Pavlina Sudrich është një influencuese e TikTok që jeton në Whitehorse, në Yukon - territori më perëndimor i Kanadasë në kufi me Alaskën.

Ditët e fundit, temperaturat në këtë qytet kanë arritur në -40 gradë, dhe Pavlina ka treguar se si duket jeta në këto kushte.

Ajo të tërhoqi vëmendjen është klipi ku ajo ku tregon se çfarë vesh për të mbajtur trupin ngrohtë në temperatura deri në -40 gradë Celsius.

Në video, mund ta shihni duke u veshur dhe duke thënë: "Siç mund ta imagjinoni, të veshësh veten në të ftohtë është shumë e rëndësishme. Unë vesh geta leshi dhe pantallona të mbushura me pupla. Gjithashtu vesh një shtresë me bazë sintetike dhe pulovrën time Ulvang të bërë nga lesh i pastër nga Norvegjia. Do të vini re se e vesh rreth 300 ditë në vit."

Ajo përmend gjithashtu se vesh një palë çorape të holla leshi dhe çizme të buta, të cilat më shpesh bëhen nga lëkura e kafshëve si dhia e egër ose dreri.

"Kam edhe doreza me lesh dhe, meqenëse sot është shumë ftohtë, kam veshur një xhaketë prej lëkure fokash që e bleva në Grenlandë, ku mora pjesë në një garë skish", vazhdon ajo.

Pastaj tha se shtoi dy shalle dhe një kapelë prej leshi.

Përveç kësaj, ajo tregoi se si e vesh fëmijën kur e nxjerr jashtë në këto temperatura. /Telegrafi/

Kanadaja lejon mbledhjen e firmave për një referendum mbi pavarësinë e Albertës.

Komisioni i Zgjedhjeve të Albertës ka miratuar një iniciativë për të mbajtur një referendum mbi ndarjen e provincës nga Kanadaja, duke hapur rrugën për mbështetësit e pavarësisë që të fillojnë mbledhjen e firmave.

Në fillim të janarit, Projekti i Pasurisë së Albertës duhet të emërojë një zyrtar financiar para se të nisë zyrtarisht fushatën.

Pyetja e propozuar e referendumin është “a jeni dakord që provinca e Albertës të ndalojë të jetë pjesë e Kanadasë dhe të bëhet një shtet i pavarur?”

Organizatorët kanë katër muaj për të mbledhur të paktën 178 mijë nënshkrime nga banorët e Albertës, shkruan cbc.

Kjo e fundit është provinca kryesore prodhuese e naftës në Kanada, duke zotëruar rreth 95–97 për qind të rezervave të provuara të naftës së vendit.

Fillimisht këtë vit, një përpjekje e ngjashme u bllokua pasi një gjykatë e shpalli formulimin e pyetjes jo-kushtetues. Qeveria provinciale më pas ndryshoi rregullat për referendumet e iniciuara nga qytetarët, duke i lejuar aktivistët të riformulojnë pyetjen dhe të aplikojnë përsëri.

E vendosur në perëndim të Kanadasë, Alberta kufizohet në jug me shtetin amerikan të Montanës. Ajo u bashkua me shtetin kanadez në vitin 1905.

Kryeqyteti provincial është Edmonton, qyteti më i madh është Calgary, dhe popullsia e provincës tejkalon 4 milionë banorë. /Telegrafi/

Një 23 vjeçar u vu në prangat e policisë, pasi u kap me një sasi lënde narkotike, 1.54 kg e trafikuar nga Kanadaja. Njoftimi i Policisë: Në vijim të punës intensive për parandalimin, evidentimin dhe goditjen e veprimtarive kriminale në fushën e narkotikëve, shërbimet e Komisariatit të Policisë Nr. 4, në bashkëpunim me Seksionin e Narkotikëve, bazuar dhe në informacionet e siguruara në rrugë…

Source

TIRANË, 18 dhjetor /ATSH/ Duke nisur nga 19 qershori i vitit të ardhshëm, qytetarët nga Shqipëria dhe Kanadaja mund udhëtojnë drejt të dy vendeve përmes linjës direkte të fluturimit Tiranë-Toronto.

Kjo linjë nis operimin e fluturimit pa ndërprerje midis Shqipërisë dhe Kanadasë, duke hapur një korridor të ri të drejtpërdrejtë për udhëtarët nga të dyja vendet.

Në një njoftim të TIA-s, thuhet se e mbështetur nga investimet strategjike të Kastrati Group, Tirana International Airport po hyn me besim në operimet long-haul.

Marrëveshja e re me Shqipërinë mundëson që disa linja ajrore do të operojnë fluturime të planifikuara mes dy vendeve duke parashikuar deri në 14 fluturime pasagjerësh në javë për çdo vend.

Sipas marrëveshjes së arritur, do të mundësohen deri në 10 fluturime mallrash në javë, si dhe qasje në çdo pikë në territorin e secilit vend.

/e.i/r.e/a.f/

The post Linja ajrore Shqipëri-Kanada, nis nga 19 qershori 2026 appeared first on Agjencia Telegrafike Shqiptare.

