “Bekim Berisha” po zhvilloheshin lojëra të kundërligjshme. Njësitë relevante kanë reaguar menjëherë dhe kanë bastisur lokalin “Erka”, ku kanë hasur pronarin Erkan Xhinovci (1975) dhe 14 persona të tjerë, të cilët po luanin Poker.
Gjatë kontrollit në lokal, Policia ka sekuestruar mjete të shumta të bixhozit, përfshirë: • një tavolinë pokeri, • çipsa pokeri, • letra loje, • tabela “All In – Dealer”, • pajisje për Party Roulette.
Sipas burimeve të afërta me hetimin, të gjithë personat e pranishëm janë shoqëruar dhe do të intervistohen në cilësinë e dëshmitarëve, ndërsa pronari i lokalit është ndaluar dhe dërguar në Qendrën e Mbajtjes, me urdhër të Prokurorit kompetent.
I dyshuari pritet të intervistohet gjatë ditës së sotme në prani të avokatit mbrojtës, ndërsa rasti po trajtohet si “Organizim i skemave piramidale dhe bixhozit të paligjshëm”.
Hetimet janë në vazhdim, ndërsa Gazeta Sinjali do të sjellë detaje të tjera sapo të konfirmohen nga autoritetet.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një person i dënuar me burg efektiv është arrestuar mbrëmjen e së premtes në fshatin Llaushë të Skenderaj, gjatë realizimit të tri urdhëresave aktive të lëshuara nga Gjykata Themelore e Mitrovicës.
Sipas informacioneve që ka mësuar Sinjali, ngjarja ka ndodhur më 10.01.2026, rreth orës 18:00, kur patrulla policore, gjatë një pike kontrolli rutinë, ka ndaluar një automjet Golf 4, ngjyrë e zezë, me targa të Bosnje dhe Hercegovinës.
Fillimisht, drejtuesi i mjetit është identifikuar me letërnjoftim si Asmir Muminović, rreth 29 vjeçar. Megjithatë, pas verifikimeve në sistemin SIPK, Policia ka konstatuar se personi në fjalë figuron me identitet tjetër, Asmir Ajeti rreth 29 vjeçar në Grabs të Zvicrës, me vendbanim në fshatin Klinë e Mesme, i njohur më herët për organet e rendit.
Bazuar në urdhëresat gjyqësore në fuqi, i dyshuari rezulton i dënuar me burgim në kohëzgjatje prej tre vjetësh, tetë muajsh dhe dy ditësh, dënim i formës së prerë. Pas arrestimit, ai është dërguar në Burgun e Hajvalisë në Prishtina, ku ka nisur vuajtjen e menjëhershme të dënimit, konfirmojnë burime të sigurta.
Rasti është trajtuar në koordinim me institucionet përkatëse, ndërsa Policia vlerëson se veprimet janë kryer në përputhje të plotë me procedurat ligjore, pa incidente shtesë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një ngjarje e rëndë me armë zjarri është regjistruar sot në Pejë, ku Jeton Buquku ka mbetur i plagosur rëndë pasi është goditur nga dy plumba.
Burime të sigurta bëjnë të ditur se i plagosuri fillimisht ka pranuar trajtim mjekësor në spitalin rajonal, por për shkak të gjendjes jo të mirë shëndetësore, mjekët kanë vendosur transferimin urgjent të tij në Qendrën Klinike Universitare të Kosovës (QKUK) për trajtim të specializuar.
Sipas informacioneve fillestare, plumbat e kanë goditur në pjesë vitale të trupit, ndërsa gjendja e tij mbetet stabile, por nën mbikëqyrje të vazhdueshme mjekësore.
Policia ka dalë në vendin e ngjarjes, ka siguruar zonën dhe ka nisur hetimet intensive për zbardhjen e plotë të rrethanave të rastit. Ende nuk ka informacione zyrtare për të dyshuarit apo motivin e sulmit.
