Nuk ka qenë aspak një idil. U mendua se Kristian Asllani do të kishte oksigjen në karrierën e tij kur Interi e huazoi tek Torino, por për fat të keq kjo nuk po ndodh.
Edhe pse mesfushori ka qenë ndër më të mirët te kombëtarja shqiptare gjatë gjithë periudhës së fundit, në Serinë A po has probleme.
Ai u la në stol në ndeshjen e kësaj fundjave, që skuadra “granata” e fitoi 3-0 në fushën e Veronës, ndërsa krejt ndryshe ndodhi me Ardian Ismajlin.
Mbrojtësi I Shqipërisë ishte titullar, luajti deri në fund dhe shërbeu asistin e golit të tretë në minutat shtesë. Ndërkaq, duke qenë muaji janar, janë shtuar zërat se Asllani mund të largohet.
Drejtori sportiv I Torinos, Xhanluka Petraki, deklaroi për Skaj Sportin se pritet shumë më tepër nga futbollisti, duke e quajtur një lojtar të rëndësishëm, por që duhet të jetë më agresiv për të fituar vendin në formacion.
Nuk përjashtohet përfundimi I huazimit në janar dhe kthimi tek Interi, ndonëse administratori I deleguar zikaltër, Bepe Marota, tha për “DAZN”-in se nuk ka folur me klubin piemontez, ndërsa shtoi se nëse ndodh që huazimi të ndërpritet, do të përpiqen për t’i gjetur Asllanit një ekip tjetër, pasi nuk bën pjesë në planet e trajnerit Kivu.
Torino u rikthye te fitorja në Serinë A, pasi mposhti pastër 3-0 skuadrën e Hellas Verona në transfertë, në duelin e javës së 18-të. Për miqtë, nuk luajti për asnjë minutë Kristjan Asllani. Për shqiptarin përflitet se mund të largohet nga skuadra granata që këtë merkato, për tu rikthyer të Interi, klub që zotëron kartonin […]
Torino regjistroi dy fitore radhazi jashtë fushe në kampionat për herë të parë që nga shtatori i vitit 2024, pasi mposhti Veronën me rezultatin 0-3 në stadiumin “Marc’Antonio Bentegodi” në Serie A.
Protagonist në këtë duel ishte dhe mbrojtësi i Kombëtares, Ardian Ismajli, i cili jo vetëm që ishte i pakalueshëm në repartin ofensiv, por edhe asistoi për golin e tretë të shënuar nga Njie në minutën 90+1’, duke u shndërruar kështu në një lider. Për sa i përket Kristjan Asllanit, mesfushori shqiptar nuk u preferua në këtë duel, duke qëndruar në stol.
Para kësaj jave, duelet e Torinos në Serie A kishin një mesatare prej 1.47 golash për ndeshje para pushimit të pjesës së parë, më e larta në kampionat këtë sezon, dhe nisja e shpejtë e takimit e shpjegoi qartë këtë statistikë.
Si pasojë e këtij rezultati, Verona tani është pa fitore në 13 përballjet e fundit direkte (8 barazime, 5 humbje) dhe vazhdon të mbetet në mënyrë shqetësuese në zonën e rënies nga kategoria.
Viti 2025 ka qenë një vit i paharrueshëm për shoubizin shqiptar, një vit që përmbledh ngjarje të forta, emocione të jashtëzakonshme dhe momente që tronditën publikun.
Estrada shqiptare nuk ka qenë kurrë kaq dinamike, duke lëvizur nga periudha të qeta dhe përgatitjeje deri te skandale të papritura, performanca të mëdha dhe tragjedi personale që kanë lënë gjurmë të thella.
Artistët shqiptarë treguan edhe një herë se jeta e tyre profesionale dhe private janë të ndërlidhura dhe shpesh gjenerojnë lajm, debat dhe polemikë.
Muajt e parë të vitit kaluan në heshtje, duke shërbyer si periudhë përgatitore për sezonin e verës, ku shumica e artistëve punuan pas skenave në projekte të reja muzikore dhe koncerte.
Por qetësia u ndërpre në prill me rikthimin e Feronit Shabanit - Feros në muzikë, pas dy vitesh pauzë për t’u përkushtuar fesë islame.
Kënga e tij e rikthimit “A pe sheh” solli një mesazh të qartë dhe të diskutueshëm për ish-partneren Arbenita Ismajli, me të cilën ka një vajzë.
Pas kësaj, u hapën përplasje të shumta në rrjetet sociale, ku Fero akuzoi se ish-partnerja i kishte mohuar të drejtën për të parë vajzën, duke theksuar se ndodhej jashtë Kosovës.
Fero dhe Arbenita IsmajliFoto: Norik Uka
Situata u komplikua më tej me lëshimin e një urdhërarresti ndërkombëtar për Arbenitën, për moszbatimin e vendimeve të gjykatës për takimet e vajzës me babanë biologjik.
Kjo ngjarje ngjalli diskutime të gjera në media dhe rrjete sociale, duke u kthyer në një nga temat më të ndjekura të vitit.
