Të paktën 11 persona humbën jetën dhe 7 të tjerë u plagosën pas një aksidenti të ndodhur në Brazil. Një autobus është përplasur me një kamion në një autostradë federale në shtetin më jugor të Rio Grande do Sul. Ekipet e shpëtimit mbërritën menjëherë në vendngjarje për t’i ardhur në ndihmë të lënduarve. Ndërhyrja ka qenë […]

The post Autobusi përplaset me kamionin në Brazil, 11 viktima dhe 7 të plagosur appeared first on BoldNews.al.

Vajza e trajnerit të Kombëtares shqiptare, Tati Mendes,është shumë aktive në rrjetet sociale. Ajo updeton ndjekësit e saj me çdo gjë që ndodh rreth saj.

Së fundmi, ajo ka postuar foto nga pushimet që po kalon së bashku me familjarët e saj në një plazh në Brazil.

Të gjithë duken të lumtur krah njëri-tjetrit, teksa po shijojnë ditët e fundit të 2025-ës.

 

The post Ditët e fundit të 2025-ës, vajza e Silvinjos ndan fotot nga pushimet familjare në Brazil appeared first on Albeu.com.

Është kthyer në një yll të stolit, dhe reklamën po ia bën edhe Shqipërisë. Emri i Silvinjos tërheq jo pak në Brazil, dhe pas kualifikimit për në plej ofin e Kupës së Botës, tekniku kuqezi ishte I ftuar në një emision sportiv të televizionit ESPN për vendin e tij.

Katër gazetarët në studio, në lidhje në distancë me trajnerin e kombëtares, e pyetën për shortin me Poloninë.

“Natyrisht, e dinim që më parë se do të ishte e vështirë, dhe ashtu ndodhi. Një short I pamëshirshëm, I ashpër. Kështu ka qenë që nga Europiani. I imagjinonim këta rivalë të fortë. Polonia do të luajë në shtëpi dhe ne do të kemi vështirësi të madhe, por do të bëjmë gjithçka për Shqipërinë, për ekipin tonë, për vendin, për federatën. Do të provojmë të arrijmë suksesin”.

Çfarë mund të thotë Silvinjo për shanset e Shqipërisë që të kalojë polakët?

“Kemi një përvojë të mirë në të kaluarën, pasi luajtëm në eliminatoret e Europianit ndaj Polonisë. Kanë ndryshuar trajner, por janë pak a shumë lojtarët që ishin, lojtarë me nivel të lartë. Dy ekipet janë në faza të ndryshme. Ata janë në rindërtim me një trajner të ri, ndërsa ne jemi në një periudhë përmirësimi, duke vazhduar punën tonë. Përballja do të jetë e vështirë. Gjithsesi, janë 90 minuta, dhe mund të ndodhë gjithçka. Ne kemi ndryshuar. Ekipi ynë është më I strukturuar, mbron më mirë, ka ecur përpara teknikisht. Kemi cilësi shumë të mirë dhe lojtarë që janë përshtatur me njëri-tjetrin. Fati I ndeshjes mund të vendoset në pak sekonda. Kështu funksionon”.

Silvinjo do të ishte I vetmi trajner brazilian në Botëror, pasi Brazilin e drejton Ançeloti, madje mund të kishte një përballje mes tyre.

“Për mua është një nder nëse do të jem braziliani I vetëm si trajner në Botëror. Do të ishte diçka shumë e bukur. Do të përpiqem edhe për këtë. Nëse kualifikohemi nga ky plej of, do të jemi në Kupën e Botës, diçka që nuk është e vogël për ne, nuk kemi qenë më parë. Ju më pyesni çdo të ndodhë nëse do të ndeshemi me Brazilin në Botëror. Është rrugë e gjatë deri atëherë. Ju lutem, qetësohuni. Të shkojmë një herë në Botëror, pastaj të shohim me kë do të ndeshemi”.

BUENOS AIRES, 24 dhjetor /ATSH-ANSA/- Në periudhën janar-nëntor 2025, Argjentina shënoi deficitin më të madh në sektorin e turizmit të regjistruar ndonjëherë që nga fillimi i monitorimit të kufijve, me një numër rekord qytetarësh që kanë dalë jashtë vendit, veçanërisht në Brazil.

