Mjekja toksikologe Suela Xhufi, e ftuar në emisionin “Dita jonë” në A2 CNN, ka ngritur alarmin për rrezikun e fentanilit dhe mundësinë që ky opioid shumë i fuqishëm të qarkullojë edhe në Shqipëri përmes tregut të zi, i maskuar me emra të tjerë.

Ajo tha se rreziku kryesor qëndron te mungesa e dijenisë së përdoruesve për atë që realisht po konsumojnë.

“Në Amerikë, në vitet ’90, nëse nuk gaboj, u vendos që fentanili të përdorej edhe postkirurgjikisht te pacientët që kishin kryer një ndërhyrje kirurgjikale, për lehtësimin e dhimbjeve. Kjo ishte arsyeja pse nisi një nivel epidemik i përdorimit të fentanilit te pacientët që dilnin pas këtyre lloj ndërhyrjeve. Në Shqipëri, kjo lloj terapie nuk është bërë kurrë. Në vendin tonë përdoret tramadoli ose preparate të tjera, por jo morfina në rastet postoperatore. Pikërisht kjo ishte arsyeja pse në Amerikë filloi përdorimi i fentanilit në mënyrë shumë të frikshme, sepse ka një afinitet shumë të lartë për të krijuar varësi te pacientët. Kërkon një dozë shumë të vogël për të çuar në vdekjen e pacientit. Doza letale është rreth 2 mg, ndërkohë që dozat terapeutike maten në mikrogramë”, tha Xhufi.

Xhufi thekson se rënia e prodhimit të opiumit në Afganistan ka nxitur shtimin e prodhimit të opioideve sintetike si fentanili, carfentanili apo nitazenët, substanca edhe më të fuqishme dhe shumë të rrezikshme, të papranuara nga FDA. Ajo paralajmëron se në tregun ilegal, fentanili mund të shitet i maskuar si barna të tjera, si benzodiazepina apo analgjezikë, duke rrezikuar jetën e personave që nuk janë përdorues opiatesh.

“Më 15 dhjetor, Trump vendosi që fentanili të kalojë nga niveli i dytë në nivelin e parë, pra të mos përdoret më në përshkrime për pacientët, për shkak të efekteve negative dhe varësisë së shpejtë që shkakton. Kjo është arsyeja pse unë shoh një risk edhe për tregun shqiptar. Rreziku qëndron në faktin se fentanili mund të përdoret me një emër tjetër dhe të futet si benzodiazepinë, siç mund të jetë lorazepami apo oksikodoni, gjithmonë duke folur për tregun ilegal. Pacienti që i merr këto substanca nuk e ka idenë se po përdor një terapi vdekjeprurëse, sidomos në rastet kur nuk është përdorues opiatesh. Fentanili nuk mund të merret pa recetë. Unë, si mjeke, nuk mund ta jap. Në Shqipëri, me ligj, fentanilin e përshkruajnë vetëm onkologu dhe anestezisti-reanimator. Ai jepet vetëm në formë paçesh ose spraje nazale. Çdo formë tjetër është treg i zi. Nuk ka asnjë mundësi që të merret në formë tablete”, tha ajo.

Sipas mjekes, rastet e konstatuara në Shqipëri janë sporadike dhe kryesisht të lidhura me persona që kanë ardhur nga jashtë, por rreziku mbetet real dhe kërkon vigjilencë maksimale. “Pavarësisht se në tregun e zi është relativisht i lehtë për t’u aksesuar, ne nuk kemi përdorim masiv. Personalisht kam pasur vetëm katër raste përdoruesish të fentanilit. Nuk janë përdorues të zakonshëm, si në rastin e kokainës, por raste sporadike. Të gjitha këto raste kanë ardhur nga Amerika ose nga vende të tjera, pra nuk janë banues në Shqipëri”. (A2 Televizion)

Kreu i Partisë Demokratike, Sali Berisha, gjatë takimit të mbajtur me Federatën e Opozitës së Bashkuar, akuzoi qeverinë për manipulim të procesit zgjedhor dhe përdorim të burimeve shtetërore. Berisha deklaroi se, sipas tij, “fuqia e drogës në regjimin e Edi Ramës luan rol në rezultatin e zgjedhjeve”, duke shtuar se qeveria përdor çdo formë për […]

The post “Zarf me 1000 euro dhe mesazh ‘mos voto’/ Berisha tregon si u kërcënuan qytetarët më 11 maj appeared first on BoldNews.al.

Në komunikim me një prej anëtarëve të grupit kriminal, Igli Haxhiaj bën pazare droge dhe flet për cilësinë e lëndës narkotike.

Panorama.al, ka zbardhur komuniket e kryera nga oficeri i Anti-Terrorit, Igli Haxhiaj, nëpërmjet aplikacionit të koduar SkyECC, ku dyshohet se flet me trafikantë, sipas dosjes së SPAK, për blerje, shitje dhe transportim të lëndëve narkotike.

“O boso, ca o kjo me, e bukur duket”, i drejtohet ia bashkëbiseduesit, ndërsa ky i fundit i përgjigjet, “Mall”.

Më pas flasin për çmimin, ku oficeri i arrestuar shprehet: “37 po deshe…”, ndërsa anëtari i grupit shprehet “jo vlla me 37 e marrim”.

Pjesë nga dosja:

Bisedë e datës 22.10.2020 midis kodit pin HY67U7 në përdorim të shtetasit Igli Haxhiaj dhe kodin pin CXQD1I.

Përdoruesi i kodit pin CXQD1I dërgon fotot si më poshtë:

I.Haxhiaj: o boso, ca o kjo me, e bukur duket

CXQD1I: mall ketu 38….

I.Haxhiaj: A eshte i mire me 37 po deshe…

CXQD1I: jo vlla me 37 e marrim… Se po mori dhe ky niku…i them dy copa

Igli Haxhiaj: Merri nja 2 grame, po pres dhe kete me 37, tja blej ta provoj se mund te me duhen 2.

CXQD1I : Ne dures jane keto se ka tre lloj stampash

I.Haxhiaj: a jane gje ? i ke provuar ti…mi co pak qe ti bej save … A e ke provu ti

CXQD1I: Jam ne timon, ti coj me vone pa merak, jo un se kam provu po me than eshte i mire.

