Një video e publikuar vitin e kaluar me Ivanka Trump dhe bashkëshortin e saj, Jared Kushner, ka nisur sërish të bëhet virale në rrjetet sociale, duke rikthyer në vëmendje një incident të tensionuar gjatë një eventi në Miami.

Pamjet janë rishpërndarë së fundmi nga faqja Nexta në platformën X (ish-Twitter), e cila ka ngritur pikëpyetje nëse veprimi i truprojës ishte pjesë e protokollit apo një reagim i tepruar.

Ngjarja në fjalë ka ndodhur më 3 maj të vitit të kaluar, teksa Ivanka Trump dhe Jared Kushner po largoheshin nga klubi i njohur Carbone Beach në Miami.

— (@)

Vajza 43-vjeçare e presidentit Donald Trump u pa duke ecur dorë për dore me bashkëshortin e saj, ndërsa shoqëroheshin nga agjentë të Shërbimit Sekret të veshur civil, drejt automjetit të tyre.

Sipas pamjeve, një turmë e vogël ishte mbledhur rreth çiftit, madje disa persona po ecnin shumë pranë tyre në drejtim të SUV-it. Në një moment, një agjent i Shërbimit Sekret vendosi dorën mbi një burrë që po afrohej tepër pranë çiftit. Ky i fundit reagoi duke e kapur agjentin nga supi, çka shkaktoi një reagim të menjëhershëm dhe të fortë nga ana e truprojës, i cili e shtyu burrin prapa. Ky veprim u shoqërua me reagime të dëgjueshme nga turma, ndërsa Ivanka Trump dhe Jared Kushner u kthyen për një çast për të parë çfarë po ndodhte, përpara se të hipnin në makinë.

Shërbimi Sekret ka reaguar lidhur me incidentin përmes një deklarate, duke sqaruar se gjatë një lëvizjeje mbrojtëse, një person i rritur ka hyrë shumë pranë perimetrit të sigurisë. Sipas tyre, një agjent ka ndërhyrë menjëherë për ta larguar fizikisht individin dhe për të rivendosur distancën e nevojshme të sigurisë. Agjencia ka theksuar se është thelbësore që publiku të ruajë distancën nga forcat e rendit dhe personeli mbrojtës, në mënyrë që të garantohet siguria e të gjithëve, sipas People.

Ivanka Trump nuk ka reaguar drejtpërdrejt për incidentin në rrjetet e saj sociale. Megjithatë, ajo ka publikuar disa fotografi nga fundjava në Miami, ku shfaqet duke kaluar kohë me bashkëshortin dhe duke ndjekur Çmimin e Madh të Formula 1 në Miami. “City Lights x Racing Stripes this F1 weekend in Miami”, ka shkruar ajo krahas imazheve.

Po ashtu, Ivanka ka ndarë edhe një fotografi të dy djemve të saj, Joseph dhe Theodore, të veshur me bluza të kuqe të ekipit Ferrari, duke treguar se familja ka shijuar nga afër atmosferën e garave të Formula 1. /Telegrafi/

Një koalicion prej 41 organizatash mjedisore nga 28 vende të ndryshme të botës i ka kërkuar qeverisë shqiptare të pezullojë projektin e miratuar për ndërtimin e një resorti luksoz në Ishullin e Sazanit, i vetmi ishull i Shqipërisë, i rrethuar nga Parku Kombëtar Detar Karaburun-Sazan. “Ky projekt dhe mënyra se si është miratuar janë në […]

The post Organizatat mjedisore kundër resortit të Jared Kushner në Sazan appeared first on BoldNews.al.

Një koalicion prej 41 organizatash mjedisore nga 28 vende të ndryshme të botës i ka kërkuar qeverisë shqiptare të pezullojë projektin e miratuar për ndërtimin e një resorti luksoz në Ishullin e Sazanit, i vetmi ishull i Shqipërisë, i rrethuar nga Parku Kombëtar Detar Karaburun-Sazan. “Ky projekt dhe mënyra se si është miratuar janë në […]

The post Organizatat mjedisore kundër resortit të Jared Kushner në Sazan appeared first on Reporter.al.

Jared Kushner ka zbuluar një plan të ri për Gazën, i cili sipas analistëve përfaqëson një rikthim të idesë së ashtuquajtur “Riviera e Gazës”, por me shumë pikëpyetje mbi zbatueshmërinë e tij.

I ftuar në emisionin “Ëar Report” në ABC Neës, eksperti i marrëdhënieve ndërkombëtare Ledion Krisafi theksoi se suksesi i planit varet nga gatishmëria e Hamasit për t’u çarmatosur, një proces që mbetet tepër i vështirë dhe me rrezik për përshkallëzim konflikti.

Ndërkohë, kolonel Sami Neziri vuri në dukje se çarmatimi i Hamasit, tërheqja e Izraelit dhe financimi janë pikat më të dobëta të planit, duke e konsideruar ende herët për të folur për zbatimin e tij konkret.

