Gjykata Kushtetuese vendosi sot të mos japë një vendim përfundimtar për çështjen e ndalimit të platformës sociale Tik-Tok. Ajo dha kohë shtesë për palët e përfshira duke konsideruar se kishte ende pyetje për t’u shteruar.

Kështu, gjykata la afat deri më 12 shkurt për dorëzimin e komenteve dhe shpjegimeve shtesë, ndërsa seanca për konkluzionet përfundimtare u caktua për më 23 shkurt, në orën 10:00.

Vendimi pritet të përcaktojë jo vetëm fatin e aktit që ndaloi përkohësisht TikTok-un, por edhe standardin kushtetues mbi kufizimin e platformave digjitale nga pushteti ekzekutiv.

Tërheqja e qeverisë dhe vijimi i procesit në Kushtetuese

Seanca për shqyrtimin e ndalimit të përdorimit të platformës sociale TikTok nga qeveria shqiptare u mbajt paraditen e së enjtes në Gjykata Kushtetuese, por u parapri nga një zhvillim i papritur politik.

Dy ditë para seancës, qeveria miratoi vendimin Nr. 62, me të cilin shfuqizoi aktin e një viti më parë që ndalonte aksesin në TikTok.

Sipas vendimit të datës 3 shkurt, Autoriteti Kombëtar për Sigurinë Kibernetike (AKSK), në bashkëpunim me entet rregullatore, duhet të ndërmarrë veprimet për heqjen e masave kufizuese, duke respektuar legjislacionin për mbrojtjen e të dhënave personale.

Padia në Gjykatën Kushtetuese kundër vendimit të qeverisë ishte depozituar nga Rrjeti Ballkanik i Gazetarisë Investigative në Shqipëri (BIRN Albania) dhe Asociacioni i Gazetarëve të Shqipërisë (AGSH), në mbrojtje të lirisë së medias dhe të shprehjes.

Përfaqësuesit e qeverisë argumentuan në seancën e Kushtetueses se shqyrtimi i çështjes është i panevojshëm, pasi vendimi që ndalonte TikTok-un tashmë është shfuqizuar.

“Vendimi e humb efektin e tij në afatin 12-mujor,” tha Herold Jonuzaj si përfaqësues i qeverisë, teksa shtoi se ai “do të shfuqizohej automatikisht brenda 6 marsit 2026.” Sipas tij, shfuqizimi ishte pjesë e një procesi negociimi me platformën për vendosjen e filtrave të kërkuar.

Avokati i palës paditëse, Franc Terihati, këmbënguli se çështja duhet të shqyrtohet pavarësisht vendimit të qeverisë për ta shfuqizuar ndalimin e platformës. Ai theksoi se akti normativ që e ndaloi Tik-Tok-un ka cenuar disa të drejta kushtetuese, përfshirë lirinë e shprehjes, të shtypit, të drejtën për informim dhe lirinë ekonomike.

Për këtë Terihati e konsideroi “çështje me interes madhor publik” ndaj dhe gjykata duhet të shprehet nëse vendimi ka qenë ose jo kushtetues gjatë kohës që ka qenë në fuqi.

Edhe përfaqësuesit e AGSH ngritën shqetësimin për rrezikun e një precedenti të krijuar. Ata e cilësuan gjithashtu problematike shfuqizimin e aktit vetëm 48 orë para seancës gjyqësore.

“Çfarë ndodh nëse çështja pushohet dhe pasnesër Këshilli i Ministrave rimblidhet për të bërë një akt tjetër të ri të ngjashëm?” u shpreh Isa Myzyraj nga AGSH duke theksuar se nga Gjykata Kushtetuese kërkohej vendosja e një standardi për raste të tilla edhe për qeveritë e ardhshme.

Trupa e Gjykatës Kushtetuese pyeti se cilat kishin qenë pasojat e ardhura nga mbyllja e platformës, pyetje së cilës përfaqësuesit e organizatave iu përgjigjën duke theksuar se pasojat kanë qenë konkrete, veçanërisht gjatë periudhës parazgjedhore.

Drejtorja ekzekutive e BIRN Albania, Kristina Voko, iu referua raportit përfundimtar të OSBE-ODIHR, ku evidentohej se kufizimi i platformës cenoi të drejtën e kandidatëve për të informuar dhe të qytetarëve për të marrë informacion.

Voko përmendi gjithashtu marrëveshjen ekzistuese mes Autoriteti i Mediave Audiovizive (AMA) dhe TikTok, e cila kishte shërbyer si mekanizëm funksional për adresimin e ankesave të qytetarëve.

“AMA në raportin e saj vjetor dhe në rezolutën drejtuar parlamentit thotë që ka qenë një praktikë shumë e mirë”, tha Voko.

Vendimi fillestar për mbylljen e TikTok u kundërshtua nga mbi 20 organizata të medias dhe shoqërisë civile, që e cilësuan atë si kufizim ekstrem të lirisë së shprehjes.

Në mars 2025, ankimimi për shpalljen antikushtetuese të vendimit u pranua për shqyrtim nga Gjykata Kushtetuese, edhe pse kërkesa për pezullim nuk u miratua.

Lexo gjithashtu:

• Mbyllja e Tik-Tok: A është kjo zgjidhja?
• “Fajin e ka TikTok-u”, Kryeministri shmang përgjegjësinë për vrasjen e 14-vjeçarit 
• Në arbitraritet, qeveria mbyll TikTok-un për një vit
• Censura digjitale, rasti i TikTok-ut dhe sfidat e privatësisë online

The post Ndalimi i TikTok-ut bie, por beteja kushtetuese vazhdon appeared first on Citizens.al.

Njohësi i çështjeve politike, Korab Blakaj, vlerëson se e ashtuquajtura luftë hibride e Rusisë përbën një nga kërcënimet më serioze të sigurisë për Evropën, duke u intensifikuar ndjeshëm pas pushtimit rus të Ukrainës në vitin 2022.

Sipas tij, që nga fillimi i luftës në Ukrainë, shërbimet sekrete perëndimore kanë akuzuar gjithnjë e më shpesh Moskën për përdorimin e metodave hibride, të cilat nuk janë të reja, por po bëhen gjithnjë e më të sofistikuara.

Ai përmend një sërë incidentesh të fundit në Evropë – nga rrëzimi i një avioni mallrash të DHL-së në Lituani, dëmtimi i kabllove nëndetare në Detin Baltik, deri te rritja e ndikimit të aktorëve ekstremistë pro-rusë në disa shtete – si raste që kanë ngritur dyshime serioze për përfshirjen e Rusisë.