I.Haxhiaj: merri dy gram ta provoj.

The post Zbardhen pazaret e oficerit të Anti-terrorit me trafikantin: O boso, ca o kjo me, e bukur duket, a janë gjë, i ke provu ti? “Mall”, më thanë është i mirë… appeared first on Albeu.com.

Pas pesë muajsh hetimesh, në Tiranë është goditur një rrjet i shitjes së lëndëve narkotike.

Policia njofton se janë identifikuar 44 persona, pjesëtarë të grupit, të cilët, të veçuar ose në grupe, shitnin lëndë narkotike, në trajta të ndryshme.

Ekzekutohet masa e sigurisë “Arrest në burg”, për 25 prej tyre, ndërsa 6 persona janë vënë në pranga gjatë periudhës hetimore. Ndërkohë, vijon puna për kapjen e 13 pjesëtarëve të tjerë të grupit.

Gjatë operacionit, u ekzekutua masa e sigurisë “Arrest në burg”, për 25 shtetas që kryenin këtë veprimtari kriminale, konkretisht: -K. R., 29 vjeç; K. B., 22 vjeç; F. H., 33 vjeç; D. S., 48 vjeç; A. L., 22 vjeç; A. Rr., 52 vjeç; R. L., 26 vjeç; O. G., 36 vjeç; A. C., 30 vjeç; K. Z., 32 vjeç; A. D., 23 vjeç; E. Z., 26 vjeç; K. B., 25 vjeç; F. D., 42 vjeç; F. M., 50 vjeç; K. D. (M.), 29 vjeç; B. B., 18 vjeç; I. P., 24 vjeç; A. H., 31 vjeç; F. M., 26 vjeç; R. D., 25 vjeç; M. M., 23 vjeç; L. T., 18 vjeç; 2 shtetas të mitur, përkatësisht 16 dhe 17 vjeç.

Gjatë kontrollit fizik ndaj këtyre shtetasve dhe kontrolleve në banesat e tyre, janë gjetur dhe sekuestruar: 2 kg e 400 gramë lëndë e dyshuar narkotike Kokainë, 16 kg lëndë e dyshuar narkotike Resin (çokollatë), 22 kg vaj kanabisi, sasi lënde dyshuar narkotike Cannabis, 121 200 euro ( 118 900 euro të dyshuara të vjedhura në bankë), 1 armë zjarri pistoletë, 3 armë gjahu, qindra fishekzjarrë, 28 celularë, peshore elektronike dhe 4 automjete.

Gjatë operacionit janë arrestuar edhe shtetasit D. S., 21 vjeç dhe H. Z, 18 vjeç, për veprat penale “Përkrahja e autorit të krimit” dhe “Kundërshtimi i punonjësit të policisë së rendit publik”, si dhe shtetasi S. Q.(Gj.), 30 vjeç, për veprën penale “Moskallëzimi i krimit”.

Gjatë periudhës hetimore janë identifikuar dhe arrestuar shtetasit: A. L., 25 vjeç; B. A., 27 vjeç; R. S., 27 vjeç; Sh. K., 61 vjeç; A. N., 26 vjeç; dhe G. P., 30 vjeç, si dhe janë sekuestruar sasi të lëndëve të ndryshme narkotike, kryesisht Kokainë.

13 shtetasit e tjerë të identifikuar nga hetimet, si pjesë e këtij rrjeti, janë shpallur në kërkim. Vijon puna për kapjen e tyre dhe për dokumentimin e plotë të kësaj verpimtarie kriminale.

Materialet procedurale iu referuan Prokurorisë së Tiranës, për veprime të mëtejshme. /Telegrafi/

Një operacion antidrogë është duke u zhvilluar nga policia e kryeqytetit.

Mësohet se janë lëshuar 38 masa sigurie nga të cilat janë ekzekutuar 20 prej tyre, raporton euronews.al.

Mësohet se bëhet fjalë për disa grupe që shpërndanin lëndë narkotike në zona të ndryshme.

Operacioni është duke vijuar dhe policia pritet të dalë me një njoftim zyrtar.

Një anije e marinës pakistaneze sekuestroi narkotikë me vlerë rreth 1 miliard dollarë nga anijet me vela në Detin Arabik, konfirmoi të martën Komanda Qendrore e SHBA-së.

Forcat e Kombinuara Detare, një partneritet detar që përfshin Shtetet e Bashkuara, thanë se anija detare pakistaneze PNS Yarmook javën e kaluar kapi dy anije të ndryshme tradicionale me vela, brenda 48 orëve.

Sipas mediave të huaja, përcjell Telegrafi, ekuipazhi sekuestroi disa ton metamfetaminë kristalore, me vlerë mbi 960 milionë dollarë, dhe një sasi më të vogël kokaine, tha partneriteti në një deklaratë.

"Narkotikët u transportuan përsëri në anije për testim për të konfirmuar përmbajtjen dhe më pas u asgjësuan".

Anijet e kapura u "identifikuan si pa kombësi", tha pa treguar se nga kishin origjinën.

Marina e Pakistanit e lavdëroi sekuestrimin në mediat sociale, duke postuar video të PNS Yarmook.

"Suksesi i këtij operacioni të fokusuar nxjerr në pah rëndësinë e bashkëpunimit shumëkombësh", tha përfaqësuesi Forcave Detare Mbretërore Saudite, Fahad Aljoiad, komandant i task forcës që kryen operacionin.

"PNS Yarmook ka pasur një nga sekuestrimet më të suksesshme të narkotikëve për CMF-në, gjë që i atribuohet drejtpërdrejt ekspertizës dhe bashkëpunimit të forcave tona detare brenda organizatës".

Në një postim në mediat sociale, Komanda Qendrore e SHBA-së përgëzoi Forcat e Kombinuara Detare, të cilat përfshijnë marinat e 47 vendeve dhe patrullojnë më shumë se 3 milion milje katrorë det, duke përfshirë disa nga korridoret më të ngarkuara të transportit detar në botë, për të ndërprerë kontrabandën e drogës dhe armëve. /Telegrafi/

Për ish-prokurorin e Krimeve të Rënda, Eugen Beçi, motorin e “lavatriçes” që pastron paratë e pista në Shqipëri e drejton ekzekutivi. I ftuar në A2 CNN, Beçi u shpreh se ka një sërë boshllëqesh ligjore, disa prej të cilave mund të jenë dhe të qëllimshme, për të bërë të mundur pastrimin e produkteve të veprës […]

The post “Lavatriçja e parave të drogës s’dihet kur do fiket”/ Ish prokurori Beçi: Motorin e ka ekzekutivi appeared first on BoldNews.al.

