TIRANË, 23 dhjetor /ATSH/ Atmosfera festive e dhjetorit ka përfshirë edhe qytetin e Përmetit.

Bredhi gjigant në qendër të qytetit, dritat shumëngjyrëshe dhe dekori i veçantë e kanë “veshur” Përmetin me një atmosferë festive për këtë muaj të fundvitit.

Kryeministri Edi Rama, ndau momente nga festa në qytet, ku u bashkuan shumë qytetarë, të cilët shijuan momentin e ndezjes së dritave të pemës dhe koncertin e grupit artistik të fëmijëve.

Atmosfera e krijuar nga zbukurimet dhe dritat e shumta do ta shoqërojë këtë muaj gjithë qytetin e Përmetit, duke tërhequr vëmendjen e qytetarëve, por edhe vizitorëve të ndryshëm.

/e.i/j.p/

The post Atmosferë festive në Përmet appeared first on Agjencia Telegrafike Shqiptare.

Deputeti Tritan Shehu ka shprehur shqetësimin e tij për atë që e cilëson si një manovër të fshehtë të Qeverisë për të transformuar spitalin e Përmetit dhe vetë zonën e Përmetit në një qendër pritjeje për emigrantë. Shehu ngriti pyetje të drejtpërdrejta mbi arsyet pse po shtyhet përpara një projektvendim që, sipas tij, synon hapjen […]

The post “Projekt tinzar”, Shehu: Rama po shkatërron spitalin e Përmetit për qendra refugjatësh appeared first on BoldNews.al.

Një ngjarje e rëndë po trondit komunitetin e Përmetit! Tre qytetarë janë zhdukur në të njëjtën vijë rrugore, duke krijuar një situatë shqetësuese dhe misterioze. Agron Çumani është parë për herë të fundit para 3 ditësh në segmentin e vjetër të rrugës Përmet-Lëshicë, dhe prej atëherë asgjë nuk dihet për fatin e tij. Në të […]

The post Brenda dy vitesh, tre përmetarë zhduken në të njëjtën rrugë! Asnjë gjurmë për fatin e tyre appeared first on BoldNews.al.

TIRANË, 31 tetor/ATSH/ Qendra e Vizitorëve në Përmet po merr formë ditë pas dite si një dritare e re drejt Parkut Kombëtar të Vjosës.

Ky projekt rijetëson edhe një simbol natyror dhe kulturor siç është Guri i Qytetit, duke e kthyer në një muze që bashkon historinë me natyrën, ku çdo vizitor do të mund të mësojë, të eksplorojë dhe të frymëzohet.

Ministri i Mjedisit, Sofjan Jaupaj dhe drejtoresha e Agjencisë Kombëtare të Zonave të Mbrojtura, Daniel Pirushi, inspektuan sot nga afër punimet që po kryhen për këtë qendër.

“Vjosa është një lumë që nuk kalon vetëm në zona natyrore, por ka edhe 7 qytete që përshkon. Një nga muzetë dhe qendrat që ne po e bëjmë në zonë urbane po e gërsheton shumë bukur me dy elementët e tjerë të projektit që janë në zona më shumë rurale”, theksoi Jaupaj.

Ministri Jaupaj kërkoi që të gjithë elementet natyrorë dhe kulturorë të qytetit të përfshihen në muzealizimin që i bëhet kësaj qendre.

Më tej, Jaupaj e vuri theksin tek orët mjedisore që zhvillohen në shkolla, që synojnë kultivimin e dashurisë për mjedisin.

“Zonat e mbrojtura janë ato orë mjedisore që fëmijët dhe të rinjtë pëlqejnë më shumë dhe është një aset që duhet ruajtur dhe duhet shtuar. Sa më afër me natyrën, një prezantimin i gjithë elementëve natyrorë të Shqipërisë, në mënyrë që mjedisin ta konsiderojmë si një vlerë qytetare”, tha Jaupaj.

Ai shtoi se “shkolla është afër, besoj se edhe zyra e Vjosës me pjesën e ekipit që do të këtë në zonën e Përmetit do angazhohet edhe më tej në edukimin mjedisor”.