Ledion Krisafi: Ky është rikthim për planin e Rivierës së Gazës, por gjithçka varet se sa i gatshëm është Hamasi të heqë dorë, nëse nuk heq dorë kjo do të jetë shumë e vështirë për t’u bërë dhe rrezikon që të ketë një luftë për çarmatosje. Hamasi jo vetëm që nuk është çarmatosur, por ka filluar të marrë më shumë terren. Ajo që bie në sy është fakti që nuk është i përfshirë pala palestineze në plan, kërkohet vetëm që të merren disa territore falas për ngritur hotele dhe kazino luksoze.

Sami Neziri: Pika më e dobët është çarmatosja e Hamasit dhe tërheqja e Izraelit, një problem tjetër është financimi. Është shume herët për të folur, do të ketë një rishikim të planit.

Jared Kushner, dhëndri dhe bashkëpunëtori i ngushtë i presidentit amerikan Donald Trump, deklaroi sot se Gaza ka “potencial të jashtëzakonshëm” dhe prezantoi në Davos planet e administratës amerikane për arritjen e një paqeje të qëndrueshme dhe rindërtimin e rajonit.

Ai tha se “Gaza e re mund të sjellë shpresë dhe të bëhet një destinacion” dhe theksoi se administrata ka përgatitur një “plan kryesor” për zhvillimin e Gazës, si pjesë e përpjekjeve për t’i dhënë fund konflikteve midis Izraelit dhe Hamasit.

Kushner shtoi se plani mbështetet në demilitarizimin e Hamasit dhe se Shtetet e Bashkuara nuk kanë një “plan B” tjetër për këtë proces.

Trump deklaroi se Gaza është një “tokë e mrekullueshme” dhe se njerëzit që jetojnë aty “do të jetojnë shumë mirë”.

Ai falënderoi Jared Kushner dhe përfaqësuesin amerikan për Azinë Perëndimore, Steve Witkoff, për punën e tyre në negociatat e paqes dhe hartimin e planit.

Presidenti amerikan shtoi se pozicioni bregdetar i Gazës e bën atë “jashtëzakonisht të veçantë” dhe se zhvillimi i rajonit mund të sjellë përfitime të drejtpërdrejta për banorët që jetojnë aktualisht në kushte të vështira.

Ai gjithashtu nënvizoi se ekipi i tij ka ndihmuar në dërgimin e një sasi rekord ndihmash humanitare në Gaza që nga vendosja e armëpushimit, duke krijuar kështu bazën për një fazë të re të planit amerikan për rajonin. /Telegrafi/

Ardhja e Ivanka Trump dhe bashkëshortit Jared Kushner në Vlorë të mërkurën, shoqëruar me pritje protokollare dhe një darkë private me kryeministrin Edi Rama, u paraqit publikisht si një vizitë e jashtëzakonshme.

Por, në thelb, vizita e Trump dhe Kushner – të cilët prej vitit 2023 e kanë vizituar shpesh Shqipërinë – ekspozon një model të konsoliduar të vendimmarrjeve të qeverisë Rama: përqendrim të pasurive publike në pak duar, të lidhura me pushtetin politik dhe financiar, tashmë edhe ndërkombëtar, përmes negociatash direkte, pa transparencë, pa garë dhe pa llogaridhënie.

Ky model nuk është i panjohur as në profilin publik të vetë Jared Kushner. Në SHBA dhe Lindjen e Mesme, ai është përballur me kritika të vazhdueshme për ndërtimin e karrierës së tij si sipërmarrës duke përfituar nga pozicioni politik i vjehrrit, Donald Trump, veçanërisht për marrëveshje të mëdha investimi që u realizuan pas përfundimit të mandatit presidencial. 

Kritikët kanë ngritur pikëpyetje mbi konfliktet e mundshme të interesit dhe mungesën e ndarjes mes rolit publik dhe përfitimit privat, një debat që sot gjen jehonë edhe në Shqipëri.

Sazani e Zvërneci si “plaçka për t’u falur”

Projekti i propozuar nga Kushner për ndërtimin e resorteve luksoze në Sazan dhe Zvërnec po përparon përmes një formule që shmang parimet bazë të konkurrencës, aq shumë të kërkuara dhe lavdëruara nga BE për integrimin.

Erdhi si propozim i pakërkuar. Vijoi pa diskutim publik dhe pa tender të hapur ndërkombëtar. Askush nuk di të thotë: A është oferta e Kushnerit më e mira e mundshme dhe a po shihet mundësia që të lejohen investitorë të tjerë në Sazan?

Prej janarit 2025, kur mori statusin e investitorit strategjik, qeveria po negocion drejtpërdrejt me kompaninë “Affinity Partners” (zotëruese e “Atlantic Incubation Partners LLC”) të Kushnerit, e cila pritet të jetë ortake, në kuota shumice, me ndërmarrjen qeveritare “Albanian State Development & Real Estate” (ASDRE), e cila u krijua në qershor.

