Policia e Shtetit, i ka bërë thirrje qytetarëve që të tregohen të kujdesshëm në rastet kur në aplikacionin e tyre “WhatsApp” vijnë linqe të çuditshme.

Sipas policisë, këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

NJOFTIMI:

Policia e Shtetit/ Paralajmërim për fushatë phishing në platformën “WhatsApp”. Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese (phishing) në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

Të mos klikojnë në lidhje të dyshimta, edhe kur mesazhi iu shkon nga kontakte të njohura;

Të mos japin kode verifikimi, fjalëkalime apo të dhëna personale;

Të aktivizojnë verifikimin me dy hapa (Two step verification) në aplikacionin “WhatsApp”;

Të raportojnë çdo rast të dyshimtë pranë strukturave të Policisë së Shtetit.

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme.

The post Policia apel qytetarëve: Mos bini pre e mashtrimeve, kujdes linqet në “WhatsApp” appeared first on Albeu.com.

TIRANË, 28 dhjetor/ATSH/ Mjekët e Spitalit Universitar të Traumës gjatë këtyre ditëve festive apelojnë për kujdes të shtuar.

Në një video të publikuar nga Ministria e Shëndetësisë dhe Mirëqenies Sociale mjekët e këtij spitali u bëjnë apel qytetarëve të respektojnë rregullat e qarkullimit, të bëjnë kujdes në konsumimin e pijeve alkoolike dhe të tregojnë kujdes në përdorimin e mjeteve piroteknike.

Dr. Ervin Sulaj, shef i shërbimit të Anestezi-Reanimacionit pranë këtij spitali, tha se “është rritur cilësia e shërbimit në Spitalin Universitar të Traumës me investimet që janë bërë së fundmi qoftë në reanimacion, qoftë në ambientet e sallave, aparaturat e reja që kanë ardhur. Jemi në gatishmëri, të përballojmë në mënyrë cilësore të gjitha urgjencat që paraqiten këtu”.

Sulaj u bën apel qytetarëve që në këtë periudhë festash të jenë më të kujdesshëm gjatë lëvizjes me automjete.

Dr. Agustin Suma, shef shërbimi i Urgjencës, u shpreh se “ne trajtojmë çdo ditë trauma, politrauma dhe dëmtime nga më të ndryshmet, kjo nuk na dekurajon por na motivon që 24 orë të jemi në shërbim të të gjithë qytetarëve që paraqiten pranë nesh”.

Ndërsa mjekja okuliste Leodita Gjana theksoi se “në kuadrin e festave të fundvitit meqenëse me përdorimin e shtuar të alkoolit, të fishekzjarreve, të kapsollave rastet me trauma perforative okulare shtohen, doja të tërhiqja vëmendjen për një kufizim dhe përkujdesje ndaj këtyre efekteve”.

Dr. Admir Mustafa, mjek imazherist, tha se “patologjia e Urgjencës në spitalin e Traumës është një nga sektorët kryesorë që kërkon një shpejtësi diagnostikuese me përdorimin e grafive, ekove dhe skanerit. Ne kemi aparatura të një gjenerate të re që na mundëson kryerjen e këtyre ekzaminimeve duke respektuar mbi të gjitha protokollet dhe standardet bashkëkohore”.

Spitalet dhe Urgjenca Mjekësore do të jenë në gatishmëri 24 orë në ditët festive. Urdhri, i firmosur nga ministrja e Shëndetësisë dhe Mirëqenies Sociale, Evis Sala përcakton sigurimin e gatishmërisë të shërbimeve shëndetësore gjatë sezonit të festave, me qëllim garantimin e kujdesit shëndetësor dhe sigurisë për qytetarët, pa asnjë ndërprerje, veçanërisht në datat 31 dhjetor 2025 dhe 1-2 janar 2026.

/k.s/r.e/

The post Mjekët e Spitalit të Traumës apel qytetarëve për kujdes të shtuar gjatë festave appeared first on Agjencia Telegrafike Shqiptare.

