Ditën e sotme, në autostradën Tiranë-Durrës, qarkullimi është vështirësuar prej disa orësh, për shkak të reshjeve intensive të shiut.

Duhet minimalisht 1 orë për të lëvizur nga kryeqyteti drejt zonës së Durrësit.

Mëngjesin e sotëm, Policia e Shtetit, paralajmëroi qytetarët që të tregohen të kujdesshëm nëse do të lëvizin në këtë aks rrugor, i cili është mbuluar i gjithi nga uji.

Një furgon ka mbetur i bllokuar në anë të rrugës, në pamundësi të lëvizë dhe në pritje të karrotrecit, ndërkohë që edhe disa autoambulanca kanë mbetur në trafik.

Për shkak të rrezikut të lartë, ka një devijim të lëvizjes. Automjetet që vijnë nga jugu në drejtim të Tiranës, të qarkullojnë nga Rruga e Plepave për në Ndroq dhe nga rruga Rrogozhinë–Elbasan–Tiranë.

Për në Durrës, kalimi do të bëhet nga rruga e universitetit, në drejtim të Spitallës dhe në rrugën Tiranë–Elbasan–Rrogozhinë.

The post Përmbytet autostrada Tiranë-Durrës, qytetarët të bllokuar për orë të tëra në trafik appeared first on Albeu.com.

ROMË, 30 dhjetor /ATSH-DPA/- Shoferët në Itali do të paguajnë më shumë për të përdorur autostradat me pagesë që nga fillimi i vitit 2026.

Tarifat, për pothuajse të gjitha rrugët, që do të rriten mesatarisht me 1, 5%, sipas një urdhri të Gjykates Kushtetuese – që u kundërshtua nga Ministria e Transportit.

Sipas ministrisë, rritja më e madhe prej 1, 9% do të ndikojë në rrugën Salerno-Pompei-Napoli. Në autostradën Brener, e përdorur gjithashtu nga qytetarët e veriut në Itali, është planifikuar një rritje prej 1,46%.

Ministria e Transportit, e kryesuar nga zëvendëskryeministri Matteo Salvini – i partisë populiste të krahut të djathtë “Lega” – kritikoi ashpër rritjet e çmimeve.

Vendimet për çmimet e tarifave të autostradave në Itali bazohen në një sistem të ndërlikuar llogaritjeje.

Rritjet e çmimeve përcaktohen në kontrata midis shtetit dhe kompanive përkatëse operative.

Një arsye e rritjes së tarifave është inflacioni. Megjithatë, disa rritje të planifikuara të tarifave janë shtyrë vitet e fundit. Salvini gjithashtu mbështeti fuqimisht, parandalimin e rregullimeve.

Në tetor, Gjykata Kushtetuese i shpalli përpjekjet për të ngrirë çmimet si jokushtetuese.

Autoriteti i transportit, “Autorità di Regolazione dei Trasporti” (ART), ka njoftuar se rregullimi i tarifave për inflacionin do të jetë mesatarisht 1,5%. //a.i/

The post ITALI – Rriten tarifat e autostradave nga 1 janari appeared first on Agjencia Telegrafike Shqiptare.

Një derr shkaktoi ndërprerje të trafikut në autostradën A13 pranë Chur-it të Zvicrës, të shtunën, pasi u largua nga një rimorkio në lëvizje.

Sipas policisë kantonale të Graubündenit, njoftimi u mor pak para orës 10:00 me mesazhin: “Ka një derr në autostradë pranë Churit”.

Autostrada u mbyll për rreth 20 minuta ndërsa policia dhe punonjësit përpiqeshin ta kapnin kafshën, e cila ishte e hutuar por jo e lënduar.

Pas kapjes, derri u rikthye në rimorkio dhe udhëtimi vazhdoi normalisht.

Trafiku u rihap menjëherë pas ndërhyrjes.

