Një aksident rrugor është regjistruar mbrëmjen e sotme në segmentin Pukë–Qelëz. Një automjet tip Audi ka dalë nga rruga në afërsi të kthesës së Qerretit të Vogël, duke përfunduar në një përrua dhjetëra metra poshtë rrugës. Si pasojë e aksidentit, drejtuesi i mjetit, Bardhok Pushtrija, ka mbetur i plagosur dhe po transportohet me urgjencë drejt […]

The post Aksident në Pukë/ ‘Audi’ humb kontrollin, përfundon i përmbysur 10 m poshtë rrugës appeared first on BoldNews.al.

Bashkëshortja e Petrit Balës, i diagnostikuar me tumor, udhëtoi nga Puka drejt Tiranës për të kërkuar zgjidhje për mospagesën e raporteve mjekësore për periudhën qershor–dhjetor 2025. Sipas ligjit, 14 ditët e para të raportit duhet të paguheshin nga punëdhënësi, HEC-i i Arstit, ndërsa pjesa tjetër nga Instituti i Sigurimeve Shoqërore, por pagesat nuk janë kryer. […]

The post I sëmurë me tumor, pronari s’i jep paratë e raportit appeared first on BoldNews.al.

Në Pukë, aty ku ajri është i ftohtë dhe i pastër, dhe ku natyra duket se ruan ende ritmin e vet të qetë, një histori pune dhe këmbënguljeje ka marrë formë ndër vite. Mes pyjeve dhe maleve, frutat e egra rriten pa ndërhyrje, duke mbartur shijen dhe vlerat e një zone që pak është prekur nga industrializimi.

Mark Gjonaj është një prej atyre njerëzve që zgjodhën të mos largohen nga vendlindja. Pas viteve ’90, në një kohë kur shumëkush e shihte ikjen si të vetmen zgjidhje, ai nisi një punishte të vogël, duke përpunuar frutat që i ofronte vetë natyra e Pukës.

Me kalimin e viteve, puna e nisur thjesht u kthye në një angazhim familjar. Hapi pas hapi punishja u zgjerua dhe sot është shndërruar në një fabrikë përpunimi që jo vetëm ruan thelbin e prodhimit vendas, por i përgjigjet standardeve bashkëkohore.

Lënda e parë vjen nga vetë zona, ndërsa frutat mblidhen nga fermerët e Pukës dhe fshatrave përreth.

Në fabrikë përpunohen lëngje natyrale nga thana, shega, boronica, si edhe çajra mali, produkte që lidhen drejtpërdrejt me klimën dhe terrenin e zonës.

Përpunimi i bimëve mjekësore është një tjetër pjesë e kësaj historie. Gjethet e dafinës, mjedra dhe trëndafili i egër mblidhen nga malet dhe kthehen në çajra.

Fabrika është bërë pjesë e jetës së përditshme të qytetit. Në lokalet e Pukës, lëngu i thanës apo i shegës është kthyer në një produkt të zakonshëm, por me një histori pas vetes.

Sot, prodhimet e kësaj fabrike kanë kaluar kufijtë e zonës dhe të vendit, duke u gjetur edhe në tregje ndërkombëtare.

Një histori e thjeshtë pune, e ndërtuar mbi natyrën, përkushtimin dhe besimin se Puka ka ende shumë për të dhënë./abcnews.al

TIRANË, 17 janar /ATSh/  Qyteti i Pukës i mbuluar nga dëbora e ditëve të fundit ofron pamje magjepsëse për syrin e vizitorit. Dëbora ka zbardhur gjithçka, duke krijuar pamje mbresëlënëse ku liqeni dhe malet ndërthuren në harmoni të plotë.

Kryeministri Edi Rama ndau sot në rrjetet sociale pamje nga peizazhet e bukura të qytetit verior, nën bardhësinë e dëborës.

Liqeni i qytetit është sistemuar me vende pushimi mes bredhave të lartë, prej nga mund të ngjitesh në Kodrën e Hanit për të eksploruar pistën natyrore të skive apo livadhet dhe kodrat që nuk ndodhen larg qytetit.

Puka, në veri të Shqipërisë, 145 km nga Tirana, mbetet e preferuara e adhuruesve të malit, ajrit të pastër, qetësisë dhe frymëzimit nga natyra. Kjo qytezë alpine bart në vetvete të gjitha opsionet turistike, për të mirëpritur pranë saj vizitorë vendas dhe të huaj.