Në maj, vëmendja u përqendrua tek Eurovisioni, një nga ngjarjet më të mëdha të muzikës.
Shqipëria u përfaqësua nga grupi Shkodra Elektronike, Beatriçen dhe Kolën me “Zjerrm”, të cilët arritën të renditeshin në vendin e tetë, duke sjellë krenari dhe emocione për publikun shqiptar.
Fitues i edicionit u shpall Austria, e cila do të organizojë Eurovisionin e vitit 2026.
Vera e 2025 ishte e ngarkuar me projekte muzikore, koncerte dhe festivale.
Gushti shënoi kulmin e sezonit me “Sunny Hill Festival”, ngjarja më e madhe kulturore në vend, ku performuan artistët më të njohur shqiptarë dhe ndërkombëtarë.
Dua Lipa solli një performancë të zjarrtë për fansat në Kosovë, ndërsa Shawn Mendes u prezantua për herë të parë në skenën vendore, duke krijuar atmosferë euforike dhe duke mbledhur mijëra spektatorë.
Festivali u kthye në një pikë qendrore të verës dhe një dëshmi të fuqisë së tregut shqiptar.
Megjithatë, vera nuk solli vetëm kënaqësi dhe muzikë.
Një tragjedi e madhe preku publikun shqiptar: vëllai i Gjestit humbi jetën në një aksident me motoçikletë.
Gjesti me të vëllanë tashmë të ndjerë
Humbja e një djali të ri, vetëm 15-vjeç, ishte një goditje e rëndë për artistin dhe familjen e tij.
Në skenën e polemikave, Mozzik u përfshi në një debat të madh për orën e tij luksoze Richard Mill, të cilën pretendoi se e bleu vetë për ditëlindje.
Ora u bllokua nga Dogana e Kosovës dhe rezultoi se ishte false, duke nxitur spekulime për detyrimet e reperit ndaj ATK-së, të cilat arrinin në rreth 500 mijë euro - gjegjësisht para dy viteve.
Mozzik bëri një reagim duke treguar se e gjitha ishte një lloj inskenimi, e madje duke hedhur akuza për Lëvizjen Vetëvendosje, për shkak të preferencave të tij në politikë.
MozzikFoto: Instagram
Në aspektin e performancave muzikore, Alban Skënderaj vazhdoi të dëshmojë profesionalizmin e tij duke mbajtur katër netë koncert me projektin “Motiv”, gjersa mblodhi rreth 20 mijë spektatorë në Prishtinë.
Aktori i madh Enver Petrovci, këngëtari Shpat Kasapi dhe Shemsi Krasniqi – Shemi, u ndanë nga jeta, duke lënë pas veprimtari që kanë lënë gjurmë të thella në artin dhe kulturën shqiptare.
Humbjet e tyre tronditën publikun dhe mediat, duke rikujtuar rëndësinë e trashëgimisë artistike që ata lënë pas.
Enver PetrovciFoto: Avni Selmani
Si përfundim, viti i kaluar në shoubizin shqiptar ka qenë një kombinim i pasionit, skandaleve, rikthimeve dhe tragjedive personale.
Nga qetësia e muajve të parë, te polemikat, performancat madhështore, lidhjet e përfolura dhe humbjet që lënë një boshllëk të madh, estrada shqiptare tregoi një vit të jashtëzakonshëm, të mbushur me ngjarje që do të mbeten në kujtesën e publikut për shumë kohë. /Telegrafi/
Viti 2025 e riktheu emrin e Feros në qendër të vëmendjes, jo përmes një rikthimi të zakonshëm muzikor, por përmes një historie ku arti, jeta private dhe drejtësia u përplasën në mënyrë të ashpër.
Ajo që nisi në prill si një kthim në studio dhe në skenën muzikore, shumë shpejt u shndërrua në një sagë publike me akuza të rënda, beteja ligjore dhe përplasje emocionale që u zhvilluan para syve të publikut.
Në muajin prill, Fero publikoi këngën “A pe sheh”, duke shënuar rikthimin e tij pas një pauze dyvjeçare nga muzika.
Projekti u prit me interes të madh, jo vetëm për faktin se reperi po kthehej në skenë, por edhe për shkak të tonit personal të tekstit, i cili u interpretua si një reflektim i drejtpërdrejtë i përjetimeve të tij personale.
Rikthimi muzikor u pa fillimisht si një përpjekje për të rifilluar karrierën, por shumë shpejt u bë e qartë se prapa këtij kapitulli të ri artistik fshihej një konflikt i pazgjidhur familjar.
FeroFoto: YouTube
Pas publikimit të këngës, marrëdhëniet mes Feros dhe ish-bashkëshortes së tij, Arbenita Ismajli, u përkeqësuan edhe më tej.
Në muajt që pasuan, çështja e kujdestarisë dhe e takimeve me vajzën e tyre doli hapur në publik.