Ky është një nga disa incidentet e pazakonta me kafshë që policia zvicerane ka përballuar këtë vit. /Telegrafi/

Disa pamje të publikuara në internet thuhet se tregojnë momentin kur një aeroplan i vogël u përplas në një veturë, në një trafik të ngarkuar në një autostradë kryesore të Floridës të hënën në mbrëmje.

Aeroplani Beechcraft 55 po përpiqej të bënte një ulje emergjente kur u përplas me një Toyota Camry në autostradën ndërshtetërore 95 pranë Orlandos.

Piloti kishte raportuar probleme me motorin pak çaste më parë.

Përplasja bëri që mbeturinat të fluturonin nëpër rrugë dhe makina të dëmtohej shumë.

Zyrtarët thanë se përplasja dramatike ndodhi përgjatë një prej segmenteve më të ngarkuara midis Orlandos dhe Cape Canaveral, duke i detyruar policët të mbyllnin korsitë ndërsa ekipet e emergjencës nxituan.

Patrulla e Autostradës së Floridës tha se shoferja e Camry-t, një grua 57-vjeçare, ishte pas timonit kur aeroplani goditi automjetin e saj.

Ajo u dërgua në Spitalin Viera me atë që policët e përshkruan si lëndime të lehta, një rezultat i jashtëzakonshëm duke pasur parasysh shkallën e shkatërrimit të kapur në imazhet nga vendi i ngjarjes.

Veç saj, edhe piloti 27-vjeçar dhe pasagjeri shpëtuan pa lëndime.

Në bordin e aeroplanit ndodhej një pilot 27-vjeçar nga Orlando dhe një pasagjer 27-vjeçar nga Temple Terrace.

Sipas zyrtarëve, të dy refuzuan të dërgoheshin në spital.

- YouTube www.youtube.com

Përplasja shkaktoi bllokime të gjata trafiku në të dy drejtimet, ndërsa shërbimet e emergjencës shkuan në vendngjarje dhe punuan për të pastruar rrënojat.

Çfarë e shkaktoi uljen e aeroplanit në autostradë mbetet një mister.

Autoritetet thanë se piloti kishte tentuar një ulje emergjente, por nuk specifikuan defektin mekanik ose operativ që shkaktoi uljen. /Telegrafi/

Një aeroplan i vogël ka përfunduar në një autostradë kryesore të Floridës të hënën në mbrëmje.

Sipas mediave të huaja, përcjell Telegrafi, aeroplani Beechcraft 55 po përpiqej të bënte një ulje emergjente kur u përplas me një Toyota Camry në autostradën ndërshtetërore 95 pranë Orlandos.

Piloti kishte raportuar probleme me motorin pak çaste më parë.

Përplasja bëri që mbeturinat të fluturonin nëpër rrugë dhe makina të shtypej pranë barrierës në mes të autostradës.

Zyrtarët thanë se përplasja dramatike ndodhi përgjatë një prej segmenteve më të ngarkuara midis Orlandos dhe Cape Canaveral, duke i detyruar policët të mbyllnin korsitë ndërsa ekipet e emergjencës nxituan për të vendi i ngjarjes.

Patrulla e Autostradës së Floridës tha se shoferja e Camry-t, një grua 57-vjeçare, ishte pas timonit kur aeroplani goditi automjetin e saj.

- YouTube www.youtube.com

Ajo u dërgua në Spitalin Viera me atë që policët e përshkruan si lëndime të lehta, një rezultat i jashtëzakonshëm duke pasur parasysh shkallën e shkatërrimit të kapur në imazhet nga vendi i ngjarjes.

Në anën tjetër, piloti 27-vjeçar dhe pasagjeri shpëtuan pa lëndime.

Në bordin e aeroplanit ndodhej një pilot 27-vjeçar nga Orlando dhe një pasagjer 27-vjeçar nga Temple Terrace.

Sipas zyrtarëve, të dy refuzuan të dërgoheshin në spital.

