Socialistët i hapën rrugë legalizimit të Lobimit, duke miratuar në Komisionin e Ligjeve, rregulla të qarta mbi ushtrimin e kësaj veprimtarie në Shqipëri.

Për herë të parë, lobimi do të mund të ushtrohet vetëm nga persona fizikë apo juridikë, të regjistruar në një regjistër të posaçem të lobimit që do të administrohet nga Komisioneri për të Drejtën e Informimit.

“Permes krijimit të regjistrit të lobimit do të publikohet një informacion i qartë mbi atë se kush lobon, në emër të kujt lobon dhe për cfarë cështjesh lobon dhe me cilat institucione zhvillohen këto kontakte. Vendos një ndarje të qartë mes veprimtarisë së lobimit si një mekanizëm i strukturuar, i zhvilluar përmes një pagesë dhe kontrate dhe veprimtarive të tjera të pjesëmarrjes demokratike në qeverisje sikundet është aktivizmi qytetar, pjesëmarrje ne organizata civile ose iniciativa qytetare” tha ajo.

Ligi parashikon masa apo sanksione administrative në rast shkeljesh, përjashtohen nga lobimi ato individë, të cilët janë dënuar për vepra penale të renda, kanë detyrime tatimore të pashlyera apo janë në proces falimetimi apo likujdimi.  Personat që janë dënuar për korrupsion, pastrim parash apo mashtrim nuk mund të ushtrojnë lobim për një peridhë 5-vjecare nga përfundimi I denimit.

Projektligji është në përmbushje të angazhimeve që burojnë nga grupkapitulli I Themeloreve, në procesin e negociatave.

“Ky ligj synon të rris ndjeshëm tranparencën në proceset vendimarrëse, të forcojë besimin e qytetareve ndaj institucioneve publike dhe të vendosë tjetër shtyllë në rangun e atyre iniciatave që kemi ndermarre per të forcuar mekanizmat antikorrupsion”- u shpreh ajo./abcnews.al

TIRANË, 22 janar /ATSH/ Komisioni për Ekonominë, Punësimin dhe Financat shqyrtoi sot, në cilësinë e komisionit për dhënie mendimi, projektligjin “Për lobimin në Republikën e Shqipërisë”.

Ministrja e Shtetit për Administratën Publike dhe Antikorrupsionin, Adea Pirdeni, tha se projektligji synon krijimin e një kuadri ligjor gjithëpërfshirës për rregullimin e veprimtarisë së lobimit, me qëllim garantimin e transparencës, integritetit dhe mbikëqyrjes së ndikimit në vendimmarrjen publike.

Sipas saj, projektligji është i harmonizuar me standardet e Bashkimit Evropian dhe përbën pjesë të paketës ligjore antikorrupsion, duke adresuar kërkesat e procesit të integrimit evropian.

Ai parashikon regjistrimin e detyrueshëm të lobistëve, krijimin e Regjistrit të Lobimit, mekanizma monitorimi dhe sanksione administrative në rast shkeljesh.

Pirdeni theksoi se ligji vendos për herë të parë një kuadër të strukturuar ligjor për veprimtarinë e lobimit, duke rritur transparencën mbi ndërveprimet e grupeve të interesit me institucionet publike dhe parandalimin e konfliktit të interesave.

“Projektligji synon garantimin e transparencës jo vetëm për kontaktet e lobimit, por edhe për kontratat e lobimit, duke parashikuar që çdo lobist që ushtron këtë veprimtari të jetë i detyruar t’i bëjë ato transparente pranë Komisionerit për të Drejtën e Informimit dhe Mbrojtjen e të Dhënave Personale. Në 2027 zyra e Komisionerit për të Drejtën e Informimit dhe Mbrojtjen e të Dhënave Personale do te ketë një staf të shtuar prej 5 personash që do të jenë të akomoduar për nevojat e kësaj çështje”, u shpreh Pirdeni.

Ajo bëri të ditur se projektligji parashikon ngritjen e një regjistri për lobimet. 12,3 milionë lekë është buxheti i projektit për këtë proces, nga të cilat 6 milionë lekë do të te shkojnë për ngritjen e regjistrit dhe pjesa tjetër për trajnimin e kapaciteteve funksionale të stafit.

“Efekti financiar total i projektligjit vlerësohet në rreth 39,5 milionë lekë”, tha ajo. /j.p/

The post Ndryshimet ligjore vendosin detyrim për transparencën e kontratave të lobimit appeared first on Agjencia Telegrafike Shqiptare.

TIRANË- Ministrja e Shtetit për Administratën Publike, Adea Pirdeni u shpreh se në kuadër të negociatave me BE, janë propozuar disa nisma ligjore, të cilat synojnë të forcojnë “transparencën dhe llogaridhënien” me qëllim parandalimin e korrupsionit.

Mes nismave dhe ligjeve të miratuara dhe atyre që janë aktualisht në diskutim publik, vihet re ligji për financimin e partive politike, procesi i lobimit, sponsorizimet dhe donacionet.

Këto veprimtari tha ajo do t’i nënshtrohet rregullave strikte, që synojnë të frenojnë çdo abuzim të mundshëm.

Nismat dhe ligjet që u publikuan nga ministrja Pirdeni:

-Fokusi është tek forcimi i parandalimit të korrupsionit. Në këto pesë nisma, është vendosja e disa themeleve dhe standardeve në legjislacionin shqiptar, duke mundësuar që korrupsioni të mos ndodhë në praktikë. Pra, për ta parandaluar para se të ndodhë. Këto nisma, tre prej tyre janë iniciuar nga qeveria dhe dy prej tyre janë nisma të propozuara nga deputetët.

-Ligji për sinjalizimin dhe mbrojtjen e sinjalizuesve, është miratuar në Kuvend dhe ka hyrë në fuqi, Parashikohet mbrojta e çdo personi të punësuar, në raste se denoncojnë shkeljet ligjore. Ky ligj u jep mundësi që të raportojnë çdo shkelje ligjore. Ligji parashikon mbrojtje të mirëfilltë nuk do kenë vetëm sinjalizuesit, por dhe familjarët e tij si dhe ortakët e tij të biznesit.