Fero deklaroi se ishte ndarë nga vajza për rreth tetë muaj dhe se po i mohohej e drejta për ta takuar, duke i dhënë konfliktit një dimension të fortë emocional.
Kjo dhimbje u reflektua edhe në reagimet e tij publike, veçanërisht në postimin prekës në ditëlindjen e vajzës, ku ai shprehu hapur mallin dhe zhgënjimin e tij.
Situata mori përmasa edhe më serioze kur Prokuroria ngriti aktakuzë ndaj Feros për dhunë në familje, ngacmim seksual dhe kanosje.
Arbenita Ismajli dhe FeroFoto: Norik Uka
Lajmi shkaktoi reagime të shumta dhe e vendosi reperin në qendër të një stuhie mediatike.
Feronit Shabani (emri i vërtetë) reagoi publikisht bashkë me avokaten e tij, duke mohuar akuzat dhe duke deklaruar se beson në drejtësi, ndërsa njëkohësisht kritikoi mënyrën se si rasti u trajtua në media.
Drama u thellua edhe më tej kur autoritetet në Kosovë raportuan për lëshimin e një urdhër-arresti ndërkombëtar ndaj Arbenita Ismajlit, nën dyshimet se ajo nuk kishte zbatuar vendimet gjyqësore për takimet e vajzës me babanë dhe e kishte larguar fëmijën jashtë vendit pa leje.
Ky zhvillim i ri e ktheu konfliktin nga një përplasje personale në një çështje të hapur ligjore ndërkombëtare.
Në këtë klimë tensioni, Arbenita Ismajli doli me një rrëfim të gjatë publik, ku ngriti akuza të rënda ndaj ish-bashkëshortit.
FeroFoto: Instagram
Ajo pretendoi se Fero kishte abuzuar me substanca narkotike, kishte kaluar në rehabilitim dhe ishte rikthyer te përdorimi i drogës, si dhe hodhi dyshime për veprime të paligjshme, duke deklaruar se disponon prova për këto pretendime.
Deklaratat e saj ndezën edhe më shumë debatin publik dhe ndanë opinionin mes palëve.
FeroFoto: Instagram
Në fund të vitit, rikthimi i Feros në muzikë nuk shihet më thjesht si një rikthim artistik, por si pika e nisjes së një viti të trazuar, ku çdo hap i tij u shoqërua me zhvillime dramatike edhe në jetën private.
Historia e Feros dhe Arbenita Ismajlit mbetet një nga më të ndërlikuarat dhe më të komentuara të vitit. /Telegrafi/
Këngëtarja e njohur shqiptare, Genta Ismajli, ka ngjallur interes dhe emocion te publiku me deklaratat e saj të fundit, duke lënë të hapur mundësinë e një rikthimi në muzikë pas një periudhe mungese nga skena.
Gjatë një prononcimi për emisionin “Weekend” në Klan Kosova, artistja ka folur hapur për situatën e saj aktuale, duke theksuar se muzika mbetet një pjesë shumë e rëndësishme e jetës së saj.
Ajo u shpreh se ka dëshirë të madhe që t’i rikthehet projekteve të reja muzikore, sapo gjendja e saj shëndetësore të stabilizohet plotësisht.
Ismajli pranoi se kohët e fundit nuk ka qenë në formën më të mirë shëndetësore, gjë që e ka detyruar të tërhiqet përkohësisht nga angazhimet artistike.
Megjithatë, ajo bëri të ditur se është nën kujdes mjekësor dhe po ndjek trajtimet e nevojshme, duke ruajtur një qasje pozitive dhe shpresëplotë për të ardhmen.
Këngëtarja theksoi se mbështetja e publikut dhe dashuria e fansave kanë qenë një motivim i madh për të, edhe në këtë periudhë më të qetë të karrierës së saj.
Sipas saj, rikthimi në skenë nuk do të jetë i nxituar, por i menduar mirë, në momentin kur ajo të ndihet plotësisht e gatshme, si fizikisht ashtu edhe artistikisht.
Genta Ismajli mbetet një nga emrat më të spikatur të muzikës shqiptare, dhe çdo lajm rreth rikthimit të saj pritet me interes të madh nga adhuruesit, të cilët shpresojnë ta shohin sërish shumë shpejt me projekte të reja dhe energjinë që e ka karakterizuar gjithmonë.
Tashmë të gjitha partitë kanë publikuar listën prej 110 deputetëve që do të garojnë në Zgjedhjet e Jashtëzakonshme Parlamentare që mbahen më 28 dhjetor.
Kosova vuajti për gati një vit për një Qeveri, pasi zgjedhjet e rregullta të mbajtura më 9 shkurt 2025, ku fituese doli Lëvizja Vetëvendosje - nuk ia doli të formonte qeverinë, madje as opozita nuk ishte e disponimit që të krijonte në anën tjetër një marrëveshje mes tyre.
Kështu, mbi dhjetë muaj, Kosova ka mbetur peng e mosmarrëveshjeve mes partive politike, duke humbur shumë grande ndërkombëtare dhe marrëveshje tjera të mëdha, raporton Telegrafi.
