Izraeli dorëzoi të hënën trupat e 45 palestinezëve, tha Kryqi i Kuq, një ditë pasi militantët kthyen eshtrat e tre pengjeve.

Zyrtarët izraelitë i identifikuan të tre si ushtarë që u vranë në sulmin e udhëhequr nga Hamasi më 7 tetor 2023 që shkaktoi luftën.

Shkëmbimi i pengjeve shënoi një hap tjetër përpara për armëpushimin e ndërmjetësuar nga SHBA-ja në konfliktin 2-vjeçar – lufta më vdekjeprurëse dhe më shkatërruese e zhvilluar ndonjëherë midis Izraelit dhe grupit militant “Hamas”.

Që prej hyrjes në fuqi të armëpushimit më 10 tetor, militantët palestinezë kanë dorëzuar trupat e 20 pengjeve, ndërsa tetë të tjerë kanë mbetur ende në Gaza.

/abcnews.al/

Presidenti amerikan, Donald Trump, ka deklaruar se “asgjë nuk do të rrezikojë” marrëveshjen e armëpushimit në Gaza, pavarësisht valës së re të sulmeve izraelite që vranë të paktën 91 persona në të gjithë enklavën palestineze.

Duke folur me gazetarët në bordin e Air Force One gjatë rrugës së tij për në Korenë e Jugut nga Japonia, Trump tha se ka dëgjuar për sulmet e fundit “pak kohë më parë” të cilat, siç tha ai, erdhën pas vrasjes së një ushtari izraelit.

“Izraelitët u kundërpërgjigjën dhe duhet të kundërpërgjigjen kur kjo të ndodhë”, tha ai.

I pyetur nëse sulmet mund të rrezikojnë armëpushimin në Gaza, Trump u përgjigj se “asgjë nuk do ta rrezikojë atë”.

“Hamasi është një pjesë shumë e vogël e paqes në Lindjen e Mesme. Ata thanë se do të sillen mirë dhe nëse sillen mirë, do të jenë të lumtur dhe nëse nuk sillen mirë, do të eliminohen”, shtoi ai.

“Kemi shumë vende që janë të gatshme ta bëjnë këtë”, tha Trump, duke theksuar se “edhe Japonia sot tha se do të dëshironte të përfshihet në Lindjen e Mesme gjatë takimeve në Tokio”.

Trump gjithashtu tha se procesi i armëpushimit po përparon, duke shtuar se “po hyjmë në fazën e dytë”. Ai i referohej fazës tjetër të planit të tij 20-pikash për Gazën.

Të paktën 91 palestinezë janë vrarë që mbrëmë në sulmet izraelite në të gjithë enklavën, duke shënuar një shkelje të re të marrëveshjes së armëpushimit të ndërmjetësuar sipas planit të Trumpit.

Sipas gazetarëve të Anadolu-t, një sulm ajror goditi kampin e refugjatëve al-Shati në perëndim të Qytetit Gaza, ndërsa zjarri i artilerisë shënjestroi zonat në lindje të qytetit Deir al-Balah në Gazën qendrore. Raketat goditën gjithashtu zonën rreth Kompleksit Mjekësor Shifa në Qytetin Gaza.

Armëpushimi në Gaza hyri në fuqi zyrtarisht më 10 tetor. Faza e parë e marrëveshjes përfshin lirimin e pengjeve izraelite në këmbim të gati 2 mijë të burgosurve palestinezë. Plani 20-pikësh planifikon gjithashtu rindërtimin e Gazës dhe krijimin e një mekanizmit të ri qeverisës pa Hamasin.

Që nga tetori i vitit 2023, Izraeli në sulmet në Gaza ka vrarë të paktën 68.500 palestinezë, kryesisht gra dhe fëmijë, si dhe ka plagosur mbi 170 mijë të tjerë./AA

Britania e Madhe ka vendosur të dërgojë një komandant të lartë ushtarak dhe një ekip të vogël planifikuesish në Izrael, si pjesë e përpjekjeve ndërkombëtare për të mbështetur dhe monitoruar armëpushimin mes Izraelit dhe Hamasit. Ky vendim vjen pas një kërkese zyrtare nga Shtetet e Bashkuara të Amerikës dhe është bërë publik nga ministri britanik […]

The post Britania dërgon trupa në Izrael për monitorimin e armëpushimit në Gaza appeared first on BoldNews.al.

Forcat Mbrojtëse Izraelite thonë se kanë "filluar zbatimin e ripërtërirë" të armëpushimit në Gaza, disa orë pas kryerjes së sulmeve ajrore vdekjeprurëse në qytetin jugor të Rafah.