Blakaj shpjegon se lufta hibride nënkupton zgjerimin e veprimeve ushtarake përmes spiunazhit, sabotazhit, sulmeve kibernetike, ndërhyrjes në zgjedhje, propagandës dhe fushatave të dezinformimit, me synim dobësimin e shteteve kundërshtare nga brenda. Sipas tij, Rusia ka zgjeruar vazhdimisht arsenalin e këtyre mjeteve gjatë viteve të fundit.

Ai thekson se spiunazhi nën mbulesën diplomatike mbetet një nga format kryesore të veprimit rus.

"Që nga fillimi i luftës në Ukrainë, shtetet evropiane kanë dëbuar qindra diplomatë rusë, të cilët shërbimet perëndimore i kanë identifikuar si agjentë të inteligjencës. Paralelisht, janë shtuar raportet për dronë të dyshimtë mbi baza ushtarake, përgjime komunikimesh dhe aktivitet të anijeve ruse pranë infrastrukturës kritike nënujore".

Në këtë kontekst, Blakaj përmend edhe rritjen e akteve të sabotazhit dhe zjarrvënieve në Bashkimin Evropian dhe Britaninë e Madhe, si dhe përkeqësimin e situatës së sigurisë kibernetike.

"Sulmet DDoS dhe përpjekjet për depërtim në rrjetet e institucioneve dhe kompanive janë bërë më të shpeshta, ndërsa spiunazhi dhe sabotazhi po zhvendosen gjithnjë e më shumë në hapësirën online. Një tjetër shtyllë e luftës hibride, sipas Blakajt, është lufta për “zemrat dhe mendjet”, përmes dezinformimit dhe propagandës", shton tutje.

Tutje rikujton se në fillim të vitit 2024 autoritetet gjermane zbuluan një fushatë masive me dhjetëra mijëra llogari të rreme, të cilat shpërndanin narrativa pro-ruse dhe synonin të minonin mbështetjen për Ukrainën dhe të forconin partitë ekstreme në Evropë.

Blakaj thekson se ndërhyrja në zgjedhje dhe publikimi i dokumenteve të vjedhura pak para proceseve elektorale, si dhe atentatet ndaj kundërshtarëve politikë jashtë Rusisë, janë gjithashtu pjesë e këtij spektri të gjerë veprimesh hibride, akuza që Kremlini i mohon.

Duke iu referuar edhe vlerësimeve të ekspertëve ushtarakë perëndimorë, ai nënvizon se Rusia i përshtat taktikat e saj sipas secilit shtet, çka e bën të domosdoshëm një reagim fleksibël, të koordinuar dhe gjithëpërfshirës nga vendet evropiane për t’u përballur me këtë kërcënim kompleks dhe afatgjatë./Telegrafi.

Kryeministri Edi Rama, kishte të ftuar një ditë më parë në podcastin e tij “Flasim”, mjeken estetiste, Vilma Tafilaj, me të cilën ndau një bashkëbisedim për operacionet plastike, dhe ndërhyrjet estetike. Tafilaj, e cila zotëron një klinikë private estetike, ndau përballë Ramës, disa këshilla se si mund të përmirësojmë pamjen tonë fizike, përmes ndërhyrjeve apo […]

The post I dogji fytyrën gazetares/ Kush është mjekja e promovuar nga Rama dhe hija e skandalit estetik appeared first on BoldNews.al.

Burrat po i drejtohen gjithnjë e më shumë kirurgjisë kozmetike, një trend veçanërisht i dukshëm në Lindjen e Mesme dhe Amerikën Latine, sipas të dhënave të paraqitura në Paris në kongresin global të industrisë (IMCAS).

Midis viteve 2018 dhe 2024, numri i operacioneve kozmetike të kryera te burrat u rrit me 95% dhe trajtimet kozmetike jo-kirurgjikale (injeksione, trajtime me lazer, peeling, etj.) për pacientët meshkuj u rritën me 116%, sipas Shoqatës Ndërkombëtare të Kirurgjisë Plastike Estetike (ISAPS).

“Ky trend, veçanërisht i fortë në Lindjen e Mesme dhe Amerikën Latine, pasqyron një ndryshim të thellë në normat shoqërore dhe një pranim në rritje të kirurgjisë kozmetike nga burrat, të cilët ende përbëjnë vetëm 16% të të gjitha procedurave”, sipas një analize të tregut të paraqitur në konferencën IMCAS, e cila zgjat deri më 31 janar.

Sipas parashikimeve të paraqitura në konferencë, tregu pritet të ruajë një rritje mesatare vjetore prej 5% deri në vitin 2030, për shkak të kërkesës së fortë dhe numrit në rritje të pacientëve.

Konkurrenca pritet të jetë e lartë në këtë treg, veçanërisht në lidhje me toksinën botulinum (e njohur si Botox ) dhe injeksionet e acidit hialuronik , dy procedura kozmetike që së bashku përfaqësojnë më shumë se gjysmën e tregut global të mjekësisë kozmetike dhe 9.6 miliardë euro në vitin 2025.

“Ne kemi hyrë vërtet në një modalitet konsumimi të procedurave kozmetike, i cili 10 ose 15 vjet më parë mund të konsiderohej shumë elitist“, tha Laurent Bron i IMCAS për AFP-në.

Me afërsisht 45% të pjesës së tregut global, Shtetet e Bashkuara vazhduan të dominojnë tregun global në vitin 2025, duke përbërë numrin më të madh të procedurave kozmetike jo-kirurgjikale dhe duke dominuar segmentin e Botox (56% të kërkesës globale). Megjithatë, kjo rritje pritet të ngadalësohet gradualisht në rreth 5% në vit midis viteve 2025 dhe 2030, me rajonin e Azi-Paqësorit që parashikohet të tregojë rritjen më të fortë (rreth 7% në vit) gjatë kësaj periudhe.

The post Rritje e shpejtë e procedurave kozmetike tek burrat! Në cilat vende po rritet kërkesa? appeared first on iconstyle.al.

Atletja olimpike Sha'Carri Richardson i është lutur një oficeri policie që “të bashkëpunonte me të” gjatë një ndalese për tejkalim shpejtësie, duke thënë: “Po ju lutem, po ju përgjërohem”, sipas pamjeve nga kamera trupore të siguruara nga Fox News Digital.

Pamjet tregojnë kampionen olimpike duke iu lutur oficerit që të mos e arrestonte, pasi ishte kapur duke drejtuar makinën në mënyrë të rrezikshme.

