FiLADELFIA, 16 dhjetor /ATSH-AFP/ – Arktiku ka kaluar vitin më të nxehtë të regjistruar ndonjëherë, sipas një raporti të publikua sot nga Agjencia Amerikane për Vëzhgimin Oqeanik dhe Atmosferik (NOAA), i cili paraqet një tablo alarmante për këtë rajon veçanërisht të ekspozuar ndaj pasojave të ngrohjes globale.

”Mes tetorit 2024 dhe shtatorit 2025, temperaturat ishin 1,6 gradë Celsius mbi mesataren e periudhës 1991–2020”, sipas raportit vjetor për Arktikun, i cili mbështetet në të dhëna që datojnë që nga viti 1900.

Tom Ballinger, bashkautor i studimit dhe studiues në Universitetin e Alaskës tha se ishte alarmante të shihej një ngrohje e tillë në një periudhë kaq të shkurtër, duke e cilësuar këtë prirje të paprecedent ndoshta edhe për mijëra vjet.

Viti i analizuar nga NOAA përfshin vjeshtën më të ngrohtë, dimrin e dytë më të ngrohtë dhe verën e tretë më të ngrohtë në Arktik që nga viti 1900.

Ky rajon, i cili përfshin Polin e Veriut, ndikohet nga një fenomen i quajtur ”amplifikim arktik”, që bën që ai të ngrohet më shpejt se gjerësitë gjeografike mesatare.

Ky mekanizëm lidhet me disa faktorë, përfshirë humbjen e dëborës dhe të akullit./ /Ad.Ab./

The post METEO – NOAA: Arktiku përjetoi vitin më të nxehtë të regjistruar ndonjëherë appeared first on Agjencia Telegrafike Shqiptare.

Sipas OBSH, pijet mbi 65°C lidhen me rrezik më të lartë për kancer të ezofagut, prandaj çaji nuk duhet pirë kurrë i vluar

Shumë njerëz besojnë se në ditët e ftohta të dimrit apo kur kanë dhimbje fyti, është më mirë të pinë çaj sa më të nxehtë. Por ky është një gabim i rrezikshëm.

Ekspertët shëndetësorë theksojnë se të gjitha lëngjet dhe ushqimet është më e shëndetshme t’i konsumojmë në temperaturë të vakët, sepse nxehtësia e tepërt irriton mukozën dhe dëmton barrierën natyrale të trupit kundër mikrobeve.

Çaji i vakët është më i mirë

Edhe pse një pije bimore e ngrohtë ndikon qetësues për trupin dhe në dukje lehtëson dhimbjen e fytit, mjekët këshillojnë që asnjëherë të mos konsumohen pije shumë të nxehta, mbi temperaturën e trupit. Kur mukozat irritohen nga vapa, ato bëhen më të brishta dhe mikroorganizmat (baktere, viruse, kërpudha) kanë më pak vështirësi për të depërtuar.

Kur indi i mukozës është i shëndetshëm, ai shërben si barrierë kundër infeksioneve. Por nëse kjo barrierë inflamohet ose dëmtohet nga nxehtësia, mikrobet futen më lehtë në hapësirën ndërqelizore, lidhen me receptorët e qelizave, shumohen dhe dëmtojnë indin. Kështu rritet rreziku për infeksione respiratore, bakteriale ose edhe mykotike, transmeton Telegrafi.

Pse është e rrezikshme të pini çaj shumë të nxehtë?

Dhimbja e fytit përkeqësohet – ashtu si kur vendosim diçka të nxehtë në lëkurë, edhe në mukozën e fytit nxehtësia shton irritimin dhe dhimbjen.

Dëmtime në ezofag – konsumimi i shpeshtë i pijeve shumë të nxehta mund të shkaktojë lezione prekanceroze në mukozën e ezofagut, të cilat lidhen me rrezik të shtuar për kancer të ezofagut. Sipas World Health Organization (WHO, 2016), pirja e pijeve mbi 65°C konsiderohet kancerogjene për ezofagun.

Rrezik në lukth – uji i valë zgjeron enët e gjakut në stomak dhe mund të shkaktojë gjakderdhje mikroskopike, duke e bërë organizmin më të ndjeshëm ndaj infeksioneve.

Roli i hidratimit

Gjatë ftohjeve ose gripit, është shumë e rëndësishme të pini lëngje për të shmangur dehidratimin, sidomos kur temperatura e trupit rritet. Por ekspertët theksojnë se çdo lëng duhet të merret në temperaturë të moderuar, pasi vetëm kështu ruhet funksioni mbrojtës i mukozës.