Grupi negociator përbëhet nga përfaqësues të administratës së Zëvendëskryeministres Belinda Balluku, e vetmja ende në detyrë pas ndryshimeve qeveritare të zgjedhjeve të fundit, ministrisë së Financave, Mjedisit dhe Turizmit. 

Paralelisht grupi është përbërë edhe nga përfaqësues të Agjencisë Shqiptare të Zhvillimit të Investimeve (AIDA), dhe Korporatës së Investimeve Shqiptare (AIC). Kjo e fundit e ka përfshirë në hartën e projekteve që synon të zhvillojë.

Pikërisht AIC kontraktoi në shkurt 2025 për rreth 300 mijë euro zyrat ligjore “Tonucci & Partners” dhe “Nexia Consulting” për të forcuar “pozitën e shtetit shqiptar në këtë investim” përmes një “ekspertize ligjore, financiare, teknike dhe mjedisore”.

Nga kjo qasje, kuptohet se qeveria ia dha statusin e investitorit Kushnerit, pa qenë e sigurt për pozitën e saj në propozimin e pakërkuar. Pra, pa e ditur saktë impaktin financiar dhe mjedisor.

Pikërisht për impaktin mjedisor Qendra për Ruajtjen dhe Mbrojtjen e Mjedisit Natyror në Shqipëri (PPNEA) dhe organizata të tjera mjedisore kanë apeluar disa herë shqetësimin se propozimi i Kushnerit prek zona të mbrojtura, veçanërisht Zvërnecin. 

Në një reagim të mërkurën PPNEA theksoi se “rreth 14 kilometra vijë të egër bregdetare që është zonë e mbrojtur, […] planifikohet të shndërrohet në rruge asfalti, drita të forta dhe pallate luksoze, të cilat nuk kanë vend për natyrën e egër dhe komunitetet”.

Ky zhvillim po ndodh teksa Komisioni Evropian i ka vënë kusht Shqipërisë për integrimin mbylljen e kapitullit të mjedisit me ndryshimin e ligjit për zonat e mbrojtura, i cili i pati hapur rrugë investimeve të tilla në parqet natyrore.

Sidoqoftë, vlen të thuhet se për rastin konkret BE ka qendruar e heshtur, pak a shumë si në rastin e Aeroportit të Vlorës, që pritet të ndikojë tejmase në rrjetin e zonave të mbrojtura Vjosë-Nartë.

Citizens.al iu drejtuar të gjitha strukturave të grupi negociator për të marrë informacion për takimet, pozitën aktuale të bisedimeve dhe nëse ka pasur interes nga sipërmarrës të tjerë, veçanërisht kompani shqiptare.

Deri në momentin e botimit të këtij shkrimi, vetëm AIDA dhe AIC dhanë përgjigje duke u kufizuar te theksimi se Affinity Partners mbetet e interesuar ta vijojë projektin dhe se ASDRE nuk po shqyrton asnjë projekt-propozim tjetër në Sazan*.

Nga e gjithë kjo tablo duket qartë se qeveria po e trajton Sazanin dhe Zvërnecin thjeshtë si plaçka për t’u falur, dhe jo si pasuri publike të parikuperueshme që nevojiten të menaxhohen me rregulla.

Zyrtarisht theksi për rastin e Kushnerit vihet te statusi “investitor strategjik”, një etiketë që në praktikë ka shërbyer si çelës për të anashkaluar procedurat standarde, parlamentin, debatin publik mbi kostot, përfitimet dhe rreziqet.

Modeli që përsëritet

Sazani dhe Zvërneci nuk qëndrojnë vetëm. Qeveria Rama ka vepruar ngjashëm duke trajtuar si plaçkë edhe Portin e Durrësit, Portin e Vlorës dhe zonën e mbrojtur përreth Aeroportit të Vlorës.

Porti i Durrësit iu dha sipërmarrësit nga Emiratet, Mohamed Ali Alabbar. Në rastin e tij u bë me ligj të posaçëm, procedurë të përshpejtuar në Kuvend dhe partneritet të paracaktuar në darkën e famshme të qeverisë në restorantin e Nusret Gökçe (njohur si Salt Bae) në Dubai (2021). 

Kështu, projekti “Durrës Yachts & Marina” me grupin e Emirateve “Eagle Hills” pati zero debat publik dhe zero konkurrencë. Formula e ktheu Kuvendin në “noter” të një marrëveshjeje të negociuar dhe dakordësuar larg institucioneve dhe vëmendjes publike.

Për Portin e Vlorës, raportimet kanë treguar se qeveria përdori një kombinim të ligjit të investimeve strategjike, formulën “Shqipëria 1 euro” dhe VKM të posaçme, duke lënë pa sqaruar mënyrën sesi u shmang dhe minimizua pjesëmarrja reale e shtetit në projektin e “Marina di Valona”.