IDF tha se veproi në mbrojtje dhe iu përgjigj një sulmi të kryer kundër forcave të saj të stacionuara atje, shkruajnë mediat e huaja, përcjell Telegrafi.

Në një postim në X, ushtria izraelite theksoi se "terroristët qëlluan një predhë antitank dhe të shtëna me armë zjarri drejt trupave të IDF që vepronin për të çmontuar infrastrukturën terroriste në zonën e Rafah, në Gazën jugore, në përputhje me marrëveshjen e armëpushimit".

"Në përgjigje, IDF ka filluar të sulmojë në zonë për të eliminuar kërcënimin dhe për të çmontuar boshtet e tuneleve dhe strukturat ushtarake të përdorura për aktivitet terrorist".

"Këto veprime terroriste përbëjnë një shkelje të hapur të marrëveshjes së armëpushimit dhe IDF do të përgjigjet me vendosmëri", shtoi IDF.

Sulmet thuhet se vranë të paktën 33 persona dhe vijnë ndërsa Izraeli vazhdon të përplaset me Hamasin për shkeljet e dyshuara të armëpushimit të brishtë të ndërmjetësuar nga SHBA-ja, i cili hyri në fuqi javën e kaluar, me qëllim përfundimin e luftës.

Më vonë të dielën, një zyrtar izraelit i sigurisë njoftoi gjithashtu se transferimi i ndihmës në Gaza ishte ndalur "deri në njoftim të mëtejshëm", por vendimi u anulua brenda një ore për shkak të presionit amerikan, sipas mediave izraelite.

Më parë, media izraelite vuri në dukje se kryeministri Benjamin Netanyahu la një mbledhje kabineti që ai po kryesonte për të mbajtur konsultime sigurie në lidhje me përleshjet në Rafah.

Hamasi tha se komunikimi me njësitë e tij të mbetura në Rafah ishte ndërprerë për muaj të tërë dhe "ne nuk jemi përgjegjës për asnjë incident që ndodh në ato zona".

Grupi militant e ka akuzuar në mënyrë aktive Izraelin për shkelje të armëpushimit gati 50 herë që kur ai hyri në fuqi.

Grupi me bazë në Gaza thotë se Izraeli ka vrarë dhjetëra palestinezë, nëpërmjet zjarrit të hapur të drejtpërdrejtë kundër civilëve, duke sponsorizuar kryengritësit e armatosur për të orkestruar vrasje dhe trazira dhe nëpërmjet akteve të vazhdueshme të frikësimit dhe agresionit kundër civilëve.

Hamasi akuzoi gjithashtu Izraelin për shkelje të një kushti të rëndësishëm në marrëveshjen e armëpushimit të ndërmjetësuar nga presidenti i SHBA-së Donald Trump, i cili përcaktonte që të gjitha kalimet tokësore në Gaza, përfshirë atë kryesoren - Rafah - duhet të hapen për të mundësuar operacione ndihme në shkallë të gjerë.

Marrëveshja përcaktonte gjithashtu që ndihma të rrjedhë në enklavë në nivelet e para luftës prej 600 kamionësh në ditë. Që atëherë është kufizuar nga organi izraelit i mbrojtjes që mbikëqyr operacionet e ndihmës, COGAT, në gjysmën e kësaj, në 300 kamionë në ditë.

Netanyahu njoftoi të shtunën se kufiri i Rafah do të mbetet i mbyllur dhe ndihma do të vazhdojë të jetë e kufizuar, duke akuzuar në vend të kësaj Hamasin se nuk i përmbushi detyrimet e tij. /Telegrafi/

Hamas, lajmëroi se do t`i dorëzojë trupin e një pengu tjetër izraelit Kryqit të Kuq, që më pas t’i dërgohet Izraelit, tha një zyrtar për Reuters.

Një burim sigurie izraelite konfirmoi se Kryqi i Kuq, do ta marrë trupin në orën 00:30 dhe më pas do ta transferojë atë në Izrael.

Megjithatë, informacionet janë të përziera në lidhje me kohën e dorëzimit të trupit të pengut, pasi mediat izraelite raportojnë se kjo do të ndodhë në orën 11:00 dhe në agim.

Qeveria izraelite, akuzon Hamasin për shkelje të marrëveshjes së armëpushimit që hyri në fuqi më 10 tetor dhe parashikonte kthimin e të gjithë pengjeve, të gjallë dhe të vdekur.