Tiranë, 18.12.2025 – Aeroporti Ndërkombëtar i Tiranës (TIA) dhe Air Transat kanë kënaqësinë të njoftojnë hapjen e linjës së parë direkte pa ndalesë midis Tiranës dhe Torontos, duke shënuar një moment historik për aviacionin shqiptar. Ky shërbim shënon fluturimin e parë transoqeanik nga TIA dhe lidhjen e parë ajrore direkte midis Shqipërisë dhe rajonit të Atlantikut të Veriut.

Fluturimi inaugurues nga TIA do të realizohet më 19 qershor 2026, në orën 15:00, ndërkohë që fluturimi i parë nga Toronto është parashikuar në 18 qershor 2026, në orën 22:00. Avioni që do të operojë këtë linjë do të jetë një Airbus A330-200, me një kapacitet prej rreth 350 vendesh. Fluturimet do të vijojnë gjatë sezonit veror deri më 9 tetor 2026, me një frekuencë javore.

Linja e re ajrore i përgjigjet kërkesave në rritje për fluturime direkte jo vetëm mes Shqipërisë, por edhe vendeve të rajonit dhe Kanadasë. Vlerësohet se rreth 60 mijë pasagjerë në vit lëvizin në këtë drejtim, kryesisht për turizëm, vizita familjare dhe për nevojat e komuniteteve të diasporës.

Në Kanada jeton një komunitet i gjerë i diasporës shqiptare dhe asaj rajonale, të cilët prej vitesh kanë pasur nevojë për një lidhje ajrore direkte me Shqipërinë. Fluturimi Tiranë–Toronto e thjeshton ndjeshëm udhëtimin, duke e bërë atë më të shpejtë dhe më praktik për pasagjerët.

Kjo linjë gjithashtu pritet të ndikojë pozitivisht për zhvillimin e turizmit, aktivitetin e biznesit dhe në shkëmbimet kulturore, ndërsa Tirana forcon më tej rolin e saj si një pikë lidhëse ajrore për rajonin.

Hapja e këtij destinacioni është rezultat i bashkëpunimit të ngushtë dhe efektiv ndërmjet Aeroportit Ndërkombëtar të Tiranës dhe Air Transat, duke reflektuar një angazhim të përbashkët për zgjerimin e lidhjeve ajrore dhe përgjigjen ndaj kërkesës së tregut me shërbime ajrore cilësore dhe të besueshme. Angazhimi i Qeverisë Shqiptare dhe koordinimi i ngushtë i autoriteteve shtetërore ishte vendimtar në finalizimin e marrëveshjes së lidhjes ajrore ndërmjet Shqipërisë dhe Kanadasë në një kohë rekord.

Hapja e linjës Tiranë–Toronto është bërë e mundur edhe falë investimeve të vazhdueshme të Grupit Kastrati në modernizimin e Aeroportit Ndërkombëtar të Tiranës, të cilat kanë siguruar kapacitetet infrastrukturore dhe operacionale të nevojshme për këtë destinacion ndërkontinental.

Drejtori i Operacioneve i Aeroportit Ndërkombëtar të Tiranës, z. Piervittorio Farabbi, u shpreh:

“Hapja e linjës Tiranë–Toronto me Air Transat është një arritje madhore për TIA-n dhe për Shqipërinë. Ky është shërbimi ynë i parë transoqeanik dhe lidhja jonë e parë direkte me Atlantikun e Veriut. Ne përgëzojmë Air Transat për besimin dhe falënderojmë të gjitha ekipet dhe palët e përfshira për bashkëpunimin e shkëlqyer. Së bashku, po hapim horizonte të reja për pasagjerët, turizmin dhe lidhjet ekonomike ndërmjet Shqipërisë, rajonit dhe Kanadasë.”

“Jemi krenarë që bëhemi linja ajrore e parë që ofron shërbim direkt pa ndalesë midis Amerikës së Veriut dhe Shqipërisë,” tha Sebastian Ponce, Drejtor i të Ardhurave në Transat. “Kjo linjë do të mbështesë rritjen e turizmit në Shqipëri dhe Ballkan, ndërsa do t’u ofrojë pasagjerëve në rajon akses të lehtë drejt Kanadasë dhe lidhje të mëtejshme në të gjithë Amerikën e Veriut përmes rrjetit tonë dhe partneritetit me Porter Airlines.”

Linja Tiranë–Toronto forcon më tej rrjetin në zgjerim të TIA-s dhe nënvizon fokusin strategjik të aeroportit në rritjen afatgjatë, përmirësimin e lidhshmërisë dhe zhvillimin e Tiranës si një nyje kyçe e aviacionit për rajonin.

Rreth Aeroportit Ndërkombëtar të Tiranës (TIA)

Aeroporti Ndërkombëtar i Tiranës është porta kryesore ajrore e Shqipërisë, duke shërbyer si një motor kyç për turizmin, zhvillimin ekonomik dhe lidhjen ndërkombëtare. I vlerësuar si aeroporti me rritjen më të shpejtë në Evropë, aeroporti mban lidershipin në rajonin e Ballkanit Perëndimor për nga lidhshmëria, numri i pasagjerëve dhe investimet.

