Dashi

Do e kuptoni me mire gjate kësaj dite se marrëdhënia ne çift nuk i përmbush te gjitha objektivat e duhura, prandaj mund te merren vendime me rëndësi. Beqaret duhet te tregohen sa me te arsyeshëm dhe te mos bëjnë zgjedhje te gabuara. Financat nuk do jene aspak ne gjendjen me te mire kështu qe mund te keni vështirësi te mëdha.

Demi

Dite e veçante kjo e sotmja për te gjithë ata qe janë ne një lidhje. Do merreni vesh për mrekulli me parterin tuaj dhe do argëtoheni pa fund se bashku. Beqaret duhet te tregohen me te disponueshem ndaj ftesave qe do ju bëhen dhe nuk duhet te mbyllen ne vetvete. Ne planin financiar do ketë vështirësi te vogla, por asgjë për t’u alarmuar.

Binjaket

Do i jepni rëndësinë e duhur sot jetës suaj ne çift dhe gjithçka do shoje ashtu si e kishit ëndërruar. Nuk pritet te ndodhe asgjë e keqe. Beqaret do ndihen mire ashtu si janë dhe nuk do kërkojnë te bëjnë ndryshime. Perspektivat financiare do jene te mrekullueshme. Do i zgjidhni shume shpejt te gjithë problemet qe keni pasur.

Gaforrja

Dite goxha e tensionuar pritet te jete kjo e sotmja për ata qe janë ne një lidhje. Gjithsecili do kërkojë te dale e tija dhe askush nuk do hape rruge. Beqaret duhet t’i dëgjojnë edhe këshillat e miqve para se te vendosin te bëjnë një zgjedhje. Ne planin financiar do keni shume fat dhe gjendja do përmirësohet me shume sesa ju mund ta kishit menduar.

Luani

Dita e sotme do jete me e qete për ata qe janë ne një lidhje. Me ne fund do i sqaroni mosmarrëveshjet e vogla qe keni pasur dhe do jeni me te qete. Beqaret do ndihen mjaft mire ashtu si janë dhe nuk do kërkojnë me patjetër te ndryshojnë status. Financat do rriten mjaft fale një ndihme te qe do iu japin familjaret. Mund te shlyeni pa frike borxhet e hershme.
Virgjeresha

Pesimizmi juaj sot ne jetën sentimentale do jete tërësisht i pajustifikuar. Nëse mbylleni ne vetvete keni për ta humbur njëherë e përgjithmonë partnerin. Beqaret do ëndërrojnë me shume nga sa duhet dhe kjo mund t’iu krijoje iluzione te kota. Me financat duhet te bëni shume kujdes. Po shpenzuat pa menduar aspak për situatën ne te cilën ndodheni do keni vështirësi.
Peshorja

Do keni te njëjtat ide dhe mendime me partnerin tuaj dhe do bashkëpunoni për gjithçka me te. Dita do jete plot diell dhe e mbushur me emocione. Beqaret do realizojnë takime mjaft interesante te cilat mund te sjellin edhe një histori dashurie te bukur. Ne planin financiar duhet te mundoheni te ruani sa te mundni ekuilibrin sepse përndryshe do keni vështirësi.

Akrepi

Do keni probleme goxha te mëdha gjate kësaj dite ne jetën tuaj ne çift sot dhe do ndiheni shpeshherë keq. E mira do jete te gjeni mënyrën për te folur me partnerin, jo te kërkoni ngushëllim ne krahët e dikujt tjetër. Beqaret do marrin vendime me rëndësi pas disa takimeve te mrekullueshme. Dite me shume fat për financat. Situata do jete mjaft e mire.

Shigjetari

Do përballeni me shume zhgënjime sot juve qe jeni ne një lidhje dhe do vuani tej mase. Sikur te kishit bere kujdes me pare nuk do përballeshit kurrsesi me një situate te tille. Beqaret do bëjnë për vete cilindo qe do pëlqejnë. Financat fatmirësisht nuk do jene te këqija edhe pse jo aq te shkëlqyera sa për te hequr shume te mëdha mënjanë.

