Dhjetëra mijëra banorë në shtetin amerikan të Uashingtonit u urdhëruan të evakuoheshin të enjten mbrëma për shkak të përmbytjeve të mëdha që kanë mbuluar tokat bujqësore. Të paktën 78,000 persona në rajonin bujqësor të shtetit u udhëzuan të largoheshin nga zonat e rrezikuara, një ditë pasi shteti shpalli gjendjen e jashtëzakonshme. Mbi 12,000 shtëpi mbetën pa energji elektrike të enjten mbrëma…

Source

Kryetari i Prishtinës, Përparim Rama, ka zhvilluar sot një takim të rëndësishëm me Jeremy Long, zëvendësdrejtor në Zyrën për Çështjet e Evropës Qendrore në Departamentin Amerikan të Shtetit.

Rama bëri të ditur se në takim ka prezantuar vizionin e Prishtinës për katër vitet e ardhshme, duke vënë theksin te sfidat aktuale që, sipas tij, po shkakton Qeveria e Kosovës përmes bllokimit të vazhdueshëm të buxhetit të kryeqytetit.

Ai tha se bisedimet u fokusuan edhe te mundësitë për tërheqjen e investimeve amerikane, veçanërisht në kuadër të përgatitjeve për Lojërat Mesdhetare 2030.

Sipas Ramës, energjetika alternative dhe projektet e mëdha zhvillimore përbëjnë fusha ku bashkëpunimi me investitorët amerikanë mund të sjellë përfitime konkrete.

Rama njoftoi gjithashtu se së shpejti komuna do të organizojë një konferencë të posaçme për të prezantuar mundësitë e reja të investimeve në Prishtinë, me synimin për të krijuar partneritete të reja ndërkombëtare.

Një i dyshuar i akuzuar për vrasjen e dy ushtarëve të Gardës Kombëtare në Uashington javën e kaluar u akuzua zyrtarisht sot për vrasje dhe krime të tjera, ndërsa mori pjesë në seancën e tij të parë dëgjimore nëpërmjet lidhjes video nga shtrati i spitalit.

Një gjyqtar në Uashington urdhëroi që Rahmanullah Lakanwal të mbahet në paraburgim pa lirim me kusht, duke thënë se ishte "jashtëzakonisht i tmerruar" nga të shtënat që ndodhën disa blloqe larg Shtëpisë së Bardhë, të cilat vranë një anëtare të Gardës Kombëtare dhe plagosën rëndë kolegun e saj.

Lakanwal, një shtetas afgan, u plagos edhe vetë në incident dhe mbetet i shtruar në spital.

"Sarah Beckstrom nga Virxhinia Perëndimore, një nga anëtaret e Gardës Kombëtare për të cilën po flasim, një person shumë i respektuar, i ri dhe i mrekullueshëm... Ajo sapo ndërroi jetë. Nuk është më me ne", tha Trump në fjalimin e tij të parë të drejtpërdrejtë që nga të shtënat.

Drejtori i CIA-s, John Ratcliffe, konfirmoi se sulmuesi u lejua të hynte në SHBA "për shkak të punës së tij të mëparshme me qeverinë amerikane".

Drejtori i FBI-së, Kash Patel, konfirmoi gjithashtu se "ka raportime se i dyshuari kishte një lidhje në Afganistan me forcat partnere", duke shtuar se kjo pjesë e të dhënave të tij po hetohet plotësisht. /Telegrafi/

E ardhmja e luftës në Ukrainë po vendoset aktualisht në bisedimet e vazhdueshme në Shtetet e Bashkuara midis zyrtarëve të lartë ukrainas dhe amerikanë, me Uashingtonin që vë në tryezë lëshime territoriale. Ndërkohë nga ana tjetër Zelenskyy mobilizon aleatët e tij evropianë duke njoftuar se është në kontakt me Sekretarin e Përgjithshëm të NATO-s Mark Rutte dhe […]

The post Lufta në Ukrainë/ Uashingtoni presion Kievit për çështjet territoriale, çfarë pritet appeared first on BoldNews.al.

UASHINGTON, 26 nëntor /ATSH/- Dy anëtarë të Gardës Kombëtare janë qëlluar me armë zjarri në qendër të Uashingtonit, pranë Shtëpisë së Bardhë, sipas “abc News”.

Dy anëtarët e Gardës Kombëtare kanë vdekur pasi u qëlluan në qendër të Uashingtonit pranë Shtëpisë së Bardhë, sipas Guvernatorit të Virxhinias Perëndimore, Patrick Morrisey.