Sipas të dhënave zyrtare, në 11 muajt e parë të vitit, 11,19 milionë banorë argjentinas udhëtuan jashtë vendit, ndërsa 4,78 milionë turistë hynë në vend, duke rezultuar në një bilanc negativ prej 6,41 milionë vizitorësh.

Sipas analistëve , kjo mund të ketë ndodhur nga mbiçmimi i fortë i monedhës vendase kundrejt dollarit dhe rritja paralele e kostos së jetesës, gjë që i bën pushimet jashtë vendit aktualisht më të lira për argjentinasit sesa në destinacionet turistike lokale.

Vendi që përfiton më shumë nga kjo situatë është Brazili fqinj, i cili u “pushtua” nga argjentinasit në vitin 2025.

Sipas të dhënave zyrtare nga Ministria e Turizmit e Brazilit, mbi 9 milionë vizitorë të huaj hynë në vend midis janarit dhe nëntorit, 3,1 milionë prej të cilëve ishin nga Argjentina, një rritje prej 82,1% krahasuar me të njëjtën periudhë në vitin 2024.

Përsa i përket bilancit tregtar, një studim i kryer nga Instituti Mbretëror i Studimeve Ekonomike vlerëson një bilanc negativ për Argjentinën midis 7 dhe 9 miliardë eurosh, një shifër e konsiderueshme duke marrë parasysh emergjencën financiare me të cilën përballet Departamenti i Thesarit në Argjentinë dhe nevojën për të grumbulluar rezerva për të përmbushur pagesat e borxhit të jashtëm. //a.i/

The post Argjentinasit preferojnë Brazilin, turizmi arrin nivelin më të ulët rekord appeared first on Agjencia Telegrafike Shqiptare.

Presidenti brazilian Luiz Inácio Lula da Silva ka nënshkruar një ligj të ri që forcon ndjeshëm mbrojtjen për gratë viktima të dhunës me bazë gjinore, në një moment kur Brazili po përballet me nivele alarmante të dhunës ndaj grave. Iniciativa është mirëpritur nga grupet feministe dhe organizatat e të drejtave të njeriut, të cilat, megjithatë, theksojnë se ligji duhet të shoqërohet me më shumë fonde dhe politika efektive parandaluese për të pasur ndikim real.

Nënshkrimi i ligjit vjen pas një vale zemërimi të fortë shoqëror, të nxitur nga raste të rënda dhune që kanë tronditur opinionin publik. Të dielën, protesta masive u zhvilluan në dhjetëra qytete në të gjithë Brazilin, ku mijëra qytetarë kërkuan drejtësi dhe masa më të forta për mbrojtjen e grave.

Sipas ligjit të ri, i publikuar në Gazetën Zyrtare të Qeverisë të hënën, më 15 dhjetor, gjyqtarët do të kenë kompetenca më të gjera për të vendosur masa mbrojtëse ndaj autorëve të dhunës. Këto përfshijnë pezullimin ose kufizimin e posedimit të armëve, largimin e autorit nga banesa e viktimës dhe ndalimin e plotë të çdo forme komunikimi me të.

Një nga risitë kryesore të ligjit është përdorimi i byzylykëve elektronikë për monitorimin e personave ndaj të cilëve janë vendosur masa kufizuese. Ndërkohë, viktimat do të pajisen me pajisje të posaçme sigurie që i njoftojnë në rast se autori afrohet.

Ligji parashikon gjithashtu dënime më të ashpra për përdhunimin e fëmijëve nën moshën 14 vjeç, duke e rritur dënimin maksimal me burg në 18 vjet, nga 15 që ishte më parë. Në rastet e përdhunimit të shoqëruar me vrasjen e të miturit, dënimi varion tani nga 20 deri në 40 vjet burg.

Projektligji u prezantua nga ish-senatorja Margareth Busetti, anëtare e partisë Progressives të qendrës së djathtë, dhe u miratua nga Senati brazilian në muajin nëntor.

Rachel Ripani, një nga organizatoret e protestave që u zhvilluan në rreth 90 qytete të Brazilit, e cilësoi nënshkrimin e ligjit si një hap pozitiv, por theksoi se presioni shoqëror mbetet thelbësor.

“Është një hap shumë pozitiv, por njëkohësisht tregon se si këto lloj ligjesh shpesh mbeten në plan të dytë pa presionin e publikut,” deklaroi ajo për Associated Press.