Rreshteri Gerald McDaniels, i cili po lëvizte në korsinë qendrore, vuri re se Richardson po ndizte dritat e gjata ndaj makinës përpara saj dhe raportoi se Aston Martini i saj kishte arritur shpejtësinë 104 milje në orë në “State Road 429”, pranë Stoneybrook Parkway në Winter Garden, Florida. Për ta kapur, oficeri u detyrua të arrinte shpejtësi deri në 110 milje në orë.

“Do ta hiqja atë buzëqeshje nga fytyra jote”, i tha rreshteri Richardsonit sapo iu afrua dritares së pasagjerit. “Je ndaluar për shpejtësi të rrezikshme dhe të tepruar”.

Richardson u justifikua duke thënë se goma e pasme kishte presion 29 dhe se telefoni i kishte rrëshqitur, duke ndërruar mënyrën e funksionimit të makinës dhe duke shkaktuar rritjen e shpejtësisë. Ky shpjegim nuk e bindi McDanielsin.

“Po vozitje me 104 milje në orë në një zonë me kufi 65, me pajisje jo të rregullta, duke u ndezur njerëzve dritat që të largoheshin nga korsia, duke ndjekur shumë afër, duke përdorur çdo korsi për t’i kaluar të gjithë, duke më prerë rrugën, duke kaluar një makinë nga shpatulla e brendshme me dritat e emergjencës të ndezura. Do të shkosh në burg për shpejtësi të rrezikshme dhe të tepruar”, deklaroi oficeri.

Richardson u përgjigj se nuk e dinte që po ecte me aq shpejtësi, ndërsa rreshteri ia ktheu shkurt:

“Kjo është arsyeja pse të kanë dhënë një shpejtësimatës.”

“Unë jam një qytetare që respekton ligjin, zotëri”, tha Richardson, e cila vitin e kaluar ishte arrestuar për një incident me të dashurin e saj, atletin olimpik Christian Coleman, ishte nxjerrë nga një avion në vitin 2023 dhe ishte përjashtuar nga Lojërat Olimpike të Tokios për shkak të një testi pozitiv për marihuanë.

Pas disa shkëmbimeve fjalësh, vendimi i oficerit mbeti përfundimtar dhe realiteti u bë i pashmangshëm për Richardsonin, e cila këmbënguli se nuk kishte “asnjë qëllim” për të shkelur ligjin.

“Ju lutem, zotëri. Nuk po e bëja qëllimisht shpejtësinë. Ju lutem, zotëri. Po ju përgjërohem”, tha ajo.

“Ju lutem, mos më çoni në burg. Do të bëj gjithçka. Ju lutem, zotëri. Ju premtoj, nuk dua të shkoj në burg, jam këtu”.

Sha'Carri Richardson ka fituar medaljen e artë olimpike në stafetën 4x100 metra në Lojërat Olimpike Paris 2024 dhe triumfoi në garën e 100 metrave në Kampionatin Botëror 2023 në Budapest./Telegrafi

MOSKË, 26 janar /ATSH/ – Rusia po i rinxjerr në përdorim disa lloje avionësh, për shkak se sanksionet ia kanë kufizuar mundësitë vendit për ta mirëmbajtur flotën e avionëve të udhëtarëve.

Avionët që po rikthehen në shërbim përfshijnë edhe një model të projektuar në Ukrainë, i cili ishte nxjerrë jashtë përdorimin për shkak të shqetësimeve rreth sigurisë.

Media pro-Kremlinit, Izvestia, raportoi më 19 janar se 12 avionë do të “riaktivizohen” nga linjat ajrore ruse në vitin 2026.

Dhjetë avionë tashmë u janë dorëzuar linjave ajrore për ta përballuar rënien e numrit të avionëve në flotë, “e cila po përkeqësohet nga sanksionet”, sipas raportit.

Sanksionet e vendosura pas pushtimit të plotë të Ukrainës nga Moska e kanë penguar Rusinë të blejë avionë ose pjesë këmbimi të prodhimit perëndimor. Rreth 75 për qind e flotës ajrore komerciale të Rusisë është ndërtuar në Shtetet e Bashkuara, Bashkimin Evropian ose Kanada.

The post FOKUS – Sanksionet detyrojnë Rusinë të nxjerrë në përdorim avionët e epokës sovjetike appeared first on Agjencia Telegrafike Shqiptare.

Shqipëria duhet të përshpejtojë reformat për t’u integruar në tregun evropian të energjisë, duke vendosur në qendër të drejtat e konsumatorëve, luftën kundër varfërisë energjetike dhe çmimin e karbonit të emetuar.

Këto ishin disa nga mesazhet kryesore të dala nga Forumi Kombëtar i Energjisë, i organizuar nga Co-PLAN, në kuadër të projektit EFFORT dhe programit GreenAL.

Gjatë forumit, Arben Kllokoqi, drejtues i Grupit të Punës për Mbështetjen Rregullatore pranë Sekretariatit të Komunitetit të Energjisë, theksoi nevojën për ndërmarrjen e një sërë hapash që do ta afronin vendin me standardet evropiane.

“Për tu integruar në treg të BE-së kërkohet që të ketë një udhëzues të qartë se çfarë hapash ligjore dhe implementues duhet të merren deri në vitin 2030. Duhet të bëhet pjesë e skemës së tregtimit të certifikatave të karbonit dhe ky është proces që zgjat dhe sa më herët që të fillohet për tu koordinuar është më mirë”, deklaroi Kllokoqi.

Forumi solli një diskutim politikat kombëtare dhe rajonale energjetike, sfidat që dalin në zbatim në nivel vendor dhe po ashtu përvojën e komuniteteve dhe të shoqërisë civile. E gjithë kjo, me qëllim që Shqipëria të realizojë tranzicionin e saj energjetik në mënyrë gjithëpërfshirëse dhe të drejtë.

Sipas drejtueses së organizatës “Co-Plan”, Anila Bejko, vendi ka bërë hapa të rëndësishëm sa i përket miratimit të ligjit për Ndryshimet Klimatke apo rishikimi i Planit Kombëtar për Energjinë dhe Klimën. Megjithatë, sipas saj ka ende një hendek mes ligjeve dhe zbatimit të tyre.

“Vendi ynë vazhdon të jetë i varur në mbi 95% nga hidroenergjia. Kjo varësi e bën sistemin energjetik tepër të brishtë, ku çdo krizë hidrike kthehet në krizë energjetike dhe financiare. Komunitetet energjetike ende nuk kanë një kuadër ligjor funksional, ndërsa konsumatorët dhe prodhuesit përballen me procedura të ndërlikuara”, u shpreh Anila Bejko.