“Me hidhërim të madh mund të konfirmojmë se të dy anëtarët e Gardës Kombëtare të Virxhinias Perëndimore, të cilët u qëlluan sot në Uashington, kanë ndërruar jetë nga plagët e marra. Këta banorë të guximshëm të Virxhinias Perëndimore humbën jetën në shërbim të vendit të tyre. Ne jemi në kontakt të vazhdueshëm me zyrtarët federalë ndërsa hetimi vazhdon”, tha Morrisey.

Dy anëtarët e Gardës Kombëtare ishin një grua dhe një burrë.

“I dyshuari ndodhet në paraburgim”, tha Departamenti i Policisë Metropolitane.

Agjenci të shumta të zbatimit të ligjit, duke përfshirë U.S. Marshalls, ATF dhe FBI reaguan ndaj ngjarjes.

“Personi që besohet të jetë i dyshuari ndodhet në gjendje kritike”, tha zyrtari i zbatimit të ligjit.

Sipas një zyrtari të policisë së Uashingtonit, pati një incident me të shtëna të raportuara në orën 14:20 në hyrje të stacionit të metrosë “Farragut West”.

“Presidenti amerikan, Donald Trump është informuar për të shtënat me armë”, tha në një deklaratë sekretarja e shtypit e Shtëpisë së Bardhë, Karoline Leavitt.

Një zyrtar i Shtëpisë së Bardhë konfirmoi se Shtëpia e Bardhë është aktualisht në izolim.

Trump ndodhet në Florida, ku po kalon Ditën e Falënderimeve në resortin e tij Mar-a-Lago.

“Kafsha që qëlloi dy ushtarët e Gardës Kombëtare, të dy të plagosur rëndë dhe tani në dy spitale të ndara, është gjithashtu e plagosur rëndë, por pavarësisht kësaj, do ta paguajë shtrenjtë”, shkroi sot Trump në “Truth Social”.

“Zoti e bekoftë Gardën tonë të Madhe Kombëtare dhe të gjithë Ushtrinë dhe Zbatimin e Ligjit. Këta janë vërtet njerëz të shkëlqyer. Unë, si president i Shteteve të Bashkuara të Amerikës, dhe të gjithë të lidhur me Zyrën e Presidencës, jemi me ju!”, shtoi ai.

Garda Kombëtare u dislokua në kryeqytetin e vendit si pjesë e marrjes së kontrollit federal të qytetit nga presidenti Trump në gusht.

Sipas përditësimit më të fundit, në Uashington janë caktuar 2 188 oficerë policie të Gardës. //a.i/

The post UASHINGTON – Dy anëtarë të Gardës Kombëtare qëllohen për vdekje me armë zjarri pranë Shtëpisë së Bardhë appeared first on Agjencia Telegrafike Shqiptare.

Dy anëtarë të Gardës Kombëtare dyshohet se janë qëlluar për vdekje me armë zjarri këtë të mërkurë në qendër të Uashingtonit, pranë zonës ku ndodhet Shtëpia e Bardhë. Ngjarja ka ndodhur pranë stacionit të metrosë “Farragut West”, rreth një milje larg Shtëpisë së Bardhë. Forcat e sigurisë kanë mbërritur menjëherë në vendngjarje. Departamenti i Policisë […]

The post Të shtëna me armë zjarri pranë Shtëpisë së Bardhë, vriten dy anëtarë të Gardës Kombëtare appeared first on BoldNews.al.

Dy ushtarë të Gardës Kombëtare u qëlluan të mërkurën pranë Shtëpisë së Bardhë.

Kështu së paku raportojnë mediat e huaja, sipas të cilave, gjendja e tyre nuk dihet menjëherë, sipas një zyrtari të zbatimit të ligjit, përcjell Telegrafi.

Mjetet e emergjencës u panë duke iu përgjigjur zonës ndërsa Task Forca e Përbashkët e Uashingtonit konfirmoi se po i përgjigjej një incidenti në afërsi të Shtëpisë së Bardhë në lëvizjet pas raportimeve për të shtënat.

Megjithatë, zëdhënësi nuk do të konfirmonte ose mohonte menjëherë nëse ndonjë anëtar i Gardës Kombëtare ishte qëlluar.

Departamenti i Policisë Metropolitane theksoi se po i përgjigjej të shtënave, por nuk dha menjëherë më shumë informacion.

Një zëdhënëse e kryebashkiakes Muriel Bowser bëri të ditur se udhëheqësit lokalë po e monitoronin në mënyrë aktive situatën.

Presidenti Donald Trump ishte në fushën e tij të golfit në West Palm Beach kur ndodhën të shtënat.

“Shtëpia e Bardhë është në dijeni dhe po e monitoron në mënyrë aktive këtë situatë tragjike. Presidenti është informuar”, citohet të ketë thënë Sekretarja e Shtypit e Shtëpisë së Bardhë, Karoline Leavitt.