Protestat u nxitën nga disa raste veçanërisht tronditëse. Mes tyre, rasti i Tainara Souza Santos, e cila u shtyp nga ish-i dashuri i saj me makinë dhe u zvarrit për rreth një kilometër, duke humbur të dyja këmbët. Pamjet e incidentit u shpërndanë gjerësisht në rrjetet sociale.

Një tjetër rast ishte ai i mësueses së anglishtes Katarina Kasten, e cila u përdhunua dhe u mbyt në një shteg pranë një plazhi në Florianopolis. Po ashtu, në Rio de Janeiro, një punonjës shkolle qëlloi për vdekje dy kolege, pasi, sipas të afërmve të viktimave, nuk pranonte të kishte gra superiore në punë.

Më herët gjatë këtij viti, një video ku një grua goditej mbi 60 herë nga partneri i saj brenda një ashensori u bë virale, duke shkaktuar indinjatë të gjerë. Viktima iu nënshtrua më pas një operacioni rindërtues të fytyrës.

“Kjo dhunë regjistrohet dhe shfaqet publikisht. Njerëzit e shohin dhe pyesin veten pse nuk ka ndëshkim,” u shpreh Ripani.

Sipas një raporti të vitit 2025 nga Forumi Brazilian për Sigurinë Publike, më shumë se një në tre gra në Brazil kanë qenë viktima të dhunës seksuale ose të bazuar në gjini brenda një viti niveli më i lartë që nga viti 2017. Ndërkohë, në vitin 2024 u regjistruan 1,492 vrasje të grave me bazë gjinore, shifra më e lartë që nga njohja ligjore e krimit të femicidit në vitin 2015.

Në tetor 2024, Lula kishte nënshkruar gjithashtu një ligj që rriti dënimet për femicidin në një minimum prej 20 dhe deri në 40 vjet burg.

Megjithatë, sociologia Isadora Viana thekson për abcnews.com se dënimet më të ashpra, ndonëse gjejnë mbështetje si në qarqet progresive ashtu edhe në ato konservatore, nuk kanë provuar të jenë efektive në parandalimin e dhunës. “Edukimi seksual në shkolla dhe krijimi i hapësirave të sigurta ku fëmijët mund të flasin janë masa shumë më thelbësore,” vëren ajo.

Në të njëjtën linjë, aktivistja Tatiani Araujo nënvizon se parandalimi duhet të jetë prioritet: më shumë burime për trajtimin e dhunës seksuale, si dhe trajnim i specializuar për drejtësinë, shëndetësinë dhe shërbimet sociale.

“Asnjë ndryshim në Kodin Penal nuk do të jetë vërtet efektiv për sa kohë që mbeten të njëjtat struktura seksiste, mizogjine dhe raciste që na dëmtojnë, na abuzojnë dhe na vrasin,” thekson ajo.

The post Hap i rëndësishëm në Brazil, ligji i ri fuqizon mbështetjen për gratë e dhunuara appeared first on iconstyle.al.

Policia Federale braziliane ka arrestuar në Rio de Janeiro ish-ministrin e Jashtëm të Perusë, Manuel Augusto Blacker Miller, i cili kërkohej nga drejtësia shqiptare për mashtrim të lidhur me projektin e një inceneratori në Shqipëri.

80-vjeçari ishte në arrati prej shtatë vitesh dhe figuronte në listën e kërkimit ndërkombëtar të Interpolit.

Arrestimi u krye në lagjen Flamengo, nga Njësia e Bashkëpunimit Ndërkombëtar të Policisë Federale, në zbatim të urdhrit të Gjykatës së Lartë Federale për qëllim ekstradimi në Shqipëri. Ai do të mbetet në paraburgim deri në përfundimin e procedurave.

Miller akuzohet për përfshirje në një skemë mashtrimi financiar që lidhet me ndërtimin e një inceneratori të mbetjeve në një qytet shqiptar. Sipas hetimeve, ai dyshohet se premtoi një investim që nuk e përmbushi.

Policia Federale në Brazil arrestoi të enjten (11 dhjetor) Manuel Augusto Blacker Miller, 80 vjeç, ish-Ministër i Punëve të Jashtme të Perusë në qeverinë e Alberto Fujimorit gjatë viteve 1990, në zonën jugore të Rio de Janeiros. I arrestuari ishte në listën e Njoftimit të Kuq të Interpolit. Blacker Miller kishte qenë në arrati për […]

The post Ish-ministri peruan i dënuar në Shqipëri arrestohet në Brazil, kërkohej nga Interpoli appeared first on BoldNews.al.