Përmes një video të publikuar në rrjetin social “Facebook”, deputeti socialist, Erion Braçe, ka bërë një apel për prindërit që shprehen skeptikë për vaksinimin e fëmijëve, duke iu referuar teorive që qarkullojnë se mund të shkaktojnë probleme.

Ai ka ndarë rastet e dy fëmijëve në pedriatrinë e QSUT, prej ditësh në gjendje të vështirë, njëri prej të cilëve ka rezultuar me fruth.

Ajo që është shqetësuese, thotë deputeti, fëmijës që ka rezultuar me fruth, edhe pse është 3-vjeç, i është ndërprerë vaksinimi. që në muajin e gjashtë.

Sipas tij, ky nuk është një rast i izoluar por më i gjerë dhe vjen nga hipotezat që shpesh artikulohen nëpër ekrane nga personazhe të caktuar që nuk janë të fushës.

Deputeti argumenton se prindërit duhet të dëgjojnë mjekët dhe të vaksinojnë fëmijët, sepse duke mos e bërë këtë gjë, në fakt po dëmtojnë fëmijët e tyre.

“Po ndodh diçka me fëmijët që më duket shumë e rëndë. Po ndjek dy raste në pediatri. Të vështira prej 10 ditësh temperaturë e lartë dhe shqetësime shëndetësore të tjera. E dini çfarë mësova që njëri prej fëmijve ishte me fruth. Për këtë ka vaksinë. Ashtu edhe tjetri. Ndërkohë që mjeket që po i ndjekin thonë se edhe se janë vetëm 3 vjeç, një prej fëmijëve e ka mbyllur kalendarin e vaksinimit në 6 muajt e parë të jetës. Prindërit s’i kanë çuar më të ndjekur kalendarin e vaksinimit që 6 muajsh, fruthi luftohet përmes vaksinës.

Mungesa e saj ka shkaktua këtë gjendje dhe pasoja. Kafshët që dalin nëpër media online e TV dhe flasin pa pikën e përgjegjësisë dhe dijes e njohurisë për vaksinat e vaksinimin po ju vrasin fëmijët, po ju dëmtojnë fëmijët. Po ua lënë me pasoja të rënda. Kalendari i vaksinimit ka shpëtuar jetë pafund e ka mbrojtur fëmijë e breza të tërë. Mos dëgjoni idiotët, por mjekët. Idiotët po iu bëjnë dëm fëmijët tuaj. Zbatoni kalendarin e vaksinimit. Në fund fare a e kuptoni sesa po shpenzoni tani. Një vaksinë falas për fëmijët tuaj”, tha deputeti.

The post Apeli i Erion Braçes për prindërit: Mos e ndërprisni kalendarin e vaksinimit, mos dëgjoni idiotët që dalin nëpër ekrane, por mjekët… (VIDEO) appeared first on Albeu.com.

TIRANË, 20 dhjetor/ATSH/ Policia e Shtetit u bëri apel sot drejtuesve të mjeteve që të tregojnë kujdes të shtuar, për shkak të prezencës së mjegullës në Rrugën e Kombit.

Policia njoftoi se segmenti Tuneli i Kalimashit–Morinë është me shikueshmëri të reduktuar për shkak të mjegullës, ndaj apelon për të gjithë drejtuesit e automjeteve që të tregojnë kujdes të shtuar, të ulin shpejtësinë dhe të zbatojnë udhëzimet e punonjësve të Policisë.

Shërbimet e Policisë së Njësisë për Sigurisë Rrugore në bashkëpunim me Policinë Rrugore të DVP Kukës, ndodhen në terren për monitorimin e qarkullimit dhe për t’ju ardhur në ndihmë drejtuesve të automjeteve.

Policia cilëson se në rast nevoje për ndihmë, telefononi në numrin 129.

/e.i/a.f/r.e/

The post Mjegull në Kukës, Policia apel për kujdes në Rrugën e Kombit appeared first on Agjencia Telegrafike Shqiptare.

Si pasojë e kushteve atmosferike të parashikuara për ditët në vijim, të karakterizuara me mot të vranët, intervale me diell dhe mjegull në orët e mëngjesit, në rajonin e Ferizajt është vërejtur prezencë e shtuar e mjegullës, e cila po vështirëson dukshmërinë në komunikacion.