Qindra anëtarë të Gardës Kombëtare nga distrikti dhe disa shtete kanë patrulluar kryeqytetin e vendit pasi presidenti Donald Trump në gusht lëshoi një urdhër emergjence në kryeqytet, duke federalizuar forcën policore lokale dhe duke dërguar roje nga tetë shtete dhe Distrikti i Columbias. /Telegrafi/

Kriza politike në Uashington ka hyrë në ditën e 36-të, duke shënuar mbylljen më të gjatë të qeverisë në historinë e Shteteve të Bashkuara. Përplasja mes demokratëve dhe republikanëve ka bllokuar financimin e institucioneve federale, duke lënë mbi 600,000 punonjës pa punë dhe më shumë se 700,000 të tjerë të detyruar të punojnë pa pagesë.

Ndërkohë, miliona qytetarë përballen me pasoja ekonomike, pasi përfitimet ushqimore janë reduktuar dhe subvencionet e kujdesit shëndetësor pritet të skadojnë në fund të vitit. Presidenti Donald Trump ka refuzuar të negociojë me demokratët për zgjatjen e këtyre programeve, duke deklaruar në një intervistë për 60 Minutes se “nuk do të shantazhohet” për të rihapur qeverinë.

Trump i ka cilësuar demokratët si “të humbur”, duke parashikuar se ata do të detyrohen të dorëzohen, ndërsa udhëheqësit republikanë të Senatit kanë refuzuar ndryshimin e rregullave për të zgjidhur ngërçin. Përpjekja e fundit për të kaluar një projektligj të përkohshëm financimi dështoi, pasi kërkonte 60 vota dhe mori mbështetje vetëm nga tre senatorë demokratë.

Kryetari i Dhomës së Përfaqësuesve, Mike Johnson, pranoi se “askush nuk e priste që kjo të zvarritej kaq gjatë”. Mbyllja aktuale tashmë ka barazuar dhe tejkaluar atë të vitit 2019, kur gjatë mandatit të parë të Trump, qeveria u paralizua për shkak të kërkesës së tij për ndërtimin e murit në kufirin SHBA-Meksikë.

The post Mbyllja e qeverisë amerikane bëhet më e gjata në histori! appeared first on iconstyle.al.

TIRANË, 17 tetor /ATSH/ Ministri i Financave Petrit Malaj, i cili ndodhet në Uashington D.C., ku po merr pjesë në takimet vjetore të Fondit Monetar Ndërkombëtar (FMN) dhe Bankës Botërore (BB), zhvilloi një sërë takimesh me përfaqësues të institucioneve financiare ndërkombëtare dhe agjencive ndërkombëtare të vlerësimit financiar, si JP Morgan, Moody’s dhe Standard & Poor’s.

Në këto takime, ministri prezantoi progresin ekonomik që Shqipëria ka shënuar vitet e fundit, duke vënë në dukje reformat strukturore të ndërmarra nga qeveria shqiptare në drejtim të konsolidimit fiskal, menaxhimit të qëndrueshëm të borxhit publik dhe forcimit të klimës së investimeve.

“Reformat e ndërmarra në sektorin financiar dhe angazhimi ynë për mirëmenaxhimin e borxhit publik kanë rritur besueshmërinë e Shqipërisë në tregjet ndërkombëtare dhe janë një sinjal i qartë për investitorët e huaj”, u shpreh ministri Malaj.

Takimet shërbyen si një platformë për të thelluar bashkëpunimin me partnerët ndërkombëtarë, si dhe për të prezantuar potencialet që ofron ekonomia shqiptare për investime dhe zhvillim të mëtejshëm në rajon.

Ministri Malaj do të vijojë pjesëmarrjen në sesionet e organizuara në kuadër të takimeve vjetore të FMN-së dhe Bankës Botërore, ku janë të pranishëm përfaqësues të lartë të vendeve anëtare, institucioneve financiare ndërkombëtare dhe sektorit privat.

Agjencia ndërkombëtare e vlerësimit të kreditit Moody’s Ratings, në raportin e saj të publikuar më 7 tetor 2025, rikonfirmoi vlerësimin afatgjatë të kreditit sovran të Shqipërisë në nivelin “Ba3” me perspektivë të qëndrueshme.

Sipas Agjencisë, Shqipëria ka ruajtur stabilitetin makroekonomik përballë tri goditjeve të mëdha që kanë prekur ekonominë, tërmeti, pandemia dhe kriza energjetike, duke demonstruar qëndrueshmëri dhe aftësi për rimëkëmbje të shpejtë.

