Kryetari i Partisë Mundësia dhe njëkohësisht deputeti i kësaj partie, Agron Shehaj, ka ndarë sot një lajm të dhimbshëm, pasi ka humbur njeriun e dashur të familjes.

Babai i tij, Siri Shehaj është ndarë nga jeta në moshën 83-vjeçare.

Vetë ligjvënësi me një postim të gjatë dhe të ndjerë në rrjetin social Facebook, shkruan se i ati humbi jetën pas një beteje të mundimshme me sëmundjen e rëndë në Itali, ku dhe jetonte.

“Të dashur miq, pas një beteje të mundimshme me sëmundjen e rëndë, babai im, Siri Shehaj, u nda nga jeta në moshën 83-vjeçare. U rrit jetim, por la pas një familje të madhe, me nipër e mbesa, që do ta kujtojnë gjithmonë për njeriun e drejtë dhe luftarak që ishte”, shkruan Shehaj mes të tjerash.

Më tej ai njofton se pritja në Bolzano do të mbahet të martën, 13 Janar, në Hotel Sheraton, Itali, nga ora 09:00-14:00. Varrimi do të bëhet po të martën, në orën 15:00, te varrezat e qytetit të Bolzanos në Via Maso della Pieve. Kurse në Vlorë, pritja do të mbahet në datën 16 Janar.

Postimi i plotë i Agron Shehajt:

“Të dashur miq, pas një beteje të mundimshme me sëmundjen e rëndë, babai im, Siri Shehaj, u nda nga jeta në moshën 83-vjeçare.

Jeta e tij ishte një luftë e përditshme. U rrit jetim, pasi kur ishte vetëm 8 vjeç, babai i tij, gjyshi im, vdiq në burgun e Burrelit si i burgosur politik.

Megjithatë, ai gjeti forcën ta niste gjithçka nga e para, jo për vete, por për ne, 3 fëmijët e tij. Nuk donte të largohej nga Shqipëria, por donte që ne të ishim të lirë, të kishim një jetë më të mirë, të shkolloheshim dhe të edukoheshim.

Në vitin 1991, si shumë familje shqiptare, u nisëm me anije drejt Italisë, që në atë kohë ishte shpëtimi ynë.

35 vitet e fundit të jetës i kaloi në Bolzano, mes një komuniteti miqsh që e respektonin dhe e vlerësonin për njeriun fisnik që ishte.

Ai ishte nxitësi im më i madh për t’u kthyer në Shqipëri dhe ishte krenar që po bëja atë që ai nuk arriti ta bënte dikur. Shumë nga ajo që bëj sot është edhe për të, për gjithçka që ajo periudhë e errët nuk e lejoi të realizonte. Babai im ishte heroi im. Ai që më ka mësuar, frymëzuar të mos dorëzohem kurrë.

U rrit jetim, por la pas një familje të madhe, me nipër e mbesa, që do ta kujtojnë gjithmonë për njeriun e drejtë dhe luftarak që ishte.

Pritja në Bolzano do të mbahet të marten 13 Janar në Hotel Sheraton, Bolzano, Itali, nga ora 09:00-14:00.

Varrimi do të bëhet të martën, në orën 15:00, te varrezat e qytetit të Bolzanos në Via Maso della Pieve.

Në Vlorë Pritja do të mbahet në daten 16 Janar”.

The post Deputeti Agron Shehaj humb babanë dhe ndan lajmin e hidhur: U rrit jetim, por la pas familje të madhe! appeared first on Albeu.com.

Shqipëria po përmbytet, por në PD vazhdon thatesira. Herën e fundit kur godina blu rrezikoi të përmbytej, ishte në këtë datë, 8 janar, 4 vite më parë, kurdoktori nuk ishte në zyrë, por jashtë saj. Atë ditë, selia blu e Lulzim Bashës për pak sa u përmbyt nga batica e dhunshme e doktorit, një baticë blu që vjen sa herë Sali Berishës i rrezikohet, ose nuk i lëshohet karrigia.

Kurse tani që doktori është në seli, ka vetëm zbaticë. Lapaj, Shehaj dhe Arlind Qori kanë refuzuar ftesën e Berishës për t’u ulur te premten në tryezë. Por Doktori e di që të vetët mund t’i mbajë akoma me shpresë. Së paku edhe për 24 orë.