Bricjapi

Do bekoheni nga yjet gjate kësaj dite dhe marrëdhënia ne çift do ece me se miri. Si ju ashtu edhe partneri do jeni te gatshëm ta dëgjoni tjetrin dhe te shkëmbeni mendime për çdo gjë. Beqaret me mire t’i lënë gjerat te rrjedhin vete. Ne planin financiar do jeni shume te shpërqendruar dhe problemet mund te jene te njëpasnjëshme. Kujdes!

Ujori

Do tregoheni shume te hapur dhe te disponueshem ndaj partnerit gjate kësaj dite. Marrëdhënia ne çift nuk do ketë asgjë për çfarë te shqetësoheni. Beqaret nuk do mundin as sot ta gjejnë personin qe do ju përshtatet ne çdo pike. Financat do jene delikate për shkak te shpenzimeve te mëdha qe do kryeni për veshjet dhe produktet e bukurisë.

Peshqit

Do i shtoni dozat e intimitetit ne çift gjate kësaj dite dhe do kaloni çaste te lumtura ne krahët e partnerit. Shume gjera kane për te qene ndryshe për ju. Beqaret do përballen me zhgënjime te mëdha nëse nuk tregohen te matur. Te ardhurat do përmirësohet me shume nga sa mendonit. Do ndiheni te qete kur te kryeni shpenzimet e nevojshme.

The post Horoskopi 29 Dhjetor 2025, zbuloni parashikimin e yjeve për shenjën tuaj appeared first on Albeu.com.

Kryetari i Komisionit Qendror të Zgjedhjeve, Kreshnik Radoniqi, ka njoftuar se numërimi i votave të kandidatëve për deputetë do të nisë nesër, duke filluar nga ora 12:00. Radoniqi, bëri të ditur se nga e njëjta orë do të fillojë edhe konfirmimi i votave për subjektet politike. Ai theksoi se procesi i shpalljes së rezultateve përfundimtare do të realizohet vetëm pasi të përfundojë numërimi i votave me kusht, i votave të personave me nevoja të veçanta, si dhe i votave nga diaspora.

“Shpalljen e rezultateve përfundimtare do ta bëjmë pasi të numërojmë votat me kusht, ato të personave me nevoja të veçanta dhe të diasporës. Numërimi i votave të kandidatëve dhe konfirmimi i votave të subjekteve politike do të fillojë nesër nga ora 12:00, pasi që materialet zgjedhore sonte do të pranohen gjatë gjithë natës në Qendrat Komunale të Numërimit. Për këtë arsye, puna për numërim do të nisë nga ora 12:00 dhe do të vazhdojë në ditët në vijim”, ka deklaruar Radoniqi.

The post Kreu i KQZ: Nesër nga ora 12:00 nis numërimi i votave të kandidatëve për deputetë appeared first on Albeu.com.

Lëvizja Vetëvendosje ka dalë partia e parë në zgjedhjet e sotme parlamentare, sipas rezultateve preliminare të publikuara nga Komisioni Qendror i Zgjedhjeve (KQZ). Bazuar në këto rezultate, LVV ka marrë 49.80 për qind të votave dhe sipas projeksioneve fillestare të shpërndarjes së ulëseve në Kuvend, pritet t’i ketë 56 deputetë.

Këto projeksione janë bërë pa përfshirë votat e diasporës dhe janë të kushtëzuara deri në përmbylljen e procesit zgjedhor. Partia Demokratike e Kosovës (PDK) renditet e dyta me 21.21 për qind të votave dhe pritet të sigurojë 23 ulëse në Kuvend.

Si forca e tretë politike, Lidhja Demokratike e Kosovës (LDK) ka marrë 13.76 për qind të votave, çka sipas projeksioneve i siguron 15 deputetë. Ndërkaq, Aleanca për Ardhmërinë e Kosovës (AAK) me 5.73 për qind të votave pritet t’i ketë 6 deputetë.