Përplasja shkaktoi bllokime të gjata trafiku në të dy drejtimet, ndërsa shërbimet e emergjencës shkuan në vendngjarje dhe punuan për të pastruar rrënojat.

Autoritetet thanë se piloti kishte tentuar një ulje emergjente, por nuk specifikuan defektin mekanik ose operativ që shkaktoi uljen. /Telegrafi/

Në orët e para të mëngjesit të kësaj të premteje, një  aksidenti ka ndodhur  në autostradën Tiranë-Durrës, në zonën e Kasharit shoferi i një automjeti, ku dyshohet se ka humbur kontrollin dhe është përplasur me bordurat anësore të rrugës.

Nga përplasja e fortë mjeti ka shpërthyer në flakë, ndaj është kërkuar edhe ndihma e zjarrfikësve.

Ende nuk bëhet e ditur nëse ka apo jo persona të lënduar.

The post Aksident në autostradën Tiranë-Durrës/ Shoferi humb kontrollin, makina përplaset me bordurën dhe merr flakë appeared first on Albeu.com.

Në shikim të parë duket si një rrugë normale.

Por një pjesë e autostradës në zonën e Los Anxhelosit është vendi i një fenomeni të çuditshëm.

Aty, sipas pretendimeve, makinat duket se sfidojnë gravitetin.

Bëhet fjalë për një rrugë në shpatin e malit në Altadena, pak në veri të Pasadenës, që njihet si Kodra e Gravitetit.

Dhe ajo ka qenë qendra e disa legjendave urbane që përpiqen të shpjegojnë pse automjetet në autostradë, e cila duket sikur është “me pjerrësi poshtë - rrokullisen përpjetë”.

Një nga historitë që përmendet është ajo kur një autobus shkolle plot me fëmijë që dyshohet se vdiqën në rrugë.

Dhe fantazmat e tyre thuhet se e ndjekin kodrën, duke i shtyrë makinat lart për të parandaluar shoferët të pësojnë të njëjtin fat që patën ata. /Telegrafi/

Punimet për riparimin e autostradës nga Vora në Durrës janë  nderprere.

Kjo deri në hartimin e një plani masash nga  Autoriteti Rrugor Shqiptar  dhe Policia e Shtetit  për të mirëmenaxhuar trafikun.

Ndërprerja e punimeve erdhi  pas trafikut të rënduar  të  automjeteve krijuar  të  hënën ndërsa nisi puna në  segmentin   nga Vora në Maminas I cili u bllokua për qarkullimin e makinave.

Me  hartimin e planit te ri te qarkullimit te automjeteve punonjësit do të  kthehen në autostradë për të ndërhyrë për rinovimin e asfaltit të degraduar.

Autostrada do të riparohet në të dy krahët e saj nga   Vora tek ura e daljanit në Durrës, dhe anasjelltas.

Sipas  Autoritetit Rrugor  punimet do të kryehen me segmente dhe parashikohet të zgjasin një deri në dy ditë për çdo segment rruge.

Një çiklist i shpërndarjes së ushqimit u pa duke pedaluar në autostradën M4 të Britanisë së Madhe, gjatë orës së ngarkuar të trafikut.

Sipas mediave britanike, përcjell Telegrafi, pamjet u kapën nga një kalimtar mbi një urë që shihte mbi autostradë.

Siç theksohet më tej, çiklisti përpiqej të mbante ritmin me makinat që shpejtonin në të dy anët e rrugës, duke zënë një tërë korsi.

Një makinë policie me sirenë u afrua për ta ndaluar.

Më pas, çiklisti u ndalua dhe u rrethua nga disa oficerë policie në anë të rrugës. /Telegrafi/

Mëngjesin e sotëm, një aksident rrugor është regjistruar në hyrje të autostradës Elbasan–Tiranë.

Dy makina, që dyshohet se po qarkullonin me shpejtësi të lartë, janë përplasur mes tyre, duke shkaktuar dëmtime të konsiderueshme në të dyja mjetet.