Moody’s parashikoi një rritje reale të PBB-së prej 3,7% në vitin 2025 dhe 3,5% në 2026, e nxitur nga konsumi i brendshëm dhe investimet në turizëm dhe energji. Sektori i turizmit pritet të vijojë të jetë një nga shtytësit kryesorë të rritjes.

Në planin fiskal, Agjencia vlerësoi uljen e borxhit publik nga 74,1% e PBB-së në vitin 2021 në 54,2% në vitin 2024, me pritshmëri për një rënie të mëtejshme në 53,5% në vitin 2026.

Moody’s theksoi angazhimin për respektimin e rregullave fiskale të Ligjit Organik të Buxhetit, për uljen graduale të borxhit drejt objektivit 45%.

Moody’s vlerësoi gjithashtu që sektori financiar shqiptar është i kapitalizuar dhe likuid, me rreziqe nën kontroll.

1 nga 3

/r.e/

The post Malaj në Uashington: Menaxhimi i borxhit dhe reformat ekonomike forcojnë besimin e investitorëve appeared first on Agjencia Telegrafike Shqiptare.

SHARM EL-SHEIKH, 13 tetor /ATSH-DPA/- Presidenti i SHBA-së, Donald Trump është nisur sot në mbrëmje në Uashington duke i dhënë fund vizitës së tij të shkurtër në Lindjen e Mesme.

Imazhet në kanalet televizive arabe treguan Trump duke hipur në “Air Force One”, në vendpushimin egjiptian të Sharm el-Sheikh në Detin e Kuq.

Kjo shënon fundin e vizitës së tij njëditore në rajon, gjatë së cilës ai foli disa herë për përfundimin e luftës në Gaza dhe për një fillim të ri për paqen në Lindjen e Mesme.

Në Izrael, Trump u takua fillimisht me familjet e pengjeve dhe mbajti një fjalim në parlamentin izraelit, Knesset.

Në Egjipt, ai më pas nënshkroi një dokument “gjithëpërfshirës” me udhëheqësit e Egjiptit, Katarit dhe Turqisë, i cili synon të konsolidojë armëpushimin midis Izraelit dhe organizatës militante palestineze “Hamas”.

Në ceremoni morën pjesë gjithashtu kancelari gjerman Friedrich Merz, kryeministri britanik, Keir Starmer dhe presidenti francez, Emmanuel Macron dhe shumë udhëheqës të tjerë botërorë. //a.i/

The post FOKUS – Trump largohet nga Egjipti, duke i dhënë fund vizitës së shkurtër në LM appeared first on Agjencia Telegrafike Shqiptare.

UASHINGTON, 7 tetor /ATSH-AFP/ – Gjykata Supreme e SHBA-së, me një shumicë konservatore, do të shqyrtojë sot çështjen e parë sociale të ndjeshme, atë të ndalimit të terapisë së konvertimit, e cila synon inkurajimin e të miturve LGBT+ për të ndryshuar orientimin e tyre seksual ose identitetin gjinor.

Në qershor, gjykata i dha leje shtetit të Tennessee të ndalonte të miturit transgjinorë të kenë akses në këto trajtime.

Ajo do të vendosë gjithashtu në muajt e ardhshëm mbi pjesëmarrjen e personave transgjinorë në garat sportive për femra, një nga fokuset e fushatës së suksesshme të presidentit Donald Trump në vitin 2024 ku ai premtoi se do t’i jepte fund çmendurisë  transgjinore.

Në diskutim gjatë ditës së sotme është dhe kushtetutshmëria e një ligji të miratuar nga Kolorado e cila, si rreth 20 shtete të tjera të SHBA-së, ka ndaluar terapinë e konvertimit për të miturit që nga viti 2019.

Këto praktika pretendojnë se ndryshojnë orientimin seksual ose identitetin gjinor të një personi, duke barazuar në veçanti homoseksualitetin me një sëmundje ose çrregullim mendor.

Sipas shtetit të Kolorados, ato jo vetëm që nuk janë efektive por janë edhe të dëmshme, duke çuar në rritje të rrezikut nga depresioni, ankthi, mendime vetëvrasëse, madje edhe përpjekje për vetëvrasje.

Por, një psikologe e kundërshtoi ligjin në gjykatë, duke pretenduar se ai shkelte Amendamentin e Parë të Kushtetutës së SHBA-së, i cili garanton lirinë e shprehjes.

E rrëzuar në shkallën e parë dhe në apel, Kaley Chiles apeloi në Gjykatën Supreme me shumicë konservatore./ /f.k/   /os/

The post SHBA – Gjykata Supreme shqyrton ndalimin e terapisë së konvertimit për të miturit LGBT+ appeared first on Agjencia Telegrafike Shqiptare.