Përmeti, i vendosur në anën e majtë të rrjedhës së sipërme të lumit Vjosë ofron për vizitorët bukuri të shumta natyrore dhe monumente kulturore e historike. Çdo vit Përmeti tërheq një numër të lartë turistësh vendas e të huaj, pasi kombinon ecjen në kanion, lundrimin e lumit me gomone apo kajak, alpinizmin, si dhe vizitat në pikat turistike të tij.

1 nga 4

/k.s/r.e/

The post Qendra e Vizitorëve në Përmet dritare e re drejt Parkut Kombëtar të Vjosës appeared first on Agjencia Telegrafike Shqiptare.

TIRANË, 29 tetor /ATSH/ Këshilli i Ministrave miratoi sot vendimin për shpalljen e disa zonave me përparësi për zhvillimin e ekonomisë malore në disa bashki si Belsh, Përmet, Skrapar dhe Elbasan.

Vendimi u mor në mbështetje të ligjit për Paketën e Maleve, me propozim të ministrit të Shtetit për Pushtetin Vendor.

Konkretisht në bashkinë e Belshit janë shpallur disa zona me përparësi zhvillimin e ekonomisë malore, në fshatrat Qafshkallë, Gradishtë, Seferan-Hysë, Shegas, Fierzë.

Në bashkinë e Elbasanit janë shpallur zona me përparësi zhvillimin e ekonomisë malore, në fshtarat, Funar, Gjinar, Tregan, Shushicë.

Në bashkinë e Përmetit janë shpallur zona me përparësi zhvillimin e ekonomisë malore, fshatrat Kanikol dhe Draçovë.

Në bashkinë e Skraparit është shpallur zonë me përparësi zhvillimin e ekonomisë malore, në Helmës-Staraveckë, njësia administrative Potom.

Llojet e aktiviteteve që do të zhvillohen në këto zona janë të zhvillimit ekonomik, të zhvillimit industrial, të zhvillimit turistik.

Ngarkohen Ministria e Ekonomisë dhe Inovacionit, Këshilli Kombëtar i Territorit dhe Ujit, Agjencia e Zhvillimit të Territorit, Agjencia Shtetërore e Kadastrës dhe Bashkia Belsh për zbatimin e këtij vendimi.

Paketa e Maleve synon të krijojë kushte më të favorshme për zhvillimin e turizmit, agropërpunimit, bujqësisë dhe blegtorisë në zonat me potencial të lartë natyror.

Aplikimet për “Paketën e Maleve” mbeten të hapura deri në fund të vitit 2025, ndërsa 500 aplikantët e parë do të përfitojnë lehtësira fiskale për një periudhë 10-vjeçare, një masë që synon të nxisë investimin e hershëm dhe të qëndrueshëm në këto zona.

Vendimi i plotë

/m.q/j.p/

The post “Paketa e Maleve”, miratohen zonat prioritare në Belsh, Përmet, Skrapar dhe Elbasan appeared first on Agjencia Telegrafike Shqiptare.

Kryeministri Edi Rama ka ndarë sot pamje mahnitëse nga Mali i Nëmërçkës, që shfaqet në ngjyrat e vjeshtës në zemër të Jugut të Shqipërisë.

Mali i Nëmërçkës, po shndërrohet në një prej destinacioneve të preferuara të turizmit malor vitet e fundit.

“Pamje vjeshte nga Mali i Nëmërçkës, në zemër të Jugut të Shqipërisë, mes qetësisë së Përmetit dhe hijeshisë së Vjosës”, shkruan Rama, teksa ka publikuar videon në rrjetet sociale.

Mali i Nëmërçkës është pjesë e një vargmali mes Përmetit dhe Gjirokastrës. Nëmërçka ka një shpat të mprehtë malor që bie direkt në Luginën e Vjosës. Maja më e lartë është Maja e Papingut, ose maja e Dritës, 2485 m, që është dhe pika më e lartë e gjithë vargmalit Trebeshinë- Dhëmbel-Nemërçkë. Të tjera maja të këtij mali janë: Maja e Gatakut, Maja e Qesarit dhe Maja e Poliçanit.