Sipas burimeve paraprake nga vendngjarja, si pasojë e përplasjes kanë mbetur të dëmtuar dy persona, të cilët janë transportuar për ndihmë mjekësore.

Për shkak të aksidentit, qarkullimi në këtë segment rrugor është vështirësuar përkohësisht, ndërsa policia ndodhet në vendngjarje për të hetuar shkaqet e sakta të ngjarjes dhe për të normalizuar lëvizjen.

The post Aksident në hyrje të autostradës Elbasan-Tiranë, plagosen dy persona appeared first on Albeu.com.

TIRANË, 13 tetor/ATSH/ Drejtoria Vendore e Policisë Tiranë njoftoi sot se për shkak të mbylljes së përkohshme të autostradës Tiranë–Durrës ku po riparohen shtresat asfaltike është krijuar trafik i rënduar në disa zona brenda kryeqytetit, si dhe në hyrje e dalje të tij.

Shërbimet e Policisë Rrugore dhe Patrullat e Përgjithshme ndodhen në çdo kryqëzim dhe segment kryesor rrugor, me qëllim menaxhimin dhe lehtësimin e qarkullimit.

Policia e Tiranës u bën apel drejtuesve të automjeteve të tregojnë durim, të respektojnë sinjalistikën rrugore dhe udhëzimet e punonjësve të Policisë, si dhe të përdorin rrugë alternative, për të shmangur vonesat në lëvizje.

Projekti “Emergjencë për riparimin e nënshtresave dhe shtresave asfaltike në segmentin rrugor Vorë-Ura e Dajlanit” nisi sot e si rrjedhim u bllokua qarkullimi.

ARRSH ka njoftuar se pas riparimit të segmentit Vorë-Maminas, do të vijojë me segmented Maminas-Sukth, Sukth-Fllakë, Fllakë-Mbikalimi i Shkozetit, Mbikalimi i Shkozetit-Ura e Dajlanit.

ARRSH llogarit që kohëzgjatja e punimeve të jetë 1–2 ditë për çdo segment.

ARRSH u ka sugjeruar të gjithë përdoruesve të rrugës të përdorin rrugën alternative: Vorë-Maminas-Katër rrugët e Shijakut-Durrës.

Pas përfundimit të punimeve në krahun Vorë-Durrës, do të vijojë puna edhe në krahun tjetër Ura e Dajlanit-Vorë, sipas të njëjtave segmente dhe kohëzgjatje.

The post Trafik nga mbyllja e përkohshme e autostradës Tiranë-Durrës, policia masa për lehtësimin e qarkullimit appeared first on Agjencia Telegrafike Shqiptare.

Mbyllja e autostradës Vorë-Durrës ka shkaktuar trafik të rënduar edhe në autostradën Tiranë-Elbasan, me radhë kilometrike dhe pritje të gjatë për qarkullim. Qindra mjete kanë zgjedhur si alternativë Elbasanin për të shkuar në Durrës apo në drejtim të jugut duke sjellë edhe trafik të rënduar në hyrje-dalje të qytetit. Policia e Elbasanit ka kërkuar mirëkuptimin […]

The post Mbyllja e autostradës Vorë-Durrës shkakton trafik edhe në aksin Tiranë-Elbasan, radhë kilometrike appeared first on BoldNews.al.

Mëngjesin e sotëm, një aksident është regjistruar në autostradën Tiranë–Durrës, me pasojë vdekjen e 35-vjeçarit Flobert Ajazi, dhe janë plagosur dy pasagjerë në mjetin që drejtohej nga Ajazi.

Mësohet se tre makina janë përplasur me njëra-tjetrën.

Njoftimi i policisë:

Rreth orës 08:30, në dalje të Vorës, janë përplasur automjetet me drejtues shtetasit B. G., F. H. dhe F. A.. Si pasojë, ka humbur jetën shtetasi F. A., 35-vjeç dhe janë dëmtuar 2 pasagjerë në automjetin që drejtonte ai. Të dëmtuarit janë transportuar në spital, ku janë në kujdesin e mjekëve.