Sipas Bejkos në këto momente ka një nevojë për modernizim të rrjetit dhe integrim të energjisë diellore dhe të erës.

“Po aq i rëndësishëm është integrimi i planifikimit klimatik dhe energjetik në nivel lokal, sepse tranzicioni i gjelbër nuk zbatohet vetëm në ministri, por në bashki”, përfundoi Bejko.

Në forum u theksua se në këtë proces tranzitor të energjisë është e rëndësishme që të ketë bashkëpunim të ngushtë mes institucioneve, pushtetit vendor, shoqërisë civile dhe komuniteteve lokale.

“Politikat energjetike nuk adresojnë pabarazitë sociale”

Të pranishëm nw forum ishin edhe përfaqësues të organizatave mjedisore dhe të bashkive të vendit. Diskutimi për energjinë dhe klimën erdhi në një qasje më sociale nga Mihallaq Qirjo, pedagog dhe ekspert i mjedisit.

Sipas tij objektivat dhe zhvillimet e politikave energjetike nuk janë të qarta dhe janë ende të pa linjëzuara.

Ndërsa solli në vëmendje faktin se përpos narrativës se vendi ynë mund të përfitojë nga projekti i TAP për gazifikim, në fakt është diçka që Shqipëria nuk e përballon dot.

“Nëse vendi nuk ka gaz natyror i burimit të lirë, BE-ja nuk e mbështet gazifikimin pasi rrit varësinë nga burimet e jashtme”, deklaroi Mihallaq Qirjo.

Në vëmendje u soll edhe energjia e rinovueshme, e cila së fundmi në vendin tonë përmes parqe fotovoltaikë ka marrë një hov të madh. Mirëpo, ende nuk flitet për ndikimet mjedisore dhe sociale që kjo lloj energjie ka për qytetarët.

“Po kthehet si një model i disa HEC-eve të vogla, ku jua merrnin ujin me zor dhe tani ju marrin kullotën banorëve për hir të zhvillimit të energjisë së rinovueshme”, u shpreh Qirjo duke iu referuar projekteve të vogla fotovoltaike që po ngrihen në kullota.

Sipas tij, fakti që jemi kritikë ndaj këtyre zhvillimeve nuk na bën kundër energjive të gjelbra, por kostoja sociale e tyre është shumë e madhe.

“Asnjë nuk diskuton ndikimin mjedisor. Është dhënë leja nga bashkitë në shumë kullota dhe nga një takim që kam pasur me përfaqësues të Agjencisë Kombëtare të Pyjeve tha ne nuk do ta lejojmë se do të thotë ndryshim i përdorimit të tokës”, solli në vëmendje Mihallaq Qirjo, duke shtuar më tej se kjo deklaratë mesa duket ishte personale për aq kohë sa të gjitha bashkitë po japin licenca për të ndërtuar, mjafton të gjesh tokën.

Një pjesë e mirë e energjisë është e destinuar të eksportohet dhe për aq kohë sa nuk ju kthehet në të mirë qytetarëve, është e rëndësishme të qartësohet në politikat që do të ndërmerren në vijim, nënvizoi më tej Qirjo.

“Politikat energjetike nuk adresojnë pabarazitë sociale. Shqipëria ka 28% të familjeve shqiptare që hasin vështirësi serioze për ngrohjen e mjediseve sipas Eurostat, ndërsa vende të tjera e kanë shumë më të ulët”, deklaroi Mihallaq Qirjo.

Sipas tij, ne po bëjmë investime të mëdha, por pyetja është nëse po ndihmojmë qytetarët apo vetëm disa që kanë mundësi të marrin licenca.

Në përfundim, ai nënvizoi me rëndësi edhe investimin në infrastrukturën energjetike aktuale, pasi çdo vit valët e të nxehtit në verë rrisin presionin mbi infrastrukturën.

“Një javë në dimër bën më ftohtë dhe rritet harxhimi i energjisë, por nuk është më dimri problem, është vera problem që me një infrastrukturë të vjetër dhe jo efikase do të kemi problematika me shpërndarjen e energjisë në territor. Ndryshimet kliatike janë bërë problem i madh”, theksoi Mihallaq Qirjo

The post Tranzicioni energjetik në Shqipëri, mes reformave dhe pabarazisë appeared first on Citizens.al.

Autoriteti Kombëtar për Sigurinë Kibernetike (AKSK) informon se nuk ka asnjë incident kibernetik të konfirmuar që të ketë cenuar funksionimin, sigurinë apo integritetin e sistemeve shtetërore. Në një deklaratë për shtyp AKSK reagoi ndaj disa informacioneve të pavërteta të shpërndara ditët e fundit në rrjetet sociale apo media lidhur me pretendime për sulme kibernetike ndaj institucioneve të vendit.

Source

ROMË, 21 janar /ATSH-ANSA/ – Stuhia gjeomagnetike, që filloi më 19 janar, po vazhdon për të tretën ditë radhazi dhe intensiteti i saj mbetet i fortë.

Sipas të dhënave të fundit nga Qendra e Parashikimit të Motit Hapësinor e Administratës Kombëtare të Aeronautikës dhe Hapësirës (NOAA), ajo tani është në nivelin G3, ndërsa dje arriti përsëri në nivelin G4.

Stuhitë G3 mund të shkaktojnë probleme me linjat e transmetimit të energjisë dhe komunikimet satelitore, ndërprerje të shkurtra në sistemet e navigimit GPS dhe komunikimet radio, dhe, sigurisht, aurorat në gjerësi gjeografike më të ulëta se zakonisht.

Stuhia filloi në orën 20:38 më 19 janar, duke u lejuar entuziastëve të aurorave në pjesën më të madhe të Evropës, të admironin spektaklin.

Në orët e para të 20 janarit, fenomeni dukej se tashmë po zbehej, por në vend të kësaj u intensifikua përsëri.

Shkaku ishte mbërritja e një nxjerrjeje të shpejtë të masës koronale, ose CME, një nxjerrje e materies në formën e plazmës që udhëtoi me afërsisht 1 000-1 400 kilometra në sekondë duke ngushtuar distancën midis Diellit dhe Tokës në vetëm rreth 25 orë.

Stuhia gjeomagnetike u parapri dhe u shoqërua nga një stuhi rrezatimi diellor, një fenomen që ndodh kur një shpërthim i fuqishëm diellor përshpejton një re të madhe grimcash energjike drejt planetit tonë.

Ky lloj fenomeni mund të paraqesë problem për çdo gjë jashtë mbrojtjes së ofruar nga atmosfera dhe fusha magnetike e Tokës, duke përfshirë astronautët, anijet kozmike, satelitët dhe avionët që arrijnë lartësi shumë të mëdha./ a.jor.