Si pjesë e marrëveshjes, lëvizja palestineze liroi 20 pengjet e gjalla në kohë, por deri më tani ka riatdhesuar vetëm nëntë mbetje nga 28 në Rripin e Gazës.

Ajo argumentoi se i ktheu Izraelit mbetjet që kishte mundësi t’i qasej dhe shtoi se do të nevojiteshin “përpjekje të mëdha dhe pajisje speciale” për të rikuperuar ato që mbeten.

Kujtojmë se autoritetet turke, kishin njoftuar se ekspertët po ndihmonin në kërkimin për të rikuperuar trupat e varrosur në rrënojat në Gaza.

The post Armëpushimi në Gaza, Hamasi i dorëzon trupin e një tjetër pengu Izraelit appeared first on Albeu.com.

Pavarësisht armëpushimit të shpallur, i cili hyri në fuqi pas mesnatës, avionët luftarakë izraelitë kryen një sulm mëngjesin e sotëm në qytetin Khan Yunis, në Rripin jugor të Gazës. Kjo u raportua nga agjencia palestineze e lajmeve Wafa. Korrespondenti i Wafa-s deklaroi se forcat izraelite sulmuan zonën Al-Katiba në qendër të Khan Yunis me disa […]

The post Izraeli sulmon Gazën pas arritjes së armëpushimit appeared first on BoldNews.al.

Izraelitët dhe palestinezët festuan të enjten në mbrëmje, ndërsa Hamasi dhe qeveria izraelite filluan përgatitjet për të zbatuar një marrëveshje armëpushimi që premton një fund të qëndrueshëm të një konflikti të përgjakshëm dyvjeçar që ka vrarë dhjetëra mijëra njerëz, ka destabilizuar pjesën më të madhe të Lindjes së Mesme dhe ka shkaktuar protesta në të gjithë botën.

Në Gaza, kishte gëzim, por shumë ankth. Shumë veta shprehën frikën se marrëveshja e re do të dështonte, duke sjellë më shumë vuajtje në territorin e shkatërruar.

Edhe pse turma u mblodhën në disa vende për të festuar, në shumë vende dëshmitarët raportuan reagime të heshtura mes fluturimeve të zhurmshme nga avionët luftarakë dhe dronët.

Në Izrael, në një ditë me zhvillime të shpejta dhe nganjëherë kaotike, spitalet u përgatitën të prisnin pengjet që do të liroheshin nga Hamasi, qeveria e koalicionit qeverisës nënshkroi marrëveshjen e re të armëpushimit dhe mijëra njerëz dolën në rrugët e Tel Avivit për të shprehur gëzim dhe lehtësim.

Vonë të enjten në mbrëmje, një deklaratë nga qeveria tha se; “sapo kishte miratuar kuadrin për lirimin e të gjithë pengjeve – si të gjallëve ashtu edhe të vdekurve”.

Njoftimi i Donald Trump për “propozimin e tij për paqe” javën e kaluar, shkaktoi një raund të furishëm negociatash indirekte midis Hamasit dhe Izraelit në vendpushimin egjiptian në Detin e Kuq, Sharm-el Sheikh.

Presidenti amerikan tha të enjten se do të përpiqet të shkojë në Egjipt për nënshkrimin e marrëveshjes së re. Në Izrael, zyrtarët sugjeruan se presidenti amerikan pritet të vizitojë Egjiptin të dielën.

Trump shtoi se 48 pengje të mbajtura nga Hamasi , nga të cilët më pak se gjysma mendohet se janë ende gjallë, do të lirohen “të hënën ose të martën” dhe tha se marrëveshja “i kishte dhënë fund luftës në Gaza”.

Zyra e kryeministrit të Izraelit, Benjamin Netanyahu , tha se armëpushimi do të hynte në fuqi sapo marrëveshja të ratifikohej nga qeveria e tij.

Por një zëdhënës i qeverisë izraelite, tha se armëpushimi do të hynte në fuqi brenda 24 orëve nga mbledhja e kabinetit. Ata thanë se pengjet që besohet se janë ende gjallë në Gaza do të lirohen brenda 72 orëve.

Forcat izraelite do të tërhiqen në një vijë të dakorduar në Rripin e Gazës, që do t’i linte ata nën kontroll të 53% të territorit, tha një zëdhënës i qeverisë izraelite.

