Pas përmbytjeve vendi po përballet edhe me bllokimin e akseve rrugore për shkak të reshjeve të borës. Bëhet e ditur se segmenti rrugor “Bogë – Qafë Thore – Theth”, për shkak të rrezikut nga ortekët e dëborës si pasojë e kushteve të përkeqësuara atmosferike, nuk do të lejohet qarkullimi i automjeteve gjatë natës. Sipas autoriteteve […]

The post Ndalohet qarkullimi në Bogë-Qafë Thore-Theth, shkak rreziku nga ortekët e borës appeared first on BoldNews.al.

TIRANË, 9 janar/ATSH/ Rruga Bogë–Theth vijon të jetë e kalueshme, pavarësisht reshjeve të dëborës në këtë zonë malore.

Kryeministri Edi Rama ndau sot pamje nga ky aks rrugor, ku po punohet në vijimësi për të garantuar qarkullim pa probleme.

“Gatishmëri maksimale në aksin Bogë–Theth. Situata po monitorohet në mënyrë të vazhdueshme dhe ndërhyrjet do të vijojnë sipas nevojës, për të garantuar lëvizje të sigurt për banorët dhe vizitorët”, u shpreh Rama.

Moti i keq me reshje intensive shiu dhe bore ka përfshirë vendin prej disa ditësh. Situata ka shkaktuar rritje të prurjeve në lumenj duke përmbytur mbi 13 mijë ha tokë bujqësore.

Ndërkohë në zonat malore po punohet në vijimësi për pastrimin e akseve rrugore nga bora dhe sigurimin e qarkullimit normal.

/m.m/a.f/

The post Rama: Rruga Bogë -Theth e kalueshme, gatishmëri për të garantuar lëvizje të sigurt appeared first on Agjencia Telegrafike Shqiptare.

TIRANË, 8 janar/ATSH/ Pas ndërhyrjeve intensive të kryera gjatë ditës së djeshme dhe të sotme, tashmë është i mundur kalimi nga Guri i Mashës, njësia administrative Pult, deri në Theth, njësia administrative Shalë, në zonën e Dukagjinit.

Kryetari i Bashkisë së Shkodrës, Benet Beci informoi se pastrimi i këtij segmenti rrugor është përfunduar, në një gjatësi prej rreth 32 km, ku janë angazhuar dy fadroma, duke rikthyer qarkullimin normal.

Rruga u bë e pakalueshme për shkak të inerteve të sjella nga reshjet intensive të ditëve të fundit.

Kryebashkiaku Beci, gjithashtu, bëri të ditur se nga dita e nesërme do të vijojnë ndërhyrjet edhe në degëzimin e fshatit Marknonaj, me shtimin e mjeteve të rënda në terren, për të garantuar sigurinë dhe funksionimin normal të aksit rrugor.

Punimet do të vazhdojnë deri në stabilizimin e plotë të situatës. /j.p/

The post Hapet për qarkullim segmenti Shalë-Theth appeared first on Agjencia Telegrafike Shqiptare.

TIRANË, 3 janar /ATSH/ Aksi rrugor Qafë Thore-Theth është tashmë i hapur për qarkullim, pas bllokimit si pasojë e reshjeve të dendura të dëborës.

Kryetari i bashkisë së Shkodrës, Benet Beci, theksoi se zhbllokimi i aksit rrugor u krye pas punës intensive në terren.

“Qarkullimi vijon normalisht, ndërsa ndërhyrjet kanë garantuar siguri për drejtuesit e mjeteve”, shkroi Beci.

Sipas Becit strukturat përgjegjëse mbeten në monitorim të vazhdueshëm, në varësi të kushteve të motit.

“Këshillohet lëvizje me kujdes dhe respektim i rregullave të sigurisë”, nënvizoi Beci.

Gjithashtu, Beci bëri të ditur se nesër do të nisë ndërhyrja për hapjen e rrugës Kir-Shosh.