Presidenti i Shteteve të Bashkuara, Donald Trump, e ka kërcënuar Afganistanin se “do të ndodhin gjëra të këqija”, nëse nuk ia kthen Shteteve të Bashkuara bazën ajrore të Bagramit. Zyrtarët talibanë të Afganistanit kundërshtuan, duke thënë se marrëveshja “nuk është e mundur” dhe kërkuan nga Shtetet e Bashkuara t’i respektojnë marrëveshjet e mëparshme për të […]

The post Trump kërcënon Afganistanin: Gjëra të këqija do të ndodhin nëse nuk na riktheni bazën e Bagramit appeared first on BoldNews.al.

Presidenti Donald Trump deklaroi se administrata e tij do të kërkojë dënimin me vdekje për çdo rast vrasjeje që ndodh në kryeqytetin amerikan, Uashington. “Kushdo që vret në kryeqytet, do të përballet me dënimin me vdekje. Kjo është një masë e fortë parandaluese, edhe pse nuk e di nëse vendi është gati për të. Nuk […]

The post Trump propozon masën ekstreme: Dënimin me vdekje për v*asësit në Uashington appeared first on BoldNews.al.

Kanadaja do të eliminojë shumë nga tarifat që vendosi për mallrat e importuara amerikane dhe gjithashtu do të intensifikojë kontaktet e saj me Shtetet e Bashkuara për të krijuar një marrëdhënie të re me Uashingtonin mbi tregtinë dhe sigurinë, deklaroi të premten kryeministri Mark Carney.

Në një konferencë për shtyp në Ottawa, pasi foli në telefon me presidentin e SHBA-së Donald Trump, Carney tha se tarifat për të gjitha produktet e mbuluara nga Marrëveshja e Tregtisë së Lirë Shtetet e Bashkuara-Kanada-Meksikë (USMCA) do të eliminohen duke filluar nga 1 shtatori.

Kanadaja po i përgjigjet përjashtimeve të dhëna nga Uashingtoni për produktet kanadeze në fillim të gushtit. Ndërsa tarifat për makinat, çelikun dhe aluminin do të mbeten. Carney vuri në dukje se SHBA-të sqaruan së fundmi se nuk do të vendosnin tarifa për produktet kanadeze të mbuluara nga USMCA , të cilën ai e quajti një zhvillim pozitiv.

/abcnews.al/

Pas samitit të Ukrainës në Uashington, Evropa premton të luajë rolin e saj në një proces paqeje për Ukrainën. Po a do t’i përmirësojë ky premtim marrëdhëniet me SHBA-në? ​​

Bilanci i takimit në Uashington të krerëve të shteteve dhe qeverive evropiane në Shtëpinë e Bardhë del mjaft i balancuar.

Nga njëra anë, Evropa, kontinenti i kjetër mori frymë lirisht: nuk pati asnjë konfrontim midis Volodymyr Zelenski dhe Donald Trumpit, siç pati shkurtin e kaluar – apo edhe një shkëputje të marrëdhënies transatlantike.

Nga ana tjetër, Donald Trump, nuk i përmbushi kërkesat kryesore evropiane – para së gjithash, kërkesën për një armëpushim përpara se të fillonin negociatat e paqes për Ukrainën.

Niklas Ebert përgjegjës për programin e sigurisë në institutin Marshall Fund thotë, se evropianët në kushtet aktuale arritën më të mirën e mundshme.

Por Evropa duhet të përgatitet për faktin se marrëdhënia transatlantike, nuk është më ajo që ishte dikur.

Uashingtoni nuk është një partner mbi të cilin mund të mbështetesh gjithmonë, paralajmëron Ebert.

Edhe Anthony Gardner, ish-ambasador i SHBA-së në BE gjatë administratës së Barack Obamës dhe tani këshilltar, nuk është shumë optimist se takimi i Uashingtonit do të përmirësojë marrëdhëniet transatlantike, kjo pasi. “Trump ende e sheh Evropën si kryesisht të parëndësishme”, thekson Gardner.

Edhe pse politikanët evropianë arritën ta ndryshonin disi narrativën në favor të Ukrainës, takimi nuk arriti të prodhonte ndonjë rezultat domethënës.

Gardner gjithashtu pret që evropianët do duhet ta përsërisin këtë, pasi Trump ndryshon mendje “çdo orë”. Në fund të fundit, qëllimi i presidentit aktual të SHBA-së është të arrijë një marrëveshje që është e favorshme për të.

