TIRANË, 11 dhjetor /ATSH/ Qytetarët mund të aplikojnë dhe të kryejnë pagesat elektronikisht përmes portalit “e-Albania”, për 74 shërbime të Kadastrës, duke përdorur çdo kartë krediti ose debiti, kudo që ndodhen.

Kadastra njofton se, shërbimet që paguhen online përfshijnë: Certifikata pronësie; vërtetime dhe kartela pasurish; regjistrime fillestare të pronës dhe akte trashëgimie; rivlerësime dhe saktësime kufijsh.

Për të paguar online: Zgjidhet shërbimi në e-Albania; klikohet “Paguaj Online” dhe ndiqen udhëzimet e sistemit.

Pagesa konfirmohet menjëherë dhe aplikimi trajtohet pa vonesa.

/e.xh/r.e/a.f/

The post 74 shërbime kadastrale të pagueshme online appeared first on Agjencia Telegrafike Shqiptare.

TIRANË, 3 dhjetor /ATSH/ Agjencia Shtetërore e Kadastrës ka njoftuar se nga sot qytetarët mund të kryejnë pagesat për të gjitha shërbimet kadastrale edhe përmes aplikacionit në një nga bankat e nivelit të dytë, duke e bërë procesin më të shpejtë, më të thjeshtë dhe më të sigurt.

Sipas Kadastrës, mjafton që përdoruesit të skanojnë faturën përkatëse në aplikacion, dhe pagesa reflektohet menjëherë në sistemin e Kadastrës, duke mundësuar fillimin pa vonesë të trajtimit të aplikimit.

Ky shërbim i ri online vjen si pjesë e përpjekjeve të Kadastrës për të lehtësuar procedurat për qytetarët, duke reduktuar pritjen, shmangur sportelet dhe rritur aksesin në shërbimet digjitale.

/e.xh/j.p/r.e/

The post Kadastra zgjeron kanalet e pagesave online, përmes bankave të nivelit të dytë appeared first on Agjencia Telegrafike Shqiptare.

Pas vetëm pesë muajsh në detyrë, drejtori i Agjencisë Shtetërore të Kadastrës në Sarandë, Ilir Çibuku, është shkarkuar nga posti. Në raportin e fundit, zyra e Sarandës është renditur ndër drejtoritë me numër të lartë ankesash dhe me vonesa të përsëritura në procedura. Pas largimit të Çibukut, detyra e drejtuesit të zyrës do të mbahet […]

The post Shkarkohet drejtori i Kadastrës së Sarandës appeared first on BoldNews.al.

SARANDË- Pas 5 muajsh në drejtimin e Agjencisë Shtetërore të Kadastrës në Sarandë është shkarkuar Ilir Çibuku.

Drejtori llir Çibuku është shkarkuar nga detyra me urdhër të Drejtoreshës së Përgjithshme të Agjencisë Shtetërore të Kadastrës, Lorena Goxhobelli, me motivacionin për performancë të dobët në ofrimin e shërbimeve dhe trajtimin e aplikimeve të qytetarëve.

Burime nga institucioni bëjnë të ditur se vendimi është marrë pas një vlerësimi mbi eficencën dhe cilësinë e punës në zyrat vendore, ku Saranda është renditur ndër drejtoritë me volum të lartë ankesash dhe vonesash ne procedura.

Pas shkarkimit të drejtorit është komanduar përkohësisht një punonjës i brendshëm deri në emërimin e drejtorit të ri./abcnews.al

Genc Deromemaj, ka dhënë dorëheqjen nga detyra e kreut të Kadastrës së qytetit të Vlorës, vetëm katër muaj pas emërimit më 24 qershor 2025. Më herët Deromema ka qenë kreu i PD në Vlorë. Deromemaj ka qenë aktiv në Partinë Demokratike që prej vitit 2002, duke mbajtur poste të ndryshme, përfshirë drejtimin e degës së […]

The post Genc Deromemaj jep dorëheqjen nga drejtimi i Kadastrës së Vlorës pas vetëm 4 muajsh appeared first on BoldNews.al.

TIRANË, 30 tetor /ATSH/ Agjencia Shtetërore e Kadastrës (ASHK) vijon punën për përfundimin e procesit të legalizimit të pallateve në zonat urbane, duke ofruar lehtësi dhe transparencë për qytetarët.