“Në vendin e quajtur Gështenja e Thaçit, në Njësinë Administrative Pult, pjesë e segmentit Kir-Shosh, është evidentuar rrëshqitje inertesh, e cila ka shkaktuar bllokimin e qarkullimit rrugor. Bashkia ka organizuar grupin e ndërhyrjes dhe do të nisë punën në terren për hapjen e segmentit dhe rikthimin e qarkullimit sa më shpejt të jetë e mundur”, njoftoi Beci.

Beci u bëri thirrje qytetarëve që deri në përfundimin e punimeve të tregojnë kujdes dhe të shmangin lëvizjet në këtë aks.

“Jemi në ndjekje të situatës dhe do të informojmë në vijim për çdo zhvillim”, tha ai.

/m.q/r.e/

The post Beci: Zhbllokohet aksi Qafë Thore-Theth, nesër nis ndërhyrja për hapjen e rrugës Kir-Shosh appeared first on Agjencia Telegrafike Shqiptare.

Si pasojë e reshjeve në bashkinë e Shkodrës është shembur rruga në aksin Ura e Shtrejtë–Prekal, në vendin e quajtur “Shkallë Logje”, si dhe është vendosur sinjalistikë duke e bllokuar për të shmangur çdo rrezik.

Prefektura e Shkodrës informoi sot se “po punohet për vlerësimin e dëmtimit dhe normalizimin e qarkullimit”.

Ndërkohë që borëpastrueset kanë qenë gjatë gjithë natës në punë për mbajtjen e hapur të aksit Qafë Thore–Theth.

Në bashkinë Malësi e Madhe 3 borëpastruese ndodhen në aksin Tamarë- Vermosh ku ka vende me ngrica dhe po bëhet kriposja dhe mirëmbajtja për të vijuar qarkullimin.

Në bashkinë Vau i Dejës momentalisht në këtë bashki reshjet e shiut kanë pushuar. Në disa njësi ka patur shkëputje të energjisë elektrike dhe grupet e punës janë në terren.

Në bashkinë Fushë-Arrëz vijojnë reshje shiu me intensitet të lartë ka rënie gurësh dhe dherash në rrugët rurale, por akset janë të kalueshme dhe qarkullimi kryhet pa probleme.

Ndërsa në bashkinë Pukë vijojnë reshjet shiut dhe fryn erë e fortë, momentalisht nuk raportohen problematika.

Në Lezhë gjatë 24 orëve të fundit janë regjistruar rreth 85 mm reshje shiu. Nuk ka probleme në kanalet kulluese, argjinatura dhe digën e Rezervuarit të Shkodrës. Nivelet e lumenjve Buna, Drin, Kir, Gjadër dhe të Rezervuarit të Shkodrës janë nën kuotat e rrezikut për përmbytje.

Hidrovoret e Velipojës (Vilun dhe Ças) janë në funksion të plotë dhe në gatishmëri për të punuar me kapacitet të plotë nëse nevojitet.

Që prej mëngjesit të sotëm dhe deri më tani, një varg automjetesh ka mbetur i bllokuar në Qafë Thore, në zonën e Thethit, për shkak të reshjeve të dendura të dëborës.

Sipas drejtuesve të mjeteve, mjetet borëpastruese nuk kanë qenë në terren që nga mesdita, duke e bërë të pamundur lëvizjen dhe pastrimin e rrugës.

Shoferët raportojnë se u është kërkuar pagesë për ndërhyrje dhe pastrim, ndërsa ata vazhdojnë të mbeten të bllokuar në kushte të vështira, pa mundësi për të ecur.

Situata ka shkaktuar shqetësim të madh për udhëtarët dhe komunitetin lokal, ndërsa shumë prej tyre kërkojnë ndërhyrje urgjente nga autoritetet, për të garantuar qarkullim të sigurt dhe për të shmangur incidente.

The post Reshjet e dendura të dëborës bllokojnë rrugën e Thethit/ Drejtuesit e mjeteve ankohen për mungesën e borëpastrueseve (VIDEO+FOTO) appeared first on Albeu.com.

Që nga orët e mëngjesit e deri më tani, në Qafë Thore të Thethit, në qarkun Shkodër, një varg automjetesh ka mbetur i bllokuar për shkak të reshjeve të dëborës (foto nga rruga me borë).

