Cilat vlera janë normale, kur duhet të shqetësoheni dhe pse ndryshimi i numrave është më i rëndësishëm se vetë numri

Kur saturimi i oksigjenit në gjak fillon të bjerë, në praktikën mjekësore gjithmonë nisemi nga supozimi se ky rënie mund të vazhdojë deri në nivelin ku bëhet e nevojshme dhënia e oksigjenit shtesë. Për këtë arsye, saturimi nuk shihet si një numër i izoluar, por si një tregues dinamik që mund të sinjalizojë përkeqësimin e gjendjes shëndetësore edhe para shfaqjes së simptomave të rënda.

Çfarë është saturimi dhe çfarë tregon realisht kjo vlerë

Saturimi, përkatësisht ngopja e gjakut me oksigjen (SaO₂), përfaqëson përqindjen e oksigjenit që është e lidhur me hemoglobinën në qelizat e kuqe të gjakut. Hemoglobina është një nga përbërësit kyç të gjakut, dhe aftësia e saj për t’u lidhur me oksigjenin varet nga funksioni i mushkërive, i zemrës, por edhe nga vetë sasia e hemoglobinës në gjak.

Tek personat e shëndetshëm, në gjendje qetësie vlerat normale të saturimit janë 97–98 për qind, ndërsa të gjitha vlerat mbi 95 për qind konsiderohen të rregullta.

Kur është e detyrueshme matja e saturimit

Matja e saturimit bëhet e domosdoshme në të gjitha situatat kur ekziston dyshimi për çrregullim të frymëmarrjes ose të shkëmbimit të gazeve në mushkëri. Është veçanërisht e rëndësishme:

• kur shfaqet gulçim, ndjesi e mungesës së ajrit ose shtrëngim në gjoks
• gjatë infeksioneve virale dhe bakteriale që mund të prekin mushkëritë
• gjatë trajtimit në shtëpi të sëmundjeve respiratore
• tek personat me sëmundje kronike të mushkërive dhe zemrës
• në rast anemie, sepse sasia e ulët e hemoglobinës ndikon në furnizimin e përgjithshëm me oksigjen
• gjatë përkeqësimit të menjëhershëm të gjendjes së përgjithshme, me lodhje, dobësi ose konfuzion.

Saturimi është i rëndësishëm të matet edhe në mënyrë të përsëritur, pra disa herë, sepse një vlerë normale e matur vetëm një herë nuk e përjashton përkeqësimin e mëvonshëm, transmeton Telegrafi.

Vlerat normale, kufitare dhe alarmante

95–100% – oksigjenim normal
93–94% – vlera kufitare, kërkojnë mbikëqyrje të shtuar
90–92% – shenjë e çrregullimit të rëndësishëm të oksigjenimit
nën 90% – gjendje alarmante

Saturimi nën 90 për qind tregon se në mushkëri nuk po ndodh shkëmbimi adekuat i gazeve dhe përbën një sinjal të qartë për t’u paraqitur urgjentisht te mjeku dhe për të filluar terapinë me oksigjen, pavarësisht nga shkaku.

Pse ndryshimi është më i rëndësishëm se vetë numri

Në praktikën klinike shpesh rezulton se dinamika e rënies së saturimit është më e rëndësishme se vetë vlera absolute. Personat me sëmundje kronike të mushkërive ose zemrës mund të jetojnë për vite me saturim rreth 90 për qind dhe ta tolerojnë relativisht mirë. Ndërsa, tek një person plotësisht i shëndetshëm, një rënie e menjëhershme nga 97 në 93 për qind mund të jetë shenjë e hershme e një përkeqësimi serioz.

Nëse gjatë trajtimit saturimi fillon të bjerë dhe nuk kthehet në vlerat fillestare, konsiderohet se ekziston rreziku që rënia të vazhdojë deri në nivelin që kërkon mbështetje me oksigjen.

Çfarë mund të shkaktojë rënien e saturimit

Ulja e oksigjenimit të gjakut (hipoksemia) mund të ndodhë si pasojë e sëmundjeve të mushkërive (pneumoni, astmë, HOBP, fibrozë pulmonare), sëmundjeve të zemrës, trombit në arterien pulmonare, qëndrimit në lartësi të madhe mbidetare, anemisë, apneas së gjumit, veprimit të disa barnave (përfshirë sedativët dhe narkotikët), por edhe cilësisë së dobët të ajrit në ambiente të mbyllura.

Është e rëndësishme të theksohet se jo çdo rënie e saturimit është shenjë e pneumonisë, por kërkon monitorim dhe vlerësim në kontekstin e simptomave.

Simptomat që tregojnë rënie serioze të nivelit të oksigjenit në gjak

Rënia e saturimit mund të shoqërohet me dhimbje koke, të përziera dhe të vjella, lodhje dhe dobësi të theksuar, përgjumje, konfuzion dhe ndryshime në sjellje. Gjithashtu, mund të shfaqen frymëmarrje dhe rrahje të përshpejtuara të zemrës, ngjyrë kaltërosh e buzëve dhe e gishtërinjve, si dhe ndjesi mbytjeje edhe gjatë sforcimeve minimale.

Këto shenja kërkojnë vlerësim urgjent mjekësor dhe, nëse është e nevojshme, ndërhyrje të menjëhershme.

Pulsoksimetri në kushte shtëpie

Pulsoksimetri është një pajisje e thjeshtë, pa dhimbje dhe jo-invazive që mundëson matjen e shpejtë të saturimit dhe pulsit. Edhe pse është i përshtatshëm për përdorim në shtëpi, vlerat e marra duhet të interpretohen gjithmonë së bashku me simptomat dhe ndryshimet e tyre me kalimin e kohës, dhe jo si kriteri i vetëm i gjendjes shëndetësore. /Telegrafi/

Një fluturim i easyJet me destinacion Belfastin (Irlandë e Veriut) u detyrua të kthehej në Amsterdam pas një incidenti me një goditje zogjsh, ka konfirmuar linja ajrore.