“A mund t’i paragjykoj unë ato, pa u mbledhur tryeza. Po ja që mundet të ndryshojnë mendim, dhe pastaj ç’ngelet nga fjala ime, dera është e hapur, janë të gjithë ata që e ndjejnë veten opozitarë janë të mirëpritur” u shpreh Berisha.

Berisha e la për nesër humorin poltik. Sot foli seriozisht per permbytjet dhe dy faktoret dhe fajtoret kryesore te saj. Shiu dhe hidrovori, pastaj Rama.

“Durrësi është përmbytur, pa diskutim që reshjet e mëdha janë shkaku themelor, por ajo që e favorizoi në mënyrë të paprecedent është gjendja katastrofale e kanalizimeve dhe hidrovorëve, atij të Porto Romanos dhe atij të zonës sipër Bishtit të Pallës, e cila mbron të gjithë atë ultësirë”, – vijoi ai.

Berisha i kërkoi qytetarëve të mos e dëgjojnë shumë Ramën, në ditë me shi doktori thotë se është më i kthjellët se kryeministri.

“Lëshon dje një tallje cinike, në të cilën pretendon se opozita po e akuzon për përmbytjet në Greqi dhe Itali, një fantazi e sëmurë e një fantazisti të sfazuar, njeriu i cili tani po përjeton net tmerri çdo natë për shkak të krimeve të tij të bëra evidente. E vërteta është që Edi Rama është i tmerruar nga dosja e tij”, – shtoi Berisha.

Në fakt, doktori është më i vjetër në përmbytje se Rama, ndaj dhe i ftoi qytetarët të dëgjojnë vetëm ekspertizën e tij.

“U bëj thirrje banorëve të evakuohen sa më parë sepse lumi Vjosa është një lumë me rrezikshmëri të pakrahasueshme me asnjë nga lumenjtë e tjerë të vendit në befasinë e prurjeve të tij,” përfundoi kreu i PD.

Kryeministri Edi Rama e nisi ditën e mërkurë me ironi dhe nota tallëse, ndërkohë që shirat e rrëmbyer të dy ditëve të fundit kanë shkaktuar një situatë dramatike në disa qytete të vendit, ku janë përmbytur me mijëra shtëpi. “Nuk e kuptoj pse nuk po më fajësojnë akoma mua, qeverinë dhe bashkinë e Durrësit, për […]

The post Ironia e Ramës me përmbytjet ngjall zemërim mes partive opozitare appeared first on Reporter.al.

Është shtyrë seanca gjyqësore, e kreut të “Shqipëria Bëhet”, Adriatik Lapajt me Agron Shehaj, kreu i “Partisë Mundësia”. Seanca ishte parashikuar të mbahej këtë të mërkurë, por sipas deklaratës së Lapajt jashtë ambjenteve të GJKKO-së, seanca është shtyrë për në datë 21 janar. Adriatik Lapaj e ka paditur Agron Shehajn për shpifje lidhur me një deklaratë që […]

The post Padia për shpifje/ Shtyhet gjyqi i Adriatik Lapajt me Agron Shehajn, caktohet seanca e radhës appeared first on BoldNews.al.

Kryetari i Partisë Mundësia, Agron Shehaj vijon në terren ditën e dytë të fushatës për mbledhjen e 100 mijë firmave në mbrojtje të drejtësisë dhe luftës ndaj korrupsionit. Shehaj thotë se sot në vetëm pak orë janë mbledhur qindra firma të tjera shqiptarësh që duan që lufta ndaj të korruptuarve të vazhdojë. “Është shumë e rëndësishme të mbajmë anën e drejtësisë, të mbajmë anën e luftës kundër…

Source

Agron Shehaj, kryetar i partisë “Mundësia”, i ftuar në emisionin “Të Paekspozuarit” në MCN TV u shpreh se kryeministri Rama është i rrezikuar nga hetimet që po bën SPAK për dosjet e mëdha, ku, sipas tij, ai del duke vendosur për tenderat. Sipas Shehajt nëse nuk shkohet te Rama cenohet besueshmëria e SPAK-ut. “Rama, absolutisht […]

The post Shehaj për SPAK: Të mos shkosh te Rama, do të thotë të hedhësh poshtë besueshmërinë që ke fituar appeared first on BoldNews.al.