Shpërndarja e ulëseve bëhet sipas metodës D’Hondt, e cila është metodologjia standarde e përdorur në Kosovë.

Kuvendi i Kosovës ka gjithsej 120 ulëse, prej të cilave 100 janë ulëse të përgjithshme që ndahen mes subjekteve politike, ndërsa 20 janë ulëse të rezervuara për komunitetet jo-shumicë. Rezultatet përfundimtare dhe përbërja e saktë e Kuvendit priten të konfirmohen pas numërimit të plotë të votave, përfshirë ato nga diaspora.

The post Përfundon numërimi i votave në Kosovë, ja si do të ndahen ulëset në Kuvend, VV merr 56 deputetë appeared first on Albeu.com.

Vetëm dy ditë pasi u dhunua barbarisht në autostradën Tiranë-Durrës, gazetari Elton Tozaj nuk ka hequr dorë nga deklaratat e tij lidhur me personazhe publikë referuar jetës së tyre private. Piëkrisht këto deklarata për shumë figura të estradës, mendohet të jenë bërë shkak i dhunës.

Së fundmi ai ka bërë një deklaratë lidhur me dy personazhe të Big Brother VIP Albania 5, referuar Mirit dhe Lornës. Me siguri të plotë, Tozaj thotë se dy banorët dikur kanë pasur një lidhje intime së bashku, një detaj ky që është mbajtur sekret për publikun si dhe banorët sot brenda shtëpisë.

Tozaj jep detaje duke thënë se: “Miri me Lornën kanë patur një one-night stand (marrëdhënie intime vetëm për një natë). Sepse, kur Miri, Dr. Flori dhe Landi këndonin nëpër club-e, ajo punonte si MC”.

Deklarata të kësaj natyre e kanë identifikuar gjithmonë Elton Tozajn duke e vënë shpeshherë në qendër të vëmendjes. Pas ngjarjes së fundit, ai ka thënë se është më i fortë se kurrë dhe se do të vazhdojë të bëjë atë që di më së miri, të sjellë të vërtetën përpara publikut.

Tozaj u dhunua dy ditë më parë barbarisht. Ai pësoi lëndime serioze në fytyrë e trup. Gjendjen më alarmante e bëri fakti që rrezikon të humbasë shikimin në njërin sy.

The post Dy ditë më parë e masakruan në rrugë, Elton Tozaj nuk heq dorë nga deklaratat! Në “shënjestër” 2 banorët e BBVA: Kanë kaluar një natë intime bashkë appeared first on Albeu.com.

TIRANË, 28 dhjetor/ATSH/, Qytetarët e Vlorës kanë protestuar mbrëmjen e sotme pasi prej tre ditësh mungon furnizimi me ujë të pijshëm për shkak të një defekti në tubacionin kryesor.

Me pankarta në duar, qytetarët kanë bllokuar Bulevardin “Ismail Qemali” dhe më pas kanë hyrë brenda ambienteve të teatrit ” Petro Marko” ku do të mbahej mbrëmja Gala e festave të fundvitit.

Për shkak të situatës së krijuar, mbrëmja Gala është anuluar.

Deputetja e PD, Ina Zhupa ka reaguar ndaj situatës së krijuar në Vlorë duke u shprehur se: “E kanë shkatërruar Vlorën dhe Shqipërinë dhe jetojnë në botën paralele me koncerte, ballo, verë e tendera”.

Edhe deputetja Jorida Tabaku reagoi duke theksuar se “në Vlorën e ujit sa nga malet edhe nga deti nuk ka ujë. Në qytetin që ka pasur kryeministrin për 8 vite deputet, prej 4 ditësh mungon uji. Ndërsa njerëzit arrestohen përse protestojnë për një standart minimal njerëzor”.