Mjegulla është më e theksuar në zonat me pozitë më të ulët gjeografike dhe në afërsi të lumenjve, duke përfshirë komunat Ferizaj, Kaçanik, Shtime, Shtërpcë dhe Hani i Elezit.

Policia këshillon shoferët që: të ndezin dritat e shkurtra dhe dritat e mjegullës; të mos përdorin dritat me rreze të gjata; të ngadalësojnë dhe ta mbajnë shpejtësinë nën kontroll; të qëndrojnë në krahun e djathtë të rrugës; të rrisin vëmendjen ndaj ndryshimeve të papritura të dukshmërisë.

Policia paralajmëron se mjegulla mund të krijojë iluzione optike, duke rritur rrezikun e aksidenteve, sidomos në orët e hershme të mëngjesit. Për këtë arsye, kërkohet respektim maksimal i rregullave të trafikut.

Autoritetet theksojnë se siguria në trafik është përgjegjësi e përbashkët dhe apelojnë tek të gjithë pjesëmarrësit në komunikacion që të kontribuojnë në parandalimin e aksidenteve duke vozitur me kujdes.

Ndryshe meteorologët kanë njoftuar se mëngjeset do të shoqërohen me dukshmëri të reduktuar, ndërsa gjatë ditës priten përmirësime graduale të motit.

“Në orët e mëngjesit parashihen mjegulla, të cilat do të zvogëlojnë dukshmërinë horizontale, veçanërisht në zonat e ulëta dhe pranë sipërfaqeve ujore”, ka njoftuar IHMK. /Telegrafi/

TIRANË, 11 dhjetor /ATSH/ Gjyqtarja e Posaçme e Gjykatës së Apelit, Miliana Muça, do të shqyrtojë ankimin e bërë nga zëvendëskryeministrja dhe njëherazi ministre e Infrastrukturës dhe Energjisë, Belinda Balluku për pezullimin nga detyra dhe ndalimin e daljes jashtë vendit.

Gjithashtu Muça do të shqyrtojë edhe ankimin e Erald Elezit dhe Gentian Gjylit, të cilët kundërshtojnë vendimin e Shkallës së Parë që caktoi për ta masën “arrest shtëpie”.

“Gjykata e Posaçme e Apelit për Korrupsionin dhe Krimin e Organizuar, regjistroi çështjen penale nr. 86 akti, datë 11.12.2025 regjistrimi mbi ankimet e ankuesve B.B., G.Gj. dhe E.E., me objekt “Ankim ndaj vendimit nr. 118, datë 19.11.2025 dhe vendimit nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar” në lëndë të masave të sigurimit personal”, njoftoi Gjykata.

/m.q/a.f/r.e/

The post Apeli i GJKKO cakton gjyqtaren që do të shqyrtojë ankimimin e Ballukut appeared first on Agjencia Telegrafike Shqiptare.

TIRANË, 3 dhjetor/ATSH/ Policia apeloi sot për më shumë kujdes nga përdoruesit e rrugës, kryesisht në zonat malore, për shkak të reshjeve të dëborës.

Kështu, Policia Rrugore ka rritur prezencën e saj në të gjitha akset rrugore, me qëllim parandalimin e aksidenteve rrugore, lehtësimin e lëvizjes së automjeteve në akset ku ka ngarkesë dhe për të ndihmuar përdoruesit të rrugës, në raste nevoje.

Policia Rrugore apeloi për kujdes gjatë lëvizjes, pasi ka prezencë të lagështirës dhe në disa akse rrugore malore, prezencë të dëborës.

Drejtuesit e automjeteve dhe motomjeteve apelohen të respektojnë sinjalistikën rrugore, të përdorin zinxhirë dhe goma dimërore në akset ku është e nevojshme dhe të ndjekin udhëzimet e punonjësve të Policisë Rrugore në shërbim.

Po ashtu, apelohen të moderojnë shpejtësinë, të mbajnë distancën e duhur me mjetet e tjera, të mos kryejnë parakalime të gabuara, të vendosin rripin e sigurimit dhe kaskën mbrojtëse, dhe të mos përdorin celularin gjatë drejtimit të automjeteve dhe motomjeteve.

