TIRANË, 7 janar/ATSH/ Kryetari i bashkisë së Lezhës, Pjerin Ndreu bëri të ditur sot se situata e shkaktuar nga reshjet në Lezhë është në përmirësim të ndjeshëm.

Sipas Ndreut, autoritetet vendore mbeten në mbikëqyrje të problematikave të ndryshme.

“Lezha ka përjetuar një situatë të rënduar në disa zona dhe jo në gjithë territorin, por jo jashtë kontrollit”, theksoi Ndreu.

Sipas tij, problematika që krijohet në vazhdimësi në lagjen “Besëlidhja” në Lezhë, është drejt zgjidhjes pasi një projekt i KfW-së është në zbatim e sipër.

“Kjo do të thotë që së shpejti nuk do përballemi më me të tilla situata! S’ka vend për panik, as për shprehje mediatike ‘Lezha nën ujë’, sepse 20% e qytetit e ka këtë problem, as për fërkim duarsh nga ‘madhështorë’ e kushdo tjetër, pasi i kemi dalë për zot kësaj pune ashtu siç duhet”, u shpreh Ndreu.

Në zonat rurale, sipas tij, “ka pasur problematikë në 10% të territorit në toka bujqësore në Pllanë, Spiten, Grash, Zojs, Torovicë, Blinisht, Gocaj”.

“Fluksi i pashembullt i reshjeve është përballuar me kompetencë nga punonjësit e bashkisë Lezhë, që kanë qenë kudo ku iu është kërkuar, në ndihmë të banorëve dhe në përmirësim të situatës”, tha Ndreu.

Sistemi i kanaleve kulluese prej 730 km të hapura në këto 6 vite, sipas kryebashkiakut Ndreu ka bërë që të amortizohen në maksimum pasojat.

“Sot as që bëhet fjalë për javë të tëra me prezencë uji. Puna jonë ka dhënë efektet e duhura. Gjithsesi nuk ka vend për t’u vetëkënaqur, por përgjegjësi për të vazhduar me vendosmëri në përmirësimin më tej të problematikave të evidentuara”, tha Ndreu.

Çdo banor i Lezhës, sipas tij, “duhet të jetë i sigurt se përtej helmit që e kanë gati disa detashmentë që s’kanë punë tjetër, ne gjithmonë e në çdo rast do jemi në shërbim të komunitetit. Asnjëherë më parë s’ka ndodhur një komunikim dhe bashkërendim i tillë, ku qytetari ka një derë ku qan hallet dhe gjen një përgjigje të shpejtë”.

/m.m/a.f/r.e/

The post Ndreu: Situata e shkaktuar nga reshjet në Lezhë është në përmirësim të ndjeshëm appeared first on Agjencia Telegrafike Shqiptare.

Një auditim i fundit i Kontrolli i Lartë i Shtetit hedh dritë mbi gjendjen reale të shërbimit psiko-social në arsimin parauniversitar, duke evidentuar një kontrast të fortë mes rritjes së stafit dhe pabarazive të thella territoriale e strukturore në aksesin e nxënësve ndaj këtij shërbimi thelbësor. Sipas gjetjeve të auditimit, në vitin shkollor 2023–2024 numri […]

The post Raporti i KLSH: Një në katër shkolla pa shërbim psiko-social, mijëra nxënës jashtë mbështetjes appeared first on BoldNews.al.

Banorët e fshatit Gjorm, në Bashkinë Kurbin, dolën në protestë për shkak të përmbytjeve të vazhdueshme dhe dëmtimeve të shkaktuara në rrugë nga vërshimi i ujërave. Në shenjë indinjate ndaj mosveprimit të autoriteteve lokale dhe qendrore, ata bllokuan për disa minuta rrugën nacionale Laç-Mamurras, ku nuk munguan as përplasjet. Sipas banorëve, përmbytjet e përsëritura shkaktohen […]

The post Bllokohet rruga Laç-Mamurras, banorët protestojnë për përmbytjet e përsëritura appeared first on BoldNews.al.