Ngjashëm zero debat publik, zero konkurrencë.

Në rastin e Aeroportit të Vlorës, qeveria tregoi se kur do dhe ka vullnet, mund të ndjekë dhe aplikojë procedurat konkurruese të një gare me tender ndërkombëtar pas një ofertë të pakërkuar. 

Sigurisht, tjetër gjë se kjo procedurë ishte formale – fillimisht aeroporti iu premtua konsorciumit turk “Cengiz-Kalyon-Kolin Constr.” më pas me procedura të dyshimta iu dha ortakërisë “Mabetex-2A Group” të Behgjet Pacollit dhe Valon Ademit.

Rastet tregojnë qartë sesi qeveria nuk e mat interesin publik me garë dhe kushte të qarta, por me negocime dhe vendime që merren nëpër tavolina jashtë institucioneve. Për më tepër nga investimet në fjalë qeveria merr përsipër detyrimet për të siguruar infrastrukturën mbështetëse.

Në këtë kuptim Sazani e Zvërneci – historikisht të paurbanizuara, pa furnizimin me ujë dhe energji elektrike – janë thjesht plaçkat e radhës, pasi në rastin e tyre nuk po ndiqet as formalisht procedura e një tenderi apo konkursi ndërkombëtar

Nga renderët 3D te “negociimi” me arkitektët e qeverisë

Për Sazanin dhe Zvërnecin jo vetëm që nuk po duket të ketë garë, por tani duket se vetë projekti arkitektonik po riformatohet, me takime të raportuara mes Ivanka Trump, përfaqësuesve të qeverisë dhe “50-60 arkitektë” që nuk dihet se nga dolën dhe u shfaqën në Vlorë.

Mes tyre, nga disa foto që qarkulluan në rrjet, spikati arkitekti japonez Kengo Kuma, i njohur ndërkombëtarisht për stilin modernist. Kuma ishte i ftuar në Shqipëri për festivalin e arkitekturës “Bread and Heart” dhe është projektues i Parkut të Vizitorëve në Butrint.

Nga fotot, duket të ketë qenë e pranishme edhe Adelajda Roka, drejtuesja e Agjencisë së Zhvillimit te Territorit (AZHT), e cila nuk është pjesë e grupit negociator. 

Nga kjo dhe prezenca e Kumës, mund të kuptojmë se grupi i arkitektëve në fjalë mund të jetë organizuar nga AZHT.

Prej tetorit 2025, AZHT dhe Agjencia Kombëtare e Planifikimit të Territorit (AKPT) kanë riorganizuar festivalin “Bread and Heart” në një fondacion. Citizens.al ka kërkuar qartësi për objektivin, arsyet dhe mënyrën e këtij tranzicioni.

Por dukshëm, ky riorganizim që ka bërë bashkë arkitektët e preferuar të qeverisë, po merr rol domethënës. Takimi me arkitektët u raportua se kishte në fokus projektet në Sazan e Zvërnec. Kjo nënkupton se tanimë diskutimet kanë kaluar te “si do të bëhet” projekti, jo më thjesht “a do të bëhet”.

Nëse propozimi fillestar i vitit 2024 ishte një “vizion” (render 3D), takimet me arkitektë nënkuptojnë se tani po negociohet përmbajtja e investimit: volumet, ndërhyrjet, infrastruktura, fazat si edhe lehtësitë fiskale.

Por nëse projekti “po rikonceptohet” gjatë negociimit, atëherë justifikimi për “ofertë të pakërkuar” bie, sepse nuk kemi më një ofertë të përcaktuar që vetëm vlerësohet dhe trajtohet, por realisht kemi një bashkë-projektim pa transparencë.

Qeveria shqiptare, edhe pas kërkesave të përsëritura për transparencë, ende nuk ka zbardhur një sërë detajesh: Çfarë do të ndërtohet realisht në në Sazan dhe Zvërnec? Çfarë po ofron realisht qeveria shqiptare: truallin, infrastrukturën, trajtim preferencial apo ekskluzivitet? Çfarë kanë premtuar investitorët dhe e në fund, çfarë përfitojnë qytetarët Shqiptarë?

*Artikulli u përditësua me përgjigjen nga AIC për Sazanin.

The post Darka e Sazanit: Si u vu pasuria publike në tryezë appeared first on Citizens.al.

Dhëndri i presidentit amerikan Jared Kushner, një nga figurat me te rëndësishme për paqen në Gaza, dha detaje në Davos se si do të duket enklava në të ardhmen.

Ai prezantoi një “masterplan” për të ardhmen e enklavës, duke e demonstruar idenë edhe me harta dhe foto.

“Ekziston një masterplan. Ne do ta zbatojmë atë me faza në Lindjen e mesme. Qytete si këto, për dy-tre milionë njerëz, ndërtohen për tre vjet”, tha Kushner.