Sipas drejtuesve të mjeteve, mjetet borëpastruese nuk kanë qenë në terren që nga mesdita dhe rruga nuk po pastrohet.

Shoferët bëjnë me dije se u është kërkuar pagesë për të ndërhyrë dhe për të pastruar rrugën, ndërsa ata vijojnë të mbeten të bllokuar në kushte të vështira.

Me më pak vizitorë dhe kosto më të ulëta, ky fshat i vogël malor mund të jetë një alternativë e shkëlqyer ndaj Zvicrës, shkruan Hannah Reid për prestigjiozen britanike ”Express”. I vendosur në rajonin e Shkodrës, në veri të Shqipërisë, Thethi është një nga sekretet më të ruajtura të Evropës. Ky fshat piktoresk ofron pamje mbresëlënëse të Alpeve Shqiptare, peizazhe natyrore dhe pyje të dendura.

Source

LONDËR, 14 dhjetor /ATSH/ – Me më pak vizitorë dhe kosto më të ulëta, ky fshat i vogël malor mund të jetë një alternativë e shkëlqyer ndaj Zvicrës, shkruan Hannah Reid për prestigjiozen britanike ”Express”.

I vendosur në rajonin e Shkodrës, në veri të Shqipërisë, Thethi është një nga sekretet më të ruajtura të Evropës.

Ky fshat piktoresk ofron pamje mbresëlënëse të Alpeve Shqiptare, peizazhe natyrore dhe pyje të dendura. Si pjesë e Parkut Kombëtar të Thethit, zona është e rrethuar nga gjelbërimi, pyje dhe natyrë e paprekur. Me një popullsi prej pak më shumë se 300 banorësh, Thethi ofron një arratisje autentike nga ngarkesa, turmat dhe kaosi i destinacioneve më të njohura turistike europiane.

Nëse kërkoni qetësi, aventurë dhe pamje mahnitëse, Thethi në Shqipëri është një destinacion që duhet vizituar patjetër.

Turistët priten me mikpritje të ngrohtë nga vendasit, të cilët kanë jetuar në këtë zonë prej shekujsh, duke ruajtur mënyrën e tyre të jetesës mes një natyre të jashtëzakonshme.

Vizitorët që dëshirojnë të njihen nga afër me kulturën shqiptare mund të qëndrojnë në shtëpitë e familjeve vendase, në bujtina apo në shtëpi të restauruara pranë parkut kombëtar.

Fshati i Thethit mbetet ende mjaft i izoluar dhe gjatë muajve të dimrit është i paarritshëm.

Ky fshat alpin është ideal për udhëtarët që kërkojnë t’i shpëtojnë zhurmës së jetës urbane dhe të tërhiqen në qetësinë e natyrës.

Parku Kombëtar shtrihet në një sipërfaqe prej mbi 26 kilometra katrorë dhe përfshin lumin e Thethit, male shkëmbore, burime kristalore, panorama të gjelbra dhe një luginë që ndodhet rreth 900 metra mbi nivelin e detit.

Një nga atraksionet kryesore të fshatit Theth është ecja drejt Ujëvarës së Grunasit, e vendosur në zemër të Alpeve Shqiptare dhe që nis nga këmba perëndimore e majës së malit Boshi. Ujëvara, rreth 25 metra e lartë, u mundëson vizitorëve të shijojnë pamje mahnitëse të maleve shqiptare dhe shërben si rrugë drejt Syrit të Kaltër të Thethit.

Syri i Kaltër i Thethit arrihet përmes një ecjeje të gjatë prej rreth 17 kilometrash, që lidhet me fshatin Nderlyse. Vetëm shtatë kilometra larg qendrës së fshatit Theth, shpërblimi ia vlen plotësisht, pasi vizitorët mund të admirojnë ujëra me ngjyra bruz dhe smeraldi, të rrethuara nga shkëmbinj gëlqerorë.

Për ata që kërkojnë një përvojë më të qetë në natyrë, vizitorët mund të shijojnë drekën në fshatin Nderlyse, i cili ofron pamje nga pishina natyrore dhe malet përreth.

Për shkak të vendndodhjes së tij të fshehur, Thethi nuk ka bankomat (ATM), ndërsa shumë kafene dhe dyqane ushqimore pranojnë vetëm cash.