The post Lagështi në rrugë dhe prani dëbore, policia apel shoferëve për kujdes në lëvizje appeared first on Agjencia Telegrafike Shqiptare.

Ish-zëvendëskryeministrja Belinda Balluku, ka ankimuar në Apelin e Posaçëm vendimin e GJKKO, duke kërkuar shfuqizimin e masave të gjykatës.

Me vendim të GJKKO, Belinda Balluku, është pezulluar nga ushtrimi i detyrës si zv/kryeministre dhe ministre për Infrastrukturën dhe Energjinë.

Ajo akuzohet për aferën 210 mln euro të tenderit të tunelit të Llogarasë dhe atij të Unazës së Madhe të Tiranës.

Në bisedat telefonike me vartësin e saj Evis Berberi, ish-zv/kryeministrja dilte zbuluar teksa ndiqte procedurat e tenderave dhe paracaktonte fituesit.

The post Belinda Balluku ankimon në Apel vendimin e Gjykatës së Posaçme, kërkon shfuqizimin e masave të GJKKO appeared first on Albeu.com.

Gjykata e Lartë, ka prishur vendimin e Apelit për pushimin e hetimeve ndaj tre gjyqtarëve Aleks Nikolli, Petrit Aliaj dhe Skënder Damini, të cilët lehtësuan dënimin për Dritan Dajtin.

Trupi gjykues i përbërë nga Ilir Panda, Albana Boksi dhe Medi Bici, prishën vendimin e Apelit të GJKKO të datës 27 nëntor 2020 dhe vendosën rikthimin e çështjes në të njëjtën gjykatë por me tjetër trupë gjykuese, duke kërkuar hetimin e tre gjyqtarëve.

Dritan Dajti, u dënua me burgim të përjetshëm nga Gjykata e Krimeve të Rënda për vrasjen e 4 punonjësve të policisë dhe ndodhet në qeli prej vitit 2008.

Por, në shkurt te vitit 2019 një trupë gjykuese pranë Apelit vendosi të shuante burgimin e përjetshëm për Dajtin duke e dënuar atë me 25 vite burg.

Tre gjyqtarët Skënder Damini, Aleks Nikolli dhe Petrit Aliaj në shumicë, vendosën të pranojnë kërkesën e Dajtit për gjykim të shkurtuar, ç`ka uli dënimin e tij me 1/3.

Ndërsa dy gjyqtarët e tjerë në pakicë ishin Fuat Vjerdha dhe Lindita Hoxha. Vendimi ishte i debatueshëm dhe madje në atë kohë shtyu prokurorin Klodian Braho të urdhëronte kontrolle në banesat e gjyqtarëve, nën dyshimin se ata mund të ishin përfshirë në korrupsion lidhur me vendimin lehtësues në favor të Dajtit.

Në operacionin e gushtit të 2009 për arrestimin e Dritan Dajtit, mbetën të vrarë efektivët Fatos Xhani, Altin Dizdari, Kastriot Feskaj, dhe Sajmir Duçkollari.

Në atë kohë, Dajti kërkohej për vrasjen e biznesmenit Agim Beqo, ngjarje e ndodhur në vitin 1999 në Tiranë.

The post Lehtësuan dënimin e Dritan Dajtit, Gjykata e Lartë kthen në Apel për rigjykim 3 gjyqtarët (EMRAT) appeared first on Albeu.com.

Disa familje krutane protestuan përpara Gjykatës së Apelit, ku kërkuan përshpejtim të seancave gjyqësore lidhur me një ankim që është depozituar ndaj tyre në këtë gjykatë nga Nikolin Lleshi, i cili ka humbur betejën ligjore për një çeshtje pronësie ndaj këtyre familjeve në Gjykatën e Shkallës së Parë Tiranë.

Prej korrikut 2023, këta banorë janë në pritje të nisjes së procesit gjyqsor në Apelin e Tiranës. Vendimi i gjyqtarëve që i dha të drejtë 30 familjeve, duke kaluar në favor të tyre 3 godina pallatesh, u ankimua në Apel nga pala tjetër.