Vendi ynë më pas, më 12 tetor u fut në Zgjedhjet Lokale, të cilat përfunduan pas 9 nëntorit, atëherë kur u mbajtë edhe balotazhi, për të përcaktuar kryetarët për katër vitet e ardhshme.
Kur jemi te garat që zhvilluan kryetarët, në listat aktuale për deputetë, janë përfshirë edhe disa emra që ishin në garë për kryetar komune.
Nga Lidhja Demokratike e Kosovës, kandidatët që nuk arritën të marrin postin e kryetarit, e që i janë futur garës për deputetë janë: Xhafer Gashi, Ekrem Hyseni, Driton Selmanaj, Ardian Shala, Arbër Ismajli, Besnik Osmani.
Nga lista, shihet që LDK ka përfshirë gjashtë kandidatë që nuk arritën të rizgjidhen kryetarë komunash, derisa kërkojnë besimin për t’u bërë deputetë. /Telegrafi/
Balotazhi i zhvilluar në komunën e Gjilanit, solli një përmbysje të madhe të rezultatit anipse Lidhja Demokratike e Kosovës dhe Partia Demokratike e Kosovës kishin lidhur koalicion.
Nga rezultatet e numëruara nga KQZ nga votat e rregullta pa përfshirë ato me postë, Alban Hyseni i LVV-së ka fituar bindshëm me 61,06% apo 22,269 vota, kurse Arbër Ismajli i LDK-së mori 38,94% apo 14,203 vota.
Krahasuar me rezultatet finale të raundit të parë të mbajtur më 12 tetor, Arbër Ismajli i LDK-së ka dalë me minus 1,129 vota në raundin e dytë, duke lënë të nënkuptohet se as marrëveshja me PDK-në nuk i solli votat e duhura.
Më 12 tetor Ismajli kishte marrë 15,332 vota apo 34.29%, kurse kandidati i PDK-së, Riad Rashiti kishte marrë 5,447 vota.
Ndërkaq Alban Hyseni i LVV-së më 12 tetor kishte marrë 22,264 vota apo 49.80% e që sipas rezultatit të balotazhit të 9 nëntorit i del që ka fituar vetëm 5 vota më shumë, 22,269. /Telegrafi/
Ka përfunduar numërimi i votave për zgjedhjet lokale në komunën e Gjilanit.
Nga 133 vendvotime të procesuara nga gjithsej 133, janë numëruar 36,472 vota nga gjithsej 107,892 të vlefshme, ose 33,80% e totalit.
Në garën për kryetar të Gjilanit, kandidati i Lëvizjes VETËVENDOSJE!, Alban Hyseni, ka fituar me 22,269 vota ose 61,06%, ndërsa kandidati i Lidhjes Demokratike të Kosovës – LDK, Arbër Ismajli, ka marrë 14,203 vota ose 38,94%.
Ky rezultat i konfirmon avantazhin e qartë të Hysenit dhe e vendos atë në krye të komunës së Gjilanit për mandatin e ardhshëm.
Ardian Ismajli nuk kishte sesi luante më mirë sesa paraqitja që bëri në derbin ndaj Juventusit.
Në sfidën e Serisë A më të ndjerë nga tifozët e Torinos, mbojtësi kuqezi tregoi gjithë karakterin dhe potencialin, duke anuluar edhe një herë Dushan Vlahoviçin, por sidomos Kenan Jildizin dhe ofensivën bardhezi.
Natyrisht, bashkë me portierin Paleari dhe mbrojtësit e tjerë.
Ismajli ishte në fushë 88 minuta dhe “Eurosport” I dha notë shumë të mirë 7, duke e cilësuar “një mur”, ndërsa Kristjan Asllani luajti pjesën e dytë dhe u vlerësua pozitivisht me 6.
“Goal.com” e veçon mbrojtësin kuqezi që në titull bashkë me portierin Paleari, dhe duke I dhënë notën mjaft të mirë 7.
Të njëjtën notë, 7, Ismajli e merr edhe nga “Il Korriere dela Sera”, I cilësuar gati si perfekt, dhe vetëm me një vështirësi ndaj Mekkenit.
Asllani, për fat u kthye në ekip pas dy ndeshjeve në stol, dhe në 45 minuta u paraqit mirë.
Juventusi pati epërsi në lojë, por në përfundim doli shterpë.
Edhe pse mbajti topin 71 për qind, gjuajti 17 herë ndaj 7 të Toros, sërish nuk krijoi dot shumë raste të pastra, ndërsa kundërshtari e rrezikoi disa herë.
“Zonja e vjetër” humb terren me kreun, ndërsa skuadra e Ismajlit dhe Asllanit është thuajse në mesin e tabelës, me 3 barazime radhazi.