Rreth Air Transat

E themeluar në Montreal në vitin 1987, Air Transat është një kompani ajrore lider, e votuar nga pasagjerët si Linja Ajrore më e Mirë për Udhëtime Rekreative në Botë 2025 në Skytrax World Airline Awards. Programi i saj ofron akses në destinacione ndërkombëtare, kryesisht në Evropë, Karaibe, bregun lindor të Shteteve të Bashkuara, Amerikën e Jugut dhe Afrikën e Veriut. Air Transat njihet për shërbimin e shkëlqyer ndaj klientit dhe operon me një flotë që përfshin disa nga avionët më efikasë për nga konsumi i energjisë në kategorinë e tyre. Me seli në Montreal dhe baza kryesore në Aeroportin Ndërkombëtar Montréal–Trudeau (YUL) dhe Aeroportin Pearson të Torontos (YYZ), kompania ka rreth 5,000 punonjës me një qëllim të përbashkët: të afrojë njerëzit me njëri-tjetrin. Air Transat është një njësi biznesi e Transat A.T. Inc. (TSX: TRZ).

www.airtransat.comA.T. Inc. (TSX: TRZ). www.airtransat.com

Aeroporti Ndërkombëtar i Tiranës (TIA) dhe Air Transat kanë kënaqësinë të njoftojnë hapjen e linjës së parë direkte pa ndalesë midis Tiranës dhe Torontos, duke shënuar një moment historik për aviacionin shqiptar. Ky shërbim shënon fluturimin e parë transoqeanik nga TIA dhe lidhjen e parë ajrore direkte midis Shqipërisë dhe rajonit të Atlantikut të Veriut. […]

The post Historike/ “Air Transat’ mundëson për herë të parë fluturimin direkt Shqipëri-Kanada appeared first on BoldNews.al.

TIRANË, 17 dhjetor/ATSH/- Ministri i Transportit i Kanadasë dhe kryetar i Qeverisë në Dhomën e Komunave, Steven MacKinnon ka deklaruar se Kanadaja dhe Shqipëria kanë nënshkruar një marrëveshje historike për transportin ajror, e cila për herë të parë do të mundësojë fluturime direkte mes dy vendeve.

Në njoftimin e publikuar në faqen zyrtare të Ministrisë së Transporteve, theksohet se marrëveshja e re me Shqipërinë mundëson që disa linja ajrore do të operojnë fluturime të planifikuara mes dy vendeve duke parashikuar deri në 14 fluturime pasagjerësh në javë për çdo vend.

Sipas marrëveshjes së arritur, do të mundësohen deri në 10 fluturime mallrash në javë si dhe qasje në çdo pikë në territorin e secilit vend. Kompanitë ajrore mund të fillojnë të ofrojnë shërbime menjëherë sipas kësaj marrëveshjeje.

“Kjo marrëveshje e re e transportit ajror me Republikën e Shqipërisë, një nga ekonomitë me rritjen më të shpejtë të Evropës, do të hapë mundësi të reja ekonomike për të dy vendet tona. Marrëveshja do të forcojë gjithashtu lidhjet tona midis njerëzve dhe do të rrisë lidhshmërinë globale të Kanadasë”, deklaron MacKinnon.

Ministri i Tregtisë Ndërkombëtare të Kanadasë, Maninder Sidhu ka vlerësuar se marrëveshja e Transportit Ajror midis Kanadasë dhe Shqipërisë shënon një moment të rëndësishëm në forcimin e marrëdhënieve tona dypalëshe.

“Kjo marrëveshje do të përmirësojë lidhjen ajrore, do të krijojë mundësi të reja për turizëm dhe do të nxisë lidhje më të ngushta mes qytetarëve, duke çuar më tej qëllimet e Kanadasë për diversifikimin tregtar. Për Kanadanë, kjo do t’i ndihmojë bizneset tona të hyjnë në një treg në rritje në Evropën Juglindore dhe do të mbështesë eksportuesit tanë ndërsa ata arrijnë klientë të rinj jashtë vendit. Ky partneritet pasqyron angazhimin tonë të vazhdueshëm për zgjerimin e tregtisë ndërkombëtare dhe ndërtimin e marrëdhënieve të forta dhe reciprokisht të dobishme në të gjithë botën”, ka nënvizuar ministri Sidhu.

Sipas njoftimit zyrtar, eksportet e mallrave kanadeze në Shqipëri arritën në 85 milionë dollarë në vitin 2024.

Shqipëria është destinacioni kryesor i eksportit të mallrave të Kanadasë në vendet e Ballkanit jo-anëtare të BE-së dhe kjo marrëveshje do të lehtësojë fluturimin e parë të drejtpërdrejtë transatlantik të Shqipërisë.

Negocimi i marrëveshjeve të reja të transportit ajror me vende të ndryshme përmirëson më tej lidhjet ajrore të Kanadasë me pjesën tjetër të botës, gjë që promovon diversifikimin tregtar, forcon zinxhirët e furnizimit, nxit turizmin dhe rritjen ekonomike të vendit.

https://www.canada.ca/en/transport-canada/news/2025/12/minister-of-transport-and-leader-of-the-government-in-the-house-of-commons-announces-first-time-air-transport-agreement-with-the-republic-of-albania.html

The post Ministria e Transportit të Kanadasë: Nisim menjëherë fluturimet direkte me Shqipërinë appeared first on Agjencia Telegrafike Shqiptare.