Kadastra njofton se, në Njësinë Administrative Kashar, specialistët e Drejtorisë Vendore ASHK Tiranë Rurale 2 po kryejnë legalizimin e një pallati 9-katësh, ndërtuar në vitin 2005, në rrugën “Besim Alla”, që përfshin 160 njësi banimi, shërbimi dhe garazhe.

Deri tani janë miratuar 95 vendime legalizimi, ndërsa mbeten për t’u legalizuar dhe 65 njësi.

ASHK fton banorët të dorëzojnë dokumentacionin e nevojshëm pranë drejtorisë përkatëse, si: Akt marrëveshje me ndërtuesin/investitorin; Kontratë porosie apo kontratë sipërmarrjeje.

Pas përfundimit të procedurës dhe 30 ditë pas emetimit të vendimit të legalizimit, banorët mund të aplikojnë në platformën “e-Albania” për regjistrimin e vendimit dhe pajisjen me certifikatë pronësie, hartë kadastrale dhe kartelë pasurie.

Ky proces është pjesë e angazhimit të Kadastrës Shqiptare për të garantuar të drejtën e pronësisë dhe për të përmbyllur me sukses legalizimet në territorin e bashkisë Tiranë.

1 nga 6

/e.xh//a.f//r.e/

The post Pallati me 160 njësi në Kashar drejt përfundimit të legalizimit appeared first on Agjencia Telegrafike Shqiptare.

TIRANË, 22 tetor /ATSH/ Kadastra Shqiptare njofton se qytetarët që kanë ndërtuar banesa para vitit 1991 dhe nuk zotërojnë ende një titull pronësie, tashmë mund të përfitojnë këtë të drejtë përmes një aplikimi të thjeshtë online në portalin e-Albania.

Për të nisur procesin, mjafton të zgjidhet shërbimi “Kalimi në pronësi i objektit pa titull / truallit funksional / oborrit në përdorim”, dhe të plotësohet kërkesa elektronike me të dhënat përkatëse.

Pas dorëzimit të aplikimit, Drejtoria Vendore e ASHK e shqyrton dokumentacionin dhe nëse aplikimi është i saktë, qytetarit i jepet titulli i pronësisë, i cili më pas mund të regjistrohet zyrtarisht.

Sipas Kadastrës, ky proces synon të formalizojë pronësinë mbi ndërtimet e vjetra dhe të përmirësojë sigurinë juridike të qytetarëve mbi banesat e tyre. /j.p/

The post Kadastra: Aplikim online për titull pronësie për shtëpitë e ndërtuara para ’91 appeared first on Agjencia Telegrafike Shqiptare.

Nga Vladimir Karaj Në dhjetorin e vitit të largët 1932, zonja Bihter Toptani bleu 130 hektarë tokë në vendin e quajtur “Maranishtja” në Shetaj të Ishmit në Durrës – sot një nga zonat më të lakmuara turistike në Shqipëri. Transaksioni u krye në prani të një gjyqtari paqtues, ndërsa pas blerjes, zonja Toptani ia dhuroi […]

The post ‘Shteti i Rrumit’ dhe skema e grabitjes së tokave në Durrës dhe Tiranë appeared first on BoldNews.al.

Aurela Beqiri nga Elbasani iu drejtua emisionit “Stop” në Tv Klan, pasi hasi probleme në marrjen e certifikatës së pronësisë për një pasuri të dhuruar nga vajzat e saj. Gjatë aplikimit të parë në Kadastrën e Elbasanit, në dokument u shënua gabim lagjja si rrugë e në aplikimin e dytë, ndodhi e kundërta, rruga u […]

The post Kadastra “ngatërron” dy herë rrugën me lagjen, qytetarja s’merr shtëpinë e saj appeared first on BoldNews.al.

Dhoma Vendore e Avokatisë Vlorë, i ka dërguar një kërkesë SPAK-ut dhe Prokurorisë së Vlorës, për të hetuar keqfunksionim dhe abuzimet e konstatuara në Drejtorinë Vendore të Agjencisë Shtetërore të Kadastrës Vlorë. Në shkresë, Dhoma Vendore e Avokatisë bën me dije se kanë konstatuar se Kadastrra në Vlorë është kthyer në një vatër të keqmenaxhimit dhe abuzimit, […]

The post Dhoma e Avokatisë kërkesë SPAK të hetojë Kadastrën e Vlorës: Vatër keqmenaxhimi dhe abuzimi appeared first on BoldNews.al.