Kryetari i Partisë Mundësia, Agron Shehaj ka nisur një fushatë në terren për mbledhjen e firmave të qytetarëve në mbrojtje të drejtësisë dhe kundër korrupsionit, duke u bërë thirrje shqiptarëve të zgjedhin qartë se në cilën anë qëndrojnë. Shehaj shpjegon se qëllimi i kësaj fushate është mbështetja e institucioneve të drejtësisë në momentin kur politikanë të nivelit të lartë po dalin për herë të…

Source

Kryetari i Partisë Mundësia, Agron Shehaj, ka ngritur sot alarmin për rrezikun serioz që paraqet AKSHI për sigurinë e të dhënave personale dhe pronat e qytetarëve shqiptarë. Në një mesazh në rrjetet sociale, Shehaj deklaroi se AKSHI ka në dorë çdo informacion jetik për qytetarët, përfshirë të dhënat e pronësisë, shëndetit, biometriket, lëvizjet, gjobat dhe […]

The post Shehaj: AKSHI në duart e bandave, kanë ndërhyrë në Kadastër dhe kanë ndryshuar pronarët! appeared first on BoldNews.al.

Kryetari i partisë “Mundësia”, Agron Shehaj, në një lidhje me emisionin “Të Paekspozuarit” në MCN TV, u shpreh se opozita nuk është vetë e besueshme, ndërsa akuzon shoqërinë se i ka vdekur nervi që nuk del në protestë. Ai tha se nuk i mbetet qejfi nga Berisha që e akuzon partinë e tij si opozita e opozitës dhe që i shërben Ramës dhe tani thonë se pse nuk shkuan në protestë.

“Berisha tha që ne jemi opozita opozitës dhe i shërbejmë Ramës dhe tani thotë: pse nuk erdhët në protestë? Por nuk është vetëm kjo arsyeja, sepse nuk është se më mbetet qejfi mua nga çfarë thotë Partia Demokratike.

E vërteta është që ne na ndan qëndrimi në lidhje me protestën. Për çfarë po protestojmë? Po protestojmë për arritjet e drejtësisë, për faktin se si drejtësia më në fund po nxjerr para drejtësisë të korruptuarit.

Por s’ishte e mundur që drejtësinë njëherë ta quajmë dhe ta komplimentojmë, dhe pastaj nga ana tjetër t’i quajmë Altin Troplini. Kjo tregon se nuk ka koherencë dhe kur nuk ka koherencë, humbet besueshmëria.

Si mundemi të bëjmë një protestë? Ky është problemi kur flasim për besimin e qytetarëve. Pikërisht këtu qëndron thelbi: ne nuk mund të pretendojmë nga shoqëria, të akuzojmë shoqërinë që qenka pa nerv, t’i masim nervin shoqërisë apo t’i bëjmë moralin asaj.

Ndërkohë që vetë nuk jemi të besueshëm. Në radhë të parë është besueshmëria. Kushdo që i bën moralin qytetarëve, duhet më parë t’i bëjë një pyetje vetes.

Mirëpo, a jam unë i besueshëm, mjaftueshëm i besueshëm? Ky është hapi i parë. Hapi i dytë pastaj është të punosh, të vazhdosh, të përpiqesh të bindësh dhe jo t’i bësh gjyqin qytetarëve.

Unë kam respekt maksimal për të gjithë qytetarët që dalin dhe protestojnë kundër korrupsionit, që reagojnë pavarësisht se janë anëtarë partie apo nuk janë, apo janë qytetarë të thjeshtë.. nuk besoj se ka shumë rëndësi.

Të gjithë ata që thonë “po çfarë u arrit me protestën”, u them se protestat bëhen dhe nuk është se në çdo vend të botës bëhen protesta dhe bie qeveria sepse do ishte e thjeshtë që qeveria të binte çdo ditë.

Protestat bëhen për të dhënë një mesazh, për të treguar se me kë je: je me drejtësinë apo je me të korruptuarit. Je i indinjuar, si i indinjuar është një formë proteste, prandaj quhet protestë. Është ngritje zëri dhe shumë mirë bëjnë që protestojnë. Është e drejta e tyre, mirë bëjnë” – tha Shehaj.

The post Agron Shehaj: Berisha tha që ne jemi opozita e opozitës e i shërbejmë Ramës dhe tani thotë se pse nuk erdhët në protestë appeared first on Albeu.com.