Kryeministri Edi Rama, njëkohësisht ministri Diell, ka bërë një sakrificë sublime për qytetarët shqiptarë. Ai ka nënshkruar vetë, personalisht, Marrëveshjen në Parim me Kanadanë Për transportin ajror. Por, përse është kaq e veçantë kjo vendimmarrje? Pak ditë më parë, kreu i qeverisë, u ankua se vendimi i Gjykatës së Posaçme për pezullimin nga detyra të […]

The post Sakrifica e Ramës/ I ngriti vetë avionët për në Kanada, pa pritur kthimin e Ballukut në zyrë (Vendimi) appeared first on BoldNews.al.

Gjykata e Apelit në Kanada, ka vendosur që Ëngjëll Brahimi, i akuzuar për vrasjen e një polici dhe djalit të tij në vitin 2000 në Fier, të mos ekstradohet nga Kanadaja. Lajmin e kanë bërë të ditur mediat e huaja, sipas të cilave, gjykatësit janë shprehur se provat nuk ishin të mjaftueshme për të urdhëruar ekstradimin […]

The post Vrau shefin e krimeve dhe djalin e tij 25 vite më parë/ Mediat kanadeze: Ëngjëll Brahimi nuk do ekstradohet appeared first on BoldNews.al.

FIFA ka publikuar sot oraret dhe stadiumet zyrtare të ndeshjeve për Kampionatin Botëror 2026, që do të zhvillohet në Shtetet e Bashkuara, Kanada dhe Meksikë. Në listë përfshihen edhe përballjet e Grupit F, ku Shqipëria mund të bëhet pjesë nëse siguron kalimin përmes fazës “play-off”. Sipas njoftimit, oraret do të jenë të papërshtatshme për Europën, […]

The post Kalendari i plotë/ Shqipëria mund të nisë Botërorin në orën 4 të mëngjesit appeared first on BoldNews.al.

OTAVA, 6 dhjetor /ATSH/ –  Kanadaja hoqi sot Sirinë nga lista e shteteve që mbështesin terrorizmin dhe anuloi ”Hayat Tahrir al-Sham” (HTS) si entitet terrorist duke iu bashkuar një sërë vendesh perëndimore që po zbusin sanksionet ndaj Damaskut, sipas Reuters.

Vendimi pason zhvillimet politike në Siri, ku HTS rrëzoi Bashar al-Assad-in dhjetorin e kaluar dhe mori kontrollin e qeverisë.

Në një deklaratë, Ministria e Jashtme e Kanadasë theksoi se ”këto vendime nuk janë marrë lehtë”, duke nënvizuar se janë të harmonizuara me hapat e fundit të ndërmarrë nga aleatët, përfshirë Shtetet e Bashkuara të Amerikës dhe Britaninë e Madhe .

Sipas Otavës, ato pasqyrojnë përpjekjet e qeverisë së tranzicionit sirian për të forcuar stabilitetin në vend.

Kanadaja e kishte futur Sirinë në listën e shteteve mbështetëse të terrorizmit në vitin 2012, kur shtypja e protestave prodemokratike nga regjimi i Assad-it e zhytën vendin në luftë civile.

Ndërkohë, HTS-ja ka qenë i sanksionuar prej vitesh për shkak të lidhjeve historike me Al-Kaidën, por disa shtete perëndimore kanë nisur ta heqin nga listat terroriste për të mundësuar bashkëpunim me qeverinë e re të udhëhequr nga ish-jihadisti Ahmed al-Sharaa.

Sipas autoriteteve kanadeze, drejtuesit e rinj të Sirisë po përpiqen të shkëputen nga e kaluara e dhunshme dhe të projektojnë një imazh më të moderuar ndaj popullit sirian dhe komunitetit ndërkombëtar. Ky rikthim i Sirisë në skenën diplomatike shihet si një hap i rëndësishëm për të zhbllokuar ndihmat dhe bashkëpunimin rajonal.

Pavarësisht lehtësimit të masave, Kanadaja do të mbajë ende në fuqi sanksionet individuale ndaj 56 personave të lidhur me regjimin e rrëzuar të Assad-it dhe anëtarëve të familjes së tij, duke theksuar se procesi i normalizimit do të mbetet i kushtëzuar nga hapat konkretë të qeverisë së re siriane./  /Ad.Ab./

The post OTAVA – Kanadaja heq sanksionet ndaj Sirisë appeared first on Agjencia Telegrafike Shqiptare.

Qeveria e Kryeministrit Kanadez Mark Carney arriti ti mbijetojë një votëbesimi në parlament të hënën, pasi buxheti I ri I prezantuar nga kjo qeveri arriti të miratohej me një diferencë minimale. Ky buxhet synon të rigjallërojë ekonominë e vendit e cila po përballet me presionin e tarifave doganore të vendosura nga Shtetet e Bashkuara të Amerikë.