-Për herë të parë kemi një ligj për lobimin. Do garantohet së pari transparencë e plotë mes lobistëve profesionistë dhe zyrtarëve publikë nga ana tjetër. Do krijohet dhe regjistri i lobimit.

Brenda kësaj jave do nisim diskutimet në Komisionet Parlamentare dhe besoj se ky ligj do të miratohet brenda këtij muaji.

-Projektligji për sponsorizmin dhe donacioneve, rregullon mënyrën dhe funksionimi të dhënies së donacioneve. Adreson në mënyrë tërësore çështjet që kanë të bëjnë me çështjet e sponsorizimeve. Do ketë një regjistër publik dhe transparent të çdo donacioni të bërë. Ky projektligj i iniciuar nga qeveria është aktualisht në konsultim publik.

-Dy janë nisma që lidhen me parandalimin e korrupsionit dhe janë në proces shqyrtimi. Siç është ligji për konfliktin e interesit. Ky ligj synon parandalimin e dhuratave dhe përfitimin financiar për çdo zyrtar publik gjatë ushtrimit të funksionit të tyre publik.

-Nisma tjetër lidhet me financimi i partive politike. Duhet draftuar një ligj për financimin, i cili vjen në kuadër të rekomandimeve të OSBE ODIHR,në lidhje me transparencës para dhe pas procesit zgjedhor. Kjo është në proces diskutim në komisionin bipartizan në Komisionin për Reformën Zgjedhore.

Nisma, e njohur ndryshe dhe si ligji i “bilbilfryrësve” vjen gati një dekadë pas miratimit të ligjit në fuqi, i cili deri më sot nuk duket se ia ka dalë të ndërtojë një mekanizëm funksional të sinjalizimit për shkeljet ligjore dhe korruptive brenda administratës publike. I konsideruar si një mekanizëm shumë i rëndësishëm në luftën […]

The post Opozita pret me skepticizëm ligjin e ri për “bilbilfryrësit” appeared first on Reporter.al.

TIRANË, 15 dhjetor /ATSH/ Ministrja e Shtetit për Administratën Publike dhe Antikorrupsionin, Adea Pirdeni, prezantoi sot në Komisionin për Çështjet Ligjore dhe Administratën Publike projektligjin “Për sinjalizimin dhe mbrojtjen e sinjalizuesve”.

Gjatë fjalës së saj, Pirdeni u shpreh se ky projektligj është pjesë thelbësore e angazhimeve të qeverisë për forcimin e shtetit të së drejtës, forcimin e luftës kundër korrupsionit dhe përmbushjen e detyrimeve që Shqipëria ka marrë në kuadër të procesit të aderimit në Bashkimin Europian.

“Ky projektligj vjen si një qasje e re, e përditësuar dhe gjithëpërfshirëse ndaj institutit të sinjalizimit, duke adresuar mangësitë e konstatuara gjatë zbatimit të ligjit aktual,” tha Pirdeni.

Sipas saj, projektligji synon ndërtimin e një arkitekture të re ligjore, të harmonizuar plotësisht me standardet dhe garancitë që parashikon direktiva e Bashkimit Europian për sinjalizimin.

“Pr/ligji synon ta përafrojë Shqipërinë me standardet më të larta të mbrojtjes së sinjalizuesve,” theksoi ministrja.

Pirdeni nënvizoi se projektligji synon krijimin e një kuadri të qartë dhe funksional ligjor për mbrojtjen, me standardet më të larta tashmë, të individëve që raportojnë shkelje të mundshme të ligjit përmes mekanizmave të sinjalizimit.

“Pr/ligji vendos detyrime të qarta për institucionet publike dhe subjektet private, duke përcaktuar procedurat për sinjalizimin, shqyrtimin dhe trajtimin e rasteve, si dhe mekanizmat mbrojtës kundër veprimeve hakmarrëse”, u shpreh ajo.

Në fjalën e saj, ministrja theksoi se në qendër të këtij ligji qëndron mbrojtja e sinjalizuesit.

“Në zemër të këtij ligji qëndron ideja se sinjalizuesi nuk duhet të jetë i vetëm përballë sistemit, por të ketë garanci ligjore se raportimi i tij do të trajtohet me seriozitet dhe profesionalizëm, pa pasoja të padrejta në jetën e tij profesionale dhe personale, si dhe ndaj personave të lidhur me të”, tha Pirdeni.

Ajo bëri të ditur se projektligji parashikon ngritjen e tre mekanizmave të sinjalizimit: sinjalizimin e brendshëm, sinjalizimin e jashtëm dhe sinjalizimin publik.

“Sinjalizimi i brendshëm realizohet përmes njësive përgjegjëse të ngritura në autoritetet publike dhe private, brenda mjedisit të punës ku individi ka ose ka pasur një marrëdhënie pune”, sqaroi ministrja.

Sipas saj, “sinjalizimi i jashtëm realizohet pranë një autoriteti kompetent, që në rastin tonë është ILDKPKI, duke ofruar kështu një kanal të pavarur jashtë institucionit ku është konstatuar shkelja”.

Pirdeni shpjegoi gjithashtu se sinjalizimi publik konsiston në bërjen publike të informacionit mbi shkeljen.

“Pr/ligji përfshin edhe rastet kur sinjalizuesi i drejtohet mediave ose platformave të tjera publike, pasi ka ezauruar më parë një nga format e tjera të sinjalizimit”, u shpreh ajo.

Ministrja theksoi se ligji parashikon detyrimin për ngritjen e njësive përgjegjëse për sinjalizimin në çdo autoritet publik dhe subjekt privat me më shumë se 50 punonjës, duke ulur pragun nga 80 punonjës për çdo institucion publik dhe nga 100 punonjës për strukturat private. “Kjo zgjeron ndjeshëm zbatimin e strukturave që janë përgjegjëse për sinjalizimin,” tha Pirdeni.