Rina Balaj ka folur hapur për marrëdhënien e saj me reperin Feron, me të cilin vite më parë ndau bashkëpunime që u kthyen në hite dhe ndikuan në rrugëtimin e të dyve në muzikë. E ftuar në emisionin “Ora Shtatë” në Klan Kosova, artistja theksoi se mes tyre ka ekzistuar gjithmonë respekt dhe afërsi, pavarësisht ndryshimeve në karrierë dhe jetën personale. Rina u shpreh se ajo dhe Fero kanë nisur rrugën artistike në një moshë shumë të re, gjë që ka bërë që raporti i tyre të jetë më shumë se profesional.
“Unë me Feron mund të them lirisht se jemi rritur bashkë. Kemi qenë shumë të rinj kur kemi filluar të punojmë. Me mua ka qenë gjithmonë shumë i sjellshëm, dhe jo vetëm me mua, por edhe me shoqërinë time që janë krejt vajza,”- tha këngëtarja.
Ajo shtoi se mes tyre ka pasur mbështetje të ndërsjellë në momente të ndryshme.
“Shumë shpesh kemi marrë këshilla nga njëri-tjetri gjatë këtyre viteve. Edhe pse nuk kemi qenë në të njëjtin label, kemi vazhduar të ruajmë një raport shumë të mirë. Unë Feron e shoh si vëllan tim, si Rigonin,”- u shpreh ajo, duke përdorur emrin e vërtetë të reperit.
E pyetur për procesin gjyqësor që po zhvillohet ndaj Feros, i cili akuzohet nga ish-bashkëshortja Arbenita Ismajli për dhunë në familje, Rina zgjodhi të mos marrë anë, duke theksuar se nuk komenton diçka që nuk e ka parë vetë.
“Nuk mund të gjykoj për diçka që nuk e kam parë vetë,”– tha ajo.
Partia Demokratike e Kosovës dega në Gjilan ka vendosur të mbështesë kandidatin e Lidhjes Demokratike të Kosovës, Arbër Ismajli, në raundin e dytë të zgjedhjeve lokale.
Këtë e bëri të ditur ish kandidati për kryetar nga Partia Demokratike e Kosovës (PDK), Riad Rashiti.
Sipas tij, ky vendim është marrë duke u udhëhequr nga interesi i përgjithshëm i qytetarëve tanë dhe nga nevoja për një ndryshim real në qeverisjen lokale, që garanton zhvillim, transparencë dhe bashkëpunim në dobi të qytetarëve e jo të interesave të ngushta politike.
“PDK Gjilan beson se bashkimi i forcave pozitive është rruga e duhur për të garantuar katër vite të qëndrueshme, me vizion dhe përgjegjësi për qytetin tonë. Ne jemi të bindur se Arbër Ismajli do të jetë kryetar i të gjithë qytetarëve të Gjilanit, me një qeverisje që do të punojë për zhvillim ekonomik, investime në infrastrukturë, arsim cilësor dhe mirëqenie sociale”, ka shkruar Rashiti. /Telegrafi/
Modelja e njohur shqiptare Arbenita Ismajli, e cila prej më shumë se një viti jeton në Dubai, ka ndarë me ndjekësit e saj një moment të veçantë surprize. Ajo është befasuar me një buqetë të madhe me trëndafila të bardhë, duke shkaktuar menjëherë reagime të shumta në rrjetet sociale.
Trëndafilat e bardhë, simbol i pastërtisë dhe dashurisë së sinqertë, i kanë dhënë postimit një ndjesi romantike dhe plot elegancë. Edhe pse modelja nuk ka zbuluar se kush qëndron pas këtij gjesti, fansat kanë filluar të bëjnë hamendësime, duke e lidhur surprizën me jetën e saj sentimentale. Arbenita, e cila prej vitesh ka ndërtuar një karrierë të suksesshme në modeling, vazhdon të jetë një nga figurat më të ndjekura shqiptare në rrjete sociale.
Jeta e saj luksoze në Dubai, projektet profesionale dhe stili i veçantë e mbajnë gjithmonë në qendër të vëmendjes. Në postimin e fundit, ajo ka zgjedhur të mos shtojë asnjë mbishkrim, duke i lënë ndjekësit të lexojnë emocionin përmes imazheve. Reperi i njohur shqiptar, Fero ka folur për marrëdhënien e tij të tensionuar me ish-bashkëshorten Arbenita Ismajlin, pas divorcit. Ai tha se vajzën e tij nuk e ka takuar prej kohësh, dhe kjo po e lëndon vazhdimisht.
Sipas Feros, Arbenita ka udhëtuar jashtë shtetit pa lejen e tij, derisa zbuloi se ka dërguar email-e në Gjykata e Prokurori vetëm për ta parë vajzën e tij.
”Kur bëhet një kohë e gjatë kur nuk e ke parë vajzën tënde, dhe krijohet një ndjenjë e keqe, ndihesh keq emocionalisht veç ta shoh vajzën, ka mundur të ndodhë që kam thënë ndonjë fjalë të pahijshme, gjë që unë edhe i kërkoj falje nëse është ndier keq për fjalët e mia. Qëllimi është për ta parë vajzën time. Që 1 vit nuk e kam parë vajzën”.