The post Qytetarët protestojnë për mungesën e furnizimit me ujë në Vlorë appeared first on Agjencia Telegrafike Shqiptare.

PRISHTINË, 28 dhjetor /ATSH/

Kreu i LVV-së, Albin Kurti, shpalli fitoren në zgjedhjet e 28 dhjetorit dhe tha se kjo është fitorja “më e madhe në historinë e vendit”.

“Më 9 shkurt fitoi LVV-ja me partnerët, më 28 dhjetor fitoi populli i Kosovës dhe Republika”, tha Kurti.

Kurti tha se partia e tij është në rrugë që të tejkalojë rezultatin e 14 shkurtit 2021, kur kishte fituar 50.2 për qind.

Sipas tij, rezultati zgjedhor i së dielës kërkon që duhet të ecet përpara pa vonesa.

“Sa më parë që certifikohen [rezultatet], aq më shpejt na duhet të krijojmë institucionet dhe të vazhdojmë me punën e mirë”, tha Kurti.

Legjislaturën e re, Kurti tha se e pret Plani i Rritjes i BE-së në vlerë prej 880 milionë eurosh dhe tri marrëveshje me Bankën Botërore, që në total tha se arrijnë vlerën e mbi 1 miliard eurove.

“Ftoj nga tash partitë opozitare për bashkëpunim në Kuvend për marrëveshjet ndërkombëtare” dhe për projektligje të tjera”, tha ai.

Kurti u pyet edhe për çështjen e presidentit. Ai tha se është herët të flitet për çështjen e zgjedhjes së presidentit të ri, duke theksuar se “sonte do të festojmë”, por shtoi se me opozitën duhet të trajtohet kjo çështje, por edhe me presidenten aktuale, Vjosa Osmani, të cilës i skadon mandati në mars.

Ai u pyet nëse do të negociojë me partitë opozitare për presidentin dhe që propozimin për president ta bëjnë ato, Kurti tha:

“Ta negocioni dhe t’ua jepni atyre janë dy gjëra të ndryshme. Nuk mund të përdoren si sinonime, aq më pak në të njëjtën fjali. Natyrisht që duhet ta bisedojmë me opozitën këtë çështje. Por, paraprakisht duhet të diskutojmë për marrëveshjet ndërkombëtare. Ai do të jetë një test i rëndësishëm për bashkëpunimin qeveri-opozitë në katërvjeçarin e ardhshëm. Po e rikthesoj, fillimisht duhet të presim certifikimin e rezultateve”. /REL/

The post Kurti shpall fitoren: Fitoi populli dhe Republika appeared first on Agjencia Telegrafike Shqiptare.

Ka përfunduar në Mar a Lago takimi mes Presidentit të SHBA, Doland Trump dhe atij të Ukrainës, Volodymyr Zelensky.

I pyetur nëse sheh të mundur një takim trepalësh mes Rusisë, SHBA-së dhe Ukrainës, Donald Trump tha se kjo mund të ndodhë “në momentin e duhur”. Sipas tij, presidenti rus Vladimir Putin “dëshiron që kjo të ndodhë”.

“Ai ma tha shumë qartë, e besoj,” u shpreh Trump, duke shtuar se kishte zhvilluar një bisedë telefonike prej rreth dy orë e gjysmë me liderin rus më herët.

I pyetur se sa kohë mund të duhet për t’i dhënë fund luftës në Ukrainë, Trump u përgjigj se ajo mund të përfundojë “brenda pak javësh”, por pranoi se kjo mund edhe të mos ndodhë. “Brenda disa javësh do ta dimë, në një mënyrë ose në një tjetër,” tha ai.

Trump deklaroi gjithashtu se ka biseduar me Putinin për centralin bërthamor të Zaporizhjias, i cili ndodhet nën kontroll rus që nga fillimi i luftës. “Presidenti Putin po punon realisht me Ukrainën për ta rihapur atë,” tha Trump. “Në këtë drejtim ka qenë shumë korrekt. Ai dëshiron ta shohë të hapur.”