Bashkimi Evropian (BE) ka shpallur Kosovën dhe 7 vende të tjera si “të sigurta” për azil.

Sipas njoftimit bëhet e ditur se Këshilli ra dakord për qëndrimin e tij mbi dy pjesë të legjislacionit të BE-së që do të forcojnë zbatimin praktik të koncepteve kryesore të vendit të sigurt në rregullat e azilit të BE-së.

Në njoftim thuhet se këto ligje të reja të BE-së për migracionin synojnë të vendosin procedura më të shpejta dhe më efektive të azilit për ata që nuk duhet të marrin mbrojtje brenda BE-së.

Në lidhje me këtë Rasmus Stoklund, ministri Danez për Imigracionin dhe Integrimin ka thënë: “Jam i lumtur që ne - shtetet anëtare - kemi rënë dakord për një qasje të përgjithshme për rishikimin e konceptit të 'vendit të tretë të sigurt', i cili u lejon shteteve anëtare të bëjnë marrëveshje me vende të treta të sigurta për përpunimin e azilit jashtë Evropës”.

Sipas vendimit të Këshillit, Kosova është përfshirë si vend i sigurt i origjinës. Kjo do të thotë se aplikimet për azil nga qytetarët kosovarë mund të trajtohen në mënyrë të përshpejtuar. Vendosja e Kosovës në listë bazohet në vlerësimin se vendi ofron mbrojtje të mjaftueshme kundër persekutimit dhe shkeljeve të rënda të të drejtave themelore.

Megjithatë, kjo nuk do të thotë se çdo kërkesë azili nga Kosova do të refuzohet automatikisht — çdo aplikim individual mund të shqyrtohet nëse ekzistojnë arsye specifike për mbrojtje.

Në njoftim sqarohet se rregullorja e re, që rishikon konceptin e vendit të sigurt të tretë, do të zgjerojë rrethanat në të cilat një kërkesë për azil mund të refuzohet si e papranueshme.

Pos Kosovës Këshilli ra dakord që edhe këto vende duhet të përcaktohen si vende të sigurta origjine në nivel BE-je: Bangladeshi, Kolumbia, Egjipti, India, Maroku dhe Tunizia./Telegrafi/

Dy burra të armatosur kanë vjedhur tetë vepra arti nga artisti francez Matisse dhe të paktën pesë të tjera nga piktori brazilian Cândido Portinari nga një bibliotekë në São Paulo.

Ata thuhet se kanë hyrë në bibliotekë nga hyrja kryesore në orën 10:00 të dielën dhe kanë dalë nga e njëjta rrugë, duke u drejtuar drejt stacionit më të afërt të metrosë.

Vjedhja vjen më pak se dy muaj pasi bota e artit u trondit nga një vjedhje në muzeun e Luvrit në Paris, ku hajdutët morën me vete xhevahire të çmuara.

Gravurat e vjedhura nga Biblioteka Mário de Andrade të dielën ishin pjesë e një ekspozite të përbashkët me Muzeun e Artit Modern të São Paulo.

Biblioteka Mário de Andrade është biblioteka e dytë më e madhe në vend dhe zyrtarët thonë se ndërtesa e saj në qendër të São Paulo kishte kamera me teknologji njohjeje të fytyrës.

Kryebashkiaku i São Paulo u tha mediave lokale se hajdutët ishin identifikuar tashmë, por deri më tani ata mbeten në arrati.

Zyrtarët ende nuk kanë publikuar një listë të detajuar të veprave të vjedhura. /Telegrafi/

Nga Boldnews.al Nëse laku i shtrëngohet nga ata që ai deri dje ua shtrëngonte, kryeministri Edi Rama e ka një zgjidhje alternative. Faktet janë dhënë… Kur ish-numri dy i qeverisë ka marrë arratinë dhe kërkon azil për t’iu shmangur drejtësisë në vend, pse mos e provojë edhe numri një, gjithnjë nëse në SPAK hapet dera […]

The post Emigrantët e huaj azil në Shqipëri, Rama “azil” në Europë appeared first on BoldNews.al.

Kriminelët e huaj dhe azilkërkuesit e refuzuar nuk do të marrin më shumë se 10,000 paund për t’u kthyer në shtëpi, tha sekretarja britanike e Shtetit për Departamentin e Brendshëm, Shabana Mahmood, sipas “Daily Express”. Mahmood kërkon të rrisë shumën e dhënë për shkelësit e ligjit të emigracionit, të dënuarit e huaj dhe për personat që u është refuzuar strehimi në Britaninë e Madhe – për t’i inkurajuar ata të largohen.