Fluturimi i EasyJet me numër 3052/U23052 bëri një kthesë 180 shkallësh për në Aeroportin Schiphol të Amsterdamit, duke u ulur afërsisht 20 minuta pas nisjes së tij në orën 6.09 të mbrëmjes së kaluar (8 shkurt).

Kthimi i Airbus A320 Neo në Aeroportin Schiphol ishte për shkak të një goditjeje zogjsh dhe ai përfundoi një xhiro mbi det para se të kthehej në pikën e nisjes, raporton Belfast Live, përcjell Telegrafi.

Një përditësim nga EasyJet në atë kohë thoshte: "Na vjen keq që fluturimi juaj është kthyer në Amsterdam. Kjo për shkak se avioni duhet të inspektohet nga inxhinierët tanë pas një goditjeje zogjsh”.

“Kjo mund të zgjasë nga 30 minuta deri në dy orë dhe ne do t'ju mbajmë të informuar sapo të mësojmë më shumë. Siguria juaj dhe ekuipazhit tonë është përparësia jonë më e lartë dhe ju falënderojmë për durimin tuaj".

Goditjet e zogjve janë një ngjarje e shpeshtë dhe një rrezik i rregullt për udhëtimet ajrore, me mijëra incidente të raportuara globalisht çdo vit. /Telegrafi/

MYNIH, 5 shkurt /ATSH-DPA/ – Reza Pahlavi, djali i shahut të fundit të Iranit dhe një nga figurat më të njohura të opozitës iraniane në mërgim, pritet të marrë pjesë javën e ardhshme në Konferencën e Sigurisë në Mynih, thanë burimet.

Organizatorët i thanë se Pahlavi, 65 vjeç, ka konfirmuar pjesëmarrjen në konferencën që do të mbahet nga 13 deri më 15 shkurt dhe që mbledh liderë të lartë politikë dhe ekspertë të sigurisë në hotelin ”Bayerischer Hof” në Mynih.

Qeveria e Iranit fillimisht ishte ftuar në këtë konferencë, por më pas ftesa u tërhoq pas shtypjes së dhunshme të protestave, ku mbetën të vrarë mijëra persona.

Ministria e Jashtme e Gjermanisë kishte këshilluar kundër ftesës për Teheranin.

Pahlavi ka shprehur mbështetje për protestat masive kundër udhëheqjes iraniane dhe shihet gjerësisht si figura më e njohur dhe me ndikim e opozitës iraniane jashtë vendit.

Imazhet e tij janë shfaqur në tubime solidariteti për lëvizjen protestuese iraniane, përfshirë edhe në Gjermani.

Një demonstratë është planifikuar në Mynih më 14 shkurt nën sloganin ”Të drejtat e njeriut dhe liria në Iran. Solidaritet ndërkombëtar me popullin iranian”.

Pahlavi ka bërë thirrje për pjesëmarrje në këtë tubim përmes rrjeteve sociale, ndërsa organizatorët synojnë të mobilizojnë deri në 100 000 persona.

Më shumë se 60 liderë botërorë dhe rreth 100 ministra të Jashtëm dhe të Mbrojtjes pritet të marrin pjesë në konferencë.

Pahlavi mori pjesë për herë të fundit në këtë event në vitin 2023.

Detajet mbi paraqitjet e tij të planifikuara këtë vit ende nuk janë bërë të ditura.

Babai i tij, Mohammad Reza Shah Pahlavi, sundoi Iranin nga viti 1941 deri në rrëzimin e tij gjatë Revolucionit Islamik të vitit 1979.

Reza Pahlavi, i cili ishte shpallur princ i kurorës nga i ati, jeton prej dekadash në mërgim në Shtetet e Bashkuara të Amerikës./  /Ad. Ab./  a.jor.

The post MYNIH – Reza Pahlavi në Konferencën e Sigurisë mes tensioneve për Iranin appeared first on Agjencia Telegrafike Shqiptare.

Kur hipni në aeroplan, asistentet e fluturimit jo vetëm që ju përshëndesin, por edhe vëzhgojnë me diskrecion një detaj: këpucët tuaja.

Edhe pse kjo mund të duket e parëndësishme, ato analizojnë nëse i përmbushni standardet e sigurisë.

Asistentët e fluturimit, të cilët janë në vijën e parë në situata emergjente, duhet të vlerësojnë nëse pasagjerët janë të pajisur për evakuim. Këpucët që vishni mund të ndikojnë ose të pengojnë lëvizshmërinë tuaj në një rast emergjence.

Kur pasagjerët duhet të evakuohen, çdo sekondë ka rëndësi. Këpucët e papërshtatshme, siç janë çizmet e rënda, takat e larta ose sandale, mund të ngadalësojnë lëvizjen, të shkaktojnë rrëzime ose të shqetësojnë pasagjerët e tjerë. Edhe më keq, disa këpucë mund të dëmtojnë pajisjet e sigurisë.

Kjo është veçanërisht rasti me rrëshqitëset e evakuimit. Takat e holla mund t'i thyejnë këto rrëshqitëse. Për këtë arsye, udhëzimet e sigurisë shpesh përcaktojnë se këpucët me taka të larta nuk lejohen gjatë evakuimit.

Përveç sigurisë, zgjedhja e këpucëve mund të ndikojë edhe në shëndetin e pasagjerëve, veçanërisht në fluturimet e gjata. Meqenëse presioni në kabinë është i ndryshëm nga ai në tokë, kjo mund të përkeqësojë disa probleme të qarkullimit të gjakut, siç është tromboza venoze. Për një udhëtim të rehatshëm dhe të sigurt, është mirë që:

-Vishni këpucë të mbyllura që mund të hiqen lehtësisht nëse është e nevojshme,

-Shmangni veshjen e takave të larta, shapkave dhe këpucëve me platformë

-Sillni një palë çorape të pastra nëse doni të hiqni këpucët gjatë fluturimit

-Vishni këpucë gjatë ngritjes, turbulencave dhe uljes.