Prej më shumë se dy vitesh, në Apelin e Tiranës nuk është zhvilluar asnjë seancë gjyqsore, pavarësisht insistimit të vazhdueshëm.

Banorët paralajmëruan se në rast se nuk do të ketë asnjë reagim nga gjykata, ata do protestojnë sërish, deri ne momentin qe do të fitojnë drejtësi madje disa prej tyre shprehen se janë në moshë të thyer dhe ende nuk po gëzojnë banesat e tyre.

TIRANË, 31 tetor/ATSH-Maela Marini/ Raportuesi i Përhershëm i Parlamentit Europian për Shqipërinë, Andreas Schieder u bëri thirrje sot palëve politike në Shqipëri që pavarësisht diferencave politike të punojnë bashkë për integrimin e vendit në Bashkimin Europian.

Gjatë një konference për shtyp në Shtëpinë e Europës, Schieder ndau mesazhin e tij për politikanët shqiptarë.

“Kam një mesazh për miqtë e mi politikanë. Jam politikan vetë dhe e kuptoj shumë mirë se çfarë do të thotë që secili të përpiqet që ta bëjë të qartë pozicionin e vet, të bëjë diferencën me kundërshtarët politikë. Por është e rëndësishme që çdo palë që është pro zgjerimit të punojë për këtë qëllim”, shtoi Schieder.

Schieder theksoi se duhet të punojnë bashkë, të zbatojnë ligjet europiane sa më shumë të jetë e mundur, pavarësisht diferencave mes partive të ndryshme.

“Dihet që secila parti ka ideologjinë e sajë, përfaqëson grupe të caktuara, por është e rëndësishme që nëse duan integrimin në BE të punojmë për të njëjtin qëllim”, shtoi ai.

Duke iu referuar takimit të fundit të Komitetit të Stabilizim-Asociimit BE-Shqipëri, Schieder theksoi se në atë takim kishte shumë diferenca mes palëve.

“U morën për një kohë kaq të gjatë për të shpjeguar se çfarë nuk shkon mirë, se pse partia X bën këtë apo atë gabim. Kjo është e rëndësishme për politikën, por jo për këto takime mes Parlamentit Europian dhe parlamentit shqiptar, sepse ne duam të diskutojmë zgjerimin”, tha ai.

Ndaj apeli i Schieder për politikanët shqiptarë është që të punojnë së bashku.

“Mazhoranca duhet të ftojë opozitën, të dëgjojë se çfarë ata duan dhe të jetë e hapur, ashtu siç duhet, që edhe opozita të jetë e gatshme të marrë pjesë. Ka ligje të rëndësishme si Reforma Zgjedhore për të cilat e mira do të ishte që të gjendej një konsensus i gjerë”, shtoi ai.

/a.f/r.e/

The post Schieder: Partitë të punojnë bashkë për integrimin, pavarësisht diferencave politike appeared first on Agjencia Telegrafike Shqiptare.

TIRANË, 29 tetor /ATSH/ Policia e Shtetit doli sot në një njoftim zyrtar, ku informon qytetarët se së fundmi, janë konstatuar disa raste të shtetasve të paidentifikuar që kanë krijuar adresë elektronike të rremë (e-mail), me kredenciale të Drejtorit të Përgjithshëm të Policisë së Shtetit, dhe nëpërmjet saj, janë prezantuar si struktura për Hetimin e Krimeve Kibernetike.

Sipas Policisë, me këtë adresë, qytetarëve iu janë dërguar mesazhe elektronike me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve, si dhe duke iu kërkuar që të paraqiten brenda 24 orëve, në polici.

Policia thekson se e-mail-et janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj.

Policia pohon në njoftim se qytetarët duhet të kenë parasysh se Policia e Shtetit nuk dërgon kurrë njoftime zyrtare për hetime nëpërmjet e-mail-it, asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar, ndërsa qëllimi i këtyre mesazheve është mashtrimi dhe përhapja e frikës tek qytetarët.

Policia e Shtetit iu bën thirrje qytetarëve që të mos iu përgjigjen dhe të mos shpërndajnë e-mail-e me përmbajte të tillë.