Miratimi i buxhetit u mundësua falë mbështetjes së disa deputetëve të opozitës, të cilët kërkuan të shmangin shpalljen e zgjedhjeve të parakohshme. Përfundimisht, projektbuxheti u miratua me 170 vota pro dhe 168 kundër, duke i lejuar Carney-t të mbetet në pushtet.

Buxheti i ri parashikon dhjetëra miliarda dollarë në investime shtesë për infrastrukturën tregtare, mbrojtjen dhe strehimin, ndërsa paralelisht synon tkurrjen e sektorit publik. Për shkak se liberalët e Carney-t nuk arritën të siguronin shumicën e 343 vendeve në zgjedhjet e prillit, qeveria është e detyruar të kërkojë mbështetje nga deputetë të opozitës për votimin e legjislacioneve te ndryshme. Votimet për buxhetin konsiderohen akte besimi dhe dështimi i tyre zakonisht çon në dorëheqjen e qeverisë dhe zgjedhje të reja.

Deri ditën e votimit, qeveria kërkonte ende dy vota shtesë nga opozita. Mbështetja vendimtare erdhi nga deputetja e vetme e Partisë së Gjelbër, Elizabeth May, e cila e drejtoi partinë për gati dy dekada. Ajo deklaroi se vendosi të votojë pro, pasi Carney e siguroi se qeveria do të mbetet e përkushtuar ndaj objektivave të Marrëveshjes së Parisit për reduktimin e emetimeve të karbonit.

Projektbuxheti i Carney-t parashikon gjithashtu rritjen e deficitit me 167.3 miliardë dollarë përgjatë pesë viteve të ardhshme, si rezultat i investimeve të mëdha në projekte kapitale dhe parashikimeve më të dobëta për të ardhurat nga taksat. Këto të fundit lidhen me uljet e mëhershme të tatimit mbi të ardhurat dhe me ngadalësimin e rritjes ekonomike, pasi ekonomia e bazuar në eksport e Kanadasë po ndikohet nga tarifat amerikane dhe kineze.

Mbretëria e Bashkuar nuk po ndan më inteligjencë me SHBA-në për anijet që dyshohen për trafik droge në Karaibe, sepse nuk dëshiron të jetë bashkëfajtore në sulmet ushtarake amerikane dhe beson se këto sulme janë të paligjshme, thanë burime për CNN. Vendimi i Londrës shënon një ndërprerje të rëndësishme me aleatin e saj më të ngushtë dhe thekson skepticizmin mbi ligjshmërinë e fushatës ushtarake amerikane në Amerikën Latine.

Për vite me radhë, Britania ka ndihmuar SHBA-në të lokalizojë anijet që transportojnë drogë, në mënyrë që Garda Bregdetare të mund t’i ndalojë, të arrestojë ekuipazhin dhe të sekuestronte drogën. Inteligjenca dërgohej zakonisht te Task Forca e Përbashkët Ndërinstitucionale Jugore në Florida, e cila përfshin përfaqësues nga disa vende partnere dhe punon për të reduktuar trafikun e paligjshëm të drogës.

Por, pak pasi SHBA filloi sulmet vdekjeprurëse në muajin shtator, Britania u shqetësua se inteligjenca e saj mund të përdorej për të zgjedhur objektivat. Zyrtarët britanikë besojnë se sulmet amerikane, që kanë shkaktuar vdekjen e 76 personave, shkelin ligjin ndërkombëtar. Pushimi i ndarjes së inteligjencës ka filluar më shumë se një muaj më parë.

Kreu i të drejtave të njeriut të OKB-së, Volker Türk, ka thënë se sulmet përbëjnë “vrasje jashtëgjyqësore.” Britania pajtohet me këtë vlerësim. Ambasada britanike në Uashington, Pentagoni dhe Shtëpia e Bardhë nuk kanë komentuar.

Para sulmeve, luftimi i trafikut të drogës bëhej nga autoritetet ligjore dhe Garda Bregdetare, me trafikantët trajtuar si kriminelë me të drejta të plota - një proces që Britania ndihmonte të zbatonte. Por administrata e presidentit amerikan, Donald Trump ka argumentuar se ushtria mund të vrasë ligjërisht trafikantët e dyshuar, duke i konsideruar ata “luftëtarë armik” në një “konflikt të armatosur” me SHBA.

Ekspertët ligjorë vënë në dukje se Ligji i Konfliktit të Armatosur zbatohet edhe për trafikantët civilë, dhe shpallja e një grupi si organizatë terroriste nuk autorizon automatikisht përdorimin e forcës vdekjeprurëse. Disa anije që u sulmuan kanë qenë të palëvizshme ose po ktheheshin, duke sfiduar pretendimin se ato paraqisnin një kërcënim të menjëhershëm.

Zyrtarë të lartë të mbrojtjes së SHBA-së kanë shprehur skepticizëm mbi fushatën. Komandanti i Komandës Jugore, admiral Alvin Holsey, ofroi dorëheqjen pas shqetësimeve për ligjshmërinë e sulmeve, dhe avokatë të Departamentit të Mbrojtjes kanë ngritur gjithashtu dyshime ligjore.