Gjykata e Posaçme Kundër Krimit dhe Korrupsionit (GJKKO) ka rrëzuar kërkesën e zyrtares së lartë të Policisë së Shtetit, Ervina Gjana, për kthimin e pajisjeve elektronike të sekuestruara gjatë kontrollit të banesës së saj dhe të bashkëjetuesit Renato Hristic. Gjatë kontrollit, autoritetet kanë sekuestruar tetë telefona celularë dhe dy laptopë, në kuadër të hetimeve mbi […]

The post Pjesë e grupit kriminal në AKSHI, GJKKO nuk i kthen 8 celularët e sekuestruar drejtoreshës së Prodës appeared first on BoldNews.al.

Një tjetër situatë skandaloze ka ndodhur në rrugën Qukës-Qafë Plloçë, e cila ka kushtuar 260 mln euro dhe që u inaugurua disa muaj më parë nga ministrja Belinda Balluku, tashmë nën hetim nga SPAK për disa vepra penale. Pas rreth një muaji nga shembja e një masivi dherash në këtë aks, situata është përsëritur, duke […]

The post Shembje në rrugën 260 mln euro të Ballukut, masivi i dherave bie mbi një automjet në Qukës-Qafë Plloçë appeared first on BoldNews.al.

Banka Botërore sugjeron se përmirësimi i skemës publike të pensioneve në afat të shkurtër mund të arrihet edhe pa një ristrukturim të plotë të sistemit, por përmes një sërë masash që adresojnë dobësitë aktuale të skemës kontributive. Të rritet presioni mbi pagesën e kontributeve Theksi kryesor i Bankës në dokumentin e fundit “Rritja e Qëndrueshmërisë […]

The post Banka Botërore: Tre drejtimet për ndërhyrje afatshkurtra në skemën e pensioneve appeared first on BoldNews.al.

Një aksident me pasojë vdekje ka ndodhur në qytetin e Lushnjës, ku ka humbur jetën 70-vjeçari Bujar Dingozi. Sipas informacioneve paraprake, i moshuari po udhëtonte me motomjet kur ka humbur kontrollin e drejtimit dhe është përplasur në tokë. Si pasojë e plagëve të marra, ai ka ndërruar jetë.

Source

Çmimi i arit ra gjatë të mërkurës pasi investitorët nisën një trend shitje, për të përfituar nga çmimi më i lartë i metalit. Ndërkohë, edhe forcimi i dollarit rëndoi mbi gjendjen e tregut të metaleve të çmuar.

Ari në tregun e menjëhershëm (spot) ra me 1.1%, duke shkuar në 4.449 dollarë për onz.Të hënën e kaluar, ari kishte arritur nivelin rekord prej 4.549 dollarësh.

Dollari qëndroi pranë nivelit më të lartë të më shumë se dy javëve, duke i bërë aktivet e çmuara në dollarë më të shtrenjta për mbajtësit e valutave të tjera.

Investitorët presin të paktën dy ulje të normave të interesit nga Rezerva Federale (Fed) këtë vit. Guvernatori i Fed-it, Stephen Miran, mandati i të cilit përfundon në fund të këtij muaji, tha të martën se nevojiten ulje agresive të normave në SHBA për të mbajtur ekonominë në lëvizje.

Aktivet pa interes (si ari) priren të ecin mirë në mjedise me norma të ulëta interesi dhe gjatë periudhave të pasigurisë gjeopolitike ose ekonomike.

Në frontin gjeopolitik, Karakasi dhe Uashingtoni arritën një marrëveshje për të eksportuar deri në 2 miliardë dollarë naftë bruto venezueliane drejt SHBA-së, një lëvizje që do të devijonte furnizimet nga Kina pas rrëmbimit të ish-presidentit Nicolás Maduro nga SHBA.

Në tregjet e tjera, argjendi humbi 2.5% duke rënë në 79.27 dollarë për onz, poshtë nivelit rekord prej 83.62 dollarësh të arritur më 29 dhjetor. Platini ra me 6.2% në 2,291.24 dollarë për onz, duke u tërhequr nga niveli rekord prej 2,478.50 dollarësh i arritur të hënën e kaluar./Reuters

The post Çmimi i arit bie. Tregtarët po monitorojnë marrëdhëniet SHBA-Venezuelë appeared first on Gazeta Si.