Sipas saj, projektligji parashikon edhe risi të rëndësishme, si garantimin e qartë të konfidencialitetit të sinjalizuesit, mbrojtjen e burimit të informacionit, ndalimin e çdo forme hakmarrjeje dhe të drejtën për të përfituar ndihmë juridike falas.

Duke u ndalur te mbrojtja nga veprimet hakmarrëse, Pirdeni u shpreh se, “ndalohet çdo veprim ose çdo mosveprim i drejtpërdrejtë apo i tërthortë, i ndërmarrë në një kontekst pune, që ndodh pas sinjalizimit dhe që shkakton ose mund t’i shkaktojë dëm sinjalizuesit”.

Ajo shtoi se ligji liston qartë rastet e hakmarrjes, duke përfshirë largimin nga puna, pezullimin, transferimin apo uljen në detyrë, si dhe dëmtimin e reputacionit të sinjalizuesit.

/gj.m/j.p/

The post Pirdeni: Forcim i mbrojtjes për sinjalizuesit e shkeljeve të mundshme të ligjit appeared first on Agjencia Telegrafike Shqiptare.

TIRANË, 27 nëntor /ATSH/ Ministria e Drejtësisë zhvilloi sot tryezën e 16-të konsultative dhe ndërinstitucionale për draftin e Kodit të ri Penal.

Fokusi i kësaj tryeze ishin veprat penale kundër veprimtarisë shtetërore të kryera nga zyrtarët publikë ose në shërbim publik dhe kundër veprimtarisë shtetërore të kryera nga shtetasit.

Të pranishëm ishin ministri i Drejtësisë, Besfort Lamallari, ministrja e Shtetit për Administratën Publike dhe Antikorrupsionin, Adea Pirdeni, kryetari i grupit të punës për Kodin e ri Penal, Arben Rakipi, si dhe përfaqësues të ILDKPKI, Komisionerit për Mbrojtjen nga Diskriminimi, Agjencia e Prokurimeve Publike, AKEP, KLSH etj.

Në fjalën e tij ministri i Drejtësisë, Besfort Lamallari tha se përmes këtyre tryezave synohet një konsultim sa më i gjerë e me të gjithë aktorët.

“Ministria e Drejtësisë garanton një proces gjithëpërfshirës dhe transparent. Ne besojmë fort se në përfundim të kësaj faze të parë të konsultimit të gjerë, do të jetë mundësia e grupit të punës që të gjitha komentet e ardhura me shkrim apo gjatë këtyre tryezave të përpunohen dhe shqyrtohen me kujdes. Më pas do të jepet mundësia për një raund të dytë konsultimesh. Besoj fort se në finale ne do të kemi një produkt shumë cilësor, i cili garanton përshtatjen me nevojat dhe evoluimin e jurisprudencës, por duke harmonizuar këtë Kod të ri Penal me standardet më të mira ndërkombëtare dhe Acquis communautaire të Bashkimit Europian”, tha Lamallari.

Ministrja Adea Pirdeni në fjalën e saj evidentoi disa nga dispozitat që lidhen direkt me punën e administratës e që duhen adresuar për të pasur në finale një Kod të ri Penal me standardet më të larta e që do t’i rezistojë kohës.

“Kodi i ri Penal të jetë në përputhje jo vetëm me standardet më të mira aktuale, vendore dhe europiane, por mbi të gjitha të garantojë që t’i përshtatet realitetit ligjor, social dhe ekonomik në Republikën e Shqipërisë. Nuk ka asnjë mënyrë tjetër sesa të reflektohen në Kod ato fenomene të cilat janë sot prezente në shoqërinë tonë dhe punën e administratës publike dhe që kërkojnë një adresim të veçantë”, deklaroi Pirdeni.

Pirdeni tha se gjatë diskutimit, “dhamë kontributin tonë për veprat që lidhen me funksionimin e administratës publike, mbrojtjen e veprimtarisë shtetërore dhe parandalimin e korrupsionit”.

Ministria e Drejtësisë po vijon tryezat konsultative për draftin e Kodit të ri Penal edhe me aktorë e grupe të tjera interesi, sipas një kalendari të dakordësuar më herët.

Pak ditë më parë Ministria e Drejtësisë organizoi disa tryeza konsultative për Kodin e ri Penal. Një prej tyre ishte ajo me Ministrinë e Brendshme, ku fokusi ishin veprat penale të terrorizmit dhe veprat penale që lidhen me krimin kibernetik. Po kështu janë organizuar tryeza edhe me përfaqësues të shoqatave të medieve, si dhe një takim konsultimi me avokatë nga i gjithë vendi.

The post Lamallari e Pirdeni diskutim për Kodin e ri Penal, nga shpërdorimi i detyrës së zyrtarëve te korrupsioni appeared first on Agjencia Telegrafike Shqiptare.

TIRANË, 21 nëntor /ATSH/ Ditën e sotme u zhvillua ceremonia përmbyllëse e Programit të Trajnimit Ekzekutiv për 83 drejtues pranë institucioneve qendrore publike.

Të pranishëm në aktivitet ishin Ministrja e Shtetit për Administratën Publike dhe Antikorrupsionin, Adea Pirdeni; Ambadadorja Franceze në Tiranë, Catherine Suard; Drejtoresha e Shkollës Rajonale të Administratës Publike, Maja Handjiska Trendafilova etj.

Në fjalën e saj përshëndetëse, Pirdeni nënvizoi se “ky program reflekton angazhimin që kemi ndërmarrë: të forcojmë lidershipin në administratën publike dhe vendimmarrjen institucionale, si dhe të ndërtojmë një administratë që funksionon me besim përballë pasigurisë – një kërkesë thelbësore e procesit tonë të anëtarësimit në BE”.

Trajnimi ekzekutiv ka ndërthurur përvojën franceze dhe evropiane me sfidat e realitetit shqiptar.

Në këtë kuadër, Pirdeni u shpreh gjithashtu “jemi vërtet të kënaqur që kemi thelluar bashkëpunimin me Francën gjatë dy viteve të fundit. Franca sjell një traditë të gjatë dhe të respektuar të ekselencës në lidership dhe profesionalizmit në shërbimin publik, dhe partneriteti ynë është shndërruar në diçka vërtet praktike, konkrete dhe me vlerë për reformat tona”.