The post HAPËSIRË – Një stuhi gjeomagnetike arrin nivelin G4 appeared first on Agjencia Telegrafike Shqiptare.

Deputetja e zgjedhur nga Lidhja Demokratike e Kosovës, Janina Ymeri, ka paralajmëruar se kriza energjetike po reflektohet drejtpërdrejt në rritjen e faturave të rrymës dhe shtrenjtimin e produkteve bazë, duke goditur ekonominë familjare.

Në “Përballje Podcast” në Telegrafi.com, Ymeri tha se importi milionësh i energjisë po krijon një efekt zinxhir që sapo ka nisur të ndihet nga qytetarët.

“Kjo ndikon në ekonomi, dyqind e pesëdhjetë milionëshin nuk e keni parë ende”, tha ajo, duke shtuar se pasojat do të thellohen.

Sipas saj, shpenzimet e larta për energji dalin fillimisht në pah në buxhetin publik, por përfundojnë në faturat e qytetarëve.

“Tash na bien faturat tona. E kur bien faturat, rritet gati çdo shërbim dhe çdo produkt”, theksoi Ymeri.

Ajo paralajmëroi se edhe subvencionet eventuale shtetërore për energjinë janë para publike që mungojnë në investime të tjera.

“Nëse subvencionohet me paratë tona, atëherë një investim tjetërkund ka me na mungu”, u shpreh ajo.

Duke e ilustruar efektin zinxhir në ekonomi, Ymeri mori shembull çmimet e ushqimeve.

“Kur rritet çmimi i vezës, rritet torta. Po e paguajmë edhe vezën, edhe tortën – dy herë çmimin në fund”, deklaroi Ymeri, duke theksuar se barra përfundimtare bie gjithmonë mbi qytetarët”.

Sipas saj, kolapsi energjetik po e gërryen ekonominë e Kosovës, ndërsa pasojat reale do të ndihen edhe më shumë në muajt në vijim nëse nuk ka ndërhyrje dhe planifikim serioz në sektorin e energjisë. /Telegrafi/

- YouTube www.youtube.com

Në një takim zyrtar mbi Grupin e Punës për Kapitullin 24 – Drejtësia, Liria, Siguria – të organizuar në kuadër të Konventës Kombëtare për Integrimin Europian, mbështetur nga Bashkimi Europian, përfaqësues të Policisë së Shtetit, si edhe të European Movement Albania (EMA), diskutuan mbi rëndësinë kombëtare të mbrojtjes së fëmijëve në internet. Drejtuesja pranë Sektorit […]

The post Policia jep alarmin se krimet kibernetike ndaj fëmijëve janë në rritje appeared first on Reporter.al.

Kina ka ndaluar kompanitë vendase të përdorin softuer të sigurisë kibernetike nga disa kompani amerikane dhe izraelite për shkak të shqetësimeve për sigurinë kombëtare.

Në mesin e kompanive të ndaluara janë VMware, Palo Alto Networks, Fortinet nga SHBA dhe Check Point nga Izraeli.

Autoritetet kineze shprehen shqetësimin se këto programe mund të grumbullojnë dhe transmetojnë informacion konfidencial jashtë vendit.

Nuk dihet saktësisht sa kompani kineze kanë marrë këtë urdhër.

Lëvizja është pjesë e përpjekjeve të Pekinit për të zëvendësuar teknologjinë perëndimore me alternativa vendase.

Analistët kinezë thonë se qeveria po shqetësohet gjithnjë e më shumë se pajisjet perëndimore mund të jenë të prekshme nga sulme të huaja. /Telegrafi/

Mikheil Biniashvili, 50 vjeçar, me shtetësi gjeorgjiane, u mor i pandehur të mërkurën nga Prokuroria e Bambergut në landin e Bavarisë, i konsideruar si kreu i një rrjeti ndërkombëtar mashtrimi, i njohur si Milton Group, i cili dyshohet se mashtroi më shumë se 1000 qytetarë në vende europiane gjermanisht-folëse nëpërmjet investimeve fiktive. Biniashvili akuzohet se […]

The post Mashtrimet me ‘call center’: Gjermania merr të pandehur kreun e Milton Group appeared first on Reporter.al.

UASHINGTON, 8 janar /ATSH/ – Sekretari amerikan i Shëndetësisë, Robert F. Kennedy Jr. ka prezantuar udhëzimet e reja dietike të SHBA-së, të cilat u bëjnë thirrje amerikanëve të konsumojnë më shumë proteina dhe të kufizojnë ushqimet shumë të përpunuara si dhe sheqerin e shtuar, sipas BBC.

Udhëzimet, që publikohen çdo pesë vjet nga Departamenti i Bujqësisë dhe Departamenti i Shëndetësisë dhe Shërbimeve Njerëzore, sugjerojnë gjithashtu tre racione në ditë të produkteve të qumështit me yndyrë të plotë dhe lehtësojnë kufizimet për pijet alkoolike.

Këto udhëzime përbëjnë bazën e programeve federale të ushqyerjes, përfshirë programet e vakteve shkollore, dhe të rejat kanë marrë reagime të përziera nga ekspertët.

”Mesazhi im është i qartë: hani ushqim të vërtetë”, tha Kennedy në një konferencë për shtyp në Shtëpinë e Bardhë.

Në përgjithësi, rekomandimet nxisin konsumimin e proteinave, produkteve të qumështit me yndyrë të plotë, drithërave integrale të pasura me fibra, si dhe frutave dhe perimeve, ndërsa këshillojnë shmangien e sheqernave dhe ushqimeve shumë të përpunuara, përfshirë snack-et e parapaketuara si patatinat, biskotat dhe karamelet.

Theksi mbi produktet e qumështit me yndyrë të plotë përbën një ndryshim nga udhëzimet e mëparshme, të cilat sugjeronin qumësht me pak yndyrë ose pa yndyrë për të kufizuar konsumin e yndyrave të ngopura.

Udhëzimet rekomandojnë gatimin me vajra si vaji i ullirit, por sugjerojnë edhe dhjamin e viçit si një alternativë — një preferencë e Kennedyt — edhe pse ai është i pasur me yndyra të ngopura.

Ndryshimet e përgjithshme u mirëpritën nga disa ekspertë mjekësorë, përfshirë Shoqatën Mjekësore Amerikane, e cila ka kritikuar disa nga veprimet e Kennedyt që nga marrja e detyrës./  /Ad.Ab./  a.jor.