As shumë të ftohta, as shumë të nxehta

Ashtu siç nuk rekomandohen pijet e vluara, as pijet e akullta nuk janë të shëndetshme, sepse shoku termik mund të irritojë fytin dhe stomakun. Më e mira është që lëngjet dhe ushqimi të konsumohen në temperaturën e dhomës ose pak të ngrohtë, duke lejuar trupin t’i përthithë pa dëmtim. /Telegrafi/

Ditën e djeshme, një 2-vjeçare nga Shkodra është shtruar në spital për ndihmë mjekësore, pasi dyshohet se ra aksidentalisht në një enë me ujë të nxehtë.

Për pasojë e mitura pësoi djegie. Policia njofton se ngjarja ka ndodhur ditën e djeshme, 30 shtator, në lagjen “Skënderbeg” Shkodër, në banesat sociale ku qëndronte e mitura.

Pasi mori ndihmën e parë mjekësore në Spitalin Rajonal Shkodër, vajza u transportua në QSUT për ndihmë të specializuar.

Njoftimi i policisë:

Ditën e djeshme, në lagjen “Skënderbeg”, në banesat sociale, një fëmijë 2 vjeç, dyshohet se aksidentalisht ka rënë në një enë me ujë të nxehtë dhe ka pësuar djegie.

Pasi mori ndihmën e parë mjekësore në Spitalin Rajonal Shkodër, vajza u transportua në QSUT.

The post Ra në një enë me ujë të nxehtë, përfundon në spital 2-vjeçarja, e mitura ndodhej në banesat sociale appeared first on Albeu.com.

Spanja njoftoi se vera e vitit 2025 ishte më e nxehta në histori për këtë vend të Evropës jugore, i cili, si e gjithë zona e Mesdheut, po goditet rëndë nga ndryshimet klimatike.

Shërbimi kombëtar i motit “AEMET” njoftoi se vendi kishte një temperaturë mesatare prej 24.2°Celcius midis 1 qershorit dhe 31 gushtit, niveli më i lartë që nga fillimi i regjistrimeve në vitin 1961. Rekordi i mëparshëm ishte regjistruar në vitin 2022 me 24.1°C.

Kjo verë ishte gjithashtu 2.1°Celcius më e nxehtë se mesatarja kombëtare për periudhën 1991-2020.

Temperatura më e lartë ditore, 45.8°Celcius, u regjistrua më 17 gusht në Jerez de la Frontera, në jug të vendit, gjatë një vale të nxehti që përfshiu vendin.

Sipas Kombeve të Bashkuara, rajoni i Mesdheut po ngrohet 20% më shpejt se mesatarja globale.

Gjatë muajve të nxehtë, natyra spanjolle u dogj nga zjarret.

Një sipërfaqe rekord prej 38 000 hektarësh u shkatërrua nga flakët, duke tejkaluar rekordin e mëparshëm prej 306 000 hektarësh të regjistruar në vitin 2022, sipas të dhënave të Sistemit Evropian për Informacion mbi Zjarret në Pyje (EFFIS).

Shërbimi i motitshtoi se vera ishte veçanërisht e thatë, sidomos në rajonet veriperëndimore ku zjarret shkaktuan më shumë dëme.

Europa po ngrohet dy herë më shpejt se mesatarja globale që nga vitet 1980, sipas Shërbimit Evropian për Ndryshimet Klimatike Copernicus.

Shkencëtarët paralajmërojnë se ndryshimet klimatike po rrisin frekuencën dhe intensitetin e nxehtësisë dhe thatësisë, veçanërisht në jug të Evropës, duke e bërë rajonin më të ndjeshëm ndaj problemeve shëndetësore dhe zjarreve.

Shkaku kryesor i ndryshimeve klimatike mbetet djegia e lëndëve djegëse fosile, si benzina, nafta dhe qymyri.

Valët e nxehtësisë, thatësirat dhe përmbytjet që shënuan verën e vitit 2025 shkaktuan 43 miliardë euro humbje për ekonominë evropiane, sipas një studimi të botuar sot, i cili thekson se këto kosto janë vetëm fillimi.

Studimi, i udhëhequr nga Sehrish Usman i Universitetit të Mannheimit (Gjermani) me dy bashkautorë nga Banka Qendrore Evropiane, mbështetet si në të dhënat meteorologjike ashtu edhe në modelet ekonomike për të vlerësuar dëmin e shkaktuar nga ngjarjet ekstreme të motit, të bëra më të shpeshta dhe intensive nga ndryshimet klimatike.

Ai merr në konsideratë pasojat e drejtpërdrejta siç janë shkatërrimi i rrugëve, ndërtesave ose të korrave gjatë përmbytjeve, si dhe ato indirekte siç janë humbjet e prodhimit të shkaktuara nga koha që duhet për të rindërtuar një fabrikë, humbja e jetëve ose kostot e adaptimit.

”Ai përfshin gjithashtu ndikime afatgjata sepse kostoja e vërtetë e ngjarjeve ekstreme (…) shtrihet përtej efekteve të tyre të menjëhershme”, thekson Usman.