Turizmi malor në Shqipëri vlerësohet si një nga resurset turistike më të mëdha të vendit, krahas bregdetit, duke tërhequr turistë të huaj dhe vendas.

Përmirësimi i infrastrukturës, sigurisë dhe investimet në këtë sektor po rriten dita-ditës, duke shtuar dhe të ardhurat për banorët dhe operatorët turistikë.

Turizmi malor në Shqipëri jo vetëm po e zgjat sezonin, por edhe po diversifikon ofertën e atraksioneve për turistët vendas e të huaj. /Telegrafi/

TIRANË, 22 tetor /ATSH/ Ambasadori i Bashkimit Europian, Silvio Gonzato zhvilloi një vizitë në Përmet ku u takua me kryetaren e bashkisë Alma Hoxha për projektin e Qendrës së Riciklimit të Mbetjeve.

Në një prononcim për mediet, ambasadori tha se qendra e riciklimit të mbetjeve jashtë Përmetit do të bëjë të mundur uljen e mbetjeve.

Ai theksoi se, kjo qendër do të riciklojë gjithashtu plastikën, letrën, kartonin, aluminin dhe qelqin dhe në këtë mënyrë do të ulet ndikimi i mbetjeve te mjedisi.

“Një ndikim që është rritur edhe për shkak se është rritur turizmi”, tha ai.

Për këtë arsye, Gonzato, vlerësoi faktin se vetë bashkia i ka kushtuar vëmendje aspektit të qëndrueshëm të turizmit dhe mjedisit. Gonzato informoi se i ka thënë kryetares së bashkisë se nuk ka investuar vetëm në infrastrukturë por edhe tek vetë njerëzit.

“Pamë edhe shkollën këtu afër dhe gjithçka që ka të bëjë me edukimin sa i përket mjedisit është pjesë e kurrikulës së shkollës. Aty takuam mësues dhe nxënës që ishin entuziastë për të ruajtur mjedisin, për riciklimin, pra sa i përket qëndrueshmërisë së mjedisit”, tha Gonzato.

Gonzato u shpreh se këto projekte vijnë në kuadër të negociatave të Shqipërisë me BE-në dhe grup-kapitullit të mjedisit, që është edhe më i vështiri.

“Shqipëria ka hapur 5 nga 6 grup-kapitujt që duhet të negociojë me BE. Dhe grup-kapitulli fundit që u hap përfshin gjithçka që ka të bëjë me ndryshimet klimatike dhe mjedisin. Ky është kapitull shumë i ndërlikuar me disa objektiva të qarta dhe ambicioze”, tha Gonzato.

Ambasadori theksoi se, deri në vitin 2036, në Shqipëri 65% e mbetjeve duhet të riciklohen dhe prandaj shtoi ai duhet të nisë puna që tani.

“Në Shqipëri deri në vitin 2036, 65% e mbetjeve do duhet të riciklohen. Që do të thotë se puna duhet të fillojë që tani. Po që tani duhet të fillojmë dhe të ndryshojmë edhe mendësinë e qytetarëve”, tha ai.

Gonzato theksoi se projekte për menaxhimin e mbetjeve do të shtrihen edhe në Gjirokastër, Korçë, por edhe në zona të tjera.

Gjithashtu ambasadori i BE vizitoi edhe qendrën e ping-pongut në Përmet, një tjetër qendër e restauruar nga BE-së.

Gonzato përmendi edhe dy fonde prej nga 50 milionë eurosh që i kanë dhënë qeverisë për përmirësimin e efikasitetit të energjisë në ndërtesat publike si dhe për rininë.

“Pjesë e këtyre 50 milionë eurove është edhe që në qytete të ketë vende karikimi për automjete apo biçikleta elektrike. Një gjë që është shumë e rëndësishme edhe për faktin se unë vetë kam një automjet elektrik dhe patëm problem për të gjetur një vend për të karikuar makinën, por besoj që herën tjetër që do vijmë në Përmet do të ketë një tjetër në qendër të Përmetit”, tha Gonzato.