Synimi i planit është që enklava të shndërrohet në një qendër ekonomike rajonale deri në vitin 2035.

Iniciativa përcakton objektiva ambicioze për dekadën e ardhshme. Ajo synon të rrisë prodhimin e brendshëm bruto te Gazës në më shumë se 10 miliardë dollarë dhe të rrisë të ardhurat mesatare vjetore të familjeve në mbi 13,000 dollarë.

Plani është strukturuar rreth një afati kohor zhvillimi me gjashtë faza që fillon në jug dhe përparon drejt veriut. Faza i përqendrohet në Rafah dhe Khan Yunis. Faza II përfshin zgjerimin e Khan Younis dhe zhvillimin rreth rajonit. Faza III synon zhvillimin në kampet qendrore të refugjatëve, ndërsa Faza finale përqendrohet në qytetin e Gazës. Kjo parashikon rindërtimin e qytetit dhe infrastrukturës urbane. përqendrohet në rindërtimin e Qytetit të Gazës. Më pas plani synon rindërtimin ekonomik dhe më vonë atë social të territorit të shkatërruar nga lufta.

Propozimi për infrastrukturën përfshin një port dhe aeroport të ri, një kalim trepalësh në Rafah, një linjë hekurudhore mallrash me një korridor logjistik prapavijë dhe një rrjet unazore dhe rrugësh kryesore për të lidhur qendrat urbane të Gazës.

Bordi i Paqes vlerëson se do të nevojiten më shumë se 25 miliardë dollarë për të zhvilluar shërbime moderne publike dhe shërbime publike.

Ky Bord do të mbikëqyrë gjithë procesin, ndërsa qeverisjen e përditshme të enklavës do e drejtojë Komiteti Kombëtar për Administrimin e Gazës.

 

Një plan ambicioz për rindërtimin e Rripit të Gazës, të cilin vetë Donald Trump e ka përshkruar si një “copë toke shumë të bukur” u prezantua nga Jared Kushner gjatë një aktiviteti të “Këshillit të Paqes” në Davos. Projekti parashikon nisjen e rindërtimit nga pjesa jugore e territorit dhe kërkon investime që vlerësohen në të […]

The post Jared Kushner prezanton planin për rindërtimin e Gazës, kostoja mbi 25 miliardë dollarë appeared first on BoldNews.al.

Këshilli Ekzekutiv themelues – me Trumpin si kryetar – është në krye të Bordit të Paqes.

Anëtarët e tij janë:

Tony Blair, ish-kryeministër britanik;

Jared Kushner, dhëndri i Trump;

Sekretari i Shtetit i SHBA-së, Marco Rubio;

I dërguari special i SHBA-së në Lindjen e Mesme, Steve Witkoff;

Marc Rowan, Drejtor Ekzekutiv i firmës financiare Apollo Global Management;

Ajay Banga, president i Grupit të Bankës Botërore;

Robert Gabriel, zëvendëskëshilltar i sigurisë kombëtare i SHBA-së.

Presidenti i SHBA-së, Donald Trump, hapi ceremoninë kushtuar “Bordit të Paqes” ndërkombëtar duke u fokusuar në politikën e brendshme dhe duke u mburrur me rritjen ekonomike të SHBA-së, ndërsa e shikonin më shumë se një duzinë udhëheqësish botërorë.

“Ne kemi një mandat të shkëlqyer në vend, siç thashë dje, ekonomia amerikane po lulëzon”, tha ai.

“Kur Amerika lulëzon, e gjithë bota lulëzon”, shtoi ai. /Telegrafi/

Dhëndri i Donald Trump, Jared Kushner, i cili ishte çelësi i ndërmjetësimit të planit të paqes për Gazën, ka dhënë detaje në Davos.

Ai zbuloi një "master plan" për të ardhmen e Gazës, me hartën e mëposhtme që shfaqet, transmeton Telegrafi.

Do të kryhet në faza, tha ai, duke përfshirë strehimin e fuqisë punëtore, punësimin 100% dhe "mundësi për të gjithë".

"Njerëzit na pyesin se cili është plani ynë B. Ne nuk kemi një plan B, ne kemi një plan. Ne nënshkruam një marrëveshje. Ne të gjithë jemi të përkushtuar ta bëjmë atë marrëveshje të funksionojë", theksoi Kushner.

"Ekziston një master plan. Ne do ta bëjmë atë në faza në Lindjen e Mesme. Ata ndërtojnë qytete të tilla në, e dini, dy, tre milionë njerëz. Ata e ndërtojnë këtë në tre vjet. Dhe kështu gjëra të tilla janë shumë të realizueshme nëse i bëjmë të ndodhin”, tha ndër tjera dhëndri i Trump.

Kushner përfundoi fjalimin me një apel pasi tha se po sheh “shumë njerëz që përpiqen të përshkallëzojnë situatën”.