Në këmbim, Izraeli do të lirojë rreth 2,000 të burgosur palestinezë, por zëdhënësi tha se Marwan Barghouti, një figurë e lartë në lëvizjen Fatah të Mahmoud Abbasit, i cili është jashtëzakonisht popullor në Bregun Perëndimor dhe Gaza dhe është përmendur shpesh si një udhëheqës i ardhshëm, nuk do të jetë midis tyre. Burime të Hamasit thanë se lista e të burgosurve të liruar ishte ende duke u diskutuar vonë të enjten.

Hamasi i bëri thirrje Trumpit dhe shteteve garantuese që të sigurohen që Izraeli të zbatojë plotësisht armëpushimin.

Kreu i Gazës në mërgim, Khalil Al-Hayya, tha të enjten se grupi ka marrë garanci nga Shtetet e Bashkuara, ndërmjetësit arabë dhe Turqia se lufta në Gaza ka përfunduar përgjithmonë, sipas Reuters.

Agjencitë e OKB-së thanë se ishin gati të dërgonin ndihma urgjente në Gaza, ku ekspertët shpallën zi buke në gusht .

Sekretari i përgjithshëm i OKB-së, António Guterres, tha se “për ta shndërruar këtë armëpushim në përparim të vërtetë, na duhet më shumë sesa thjesht heshtja e armëve”.

Guterres bëri thirrje për qasje të sigurt për punonjësit humanitarë, heqjen e pengesave burokratike për ofrimin e shpejtë të ndihmës, rindërtimin e infrastrukturës së shkatërruar të Gazës dhe financim për të përmbushur nevojat e mëdha.

The post Hamasi dhe Izraeli përgatiten të zbatojnë armëpushimin, festimet mbushin rrugët e Gazës dhe Tel Avivit, çfarë pritet të ndodhë appeared first on Albeu.com.

Pas arritjes së një marrëveshje për t’i ndaluar përkohësisht luftën dhe për të realizuar lirimin e pengjeve dhe të të burgosurve palestinezë, ka pasur festime në Gaza dhe Izrael.

Në qytetin Khan Younis të Gazës, qytetarët dolën në rrugë duke kërcyer dhe duartrokitur, ndërsa atmosfera e festës përfshiu edhe Tel Avivin, ku në “Sheshin e Pengjeve” u mblodhën familjarët e të rrëmbyerve dhe mbështetës të tyre. Të pranishmit brohoritën “Çmimi Nobel për Trump”, në shenjë falenderimi për ndërhyrjen e presidentit amerikan që ndërmjetësoi marrëveshjen, raporton Sky Neës.

Familjet e atyre që ende mbahen peng u panë duke festuar mes këngëve, lotëve dhe përqafimeve, të prekur thellë nga lajmi se të afërmit e tyre mund të kthehen së shpejti në shtëpi.

Einav Zangauker, nëna e pengut Matan Zangauker, u shpreh e emocionuar për mundësinë që i biri të lirohet së shpejti, duke theksuar shpresën e madhe që ky zhvillim i sjell familjes së saj.

The post “Çmimi Nobel për Trump”/ Pas arritjes së marrëveshjes për armëpushim dhe lirimin e pengjeve, festime në Gaza dhe Izrael (FOTOT) appeared first on Albeu.com.

Presidenti i SHBA-së, Donald Trump, ka njoftuar se “Izraeli dhe Hamasi, kanë nënshkruar Fazën e parë të Planit tonë të Paqes”.

Kjo fazë përfshin lirimin e pengjeve dhe tërheqjen e trupave izraelite sipas dakordimit.

“Kjo do të thotë që TË GJITHË pengjet do të lirohen shumë shpejt dhe Izraeli do të tërheqë trupat e tij në një vijë të rënë dakord si hapat e parë drejt një Paqeje të Fortë, të Qëndrueshme dhe të Përjetshme. Të gjitha palët do të trajtohen në mënyrë të drejtë!

Kjo është një DITË E MADHE për Botën Arabe dhe Muslimane, Izraelin, të gjitha kombet përreth dhe Shtetet e Bashkuara të Amerikës, dhe ne falënderojmë ndërmjetësit nga Katari, Egjipti dhe Turqia, të cilët punuan me ne për ta bërë të mundur këtë Ngjarje Historike dhe të Paparë”, ka shkruar Trump në rrjetet sociale.

Një zyrtar i Katarit ka thënë se marrëveshja do të “çojë në përfundimin e luftës, lirimin e pengjeve izraelite dhe të burgosurve palestinezë, si dhe hyrjen e ndihmave”.

The post Trump njofton detaje nga marrëveshja e armëpushimit në Gaza: Izraeli dhe Hamasi kanë nënshkruar fazën e parë të planit tonë të Paqes appeared first on Albeu.com.