Trajnimi 5-ditor është zhvilluar si pjesë e Programit të përbashkët midis Shkollës Shqiptare të Administratës Publike (ASPA) dhe Institutit Kombëtar Francez të Shërbimit Publik (INSP).

Nëpërmjet sesioneve interaktive dhe trajnuese, programi synoi forcimin e Lidershipit Ligjor në Administratën Publike Shqiptare, dhe fuqizimin e kapaciteteve të drejtuesve në vendimmarrjen ligjore përballë konteksteve komplekse dhe të paqarta.

1 nga 5

/m.q/a.f/

The post Pirdeni: Ndërtojmë një administratë të fortë përballë pasigurisë, element kyç për anëtarësimin në BE appeared first on Agjencia Telegrafike Shqiptare.

TIRANË, 6 nëntor /ATSH/ Ministrja e Shtetit për Administratën Publike dhe Antikorrupsionin, Adea Pirdeni deklaroi sot se në progresraportin e Komisionit Evropian për Shqipërinë, reformat për administratën publike vlerësohen objektivisht me progres në gjashtë shtyllat e saj me rezultate të matshme.

Në prezantimin sot në Kuvend të veprimtarisë vjetore të Departamentit të Administratës Publike, për vitin 2024, Pirdeni u shpreh se, “veçanërisht KE ka evidentuar plotësimin e kuadrit strategjik të reformës me dy strategji kyçe, përkatësisht atë për antikorrupsionin dhe strategjinë e dedikuar për reformën në administratën publike deri në vitin 2030, shtrirjen e planeve të integritetit në mënyrë kapilare në të gjithë qeverisjen qendrore, si dhe menaxhimin e qëndrueshëm fiskal në vend”.

Pirdeni tha se, “ky vlerësim i Komisionit është pika me e rëndësishme e referencës për çdo institucion që mbart përgjegjësi në procesin e pandërprerë të reformës, përfshirë DAP-in”.

Ministrja nënvizoi se, reforma është tashmë e përshirë drejtpërdrejt si pjesë e grup-kapitujve “Themeloret”, që përcaktojnë ritmin dhe cilësinë e të gjithë procesit të anëtarësimit në BE.

Pirdeni shtoi se, “2024-a ka qenë një vit tejet i rëndësishëm për DAP-in, për konsolidimin e reformës dhe për shndërrimin e saj nga një proces i mirëplanifikuar në një proces të maturuar tashmë”.

Kjo, vijoi Pirdeni, “u bë e mundur gjithashtu, përmes krijimit të portofolit të dedikuar ministror për Administratën Publike dhe Antikorrupsionin, vendim që në fillim të vitit 2024 i dha reformës peshën politike, institucionale dhe funksionale të nevojshme për t’u trajtuar si prioritet qeveritar dhe kombëtar”.

Pirdeni evidentoi vlerësimin e OECD/SIGMA që në raportin e publikuar në dhjetor 2024, e pozicionoi Shqipërinë si vendin me performancën më të lartë në rajon në shumicën e 32 indikatorëve të matur, veçanërisht në hartimin dhe koordinimin e politikave, në menaxhimin e burimeve njerëzore dhe shërbimin civil, në qeverisjen digjitale dhe menaxhimin e financave publike.

Gjithashtu, theksoi Pirdeni, “SIGMA vlerëson gjithashtu se, “sistemi i rekrutimit dhe menaxhimit të Shërbimit Civil në Shqipëri vlerësohet i pjekur dhe i qëndrueshëm”.

Ministrja nënvizoi se ndërhyrja më e thellë strukturore që ka kontribuuar në këtë pjekuri ka qenë reforma radikale e pagave, e iniciuar në vitin 2023 dhe vijuar në 2024-ën dhe më tej. Ajo ka sjellë një rritje mesatare nga 35-64%, në varësi të kategorive të pagave dhe e ka çuar pagën mesatare në administratë në rreth 100 mijë lekë, pothuajse dyfishi i vitit 2013”.

Kjo reformë, theksoi Pirdeni, “është vlerësuar pozitivisht nga Komisioni Evropian, jo vetëm për rritjen nominale të pagave, por edhe sepse shoqërohet me një model të drejtë karriere, shpërblimesh dhe vjetërsie, falë rritjes së indeksit të shkallës së komprimimit të pagës dhe peshës së elementit të vjetërsisë në pagën totale”.

Ministrja theksoi se në kuadër të kësaj reforme përgjatë vitit 2024 janë zbatuar rritje pagash për disa sisteme karriere me peshë të lartë publike.

“Për rreth 36 mijë punonjës mësimorë dhe të tjerë jomësimorë në sistemin arsimor parauniversitar, pagat u rritën me mesatarisht nga 23% deri në 53%. Për rreth 20 mijë punonjës të sistemit shëndetësor rritja mesatare ka qenë nga 25% për mjekët, ose rritje në vlerë prej 20 mijë lekësh të reja në muaj për mjekët e përgjithshëm si dhe rritje mesare prej 32% për infermierët ose rritje në masën 15 mijë lekë të reja në muaj për ta”, tha Pirdeni.

Ministrja shtoi se, “për rreth 6 mijë ushtarakë të Forcave të Armatosura pati një rritje nga 7-22% për gradë, për rreth 3500 punonjës policie, pati rritje të pagës për gradë mesatarisht 15,12%. për rreth 1500 punonjës të Gardës së Republikës rritja e pagës për gradë u shënua nga 12,9 deri në 34,6%. Për rreth 1200 punonjës të mbrojtjes nga zjarri dhe shpëtimi paga për gradë u rrit nga 6,5 deri në 30,4%”.

Po ashtu, shtoi Pirdeni, “reforma tërësore e sistemit të pagave u shtri dhe në të gjitha njësitë e vetëqeverisjes vendore duke barazuar tashmë njëherë e mirë pagat e atyre me ato të klasës përkatëse korresponduese për administratën shtetërore. Kjo e çoi rritjen e pagave nga 15% deri në 241% në varësi të bashkive”.