“Kam tentuar shumë herë ta shoh vajzën në mënyra të ndryshme, dhe e kam parë që nuk po mundem me e pa në asnjë lloj forme dhe më është dashur patjetër të kërkoj nga institucionet të Kosovës, pasi ish-gruaja nuk e sjell vajzën kërkova ndihmë”.
Modelja e njohur shqiptare Arbenita Ismajli, e cila prej më shumë se një viti jeton në Dubai, ka ndarë me ndjekësit e saj një moment të veçantë surprize.
Ajo është befasuar me një buqetë të madhe me trëndafila të bardhë, duke shkaktuar menjëherë reagime të shumta në rrjetet sociale.
Trëndafilat e bardhë, simbol i pastërtisë dhe dashurisë së sinqertë, i kanë dhënë postimit një ndjesi romantike dhe plot elegancë.
Foto: Instagram
Edhe pse modelja nuk ka zbuluar se kush qëndron pas këtij gjesti, fansat kanë filluar të bëjnë hamendësime, duke e lidhur surprizën me jetën e saj sentimentale.
Arbenita, e cila prej vitesh ka ndërtuar një karrierë të suksesshme në modeling, vazhdon të jetë një nga figurat më të ndjekura shqiptare në rrjete sociale.
Jeta e saj luksoze në Dubai, projektet profesionale dhe stili i veçantë e mbajnë gjithmonë në qendër të vëmendjes.
Në postimin e fundit, ajo ka zgjedhur të mos shtojë asnjë mbishkrim, duke i lënë ndjekësit të lexojnë emocionin përmes imazheve. /Telegrafi/
Reperi i njohur Fero, në një intervistë për emisionin “Mirëmbrëma Yje”, ka folur hapur për sfidat dhe vështirësitë që ka përjetuar në fillimet e karrierës, për bujën që shoqëroi marrëdhënien dhe ndarjen me ish-bashkëshorten e tij Arbenita Ismajli, si edhe për statusin e tij aktual dhe përkushtimin e plotë ndaj muzikës.
Fero e pranoi se në të kaluarën kishte bërë gabime, për të cilat është penduar, dhe për të dalë nga ato vështirësi kishte pasur një rol të madh, angazhimi i tij në fe.
“Me të tregu drejt, unë [si dola] është, [nga] ndihma që e kam pasur pak prej religjionit, fesë, kur kam nisë me u merr me religjion, edhe kjo ka qenë ndihma ime për me u largu prej gjërave të këqija se automatikisht nëse e dinë që një djalë apo një vajzë është duke u marrë me fe, automatikisht ai e ka një mburojë... sepse ai më pas është i fokusuar vetëm tek gjërat e mira. Dhe kjo ka qenë njëfarë mburoje për mu”, ka deklaruar Fero.
I pyetur nga Arbana se si i ndodhi ri-zgjimi dhe pikënisja e tij në fe, Fero ndau me publikun një detaj të padëgjuar më parë, ai zbuloi se për herë të parë ishte falur gjatë kohës sa ishte në paraburgim.
“Me të tregu drejt, kur kam filluar që të falem, kam qenë në paraburgim edhe kur e kam falë vaktin e parë jam ndier shpirtërisht tepër mirë dhe vetë më erdhi që të falem [në paraburgim]”, ka thënë reperi.
Ai gjithashtu pohoi se ishte falur edhe më herët ndonjëherë porse nuk dinte që të kryente edhe aq mirë ritualin e faljes para Zotit.
Përveç, thirrjes dhe vetëdijes së tij të brendshme për tu lidhur me Zotin, Fero gjatë kësaj interviste ka folur gjithashtu edhe për bujën e madhe rreth vajzës së tij dhe për dramën me Arbenitën.
Reperi ka deklaruar se kanë kaluar një vit që se ka takuar vajzën. Thirrjet ndaj ish-bashkëshortes për t’ia mundësuar takimin me të bijën kanë eskaluar shpesh në fjali thumbuese, gjëra për të cilat ai i kërkoi falje.
“Unë s'kam dashtë asnjëherë me fol keq asnjëherë për të, sepse ajo është nëna e vajzës time. Edhe në jetën reale, për njerëzit që e dinë që janë afër meje, e dinë qe unë kam vetëm fjalë të mira për të. Por kur bohet një kohë e gjate që nuk e ke pa vajzën, as përmes telefonit dhe në asnjë lloj forme, .... ndihesh keq emocionalisht edhe këqyrë me 'shpërthy' një lloj forme, vetëm për me arrit atë qëllimin që me e pa vajzën në atë gjendje kom ‘mujt’ me thonë ndonjë fjalë te pahijshme dhe i kërkoj falje edhe tani nëse është ndier ajo keq prej fjalëve te mia.... Por qëllimi im ka qenë vetëm për me e pa vajzën. U bë një vit qe nuk e kam parë vajzën. Herën e fundit kur e kam takuar ka qenë më 5 tetor, në Gjilan”, ka deklaruar Fero.