Partia ”Mundësia” mbajti një protestë jashtë ambienteve të Kryesisë së Kuvendit, ndërkohë që brenda saj mbahej mbledhja e Këshillit të Mandateve dhe Imuniteteve për të shqyrtuar kërkesën e Prokurorisë së Posaçmes, SPAK, për heqjen e imunitetit të zv/kryeministres Belinda Balluku. I pranishëm në protestën e thirrur nga partia Mundësia ishte edhe kandidati i pavarur për Bashkinë e Tiranës…

Source

TIRANË, 19 dhjetor /ATSH/ Partia Mundësia zhvilloi paraditen e sotme protestë para kryesisë së Kuvendit.

Protesta u zhvillua në të njëjtën kohë me mbledhjen e Këshillit të Mandatave dhe Imunitetit ku u shqyrtua kërkesa e Prokurorisë së Posaçme kundër Korrupsionit dhe Krimit të Organizuar për dhënien e autorizimit nga Kuvendi për heqjen e imunitetit të deputetes, njëherësh zëvendës kryeministres, Belinda Balluku.

Kryetari dhe njëheraz deputeti i Partisë Mundësia, Agron Shehaj kërkoi që të jetë i pranishëm në mbledhjen e këshillit e cila u zhvillua me dyer të mbyllura, por kërkesa nuk iu miratua.

“Kërkojmë të drejtën tonë për të qenë të pranishëm në mbledhjen e Këshillit që do të vendosë fatin e Ballukut. Iu kemi dërguar një shkresë. Kemi bërë një kërkesë, kemi të drejtë të parashtrojmë këtë kërkesë. Duhet të nisë më dyer të hapura dhe të parashtrojmë kërkesën. Vazhdon avazi PS-PD, askush nuk duhet t’iu prishë planet e pazaret”, tha Shehaj.

Jashtë ambienteve të Kryesisë, në tubimin e organizuar nga Partia Mundësia, protestuesit u shfaqën me pankarta në duar në mbështetje të drejtësisë.

“Pa drejtësi, s’ka BE”, “Stop Krim-Shtetit”, “Në mbrojtje të drejtësisë”, lexohet në pankartat e protestuesve. /m.q/j.p/

1 nga 11

The post Partia Mundësia, protestë para kryesisë së Kuvendit appeared first on Agjencia Telegrafike Shqiptare.

Tensione brenda ambienteve të Kryesisë së Kuvendit, ku kreu i Mundësia, Agron Shehaj po proteston pas derës ku mbahet mbledhja e Këshillit të Mandateve dhe Imuniteteve, për çështjen ‘Balluku’, për të cilën SPAK kërkon arrestimin e saj.

Në praninë e Erald Kaprit, deputet i Mundësia, Shehaj u përplas me punonjësit e sigurisë, ndërsa kërkoi që të hynte brenda në mbledhje. “Skandal, pse më shtyn?”, dëgjohet Shehaj teksa debaton me sigurinë.

Shehaj tha se PS dhe PD po bëjnë pazare brenda në mbledhje.

The post “Skandal! Pse më shtyni?”/ Tensione në protestën e ‘Mundësia’ te mbledhja për Ballukun, Shehaj ‘përplaset’ me sigurinë: Pazar PS-PD appeared first on Albeu.com.

Kreu i Partisë Mundësia, Agron Shehaj ka tentuar që të futet në ambientin ku mbahet mbledhja e Këshillit të Mandateve, për imunitetin e Belinda Ballukut. Ai nuk është lejuar që të futet nga Garda, pasi kjo mbledhje zhvillohet me dyer të mbyllura në prezencë të anëtarëve të Këshillit dhe prokurorëve të çështjes, për shkak të sekretit hetimor dhe ndjeshmërisë që ka dosja. Ndërkohë në ambientet e…

Source

Kryetari i Partisë Mundësia, Agron Shehaj, u ka bërë thirrje qytetarëve të dalin në protestë të premten, në orën 10:30, përballë Kuvendit të Shqipërisë, në momentin kur mblidhet Këshilli i Mandateve për të shqyrtuar kërkesën e SPAK për heqjen e imunitetit të Belinda Ballukut.

Me një video reagim në rrjetet sociale, Shehaj fton të gjithë qytetarët të marrin pjesë në protestë.