Pas 21 muajsh lufte, shpresat për një armëpushim të ri në Rripin e Gazës po rriten. Kryeministri izraelit, Benjamin Netanyahu, zhvillon sot një takim të rëndësishëm me presidentin amerikan, Donald Trump, në Uashington. Trump u tha më herët gazetarëve se do të jetë “shumë i prerë” me Netanyahun për përfundimin e konfliktit. Ai tha se […]

The post Trump pret Netanyahun për të biseduar për armëpushimin në Gazë appeared first on BoldNews.al.

Një propozim i detajuar për armëpushim që përfshin një pauzë 60-ditore në luftimet midis Izraelit dhe Hamasit është paraqitur ndërmjetësve, duke përshkruar dispozita kryesore për lirimin e pengjeve, rivendosjen e ushtrisë izraelite në Gaza, dhe rinovimin e bisedimeve për një zgjidhje afatgjatë të armiqësive.

Dokumenti, që është ndarë i plotë nga botimi Al-Majalla, në pronësi saudite dhe me seli në Londër, përfshin elemente të rëndësishme për ndihmën humanitare, si dhe një kornizë për qeverisjen afatgjatë të Gazës. Propozimi, gjithashtu, kërkon lirime graduale të pengjeve, një masë që synon uljen e tensioneve dhe krijimin e kushteve për dialog.

Hamas, pas marrëveshjes paraprake, ka dhënë një përgjigje pozitive ndaj këtij plani, dhe tani Izraeli pritet të japë përgjigjen e tij zyrtare.

Pjesë e rëndësishme e marrëveshjes është angazhimi i Presidentit të SHBA-së Donald Trump, i cili do të garantojë se Izraeli do të respektojë armëpushimin gjatë gjithë periudhës 60-ditore.

Ky propozim pritet të ketë një ndikim të rëndësishëm për stabilitetin e rajonit, ndërkohë që forcon rolin e ndërmjetësuesve ndërkombëtarë dhe siguron mundësi për një marrëveshje të qëndrueshme të paqes.

LEXONI GJITHASHTU:

• Lavrov arrin në Rio de Janeiro për samitin e BRICS, Putin pjesë përmes video-lidhjes
• U akuzua për ngacmim seksual, jep dorëheqjen zyrtari i qeverisë së Spanjës

The post Pranë një marrëveshjeje: Si do të zbatohet armëpushimi në Gaza nga secila palë appeared first on Euronews Albania.

Kryeministri izraelit, Benjamin Netanyahu, ka reaguar për herë të parë pas njoftimit të presidentit amerikan, Donald Trump, se Izraeli ka pranuar një armëpushimi 60-ditor në rajonin e Gazës.

Netanyahu deklaroi të mërkurën se qëndrimi i Izraelit ndaj Hamasit mbetet i palëkundur.

Kryeministri izraelit shprehu vendosmërinë për shkatërrimin përfundimtar të Hamasit, duke theksuar: “Nuk do të ketë Hamas. Nuk do të ketë Hamastan. Nuk do të rikthehemi më aty. Është mbyllur kjo histori.”

Hamasi po shqyrton propozimet e reja për armëpushim, me synimin për të arritur një marrëveshje që do të mbaronte konfliktin në Gaza dhe do të siguronte tërheqjen e forcave izraelite nga enklava.

Presidenti amerikan Donald Trump njoftoi më herët se Izraeli ka pranuar kushtet e armëpushimit të propozuara nga SHBA-ja dhe se gjatë periudhës 60-ditore do të punohet me të gjitha palët për t’i dhënë fund luftës. Në një postim në rrjetin social Truth Social, Trump tha: “Shpresoj, për mirëqenien e Lindjes së Mesme, që Hamasi të pranojë këtë marrëveshje, sepse situata nuk do të përmirësohet – DO TË PËRKEQËSOHET.”

Ministri i Çështjeve Strategjike të Izraelit, Ron Dermer, informoi përfaqësuesin amerikan për Lindjen e Mesme, Steve Ëitkoff, se Izraeli ka pranuar propozimin për armëpushim dhe marrëveshje për të liruar pengjet, dhe është gati të fillojë bisedime të ngushta me Hamasin për finalizimin e marrëveshjes, sipas një zyrtari të lartë izraelit.