I pyetur nëse Rusia do të ketë përgjegjësi për të ndihmuar në rindërtimin e Ukrainës, Trump u përgjigj: “Ata do të ndihmojnë. Rusia dëshiron ta shohë Ukrainën të ketë sukses.”

Sipas tij, Putin ka shprehur gatishmëri të madhe për suksesin e Ukrainës, përfshirë furnizimin me energji elektrike dhe burime të tjera “me çmime shumë të ulëta”.

Trump theksoi se Putin nuk ka rënë dakord për një armëpushim, pasi nuk dëshiron të ndalojë luftimet dhe më pas t’i rifillojë. “E kuptoj këtë qëndrim,” përfundoi presidenti amerikan.

Një studim i ri ka hedhur dritë mbi ndikimin e terapisë hormonale gjatë periudhës së menopauzës, duke shpërthyer disa mite të përhapura lidhur me rrezikun e demencës. Studiuesit analizuan të dhënat nga studime të shumta, përfshirë një mostër prej një milion grave, dhe zbuluan se nuk ka asnjë lidhje të vërtetë mes përdorimit të terapisë hormonale dhe rrezikut për demencë. Kjo përfshin të dhëna për të gjitha llojet e hormoneve të përdorura dhe periudhën kur trajtimi është nisur.

Ky zbulim vjen pas shumë debateve dhe spekulimeve të vazhdueshme mbi ndikimin e terapisë hormonale në shëndetin mendor të grave pas menopauzës. Sipas studiuesve, nuk janë gjetur prova që terapia hormonale të ndikojë në rrezikun për demencë, as tek gratë që kanë kaluar menopauzën herët.

Gjithashtu, Administrata Amerikane e Ushqimit dhe Barnave (FDA) ka hequr kohët e fundit paralajmërimet e “kutisë së zezë” nga produktet e hormoneve për menopauzën, duke hedhur poshtë disa prej frikësimeve të kaluara mbi rrezikun e demencës.

Autori kryesor i studimit theksoi se terapia hormonale përdoret gjerësisht për të menaxhuar simptomat e menopauzës, por ndikimi i saj në kujtesën dhe rrezikun për demencë ka qenë gjithmonë një temë e debatuar. Ky studim vjen si një lehtësim për shumë gra që kanë pasur shqetësime mbi këtë temë.

The post A rrit terapia hormonale gjatë menopauzës rrezikun për demencë? appeared first on iconstyle.al.

Kryetari i Lëvizjes Vetëvendosje, Albin Kurti, tha se rezultati i zgjedhjeve të 28 dhjetorit është më i thelli në historinë e Kosovës.

“Fitoi populli i Kosovës dhe Republika. Urime fitorja më e madhe në historinë e vendit. Tani na presin shumë punë përpara. Rezultati i sotëm tregon se duhet të ecim para pa vonesa. Sa më parë të certifikohet rezultati aq më shpejt do të vijojmë me projektet”, tha Kurti në konferencën e parë për mediat pas shpalljes së rezultatit paraprak.

“Ftoj nga tani partitë opozitare për bashkëpunim në Kuvend për marrëveshjet ndërkombëtare, për ligjet e mira dhe për interesin publik të qytetarëve të Republikës. Edhe një herë urime, secilit pa dallim, fitoren historike, që është në rrugë të mbarë të tejkalojë edhe 14 shkurtin 2021. Ishte një ditë e gjatë përveçse e bukur dhe e rëndësishme”, shtoi ai.

Lëvizja Vetëvendosje ka siguruar 49,79% të votave në zgjedhjet e parakohshme të Kosovës, të zhvilluara këtë të diel. Rezultati paraprak i publikuar nga Komisioni Qendror i Zgjedhjeve e nxjerr partinë e Albin Kurtit forcë të parë, ndjekur nga PDK 21,19%, LDK me 13,77% dhe AAK me 5,74%.