Një Airbus A380 i Emirates që fluturonte nga Londra për në Dubai bëri një kthim në Heathrow menjëherë pas ngritjes në natën e Vitit të Ri për shkak të një problemi teknik, konfirmoi linja ajrore.

Fluturimi EK002 i Emirates, që operonte nga Heathrow i Londrës (LHR) për në Dubai, u nis në orën 13:40 më 31 dhjetor 2025, por u kthye menjëherë pas ngritjes pas një defekti teknik të raportuar.

Aeroplani u ul në mënyrë të sigurt në Heathrow, dhe pasagjerët dhe ekuipazhi zbritën pa incidente.

Në një deklaratë për Gulf News, Emirates tha: "Fluturimi EK002 i Emirates u nis nga Londra Heathrow për në Dubai sipas planit, por u kthye menjëherë pas ngritjes për shkak të një defekti teknik. Aeroplani u ul përsëri në LHR dhe pasagjerët dhe ekuipazhi zbritën në mënyrë të sigurt. Të gjithë pasagjerëve do tu ofrohet një rirezervim për t'u nisur në fluturimet e ardhshme të Emirates nga LHR".

Linja ajrore kërkoi ndjesë për shqetësimet e shkaktuara, por tha se siguria e pasagjerëve dhe ekuipazhit të saj është me rëndësi të madhe dhe nuk do të kompromentohet.

Të dhënat e gjurmimit të fluturimit treguan se avioni qëndroi në ajër për më shumë se një orë para uljes.

Sipas të dhënave të radarit AirNav, A380 u ngrit në orën 14:31 UTC, pas së cilës ekuipazhi raportoi një problem në lidhje me sistemin e ingranazhit të uljes së aeroplanit.

Avioni përfundimisht u ul në pistën 27R në orën 16:28 UTC.

Incidenti tërhoqi vëmendje të gjerë në internet, me platformën e gjurmimit të fluturimeve Flightradar24 që e renditi EK2 si një nga fluturimet e saj më të gjurmuara globalisht në atë kohë. /Telegrafi/

TIRANË, 1 janar/ATSH/ Ministrja e Shëndetësisë dhe Mbrojtjes Sociale, Evis Sala u shpreh sot se në shëndetësi po punohet për protokolle europiane dhe kushte dinjitoze trajtimi, që askush të mos detyrohet të kërkojë ndihmë larg vendbanimit të tij.

Përmes një videomesazhi, Sala uroi në këtë fillimvit për një vit të ri të shëndetshëm dhe të paqtë në çdo familje shqiptare.

“Familja është vendi ku fillon gjithçka: kujdesi, forca, dashuria dhe shpresa. Është themeli mbi të cilin qëndron shoqëria jonë. Dua ta  nis me një falënderim të veçantë për ata që kujdesen për familjet tona edhe kur janë larg familjeve të tyre: mjekët, infermierët, stafet e urgjencës dhe profesionistët e qendrave rezidenciale. Ju jeni aty në momentet më të vështira, kur frika është e madhe dhe shpresa e brishtë. Falë jush, askush nuk ndihet vetëm”, u shpreh Sala.

Gjatë vitit që sapo lamë pas, Sala vlerësoi se është punuar si një ekip për të çuar përpara sfidat tona të përbashkëta në sistemin shëndetësor, ku në qendër është pacienti.

Ministrja theksoi se shëndeti nuk është vetëm një shërbim. “Është siguria që një prind ndien për fëmijën e tij. Është dinjiteti i një të moshuari. Është besimi se shteti është pranë  grupeve të margjinalizuara me përgjegjësi”, u shpreh Sala.

Sipas saj, shëndeti nuk fillon në spital, por fillon në familje. “Në kujdesin për njëri-tjetrin. Në solidaritet. Në bindjen se një shoqëri e fortë ndërtohet mbi familje të forta”, u shpreh ajo.

/m.m/a.f/

The post Sala: Kushte dinjitoze trajtimi dhe protokolle europiane në shëndetësi appeared first on Agjencia Telegrafike Shqiptare.

PRISHTINË, 31 dhjetor/ATSH/ Presidentja e Kosovës, Vjosa Osmani ka uruar qytetarët për Vitin e Ri 2026. Osmani në një videomesazh thekson se viti që po lëmë pas ka dëshmuar se Kosova ecën përpara kur vepron me vendosmëri, me vlera dhe me unitet.

“Viti që po e lëmë pas ka dëshmuar se Kosova ecën përpara kur vepron me vendosmëri, me vlera dhe me unitet. Ka qenë një vit në të cilin kemi forcuar edhe më shumë pozitën ndërkombëtare të vendit tonë, kemi mbrojtur rendin kushtetues e interesin shtetëror, si dhe një vit në të cilin kemi vazhduar punën për t’i forcuar aleancat tona me partnerët tanë strategjikë. Kosova ka treguar se është e pranishme, e dëgjuar dhe e respektuar në tryezat ndërkombëtare, si faktor paqeje, stabiliteti dhe besueshmërie”, thekson Osmani.

Sipas saj, Kosova qëndroi e palëkundur ndaj çdo përpjekjeje destabilizuese, ndërsa brenda vendit vazhdon të ndërtojë një shoqëri më të drejtë, ku të drejtat e njeriut, barazia dhe dinjiteti janë themeli ynë i përbashkët.

Ajo tha po ashtu se sot, Kosova përmbylli një vit jo të lehtë, por një vit në të cilin zëri i saj u dëgjua fuqishëm dhe qëndrimi ynë në arenën ndërkombëtare ishte parimor dhe i palëkundur. Ishte një vit sfidues, sidomos me vonesat në themelimin e institucioneve, por ishte po ashtu vit që na ka forcuar dhe na ka përgatitur të ecim përpara me më shumë besim dhe me më shumë përgjegjësi.