Po ashtu Puka njihet për masivin e madh pyjor të pishave, me një sipërfaqe prej 400 hektarësh. Vetitë kurative të pishës janë të shumta. Puka shërben edhe si bazë për ushtrimin e alpinizmit, në malin e Munellës, Bjeshkët e Tërbunit dhe malin e Krrabit.

/m.q/j.p/

The post Bardhësia e dëborës zbukuron qytetin e Pukës appeared first on Agjencia Telegrafike Shqiptare.

Prej tre ditësh vijojnë kërkimet intensive dhe hetimet për arratisjen e Altin Ndocit nga Spitali Rajonal i Durrësit. Forcat e policisë kanë ushtruar kontrolle në dhjetëra banesa në Tiranë dhe Durrës, si dhe në vendlindjen e tij në Pukë, ku Ndoci rezulton të ketë një banesë. Sipas burimeve policore, automjeti i tij është konstatuar për […]

The post Kontrolle në Pukë për Altin Ndocin, ja ku u pa për herë të fundit makina me të cilën u arratis appeared first on BoldNews.al.

Reshjet e dendura të dëborës kanë mbuluar zonat e Pukës dhe Fushë Arrëzit, duke arritur trashësi deri në 25 centimetra.

Bashkia e Pukës dhe Shërbimi i Emergjencave Civile po punojnë intensivisht për të mbajtur rrugët të hapura dhe për të kriposur akset kryesore. Drejtuesit e automjeteve këshillohen të pajisen me goma dimërore dhe zinxhirë, nënvizon Demir Hyseni, Drejtor i Emergjencave Civile në Bashkinë Pukë.

Një banesë në lagjen Haxhiraj të Pukës është shkrumbuar totalisht nga flakët ditën e sotme. Për shkak të zonës ku banesa ishte e pozicionuar, ka qenë e pamundur ndërhyrja në kohë e zjarrfikëseve.

Banesa, në pronësi të familjes Ndoj, është djegur plotësisht. Nuk raportohen viktima, por vetëm dëme materiale.

Si pasojë e zjarrit që përfshiu kullën e Zef dhe Pjetër Ndoj, pesë anëtarë të familjes kanë mbetur nën qiell të hapur. Shkak për zjarrin paraprakisht dyshohet një shkëndijë elektrike.

The post Zjarri shkrumbon kullën e familjes Ndoj në Pukë, 5 anëtarët mbesin në qiell të hapur appeared first on Albeu.com.

TIRANË, 28 nëntor /ATSH/ Kryeministri Edi Rama ndau sot pamje nga Maja e Vopulës në Pukë, ku me rastin e 28 Nëntorit, Ditën e Pavarësisë, është ngritur flamuri kuq e zi.

Sot shqiptarët, brenda dhe jashtë vendit, festojnë 113-vjetorin e shpalljes së Pavarësisë së Shqipërisë.

Më 28 Nëntor 1912, Kuvendi Kombëtar i Vlorës, i udhëhequr nga Ismail Qemali, shpalli Pavarësinë, një akt historik që vulosi aspiratat shekullore për liri dhe shtet të pavarur.

Nga ngritja e flamurit të Skënderbeut në Krujë më 28 nëntor 1443, te nënshkrimi i Aktit të Pavarësisë më 1912, kjo datë simbolizon qëndresën, unitetin dhe identitetin kombëtar.

/gj.m/a.f/

The post 28 Nëntori, Rama ndan pamje nga Maja e Vopulës në Pukë appeared first on Agjencia Telegrafike Shqiptare.

Erzen Uka është një nga personat që i bëri 12 orë rezidencë policisë dy ditë më parë në fshatin Orosh të Pukës.

I arrestuar gjatë aksionit të bujshëm të forcave RENEA në Fushë-Arrëz, Erzen Uka, është emër i njohur për policinë për shkak të së shkuarës që lidhet me ekstremizmin e dhunshëm.

Në një vendim të siguruar nga gazetarja e Top Channel Anila Hoxha që daton në dhjetor të vitit 2020, Uka është akuzuar për veprën penale “nxitja, thirrja publike dhe propaganda për kryerjen e veprave me qëllime terroriste “Mbajtja pa leje dhe prodhimi i armëve, armëve shpërthyese dhe i municionit”

Gjykata e Rrethit Gjyqësor Tiranë, me vendimin e datës 30 qershor të pesë viteve më parë, ka vendosur deklarimin fajtor të Erzen Ukës për veprat e sipërme penale dhe dënimin me katër vite e gjashtë muaj burgim, por me gjykim të shkurtuar u dënua përfundimisht me 3 vite burgim.