Nga Gazeta ‘SI’ – Ministria e Ekonomisë dhe Inovacioni ka hedhur në konsultim një projektligj të ri, që njeh disenjot si krijime autentike dhe mbron pronësinë e tyre.

Për të fituar mbrojtje, një disenjo duhet të jetë e re dhe të ketë karakter individual, thotë ligji i ri.

Aty theksohet se e drejta e pronnësimit një krijim, në drejtorinë e Pronësisë Intelektuale, i përket atij që bën kërkesën, pavarësisht krijuesit.

Regjistrimi mund të refuzohet nga Drejtoria, në rast se përman detaje në kundërshtim me moralin, rendin publik apo emblema kombëtare të palejueshme. Po ashtu, projektligji ndalo disenjot që ngjajnë me disenjo të tjera të famshme, për të përfituar,

Projektligji forcon të drejtat e mbajtësve të disenjove, duke u dhënë atyre mundësinë të ndjekin rrugë gjyqësore, të paraqesin dhe sigurojnë prova, si dhe të kërkojnë masa të përkohshme, përfshirë nxjerrjen nga qarkullimi dhe konfiskimin e produkteve që dyshohet se shkelin të drejtat e disenjove të regjistruara.

Aktualisht, tregu në Shqipëri po ndeshet çdo ditë e më shumë me konflikte midis objekteve të pronësisë industriale të regjistruara më parë dhe që kanë një reputacion dhe emër të mirë në treg dhe përpjekjeve të personave të ndryshëm për të përdorur në mënyrë të paautorizuar këto objekte, me qëllim që të përfitojnë falë të cilësisë së mirë, reklamimit dhe promovimit të vazhdueshëm që mbajtësit e të drejtave bëjnë për to. Këto përpjekje negative përveçse dëmtojnë interesat ekonomike të operatorëve ekonomikë që kanë investuar në mbrojtjen e të drejtave të pronësisë industriale, ato dëmtojnë dhe deformojnë gjithashtu tregun dhe interesat e konsumatorëve, argumenton Ministria.

The post Qeveria hedh në konsultim ligjin e ri për mbrojtjen e disenjove: S’ka më kopje të firmave të mëdha appeared first on Gazeta Si.

Varësia nga droga nuk po i mban imun as personat që ndodhen prapa grilave, sidomos në Burgun e Dubravës – ku raportohen raste të tilla më së shumti dhe siç duket me lehtësi po futet droga brenda hapësirave të burgut, raporton Gazeta Sinjali.

Kështu, një rast tjetër është evidentuar më 01 janar 2026, rreth orës 00:30, brenda Qendrës Korrektuese të Dubravës, në komunën e Istogut, mëson eksklutivisht Sinjali.

Sipas informatave, Njësiti i DHTN–Pejë ka pranuar për hetim rastin pas raportimit nga oficerët korrektues. Gjatë një kontrolle rutinë në oborrin e pavijonit të hapur, janë gjetur katër (4) cigare me marihuanë (jointa).

Nga matjet paraprake, peshë e përgjithshme e substancës së dyshuar narkotike rezulton të jetë rreth 4 gram. Aktualisht, nuk ka persona të dyshuar lidhur me këtë rast.

Për gjetjen dhe provat materiale është njoftuar Prokurori kompetent kujdestar, i cili ka urdhëruar që rasti të iniciohet si “Posedim i paautorizuar i narkotikëve, substancave psikotrope ose analoge”.

Hetimet për këtë rast po vazhdojnë nga Njësiti DHTN–Pejë.

Sinjali – aty ku e vërteta flet para lajmit!

/GazetaSinjali/

The post Ekskluzive | Marihuanë brenda Qendrës Korrektuese të Dubravës – gjenden katër “jointa” në oborrin e pavijonit të hapur appeared first on Sinjali.