Në urimin e saj ajo thekso po ashtu se Viti 2026 që po vjen “na gjen me përgjegjësi të reja dhe me synime të qarta”.

“Synimi ynë mbetet një Kosovë akoma më e sigurt, akoma më e drejtë, akoma më e integruar dhe akoma më e zhvilluar. Një Kosovë ku ligji zbatohet njësoj për të gjithë, ku institucionet janë gjithnjë në shërbim të qytetarëve dhe ku çdo i ri dhe e re ka perspektivë për të ndërtuar të ardhmen me dinjitet në vendin e vet”, tha ajo.

Në këtë natë të veçantë, Ajo ka uruar qytetarët për shëndet, paqe dhe begati.

“Le të jetë viti 2026 një vit bashkëpunimi, përgjegjësie dhe suksesi për secilin prej jush dhe për Republikën. Le ta nisim vitin e ri me besim në vete, në njëri-tjetrin dhe në Kosovën tonë. Gëzuar Vitin e Ri 2026 me shëndet e plot momente gëzimi e feste, për ju dhe për Republikën e Kosovës!”, tha ajo.

/KosovaPress//r.e/

The post Urimi i Osmanit për Vitin e Ri: 2026-ta na gjen me përgjegjësi të reja dhe synime të qarta appeared first on Agjencia Telegrafike Shqiptare.

Këtë të hënë, me anë të një reagimi në llogarinë e tij personale në “Facebook”, Presidenti i Republikës Bajram Begaj, ka uruar Albin Kurtin për rezultatet fituese, në zgjedhjet e mbajtura në Kosovë.

Begaj nënvizon se qytetarët e Kosovës, shprehën vullnetin e tyre demokratik për institucionet e reja që do qeverisin vendin.

REAGIMI:

Urime Kosovë! Urime Albin Kurti!

Qytetarët e Kosovës shprehën vullnetin e tyre demokratik për institucione të reja që do të qeverisin vendin.

Uroj dhe besoj që kjo votë të shndërrohet në përgjegjësi institucionale, për t’i dhënë Kosovës dhe qytetarëve të saj një të ardhme të begatë, të drejtë dhe evropiane.

 

The post Zgjedhjet në Kosovë/ Presidenti Begaj mesazh urimi për Kurtin: Uroj që kjo votë të shndërrohet në përgjegjësi institucionale appeared first on Albeu.com.

TIRANË, 26 dhjetor/ATSH/ Korpusi i ri i Laboratorëve të Institutit të Shëndetit Publik, pritet të trefishojë kapacitetet laboratorike të këtij institucioni, me biosiguri sipas standardeve të BE-së.

Ministria e Shëndetësisë dhe Mirëqenies Sociale njoftoi sot se “në vitin që po troket do të nisë funksionimi i Korpusit të Laboratorëve”.

Korpusi i laboratorëve të referencës kombëtare të Institutit të Shëndetit Publik është ndërtuar në një sipërfaqe prej 2900 metrash katrorë. Ky korpus do ketë nivelin më të lartë të biosigurisë sipas standardeve të BE-së, ku trajtimi i agjentëve biologjikë me rrezik të lartë, do të bëhet në nivele të larta mbrojtjeje për shëndetin e specialistëve.

Ky investim i buxhetit të shtetit përmirëson parandalimin dhe kontrollin e sëmundjeve, rrit sigurinë shëndetësore kombëtare dhe forcon kërkimin shkencor në mbrojtje të shëndetit të qytetarëve.

Laboratorët do të pajisen edhe me aparatura të teknologjisë së fundit dhe me kushte bashkëkohore pune për ekspertët dhe stafin e ISHP-së duke garantuar përgjigje sa më efektive, në kohë dhe të sigurta për shëndetin publik.

Njëherësh, duke qenë në atmosferën festive të dhjetorit, specialistët dhe drejtuesit e disa departamenteve të ISHP-së përcollën në një video mesazhe urimi për të gjithë qytetarët, për një jetesë të shëndetshme, me më shumë aktivitet fizik, kujdes të shtuar për shëndetin mendor, ndërsa u bënë thirrje grave dhe vajzave për kryerjen e mamografive falas dhe testine HPV.

Prof. asoc. Dorina Toçi, drejtoreshë e përgjithshme e ISHP-së, u shpreh se “kujdesi për shëndetin është dhurata më e çmuar, për veten dhe familjen tonë”.

/e.i/r.e/a.f/

The post Në vitin 2026 nis funksionimi i Korpusit të Laboratorëve të ISHP-së appeared first on Agjencia Telegrafike Shqiptare.

TIRANË, 25 dhjetor/ATSH/ Kryetari i Kuvendit, Niko Peleshi, përcolli sot nga Korça urimet për besimtarët e krishterë me rastin e festës së Krishtlindjeve.

Në një prononcim për mediet, Peleshi tha se shoqëria shqiptare ka sot më shumë se kurrë nevojë për bashkim e mirëkuptim.

“Kënaqësi e veçantë që uroj Krishtlindjet për besimtarët ortodoksë dhe gjithë shqiptarët, siç e kemi zakon nga Korça, nga vendlindja ime, ku Krishtlindja festohet më bukur se kudo tjetër”, tha Peleshi.

“Korça është një kryeqytet i Krishtlindjes dhe më vjen mirë që këtë vit është frekuentuar edhe më tepër nga shqiptarë nga e gjithë Shqipëra që festojnë me njëri-tjetrin. Në këtë periudhë shoqëria shqiptare ka shumë nevojë për mesazhet që sjell Krishtlindja, për paqe dhe vëllazëri mes të gjithëve”, pohoi Peleshi.