Pirdeni nënvizoi se, “me projektbuxhetin e vitit 2026 qeveria synon parashikon indeksimin e pagave të administratës publike sikurse kërkohet dhe nga ligji për kompetencën e pagave si dhe parashikon gjithashtu një rritje të pagës minimale me 10 mijë lekë të reja nga 40 mijë lekë në 50 mijë lekë të reja, që përkthehet në një rritje 25% për një kategori të konsiderueshme të punonjësve të administratës me paga aktualisht më të ulëta”.

Ministrja nënvizoi se, kjo është një politikë e re pagash që e kombinuar me rritjen e përgjithshme si rezultat i rritjes së pagës minimale për të gjithë i shton gati 100 milionë euro qysh në vitin e parë 2026 shumës që mandati i katërt do të vërë në dispozicion të rritjes së fuqisë blerëse të të gjitha kategorive shoqërore.

Pirdeni shtoi se, “10 600 punonjës shërbimi, sanitarë, shoferë, teknikë, protokollistë, arkivistë, magazinierë do të përfitojnë nga rritja e pagës minimale me 10 mijë lekë të reja në muaj, me një vlerë në rritje gati 25%”.

“Për specialistë të administratës publike rritja do të jetë 5 mijë lekë të reja. Mësuesit do të përfitojnë pagë 3 mijë lekë të reja më shumë në muaj. Dhe për herë të parë në sektorin e shëndetësisë, përveç indeksimit do të fillojë dhe llogaritja e vjetërsisë në punë”, tha Pirdeni.

“Kjo do të thotë se si mesatare për mjekët e përgjithshëm nga 131 700 lekë, paga do të shkojë në 143 500 lekë në muaj. Për mjekët në spitale nga 174 mijë lekë në 186 mijë lekë në muaj. Për infermierët nga 87 mijë lekë në 92.500 lekë në muaj”, tha Pirdeni.

Po ashtu, Pirdeni theksoi se, “edhe për punonjësit e Policisë së Shtetit, përveç indeksimit, do të ketë rritje për vjetërsinë në punë, e cila për gradat më të ulëta përkthehet në një rritje mesatare me 5 mijë lekë të reja në muaj”.

“E thënë ndryshe, për një punonjës me vjetërsi mesatare 15 vjet, sipas gradave, pagat rriten si më poshtë: Për inspektorët e thjeshtë nga 80.500 lekë të reja në 84.500 lekë të reja, plus shtesa për kushtet e punës dhe ushqimit, që e çon pagën mesatarisht në 100 mijë lekë të reja. Për komisarët nga 105 mijë në 110.600. Dhe për drejtuesit e thjeshtë, nga 130.500, paga do të shkojë 141.450 lekë të reja, që me shtesën dhe me ushqimin bëhet mesatarisht 156.450 lekë”, u shpreh Pirdeni.

/gj.m/a.f/r.e/

The post Pirdeni: Paga minimale 50 mijë lekë në 2026-ën, rritje pagash në administratë appeared first on Agjencia Telegrafike Shqiptare.

TIRANË, 31 tetor /ATSH/ Ministrja e Shtetit për Administratën Publike dhe Antikorrupsionin, Adea Pirdeni, mori pjesë sot në hapjen zyrtare të dialogut intensiv të konsultimit publik për ndryshimet në ligjin “Për nëpunësin civil”.

Pirdeni u shpreh se, ky është një proces thelbësor për ta ngritur shërbimin civil në standardet që kërkon koha e dikton procesi i anëtarësimit në BE.

Në takim morën pjesë partnerë, ekspertë akademikë dhe përfaqësues të shoqërisë civile.

Në takim u prezantuan risitë kryesore të ligjit që synojnë një administratë më efikase, meritokratike dhe transparente, me fokus standard unik rekrutimi për gjithë administratën publike, model i ri pranimi në nivelin hyrës, përzgjedhje më transparente për drejtuesit e lartë dhe sistem karriere më të hapur dhe strukturë pagash që shpërblen performancën.

Si pjesë e propozimeve për ndryshim në ligjin aktual është përmirësimi i modelit të Shërbimit Civil në Shqipëri, duke rritur efikasitetin e procesit të pranimit dhe procedurave menaxheriale për shërbimin civil, me qëllim krijimin e kushteve për tërheqjen e sa më shumë profesionistëve të kualifikuar nga jashtë Shërbimit Civil.

Propozohet për më shumë transparencë, fleksibilitet dhe siguri të shtuar në rekrutim dhe trajtimin e nëpunësve të nivelit të lartë.

Sipas ndryshimeve të propozuara do të rritet kufiri për kandidatët që mund të rekrutohen nga jashtë, nga 20% në 50% të pozicioneve vakante brenda administratës publike brenda një viti.

Gjithashtu do të ketë një strukturë të riformatuar pagash që inkurajon performancën dhe rrit motivimin e punonjësve.

/gj.m/j.p/

The post Ndryshimet në ligjin “Për nëpunësin civil”, dialog për konsultim publik appeared first on Agjencia Telegrafike Shqiptare.

Qeveria shqiptare ka nxjerrë për konsultim publik një projektligj përmes së cilit synon që të legalizojë lobimin në Shqipëri si dhe të krijojë një regjistër të lobuesve. Projektligji është produkt i një grupi pune të ngritur me urdhër të kryeministrit Edi Rama në korrik të këtij viti dhe drafti është propozuar nga ministrja e Shtetit […]

The post Qeveria drejt legalizimit të lobimit, por kontratat e pagesave i mban sekret appeared first on BoldNews.al.

Qeveria shqiptare ka nxjerrë për konsultim publik një projektligj përmes së cilit synon që të legalizojë lobimin në Shqipëri si dhe të krijojë një regjistër të lobuesve. Projektligji është produkt i një grupi pune të ngritur me urdhër të kryeministrit Edi Rama në korrik të këtij viti dhe drafti është propozuar nga ministrja e Shtetit […]

The post Qeveria drejt legalizimit të lobimit, por kontratat e pagesave i mban sekret appeared first on Reporter.al.