“Përparësi tjetër për bashkinë është edhe rinia dhe diskutuam se si mund të japim stimuj për rininë që rinia të qëndrojë në Përmet ose të kthehet në Përmet”, tha ai.

“Këtu sërish i tregova kryetares se BE i ka dhënë qeverisë 50 milionë euro të tjera që kanë të bëjnë me garancinë rinore”, nënvizoi ai.

“Garancia rinore është një program shumë i rëndësishëm për rininë që ka ofruar në zona pilote edhe trajnime për rininë për t’i ndihmuar që të kalojnë nga bankat e shkollës në tregun e punës”, tha Gonzato.

/gj.m/j.p/

The post Gonzato nga Përmeti: Shqipëria duhet të riciklojë deri 65% të mbetjeve deri në vitin 2036 appeared first on Agjencia Telegrafike Shqiptare.

TIRANË, 21 tetor/ATSH/ Në qytetin e Përmetit u hap sot qendra e re e rikuperimit të materialeve të riciklueshme, financuar nga projekti i Bashkimit Europian “BE për Ekonominë Qarkulluese dhe Qytete të Jetueshme”, në bashkëpunim me Gjermaninë.

Ky investim mbron mjedisin dhe shëndetin publik, ndërsa mbështet Shqipërinë në rrugën drejt anëtarësimit në BE, veçanërisht në kuadër të Kapitullit 27 – Mjedisi dhe Ndryshimet Klimatike.

Ambasadori i BE-së në Tiranë, Silvio Gonzato i pranishëm në ceremoninë e hapjes tha se “Përmeti po tregon se si mund të duket e ardhmja e ekonomisë qarkulluese në Shqipëri. Kjo qendër e re mban mbetjet larg lumenjve dhe landfilleve, krijon mundësi ekonomike dhe mbështet rrugëtimin e Shqipërisë drejt BE-së”.

“Gjithashtu qendra tregon se kur komunitetet lokale, BE-ja dhe partnerët tanë punojnë së bashku, ndryshimi bëhet realitet”, theksoi Gonzato.

Qendra e ndërtuar me ekspertizën e GIZ — do të grumbullojë, ndajë dhe presojë materiale si plastika, letra dhe metali, duke i mbajtur larg landfilleve, lumenjve dhe natyrës.

Këto materiale të riciklueshme mund të shiten më pas tek industria e riciklimit, duke ndihmuar bashkinë të mbulojë kostot operative dhe madje të gjenerojë të ardhura.

Bashkia e Përmetit grumbullon rreth 1700 tonë mbetje në vit dhe pothuajse vetëm një e treta e tyre mund të riciklohet.

/k.s/a.f/r.e/

The post Përmet, hapet qendra e rikuperimit të materialeve të riciklueshme appeared first on Agjencia Telegrafike Shqiptare.

Gjykata e Gjirokastrës ka lënë në fuqi masën e sigurisë të pezullimit nga detyra për shefin e Krimeve në Policinë e Përmetit, Dhurim Çenko. Prokurori Mariglen Meta kërkoi lënien në fuqi të pezullimit nga detyra për Dhurim Çenko, kërkesë që u pranua dhe u vendos edhe nga gjykatësja Nertila Përallaj. Sipas vendimit, masa e sigurisë […]

The post Gjykata e Gjirokastrës lë në fuqi pezullimin nga detyra për Dhurim Çenkon, shefin e Krimeve në Përmet appeared first on BoldNews.al.

TIRANË, 7 tetor/ATSH/ Kryeministri Edi Rama solli nga Përmeti një tjetër shembull frymëzues të rikthimit nga emigracioni dhe investimit në vendlindje, përmes historisë së familjes së Arqile Mullarit.

Pas 30 vitesh emigracion, familja Mullaraj është rikthyer në Shqipëri për të hapur fermën “Aoss Bio Farm”, e cila prodhon bulmet të cilësisë së lartë me standarde moderne.