Një rast i rëndë i blerjes, shpërndarjes dhe shitjes së paautorizuar të narkotikëve është zbuluar më 31 dhjetor 2025, rreth orës 13:50, brenda Qendrës Korrektuese të Dubravës, në komunën e Istogut, mëson ekskluzivisht Sinjali.

Sipas informatave të siguruara brenda hetimit, Njësiti i DHTN–Pejë ka pranuar për hetim rastin pas raportimit nga oficerët korrektues të burgut. Gjatë kryerjes së detyrës zyrtare, oficerët kanë vërejtur të dyshuarin Sali Malluta, rreth 32-vjeçar, duke hedhur një send të dyshimtë nga dritarja e Pavijonit nr. 4, në drejtim të shëtitores së Pavijonit nr. 3.

Pas reagimit të menjëhershëm, zyrtarët korrektues kanë gjetur dy (2) qese me substancë të dyshuar narkotike, e cila pas ekzaminimit ka rezultuar të jetë marihuanë, me peshë të përgjithshme rreth 7 gram.

Lidhur me rastin dhe provat materiale është njoftuar Prokurori kompetent kujdestar, i cili ka urdhëruar që rasti të iniciohet për veprën penale “Blerja, shpërndarja dhe shitja e paautorizuar e narkotikëve, substancave psikotrope ose analoge”.

Hetimet për këtë rast po vazhdojnë nga Njësiti i DHTN–Pejë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Drogë brenda Burgut të Dubravës – i dyshuari kapet duke hedhur marihuanë nga dritarja e pavijonit appeared first on Sinjali.

Tani është zyrtare, Neymar do të vazhdojë të veshë fanelën e Santosit. Klubi brazilian konfirmoi rinovimin e kontratës së sulmuesit deri në 31 dhjetor të vitit 2026.

‘Princi i Vila Belmiro do të qëndrojë në shtëpi deri në vitin 2026. Neymar Jr rinovon deri në fund të sezonit për të vijuar të shkruajë historinë e tij me Sacro Mantello’-shkruhet në komunikatën e Santos të postuar në rrjetet sociale.

Edhe vetë Neymar nuk e ka fshehur kënaqësinë për arritjen e marrëveshjes për këtë kontratë të re.

‘Viti 2025 ishte special dhe impenjativ për mua-ishin fjalët e sulmuesit brazilian që në 5 shkurt do të festojë 34 vjetorin e tij të lindjes-ka pasur momente gëzimi dhe pengesa që munda t’i përballoja vetëm falë dashurisë suaj. Viti 2026 erdhi dhe fati nuk mund të ishte ndryshe. Vendi im është këtu. Te Santosi jam në shtëpinë time, i sigurt dhe i lumtur dhe bashkë me ju dua të realizoj ëndrrat e mia’

Sinjali – aty ku e vërteta flet para lajmit!

/GazetaSinjali/

The post Neymari vazhdon kontratën me Santosin: Vendi im është këtu appeared first on Sinjali.

Ambasadori i ri i Gjermanisë në Kosovë, Rainer Rudolph, në një shkrim autorial të publikuar në faqen zyrtare të Ambasadës së Gjermanisë, ka folur për mikpritjen që ka gjetur në Kosovë, punën që do të bëjë, si dhe për fokusin e tij në çështjet kryesore të vendit.

Diplomati gjerman ka theksuar se pritja kryesore që ka është përparimi i Kosovës drejt integrimit evropian dhe avancimi i dialogut me Serbinë.

Ai pret nga Qeveria e re një angazhim të fortë në këtë proces të normalizimit të raporteve.

“Nga një qeveri e re, na duhet një angazhim i fortë ndaj dialogut të normalizimit të udhëhequr nga BE. Zgjedhjet lokale të qeta dhe dorëzimi i administratave komunale te kryetarët e sapozgjedhur të bashkive në veri ishin padyshim inkurajuese në këtë drejtim. Në fund të fundit, të gjitha komunitetet në vend duhet të ndihen si në shtëpi në një Kosovë shumë-etnike”, ka shkruar Rudolph.