“Thjesht qetësohuni për 30 ditë. Mendoj se lufta ka mbaruar, le të bëjmë çmos të përpiqemi të punojmë së bashku, qëllimi ynë këtu është paqja midis Izraelit dhe popullit palestinez”, tha ai.

“Të gjithë duan të jetojnë në paqe, të gjithë duan të jetojnë me dinjitet, le t’i përqendrojmë përpjekjet tona drejt promovimit të atyre që po bëjnë punën për ta ndërtuar këtë”, përfundoi fjalimin Kushner. /Telegrafi/

Këtë të enjte, kryetari i Partisë Demokratike, Sali Berisha, komentoi investimet amerikane në Jug të vendit nga kompania e dhëndrit të Donald Trump, Jared Kushner.

Jashtë Parlamentit, Berisha u shpreh se Rama bëri influencë politike, por sipas tij dështoi.

Gjithashtu, Berisha tha se edhe ai e ka ofruar ishullin e Sazanit tek Berlusconi, u pranua, por filloi kriza dhe nuk u realizua.

Sipas Berishës, Rama nuk e firmosi marrëveshjen para se Donald Trump të zgjidhej presidenti i SHBA-ve.

“Për sa i përket Zvërnecit është një çështje private. Unë nuk di të jetë dhënë tokë publike aty, por do ta shohim. Për sa i përket Sazanit, e kam deklaruar, deklarata ime është kjo: ne mbështesim investimet amerikane, por natyrisht ky e bëri atë për influencë politike.

I sigurt që dështoi, sepse po të mos dështonte, nuk merrte përsipër të përpiqej të bënte gazi i dheut presidentin e SHBA në një samit që u bë kryelajm i atij samiti. Ndaj dhe këtu duhet t’i ndajmë gjërat. Zvërneci është investim publik. Sazanin ai e dha, por po të më çosh pak më tutje, mund të them disa gjëra të tjera, të palidhura me këtë.

Sazanin edhe qeveria ime e ka ofruar. Unë nuk mund të mos jem ai që jam. E kemi ofruar, sepse në kohën kur ne kemi bërë vlerësimin, ai ka qenë një ishull aspak i lakmuar. E ofroi Fatos Nano para meje. E ofrova unë, ra kriza. Ia ofrova mikut të shquar të kombit shqiptar, Silvio Berluskoni.

E pranoi dhe bëri projektin. Bëri një projekt shumë të mirë, por erdhi kriza financiare. Aty janë dokumentet. Pse e ofruam? Sepse nuk është i lehtë për t’u zhvilluar. Tani fondet janë shumë të mëdha sepse sipas asaj që kam dëgjuar janë dy miliardë euro të fondit sovran arab. Në qoftë se bëhet, unë nuk kam asnjë kundërshtim.

Sazanin e ka ofruar Fatos Nano. E ka ofruar Sali Berisha dhe janë bërë projektet nga i ndjeri Silvio Berluskoni. Sazanin e ofroi ky. Dhe ky gjeti Xhared Kushner, i cili erdhi me një fond shumë të madh. Por çfarë bëri ky? Në qoftë se marrëveshja ishte që ta firmoste para zgjedhjes së presidentit Trump, ky mashtroi. Ky nuk e firmosi para zgjedhjes së presidentit dhe ky u përpoq gjer në fund ta përdorë atë për të paktën edhe një fotografi me Lindën”, tha Berisha.

The post Investimet e Kushner në Shqipëri/ Berisha: S’kam kundërshtim, Rama bëri influencë politike, por dështoi, Sazanin e kam ofruar edhe unë tek Berlusconi appeared first on Albeu.com.

Kryeministri Edi Rama ka mbërritur mbrëmjen e sotme në Vlorë. Sipas burimeve, ai do të akomodohet në vilën qeveritare. Mësohet se Rama pritet të zhvillojë një takim privat me Ivanka Trump, vajzën e presidentit amerikan Donald Trump, si dhe me arkitektët që e kanë shoqëruar atë gjatë ditës së sotme. Burime pranë organizimit bëjnë me […]

The post Rama mbërrin në Vlorë, takim privat me Ivanka Trump appeared first on BoldNews.al.

Pas takimit të zhvilluar në një nga hotelet e qytetit të Vlorës, dhëndri dhe vajza e presidentit të SHBA-së, Jared Kushner dhe Ivanka Trump, janë ndalur në zonën e hidrovorit në Akerni.

Një territor i njohur për potencialin e tij të lartë në zhvillimin e turizmit elitar dhe investimeve strategjike.

Të shoqëruar nga arkitektë të njohur dhe nën masa të rrepta sigurie, me praninë e forcave të shumta të policisë, Trump dhe Kushner kanë inspektuar nga afër vijën bregdetare dhe hapësirat përreth hidrovorit në Akerni.