Komisioni Qendror i Zgjedhjeve (KQZ) në Kosovë ka filluar publikimin e rezultateve të para të zgjedhjeve të parakohshme parlamentare.

Lëvizja Vetëvendosje po kryeson bindshëm në rezultatet paraprake të zgjedhjeve, ku deri më tani janë numëruar 81% e kutive.

Vetëvendosje ka siguruar deri tani mbi mbi 50% të votave.

Në vendin e dytë renditet Partia Demokratike e Kosovës (PDK) me 20.36%, ndërsa e treta është Lidhja Demokratike e Kosovës (LDK) me 14.15%.

Kreu i LVV-së, Albin Kurti, shpalli fitoren në zgjedhjet e 28 dhjetorit dhe tha se kjo është fitorja “më e madhe në historinë e vendit”.

“Më 9 shkurt fitoi LVV-ja me partnerët, më 28 dhjetor fitoi populli i Kosovës dhe Republika”, tha Kurti.

Kurti tha se partia e tij është në rrugë që të tejkalojë rezultatin e 14 shkurtit 2021, kur kishte fituar 50.2 për qind.

Sipas tij, rezultati zgjedhor i së dielës kërkon që duhet të ecet përpara pa vonesa.

“Sa më parë që certifikohen [rezultatet], aq më shpejt na duhet të krijojmë institucionet dhe të vazhdojmë me punën e mirë”, tha Kurti.

Legjislaturën e re, Kurti tha se e pret Plani i Rritjes i BE-së në vlerë prej 880 milionë eurosh dhe tri marrëveshje me Bankën Botërore, që në total tha se arrijnë vlerën e mbi 1 miliard eurove.

“Ftoj nga tash partitë opozitare për bashkëpunim në Kuvend për marrëveshjet ndërkombëtare” dhe për projektligje të tjera”, tha ai.

Kurti u pyet edhe për çështjen e presidentit. Ai tha se është herët të flitet për çështjen e zgjedhjes së presidentit të ri, duke theksuar se “sonte do të festojmë”, por shtoi se me opozitën duhet të trajtohet kjo çështje, por edhe me presidenten aktuale, Vjosa Osmani, të cilës i skadon mandati në mars.

Ai u pyet nëse do të negociojë me partitë opozitare për presidentin dhe që propozimin për president ta bëjnë ato, Kurti tha:

“Ta negocioni dhe t’ua jepni atyre janë dy gjëra të ndryshme. Nuk mund të përdoren si sinonime, aq më pak në të njëjtën fjali. Natyrisht që duhet ta bisedojmë me opozitën këtë çështje. Por, paraprakisht duhet të diskutojmë për marrëveshjet ndërkombëtare. Ai do të jetë një test i rëndësishëm për bashkëpunimin qeveri-opozitë në katërvjeçarin e ardhshëm. Po e rikthesoj, fillimisht duhet të presim certifikimin e rezultateve”./ REL

The post Kurti shpall fitoren në zgjedhje: Fitoi populli i Kosovës dhe Republika! Ftoj partitë opozitare për bashkëpunim në Kuvend appeared first on Albeu.com.

Komisioni Qendror i Zgjedhjeve ka shpallur rezultatin preliminar të zgjedhjeve dhe Lëvizja Vetëvendosje është fituesja e zgjedhjeve me 49.80 për qind të votave të fituara.

Rezultatet preliminare u shpallën pas numërimit të 96.13 për qind të votave.

Radoniqi tha se pjesa tjetër e votave do të procesohen dhe publikohen në platformën online të KQZ-së.

Sipas rezultatit preliminar, PDK-ja është e dyta me 21.18 për qind të votave, LDK-ja me 13.77 për qind, AAK-ja me 5.74 për qind dhe Lista Serbe me 3.86 për qind.

Ndërkaq, shpallja e rezultateve përfundimtare do të bëhet pas numërimit të votave të diasporës, të personave me nevoja të veçanta dhe votave me kusht.