“Daily Mail” i ka kushtuar një shkrim trafikantëve shqiptarë të drogës, teksa është ndalur tek vëllezërit Klevisi dhe Artur Hoxhosmani.

Teksa përshkruajnë jetën luksoze të dy vëllezërve, media britanike “Daily Mail” të cilës i referohet Top Channel, shkruan se u arrestuan në një nga operacionet më të mëdha të kontrabandës së drogës në Evropë.

Vëllezërit drejtonin një sërë biznesesh dhe kishin apartamente dhe vila luksoze, jo vetëm në pjesët më të dëshirueshme të kryeqytetit të Shqipërisë, por edhe në “Bregun e Gjelbër” të lulëzuar të vendit, pranë Detit Jon.

Njëri prej tyre zotëronte gjithashtu një jaht në Dubai, i cili, sipas të gjitha gjasave, ishte një magnet për influenceret të cilat ftoheshin rregullisht në bord për festa luksoze.

Ata bënin një numër të lartë udhëtimesh luksoze, midis Londrës, Dubait, Jugut të Francës dhe Shqipërisë.

“Jeta luksoze duket se ka marrë një fund të papritur për të dy vëllezërit, pasi bëhet e qartë se suksesi i tyre ishte ndërtuar mbi themele shumë më të errëta nga sa ishte imagjinuar më parë.

Disa javë pasi pamjet e Rolls-Royce u postuan në internet, hetuesit shqiptarë arrestuan Klevis dhe Artur Hoxhosmani me akuzën e drejtimit të një prej operacioneve më të mëdha të kontrabandës së drogës në Evropë.

Dyshja u paraqit në gjykatë në fillim të këtij muaji, në Tiranë, i akuzuar për komplot për të trafikuar kokainë me vlerë 335 milionë paund nga Amerika Latine në Britani dhe BE. Prokurorët pretendojnë se dyshja kontrollonte një rrjet pan-evropian shumë të sofistikuar që përfshinte të paktën 16 operativë, shtrirja e të cilëve shtrihej në “tregjet ndërkombëtare kriminale”, me një nga “degët ekzekutive” të vendosura në Britani.

Duke fshehur drogën në ngarkesa mallrash të ligjshme, të tilla si kuti me banane dhe qese me kokrra kakaoje, pretendohet se “tonelata narkotikësh u transportuan në porte në Belgjikë, Holandë ose në rrugë tokësore për në Francë dhe Mbretërinë e Bashkuar” nga shoferë kamionësh që punonin për kompani të vërteta eksporti.

Hetuesit në Shqipëri, ku dyshja po mbahet në paraburgim në pritje të një gjyqi të plotë, kanë sekuestruar tashmë një jaht dhe një flotë makinash, duke përfshirë një Mercedes-benz AMG G63 – një SUV luksoz që shitet për më shumë se 140,000 paund, plus një Rolex dhe një orë dore Richard Mille”, shkruan Daily Mail.

Në një hetim të Daily Mail, i cili ngre edhe më shumë pyetje shqetësuese në lidhje me sistemin problematik britanik të imigracionit, u zbulua se vëllezërit ishin në gjendje të fillonin ndërtimin e perandorisë së tyre të dyshuar të drogës pasi u transferuan në Mbretërinë e Bashkuar, fillimisht si azilantë.

Ata ishte vendosur në Dorset, ku vendasit i përshkruanin si “fqinjët nga ferri”, me një nofkë që e quante Klevisin “Ali Baba” sepse bashkëpunëtorët e tij dukeshin të ishin 40 hajdutë.

Që atëherë Klevis ka grumbulluar disa dënime, përfshirë një për rrahjen e një gruaje, ndërsa burime të Ministrisë së Brendshme thonë se kishte një hetim të hapur policor për vepra të dyshuara penale të drogës kundër tij në kohën e arrestimit të tij në Shqipëri.

Dalja në pah e historisë shqetësuese të vëllezërve vjen mes raportimeve se numri i rasteve ndërkufitare të kontrabandës së drogës të trajtuara nga policia e krimit të organizuar e Britanisë është më shumë se dyfishuar në një vit të vetëm, duke i vënë forcat e ligjit nën presion në rritje.

Ndërkohë, Forca Kufitare është në rrugën e duhur për të sekuestruar një vëllim rekord të drogës së klasit A, të tilla si kokaina dhe heroina, për të dytin vit radhazi.

“Klevisi dhe Arturi, 42 vjeç, ishin dy nga katër vëllezërit e lindur në qytetin e Burrelit gjatë viteve të fundit të regjimit të ashpër e të izoluar komunist të vendit.

Kjo do të thoshte se ata u rritën pas trazirave pas rënies së diktatorit Enver Hoxha, kur ekonomia ra në një rënie të papritur dhe rendi dhe ligji u shembën.

Dy burime që janë pjesë e komunitetit shqiptar në Mbretërinë e Bashkuar i kanë thënë Daily Mail se, si një numër i madh bashkëkohësish të tyre, vëllezërit Hoxhosmani vendosën të largoheshin nga Shqipëria dhe të provonin fatin e tyre në Britani. Arturi erdhi në Mbretërinë e Bashkuar rreth vitit 1999, thanë ata, i ndjekur nga Klevisi disa vite më vonë.

Burime të Ministrisë së Brendshme thonë se ekziston një evidencë e një kërkese për azil për Arturin, megjithëse nën një datë lindjeje të ndryshme nga të dhënat e tij të regjistruara në Shqipëri, një taktikë e përdorur shpesh nga aplikantët shqiptarë për ta bërë më të vështirë për Ministrinë e Brendshme të bëjë verifikime. Detajet e kërkesës së Klevis për të qëndruar në Mbretërinë e Bashkuar nuk janë publike, por me sa duket ai u përball me një betejë me Ministrinë e Brendshme kur kjo e fundit u përpoq të apelonte një vendim të Tribunalit të Imigracionit të Shkallës së Parë për t’i lejuar atij të qëndronte. Kjo u refuzua nga gjyqtari, tha Shërbimi Gjyqësor”, shkruan Daily Mail.