Vizita është përqendruar në vlerësimin e terrenit, infrastrukturës ekzistuese dhe mundësive që kjo zonë ofron për projekte të ardhshme zhvillimore.

Zona e Akernisë, e konsideruar prej kohësh si një nga pikat me potencial të madh për investime të rëndësishme turistike, ofron kushte natyrore të favorshme dhe një pozicion strategjik, çka e bën atë tërheqëse për projekte afatgjata në fushën e turizmit dhe zhvillimit ekonomik.

Vizita e tyre ka ngjallur interes dhe vëmendje të madhe, duke përforcuar idenë se kjo zonë mund të shndërrohet në një pikë kyçe për investime të ardhshme

Jared Kushner, dhëndri i Presidenti të SHBA, Donald Trump ka mbërritur këtë mëngjes në qytetin e Vlorës.

Pritet që dhëndri i presidentit Trump të zhvillojë disa takime private në Vlorë me arkitektë mbi projektet dhe investimet në qytetin bregdetar.

Mbërritja e Kushner është shoqëruar me masa të forta sigurie nga policia e Vlorës, sic duket edhe në pamjet e siguruara nga ABC News.

Nën masa të rrepta sigurie, dhëndri i Donald Trump sapo ka mbërritur në Vlorë. Jared Kushner ka mbërritur i shoqëruar nga një delegacion në zonën e Ujit të ftohtë. Mësohet se Kushner është i shoqëruar edhe nga bashkëshortja e tij, Ivanka Trump.

Aty do të zhvilloj një takim për të diskutuar më tepër rreth investimit në ishullin e Sazanit. Sipas informacioneve do të zhvillohet një takim nëpërmjet Jared Kushner me një studio arkitekturore ku do të diskutohet për mënyrën e realizimit të projektit, investimit në ishullin e Sazanit, raporton euronews.al.

Nuk do të jetë takim me përfaqësues të pushtetit.

Janë bërë publike emrat e personave që do të jenë pjesë e Komitetit Kombëtar për menaxhimin e Gazës, i formuar me propozim të presidentit të SHBA-së, Donald Trump.

Ekipi do të udhëhiqet nga Ali Shaath, ndërsa anëtarë të tij janë: Abdul Karim Ashour, Jaber Al-Daour, Bashir Al-Rais, Ali Barhoum, Aed Yaghi, Osama Al-Saadawi, Sami Nasman, Mohammad Bseiso, Arabi Abu Shaaban, Hana Tarzi, Rami Halas, Omar Shamali, Ayed Abu Ramadan dhe Husni Al-Mughni.

Secili prej tyre do të jetë përgjegjës për një sektor të veçantë, që përfshin fusha nga financat deri te arsimi, raporton reuters.

Përveç këtij ekipi, Trump ka emëruar edhe trupa këshillimore që do të veprojnë në bashkëpunim me Komitetin Kombëtar për menaxhimin e Gazës, ku do të përfshihen emra të njohur të politikës ndërkombëtare.

Ndër ta janë ministri i Jashtëm i Turqisë, Hakan Fidan, Sekretari amerikan i Shtetit, Marco Rubio, ish-kryeministri i Britanisë së Madhe, Tony Blair, si dhe të dërguarit e Trump-it, Steve Witkoff dhe Jared Kushner.

Bordi do të përfshijë gjithashtu drejtuesin e fondeve private dhe miliarderin Marc Rowan, presidentin e Bankës Botërore Ajay Banga, si dhe Robert Gabriel, këshilltar i Trump-it, bëri të ditur Shtëpia e Bardhë, duke shtuar se Nickolay Mladenov, ish-i dërguar i OKB-së për Lindjen e Mesme, do të jetë përfaqësuesi i lartë për Gazën.

Gjeneralmajori i ushtrisë Jasper Jeffers, komandant i operacioneve speciale të SHBA-së, është emëruar komandant i Forcës Ndërkombëtare të Stabilizimit, njoftoi Shtëpia e Bardhë. Një rezolutë e Këshillit të Sigurimit të OKB-së, e miratuar në mes të nëntorit, autorizoi bordin dhe vendet që bashkëpunojnë me të të krijojnë këtë forcë në Gaza.

Me emërimin e këtyre strukturave ka nisur zyrtarisht zbatimi i fazës së dytë të armëpushimit në Gaza, gjatë së cilës synohet vendosja e një administrate në këtë territor palestinez pa përfshirjen e Hamasit.

Faza e parë e armëpushimit zgjati tre muaj, gjatë së cilës Izraeli e shkeli marrëveshjen disa herë dhe si pasojë u vranë qindra civilë palestinezë.

Ndryshe, sulmet izraelite në Gaza që nga tetori i vitit 2023 ka shkaktuar vdekjen e dhjetëra mijëra njerëzve, ka krijuar një krizë urie dhe ka zhvendosur brenda territorit të gjithë popullsinë e Gazës. Shumë ekspertë të të drejtave të njeriut, studiues dhe një hetim i OKB-së vlerësojnë se kjo përbën gjenocid.