“Protesta! Protesta! Protesta! Në çdo postim marr me qindra komente ku me thoni: “Duhet të organizojmë protesta”. Të premten në orën 10:30, mblidhet Këshilli i mandateve, do vendosin të shpëtojnë Belinda Ballukun. Aty do të organizojmë protestën dhe do të kërkojmë që të dorëzojnë Belinda Ballukun. Belinda Balluku duhet të arrestohet ashtu siç kërkon SPAK-u dhe siç ka vendosur Gjykata. Mjaft e mbrojtët! Ju presim të gjithëve! Të premten në 10:30, përballë Kuvendit të Shqipërisë. Ne do të jemi aty. Apo jo? Dorëzoni Belindën!” tha Agron Shehaj.

VIDEO

The post Këshilli i Mandateve shqyrton imunitetin e Ballukut të premten/ Shehaj thërret protestë në të njëjtën orë përpara Kuvendit appeared first on Albeu.com.

Kryetari i Partisë Mundësia, Agron Shehaj ka folur për hetimet dhe masat e dhëna nga SPAK në lidhje me abuzimet e bëra në tenderat AKSHI-t.

Shehaj tha se drejtueses së AKSHI-t, Mirlinda Karçanaj, ndaj të cilës është dhënë masa e sigurisë arrest në shtëpi, nuk i përmendje emri në Parlament.

Ai akuzoi AKSHI se ka ekspozuar të dhënan sensisitive të qytetarëve, të cilat janë përdorur nga patronazhistët me qëllim favorizimin e PS në zgjedhje.

“AKSHI është i vetmi institucion që bën tendera sekret që do të thotë se nuk jep llogari se kujt do t;i shkojën paratë. Rama ka vendosur që tenderat e AKSHI nuk mund të bëhen publik. AKSHI ka të dhënat, kjo është e rëndësishme sepse ushqen patronazhistët, organizon zgjedhjet, vota e diasporës. PS fitoi në Greqi me 80% votave. Vendosnin se kush e kishte plotësuar formularin në mënyrë të duhur dhe kush jo, merrnin patronazhistin dhe i thoshin merreni në telefon atë se i mungon karate identitetit, merre në telefon atë… kupton. Ajo që dallon këtë rast korruptim nga të tjerët është që kemi të bëjmë me rrëmbimin e një qytetari nga oficerët në detyrë të policisë, nuk janë banditë të veshur si oficerë. kanë oficerë. Nuk mund të jetë inskenim sepse ke dy individë që janë akuzuar për pengmarrje… Kjo zonja Mirlinda Karçanaj, unë e kam përmendur dhe në parlament. Nuk e njeh askush, kjo është e lidhur drejtpërdrejtë me familjen e kryeministrit. Kur është thirrur në SPAK me avokat dhe kam folur në parlament, mazhoranca ishte e shokuar se kësaj as emri nuk i përmendej. Drejtoresha e AKSHI, gropa e zezë e korrupsionit dhe përdorimit të të dhënave për të fituar zgjedhjet”,tha Shehaj.

The post Agron Shehaj për drejtoreshën e AKSHI-t: As emri nuk i përmendej në Parlament appeared first on Albeu.com.

Kreu i grupit parlamentar të PS-së, Taulant Balla, i është kundërpërgjigjur ashpër Agron Shehajt, ku shprehet se kushtetuta e përcakton dhe kryeministri mund t’ia delegojë interpelancën ministrave.

Balla lëshoi akuza në drejtim të Shehajt, ndërsa theksoi se ky i fundit të rrijë urtë dhe ta mbajë mirë me Bashën, pasi ky i fundit mund të tregonte për ‘disa çanta’.

O zoti kryetar, ça po hidhni në votim? O zoti Braçe, ai është në rol. Teatri që sapo dëgjuam në Kuvend, është i padëgjuar. Zotëri, kushtetuta e Republikës i jep të drejtën kushtetuese të delegoj. Ore s’po përgjigjem ty. Pusho ti pusho. S’të kam në refene. Ik merru me Lulin, ik fërkojë se po foli Luli ike ti. Mbaje mirë me Lulin se po tregoi ai se si i sillje çantat ti…Me mua do merresh ti? Ouu. Çoheni ju me buton 10 veta këtu?! Kështu i jepni firmat ju? Me të çuar në këmbë? Çohuni, Agron Shehaj, Avokat Populli.