Ministri i Sigurisë Kufitare, Alex Norris tha se pagesat – aktualisht deri në 3,000 paund – ishin një shumë e madhe – për shkak të kostove të akomodimit të të ardhurve të paligjshëm. Ai këmbënguli se ndihmat nuk do të kalonin 10,000 paund – megjithëse refuzoi të përcaktonte një shifër të saktë.

Norris zbuloi, për herë të parë, se Ministria e Brendshme do të deportonte fëmijët e lindur në Britaninë e Madhe nëse prindërit e tyre ishin caktuar për t’u larguar.

Deklarata e tij erdhi përpara mbërritjes së emigrantëve të parë në Qendrën e Emigracionit “Campsfield”, e cila është rihapur si pjesë e përpjekjejeve për të rritur deportimet.

“Për momentin, lloji i regjimit për të cilin po flasim është rreth 3,000 paud”, tha Norris në Qendrën e Largimit të Emigracionit në Campsfield, të cilën Ministria e Brendshme e rihapi ndërsa përpiqet të rrisë deportimet.

“Po shqyrtojmë një program pilot të mundshëm për ta rritur këtë”, shtoi ai.

“Realiteti është, se kjo është një shumë e madhe sepse – nëse dikush ka nevojë të qëndrojë në hotel për një periudhë të gjatë kohore – është shumë e kushtueshme për taksapaguesin”, theksoi ai.

“Ofrimi i stimujve për kthimet vullnetare u shërben taksapaguesve, e bën këtë proces më të lehtë”, tha Norris.

“Nëse ka mënyra për t’u siguruar që kjo të ndodhë më shpesh, atëherë kjo është ajo që po shqyrtojmë nga afër”, shtoi ai.

I pyetur nëse pagesat mund të arrinin në 10,000 paund për emigrant, Norris këmbënguli se nuk mund ta miratonte këtë shifër. Çdo azilkërkues kushton, mesatarisht, 30,000 paund në vit për akomodim, ushqim, veshmbathje dhe pagesa emergjente në para të gatshme.

Familjet emigrante, kërkesat e të cilave për azil janë refuzuar, do të deportohen nëse refuzojnë stimujt, në para të gatshme.

Sekretarja e Brendshme, Shabana Mahmood do të urdhërojë deportimin me forcë të familjeve që refuzojnë të marrin stimuj më të mëdhenj, sipas Ministrisë së Brendshme.

“Aktualisht, ka një numër të konsiderueshëm familjesh që do të deportohen. Megjithatë, kjo nuk ka qenë pjesë e qasjes kryesore të Ministrisë së Brendshme britanike, që do të thotë se jemi në një situatë ku kemi 700 familje shqiptare që janë azilkërkues të refuzuar, nga një vend që është nënshkrues i KEDNJ-së “Konventës Evropiane për të Drejtat e Njeriut” dhe nuk po largohen”, tha Norris.

“Në fund të fundit, do të jetë rasti i të gjithëve në bazë të meritave sipas ligjit të emigracionit, por për shkak të rrethanave dhe në këto raste, njerëzit do të largohen”, tha Norris i pyetur nëse kjo përfshin fëmijët që lindin në Britaninë e Madhe. Partia Laburiste këmbëngul se 50 000 kriminelë të huaj, azilkërkues të refuzuar dhe shkelës të ligjit për emigracionin janë larguar që kur qeveria e kryeministrit britanik, Keir Starmer mori detyrën.

Kërkesat për azil në Gjermani bien me 51% falë masave të qeverisë Merz. Ndërkohë, ligji i shtetësisë do të ashpërsohet për mashtruesit, shkruan Auron Dodi. Shifrat flasin qartë. Numri i aplikimeve fillestare për azil në Gjermani është ulur me më shumë se gjysmën që nga fillimi i vitit 2025. Këtë vit janë paraqitur 106.298 kërkesa […]

The post Azili përgjysmohet, ligji i shtetësisë në Gjermani do të ashpërsohet appeared first on BoldNews.al.