 

The post FOKUS – SHBA prezanton udhëzime të reja dietike, më shumë proteina dhe më pak ushqime të përpunuara appeared first on Agjencia Telegrafike Shqiptare.

Dekadat e varësisë e kanë lënë Berlinin në një gjendje të brishtë ekonomike dhe politike.

Nga: Katja Hoyer / The Telegraph
Përkthimi: Telegrafi.com

Nuk ka kaluar shumë kohë kur zemërim të madh do të kishte shkaktuar një politikan i cili do të fantazonte rrëmbimin e kancelarit gjerman dhe ta quante atë, pos tjerash, “neonazist”. Kur ish-presidenti rus Dmitry Medvedev bëri pikërisht këtë të dielën, nuk shkaktoi më shumë sesa një dënim të shkruar në mënyrë formale nga zëdhënësi i qeverisë gjermane dhe një indiferencë nga ministri i Jashtëm gjerman Johann Wadephul, i cili i quajti komentet e Medvedevit “interesante”.

Incidentet e tilla theksojnë se sa shumë ka ndryshuar marrëdhënia mes Gjermanisë dhe Rusisë. Por, ka gjasa që Gjermanisë do t’i duhet shumë më tepër kohë për ta përballur këtë ndryshim.

Sigurisht, komentet e Medvedevit duhet të shihen në kontekst. Kur ai sugjeroi që “rrëmbimi i neonazistit Merz mund të ishte një kthesë e shkëlqyer në këtë karnaval ngjarjesh”, ai po reagonte ndaj kapjes nga ana ShBA-së e presidentit venezuelas Nicolás Maduro, i cili ka qenë aleat i Rusisë. Megjithatë, ai zgjodhi jo vetëm ta veçonte kancelarin Friedrich Merz për talljen e tij, por gjithashtu shtoi: “Ka edhe arsye për ndjekje penale ndaj tij në Gjermani, prandaj nuk do të ishte humbje, veçanërisht kur qytetarët po vuajnë kot” - një aluzion për çmimet e larta të energjisë që kanë prekur Gjermaninë, qëkur ajo u shkëput nga lëndët djegëse fosile ruse pas pushtimit të plotë të Ukrainës në vitin 2022.

Komentet e Medvedevit zbulojnë dy gjëra. E para është se sa e mërzitur është Rusia për humbjen e Gjermanisë si konsumator energjie dhe partner biznesi, pavarësisht mohimeve të kundërta. Importet gjermane nga Rusia kanë rënë me 95 përqind që nga fillimi i luftës. Berlini tani varet kryesisht nga vendet si Norvegjia dhe ShBA-ja për importet e tij jetike të energjisë. Kjo do të thotë humbje akute e të ardhurave dhe e ndikimit të Moskës në Evropë.

Por, komentet e Medvedevit tregojnë gjithashtu anën tjetër të medaljes. Energjia në Gjermani është bërë e shtrenjtë, e paqëndrueshme dhe e ndjeshme ndaj sabotazhit. Trashëgimia e viteve të varësisë nga Rusia do të marrë shumë kohë për t’u korrigjuar dhe mund të kërkojë më shumë vullnet politik sesa Berlini mund të korr për momentin. Gjermania tani është e ekspozuar ndaj sulmeve në infrastrukturën kritike, është një vend i pakëndshëm për investime nga industritë me konsum të lartë energjie dhe një peizazh politikisht i paqëndrueshëm në të cilin marrëdhënia e ardhshme me Rusinë vazhdon të luajë një rol kyç.

Kjo flet më shumë sesa paratë. Gjermania ia shiti Rusisë infrastrukturën kritike të energjisë, në tokën e saj, përfshirë objektin e saj më të madh për ruajtjen e gazit - një mega-strukturë nëntokësore sa mbi 900 fusha futbolli që ruan mjaftueshëm gaz për të furnizuar dy milionë familje për një vit. “Nënvlerësuam varësinë dhe rreziqet e sigurisë politike që buronin nga kjo marrëdhënie”, pranoi në retrospektivë, Norbert Röttgen nga partia konservatore CDU e Merzit.

Gjermania ndaloi importin e gazit nga Rusia: Importet e gazit natyror nga Rusia, në milionë metra kubBurimi: Eurostat

Në fund të vitit 2022, Gjermania mori kontrollin e rafinerive, depozitave dhe infrastrukturave të tjera në vend, që ishin në pronësi të Rusisë, por kurrë nuk mund të rifitojë njohurinë e thellë dhe kuptimin që Moska ka fituar për sistemin gjerman. Tani, Vladimiri Putin mund ta përdorë këtë. U raportua më herët këtë javë se Rusia ka intensifikuar sulmet e fshehta mbi infrastrukturën gjermane, përfshirë objektet energjetike. Ndërkohë që ministria e Mbrojtjes ka përcaktuar Rusinë si “kërcënimin më të madh dhe më të menjëhershëm për sigurinë e Gjermanisë”, nuk ka zgjidhje të shpejtë për boshllëqet e mëdha të shkaktuara nga vitet e lidhjes së pakujdesshme me Rusinë.

Një tjetër pasojë nga lidhja e dashurisë së Gjermanisë me Rusinë është thjesht kostoja dhe paqëndrueshmëria e furnizimit me energjinë që është riorganizuar me nxitim. Ekonomia e tretë më e madhe në botë importon një shifër marramendëse prej 70 përqind të energjisë që përdor, dhe të gjithë e dinë se sa shumë varet nga kjo ajo që ka mbetur nga industria e saj e ballafaquar me vështirësi. Berlini nuk është në pozicion për të negociuar për çmime ose kushte më të mira.

Konsumatorët gjermanë paguajnë disa nga çmimet më të larta të energjisë elektrike në botë, dhe investitorët e mundshëm janë aq të zhgënjyer nga kjo situatë saqë shumë prej tyre tërhiqen. Vitin e kaluar, ArcelorMittal, prodhuesi i dytë më i madh i çelikut në botë, refuzoi madje 1.3 miliardë euro subvencione për të prodhuar çelik të gjelbër në Gjermani, duke preferuar investimet “në vende që mund të ofrojnë furnizim të parashikueshëm dhe konkurrues me energji elektrike”, siç u shpreh kompania.

Nga ana tjetër, kombinimi i stagnimit ekonomik dhe kostove të larta për konsumatorët, ushqen tensionet politike në Gjermani. Qeveria e Merzit mund të ketë adoptuar një qëndrim aq optimist saqë ashiqare e zemëron Moskën, por partitë opozitare po e shfrytëzojnë dëshpërimin e njerëzve dhe efektet e dëmshme të pesimizmit ekonomik, për të prezantuar rikthimin e marrëdhënieve më miqësore me Rusinë - si një zgjidhje të thjeshtë për problemet e vendit.