Nga Alba Kepi Në Samitin e Politikës Evropiane në Kopenhagë, më 2 tetor 2025, Italia dhe Franca u bënë promotorët e nismës më ambicioze të dekadës kundër trafikut të drogës: Pakti Evropian Kundër Drogës. Ky dokument synon të krijojë një front të bashkuar evropian për të ndaluar flukset e kokainës që përshkojnë kontinentin nga portet […]

The post Italia, Franca dhe rrjetet shqiptare: Pakti Evropian kundër Kokainës appeared first on BoldNews.al.

Departamenti Amerikan i Shteti ka publikuar ditën e sotme raportin e vitit 2025 për klimën e investimeve në Shqipëri, ku jep një tablo alarmante për vendin tonë, duke evidentuar probleme të thella që rëndojnë mbi sipërmarrjen e ndershme dhe largojnë investitorët seriozë. Sipas raportit, Shqipëria mbetet një nga vendet më problematike në rajon për shkak […]

The post Nga krimi, te korrupsioni dhe paratë e drogës/ Klima e investimeve, raporti i DASH “nxin” Qeverinë appeared first on BoldNews.al.

Marina franceze ka sekuestruar gati 10 ton kokainë, me vlerë 610 milionë dollarë (rreth 520 milionë euro) në brigjet e Afrikës Perëndimore, thanë autoritetet franceze.

Dy anije detare franceze që operonin si pjesë e Operacionit Corymbe kapën të hënën një sasi të madhe kokaine nga një anije peshkimi pa flamur, duke vepruar në bazë të një informacioni nga inteligjenca detare, autoritetet antidrogë dhe Agjencia Kombëtare Britanike e Krimit.

Misioni detar Corymbe është vendosur nga Franca në Gjirin e Guinesë që nga viti 1990 për të garantuar sigurinë në një zonë ku pirateria është mjaft e zakonshme, shkruajnë mediat e huaja, përcjell Telegrafi.

Marina franceze tha se 54 ton drogë ishin kapur në zonë që nga fillimi i vitit.

Prefektura Detare e Atlantikut e Francës tha se "bashkëpunimi i pandërprerë nga akterët kombëtarë dhe ndërkombëtarë" në luftën kundër narkotikëve kishte çuar në "kapjen e jashtëzakonshme" të 9.6 ton kokainë.

Gjiri i Guinesë, pranë brigjeve perëndimore të Afrikës, ka parë disa kapje droge në muajt e fundit, me rajonin që është një pikë kyçe tranziti në trafikun global të narkotikëve, në veçanti kokainës nga Amerika e Jugut që transportohet në Evropë.

Rajoni dikur konsiderohej zona më e rrezikshme në botë për piraterinë detare, duke tejkaluar ujërat pranë Somalisë.

Disa vende perëndimore kanë dërguar anije për të ndihmuar në luftën kundër piraterisë në rajon.

Një sekuestrim rekord kokaine prej 10.7 tonësh u bë nga marina franceze në mars të vitit të kaluar, në atë që ishte kapja më e madhe e tregtisë së paligjshme pranë brigjeve të Afrikës Perëndimore. /Telegrafi/

Autoritetet në Republikën Dominikane thanë të dielën se kanë konfiskuar një pjesë të kokainës së transportuar nga një motoskaf që u shkatërrua së fundmi nga Marina Amerikane, në atë që kombi nga Karaibet e quajti operacioni i parë i këtij lloji.

Në një konferencë për shtyp, Drejtoria Kombëtare për Kontrollin e Drogave (DNCD) e Republikës Dominikane tha se ka gjetur 377 pako kokainë nga anija që dyshohet se mbante 1,000 kilogramë drogë.

Drogat u gjetën pas "një sulmi ushtarak ajror nga Shtetet e Bashkuara kundër një motoskafi të narkoterroristëve", tha DNCD në një deklaratë, shkruajnë mediat e huaja, përcjell Telegrafi.

Zyrtarët thanë se anija u shkatërrua rreth 80 milje detare në jug të Isla Beata, një ishull i vogël që i përket Republikës Dominikane.

Ata thanë se Marina e Republikës Dominikane punoi në bashkëpunim me autoritetet amerikane për të gjetur motoskafin që dyshohet se po përpiqej të ankorohej në Republikën Dominikane dhe ta përdorte kombin si një "urë" për të transportuar kokainë në Shtetet e Bashkuara.

Zyrtarët publikuan një video të operacionit, ku tregohen oficerët duke shkarkuar dhe inspektuar “paketimet” me drogën e dyshuar, disa prej të cilave mbanin fjalën "MEN" në paketim.

"Kjo është hera e parë në histori që Shtetet e Bashkuara dhe Republika Dominikane kryejnë një operacion të përbashkët kundër narkoterrorizmit në Karaibe", tha drejtoria në një deklaratë.

Në gusht, SHBA-të dërguan tetë anije luftarake dhe një nëndetëse në Karaibe jugore, në atë që administrata Trump e ka quajtur një mision për të luftuar trafikimin e drogës.

Shtëpia e Bardhë thotë se flotilja detare ka shkatërruar të paktën tre anije që transportonin drogë deri më tani.

Sulmet e ndara kanë vrarë më shumë se një duzinë njerëz në bordin e anijeve.

Autoritetet nuk thanë nëse dikush u vra në sulmin pranë Republikës Dominikane.

Grupet e të drejtave të njeriut kanë thënë se sulmet ndaj anijeve përbëjnë “vrasje jashtëgjyqësore”, dhe të premten dy senatorë demokratë paraqitën një rezolutë në Kongres që kërkon të bllokojë administratën nga kryerja e sulmeve të mëtejshme.

Administrata e Donald Trump thotë se dy nga anijet që janë fundosur kanë lënë Venezuelën, presidenti i së cilës shpesh përshkruhet nga zyrtarët e Shtëpisë së Bardhë si trafikant droge dhe udhëheqës i një bande të njohur.