Grupi hetimor po punon për sqarimin e rrethanave të aksidentit.

The post Aksidenti i rëndë në autostradën Tiranë–Durrës, identifikohet viktima (EMRI) appeared first on Albeu.com.

Mëngjesin e sotëm, një aksident me pasojë vdekjen e një personi, është regjistruar në autostradën Tiranë–Durrës.

Sipas informacioneve paraprake, si pasojë e përplasjes ka humbur jetën shtetasi F. A., 35-vjeç, ndërsa dy pasagjerë në automjetin e tij kanë mbetur të plagosur. nga përplasja e një automjeti raportohet se ka humbur jetën një person, ndërsa dy të tjerë kanë mbetur të plagosur dhe janë transportuar me urgjencë drejt spitalit për ndihmë mjekësore.

Ende nuk janë bërë me dije identitetet e viktimës dhe të të plagosurve.

The post Aksident i rëndë në autostradën Tiranë–Durrës, humb jetën 35-vjeçari, plagosen dy të tjerë appeared first on Albeu.com.

Gjatë orës së pikut të trafikut, një makinë u ngjit plotësisht në ajër mbi një autostradë të ngarkuar në Nju Jork, duke fluturuar mbi gjashtë korsi trafiku - dhe gjithçka u kap në kamera.

Një shofer 70-vjeçar papritmas shpejtoi dhe u hodh nga një kodër në Long Island rreth orës 5 pasdite të mërkurën, më 3 shtator. Banorët u habitën nga pamjet e kamerës së makinës me tym të kapura nga dëshmitari Joseph McGrath.

"Një makinë doli nga askund dhe u hodh mbi autostradë para meje", tha McGrath për Storyful, transmeton Telegrafi.

Një dëshmitar tjetër në Sunrise Highway, Brandon Hyacinthe, e përshkroi incidentin tronditës për News12 New York.

"Duket si një meteor që kalon nëpër autostradë. Në fillim nuk e dija që ishte një makinë", tha Hyancinthe për limuzinën Honda.

Para se të kalonte pranë makinave në të dyja anët e rrugës, shoferi po shkonte drejt jugut në Pine Acres Boulevard.

"Ai pati një krizë shëndetësore, që bëri që të humbiste kontrollin dhe të fluturonte lart në argjinaturë në rrugën e shërbimit, mbi të dyja korsitë, atë perëndimore dhe lindore", tha për New York Post, Dennison DeNatalie i departamentit të zjarrfikësve të Bay Shore.

Mrekullisht, automjeti fluturues u përplas me një pemë, në anën e trafikut që vinte përballë. Shoferi arriti të ngrihej dhe të dilte nga makina dhe, për fat të mirë, pësoi vetëm lëndime të lehta. /Telegrafi/

TEL AVIV, 4 shtator /ATSH-AA/ – Protestuesit izraelitë bllokuan autostradën kryesore që lidh Tel Avivin dhe Jeruzalemin në mbrëmje për të kërkuar lirimin e pengjeve në Rripin e Gazës.

Dhjetëra protestues, përfshirë familje të pengjeve izraelite, mbyllën “autostradën 1” në të dy drejtimet pranë kryqëzimit Anava, sipas të përditshmes “Yedioth Ahronoth”.

“Pengjet po vdesin” dhe “Qeveria izraelite po vret pengjet” brohoritën protestuesit gjatë tubimit të tyre. Policia më vonë tha se i shpërndau protestuesit dhe e rihapi rrugën për trafik.

Media izraelite raportoi se qindra protestues u ngjitën në shinat e trenit të lehtë në rrugën “Jaffa” në Jeruzalem pasi thyen barrierat dhe u përballën me policinë pas një proteste jashtë rezidencës së kryeministrit Benjamin Netanyahu.