Në ankimin e tij Erzen Uka pretendoi se vendimi i Gjykatës ishte jo i drejtë dhe i pabazuar në fakte.

Ai u arrestua në flagrancë në 12 qershor të vitit 2019, i evidentuar si “element me prirje radikale ekstremiste, simpatizant dhe përkrahës i organizatave ekstremiste ISIS.

Në kohë të ndryshme ka shfaqur dhe demostruar duke qenë aktiv në rrjetet sociale , “Facebook”, postime me fotografi dhe video të simboleve të këtyre organizatave ekstremiste, duke shfaqur admirim për krerët e këtyre organizatave, si dhe video ku ky shtetas demostron teknika të luftimit, stërvitjes, trajnimit nga lutëtaret ekstremiste.

Duke ndjekur aktivitetin e këtij shtetasi si dhe informacionet me përmbajtje ekstremiste radikale si dhe mësimet fetare radikale të cilat ai i merr tek Xhamia e Unazes së Re”-thuhet në dokumentin që disponon Top Channel.

Detaje të reja dalin në dritë lidhur me situatën e tensionuar në Orosh të Pukës, ku dy të rinj u mbyllën për disa orë në një banesë dhe refuzuan t’i përgjigjeshin urdhrave të policisë për t’u dorëzuar. Vetëm pas negociatave të gjata me një prej familjarëve të tyre, ata pranuan të dilnin. Raportohet se brenda […]

The post “Do ju vras”/ Qëndruan mbi 10 orë të ‘ngujuar’ në një banesë, si policia ra në gjurmë të dy personave të armatosur appeared first on BoldNews.al.

Policia njofton se ditën e djeshme 24.11.2025 rreth orës 09:00, shërbimet e Komisariatit të Policisë Pukë, gjatë kontrollit të territorit në fshatin Orosh, Fushë-Arrëz, kanë konstatuar një person i cili, sapo ka parë shërbimet e Policisë, është larguar me shpejtësi duke u futur në një banesë të braktisur, pronë e shtetasit P. C.

Shërbimet e Policisë i kanë bërë thirrje që të dilte nga banesa, por ai nuk i është bindur thirrjes së Policisë dhe ka kërcënuar punonjësit e Policisë.

Ndodhur në këtë situatë, bazuar edhe në informacionet e siguruara më parë për rrezikshmërinë e këtij personi, shërbimet e Policisë rrethuan banesën dhe kërkuan ndërhyrjen e forcave policore të specializuara, me qëllim sigurinë e jetës së punonjësve të Policisë.

Në vendngjarje shkuan Forcat Speciale Renea, të cilat morën në kontroll perimetrin e jashtëm të banesës që mbahej nga forcat e Komisariatit të Policisë Pukë dhe forcat “Shqiponja” të DVP Shkodër.

Në momentin që Forcat Speciale Renea i kanë bërë thirrje personit të dalë nga banesa, nga brenda banesës është qëlluar me armë zjarri në drejtim të forcave speciale Renea.

Pas 12 orësh në rrethim, ku Forcat Speciale Renea u bënë thirrje të vazhdueshme për t’u dorëzuar, pamundësisë për t’u larguar nga rrethimi dhe pas negociatave me të afërmit e tyre të cilët luajtën një rol të rëndësishëm në finalizimin e operacionit pa përdorur forcë dhe pa shkaktuar dëmtime, të dy personat që ndodheshin në brendësi të banesës u dorëzuan.

Në momentin e vetëdorëzimit, Eren Uka, kishte një dëmtim tejshpues në kofshën e djathtë, i cili menjëherë është transportuar me ambulancë për në Spitalin Rajonal Shkodër dhe ndodhet jashtë rrezikut për jetën.

Gjatë kontrollit të banesës janë sekuestruar, në cilësinë e provave materiale, 4 armë zjarri automatike dhe një armë zjarri pistoletë, një flamur i Organizatës Terroriste “Shteti Islamik” (ISIS), i vendosur në faqen e murit ndërmjet armëve të lartpërmendura, 17 copë granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës që përdoret për shpërthimin e lëndëve plasëse, dy gëzhoja.

Policia vuri në pranga:

– Eren Uka, 35-vjeç, lindur në Gjorm-Kurbin, i dënuar për veprën penale “Nxitja e urrejtjes dhe grindjeve”.