Por, reperi nuk foli vetëm për çështjen e kujdestarisë, ai në këtë rrëfim të rrallë, foli edhe për statusin e tij aktual.
Reperi i njohur Fero ka lënë të kuptohet se aktualisht nuk është në një lidhje dashurie, duke theksuar se për momentin, fokusi i tij kryesor është karriera muzikore.
“Me të tregu drejt, unë jam nuk t’u u marrë me lidhje jam i fokusuar në karrierën time edhe zakonisht lidhjet, prej përvojës time jetësore, lidhjet të qesin...sepse të duhet përkushtim. Aq është dinamike muzika e biznesi i muzikës, saqë nëse e ke një partner, të dekoncentron nga sukseset dhe aktivitetet e karrierës. Kështu që, unë jam kështu rehat, më mirë merrem me muzikë”, ka deklaruar Fero gjatë kësaj interviste.
Siç edhe u priste, artisti Fero si i ftuar në ”Mirëmbrëma Yje” nga Arbana Osmani, ka folur për pjesën e jetës që u bënë edhe publike. Si nga varësia pas lëndëve narkotike, ndarja e bujshme dhe procesi që vijon me ish-bashkëshorten, Arbenita Ismajli. Ai ka theksuar se nuk ka ushtruar kurrë dhunë ndaj Arbenitës dhe se në asnjë akt mjekoligjor nuk thuhet që Arbenita të ketë lëndim fizik.
Reperi i njohur Fero ka lënë të kuptohet se aktualisht nuk është në një lidhje dashurie, duke theksuar se për momentin, fokusi i tij kryesor është karriera muzikore. Ai ka theksuar se ka zgjedhur t’i përkushtohet kësaj fushe.
Këto deklarata ai i bëri gjatë një interviste me Arbana Osmanin në emisionin “Mirëmbrëma Yje”.
Kur Arbana e pyeti drejtpërdrejt nëse “ka dikë në jetën e tij”, reperi dha një përgjigje mohuese duke nënkuptuar se nuk është aktualisht në ndonjë romancë.
“Me të tregu drejt, unë jam nuk t’u u marrë me lidhje jam i fokusuar në karrierën time edhe zakonisht lidhjet, prej përvojës time jetësore, lidhjet të qesin...sepse të duhet përkushtim. Aq është dinamike muzika e biznesi i muzikës, saqë nëse e ke një partner, të dekoncentron nga sukseset dhe aktivitetet e karrierës. Kështu që, unë jam kështu rehat, më mirë merrem me muzikë”, ka deklaruar Fero gjatë kësaj interviste.
Deklarata e tij vjen edhe pas raportimeve të bujshme për martesën e tij të dytë, një gjë që e kishte konfirmuar vetë ai, muaj më parë, përmes rrjeteve sociale.
Reperi i është rikthyer muzikës pas një pauze dyvjeçare, periudhë të cilën ai e kishte shfrytëzuar për reflektim dhe kthjelltësi në uniformë me angazhimin e tij për t’iu përkushtuar fesë islame.
Përveç tjerash, reperi gjatë kësaj interviste ka folur gjerësisht edhe për bujën e madhe, dhe për dramën që ka përfshirë atë dhe ish-bashkëshorten e tij Arbenita Ismajlin dhe problematikat e vazhdueshme për çështjen e kujdestarisë së vajzës.
Reperi i njohur Fero ka folur sërish për jetën e tij private, për dramën me ish-bashkëshorten e tij Arbenita Ismajlin dhe problematikat e vazhdueshme për çështjen e kujdestarisë së vajzës.
I ftuar në emisionin “Mirëmbrëma yje”, ai ka deklaruar se kanë kaluar një vit që nuk e ka parë vajzën e tij Ninën.
Për një temë, e cila ka bërë bujë shumë në medie, përfshirë edhe thirrjen e tij për të kërkuar ndihmë nga institucionet, Fero riktheu sërish vëmendjen tek kjo tematikë dhe gjithashtu për t’i dhënë zë kërkesës së tij.
Ai deklaroi se gjendja e tij emocionale kishte bërë që ai të shpërthente në atë mënyrë ndaj ish-bashkëshortes së tij, por se i kërkoi falje.
“Unë s'kam dashtë asnjëherë me fol keq asnjëherë për të, sepse ajo është nëna e vajzës time. Edhe në jetën reale, për njerëzit që e dinë që janë afër meje, e dinë qe unë kam vetëm fjalë të mira për të. Por kur bohet një kohë e gjate që nuk e ke pa vajzën, as përmes telefonit dhe në asnjë lloj forme, .... ndihesh keq emocionalisht edhe këqyrë me 'shpërthy' një lloj forme, vetëm për me arrit atë qëllimin që me e pa vajzën në atë gjendje kom ‘mujt’ me thonë ndonjë fjalë te pahijshme dhe i kërkoj falje edhe tani nëse është ndier ajo keq prej fjalëve te mia.... Por qëllimi im ka qenë vetëm për me e pa vajzën. U bë një vit qe nuk e kam parë vajzën. Herën e fundit kur e kam takuar ka qenë më 5 tetor, në Gjilan”, ka deklaruar Fero.