Ai ka theksuar rëndësinë që Kosova të përqendrohet në hapat që mund të ndërmarrë vetë, duke përmendur lajmin e fundit nga Komisioni Evropian për avancimin e heqjes së masave ndaj Kosovës pas transferimit paqësor të qeverisjes lokale në veri pas zgjedhjeve.

“Njoftimi i fundit se Komisioni Evropian po ecën përpara për të hequr masat ndaj Kosovës pas transferimit paqësor të qeverisjes lokale në veri pas zgjedhjeve të fundit lokale është një lajm i shkëlqyer”, ka shtuar ai.

Rudolph gjithashtu ka theksuar nevojën për një qeveri që të flasë në emër të Kosovës në arenën ndërkombëtare dhe që të zbatojë vendimet brenda vendit.

Sipas tij, ngërçi i vitit 2025 ka dëmtuar reputacionin ndërkombëtar të Kosovës dhe ka shkaktuar humbje të mjeteve financiare që vendi mund t’i kishte marrë.

Sinjali – aty ku e vërteta flet para lajmit!

/GazetaSinjali/

The post Ambasadori gjerman: Nga Qeveria e re, na duhet një angazhim i fortë në dialogun me Serbinë appeared first on Sinjali.

Danimarka dhe Grenlanda po kërkojnë një takim me sekretarin e Shtetit të SHBA-së, Marco Rubio, pas ripërsëritjes së qëndrimit të administratës Trump për synimin për të marrë nën kontroll ishullin strategjik të Arktikut, një territor danez.

Tensionet u përshkallëzuan pasi Shtëpia e Bardhë deklaroi të martën se “ushtria amerikane është gjithmonë një opsion”, edhe pse një sërë liderësh evropianë hodhën poshtë thirrjet e përsëritura të presidentit Donald Trump që SHBA-ja të marrë kontrollin e Grenlandës, duke përmendur arsye strategjike.

Kryeministrja daneze, Mette Frederiksen, paralajmëroi se marrja nën kontroll nga SHBA-ja do të nënkuptonte fundin e aleancës ushtarake të NATO-s.

E udhëheqësit e Francës, Gjermanisë, Italisë, Polonisë, Spanjës dhe Mbretërisë së Bashkuar iu bashkuan asaj në një deklaratë të martën, duke riafirmuar se ishulli i pasur me minerale “i përket popullit të tij”. Deklarata mbronte sovranitetin e Grenlandës, e cila është një territor vetëqeverisës i Danimarkës dhe pjesë e NATO-s.

Trumpi ka hedhur idenë e blerjes së Grenlandës që nga mandati i tij i parë, duke argumentuar se SHBA-ja duhet të kontrollojë ishullin më të madh në botë për të garantuar sigurinë e saj përballë kërcënimeve në rritje nga Kina dhe Rusia në Arktik. Veprimi ushtarak i SHBA-së në Venezuelë këtë fundjavë ka shtuar frikën në të gjithë Evropën, ndërkohë që Trumpi dhe këshilltarët e tij kanë përsëritur dëshirën e udhëheqësit amerikan për të marrë kontrollin e ishullit.

“Është jashtëzakonisht strategjik tani”, u ka thënë Trumpi gazetarëve të dielën.

Ministri i Jashtëm danez, Lars Lokke Rasmussen, dhe homologja e tij nga Grenlanda, Vivian Motzfeldt, kanë kërkuar një takim me Rubion në të ardhmen e afërt, sipas një deklarate të publikuar të martën në faqen zyrtare të qeverisë së Grenlandës. Deklarata shton se kërkesat e mëparshme për takim nuk patën sukses.

Sinjali – aty ku e vërteta flet para lajmit!

/GazetaSinjali/

The post Danimarka dhe Grenlanda kërkojnë takim me Rubion pas synimit të SHBA-së për të marrë Grenlandën appeared first on Sinjali.

Deputeti i zgjedhur i Lidhjes Demokratike të Kosovës, Avdullah Hoti, ka bërë me dije se viti 2026 ka nisur me tarifa të rritura për ujë dhe kanalizime.