TIRANË, 15 shtator /ATSH/ Agjencia Shtetërore e Kadastrës (ASHK) njoftoi se gjatë muajit gusht 2025 Drejtoritë Vendore në të gjithë vendin kanë miratuar 1670 vendime legalizimi, duke u dhënë qytetarëve siguri juridike mbi pronën e tyre.

Ky është një tjetër hap konkret në procesin e legalizimeve, që synon përfundimin e çështjeve të mbartura ndër vite dhe kthimin e pronës së ligjshme në duart e qytetarëve.

ASHK ka publikuar listën e përfituesve për çdo drejtori vendore në faqen zyrtare të institucionit:https://www.ashk.gov.al/publikime/.

Ndërkohë, qytetarët që kanë përfituar një vendim legalizimi kanë 30 ditë nga data e njoftimit për të aplikuar për: Regjistrimin e vendimit të legalizimit; certifikatën e pronësisë; kopje të kartelës së pasurisë së paluajtshme dhe fragment të hartës kadastrale.

Kadastra njofton se, të gjithë përfituesit mund të aplikojnë online përmes platformës “e-Albania”, duke zgjedhur shërbimin: “Aplikim për regjistrimin e kalimit të pronësisë me anë të ligjit, me vendim të gjykatës, apo të një akti administrativ”.

Ky proces digjital ofron lehtësi dhe transparencë të plotë për qytetarët, duke shmangur vonesat dhe burokracitë.

/e.xh//r.e/

The post Kadastra: 1670 legalizime gjatë muajit gusht  appeared first on Agjencia Telegrafike Shqiptare.

TIRANË, 13 shtator /ATSH/ Agjencia Shtetërore e Kadastrës është drejt përmbylljes së procesit të regjistrimit fillestar të pronave në 20 fshatra të vendit, duke i hapur rrugë pajisjes së banorëve me dokumentacion të plotë ligjor të pronësisë.

Procesi është zhvilluar në 4 fshatra në Përmet, 6 fshatra në Mallakastër, 6 fshtara në Elbasan, Peqin dhe 4 fshatra në Shijak, Gjirokastër dhe Delvinë. Konkretisht fshatrat janë: Lapulec, Ninësh, Visokë, Drenovë, Kutë, Drizar, Raban, Hotovë, Podgoran Mal, Kosovë Gosnisht, Lisnaj, Paulesh, Bicaj, Caushaj, Mlizë, Gurabardh, Shahinaj, Shetel, Tranoshisht dhe Markat.

ASHK bën të ditur se, në bashkëpunim të ngushtë me banorët dhe me ndihmën e Qendrës së Kadastrës Digjitale, janë mbledhur të gjitha dokumentet e disponueshme, është kryer evidentimi në terren si dhe përpunimi ligjor dhe hartografik i materialeve përkatëse.

Aktualisht, po finalizohen të dhënat kadastrale për secilin prej këtyre fshatrave, me qëllim përgatitjen e regjistrit përfundimtar të pronave.

Pas përfundimit të këtij procesi, të gjithë banorët do të kenë mundësinë të aplikojnë për regjistrimin dhe certifikimin e pronës së tyre në portalin zyrtar e-Albania, duke përfituar nga një procedurë e thjeshtuar, digjitale dhe transparente.

Prej muajit gusht të këtij viti ka nisur regjistrimi fillestar i pasurive të paluajtshme, për të krijuar Regjistrin Kadastral në zonat rurale, ku deri më sot nuk është kryer më parë ky proces. /e.xh//a.f/

 

Visualizza questo post su Instagram

 

Un post condiviso da Agjencia Telegrafike Shqiptare (@ata.gov.al)

The post Drejt përmbylljes procesi i regjistrimit fillestar të pronave në 20 fshatra appeared first on Agjencia Telegrafike Shqiptare.