Për shembull, mungesa ose shkatërrimi i produkteve të caktuara për shkak të thatësirës mund të çojë në inflacion në një afat pak a shumë afatgjatë.

Duke marrë parasysh të gjithë këta elementë, studimi vlerëson se deri në vitin 2029, kostot makroekonomike të gjeneruara nga fatkeqësitë e verës së vitit 2025 mund të arrijnë në 126 miliardë euro.

Spanja, Franca dhe Italia dallohen si vendet më të prekura, secila duke u përballur me humbje që tejkalojnë 10 miliardë euro këtë vit.

Këto mund të kalojnë 30 miliardë euro në afat të mesëm, pasi kjo verë ishte një dëshmi e rritjes së valëve të nxehtësisë dhe thatësirave.

”Shifrat e humbjeve ekonomike të përpiluara përgjithësisht nga risiguruesit mbulojnë vetëm dëmet e shkaktuara në asetet fizike dhe nuk përfshijnë efekte të tjera indirekte, siç janë humbjet e produktivitetit që lidhen me nxehtësinë”, vënë në dukje ata.

LONDËR, 1 shtator /ATSH-AFP-DPA/ – Këtë vit, Britania e Madhe përjetoi verën e saj më të nxehtë të regjistruar ndonjëherë që nga fillimi i regjistrimeve në vitin 1884, duke thyer rekordin e mëparshëm të vendosur në vitin 2018, njoftoi sot Zyra Meteorologjike britanike.

Temperatura mesatare e regjistruar midis 1 qershorit dhe 31 gushtit ishte 16,10°Celcius, me katër valë të nxehti dhe një kulm prej 35,8°C elciusmë 1 korrik në Kent (Anglia Juglindore).

Periudhat e nxehtësisë intensive të këtij viti ishin gjithashtu relativisht të shkurtra dhe nuk vazhduan për aq kohë sa në verën përvëluese të vitit 1976, kur vende të shumta në të gjithë Anglinë përjetuan kushte të ngjashme me valën e nxehtësisë që zgjatën më shumë se dy javë.

Temperaturat arritën kulmin mbi 32 gradë në 16 ditë gjatë verës së vitit 1976, krahasuar me nëntë ditë në vitin 2025.

Meteorologia Emily Carlisle, tha se “ngrohtësia e vazhdueshme këtë vit është nxitur nga një kombinim faktorësh, duke përfshirë dominimin e sistemeve me presion të lartë, detet jashtëzakonisht të ngrohta rreth Mbretërisë së Bashkuar dhe tokat e thata”.

“Këto kushte kanë krijuar një mjedis ku nxehtësia grumbullohet shpejt dhe zgjat, me temperatura maksimale dhe minimale dukshëm mbi mesataren”, theksoi ajo./ /Ad.Ab./

The post METEO – Britania e Madhe përjetoi verën më të nxehtë të regjistruar ndonjëherë appeared first on Agjencia Telegrafike Shqiptare.

Vala e zgjatur e të nxehtit nordik në korrik u përkeqësua shumë nga kriza klimatike dhe tregon se “asnjë vend nuk është i sigurt nga ndryshimet klimatike”, thonë shkencëtarët.

Suedia duroi 10 ditë radhazi me “netët tropikale”, kur temperaturat nuk ranë nën 20C (68F)

Ngrohja globale, e shkaktuar nga djegia e lëndëve djegëse fosile, e bëri valën e të nxehtit të paktën 10 herë më të mundshme dhe 2 gradë Celsius më të nxehtë, thanë shkencëtarët.

Disa nga të dhënat e motit dhe modelet klimatike të përdorura në analizën e tyre treguan se vala e të nxehtit do të kishte qenë e pamundur pa përkeqësimin e klimës të shkaktuar nga njeriu.

Nxehtësia pati efekte të gjera, me spitalet që i mbinxehën dhe u mbipopulluan, dhe disa u detyruan të anulonin ndërhyrjet kirurgjikale të planifikuara.

Të paktën 60 persona u mbytën ndërsa noti në natyrë u rrit, teksa lulëzuan algat toksike në dete dhe liqene.

Qindra zjarre u dogjën në pyje dhe u raportua se njerëz u alivanosën në ngjarjet e sezonit të festave.

Në valën e fundit të madhe të të nxehtit në rajon, në vitin 2018, 750 njerëz vdiqën herët vetëm në Suedi dhe shkencëtarët parashikojnë një numër të ngjashëm viktimash pasi të përpunohen të dhënat.

Edhe jeta e egër u prek, veçanërisht drerët e famshëm të gadishullit skandinav.

Disa kafshë ngordhën nga vapa dhe të tjera hynë në qytetet duke kërkuar hije. Shoferët u paralajmëruan se drerët mund të kërkonin të freskoheshin në tunelet rrugore.