Kryeministri Rama ndau ndau pamje nga ferma dhe puna e përditshme e familjes Mullaraj.

Ferma “Aoss Bio Farm” është një model i sipërmarrjes familjare që kontribuon në zhvillimin e zonës, ruajtjen e traditës dhe promovimin e produkteve vendase në tregun vendas dhe më gjerë.

Bujqësia organike në Shqipëri po zhvillohet gjithmonë e më tepër, duke sjellë jo vetëm produkte cilësore në treg, por edhe fitime më të larta për fermerët.

Sipas të dhënave nga Agjencia për Zhvillim Bujqësor dhe Rural, në Skemën Kombëtare të mbështetjes për Bujqësinë 2025 janë shpallur përfitues me subvencione 203 fermerë për zhvillimin e fermave organike. /j.p/

The post Pas 30 vitesh në emigracion, familja Mullaraj hap në Përmet fermën bio appeared first on Agjencia Telegrafike Shqiptare.

Agjencia e Mbikëqyrjes Policore (Rajoni Vlorë–Gjirokastër) ka njoftuar se është pezulluar nga detyra nënkomisari Dhurim Çenko, me funksion Shef i Seksionit për Hetimin e Krimeve në Komisariatin e Përmetit, pas skandalit seksual që tronditi qytetin. Në qendër të skandalit janë dy efektivë policie, Pajtim Baka dhe Artur Ago, të cilët abuzuan seksualisht me një 16-vjeçare. […]

The post Skandali seksual në Përmet, AMP pezullon shefin e Krimeve Dhurim Çenko appeared first on BoldNews.al.

Policia e Gjirokastrës ka lënë të lirë 21-vjeçarin Boris Çenko, djalin e shefit të Krimeve në Komisariatin e Përmetit, Dhurim Çenko, i cili në mënyrë skandaloze kërcënoi ditën e sotme për shkak të detyrës gaztetarin Pirro Nase. Në një reagim për mediat, blutë e Gjirokastrës bëjnë me dije se e kanë shoqëruar në komisariat të […]

The post SKANDAL/ Kërcënoi gazetarin, Policia lë të lirë djalin e shefit të Krimeve në Përmet (EMRI) appeared first on BoldNews.al.

Djali i shefit të Krimeve në Komisariatin e Përmetit, Dhurim Çenko, ka kërcënuar publikisht gazetarin Pirro Nase pas publikimit të lajmit mbi skandalin seksual në Policinë e Përmetit. Në bisedën e regjistruar nga gazetari përdor fjalë kërcënuese dhe ofenduese ndaj gazetarit. Arsyetimi i kërcënimit, lidhet me raportimin për pezullimin e babait të tij, pasi ishte […]

The post Shefi i Komisariatit të Përmetit u pezullua pas skandalit seksual, i biri kërcënon gazetarin: Do të të q… appeared first on BoldNews.al.

Shefi i Komisariatit të Përmetit, Dhurim Çenko, është pezulluar nga detyra pas dyshimeve se kishte dijeni për rastin e rëndë të abuzimit seksual të një 16-vjeçareje nga njerku i saj dhe një efektiv policie. Nga hetimet ka rezultuar se në këtë histori janë përfshirë katër persona. Tre prej tyre janë arrestuar, ndërsa një tjetër është […]

The post Kishte dijeni për abuzimin seksual të 16-vjeçares nga një efektiv, pezullohet shefi i Komisariatit të Përmetit appeared first on BoldNews.al.

TIRANË, 25 shtator/ATSH/ Shkolla “Meleq Gosnishti” në Përmet është riparuar tërësisht, duke u kthyer në një godinë moderne me laboratorë bashkëkohorë, terrene sportive dhe ambiente dinjitoze për mësimdhënie.

Kryeministri Edi Rama publikoi pamje nga shkolla e riparuar, duke theksuar përmirësimin e ndjeshëm të kushteve për nxënësit dhe mësuesit.