Rasti po trajtohet nga organet e rendit në koordinim me Prokurorinë kompetente, ndërsa hetimet janë në zhvillim.
Një ngjarje e rëndë ka ndodhur në Pejë, ku një person ka mbetur i plagosur si pasojë e të shtënave me armë zjarri.
Burime të besueshme bëjnë të ditur se tre persona dyshohet se kanë gjuajtur me armë zjarri në drejtim të Jeton Buqukut, duke e plagosur atë.
I njëjti është dërguar për trajtim mjekësor, ndërsa gjendja e tij shëndetësore po monitorohet nga ekipet mjekësore.
Policia ka dalë në vendin e ngjarjes, ka rrethuar zonën dhe ka nisur veprimet hetimore për zbardhjen e rrethanave të incidentit, si dhe për identifikimin dhe arrestimin e të dyshuarve.
Rasti po trajtohet nga organet e hetuesisë, në koordinim me Prokurorinë kompetente, ndërsa hetimet janë në zhvillim.
Gazeta Sinjali mëson ekskluzivisht se personi që sulmoi fizikisht zyrtarin policor, e kanosi atë dhe shkatërroi pajisje zyrtare brenda Stacionit Policor Veriu, është Lulzim Beha rreth 55 vjeçar.
I dyshuari, i cili ishte shoqëruar në stacion për moszbatim të urdhrit zyrtar, ka kaluar në sjellje agresive, duke goditur policin në pjesën e nofullës dhe duke dëmtuar një kompjuter të policisë.
Me vendim të Prokurorit Kujdestar, Beha është ndaluar për 48 orë, ndërsa rasti po trajtohet për veprat penale “Sulm ndaj personit zyrtar”, “Kanosje” dhe “Dëmtim apo asgjësim i pasurisë”.
Hetimet janë në vazhdim.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një rast serioz i armëmbajtjes pa leje është zbuluar sot në fshatin Mazgit të Obiliqit, ku Policia e Kosovës ka ndaluar një automjet dhe ka gjetur armë zjarri me municion të konsiderueshëm.
Sipas informatave që ka siguruar Gazeta Sinjali, rreth orës 11:50, gjatë një kontrolli rutinë nga policia, është ndaluar një veturë Toyota, e cila drejtohej nga Premton Bashota rreth 30 vjeçar.
Gjatë kontrollit të bagazhit të veturës, brenda një çante krahu, zyrtarët policorë kanë gjetur dhe sekuestruar: • një revole të tipit Beretta, • katër karikatorë, • 54 fishekë të kalibrit 9×19 mm.
I dyshuari është shoqëruar në Stacionin Policor në Obiliq, ku është intervistuar në prani të avokatit mbrojtës.
Me vendim të Prokurorit të Shtetit, rasti është iniciuar për veprën penale “Mbajtja në pronësi, kontroll ose posedim të paautorizuar të armëve”.
Hetimet lidhur me këtë rast janë në vazhdim.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një incident i rëndë ka ndodhur sot paradite brenda Stacionit Policor Veriu në Prishtinë, ku një person i shoqëruar nga policia ka kaluar në sulm fizik ndaj zyrtarit policor, kanosje dhe dëmtim të pasurisë shtetërore.
Burime të Gazetës Sinjali bëjnë të ditur se më 10 janar 2026, në intervalin kohor 10:00–11:00, në rrugën “Toni Bler”, zyrtarët policorë kanë shoqëruar në stacion L. B rreth 55 vjeçar për shkak të moszbatimit të urdhrit zyrtar.
Gjatë procedurës policore, konkretisht në momentin e largimit të prangave, i dyshuari ka sulmuar fizikisht një zyrtar policor, duke e goditur në pjesën e nofullës, ndërsa më pas ka shkelmuar një kompjuter, duke shkaktuar dëmtimin e pajisjes dhe shtëpizës së saj.