Pjesa më e madhe e hemisferës veriore ka përjetuar valë të nxehti në javët e fundit.

Kjo përfshin Mbretërinë e Bashkuar, Spanjën dhe Kroacinë, ku shkatërrimi nga zjarret është pothuajse dyfishi i mesatares 20-vjeçare, si dhe SHBA-në, Japoninë dhe Korenë e Jugut.

Shkencëtarët janë të sigurt se kriza klimatike e ka intensifikuar këtë mot ekstrem.

Prof. Friederike Otto, një klimatologe në Imperial College London, e cila drejton bashkëpunimin World Weather Atribution (WWA), i cili bëri analizën nordike, tha: “Edhe vendet relativisht të ftohta skandinave po përballen me valë të rrezikshme të nxehtësisë sot me 1.3 gradë Celsius ngrohje – asnjë vend nuk është i sigurt nga ndryshimet klimatike.”

“Djegia e naftës, gazit dhe qymyrit po vret njerëz sot. Lëndët djegëse fosile po e rëndojnë motin ekstrem dhe për të ndaluar që klima të bëhet më e rrezikshme, duhet të ndalojmë djegien e tyre dhe të kalojmë në energji të rinovueshme.”

Valët e të nxehtit si ajo në Skandinavi do të bëhen pesë herë më të shpeshta deri në vitin 2100 nëse ngrohja globale arrin 2.6 gradë Celsius, që është trajektorja e sotme.

Maja Vahlberg, një eksperte suedeze në Qendrën e Klimës së Kryqit të Kuq dhe Gjysmëhënës së Kuqe, tha: “Ky korrik na kujtoi se në veri, nxehtësia nuk është një kërcënim i largët, por po depërton në spitale, institucione kujdesi dhe shtëpi.

Infrastruktura jonë nuk është ndërtuar për t’i bërë ballë këtyre temperaturave ekstreme dhe popullsia jonë në plakje është gjithnjë e më e ndjeshme ndaj nxehtësisë së rrezikshme.”

«Pashë një dre të qëndronte në të njëjtën zonë me hije për tre ditë rresht pa kullotur, një shenjë e qetë e tendosjes që po shkaktonte nxehtësia», tha ajo.

Studimi i shpejtë i WWA-së mbi rolin e ngrohjes globale të shkaktuar nga njeriu në valën e të nxehtit nordik krahasoi mundësinë e temperaturave të larta në klimën më të nxehtë të sotme me atë në periudhën më të ftohtë paraindustriale, duke u përqendruar në periudhën më të nxehtë dy-javore në secilin vend.

Studimi zbuloi se edhe rritja relativisht e vogël prej 0.2 gradë Celsius e temperaturës globale që nga viti 2018 kishte dyfishuar mundësinë e valëve të tilla të nxehtësisë, duke treguar se çdo pjesë e gradës kishte rëndësi, thanë shkencëtarët.

“Ndryshimi i klimës po e riformëson në thelb botën në të cilën jetojmë”, tha Dr. Clair Barnes, në Imperial College London.

Një aspekt mbresëlënës i valëve të të nxehtit ishte numri i netëve tropikale.

“Në një stacion në Suedinë veriore, patëm 10 ditë të tilla në fund të korrikut, gjë që është e jashtëzakonshme”, tha Prof Erik Kjellström, në Institutin Meteorologjik Suedez.

Amalie Skålevåg, në Institutin Meteorologjik Norvegjez, tha: “Netët e nxehta mund të jenë të rrezikshme kur trupi nuk ka mundësi të pushojë dhe të rikuperohet pas një dite të nxehtë, dhe kjo është veçanërisht e vërtetë për njerëzit me probleme shëndetësore.”

Efektet e valës së të nxehtit tek drerët kërcënojnë jetesën e komuniteteve indigjene Sami, të cilat i kanë kullotur ata për më shumë se 1,000 vjet.

“Çrregullime të tilla kërcënojnë gjithashtu shëndetin [e Samive] dhe të drejtën e tyre për të mbështetur një mënyrë jetese – kjo e bën ndryshimin e klimës një çështje të të drejtave të njeriut”, tha Vahlberg./ The Guardian.

The post ‘Asnjë vend s’është i sigurt’/ Alarmi i shkencëtarëve: Vala vdekjeprurëse e të nxehtit nordik e mbingarkuar nga kriza klimatike appeared first on Albeu.com.

PARIS, 11 gusht /ATSH/- Një valë e të nxehtit përvëlues përfshiu sot Francën jugperëndimore, me temperatura deri në 43 gradë Celsius në rajonet, Charente dhe Aude, sipas AP.

Në Aude – një mozaik vreshtash dhe shkurresh mesdhetare – qindra zjarrfikës luftuan me flakët pas shpërthimit të një zjarri masiv që dogji 16,000 hektarë tokë, javën e kaluar.