Evropa do të japë kontributin e saj për paqen

Megjithatë, gatishmëria e SHBA-së për të marrë pjesë në të ashtuquajturat garanci sigurie për Ukrainën konsiderohet përparimi i ditëve të fundit.

Flitet për premtime mbrojtjeje të ngjashme me ato në Nenin 5 të Traktatit të NATO-s, ku shkruhet mbi detyrimin për të ofruar ndihmë nëse sulmohet një nga aleatët.

Në Uashington, delegacioni evropian kërkoi të theksonte gatishmërinë e tij për të dhënë kontributin e vet.

Për shembull, Presidenti francez Emmanuel Macron iu drejtua Presidentit të SHBA-së: “Mund të jeni të sigurt se Evropa është shumë e vetëdijshme për të dhënë kontributin e saj të drejtë në këto garanci sigurie për Ukrainën – në fund të fundit, siguria e saj është qartësisht në rrezik”.

I ashtuquajturi “koalicion i të vullnetshmëve”, së bashku me forcimin e ushtrisë ukrainase, ka të ngjarë të jetë një element qendror i garancive të sigurisë në të ardhmen.

Cili është “Koalicioni i të Vullnetshmëve”?

“Koalicioni i të Vullnetshmëve”, u krijua disa muaj më parë nga Franca dhe Britania e Madhe. Tani thuhet se ka rreth 30 anëtarë.

Sipas Presidentit të Këshillit të BE-së, Antonio Costa, përveç vendeve evropiane, në një konferencë telefonike të këtij grupi morën pjesë edhe Kanadaja, Turqia, Japonia dhe Zelanda e Re.

Pas përfundimit të luftimeve në Ukrainë, do të vendosen “trupa sigurie”, që kanë për qëllim të ndihmojnë në rindërtimin e forcave tokësore ukrainase dhe të sigurojnë hapësirën detare dhe ajrore të Ukrainës, njoftoi bashkëkryetari Keir Starmer në korrik.

Eksperti Ebert e sheh “koalicionin e të vullnetshmëve” si një “sinjal politik ndaj Uashingtonit” se Evropa është e gatshme të marrë më shumë përgjegjësi dhe të kundërshtojë narrativën amerikane se evropianët po mbahen në kurriz të SHBA-së.

Ish-ambasadori Anthony Gardner, pohon se nga evropianët “po vijnë veprat pas fjalëve tanimë”. Kjo është e rëndësishme, por gjithashtu kërkoi shumë kohë.

Sjellja e Evropës ndoshta nuk është pa interes. Eksperti i sigurisë Ebert thotë se motivi tjetër i evropianëve është gjithashtu t’i mbajnë amerikanët në anën e tyre.

Pa SHBA nuk ka zgjidhje

Një gjë është e qartë: Pa amerikanët, garancitë e sigurisë të lartpërmendura do të jenë të vështira të realizohen, nëse jo të pamundura. Analisti politik Ebert i tha DW se evropianët janë të varur nga SHBA-të si për mbrojtjen ajrore dhe raketore, edhe misionin e zbulimit dhe transportin strategjik ajror. Pra ata kanë nevojë për amerikanët si siguri.

Evropa nuk është në gjendje të mobilizojë një forcë mjaftueshëm të madhe për të mbrojtur në mënyrë efektive një armëpushim të mundshëm. Prandaj, duhet të jetë e qartë, se SHBA-të do të ndërhyjnë nëse ndodh diçka, thekson Ebert.

Aktualisht, po punohet për të formuluar garancitë e sigurisë. Sipas burimeve britanike, një takim midis SHBA-së dhe përfaqësuesve të “Koalicionit të të Vullnetshmëve” është planifikuar të zhvillohet në ditët në vijim.

Trump pret trupa tokësore evropiane

Një çështje e ndjeshme këtu janë “trupat në terren”, pra a duhet të ketë trupa tokësore evropiane në Ukrainë.

Ndërsa kryeministri britanik Keir Starmer, ka deklaruar qëllimin e tij për të dërguar trupa në Ukrainë, qeveria gjermane ende nuk ka marrë një qëndrim përfundimtar për këtë çështje. Rusia kundërshton vendosjen e trupave të NATO-s në Ukrainë.

Ish-ambasadori amerikan Gardner kritikoi faktin se, ndonëse është folur shumë për këtë çështje duket sikur do të bëhet fjalë në fund për shumë më pak.

Edhe pas shumë muajsh, është ende e paqartë se për çfarë është e gatshme të kontribuojë Evropa.

Duke e varur tek njëri-tjetri gatishmërinë e tyre për të vepruar evropianët dhe amerikanët po e zhvendosin përgjegjësinë sa andej këtej.