Në një video-deklaratë, Netanyahu i përshkroi protestuesit jashtë shtëpisë së tij në Jeruzalrmin Perëndimor si “milici fashiste”, duke pretenduar se po kërcënonin ta vrisnin atë dhe familjen e tij.

Tel Avivi pretendon se 48 pengje izraelite mbeten në Gaza, përfshirë 20 të gjallë.

Ndërkaq më shumë se 10.800 palestinezë mbahen në burgjet izraelite, ku përballen me tortura, uri dhe neglizhencë mjekësore, me shumë të vrarë, sipas raporteve palestineze dhe izraelite për të drejtat e njeriut.   /os/

The post TEL AVIV – Protestuesit izraelitë bllokojnë autostradën Tel Aviv-Jeruzalem appeared first on Agjencia Telegrafike Shqiptare.

Ditën e sotme, një automjet është shkrumbuar nga flakët në autostradën Tiranë-Durrës, në afërsi të kryeqytetit.

Raportohet se flakët kanë shkaktuar dëme materiale, ndërsa fatmirësisht nuk ka pasur dëme në njerëz.

Sakaq, drejt vendngjarjes kanë shkuar forcat zjarrfikëse për të neutralizuar flakët, ndërsa shkaku i tyre ende mbetet i paqartë.

The post Shkrumbohet nga flakët makina në autostradën Tiranë-Durrës appeared first on Albeu.com.

Çekia do të bëhet vendi i parë në Bashkimin Evropian që do t’u lejojë shoferëve të ngasin me 150 km/orë në një autostradë, një veprim që ka shkaktuar entuziazëm dhe debat në të gjithë rajonin.

Kështu, siç raportojnë mediat e huaja, përcjell Telegrafi, nga fundi i shtatorit, shoferët do të jenë në gjendje të testojnë limitin më të lartë në një seksion të ri të autostradës D3 midis Tábor dhe České Budějovice.

Drejtoria e Rrugëve dhe Autostradave (ŘSD) ka filluar tashmë instalimin e 42 tabelave elektronike që do të rregullojnë limitin në varësi të kushteve të rrugës dhe të motit.

Maksimumi aktual prej 130 km/orë do të mbetet i paracaktuar.

Kufiri prej 150 km/orë do të zbatohet vetëm në kushte të favorshme – mot i kthjellët, rrugë të thata, trafik i qetë dhe pa ndërtime në vazhdim.

“Kushtet duhet të jenë absolutisht ideale. Nuk duhet të ketë radhë, sipërfaqe të rrëshqitshme dhe dukshmëri të reduktuar”, tha Jan Rýdl, zëdhënës i ŘSD.

Sistemi do të menaxhohet në mënyrë qendrore nga Qendra Kombëtare e Informacionit të Transportit, e cila do të vendosë se kur mund të aktivizohet në mënyrë të sigurt shpejtësia më e lartë.

Tabela të ndryshueshme trafiku, të furnizuara nga konsorciumi Mobility and Intelligence dhe Známy Morava, tashmë janë duke u vendosur. Gjatë instalimit të tyre, trafiku në D3 është kufizuar në një korsi për rreth shtatë kilometra.

Testi mbulon afërsisht 50 kilometra dhe nëse do të jetë i suksesshëm, kufiri më i lartë mund të zgjerohet më vonë në rrugë të tjera kryesore, të tilla si D1 nga Přerov në Ostrava ose D11 drejt Hradec Králové. /Telegrafi/

The post Çekia do të jetë e para në BE që do të lejojë shpejtësinë deri në 150 km/orë në autostrada appeared first on Telegrafi.

Zjarrfikësit dhe policia në Pensilvani iu përgjigjën një telefonate se në autostradë një lopë po vraponte lirshëm pranë korsive të trafikut.