Një aeroport brazilian u mbërthye nga paniku pasi një zjarr shpërtheu në një makinë ngarkimi bagazhesh pranë një avioni. Siç shihet në video, flakët arritën në aeroplan ndërsa ai po përgatitej për ngritje. Sipas mediave lokale, tymi nga zjarri hyri në aeroplan, duke shkaktuar panik midis 180 pasagjerëve. Falë qetësisë së ekuipazhit, 180 pasagjerët u […]

The post VIDEO/ Makina e bagazheve merr flakë afër avionit në Brazil, evakuohen 180 pasagjerët appeared first on BoldNews.al.

Enti për Shtetësinë dhe Imigracionin i SHBA-së (USCIS) ka pezulluar përkohësisht të gjitha aplikimet për azil. Ky vendim vjen si rrjedhojë e kërkesës së Presidentit Donald Trump për një politikë më të rreptë ndaj emigracionit, pas të shtënave me armë ndaj dy ushtarëve të Gardës Kombëtare në Uashington. Vendimet për azilin do të pezullohen “derisa të sigurohemi që çdo shtetas i huaj të verifikohet dhe të shqyrtohet sa më tërësisht që të jetë e mundur”, shpjegoi Drejtori i USCIS-së, Joseph Edlow.

Ministri i Jashtëm i SHBA-së, Marco Rubio, njoftoi gjithashtu se SHBA-të kanë ndaluar përkohësisht lëshimin e vizave për të gjithë shtetasit afganë. Ai theksoi se për SHBA-në “nuk ka përparësi më të lartë, sesa mbrojtja e kombit dhe popullit tonë”.

Ushtarja e Gardës Kombëtare vdes pas sulmit

Të mërkurën (26.11.) u qëlluan me armë dy ushtarë të Gardës Kombëtare vetëm pak blloqe larg Shtëpisë së Bardhë. Njëra nga viktimat, një gardiste 20-vjeçare, vdiq nga plagët e marra, kurse viktima e dytë, një gardist 24-vjeçar, është në gjendje kritike, njoftoi Prokurorja e Shtetit të Uashingtonit Jeanine Pirro.

I dyshuari për vrasje është arrestuar. Ai është nga Afganistani. 29 vjeçari kishte qenë pjesë e një “force partnere” të mbështetur nga CIA, që luftonte talebanët në Afganistan dhe erdhi në Shtetet e Bashkuara si pjesë e një programi për mbrojtjen e bashkëpunëtorëve pas tërheqjes ushtarake të amerikanëve nga Afganistani në vitin 2021.

Prokurorja e Përgjithshme e SHBA-së Pam Bondi, tha se do të kërkojë dënimin me vdekje kundër afganit, dhe e quajti atë “përbindësh”./DW

The post Kërkesat e Trump për ashpërsim ndaj emigracionit, SHBA-të pezullojnë të gjitha vendimet për azil appeared first on Albeu.com.

Organizata e Kombeve të Bashkuara i ka kërkuar Shteteve të Bashkuara të vazhdojnë të pranojnë azilkërkues dhe t’u garantojnë atyre rrugë ligjore, pas deklaratave të Presidentit Donald Trump, i cili u zotua të pezullojë imigracionin nga vendet e “Botës së Tretë” pas një sulmi pranë Shtëpisë së Bardhë. Qëndrimi i OKB-së vjen pasi një shtetas […]

The post OKB i bën thirrje SHBA-së të mos mbyllë portat për azilkërkuesit appeared first on BoldNews.al.

Bruna Ferreira, e cila si fëmijë erdhi në Shtetet e Bashkuara nga Brazili, ka jetuar një jetë tipike amerikane - ka luajtur tenis në shkollën e mesme, është martuar dhe ka bërë shkurorëzimin, ka ndërtuar një biznes dhe ka rritur një djalë.

Por, kur agjentët e ICE e arrestuan më herët këtë muaj përpara shtëpisë së saj në periferi të Bostonit, ajo u bë pjesë e një historie që shtrihet deri në Shtëpinë e Bardhë.

Ferreira është nëna e djalit të vëllait të Karoline Leavitt, sekretarja për media e presidentit amerikan, Donald Trump dhe një nga mbështetëset më të fuqishme të politikës së ashpër imigracioni, raporton cnn.

Arrestimi i saj fillimisht nuk tërhoqi vëmendjen e mediave, duke u dukur si një tjetër rast i deportimit të një imigranteje pa dokumente. Megjithatë, gjatë arrestimit, Ferreira i përmendi disa herë agjentëve se kënd e ka familjar, sipas motrës së saj Graziela Dos Santos Rodrigues.