Gjithashtu, bëhet me dije se rasti është në hetim nga Drejtoria e Hetimit të Krimeve Kibernetike, me qëllim identifikimin dhe ndëshkimin e autorëve të kësaj veprimtarie kriminale.

/e.i/r.e/a.f/

The post Policia: E-mail-e të rreme me emrin e Prodës, qytetarët të mos bien pre e mashtrimeve appeared first on Agjencia Telegrafike Shqiptare.

Nuk ka ndryshim të masës së sigurisë për Gjon Shkambin, i arrestuar bashkëpunëtor i nipit të tij Elvis Shkambi i cili vrau gjyqtarin Astrit Kalaja.

Trupa gjykuese në Gjykatën e Apelit ka vendosur të rrëzojë kërkesën e tij për zbutje të masës së sigurisë, duke e lënë atë në burg.

Po ashtu në masën e arrestit me burg do të vijojë të qëndrojë edhe Banush Koxhaj, roja i sigurisë në Gjykatën e Apelit ditën e krimit.

Gjyqtari Kalaja u ekzekutua me armë mesditën e 6 tetorit në sallën e gjyqit. Ai u qëllua me armë zjarri nga 30-vjeçari, Elvis Shkambi, pasi shpalli një vendim gjyqësor për një çështje pronësie ku ishin të përfshirë familjarët e autorit.

Krahas gjyqtarit, Shkambi qëlloi edhe ndaj Rakip dhe Elvis Kurtaj, babë e bir, të cilët ishin palë në këtë proces gjyqësor./abcnews.al

TIRANË, 26 tetor/ATSH/ Policia e Shtetit i bën apel për kujdes për të gjithë përdoruesve të rrugës për shkak të motit të keq.

Në një postim në rrjetet sociale, Policia e Shtetit theksoi se si pasojë e motit të keq me reshje shiu në disa akse rrugore ka prezencë uji apo edhe rënie inertesh.

Policia e Shtetit apelon për të gjithë përdoruesit e rrugës që të tregojnë kujdes të shtuar, të respektojnë me rigorozitet rregullat e qarkullimit rrugor dhe të zbatojnë udhëzimet e shërbimeve të Policisë Rrugore.

Strukturat e Policisë Rrugore janë në terren  për të ndihmuar dhe parandaluar ngjarjet rrugore.

Ndërkohë, po bashkëpunohet me firmat kontraktore të mirëmbajtjes së rrugëve, me qëllim pastrimin në kohë të segmenteve ku, si pasojë e reshjeve, ka pasur rënie inertesh në rrugë.

Policia fton qytetarët të telefonojnë në numrin 112 në rast nevoje në rrugë.

Vendi ynë sot është përfshirë nga kushte atmosferike të paqëndrueshme. Gjatë ditës ka pasur reshje me intensitet mesatar në veri e pjesërisht në qendër. Në orët e mbrëmjes parashikohet riaktivizim i reshjeve të shiut të herëpashershme me intensitet mesatar e hera-herës lokalisht të lartë shoqëruar me shkarkesa elektrike, kryesisht në zonën veriperëndimore e pjesërisht në qendër.

/k.s/j.p/

The post Moti me reshje, Policia apel për respektimin e rregullave të qarkullimit appeared first on Agjencia Telegrafike Shqiptare.

Në pamjet e mëposhtme është momenti kur 30-vjeçari Elvis Shkambi, i shoqëruar nga forca të Policisë dhe me pranga në duar, futet në Drejtorionë e Policisë së Tiranës. Bashkë me të është shoqëruar edhe xhaxhai i tij, Gjon Shkambi. . Pasditen e sotme, 30-vjeçari ekzekutoi në krye të detyrës gjyqtarin Astrit Kalaja brenda sallës së […]

The post VIDEO/ Me pranga në duar, momenti kur Elvis Shkambi futet në Policinë e Tiranës appeared first on BoldNews.al.