Qendra e Komunikimit e Qarkut Lackawanna tha se ekipet e emergjencës u dërguan rreth orës 8:15 të mbrëmjes të hënën, pas një raporti për një lopë që po vraponte lirshëm përgjatë autostradës 84, pranë rrugës Sepko në Madison Toënship.

Faqja Nepa News: Live në Facebook ndau pamje nga kamerat e dronit të zjarrfikësve dhe policëve të Pensilvanisë, duke ndjekur lopën në autostradë, transmeton Telegrafi.

Një video e dytë tregon ekipet nga Madisonville, duke ndihmuar për ta nxjerrë lopën nga autostrada dhe për ta nxjerrë në një rrugë anësore.

Autoritetet thanë se autostrada nuk ishte e mbyllur gjatë ndjekjes, dhe nuk pati të lënduar të raportuar si rezultat i pranisë së lopës. /Telegrafi/

The post Lopa vrapon në autostradën e Pensilvanisë, policia dhe zjarrfikësit aktivizohen për të parandaluar më të keqen appeared first on Telegrafi.

Një ligj i ri, që tani është në fuqi në Luiziana, mund ta bëjë shtetin amerikan një nga vendet më të mira për të drejtuar në autostradë.

Ata që qëndrojnë në korsinë e majtë, edhe nëse janë vetëm 1 milje nën limitin e shpejtësisë, mund të përballen me burgim, transmeton Telegrafi.

Duke filluar nga 1 gushti, Akti 24 u bë ligj në shtet dhe parashikon dënime më të ashpra për shoferët që ngasin ngadalë në korsinë e majtë.

Ata që kapen duke ngarë nën limitin e shpejtësisë ligjore, do të përballen me një gjobë prej 150 dollarësh për shkeljen e parë. Gjoba është 250 dollarë për shkeljen e dytë.

Ata që kapen tre ose më shumë herë brenda një periudhe 12-mujore do të përballen me një gjobë prej 350 dollarësh ose me burgim.

Po, e lexuat mirë – shoferët që ngadalësojnë trafikun në autostradë mund të përballen me deri në 30 ditë burg nëse e kryejnë shkeljen shumë herë.

Nuk ka dyshim se shoferët e ngadaltë mund të shkaktojnë probleme shtesë sigurie në rrugë.

Shoferët e frustruar shpesh përpiqen të kalojnë në të djathtë, gjë që çon në probleme edhe më të mëdha.

Megjithatë, jo të gjithë në Luiziana pajtohen me ligjin.

“Nuk mendoj se na duhet një arsye tjetër për të ndaluar njerëzit dhe për t’u shkruar gjoba”, tha përfaqësuesi Mike Bayham i Chalmette.

Ky nuk është i vetmi ligj i ri që shoferët e Luizianës duhet të jenë të vetëdijshëm.

Një ligj i veçantë tani vendos përgjegjësi të konsiderueshme financiare për shoferët e pasiguruar, duke kërkuar që ata të mbulojnë personalisht deri në 100,000 dollarë dëmshpërblim, edhe nëse nuk e kanë shkaktuar aksidentin, por thjesht kanë qenë të përfshirë në të.

Qëllimi është të dekurajohen shoferët që të dalin në rrugë pa sigurim dhe të mbrohen shoferët e siguruar nga detyrimi, për të paguar për dëmet e njerëzve të tjerë pas një aksidenti.

Ata që dënohen për ikje nga vendi i ngjarjes së një aksidenti tani do të përballen me një dënim minimal të detyrueshëm me burg.

Limiti ligjor për errësimin e xhamave është ulur nga 40 përqind në 25 përqind të transmetimit të dritës, gjë që është në përputhje me rregulloret në shtetet fqinje, Arkansas dhe Teksas.

Gjithashtu, përdorimi i telefonave në një automjet është i ndaluar përveç nëse është në modalitetin pa duar. /Telegrafi/

The post Në këtë shtet amerikan, mund të shkoni në burg nëse ngadalësoni automjetet në korsinë e majtë të një autostrade appeared first on Telegrafi.