/e.i/a.f/

The post Peleshi uron Krishtlindjen: Nevojë për paqe dhe vëllazëri mes të gjithëve appeared first on Agjencia Telegrafike Shqiptare.

TIRANË, 25 dhjetor/ATSH/ Ministri i Shtetit për Marrëdhëniet me Parlamentin, Toni Gogu ka ndarë sot një urim me rastin e Krishtlindjeve, duke publikuar një grafikë të realizuar nga i ati, Jorgaq Gogu në fillim të viteve ’90.

Në postimin e tij me grafikën e skenës së Lindjes së Krishtit, Gogu shprehet se ndonëse i ati nuk jeton më, kjo vepër artistike i kujton se dashuria nuk largohet kurrë, por lë gjurmë të forta dhe mbetet gjithmonë pranë njeriut.

“Gëzuar Krishtlindjen! Këtë skenë të Krishtlindjes e ka vizatuar im atë, Jorgaqi (Gaqo), në fillim të viteve ’90; ai nuk është më mes nesh, por kjo grafikë më kujton se dashuria nuk largohet kurrë, por lë gjurmë dhe na mban fort”, shkruan Gogu.

Në reflektimin e tij për festën e Krishtlindjes, ministri Gogu një besimtar i krishterë protestant thekson se kjo ditë përkujton afrimin e Perëndisë me njerëzit jo si një ide abstrakte.

“Sot festojmë se Perëndia na u afrua jo si ide, por si Njeri: Ai hyri në historinë tonë për të nisur ripërtëritjen, që të mos mbetemi rob të errësirës, fajit apo dëshpërimit”, tha Gogu.

Gogu e mbyll mesazhin e tij me urimin që kjo Krishtlindje të sjellë paqe në shtëpi, butësi në zemër dhe guxim për të nesërmen, sepse mëshira e Perëndisë e nis rishtas jetën, edhe aty ku shihet vetëm zbrazëti.

/e.i/a.f/

The post Gogu uron Krishtlindjen me grafikën e realizuar nga i ati appeared first on Agjencia Telegrafike Shqiptare.

Këtë të enjte, në një postim në rrjetet sociale, kryeministri i vendit Edi Rama, ka uruar besintarët e krishterë për festën e Krishtlindjes.

Rama ka zgjedhur të ndajë një pamje nga “Çeta e profetëve”.

Urimi i Ramës:

“MIRËMËNGJES dhe me këtë imazh të shkëputur nga frontespici i veprës monumentale të Pjetër Bogdanit, “Çeta e Profetëve”,
ju uroj Gëzuar Krishtlindjen!”, shkruan Rama.

 

The post Kryeministri Rama mesazh urimi për besimtarët e krishterë: Gëzuar Krishtlindjen appeared first on Albeu.com.

Pak ditë më parë, China Eastern Airlines nisi fluturimin më të gjatë komercial në botë, duke arritur deri në 29 orë midis nisjes dhe mbërritjes.

Udhëtimi - nga Aeroporti Pudong i Shangait në Kinë në Ezeiza International, Buenos Aires - mbulon rreth 20,000 kilometra, me një ndalesë dy-orëshe në Auckland, Zelanda e Re, për karburant dhe rotacion të ekuipazhit.

Por, ndërsa zyrtarisht merr titullin për udhëtimin më të gjatë, Qantas njoftoi planet për të hapur një itinerar të ri 22-orësh nga Sidnei në Londër në vitin 2027, dhe ka një numër fluturimesh ekzistuese që arrijnë bashkë pothuajse po aq kohë në ajër.

Bëhet fjalë për itineraret që i çojnë pasagjerët më larg, së bashku me gjërat e veçanta që ofron secila linjë ajrore për të ndihmuar në zvogëlimin e ndikimit të kalimit kaq gjatë në një aeroplan.

Lista e plotë e fluturimeve më të gjata në botë:

Singapore Airlines SQ23/SQ24

Ku shkon: Nju Jork (JFK) në Singapor (SIN)

Distanca: rreth 15,350 kilometra

Koha e fluturimit: 18 – 19 orë

Aeroplani: Airbus A350-900ULR

Përvoja gjatë fluturimit: Pasagjerët në këtë fluturim - i cili ishte më i gjati në botë para lansimit të China Eastern Airlines të ri - mund të presin vakte, ushqime të lehta dhe pije falas, së bashku me një përzgjedhje të gjerë argëtimi “për t'i mbajtur të zënë”.

Megjithatë, pajisjet janë më të mira në klasin biznes dhe më lart, nga ulëset e shtrira dhe setet e tualetit Le Labo deri te kufjet që anulojnë zhurmën, Wi-Fi dhe shtrati premium.

Për më tepër, ky aeroplan është i njohur për qetësinë dhe efikasitetin më të madh në karburant, me ndriçim të avancuar të kabinës.

Singapore Airlines SQ21/SQ22

Ku shkon: Newark (EWR) në Singapor (SIN)

Distanca: rreth 15,340 kilometra

Koha e fluturimit: 17.5 – 19 orë

Aeroplani: Airbus A350-900ULR

Përvoja gjatë fluturimit: Pajisjet e disponueshme në këtë fluturim janë të ngjashme me ato të mësipërme, megjithëse meqenëse ky zakonisht niset në mëngjes, pasagjerët zakonisht qëndrojnë zgjuar më gjatë.

Si i tillë, ka një fokus më të madh në vakte, argëtim dhe aktivitete.

Qatar Airways QR921

Ku shkon: Auckland (AKL) në Doha (DOH)

Distanca: rreth 14,800 kilometra

Koha e fluturimit: 17+ orë

Aeroplani: Boeing 777-200LR

Përvoja gjatë fluturimit: Edhe në klasin ekonomik, pasagjerët në këtë fluturim nga Zelanda e Re në Katar mund të shijojnë vakte dhe ushqime të plota, pije të pakufizuara - duke përfshirë pije alkoolike premium - dhe një gamë opsionesh argëtimi.