Gazetarja Klodiana Lala dha detaje të reja në News24 nga ngjarja e rëndë e regjistruar sot pasdite në gjykatën e Apelit në Tiranë ku u vra me armë zjarri në sallën e gjyqit, gjyqtari Astrit Kalaja. Lala thotë se ka parë pamjet e kamerave të sigurisë nga salla e gjyqit dhe janë tronditëse, teksa Elvisi […]

The post “Kam parë pamjet”/ Gazetarja: Elvisi mbushi armën teksa lexohej vendimi, ja drejtoi dhe sekretares appeared first on BoldNews.al.

Prokuroria e Posaçme (SPAK), ka reaguar në lidhje me vrasje e gjyqtarit Astrit Kalaja brenda sallës së gjyqit në Gjykatën e Përgjithshme të Apelit. Teksa dënon me forcë “vrasjen e paprecedentë”, SPAK thotë se ky akt i rëndë duhet të shërbejë si thirrje urgjente për rritjen e sigurisë në gjykata, forcimin e masave mbrojtëse për […]

The post Vrasja e gjyqtarit Kalaja/ SPAK: Të shërbejë si thirrje urgjente për rritjen e sigurisë në gjykata appeared first on BoldNews.al.

TIRANË, 3 tetor/ATSH/ Në Qendrën Spitalore Universitare “Nënë Tereza” në Tiranë ka nisur vaksinimi i stafit mjekësor kundër gripit sezonal 2025-2026.

Drejtoresha e Spitalit Infektiv, prof. Najada Çomo, u bëri thirrje sot të gjitha stafeve mjekësore, infermierëve, stafeve mbështetëse dhe punonjësve të kujdesit social e shëndetësor të kryejnë vaksinën.

“Stafi i shërbimit infektiv, i cili përballet me pacientë që kanë sëmundje të ndryshme virale përfshirë edhe gripin sot nisi procesin e vaksinimit. U vaksinuan një grup mjekësh, infermierësh, sanitarësh. Në ditët në vijim do të përfundojmë vaksinimin e plotë të stafit që punon në shërbimin infektiv”, theksoi Çomo, në një video të publikuar në rrjetet sociale nga Ministria e Shëndetësisë dhe Mbrojtjes Sociale.

Çomo vuri në dukje se vaksina kundër gripit është mjeti më i fortë që parandalon infektimin nga virozat e stinës.

“Ndaj ata që janë persona që kanë sëmundje kronike, që janë staf mjekësor apo që punojnë me pacientë siç janë psikologë, sociologë, që punojnë në azilet e të moshuarve janë të lutur që të nxitojnë për t’u vaksinuar në vendet e punës ku vaksina ka mbërritur”, tha Çomo.

Ndërkohë që MSHMS bën të ditur se të gjithë qytetarët që duan të kryejnë vaksinën mund ta rezervojnë ditën e tyre në e-Albania.

MSHMS i bën apel qytetarëve të vaksinohen në qendrat e vaksinimit më të afërta, pasi vaksina shpëton jetë dhe në këtë mënyrë mbroni veten dhe të tjerët rreth jush.

Fushata e vaksinimit antigrip ka nisur në datën 22 shtator, ndërsa janë 280 mijë doza vaksinash në dispozicion të qytetarëve të shpërndara në qendrat shëndetësore në vend.

Vaksinimi i personelit shëndetësor po vazhdon në të gjithë vendin, ndërsa janë njoftuar qytetarët e moshës së tretë, gratë shtatzëna, fëmijët dhe të gjithë personat që kanë sëmundje bashkëshoqëruese.

Në udhëzimet e MSHMS-së thuhet se vaksina antigrip mund të bëhet nga personat mbi 65 vjeç, të sëmurët kronikë, ata me probleme të sistemit kardiovaskular, të sistemit pulmonar dhe të sistemit renal. E këshillueshme është që vaksina të bëhet edhe nga gratë shtatzëna dhe fëmijët e moshës mbi gjashtë muajsh.

/k.s/r.e/

The post Nis vaksinimi kundër gripit i personelit në QSUT, Çomo: Mjeti më i fortë që parandalon appeared first on Agjencia Telegrafike Shqiptare.