Në veçanti, partia e ekstremit të djathtë, Alternativa për Gjermaninë (AfD) - tani partia më e madhe opozitare që kryeson në shumë sondazhe - përfiton nga frika dhe presioni i krijuar nga situata. Në manifestin e saj elektoral të vitit të kaluar, ajo deklaroi: “Si pasojë e sanksioneve kundër Rusisë, furnizimi i përballueshëm me energji në Gjermani është gjithashtu i rrezikuar rëndë. Për këtë arsye, vendi ynë nuk është më në gjendje të konkurrojë”.

Kjo do të çonte në “deindustrializim dhe varfërim të popullit gjerman”. Zgjidhja është e thjeshtë, sugjeron AfD-ja: “Rusia për dekada të tëra ka qenë ofrues dhe garantues i besueshëm i energjisë së përballueshme”. Partia kërkon që “tregtia e pakufizuar me Rusinë” të rinis, që sanksionet të hiqen, dhe tubacionet Nord Stream të rivendosen. Nuk është rastësi që pohimi i Medvedevit se qytetarët gjermanë “po vuajnë kot”, përputhet me argumentet e AfD-së.

Rikthimi i tregtisë me Rusinë është kërkesë që ka shumë dëgjues - përtej AfD-së dhe votuesve të saj. Të dëshpëruar për energji të sigurt dhe të lirë, shumë drejtues gjermanë të biznesit janë më se të etur që lufta në Ukrainë të përfundojë dhe të rifillojnë importet nga Rusia. Ata, nga ana tjetër, kanë vëmendjen e shumë politikanëve, përfshirë edhe ata nga dy partitë qeverisëse.

Për shembull, Thomas Bareiss nga CDU-ja konservatore e Merzit, ishte një nga negociatorët e traktatit të koalicionit, ku ai ishte pjesë e grupit të përkushtuar për çështjet e energjisë. Vitin e kaluar ai tërhoqi vëmendjen duke sugjeruar se nëse do të ketë paqe në Ukrainë, “sigurisht, gazi mund të rrjedhë sërish”. Dietmar Woidke nga partneri i qendrës së majtë në koalicion, SPD, u pajtua duke argumentuar për një “normalizim të marrëdhënieve tregtare”. Dhe, kjo pa përmendur partitë opozitare të ekstremit të majtë dhe të djathtë.

Rivendosja e kursit të Gjermanisë me Rusinë është larg përfundimit. Varësia shumëvjeçare e Gjermanisë ka lënë gjurmë të thella në strukturën ekonomike, politike dhe logjistike të vendit. Nëse komentet e pabesueshme të Medvedevit sot mezi tërheqin vëmendje, kjo lidhet po aq me faktin se qeveria po përballet me fytyrën e vërtetë të diplomacisë ruse, sa edhe me brishtësinë shqetësuese që ka lënë tërheqja e Gjermanisë nga Rusia. Kjo është një ndarje e ndërlikuar që është ende larg përfundimit. /Telegrafi/

Bota e rrjeteve sociale është tronditur nga ndarja nga jeta e influencueses italiane Yulia Burtseva, e cila ka ndërruar jetë në moshën 38-vjeçare pas disa ndërhyrjeve kirurgjikale estetike të kryera në Moskë. Sipas mediave të huaja, Burtseva kishte udhëtuar drejt Rusisë për të kryer procedura estetike, por pas operacioneve gjendja e saj shëndetësore u përkeqësua […]

The post Humb jetën influencuesja italiane pas operacioneve estetike appeared first on BoldNews.al.

Sulmet digjitale në Shqipëri kanë ardhur duke u sofistikuar përgjatë 12 muajve të fundit. Shpeshherë ato ndodhin në forma të fshehta, por pasojat në integritetin e të dhënave apo sigurinë e qytetarëve janë të dukshme dhe problematike. Një monitorim i BIRN për hapësirën digjitale në Shqipëri për periudhën kohore shtator 2024-gusht 2025 identifikoi 115 shkelje […]

The post Sulmet digjitale në 2025/ Më të sofistikuara dhe më të organizuara, Shqipëria ende e papërgatitur appeared first on BoldNews.al.

Sulmet digjitale në Shqipëri kanë ardhur duke u sofistikuar përgjatë 12 muajve të fundit. Shpeshherë ato ndodhin në forma të fshehta, por pasojat në integritetin e të dhënave apo sigurinë e qytetarëve janë të dukshme dhe problematike. Një monitorim i BIRN për hapësirën digjitale në Shqipëri për periudhën kohore shtator 2024-gusht 2025 identifikoi 115 shkelje […]

The post Sulmet digjitale në 2025: Më të sofistikuara dhe më të organizuara appeared first on Reporter.al.

Sulmet digjitale në Shqipëri kanë ardhur duke u sofistikuar përgjatë 12 muajve të fundit. Shpeshherë ato ndodhin në forma të fshehta, por pasojat në integritetin e të dhënave apo sigurinë e qytetarëve janë të dukshme dhe problematike.

Një monitorim i BIRN për hapësirën digjitale në Shqipëri për periudhën kohore shtator 2024-gusht 2025 identifikoi 115 shkelje në total, ku kryesojnë përmbajtjet e dëmshme dhe sjelljet kërcënuese, të ndjekura nga shkeljet e të drejtave ekonomike dhe aseteve digjitale.

Më të prekurit nga këto shkelje janë qytetarët dhe grupet e aktivistëve, ndërkohë që autorët e këtyre sulmeve janë një pjesë të paidentifikuar.

Transferimi i pothuajse të gjitha shërbimeve publike në platformën digjitale qeveritare “e-Albania” përgjatë viteve të fundit është shoqëruar jo vetëm me avantazhe për qytetarët, por edhe me rrisqe përsa i përket mbrojtjes së të dhënave të tyre personale.

Sipas ekspertëve, shkeljet digjitale më të rrezikshme janë përqendruar në sulmet ndaj infrastrukturave kritike të vendit, dezinformimin dhe manipulimin zgjedhor, mashtrimet financiare digjitale, si edhe sulmet online ndaj aktivistëve dhe gazetarëve.

Orkidea Xhaferaj, hulumtuese dhe drejtuese e Departamentit të Politikave Digjitale dhe Inovacionit pranë SCiDEV, i tha BIRN se prej vitesh ka një trend rritës të sulmeve kibernetike në Shqipëri, gjë që reflekton trendin global apo tranformimin digjital që po ndodh në vend.