Presidenti venezuelian Nicolás Maduro i mohon akuzat dhe e ka përshkruar vendosjen e forcave detare amerikane në Karaibe si një sulm ndaj vendit të tij.

Maduro i ka quajtur anijet luftarake një "kërcënim absolutisht kriminal dhe të përgjakshëm". /Telegrafi/

TIRANË, 20 shtator /ATSH/ UNDP Albania, në bashkëpunim me Ministrinë e Shëndetësisë dhe Mbrojtjes Sociale, Ministrinë e Punëve te Brendshme dhe Ambasadën Franceze në Tiranë, organizoi një seminar teknik me synim përshpejtimin e përafrimit të Shqipërisë me standardet e Bashkimit Evropian në fushën e politikave të drogës, duke shënuar një hap të rëndësishëm në procesin e reformës.

Eventi mblodhi së bashku autoritetet kombëtare dhe ekspertë ndërkombëtarë, përfshirë përfaqësues nga MILDECA (Misioni Ndërministror i Luftës kundër Drogës dhe Sjelljeve të Varësisë) dhe ekspertiza rajonale e UNDP-së, për të diskutuar progresin institucional të Shqipërisë, për të identifikuar boshllëqet teknike dhe për të shkëmbyer praktikat dhe parimet më të mira të BE-së dhe ato globale në këtë fushë.

Ambasadorja e Francës në Shqipëri, Catherine Suard, nënvizoi se sa i rëndësishëm dhe në kohë është ky seminar në lidhje me kërkesat për anëtarësim në BE (kapitulli 24). Ajo përsëriti mbështetjen e plotë të Francës për këtë proces dhe vlerësoi pjesëmarrjen e Dr. Nicolas Prisse, President i MILDECA-s, Misionit Ndërministror Francez për Luftën kundër Drogës dhe Sjelljeve të Varësisë, metodologjia dhe performanca e të cilit njihen gjerësisht.

Ajo përshëndeti angazhimin e autoriteteve shqiptare për të zhvilluar një politikë publike dhe të integruar të bazuar në prova që synon të kontribuojë në një shoqëri më të sigurt dhe më të shëndetshme. Për këtë qëllim, ajo riafirmoi rëndësinë thelbësore të bashkëpunimit ndërkombëtar dhe evropian dhe shkëmbimeve midis kolegëve, të cilat Ambasada Franceze në Shqipëri do të vazhdojë t’i promovojë.

Zëvendësministrja e Shëndetësisë dhe Mbrojtjes Sociale, Entela Ramasocaj, tha se gjatë viteve të fundit, Shqipëria ka ndërmarrë hapa vendimtarë për të modernizuar dhe forcuar kuadrin e saj të politikave për drogën, në përputhje të plotë me standardet evropiane.

“Ngritja e Observatorit Kombëtar të Drogave nuk është vetëm një arritje administrative, por një gur themeli i axhendës sonë të reformave. Ai përfaqëson angazhimin tonë kombëtar për hartimin e politikave të bazuara në prova, transparencën dhe për të sjellë përpjekjet e Shqipërisë në përputhje me acquis e Bashkimit Evropian dhe standardet e Qendrës Evropiane të Monitorimit për Drogën dhe Varësinë nga Droga. Ky është një mesazh i fortë i përkushtimit tonë për të ndërtuar politika elastike, të përqendruara te njerëzit, që mbrojnë shëndetin publik dhe sigurinë”, tha Ramasocaj.

Presidenti i MILDECA-s, Nicolas Prisse theksoi se “luftimi i drogës kërkon mobilizimin e të gjithëve, duke pasur parasysh ndikimin e saj në shëndetësi, arsim, siguri dhe financa publike. Një qasje bashkëpunuese dhe e koordinuar ndërinstitucionale, si në nivel kombëtar ashtu edhe në atë lokal, është thelbësore”.

“Themelimi i Observatorit Kombëtar të Drogave nën Ministrinë e Shëndetësisë dhe Sistemit të Paralajmërimit të Hershëm nën Policinë e Shtetit janë arritje të rëndësishme”, tha Randi Davis, Përfaqësuese e Përhershme e UNDP-së në Shqipëri.

“Këto struktura sinjalizojnë një kalim nga masat reaktive në një përgjigje strategjike, të bazuar në prova dhe ndërsektoriale ndaj sfidave të paraqitura nga droga dhe varësia. Jemi me fat që mësojmë nga një nga modelet më me përvojë të Evropës, MILDECA, dhe nga udhëzimet ndërkombëtare mbi politikën e drogës dhe të drejtat e njeriut. Ky model është shansi ynë për t’i përshtatur dhe lokalizuar këto praktika më të mira në kontekstin shqiptar”, u shpreh ai.

“Dua të nënvizoj vlerën e këtij seminari dhe rëndësinë e ndarjes së përvojave – veçanërisht ato si modeli francez, i cili shquhet si një nga praktikat më të mira në fushën e parandalimit. Duke pasur parasysh natyrën thellësisht transnacionale të prodhimit, trafikimit dhe përdorimit të drogës, përpjekjet tona duhet të jenë gjithashtu të ndërlidhura dhe të bazuara në modele të provuara suksesi”, tha Margarita Vogli, Drejtore e Sektorit për Politikat kundër Krimit të Organizuar dhe Antiterrorizmit, Ministria e Brendshme.

Shqipëria ka bërë përparim në institucionalizimin e monitorimit të bazuar në prova dhe koordinimit ndëragjencor. Marrëveshja e Punës e vitit 2019 me Qendrën Evropiane të Monitorimit për Drogën dhe Varësinë nga Drogat – tani Agjencia Evropiane e Drogave (EUDA) – hodhi një themel të hershëm për përafrimin me standardet e BE-së. Megjithatë, mbeten sfida në integrimin e plotë të shërbimeve shëndetësore, sociale dhe të zbatimit të ligjit nën një strategji të vetme kombëtare të unifikuar.