TIRANË, 1 tetor/ATSH/ Muaji tetor është muaji i ndërgjegjësimit për kancerin e gjirit, për të rritur vëmendjen në zbulimin e hershëm, trajtimin, si dhe kujdesin paliativ të kësaj sëmundjeje.

Ministria e Shëndetësisë dhe Mbrojtjes Sociale publikoi sot mesazhin e dr. Ibrahim Avdisë, mjek kirurg i njësisë së kirurgjisë onkologjike dhe terapisë intensive, me një eksperiencë të gjatë prej 27 vitesh në shërbim të pacientëve që vuajnë nga sëmundje tumorale.

Në këtë muaj sensibilizmi, dr. Avdia u bën thirrje vajzave dhe grave që të shfrytëzojnë të gjitha mundësitë për të bërë ekzaminimet mamografike dhe ekografike dhe çdo vizitë tjetër shëndetësore në të gjitha institucionet shëndetësore, qofshin ambulanca, mamografi të lëvizshme, qendra spitalore, qendra terciare për të bërë një diagnozë sa më të hershme.

“Diagnostikimi i hershëm është baraz me jetë. Kanceri i gjirit kur diagnostikohet më herët është mbi 90% të rasteve i shërueshëm”, tha dr. Avdia, duke shtuar se diagnostikimi i hershëm dhe ekzaminimet patologjike, testet molekulare bëjnë që të realizohet trajtimi sa më adekuat dhe sa më shkencor i kancerit të gjirit.

“Çdokush që ka patur në familje një rast me kancer gjiri të nxisë motrën e vet, nënën e vet, të njohurën vet të bëjë një mamografi kudo që ajo mundet. Këtë sëmundje po të bëhemi të gjithë bashkë arrijmë t’ia dalim, arrijmë ta mposhtim”, tha dr. Avdia.

Dr. Avdia u bëri apel vajzave dhe grave ta shfrytëzojnë këtë muaj për të bërë sa më shumë ekzaminime mamografike dhe ekografike për të diagnostikuar sa më shumë raste të reja, për të fituar jetë.

Tetori Rozë është muaji ndërkombëtar i ndërgjegjësimit për luftën kundër kancerit të gjirit. Me një fjongo rozë, tetori është kthyer në simbolin e ndërgjegjësimit për më shumë vëmendje ndaj këshillave të mjekëve, për të shpëtuar më shumë jetë.

Gjatë këtij muaji, organizohen fushata për të inkurajuar gratë që të kryejnë kontrolle të rregullta, si mamografia, që ndihmojnë në zbulimin e hershëm të kancerit të gjirit.

Vitet e fundit, Ministria e Shëndetësisë dhe Mbrojtjes Sociale e ka shtrirë fushatën e saj sensibilizuese jo vetëm në tetor, por gjatë gjithë vitit.

/k.s/r.e/

The post Tetori Rozë, dr. Avida apel vajzave dhe grave: Diagnostikimi i hershëm, baraz me jetë appeared first on Agjencia Telegrafike Shqiptare.

SHQIPËRI- Në nisje të muajit të ndërgjegjësimit për kancerin e gjirit, Presidenti i Republikës, Bajram Begaj, ka dhënë një mesazh sensibilizues përmes rrjeteve sociale, duke apeluar për kujdes ndaj shëndetit të grave dhe vajzave.

Kreu i shtetit inkurajoi gratë dhe vajzat që të kryejnë mamografinë, si një hap vendimtar drejt parandalimit dhe zbulimit të hershëm, që shpëton jetë.

“Çdo histori është unike, çdo rrugëtim ka rëndësi. Në Muajin e Ndërgjegjësimit të Kancerit të Gjirit, inkurajojmë gratë dhe vajzat që me guxim të jashtëzakonshëm përballen me këtë sëmundje. Parandalimi dhe diagnostikimi i hershëm shpëtojnë jetë”, apelon presidenti Begaj.

Fushata e “Tetorit Rozë” synon të rrisë ndërgjegjësimin dhe edukimin mbi rëndësinë e kontrollit të rregullt shëndetësor dhe mbështetjen për të gjitha gratë që përballen me këtë sëmundje./abcnews.al