Kanada, aleati tjetër i rëndësishëm i SHBA-së, ka ndihmuar për të ndaluar trafikantët e drogës në Karaibe për dekada, por gjithashtu është distancuar nga sulmet ushtarake amerikane. Kanadaja ka bërë të qartë se nuk dëshiron që inteligjenca e saj të përdoret për sulme vdekjeprurëse, duke theksuar se aktivitetet e saj nën Operacionin Karaibe janë të veçanta dhe të ndara nga aksionet amerikane. /Telegrafi/

Një iniciativë e pazakontë ka tërhequr vëmendjen e mediave: Kanadaja po konsideron mundësinë për të marrë pjesë në Eurovision Song Contest, konkursin ndërkombëtar muzikor ku artistë nga e gjithë bota performojnë këngë origjinale. Burime qeveritare kanë treguar se Kryeministri Mark Carney është i përfshirë personalisht në këtë ide, raporton CBC.

Eurovisioni zakonisht përfaqëson talentin evropian dhe organizohet nga European Broadcasting Union (EBU), por edhe vendet jashtë Evropës mund të marrin pjesë si anëtare afiliate. Australia është shembulli më i njohur, pasi merr pjesë që nga viti 2015. Kanadaja aktualisht është vetëm anëtare afiliate, gjë që e bën pjesëmarrjen e saj më komplekse.

Në vitin 2022, kompania kanadeze Insight Productions tentoi të krijonte një version kombëtar të Eurovision, ku fituesi do të përfaqësonte vendin në konkursin ndërkombëtar. Projekti nuk u realizua për shkak të kostove të larta dhe sfidave logjistike, duke përfshirë bashkëpunimin me CBC/Radio-Canada.

Ekspertët vënë në dukje se pjesëmarrja kërkon shpenzime të konsiderueshme, duke përfshirë tarifën e pjesëmarrjes, udhëtimin dhe qëndrimin e artistëve dhe ekipit. Ndërkohë, disa artistë kanadezë kanë marrë pjesë më parë në Eurovision nën flamuj të tjerë, si Céline Dion për Zvicrën në 1988 dhe Natasha St-Pier për Francën në 2001.

Pavarësisht pengesave, mbështetja e qeverisë federale e bën këtë ide më konkrete se kurrë më parë. Megjithatë, njohja e kufizuar e Eurovision në Kanada mund të jetë një sfidë për krijimin e momentumit të duhur, sipas ekspertëve.

“Është ende spekulative, por më konkrete se sa ka qenë më parë,” thonë specialistët e festivalit.

The post Kanadaja në Eurovision? Kryeministri i përfshirë personalisht në diskutime appeared first on iconstyle.al.

Një njoftim i veçantë ka tërhequr vëmendjen e fansave të muzikës: qeveria kanadeze po shqyrton mundësinë që Kanada të marrë pjesë në Eurovision Song Contest, konkursin ndërkombëtar ku këngëtarë nga e gjithë bota konkurrojnë duke performuar këngë origjinale nën flamurin e vendit të tyre.

Burime qeveritare kanë treguar se Kryeministri Mark Carney është personalisht i përfshirë në këtë iniciativë, shkruan CBC.

Eurovisioni kryesisht përfaqëson talentin evropian dhe organizohet nga European Broadcasting Union (EBU), por çdo transmetues publik që është anëtar i EBU-së mund të marrë pjesë, duke përfshirë disa jashtë Evropës. Kanadaja është vetëm anëtare afiliate, ndërsa Australia, një tjetër anëtare afiliate, ka marrë pjesë në Eurovision që nga viti 2015.

Kur CBC News e pyeti Eurovisionin muajin e kaluar për mundësinë e pjesëmarrjes së Kanadasë, përgjigja ishte se konkursi është i kufizuar për anëtarët e EBU-së.

Megjithatë, pjesëmarrja kanadeze nuk duket e thjeshtë. Në vitin 2022, kompania prodhuese nga Toronto, Insight Productions – e njohur për spinoff-et kanadeze të The Amazing Race dhe Big Brother – tentoi të krijonte një Eurovision Canada, ku artistët kanadezë do të konkurrojnë dhe fituesi do të dërgohej në Evropë për konkursin kryesor.

"Eurovision 2026" do të mbahet në Vjenë të Austrisë (Foto: Denis Balibouse/Reuters)

Organizatorët planifikonin që ky konkurs të niste në vitin 2023, duke përfshirë artistë nga të gjitha 13 provincat dhe territoret e Kanadasë, por projekti nuk arriti të realizohet. Sipas Lindsay Cox, shefe e përmbajtjes në Insight, dërgimi i artistëve kanadezë në Eurovisionin global ishte më kompleks se sa mendohej, ndërsa CBC/Radio-Canada nuk ishte e gatshme të përfshihej për shkak të kostove të larta.

Megjithatë, Kanadaja nuk do të duhet domosdoshmërisht të organizojë një konkurs televiziv të shtrenjtë në vend për të zgjedhur artistin e saj – rregullat e Eurovisionit lejojnë vendet të zgjedhin vetë mënyrën e selektimit.