Strategjia e BE-së për Drogën 2021–2025 ofron kornizën gjithëpërfshirëse që udhëzon shtetet anëtare të BE-së dhe vendet kandidate në zhvillimin e përgjigjeve të balancuara dhe të bazuara në prova. Ajo i jep përparësi reduktimit të dëmit, aksesit në trajtim, sistemeve të fuqishme të monitorimit dhe mekanizmave të paralajmërimit të hershëm për kërcënime të tilla si opioidet sintetike dhe substancat e reja psikoaktive. Për Shqipërinë, miratimi i kësaj qasje është veçanërisht i rëndësishëm ndërsa vendi përparon në rrugën e saj të anëtarësimit në BE.

Në qendër të axhendës së seminarit ishte angazhimi për shkëmbim praktik. Ekspertët shqyrtuan se si të funksionalizohej Observatori Kombëtar i Drogave dhe Sistemi i Paralajmërimit të Hershëm në përputhje me standardet EUDA dhe ato ndërkombëtare. Pjesëmarrësit gjithashtu identifikuan nevojat institucionale dhe boshllëqet teknike, duke vendosur përparësi të qarta për reforma efektive të politikave.

Ky seminar shënoi një moment vendimtar në udhëtimin e Shqipërisë drejt një politike moderne, të integruar dhe të përqendruar te të drejtat e njeriut kundër drogës. Me udhëzime nga ekspertë, bashkëpunim ndërministror dhe mësime të nxjerra nga praktikat më të mira evropiane, Shqipëria po hedh themelet për një shoqëri më të sigurt, më të shëndetshme dhe më elastike.

/a.f/

The post Politikat e drogës sipas modelit të BE-së, Suard vlerëson angazhimin e Shqipërisë appeared first on Agjencia Telegrafike Shqiptare.

Emisioni “Në Shënjestër” Emisioni “Në Shënjestër” ka trajtuar në puntatën e sotme figurën e trafikantit të drogës,  Ervis Çela, i cili mund të cilësohet si Pablo Eskobar i Kokainës. Në materialin e përgatitur, përmes të dhënave të dosjes hetimore zbulohen fakte interesante se si u dekonspiruan 2 prej operacioneve më të mëdha të trafikut të […]

The post Kokaina nga Paraguaji në Hamburg, milionat groposen në Shqipëri/ Përgjimet e “lordëve të drogës” Çela-Çopja appeared first on BoldNews.al.

Policia në Essex të Anglisë, ka arritur një goditje të rëndësishme ndaj trafikut të drogës, duke sekuestruar kokainë me vlerë 50 mijë paund (rreth 60 mijë euro).

Sipas raportimeve, aksioni ndodhi në një stacion shërbimi në Feering, ku oficerët rrethuan një makinë të vjedhur.

Hetimi kishte nisur në maj 2023, pasi policët në patrullë vunë re një automjet me “targa të klonuara” që udhëtonte përgjatë A12.

Pas ndalimit, brenda makinës u gjet sasia e konsiderueshme e drogës.

Autoritetet identifikuan dy persona të përfshirë në furnizimin me kokainë në shkallë të gjerë.

Të dy u arrestuan dhe u vunë përpara drejtësisë dhe gjykata i dënoi me një total prej 10 vitesh burg.

Por çfarë bie në sy thuhet se është reagimi i habitshëm i trafikantit.

“Nuk ka të bëjë asgjë me mua!”, ka thënë ai, pasi policia zbuloi kokainën që ai kishte vjedhur. /Telegrafi/

The post ‘Nuk ka të bëjë asgjë me mua!’: Reagimi i habitshëm i trafikantit pasi policia zbuloi kokainë me vlerë rreth 60,000 euro në një makinë në Angli appeared first on Telegrafi.

Grupi i kontrabandistëve të drogës u ndalua pasi zbritën ngarkesën para syve të turistëve.

Ngjarja ndodhi në plazhin Playa Ancha dhe u regjistrua në një video që u përhap në internet. Në video shihet një anije që i afrohet bregut, ndërsa ekuipazhi i dorëzon disa pako të mëdha një grupi burrash në tokë, të cilët i ngarkojnë shpejt në një automjet të parkuar në rërën e plazhit.

Të dyshuarit, shumica prej të cilëve fshehin fytyrat me bluzat, bartnin çanta të rënda përmes plazhit, duke kaluar pranë larësve dhe familjeve me fëmijë. Pasi u zbrit ngarkesa, një burrë tjetër u hodh nga gliseri dhe iu bashkua grupit në veturë, e cila u largua me shpejtësi nga plazhi. Anija gjithashtu u kthye drejt detit.

Sipas gazetës spanjolle Diario de Pontevedra, anija kishte ardhur nga Maroku, ndërsa mjeti është marrë me qira (ose ndoshta i vjedhur) nga Gjibraltari.

Na Espanha, narcotraficantes descarregaram uma carga de haxixe marroquino em plena luz do dia e na frente dos banhistas.

Ocorreu na praia de Casares no último sábado (30/08). pic.twitter.com/QeCwvF6ysa

— Submundo Criminal (@submundodocrime) September 2, 2025

Kryetari i komunës Casares, Juan Luis Villalon, konfirmoi se hetimet i ka marrë në dorë departamenti special kundër trafikimit të drogës.

“Ngjarje të tilla nuk kanë ndodhur kurrë më parë në Casares, e aq më pak në mes të ditës. Kjo është një arsye për alarm dhe thirrje për veprim publik. Njësia na ka thënë se ka marrë në dorë hetimin, por kjo situatë na shqetëson shumë”, tha ai.

Ngjarja shkaktoi edhe shumë reagime negative në rrjetet sociale, ku përdoruesit thonë se këto skena nuk janë më përjashtim dhe se kontrabandistët ndihen të sigurt për të kryer operacionet e tyre edhe në mes të ditës. Edhe pse policia ende nuk është deklaruar zyrtarisht, kryetari i komunës konfirmoi se disa persona janë arrestuar.

Spanja njihet si një nga pikat kryesore hyrëse të drogës në tregun evropian. Autoritetet atje regjistrojnë rregullisht konfiskimet të mëdha të kokainës dhe kanabisit në Bashkimin Evropian, dhe shumica e ngarkesave vijnë me anije nga Amerika Qendrore dhe e Jugut si dhe Afrika. /Telegrafi/

The post Kontrabandistët zbarkuan drogën në një plazh plot me turistë në Spanjë appeared first on Telegrafi.