“Numërimi i votave të kandidatëve [për deputetë] dhe konfirmimi i votave për subjektet politike do të nisë nesër nga ora 12:00, pasi i gjithë materiali gjatë gjithë natës do të pranohet në qendrat komunale të numërimit, dhe numërimi do të nisë nesër dhe do të vazhdojë në ditët në vijim”, tha Radoniqi./REL

The post KQZ e Kosovës shpall rezultatet paraprake, LVV-ja fiton zgjedhjet me mbi 49% appeared first on Albeu.com.

Kryetari i Lidhjes Demokratike të Kosovës (LDK), Lumir Abdixhiku, ka deklaruar se merr përgjegjësinë për rezultatin e dobët të arritur në zgjedhjet e fundit parlamentare.

Ndërsa numërimi i votave është drejt fundit, Abdixhiku ka deklaruar se rezultati zgjedhor nuk ka qenë i pritshëm dhe se ai nuk ka arritur ta çojë LDK-në aty ku ka besuar se mund të ishte. Duke theksuar se situata kërkon reflektim dhe diskutim të thellë brenda partisë, ai me përulësi pranon verdiktin e qytetarëve.

“Ne duhet të respektojmë verdiktin e popullit. Nuk kam arritur ta çoj LDK-në aty ku kam besuar se duhet të jetë. Kam ndërtuar ekip me njerëzit më të mirë dhe kemi bërë program, por ky është verdikti i qytetarëve dhe para këtij verdikti përulemi të gjithë”. tha ai.

The post Lumir Abdixhiku pranon humbjen në zgjedhje: Mbaj përgjegjësinë e plotë për rezultatin appeared first on Albeu.com.

Komisioni Qendror i Zgjedhjeve (KQZ) po vazhdon me numërimin e votave nga vendvotimet. Deri më tani janë numëruar 90,89% e të gjitha votave apo 2,324 vendvotime nga 2,557 në total.

Si rrjedhojë numërimi është përmbyllur në katër komuna: Gjakovë, Dragash, Junik dhe Mamushë. Në Gjakovë LVV është e para me 53,88% apo 22 mijë e 491 vota. Edhe në Dragash LVV është e para me 37,94% apo 4 mijë e 682 vota.

The post Përfundon numërimi në katër komuna/ Me diferencë të madhe votash, LVV kryeson në tri prej tyre appeared first on Albeu.com.

Lëvizja Vetëvendosje (LVV) ka dalë parti e parë në zgjedhjet e jashtëzakonshme parlamentare në 24 komuna të Republikës së Kosovës. Si parti e parë, LVV ka dalë në komunat: Prishtinë, Prizren, Pejë, Ferizaj, Gjilan, Gjakovë, Mitrovicë, Podujevë, Vushtrri, Fushë Kosovë, Suharekë, Rahovec, Lipjan, Klinë, Malishevë, Shtime, Istog, Dragash, Obiliq, Viti, Kaçanik, Kamenicë, Hani i Elezit dhe Junik.

Sipas të dhënave nga KQZ, LVV nuk ka arritur të renditet e para vetëm në Skenderaj, Drenas dhe Deçan, ndërsa në të gjitha komunat e tjera shqiptare ka siguruar epërsinë ndaj partive kundërshtare.

Ndërkohë, Lista Serbe ka dalë parti e parë në të gjitha komunat me shumicë serbe, duke ruajtur dominimin tradicional në këto zona. Këto rezultate dëshmojnë një mbështetje të gjerë për LVV-në në shkallë vendi, ndërsa pritet që rezultatet përfundimtare të konfirmohen nga Komisioni Qendror i Zgjedhjeve pas përmbylljes së të gjitha procedurave ligjore të këtij procesi.

The post Kurti drejt qeverisjes i vetëm! Numërohen mbi 90% e votave në zgjedhjet e parakohshme: LVV forcë e parë në 24 komuna appeared first on Albeu.com.