Në një intervistë me televizionin amerikan Fox News, Donald Trump i bëri të qarta pritjet e tij nga Evropa: Ai pret që Gjermania, Franca dhe Britania e Madhe të dërgojnë trupa tokësore. SHBA-të janë të përgatitura të ofrojnë mbështetje, për shembull, nga ajri. Çështja e trupave tokësore mund të jetë, pra, testi i radhës për marrëdhëniet transatlantike./DW

The post A mund të mbështetet BE tek SHBA pas samitit në Uashington? appeared first on Albeu.com.

KIEV, 16 gusht /ATSH-DPA/- Presidenti ukrainas Volodymyr Zelensky do të udhëtojë të hënën për në Uashington – për bisedime me presidentin e SHBA-së Donald Trump, sipas një njoftimi sot në mëngjes në Telegram – pas një bisede telefonike me Trump.

“Të hënën do të takohem me presidentin Trump në Uashington, për të diskutuar të gjitha detajet në lidhje me përfundimin e luftës. Jam mirënjohës për ftesën”, postoi Zelensky në anglisht në X.

Ai tha se mbështet propozimin e Trump për një takim tripalësh me presidentin rus Vladimir Putin.

“Ukraina thekson se çështjet kryesore mund të diskutohen në nivelin e udhëheqësve dhe një format tripalësh është i përshtatshëm për këtë”, tha Zelensky.

Zelensky mbështeti përfshirjen e përfaqësuesve evropianë, veçanërisht për çështjen e garancive të sigurisë për vendin e tij.

Zelensky dhe Trump zhvilluan më herët një bisedë telefonike që zgjati rreth një orë.

Udhëheqësit evropianë iu bashkuan më vonë bisedimeve, që zgjatën më shumë se një orë e gjysmë në total.

Pas përfundimit të takimit SHBA-Rusi, Trump informoi Zelensky dhe liderët evropianë për “pikat kryesore të diskutimit” me Putinin.  //a.i/

The post KIEV – Zelensky do të udhëtojë të hënën në Uashington për bisedime me Trump appeared first on Agjencia Telegrafike Shqiptare.

Presidenti ukrainas Volodymyr Zelenskyy ka deklaruar se do të takohet me Donald Trump në Uashington të hënën.

We had a long and substantive conversation with @POTUS. We started with one-on-one talks before inviting European leaders to join us. This call lasted for more than an hour and a half, including about an hour of our bilateral conversation with President Trump.

Ukraine reaffirms… pic.twitter.com/64IPVhtFaB

— Volodymyr Zelenskyy / Володимир Зеленський (@ZelenskyyUa) August 16, 2025

Kjo vjen menjëherë pasi Shtëpia e Bardhë tha se presidenti amerikan kishte folur me Zelenskyy në një telefonatë të gjatë pasi ai u takua me presidentin rus Putin në Alaska mbrëmë.

Mesazhi në Twitter

Patëm një bisedë të gjatë dhe të hollësishme me @POTUS

Ne filluam me bisedime kokë më kokë përpara se të ftonim udhëheqësit evropianë të bashkoheshin me ne.

Kjo telefonatë zgjati më shumë se një orë e gjysmë, duke përfshirë rreth një orë bisedë dypalëshe me Presidentin Trump. Ukraina riafirmon gatishmërinë e saj për të punuar me përpjekje maksimale për të arritur paqen. Presidenti Trump informoi për takimin e tij me udhëheqësin rus dhe pikat kryesore të diskutimit të tyre.

Është e rëndësishme që forca e Amerikës të ketë ndikim në zhvillimin e situatës. Ne mbështesim propozimin e Presidentit Trump për një takim trepalësh midis Ukrainës, SHBA-së dhe Rusisë. Ukraina thekson se çështjet kryesore mund të diskutohen në nivelin e udhëheqësve dhe një format trepalësh është i përshtatshëm për këtë.

Të hënën, do të takohem me Presidentin Trump në Uashington, DC, për të diskutuar të gjitha detajet në lidhje me përfundimin e vrasjeve dhe luftës. Jam mirënjohës për ftesën.

Është e rëndësishme që evropianët të jenë të përfshirë në çdo fazë për të siguruar garanci të besueshme sigurie së bashku me Amerikën. Gjithashtu diskutuam sinjale pozitive nga pala amerikane në lidhje me pjesëmarrjen në garantimin e sigurisë së Ukrainës. Ne vazhdojmë të koordinojmë qëndrimet tona me të gjithë partnerët. Falënderoj të gjithë ata që po ndihmojnë.

Presidenti ukrainas Volodymyr Zelenskyy ka deklaruar se do të takohet me Donald Trump në Uashington të hënën. Në një përditësim në Telegram ai thotë se është “mirënjohës për ftesën”. Në një deklaratë me shkrim, Zelensky thotë se bisedoi me presidentin Trump për rreth një orë.