TIRANË, 16 tetor /ATSH/ Ministri i Drejtësisë, Besfort Lamallari, së bashku me ministren e Shtetit për Administratën Publike, Adea Pirdeni, pritën sot një delegacion të nivelit të lartë të Komisionit për Çështjet Ligjore të Parlamentit të Republikës së Finlandës.

Lamallari bëri të ditur se gjatë takimit u diskutua për Agjendën e Reformave dhe Planin e Rritjes, teksa shtoi se “vumë theksin te progresi që Shqipëria ka bërë në pavarësinë e gjyqësorit, sundimin e ligjit dhe forcimin e shtetit ligjor si gurëthemeli i procesit tonë të anëtarësimit në BE”.

Përmes një postimi në rrjetet sociale Lamallari nënvizoi më tej se “përafrimi i legjislacionit, duke përdorur këtu edhe avantazhet që krijon Inteligjenca Artificiale, si dhe rritja e performancës institucionale, mbeten ndër prioritetet e Ministrisë së Drejtësisë, jo si formalitet, por si pjesë e transformimit të vërtetë në përputhje me vlerat dhe standardet e BE-së”.

“Ne çmojmë shumë mbështetjen e vijueshme të Finlandës në procesin tonë integrues dhe me modelin e saj të qeverisjes bazuar në transparencë, llogaridhënie institucionale dhe efikasitet digjital”, shkruan Lamallari.

/m.q/j.p/

The post Lamallari e Pirdeni presin delegacionin finlandez: Çmojmë mbështetjen e Finlandës në procesin integrues appeared first on Agjencia Telegrafike Shqiptare.

Kryeministri Edi Rama shpalli të enjten emrat e kabinetit të ri qeveritar që do të votohet nga Kuvendi i dalë nga zgjedhjet parlamentare të 11 majit, duke kombinuar disa prej ministrave aktualë me prurjet e reja nga jashtë politikës apo me profil të ulët publik. Ai po ashtu propozoi si kryetar të ri të Kuvendit […]

The post Qeveria e mandatit të katërt: Ministra besnikë dhe ndryshime për fasadë appeared first on Reporter.al.

TIRANË, 2 shtator/ATSH/ Ministrja e Shtetit për Administratën Publike dhe Antikorrupsionin, Adea Pirdeni mori pjesë në një konferencë në Kopenhagen, Danimarkë.

Në një postim në rrjetet sociale, Pirdeni tha se “zgjerimi i BE-së është një prioritet strategjik i konfirmuar tashmë dhe gjatë Presidencës daneze dhe po intensifikohet edhe më shumë, jo vetëm në fjalë, por edhe në veprime”.

“Shqipëria është mes vendeve që po ecin me shumë ritëm drejt linjës së finishit: kemi hapur tashmë 4 grupe kapitujsh dhe pritet të hapen edhe 2 të fundit brenda vitit”, tha Pirdeni.

Në fjalën e saj, Pirdeni theksoi nevojën për një qasje sistematike drejt anëtarësimit të shpejtë.

“Përfshirja graduale në tregun e përbashkët evropian dhe në pjesëmarrja në institucionet ku diskutohen politikat e BE-së në të gjithë sektorët, shkon paralelisht me rigorozitetin e pashmangshëm në përmbushjen e detyrimeve që na bëjnë vend anëtar”, tha Pirdeni.

1 nga 5

/k.s/j.p/

The post Pirdeni në Kopenhagë: Shqipëria po ecën me ritëm drejt anëtarësimit në BE appeared first on Agjencia Telegrafike Shqiptare.

Administrata publike pritet që t’i nënshtrohet një riorganizimi që do të bazohet mbi rregulla të reja të funksionimit dhe llogaridhënies, bazuar në një nismë të re ligjore të propozuar nga ministri i shtetit për Administratën Publike dhe Antikorrupsionin, Adea Pirdeni. Propozimet e dispozitave të reja ligjore në ligjin “Për organizimin dhe funksionimin e administratës shtetërore”, […]

The post Ligji i ri i qeverisë ngre shqetësime për cënim të autonomisë në administratën publike appeared first on Reporter.al.

TIRANË, 25 korrik/ATSH/ Ministri i Drejtësisë, Ulsi Manja u shpreh sot se hartimi i një Kodi të ri Penal nuk është një ngjarje e zakonshme, por një moment i rrallë institucional që shënon jo vetëm rregullimin juridik të një epoke të re, por edhe pjekurinë demokratike të një shoqërie që ka nevojë përditësojë normat penale me zhvillimet shoqërore, kushtetuese dhe ndërkombëtare.

Në aktivitetin për prezantimin e draftit përfundimtar të Kodit të Ri Penal, ku të pranishëm ishin edhe kryetarja e Gjykatës Kushtetuese, Holta Zaçaj, kryetari i Gjykatës së Lartë, Sokol Sadushi, ministrja e Shtetit për Administratën Publike dhe Antikorrupsionin, Adea Pirdeni, Ministrja e Shtetit dhe Kryenegociatorja e Shqipërisë me Bashkimin Evropian, Majlinda Dhuka, aktorë kryesorë të sistemit të drejtësisë, partnerë ndërkombëtarë, universitete, shoqëri civile dhe media, ministri Manja tha se “ky moment shënon një hap të rëndësishëm drejt forcimit të shtetit të së drejtës në vend“.

“Ky draft, që sot hyn në fazën e konsultimit publik, është një dokument themelor për mbrojtjen e të drejtave dhe lirive të çdo qytetari “, tha Manja.

“Në një shtet të së drejtës, Kodi Penal është shtylla themelore e kontratës sonë sociale. Ai përkufizon qartë kufirin ndarës mes sjelljes së lejuar dhe asaj të dënueshme dhe është një instrument i drejtpërdrejtë në mbrojtjen e rendit kushtetues, të drejtave dhe sigurisë juridike të çdo individ”, tha ministri Manja.

Sipas ministrit të Drejtësië, ”Kodi Penal në fuqi u miratua në janar të vitit 1995 dhe hyri në fuqi në 1 qershor të po atij viti, në një kohë kur Shqipëria sapo kishte dalë nga një regjim totalitar dhe kishte nisur ndërtimin e një sistemi të ri drejtësie”.