Administrata e përshkruan Ferreiran si “kriminele e huaj ilegale” e arrestuar për sulm, por avokatët thonë se ajo nuk ka të kaluar kriminale dhe ishte mbrojtur më parë nga deportimi përmes programit DACA, për ata që erdhën në SHBA si fëmijë.

Ferreira (33) aktualisht ndodhet në një qendër paraburgimi ICE në Louisiana dhe përballet me deportimin.

Avokati i saj, Todd Pomerleau, tha se ajo është ende pjesë e jetës së familjes Leavitt dhe se Karoline Leavitt është kumbarja e djalit 11-vjeçar të Ferreiras.

Kjo e fundit kishte ardhur në SHBA me vizë turistike si 6-vjeçare. Avokati thekson se ajo ka aplikuar për "green card" dhe pret prej 27 vitesh.

Ferreira ka rritur djalin në Massachusetts, ku ka pasur një biznes pas divorcit. Babai i fëmijës jeton në New Hampshire.

Djali ka vuajtur shumë pas arrestimit dhe pyet shpesh kur do të kthehet nëna. Avokati dhe familja kanë thënë se nuk kanë marrë ndihmë nga Karoline Leavitt. /Telegrafi/

Ish-presidenti i Brazilit, Jair Bolsonaro, duhet të fillojë vuajtjen e dënimit me 27 vjet burg për një grushti shteti të dështuar, vendosi të martën gjykatësi i Gjykatës së Lartë, Alexandre de Moraes.

Ekipi i mbrojtjes së ish-presidentit kishte zgjedhur të mos apeltote vendimin përfundimtar pas dënimit për grusht shteti në vitin 2022 kundër pasardhësit të tij, presidentit Luiz Inacio Lula da Silva.

Si rezultat, Moraes kërkoi që dënimi të konsiderohej përfundimtar, duke hequr çdo mundësi për apel të mëtejshëm dhe duke vënë në lëvizje dënimin prej 27 vitesh për Bolsonaron, raporton cnn.

Bolsonaro është në selinë e Policisë Federale të Brazilit që nga e shtuna, pasi ai u arrestua për ndërhyrje në hallkën monitoruese në kyçin e këmbës që i ishte vendosur me urdhër gjykate.

Të shtunën, avokatët e Bolsonaros e përshkruan arrestimin e ish-presidentit si “të pajustifikueshëm” dhe pretenduan se shëndeti i tij është në rrezik gjatë periudhës së paraburgimit.

Rasti që e çoi Bolsonaron në burg filloi pak pasi ai humbi garën për rizgjedhje në vitin 2022 ndaj Lula da Silvës. Autoritetet federale thonë se ish-presidenti dhe bashkëpunëtorët e tij pothuajse menjëherë filluan të hartonin një plan të paligjshëm për të mbajtur presidencën, duke çuar ndër të tjera në një sulm dramatik më 8 janar 2023 ndaj godinave qeveritare në Brazilia nga mbështetësit e Bolsonaros.

Pas rizgjedhjes së presidentit të SHBA-ve, Donald Trump - aleat i Bolsonaros - në vitin 2024, Shtetet e Bashkuara filluan së shpejti të komentojnë mbi rastin si një çështje të politikës së jashtme. Në muajin korrik, Trump madje vendosi tarifa të larta mbi disa eksporte braziliane, duke i bërë presion Brazilit të heqë dorë nga ajo që ai e quajti një “gjueti shtrigash” kundër Bolsonaros.

Megjithatë, deri në momentin kur Bolsonaro u mor në paraburgim gjatë fundjavës, Shtëpia e Bardhë kishte krijuar përjashtime nga tarifat për eksportet më të mëdha të Brazilit. I pyetur të shtunën për arrestimin e Bolsonaros, Trump u tha gazetarëve se nuk kishte dëgjuar për të, por se ishte “mëkat”. /Telegrafi/

COP30 u mbyll në Belém të Brazilit me përfundime zhgënjyese, Kolumbia kundërshtoi publikisht heqjen nga teksti final të objektivit për eliminimin gradual të lëndëve djegëse fosile. Ishte një fund i papritur për një konferencë që pritej të ishte historike si, COP-i i zbatimit, COP-i i dekadës së dytë të Marrëveshjes së Parisit, COP-i pas Opinionit […]

The post COP30 pa udhërrëfyes për fosilet, por ka shpresë për tranzicionin energjetik në Ballkan appeared first on BoldNews.al.