Source

UASHINGTON, 11 gusht /ATSH-AFP/ – Presidenti amerikan, Donald Trump njoftoi sot se po vendoste zbatimin e ligjit në kryeqytet, Uashington, D.C., nën kontrollin federal, së bashku me vendosjen e trupave të Gardës Kombëtare.

Këto masa të jashtëzakonshme janë të nevojshme për këtë qytet, të cilin ai e përshkruan si “të pushtuar nga bandat e dhunshme”.

Ndërsa statistikat zyrtare tregojnë një rënie të krimit të dhunshëm në Uashington, D.C., presidenti amerikan njoftoi se po përdorte një masë që do ta autorizonte atë të merrte kontrollin e policisë në këtë qytet, i cili gëzon një status të veçantë në Shtetet e Bashkuara.

“Kjo është bërë një situatë e paligjshmërisë së plotë dhe totale”, tha Donald Trump në një konferencë për shtyp në Shtëpinë e Bardhë, pasi u kërkoi të pastrehëve të Uashingtonit të largoheshin “larg” nga qyteti, në një postim një ditë më parë në platformën e tij Truth Social.

Presidenti republikan premtoi gjithashtu se iniciativa e tij nuk do të ndalet në Uashington, ku shpalli gjendjen e jashtëzakonshme.

“Kjo gjë do të shkojë më tej. Po fillojmë shumë fuqishëm në Uashington dhe do ta pastrojmë këtë shumë shpejt”, deklaroi ai.

Donald Trump tha gjithashtu se po vendoste Gardën Kombëtare, një forcë rezervë, “për të rivendosur ligjin, rendin dhe sigurinë publike”.

Ai mobilizoi Gardën Kombëtare në Kaliforni në qershor, kundër dëshirave të guvernatorit demokrat Gavin Newsom, duke pretenduar se donte të rivendoste rendin në Los Anxheles, pas protestave kundër arrestimeve të emigrantëve nga Agjencia Federale e Imigracionit dhe Doganave (ICE).

Ndryshe nga 50 shtetet e SHBA-së, qyteti i Uashingtonit vepron brenda një marrëdhënieje të veçantë me qeverinë federale./ /os/

The post SHBA – Trump dislokon trupat e Gardës Kombëtare në Uashington appeared first on Agjencia Telegrafike Shqiptare.

UASHINGTON, 8 gusht /ATSH-DPA/ – Departamenti amerikan i Drejtësisë dhe Departamenti amerikan i Shtetit dyfishuan shpërblimin për informacionin që çon në arrestimin e udhëheqësit autoritar venezuelian, Nicolas Maduro në 50 milionë dollarë.

“Maduro përdor organizata të huaja terroriste si ‘Tren de Aragua’, ‘Sinaloa’ dhe ‘Cartel de Soles’ për të sjellë dhunë vdekjeprurëse në vendin tonë”, theksoi prokurorja e përgjithshme e SHBA-së, Pam Bondi në një deklaratë video, duke e quajtur shpërblimin “historik”.

”Administrata amerikane e Zbatimit të Ligjit për Drogën (DEA) ka sekuestruar 30 tonë kokainë të lidhura me Maduron dhe bashkëpunëtorët e tij, duke përfshirë gati shtatë tonë të lidhur me vetë Maduron, të cilat përfaqësojnë një burim kryesor të ardhurash për kartelet kriminale me bazë në Venezuelë dhe Meksikë”, shtoi Bondi.

”Maduro është një nga trafikantët më të mëdhenj të drogës në botë dhe një kërcënim për sigurinë tonë kombëtare. Prandaj, ne e kemi dyfishuar shpërblimin e tij në 50 milionë dollarë”, theksoi Bondi.

Sipas qeverisë amerikane, regjimi i Maduros e ka transformuar Venezuelën në një narkoshtet, duke krijuar aleanca me gueriljet kolumbiane për të eksportuar drogë në Evropë dhe Shtetet e Bashkuara përmes një organizate të njohur si ”Karteli i diejve”, që dyshohet se përbëhet nga zyrtarë të lartë venezuelianë.

Në vitin 2020, Maduro u padit në një aktakuzë federale në Qarkun Jugor të Nju Jorkut për narkoterrorizëm, komplot për importimin e kokainës dhe posedim e komplot për posedimin e mitralozëve dhe pajisjeve shkatërruese./  /os/

The post UASHINGTON – SHBA ofron shpërblim historik 50 milionë dollarësh për arrestimin e Maduros appeared first on Agjencia Telegrafike Shqiptare.