Prindërit mund të përfitojnë gjithashtu nga Oryx Kids Club, me komplete interaktive, lodra dhe një aplikacion me lojëra virtuale dhe përmbajtje dixhitale për fëmijë - shumë të nevojshme në një udhëtim kaq të gjatë.

Ndërkohë, udhëtarët që rezervojnë produktin kryesor të Katarit për udhëtime të gjata Qsuite (oferta e tij në klasën e biznesit) mund të kenë qasje në suita private, ndonjëherë me krevate dopio, por gjithmonë me shtrat, së bashku me shërbim ushqimi sipas kërkesës “à la carte”, kufje që anulojnë zhurmën, pizhame, produkte Diptyque në banjo dhe peshqirë të nxehtë.

Air New Zealand NZ1

Ku shkon: Nju Jork (JFK) në Auckland (AKL)

Distanca: 14,200 kilometra

Koha e fluturimit: 16.5 – 18 orë

Aeroplani: Boeing 787-9 Dreamliner

Përvoja në fluturim: 787 Dreamliner i përdorur për këtë fluturim ka lagështi më të lartë në kabinë dhe lartësi efektive më të ulët në kabinë sesa aeroplanët e vjetër, gjë që përmirëson rehatinë e pasagjerëve në një udhëtim kaq të gjatë.

Në klasin ekonomik, do të merrni të gjitha aksesorët e zakonshëm si vaktet, argëtimin, prizat USB dhe Wi-Fi, por ekziston mundësia për të përmirësuar në një divan ekonomik Skycouch, ku rreshti i vendeve të grupit tuaj shndërrohet në një divan të shtrirë.

Pasagjerët e klasit biznes mund të shijojnë gjithashtu avantazhe si shtretër të shtrirë, ngrënie premium, komplete tualeti, pizhame, zgjedhje falas të vendeve dhe përparësi të tjera.

Emirates EK449

Ku shkon: Dubai (DXB) në Auckland (AKL)

Distanca: rreth 14,000 kilometra

Koha e fluturimit: 17+ orë

Aeroplani: Airbus A380-800 (Emirates)

Përvoja gjatë fluturimit: Pajisjet standarde në këtë fluturim përfshijnë ekrane argëtimi, vakte dhe pije falas, kufje, batanije dhe jastëkë, së bashku me komplete tualeti të ripërdorshme që përmbajnë gjëra thelbësore si çorape dhe aksesorë dentarë.

Megjithatë, përparësitë specifike ndryshojnë pak në varësi të klasës së kabinës, ku pasagjerët e biznesit marrin më shumë hapësirë, ushqim, vende të shtrira dhe ndonjëherë sallone ose dushe në bord.

Klasi i parë merr trajtimin e vërtetë VIP, nga suitat private deri te “shërbimi derë më derë”.

Qantas QF9

Ku shkon: Perth (PER) në London Heathrow (LHR)

Distanca: 14,500 kilometra

Koha e fluturimit: 17+ orë

Aeroplani: Boeing 787-9 Dreamliner

Përvoja gjatë fluturimit: Të gjitha klasat kanë ekrane argëtimi personal dhe priza elektrike, me artikuj specifikë si pizhame.

Në mënyrë të ngjashme, pasagjerët e klasës biznes marrin shtretër plotësisht të sheshtë, kufje që anulojnë zhurmën, ushqime dhe pije premium, dhe qasje në WiFi, si dhe një lejim të bollshëm bagazhesh. /Telegrafi/

Ka nisur këtë të enjte fluturimi më i gjatë pa ndalesa në botë, një itinerar që mbulon rreth 20 mijë kilometra, lidh tre kontinente dhe zgjat 25 deri në 29 orë.

Ngjarja u njoftua nga kompania ajrore “China Eastern Airlines” dhe avioni u nis nga aeroporti Pudong i Shangait për në Auckland, Zelanda e Re, dhe destinacioni i tij përfundimtar është Buenos Aires në Argjentinë

Sipas linjës ajrore, itinerari kalon Hemisferat Lindore dhe Perëndimore, si dhe Hemisferat Veriore dhe Jugore, duke vendosur një rekord të ri botëror për fluturimin më të gjatë.

Veçse vendos një rekord të distancës më të gjatë pa ndërprerje, linja e re shkurton kohën totale të udhëtimit mes Kinës dhe Amerikës së Jugut me më shumë se katër orë.

Linja do të operohet dy herë në javë me fluturime vajtje-ardhje duke u bërë një korridor i ri jugor mbi Paqësor.

Kompania shpjegoi se për shkak të distancës së gjatë dhe kufizimeve në performancën e avionëve, fluturimet mes Kinës dhe Amerikës së Jugut deri më tani kanë kërkuar ndalesa të ndërmjetme.

Por itinerari i si ka vetëm një ndalesë në dy orëshe Acukland, por sërish konsiderohet pa ndërprerje sepse nuk ka ndryshim avionësh dhe qëllimi është vetëm që pasagjerët të mund të pushojnë.

TIRANË, 4 dhjetor/ATSH/- Presidenti Bajram Begaj, përcolli sot një mesazh drejtuar Forcave të Armatosura të Shqipërisë me rastin e 113-vjetorit të themelimit.

Presidenti Begaj, njëherësh dhe Komandat i Përgjithshëm i Forcave të Armatosura, vlerësoi angazhimin, përkushtimin dhe profesionalizmin e efektivëve të FARSH, si dhe suksesin e arritur  në shërbim të Shqipërisë dhe në të gjitha misionet e operacionet ndërkombëtare ku ata shërbejnë.