Zyrtarët thanë se flakët janë nën kontroll, por paralajmërojnë se zjarri nuk do të shuhet plotësisht për javë të tëra.

Autoriteti kombëtar i motit, “Meteo-France” lëshoi alarmin e kuq në 12 rajone -paralajmërimi më i lartë i Francës – për shkak të nxehtësisë së jashtëzakonshme që ka përfshirë bregun e Atlantikut deri në fushat mesdhetare.

Alarmi i kuq është lëshuar tetë herë që nga viti 2004 – pas një vere të nxehtë vdekjeprurëse, një vit më parë.

Vala e të nxehtit, e dyta në Francë, filloi të premten dhe pritet të zgjasë gjithë javën – deri më 15 gusht. //a.i/

The post METEO – Franca Jugperëndimore përfshihet nga një valë e të nxehtit appeared first on Agjencia Telegrafike Shqiptare.

FRANKFURT, 11 gusht /ATSH-DPA/ – Gjermania po përgatitet për një valë të nxehti me parashikimet që paralajmërojnë se temperaturat mund të arrijnë rreth 40 gradë Celsius deri në mesin e javës.

Shërbimi Gjerman i Motit (DWD) njoftoi se i nxehti do të shtohet gradualisht, përpara se të mbërrijnë shirat në fund të javës, duke sjellë njëfarë freskimi.

DWD paralajmëron për “probleme të mëdha nga i nxehti” në disa zona të jugperëndimi të vendit  Pjesa më e madhe e vendit do të mbetet me diell, megjithëse mund të ketë reshje të izoluara mbi zonat malore jugore.

Kjo periudhë e të nxehtit pritet të zgjasë deri të premten,  kur do të ritet mundsia për rreshje shiu. /Ad. Ab./

The post METEO – Gjermania përgatitet për një valë të nxehti me temperatura rreth 40 gradë appeared first on Agjencia Telegrafike Shqiptare.

Korriku i këtij viti ishte i treti më i nxehtë në histori mes të njëjtëve muaj pararendës, sipas agjencisë europiane të monitorimit të ndryshimeve klimatike. Në raportin më të ri thuhet, megjithatë, se muaji i kaluar ndali serinë 2-vjeçare të muajve që thyejnë rekordet e pararendësve për nxehtësinë. Korriku 2025 ishte 1.25 gradë Celsius më […]

The post Muaji Korrik i këtij viti, i treti më i nxehtë në histori appeared first on BoldNews.al.

Ndryshimet klimatike kanë bërë që shprehja “gusht e gunë” të mos gjejë më zbatim në Shqipëri. Kjo pasi, duke nisur nga fundjava, vendi ynë do të goditet nga një tjetër valë e të nxehtit afrikan me temperatura 40 gradë në hije. “Do të vijojnë gradualisht të rriten temperaturat e ajrit si pasojë e kësaj vale […]

The post Nuk ka më “gusht e gunë”, bëhuni gati për 40 °C/ Sinoptikanët: Ja deri kur zgjat vala e të nxehtit appeared first on BoldNews.al.

Teksa ditë më parë Portugalia dhe Spanja u përballën me zjarre të shumta të nxitura nga temperaturat e larta, erërat e forta dhe kushtet e thata, një video me interval kohor të temperaturës në Spanjë dhe Portugali tregon se këto vende do të arrijnë deri në 40 gradë Celsius në ditët në vijim. Sipas agjencisë […]

The post Temperaturat përvëluese, gjendje alarmi në Spanjë e Portugali appeared first on BoldNews.al.

Temperaturat përvëluese që kanë përfshirë vendin këto ditë, po rrezikojnë seriozisht shëndetin e qytetarëve.

Sot pritet dita më e nxehtë. Kjo situatë ka sjellë fluks pacientësh në urgjencat spitalore, ndërsa mjekët apelojnë për kujdes të shtuar. Janë të moshuarit, fëmijët dhe personat me sëmundje kronike, më të rrezikuarit nga i nxehti. Në Urgjencën e Durrësit, mjekët kanë pasur raste me simptoma të goditjes nga dielli dhe dehidratimit.

Për të shmangur problemet shëndetësore, mjekja Bonjaku jep disa këshilla të thjeshta, por thelbësore.

Këshillat vlejnë edhe për pushuesit në plazhe, ku ekspozimi i gjatë ndaj rrezeve të diellit mund të shkaktojë probleme serioze, përfshirë djegiet e lëkurës dhe gjendjet e të fikëtit nga nxehtësia.

Në këtë valë të fortë të nxehti, kujdesi ndaj vetes dhe të tjerëve është më i rëndësishëm se kurrë. Mjekët theksojnë se parandalimi është masa më e mirë.

The post Mjekët tregojnë se çfarë duhet të kemi kujdes në plazh në ditët e nxehta appeared first on iconstyle.al.