Si pasojë e sulmit, zyrtari policor ka pësuar lëndime të lehta trupore dhe ka pranuar trajtim mjekësor.
Në vendin e ngjarjes është përfshirë edhe Njësia për Hetimin e Personave (NJHP), e cila ka marrë në trajtim rastin. Janë intervistuar zyrtarët policorë në cilësinë e dëshmitarëve, ndërsa L. B është intervistuar në cilësinë e të dyshuarit, në prezencë të avokatit mbrojtës.
Pas konsultimit me Prokurorin Kujdestar, rasti është iniciuar për veprat penale: • Sulm ndaj personit zyrtar • Kanosje • Dëmtim apo asgjësim i pasurisë
Me urdhër të Prokurorit, i dyshuari është dërguar në mbajtje për 48 orë.
Hetimet lidhur me rastin janë në vazhdim, ndërsa Gazeta Sinjali do t’ju mbajë të informuar për çdo zhvillim të ri.
Posedimi i armëve është shndërruar në një dukuri negative, pasi që përpos që është e kundërligjshme, po cenohet edhe siguria e qytetarëve. Policia vazhdimisht gjatë kontrolleve has në persona që posedojnë armë dhe sillen lirshëm me to, raporton Gazeta Sinjali.
Kështu, një aksion i njësisë rajonale për Hetimin e Trafikimit me Narkotikë (DHTN) në Mitrovicë Jug, ka rezultuar me zbulimin dhe sekuestrimin e armëve pa leje në një shtëpi në lagjen Kollonia.
Burime të Gazetës Sinjali bëjnë të ditur se më 09 janar 2026, rreth orës 14:50, njësia e DHTN-së ka realizuar një urdhër kontrolli në një shtëpi me objekte përcjellëse, në rrugën “Rifat Dedija”, ku si i dyshuar figuron Ilaz Hyseni, rreth 73-vjeçar.
Gjatë bastisjes, zyrtarët policorë kanë hasur dhe sekuestruar: një revolver Zoraki, prodhim Atak, kalibër 9 mm, një pistoletë e kalibrit 7.65 mm, prodhim belg, një karikator të zbrazët dhe 7 fishekë të kalibrit 7.65 mm.
Pas sekuestrimit të armëve, rasti është proceduar tek Njësia e Hetimeve e Stacionit Policor Mitrovicë Jug, ndërsa është njoftuar edhe Prokurori i Shtetit.
Me udhëzim të Prokurorit, i dyshuari është intervistuar në prezencë të avokatit dhe më pas është liruar në procedurë të rregullt.
Rasti është iniciuar për veprën penale “Mbajtje në pronësi, kontroll ose posedim i paautorizuar i armëve”, ndërsa hetimet vazhdojnë.
Gazeta Sinjali do të raportojë për çdo zhvillim të ri lidhur me këtë rast.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Gazeta Sinjali mëson se Arian Nazifi, rreth 35-vjeçar është personi i arrestuar dhe ndaluar për 48 orë lidhur me sulmin ndaj zyrtarëve policorë që ndodhi pasditen e djeshme në Ferizaj.
Sipas burimeve të besueshme, Nazifi fillimisht refuzoi t’u bindet urdhrave policorë, duke përdorur fjalë fyese dhe kanosëse, ndërsa më pas u vërsul fizikisht ndaj zyrtarëve policorë, gjatë kryerjes së detyrës zyrtare.
Si pasojë e incidentit, tre zyrtarë policorë kanë pësuar lëndime, ndërsa policia u detyrua të përdorë sprej OC për ta vënë situatën nën kontroll. Pas arrestimit, i dyshuari ka vazhduar me sjellje agresive.
Me urdhër të Prokurorit Kujdestar, rasti është iniciuar si “Sulm ndaj personit zyrtar”, ndërsa i dyshuari është dërguar në ndalim 48-orësh.
Hetimet janë në vazhdim. Gazeta Sinjali do të raportojë me detaje të reja nga rasti.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Login