“Sot, në ditën e themelimit të Forcave të Armatosura, nderojmë me respekt kontributin, sakrificat dhe shërbimin e vyer të të gjithë efektivëve të FARSH që me atdhedashuri, besnikëri dhe disiplinë i kanë shërbyer atdheut në këto 113 vite. Forcat e Armatosura, me angazhimin, përkushtimin dhe profesionalizimin e tyre, kanë arritur me sukses të jenë në lartësinë e detyrës për sigurimin e pavarësisë dhe mbrojtjes së vendit”, shprehet Begaj

Kreu i Shtetit shprehu, gjithashtu, vlerësim për të gjitha vajzat, djemtë, gratë dhe burrat e FARSH për misionin fisnik të shërbimit ndaj atdheut.

“Pjesëmarrja në misione dhe operacione të NATO-s, BE-së dhe OKB-së na bën krenarë dhe kontribuues me vlera në sigurinë kolektive. Mirënjohje për çdo efektiv, vajza dhe djem, gra dhe burra të Forcave të Armatosura për shërbimin që i bëjnë atdheut”, shprehet Presidenti Begaj në mesazhin e urimit për Forcat e Armatosura.

The post Begaj uron 113-vjetorin e themelimit të Forcave të Armatosura appeared first on Agjencia Telegrafike Shqiptare.

Këtë të shtunë, përmes një postimi në rrjetet sociale, kryemiministri Edi Rama, ka uruar 81 vjetorin e Çlirimit të Shqipërisë nga forcat gjermane.

Teksa uroi shqiptarët për 29 Nëntorin, Rama u shpreh se është festë kombëtare.

Urimi i Ramës:

“MIRËMENGJES 🇦🇱 dhe me urimin për festën kombëtare të çlirimit, ju uroj të gjithëve një fundjavë të paqtë🫶”, shkroi Rama.

 

 

Këtë datë politika e feston të ndarë, pasi debati mbi largimin e ‘Gjermanit të fundit’ nga Shqipëria e vitit 1994, është ende i hapur, duke ndarë të dyja palët në festimin e Ditës së Çlirimit të vendit.

E djathta feston 28 nëntorin si ditën e Pavarësisë dhe të Çlirimit, ndërsa 29 nëntori është festë vetëm për të majtën.

Gjatë Luftës së Dytë Botërore, Ushtria Nacional Çlirimtare e Shqipërisë, zhvilloi kryengritje të armatosur kundër okupimit të Shqipërisë.

Prej 7 prillit të vitit 1939, Shqipëria kishte qenë e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane.

Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij.

Shkodra u çlirua më 29 nëntor të vitit 1944, datë kjo e cila shënon ditën e çlirimi të Shqipërisë.

The post Sot 29 Nëntori/ Kryeministri Rama: Urime festën kombëtare të Çlirimit appeared first on Albeu.com.

TIRANË, 28 nëntor/ATSH/ Në Spitalin Universitar Obstetrik Gjinekologjik “Mbretëresha Geraldinë”, festa e Pavarësisë ka “trokitur” në një mënyrë shumë origjinale dhe të veçantë.

Në formën e një urimi për festat e Nëntorit, SUOGJ “Mbretëresha Geraldinë”, me një video të realizuar me simbolet kombëtare në ambientet e këtij spitali, duke përcjellë mesazhin e rëndësishëm se “aty lind jeta”.

Kryeministri Edi Rama, ndau në rrjetet sociale këtë video, duke e etiketuar si një urim të veçantë nga Materniteti “Mbretëresha Geraldinë”.

Në festat e 28 dhe 29 Nëntorit, SUOGJ “Mbretëresha Geraldinë”, feston jo vetëm historinë, por edhe nisjen e çdo jete të re, që vjen në këtë botë me shpresë e dritë.

“Çdo foshnje që lind është shpresë, bekim dhe vazhdimësi për popullin dhe Kombin. Bekim për çdo jetë që lind”, thuhet në postimin e SUOGJ “Mbretëresha Geraldinë”.

/e.i/

The post Rama ndan urimin e veçantë nga stafi i maternitetit “Mbretëresha Geraldinë” appeared first on Agjencia Telegrafike Shqiptare.

TIRANË, 28 nëntor/ATSH/ Presidenti i Republikës, Bajram Begaj ka marrë këto ditë telegrame e letra urimi nga e gjithë bota për 28 Nëntorin, Ditën e Flamurit.

Udhëheqës të shteteve rajonale, evropiane dhe botërore kanë përcjellë përmes Presidentit Begaj urimet e tyre për këtë ditë të madhe të shqiptarëve.

Në telegramin e Kreut të Shtetit italian, Sergio Mattarella, shprehen urimet më të mira për Presidentin Begaj dhe për të gjithë popullin shqiptar.

Presidenti italian nënvizon me kënaqësi të veçantë miqësinë vëllazërore gjithnjë e më të madhe dhe gjithnjë e më të begatë mes dy vendeve. Ai thekson se kjo miqësi është spontane falë afërsisë gjeografike dhe është përforcuar nga rrënjë të përbashkëta historike, si dhe nga një partneritet politik dinamik bashkëpunimi në kuadër të Aleancës së Atlantikut dhe marrëdhënieve të frytshme ekonomike e kulturore. Po ashtu, vlerësohet në mënyrë të veçantë kontributi i komuniteteve shqiptare në Itali dhe i komunitetit italian në Shqipëri, si ura të gjalla miqësie mes dy popujve.

Në mesazhin e tij, Presidenti italian përgëzon, gjithashtu, përparimin domethënës që ka bërë Tirana gjatë këtij viti në rrugëtimin e saj drejt integrimit evropian. Italia riafirmon mbështetjen e saj të plotë dhe të qëndrueshme për Shqipërinë, duke inkurajuar aspiratën legjitime të saj për t’u bërë pjesë e BE-së.

Edhe presidenti i Republikës Federale të Gjermanisë, Frank-Walter Steinmeier, në telegramin e tij të urimit rikonfirmon mbështetjen për anëtarësimin e plotë të Shqipërisë në BE, ndërsa e cilëson vendin tonë një partner të ngushtë dhe të besueshëm për Gjermaninë.