Ai ka theksuar se në regjionin e Prishtinës, rritja e tarifave është 43.85% për amvisëri dhe 40.01% për biznese.

Në një postim në profilin e tij në “Facebook”, Hoti ka vënë në dukje se furnizimi me ujë nuk ka përmirësime të mjaftueshme dhe humbjet në rrjet mbeten të larta.

“Viti 2026 nis me tarifa të rritura të ujit dhe kanalizimeve. Në regjionin e Prishtinës, rritja është 43.85% për amvisëri dhe 40.01% për biznese. Në anën tjetër, furnizimi me ujë nuk është përmirësuar mjaftueshëm, humbjet e ujit në rrjet mbesin të larta, kompanitë e ujësjellësit vazhdojnë të kenë raporte të auditimit me plot vërejtje substanciale. Brenda këtyre tarifave të rritura paguhet edhe për derdhjen e ujërave të zeza, por ato ujëra të zeza nuk trajtohen. Ato derdhen në lumenj”, ka shkruar Hoti, duke paralajmëruar edhe një shtrenjtim tjetër të energjisë elektrike.

Ai ka shtuar se “në prill pritet të shqyrtohet rritja e sërishme e energjisë elektrike. Tatimi në pronë për biznese sivjet nis me rritje substanciale gjithashtu”.

Sinjali – aty ku e vërteta flet para lajmit!

/GazetaSinjali/

The post Hoti: Viti 2026 nis me tarifa të rritura të ujit dhe kanalizimeve, në prill sërish do të shtrenjtohet rryma appeared first on Sinjali.

Një 17-vjeçar ka bërë ‘hallakamë’ në Ferizaj, ku siç njofton Policia, i riu, E.A., nuk iu ndal urdhrit të policisë dhe më pas shkaktoi një aksident me dëme materiale.

“Më datë 05.01.2026, në rrugën ‘Rexhep Bislimi’ në Ferizaj, personi E.A. (17 vjeç), duke lëvizur me automjetin VW Golf me targa vendore, nuk është ndalur në shenjën ‘STOP’ të dhënë nga policia. Më pas, duke vazhduar lëvizjen, në rrugën magjistrale në fshatin Bibaj të Ferizajt, ka shkaktuar aksident trafiku me dëme materiale, duke u përplasur me një automjet tjetër,” bëri të ditur Policia e Ferizajt.

Gjatë verifikimit të dokumentacionit, policia ka konstatuar se i dyshuari nuk posedonte patentë shoferi, ndërsa automjeti që drejtonte ishte i paregjistruar, me afat regjistrimi të skaduar që nga 13.10.2024.

Ai është gjobitur me: 150 euro për mosndalje në shenjën ‘STOP’ të policisë, 250 euro për shkaktim të aksidentit të trafikut dhe 200 euro për drejtim të automjetit me afat të skaduar të regjistrimit.

Gjithashtu, është inicuar rast për gjykatë për kundërvajtje për drejtim të automjetit pa patentë shoferi, ndërsa automjeti është konfiskuar përkohësisht.

“Policia Rajonale e Ferizajt apelon tek të gjithë qytetarët që të mos drejtojnë automjete pa patentë shoferi dhe të respektojnë rregullat e trafikut, me qëllim të rritjes së sigurisë për të gjithë pjesëmarrësit në komunikacion,” thuhet në njoftim.

Sinjali – aty ku e vërteta flet para lajmit!

/GazetaSinjali/

The post 17-vjeçari s’i ndalet Policisë në Ferizaj, shkakton aksident – gjobitet tri herë dhe dërgohet në gjykatë appeared first on Sinjali.

Për shkak të turbullirave të larta në kanalin Ibër-Lepenc, si pasojë e reshjeve të dendura të shiut, kompania Rajonale e Ujësjellësit “Prishtina” ka njoftuar se Impianti i Trajtimit të Ujit (ITU) në Shkabaj vazhdon të jetë jashtë funksionit, dhe se në disa zona priten reduktime të furnizimit me ujë.