The post Pusho/ Balla shpërthen kundër Shehajt: Kujdes, mbaje mirë me Lulin se po tregoi se si i sillje çantat, ike… appeared first on Albeu.com.

TIRANË, 11 dhjetor /ATSH/ Seanca e Kuvendit pati edhe debate lidhur me interpelancën e këkruar nga deputeti i partisë Mundësia, Agron Shehaj me kryeministrin Edi Rama.

Kryetari i Kuvendit, Niko Peleshi u shpreh se kryeministri Rama ia ka deleguar interpelancën ministres së Brendshme, Albana Koçiu.

Shehaj këkroi heqjen e interpelancës nga rendi i ditës dhe akuzoi Kryeministrin Rama se po i ikën llogaridhënies për shkak se ka shqetësime më të mëdha, siç është ai i zv.kryeministres Belinda Balluku.

“Unë e kuptoj shqetësimin, realisht e kuptoj shqetësimin sepse në fakt fati i këtij vendi dhe kryeministri nuk është më i përqendruar në çfarë ndodh në Kuvend se fati i këtij vendi nuk po vendoset ketu në Kuvend, por po vendoset diku tjetër dhe kryeministri i Shqipërisë ka halle më të mëdha për të zgjidhur tani se sa të dalë në një interpelancë për një çështje që ka të bëjë me jetën e përditshme të qytetarëve shqiptarë”, tha Shehaj.

Pasi Peleshi i kërkoi që të fliste për rendin e ditës, Shehaj i tha se nuk mund të sillet si avokat i Ramës dhe Ballukut.

Sipas Shehajt, tashmë mazhoranca ka humbur moralin dhe fabulën dhe këkroi heqjen nga rendi i ditës së interpelancës dhe këkroi mbështetjen nga 10 deputetë të opozitës që u çuan në këmbë.

Balla: Interpelanca është ezauruar, kryeministri ka të drejtë të delegojë.

Kryetari i Grupit Parlamentar të Partisë Socialiste, Taulant Balla reagoi, pasi opozita kërkoi heqjen nga rendi i ditës të interpelancës së parashikuar me ministrat, në vend të kryeministrit.

“Kryeministri ka të drejtë ta delegojë interpelancën,” tha Balla, duke rikujtuar se gjatë 21 viteve si deputet ka kërkuar 40 interpelanca, por vetëm dy janë zhvilluar drejtpërdrejt me kryeministrin (në kohën kur në pushtet ishte PD), ndërsa të tjerat janë deleguar te ministrat, siç e lejon Kushtetuta”, tha Balla.

“Ku është parë që ngrihen 10 vetë dhe plotësohen 10 firma? Kështu i jepni firmat ju, me të çuar në këmbë?” u shpreh ai.

Ai shtoi se PD po përdor taktika teatrale dhe shkel traditën e saj parlamentare, ndërsa akuzoi:

“Deputetët e Partisë Demokratike i çon Goni me buton”, tha Balla.

Në mbyllje, Balla theksoi se interpelanca duhet  zhvilluar dhe nuk ka asnjë bazë procedurale për ta shtyrë apo përsëritur.

“Interpelanca sot quhet e ezauruar. Interpelancë tjetër për këtë çështje nuk ka,” deklaroi Balla, duke kërkuar mbylljen e debatit dhe respektimin e rregullores së Kuvendit.

Në fund Kuvendi votoi për lënien në fuqi të rendit të ditës.

/gj.m/a.f/

The post Shehaj kërkoi shtyrjen e interpelancës me Ramën, Balla: Kryeministri ka të drejtë të delegojë appeared first on Agjencia Telegrafike Shqiptare.

Kreu i grupit parlamentar të PS-së, Taulant Balla i është kundërpërgjigjur ashpër Agron Shehajt të Mundësisë. Ai tha se kushtetuta e përcakton se kryeministri mund t’ia delegojë interpelancën ministrave. Balla lëshoi akuza në drejtim të Shehajat, ndërsa theksoi se ky i fundit të rrijë urtë dhe ta mbajë mirë me Bashën, pasi ky i fundit […]

The post Balla – Shehajt: Kujdes, mbaje mirë me Lulin se po tregoi se si i sillje çantat, ike… appeared first on BoldNews.al.