Në Fushë-Prezë, në rrugën e Rinasit emisioni “Stop” në Tv Klan takohet me zonjën Zamira Alija, e cila tregon se nuk regjistron dot tokën, arë të babait të saj, përfituar me AMTP para dy vjetësh. Kjo tokë, e shfrytëzuar nga familja tani del që në mes të parcelës, ka mbivendosje me shtetasin Ismail Cako. “Kjo […]

The post Punonjësit e Kadastrës dhunoj*ë gazetaren, drejtori bën sehir: S’është i yni appeared first on BoldNews.al.

Avokati Arben Llagnozi, për një postimi në rrjetet sociale, ka deklaruar se drejtuesja e Përgjithshme e Kadastrës, Lorena Goxhobelli, duhet që të japë dorëheqjen. Kjo thirrje e tij vjen pasi gazetarja e emisionit “Stop”, Domenika Bajraktari, ditën e enjte u dhunua fizikisht në ambjentet e Drejtorisë së Kadastrës Kamëz-Vorë, gjatë kryerjes së detyrës së saj […]

The post Dhuna ndaj gazetarëve, avokati: Lorena e ASHK-së të japë dorëheqjen! appeared first on BoldNews.al.

Gazetarja e emisionit investigativ Stop në TV Klan, Domenika Bajraktari, dhe kameramani i saj janë dhunuar ditën e sotme në ambientet e Kadastrës Vorë-Kamëz, ndërsa ishin në krye të detyrës. Ngjarja ndodhi gjatë një investigimi mbi problematikat në këtë institucion. Në vend të bashkëpunimit dhe transparencës institucionale, ekipi i Stop është përballur me dhunë fizike. […]

The post Dhunimi i gazetares në zyrat e Kadastrës, Berisha: Agresori ishte bandit i Lorenës appeared first on BoldNews.al.

TIRANË, 5 shtator /ATSH/ Agjencia Shtetërore e Kadastrës reagoi lidhur me lajmet e publikuara sot për një incident të ndodhur pranë Drejtorisë Vendore Kamëz-Vorë, ku u raportua një akt dhune ndaj një gazetareje.

Në një deklaratë të shpërndarë pë mediet, Kadastra dënon dhe distancohet nga çdo akt dhune ndaj përfaqësuesve të medias gjatë ushtrimit të detyrës së tyre, duke sqaruar se personi që ka kryer veprimin ndaj gazetares nuk është punonjës i Kadastrës.

“Në lidhje me rastin e raportuar, sqarojmë se personi që ka kryer veprimin ndaj gazetares nuk është punonjës i Agjencisë Shtetërore të Kadastrës. Ndërkohë jemi duke rishikuar të gjitha pamjet filmike të administruara nga kamerat e sigurisë dhe, nëse konstatohet shkelje nga rojat private, do të ndërmerren menjëherë hapat ligjorë dhe kontraktualë për të mos lejuar përsëritjen e rasteve të tilla. Agjencia Shtetërore e Kadastrës shpreh besimin e plotë tek institucionet ligjzbatuese dhe është e bindur se ato do të kryejnë hetimet dhe do të vendosin drejtësi sipas ligjit. Ne besojmë se puna e gazetarëve është një element i rëndësishëm për informimin e qytetarëve dhe ruajtjen e transparencës institucionale”, thuhet në deklaratën e Kadastrës.

Agjencia Shtetërore e Kadastrës siguron se do të vazhdojë të garantojë akses, respekt dhe bashkëpunim të ndërsjellë në çdo proces informimi.

Ditën e djeshme, shtetasja D. B., gazetare, bëri kallëzim në Polici, duke deklaruar se është penguar gjatë kryerjes së detyrës dhe është goditur me telefon në shpinë nga shtetasi F. M.

Policia e Shtetit informoi se specialistët për Hetimin e Krimeve të Komisariatit të Policisë nr. 3 arrestuan shtetasin F. M., 67 vjeç.

/r.e/

The post Kadastra: Personi që sulmoi gazetaren nuk është punonjës i institucionit appeared first on Agjencia Telegrafike Shqiptare.

TIRANË, 19 gusht /ATSH/ Agjencia Shtetërore e Kadastrës bën me dije se Drejtoria Vendore ASHK Kukës po vijon me intensitet punën për përpunimin dhe trajtimin e vetëdeklarimeve të banorëve, të kryera ndër vite.

ASHK-ja njofton qytetarët se pranë njësive administrative janë afishuar listat me emrat e vetëdeklaruesve që duhet të plotësojnë dosjen për të vijuar procedurën e legalizimit.