“Për shkak të turbullirave të larta në kanalin Ibër-Lepenc, si pasojë e reshjeve të dendura, ITU Shkabaj është jashtë funksionit. Si rrjedhojë, priten reduktime në furnizimin me ujë nga ora 10:30 deri në 17:00 në këto zona: Fushë Kosovë, Obiliq, një pjesë e lagjes Kalabria – Prishtinë. Zonat e lartcekura do të furnizohen me ujë nga ora 17:00 deri në 22:00. Ndikime mund të ketë edhe në zona të tjera të kryeqytetit,” thuhet në njoftimin e KRU “Prishtina”.

Kompania ka bërë të ditur se ekipet e tyre janë në terren dhe po monitorojnë situatën në mënyrë të vazhdueshme.

“Furnizimi do të rikthehet sapo të stabilizohen parametrat. Me ITU Albanik dhe Badoc po trajtohet ujë me kapacitet maksimal,” thuhet më tej në njoftim.

Sinjali – aty ku e vërteta flet para lajmit!

/GazetaSinjali/

The post Reduktim i furnizimit me ujë në disa pjesë të rajonit të Prishtinës, shkak turbullira në Ibër-Lepenc appeared first on Sinjali.

TIRANË, 7 janar/ATSH/ Kryeministri Edi Rama reagoi sot pas akuzave të opozitës lidhur me situatën e shkaktuar nga moti i keq në disa qarqe të vendit.

Kryeministri kujtoi se reshjet kanë shkaktuar përmbytje edhe në vende të tjera të rajonit si Itali, Greqi, Mal të Zi dhe Kroaci, por andej opozita nuk fajëson qeverinë.

“Nuk e kuptoj pse nuk po më fajësojnë akoma mua, qeverinë dhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë… Çudi e madhe opozitat andej, po të paktën të fajësonin qeveritë e tyre, po hiç, asnjë llaf. S’e kuptojnë që aleanca me shiun të çon në fitore?!”, u shpreh Rama, në një reagim në rrjete sociale.

Kryetari i Partisë Demokratike, Sali Berisha u shpreh dje se “përmbytjet janë rezultat i politikave të dështuara urbanistike dhe mungesës së investimeve në infrastrukturë dhe sistemin e kanalizimeve, përgjegjësi që i atribuohen qeverisë dhe pushtetit lokal”.

Prej dy ditësh vendi është përfshirë nga moti i keq me reshje intensive shiu, që ka shkaktuar probleme në disa qarqe. Aktualisht qarqet më të prekura janë ai i Gjirokastrës, Lezhës dhe Durrësit.

Nuk e kuptoj pse nuk po më fajësojnë akoma mua, qeverinë apo qoftë edhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë… Çudi e madhe opozitat andej, po të paktën të fajësonin qeveritë e tyre, por hiç, asnjë llaf, s’e… pic.twitter.com/sCleOghzIh

— Edi Rama (@ediramaal) January 7, 2026

/m.m/a.f/r.e/

The post Rama i përgjigjet opozitës: Pse nuk më fajësojnë edhe për reshjet mbytëse në rajon appeared first on Agjencia Telegrafike Shqiptare.

Nga Boldnews.al Prej gati një muaji rresht, kryetari i Partisë “Shqipëria Bëhet”, Adriatik Lapaj, nuk mundi të bënte as 200 veta në shkallët para kryeministrisë, në një protestë që është për tu vlerësuar më shumë për qëndresën personale. Në ditën e 28, kur protesta nuk kishtë asgjë të dhunshme, forca të shumta policore, që i […]

The post Rama është trim! appeared first on BoldNews.al.

Dy persona, babë e bir janë vënë në pranga nga policia në Fier. 34-vjeçari Adiol Hada është arrestuar pasi ai shiste lëndë narkotike në zonë si dhe posedonte armë. Ai u prangos në dalje të fshatit Suk. Më pas nga kontrollet në banesë dhe në lokalin në pronësi të të riut dhe babait të tij […]

The post Mbi 17 kg drogë, armë dhe municione, arrestohen babë e bir në Fier/ EMRAT appeared first on BoldNews.al.