Skocia pritet të mbetet për të shtatin vit radhazi vendi me numrin më të lartë të vdekjeve nga droga në Europë, sipas të dhënave zyrtare që pritet të publikohen së shpejti. BBC raporton se vetëm në vitin 2023, janë regjistruar 1 mijë e 172 vdekje nga abuzimi me substanca, duke e çuar në mbi 10 mijë numrin […]

The post Skocia për të shtatin vit radhazi, vendi me më shumë vdekje nga droga në Europë appeared first on BoldNews.al.

Policia e Kosovës, në bashkëpunim me Agjencinë Kosovare të Inteligjencës (AKI) dhe Prokurorinë, ka zhvilluar një operacion të gjerë antidrogë në rajonin e Gjilanit.

Zëdhënësi i Policisë, Fadil Hoti, ka konfirmuar se deri më tani janë arrestuar tre persona të dyshuar për përfshirje në aktivitete kriminale, ndërsa gjatë aksionit janë zbuluar disa sera të pajisura për kultivim të lëndëve narkotike.

Po ashtu, në kuadër të këtij operacioni është sekuestruar edhe një armë zjarri.

Sipas Policisë, Agjencia Kosovare e Inteligjencës ka luajtur një rol kyç në identifikimin e lokacionit dhe të personave të dyshuar.

Operacioni ende është në zhvillim.

The post Aksion i madh antidrogë në Gjilan, Policia dhe AKI zbulojnë disa sera me drogë appeared first on Telegrafi.

Në Shqipëri, prostitucioni i luksit është kthyer në një skenë të hapur, por të paprekshme. Vajza shumë të njohura të showbiz-it, këngëtare, modele dhe influencuese, shfaqen në publik si yje të ndritshme, por në prapaskenë shërbejnë si eskorta për klientët më të pasur e më të rrezikshëm të vendit.

Nga të dhënat e siguruara nga investigimet e fundit, shumat që këto vajza marrin janë tronditëse: një eskortë VIP ka përfituar deri në 150 mijë euro për vetëm një javë nga një prej bosëve më të njohur të krimit. Të tjera, për një fundjavë luksoze në Dubai apo destinacione të tjera, paguhen 10 deri në 20 mijë euro, ndërsa marrëveshjet afatgjata arrijnë në qindra mijëra euro.

Shumë prej tyre, me iniciale si A.K., L.B., E.M., D.G., S.K., R.M., K.N., J.P., A.Z., M.L., R.R., A.D., E.Dh., M.P., E.D., T.S., N.R., Zh.F., L.D., N.I., A.L., janë emra që ndriçojnë në skenë dhe në Instagram, por shfrytëzojnë famën për të tërhequr klientelë të fuqishme, shpesh nga bota e drogës, trafikimit dhe krimit të organizuar.

Nuk është më sekret që këto lidhje ekzistojnë, është realitet i njohur për publikun. E megjithatë, askush nuk guxon t’i hetojë. As policia, as prokuroria nuk thërret asnjë nga këto vajza në pyetje, edhe kur të gjithë e dinë se mjafton të ndjekësh gjurmën e parave për të mbërritur tek bosa më të mëdhenj të drogës dhe krimit në Shqipëri.

Është bërë kulturë e heshtur: të gjithë e dinë, askush nuk vepron. Ato trajtohen si të paprekshme, si të imunizuara ndaj ligjit. Kjo paprekshmëri i ka kthyer në sipërmarrëse të prostitucionit të luksit, me fitime që shpesh tejkalojnë edhe pasurinë e “bossave” që i mbajnë.

Në një kohë kur SPAK fokusohet kryesisht në goditjen e grupeve kriminale, kjo mund të jetë një nga ato çështje ku fijet e krimit të organizuar lidhen drejtpërdrejt me politikën. Eskortat VIP, për shkak të klientelës së tyre, prekin të dyja botët, atë të trafikut, drogës e parave të pista dhe atë të pushtetit politik.

Hetimi i këtij rrjeti do të nxirrte në dritë jo vetëm marrëdhënie të fshehta mes figurave të njohura të showbiz-it dhe bosëve të krimit, por edhe lidhjet e tyre me njerëz kyç të politikës, duke ekspozuar një sistem bashkëpunimi të heshtur që ka funksionuar për vite.

Nga apartamente dhe vila luksoze në bregdet, makina sportive që kushtojnë mbi 200 mijë euro, pushime në destinacionet më të shtrenjta të botës, deri te çanta e orë që vlejnë më shumë se një pagë vjetore e një shqiptari të zakonshëm, të gjitha të blera me para të zeza, të padeklaruara dhe pa asnjë taksë të paguar.

Ndërkohë, paratë që qarkullojnë në këtë treg të zi nuk deklarohen, nuk monitorohen dhe nuk sjellin asnjë të ardhur për buxhetin e shtetit. Nëse këto shuma, që shkojnë nga dhjetëra deri në qindra mijëra euro për një klient, do të ishin pjesë e ekonomisë formale, vetëm nga taksimi i tyre do të siguroheshin miliona euro në vit. Por për sa kohë prostitucioni është ilegal dhe institucionet heshtin, përfituesit e vetëm mbeten krimi i organizuar dhe vetë “VIP”-at që e kanë kthyer trupin e tyre në biznesin më fitimprurës në vend.

Mos vallë ka ardhur momenti që prostitucioni të legalizohet dhe të tatohet, duke sjellë transparencë dhe kontroll mbi një industri që po lulëzon jashtë çdo norme ligjore? Apo duhet të vazhdojmë të jetojmë me një realitet ku Shqipëria shndërrohet çdo ditë e më shumë në parajsë për aferat e prostitucionit luksoz dhe parave të pista? Ju ftojmë të ndani mendimin tuaj në koment dhe të diskutojmë së bashku një ndër temat më të nxehta dhe shqetësueseve të kohëve të fundit.

Heshtja institucionale është bashkëfajësi. Sa më shumë të tolerohet ky fenomen, aq më thellë zhytet vendi në një kulturë ku krimi, paratë e zeza dhe showbiz-i shkrijnë kufijtë, duke krijuar një botë ku ligji vetëm ëndërrohet.

The post Eskortat VIP që sfidojnë ligjin: Pse nuk i heton askush dhe a është koha të legalizohet prostitucioni? appeared first on iconstyle.al.