Në tryezën e forumit “Mbrojtja e drejtësisë dhe lufta ndaj korrupsionit”, Agron Shehaj tha se në ditën që drejtësia vuri para ligjit “të paprekshmit” e korruptuar, kanë nisur sulmet ndaj prokurorëve e gjyqtarëve që rikthyen besimin e shqiptarëve tek drejtësia dhe barazia para ligjit. Teksa tha se po diskutohet se një bashkim i opozitës do të sillte rrëzimin e qeverisë ”Rama 4”…

Source

Në seancën e kësaj të enjteje, 11 dhjetor, Kuvendi i Shqipërisë ka futur në rendin e ditës disa pika të rëndësishme diskutimi, mes të cilave, interpelanca me Kryeministrin Edi Rama, kërkesë e deputetit Agron Shehaj.

URDHËROJ:

I. Mbledhjen e Kuvendit në seancë plenare në datën 11.12.2025, ora 10:00. II. Rendi i ditës i seancës plenare është si më poshtë:

1. Miratimi i procesverbaleve të seancave plenare të datave 2.12.2025 dhe 4.12.2025.

2. Njoftime.

3. Interpelancë me ministrin e Turizmit, Kulturës dhe Sportit, z. Blendi Gonxhja, kërkuar nga deputetja Ina Zhupa.

4. Interpelancë me Kryeministrin e Republikës së Shqipërisë, z. Edi Rama, kërkuar nga deputeti Agron Shehaj.

5. Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë””, të ndryshuar. (Shqyrtimi nen për nen dhe në tërësi)

6. Projektligji “Për disa ndryshime në ligjin nr. 92/2014 “Për tatimin mbi vlerën e shtuar në Republikën e Shqipërisë”. (Shqyrtimi nen për nen dhe në tërësi)

7. Projektligji “Për disa ndryshime dhe shtesa në ligjin nr. 29, datë 30.3.2023, “Për tatimin mbi të ardhurat”. (Shqyrtimi nen për nen dhe në tërësi)

8. Projektligji “Për disa shtesa në ligjin nr. 9632, datë 30.10.2006, “Për sistemin e taksave vendore”” të ndryshuar. (Shqyrtimi nen për nen dhe në tërësi)

9. Projektligji “Për disa ndryshime në ligjin nr. 87/2019 “Për faturën dhe sistemin e monitorimit të qarkullimit, të ndryshuar. (Shqyrtimi nen për nen dhe në tërësi)

10. Projektligji “Për marrëveshjen e paqes fiskale”. (Shqyrtimi nen për nen dhe në tërësi)

11. Projektligji “Për rivlerësimin e pasurisë së paluajtshme”. (Shqyrtimi nen për nen dhe në tërësi)

12. Projektligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë”. (Shqyrtimi nen për nen dhe në tërësi)

13. Projektligji “Për buxhetin e vitit 2026”. (Shqyrtimi nen për nen dhe në tërësi)

14. Projektligji “Për koncesionet dhe partneritetin publik privat”.

15. Projektligji “Për gjuetinë”.

16. Projektligji “Për disa shtesa dhe ndryshime në ligjin nr. 155/2020 “Për ndryshimet klimatike””.

17. Projektligji “Për disa ndryshime dhe shtesa në ligjin nr.80/2021 “Për regjistrimin e organizatave jofitimprurëse””, të ndryshuar.

18. Projektvendimi “Për zgjedhjen e Avokatit të Popullit”.

19. Projektvendimi “Për një ndryshim në vendimin nr. 104/2025 “Për ngritjen e Nënkomisionit për Auditimin e Sektorit Publik në përbërje të Komisionit të Përhershëm Parlamentar për Ekonominë, Punësimin dhe Financat”.

20. Mocion me debat për gjetjet, konkluzionet dhe rekomandimet e raportit final të OSBE-ODIHR-it për zgjedhjet parlamentare të 11 maj 2025.

21. Diskutime për çështje jashtë rendit të ditës.

III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.

IV. Ky urdhër hyn në fuqi menjëherë.

The post Nga interpelanca Rama-Shehaj te projektvendimi për Avokatin e Popullit dhe mocioni me debat për raportin e OSBE-ODIHR-it, zbardhet rendi i ditës për seancën plenare të radhës appeared first on Albeu.com.