Sidoqoftë, Dean Vuletic, historian dhe ekspert i historisë së Eurovisionit, thekson se pjesëmarrja kërkon shpenzime të konsiderueshme: përveç tarifës së pjesëmarrjes, duhet të llogariten kostot e udhëtimit dhe të qëndrimit të ekipit dhe artistëve.

Kanadezët kanë marrë pjesë më parë nën flamuj të tjerë – Céline Dion fitoi festivalin duke përfaqësuar Zvicrën në vitin 1988, Natasha St-Pier përfaqësoi Francën në vitin 2001, dhe La Zarra nga Montreal, përsëri përfaqësoi Francën, në vitin 2023. Megjithatë, konkurrimi nuk është shumë i njohur në Kanada, gjë që mund të jetë një pengesë për pjesëmarrjen, thotë Karen Fricker, profesoreshë në Brock University dhe eksperte e Eurovisionit.

- YouTube youtu.be

“Njohësit e kulturës dhe komunitetet queer e njohin, por a është mjaft i njohur për të krijuar momentum, kjo është pyetja ime më e madhe”, shton Fricker.

Eurovisioni ka tentuar të globalizojë markën e tij vitet e fundit, por mbetet kryesisht një ngjarje evropiane, thotë Vuletic. Ai vëren se organizatorët mund të jenë të kujdesshëm për të mos lejuar shumë vende jashtë Evropës, për të mos humbur identitetin kulturor të konkursit.

Megjithatë, Ministri i Financave Francois-Philippe Champagne tha për Global News se ideja për pjesëmarrjen kanadeze ka ardhur nga vetë pjesëmarrësit, duke sugjeruar se Evropa nuk ka shumë pengesa për pranimin e Kanadasë.

Edhe pse ka pengesa dhe debate të brendshme mbi pjesëmarrjen e vendeve të caktuara, përfshirë Izraelin për shkak të situatës së luftës në Gaza, mbështetja e qeverisë federale bën që kjo të jetë biseda më reale që Kanadaja ka pasur ndonjëherë për t’u bashkuar me Eurovisionin, përfundon Fricker.

“Është ende spekulative, por më konkrete se sa ka qenë më parë,” tha ajo. /Telegrafi/

Presidenti i Shteteve të Bashkuara, Donald Trump, njoftoi rritjen me 10% të tarifave tregtare ndaj Kanadasë, pas reklamës së provincës kanadeze Ontario, të cilën ai e cilësoi “të rreme dhe armiqësore”. Reklama, që përfshinte fjalë të ish-presidentit amerikan Ronald Reagan mbi pasojat negative të tarifave, u transmetua gjatë ndeshjes së parë të World Series midis […]

The post Trump hakmerret ndaj Kanadasë, rrit me 10% tarifat appeared first on BoldNews.al.

Donald Trump e përshkallëzoi mosmarrëveshjen e tij me Kanadanë të shtunën pasi një reklamë televizive përdori një klip audio nga ish-presidenti amerikan, Ronald Reagan që kritikonte tarifat, duke thënë se do ta ndëshkonte vendin duke vendosur një tarifë shtesë prej 10% për produktet e tij. Trump kishte pezulluar tashmë muaj të tërë bisedimesh tregtare me […]

The post VIDEO/ Kjo është reklama që provokoi Trumpin dhe shkaktoi ngrirjen e bisedimeve SHBA-Kanada appeared first on BoldNews.al.

Detaje të tjera janë zbuluar në lidhje me vrasjen e 29-vjeçares shqiptare, Savannah Kulla në Kanada. Autori i ngjarjes Anthony Deschepper kanë edhe një vajzë një vjeçare me viktimën. “Ata ishin ndarë prej disa muajsh dhe kishin një vajzë njëvjeçare, e cila ndodhej në vendngjarje në momentin e incidentit”, tha kryetari i bashkisë së Bramptonit, Patrick Brown, gjatë një konference për […]

The post Vr*sja e shqiptares në Kanada, e paralajmëruar: Dy vite më parë autori qëlloi me armë drejt shtëpisë së saj appeared first on BoldNews.al.

UASHINGTON, 24 tetor /ATSH-DPA/- Presidenti i SHBA-së, Donald Trump tha dje në mbrëmje se po pezullonte bisedimet tregtare me Kanadanë për shkak të një reklame anti-tarifore nga qeveria e Ontarios, e cila përmbante një deklaratë të ish-presidentit republikan Ronald Reagan, në vitin 1987.

“Fondacioni Ronald Reagan sapo ka njoftuar se Kanadaja ka përdorur në mënyrë mashtruese një reklamë, e cila është e RREME, ku shfaqet Ronald Reagan duke folur negativisht për tarifat”, tha Trump në një postim në platformën e tij “Truth Social”, duke ia atribuar reklamën qeverisë kanadeze dhe jo asaj të provincës së Ontarios.

“Ata e bënë këtë vetëm për të ndërhyrë në vendimin e Gjykatës Supreme të SHBA-së dhe gjykatave të tjera”, tha Trump, duke shtuar se tarifat ishin shumë të rëndësishme për sigurinë kombëtare dhe ekonominë e SHBA-së.