Rama vuri në dukje se shkolla “Meleq Gosnishti” në Përmet, tanimë është godinë krejt e re, me laboratorë moderne, terrene sportive dhe kushte dinjitoze për të studiuar.

Kjo shkollë është transformuar në një qendër komunitare, që do të shërbejë edhe për aktivitete jashtë orarit mësimor, në një nga zonat më piktoreske të qytetit.

Shkolla “Meleq Gosnishti” bën pjesë në grupin e 30 godinave arsimore që janë ndërtuar nga e para ose janë riparuar dhe janë vënë në funksion këtë vit shkollor, duke iu shtuar 450 shkollave dhe terreneve sportive të ndërtuara apo rehabilituara në dhjetëvjeçarin e fundit. /j.p/

The post Rama: Shkolla “Meleq Gosnishti” në Përmet, nga ndërtesë e vjetër në qendër komunitare appeared first on Agjencia Telegrafike Shqiptare.

Policia e Gjirokastrës zbardh dinamikën e rastit të rëndë në Përmet ku një 16-vjeçare dyshohet se është abuzuar seksualisht për tre vite me radhë nga njerku i saj polic, një 55-vjeçar.

Pas publikimit të rastit njerku polic u shkarkua menjëherë nga detyra dhe u arrestua. Ndërsa mësohet se është shpallur në kërkim edhe një tjetër polic, një 53-vjeçar, pasi dyshohet se edhe ai ka ngacmuar seksualisht adoleshenten.

“Është shpallur në kërkim shtetasi A. A., 53 vjeç, banues në Këlcyrë, punonjës i Komisariatit të Policisë Tepelenë, të cilit i referohet informacioni i postuar në rrjete sociale, pasi dyshohet se ka ngacmuar seksualisht 16-vjeçaren. Punohet intensivisht, në bashkëpunim me homologët grekë, për lokalizimin dhe kapjen e 53-vjeçarit, i cili nga verifikimet rezultoi se është në Greqi”, njofton Policia.

Gjithashtu në pranga ka rënë shtetasi K. P., 46 vjeç, i cili dyshohet se ka pasur lidhje intime me 16-vjeçaren dhe shoku i tij, shtetasi I. P., 27 vjeç, të dy banues në Këlcyrë, pasi dyshohet se kanë kanosur 55-vjeçarin, që t’iu jepte 1 000 000 lekë, për të mos i publikuar video me përmbajtje intime me të miturën.

Lidhur me rastin Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetim disiplinor për të dy punonjësit e Policisë, për njerkun e 16-vjeçares, shtetasi P. B., 55 vjeç, banues në Këlcyrë, punonjës i Komisariatit të Policisë Përmet, dhe për shtetasin me iniciale A.A 53 vjeç, banues në Këlcyrë, punonjës i Komisariatit të Policisë Tepelenë.

Në cilësinë e provës materiale janë sekuestruar 5 celularë. E mitura aktualisht është në kujdesin e familjarëve të saj, si dhe në monitorim të vazhdueshëm të psikologes.

Reagim i Drejtorisë Vendore të Policisë Gjirokastër

Duke marrë indicie nga një postim në rrjetin social Facebook, nga strukturat hetimore të Drejtorisë Vendore të Policisë Gjirokastër filluan verifikimet dhe si rezultat u identifikuan personat e përfshirë në këtë aktivitet kriminal. Duke qenë se kishte dyshime se ishin të përfshirë edhe punonjës policie, është kërkuar bashkëpunimi i strukturave Rajonale të Agjencisë së Mbikëqyrjes Policore dhe Prokurorisë së Rrethit Gjyqësor Gjirokastër.

Në drejtimin e Prokurorisë Gjirokastër, në bashkëpunim me AMP-në, shërbimet e Policisë kanë shoqëruar personat e dyshuar dhe dëshmitarë në ambientet e DVP Gjirokastër.