Izraeli ka deklaruar se ka vepruar në vetëmbrojtje, pasi militantë të udhëhequr nga Hamasi vranë 1200 persona dhe morën më shumë se 250 pengje gjatë një sulmi në fund të vitit 2023. /Telegrafi/

UASHINGTON, 14 janar /ATSH/ – I dërguari  i Shtëpisë së Bardhë, Steve Witkoff, dhe dhëndri i presidentit amerikan Donald Trump, Jared Kushner, po përpiqen të bëjnë një udhëtim në Moskë për të takuar presidentin rus Vladimir Putin, sipas Reuters.

Takimi do të shërbente për të paraqitur propozimet e fundit për paqe për luftën në Ukrainë.

Takimi mund të ndodhë këtë muaj, por planet nuk janë përfundimtare dhe data mund të shtyhet, sidomos për shkak të trazirave në Iran.

Shtëpia e Bardhë ka thënë për aktualisht nuk ka ndonjë takim zyrtar të caktuar në agjendë.

Sipas raportit, zyrtarët amerikanë do t’ia paraqesin presidentit Putinit draftin e fundit të propozimeve për paqe, i cili përfshin edhe garanci sigurie nga SHBA-ja  dhe Evropa për çdo marrëveshje të mundshme.

Bisedimet pritet të prekin edhe rindërtimin e Ukrainës pas luftës.

Në përgjithësi, bisedimet ende nuk janë konfirmuar zyrtarisht, por informacioni i disponueshëm tregon një përpjekje të re diplomatike për të avancuar një marrëveshje paqeje midis SHBA‑së dhe Rusisë për luftën në Ukrainë./  /Ad.Ab./ a.jor.

 

 

The post SHBA – Witkoff dhe Kushner synojnë një takim me Putin për paqen në Ukrainë appeared first on Agjencia Telegrafike Shqiptare.

Përshëndetje nga Uashingtoni, ku gjithçka sillet rreth historive të mëdha: një luftë e mundshme me Venezuelën, një paqe e mundshme në Ukrainë, kush ishte mik me Jeffrey Epstein dhe kush mori pjesë në shfrytëzimin seksual të të miturve. Këtë muaj, Ballkani u shfaq gjithashtu në axhendën tonë politike tashmë të mbingarkuar, dhe u morën disa […]

The post Letër nga Uashingtoni: SHBA-ja sapo kritikoi autoritarët e Ballkanit, apo jo? appeared first on Reporter.al.

Presidenti i Ukrainës, Volodymyr Zelensky, ka bërë të ditur se ka zhvilluar një takim të gjatë dhe konstruktiv me përfaqësues të Shteteve të Bashkuara të Amerikës, konkretisht me Steve Witkoff dhe Jared Kushner. Sipas tij, takimi ka pasur një atmosferë pozitive dhe është përqendruar në çështje thelbësore që lidhen me përpjekjet për arritjen e paqes.

Gjatë bisedimeve janë shkëmbyer “ide të mira” dhe janë trajtuar “shumë detaje”, përfshirë edhe propozime të reja nga pala ukrainase lidhur me procesin e paqes.

Këto propozime përfshijnë formatet e mundshme të negociatave, organizimin e takimeve të ardhshme dhe përcaktimin e afateve kohore për hapat e mëtejshëm diplomatikë.

— (@)

Zelensky theksoi se dokumentet paraprake janë pothuajse të përfunduara, megjithatë disa “çështje të ndjeshme” ende kërkojnë diskutime dhe punë të mëtejshme.

Ai shtoi se periudha në vijim pritet të jetë shumë intensive në aspektin diplomatik, me angazhime të shumta dhe përpjekje të shtuara për të çuar përpara procesin e paqes.

Në fund, lideri ukrainas shprehu mirënjohjen e saj ndaj Shteteve të Bashkuara për mbështetjen e vazhdueshme dhe bëri thirrje për rritjen e presionit ndërkombëtar ndaj Rusisë.

Zelensky paralajmëroi se zvarritja e luftës do të sjellë pasoja të rënda, duke theksuar se vonesat vetëm sa e përkeqësojnë situatën dhe rrisin kostot njerëzore dhe politike të konfliktit. /Telegrafi/

Pas tërheqjes së Jared Kushner nga projekti që lidhet me Shtabin e Përgjithshëm, a hapet mundësia e rinovimit të tij, apo qeveria e Serbisë do të kërkojë një investitor të ri? Në Serbi vazhdojnë pafundësisht polemikat rreth ndërtesës së Shtabit të Përgjithshëm, pasi kompania e Jared Kushner (dhëndër i Presidentit amerikan Donald Trump) hoqi dorë […]

The post Pse u largua familja Trump nga projekti në Beograd? appeared first on BoldNews.al.