Dokumentet e nevojshme përfshijnë certifikatën familjare të datës së deklarimit dhe një numër kontakti për evidentimin në terren.

Kadastra i bën thirrje qytetarëve që nëse e kanë emrin në listë, të dorëzojnë dokumentet brenda afatit të përcaktuar për të përmbyllur procedurën e legalizimit të objektit tyre.

Kadastra nxit qytetarët të bashkëpunojnë për të përfituar të drejtën e pronësisë dhe për të hedhur një hap më tej drejt formalizimit të pronës private.

/e.xh/a.f/

The post Kadastra vijon procesin e legalizimit të ndërtimeve informale në Kukës appeared first on Agjencia Telegrafike Shqiptare.

Partia Demokratike ka denoncuar abuzimet që po bën Agjencia Shtetërore e Kadastrës. PD thotë se tarifat për pothuajse çdo shërbim që ofron Kadastra janë rritur me 70-80% të vlerës, duke rënduar xhepat e qytetarëve. “Nga një analizë e detajuar e vendimit qeveritar, rezulton se tarifat janë rritur në masën 70–80%, për pothuajse çdo shërbim që ofron […]

The post PD: Kadastra ka rritur tarifat për shërbimet me 70-80% ndaj qytetarëve appeared first on BoldNews.al.

TIRANË, 16 korrik /ATSH/ Kryeministri Edi Rama publikoi sot urdhrin për anulimin e vendimit për legalizimin e një ndërtimi pa leje, shtesë anësore 1 kat në një objekt ekzistues 8 kate në favor të Ilir Baki Isufit.

Rama theksoi se, për të gjitha këto lloj çmendurish, me qëllim fitimi në kurriz të komunitetit, do të reagohet me zero tolerancë duke i anuluar ligjërisht.

Gjithashtu shtoi Rama, do të miratohet së shpejti, si pjesë e reformës së re të kontrollit të territorit edhe një masë për ndëshkimin penal të të gjithë atyre nëpunësve të Aluiznit dje apo të Kadastrës më pas, që kanë firmosur për këto legalizime kriminale në mes të lagjeve të qyteteve tona.

“Për të gjitha këto lloj çmendurish me qëllim fitimi në kurriz të komunitetit, të cilat kanë marrë dokument legalizimi në hapësirën publike duke ngritur tenda hekuri, jo vetëm që do të reagohet me zero tolerancë duke i anuluar ligjërisht, por do të miratohet së shpejti, si pjesë e reformës së re të kontrollit të territorit edhe një masë për ndëshkimin penal të të gjithë atyre nëpunësve të Aluiznit dje apo të Kadastrës më pas, që kanë firmosur për këto legalizime kriminale në mes të lagjeve të qyteteve tona”, shkroi Rama.

1 nga 2

/gj.m/r.e//a.f/

The post Rama: Zero tolerancë për legalizimet në hapësirën publike, ndëshkim penal për nëpunësit që i kanë firmosur appeared first on Agjencia Telegrafike Shqiptare.

TIRANË, 12 korrik /ATSH/ Drejtoresha e Agjencisë Shtetërore të Kadastrës Lorena Goxhobelli u shpreh sot se vetëm në 6-mujorin e parë të këtij viti ky institucion ka nxjerrë më shumë vendime legalizimi se sa në të gjithë vitin e kaluar.

Duke iu referuar takimit të djeshëm me Kryeministrin Rama dhe përfaqësues të bashkive nga i gjithë vendi, Goxhobelli theksoi se në takim u fol hapur “për sfidat dhe hapat konkretë që po ndërmarrim për të përshpejtuar procesin e legalizimeve, regjistrimin fillestar dhe kalimin e tokës bujqësore në pronësi”.

“Do të realizojmë 25 mijë legalizime deri në dhjetor 2025”, tha Goxhobelli.

Ajo theksoi se procesi kërkon përkushtim dhe bashkëpunim të fortë me bashkitë, sepse siç u shpreh ajo,  për çdo vendim të miratuar qëndron një familje që më në fund mund të ndihet e sigurt për pronën e saj. /j.p/

1 nga 5

The post Goxhobelli: 25 mijë legalizime deri në dhjetor 2025 appeared first on Agjencia Telegrafike Shqiptare.