”Ai përbënte një akt themelor modernizues, për të hequr dorë nga logjika penale e asaj kohe dhe për të përafruar legjislacionin me modelet penale të kohës. Kërkesa për të pasur një Kod Penal të ri nuk është çështje politike, por nevojë e një shteti dhe shoqërie që transformohet çdo ditë. Gjithashtu, është edhe nevojë e një dinamike të re kushtetuese institucionale dhe integruese që duhet reflektuar në Kodin e ri Penal”, vijoi ai.

Ministri Manja u shpreh se Kodi Penal që është në fuqi në momentin e miratimit në vitin 1995 kishte 285 nene dhe 550 paragrafe në strukturë. Sipas Manjës, pas 30 ndërhyrjesh të njëpasnjëshme në kohë të ndryshme, ai numëron rreth 327 nene dhe mbi 750 paragrafe, pra 40 nene dhe 200 paragrafë më shumë të ndryshuar në mënyrë të fragmentarizuar dhe pa koherencë sistemike.

”Kodi i ri Penal do duhet të ketë si bazë kushtetuese, Kushtetutën e vitit 1998, ndërsa kur u miratua në vitin 1995 baza ishte ligji për dispozitat kushtetuese të vitit 1991. Format e reja të kriminalitetit kërkojnë përgjigje të qarta dhe përshtatshme penale.

Reforma në drejtësi ka rikonfiguruar sistemin institucional duke bërë të domosdoshëm rishikimin e normës penale”, shtoi Manja.

Ministri i Drejtësisë u ndal edhe te procesi i integrimit të Shqipërisë në BE që kërkon një përafrim të plotë të Kodit penal me hakinë e BE-së, direktivat evropiane dhe jurisprudencën e pasur të Gjykatës së të Drejtave të Njeriut.

”Kodi aktual nuk i përgjigjet më sfidave të kohës dhe zbatimi paraqet vështirësi për prokutorët, avokatët dhe gjyqtarët. Rikonceptimi i Kodit ishte i domosdoshëm dhe i pashmangshëm. Puna për të pasur një draft pune penal të kryesuar nga prof. Arben Rakipi kishte filluar që në vitin 2019, por në shkurt të vitit 2023, ministri i Drejtësisë e ngarkoi këtë grup pune zyrtarisht për të hartuar Kodin e ri Penal, që nga sot do të jetë për konsultim publik”, pohoi Manja.

Ministri i Drejtësoi tha se ”ky draft nuk është produkt i Qeverisë apo Ministrisë së Drejtësisë, ndërsa MD ka pasur dhe do ketë deri në fund rol organizues dhe mbështetës. Autorësia intelektuale dhe përmbajtja teknike është në pronësi të grupit të punës në çdo fazë të konsultimit publik”.

Gjithashtu, drafti pritet të marrë vulën e certifikimit në Bruksel sipas Manjës, dhe pastaj qeveria do të vijojnë me procedurat e miratimit parlamentar me shumicë të cilësuar, sipas Kushtetutës dhe Rregullores së Kuvendit.

Ministri Manja i bëri ftesë opozitës që të kontribuojë me ekspertizë të mirëfilltë dhe diskutime për Kodin e ri Penal, si një akt shtetëror të rëndësishëm për funksionimin e shtetit dhe drejtësisë në një vend që synon të bëhet pjesë e familjes evropiane deri në vitin 2030.

/e.i/

The post Prezantohet drafti i Kodit të ri Penal, Manja: Përgjigje për format e reja të kriminalitetit, miratimi pas certifikimit në Bruksel appeared first on Agjencia Telegrafike Shqiptare.

TIRANË, 7 korrik/ATSH/ “Java e Administratës Publike 2025, Edicioni II” solli në fokus forcimin e aftësive të administratës publike  përmes një aktiviteti të organizuar në bashkëpunim me Këshillin e Evropës dhe Shkollës Shqiptare të Administratës Publike kushtuar digjitalizimit të procesit të Vlerësimit të Nevojave për Trajnim.

Ministrja e Shtetit për Administratën Publike dhe Antikorrupsionin, Adea Pirdeni ndau në rrjetet sociale momente nga ky aktivitet, teksa theksoi se “nevojat për trajnim në administratë do të mblidhen nga ASPA përmes një komunikimi të drejtpërdrejtë digjital me të gjitha ministritë”.

“Bashkërisht po rrisim eficiencën e planifikimit të aftësimit të administratës publike për qenë gati për sfidat e digjitalizimit, transparencës dhe shërbimeve moderne”, tha Pirdeni.

“Java e Administratës Publike 2025, Edicioni II” mbylli siparin me eventin “Prokurim që forcon besim: Nga nevoja në certifikim”, zhvilluar në bashkëpunim me DAP, ASPA dhe Agjencinë e Prokurimit Publik.

Në vëmendje ishte rritja e integritetit dhe profesionalizmit në fushën e prokurimit publik, përmes procesit të trajnimit dhe testimit, që u finalizua me shpërndarjen e certifikatave për punonjësit e prokurimit publik.

Më 1 korrik nisi “Java e Administratës Publike 2025 – Edicioni II”, e organizuar nga Ministri i Shtetit për Administratën Publike dhe Antikorrupsionin, gjatë të cilës u zhvilluan një seri aktivitetesh shumëdimensionale dhe ndërvepruese për angazhim të hapur, reflektim dhe dialog vizionar duke nxitur mendim kritik në rrugëtimin e përbashkët drejt Bashkimit Evropian.

“Java e Administratës Publike 2025, Edicioni II” u hap me forumin “Inteligjenca Artificiale dhe Transformimi Digjital i Shtetit”, ku u prezantua marrëveshja e bashkëpunimit me Institutin Tony Blair për Ndryshim Global dhe organizatën Apolitical. Ky bashkëpunim synon trajnimin e mbi 600 punonjësve të administratës publike në përdorimin e Inteligjencës Artificiale, me fokus në aplikimin praktik të saj në shërbim të qytetarëve dhe rritjen e efikasitetit institucional.