“Sulmet ndaj infrastrukturave kritike janë më të rrezikshmet, pasi impaktojnë shërbimet publike, dhe së dyti sigurojnë akses të keqbërësve në të dhënat personale dhe sensitive të qytetarëve në masë,” i tha BIRN Orkidea Xhaferaj, duke përmendur si shembull sulmin ndaj Bashkisë Tiranë në qershor 2025, që la pa shërbim mijëra qytetarë.

Daniel Prroni, hulumtues pranë Institutit për Demokraci dhe Ndërmjetësim (IDM) shtoi më tej se një tjetër trend shkeljesh digjitale në 2025 konsiston pikërisht në përhapjen e dezinformimit gjatë fushatës zgjedhore të zgjedhjeve parlamentare të vitit 2025.

“Një tjetër rrezik gjatë këtij viti ka qenë përhapja e dezinformimit dhe manipulimit të informacionit, veçanërisht gjatë fushatës zgjedhore përmes përmbajtjeve të gjeneruara me AI, pa etiketime apo transparencë, dhe përdorimin të bot-eve për të amplifikuar mesazhe politike”, i tha BIRN Daniel Prroni.

Fushata zgjedhore e zgjedhjeve parlamentare të Majit 2025 u karakterizua nga një sërë shkeljesh etike në hapësirën online.

Edhe pse partitë kryesore të vendit nënshkruan Kodin e Etikës për Fushatën Digjitale, shumica e tyre përdorën dhe shpërndanë video të gjeneruara me Inteligjencë Artificiale që patën si efekt bullizëm kibernetik dhe dezinformim ndaj kundërshtarëve politikë. Gjithashtu më shumë se 50 faqe të ndryshme anonime online u përdorën për propagandë politike.

Ekspertët pranojnë gjithashtu se gjatë vitit 2025 të dhënat personale dhe financiare të qytetarëve janë ndikuar ndjeshëm prej një serie sulmesh “phishing” që kanë shënjestruar financat e tyre, sulme të sofistikuara të cilat kamuflohen sikur vijnë prej institucione reale të vendit.

“Mashtrimet digjitale dhe sulmet ‘phishing’ janë bërë gjithnjë e më të vështira për t’u dalluar nga komunikimet legjitime të institucioneve apo operatorëve ekonomik legjitim përmes imitimit të domain-eve të institucioneve shtetërore dhe kompanive private”, i tha BIRN hulumtuesi i IDM, Daniel Prroni.

Të njëjtën gjë konfirmon edhe ekspertja Xhaferaj, sipas të cilës skemat e mashtrimit financiar kanë impakt të drejtpërdrejtë në jetën e qytetarëve.

“Shitja apo rrjedhja e të dhënave personale nga sulmet phishing ndaj qytetarëve rrit vulnerabilitetet për sulme të tjera ndaj tyre”, i tha BIRN Orkidea Xhaferaj.

Autoriteti Kombëtar i Sigurisë Kibernetike (AKSK) ka paralajmëruar disa herë qytetarët të tregohen të kujdesshëm ndaj këtyre tentativave të mashtrimit që targetojnë të dhënat dhe financat e tyre.

Një kategori tjetër që janë prekur nga shkeljet në sferën digjitale janë aktivistët e të drejtave të njeriut, gazetarët, apo anëtarët e komuniteteve vulnerabël, që vijojnë të jenë shënjestër e sulmeve të cilat jo pak herë konsistojnë edhe në kërcënime me jetë apo fushata linçimi që ndikojnë ndjeshëm në mirëqënien e këtyre personave.

Sipas Indeksit Botëror të Lirisë së Shtypit, Shqipëria renditet e 80 nga 180 vende, duke u theksuar se gazetarët janë viktima të akteve të indimidimit nga politikanët dhe krimi i organizuar.

Prroni i tha BIRN se këto sulme ndaj aktivistëve apo gazetarëve vijojnë të mbeten një shqetësim për lirinë e shprehjes.

“Kërcënimet dhe bullizmi kibernetik gjithashtu kanë përbërë një volum të lartë të shkeljeve. Qytetarët e angazhuar në publik dhe grupet e margjinalizuara janë sulmuar vazhdimisht online, shpesh nga njerëz të paidentifikuar”, tha Prroni për BIRN.

“Në thelb, këto sulme kanë synuar të krijojnë një klimë frike dhe presioni që nxit vetëcensurën e gazetarëve dhe shkurajon pjesëmarrjen e qytetarëve në jetë publike”, shtoi ai.

Ekspertët janë të mendimit se ndërgjegjësimi i qytetarëve ndaj këtyre sulmeve është hapi kyç në adresimin e kësaj situate.

“Ndërgjegjësimi dhe rritja e kapaciteteve të qytetarëve për phishing dhe mashtrimet online mbetet kyç për adresimin e situatës”, i tha BIRN Xhaferaj.

Ajo shtoi se edhe forcimi i kapaciteteve të mbrojtjes kibernetike vendore duhet të jetë prioritet për mbrojtjen e infrastrukturave lokale dhe të dhënave të qytetarëve.

Edhe hulumtuesi Prroni nga IDM theksoi rëndësinë e përmirësimit të legjislacionit me mekanizma më efektive hetimi kundër mashtrimeve digjitale apo harmonizimin me rregulloret e BE-së përsa i përket përdorimin të platformave digjitale.

“Nevojiten përmirësime thelbësore të legjislacionit kundër mashtrimeve digjitale dhe mekanizma më efektivë hetimi”, i tha BIRN Prroni.

“Gjithashtu duhet punuar për harmonizimin e akteve të BE-së që rregullojnë mjedisin digjital, posaçërisht DSA-së në lidhje me sjelljen e platformave digjitale dhe Aktin e Inteligjencës Artificiale në lidhje me përdorimin dhe përhapjen e materialeve të gjeneruara nga AI”, përfundoi ai./ Reporter.al

The post ALARM! Rriten s*lmet kibernetike dhe mashtrimet online në Shqipëri appeared first on Albeu.com.

Dy termocentrale të vjetra prej disa dekadash, Kosova A dhe Kosova B, e mbajnë mbi supe barrën e furnizimit me energji elektrike të mbi 1.5 milion qytetarëve të Kosovës. Për rehabilitimin e tyre, për ta rritur sigurinë e furnizimit me energji përballë rritjes së nevojës së qytetarëve për rrymë, vetëm më 2025 janë ndarë miliona euro, sipas […]

The post Dimër i vështirë energjetik në Kosovë, prodhimi nuk mban hapin me konsumin appeared first on BoldNews.al.