Në vijim të hetimeve për këtë rast, në zbatim të urdhrave të prokurorit:

-u vu në pranga njerku i 16-vjeçares, shtetasi P. B., 55 vjeç, banues në Këlcyrë, punonjës i Komisariatit të Policisë Përmet, pasi dyshohet se ka ngacmuar seksualisht, për rreth 3 vjet, të miturën;

-u vunë në pranga shtetasi K. P., 46 vjeç (i cili dyshohet se ka pasur lidhje intime me 16-vjeçaren) dhe shoku i tij, shtetasi I. P., 27 vjeç, të dy banues në Këlcyrë, pasi dyshohet se kanë kanosur 55-vjeçarin, që t’iu jepte 1 000 000 lekë, për të mos i publikuar video me përmbajtje intime. 46-vjeçari u kap në Tiranë, në bashkëpunim me shërbimet e Komisariatit të Policisë Nr. 2;

-u shpall në kërkim shtetasi A. A., 53 vjeç, banues në Këlcyrë, punonjës i Komisariatit të Policisë Tepelenë (të cilit i referohet informacioni i postuar në rrjete sociale), pasi dyshohet se ka ngacmuar seksualisht 16-vjeçaren. Punohet intensivisht, në bashkëpunim me homologët grekë, për lokalizimin dhe kapjen e 53-vjeçarit, i cili nga verifikimet rezultoi se është në Greqi.

Gjithashtu, në lidhje me këtë rast, Drejtori i Drejtorisë Vendore të Policisë Gjirokastër ka bërë pezullimin e menjëhershëm nga detyra të punonjësve të Policisë, Inspektor P. B., me detyrë trup shërbimi “Patrullë e Përgjithshme” në Komisariatin e Policisë Përmet dhe Inspektor A. A., me detyrë trup shërbimi “Patrullë e Përgjithshme” në Komisariatin e Policisë Tepelenë.

Më tej, me qëllim trajtimin e plotë ligjor dhe të paanshëm të këtij rasti, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetim disiplinor për të dy punonjësit e Policisë.

Në cilësinë e provës materiale janë sekuestruar 5 celularë.

E mitura aktualisht është në kujdesin e familjarëve të saj, si dhe në monitorim të vazhdueshëm të psikologes.

Në drejtimin e Prokurorisë dhe në bashkëpunim me AMP-në, Policia e Gjirokastrës vijon hetime të thelluara për të individualizuar dhe provuar përgjegjësinë penale të të gjithë shtetasve të implikuar në këtë rast.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

The post Abuzimi i 16-vjeçares në Përmet/ Arrestohen edhe dy punonjësit e policisë, njëri e ngacmoi seksualisht, tjetri e kanosi për dhënien e pasurisë appeared first on Albeu.com.

Detaje të reja dalin lidhur me rastin e e abuzimit seksual të një 16-vjeçareje në Përmet. Përmes një reagimi publik, Policia e Gjirokastrës, bën me dije se ka rënë në pranga njerku i 16-vjeçares, shtetasi P. B., 55 vjeç, banues në Këlcyrë, punonjës i Komisariatit të Policisë Përmet, pasi dyshohet se ka ngacmuar seksualisht, për […]

The post Abuzimi me 16-vjeçaren në Këlcyrë/ Skandali përfshin Policinë, 4 urdhër-arreste nga Prokuroria appeared first on BoldNews.al.

TIRANË, 14 shtator/ATSH/ “Fiat Topolino”, makina ikonë e prodhuar për herë të parë në vitin 1936 dhe një nga simbolet e motorizimit masiv në Europë, u prezantua këtë fundjavë në qytetin e Përmetit, duke sjellë atmosferën e veçantë të makinave retro në qytetin e trëndafilave.

Kryeministri Edi Rama solli në vëmendje këtë event, duke e cilësuar “Topolino”-n si një legjendë të vërtetë të automobilizmit europian.

“Kur legjenda retro “Fiat Topolino” takohet me bukuritë e Përmetit në një udhëtim mes kulturës, historisë dhe lidhjes së fortë mes Shqipërisë dhe Italisë. Kujtime me ngjyra retro, në zemër të Përmetit”, u shpreh Rama.