– Julian Cumraku, 34-vjeç, lindur në Pukë, i dënuar për veprat penale “Vjedhje” dhe “Kanosje”.

The post Aksioni në Pukë/ Dy të rinjtë u ngujuan, policia: Qëlluan me armë drejt RENEA-s, ja çfarë u gjet në banesë (VIDEO) appeared first on Albeu.com.

Dy personat e armatosur, që sot më datë 24 nëntor 2025, i bënë rezistencë policisë në fshatin Orosh të Fushë Arrëzit, janë vetëdorëzuar, pas negociatave me uniformat blu.

Policia e Pukës kishte rrethuar prej orësh banesën ku dyshoheshin të fshiheshin J.C., 24 vjeç, dhe Sh.U., të cilët kishin kërcënuar se do të qëllonin ndaj forcave të rendit, nëse afroheshin.

Në vendngjarje ishin të pranishëm njësitë e RENEA-s dhe forca të specializuara për ndërhyrje të situatave të rrezikshme, raporton Klan News.

Të dy personat janë të njohur për autoritetet, pasi më parë ishin skeduar nga Anti-terrori për veprime radikale dhe për rrezik të lartë shoqëror.

Dorëzimi u negociua nga ana e motrës së njërit prej të dyshuarve, e cila ka ndërmjetësuar për të shmangur përshkallëzimin e dhunës.

Pas disa orësh negociatash intensive, situata përfundoi pa asnjë të lënduar, ndërsa të dy personat u morën nën kontroll nga policia dhe do të përballen me përgjegjësi ligjore, për veprimet e tyre.

PUKË –RENEA dhe Policia kanë identifikuar një tjetër person për aksionin e zhvilluar në Pukë, ku dyshohej fillimisht për një person të armatosur të fshehur në një banesë.

Informacionet e ABC News kanë bërë të ditur se personi i identifikuar është Arben Uka, i cili ka qenë më parë në ndjekje nga antiterrori.

Më herët u identifikua 24-vjeçari Julian Çumaraku. Sipas informacioneve paraprake të dy personat kanë qenë më parë në Siri.

/abcnews.al

Detaje të reja janë zbardhur nga aksioni i policisë në fshatin Orosh, pjesë e njësisë administrative Qafë Mali në bashkinë Fushë-Arrëz, ku është rrethuar një banesë e braktisur prej kohësh.

Mësohet se banesa i përket gjyshit të një prej personave të kërkuar nga policia.

Sipas informacioneve të para, Policia e Pukës, ka kërkuar edhe mbështetjen e forcave speciale RENEA, pasi dyshohet se brenda banesës ndodhen 2 persona të armatosur dhe me rrezikshmëri të lartë.

Mësohet se policia ka kërkuar që personat të dorëzohen.

Burime bëjnë me dije se banesa ndodhet në afërsi të shkollës së Oroshit, e rrethuar prej mëngjesit të sotëm.

Për shkak të largësisë së zonës dhe mungesës së valëve telefonike, informacionet mbeten të kufizuara, ndërsa forcat e rendit po vijojnë kontrollet me kujdes të shtuar.

Nuk ka ende detaje zyrtare mbi identitetin e personave të dyshuar apo rrethanat që kanë çuar në nisjen e operacionit.

The post Zbardhen detaje nga aksioni në Pukë, dy persona të armatosur të fshehur prej një muaji në banesë appeared first on Albeu.com.

Këtë të hënë, që në orët e para të mëngjesit, një operacion policor është në zhvilluar në fshatin Orosh, pjesë e njësisë administrative Qafë Mali në bashkinë Fushë-Arrëz, ku është rrethuar një banesë e braktisur prej kohësh.

Sipas informacioneve paraprake, Policia e Pukës, ka kërkuar edhe mbështetjen e forcave speciale RENEA, pasi dyshohet se brenda banesës mund të ndodhet një person i armatosur dhe me rrezikshmëri të lartë.

Burime bëjnë me dije se banesa ndodhet në afërsi të shkollës së Oroshit, e rrethuar prej mëngjesit të sotëm.

Për shkak të largësisë së zonës dhe mungesës së valëve telefonike, informacionet mbeten të kufizuara, ndërsa forcat e rendit po vijojnë kontrollet me kujdes të shtuar.

Nuk ka ende detaje zyrtare mbi identitetin e personit të dyshuar apo rrethanat që kanë çuar në nisjen e operacionit.

The post RENEA aksion në Pukë, dyshohet se fshihet një person i armatosur appeared first on Albeu.com.