Për këtë arsye, vizitorët këshillohen të marrin me vete mjaftueshëm para, pasi çmimet në kafene dhe markete mund të jenë të larta. /Ad.Ab./

The post ”Express”: Thethi, fshati i vogël malor si Zvicra, por pa turma dhe pa çmime të shtrenjta appeared first on Agjencia Telegrafike Shqiptare.

Në korrikun e nxehtë të vitit 2025, në fshatin alpin të Thethit – zemra e Parkut Kombëtar  “Alpet e Shqipërisë” një nga destinacionet më të promovuara të turizmit natyror – buldozerët e Inspektoratit Kombëtar nisën prishjet e dhjetëra ndërtimeve të lejuara ndër vite me heshtje institucionale, duke shënuar kulmin e një zhvillimi të pakontrolluar që sipas […]

The post Thethi, pas thirrjes për zhvillim, si shteti u kthye në lehtësues të shkeljeve appeared first on BoldNews.al.

Në aksin rrugor Qafë Thore–Theth, po vijon puna intensive për pastrimin e dëborës, me qëllim garantimin e qarkullimit të sigurt dhe të pandërprerë për banorët dhe vizitorët. Ndërkohë, në disa qarqe kanë nisur reshjet e para të borës. Autoriteti Rrugor Shqiptar (ARRSH) po vijon punën për pastrimin e akseve kryesore dhe rikthimin e tyre në gjendjen e mëparshme. Po ashtu…

Source

Reshjet e shiut i kanë lënë vendin reshjeve të dëborës në zonat malore në qarkun e Shkodrës. Në rrugën qafë Thore- Theth kanë nisur reshjet e dëborës me intensitet mesatar ndërsa këshillohet kujdes të shtuar për drejtuesit e automjeteve. Edhe në pikën turistike të Razmës kanë nisur reshjet e dëborës ndonëse me intensitet të ulët. […]

The post Nis dëbora e parë në Theth dhe Razmë appeared first on BoldNews.al.

Dëborë në aksin Qaf Thore- Theth. Nuk raportohen probleme në qarkullim. Drejtuesve të mjeteve u kërkohet të përdorin goma me zinxhir.

Qeveria Rama ka prezantuar këtë të premte projektin për rijetëzimin e kullave–shtëpi në katër rajone të vendit, Lezhë, Shkodër, Dibër dhe Kukës. Ky projekt i realizuar në bashkëpunim me GIZ-in gjerman, i cili sipas Ministrisë së Turizmit, synon zhvillimin ekonomik, kulturor dhe turistik të veriut të Shqipërisë, ngre shumë pikëpyetje dhe lë shumë hapësira diskutimi. […]

The post Rrafsho bujtina, rindërto kulla! Paradoksi i ‘turizmit’ të Ramës në veri appeared first on BoldNews.al.

Policia e Shkodrës ka proceduar penalisht një shtetas izraelit, i cili dyshohet se ka abuzuar seksualisht me një 26-vjeçare izraelite. Më konkretisht, është proceduar penalisht shtetasi L. C., 54 vjeç, pas kallëzimit të bërë nga shtetasja E. Z., 26 vjeçe, të dy banuese në Izrael, teksa vajza pretendon se ngjarja ka ndodhur më 9 Tetor […]

The post Vendoset nën hetim një izraelit, dyshohet se përdhunoi një 26-vjeçare në një hotel në Theth appeared first on BoldNews.al.

Një masiv shkëmbor është shembur një ditë më parë në zonën e Thethit. Nga kjo ngjarje nuk ka raportime për dëme, ndërsa pamjet e filmuara nga një banor i zonës po bëjnë xhiron e rrjetin. Ekspert i Agjencisë së Zonave të Mbrojtura në Shkodër, Agim Dardha në një postim në rrjetet sociale shkruan se fenomeni […]

The post VIDEO/ Shembet masivi shkëmbor në Theth appeared first on BoldNews.al.

Një masiv shkëmbor është shkëputur një ditë më parë në zonën e Thethit.