Chapecoense është rikthyer në ligën më të lartë të Brazilit. Klubi nga Santa Catarina siguroi ngjitjen në elitën e futbollit në vend në të njëjtën date dhe në të njëjtin stadium, që nëntë vite më parë kishte shënuar kualifikimin e në finalen e “Copa Libertadores”, një moment gëzimi që u pasua nga tragjedia që i mori jetën pothuajse të gjithë ekipin.

Në vitin 2026 do të mbushen dhjetë vjet që nga aksidenti që tronditi futbollin brazilian dhe atë botëror. Klubi, i krijuar nga bashkimi i dy ekipe amatorë kishte arritur lavdinë në vitin 2016 pasi u kualifikua nëinalen e “Libertadores”. Por gjatë rrugës për në Kolumbi, ku do të luhej një nga ndeshjet vendimtare, avioni që mbante skuadrën dhe stafin e klubit u rrëzua, duke vrarë pothuajse të gjithë në bord. 71 persona humbën jetën, ndërsa gjashtë mbijetuan, përfshirë tre lojtarë: Alan Ruschel, Jackson Follman dhe Neto. Pas asaj goditjeje të madhe, skuadra arriti të rindërtohej përballë vështirësive. Atyre iu desh të fillonin shumë gjëra nga e para, megjithatë që nga ai vit filluan një rrugë që i çoi nëpër periudha si në ligën e parë ashtu edhe në të dytën.

Kthimi i tyre në Brasileirão mbart një aluzion mistik. Ndodhi në të njëjtën datë – 23 nëntor – në të cilën ata kishin mposhtur San Lorenzon në gjysmëfinalen e “Copa Libertadores”. Po në stadiumin “Arena Condá” ku tifozët qeshën dhe qanë përsëri, klubi rifitoi vendin e tij në elitën e Brazilit pas katër vitesh.

Ndoshta ishte rastësi, ose mund të ketë fije të pashpjegueshme që lidhin një moment me njëri-tjetrin. E sigurt është se Chapecoense do të rikthehet midis më të mirëve të futbollit brazilian, kur pritet të mbushet një dekadë që nga një prej tragjedive më të mëdha të historisë së sportit.

Në Asamblenë e Unionit të partive të qendrës së djathtë (CDI), e cila zhvilloi punimet në Sao Paulo të Brazilit, u miratua rezoluta e pestë e fuqishme për situatën politike në Shqipëri.

Kryetari i PD, Sali Berisha, u zgjodh zëvendëspresident i organizatës, teksa raportohet se rezoluta ngre alarmin për regresin demokratik në vend, përqendrimin ekstrem të pushtetit, shkrirjen parti–shtet dhe depërtimin e krimit të organizuar në institucionet publike.
Dokumenti thekson se zgjedhjet e 11 majit, sipas OSBE/ODIHR, u karakterizuan nga keqpërdorim masiv i burimeve publike, blerje votash, intimidim dhe drejtësi selektive, duke cënuar garën e lirë dhe të ndershme.

CDI paralajmëron se kapja e shtetit, kontrolli mbi institucionet e drejtësisë, pengimi i komisioneve hetimore parlamentare dhe ndikimi i krimit në ekonomi e zgjedhje e afrojnë Shqipërinë me një model narko–autoritar, i cili paraqet rrezik serioz për sigurinë rajonale dhe procesin e zgjerimit të BE-së.
Rezoluta i bën thirrje BE-së dhe SHBA-ve që procesi i integrimit të Shqipërisë të kushtëzohet me progres të matshëm në sundimin e ligjit, luftën kundër korrupsionit dhe integritetin zgjedhor, kërkon vendosjen e sanksioneve të targetuara ndaj individëve të përfshirë në krim të organizuar dhe korrupsion, si edhe mbështetjen për krijimin e një qeverie teknike që garanton zgjedhje të besueshme.
CDI shpreh solidaritet me qytetarët shqiptarë dhe forcat demokratike që punojnë për rikthimin e pluralizmit, llogaridhënies dhe vlerave evropiane.

The post CDI bisedime në Brazil, i pranishëm Berisha/ Miratohet rezoluta e pestë për situatën politike në vend: Procesi i integrimit të kushtëzohet me… appeared first on Albeu.com.