Një seri bastisjesh të kryera më 7 dhe 8 gusht 2025 në Shqipëri çuan në arrestimin e 10 personave të dyshuar si anëtarë të një rrjeti shqiptar të krimit të organizuar të përfshirë në trafik kokaine në sasi shumëtonëshe dhe pastrim parash.

Forcat shqiptare të rendit, në bashkëpunim me kolegët e tyre nga Belgjika, Franca, Gjermania, Italia dhe Holanda, kryen këtë goditje të mbështetur nga Europol ndaj një rrjeti kriminal të bazuar në klan.

Hetimet kanë treguar se rrjeti kishte lidhje me organizata të tjera ndërkombëtare kriminale me rrezik të lartë, të përfshira në aktivitete të shumta kriminale në të gjithë BE-në dhe më gjerë.

Pas arrestimit të një anëtari kyç të organizatës nga autoritetet shqiptare në fund të qershorit 2025, Ervis Çela, bastisjet çuan gjithashtu në sekuestrimin e pasurive të konsiderueshme, përfshirë një hotel, prona të ndryshme dhe biznese, si dhe prova të shumta fizike dhe digjitale.

Rezultatet e bastisjeve (15 urdhër-kontrolle):

Sekuestrimi i pasurive të paluajtshme, si një resort turistik, vila, apartamente, parcela toke, si dhe automjete dhe aksione në kompani, me vlerë prej disa miliona euro

Sekuestrimi i shumave në para: 111,800 euro, 4,000 dollarë amerikanë (rreth 3,434 euro), dhe 880,000 lekë shqiptarë (rreth 9,048 euro)

Platforma e komunikimit të enkriptuar Sky EÇ vijon të japë rezultate që nga viti 2021.

Megjithëse platforma e komunikimit të enkriptuar Sky EÇ u çmontua mbi katër vite më parë, përmbajtja e saj vazhdon të sjellë rezultate operacionale.

Analiza e thelluar dhe e synuar e të dhënave nga Europol i mundëson autoriteteve të rendit të mbledhin informacion të vlefshëm për grupet kriminale të organizuara me rrezik të lartë dhe anëtarët e tyre.

Kjo qasje e koordinuar ndihmon hetuesit të hartojnë strukturën e rrjeteve kriminale dhe rolin e individëve të shpallur si objektiva me vlerë të lartë (High Value Targets).

Ky operacion i veçantë i udhëhequr nga SPAK-u shqiptar ishte përqendruar tek një objektiv shqiptar i nivelit të lartë, i përfshirë në trafik kokaine dhe pastrim parash. Hetues nga Shqipëria, Belgjika, Franca dhe Holanda, së bashku me ekspertë të Europol-it, analizuan të dhënat e komunikimeve të enkriptuara nga Sky EÇ.

Ndër episodet kriminale të rindërtuara ishin dërgesa shumëtonëshe kokaine të trafikuara nga Amerika Latine në portet kryesore të BE-së, përfshirë Hamburgun dhe Roterdamin.

Hetimet treguan se vetëm nga një prej këtyre ngarkesave, objektivi kryesor kishte përfituar mbi 40 milionë dollarë.

Udhëheqësi i organizatës kriminale ishte përgjegjës për organizimin e dërgesave dhe investimin në sasi shumë të mëdha kokaine.

Ai koordinonte këto veprimtari kriminale nga vende të largëta duke u mbështetur në mjete të enkriptuara komunikimi.

Ervis Çela Para arrestimit, ai ishte në kërkim sipas një vendimi të gjykatës shqiptare që njihte një dënim me 21 vite burg të dhënë nga një gjykatë italiane për vrasje, privim lirie, përpjekje për fshehje kufome, kërcënime, posedim të paligjshëm të lëndëve shpërthyese dhe municioneve, si dhe pengim të drejtësisë.

Rrjeti kriminal shqiptar nën hetim operonte në një shkallë tërësisht globale, duke bashkëpunuar me grupe të tjera që mundësonin transportet drejt porteve të BE-së.

Fitimet masive, që arrinin dhjetëra miliona euro, investoheshin në prona dhe biznese në Shqipëri dhe vende të tjera evropiane.

Ekspertiza e Europol-it në veprim

Europol ofroi ekspertizë të gjerë mbi fushat kriminale nën hetim, duke mbuluar struktura të krimit të organizuar, trafik droge në shkallë të gjerë dhe pastrim parash.

Bazuar në analizën e të dhënave të mëdha, Europol shpërndau raporte inteligjente dhe analitike për partnerët bashkëpunues, të cilët u takuan dhe shkëmbyen informacione në disa takime operative.

Gjatë ditës së operacionit, Europol dërgoi një ekspert për krimin e organizuar në Tiranë, Shqipëri, i cili mbështeti me një zyrë lëvizëse dhe lehtësoi bashkëpunimin ndërkombëtar të zbatimit të ligjit.

Shqipëri: Prokuroria e Posaçme kundër Korrupsionit dhe Krimit të Organizuar (SPAK); Byroja Kombëtare e Hetimit; Policia e Shtetit

Belgjikë: Policia Federale Gjyqësore

Gjermani: Zyra Federale e Policisë Kriminale; Zyra Shtetërore e Policisë Kriminale Baden-Ëürttemberg (Karlsruhe)

Itali: Policia e Shtetit; Shërbimi për Bashkëpunim Ndërkombëtar Policor (SCIP)

Platforma Evropiane Shumëdisiplinore Kundër Kërcënimeve Kriminale (EMPACT) trajton kërcënimet më të rëndësishme që paraqet krimi i organizuar dhe i rëndë ndërkombëtar që prek BE-në.

EMPACT forcon inteligjencën, bashkëpunimin strategjik dhe operativ ndërmjet autoriteteve kombëtare, institucioneve dhe organeve të BE-së, si dhe partnerëve ndërkombëtarë. EMPACT funksionon në cikle katërvjeçare me fokus tek prioritetet kriminale të përbashkëta të BE-së.

The post Goditja e rrjetit të kokainës/ Europol: Koka e grupit Ervis Çela, i dënuar me 21 vite për vra*je në Itali appeared first on Albeu.com.