Detaje të reja janë zbardhur nga aksioni i policisë në fshatin Orosh, pjesë e njësisë administrative Qafë Mali në bashkinë Fushë-Arrëz, ku është rrethuar një banesë e braktisur prej kohësh. Sipas informacioneve të para, Policia e Pukës ka kërkuar edhe mbështetjen e forcave speciale RENEA, pasi dyshohet se brenda banesës ndodhen 2 persona të armatosur […]

The post Detaje nga aksioni në Pukë, dy persona të armatosur të fshehur prej një muaji në banesë appeared first on BoldNews.al.

TIRANË, 27 tetor/ATSH/ Bashkia e Pukës informoi sot qytetarët se për shkak të reshjeve intensive të orëve të fundit, janë evidentuar disa problematika në territorin e bashkisë.

Aktualisht, disa fshatra në njësinë administrative Gjegjan janë pa energji elektrike. Gjithashtu, janë shënuar rrëshqitje dherash dhe gurësh në disa akse rrugore, duke shkaktuar vështirësi në qarkullim.

Rruga nacionale Pukë–Fushë-Arrëz është e bllokuar përkohësisht si pasojë e shembjeve masive të dherave. Ekipet e bashkisë Pukë ndodhen në terren me të gjitha mjetet e disponueshme dhe në bashkëpunim me kontraktorin e mirëmbajtjes rrugore, po punojnë intensivisht për hapjen sa më të shpejtë të këtij aksi të rëndësishëm kombëtar.

Strukturat e Emergjencave Civile të bashkisë janë në monitorim të vazhdueshëm të situatës dhe po mbledhin informacionet e nevojshme për të bërë administrimin e plotë të dëmeve të shkaktuara nga reshjet.

Bashkia Pukë është në administrim të plotë të çdo problematike dhe siguron qytetarët se nuk ka vend për panik. Situata është nën kontroll dhe të gjitha strukturat janë në gatishmëri për të ndërhyrë në çdo moment.

Në të njëjtën kohë, bashkia Pukë thekson angazhimin maksimal të saj për menaxhimin efikas të emergjencave natyrore, duke bashkërenduar punën me institucionet përkatëse dhe komunitetin lokal. Përmes bashkëpunimit dhe reagimit në kohë, synohet të minimizohen dëmet dhe të rikthehet normaliteti në të gjitha zonat e prekura.

/e.i/r.e/a.f/

The post Moti i keq, rrëshqitje dherash dhe mungesë energjie elektrike në disa fshatra në Pukë appeared first on Agjencia Telegrafike Shqiptare.

Një situatë e pazakontë dhe shqetësuese ka dalë në dritë në shkollën 9-vjeçare në qytetin e Pukës, ku mësuesja Fatbardha Dungu, me një përvojë 32-vjeçare në arsim, ka denoncuar publikisht një padrejtësi në ndarjen e klasave për këtë vit shkollor. Në një intervistë për emisionin investigativ Fiks Fare, znj. Dungu shprehu indinjatën e saj për […]

The post “Më kërcënuan”/ Drejtori i shkollës në Pukë u ndan mësueseve klasat me miqësi, jo sipas pikëve në dosje appeared first on BoldNews.al.

Zjarret kanë dalë sërish jashtë kontrollit në afërsi të kurorës së Dardhës në Pukë, duke rrezikuar zonën. Dy vatra të reja janë regjistruar pranë lumit të Trunit dhe zonës së Kulumrisë, ku flakët po përhapen me shpejtësi për shkak të erës së fortë. Përveç forcave të angazhuara nga toka, në operacion është përfshirë edhe një […]

The post Flakët dalin sërish jashtë kontrollit në Kurorën e Dardhës në Pukë appeared first on BoldNews.al.

Dy vatra zjarrit vijojn të jenë aktive pranë kurorës së Dardhës në Pukë. Bëhet me dije se flakët kanë dalë jashtë kontrollit, pasi janë favorizuar edhe nga tenperaturat e larta dhe era e fortë. Konkretisht flakët janë pranë lumit të Trunit dhe pranë Kulumrisë.

Sakaq, krahas forcave nga toka, po vepron edhe një helikopter për shuarjen e flakëve. Zjarret në ekonominë pyjore Sakat-Lak-Hidhi janë aktive prej 10 ditësh.

The post Vatrat e zjarrit ende aktive në Kurorën e Dardhës në Pukë/ Flakët dalin sërish jashtë kontrollit, nisin ndërhyrjet nga ajri appeared first on Albeu.com.