Ditën e sotme, temperaturat pritet të arrijnë kulmin sot, me vlera deri në 43°C në qarqet Tiranë, Gjirokastër, Berat dhe Elbasan, ndërsa në Kukës mund të shkojnë deri në 41°C.

Kushtet ekstreme të motit, shoqërohen me rrezik të lartë për shpërthim zjarresh në të gjithë territorin.

Një ditë më parë, situata më e rëndë u regjistrua në Delvinë, ku disa fshatra u përfshinë nga flakët. Janë djegur banesa dhe sipërfaqe të mëdha me pemëtari, ndërsa mbi 2 mijë banorë u evakuuan.

Zjarri, i favorizuar nga era, është përhapur drejt Borshit, ndërkohë që vatra aktive janë regjistruar edhe në malin e Dukatit.

The post Sot dita më e nxehtë, rrezik maksimal për zjarre në të gjithë vendin appeared first on Albeu.com.

E premtja dhe e shtuna janë ditët më të nxehta jo vetëm të kësaj jave, por edhe të muajit korrik. Meteorologët parashikojnë që termometri do të shënojë vlerën maksimale prej 44 gradë Celsius. Temperaturat përvëluese pritet të shfaqen në disa qarqe, si Berati, Elbasani, Fieri, por edhe Tirana. Krejt ndryshe do të jenë kushtet e […]

The post E shtuna, ditë “ferri”! Temperaturat do të shkojnë deri në 44°C appeared first on BoldNews.al.

TIRANË, 23 korrik/ATSH/ Shërbimi Meteorologjik Ushtarak bëri të ditur se ditën e mërkurë vendi ynë do të ndikohet nga kushte atmosferike të qëndrueshme.

Moti parashikohet i kthjellët në pjesën më të madhe të territorit dhe orë të plota me diell.

Era do të fryjë me drejtim veriperëndim – jugperëndim me shpejtësi mesatare 7 m/s, ndërsa përgjatë vijës bregdetare dhe në zonat luginore era hera-herës do të fitojë shpejtësi 8-12 m/s, shoqëruar me valëzimin në dete të forcës 1-2 ballë.

Temperaturat parashikohen:

The post E mërkurë 23 korrik, mot i nxehtë me temperatura deri në 40°C appeared first on Agjencia Telegrafike Shqiptare.

PRISHTINË, 20 korrik /ATSH/ Një javë e nxehtë parashikohet të përfshijë Kosovën ditët në vijim.

Kjo situatë vjen si pasojë e masave të nxehta të ajrit të ardhura nga pjesa e Afrikës Veriore.

Këto masa ajrore, të cilat karakterizohen nga temperatura shumë të larta dhe përmbajtje të ulët të lagështisë, janë rezultat i qarkullimeve atmosferike që favorizojnë zhvendosjen e ajrit tropikal drejt veriut.

Ky fenomen meteorologjik shfaqet shpesh gjatë muajve të verës dhe zakonisht shoqërohet me rritje ekstreme të temperaturave, ulje të ndjeshme të reshjeve, si dhe rrezik të shtuar për thatësirë dhe zjarre në zona pyjore dhe fusha bujqësore. Temperaturat mund të tejkalojnë lehtësisht vlerat mesatare sezonale, duke shkaktuar valë të nxehti që ndikojnë negativisht në shëndetin publik.

Sipas IMHK indeksi UV  (ultraviolet) do të jetë i lartë, prandaj këshillohet që nga ora 9-17 të kufizohet ekspozimi në rrezet të diellit, sidomos personat në moshë, fëmijët dhe personat me sëmundje kronike.

/KosovaPress/

The post I nxehti afrikan, Kosova përballet me temperatura të larta javën e ardhshme appeared first on Agjencia Telegrafike Shqiptare.

Ndërsa britanikët marrin frymë lirisht pas zbutjes së valës së tretë të të nxehtit në vitin 2025, shumë po pyesin veten nëse kjo periudhë moti ekstrem është “normalja e re” nën ndryshimet klimatike.

I publikuar këtë mëngjes, raporti vjetor i vlerësimit të klimës i Zyrës Meteorologjike e konfirmon këtë: nivelet bazë po ndryshojnë, rekordet thyhen më shpesh dhe nxehtësia dhe reshjet ekstreme po “bëhen normë”, transmeton Telegrafi.

Tre vitet e fundit kanë qenë më të nxehtat e regjistruara në Mbretërinë e Bashkuar – me vitin 2024 vitin e katërt më të ngrohtë në të dhënat që datojnë që nga viti 1884.

Viti i kaluar ishte më i nxehti i regjistruar në nivel global, pasi emetimet e gazrave serrë nga djegia e gazit, naftës dhe qymyrit vazhdojnë të rriten, duke ngrohur atmosferën.