“Ne e vlerësojmë angazhimin ndërkombëtar të vendit tuaj, në veçanti punën e tij aktive në Këshillin e të Drejtave të Njeriut të Kombeve të Bashkuara dhe përfshirjen e tij në Procesin e Berlinit për bashkëpunim rajonal në Ballkanin Perëndimor. Duke pritur Samitin e Komunitetit Politik Evropian dhe Konferencën e Mbrojtjes Kibernetike të NATO-s në Tiranë, Shqipëria ka marrë një përgjegjësi të veçantë.

Vendi juaj ka bërë përparim të jashtëzakonshëm vitet e fundit në rrugën drejt anëtarësimit në BE. Jam i bindur se proceset e nevojshme të reformave do të vazhdojnë të ndiqen vazhdimisht”, shkruan Frank-Walter Steinmeier, i cili garanton se Gjermania do të vazhdojë ta mbështesë Shqipërinë me të gjitha aftësitë e saj në rrugën drejt Bashkimit Evropian.

Presidenti turk Recep Tayyip Erdoğan, në mesazhin e urimit dërguar Presidentit të Republikës thekson se “marrëdhëniet e thella me partnerin tonë strategjik, Shqipërinë, si në nivel dypalësh, ashtu edhe në atë rajonal, po zhvillohen çdo ditë”. Erdogan shpreh besimin se ky bashkëpunim i palëkundur, i forcuar nga urat e dashurisë midis popujve tanë, do të bëhet edhe më i fortë, i qëndrueshëm dhe shumëdimensional në periudhën e ardhshme. “Besoj me gjithë zemër se bashkëpunimi midis Turqisë dhe Shqipërisë do të vazhdojë të kontribuojë në paqen, stabilitetin dhe zhvillimin në Ballkan”, shkruan Erdogan.

Presidenti i Kroacisë në urimet e tij thekson bisedën që ka zhvilluar me Presidentin Begaj përgjatë Samitit të Brdo-Brijuni-t të mbajtur në Tiranë. “Jam i kënaqur që shkëmbyem mendime mbi përparimin e mëtejshëm të Shqipërisë dhe vendeve të tjera të Evropës Juglindore në rrugën e tyre drejt Bashkimit Evropian, forcimin e stabilitetit dhe bashkëpunimit rajonal, si dhe sfidat aktuale globale që ndikojnë në sigurinë dhe zhvillimin e rajonit. Besoj se së bashku mund të kontribuojmë në arritjen e këtyre qëllimeve të rëndësishme”, shkruan Presidenti kroat Zoran Milanović.

Presidenti i Republikës, Bajram Begaj ka marrë gjithashtu telegrame urimi nga Kina, Arabia Saudite, Japonia, Estonia, Azerbajxhani, Emiratet e Bashkuara Arabe dhe të tjera telegrame vijojnë të mbërrijnë në zyrën e Kreut të Shtetit.

/e.i/r.e/

The post Mattarella, Steinmeier dhe Erdogan urojnë shqiptarët për festën e Pavarësisë appeared first on Agjencia Telegrafike Shqiptare.

Kryeministri Edi Rama ka uruar shqiptarët për 28 Nëntorin, në 113-vjetorin e Pavarësisë së Shqipërisë.

Rama ka zgjedhur që këtë urim ta bëjë nëpërmjet një foto-postimi të monumentit të Pavarësisë në Vlorë.

“MIRËMËNGJES dhe Gëzuar Ditën e Pavarësisë”, shkruan kryeministri Rama shkurtimisht në rrjetet sociale.

The post Kryeministri Edi Rama uron shqiptarët për 28 Nëntorin appeared first on Albeu.com.

Dy pasagjerë janë arrestuar pasi u përpoqën të ndiqnin aeroplanin e tyre në pistë, pasi kishin humbur fluturimin në Gjermani.

Sipas mediave të huaja, përcjell Telegrafi, dy burrat, të moshës 28 dhe 47 vjeç, u panë duke vrapuar nëpër pistën e aeroportit të Këlnit, Bonit, të premten në një përpjekje për të kapur një fluturim të Wizz Air.

Aeroplani, me destinacion Rumaninë, u pa me drita të kuqe të ndezura dhe motorë të ndezur, duke treguar se ishte në mes të nisjes së tij në orën 21:30.

Por dy burrat duket se i bënë sinjal pilotit se donin të hipnin në aeroplan.

Ndërkohë një punonjës i aeroportit u pa duke iu afruar burrave dhe duke ndërhyrë.

Pavarësisht vonesës, aeroplani arriti të ngrihej vetëm disa minuta më vonë dhe përfundoi duke u ulur përpara afatit në Bukuresht.

Policët gjermanë thanë se porta, B70, ishte mbyllur tashmë. Ata pretenduan se dy burrat thyen xhamin e një alarmi emergjence në orën 21:33 dhe shtypën një buton për të hapur derën e pistës.

Ndërsa zëdhënësi i policisë federale, Oliver Hünewinckell, i tha gazetës Bild: “Kundër burrave janë ngritur akuza penale për hyrje pa leje; një shkelje e Aktit të Sigurisë Ajrore është ende duke u hetuar”.

Një zëdhënës i aeroportit të Këlnit, Bonnit, i tha gazetës: “Mund të konfirmojmë se të premten në mbrëmje, dy pasagjerë fituan qasje të paautorizuar në platformë përmes një daljeje emergjente pasi kaluan kontrollin e sigurisë”.

“Të dy u kapën nga stafi i aeroportit dhe iu dorëzuan Policisë Federale. Aeroporti i Këlnit/Bonit ka filluar procedurat ligjore”.

“Siguria e aviacionit në aeroport nuk u kompromentua kurrë dhe operacionet e fluturimit nuk u prekën”. /Telegrafi/