Ai pohon se vendimi i gjykatës për procesin e takimit nuk ishte respektuar asnjëherë.
“Sipas vendimit të gjykatës, [unë kisha të drejtë ta takoja] në javën e parë dhe javën e tretë, katër ditë në muaj edhe ky vendim [paraprak] nuk është respektuar asnjëherë fatkeqësisht. Dhe gjithmonë kam kërkuar përgjigje. Çdo ditë i kam dërguar e-maila prokurorisë, ministrisë së drejtësisë, me një kërkesë për me e taku vajzën”, ka potencuar mes tjerash reperi.
Fero, ka folur sërish publikisht për raportin e tij të ndërlikuar me ish-bashkëshorten, modelen Arbenita Ismajli. Në një interviste për ‘Mirëmbrëma Yje’, ai është ndalur te ndarja e tyre, akuzat për dhunë dhe marrëdhënia me vajzën e tyre të vogël, duke theksuar se nuk ka ushtruar kurrë dhunë ndaj Arbenitës.
‘Nuk kam fol keq për të, ajo është nëna e vajzës time. Njerëzit e mi e dinë këtë. Por kur ke kaq shumë kohë që nuk e ke takuar vajzën, nga emocionet ka shpërthyer veç me pa vajzën ka ndodhur që kur jam ndjerë keq emocionalisht ka thënë ndonjë fjalë të pahijshme, për të cilat i kërkoj falje. Qëllimi im është vetëm të shoh vajzën, është bërë një vit. Dita e fundit ka qenë 5 tetor. Kam tentuar shumë herë ta takoj vajzën në mënyra të ndryshëm dhe nuk ka mundur. Më është dashur të ndërmarr hapa nga institucionet e Kosovës. Kam kërkuar përgjigje prej tyte. Vendimi është që ta takoj 4 ditë në muaj, në fundjavë. Nuk është zbatuar vendimit… Është lëshuar urdhërarrest për të në Kosovës, tani kanë marr vendimet e veta për fletarresti ndërkombëtar. Vajza nuk ka ardhur në Prishtinë që prej vitin e kaluar. Ajo është larguar edhe më ndihmën e motrës së presidentes. Unë jam vetë i lidhur me nënën time dhe nuk do doja që ajo të mos e kishte. Nënshkrova një marrëveshje që ajo të kishte të drejta dhe unë të takoja vajzën, aty u mashtrova nga motra e Presidentes kur u takova më të. Premtimi që ajo më ka dhënë është që unë të takoj vajzën dhe unë në bazë të premtimin nënshkrova marrëveshjen që më ka kushtuar shumë sepse akoma nuk mund ta takoj vajzën’
Sipas tij, Arbenita po ia mban larg vajzën për hakmarrje.
“Mendoj se ajo nuk do që vajza të jetë me mua për hakmarrje. Unë nuk e kam dhunuar atë, nuk ka as raport të lëndimit mjekësor. Ne jemi munduar për shumë kohë që të funksionojmë, por nuk jemi për njëri-tjetrin,” – u shpreh reperi.
Fero pranoi se ndjenjat për ish-bashkëshorten tashmë kanë marrë fund, por se ruan respekt për të si nënë e vajzës së tij:
“Nuk kam më ndjenja, kam pasur shumë për të, por tani jo. Kam respekt sepse është nëna e vajzës time. Në një kohë të caktuar ka qenë gjithçka për mua.”
Në fund, reperi bëri edhe një thirrje publike për Arbenitën, duke i kërkuar të lërë mënjanë inatet dhe t’i japë mundësinë të jetë pranë vajzës së tij.
“E ftoj publikisht të lërë inatet, pasi fëmija ka nevojë për nënën dhe për babain. Ka nevojë për babanë në jetën e saj. Nuk e do njeri vajzën më shumë se babai i saj. Të lutem, mundësoma ta shoh çikën.”
Prishtina është pjesë e garës së balotazhit më 9 nëntor midis kandidatit të LDK-së Përparim Rama dhe atij të Lëvizjes Vetëvendosje Hajrulla Çeku.
Këta dy të fundit kanë marrë më së shumti vota edhe nga rinumërimi për Prishtinë.
Përparim Rama 165 vota ose 34.59 për qind, Hajrulla Çeku 140 ose 29.35 për qind, raporton KosovaPress.
Uran Ismaili nga PDK-ja 18 vota ose 29.14 për qind. Bekë Berisha AAK 18 vota ose 3.77 për qind, Besa Shahini PSD 11 vota ose 2.31 për qind. Agim Prishtina nga Prishtina në dorën tënde, tri vota ose 0.63 për qind.
Në raundin e parë më 12 tetor Përparim Rama LDK ka fituar 35.595 vota ose 33.71 për qind, Hajrulla Çeku Lëvizja Vetëvendosje 35.077 vota ose 33.21 për qind.
Login