1 nga 5

/k.s/j.p/

The post “Java e Administratës Publike”, Pirdeni: Gati për sfidat e digjitalizimit, transparencës dhe shërbimeve moderne appeared first on Agjencia Telegrafike Shqiptare.

TIRANË, 4 korrik /ATSH/ Nga 30 qershori deri në 4 korrik u organizua edicioni i dytë i Javës së Administratës Publike 2025.

Ministrja e Shtetit për Administratën Publike dhe Antikorrupsionin, Adea Pirdeni bëri me dije se sot u mbajt aktiviteti “Ti je Aset”, që u rikthye për të dytin vit radhazi, si guri i kurorës së Javës së Administratës Publike 2025, Edicioni II.

Pirdeni tha se tej shembujve frymëzues të kolegëve profesionistë që nderuam, u diskutua me ekspertë të administratës mbi mënyrat si sistemi duhet të reformohet, që të jetë më i drejtë, më transparent, më motivues dhe më i aftë për t’u përballur me sfidat e aderimit të Shqipërisë në BE.

Ky aktivitet ishte një mundësi shumë e mirë për t’u angazhuar qoftë edhe drejtpërdrejtë duke u punësuar në administratën publike, qoftë duke u angazhuar në nismat e përbashkëta. Rienergjizimi i administratës publike për t’i shërbyer thellësisht funksionit publik është një nga angazhimet e Ministrisë së Shtetit për Administratën Publike dhe Antikorrupsionin.

“Java e Administratës Publike 2025 – Edicioni II”, organizuar nga Ministri i Shtetit për Administratën Publike dhe Antikorrupsionin, solli një seri aktivitetesh shumëdimensionale dhe ndërvepruese për angazhim të hapur, reflektim dhe dialog vizionar duke nxitur mendim kritik në rrugëtimin e përbashkët drejt Bashkimit Evropian.

1 nga 11

/e.i/a.f//r.e/

The post Pirdeni: Reformimi i Administratës Publike përballë sfidave të aderimit në BE appeared first on Agjencia Telegrafike Shqiptare.

TIRANË, 3 korrik /ATSH/ “Java e Administratës Publike 2025 – Edicioni II”, organizuar nga ministri i Shtetit për Administratën Publike dhe Antikorrupsionin, po zhvillohet me një seri aktivitetesh shumëdimensionale dhe ndërvepruese për angazhim të hapur, reflektim dhe dialog vizionar duke nxitur mendim kritik në rrugëtimin e përbashkët drejt Bashkimit Evropian.

Ministrja e Shtetit për Administratën Publike dhe Antikorrupsionin, Adea Pirdeni tha se në kuadër të këtij aktiviteti, ka pasur diskutime të frytshme me partnerë ndërkombëtarë në Reformën në Administratën Publike.

Me këtë rast, u zhvillua edhe ekspozita me titull “Udhëtim i Administratës Publike Ndër Vite”, pjesë e së cilës ishte edhe Agjencia Telegrafike Shqiptare me foto të ndryshme nga arkivi i saj, ku evidentohen momente pune nga punonjës të administratës ndër vite.

Në çeljen e kësaj ekspozite dokumentare dhe fotografike të shpalosur në ambientet e ish-Hotel Dajtit, ishin të pranishëm ministrja Pirdeni dhe përfaqësues të shumtë diplomatikë, të cilët patën mundësinë që të shihnin nga afër një përzgjedhje të pasur dokumentesh dhe fotografish arkivore që reflektojnë transformimin e administratës nga vitet e para të shtetformimit e deri më sot, një homazh për të gjithë ata që i kanë shërbyer me përkushtim shtetit shqiptar.

Ministrja Pirdeni ka falënderuar Këshillin e Evropës, Arkivin Qendror të Shtetit dhe ATSH-në për bashkëpunimin në këtë aktivitet.

Mes fotografive të përzgjedhura nga ATSH, në këtë ekspozite janë pasqyruar momente nga Salla e Librave në Bibliotekën Kombëtare, nga puna në laboratorin e fotografisë dhe buletineve në Agjencinë Telegrafike Shqiptare, nga Instituti i Kërkimit të Naftës, etj.

Ndërsa në mesin e materialeve të përzgjedhura nga DPA-ja, gjendeshin imazhe të godinave të institucioneve qendrore, si edhe dokumente mbi ecurinë e administratës publike në një kohështrirje që nis prej Qeverisë së Vlorës, për të mbërritur deri në hyrje të viteve ‘90-të.

Përgjatë javës do të organizohen një seri aktivitetesh multidimensionale, me tematika të ndryshme që prekin thelbin e modernizimit të administratës publike.

Nga ekspozita me titull “Udhëtim i Administratës Publike Ndër Vite

1 nga 16

1 nga 7

/e.i/j.p/r.e/

The post ATSH pjesë e ekspozitës “Udhëtim i Administratës Publike ndër vite” appeared first on Agjencia Telegrafike Shqiptare.

TIRANË, 29 qershor /ATSH/ Ministrja e Shtetit për Administratën Publike dhe Antikorrupsionin, Adea Pirdeni bëri me dije se nga 30 qershor deri në 4 korrik, do të organizohet edicioni i dytë i Javës së Administratës Publike 2025.

Ministrja Pirdeni pohon se për të dytin vit radhazi do të ketë një seri aktivitetesh ndërvepruese, ekspozita, ndarje çmimesh dhe reflektime për përmirësimin e administratës publike.

Ky aktivitet është një mundësi shumë e mirë për t’u angazhuar qoftë edhe drejtpërdrejtë duke u punësuar në administratën publike, qoftë duke u angazhuar në nismat e përbashkëta. Rienergjizimi i administratës publike për t’i shërbyer thellësisht funksionit publik është një nga angazhimet e Ministrisë së Shtetit për Administratën Publike dhe Antikorrupsionin.

/e.i/a.f/

The post Pirdeni: Java e Administratës Publike 2025, nis nesër ediconi i dytë appeared first on Agjencia Telegrafike Shqiptare.