LEXONI GJITHASHTU:

• Trump: Izraeli pranon kushtet për armëpushim 60-ditor në Gaza, fillojnë bisedimet
• Ushtarët e plagosur të IDF-së: Lufta në Gaza të vazhdojë derisa Hamasi të mposhtet

The post Propozimi i Trump për armëpushim në Gaza, reagon Netanyahu: Hamasi do të zhduket appeared first on Euronews Albania.

Sekretari i Përgjithshëm i NATO-s, Mark Rutte ndodhet në një konferencë për shtyp me Donald Trump, ndaj të cili ka shprehur vlerësim mbi vendimin e Presidentit lidhur me tensionet në Lindjen e Mesme.

“Dua vetëm të vlerësoj veprimin tuaj vendimtar ndaj Iranit. Ju jeni një njeri i forcës, por edhe një njeri i paqes”, tha ai.

Rutte vlerësoi rolin e Trump në arritjen e armëpushimit mes Izraelit dhe Iranit duke e konsideruar këtë si një moment të rëndësishëm për të gjithë planetin.

“Gjithashtu dua t’ju përgëzoj për faktin që keni pasur sukses në arritjen e armëpushimit midis Izraelit dhe Iranit, i cili është i rëndësishëm për të gjithë botën”, theksoi ai.

Duke u ndalur tek ajo që përbën rritjen e investimeve në fushën e mbrojtjes nga vendet anëtare të Aleancës, Rutte tha: “Për një kohë shumë të gjatë, Shtetet e Bashkuara kanë mbajtur barrën kryesore brenda Aleancës, por kjo mbaron sot. Ne kemi një plan konkret që të gjithë aleatët do t’i kushtojnë 5% të PBB-së së tyre mbrojtjes. Ky vendim është thellësisht i rrënjosur në misionin tonë kryesor dhe është i nevojshëm për të financuar planet dhe përgatitjen tonë të mbrojtjes. Dhe do të sigurojë që të gjithë të kontribuojnë në mënyrë të barabartë në sigurinë tonë.

Ndërkohë, Presidenti i SHBA, Donald Trump, kur u pyet për Nenin 5 të Traktatit të Atlantikut të Veriut që parashikon angazhimin për mbrojtje të ndërsjellë në rast sulmi ndaj aleatëve të NATO-s, u përgjigj: “Ne jemi me ta gjatë gjithë kohës”.

LEXONI GJITHASHTU:

• Miratohet Deklarata e Hagës: Vendet e NATO-s zotohen të investojnë 5% të PBB-së
• Trump: I dërguari për Lindjen e Mesme më tha se armëpushimi në Gaza është afër

The post “Armëpushimi Izrael-Iran u arrit falë Trump”, Rutte përgëzon presidentin e SHBA-së appeared first on Euronews Albania.

Një zyrtar i Katarit tha të mërkurën se ndërmjetësuesit në konfliktin e Gazës po e përdorin “momentumin” e krijuar nga armëpushimi midis Izraelit dhe Iranit për të rinisur negociatat e bllokuara.

Zëdhënësi i Ministrisë së Jashtme, Majed Al Ansari, tha se Katari kishte qenë në kontakt me “të gjitha palët” gjatë dy ditëve të fundit për të “bindur (Izraelin dhe Hamasin) që të rifillojnë bisedimet”.

Komentet erdhën menjëherë pasi Presidenti i SHBA-së, Donald Trump, tha se mendonte që sulmet amerikane në uzinat bërthamore të Iranit mund të ndihmonin në një përparim në luftën e Izraelit kundër Hamasit në Gaza dhe se ishte “shumë afër” arritjes së një marrëveshjeje për atë konflikt.

“Ky është momenti që Presidenti Trump ta shtyjë përpara këtë dhe ne besojmë se ai është i sinqertë për këtë… Ne jemi të gatshëm të ndihmojmë në këtë drejtim”, tha Al Ansari për CNN.
“Pati një momentum të krijuar nga armëpushimi në Iran dhe Izrael, por ende nuk jemi jashtë rrezikut. Ka shumë detaje që nuk mund t’i diskutoj tani për tani në lidhje me marrëveshjen në fuqi, por mund t’ju ​​them se janë të njëjtat parametra që vazhdojnë të hyjnë dhe të dalin nga bisedimet”, tha ai.

Irani iu përgjigj sulmeve amerikane ndaj objekteve bërthamore iraniane këtë fundjavë duke qëlluar raketa në një bazë amerikane në Katar, një sulm i paprecedentë që nuk la dëme, duke ngritur pyetje nëse ishte i koordinuar midis Teheranit dhe Dohës për të krijuar një pengesë për përshkallëzimin rajonal.