“Bazuar në sjelljen e tyre skandaloze, të gjitha negociatat tregtare me Kanadanë janë të pezulluara”, tha Trump.

Gjykata Supreme e SHBA-së do të dëgjojë argumentet në nëntor, nëse Trump ka patur autoritetin për të vendosur tarifa gjithëpërfshirëse sipas një ligji emergjence të vitit 1977.

Kryeministri i Ontarios, Doug Ford, njoftoi reklamën në fillim të tetorit. Në atë kohë, ai tha se provinca kanadeze do të shpenzonte 75 milionë dollarë kanadezë (53,5 milionë dollarë amerikanë) për të transmetuar reklama në SHBA – që përmbanin fragmente nga një fjalim radiofonik i vitit 1987 të Reagan, i cili nxirrte në pah “grackat” e tarifave.

Më herët, Ford u tha gazetarëve se kishte dëgjuar që presidenti Trump kishte parë reklamën. “Jam i sigurt se nuk ishte shumë i lumtur”, tha ai.

“Është e vërtetë, sepse aty shfaqet fjalimi i presidentit më të mirë që ka patur ndonjëherë vendi, Ronald Reagan”, shoi Ford.

Reagan, i cili ishte president i SHBA-së nga viti 1981 deri në vitin 1989 dhe vdiq në vitin 2004, është shumë i vlerësuar brenda Partisë Republikane të Trump.

Reklama, e cila u transmetua për herë të parë në SHBA në mesin e tetorit, fillon me Reagan i cili thotë: “Kur dikush thotë, ‘le të vendosim tarifa për importet e huaja’, duket sikur po bën gjënë patriotike duke mbrojtur produktet dhe vendet e punës amerikane. Dhe ndonjëherë për një kohë të shkurtër, funksionon. Por vetëm për një kohë të shkurtër”.

“Por në planin afatgjatë, barriera të tilla tregtare dëmtojnë çdo amerikan, punonjës dhe konsumator”, shton ish-presidenti amerikan.

“Tarifat e larta në mënyrë të pashmangshme çojnë në hakmarrje nga vendet e huaja dhe në shkaktimin e luftërave të ashpra tregtare. Pastaj ndodh më e keqja. Tregjet tkurren dhe shemben, bizneset dhe industritë mbyllen dhe miliona njerëz humbasin vendet e tyre të punës”, sipas fjalimit te Reagan.

SHBA-ja është partnerja më e rëndësishme tregtare e Kanadasë. Që kur mori detyrën për një mandat të dytë në janar, Trump ka vendosur një mori tarifash dhe ka kërcënuar me tarifa shtesë për Kanadanë, duke akuzuar Otavën se nuk ka arritur të parandalojë fluksin e fentanilit në SHBA.

Negociatat e vështira për një marrëveshje gjithëpërfshirëse kanë qenë në vazhdim.//a.i/

The post SHBA – Trump pezullon bisedimet tregtare me Kanadanë për shkak të reklamës së tarifave appeared first on Agjencia Telegrafike Shqiptare.

Një mjek shqiptar në Kanada, ka humbur jetën si pasojë e një aksidenti me makinë. Lajmin e ka konfirmuar vetë Ambasada e Shqipërisë në Kanada, teksa ambasadorja Artemis Kosta Malo, ka ngushëlluar familjarët e të ndjerit.

Agron Alija shërbeu si mjek dhe Profesor i Asociuar në Shkollën e Mjekësisë dhe Stomatologjisë “Schulich” në London, në provincën e Ontarios.

“Me dhimbje të thellë mësuam lajmin tronditës për ndarjen e parakohshme nga jeta të Dr. Agron Alija. Në emër të Ambasadës së Republikës së Shqipërisë në Kanada dhe në emrin tim personal, shpreh ngushëllimet më të sinqerta familjes së Dr. Agron Alija për këtë humbje të pazëvendësueshme.

Dr. Agron Alija ishte një figurë emblemë e komunitetit shqiptar në Kanada, një profesionist i përkushtuar në fushën e mjekësisë dhe një njeri me shpirt fisnik që kontribuoi me dashuri, përkushtim dhe integritet në shërbim të njerëzve dhe komunitetit veçanërisht në Hamilton dhe London, aty ku edhe shërbeu si mjek dhe Profesor i Asociuar në Shkollën e Mjekësisë dhe Stomatologjisë “Schulich” në London, në provincën e Ontarios.

Humbja e tij la një boshllëk të madh jo vetëm për familjen e tij, por edhe për gjithë ata që patën fatin ta njihnin e ta vlerësonin. Në këto momente të vështira, shpreh gjithë mbështetjen time dhe uroj forcë dhe durim familjes së Dr. Alija për të përballuar këtë humbje. U prehsh në paqe, Dr. Alija. Kujtimi për ty do të qëndrojë përgjithmonë në zemrat dhe mendjet tona, me respekt, mirënjohje dhe mall të thellë për njeriun fisnik, mjekun e përkushtuar dhe mikun e dashur që ishe”, shkruan ambasadorja shqiptare.

The post E trishtë/ Humb jetën në aksident mjeku dhe pedagogu shqiptar (EMRI+FOTO) appeared first on Albeu.com.