“Çdo vit që kalon është një tjetër hap lart në trajektoren e ngrohjes në të cilën ndodhet klima jonë”, thotë Mike Kendon, shkencëtar i klimës në Zyrën Meteorologjike dhe autor kryesor i raportit të Klimës për Gjendjen e Mbretërisë së Bashkuar.

“Vëzhgimet tregojnë se klima jonë në Mbretërinë e Bashkuar tani është dukshëm e ndryshme nga ajo që ishte vetëm disa dekada më parë. Tani po shohim rekorde që thyhen shumë shpesh, ndërsa shohim ekstreme të temperaturës dhe reshjeve që preken më shumë nga klima jonë në ndryshim”, shtoi ai.

Sa është ngrohur Mbretëria e Bashkuar?

Mbretëria e Bashkuar është ngrohur me një shpejtësi prej afërsisht 0.25°C për dekadë që nga vitet 1980, me dekadën më të fundit (2015-2024) 1.24°C më të ngrohtë se 1961-1990, tregon raporti.

Ai bazohet në vëzhgime nga një rrjet prej disa qindra stacionesh meteorologjike në të gjithë vendin, të cilat kanë të dhëna për temperaturën dhe reshjet që shtrihen që nga shekulli i 19-të.

Numri i ditëve me temperatura 5°C mbi mesataren 1961-1990 është dyfishuar për dekadën më të fundit krahasuar me 1961-1990. Për 8°C mbi mesataren numri është trefishuar dhe për 10°C është katërfishuar.

“Ky ritëm ndryshimi dhe grumbullimi i të dhënave të njëpasnjëshme nuk është një ndryshim natyror në klimën tonë”, thekson Kendon.

“Studime të shumta kanë treguar se si emetimet njerëzore të gazrave serrë po e ngrohin atmosferën dhe po ndryshojnë motin që përjetojmë në tokë. Klima jonë në Mbretërinë e Bashkuar tani është dukshëm e ndryshme nga ajo që ishte vetëm disa dekada më parë, kjo është e qartë nga vëzhgimet tona”, shtoi Kendon.

A po bëhet më e lagësht Mbretëria e Bashkuar?

Ndërsa klima e Mbretërisë së Bashkuar ngrohet, ajo po bëhet edhe më e lagësht, sepse çdo 1°C i mundëson atmosferës të mbajë rreth 7 përqind më shumë lagështi – duke çuar në reshje më të dendura shiu.

Raporti tregon se rritja e reshjeve në Mbretërinë e Bashkuar është tërësisht për shkak të një tendence rritëse në gjysmën e vitit të dimrit, nga tetori në mars. Për vitet 2015-2024, gjysma e vitit të dimrit është tani 16 përqind më e lagësht se sa ishte në vitet 1961-1990.

Periudha nga tetori 2023 deri në mars 2024 ishte gjysma e vitit të dimrit më e lagësht e regjistruar ndonjëherë për Anglinë dhe Uellsin në mbi 250 vjet, duke shkaktuar përmbytje të përhapura në Skocinë lindore, Derbyshire, Nottinghamshire dhe Midlands Perëndimore.

Të kuptuarit e trajektores rritëse për temperaturën e lartë dhe reshjet e shiut është jetike, thonë shkencëtarët, pasi këto ekstreme të motit kanë tendencë të shkaktojnë ndikimet më të mëdha në formën e përmbytjeve dhe valëve të nxehtësisë.

“Po përjetojmë ngjarje më të rënda të motit në Mbretërinë e Bashkuar për shkak të ndryshimeve klimatike”, thotë shkencëtari kryesor i Met Office, profesor Stephen Belcher.

“Ato janë një kujtesë e fuqishme e përgjegjësisë sonë ndaj qytetarëve tani dhe ndaj brezave të ardhshëm, për të përshpejtuar përpjekjet për të përshtatur shoqërinë dhe infrastrukturën tonë për t’u përballur me këto ekstreme të motit”, shtoi Belcher.

Vëzhgimet aktualisht nuk sugjerojnë që Mbretëria e Bashkuar po bëhet më erëra ose më e stuhishme, megjithëse stuhitë patën një ndikim shkatërrues në vitin 2024. Paralajmërime të kuqe u lëshuan për stuhinë Isha në janar dhe stuhinë Darragh në dhjetor, vëren raporti; një kujtesë se stuhi të tilla janë një pjesë e brendshme e klimës për shkak të pozicionit të Mbretërisë së Bashkuar në rrugën e stuhive të Atlantikut.

Niveli i detit në Mbretërinë e Bashkuar po rritet më shpejt se mesatarja globale

Për herë të parë, raporti thekson gjithashtu se si niveli i detit në Mbretërinë e Bashkuar po rritet më shpejt se mesatarja globale.