I pyetur nëse sulmi nga Irani ishte i koordinuar me Katarin, Al Ansari tha se kishte informacione mbi sulme të mundshme, por pohoi se ishte një “surprizë”.

“Ishte e paprecedentë dhe nuk prisnim që iranianët ta bënin këtë në… kohën kur ne po i ndihmojmë ata me shumë nga çështjet e tyre rajonale… kjo është një plagë në marrëdhënien midis nesh dhe Iranit, por ne jemi të gatshëm të ecim përpara”, tha ai.

LEXONI GJITHASHTU:

• Trump: I dërguari për Lindjen e Mesme më tha se armëpushimi në Gaza është afër
• Spanja i kërkon BE-së të pezullojë marrëveshjen me Izraelin për luftën në Gaza

The post Katari: Armëpushimi Izrael-Iran moment i mirë për të rinisur bisedimet në Gaza appeared first on Euronews Albania.

Ambasada e Shteteve të Bashkuara në Jerusalem ka njoftuar se do të rihapet të mërkurën, duke hequr urdhrat e mëparshëm për strehim në vend për punonjësit e saj, pas vendosjes së një armëpushimi mes Izraelit dhe Iranit. Në një deklaratë zyrtare, ambasada thekson se rifillimi i operacioneve vjen pas “heqjes së të gjitha kufizimeve” nga Komanda e Frontit të Brendshëm të Izraelit.

“Për shkak të armëpushimit midis Izraelit dhe Iranit, Komanda e Frontit të Brendshëm ka hequr të gjitha kufizimet dhe Ambasada e SHBA-së do të jetë e hapur si zakonisht të mërkurën, më 25 qershor. Urdhri për strehim në vend për punonjësit e qeverisë amerikane dhe anëtarët e familjeve të tyre është hequr”, thuhet në deklaratë.

Më herët, për shkak të përshkallëzimit të konfliktit, misioni diplomatik kishte lëshuar disa alarme sigurie dhe udhëzime që punonjësit dhe anëtarët e familjeve të tyre të qëndronin të strehuar në vend. Megjithatë, përkundër lehtësimit të situatës, ambasada mbetet e kujdesshme dhe ka lëshuar një paralajmërim udhëtimi.

Sipas deklaratës, punonjësve të qeverisë amerikane dhe familjarëve të tyre u ndalohet udhëtimi jashtë zonave të mëdha të Tel Avivit (duke përfshirë Herzliya, Netanya dhe Even Yehuda), Jerusalemit dhe Be’er Sheva deri në një njoftim të dytë.

Armëpushimi Izrael-Iran

Më 13 qershor, Izraeli goditi objektet kryesore bërthamore dhe ushtarake iraniane, duke eliminuar një pjesë të udhëheqjes ushtarake të Iranit. Deri më 18 qershor, SHBA-të kishin mbyllur përkohësisht ambasadën e tyre në Jerusalem dhe konsullatën në Tel Aviv. Tensionet u përshkallëzuan përsëri më 22 qershor, kur SHBA-të nisën sulme ndaj centraleve bërthamore iraniane në Fordow, Natanz dhe Isfahan.

Ndërsa Pentagoni deklaroi se këto sulme kishin shkatërruar në mënyrë efektive programin bërthamor të Iranit, inteligjenca amerikane mban një qëndrim më të kujdesshëm. Në orët e para të 25 qershorit, Presidenti i SHBA-së Donald Trump njoftoi se Izraeli dhe Irani kishin arritur një marrëveshje të plotë armëpushimi.

The post SHBA rihap ambasadën në Jerusalem appeared first on Lapsi.al.

Kryeministri Sir Keir Starmer thotë se armëpushimi midis Iranit dhe Izraelit “duhet të respektohet”.

“Ky është një mundësi për të siguruar stabilitetin e shumëpritur në Lindjen e Mesme. Iranit nuk duhet t’i lejohet kurrë të zhvillojë një armë bërthamore dhe tani duhet të kthehet në tryezën e bisedimeve dhe të punojë drejt një zgjidhjeje të qëndrueshme”, thotë ai në një postim në X.

“Ky është mesazhi që po diskutoj me udhëheqës të tjerë në NATO sot”, shton Starmer, duke iu referuar samitit të NATO-s që po zhvillohet në Holandë.

Më herët gjatë ditës, Starmer tha se foli me emirin e Katarit në lidhje me sulmin iranian ndaj bazës amerikane.