Nga kjo ngjarje nuk ka raportime për dëme ndërsa pamjet e filmuara nga një banor i zonës po bëjnë xhiron e rrjetin.

Ekspert i Agjencisë së Zonave të Mbrojtura në Shkodër, Agim Dardha në një postim në rrjetet sociale shkruan se fenomeni lidhet me temperaturat jo normale për stinën në këtë zonë. Ai bëri thirrje për kujdes të shtuar dhe respektimi i perimetrit të sigurisë, veçanërisht në zonat me shpatet e thepisura.

“Fenomen natyror në Parkun Kombëtar të Alpeve- Theth. Ndryshimet e mëdha të temperaturave ndërmjet ditës dhe natës, të kombinuara me lagështinë dhe ciklet e ngrirje-shkrirjes së ujit në çarjet e shkëmbinjve, shkaktojnë ndonjëherë shembje të pjesshme të masiveve shkëmbore në zonat alpine", ka deklaruar ai.

Tutje, ai ka shkruar se "këto fenomene natyrore, si ai i ndodhur së fundmi në Theth, janë pjesë e proceseve gjeologjike që formësojnë peizazhin e Alpeve Shqiptare ndër shekuj. Prandaj, gjatë qëndrimit apo vizitave në zonë, rekomandohet kujdes dhe respektim i perimetrit të sigurisë, veçanërisht në zonat me shpatet e thepisura”./Telegrafi/

Dhjetëra forca policie bashkë me inspektorët e IKMT, IMT të bashkisë, forcat xhenio dhe fadroma mbërritën që në orët e para të mëngjesit në fshatin turistik të Thethit, duke vijuar aksionin për prishjen e ndërtimeve pa leje. Fillimisht ndërhyrja ka nisur tek një objekt trekatësh. Kjo godinë është vendosur që të shembet me eksploziv për […]

The post I shembën shtëpinë në Theth me tritol, pronari: Më rrethuan sikur të kisha vrarë 30 vetë! Dëmi mbi 300 mijë euro appeared first on BoldNews.al.

TIRANË, 4 tetor/ATSH/ Në Parkun Kombëtar të Thethit po vijon ndërhyrja për prishjen e ndërtimeve të paligjshme dhe rikthimin e kësaj zone të mbrojtur në gjendjen e saj natyrore.

Kryeministri Edi Rama ndau sot pamje nga shembja me shpërthim të kontrolluar të një godine, ndërsa ritheksoi vendosmërinë e qeverisë kundër ndërtimeve pa leje.

“Kush ndërton më pa leje, investon vetëm për belanë e vet. Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian”, u shpreh Rama, krahas pamjeve.

Inspektorati Kombëtar për Mbrojtjen e Territorit (IKMT) rinisi sot prishjen e ndërtimeve pa leje në Parkun Kombëtar të Thethit, ku ishin evidentuar 13 objekte me konstruksione betonarme dhe dru.

Në fazën e parë të aksionit, në Theth u shembën rreth 100 objekte.

Lirimi i hapësirave publike nga ndërtimet e paligjshme vijon në të gjithë vendin.

Ky operacion i paraprin zbatimit të programit “Rilindja Urbane 2.0”, i cili synon të kthejë ligjshmërinë në territor duke sjellë zhvillim për komunitetet.

Ditën e djeshme kryeministri Rama publikoi edhe masat e reja ligjore që synojnë forcimin e kontrollit mbi territorin, mbrojtjen e hapësirave publike, zbatimin cilësor të lejeve të ndërtimit si edhe ndëshkimin e ndërtimtarisë së paligjshme.

/m.m/r.e/

The post Shembja e ndërtimeve të paligjshme në Theth, Rama: Kush ndërton pa leje, investon për belanë e vet appeared first on Agjencia Telegrafike Shqiptare.

Në Shqipëri po vijon aksioni për lirimin e hapësirave publike.

Kryeministri Edi Rama ka publikuar pamje nga Thethi, ku shihet rrëzimi i një ndërtese me tritol, si pjesë e këtij operacioni, transmeton Telegrafi.

"Kush ndërton më pa leje, investon vetëm për belanë e vet. Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian", ka shkruar Rama në Facebook.