Të dhënat e matësve të baticave që nga vitet 1900 ofrojnë prova vëzhguese se rritja e nivelit të detit rreth Mbretërisë së Bashkuar po përshpejtohet, me dy të tretat e rritjes së vëzhguar të nivelit të detit gjatë asaj periudhe që kanë ndodhur vetëm gjatë tre dekadave të fundit.

Kjo përkeqëson ndikimin e stuhive – siç është stuhia Kathleen në prill 2024, e cila përkoi me baticat pranverore dhe u ndikua nga nivelet e larta mesatare të detit në sfond.

“Ngjarjet e valëve të stuhive që përjetoi Mbretëria e Bashkuar në vitin 2024 demonstrojnë potencialin që Mbretëria e Bashkuar të preket nga përmbytjet bregdetare”, thotë Dr. Svetlana Jevrejeva nga Qendra Kombëtare e Oqeanografisë.

“Ndërsa nivelet e detit vazhdojnë të rriten rreth Mbretërisë së Bashkuar, ky rrezik vetëm do të rritet më tej”, shton ajo, dhe “siç e dimë nga ngjarjet historike, është vetëm çështje kohe derisa Mbretëria e Bashkuar të jetë e radhës në rrugën e një ngjarjeje të madhe valësh stuhie”.

Shenja të tjera të ndryshimit të klimës në Mbretërinë e Bashkuar

Edhe pse të gjithë britanikët janë të ndjeshëm ndaj valëve të nxehtësisë në verë, për dashamirësit e natyrës që janë të vëmendshëm, shenjat e ndryshimit të klimës janë të shumëfishta.

Koha e aktivitetit sezonal në bimë dhe kafshë (e njohur si fenologji) është regjistruar në Mbretërinë e Bashkuar nga një rrjet vullnetarësh. Të dhënat e tyre tregojnë se pranvera e vitit 2024 ishte më herët se mesatarja për 12 nga 13 ngjarjet e pranverës të monitoruara.

Ishte gjithashtu më e hershmja në seri (nga viti 1999-2024) si për shfaqjen e vezëve të bretkosave ashtu edhe për folezimin e mëllenjave.

“Duke parë të dhënat e fenologjisë, mund të shohim shembuj se si natyra po i përgjigjet si motit, në afat të shkurtër, ashtu edhe klimës, në afat të gjatë”, thotë Dr. Judith Garforth nga Woodland Trust.

“Për shembull, moti veçanërisht i ngrohtë në shkurt të vitit 2024 rezultoi në shikimin më të hershëm mesatar të vezëve të bretkosave në Mbretërinë e Bashkuar që nga fillimi i serisë në vitin 1999; por në planin afatgjatë, lulëzimi i lajthisë, i cili mund të ndodhë që në dhjetor, po fillon të tregojë një trend në rritje gjatë të gjithë 26 viteve të serisë së të dhënave”, shtoi Garforth.

“Ky raport nuk është vetëm një regjistrim i ndryshimit, por një thirrje për veprim”, thotë Profesor Liz Bentley, Drejtore Ekzekutive e Shoqërisë Mbretërore Meteorologjike.

“[Ai] tregon qartë se sa shpejt po evoluon klima jonë për të informuar politikat, planifikimin e qëndrueshmërisë dhe përshtatjen”, shtoi për fund Bentley. /Telegrafi/

The post Valët e të nxehtit, përmbytjet dhe rritja e nivelit të detit – si po rriten ekstremet e motit në Mbretërinë e Bashkuar? appeared first on Telegrafi.

Moti parashikohet i kthjellët në pjesën më të madhe të territorit si dhe vranësira të pakta deri mesatare kalimtare në relievet malore në lindje në orët e mesditës deri ato të pasdites.

Sipas Shërbimit Meteorologjik Ushtarak, Elbasani, Berati dhe Gjirokastra pritet të shënojnë nesër temperaturat më të larta që do të arrijnë deri në 38 gradë celcius.

Era do të fryjë me drejtim jugperëndim – juglindje me shpejtësi mesatare 8 m/s, në lugina dhe bregdet hera-herës fiton shpejtësi 10-14 m/s, ndërsa valëzimi në det do të jetë 2-3 ballë.

The post Diell ‘përvëlues’ dhe vapë ekstreme! Këto 3 qytete do të shënojnë temperaturat më të larta ditën e nesërme appeared first on Sot News | Lajme.

Një fenomen i rrallë natyror ka goditur Turqinë këtë të premte, ku reshjet e dëborës mbuluan disa rajone të verilindjes së vendit, ndërkohë që pjesa tjetër e territorit po përjeton temperatura ekstreme dhe përballje me zjarre masive. Sipas raportimeve të mediave lokale, dëbora e pazakontë për muajin korrik ra mbi zonat malore, duke krijuar një kontrast të thellë […]

The post E pazakontë/ Verilindja e Turqisë përfshihet nga dëbora, teksa vendi digjet nga i nxehti dhe zjarret appeared first on BoldNews.al.