LEXONI GJITHASHTU:

• Presidenti iranian: Nuk do ta shkelim armëpushimin, por varet dhe nga Izraeli
• Si armëpushimi mes Izraelit dhe Iranit qetësoi tregjet financiare

The post Kryeministri britanik: Armëpushimi duhet të respektohet appeared first on Euronews Albania.

Mes shpërthimeve të raketave dhe negociatave të fshehta, një armëpushim i shpallur nga SHBA-ja ka rikthyer shpresën për shmangien e një lufte gjithëpërfshirëse në Lindjen e Mesme. Por bombardimet vazhdojnë, duke e bërë të paqartë nëse kemi të bëjmë me fundin e një konflikti apo me një pauzë të përkohshme. Hakmarrje simbolike për efekt propagandistik […]

The post Cili ishte roli i Katarit në armëpushimin Izrael–Iran dhe si u arrit marrëveshja appeared first on BoldNews.al.

Çmimet e naftës vazhduan rënien e tyre pas lajmit për një marrëveshje armëpushimi midis Iranit dhe Izraelit, e cila lehtësoi shqetësimet e investitorëve për ndërprerje të mundshme të furnizimit.

Nafta e papërpunuar amerikane West Texas Intermediate ra me 3.7% më pak në 65.9 dollarë për fuçi, ndërsa nafta e papërpunuar Brent, referenca globale, ishte 3.8% më e ulët gjatë ditës në 68.8 dollarë për fuçi.

Gjatë natës, Presidenti i SHBA-së Donald Trump njoftoi atë që e quajti një armëpushim “të plotë dhe total” midis Izraelit dhe Iranit në një postim në mediat sociale. Ai më vonë tha se një armëpushim midis dy vendeve tani ishte “në fuqi”.

Mediat iraniane dhe izraelite kanë thënë gjithashtu se një armëpushim ka filluar. Por detajet e sakta janë të paqarta. Të hënën, çmimet e naftës ranë më shumë se 7% pasi Irani nisi sulme të synuara dhe të kufizuara me raketa në bazat amerikane në Katar.

Nafta bruto amerikane ra me 7.2% duke arritur në 68.51 dollarë për fuçi, rënia më e madhe ditore që nga fillimi i prillit dhe një nga ditët më të këqija gjatë tre viteve të fundit. Brent u mbyll në 71.48 dollarë për fuçi, me 7.2% më pak, rënia më e madhe që nga gushti 2022.

The post Armëpushimi midis Iranit dhe Izraelit, bien çmimet e naftës në tregjet ndërkombëtare appeared first on Albeu.com.

Presidentja e zgjedhur e Këshillit Kombëtar të Rezistencës së Iranit, Maryam Rajavi, ka reaguar në lidhje me armëpushimin e vendosur mes Izraelit dhe Iranit, bazuar mbi një marrëveshje të SHBA-ve. Në një deklaratë të lëshuar nga Kampi Ashraf 3 në Manëz të Durrësit, ku strehohen anëtarët e organizatës MEK, ajo thotë se le të jetë […]

The post Reagojnë muxhahedinët e Manzës: Kërkojmë demokraci, populli i Iranit ta rrëzojë vetë Khamenein appeared first on BoldNews.al.

Ushtria izraelite ka njoftuar se janë identifikuar raketa të lëshuara nga Irani, dy orë pasi armëpushimi i shpallur nga presidenti i Shteteve të Bashkuara të Amerikës, Donald Trump, ka hyrë në fuqi, raporton AP. Sistemet e mbrojtjes ajrore janë aktivizuar, teksa qytetarëve u është kërkuar të futen në vende të sigurta dhe të qëndrojnë aty deri në njoftimin e radhës.

Ministri i Mbrojtjes i Izraelit, Israel Katz, ka reaguar përmes një deklarate zyrtare, pak pasi u raportuar për një breshëri raketash të lëshuara nga Irani në veri të Izraelit mëngjesin e sotëm.

Katz njofton se i ka dhënë urdhër Forcave të Mbrojtjes së Izraelit (IDF) të “përgjigjen me forcë ndaj shkeljes së armëpushimit nga ana e Iranit, përmes goditjeve intensive ndaj objektivave të regjimit në zemër të Teheranit”.

Media shtetërore iraniane i është përgjigjur akuzave të Izraelit, duke thënë se Irani mohon raportet se ka qëlluar një raketë drejt Izraelit pas fillimit të armëpushimit.

The post Izraeli akuzon Iranin për shkelje të armëpushimit: Do përgjigjemi me forcë appeared first on Lapsi.al.