Komisioni Qendror i Zgjedhjeve, tashmë është duke publikuar rezultatet nga zgjedhjet e parakohshme të mbajtura sot. Deri më tani, nga 73,21% Lëvizja Vetëvendosje është duke prirë me 50,21%.

Më pas, është Partia Demokratike të Kosovës, e cila deri më tani ka 20.36%. Në vendin e tretë është Lidhja Demokratike e Kosovës me 14.15%.

The post Numërohen 70% e vendvotimeve në Kosovë, Kurti prin me mbi 50% të votave appeared first on Albeu.com.

Një protestë u zhvillua mbrëmjen e sotme në Vlorë, paralelisht me organizimin e mbrëmjes gala të fundvitit nga Bashkia. Qytetarë, disa prej tyre me bidona uji në duar dhe pankarta ku shkruhej “Duam ujë” dhe “Vlora do ujë”, u mblodhën pranë Teatrit “Petro Marko”, ku ishte parashikuar të mbahej eventi festiv.

Gjatë protestës u dëgjuan edhe thirrje politike, përfshirë “Poshtë qeveria”, ndërsa në tubim morën pjesë edhe përfaqësues të së djathtës, si dhe qytetarë mbështetës të kauzës.

Situata u tensionua, duke çuar në përplasje verbale me forcat e policisë. Për shkak të protestës dhe klimës së krijuar, artistët u larguan nga skena dhe mbrëmja gala u anulua.

Protestuesit kërkuan zgjidhje të menjëhershme për problemin e furnizimit me ujë të pijshëm në qytet, duke theksuar se mungesa e ujit po vazhdon prej kohësh.

VIDEO

The post VIDEO/ “Vlora do ujë”, Bashkia bën mbrëmjen gala të fundvitit, qytetarët i shkojnë me bidona në duar. Përleshje me policinë appeared first on Albeu.com.

Kreu i LDK-së, Lumir Abdixhiku ka ndarë një qëndrim lidhur me rezultatet e deritanishme nga numërimi i votave nga zgjedhjet e së dielën në Kosovë.

Teksa nga të dhënat më të fundit, nga numërimi kryeson Lëvizja Vetëvendosje, Abdixhiku ka deklaruar se nuk përjashton dorëheqjen ng drejtimi i LDK-së, si shenjë reflektimi.

Ndërkohë, Abdixhiku ka ndarë një mësazh urimi për kreun e LVV, Albin Kurti.

“Të gjitha janë në diskutim në Kuvendin e Përgjithshëm, natyrisht edhe dorëheqja, pa diskutim. E uroj fituesin, sepse Kosova ka nevojë për demokraci funksionale”,-tha Abdixhiku./mxh

Last Updated on 28/12/2025 by Monika

Kreu i Lëvizjes Vetëvendosje dhe kryeministri i Kosovës, Albin Kurti ka reaguar pak minuta më parë, pas publikimit të rezultateve paraprake të zgjedhjeve të parakohshme parlamentare.

Në fjalën e tij në një deklaratë për shtyp, Kurti theksoi se kjo shënon fitore për popullin e Kosovës.

Kurti ftoi partitë opozitare që të bashkëpunojnë në interes të qytetarëve.

“Fitoi populli i Kosovës dhe Republika. Urime fitorja më e madhe në historinë e vendit. Tani na presin shumë punë përpara. Rezultati i sotëm tregon se duhet të ecim para pa vonesa. Sa më parë të certifikohet rezultati aq më shpejt do të vijojmë me projektet. Ftoj nga tani partitë opozitare për bashkëpunim në Kuvend për marrëveshjet ndërkombëtare, për ligjet e mira dhe për interesin publik të qytetarëve të Republikës. Edhe një herë urime, secilit pa dallim, fitoren historike, që është në rrugë të mbarë të tejkalojë edhe 14 shkurtin 2021. Ishte një ditë e gjatë përveçse e bukur dhe e rëndësishme”,-tha Kurti./mxh