“Fiat Topolino”, i projektuar nga Dante Giacosa dhe i prodhuar nga kompania italiane Fiat, konsiderohet si një nga automjetet më të vogla të kohës së tij. Me një motor 569 cm³ dhe shpejtësi maksimale rreth 85 km/orë, ai u bë sinonim i transportit të përballueshëm për shtresat e gjera në Itali dhe më gjerë.

Deri në vitin 1955 u prodhuan mbi 500 mijë njësi, duke e kthyer në një nga modelet më të dashura të shekullit XX. /j.p/

1 nga 8

The post “Fiat Topolino”, simboli retro i motorizimit europian në rrugët e Përmetit appeared first on Agjencia Telegrafike Shqiptare.

Të paktën gjashtë raste vjedhjesh në Memaliaj dhe Përmet janë zbardhur nga policia. Vjedhjet janë kryer për një periudhë kohore nga maji në shtator. Një 67-vjeçare është ndaluar nga policia ndërsa është shpallur në kërkim djali i saj 36-vjeçar.

Nga veprimet hetimore rezulton se këta shtetas, në bashkëpunim me njëri-tjetrin, studionin vendet dhe banesat që vidhnin dhe vepronin në orët e vona të natës. Duke përdorur sende si kaçavidë dhe levë, ata kanë kryer vjedhje të ndryshme në qytetin e Memaliajt dhe Përmetit, konkretisht:

04.05.2025, fshati Vasjar, Memaliaj – në banesën e shtetasit P. Ll., kanë vjedhur bizhuteri floriri dhe një shumë parash;

10.07.2025, fshati Krahës – në një objekt kulti, kanë vjedhur një shumë parash;

07.08.2025, fshati Sukë, Përmet – në një objekt kulti, kanë vjedhur një shumë parash;

23.08.2025, fshati Petran, Përmet – në lokalin e shtetasit A. L., kanë vjedhur një shumë parash;

04.09.2025, Memaliaj – në një objekt kulti dhe në një lokal, kanë vjedhur një shumë parash.

Në cilësinë e provës materiale u sekuestruan 1 automjet, 1 celular dhe sendet që përdornin për të kryer vjedhjet (levë dhe kaçavidë).

Punohet për kapjen e 36-vjeçarit. Vijojnë hetimet për zbardhjen dhe dokumentimin e vjedhjeve të tjera që mund të jenë kryer nga këta shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Vjedhja”, e kryer në bashkëpunim.

/abcnews.al/

Përmeti feston sot ditën e teqes së Frashërit, një nga monumentet me vlera kulturore dhe historike në vendin tonë.

Teqeja e Frashërit nuk lidhet vetëm me bektashizmin, por mbi të gjitha me përpjekjet dhe kontributin e saj për gjuhën e shkollën shqipe pasi përbën fillesat e arsimit shqip në rrethin e Përmetit.

Kjo teqe, me një histori gati dy shekuj e gjysmë, ka qenë dhe mbetet një vatër e rëndësishme besimi, por dhe një vatër e shquar atdhetare.

Teqeja u ndërtua më 1781 nga Sulejman Beu i Frashërit dhe në 1908 u hap shkolla e parë shqipe nga baba Alushi në të cilën u mësua gjuha shqipe dhe ku u edukuan rilindasit.

Përveç vlerave shpirtërore për besimtarët bektashianë, ky monument kulture që e mori këtë status në vitin 1973, shihet edhe si një objekt me vlera të rralla kulturore dhe historike për vizitorët vendas dhe të huaj.

Ky monument kulti përbëhet nga dy ndërtesa të veçanta, të cilat lidhen me njëra-tjetrën nëpërmjet një muri.

Ndërtesa e sipërme ka formën e shkronjës “L” dhe përbëhet nga tre ambiente: “Kafe Oxhaku”, “Ashefi”, “Furra e Bukës” ndërsa ndërtesa e poshtme është pjesërisht dykatëshe dhe aty ndodhet “Mejdani”, vendi i shenjtë ku zhvilloheshin ceremonitë fetare dhe shkolla bektashiane./atsh/KultPlus.com